೮೨ ವರ್ಷಾಕ ಶ್ರೀ ಆರ್.ಜಿ.ಕಾಮತ್
ಸಜ್ಜನ, ಪ್ರಾಮಾಣಿಕ, ಕರ್ತವ್ಯನಿಷ್ಠ ತಶ್ಶಿಚಿ ಜನಾನುರಾಗಿ ಜಾವ್ನು ಫುಡ್ ಆನಿ ರೆವೀನ್ಯೊ ಇಲಾಖೆಂತು ೩೮ ವರ್ಷ ಅಖಂಡ ಸೇವಾ ಪಾವೋನು, ಕಂದಾಯ ನಿರೀಕ್ಷಕ ಜಾವ್ನು ೧೯೯೧ ಇಸ್ವೆಚೆ ಜನವರಿಂತು ನಿವೃತ್ತ ಜಾಲೀಲೆ ಹೆಗಡೆಚೆ ಶ್ರೀ ಆರ್.ಜಿ.ಕಾಮತ್ ಮಾಮು ವಯೋವೃದ್ಧ ತಿತ್ಲೇ ನ್ಹಂಹಿ ಜ್ಞಾನ ವೃದ್ಧ ವ್ಹಯಿ. ಹಾನ್ನಿ ೮೨ ವರ್ಷಾಕ ಪಾಯು ದವರ್‍ತಾ ಆಸ್ಸುಚೆ ಹೇ ಶುಭ ವೇಳ್ಯಾರಿ ಪಯಲೇಚೆ ಜಾವ್ನು ತಾಂಕಾ ದೇವು ಬರೆಂ ಕೊರೊ ಮ್ಹಣತಾ. ೮೨ ವರ್ಷಾಚೆ ಹೇ ಮಾಂತಾರೆಂ ವಯಾರಿ ಆನ್ನಿಕೆ ತಾನ್ನಿ ದಸ್ತಾವೇಜು ವಗೈರೆ ಬರೋಚೆ ಸೋಣಾಶಿ ಕರತಾ ಆಸ್ಸತಿ. ತಾಂಗೆಲೆ ಹೇ ಜೀವನೋತ್ಸಾಹು ಆಯಚೆ ತರ್ನಾಟೆಂಕ ಖಂಡಿತ ಪ್ರೇರಣದಾಯಕ ಮ್ಹೋಣು ಸಾಂಗೇತ.
೧೯೩೧ಚೆ ಭಾದ್ರಪದ ಬಹುಳ ನವಮಿ ದಿವಸು ಹಾಂಗೆಲೆ ಶುಭ ಜನನ ಉಡುಪಿ ಶ್ರೀ ಕೃಷ್ಣಾಲೆ ಪುಣ್ಯ ಕ್ಷೇತ್ರಾಚೆ ಲಾಗ್ಗಿಚೆ ಕಿದಿಯೂರಾಂತು ಆಜ್ಜೊ ರಾಮಕೃಷ್ಣ ಭಂಡಾರಕಾರ ತಾಂಗೆಲೆ ಘರಾಂತು ಜಾಲ್ಲೆ. ಆವಯಿ ಕಮಲಾ. ಬಾಪಯಿ ಹೆಗಡೆ ಗೋವಿಂದ ಕಾಮತ್ ಹಾಂಗೆಲೆ ದೊನ್ನೀ ಪೂತು ಜಾವ್ನು ಶ್ರೀ ಆರ್.ಜಿ.ಕಾಮತ್ ಮಾಮು ಜನ್ಮಿಲೆ. ಹಾಂಗೆಲೆ ಬಾಪ್ಪಾ ಘರ್‍ಚಾನ ಆಜ್ಜಾ ಘರಾಕ ವಚ್ಕಾ ಜಾಲ್ಯಾರಿ ತ್ಯಾ ಕಾಲಾಂತು ದೋಣಿಂತು ಸಾತಾಠ ನಂಯ್ಯೋ ದಾಂಟುನು ವಚ್ಕಾ ಆಶ್ಶಿಲೆಂ. ತೆದನಾಂಚೆ ತ್ಯಾ ಕಷ್ಟ ಭೊಗ್ಗಿಲೆ ಶ್ರೀ ಕಾಮತ್ ಮಾಮು ಆಜೀಯಿ ಯಾದು ಕೋರ್ನು ಘೆತ್ತಾತಿ.
