ಬುಧವಾರ, ಜೂನ್ 27, 2012

Saraswati Prabha News 6/12 -7kan

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಚಿಕ್ಕಮಗಳೂರು
ಚಿಕ್ಕಮಗಳೂರು ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಶ್ರೀ ರಾಮ ದೇವಳಾಂತು ಶ್ರೀ ರಾಮ ದೇವಾಲೆ ಪ್ರತಿಷ್ಠಾ ವರ್ಧಂತಿ ಮಹೋತ್ಸವು ತಾ. ೧೮-೦೮-೨೦೧೨ ದಿವಸು ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ಧಾ ಸಮಸ್ತಾಲೆ ಪ್ರಾರ್ಥನ, ಸಾನ್ನಿಧ್ಯ ಹೋಮು, ಶ್ರೀ ದೇವಾಕ ಕಲಶಾಭಿಷೇಕ, ಯಜ್ಞಾರತಿ, ಮಹಾಮಂಗಳಾರತಿ, ಶ್ರೀ ದೇವಾಕ ಆನಿ ಪ|ಪೂ| ಗುರುವರ್ಯಾಂಕ ಪಟ್ಟ ಕಾಣಿಕಾ, ಪ್ರಸಾದ ವಿತರಣ, ಫಲಾವಳಿ ಏಲಂ, ಭೂರಿ ಸಂತರ್ಪಣ, ಸಾಂಜ್ವಾಳಾ ಭಜನಾ ಕಾರ್ಯಕ್ರಮ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಶ್ರೀ ರಾಮ ದೇವಳಾಂತು “ಶ್ರೀ ನಾಗದೇವತಾ ಪುನರ್ ಪ್ರತಿಷ್ಠಾಪನ ತಾ. ೩೧-೦೫-೨೦೧೨ ದಿವಸು ವಿಧಿಪೂರ್ವಕ ಜಾವ್ನು ಚಲೇಲೆ ಖಬ್ಬರ ಮೆಳ್ಳಾ.
ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಧಾರವಾಡ
ಧಾರವಾಡಾಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಸಮಾಜ ಮಂದಿರ ಸರಸ್ವತಿ ನಿಕೇತನಾಕ ಶ್ರೀ ಸಂಸ್ಥಾನ ಗೌಡ ಪಾದಾಚಾರ್ಯ ಕೈವಲ್ಯ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೆಂ ತಾ. ೭-೦೫-೨೦೧೨ ತಾಕೂನು ೧೧-೦೫-೨೦೧೨ ಪರ್ಯಂತ ಮೊಕ್ಕಾ ಂ ಉರಲೀಲೆ. ಹೇ ಸುವೇಳ್ಯಾರಿ ಸಾಗರಾಚಾನ ಆಯ್ಯಿಲೆ ಸ್ವಾಮ್ಯಾಂಕ ಎಲ್.ಇ.ಎ. ಕ್ಯಾಂಟೀನ್ನಾಚೆ ಎದ್ರಾಕ ಸ್ವಾಗತ ಕೋರ್ನು ಆಪೋವ್ನು ಹಾಳ್ಳೆ. ಮಾಗಿರಿ ಸ್ವಾಮ್ಯಾಂಗೆಲೆ ಪಾದ್ಯಪೂಜಾ, ಸ್ವಾಗತ ಭಾಷಣ, ಪ|ಪೂ| ಸ್ವಾಮ್ಯಾ ತಾಕೂನು ಆಶೀರ್ವಚನ, ಪ್ರತಿ ದಿವಸು ನೈರ್ಮಲ್ಯ ಪೂಜಾ, ಭಿಕ್ಷಾ ಸೇವಾ, ಪಾದ್ಯ ಪೂಜಾ, ಡಾ|| ವೆಂಕಟ ನರಸಿಂಹ ಜೋಶಿ ಹಾಂಗೆಲ ತಾಕೂನು ಧಾರ್ಮಿಕ ವಿಷಯಾಚೆ ಖಾತ್ತಿರಿ ಪ್ರವಚನ, ಮಹಿಳಾ ಮಂಡಳಿ ತಾಕೂನು ಸಾಂಸ್ಕೃತಿಕ ಕಾರ್ಯಾವಳಿ, ಸಮಾಜಾ ತರಪೇನ ಪ|ಪೂ| ಸ್ವಾಮ್ಯಾಂಕ ಪಾದ್ಯ ಪೂಜಾ, ಪ|ಪೂ| ಸ್ವಾಮ್ಯಾ ತಾಕೂನು ಆಶರ್ವಚನ ಆನಿ ಸಮಾಜ ಬಾಂಧವಾಂಕ ಫಲ ಮಂತ್ರಾಕ್ಷತ ವಿತರಣ, ಮಹಾ ಸಂತರ್ಪಣ ೧೧-೦೫-೨೦೧೨ಕ ಪ|ಪೂ| ಸ್ವಾಮ್ಯಾಂಕ ತಾಂಗೆಲೆ ಬೆಳಗಾವ್ ಮೊಕ್ಕಾಮಾಕ ಶುಭ ವಿದಾಯ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.
ಶ್ರೀ ಮಹಾವಿಷ್ಣು ದೇವಳ, ಶಿರಸಿ
ಶಿರ್ಶಿಚೆ ಶ್ರೀ ಮಹಾ ವಿಷ್ಣು ದೇವಳಾಚೆ ೧೭೨ಚೆ ವರ್ಧಂತಿ  ಉತ್ಸವು ತಾ. ೨೩-೦೫-೨೦೧೨ ದಿವಸು ವಿಜೃಂಭಣೇರಿ ಚಲ್ಲೆ. ತನ್ನಿಮಿತ್ತ ಶ್ರೀ ದೇವಾಕ ಶಿಯಾಳಾ ಅಭಿಷೇಕ, ಶತಕಲಶಾರ್ಚನ, ಶ್ರೀ ಲಘುವಿಷ್ಣು ಹವನ, ೧೦೮ ಕಲಶಾಚೆ ಶ್ರೀ ಸತ್ಯನಾರಾಯಣ ವೃತ ಪೂಜಾ, ಅನ್ನ ಸಂತರ್ಪಣ, ಧಾ ಸಮಸ್ತಾಲೆ ವಾರ್ಷಿಕ ಸಭಾ, ಪಾಲಂಖೀ ಉತ್ಸವು, ಪಾಣ್ಣೆ ಸೇವಾ, ಅಷ್ಟಾವಧಾನ ಸೇವಾ, ಪನವಾರ ಸೇವಾ, ಮಂಗಳಾರತಿ, ಪ್ರಸಾದ ವಿತರಣ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. 
ಶ್ರೀ ಮಹಾಲಸಾ ನಾರಾಯಣೀ ದೇವಳ, ಬಸ್ರೂರು
ಬಸ್ರೂರು ಶ್ರೀ ಮಹಾಲಸಾ ನಾರಾಯಣೀ ದೇವಳಾಚೆ ಪುನಃಪ್ರತಿಷ್ಠೆಚೆ ೧೩ಚೆ ವರ್ಧಂತಿ ಉತ್ಸವು ತಾ. ೬-೦೫-೨೦೧೨ ದಿವಸು ಪ್ರಾರ್ಥನ, ಪೂರ್ವಾಂಗ ವಿಧಾನ, ಸಾನಿಧ್ಯ ಹವನ, ಶತಕಲಶಾಭಿಷೇಕ, ಶ್ರೀ ನಾಗ ದೇವಾಕ ಆನಿ ಜಟ್ಟಿಗ ದೇವಾಕ ವಿಶೇಷ ಪೂಜಾ, ಹರ್‍ಕೆಕ ಆಯ್ಯಿಲೆ ಕಾಪ್ಡಾಚೆ ಏಲಂ, ದರ್ಶನ ಸೇವಾ, ಮಹಾ ಸಂತರ್ಪಣ, ರುಪ್ಪೆ ಪಾಲಂಖೀ ಸೇವಾ, ಅಷ್ಟಾವಧಾನ ಸೇವಾ, ವಸಂತ ಪೂಜಾ, ರಾತ್ರಿ ಪೂಜಾ, ಪ್ರಸಾದ ವಿತರಣ, ಫುಲ್ಲಾ ಪೂಜಾ, ಉದಯಾಸ್ತಮಾನ ಸೇವಾ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಬರೋಬರಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ಶ್ರೀ ದೇವಳಾಚೆ “ಶ್ರೀ ನಾರಾಯಣೀ ಅತಿಥಿ ಗ್ರಹ ಯೋಜನೇಕ ರೂ. ೧೧,೦೦೦/- ಪಶಿ ಚ್ಹಡ ದೇಣಿಗಾ ದಿವಚೆ ಭಕ್ತಾಂಗೆಲೆ ನಾಂವ ಅಮೃತ ಫಲಕಾಂತು ಬರೋವನು ಗಾಲತಾ ಖಂಯಿ. ಬ್ರಹ್ಮರಥ ತಶ್ಶಿಚಿ ವಸಂತಮಂಟಪಾಂತು ವಿರಾಜಮಾನ ಜಾವಚೆ ಮಹಾಲಸಾ ನಾರಾಯಣೀ ದೇವಿಕ ರುಪ್ಪೆ ಸಿಂಹಾಸನ ಪೀಠ ಕೊರಚಾಕ ಠರಯಲಾ. ಹೇ ದೊನ್ನಿ ಯೋಜನೇಂಕ ದೇಣಿಗಾ ದಿವಚಾಕ ಇಚ್ಛಾ ಆಶ್ಶಿಲೆ ಭಕ್ತ ಲೋಕಾನಿ ಚಡ್ತೆ ಮಾಹಿತೀಕ ಶ್ರೀ ಮಹಾಲಸಾ ನಾರಾಯಣೀ ದೇವಳ, ಮಂಡಿಕೇರಿ ಬಸ್ರೂರು - ೫೭೬೨೧೧, ಪೋನ್ : ೦೮೨೫೪ - ೨೩೭೭೦೦ ಹಾಂಗಾಕ ಸಂಪರ್ಕು ಕೊರಯೇತ.
ಶ್ರೀ ವಿಠ್ಠಲ ದೇವಳ, ತಲ್ಲೂರು
ತಲ್ಲೂರು ಪೆಂಟಾಚೆ ಶ್ರೀ ವಿಠ್ಠಲ ದೇವಾಲೆ ಪುನಃ ಪ್ರತಿಷ್ಠೆಚೆ ೧೭ಚೆ ವಾರ್ಷಿಕ ಮಹೋತ್ಸವ ತಾ. ೧೦-೦೫-೨೦೧೨ ದಿವಸು ದ್ವಾದಶ ಕಲಶ, ಸಂಪ್ರೋಕ್ಷಣ, ಸಾನ್ನಿಧ್ಯ ಹವನ, ದೇವಾಕ ಲಘು ವಿಷ್ಣು ಹವನ, ಪವಮಾನ ಕಲಶ, ಮಹಾಪೂಜ, ಸಂತರ್ಪಣ, ನ್ಹಂಹಿತಾ ರಾತ್ತಿಕ ಶ್ರೀ ದೇವಾಲೆ ಉತ್ಸವು, ರಾತ್ರಿ ಪೂಜಾ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ದ್ವಾರಾ ಚಲೇಲೆ ಖಬ್ಬರ ಮೆಳ್ಳಾ. ದೇವಳಾಂತು ರೂ. ೫೦೦/- ಶಾಶ್ವತ ಸೇವಾ ಠೇವಣಿ ಜಾವ್ನು ದವರ್ಲ್ಯಾರಿ ತಾಜ್ಜೆ ವಾಡ್ಡಿನ ಪ್ರತಿ ವರ್ಷ ಏಕ ದಿವಸಾಚೆ ಸೇವಾ ಚಲೋವನು ಪ್ರಸಾದ ಪೆಟೋವನು ದಿತ್ತಾತಿ. ಚಡ್ತೆ ಮಾಹಿತಿ ಖಾತ್ತಿರಿ ಟಿ. ಶ್ರೀಪತಿ ಅನಂತ ಪ್ರಭು, ಆಡಳ್ತೆ ಮೊಕ್ತೇಸರು (ಪೋನ್ ನಂ. ೯೬೩೨೯೮೨೭೬೭, ೦೮೨೫೪-೨೩೮೩೨೬) ಹಾಂಕಾ ಸಂಪರ್ಕು ಕೊರಯೇತ.
ಸಂಪೂರ್ಣ ದೇವಿ ಮಹಾತ್ಮೆ ಖೇಳು
ಕಳ್ತಾರು ಸಂತೇಕಟ್ಟೆಚೆ ಶ್ರೀಮತಿ ಭಾರತಿ ದೇವದಾಸ್ ಗಡಿಯಾರ ಆನಿ ಚರ್ಡುಂವಾನಿ ತಾ. ೧೧-೦೫-೨೦೧೨ ದಿವಸು ಮಂದಾರ್ತಿ ಶ್ರೀ ದುರ್ಗಾ ಪರಮೇಶ್ವರಿ ದಶಾವತಾರ ಯಕ್ಷಗಾನ ಮೇಳಾಚೆ ಹರಕೆ ಖೇಳು ಖೆಳಯ್ಲೆ. ಪ್ರಸಂಗ “ಸಂಪೂರ್ಣ ದೇವಿ ಮಹಾತ್ಮೆ ತ್ಯಾ ಸಂಬಂಧ ಸಕ್ಕಾಣಿ ಗಣಪತಿ ಹೋಮು ಆನಿ ಅನ್ನ ಸಂತರ್ಪಣ ಚಲ್ಲೆ. ಗಾಂವ್ಚೆ -ಪರಗಾಂವ್ಚೆ ಅಪಾರ ಭಕ್ತಬಾಂಧವ, ತಾಂಗೆಲೆ ಬಂಧು-ಮಿತ್ರ ಹೇ ಸಂದರ್ಭಾರಿ ಉಪಸ್ಥಿತ ಊರ್ನು ಶ್ರೀ ದೇವಾಲೆ ಕೃಪಾ ಕಟಾಕ್ಷಾಕ ಪಾತ್ರ ಜಾಲ್ಲೆ.
ಬೆಂಗ್ಳೂರಾಂತು ಜಿ‌ಎಸ್‌ಬಿ ಯುವ ಸಮಾವೇಶ 
ವೈವಾಹಿಕ ಜೀವನಾಕ ರಿಗಚಾಕ ಅರ್ಹಜಾಲೇಲೆ  ಜಿ‌ಎಸ್‌ಬಿ ಸಮಾಜಾಚೆ ಚಲ್ಲೊ ಆನಿ ಚೆಲ್ಲಿಯೆಂಗೇಲೆ  ಸಮಾವೇಶ ಬೆಂಗಳೂಳೂರಾಚೆ  ಮಲ್ಲೇಶ್ವರಂಚೆ ಶ್ರೀ ಕಾಶೀ ಮಠಾಂತು ಜೂನ್ ೩ ದಿವಸು ಆಯೋಜಿತ ಕೆಲೇಲೆ.  ಜಿ.ಎಸ್.ಬಿ. ವೈವಾಹಿಕ ಮಾಹಿತಿ ಕೇಂದ್ರ ’ಸಂಬಂಧು’ ತರಪೇನ ಚಲೇಲೆ ಹೇ  ಕಾರ್ಯಕ್ರಮ ಉದ್ಧಾಟನ ಶ್ರೀ ಕಾಶೀ ಮಠ ವ್ಯವಸ್ಥಾಪಕ ಸಮಿತಿಚೆ ಅಧ್ಯಕ್ಷ ಡಾ| ಪಿ. ದಯಾನಂದ ಪೈ ಮಾಮ್ಮಾನಿ ಕೆಲ್ಲೆ. 

