ತೇಜಸ್ವಿನಿಕ ಕನ್ನಡ ಮಾಧ್ಯಮ ಪ್ರಶಸ್ತಿ ಪ್ರಧಾನ

ಕುಮಟಾ ಗಿಬ್ ಹೈಸ್ಕೂಲಾಂತು ಶಿಕ್ಕೂನು ೨೦೧೧-೧೨ ಸಾಲಾಂತು ಎಸ್.ಎಸ್.ಎಲ್.ಸಿ. ಪಬ್ಲಿಕ್ ಪರೀಕ್ಷೆಂತು ಕುಮ್ಟಾ ತಾಲೂಕಾಕ ಅತ್ಯಧಿಕ ಮಾರ್ಕ್ಸ್ ಘೆತ್ತಿಲೆ ತೇಜಸ್ವಿನಿ ದಿಗಂಬರ ವೆರ್ಣೆಕರ್ ತಾಂಕಾ ಕೂಡಲಸಂಗಮ ಸಭಾಭವನಾಚೆ ಬಸವ ವೇದಿಕೆಂತು ಕನ್ನಡ ಅಭಿವೃದ್ಧಿ ಪ್ರಾಧಿಕಾರಾಚೆ ತರಪೇನ “ಕನ್ನಡ ಮಾಧ್ಯಮ ಪ್ರಶಸ್ತಿ ದೀವ್ನು ಗೌರವ ಕೆಲ್ಲೆ. ಪ್ರಾಧಿಕಾರಾಚೆ ಅಧ್ಯಕ್ಷ ಮುಖ್ಯಮಂತ್ರಿಚಂದ್ರು ತಾಂಗೆಲೆ ಉಪಸ್ಥಿತೀರಿ ಬೆಳಗಾವಿ ಕನ್ನಡ ಆನಿ ಸಂಸ್ಕೃತಿ ಇಲಾಖೆಚೆ ನಿರ್ದೇಶಕ ಶೈಲ ಕರಿಶಂಕರಿ ತಾನ್ನಿ ಪ್ರಶಸ್ತಿ ಪ್ರಧಾನ ಕೆಲ್ಲಿ. ಪ್ರಶಸ್ತಿಂತು ಪ್ರಶಸ್ತಿ ಪತ್ರ, ಸ್ಮರಣಿಕಾ, ರೂ. ೭,೦೦೦/- ನಗ್ದಿ ಆನಿ ಇತರ ವಸ್ತು ಮೇಳ್ನು ಆಸ್ಸ. ಆತ್ತ ಸದ್ಯಾಕ ಹೀ ಡಾ. ಎ.ವಿ.ಬಾಳಿಗಾ ಪದವಿ ಪೂರ್ವ ವಾಣಿಜ್ಯ ಮಹಾ ವಿದ್ಯಾಲಯಾಂತು ಪಯಲೆ ಪಿ.ಯು.ಸಿ.ಂತು ಶಿಕ್ತಾ ಆಸ್ಸ. ತೀ ಭಟ್ಕಳ ಸಾರಿಗೆ ಡಿಪೋಚೆ ನಿರ್ವಾಹಕ ಡಿ.ಎಸ್.ವರ್ಣೆಕರ್ ತಾಂಗೆಲೆ ಧೂವ ಆನಿ ಭಾರತೀಯ ಜೀವವಿಮಾ ನಿಗಮಾಚೆ ಮ್ಹಾಲಗಡೆ ಪ್ರತಿನಿಧಿ ಜಾವ್ನಾಸ್ಸುಚೆ ಶ್ರೀ ಶಂಕರ ಲಕ್ಷ್ಮಣ ವೆರ್ಣೇಕರ ಹಾಂಗೆಲೆ ನಾತಿ ಜಾವ್ನಾಸ್ಸ. ಸರ್ವಾನಿ ಹಿಕ್ಕಾ ಅಭಿನಂದನ ಪಾವೈಲಾ. ಸರಸ್ವತಿ ಪ್ರಭಾ ಹಿಕ್ಕಾ ದೇವು ಬರೆಂ ಕೊರೊಂ ಮ್ಹಣತಾ.

