ತೋನ್ಸೆ ಪೈ ಫೇಮಿಲಿ ಟ್ರಸ್, ತೋನ್ಸೆ  ತೋನ್ಸೆಂತು ಧಾರ್ಮಿಕ ಚಿಂತನ

ತೋನ್ಸೆ ಪೈ ಕುಟುಂಬಸ್ಥಾನಿ ನಿರಂತರ ಘೆಲೇಲೆ ಸಬಾರ ವರ್ಷಾಚಾನ ಪ್ರತೀ ಮ್ಹಹಿನೋ  ಶ್ರೀ ಸತ್ಯನಾರಾಯಣ ವೃತ ಆಯೋಜನ ಕರ್ತಾ ಆಸ್ಸುನು ೧೩೮ಚೆ ವೃತ ಉಡುಪಿ   ಟಿ. ಪಾಂಡುರಂಗ ಪೈಂಗೆಲೊ ಪೂತು ಟಿ. ಅರವಿಂದ ಪೈ ಸೇವಾದಾರ ಜಾವ್ನು ಹೇಂಚಿ ನವಂಬರ್ ೨೫ಕ ತೋನ್ಸೆಂತು ಚಲ್ಲೆ. ಶ್ರೀ ಮಹಾಲಸಾ ನಾರಾಯಣೀ ಭಜನಾ ಮಂಡಳಿ, ತೋನ್ಸೆ ಹಾಂಗೆಲ ದಾಕೂನು ಭಜನಾ ಸೇವಾ ಚಲ್ಲೆ. ಮಂಡಳಿ ಮುಖೇಲ ಕೆ. ಗಣೇಶ್ ಎಮ್. ಕಾಮತ್ ಹಾಂಕಾ ಸಂಮಾನ ಕೆಲ್ಲೆ. ಕಾರ್ಯಕಮಾಂತು ಕಲ್ಯಾಣಪುರ ಶ್ರೀ ವೆಂಕಟರಮಣ ದೇವಳಾಚೆ  ಟಿ. ಪಾಂಡುರಂಗ ಕಿಣಿ, ಬಸ್ರೂರು ಶ್ರೀ ಮಹಾಲಸಾ ನಾರಾಯಣೀ ದೇವಳಾಚೆ ಧರ್ಮದರ್ಶಿ ಟಿ. ಸದಾನಂದ ಪೈ, ಬೈದೇಬೆಟ್ಟು  ಶ್ರೀ ರಾಮ ಮಂದಿರಾಚೆ ಬಿ. ಮೋಹನ್‌ದಾಸ್ ಪೈ, ಭದ್ರಗಿರಿ ಶ್ರೀ ವೀರವಿಠ್ಠಲ ದೇವಳಾಚೆ ಧರ್ಮದರ್ಶಿ ಟಿ. ರಮೇಶ್ ಪೈ ಆನಿ ಚಂದ್ರಕಾಂತ್ ಎಮ್. ಪ್ರಭು, ಸಂಗೀತ ಸಭಾಚೆ ಕಾರ್ಯದರ್ಶಿ ಟಿ. ಅಜಿತ್ ಪೈ ಉಡುಪಿ, ಶ್ರೀನಿವಾಸ್ ಕಾಮತ್ ಪೆರ್ಡೂರು, ಮುಂಡಾಸಿ ಸುಧಾಕರ್ ಪೈ ಉಡುಪಿ, ಉಮೇಶ್ ನಾಯಕ್ ಉಡುಪಿ ಹಾಂಕಾ ಯೇವ್ಕಾರ ಕೆಲ್ಲೆ.  ಧಾರ್ಮಿಕ ಕಾರ್ಯಕ್ರಮಾಚೆ ಅಧ್ಯಕ್ಷತಾ ಡಾ. ಕೆ. ಪದ್ಮನಾಭ ಕೇಕುಣ್ಣಾಯ ತಾನ್ನಿ ಘೆತ್ತಿಲೆ. ಹಾನ್ನಿ ಗೀತಾಶ್ಲೋಕಾಚೆ ವಿವರಣ ದಿಲ್ಲಿಂತಿ. ಸೊಯರೆ ಜಾವ್ನು ಕೆ. ಸುರೇಶ್ ಪೈ ಕಲ್ಯಾಣಪುರ, ಟಿ. ಚಿತ್ರಾನಂದ ಪೈ ಮಸ್ಕತ್ ಆನಿ ಹೇ ವೃತಾಚೆ ಸೇವಾದಾರ  ವೇದಿಕೆರಿ ಉಪಸ್ಥಿತ ಆಶ್ಶಿಲೆ. ಜಡಭರತ ಶರ್ಮ ಕಟಪಾಡಿ ದಾಕೂನು ಸುಧೀಂದ್ರವಾಣಿಚೆ ವಿಶ್ಲೇಷಣ ಕೊರಚೆ ಬರಶಿ  ರಾಧಾಕೃಷ್ಣ ಪ್ರಭು ಕಾಪ ಹಾಂಗೆಲೊಟ್ಟು ಕಾರ್ಯಕ್ರಮಾಚೆ ನಿರ್ವಹಣ ಕೆಲ್ಲಿ.  