ಮಂಗಳವಾರ, ಜೂನ್ 26, 2012

Saraswati Prabha News 6/12-kan6

ಮೂಡುಬಿದಿರೆಚಾನ ಶ್ರೀ ವ್ಯಾಸ ಸಂಕೀರ್ತನಾ ಪಾದಯಾತ್ರಾ

ಮಂಗಳೂರ್‍ಚೆ ರಥಬೀದಿ ಶ್ರೀ ವೆಂಕಟರಮಣ ದೇವಳಾಂತು ಚಲೇಲೆ ಶ್ರೀ ಸಂಸ್ಥಾನ ಕಾಶೀಮಠಾಚೆ ಆರಾಧ್ಯ ದೇವಾಲೆ  ಪುನಃಪ್ರತಿಷ್ಠೆ ಮಹೋತ್ಸವ ಅಂಗ ಜಾವ್ನು  ಮೂಡುಬಿದಿರೆ ಚಾನ  ಶ್ರೀ ವ್ಯಾಸ ಸಂಕೀರ್ತನಾ ಪಾದಯಾತ್ರಾ ಮೇ ೨೭ದಿವಸು ಚಲ್ಲೆ. ತ್ಯಾ ದಿವಸು ಸಕ್ಕಾಣಿ ಇಕ್ರಾಕ ಮೂಡಬಿದ್ರೆ ಕಲ್ಸಂಕ ಪೆಂಟಾಂತು ಕಾರ್ಕಳಾ ದಾಕೂನು ಆಯ್ಯಿಲೆ ಶ್ರೀ ವ್ಯಾಸ ಸಂಕೀರ್ತನಾ ಪಾದಯಾತ್ರೆ ತಂಡಾಕ ಸ್ವಾಗತ ಕೋರ್ನು ದೇವಳಾಚೆ ಆಡಳಿತ ಮೊಕ್ತೇಸರ ಜಿ.ಉಮೇಶ್ ಪೈನಿ ರಥಾಕ ಮಾಳ ಘಾಲ್ನು ಶ್ರೀ ವೆಂಕಟರಮಣ ದೇವಳಾಕ ಆಪೋವ್ನು ವ್ಹರಲೆ. ಧೋಂಪಾರಾ ವೆಂಕಟರಮಣ ದೇವಳಾಂತು ವಿಶೇಷ ಪೂಜೆ ಚಲೈಲೆ. ಕಾರ್ಕಳಾಚೆ ರವೀಂದ್ರ ಭಟ್ ತಾನ್ನಿ ರಥಯಾತ್ರೆಚೆ ಉದ್ದೇಶ ವಿವರ ಜಾವ್ನು ಸಾಂಗ್ಲೆ. ಮೊಕ್ತೇಸರ ಕೆ.ವಿಶ್ವನಾಥ ಪ್ರಭು, ಪಿ.ರಾಮನಾಥ ಭಟ್, ಎಂ.ಅಶೋಕ್ ಮಲ್ಯ, ರಾಮ್ ದಾಸ್ ಪೈ, ಶಿವಾನಂದ ಪ್ರಭು, ಐ ರಾಘವೇಂದ್ರ ಪ್ರಭು, ಮನೋಜ್ ಶೆಣೈ ಉಪಸ್ಥಿತ ಆಶ್ಶಿಲೆ. ಸಾಂಜ್ವಾಳಾ ೪ ಗಂಟ್ಯಾಕ ಮೂಡುವೇಣುಪುರ  ಶ್ರೀ ವೆಂಕಟರಮಣ ದೇವಳಾ ದಾಕೂನು  ವ್ಯಾಸ ಸಂಕೀರ್ತನಾ ಪಾದಯಾತ್ರಾ ಗುರುಪುರ ಶ್ರೀ ವರದರಾಜ ವೆಂಕಟರಮಣ ದೇವಳಾಕ ಬಾಯರ ಸರಲೆ. ಮೂಡಬಿದ್ರೆ ಪೆಂಟಾಚಾನ ಬಾಯರ ಸೋರ್ನು ಎನ್.ಎಚ್ಚಾಂತು ವಚ್ಚೂನ್ಚು ಸಂಕೀರ್ತನಾ ಪಾದಯಾತ್ರಾ ಹಂಡೇಲು, ಮಿಜಾರು, ಎಡಪದವು, ಗಂಜೀಮಠ, ಕೈಕಂಬ ಮಾರ್ಗ ಜಾವ್ನು ಗುರುಪುರ ದೇವಸ್ಥಾನಾಕ ಯೇವ್ನು ಪಾವಲೆ. ಶ್ರೀ ಕಾಶೀ ಮಠಾಚೆ ದೇವಾಲೆ ಪುನಃಪ್ರತಿಷ್ಠೆ ಮಹೋತ್ಸವಾಕ ಮೂಡುಬಿದಿರೆ ಹೋಬಳಿಚೆ ಜಿ.ಎಸ್.ಬಿ. ಸಮಾಜಾಚೆ ಪ್ರತೀ ಘರಣೆಚಾನ ದೋನ ನಾರ್‍ಲು, ಆನಿ ಮುಷ್ಠಿ ಕಾಣಿಕಾ ಮೂಡುಬಿದಿರೆಚೆ ಶ್ರೀ ವೆಂಕಟರಮಣ ದೇವಳಾಂತು   ಪಾವಿತ ಕೆಲ್ಲಿಂತಿ. ಮಹೋತ್ಸವಾಕ ದೇಣಿಗೆ ಹೊರೆಕಾಣಿಕೆ ಸಮರ್ಪಣ ಕರ್ತಲ್ಯಾಲೆ ಖಾತ್ತಿರಿ  ಮೇ ೩೦ ದಾಕೂನು ಜೂನ್ ೨ ಪರ್ಯಂತ ವಿಶೇಷ ಕಛೇರಿ ಕಾರ್ಯನಿರ್ವಹಣ ಕೆಲ್ಲಾ ಮ್ಹೊಣು ದೇವಳಾಚೆ ಆಡಳಿತೆ ಮೊಕ್ತೇಸರ ಜಿ.ಉಮೇಶ ಪೈನಿ ಕಳೈಲಾ.
ದೇವಾಲೆ ಪುನಃ ಪ್ರತಿಷ್ಠಾ ಮಹೋತ್ಸವ
ಮೂಡುಬಿದಿರೆಚೆ ಮೂಡು ವೇಣುಪುರ ಶ್ರೀ ವೆಂಕಟರಮಣ ದೇವಾಲೆ ಪುನಃ ಪ್ರತಿಷ್ಠೆಚೆ ಪ್ರಥಮ ವರ್ಧಂತಿ ಮೇ ೩೦ದಿವಸು ಚಲ್ಲೆ. ತ್ಯಾಸು ಶ್ರೀ ದೇವಾಕ  ಶತಕಲಶಾಭಿಷೇಕ, ಧೋಂಪಾರಾ ವಿಶೇಷ ಮಹಾಪೂಜಾ, ಸಾಂಜ್ವಾಳಾ ಭಜನಾ ಸೇವಾ, ರಾತ್ರಿಕ ವಿಶೇಷ ರಂಗಪೂಜಾ ಚಲ್ಲೆ ಮ್ಹೊಣು ದೇವಳಾಚೆ ಆಡಳಿತೆ ಮೊಕ್ತೇಸರ ಜಿ.ಉಮೇಶ ಪೈನಿ ಕಳೈಲಾ
 ಶ್ರೀ ಕಾಶೀ ಮಠಾಚೆ ದೇವಾಲೆ ಪುನಃಪ್ರತಿಷ್ಠೆಚೆ ಮಹೋತ್ಸವಾಂತು ಜೂನ್೩ ಧೋಂಪಾರಾ ೩ ದಾಕೂನು  ಕೊಂಚಾಡಿ ಶ್ರೀ ಕಾಶೀಮಠಾಚಾನ ರಥಬೀದಿಚೆ ಶ್ರೀ ವೆಂಕಟರಮಣ ದೇವಳಾ ಪರ್ಯಂತ ಚಲೇಲೆ ಶ್ರೀ ವ್ಯಾಸ ರಘುಪತಿ ರಥಯಾತ್ರೆ, ಶ್ರೀ ವ್ಯಾಸ ಸಂಕೀರ್ತನಾ ಪಾದಯಾತ್ರೆ,ಶ್ರೀ ಹೊರೆಕಾಣಿಕೆ ಅರ್ಪಣೆಚೆ ಮೆರವಣಿಗೆಂತು ಸಮಾಜಬಾಂಧವಾನಿ ಚಡ್ತೆ ಸಂಖ್ಯಾರಿ ವಾಂಟೊ ಘೆತಲೀಂತಿ.
ಶ್ರೀ ಕಾಶೀ ಮಠಾಚೆ ದೇವಾಲೆ ಪುನಃಪ್ರತಿಷ್ಠೆ  ಮಹೋತ್ಸವಾಂತು ಜೂನ್ ೮ದಿವಸು  ಮೂಡುಬಿದಿರೆ ಹೋಬಳಿಚೆ ಸಮಾಜಬಾಂಧವ ತಾಕೂನು ಸ್ವಯಂ ಸೇವಕ ಸೇವಾ ಚಲ್ಲೆ. ಪುನಃಪ್ರತಿಷ್ಠೆ ಮಹೋತ್ಸವಾಚೆ ಅಂಗಜಾವ್ನು ಜೂನ್ ೧೩ ದಿವಸು ಮೂಡುಬಿದಿರೆಚೆ ಶ್ರೀ ವೆಂಕಟರಮಣ ದೇವಳಾಂತು ವಿಶೇಷ ಪೂಜಾ ಚಲ್ಲಾ ಮ್ಹೊಣು ದೇವಳಾಚೆ ಆಡಳಿತ ಮೊಕ್ತೇಸರ ಶ್ರೀ ಜಿ.ಉಮೇಶ್ ಪೈ ತಾನ್ನಿ ಕಳೈಲಾ.
ಸಿ.ಡಿ. ಉಗ್ತಾವಣ ಸಮಾರಂಭ
ಮೂಡುಬಿದರೆಚೆ ಮೂಡುವೇಣುಪುರ ಶ್ರೀ ವೆಂಕಟ ರಮಣ ದೇವಳಾಚೆ ಪುನರ್ ಪ್ರತಿಷ್ಠಾ ಮಹೋತ್ಸವ ಆನಿ ಸಹಸ್ರ ಕುಂಭಾಭಿಷೇಕಾಚೆ ಸಿಡಿ ಉಗ್ತಾವಣ ಸಮಾರಂಭ, ಪುನರ್ ಪ್ರತಿಷ್ಠಾ ಮಹೋತ್ಸವಾಚೆ ಪ್ರಥಮ ವರ್ಧಂತಿ ದಿವಸು ರಾತ್ರಿ ಚಲ್ಲೆ. ದೇವಳಾಚೆ ಮಾಜಿ ಮೊಕ್ತೇಸರ, ಹಾಲಿ ಜೀರ್ಣೋಧ್ಧಾರ ಸಮಿತಿ ಅಧ್ಯಕ್ಷ ಡಾ.ಎಂ.ರಾಮಭಟ್ ತಾನ್ನಿ ಸಿ.ಡಿ ಲೋಕಾರ್ಪಣ ಕೆಲ್ಲಿಂತಿ. ದೇವಳಾಚೆ ಆಡಳಿತ ಮೊಕ್ತೇಸರ ಜಿ.ಉಮೇಶ ಪೈ ಸಹಿತ ಸರ್ವ ಮೊಕ್ತೇಸರ ಉಪಸ್ಥಿತ ಆಶ್ಶಿಲೆಂ. ವೇ. ಮೂ. ಎಂ.ಹರೀಶ ಭಟ್ ತಾನ್ನಿ ಪ್ರಾರ್ಥನ ಮ್ಹಳ್ಳೆ.
ಅಜಂತಾ ಡಿಜಿಟಲ್ಸ್‌ಚೆ ರಾಜೇಶ್ ಶ್ಯಾನುಭಾಗ್ ತಾನ್ನಿ ಸೇವಾರೂಪಾಂತು ದಿಲೇಲೆ ಹೇ ಸಿ.ಡಿ. ಜಾವ್ಕಾ ಜಾಲೇಲ್ಯಾನಿ ದೇವಾಲೆ ಭಂಢಾರಾಕ ರೂ ಶಂಬರಿ ದೀವ್ನು ಘೇವ್ಯೇತ ಮ್ಹೊಣು ಕಳೈಲಾ. ಎಂ.ಗಣೇಶ ಕಾಮತ್ ತಾನ್ನಿ ಪ್ರಾಸ್ತಾವಿಕ ಜಾವ್ನು ಉಲೋವ್ನು ಕಾರ್ಯಕ್ರಮಾಚೆ ನಿರ್ವಹಣ ಕೆಲ್ಲಿ.

