ಅನಂತ ವೈದಿಕ ಕೇಂದ್ರಾ ತರಪೇನ ಚಾರಿ ಧಾರ್ಮಿಕ ಸಿ.ಡಿ.

ಮನುಷ್ಯು ಆಪಣಾಲೆ ಶರೀರ ಪೋಷಣೆ ಖಾತ್ತಿರ ಪೌಷ್ಠಿಕಾಂಶ ಆಸ್ಸುಚೆ ಆಹಾರ ಖಾತ್ತಾ. ಹಾಂತು ವಿಟಾಮಿನ್ಸ್ ಆಸ್ಸ, ತಾಂತು ಪ್ರೋಟಿನ್ಸ್ ಆಸ್ಸ, ಆನ್ನೇಕಾಂತು ಮಿನರಲ್ಸ್ ಆಸ್ಸ ಮ್ಹೊಣು ತ್ಯಾ ಪೂರಾ ಸೊದ್ದುನು ಹಾಣು ಕಾತ್ತಾ. ಶರೀರಾಚೆ ಆರೋಗ್ಯ ಖಾತ್ತಿರಿ ವಾಕಿಂಗ್ ಕರ್ತಾ, ವ್ಯಾಯಾಮು, ಡಯಟಿಂಗ್ ಕರ್ತಾ... ಒಟ್ಟಾರೆ ಆಪ್ಪಣ ಸುದೃಢ ಜಾವ್ನು ಆಸ್ಸುಕಾ, ಖಂಚೇಯಿ ಕಾಯ್ಲೊ, ಶಾರೀರಿಕ ಉಪದ್ರವ ಆಪಣಾಲೆ ಲಾಗ್ಗೀ ಎವಚಾಕ ನಜ್ಜ ಮ್ಹೊಣು ತೊಂ ಮುಂಜಾಗೃತ ಘೇವ್ನು ಅಶ್ಶಿ ಕರ್ತಾ. ಜಾಲ್ಯಾರಿ ಮುನುಷ್ಯು ಮ್ಹಳಯಾರಿ ಖಾಲಿ ಶರೀರ ಮಾತ್ರವೇ? ನ್ಹಂಹಿ ಚೈತನ್ಯ ಆನಿ ಜಡ ಮೇಳ್ನೂ ಮನುಷ್ಯು ಜಾವ್ಚೆ. ಚೈತನ್ಯಾಕ ಆಮ್ಮಿ ಆತ್ಮು ಮ್ಹಣತಾತಿ. ಆತ್ಮು ಸ್ವತಂತ್ರವೇ? ನ್ಹಂಹಿ. ತಾಕ್ಕಾ ಮನ, ಬುದ್ಧಿ ಆನಿ ಇಂದ್ರಿಯಾಚೆ ಬಂಧನ ಆಸ್ಸ. ಹೇ ಮನ, ಬುದ್ಧಿ ಆನಿ ಇಂದ್ರಿಯಾಕ ಸುಸ್ಥಿತಿಂತು ದವರೂನು ಘೆವಚಾಕ ಆಮ್ಮಿ ಬೌದ್ಧಿಕ ಪೋಷಕಾಂಶ ಘೇವ್ಕಾ ಜಾತ್ತಾ. ತ್ಯಾಂಚಿ ಆಧ್ಯಾತ್ಮ, ಪರಭ, ಪುರಾಣ, ಪುಣ್ಯಕಥಾ, ಮನರಂಜನ, ವಾಚನ ಇತ್ಯಾದಿ.
