ಉರಗತಜ್ಞು ಶ್ರೀ ಪ್ರಫುಲ್ಲದಾಸ್ ಭಟ್, ಕಳಸ
ದಿವೋಡು ಮ್ಹಳಯಾರಿ ಸರ್ವ ಲೋಕ ಬೀವ್ನು ಮಾರ ದೂರ ದಾಂವತಾತಿ. ಜೀವ್ಶಿ ಮಾರ್ನು ಉಡ್ಡೇತಾಲಿ ಆಸ್ಸತಿ. ಜಾಲ್ಯಾರಿ ದಿವಡಾಕ “ರೈತ ಮಿತ್ರ ಮ್ಹೊಣು ಆಪೈತಾತಿ. ತ್ಯಾ ಖಾತ್ತಿರಿ ತಾಂಕಾ ಮಾರಚಾಕ ನಜ್ಜ ಮ್ಹೊಣು ಆತ್ತಾತ್ತ ಮಸ್ತ ಪ್ರಚಾರ ಜಾತ್ತಾ ಆಸ್ಸ. ಜಾಲ್ಯಾರಿಚಿ ಸಾಮಾನ್ಯಾಂಕ ದಿವಡಾ ಖಾತ್ತಿರಿ ಆಸ್ಸುಚೆ ಆತಂಕ, ಭಯಿ ಊಣೆ ಜಾಯನಿ. ಆತ್ತಾತ್ತ ಅಂತೂ ರಾನ್ನಾಂತು ಖಾವಚಾಕ ಆಹಾರ, ಪಿವಚಾಕ ಉದ್ದಾಕ ಮೆಳನಾಶಿ ದಿವೋಡು ಗಾಂವಾಕ ರಿಗ್ಗೂನು ಆಪ್ಣಿತ್ಲ್ಯಾಕ ಮರಣ ಆಮಂತ್ರಣ ಕೋರ್ನು ಘೆತ್ತಾ ಆಸ್ಸತಿ. ಅಸ್ಸಲೆ ವೇಳ್ಯಾರಿ ಸರ್ವ ಜಾತಿಚೆ ದಿವಡಾಕ ಧೋರ್ನು ಪರತ ರಾನ್ನಾಕ ವ್ಹೋನು ಸೋಣು, ತಾಂಕಾ ಪ್ರಾಣ ಬಿಕ್ಷಾ ದಿವಚೆ ಬರಶಿ ಲೋಕಾಲೆ ಭಯ, ಆತಂಕ ದೂರ ಕೊರಚೆ ಏಕಳೆಂ ಉರಗ ತಜ್ಞ ಆಮಗೇಲೆ ಮಧ್ಯೆ ಆಸ್ಸತಿ. ತಾನ್ನಿಚಿ ಶ್ರೀ ಪ್ರಫುಲ್ಲದಾಸ ಭಟ್. ಹಾನ್ನಿ ಕೊಂಕಣಿಗ ಮ್ಹಣಚೆ ಆಮಕಾ ಅಭಿಮಾನಾಚೆ ವಿಷಯು.