ಶುಕ್ರವಾರ, ಜೂನ್ 22, 2012

ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳ, ಬಾರ್ಕೂರು
ಬಾರಕೂರು ಶ್ರೀ ಪಟ್ಟಾಭಿ ರಾಮಚಂದ್ರ ದೇವಾಲೆ ನವೀಕೃತ ದೇವಳಾಂತು ಪ್ರತಿಷ್ಠಾ ಸುವರ್ಣ ಮಹೋತ್ಸವ ಚಲೇಲೆ ಸುವೇಳ್ಯಾರಿ ವರ್ಷಂಪ್ರತಿ ಚೊಲಚೆ ಶ್ರೀ ಗಣೇಶೋತ್ಸವಾಚೆ ಶಾಶ್ವತ ದೇವ್ಳಾಚೆ ಉದ್ಘಾಟನಾ ತಾ. ೨೫-೦೫-೨೦೧೨ ದಿವಸು ಶ್ರೀ ಸಂಸ್ಥಾನ ಗೌಡ ಪಾದಾಚಾರ್ಯ ಕೈವಲ್ಯ ಮಠಾಧೀಶ ಜಾಲೇಲೆ ಶ್ರೀಮದ್ ಶಿವಾನಂದ ಸರಸ್ವತೀ ಸ್ವಾಮ್ಯಾಂಗೆಲೆ ಕರಕಮಲಾನಿ ವಿಜೃಂಭಣೇರಿ ಸಂಪನ್ನ ಜಾಲ್ಲೆ. ತತ್ಸಂಬಂಧ ತಾ. ೨೩-೦೫-೨೦೧೨ ತಾಕೂನು ೦೧-೦೬-೨೦೧೨ ಪರ್ಯಂತ ದೇವತಾ ಪ್ರಾರ್ಥನಾ, ಆದ್ಯಗಣಯಾಗ, ಶ್ರೀ ಪಕೀರಪ್ಪ ಯಮುನಪ್ಪ ಭಜಂತ್ರಿ ತಾಕೂನು ಶೆಹನಾಯಿ ವಾದನ, ಶಿರಾಲಿ ಮೊಕ್ಕಾಂ ತಾಕೂನು ಆಯ್ಯಿಲೆ ಪ|ಪೂ| ಸ್ವಾಮ್ಯಾಂಕ ಪೂರ್ಣಕುಂಭ ಸ್ವಾಗತ, ಸ್ವಾಮ್ಯಾಂಗೆಲೆ ಕರಕಮಲಾನಿ ಶ್ರೀ ಗಣೇಶೋತ್ಸವು ದೇವಳಾಚೆ ಉದ್ಘಾಟನ, ಗಣಪತಿ ವಿಗ್ರಹ ಸ್ಥಾಪನ, ಗಣೋಮು, ಮಹಾ ಪೂಜಾ, ಉಡ್ಪಿಚೆ ಶ್ರೀಮತಿ ಪಿ. ಆಶಾ ನಾಯಕ ಆನಿ ಸಂಗಾತಿ ತಾಕೂನು ಭಕ್ತಿಸಂಗೀತ, ಗಣಪತಿ ಅಥರ್ವಶೀರ್ಷ ಹವನ, ಶ್ರೀಮತಿ ವಂದನಾ ಶೆಣೈ ಉಡ್ಪಿ ಆನಿ ಸಂಗಾತಿ ತಾಕೂನು ಭಕ್ತಿಗೀತಾ, ಮೂಡುಗಣಪತಿ, ಶ್ರೀ ಗಣಪತಿ ವಿಸರ್ಜನಾ ಪೂಜಾ, ಪುರ ಮೆರವಣಿಗಾ, ಥಂಳೆ ಉತ್ಸವು, ಜಲಸ್ಥಂಭನ, ಕು. ಶಶಿಕಲಾ ಪೈ ಗುರುವಾಯನಕೆರೆ ಹಾಂಗೆಲೆ ತಾಕೂನು ಭಜನ್‌ಗಂಗಾ, ಲಘುವಿಷ್ಣು ಪಾರಾಯಣ, ಶ್ರೀ ಚಂದ್ರಶೇಖರ ವಝೆ ತಾಕೂನು ಭಕ್ತಿಸಂಗೀತ, ಶತರುದ್ರಾಭಿಷೇಕ, ಶ್ರೀ ಬಾಲಚಂದ್ರ ಪ್ರಭು, ಮಂಗಳೂರು ತಾಕೂನು ಭಜನ್ ಸಂಧ್ಯಾ, ಶ್ರೀ ಸತ್ಯನಾರಾಯಣ ಪೂಜಾ, ಸಭಾ ಕಾರ್ಯಕ್ರಮ, ಪ|ಪೂ| ಸ್ವಾಮ್ಯಾ ತಾಕೂನು ಆಶೀರ್ವಚನ, ಶ್ರೀ ಲಕ್ಷ್ಮೀ ವೆಂಕಟೇಶ ನಾಟಕ ಸಭಾ, ಕುಂದಾಪುರ ಹಾಂಗೇಲೆ ತಾಕೂನು ದಿ|| ಬಾಲಕೃಷ್ಣ ಪೈ(ಕುಳ್ಳಪ್ಪು) ಹಾನ್ನಿ ನಿರ್ಮಿತ ಹಾಸ್ಯಮಯ ಕೊಂಕಣಿ ನಾಟಕ “ತೀನ್ ರತ್ನ ಪ್ರದರ್ಶನ, ಶ್ರೀ ಉದಯ್ ಪ್ರಭು, ಭಟ್ಕಳ ಆನಿ ಸಂಗಾತಿ ತಾಕೂನು ಭಕ್ತಿಸಂಗೀತ, ಧಾರ್ಮಿಕ ಪುನರುತ್ಥಾನ ಸೇವಾ ಮಂಡಳಿ ಆನಿ ಅನಂತ ವೈದಿಕ ಕೇಂದ್ರ ಉಡುಪಿ ಹಾಂಗೆಲೆ ತರಪೇನ ಸ್ತೋತ್ರ ಪಠಣ ತಶ್ಶಿಚಿ ಭಜನ, ಸ್ವಾಮ್ಯಾಂಕ ಮುಖಾರಚೆ ಮೊಕ್ಕಾಂ ಶುಭ ವಿದಾಯ ಆನಿ ರಂಗಪೂಜಾ ಇತ್ಯಾದಿ ಧಾರ್ಮಿಕ ಆನಿ ಸಾಂಸ್ಕೃತಿಕ ಕಾರ್ಯಕ್ರಮ ಬರಶಿ ಚಲೇಲೆ ಖಬ್ಬರ ಮೆಳ್ಳಾ.
ತಿರುಮಲ ಶ್ರೀ ಲಕ್ಷ್ಮೀವೆಂಕಟರಮಣ ದೇವಳ, ತೀರ್ಥಹಳ್ಳಿ
ತೀರ್ಥಹಳ್ಳಿ ಜಿ.ಎಸ್.ಬಿ.ಸಮಾಜಾಚೆ ತಿರುಮಲ ಶ್ರೀ ಲಕ್ಷ್ಮೀವೆಂಕಟರಮಣ ದೇವಾಲೆ ತಿನ್ನಿಚೆ ಪ್ರತಿಷ್ಠಾ ವರ್ಧಂತಿ ಉತ್ಸವು ತಾ. ೨೬-೦೫-೨೦೧೨ ದಿವಸು ವಿಜೃಂಭಣೇರಿ ಚಲ್ಲೆ. ತತ್ಸಂಬಂಧ ಜಾವ್ನು ಶ್ರೀ ದೇವತಾ ಪ್ರಾರ್ಥನ, ಪಂಚಾಮೃತಾಭಿಷೇಕ, ಶತಕಲಶಾಭಿಷೇಕ, ಬ್ರಹ್ಮಕಲಶಾಭಿಷೇಕ, ವರ್ಧನಿ ಕಲಶ, ಕನಕಾಭಿಷೇಕ, ಭಾಗೀರಥಿ ಅಭಿಷೇಕ, ಪ್ರಸನ್ನ ಪೂಜಾ, ಅಷ್ಟಮಂಗಲ ನಿರೀಕ್ಷಣ, ಮಹಾ ಪೂಜಾ, ಪಟ್ಟಕಾಣಿಕ, ಪ್ರಸಾದ ಗ್ರಹಣ, ಬ್ರಾಹ್ಮಣ ಸಂತರ್ಪಣ, ಭೂರಿ ಸಮಾರಾಧನ, ಸಾಂಜ್ವಾಳಾ ಪ್ರಾಕಾರೋತ್ಸವ, ವಸಂತ ಪೂಜಾ ಆನಿ ಮಹಾ ಪೂಜಾ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಬರೋಬರಿ ಚಲೇಲೆ ಖಬ್ಬರ ಮೆಳ್ಳಾ.
ತ್ಯಾ ದಿವಸು ಸಾಂಜ್ವಾಳಾ ೪-೩೦ಕ ತಿರುಮಲ ಶ್ರೀ ಲಕ್ಷ್ಮೀವೆಂಕಟರಮಣ ದೇವಳ, ಜಿ.ಎಸ್.ಬಿ ಸಮಾಜ ತೀರ್ಥಹಳ್ಳಿ ತರಪೇನ ಜಿ.ಎಸ್.ಬಿ. ಸಮಾಜಾಚೆ ಉದರ್ಗತಿ ಖಾತ್ತಿರಿ ವಾವ್ರೊ ಕಾಡಚೆ ಸಮಾಜಾಚೆ ಮ್ಹಾಲ್ಗಡ್ಯಾಂಕ, ರಾಜ್ಯ, ದೇಶಾಚೆ ಮಿತಿ ನಾಶಿ ಶ್ರೀ ದೇವಾಲೆ ಪ್ರತಿಷ್ಠಾ ವರ್ಧಂತಿ ದಿವಸು ದಿವಚೆ ಪ್ರಶಸ್ತಿ “ಶ್ರೀ ಲಕ್ಷ್ಮೀ ವೆಂಕಟರಮಣ ಸೇವಾ ಪುರಸ್ಕಾರ ಹೇ ಪಂತಾ ಮೈಸೂರಾಚೆ ಪ್ರಖ್ಯಾತ ಉದ್ಯಮಿ ಆನಿ ದಾನಿ  ಶ್ರೀ ಕೆ. ಜನಾರ್ಧನ ಭಟ್ ಹಾಂಕಾ ಪಾವಿತ ಜಾಲ್ಲೆ. ಹೇ “ಸೇವಾ ಪುರಸ್ಕಾರ ಸಮಾರಂಭಾಕ ಮುಖೇಲ ಸೊಯರೆ ಜಾವ್ನು ವಿಧಾನ ಸಭಾಚೆ ಉಪಸಭಾಪತಿ ಶ್ರೀ ಎನ್. ಯೋಗೀಶ್ ಭಟ್ ಆಯ್ಯಿಲೆ. ಸಮಾರಂಭಾಚೆ ಅಧ್ಯಕ್ಷತಾ ತಿರುಮಲ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಳಾಚೆ ಅಧ್ಯಕ್ಷ ಶ್ರೀ ಕೆ. ನರಸಿಂಹ ನಾಯಕ್ ತಾನ್ನಿ ಘೆತಲೇರಿ, ಜಿ.ಎಸ್.ಬಿ. ಸಮಾಜ ತೀರ್ಥಹಳ್ಳಿಚೆ ಅಧ್ಯಕ್ಷ ಶ್ರೀ ಸಂದೇಶ ಜವಳಿ ಹಾನ್ನಿ ಅಭಿನಂದನಾ ಭಾಷಣ ಕೆಲ್ಲೆ.