ಸಾನ್ಪಣಾಂತು ಗರೀಬಪಣಾನ ಶಿಕ್ವಣ ಅರ್ಧಾಂತೂ ರಾಬಲೀರಿ ಭೀನಾಶಿ ಜೀವನ ಚಲೈಚಾಕ ದಿವ್ಸಾಂತು ಬೆತ್ತಾ ಫ್ಯಾಕ್ಟರಿ, ಕೈಮಗ್ಗಾಂತು, ಚಹಾ ದುಕಾನಾಂತು ಕಾಮ ಕೋರ್ನು, ರಾತ್ತಿ ವೇಳ್ಯಾರಿ ಇಸ್ಕೂಲಾಕ ವಚ್ಚುನು ಪ್ರೈಮೇರಿ ಶಿಕ್ವಣ ಪೂರ್ಣ ಕೆಲ್ಲಿಂತಿ. ಮಾಗಿರಿ ನೌಕರೀಕ ಸೇರೂನು ಆನಿ ಇತ್ಲೆ ಕಷ್ಟ ಪಾವ್ನು ಎಸ್.ಎಸ್.ಎಲ್.ಸಿ. ಪಾಸ್ ಕೋರ್ನು ಘೆತ್ಲಿಂತಿ. ಹಾಂಗೆಲೆ ಸಾನ್ಪಣಾಂತೂ ದೇಶಾಚೆ ಸ್ವಾತಂತ್ರ್ಯ ಖಾತ್ತಿರಿ ಘೋರ ಚಳ್ವಳಿ ಚಲ್ತಾ ಆಶ್ಶಿಲೆಂ. ಹಾಂಕಾಯಿ ತ್ಯಾಂ ತಾಂಡುನು ಘೆತ್ತಾ. ತಾಜ್ಜ ನಿಮಿತ್ತ ದೇಶಭಕ್ತ ಜಾವ್ನು ಆಪಣಾನ ದೇಶಸೇವಾ ಕೊರಚೆ ಭಾಗ್ಯ ಹಾಂಕಾ ಉಪಲಬ್ಧ ಜಾಲ್ಲೆ. ನೈಶಿ ಕರ್ನಾಟಕ ಏಕೀಕರಣ ವೇಳ್ಯಾರಿ ಸೈತ ಸ್ವಯಂಸೇವಕ ಜಾವ್ನು ಜೊಡತಾತಿ. ಆಧ್ಯಾತ್ಮಿಕ ಗೋಡಿ ವಾಡ್ಡೊವ್ನು ಘೇವ್ನು ಶ್ರೀ ಶ್ರೀಧರ ಸ್ವಾಮ್ಯಾಂಗೆಲೆ ಸೇವಾ ಕೋರ್ನು ತಾಂಗೆಲೆ ಕೃಪೇಕ ಪಾತ್ರ ಜಾಲ್ಲಿಂತಿ. ಧರ್ಮನಿಷ್ಠ ಜಾವ್ನು ಜೀವನ ಚಲೋವ್ಚೆ ಬರಶಿ ಸಂಗೀತ ಪ್ರಿಯ ಜಾವ್ನಾಸ್ಸತಿ. ಲೇಖು, ಕವನ ಆದಿ ಸಾಹಿತ್ಯ ಸೃಷ್ಟಿಭಿ ಕೋರ್ನು sಸಾಹಿತ್ಯ ಕ್ಷೇತ್ರಾಂತೂ ಆಪ್ಣಾಂಗೆಲೆ ನಾಂವ ಉರ್‍ಚೆ ತಶ್ಶಿ ಕೋರ್ನು ಘೆತಲ್ಯಾ. ಹೆಗಡೆ ಗಾಂವ್ಚೆ ಶ್ರೀ ಶಾಂತಿಕಾ ಪರಮೇಶ್ವರಿ ಸೊಸೈಟಿಂತು ಆಡಳಿತ ಸಮಿತಿ ಸದಸ್ಯ ಜಾವ್ನಾಸ್ಸುಚೆ ಹಾನ್ನಿ ತ್ಯಾ ಮುಖಾಂತರ ಜನಸೇವಾ ಪಾವೈತಾ ಆಸ್ಸತಿ.