ಟಿ. ದೇವದಾಸ ಪೈ ದಾಕೂನು ಸ್ವಸ್ತಿವಾಚನ, ಟಿ. ಪ್ರಭಾಕರ ಪೈ ದಾಕೂನು ಯೇವ್ಕಾರ ಚಲ್ಯಾರಿ. ಟಿ. ಗಣೇಶ್ ಪೈ ಹಾನ್ನಿ ಆಬಾರ ಮಾನಲೆ. ೧೩೯ಚೆ ಸತ್ಯನಾರಾಯಣ ವೃತಾಚೆ ಸೇವಾದಾರ ಟಿ. ಹರಿಕೃಷ್ಣ ಪೈ ಉಡುಪಿ ಮ್ಹೊಣು ಪ್ರಕಟಣೆಂತು ಕಳೈಲಾ.
ನಾಮಜಪ ಅಭಿಯಾನ : ಶ್ರೀ ಶಾಂತೇರಿ ಮಹಾಲಸಾ ನಾರಾಯಣ್ಯೈ ನಮ: ನಾಮಜಪ ಅಭಿಯಾನ ತಾ. ೧೪.೦೧.೨೦೧೩ ದಾಕೂನು ತಾ. ೦೯.೧೧.೨೦೧೩ ಪರ್ಯಂತ  ೩೦೦ ದಿವಸ ಕಾಳ ಚೊಲಚೆ ಆಸ್ಸುನು, ಜಪಧಾರಿಂಕ ಪ್ರತಿ ನಿತ್ಯ ಜಪು ಮೋಣು, ದಾಖಲ ಕೋರ್ನು ದವರಚೆ ಖಾತ್ತಿರಿ ೩೦೦ ಕಾಲಂ ಆಸ್ಸುಚೆ ಪುಸ್ತಕ ೨೦೧೨ ದಶಂಬರ ಅಖೈರಿ ಭಿತ್ತರಿ ದಿತ್ತಾತಿ. ಚಡ್ತ ಮಾಹಿತಿ ಖಾತ್ತಿರಿ  ಕುಟುಂಬಾಚೆ ಸಂಘಟಕಾಂಕ ಸಂಪರ್ಕು ಕೊರಯೇತ.
ಶ್ರೀ ಸತ್ಯನಾರಾಯಣ ಶತೋತ್ತರ ಪಂಚಾಶತ್ ಮಹೋತ್ಸವ
ಶ್ರೀ ದೇವಾಲೆ ಪ್ರೀತ್ಯರ್ಥ ಆನಿ ಕುಟುಂಬಸ್ಥಾಲೆ ಶ್ರೇಯಸ್ಸಾ ಖಾತ್ತಿರಿ ತೋನ್ಸೆ ಪೈ ಫೇಮಿಲಿಚಾನ  ಸುರುವಾತ ಕೆಲೀಲೆ ಶ್ರೀ ಸತ್ಯನಾರಾಯಣ ವ್ರತ ಹರ ಮ್ಹಹಿನೋ ಚಲ್ತಾ ಆಸ್ಸುನು, ಮುಖಾರಿ ವರ್ಷ ೧೫೦ಚೆ ವ್ರತ ಚೊಲಚೆ ಆಸ್ಸ, ತ್ಯಾ ವೇಳ್ಯಾರಿ ತೀನಿ ದಿವಸು ಕಾಳ ವಿಂಗವಿಂಗಡ ಧಾರ್ಮಿಕ ತಥಾ ಸಾಂಸ್ಕೃತಿಕ ಕಾರ್ಯಾವಳಿ ಆಯೋಜನ ಕೊರಚಾಕ “ತೋನ್ಸೆ ಪೈ ಫೇಮಿಲಿ ಟ್ರಸ್ಟಾಚಾನ ಠರೈಲಾ.  ತಾ. ೨೨.೧೧.೨೦೧೩ ಶುಕ್ರವಾರ ಶ್ರೀ ವಿಷ್ಣುಸಹಸ್ರನಾಮ ಯಜ್ಞ ; ತಾ. ೨೩.೧೧.೨೦೧೩ ಶನ್ವಾರ ಶ್ರೀ ಗೀತಾ ಯಜ್ಞ ತಶ್ಶೀಚಿ ತಾ. ೨೪.೧೧.೨೦೧೩ ಆಯ್ತವಾರ ಕುಲದೇವಿ ಜಗನ್ಮಾತಾ ಶ್ರೀ ಶಾಂತೇರಿ ಮಹಾಲಸಾ ನಾರಾಯಣೀ ಮಹಾಯಾಗ ಆನಿ ೧೫೦ಚೆ ಶ್ರೀ ಸತ್ಯನಾರಾಯಣ ವ್ರತ.