Saraswati Prabha News 6/12 kan-5

ಶ್ರೀ ಮಹಾಲಸಾ ನಾರಾಯಣೀ ದೇವಳ, ಶಿರ್ವ
ಶ್ರೀ ಮಹಾಲಸಾ ನಾರಾಯಣೀ ದೇವಳ, ಶ್ರೀ ಕಾಶೀಮಠ, ಶಿರ್ವ ಹಾಂಗಾ ಶ್ರೀ ಮಹಾಲಸಾ ನಾರಾಯಣೀ ದೇವಿಲೆ ಪ್ರತಿಷ್ಠಾಪನ ಜಾವ್ನು ಶಂಬರ ವರ್ಷ ಪೂರ್ತಿ ಜಾಲ್ಲೆ. ಶೆಣೈ ಕುಟುಂಬಸ್ಥಾಂಕ ಸಂಬಂಧ ಪಾವ್ವಿಲೆ ಹೇ ದೇವಳ ೧೯೬೮ ಇಸ್ವೆಂತು ಶ್ರೀ ಕಾಶೀಮಠ ಸಂಸ್ಥಾನಾಕ ಅರ್ಪಿತ ಜಾಲ್ಲೆ. ಶ್ರೀ ದೇವಿಲೆ ಅನುಗ್ರಹ, ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗಲೆ ಮಾರ್ಗದರ್ಶನ ಆನಿ ಕುಳಾವಿ  ತಶ್ಶಿಚಿ ಭಕ್ತ ಬಾಂದವಲೆ ಮದ್ದತ್ತಾನಿ ೧೯೮೪ ಇಸ್ವೆಂತು ಪುನರ್ ಪ್ರತಿಷ್ಠ ಜಾಲ್ಲೆ. ಮಾಗಶಿಚೆ ೫ ವರ್ಷಾ ದಾಕೂನು  ನಿರಂತರ ಜಾವ್ನು ವಿಂಗವಿಂಗಡ ಅಭಿವೃದ್ಧಿ ಯೋಜನಾ ಸಾಕಾರ ಜಾತ್ತಾ ಆಸ್ಸುಚೆ ಅಭಿಮಾನಾಚೆ ವಿಷಯು.
ಶ್ರೀ ದೇವಿಕ ಶತಮಾನ ಪೂರ್ತಿ ಜಾಲೇಲೆ ಉಡಗಾಸಾಕ ವಿಂಗವಿಂಗಡ ಧಾರ್ಮಿಕ ತಥಾ ಸಂಸ್ಕ್ರಾತಿಕ ಕಾರ್ಯಕ್ರಮ ಸಮೇತ “ಶತಮಾನೋತ್ಸವ ಆಚರಣ ಕೊರಚಾಕ ಠರೆಯಿಲೆ ಆಸ್ಸ. ಶ್ರೀ ಕಾಶೀಮಠಾಧೀಶಾಂಗೆಲೆ ಪಟ್ಟಶಿಷ್ಯ ಜಾಲೇಲೆ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತೀರಿ ಆಚರಣ ಕೆಲೇಲೆ ಶತಮಾನೋತ್ಸವಾಚೆ ಸುವೇಳ್ಯಾರಿ ತಾ. ೧-೦೫-೧೦೧೨ ತಾಕೂನು ೬-೦೫-೨೦೧೨ ಪರ್ಯಂತ ವಿಂಗವಿಂಗಡ ಧಾರ್ಮಿಕ ತಥಾ ಸಾಂಸ್ಕೃತಿಕ ಕಾರ್ಯಾವಳಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ.
ಹೇ ಸಂದರ್ಭಾರಿ ಶ್ರೀ ಮಹಾಲಸಾ ದೇವಿಲೆ ಪೇಟೆ ಸವಾರಿ, ಶ್ರೀಮದ್ ಸಂಯಮೀಂದ್ರತೀರ್ಥ ಸ್ವಾಮ್ಯಾಂಗೆಲೆ ಶುಭಾಗಮನ, ತಾಂಕಾ ಪೂರ್ಣಕುಂಭ ಸ್ವಾಗತ, ಶ್ರೀ ದೇವಾಲೆ ಭೇಟಿ, ಆಶೀರ್ವಚನ, ದೇವತಾ ಪ್ರಾರ್ಥನಾ, ಗುರು ಗಣಪತಿ ಪೂಜನ,, ಪ|ಪೂ| ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ದೀವಲಿ ಪ್ರಜ್ವಲನ, ೨೮ ಗಂಟೆಚೆ ನಿರಂತರ ಭಜನ ಆರಂಭ, ಶ್ರೀ ಮಹಾಲಸಾ ದೇವಿಕ ಮಹಾಪೂಜಾ, ಪೇಂಟಾ ಭಜನ, ದೀಪಾಲಂಕಾರ, ಪ|ಪೂ| ಸ್ವಾಮ್ಯಾಂಗೆಲೆ ಹಾತ್ತಾ ತಾಕೂನು ಶ್ರೀ ಮಹಾಲಸಾ ದೇವಿಕ ಏಕೋತ್ತರ ಶತಕಲಶಾಭಿಷೇಕ, ಭಜನಾ ಮಂಗಲ, ಶ್ರೀ ನರಸಿಂಹ ಜಯಂತಿ ಪ್ರಯುಕ್ತ ಅಕ್ಷರ ಸಹಸ್ರ ನರಸಿಂಹ ಮಂತ್ರಹವನ, ಗುರು ಪೂಜಾ, ಬ್ರಾಹ್ಮಣ, ಸುವಾಸಿನಿ ಪೂಜಾ, ಕುಂದಾಪುರ್‍ಚೆ ‘ಮೂರು ಮುತ್ತು ಕಲಾವಿದ ರೂಪಕಲಾ ತಂಡ ತಾಕೂನು “ಮಾಸ್ಟರ್ ಪ್ಲಾನ್ ಹಾಸ್ಯಮಯ ನಾಟಕ, ಶ್ರೀ ವಿಷ್ಣು  ಸಹಸ್ರನಾಮ ಪಠಣೆ ಬರಶಿ ತುಲಸೀದಳ ಅರ್ಚನ, ಸಭಾ ಕಾರ್ಯಕ್ರಮ, ಪ|ಪೂ| ಸ್ವಾಮ್ಯಾ ತಾಕೂನು ಆಶೀರ್ವಚನ, ಶ್ರೀ ಮಹಾಲಸಾ ಸಹಸ್ರನಾಮ ಪಠಣೆ ಬರಶಿ ಪುಷ್ಪಾರ್ಚನ, ಸಾರ್ವಜನಿಕ ಅನ್ನಸಂತರ್ಪಣ ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ಆನಿ ಪ್ರತಿ ದಿವಸು ಶ್ರೀ ಮಹಾಲಸಾ ದೇವಿಕ ಆನಿ ಶ್ರೀ ಮಠಾಂತು ತ್ರಿಕಾಲ ಮಹಾಪೂಜಾಯಿ ಚಲ್ಲೆಲೆ ಖಬ್ಬರ ಮೆಳ್ಳಾ.
ಶತಸಂವತ್ಸರ ಪೂರ್ತಿ ಜಾಲೇಲೆ ಶಿರ್ವ ಮಹಾಲಸಾ ದೇವಿಲೆ ಐತಿಹಾಸಿಕ ಘಟನಾವಳಿಚೆ ಗೋಡ ಉಡಗಾಸಾ ಖಾತ್ತಿರಿ “ಶ್ರೀ ಮಹಾಲಸಾ ವೈಭವ ಮ್ಹಣಚೆ ಸ್ಮರಣ ಸಂಚಿಕಾ ತಯಾರ ಜಾತ್ತಾ ಆಸ್ಸುನು ಕುಳಾವಿ, ಭಕ್ತ ಬಾಂದವಾನಿ ಹಾಕ್ಕಾ ಜಾಹೀರಾತು ದೀವ್ನು ದೇವಸೇವೆಂತು ವಾಂಟೊ ಘೆವಚಾಕ ಅವಕಾಶ ಆಸ್ಸ. ಚಡ್ತೆ ಮಾಹಿತಿ ಖಾತ್ತಿರಿ ಶ್ರೀ ಮಹಾಲಸಾ ನಾರಾಯಣೀ ದೇವಳ, ಶ್ರೀ ಕಾಶೀಮಠ, ಶಿರ್ವ- ೫೭೪೧೧೬. ಪೋನ್ : ೦೮೨೦-೨೫೭೬೯೭೬, ೯೪೮೦೫೭೪೬೬೧ ಹಾಂಗಾಕ ಸಂಪರ್ಕು ಕೊರಯೇತ.
ಶ್ರೀ ದೇವಳಾಚೆ ವ್ಯವಸ್ಥಾಪಕ ಸಮಿತಿ ಅಶ್ಶಿ ಆಸ್ಸ. ಶ್ರೀ ಎನ್. ಕೋದಂಡ ಶೆಣೈ, ಶಿರ್ವ(ಗೌ.ಅಧ್ಯಕ್ಷ), ಶ್ರೀ ರಮೇಶ ಎಸ್. ಕಾಮತ್, ಮಂಗಳೂರು (ಅಧ್ಯಕ್ಷ), ಶ್ರೀ ಬಿ. ಚಿದಾನಂದ ಪೈ, ಉಡುಪಿ(ಕಾರ್ಯದರ್ಶಿ), ಡಾ|| ಬಿ. ದಾಮೋದರ ಪೈ, ಉಡುಪಿ(ಖಜಾಂಚಿ), ಶ್ರೀ ರಾಮದಾಸ ಆರ್. ಶೆಣೈ, ಶಿರ್ವ, ಶ್ರೀ ರಮಾನಂದ ಶೆಣೈ, ಉಡುಪಿ, ಶ್ರೀ ಸತ್ಯನಾರಾಯಣ ನಾಯಕ, ಶಿರ್ವ, ಶ್ರೀ ಎಚ್. ಗಣೇಶ ನಾಯಕ್, ಉಡುಪಿ, ಶ್ರೀ ಜಿ. ರಘುರಾಮ ಶೆಣೈ, ಶಿರ್ವ, ಶ್ರೀ ಶ್ರೀಧರ ಶೆಣೈ, ಮುಂಬಯಿ, ಶ್ರೀ ವಾಸುದೇವ ಎಸ್. ಶೆಣೈ, ಮುಂಬಯಿ (ಸರ್ವ ಸದಸ್ಯ).