ಶ್ರೀ ಪ್ರಫುಲ್ಲದಾಸ ಭಟ್ಟಾಂಕ ಆತ್ತ ೬೪ ವರ್ಷ ಪ್ರಾಯು. ಕಳಸಾಂತು ಜನ್ಮಿಲೆ ಹಾಂಗೆಲೆ ಬಾಪಯಿ ಪಿ. ವಿಠಲ ಭಟ್ ಆನಿ ಆವಯಿ ಅರುಂಧತಿ ಬಾಯಿ ಶ್ರೀ ಭಟ್ಮಾಮ್ಮಾನಿ ಆಜಿ ಪರ್ಯಂತ ಸುಮಾರ ೧೫ ಹಜಾರಾ ಪಶಿ ಚ್ಹಡ ವಿಷ ದಿವಡಾಕ ಧೋರ್ನು ರಾನ್ನಾಕ ಸೋಡ್ನು ಜೀವದಾನ ದಿಲ್ಲಾ. ತಾಂತು ಲಾಗ್ಗಿ ಲಾಗ್ಗಿ ೩೦೦ ತಿತ್ಲೆ ಕಾಳಿಂಗ ಸರೋಪು ಮ್ಹಣಚೆ ದಿವೋಡೊ ಧೊರಚೆ ತಾಂಗೆಲೆ ಚಾಣಾಕ್ಷತೇಕ ಸಾಕ್ಷಿ ಮ್ಹಣ್ಯೇತ. ಆಪಣಾಲೆ ೧೫ ವರ್ಷಾ ಪ್ರಾಯಾಂತು ದಿವೋಡು ಧೊರಚೆ ಹವ್ಯಾಸು ವಾಡ್ಡೊನು ಘೆತ್ತಿಲೆ ಶ್ರೀ ಪ್ರಫುಲ್ಲಚಂದ್ರ ಭಟ್ಮಾಮ್ಮಾನಿ ಆಜಿ ೬೪ ವರ್ಷ ಪ್ರಾಯಾಂತು ಥಾಂಯಿ ತ್ಯಾ ಮುಖಾರ್‍ಸುನು ಘೇವ್ನು ಆಯ್ಲಿಂತಿ. ದಿವೋಡು ದರತಾನಾ ಹಾತ್ತಾಕ ಗ್ಲೌಸ್ ಘಾಲ್ನು ಘೆತಲ್ಯಾರಿಚಿ ಕಿತ್ಲಕಿ ಪಂತಾ ತಾಂಕಾ ದಿವೋಡು ಚಾಬ್ಬಿಲೆ ಆಸ್ಸ. ಏಕ್ಪಂತಾ ಅಂತೂ ಏಕ ಕಾಳಿಂಗ ಸರ್ಪಾಕ ಧರತಾನಾ ತ್ಯಾ ಚಾಬ್ಬಿಲೆ ನಿಮಿತ್ತ ತಾಂಗೆಲೆ ಪರಿಸ್ಥಿತಿ ಮರಣಾಂತಿಕ ಜಾಲೇಲೆ. ಪ್ರಜ್ಞೆ ಚುಕ್ಕುನು ಪಡೀಲೆ ಶ್ರೀ ಭಟ್ಮಾಮ್ಮಾಕ ಡಾಕ್ಟ್ರಾನಿಂ ಸಕಾಲಾಕ ಉಪಚಾರ ಕೆಲೇಲೆ ನಿಮಿತ್ತ ತಾಂಗೆಲೆ ಜೀವು ವ್ಹರಲೆ. ತೆದ್ದನಾ ಸಹಕಾರ ದಿಲೇಲೆ ಮಿತ್ರ ಆನಿ ವೈದ್ಯ ವರ್ಗಾಕ ತಾನ್ನಿ ವಿಸರ್ನಾಶಿ ಆಜಿಯಿ ಯಾದು ಕೋರ್ನು ಘೆತ್ತಾತಿ. ನೈಶಿ ತಾಂಗೆಲೊ ಏಕಳೊ ದೋಸ್ತಾನ ೧೦-೧೫ ವರ್ಷಾ ಮಾಕಶಿ ಥೈಲ್ಯಾಂಡ್ ದೇಶಾ ದಾಕೂನು ಸುಮಾರ ದೋನ ಲಾಕ್ ರೂಪಯಾ ವಾಕ್ಕದ ಹಾಡೋನು ದಿಲೇಲೆ ಕೆದನಾಂಯಿ ಸ್ಮರಣ ಕೋರ್ನು ಘೆತ್ತಾತಿ. ಹ್ಯಾ ತಾಂಕಾ ವೇಳ್ಯಾಕ ಸಮ ಜಾವ್ನು ಉಪಯೋಗ ಜಾಯ್ನಿ ಮ್ಹೊಣು ಮಣಿಪಾಲ ಆಸ್ಪತ್ರೆಕ ಪೆಟೋವ್ನು ದೀವ್ನು ಅಗತ್ಯ ಆಶ್ಶಿಲೆ ದುರ್ಬಳ ರೋಗಿಂಕ ವಾಪರಚಾಕ ವಿನಂತಿ ಕೆಲ್ಲಿಂತಿ. ಹೇ ಭಟ್ಮಾಮ್ಮಾಕ ಗರೀಬಾ ವಯರಿ ಆಸ್ಸುಚೆ ಕಾಳ್ಜಿಕ ಸಾಕ್ಷಿ ಮ್ಹಣ್ಯೇತ. ಹಾನ್ನಿ ಕಳಸಾಚೆ ಸುತ್ತ ಮುತ್ಲ ತಿತ್ಲೆ ನ್ಹಂಹಿಸಿ ಉಡುಪಿ, ದಕ್ಷಿಣ ಕನ್ನಡ ಜಿಲ್ಲ್ಯಾಕ ಸೈತ ವಚ್ಚುನು ವ್ಹಡ ವ್ಹಡ ದಿವಡಾಕ ದೋರ್ನು ಲೋಕಾಲೆ ಆದರಭಿಮಾನಾಕ ಪಾತ್ರ ಜಾಲ್ಲಿಂತಿ.