ಘೆಲೇಲೆ ಮಸ್ತ ವರ್ಷಾಚಾನ ಲೋಕಾಲೆ ಹೇ ಬೌದ್ಧಿಕ ಬೂಖಿ ನಿವೈಚಾಂತು ಆಡಿಯೋ ಕ್ಯಾಸೇಟ, ಸಿ.ಟಿ., ವಿಡೀಯೊ ಕ್ಯಾಸೆಟ್, ಪುಸ್ತಕ ಪ್ರಿಂಟ್ ಕೋರ್ನು ದೇಶ ವಿದೇಶಾಂತು ಪ್ರಖ್ಯಾತ ಜಾಲೀಲೆ ಉಡ್ಪಿಚೆ ವೇ.ಮೂ. ರಾಮಚಂದ್ರ ಅನಂತ ಭಟ್ ಹಾನ್ನಿ. ಪುರಾತನ ಗಿಂಡಿ ನರ್ತಕ ಕೆಲೆ ವರೋಚೆ ಖಾತ್ತಿರಿ ಥೊಡೆ ವರ್ಷಾ ಪಯಲೆ ಹಾನ್ನಿ ತ್ಯಾ ಶಿಕ್ಕೂನು, ಏಕ ತಂಡ ಬಾಂದೂನು ಘೇವ್ನು ಆಮಗೇಲೆ ರಾಜ್ಯ ಮಾತ್ರ ನ್ಹಂಹಿಸಿ  ಬಾಯಚೆ ರಾಜ್ಯಾಂತು ಸೈತ ಘೂವ್ನು ತಾಜ್ಜ ಪ್ರದರ್ಶನ ದೀವ್ನು ಆಯ್ಯಿಲೆ ಆಸ್ಸ. ಮುಖಾರಿ ಆಮಗೇಲೆ ಧರ್ಮ, ಸಂಸ್ಕೃತಿ, ಸಂಸ್ಕಾರ ಖಾತ್ತಿರಿ ಆಯಚೆ ನವೀನ ಪೀಳ್ಗೆಕ ಮಾಹಿತಿ ಕೋರ್ನು ದಿವ್ಕಾ ಮ್ಹಣಚೆ ಮಹೋದ್ದೇಶಾನ ಹಾನ್ನಿ ಪುಸ್ತಕ, ಕ್ಯಾಸೇಟ್, ಸಿ.ಡಿ. ಮುಖಾಂತರ ಧಾರ್ಮಿಕ ಪ್ರಚಾರ ಕೊರಚಾಕ ಲಾಗಲಿಂತಿ. ಆನಿ ತಾಜ್ಜ ಖಾತ್ತಿರಿ “ಅನಂತ ವೈದಿಕ ಕೇಂದ್ರ ಮ್ಹಣಚೆ ಸಂಸ್ಥೆಯಿ ಆರಂಭ ಕೆಲ್ಲೆ.
ತ್ಯಾ ಅನಂತ ವೈದಿಕ ಕೇಂದ್ರ ತರಪೇನ ಆಜ ಪರ್ಯಂತ ಒಟ್ಟು ಶಂಬರ ಭರಿ ಕ್ಯಾಸೇಟ್, ಪುಸ್ತಕ, ಸಿ.ಡಿ. ತಾನ್ನಿ ಸಮಾಜಾಕ ಅರ್ಪಣ ಕೆಲ್ಲ್ಯಾ. ತಾಂತು ಪ್ರಮುಖ ಮ್ಹಳಯಾರಿ ಶ್ರೀ ವಿಷ್ಣು ಸಹಸ್ರನಾಮ ಸ್ತೋತ್ರಂ- ಭಾಗ-೧,೨,೩(ಸಿ.ಡಿ.,& ಕ್ಯಾಸೇಟ್), ಶ್ರೀ ದೇವತಾ ಸ್ತೋತ್ರ, ಕೊಂಕಣಿಂತು ಶ್ರೀ ಕೃಷ್ಣ ಜನ್ಮಾಷ್ಟಮಿ (ಕ್ಯಾಸೇಟ್& ಸಿ.ಡಿ.), ಕೊಂಕಣಿಂತು ಗೌರಿ ಗಣೇಶ ಪೂಜಾ (ಕ್ಯಾಸೇಟ್ ಆನಿ ಸಿ.ಡಿ.), ಗಿಂಡಿ ನರ್ತನ, ಭಾಗ -೧,೨,೩ (ವಿ.ಸಿ.