ಕಲಾಕುಂಚ ದಾವಣಗೆರೆ
ದಾವಣಗೆರೆಂತು ಘೆಲೇಲೆ ೨೫ ವರ್ಷಾಚಾನ ಕಲಾ, ಸಾಹಿತ್ಯ, ಸಂಗೀತ, ಸಂಸ್ಕೃತಿಕ ಅಪಾರ ಸೇವಾ ದಿತ್ತಾ ಆಯ್ಯಿಲೆ ಕಲಾಕುಂಚ ತರಪೇನ ಪ್ರತಿ ವರ್ಷ ಮ್ಹಣಚೆ “ಕನ್ನಡ ಕೌಸ್ತುಭ ರಾಜ್ಯ ಪ್ರಶಸ್ತಿಕ ಅರ್ಜಿ ಆಹ್ವಾನ ಕೆಲ್ಯಾ. ೨೦೧೧-೧೨ಸಾಲಾಂತು  ಎಸ್.ಎಸ್.ಎಲ್.ಸಿ. ಪರೀಕ್ಷೆಂತು ಪ್ರಥಮ ಭಾಷೆ ಕನ್ನಡಾಂತು ೧೨೫ಕ ೧೨೫ ಮಾರ್ಕ್ಸ್ ಘೆತ್ತಿಲ್ಯಾಂಕ “ಕನ್ನಡ ಕಸ್ತೂರಿ ರಾಜ್ಯ ಪ್ರಶಸ್ತಿ ದೀವ್ನು ಅಭಿನಂದನ ಕರತಾತಿ. ಹೇ ಪಯಲೆ ಸಬಾರ ರಾಜ್ಯ, ರಾಷ್ಟ್ರ ಮಟ್ಟಾಚೆ ಗಣ್ಯಾಂಕ ಆಪೋವ್ನು ೧೦ ಹಜಾರಾ ಪಶಿ ಚ್ಹಡ ಚರ್ಡುವಾಂಕ ಹೇ ಪ್ರಶಸ್ತಿ ವಾಂಟಿಲೆ ಆಸ್ಸುನು ಅವುಂದೂಯಿ ಹೇ ಪ್ರಶಸ್ತಿ ವಿತರಣ ಸಮಾರಂಭಾಂತು ರಾಜ್ಯಾಚೆ ದಿಗ್ಗಜ ವಾಂಟೊ ಘೆತ್ತಾತಿ. 
ಕಲಾಕುಂಚ ತರಪೇನ ಪ್ರತಿ ವರ್ಷ ಮ್ಹಣಕೆ “ಅಂಚೆ-ಕುಂಚ ಸ್ವರ್ಧಾಯಿ ಆಯೋಜನ ಕೆಲೇಲೆ ಆಸ್ಸುನು ಅವುಂದು ಶ್ರೀ ಬಸವ ಜಯಂತಿ ಶತಮಾನೋತ್ಸವ ವರ್ಷಾಚರಣೆ ಅಂಗ ಜಾವ್ನು ರಾಜ್ಯ ಮಟ್ಟಾಂತು ಅಂಚೆ ಕಾರ್ಡಾಂತು ಚಿತ್ತರ ಬರೈಚೆ ಸ್ಪರ್ಧಾ ಆಯೋಜನ ಕೆಲ್ಲಯಾ. ತ್ಯಾ ಖಾತ್ತಿರಿ ಶ್ರೀ ಬಸವಾದಿ ಶಿವಶರಣಾಂಗೆಲೆ ಚಿತ್ತರ ಪೋಸ್ಟ ಕಾರ್ಡಾಂತು ಬರೋವನು ಪೆಟೋವನು ದಿವ್ಯೇತ. ಹೇ ದೊನ್ನಿ ಸ್ಪರ್ಧೆ ಖಾತ್ತಿರಿ ಚಡ್ತೆ ಮಾಹಿತಿ ಖಾತ್ತಿರಿ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆ, ೪೩೧, ಕನ್ನಡ ಕೃಪಾ, ಕುವೆಂಪು ರಸ್ತೆ, ಕಸ್ತೂರಬಾ ಬಡಾವಣೆ, ದಾವಣಗೆರೆ - ೫೭೭೦೦೨. ಪೋನ್ ನಂ. ೯೯೦೧೧೨೨೭೨೮, ೦೮೧೯೨-೨೭೦೩೫೯, ೯೪೮೦೦೬೫೭೪೮, ೯೮೪೪೩೫೩೦೯೫ ಹಾಂಗಾಕ ಸಂಪರ್ಕು ಕೊರಯೇತ ಮ್ಹೊಣು ಕಲಾಕುಂಚಾಚೆ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈನ ಪ್ರಕಟಣೆಂತು ಕಳೈಲಾ.
ಶ್ರೀ ಶಾಂತೇರಿ ಕಾಮಾಕ್ಷಿ ದೇವಳ, ಕುಮಟಾ
ಶ್ರೀ ಶಾಂತೇರಿ ಕಾಮಾಂಕ್ಷಿ ರಾಮನಾಥ ಲಕ್ಷ್ಮೀ ನಾರಾಯಣ ದೇವಳ, ಕುಮಟಾ ಹಾಂಗಾ ತಾ. ೨೨-೦೪-೨೦೧೨ ತಾಕೂನು ೨೭-೦೪-೨೦೧೨ ಪರ್ಯಂತ ಶ್ರೀ ದೇವಾಲೆ ಸನ್ನಿಧೀಂತು ಸಮಸ್ತ ಮಹಾಜನಾಲೆ ಉತ್ತರೋತ್ತರ ಕಲ್ಯಾಣಾಭಿವೃದ್ಧಿ, ಶ್ರೇಯೋಭಿವೃದ್ಧಿ ಖಾತ್ತಿರಿ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ವಡೇರ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತಿ ಆನಿ ಮಾರ್ಗದರ್ಶನಾರಿ “ಸಹಸ್ರಚಂಡಿ ಮಹಾಯಾಗ  ವಿಜೃಂಭಣೇರಿ ಚಲ್ಲೆ. ತತ್ಸಂಬಂಧ ಜಾವ್ನು ಪಯಲೆ ದಿವಸು ದೇವತಾ ಪ್ರಾರ್ಥನಾ, ಗುರುಪಾದ ಪೂಜಾ, ಗಣಪತಿ ಪೂಜನ, ಯಮುನಾ ಪೂಜಾ, ಜಪು ಪಾರಾಯಣ, ನವಗ್ರಹ ವಾಸ್ತು ಹವನ, ಲಘುವಿಷ್ಣು ಹವನ, ಅಂಶತಃ ಸಹಸ್ರಚಂಡೀ ಹವನ, ಕುಮಾರಿಕಾ-ಸುವಾಸಿನಿ ಪೂಜನ, ಸುವರ್ಣ ಮಂಟಪಾರಿ ಶ್ರೀ ಲಕ್ಷ್ಮೀನಾರಾಯಣ ದೇವಾಲೆ ಪ್ರಸನ್ನ ಪೂಜಾ, ಶಾಂತಿ ಪಾಠ, ಅಷ್ಟಾವಧಾನ ಸೇವಾ, ತೇರಾಂತು ಉತ್ಸವು, ವಸಂತ ಪೂಜಾ, ಪ್ರಸಾದ ವಿತರಣ, ಗುಂಡಿಬೈಲ್ ಸತ್ಯನಾರಾಯಣ ನಾಯಕ್ ತಾಕೂನು ಭಜನಾ ಕಾರ್ಯಕ್ರಮ ಚಲ್ಲೆ. ದುಸರೇ ದಿವಸು ಯಥಾ ವಿಧಿ ಬರಶಿ ಲಘುರುದ್ರ ಹವನ, ಸುವರ್ಣ ಮಂಟಪಾಂತು ಶ್ರೀ ರಾಮನಾಥ ದೇವಾಲೆ ಪ್ರಸನ್ನ ಪೂಜಾ, ಶ್ರೀ ಉದಯ ಪ್ರಭು ಆನಿ ಸಂಗಾತಿ ತಾಕೂನು ಭಜನಾ ಕಾರ್ಯಕ್ರಮ ಚಲ್ಲೆ. ತೀಸ್ರೆ ದಿವಸು ಯಥಾ ವಿಧಿ ಬರಶಿ ನರಸಿಂಹ ಹವನ,  ಸುದರ್ಶನ ಹವನ, ಶ್ರೀ ಬೇತಾಳ ದೇವ ದರ್ಶನ, ಶ್ರೀ ವೆಂಕಟರಮಣ ದೇವ, ಶ್ರೀ ಮುಖ್ಯಪ್ರಾಣ ದೇವ, ಶ್ರೀ ಮಹಾಲಸಾ ನಾರಾಯಣೀ ದೇವ, ಶ್ರೀ ಕಾವೂರ ಕಾಮಾಕ್ಷಿ ದೇವಾಂಗೆಲೆ ಆಗಮನ, ಸರ್ವ ದೇವಾಲೆ ಪ್ರಸನ್ನ ಪೂಜಾ, ಶ್ರೀ ವೆಂಕಟರಮಣ ದೇವು ಆನಿ ಶ್ರೀ ಮುಖ್ಯಪ್ರಾಣ ಶಾಂತೇರಿ ದೇವಿಲೆ ನಗರೋತ್ಸವ, ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ಚಾರಿ ದಿವಸು ಯಥಾ ವಿಧಿ ಬರಶಿ ಸುವರ್ಣ ಮಂಟಪಾಂತು ಶ್ರೀ ಕಾಮಾಕ್ಷಿ ದೇವಾಲೆ ಪ್ರಸನ್ನ ಪೂಜಾ, ವೈಕುಂಠ ಪ್ರಭು, ಕುಮಟಾ ಸಂಗಾತಿ ತಾಕೂನು ಭಜನಾ ಕಾರ್ಯಕ್ರಮ ಚಲ್ಲೆ. ಪಾಂಚಾ ದಿವಸು ಯಥಾ ವಿಧಿ ಬರಶಿ ಪ್ರಧಾನ ಪುರುಷ ಲಿಂಗಾಚೆ ಆಧಿವಾಸ, ನ್ಹಂವೆ ಜಾವ್ನು ನಿರ್ಮಿತ ದೇವಳಾಚೆ ಶುದ್ಧೀಕರಣ,ಸಭಾ ಕಾರ್ಯಕ್ರಮ, ಪ|ಪೂ| ಸ್ವಾಮ್ಯಾ ತಾಕೂನು ಆಶೀರ್ವಚನ, ರಾಮಚಂದ್ರ ನಾಯಕ್ ಶಿರಸಿ ಆನಿ ಸಂಗಾತಿ ತಾಕೂನು ಭಜನಾ ಕಾರ್ಯಕ್ರಮ ಚಲ್ಲೆ. ಅಖೇರಿ ದಿವಸು ಪ|ಪೂ| ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತೀರಿ ಪ್ರಧಾನ ಪುರುಷ ಲಿಂಗಾಚೆ ಪ್ರತಿಷ್ಠಾಪನ, ಬಲಿಪ್ರಧಾನ, ಸಹಸ್ರ ಚಂಡೀ ಯಾಗಾಚೆ ಪೂರ್ಣಾಹುತಿ, ಶ್ರೇಯೋಗ್ರಹಣ, ಮಹಾ ಸಂತರ್ಪಣ, ವೈದಿಕ ಆಶೀರ್ವಾದ ಗ್ರಹಣ, ಪ|ಪೂ| ಸ್ವಾಮ್ಯಾಂಗೆಲೆ ತಾಕೂನು ಆಶೀರ್ವಚನ, ಫಲ ಮಂತ್ರಾಕ್ಷತ ವಿತರಣ, ಶ್ರೀ ಕಾಳಬೈರವ ದೇವಾಲೆ ಛೌಕಾಚೆ ಮುಖಾರಿ ಶ್ರೀ ದೇವಲಾಲೆ ಅಷ್ಟಾವಧಾನ, ಶ್ರೀ ಬೇತಾಳದೇವ ದರ್ಶನ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.
ಶ್ರೀ ರಾಮನಾಥ ಶಾಂತೇರಿ ಕಾಮಾಕ್ಷಿ ದೇವಳ, ಭಟ್ಕಳ
ಭಟಕಳಾಚೆ ಶ್ರೀ ಲಕ್ಷ್ಮೀ ನಾರಾಯಣ ರಾಮನಾಥ ಶಾಂತೇರಿ ಕಾಮಾಕ್ಷಿ ಬೆತಾಳ ದೇವಾಲೆ ಪುನರ್ ಪ್ರತಿಷ್ಠೆಚೆ ನವ್ವಾಚೆ ವರ್ಧಂತಿ ಉತ್ಸವು ತಾ. ೧೩-೦೫-೨೦೧೨ ದಿವಸು ಶ್ರೀ ದೇವತಾ ಪ್ರಾರ್ಥನಾ, ಗಣಪತಿ ಪೂಜನ, ಪುಣ್ಯಾಹವಾಚನ, ಋತ್ವಿಜಾವರಣ, ನವಗ್ರಹ ಆನಿ ಪ್ರಧಾನ ದೇವತಾ ಆವಾಹನ, ಪೂಜನ, ಶತ ಕಲಶಾರ್ಚನ, ಶತ ಕುಂಭಾಭಿಷೇಕ, ಪಂಚದುರ್ಗಾ ಹವನ, ಮಹಾ ಪೂರ್ಣಾಹುತಿ, ಮಹಾ ಪೂಜಾ, ಮಹಾ ಮಂಗಳಾರತಿ, ಮೈದರ್ಶನ, ವೈದಿಕ ಸಂಭಾವನ, ಆಶೀರ್ವಾದ ಗ್ರಹಣ, ಪಾಲಂಖೀ ಉತ್ಸವು, ಅಷ್ಟಾವಧಾನ ಸೇವಾ, ವಸಂತ ಪೂಜಾ, ಪ್ರಸಾದ ವಿತರಣ ಇತ್ಯಾದಿ ಧಾರ್ಮಿಕ ಕಾರ್ಯಾವಳಿ ಬರಶಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ.
ಶ್ರೀ ಸಾಲಿಗ್ರಾಮ ಗಣೇಶ ಶೆಣೈಂಕ ಸನ್ಮಾನ
ದಾವಣಗೆರೆಂತು ಘೆಲೇಲೆ ಅಡ್ಡೇಸ ದಶಕಾ ತಾಕೂನು ಕಲೆ, ಸಾಹಿತ್ಯ, ಸಂಸ್ಕೃತಿ ಸಂಘಟನೇಕ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥಾ, ಯಕ್ಷರಂಗ ಯಕ್ಷಗಾನ ಸಂಸ್ಥೊ ಸ್ಥಾಪನ ಕೆಲೇಲೆ ಸಾಲಿಗ್ರಾಮ ಗಣೇಶ ಶೆಣೈ ದಂಪತಿಕ ಆಲ್ತಾಂತು ಪ್ರತಿಷ್ಠಿತ ಬಾಪೂಜಿ ಆಡಿಟೋರಿಯಂಚೆ ವ್ಹಡ ವೇದಿಕೇರಿ ಚಲೇಲೆ ಅಖಿಲ ಕರ್ನಾಟಕ ೯ಚೆ ಸುಗಮ ಸಂಗೀತ ರಾಜ್ಯ ಸಮ್ಮೇಳನಾಂತು ಆತ್ಮೀಯ ಜಾವ್ನು ಸನ್ಮಾನ ಕೆಲ್ಲೆ. ತಾನ್ನಿ “ಗೀತೋತ್ಸವ-೨೦೧೨ಚೆ ಯಶಸ್ಸಾಕ ಕೆಲೇಲೆ ವಾವ್ರೊ ದೆಕ್ಕೂನು ಶೆಣೈಯಾಂಗೆಲೆ ಕ್ರಿಯಾಶೀಲತೆಕ ಸನ್ಮಾನ ಕೆಲ್ಲೊ. ವೇದಿಕೇರಿ ಉಭಯಗಾನ ವಿಶಾರದೆ ವಿದುಷಿ ಡಾ|| ಶ್ಯಾಮಲಾ ಜಿ.ಭಾವೆ, ಕರ್ನಾಟಕ ಸರ್ಕಾರಾಚೆ ಮುಖ್ಯ ಸಚೇತಕ ಜಾಲೇಲೆ ಡಾ|| ಎ.ಹೆಚ್. ಶಿವಯೋಗಿ ಸ್ವಾಮಿ, ಕನ್ನಡ ಅಭಿವೃದ್ಧಿ ಪ್ರಾಧಿಕಾರಾಚೆ ಅಧ್ಯಕ್ಷ ಮುಖ್ಯಮಂತ್ರಿ ಚಂದ್ರು, ಪ್ರಖ್ಯಾತ ಗಾಯಕಿ ಬಿ.ಕೆ.ಸುಮಿತ್ರ, ಕರ್ನಾಟಕ ಸುಗಮ ಸಂಗೀತ ಪರಿಷತ್ತಾಚೆ ಅಧ್ಯಕ್ಷ ವೈ.ಕೆ.ಮುದ್ದುಕೃಷ್ಣ, ಮ್ಹಾಲ್ಗಡೆ ಸಾಹಿತಿ ಡಾ|| ಎನ್.ಎಸ್. ಲಕ್ಷ್ಮೀನಾರಾಯಣ ಭಟ್ ಆದಿ ಗಣ್ಯ ಉಪಸ್ಥಿತ ಆಶ್ಶಿಲೆಂ. ಸನ್ಮಾನಿತ ಶೆಣೈ ದಂಪತೀಂಕ ದಾವಣಗೆರೆಚೆ ಗೌಡ ಸಾರಸ್ವತ ಸಮಾಜ, ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆ, ಯಕ್ಷರಂಗ ಯಕ್ಷಗಾನ ಸಂಸ್ಥೆ, ಕರ್ನಾಟಕ ರಾಜ್ಯ ಮಕ್ಕಳ ಸಾಹಿತ್ಯವೇದಿಕೆ, ಶ್ರೀ ಗಾಯತ್ರಿ ಪರಿವಾರ ಸಂಸ್ಥೆಚೆ ಪದಾಧಿಕಾರಿನ ಆನಿ ಸರ್ವ ಸದಸ್ಯಾನ ಅಭಿನಂದನ ಪಾವಯ್ಲಾ. ಸರಸ್ವತಿ ಪ್ರಭಾ ತಾಂಕಾ ದೇವು ಬರೆಂ ಕೊರೊ ಮ್ಹಣತಾ.
ಚಿತ್ರ, ವರದಿ : ಸಾಲಿಗ್ರಾಮ ಸಂದೀಪ ಶೆಣೈ, ದಾವಣಗೆg.

