ಬೆಂಗಳೂರಾಂತು ಕೊಂಕಣಿ ನಾಟಕ ಮಹೋತ್ಸವ
ವಿಂಗಡ ಭಾಷೆಚೆ ನಾಟಕ ಕೊಂಕಣಿಕ  ಅನುವಾದ ಜಾಲ್ಯಾರಿ ಕೊಂಕಣಿ ರಂಗಭೂಮಿ ಆನಿ ಇತ್ಲೆ ಶ್ರೀಮಂತ ಜಾವಚಾಕ ಫಾವ ಆಸ್ಸ. ಮ್ಹೊಣು  ಉದ್ಯಮಿ ಡಾ.ಪಿ.ದಯಾನಂದ ಪೈ ಮಾಮ್ಮಾನಿ  ಅಭಿಪ್ರಾಯ ಪಾವಲೆ. ತಾನ್ನಿ ಬೆಂಗಳೂರಾಂತು ಜನವರಿ ೧೯-೨೦ಕ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಆನಿ ಗೌಡ ಸಾರಸ್ವತ ಸೇವಕ ಸಮಾಜಾಚಾನಿ ಆಯೋಜನ ಕೆಲೇಲೆ ದೋನ ದಿವಸಾಚೆ ’ರಂಗ ವೈಭವ’ ಕೊಂಕಣಿ ನಾಟಕ ಮಹೋತ್ಸವ ಉದ್ಘಾಟನ ಕೋರ್ನು ಉಲೈತಾಶ್ಶಿಲೆ. ಕೊಂಕಣಿ ಭಾಷೆ ಹಿಂದೂ, ಕ್ರೈಸ್ತ ತಶ್ಶೀಚಿ ಮುಸಲ್ಮಾನ ಧರ್ಮಾಚಿ ಉಲೈತಾತಿ. ಚ್ಹಡ  ಸಾಹಿತ್ಯ ರಚನೆ ಮೂಖಾಂತರ ಕೊಂಕಣಿ ಭಾಷೆ ತಶ್ಶೀಚಿ ರಂಗಭೂಮಿ ಆನಿ ಇತ್ಲೆ ಗಟ್ಟಿ ಜಾವ್ಕಾ, ಅಶ್ಶಿ ಜಾವ್ನು ಅನ್ಯ ಭಾಷೆಂಚೆ ನಾಟಕ ಕೃತಿ ಕೊಂಕಣಿ ಭಾಷೆಕ ತರ್ಜುಮೆ ಜಾವ್ಕಾ, ಆನಿ ತ್ಯಾ ಮೂಖಾಂತರ ಕೊಂಕಣಿ ಭಾಷಾ ಸಾಹಿತ್ಯ ಶ್ರೀಮಂತ ಜಾತ್ತಾ. ಮ್ಹಳ್ಳಿಂತಿ.
‘ನೈಶೀ ಇತರ ಭಾಷೆಂಚೆ ರಂಗಭೂಮಿ ಕಲಾವಿದಾಂಕ ಮೆಳ್ಚೆ ತಸ್ಸಾಲೆ ಉನ್ನತ ಶಿಕ್ಷಣ ಕೊಂಕಣಿ ಭಾಷಾ ಕಲಾವಿದಾಂಕ ಮೆಳ್ಕಾ ಜಾಲೇಲೆ ಅಗತ್ಯ ಆಸ್ಸ. ಕೊಂಕಣಿ ಭಾಷಾ ನಾಟಕ ಚ್ಹಡ ನಿರ್ದೇಶನ ಜಾವ್ನು, ಪ್ರದರ್ಶನ ಜಾವ್ಕಾ ಮ್ಹಣಚೆ ಆಶಯ ವ್ಯಕ್ತ ಕೆಲ್ಲಿಂತಿ.
ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಕಾಸರಗೋಡು ಚಿನ್ನಾ ತಾನ್ನಿ ಉಲೋವ್ನು “ರಂಗಭೂಮಿಚಿ ಏಕ ಭಾಸ. ತ್ಯಾ ಭಾಷೆ ಮೂಖಾಂತರ ಚ್ಹಡ ಕೊಂಕಣಿಗಾಂಕ  ರಂಗಭೂಮಿ ಆಕರ್ಷಣ ಕೊರಕಾ, ತಶ್ಶೀಚಿ ರಂಗಭೂಮಿ ಗಟ್ಟಿ ಜಾವ್ಕಾ ಮ್ಹಣಚೆ ಅಕಾಡೆಮಿಚೆ ಉದ್ದೇಶು. ರಂಗಮಂಥನಾಚೆ ಮೂಖಾಂತರ ಕೊಂಕಣಿ ಕಲಾವಿದಾಂಕ  ಮುಖ್ಯವಾಹಿನಿಕ ಹಾಡಚೆ ಪ್ರಯತ್ನಾಂತು ಅಕಾಡೆಮಿ ಕಾರ್ಯಪ್ರವೃತ್ತ ಜಾಲ್ಲಾ. ಕೊಂಕಣಿ ನಾಟಕ ಶಿಬಿರ ಆಯೋಜನ ಕೊರಚೆ ಮೂಖಾಂತರ ಕೊಂಕಣಿ ರಂಗ ನಾಟಕ ಚ್ಹಡ ಕೊರಚೆ ಪ್ರಯತ್ನ ಚಲ್ತಾ. ಮ್ಹಳ್ಳಿಂತಿ.
ಹೇಂಚಿ ವೇಳ್ಯಾರಿ ಕೊಂಕಣಿ ರಂಗ ಕಲಾವಿದ ರಾಮಚಂದ್ರ ಕೋಡಂಗೆ, ಗೀತಾ ಆರ್.ನಾಯಕ್, ವಾಲ್ಟರ್ ಡಿಸೋಜ, ಜೋಗಿ ನಾಗರಾಜ್ ಶೇಟ್ ತಾಂಕಾ ’ಕೊಂಕಣಿ ನಕ್ಷತ್ರ’ ಪುರಸ್ಕಾರ ದೀವ್ನು ಗೌರವ ಕೆಲ್ಲೆ. ಕಾರ್ಯಕ್ರಮಾಂತು ಗೌಡ ಸಾರಸ್ವತ ಸೇವಕ ಸಮಾಜಾಚೆ ಅಧ್ಯಕ್ಷ ವಸಂತ ಮಾಧವ ಪೈ, ಅಕಾಡೆಮಿ ರಿಜಿಸ್ಟ್ರಾರ್ ಡಾ.ಬಿ.ದೇವದಾಸ್ ಪೈ, ಸದಸ್ಯೆ ಶೀಲಾ ಜೆ ನಾಯಕ್, ಕೊಂಕಣಿ ರಂಗಕಲಾವಿದ ಉಪಸ್ಥಿತ ಆಶ್ಶಿಲೆ.