ಡಿ.), ಗಿಂಡಿ ನರ್ತನಾಚೆ ಭಜನ(ಕ್ಯಾಸೇಟ್, ಸಿ.ಡಿ.ಆನಿ ವಿ.ಸಿಡಿ.), ಕೊಂಕಣಿಂತು ಸಂಧ್ಯಾವಂದನ (ಕ್ಯಾಸೇಟ್ ಆನಿ ಸಿ.ಡಿ.), ಭಗವಾನ ಶ್ರೀ ವೇದವ್ಯಾಸ(ಪ್ರವಚನ ಸಿ.ಡಿ.), ಘೋಡಶ ಸಂಸ್ಕಾರ(ಕೊಂಕಣಿ ಪ್ರವಚನ ಸಿ.ಡಿ.), ಆಮಗೇಲೆಂ ದೇವು ಆಮಗೇಲೆಂ ಸ್ವಾಮಿ(ಕೊಂಕಣಿ ಪ್ರವಚನ ಸಿ.ಡಿ.), ಆಮಗೇಲೆಪರಬೊಂ ಆನಿ ಪಿತೃಕಾರ್ಯಾ ಮಹತ್ವ(ಕೊಂಕಣಿ ಪ್ರವಚನ ಸಿ.ಡಿ.), ಸಂಧ್ಯಾವಂದನ ಮತ್ತು ದೇವ ಪೂಜಾ(ವಿಸಿಡಿ), ಲಕ್ಷ್ಮೀ ಆರಾಧನಾ(ಪ್ರವಚನ ಸಿ.ಡಿ.)ಆಚಾರ ಮಧ್ವರು ಮತ್ತು ಗುರು ಭಕ್ತ(ಕನ್ನಡ ಸಿ.ಡಿ.) ಅಶ್ಶಿ ಬರೈತಾ ಘೆಲಯಾರಿ ತ್ಯಾ ಪಟ್ಟಿ ಮಸ್ತ ಲಾಂಬ ಜಾತ್ತಾ. ತಾಜ್ಜೇ ಬರಶಿ ತಾನ್ನಿ ಆಲ್ತಾಂತು ಆನಿ ಚಾರಿ ಸಿ.ಡಿ. ಬಾಯರಿ ಹಾಡಲಾ.
ತಾಂತುಲೆ ಪ್ರಥಮ ಸಿ.ಡಿ. “ಕೃಷ್ಣಾಮೂರ್ತಿ ಕಣ್ಣಾಮುಂದೆ ಶ್ರೀ ಪುರಂದರ ದಾಸಾಂಗೆಲೆ ೮, ಶ್ರೀ ಜಗನ್ನಾಥ ದಾಸ, ಶ್ರೀ ವ್ಯಾಸರಾಯ, ಶ್ರೀ ಗುರು ಪುರಂದರ ವಿಠಲ ದಾಸಾಂಗೆಲೆ ಏಕೇಕ ಮೇಳ್ನು ಒಟ್ಟು ೧೧ ದಾಸಾಲೆ ಪದ ಗಾಂತೂನು ಹೇ ಸಿ.ಡಿ. ಕೆಲ್ಲಾ. ಹಾಕ್ಕಾ ಸಂಗೀತ ಪಂಡಿತ ಉಪೇಂದ್ರ ಭಟ್ಟಾನಿ ದಿಲ್ಲ್ಯಾ. ಆಯ್ಕುಚಾಕ ಸುಶ್ರಾವ್ಯ ಜಾವ್ನು ಆಸ್ಸ. ಮ್ಹೊಲ ರೂ. : ೭೫/-
ದೊನ್ನಿ ಸಿ.ಡಿ. “ವ್ಯಾಸಾಮೃತ. ವೇದವ್ಯಾಸ ಭಜನ.  ಸಂಗೀತ ದೀವ್ನು ಸಾಂಗಿಲೆ ಪಂಡಿತ್ ಭೀಮಸೇನ್ ಜೋಷಿ. ಸಂಯೋಜಕ ಪಂಡಿತ ಉಪೇಂದ್ರ ಭಟ್. ಹಾಂತು ಧ್ಯಾನಮೂಲಂ ಗುರೋಮೂರ್ತಿಃ, ಗುರುಮಹಾರಾಜ ಗುರು,  ವಂದಿಸುವೆನು ಗುರುರಾಯಾ ಇತ್ಯಾದಿ ಒಟ್ಟು ೯ ಪದ ಆಸ್ಸ. ಮ್ಹೊಲ ರೂ. : ೭೫/-.