ಗುರುವಾರ, ಜೂನ್ 21, 2012

G.S.B. Hubli News-Kan

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಹುಬ್ಬಳ್ಳಿ
ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಹುಬ್ಬಳ್ಳಿ ಹಾಜ್ಜೆ “ಸಮಾಜ ಡೇ ತಾ. ೨೪-೦೬-೨೦೧೨ ದಿವಸು ಸಮಾಜ ಮಂದಿರ ಸರಸ್ವತಿ ಸದನಾಂತು ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತೀರಿ ಸಂಪನ್ನ ಜಾವಚೆ ಆಸ್ಸ. ಪ|ಪೂ| ಸ್ವಾಮೆಂ ತಾ. ೨೨-೦೬-೨೦೧೨ ತಾಕೂನು ೦೧-೦೭-೨೦೧೨ ಪರ್ಯಂತ ಸರಸ್ವತಿ ಸದನಾಂತು ವಾಸ್ತವ್ಯ ಕರತಾತಿ. ಹೇ ವರ್ಷಾಚೆ ಸಮಾಜ ಡೇ ಚೆ ಮುಖೇಲ ಸೊಯರೆ ಜಾವ್ನು ಭಟಕಳಾಚೆ ಶ್ರೀ ಸುರೇಂದ್ರ ಶ್ಯಾನಭಾಗ ಉಪಸ್ಥಿತ ಆಸತಾತಿ. ಸರ್ವ ಸಮಾಜ ಬಾಂಧವಾನ ಚಡ್ತ ಸಂಖ್ಯಾರಿ ಹೇ ಸಂದಭಾರಿ ಉಪಸ್ಥಿತ ಆಸ್ಸುಕಾ ಮ್ಹೊಣು ಕಾರ್ಯದರ್ಶಿ ಶ್ರೀ ಉದಯ ಜಿ. ಶ್ಯಾನುಭಾಗ ತಾನ್ನಿ ವಿನಂತಿ ಕೆಲ್ಲಯಾ.

