ಮೆಗೇಲೆ ಉತ್ತರ
(ಸರಸ್ವತಿ ಪ್ರಭಾ 15-03-2013)
ಪಯರಿ ರಷ್ಯಾಂತು “ಉಲ್ಕಾಘಾತ ಜಾವ್ನು ಹಜಾರೋ ಭರಿ ಲೋಕಾಂಕ ಗಾಯು ಜಾಲೇಲೆ ಆಮ್ಮಿ ಪೂರಾ ವಾಜ್ಜೂನು ಆಸ್ಸತಿ. ದುಸರೇ ಮಹಾಯುದ್ಧ ವೇಳ್ಯಾರಿ ಜಪಾನಾಚೆ ಹೀರೋಸಿಮಾ ವಯರಿ ಪಡಿಲೆ ೩೦ ಬಾಂಬಾಕ ಹಾಜ್ಜೆ ಶಕ್ತಿ ಸಮ ಖಂಯಿ. ತಾಜ್ಜ ಹೆರ್‍ದೀಸೂಚಿ ಏಕ ಕ್ಷುದ್ರಗೃಹ ಭೂಮಂಡಲಾ ಲಾಗ್ಗಿ ಹಾಯ್ದುನು ಘೆಲ್ಲೆ. ಹಾಜ್ಜ ಶಕ್ತಿ ಸುಮಾರ ೧೦೦೦ ಬಾಂಬಾಕ ಸಮ ಖಂಯಿ. ಬ್ರಹ್ಮಾಂಡಾಂತು ಅಸ್ಸಲೆ ಘಟನಾ ಥಂಯ್ಥಂಯಿ ಪ್ರತಿ ಕ್ಷಣ ನಿತ್ಯ ನಿರಂತರ ಜಾವ್ನು ಚಲ್ತಾ ಉರತಾ. ಆನಿ ಪಯರಿ ಚಲೇಲೆ ತಾಂತುಲೆ ಮಸ್ತ ಸಾನ ಘಟನಾ. ಚಿಕ್ಕೆ ಸಮಾಧಾನ ಜಾವ್ನು ಬೈಸೂನು ವಿಚಾರ ಕರಾ. ರಷ್ಯಾಂತು ಉಲ್ಕಾಘಾತ ಜಾಲೇಲ ವರಿ ತ್ಯಾ ಕ್ಷುದ್ರ ಗೃಹ ಸೈತ ಭೂಂಯ್ಚೆರಿ ಪಳ್ಳಿಲೆ ಜಾಲ್ಯಾರಿ ಭೂಮಂಡಲಾಂತು ಖಂಚೆ ನಮೂನ್ಯಾ ಅಲ್ಲೋಲ -ಕಲ್ಲೋಲ ಜಾತ್ತಾಶ್ಶಿಲೆ? ಕಿತ್ಲೆ ಜೀವಹಾನಿ, ಆಸ್ತಿ ನಾಶ ಜಾತ್ತಾಶ್ಶಿಲೆ ನ್ಹಂಹಿವೇ? ಬ್ರಹ್ಮಾಂಡಾಚೆ ಹೇ ಸಾನ ಘಟನೇ ದಾಕೂನು ಭೂಂಯ್ಕ ಇತ್ಲೆ ಅಪರಿಮಿತ ಲುಕ್ಸಾನ ಜಾವಚೆ ಫಾವ ಆಸತಾನಾ ಬ್ರಹ್ಮಾಂಡಾಂತು ಘಡಚೆ ಇತರ ಘೋರ ಆಕಸ್ಮಿಕ ಘಟನಾ ಭೂಂಯ್ಚೆರಿ ಘಡೀಲ ಜಾಲ್ಯಾರಿ, ತಾಜ್ಜೇನ ಜಾವ್ಚೆ ಲುಕ್ಸಾನ ಕಿತ್ಲ ಮ್ಹೊಣು ಮೆಜ್ಜೂಚಾಕ ಸೈತ ಜಾಯಸನಾ. ಜಾಲ್ಯಾರಿ ವಾತಾವರಣಾಂತು ಖಂಚೇರಿ ಆಧಾರ ನಾಶಿ ಪೊವ್ತಾ ಆಸ್ಸುಚೆ ಅಸ್ಸಲೆ ಆಕಾಶ ಕಾಯ ಭೂಂಯ್ಚೆ ವಾತಾವರಣಾಕ ರಿಗಚೆ ಭಿತ್ತರಿ ತ್ಯಾ ಸ್ಪೋಟ ಜಾತ್ತ ಖಂಯಿ. ಆನಿ ಕುಡ್ಕೆ ಕುಡ್ಕೆ ಜಾವ್ನು ಫುಟ್ಟೂನು ವತ್ತ ಖಂಯಿ. ವಾತಾವರಣಾಂತು ಸ್ವಚ್ಛಂಧ ಜಾವ್ನು ಬೋವ್ನು-ಘೂವ್ನು ಆಸ್ಸುಚೆ ಆಕಾಶಕಾಯಾಚೆ ಆಯಶ್ಯ ಭೂಂಯ್ಚೆ ವಾತಾವರಣಾಕ ಎವ್ಚ ಭಿತ್ತರಿ ಸಂಪ್ತಾ ಮ್ಹೊಣು ಜಾಲ್ಯಾರಿ ಹಾಜ್ಜ ಮಾಗಶಿ ಖಂಚಕಿ ಶಕ್ತಿ ಆಸ್ಸ ಮ್ಹಣಚೆ ತುಮಕಾ ನಜರಾಕ ಯಾನಾವೇ?