ತಿಸ್ರೇ ಸಿ.ಡಿ. “ದಾಸ ಭಕ್ತಿ ಹಾಂತೂಯಿ ಶ್ರೀ ಪುರಂದರ ದಾಸಾಂಗೆಲೆ ೮ ಪದ, ಶ್ರೀ ವಿಜಯದಾಸ, ಶ್ರೀಪಾದ ರಾಜ ಆನಿ ಶ್ರೀ ಗುರುಸಾರ್ವಭೌಮಾಂಗೆಲೆ ಏಕ್ಕೇಕ ಪದ ಮೇಳ್ನು ದಾಸಾನಿ ಬರೆಯಿಲೆ ಒಟ್ಟು ೧೧ ಪದ ಆಸ್ಸ. ಸಂಗೀತ ಆನಿ ಸಂಯೋಜನ ಪಂಡಿತ ಉಪೇಂದ್ರ ಭಟ್. ಮ್ಹೊಲ ರೂ. ೭೫/-.
ಚಾರಿಚೆ ಸಿ.ಡಿ. “ಗೀತ ರಾಮಾಯಣ. ಆಮಗೇಲೆ ಪುರಾಣ ಗ್ರಂಥಾಂತು ರಾಮಾಯಣಾಕ ಉನ್ನತ ಸ್ಥಾನ ಆಸ್ಸ. ತಸ್ಸಾಲೆ ರಾಮಾಯಣ ಪದ್ಯಾಂತು ಸರ್ವಾಂಕ ಸರಳ ಜಾವ್ನು ಅರ್ಥು ಜಾವ್ಚವರಿ ಸಾಂಗಚೆ ಏಕ ಪ್ರಯತ್ನ ಹಾಂಗಾ ಕೆಲ್ಲ್ಯಾ. ಸರ್ವಾಂಕ ಮಸ್ತ ಆವಡ್ಚೆ ತಸ್ಸಾಲೆ ಸಿ.ಡಿ. ಮ್ಹಳಯಾರಿ ಚೂಕ ಜಾಯಸನಾ. ಹಾಜ್ಜೆ ಗಾಯಕ ಪಂಡಿತ್ ಉಪೇಂದ್ರ ಭಟ್ ಆನಿ ವೇ.ಮೂ.ಶೃಂಗೇರಿ ಸುಧಾಕರ್ ಭಟ್ ಮಾಮ್ಮಾನಿ ನಿರೂಪಣ ಕೆಲ್ಲ್ಯಾ. ಹಿಮ್ಮೇಳಾಂತು ವಾಯಲಿನ್ ಸಹಾಯು ಟಿ. ರಂಗ ಪೈ ಹಾನ್ನಿ ದಿಲಯಾರಿ, ಓಂಕಾರ್‌ನಾಥ ಗುಲ್ವಾಡಿ ತಾನ್ನಿ ತಬಲಾ ಸಾಥ ದಿಲ್ಲಯಾ. ಧ್ವನಿ ಮುದ್ರಣ ವ್ಯವಸ್ಥಾ ಶ್ರೀ ಟಿ. ರಂಗ ಪೈ ಮಣಿಪಾಲ ಆನಿ ಕೆ. ಮೋಹನದಾಸ ಪೈ ಕೆಮ್ಮಣ್ಣು ಹಾಂಗೆಲೆ. ಸರ್ವಾನ ಪರತ ಪರತ ಆಯಕೂಕಾ ಜಾಲೇಲೆ ಸಿ.ಡಿ. ಮ್ಹೊಣು ಸಾಂಗೇತ. ಹಾಜ್ಜ ಮ್ಹೊಲ ರೂ. : ೭೫.  ಅನಂತ ವೈದಿಕ ಕೇಂದ್ರಾಚಾನ ಬಾಯ್ರಿ ಹಾಡಿಲೆ ಖಂಚೇಯಿ ವಿಸಿಡಿ, ಸಿಡಿ, ಕ್ಯಾಸೇಟ್ ಜಾಂವೊ ಪುಸ್ತಕ ಜಾವ್ಕಾ ಜಾಲೇಲ್ಯಾನ ತೊಗ್ಗುಚೆ ಪತ್ತೆಂತು ಸಂಪರ್ಕ ಕೊರಯೇತ. ಅನಂತ ವೈದಿಕ ಕೇಂದ್ರ, ಶ್ರೀ ಅನಂತ ನಿಲಯ, ಉಡುಪಿ - ೫೭೬೧೦೧. ಪೋನ್ : ೦೮೨೦-೨೫೨೫೬೩೪, ಮೊ : ೯೮೪೫೭ ೯೦೯೦೪.