ಅಡ್ಯಾರು ಗೋಪಾಲ ಪರಿವಾರಾಚೆ ವಾರ್ಷಿಕ ಸಮಾವೇಶು
ಅಡ್ಯಾರು ಗೋಪಾಲ ಪರಿವಾರ ೨೦೦೭ ಇಸ್ವಿ ಧೋರ್ನು ಪ್ರತಿ ವರ್ಸ ವಾರ್ಷಿಕ ಸಮಾವೇಶ ಕೋರ್ನು ಘೇವ್ನು ಆಯ್ಲಾಂ. ೨೦೧೨ ವರ್ಸಾಚೆ ಸಮಾವೇಶ ಬೆಂಗಳೂರಾಚೆ ಶ್ರೀ ಕಾಶಿ ಮಠಾಂತು ತಾ. ೧೪-೧೦-೨೦೧೨ ದಿವಸು ಕುಶಿ, ಗಮ್ಮತ್ತಾರಿ ಚಲ್ಲೆ. ತ್ಯಾ ದಿವಸು ಶ್ರೀ ಕಾಶಿ ಮಠಾಚೆ ದೊನ್ನೀಚೆ ಮಾಳ್ಯೇರಿ ಶ್ರೀ ಸುಧೀಂದ್ರ ತೀರ್ಥ ಸದನಾಂತು ಸಕಾಣಿ ೯ ಘಂಟ್ಯಾಕ ಸೂರು ಜಾಲೇಲೆ ಸಮಾವೇಶ ಸಾಂಜ್ವಾಳಾ ೫ ಘಂಟ್ಯಾಕ ಸಮಾಪನ ಜಾಲ್ಲೆ. ಹೇ ಪರಿವಾರಾಚೆ ಸಮಾವೇಶ ಮಾಕಶಿ ಖಂಚೇ ಮಹತ್ವ ಉದ್ದೇಶ ನಾತಲೀರಿ ಆಜಿ ಪರಿವಾರಾಚೆ ಲೋಕ ರಾಜ್ಯಾದ್ಯಂತ ಆನಿ ರಾಜ್ಯಾ ಬಾಯರಿ, ವಿದೇಶಾಂತು ಸೈತ ವಚ್ಚುನು ರಾಬಲೀಂತಿ. ತಾನ್ನಿ ಪೂರಾ ವರ್ಷಾಕ ಏಕ್ಪಂತಾ ಮೇಳ್ನು ಸುಖ-ದುಃಖ ಸಾಂಗೂನು ಘೆವ್ಚೆ. ಒಳಕ ಕೋರ್ನು ಘೆವ್ಚೆ. ಹಾಂಗಾ ಮೆಳತಾಲೆ ಪೂರಾ ಪರಸ್ಪರಾಂಕ ಲೆಕ್ತಾಲೆ ಜಾಲೇಲೆ ನಿಮಿತ್ತ ದಾಕಳ್ಯಾನ ಮ್ಹಾಲ್ಗಡ್ಯಾಂಕ ಮೆಳಚೆ, ತಾಂಗೆಲೆ ಒಳಕ ಕೋರ್ನು, ಸಂಬಂಧ ಕೋಳ್ನು ಘೆವಚಾಕ ಸುಲಭ ಜಾತ್ತಾ.
ಅಡ್ಯಾರು ಗೋಪಾಲ ಕೃಷ್ಣ ಶೆಣೈ ಹಾಂಗೆಲೆ ೧೦೬ಚೆ ಜನನ ವಾರ್ಷಿಕೋತ್ಸವು ತಾ. ೨೧-೦೯-೨೦೧೨ ಜಾಲ್ಯಾರಿ ತಾ. ೮-೮-೨೦೧೨ಕ ತಾಂಗೆಲೆ “ಡೆತ್ ಅನಿವರ್ಸರಿ ಜಾವ್ನಾಶ್ಶಿಲೆ. ಹೇ ಅಡ್ಯಾರು ಕುಟುಂಬಾಂತುಲೆ ಮ್ಹಾಲ್ಗಡೆ ಜಾಲೇಲೆ ಸಂಪಿಗೆ ಮಾಧವ ಕಿಣಿ, ಮಿಜಾರ ಮಾಧವ ಶೆಣೈ, ಮಿಜಾರ ಅಣ್ಣಪ್ಪ ಕಾಮತ್, ಮಂಚಕಲ್ ಲಕ್ಷ್ಮಣ ಕುಡ್ವಾ, ಹೀರಂಕಿ ರಾಮಚಂದ್ರ ಕಿಣಿ ಆನಿ ಅಡ್ಯಾರು ಮಂಜುನಾಥ ಶ್ಯಾನುಭೋಗ ಆದಿ ಲೋಕಾನಿ ವಿಶೇಷ ಸಾಧನ ಕೋರ್ನು ಪ್ರಸಿದ್ಧ ಜಾಲ್ಲಿಂತಿ.