ಮ್ಹಳಯಾರಿ ಭೂಂಯ್ಚೆ ವೈಲೆ ಜೀವರಾಶಿ ರಾಕಚಾಂತು ನಿಸರ್ಗಾಚೆ ಏಕ ಶಕ್ತಿ ಕಾಮ ಕರ್ತಾ ಆಸ್ಸ ಮ್ಹೊಣು ಜಾಲ್ಲ ನ್ಹಂಹಿವೇ? ತಶ್ಶಿ ಜಾಲ್ಯಾರಿ ಖಂಚೆ ತ್ಯಾ ಶಕ್ತಿ? ಜೀವಿನ ವಾಂಚುನು ಉರಚಾಕ ಅತ್ಯಗತ್ಯ ಜಾಲೇಲೆ ಪಂಚಭೂತ ಮ್ಹಣತಾತಿಕಿ? ನಾ ಆಮ್ಮಿ ಪೂರಾ ಭಕ್ತೀನ ಪಾಯಪೊಡಚೆ ಅಖಿಲಾಂಡ ಕೋಟಿ ಬ್ರಹ್ಮಾಂಡ ನಾಯಕ ಪರಮಾತ್ಮುಕಿ? ಕೋಣ? ಆಮಗೇಲೆ ಮ್ಹಾಲಗಡ್ಯಾನ ತಾಕ್ಕಾಯಿ ದೇವು ಮ್ಹಳ್ಳಶಿ ದಿಸ್ತಾ. ಆಮ್ಮಿ ಸಮಜಿಲಿ ವರಿ ಹೇ ಬ್ರಹ್ಮಾಂಡಾಚೆ ಸೃಷ್ಟಿ, ಸ್ಥಿತಿ, ಲಯಕರ್ತು ಜಾವ್ನಾಸ್ಸುಕ ಪುರೊ, ಜಾಂವೊ ತ್ಯಾ ಅಖಿಲಾಂಡ ಕೋಟಿ ಬ್ರಹ್ಮಾಂಡ ನಾಯಕಾ ದಾಕೂನು ನೇಮಣೂಕಿ ಜಾವ್ನಾಸ್ಸುಕ ಪುರೊ. ನಾಂವೆ ಪಂಚಭೂತಾಚೆ ಶಕ್ತಿ ಜಾವ್ನಾಸ್ಸುಕ ಪುರೊ. ಖಂಚೇ ಜಾಲ್ಯಾರಿಚಿ ತಾಜ್ಜೇನ ಘಡ ಘಡೇಕ ಜೀವರಾಶಿಚೆ ರಾಕ್ವಣ(ರಕ್ಷಣ) ಜಾತ್ತಾ ಆಸ್ಸುಚೆ ಮಾತ್ರ ಪಟ್ಟಿಕ ನ್ಹಂಹಿ. ತೊಂ ಕೋಣ? ಖಂಚೆಂತು ಆಸ್ಸ ಮ್ಹೊಣು ಆಮಗೇಲೆ ಅಜ್ಞಾನಾಚೆ ದೋಳ್ಯಾಕ ದೀಸ್ನಾಶಿ ವಚ್ಚುಕ ಪುರೊ ಜಾಲ್ಯಾರಿಚಿ ತಾಣೆ ಆಸ್ಸುಚೆ ಮಾತ್ರ ಖಂಡಿತ!
