ತೆಂಬರೆ ಕೊಂಕಣಿ ಅನುವಾದ ಲೋಕಾರ್ಪಣ

ಸಾಹಿತಿ, ರಾಜಕಾರಣಿ, ಕೇಂದ್ರಸಚಿವ ಸನ್ಮಾನ್ಯ ಡಾ. ಎಂ ವೀರಪ್ಪ ಮೊಯಿಲಿನ ಬರಯಿಲೆ ಕನ್ನಡ ಕಾದಂಬರಿ ತೆಂಬರೆ ಪುಸ್ತಕಾಚೆ ಕೊಂಕಣಿ ಅನುವಾದಿತ ತೆಂಬರೆ ಕೃತಿಚೆ ಲೋಕಾರ್ಪಣ ಸಮಾರಂಭ ೧೧-೧೧-೨೦೧೨ ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾಂತು ಭಾರೀ ಚಂದ ರೀತೀರಿ ಚಲ್ಲೆ. ಕೇಂದ್ರ ಸರಕಾರ ನೈಸರ್ಗಿಕ ಅನಿಲ ಖಾತೆ ಸಚಿವ ಆನಿ ಕಾದಂಬರಿಕಾರ ಮಾನೆಸ್ತ ಡಾ. ಎಂ. ವೀರಪ್ಪ ಮೊಯಿಲಿನ ತೆಂಬರೆ ಕೊಂಕಣಿ ಅನುವಾದ ಕೃತಿ ಲೋಕಾರ್ಪಣ ಕೆಲ್ಲೆಂ. ಡಾ. ನರೇಂದ್ರ ರೈ ದೇರ್ಲ (ಮುಖ್ಯಸ್ಥ, ಕನ್ನಡ ವಿಭಾಗ, ಡಾ. ಶಿವರಾಮ ಕಾರಂತ ಪದವಿ ಕಾಲೇಜು, ಬೆಳ್ಳಾರೆ) ಹಾನ್ನಿ ಸಮಾರಂಭಾಚೆ ಮುಖೇಲ ಸೊಯ್ರೆ ಜಾವನ ಭಾಗಿ ಆಶಿಲಿ. ವಿಶ್ವ ಕೊಂಕಣಿ ಕೇಂದ್ರಾಚೆ ಸ್ಥಾಪನಾಧ್ಯಕ್ಷ, ಕೊಂಕಣಿ ಸರದಾರ ಬಸ್ತಿ ವಾಮನ ಶೆಣೈ ಹಾಂಗೆಲೆ ಅಧ್ಯಕ್ಷಪಣಾರಿ ಸಮಾರಂಭ ಚಲ್ಲೆ. ವಿಶ್ವ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಚೆಯರ್‌ಮ್ಯಾನ ಮಾನೆಸ್ತ ಉದಯ ಎಲ್ ಭೆಂಬ್ರೆ, ವಿಶ್ವ ಕೊಂಕಣಿ ಕೇಂದ್ರದ ಕಾರ್‍ಯದರ್ಶಿ ಮಾನೆಸ್ತ ವೆಂಕಟೇಶ ಎನ್. ಬಾಳಿಗಾ, ವಿಶ್ವ ಕೊಂಕಣಿ ಕೇಂದ್ರಾಚೆ ಖಜಾಂಚಿ ಮಾನೆಸ್ತ ಕುಡ್ಪಿ ಜಗದೀಶ ಶೆಣೈ, ಮಾನೆಸ್ತ ರಘುನಾಥ ಶೇಟ್, ಇತರ ಗಣ್ಯ ವ್ಯಕಿ ಉಪಸ್ಥಿತ ಆಶಿಲೆ. ಹ್ಯಾ ಸಂಧರ್ಭಾರಿ ತೆಂಬರೆ ಕೊಂಕಣಿಕ ಅನುವಾದ ಕೆಲೆಲೆ ಮಾನೆಸ್ತ ರಮೇಶ ಲಾಡ ಹಾಂಕಾ ಡಾ. ಎಂ. ವೀರಪ್ಪ ಮೊಯೊಲಿನ ಸನ್ಮಾನ ಕೆಲೆಂ. ವಿಶ್ವ ಕೊಂಕಣಿ ಕೇಂದ್ರಾಚೆ ಟ್ರಸ್ಟಿ ಮಾನೆಸ್ತ ನರೇಶ ಆರ್ ಕಿಣಿ ಹಾನ್ನಿ ವಂದನಾರ್ಪಣ ಕೆಲೆಂ.