ಶ್ರೀ ಎಮ್.ಜಿ.ಎಮ್ ದೇವಳ, ಶಿರಾಲಿ

ಶಿರಾಲಿಚೆ ಶ್ರೀ ಮಹಾಗಣಪತಿ ಮಹಾಮಾಯಾ ದೇವಳಾಂತು ವಾರ್ಷಿಕ ರಥೋತ್ಸವು ತಾ. ೧೪-೧೨-೨೦೧೨ ದಾಕೂನು ೨೨-೧೨-೨೦೧೨ ಪರ್ಯಂತ ಚೊಲಚೆ ಆಸ್ಸ ಮ್ಹಣಚೆ ಖಬ್ಬರ ಮೆಳ್ಳಾ. ಹೇ ಸಂದರ್ಭಾರಿ ಬ್ರಹ್ಮರಥೋತ್ಸವು ತಾ. ೨೧-೧೨-೨೦೧೨ ದಿವಸು ಆನಿ ಅವಭೃತೋತ್ಸವು ತಾ. ೨೨-೧೨-೨೦೧೨ ದಿವಸು ಚಲ್ತಾ. ನೈಶಿ ಹೇಂಚಿ ವೇಳ್ಯಾರಿ ತಾ. ೨೧-೧೨-೨೦೧೨ ದಿವಸು ಕುಳಾವಿ ಮಹಾಸಭಾ (ಜನರಲ್ ಬಾಡಿ ಮೀಟಿಂಗ್) ಸೈತ ಚಲ್ತಾ. ಹೇ ಸಂದರ್ಭಾರಿ ವಿಶೇಷ ಪಾತ್ರಿ ದರ್ಶನ ಸೇವಾ ಉಪಲಬ್ಧ ಆಸ್ಸುನು ತಾ. ೧೬-೧೨-೨೦೧೨, ೨೦-೧೨-೨೦೧೨ ಆನಿ ೨೨-೧೨-೨೦೧೨ ದಿವಸು ದರ್ಶನ ಸೇವಾ ಆಸ್ಸ. ಶ್ರೀ ದೇವಳಾಚೆ ವಾರ್ಷಿಕ ರಥೋತ್ಸವ ವೇಳ್ಯಾರಿ ಸೇವಾ ಪಾವೈಚಾಕ ಆಸಕ್ತ ಕುಳಾವಿ ಯಾ ಇತರ ಭಕ್ತ ಬಾಂಧವಾನಿ ಚಡ್ತೆ ಮಾಹಿತಿ ಖಾತ್ತಿರಿ ದೇವಳಾಚೆ ಪೋನ್ ನಂ. ೦೮೩೮೫-೨೫೮೪೭೪/ ೨೫೮೨೭೪ ಹಾಂಗಾಕ ಸಂಪರ್ಕ ಕೊರಯೇತ.  ವರ್ಷಂಪ್ರತಿ ಮ್ಹಣಕೆ ಶ್ರೀ ಮಹಾಗಣಪತಿ ಮಹಾಮಾಯಾ ದೇವಳ, ಶಿರಾಲಿ ಹಾಂಗಾ ೨೩ ವರ್ಷಾಚೆ “ಸಾಮೂಹಿಕ ಉಪನಯನ ಸಂಸ್ಕಾರ ಸಮಾರಂಭ ಶ್ರೀ ವಿಜಯ ನಾಮ ಸಂವತ್ಸರಾಚೆ ಅಕ್ಷಯ ತದಿಗೆ ದಿವಸು ಆಯೋಜನ ಕೊರಚಾಕ ಠರೈಲೆ ಆಸ್ಸುನು ಆಸಕ್ತ ಕುಳಾವಿ ಮಹಾಜನಾನ ತಾಂಗೆಲೆ ಆನಿ ಮುಂಜಿ ವ್ಹರೆತಾಲೆ ನಾಂವ, ಗೋತ್ರ, ನಕ್ಷತ್ರ, ರಾಶಿ ಇತ್ಯಾದಿ ವಿವರ ಎಪ್ರಿಲ್ ೫ ೨೦೧೩ ಭಿತ್ತರಿ ದೇವಳಾಚೆ ಆಫೀಸಾಂತು ನೋಂದ ಕೊರಕಾ ಮ್ಹೊಣು ಕಳೈಲಾ. ಚಡ್ತೆ ಮಾಹಿತಿ ಖಾತ್ತಿರಿ ಪೋನ್ ನಂ. ೦೮೩೮೫-೨೫೮೪೭೪/ ೨೫೮೨೭೪ ಹಾಂಗಾಕ ಸಂಪರ್ಕ ಕೊರಯೇತ.