ಕಾರ್ಯಕ್ರಮಾಚೆ ಭಾಗ ಜಾವ್ನು ಸಾಂಸ್ಕೃತಿಕ ಕಾರ್ಯಕ್ರಮಚಲ್ತಾ. ನ್ಹಂಹಿಸಿ ಉಡುಪಿ ಜಿಲ್ಲೆಚೆ ಚರ್ಡುಂವಾ ಖಾತ್ತಿರಿ ಗೀತ ಕಂಠಪಾಠ ಸ್ಪರ್ಧೆ, ಯೋಗ ಸ್ಪರ್ಧೆ, ಚಿತ್ರಕಲಾ ಸ್ಪರ್ಧೆ ಘಾಲ್ನು ಘೆವಚೆ ಆಸ್ಸ ಖಂಯಿ. ಹೇ ಪಯಲೆ ಕುಲದೇವಿಲೆ ೫ ಕೋಟಿ ಆನಿ ೭ ಕೋಟಿ ನಾಮಜಪ ಯಜ್ಞ ಚಲೀಲೆ ಆಸ್ಸ. ಹೇ ಜಪ ತಾ. ೧೪-೦೧-೨೦೧೩ ದಿವಸು ಸುರುವಾತ ಕೋರ್ನು ೯-೧೧-೨೦೧೩ ಪರ್ಯಂತ ಒಟ್ಟು ೩೦೦ ದಿವಸಾಂತು ೧೦ ಕೋಟಿ  ನಾಮ ಜಪ ಕೊರಚೆ ಸಂಕಲ್ಪ ತೋನ್ಸೆ ಕುಟುಂಬಾಚೆ ಜಾವ್ನಾಸ್ಸ. ತೋನ್ಸೆ, ತೆಂಕನಿಡಿಯೂರು, ಬಡಾನಿಡಿಯೂರು, ಕೆಮ್ಮಣ್ಣು, ಮಲ್ಪೆ, ತೊಟ್ಟಾಂ, ಬೈದೇಬೆಟ್ಟು, ಆಗುಂಬೆ, ಸಾಸ್ತಾನ - ಬಾರ್ಕೂರು, ಬ್ರಹ್ಮಾವರ, ಗೋವಾ, ಬಗ್ಗರ್‌ಬೆಟ್ಟು, ಪಡಮನ್ನೂರು (ಕುಂದಾಪುರ), ಗಂಗೊಳ್ಳಿ ಪೈ ಕುಟುಂಬಸ್ಥಾಲೆ ಆನಿ ಬಂಧು-ಬಾಂಧವಾಲೆ ಸಹಕಾರಾನಿ ಹಾಂತು ಯಶ ಪಾವ್ಚೆ ವಿಶ್ವಾಸು “ತೋನ್ಸೆ ಪೈ ಫೇಮಿಲಿ ಟ್ರಸ್ಟಾಚಾಂಕ  ಆಸ್ಸ. ೨೦೧೧ಂತು ಇಷ್ಟ ದೇವು ಜಾಲೀಲೊ ಶ್ರೀ ವೆಂಕಟೇಶಾಲೆ ೭ ಕೋಟಿ ನಾಮಜಪಾಚೆ ಸಂಕಲ್ಪ ಕೆಲೀಲೆ. ಜಾಲ್ಯಾರಿ ನಿರೀಕ್ಷೆ ಪಶಿ ಚ್ಹಡ ೧೪ ಕೋಟಿ ನಾಮ ಜಪ ಚಲ್ಲೆ. ಹೇ ಕಾರ್ಯಕ್ರಮಾಕ ಕುಟುಂಬಸ್ಥಾನ ಚ್ಹಡ ಸಂಖ್ಯಾರಿ ವಾಂಟೊ ಘೆವ್ಕಾ ಮ್ಹೊಣು ವಿನಂತಿ ಆಸ್ಸ.