ತ್ಯಾ ಕಾರಣಾನ ದೇವು-ದೈವ ಕಸ್ಸಲೆ ನಾ ಮ್ಹಣಚೆ ತಿರಸ್ಕಾರು ನಾಕ್ಕಾ. ಆಮಕಾ ದೇವಾಕ ಪ್ರತ್ಯಕ್ಷ ಜಾವ್ನು ಪೊಳೋವಚಾಕ ಜಾಯನಾಶಿ ಆಸ್ಸುಕ ಪುರೊ, ಜಾಲ್ಯಾರಿ ತಾಗೇಲೆ ಸೃಷ್ಟಿ ಜಾಲೇಲೆ ವಿಂಗಡ ಜೀವ-ಜಂತುಂಕ ಪೊಳೋವ್ನು ತಾಂಚೆ ರಾಕ್ವಣ, ಅಭಿವೃದ್ಧಿಕ ಆಮಚೇನ ಜಾಲೇಲೆ ತಿತ್ತುಲೆ ಮದ್ದತ್ ಕೆಲಯಾರಿ. ಆಮಗೇಲೆ ತ್ಯಾ ಸಾಧನೆಂತು ದೇವು ನಿಪ್ಪೂನು ಬೈಸೂನು ಆಸತಾ. ಆನಿ ಆಮಗೇಲೆ ಸರ್ವ ಕಾರ್ಯಾಂತು ಯಶ ಹಾಣು ದಿತ್ತಾ. ದೇವಾಕ ನಂಬ್ಗೂನು ಕೋಣ ಖಂಚೆ ಕಾಮ ಚಾಲು ಕರತಾತಿಕಿ ತಾಂಕಾ ಯಶ ಪ್ರಾಪ್ತ ಜಾತ್ತಾ ಮ್ಹಣಚೆ ಸರ್ವವಿಧಿತ, ತ್ಯಾ ಖಾತ್ತಿರಿ ಆಮಗೇಲೆ ಸಂಸ್ಕೃತಿಂತು ಕುಲದೇವು ಆನಿ ಇಷ್ಟ ದೇವಾಕ ತಿತ್ತುಲೆ ಮಹತ್ವ ದಿಲೇಲೆ. ಆಧುನಿಕತೆ ಕಿತ್ಲೆ ಜಾಲ್ಯಾರಿಚಿ ದೇವಾ ವಯರಿ ಶ್ರದ್ಧಾ ದವರೂನು ಚಮಕಿತಲ್ಯಾಕ ಕೆದನಾಂಯಿ ಯಶ ಮ್ಹಣಚೆ ಬಾಂದೂನು ದಿಲೇಲೆ ಗಾಂಟಿ ವರಿ. ತಾಕ್ಕಾ ಸ್ತುತಿ ಕೋರ್ನು, ಪ್ರಸನ್ನ ಕೊರಚೆ ಬರಶಿ ತಾಗೇಲೆ ದುಸರೆ ಚರ್ಡುಂವ ಜಾಲೇಲೆ ಜೀವಜಂತುಂಕ ಉಪದ್ರವ ದಿವಚೆ ಅಪ್ರಿಯ ಕಾರ್ಯ ಕರ್ನಾಶಿ ಆಸ್ಸುಕಾ.!
ಸರ್ವಾಂಕ ದೇವು ಬರೆ ಕೊರೊಂ - ಆರ್‍ಗೋಡು ಸುರೇಶ ಶೆಣೈ, ಸಂಪಾದಕು
ಮ್ಹಳಯಾರಿ ಭೂಂಯ್ಚೆ ವೈಲೆ ಜೀವರಾಶಿ ರಾಕಚಾಂತು ನಿಸರ್ಗಾಚೆ ಏಕ ಶಕ್ತಿ ಕಾಮ ಕರ್ತಾ ಆಸ್ಸ ಮ್ಹೊಣು ಜಾಲ್ಲ ನ್ಹಂಹಿವೇ? ತಶ್ಶಿ ಜಾಲ್ಯಾರಿ ಖಂಚೆ ತ್ಯಾ ಶಕ್ತಿ? ಜೀವಿನ ವಾಂಚುನು ಉರಚಾಕ ಅತ್ಯಗತ್ಯ ಜಾಲೇಲೆ ಪಂಚಭೂತ ಮ್ಹಣತಾತಿಕಿ? ನಾ ಆಮ್ಮಿ ಪೂರಾ ಭಕ್ತೀನ ಪಾಯಪೊಡಚೆ ಅಖಿಲಾಂಡ ಕೋಟಿ ಬ್ರಹ್ಮಾಂಡ ನಾಯಕ ಪರಮಾತ್ಮುಕಿ? ಕೋಣ? ಆಮಗೇಲೆ ಮ್ಹಾಲಗಡ್ಯಾನ ತಾಕ್ಕಾಯಿ ದೇವು ಮ್ಹಳ್ಳಶಿ ದಿಸ್ತಾ. ಆಮ್ಮಿ ಸಮಜಿಲಿ ವರಿ ಹೇ ಬ್ರಹ್ಮಾಂಡಾಚೆ ಸೃಷ್ಟಿ, ಸ್ಥಿತಿ, ಲಯಕರ್ತು ಜಾವ್ನಾಸ್ಸುಕ ಪುರೊ, ಜಾಂವೊ ತ್ಯಾ ಅಖಿಲಾಂಡ ಕೋಟಿ ಬ್ರಹ್ಮಾಂಡ ನಾಯಕಾ ದಾಕೂನು ನೇಮಣೂಕಿ ಜಾವ್ನಾಸ್ಸುಕ ಪುರೊ. ನಾಂವೆ ಪಂಚಭೂತಾಚೆ ಶಕ್ತಿ ಜಾವ್ನಾಸ್ಸುಕ ಪುರೊ. ಖಂಚೇ ಜಾಲ್ಯಾರಿಚಿ ತಾಜ್ಜೇನ ಘಡ ಘಡೇಕ ಜೀವರಾಶಿಚೆ ರಾಕ್ವಣ(ರಕ್ಷಣ) ಜಾತ್ತಾ ಆಸ್ಸುಚೆ ಮಾತ್ರ ಪಟ್ಟಿಕ ನ್ಹಂಹಿ. ತೊಂ ಕೋಣ? ಖಂಚೆಂತು ಆಸ್ಸ ಮ್ಹೊಣು ಆಮಗೇಲೆ ಅಜ್ಞಾನಾಚೆ ದೋಳ್ಯಾಕ ದೀಸ್ನಾಶಿ ವಚ್ಚುಕ ಪುರೊ ಜಾಲ್ಯಾರಿಚಿ ತಾಣೆ ಆಸ್ಸುಚೆ ಮಾತ್ರ ಖಂಡಿತ!