ಸರಸ್ವತಿ ಪ್ರಭಾ ಕೊಂಕಣಿ ಮ್ಹಹಿನ್ಯಾಳ್ಯಾಚೆ ಅಜೀವಾ ಸದಸ್ಯ ಜಾವ್ನಾಸ್ಸುಚೆ ಹಾನ್ನಿ, ಪ್ರತಿ ವರ್ಷ ದೀವಾಳೆಂ ಪರಭೆ ವೇಳ್ಯಾರಿ ಜಾಹೀರಾತು ದೀವ್ನೂ ಘೆಲೀಲೆ ಸಬಾರ ವರ್ಷಾಚಾನ ಆಮಕಾ ಪ್ರೂತ್ಸಾಹ ದಿತ್ತಾ ಆಯಲೀಂತಿ ಆನಿ ಸರಸ್ವತಿ ಪ್ರಭಾ ಪತ್ರಾಕ ೨೦ ವರ್ಷ ಭರಿಲೆ ಉಡಗಾಸಾಕ ೨೦ ಕೊಂಕಣಿ ಪತ್ರಿಕಾ ಪ್ರಕಟ ಕೊರಚೆ ಯೋಜನೇಕ ಸೈತ ಸದಸ್ಯ ಜಾವ್ನು ಹಾನ್ನಿ ಆಮಗೇಲೆ ಕಾರ್ಯಾಕ ಪ್ರೋತ್ಸಾಹ ದಿಲ್ಲಯಾ. ಹಾಂಗೆಲೆ ಹೇ ಮಾತೃ ಭಾಷಾಭಿಮಾನು ವಿಂಗಡ ಲೋಕಾಂಕ ಸೈತ ಆದರ್ಶಪ್ರಾಯ ಮ್ಹೊಣು ಸಾಂಗುಯೇತ.
ಜೀವನಾಂತು ಖಂಚೇಯಿ ಕಷ್ಟ ಆಯಲೀರಿ ಸೈತ, ತ್ಯಾ ಕಷ್ಟ ಭೊಗ್ಗುನು, ಸತ್ಯ, ಪ್ರಾಮಾಣಿಕತಾ ಸೋಡನಾಶಿ, ಪರಿಶುದ್ಧ ವಾಟ್ಟೇರಿ ಚಮ್ಕುನು ದಾಕ್ಲ್ಯಾಂಕ ಮಾರ್ಗದರ್ಶಕ ಜಾವಚೆ ಬರಶಿ ಪ್ರತಿ ವರ್ಷ ಘರಾಂತು ದೇವ ಆನಿ ದೈವ ಕಾರ್ಯ ಚಲೈತಾ ಸಂಸ್ಕೃತಿ ಆನಿ ಸಂಸ್ಕಾರ ರಾಕತಾ ಆಯ್ಯಿಲೆ ಶ್ರೇಯು ಹಾಂಕಾ ಪಾವತಾ. ಸಗಳೆ ಕುಟುಂಬಾಂತು ಸರ್ವಾ ದಾಕೂನು ಗೌರವಾದರ ಘೆತ್ತಾ, ಕುಟುಂಬ ಆನಿ ಕುಟುಂಬಿಕಾಲೆ ಬರೇಂ ಖಾತ್ತಿರಿ ಯವಜೂಚೆ ಶ್ರೀ ಆರ್.