ದಿವೋಡು ಧೊರೆಚೆ ಚಾಣಾಕ್ಷ ಕಾಮ ಮ್ಹಣಚಾಂತು ಖಂಚೇ ಅನ್ಮಾನು ನಾ. ಶ್ರೀ ಭಟ್ಮಾಮ್ಮಾನ ಸಾಂಗ್ಚೆ ವರಿ ದಿವಡಾನ ಖಂಯ್ತರಿ ನೆಲ ಚಾಬ್ಬುನು ಆಸಲೇರಿ ಹಸ್ತೆನ ಧೋರ್ನು ತಾಂಡಿಲ್ಯಾರಿ ನೆಲ ಸೋಣಾತಿ ಖಂಯಿ. ತೆದ್ದನಾ ಏಕ್ಪಂತ ಹಾತು ಚಿಕ್ಕೆ ಸಡ್ಡಲ ಕೋರ್ನು ಮಾಗಿರಿ ತಾಂಡಿಲ್ಯಾರಿ ಸರಳ ಜಾವ್ನು ಎತ್ತಾ ಖಂಯಿ. ಹಾಂಗೆಲೆ ದಿವಡಾ ದೊರಚೆ ಸಾಹಸಾ ಕಾಣಿ ಕರ್ನಾಟಕಾಚೆ ಚಡ್ತೆ ಕನ್ನಡ ಮಾತ್ರ ನ್ಹಂಹಿ ಇಂಗ್ಲಿಷ್ ಪತ್ರಾಂತು ಸೈತ ಪ್ರಿಂಟ್ ಜಾಲ್ಲಯಾ.
ಬಾಯ್ಲ ಆನಿ ತೀನಿ ಚರ್ಡುಂವ ಆಸ್ಸುಚೆ ಸಂತೃಪ್ತ ಕುಟುಂಬ ಹಾಂಗೆಲೆ. ಸರಳತಾ ಹಾಂಗೆಲೆ ಜೀವನಾಚೆ ಮೂಲಮಂತ್ರ. ಸೌಜನ್ಯಯುಕ್ತ ಜಾವ್ನು ಸಮಾಜ ಸೇವಾ ಕರ್ತಾ ಆಸ್ಸುಚೆ ಹಾಂಗೆಲೆ ಸಾಧನೆಕ ಮಸ್ತ ಲೋಕಾನಿ ಸನ್ಮಾನ ಕೋರ್ನು ಆಪಣಾಲೆ ಕೃತಜ್ಞತಾ ವ್ಯಕ್ತ ಕೆಲ್ಲಯಾ. ತಾಂತು ಥೊಡೆ ಸಾಂಕಾ ಮ್ಹಳಯಾರಿ ೨೦೧೧ಂತು ಹಾಂಕಾ ಚಿಕ್ಕಮಗಳೂರು ಜಿಲ್ಲಾ ಮಟ್ಟಾಚೆ “ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ ಪಾವಿತ ಜಾಲ್ಲ್ಯಾ. ಆನಿ ಜಿಲ್ಲೆ, ಪರ ಜಿಲ್ಲೆ ಶಂಬರಿ ಭರಿ ಕಡೇನ ಇತರ ಸಂಘ-ಸಂಸ್ಥೆಚಾನ ಆಪೋನು ಸನ್ಮಾನ ಕೆಲ್ಲೆಲೆ ಹಾನ್ನಿ ಕೆಲೇಲೆ ಸಾಧನೇಕ ಕಳಸ ದವರಿಲ ವರಿ ಮ್ಹಣ್ಯೇತ.