ತಾ. ೧೪-೧೦-೨೦೧೨ ದಿವಸು ಸಕ್ಕಾಣಿ ೯ ಗಂಟ್ಯಾಕ ಆಯ್ಯಿಲೆ ಕುಟುಂಬ ಸದಸ್ಯಾಲೆ ತಾನ್ನಿಕ ಜಾಲ್ಲ ಉಪರಾಂತ ಸಮಾವೇಶ ಸುರುವಾತ ಜಾಲ್ಲೆ. ಸುರವೇಕ ಸ್ವಾಗತ ಗೀತಾ. ದಿವಲಿ ಪೆಟ್ಟೋನು ಸಮಾವೇಶಾಚೆ ಉದ್ಘಾಟನ, ಯೇವ್ಕಾರ ಭಾಷಣ, ಸಂದೇಶ ವಾಚನ, ಲಘು ಸಂಗೀತ, ಕುಟುಂಬಾಚೆ ಸಂಘಟನ, ಪರಿಚಯ, ಅಭಿವೃದ್ಧಿ ವಿಷಯಾಂತು ಪರಿವಾರಾ ಸದಸ್ಯ ದಾಕೂನು ಭಾಷಣ, ಗಣ್ಯಾಂಕ ಸನ್ಮಾನು, ಭಜನ, ಭಕ್ತಿ ಗೀತ, ಪದ ಗಾಯನ, ನಾಟ್ಕುಳಿ, ನೃತ್ಯ ಪ್ರದರ್ಶನ ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ಉಪರಾಂತ ಧೋಂಪಾರಾ ಜವಣ. ವಿಂಗವಿಂಗಡ ಸ್ಫರ್ಧಾ, ಕ್ರೀಡಾ, ಗಾನ, ವಿವಿಧ ಮನರಂಜನಾ ಕಾರ್ಯಕ್ರಮ, ಲಘು ಸಂಗೀತ, ಸದಸ್ಯ ದಾಕೂನು ಭಾಷಣ, ಪರತ ಭಜನ, ನೃತ್ಯ, ಗಾನ, ನಾಟ್ಕಳಿ ಇತ್ಯಾದಿ ಸಮಾಜ ಬಾಂದವಾ ದಾಕೂನು ಪ್ರತಿಭಾ ಪ್ರದರ್ಶನ. ಚಲ್ಲೆ. ಸಾಂಜ್ವಾಳಾ ಸಾಡಿ ಚಾರಿಕ ಸಮಾರೋಪ ಕಾರ್ಯಕ್ರಮ ಚಲ್ಲೆ.
ಒಟ್ಟಾರೆ ಹೇ ಸಂದರ್ಭಾರಿ ಸಮಾಜಾಚೆ ದಾಕಲೆ, ಮ್ಗಾಲಗಡೆ, ದಾರಲೊ, ಬಾಯಲ ಸರ್ವ ಮೇಳ್ನು ಹೇ ಅಡ್ಯಾರು ಗೋಪಾಲ ಪರಿವಾರಾಚೆ “ಮಧುರ ಮಿಲನಶಿ ಜಾಲೇಲೆ ಪಟ್ಟಿಕ ನ್ಹಂಹಿ. ಆನಿ ಹೇ ಸಮಾವೇಶ ಆಯೋಜನ ಕೊರಚಾಕ ಪ್ರತಿ ವರ್ಷ ಅವಿರತ ಪ್ರಯತ್ನ ಕೊರಚೆ ಡಾ|| ಅಡ್ಯಾರು ಮೋಹನ ಶೆಣೈ ಮಾಮ್ಮಾಲೆ ಸೇವಾ, ಪರಿಶ್ರಮ ಖಂಡಿತ ಪ್ರಶಂಸನೀಯ. ಹೇ ಸಮಾವೇಶಾಂತು ತಾಂಕಾ ಹಾರ್ದಿಕ ಸಂಮಾನ ಕೋರ್ನು ಕುಟುಂಬ ಸದಸ್ಯಾನ ಗೌರವ ದಾಖಯಿಲೆ ಸುಯೋಗ್ಯ ಆಸ್ಸ. ಅಡ್ಯಾರು ಗೋಪಾಲ ಪರಿವಾರಾಚೆ ಹೇ ಪ್ರಯತ್ನ ದುಸರೇ ಕುಟುಂಬಾಚಾಂಕ ಏಕ ಮಾದರಿ, ತಾಜ್ಜ ನಿಮಿತ್ತ ಆಮ್ ಆಮ್ಗೆಲೆ ಕುಟುಂಬ ರಾಕಚೆ, ಸಂಸ್ಕೃತಿ ರಾಕಚೆ, ತನ್ಮೂಲಕ ಧರ್ಮ ರಾಕ್ವಣಾಕ ಸರ್ವಾನ ಖಾಂದ ದಿವಚೆ ಕಾಮ ಜರೂರ ಜಾವ್ನು ಜಾವ್ಕಾ ಜಾಲ್ಯಾ. ಡಾ|| ಮೋಹನ ಶೆಣೈಂಕ ಅಭಿನಂದನ ಹೇ ಮೂಖಾಂತರ ಪಾವೈತಾ ಆಸ್ಸ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