ಜಿ.ಕಾಮತ್ ಹಾನ್ನಿ ನಿರಾಡಂಭರ ಆನಿ ಸರಳ ಜೀವಿ ಜಾವ್ನಾಸ್ಸತಿ. ಆನಿ ತಾಜ್ಜೇನ ತಾಂಗೆಲೆ ಜೀವನ ಸಾರ್ಥಕ ಕೋರ್ನು ಘೆತಲೀಂತಿ. ಹಾಂಕಾ ಆನ್ನಿಕೆ ಮಸ್ತ ಕಾಳ ಆಯುರಾರೋಗ್ಯ ಪರಮಾತ್ಮು ಪ್ರಾಪ್ತ ಕೊರೊಂ ಮ್ಹೊಣು ದಯಾಮಯ ಲಾಗ್ಗಿ ಸರಸ್ವತಿ ಪ್ರಭಾ ಮಾಗತಾ.
೧೯೩೧ಚೆ ಭಾದ್ರಪದ ಬಹುಳ ನವಮಿ ದಿವಸು ಹಾಂಗೆಲೆ ಶುಭ ಜನನ ಉಡುಪಿ ಶ್ರೀ ಕೃಷ್ಣಾಲೆ ಪುಣ್ಯ ಕ್ಷೇತ್ರಾಚೆ ಲಾಗ್ಗಿಚೆ ಕಿದಿಯೂರಾಂತು ಆಜ್ಜೊ ರಾಮಕೃಷ್ಣ ಭಂಡಾರಕಾರ ತಾಂಗೆಲೆ ಘರಾಂತು ಜಾಲ್ಲೆ. ಆವಯಿ ಕಮಲಾ. ಬಾಪಯಿ ಹೆಗಡೆ ಗೋವಿಂದ ಕಾಮತ್ ಹಾಂಗೆಲೆ ದೊನ್ನೀ ಪೂತು ಜಾವ್ನು ಶ್ರೀ ಆರ್.ಜಿ.ಕಾಮತ್ ಮಾಮು ಜನ್ಮಿಲೆ. ಹಾಂಗೆಲೆ ಬಾಪ್ಪಾ ಘರ್‍ಚಾನ ಆಜ್ಜಾ ಘರಾಕ ವಚ್ಕಾ ಜಾಲ್ಯಾರಿ ತ್ಯಾ ಕಾಲಾಂತು ದೋಣಿಂತು ಸಾತಾಠ ನಂಯ್ಯೋ ದಾಂಟುನು ವಚ್ಕಾ ಆಶ್ಶಿಲೆಂ. ತೆದನಾಂಚೆ ತ್ಯಾ ಕಷ್ಟ ಭೊಗ್ಗಿಲೆ ಶ್ರೀ ಕಾಮತ್ ಮಾಮು ಆಜೀಯಿ ಯಾದು ಕೋರ್ನು ಘೆತ್ತಾತಿ.