ಹಾನ್ನಿ ಚಿಕ್ಕಮಗಳೂರು ಜಿಲ್ಲೆಚೆ ಗೌರಿಗಿಂಡಿ ಶ್ರೀ ಸಂಗಮೇಶ್ವರ ದೇವಳ, ಮಲ್ಲೇಶ್ವರ ದೇವಳ, ಕೆಳಗೂರಾಚೆ ಕಲ್ಲೇಶ್ವರ ದೇವಳ, ಹೆರಂಬಿಚೆ ಶ್ರೀ ದೇವಿಳಮ್ಮ ಇತ್ಯಾದಿ ದೇವಳಾಚೆ ಉಸ್ತುವಾರಿ ಆನಿ ಅಧ್ಯಕ್ಷ ಮ್ಹೊಣು ಸೇವಾ ಪಾವೈತಾ ಆಸ್ಸತಿ. ಶ್ರೀ ವೆಂಕಟರಮಣ ದೇವಳಾಚೆ ಸೈತ ಅಧ್ಯಕ್ಷ ಜಾವ್ನು ಆಸ್ಸತಿ. ಹಾನ್ನಿ ಕರ್ತಾ ಆಸ್ಸುಚೆ ಹೇ ಸೇವಾ ಖಂಡಿತ ಸರ್ವಾನಿ ತಾರೀಪು ಕೊರ್‍ಕಾ ಜಾಲೇಲೆ. ಏಕ ಬಗಲೇನ ಲೋಕಾಲೆ ಭಯ, ಅತಂಕ ದೂರ ಕೋರ್ನು, ಮೂಕಪ್ರಾಣಿ ದಿವಡಾಲೆ ಪ್ರಾಣ ರಕ್ಷಣ ಕೋರ್ನು ನಿಸರ್ಗಾಚೆ ಸಮತೋಲನೆಕ ವಾವ್ರೋ ಕರ್ತಾ ಆಸ್ಸುಚೆ ಹಾಂಕಾ ರಾಜ್ಯೋತ್ಸವ, ಪರಿಸರ ರಕ್ಷಣ ತಸ್ಸಾಲೆ ಪ್ರಶಸ್ತಿ ದೀವ್ನು ಗೌರವ ಕೊರ್‍ಕಾ ಜಾಲೇಲೆ ಸರಕಾರಾಚೆ ಕರ್ತವ್ಯು ಮ್ಹೊಣು ಲೆಕ್ತಾ. ಮುಖಾವೈಲೆ ದಿವಸಾಂತು ಹಾಂಗೆಲೆ ದಾಕೂನು ಸಮಾಜಾಕ ಆನ್ನಿಕೆ ಚ್ಹಡ ಸೇವಾ ಪಾವೋ ಮ್ಹೊಣು ಆಶಯ ಕರ್ತಾ ಸರಸ್ವತಿ ಪ್ರಭಾ ತರಪೇನ ಹಾಂಕಾ ದೇವು ಬರೆಂ ಕೊರೊ ಮ್ಹಣತಾ. ಕೋಣ್ತರಿ ಹಾಂಕಾ ಭೆಟ್ಟೂಚಾಕ ಇಚ್ಛಾ ಆಶ್ಶಿಲ್ಯಾನಿ ಹಾಂಗೆಲೆ ಪೋನ್ ನಂ. ೯೪೮೦೦೭೫೨೦೨ ಮೂಖಾಂತರ ಸಂಪರ್ಕು ಕೊರಯೇತ.
- ಅಪ್ಪುರಾಯ ಪೈ.