ತ್ಯಾ ಕಾರಣಾನ ದೇವು-ದೈವ ಕಸ್ಸಲೆ ನಾ ಮ್ಹಣಚೆ ತಿರಸ್ಕಾರು ನಾಕ್ಕಾ. ಆಮಕಾ ದೇವಾಕ ಪ್ರತ್ಯಕ್ಷ ಜಾವ್ನು ಪೊಳೋವಚಾಕ ಜಾಯನಾಶಿ ಆಸ್ಸುಕ ಪುರೊ, ಜಾಲ್ಯಾರಿ ತಾಗೇಲೆ ಸೃಷ್ಟಿ ಜಾಲೇಲೆ ವಿಂಗಡ ಜೀವ-ಜಂತುಂಕ ಪೊಳೋವ್ನು ತಾಂಚೆ ರಾಕ್ವಣ, ಅಭಿವೃದ್ಧಿಕ ಆಮಚೇನ ಜಾಲೇಲೆ ತಿತ್ತುಲೆ ಮದ್ದತ್ ಕೆಲಯಾರಿ. ಆಮಗೇಲೆ ತ್ಯಾ ಸಾಧನೆಂತು ದೇವು ನಿಪ್ಪೂನು ಬೈಸೂನು ಆಸತಾ. ಆನಿ ಆಮಗೇಲೆ ಸರ್ವ ಕಾರ್ಯಾಂತು ಯಶ ಹಾಣು ದಿತ್ತಾ. ದೇವಾಕ ನಂಬ್ಗೂನು ಕೋಣ ಖಂಚೆ ಕಾಮ ಚಾಲು ಕರತಾತಿಕಿ ತಾಂಕಾ ಯಶ ಪ್ರಾಪ್ತ ಜಾತ್ತಾ ಮ್ಹಣಚೆ ಸರ್ವವಿಧಿತ, ತ್ಯಾ ಖಾತ್ತಿರಿ ಆಮಗೇಲೆ ಸಂಸ್ಕೃತಿಂತು ಕುಲದೇವು ಆನಿ ಇಷ್ಟ ದೇವಾಕ ತಿತ್ತುಲೆ ಮಹತ್ವ ದಿಲೇಲೆ. ಆಧುನಿಕತೆ ಕಿತ್ಲೆ ಜಾಲ್ಯಾರಿಚಿ ದೇವಾ ವಯರಿ ಶ್ರದ್ಧಾ ದವರೂನು ಚಮಕಿತಲ್ಯಾಕ ಕೆದನಾಂಯಿ ಯಶ ಮ್ಹಣಚೆ ಬಾಂದೂನು ದಿಲೇಲೆ ಗಾಂಟಿ ವರಿ. ತಾಕ್ಕಾ ಸ್ತುತಿ ಕೋರ್ನು, ಪ್ರಸನ್ನ ಕೊರಚೆ ಬರಶಿ ತಾಗೇಲೆ ದುಸರೆ ಚರ್ಡುಂವ ಜಾಲೇಲೆ ಜೀವಜಂತುಂಕ ಉಪದ್ರವ ದಿವಚೆ ಅಪ್ರಿಯ ಕಾರ್ಯ ಕರ್ನಾಶಿ ಆಸ್ಸುಕಾ.!
ಸರ್ವಾಂಕ ದೇವು ಬರೆ ಕೊರೊಂ - ಆರ್‍ಗೋಡು ಸುರೇಶ ಶೆಣೈ, ಸಂಪಾದಕು
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