ಸಾನ್ಪಣಾಂತು ಗರೀಬಪಣಾನ ಶಿಕ್ವಣ ಅರ್ಧಾಂತೂ ರಾಬಲೀರಿ ಭೀನಾಶಿ ಜೀವನ ಚಲೈಚಾಕ ದಿವ್ಸಾಂತು ಬೆತ್ತಾ ಫ್ಯಾಕ್ಟರಿ, ಕೈಮಗ್ಗಾಂತು, ಚಹಾ ದುಕಾನಾಂತು ಕಾಮ ಕೋರ್ನು, ರಾತ್ತಿ ವೇಳ್ಯಾರಿ ಇಸ್ಕೂಲಾಕ ವಚ್ಚುನು ಪ್ರೈಮೇರಿ ಶಿಕ್ವಣ ಪೂರ್ಣ ಕೆಲ್ಲಿಂತಿ. ಮಾಗಿರಿ ನೌಕರೀಕ ಸೇರೂನು ಆನಿ ಇತ್ಲೆ ಕಷ್ಟ ಪಾವ್ನು ಎಸ್.ಎಸ್.ಎಲ್.ಸಿ. ಪಾಸ್ ಕೋರ್ನು ಘೆತ್ಲಿಂತಿ. ಹಾಂಗೆಲೆ ಸಾನ್ಪಣಾಂತೂ ದೇಶಾಚೆ ಸ್ವಾತಂತ್ರ್ಯ ಖಾತ್ತಿರಿ ಘೋರ ಚಳ್ವಳಿ ಚಲ್ತಾ ಆಶ್ಶಿಲೆಂ. ಹಾಂಕಾಯಿ ತ್ಯಾಂ ತಾಂಡುನು ಘೆತ್ತಾ. ತಾಜ್ಜ ನಿಮಿತ್ತ ದೇಶಭಕ್ತ ಜಾವ್ನು ಆಪಣಾನ ದೇಶಸೇವಾ ಕೊರಚೆ ಭಾಗ್ಯ ಹಾಂಕಾ ಉಪಲಬ್ಧ ಜಾಲ್ಲೆ. ನೈಶಿ ಕರ್ನಾಟಕ ಏಕೀಕರಣ ವೇಳ್ಯಾರಿ ಸೈತ ಸ್ವಯಂಸೇವಕ ಜಾವ್ನು ಜೊಡತಾತಿ. ಆಧ್ಯಾತ್ಮಿಕ ಗೋಡಿ ವಾಡ್ಡೊವ್ನು ಘೇವ್ನು ಶ್ರೀ ಶ್ರೀಧರ ಸ್ವಾಮ್ಯಾಂಗೆಲೆ ಸೇವಾ ಕೋರ್ನು ತಾಂಗೆಲೆ ಕೃಪೇಕ ಪಾತ್ರ ಜಾಲ್ಲಿಂತಿ. ಧರ್ಮನಿಷ್ಠ ಜಾವ್ನು ಜೀವನ ಚಲೋವ್ಚೆ ಬರಶಿ ಸಂಗೀತ ಪ್ರಿಯ ಜಾವ್ನಾಸ್ಸತಿ. ಲೇಖು, ಕವನ ಆದಿ ಸಾಹಿತ್ಯ ಸೃಷ್ಟಿಭಿ ಕೋರ್ನು sಸಾಹಿತ್ಯ ಕ್ಷೇತ್ರಾಂತೂ ಆಪ್ಣಾಂಗೆಲೆ ನಾಂವ ಉರ್‍ಚೆ ತಶ್ಶಿ ಕೋರ್ನು ಘೆತಲ್ಯಾ. ಹೆಗಡೆ ಗಾಂವ್ಚೆ ಶ್ರೀ ಶಾಂತಿಕಾ ಪರಮೇಶ್ವರಿ ಸೊಸೈಟಿಂತು ಆಡಳಿತ ಸಮಿತಿ ಸದಸ್ಯ ಜಾವ್ನಾಸ್ಸುಚೆ ಹಾನ್ನಿ ತ್ಯಾ ಮುಖಾಂತರ ಜನಸೇವಾ ಪಾವೈತಾ ಆಸ್ಸತಿ.