ಶ್ರೀ ಪ್ರಫುಲ್ಲದಾಸ ಭಟ್ಟಾಂಕ ಆತ್ತ ೬೪ ವರ್ಷ ಪ್ರಾಯು. ಕಳಸಾಂತು ಜನ್ಮಿಲೆ ಹಾಂಗೆಲೆ ಬಾಪಯಿ ಪಿ. ವಿಠಲ ಭಟ್ ಆನಿ ಆವಯಿ ಅರುಂಧತಿ ಬಾಯಿ ಶ್ರೀ ಭಟ್ಮಾಮ್ಮಾನಿ ಆಜಿ ಪರ್ಯಂತ ಸುಮಾರ ೧೫ ಹಜಾರಾ ಪಶಿ ಚ್ಹಡ ವಿಷ ದಿವಡಾಕ ಧೋರ್ನು ರಾನ್ನಾಕ ಸೋಡ್ನು ಜೀವದಾನ ದಿಲ್ಲಾ. ತಾಂತು ಲಾಗ್ಗಿ ಲಾಗ್ಗಿ ೩೦೦ ತಿತ್ಲೆ ಕಾಳಿಂಗ ಸರೋಪು ಮ್ಹಣಚೆ ದಿವೋಡೊ ಧೊರಚೆ ತಾಂಗೆಲೆ ಚಾಣಾಕ್ಷತೇಕ ಸಾಕ್ಷಿ ಮ್ಹಣ್ಯೇತ. ಆಪಣಾಲೆ ೧೫ ವರ್ಷಾ ಪ್ರಾಯಾಂತು ದಿವೋಡು ಧೊರಚೆ ಹವ್ಯಾಸು ವಾಡ್ಡೊನು ಘೆತ್ತಿಲೆ ಶ್ರೀ ಪ್ರಫುಲ್ಲಚಂದ್ರ ಭಟ್ಮಾಮ್ಮಾನಿ ಆಜಿ ೬೪ ವರ್ಷ ಪ್ರಾಯಾಂತು ಥಾಂಯಿ ತ್ಯಾ ಮುಖಾರ್‍ಸುನು ಘೇವ್ನು ಆಯ್ಲಿಂತಿ. ದಿವೋಡು ದರತಾನಾ ಹಾತ್ತಾಕ ಗ್ಲೌಸ್ ಘಾಲ್ನು ಘೆತಲ್ಯಾರಿಚಿ ಕಿತ್ಲಕಿ ಪಂತಾ ತಾಂಕಾ ದಿವೋಡು ಚಾಬ್ಬಿಲೆ ಆಸ್ಸ. ಏಕ್ಪಂತಾ ಅಂತೂ ಏಕ ಕಾಳಿಂಗ ಸರ್ಪಾಕ ಧರತಾನಾ ತ್ಯಾ ಚಾಬ್ಬಿಲೆ ನಿಮಿತ್ತ ತಾಂಗೆಲೆ ಪರಿಸ್ಥಿತಿ ಮರಣಾಂತಿಕ ಜಾಲೇಲೆ. ಪ್ರಜ್ಞೆ ಚುಕ್ಕುನು ಪಡೀಲೆ ಶ್ರೀ ಭಟ್ಮಾಮ್ಮಾಕ ಡಾಕ್ಟ್ರಾನಿಂ ಸಕಾಲಾಕ ಉಪಚಾರ ಕೆಲೇಲೆ ನಿಮಿತ್ತ ತಾಂಗೆಲೆ ಜೀವು ವ್ಹರಲೆ. ತೆದ್ದನಾ ಸಹಕಾರ ದಿಲೇಲೆ ಮಿತ್ರ ಆನಿ ವೈದ್ಯ ವರ್ಗಾಕ ತಾನ್ನಿ ವಿಸರ್ನಾಶಿ ಆಜಿಯಿ ಯಾದು ಕೋರ್ನು ಘೆತ್ತಾತಿ. ನೈಶಿ ತಾಂಗೆಲೊ ಏಕಳೊ ದೋಸ್ತಾನ ೧೦-೧೫ ವರ್ಷಾ ಮಾಕಶಿ ಥೈಲ್ಯಾಂಡ್ ದೇಶಾ ದಾಕೂನು ಸುಮಾರ ದೋನ ಲಾಕ್ ರೂಪಯಾ ವಾಕ್ಕದ ಹಾಡೋನು ದಿಲೇಲೆ ಕೆದನಾಂಯಿ ಸ್ಮರಣ ಕೋರ್ನು ಘೆತ್ತಾತಿ. ಹ್ಯಾ ತಾಂಕಾ ವೇಳ್ಯಾಕ ಸಮ ಜಾವ್ನು ಉಪಯೋಗ ಜಾಯ್ನಿ ಮ್ಹೊಣು ಮಣಿಪಾಲ ಆಸ್ಪತ್ರೆಕ ಪೆಟೋವ್ನು ದೀವ್ನು