ವಿಶ್ವ ಕೊಂಕಣಿ  ಅತ್ಯುತ್ತಮ ಪುಸ್ತಕ ಪುರಸ್ಕಾರ

ಶ್ರೀಮತಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಪುಸ್ತಕ ಪುರಸ್ಕಾರ -೨೦೧೨ ಕ ಗೊಂಯಚೆ ಖ್ಯಾತ ಸಾಹಿತಿ, ಮಾನೆಸ್ತ ಪುಂಡಳೀಕ ಎನ. ನಾಯಕ ಹಾನ್ನಿ ಬರಯಿಲೆ ರಂಗ ಕಾವ್ಯ ನಾಟಕಾಚೆ ಸಂಕಲನ ವಿಂಚುನ ಆಯಲಾ. ಪ್ರಶಸ್ತಿ ರೂ. ೧.೦೦ ಲಾಖ ಬಹುಮಾನ ಆನಿ ಮಾನಪತ್ರ ಜಾವನು ಆಸಾ. ತಶ್ಶೀಚಿ ಕೊಂಕಣಿ ಭಾಷಾ ಚಳವಳಿಚೆ ಮುಖೇಲ, ಮ್ಹಾಲ್ಗಡೆ ಕೊಂಕಣಿ ಸಾಹಿತ್ಯಕಾರ, ವಾಗ್ಮಿ ಗೊಂಯಚೆ ಮಾನೆಸ್ತ ಉದಯ ಎಲ್. ಭೆಂಬ್ರೆ ಹಾಂಕಾ ವಿಶ್ವ ಕೊಂಕಣಿ ಜೀವನ ಸಾಧನ ಪುರಸ್ಕಾರಾಕ ವೆಂಚಿಲ್ಯಾ.
ತಾ. ೧೨-೧೨-೨೦೧೨ ಮಂಗಳೂರಾಂತ ಚಲಚಾ ಪ್ರಶಸ್ತಿ ಪ್ರದಾನ ಸಮಾರಂಭಾಂತ ಬೆಂಗ್ಳೂರಚಾ ಸಂಸ್ಕೃತ ವಿಶ್ವ ವಿದ್ಯಾಲಯದ ಕುಲಪತಿ ಪ್ರೊ. ಮಲ್ಲೇಪುರಂ ಜಿ. ವೆಂಕಟೇಶರ ಹಾನ್ನಿ  ಪ್ರಶಸ್ತಿ ಪ್ರದಾನ ಕರತಾತ. ಪ್ರಶಸ್ತಿಚೆ ದಾತೃ ಮಾನೆಸ್ತ ಟಿ.ವಿ.ಮೋಹನದಾಸ ಪೈ ಸಮಾರಂಭಾಂತ ಹಾಜರ ಆಸತಲೆ.
ಮಾನೆಸ್ತ ಪುಂಡಲೀಕ ಎನ. ನಾಯಕ  ೨೦೦೨-೨೦೦೮ ವರೆನ ಗೋವಾ ಕೊಂಕಣಿ ಅಕಾಡೆಮಿಚೆ ಅಧ್ಯಕ್ಷ ಜಾವನ ಆಶಿಲೆ. ತಾನ್ನಿ ಅನೇಕ ಕೊಂಕಣಿ ನಾಟಕ, ಕಾದಂಬರಿ ಬರೊವನ ಜನಪ್ರಿಯ ಜಾಲ್ಯಾತಿ. ಮಾನೆಸ್ತ ಪುಂಡಲೀಕ ಎನ. ನಾಯಕ ಹಾನ್ನಿ ಬರಯಲ್ಯಾ ಕೊಂಕಣಿ ನಾಟಕ ಮೊರ್ನೊಕೊಟ್ಟೊ ಆಕಾಶವಾಣಿ ಆಲ್ ಇಂಡಿಯಾ  ಪ್ರಶಸ್ತಿ ಪ್ರಾಪ್ತ  ಜಾಲ್ಯಾ. ಚೌರಂಗ ಪುಸ್ತಕಾಕ ೧೯೮೪ ಇಸವಿಂತ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪಾಪ್ತ ಜಾಲ್ಯಾ.  ಹಾಂಕಾ ೨೦೧೦ ಇಸವಿಂತ ಕಲಾ ಅಕಾಡೆಮಿಚೆ ಜೀವನ ಸಾಧನಾ ಪುರಸ್ಕಾರಯ ಲಾಭಲ್ಯಾ. ರಂಗ ಕಾವ್ಯ  ಕೊಂಕಣಿ ೫ ನಾಟಕಾಚೆ ಸಂಕಲನ ಜಾವನ ವ್ಯಶಿಷ್ಟ್ಯಪೂರ್ಣ ಜಾವನ ಆಸಾ