ಸರಸ್ವತಿ ಪ್ರಭಾ ಕೊಂಕಣಿ ಮ್ಹಹಿನ್ಯಾಳ್ಯಾಚೆ ಅಜೀವಾ ಸದಸ್ಯ ಜಾವ್ನಾಸ್ಸುಚೆ ಹಾನ್ನಿ, ಪ್ರತಿ ವರ್ಷ ದೀವಾಳೆಂ ಪರಭೆ ವೇಳ್ಯಾರಿ ಜಾಹೀರಾತು ದೀವ್ನೂ ಘೆಲೀಲೆ ಸಬಾರ ವರ್ಷಾಚಾನ ಆಮಕಾ ಪ್ರೂತ್ಸಾಹ ದಿತ್ತಾ ಆಯಲೀಂತಿ ಆನಿ ಸರಸ್ವತಿ ಪ್ರಭಾ ಪತ್ರಾಕ ೨೦ ವರ್ಷ ಭರಿಲೆ ಉಡಗಾಸಾಕ ೨೦ ಕೊಂಕಣಿ ಪತ್ರಿಕಾ ಪ್ರಕಟ ಕೊರಚೆ ಯೋಜನೇಕ ಸೈತ ಸದಸ್ಯ ಜಾವ್ನು ಹಾನ್ನಿ ಆಮಗೇಲೆ ಕಾರ್ಯಾಕ ಪ್ರೋತ್ಸಾಹ ದಿಲ್ಲಯಾ. ಹಾಂಗೆಲೆ ಹೇ ಮಾತೃ ಭಾಷಾಭಿಮಾನು ವಿಂಗಡ ಲೋಕಾಂಕ ಸೈತ ಆದರ್ಶಪ್ರಾಯ ಮ್ಹೊಣು ಸಾಂಗುಯೇತ.
ಜೀವನಾಂತು ಖಂಚೇಯಿ ಕಷ್ಟ ಆಯಲೀರಿ ಸೈತ, ತ್ಯಾ ಕಷ್ಟ ಭೊಗ್ಗುನು, ಸತ್ಯ, ಪ್ರಾಮಾಣಿಕತಾ ಸೋಡನಾಶಿ, ಪರಿಶುದ್ಧ ವಾಟ್ಟೇರಿ ಚಮ್ಕುನು ದಾಕ್ಲ್ಯಾಂಕ ಮಾರ್ಗದರ್ಶಕ ಜಾವಚೆ ಬರಶಿ ಪ್ರತಿ ವರ್ಷ ಘರಾಂತು ದೇವ ಆನಿ ದೈವ ಕಾರ್ಯ ಚಲೈತಾ ಸಂಸ್ಕೃತಿ ಆನಿ ಸಂಸ್ಕಾರ ರಾಕತಾ ಆಯ್ಯಿಲೆ ಶ್ರೇಯು ಹಾಂಕಾ ಪಾವತಾ. ಸಗಳೆ ಕುಟುಂಬಾಂತು ಸರ್ವಾ ದಾಕೂನು ಗೌರವಾದರ ಘೆತ್ತಾ, ಕುಟುಂಬ ಆನಿ ಕುಟುಂಬಿಕಾಲೆ ಬರೇಂ ಖಾತ್ತಿರಿ ಯವಜೂಚೆ ಶ್ರೀ ಆರ್.ಜಿ.ಕಾಮತ್ ಹಾನ್ನಿ ನಿರಾಡಂಭರ ಆನಿ ಸರಳ ಜೀವಿ ಜಾವ್ನಾಸ್ಸತಿ. ಆನಿ ತಾಜ್ಜೇನ ತಾಂಗೆಲೆ ಜೀವನ ಸಾರ್ಥಕ ಕೋರ್ನು ಘೆತಲೀಂತಿ. ಹಾಂಕಾ ಆನ್ನಿಕೆ ಮಸ್ತ ಕಾಳ ಆಯುರಾರೋಗ್ಯ ಪರಮಾತ್ಮು ಪ್ರಾಪ್ತ ಕೊರೊಂ ಮ್ಹೊಣು ದಯಾಮಯ ಲಾಗ್ಗಿ ಸರಸ್ವತಿ ಪ್ರಭಾ ಮಾಗತಾ.