ಅಗತ್ಯ ಆಶ್ಶಿಲೆ ದುರ್ಬಳ ರೋಗಿಂಕ ವಾಪರಚಾಕ ವಿನಂತಿ ಕೆಲ್ಲಿಂತಿ. ಹೇ ಭಟ್ಮಾಮ್ಮಾಕ ಗರೀಬಾ ವಯರಿ ಆಸ್ಸುಚೆ ಕಾಳ್ಜಿಕ ಸಾಕ್ಷಿ ಮ್ಹಣ್ಯೇತ. ಹಾನ್ನಿ ಕಳಸಾಚೆ ಸುತ್ತ ಮುತ್ಲ ತಿತ್ಲೆ ನ್ಹಂಹಿಸಿ ಉಡುಪಿ, ದಕ್ಷಿಣ ಕನ್ನಡ ಜಿಲ್ಲ್ಯಾಕ ಸೈತ ವಚ್ಚುನು ವ್ಹಡ ವ್ಹಡ ದಿವಡಾಕ ದೋರ್ನು ಲೋಕಾಲೆ ಆದರಭಿಮಾನಾಕ ಪಾತ್ರ ಜಾಲ್ಲಿಂತಿ.
ದಿವೋಡು ಧೊರೆಚೆ ಚಾಣಾಕ್ಷ ಕಾಮ ಮ್ಹಣಚಾಂತು ಖಂಚೇ ಅನ್ಮಾನು ನಾ. ಶ್ರೀ ಭಟ್ಮಾಮ್ಮಾನ ಸಾಂಗ್ಚೆ ವರಿ ದಿವಡಾನ ಖಂಯ್ತರಿ ನೆಲ ಚಾಬ್ಬುನು ಆಸಲೇರಿ ಹಸ್ತೆನ ಧೋರ್ನು ತಾಂಡಿಲ್ಯಾರಿ ನೆಲ ಸೋಣಾತಿ ಖಂಯಿ. ತೆದ್ದನಾ ಏಕ್ಪಂತ ಹಾತು ಚಿಕ್ಕೆ ಸಡ್ಡಲ ಕೋರ್ನು ಮಾಗಿರಿ ತಾಂಡಿಲ್ಯಾರಿ ಸರಳ ಜಾವ್ನು ಎತ್ತಾ ಖಂಯಿ. ಹಾಂಗೆಲೆ ದಿವಡಾ ದೊರಚೆ ಸಾಹಸಾ ಕಾಣಿ ಕರ್ನಾಟಕಾಚೆ ಚಡ್ತೆ ಕನ್ನಡ ಮಾತ್ರ ನ್ಹಂಹಿ ಇಂಗ್ಲಿಷ್ ಪತ್ರಾಂತು ಸೈತ ಪ್ರಿಂಟ್ ಜಾಲ್ಲಯಾ.
ಬಾಯ್ಲ ಆನಿ ತೀನಿ ಚರ್ಡುಂವ ಆಸ್ಸುಚೆ ಸಂತೃಪ್ತ ಕುಟುಂಬ ಹಾಂಗೆಲೆ. ಸರಳತಾ ಹಾಂಗೆಲೆ ಜೀವನಾಚೆ ಮೂಲಮಂತ್ರ. ಸೌಜನ್ಯಯುಕ್ತ ಜಾವ್ನು ಸಮಾಜ ಸೇವಾ ಕರ್ತಾ ಆಸ್ಸುಚೆ ಹಾಂಗೆಲೆ ಸಾಧನೆಕ ಮಸ್ತ ಲೋಕಾನಿ ಸನ್ಮಾನ ಕೋರ್ನು ಆಪಣಾಲೆ ಕೃತಜ್ಞತಾ ವ್ಯಕ್ತ ಕೆಲ್ಲಯಾ. ತಾಂತು ಥೊಡೆ ಸಾಂಕಾ ಮ್ಹಳಯಾರಿ ೨೦೧೧ಂತು ಹಾಂಕಾ ಚಿಕ್ಕಮಗಳೂರು ಜಿಲ್ಲಾ ಮಟ್ಟಾಚೆ “ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ ಪಾವಿತ ಜಾಲ್ಲ್ಯಾ. ಆನಿ ಜಿಲ್ಲೆ, ಪರ ಜಿಲ್ಲೆ ಶಂಬರಿ ಭರಿ ಕಡೇನ ಇತರ ಸಂಘ-ಸಂಸ್ಥೆಚಾನ ಆಪೋನು ಸನ್ಮಾನ ಕೆಲ್ಲೆಲೆ ಹಾನ್ನಿ ಕೆಲೇಲೆ ಸಾಧನೇಕ ಕಳಸ ದವರಿಲ ವರಿ ಮ್ಹಣ್ಯೇತ.