ಶ್ರೀ ವೆಂಕಟರಮಣ ಮಂದಿರ, ಹುಬ್ಬಳ್ಳಿ

ಹುಬ್ಬಳ್ಳಿಚೆ ಶ್ರೀ ಕಾಶೀಮಠ ವೆಂಕಟರಮಣ ಮಂದಿರಾಂತು ನವೆಂಬರ್ ೧೮ ದಾಕೂನು ೨೫ ಪರ್ಯಂತ ಸಕ್ಕಾಣಿಪೂಡೆ ೫ ಗಂಟ್ಯಾಕ ಜಾಗರಣ ಪೂಜಾ ಆನಿ ತಾ. ೨೪-೧೧-೨೦೧೨ಕ ಕಾರ್ತಿಕ ಏಕಾದಶಿ, ಸಾಂಜ್ವಾಳಾ ೬ ಗಂಟ್ಯಾ ದಾಕೂನು ಅಹೋರಾತ್ರಿ ಭಜನಾ ಕಾರ್ಯಕ್ರಮ, ತಾ. ೨೫-೧೧-೨೦೧೨ ದಿವಸು ಉತ್ಥಾನ ದ್ವಾದಶಿ, ತುಳಸಿ ಲಗ್ನ ಆನಿ ಶ್ರೀ ದೇವಾಲೆ ಚಾತುರ್ಮಾಸ ಮುಕ್ತಾಯ ಇತ್ಯಾದಿ ಕಾರ್ಯಕ್ರಮ ಅಪಾರ ಸಮಾಜ ಬಾಂಧವ ಆನಿ ಹರಿ ಭಕ್ತಾಂಗೆಲೆ ದಿವ್ಯ ಉಪಸ್ಥಿತೀರಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ.
ನೃಪತುಂಗ ಗುಡೆಚೆ ಮಾಕಶಿ ಬಗಲೇನ ಆಸ್ಸುಚೆ  ಶ್ರೀ ಕಾಶೀಮಠ ವೆಂಕಟರಮಣ ಮಂದಿರರಾಂತು ಡಿಸೆಂಬರ್ ೨೩, ೨೦೧೨ ಆಯ್ತವಾರು "ವೈಕುಂಠ ಏಕಾದಶಿ" ಆಚರಣ ಕರತಾತಿ. ತ್ಯಾ ದಿವಸು ಸಕ್ಕಾಣಿ ಪೂಡೆ ೬ ಗಂಟ್ಯಾಚಾನ ರಾತ್ತಿಚೆ ೯ ಗಂಟ್ಯಾ ಪರ್ಯಂತ ಶ್ರೀ ದೇವಾಲೆ ದರ್ಶನಾಕ ಅವಕಾಶ ಆಸ್ಸ. ತ್ಯಾ ದಿವಸು ಭಜನ, ಭಕ್ತಿ ಸಂಗೀತ, ಸ್ತೋತ್ರ ಪಠಣ, ಶ್ರೀ ವಿಷ್ಣು ಸಹಸ್ರನಾಮ ಪಠಣ ಇತ್ಯಾದಿ ವಿಶೇಷ ಸೇವಾ ಚೊಲಚೆ ಆಸ್ಸ. ಭಕ್ತ ಲೋಕಾನಿ ತ್ಯಾ ದಿವಸು ದೇವಾಲೆ ದರ್ಶನ ಕೋರ್ನು ಹರಿ ಕೃಪೇಕ ಪಾತ್ರ ಜಾವ್ಯೇತ.
-Sಚಿಟಿಜesh ಏಚಿmಚಿಣh, m: ೯೮೮೬೯೧೪೭೪೮