ಹಾನ್ನಿ ಚಿಕ್ಕಮಗಳೂರು ಜಿಲ್ಲೆಚೆ ಗೌರಿಗಿಂಡಿ ಶ್ರೀ ಸಂಗಮೇಶ್ವರ ದೇವಳ, ಮಲ್ಲೇಶ್ವರ ದೇವಳ, ಕೆಳಗೂರಾಚೆ ಕಲ್ಲೇಶ್ವರ ದೇವಳ, ಹೆರಂಬಿಚೆ ಶ್ರೀ ದೇವಿಳಮ್ಮ ಇತ್ಯಾದಿ ದೇವಳಾಚೆ ಉಸ್ತುವಾರಿ ಆನಿ ಅಧ್ಯಕ್ಷ ಮ್ಹೊಣು ಸೇವಾ ಪಾವೈತಾ ಆಸ್ಸತಿ. ಶ್ರೀ ವೆಂಕಟರಮಣ ದೇವಳಾಚೆ ಸೈತ ಅಧ್ಯಕ್ಷ ಜಾವ್ನು ಆಸ್ಸತಿ. ಹಾನ್ನಿ ಕರ್ತಾ ಆಸ್ಸುಚೆ ಹೇ ಸೇವಾ ಖಂಡಿತ ಸರ್ವಾನಿ ತಾರೀಪು ಕೊರ್‍ಕಾ ಜಾಲೇಲೆ. ಏಕ ಬಗಲೇನ ಲೋಕಾಲೆ ಭಯ, ಅತಂಕ ದೂರ ಕೋರ್ನು, ಮೂಕಪ್ರಾಣಿ ದಿವಡಾಲೆ ಪ್ರಾಣ ರಕ್ಷಣ ಕೋರ್ನು ನಿಸರ್ಗಾಚೆ ಸಮತೋಲನೆಕ ವಾವ್ರೋ ಕರ್ತಾ ಆಸ್ಸುಚೆ ಹಾಂಕಾ ರಾಜ್ಯೋತ್ಸವ, ಪರಿಸರ ರಕ್ಷಣ ತಸ್ಸಾಲೆ ಪ್ರಶಸ್ತಿ ದೀವ್ನು ಗೌರವ ಕೊರ್‍ಕಾ ಜಾಲೇಲೆ ಸರಕಾರಾಚೆ ಕರ್ತವ್ಯು ಮ್ಹೊಣು ಲೆಕ್ತಾ. ಮುಖಾವೈಲೆ ದಿವಸಾಂತು ಹಾಂಗೆಲೆ ದಾಕೂನು ಸಮಾಜಾಕ ಆನ್ನಿಕೆ ಚ್ಹಡ ಸೇವಾ ಪಾವೋ ಮ್ಹೊಣು ಆಶಯ ಕರ್ತಾ ಸರಸ್ವತಿ ಪ್ರಭಾ ತರಪೇನ ಹಾಂಕಾ ದೇವು ಬರೆಂ ಕೊರೊ ಮ್ಹಣತಾ. ಕೋಣ್ತರಿ ಹಾಂಕಾ ಭೆಟ್ಟೂಚಾಕ ಇಚ್ಛಾ ಆಶ್ಶಿಲ್ಯಾನಿ ಹಾಂಗೆಲೆ ಪೋನ್ ನಂ. ೯೪೮೦೦೭೫೨೦೨ ಮೂಖಾಂತರ ಸಂಪರ್ಕು ಕೊರಯೇತ.
- ಅಪ್ಪುರಾಯ ಪೈ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