Saraswati Prabha News 6/12-kan4

ಪುತ್ತೂರಾಚೆ ಶ್ರೀ ಲಕ್ಷೀ ವೆಂಕಟೇಶ ದೇವಳಾಚೆ ಯುವಕ ಮಂಡಳಿಚೆ ರುಪ್ಪೆ ಪರಭ
ಪುತ್ತೂರಾಚೆ ಶ್ರೀ ಲಕ್ಷೀ ವೆಂಕಟೇಶ ದೇವಳಾಚೆ ಯುವಕ ಮಂಡಳಿಚೆ ಸಾಂಸ್ಕೃತಿಕ ರುಪ್ಪೆ ಪರಭ ಶ್ರೀನಿವಾಸ ಕಲ್ಯಾಣ ಮಂಟಪಾಂತು ಚಲ್ಲೆ. ಮುಖೇಲ ಸೊಯರೆ ಜಾವ್ನು ಆಯ್ಯಿಲೆ  ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಕಾಸರಗೋಡು ಚಿನ್ನ ತಾನ್ನಿ ಉಲೈತಾ “ಸಂಸ್ಕೃತಿಕ ವಿಸರ್ಲೀಲೆ ಆಯಚೆ  ಯುವಕಾರ ಸಾಂಸ್ಕೃತಿಕ ಅಭಿರುಚಿ ವಾಡ್ಡೋನು ಘೆವಚಾಕ ಸಾಹಿತ್ಯ, ನಾಟಕ, ಕಲಾಕ್ಷೇತ್ರಾಂತು ದೇವ್ನು ಸಂಘಟಿತ ಜಾವ್ನು ವಾವ್ರೋ ಕೊರಕಾ. ತಾಂಕಾ ಸಾಂಸ್ಕೃತಿಕ ಜಾವ್ನು ಜಾವಕಾ ಜಾಲೇಲೆ ಪ್ರೋತ್ಸಾಹ, ಸಹಕಾರ ಆಕಾಡೆಮಿ ತರಪೇನ ದಿತ್ತಾತಿ ಮ್ಹೊಣು ಸಾಂಗೂನು ಹ್ಯಾ ಯುವಕ ಮಂಡಳೀನ ೨೫ ವರ್ಷಾಚಾನ ಸಾಂಸ್ಕೃತಿಕ ಕಾರ್ಯಕ್ರಮ ಚಲೋವ್ನು ಹಾಳ್ಳಿಲೆ ಖಾತ್ತಿರಿ ಶ್ಲಾಘನ ಕೆಲ್ಲಿ.
      ಆನ್ನೇಕ್ಲಿ ಮುಖೇಲ ಸೊಯರೆ ಶಾಸಕ ಕೆ.ರಘುಪತಿ ಭಟ್, ಸುರತ್ಕಲ್ ಎನ್‌ಐಟಿಕೆಚೆ ಪ್ರಾಧ್ಯಾಪಕ ಪೊ| ಕೆ.ಸಿ. ಶೇಟ್, ರಂಗ ನಿರ್ದೇಶಕ ಸುರೇಂದ್ರ ಶೇಟ್, ದೇವಳಾಚೆ ಟ್ರಸ್ಟಿ ವಸಂತ್ ಕೆ. ನಾಯಕ್, ಪ್ರಧಾನ ಅರ್ಚಕ ಜಾಲೇಲೆ ಅನಂತ್ ಭಟ್ ಉಪಸ್ಥಿತ ಆಶ್ಶಿಲೆಂ. ಸೊಯರೆ ಜಾವ್ನು ಶಿವಾನಂದ ನಾಯಕ್, ಬಾಲಕೃಷ್ಣ ಗಾಂವ್ಸ್, ಆನಂದರಾಯ ಆರ್. ನಾಯಕ್, ಗಣಪತಿ ಜಿ. ಶೇಟ್, ಕೊಳಂಬೆ ಪಾಂಡುರಂಗ ಪ್ರಭು ಉಪಸ್ಥಿತ ಆಶ್ಶಿಲೆಂ.  ಹೇ ಶುಭ ವೇಳ್ಯಾರಿ ೨೫ ವರ್ಷಾಚಾನ ಸಾಂಸ್ಕೃತಿಕ ಕ್ಷೇತ್ರಾಂತು ಜೊಳ್ಳಿಲೆ ೨೫ ಕಲಾವಿದಾಂಕ ಆತ್ಮೀಯ ಜಾವ್ನು ಸನ್ಮಾನ ಕೆಲ್ಲೆ. ರಂಗ ನಿರ್ದೇಶಕ ಕೋಣಿ ಶೇಷಗಿರಿ ನಾಯಕ್ ತಾಂಕಾ ’ವೈಶ್ಯವಾಣಿ ರಂಗ ಕಲಾ ರತ್ನ’ ಮ್ಹಣಚೆ ಬಿರುದು ದೀವ್ನು ಸನ್ಮಾನ ಕೆಲ್ಲಿ. .ರಘುಪತಿ ಭಟ್ ತಾನ್ನಿ ಕಾಸರಗೋಡು ಚಿನ್ನ ತಾಂಕಾ ಗೌರವ ಕೋರ್ನು ಉಲೈಲೀಂತಿ.

ಸಂಘಾಚೆ  ಸದಸ್ಯ ಮಂಜುನಾಥ ನಾಯಕ್ ತಾನ್ನಿ ಸ್ವಾಗತ ಕೆಲ್ಯಾರಿ, ಅಧ್ಯಕ್ಷ ಕೊಳಂಬೆ ಪಾಂಡುರಂಗ ಪ್ರಭು ವರದಿ ವಾಚನ ಕೆಲ್ಲಿಂತಿ. ಕಾರ್ಯದರ್ಶಿ ಕಮಲಾಕ್ಷ ಶೇಟ್ ತಾನ್ನಿ ಕಾರ್ಯಕ್ರಮ ನಿರೂಪಣ ಕೆಲ್ಲೆ. ಮುರುಳಿ ನಾಯಕ್ ಕಲಾವಿದಾಂಕ ಪರಿಚಯ ಕೋರ್ನು ದಿಲ್ಲಿಂತಿ. ಕಡೇರಿ  ಲಕ್ಷ್ಮೀಕಾಂತ್ ಶೇಟ್ ತಾನ್ನಿ ಆಬಾರ ಮಾನಲೆ.

ಬುಧವಾರ, ಜೂನ್ 20, 2012

 ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಕ ಸದಸ್ಯಾಂಕ ನೇಮಣೂಕಿ ಕೆಲ್ಲ್ಯಾ.
ಬೆಂಗಳೂರು, ಮೇ ೧೯(ಕರ್ನಾಟಕ ವಾರ್ತೆ):  ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಮಂಗಳೂರು ಹಾಜ್ಜೆ ಸದಸ್ಯ ಜಾವ್ನು ಹಾಂಗಾ ತೊಗ್ಗು ಸಾಂಗಿಲೆ ಲೋಕಾಂಕ ತತ್‌ಕ್ಷಣಾ ದಾಕೂನು ತೀನಿ ವರ್ಷ ಕಾಳಾಕ ಜಾಂವೊ ಮುಖಾರಚೆ ಆದೇಶ ಪರ್ಯಂತ ನೇಮಣೂಕಿ ಕೋರ್ನು ಸರಕಾರಾನಿ ಆದೇಶ ಕೆಲ್ಲ್ಯಾ.  ಶ್ರೀ ಕಾಸರಗೋಡು ಚಿನ್ನಾ (ಅಧ್ಯಕ್ಷ), ಶ್ರೀ  ಪಿ. ಸುಭಾಷ್ ಕಾಮತ್, ಉಡುಪಿ, ಶ್ರೀ ರಾಜಾರಾಂ ನಾಯಕ್, ದಕ್ಷಿಣ ಕನ್ನಡ ಜಿಲ್ಲೆ, ಶ್ರೀ ಮಹೇಶ್ ಆರ್. ನಾಯಕ್, ದಕ್ಷಿಣ ಕನ್ನಡ ಜಿಲ್ಲೆ, ಶ್ರೀ ಚಂದ್ರಕಾಂತ ಕಾಮತ್ ಬಿನ್ ವೈ. ಗಣಪತಿ ಕಾಮತ್, ಹೊಸಪೇಟೆ, ಶ್ರೀ ಚಿದಾನಂದ ಭಂಡಾರಿ, ಉತ್ತರ ಕನ್ನಡ ಜಿಲ್ಲೆ, ಶ್ರೀ ಬಿ.ಎಸ್. ಕಾಮತ್ ಬಿನ್ ದಾಮೋದರ ಕಾಮತ್,  ಶಿವಮೊಗ್ಗ, ಶ್ರೀ ಟಿ.ಎ. ಪಿ. ಶೆಣೈ, ಬೆಂಗಳೂರು, ಶ್ರೀ ರಾಯ್ ಕ್ಯಾಸ್ಟಲಿನೊ, ಮಂಗಳೂರು, ಶ್ರೀ ಮಂಜುನಾಥ್ ರಾಯಸಿದ್ಧಿ, ಉತ್ತರ ಕನ್ನಡ ಜಿಲ್ಲೆ, ಶ್ರೀ ಮಹದೇವರೆಡ್ಡಿ ಕುಟ್ಟಿಕಾರ್, ಉತ್ತರ ಕನ್ನಡ ಜಿಲ್ಲೆ.  ಸಹಸದಸ್ಯ ಜಾವ್ನು ಶ್ರೀ ಅಶೋಕ ಶೇಟ್, ಶ್ರೀ ಓಂಗಣೇಶ ಉಪ್ಪುಂದ, ಶ್ರೀಮತಿ ಶೀಲಾ ನಾಯಕ್ ಹಾಂಕಾ ನೇಮಣೂಕಿ ಕೆಲ್ಲಯಾ. ಸರ್ವ ಸದಸ್ಯಾಂಕ “ಸರಸ್ವತಿ ಪ್ರಭಾ ಆನಿ ತಾಜ್ಜ ವಾಚಕಾ ತರಪೇನ ಹಾರ್ದಿಕ ಅಭಿನಂದನ ಪಾವಯ್ತಾ. ಆನಿ ಹಾಂಕ ಪೂರಾ ದೇವು ಬರೆ ಕೊರೊ ಮ್ಹಣತಾ.

Saraswati Prabha News 6/12-Kan3

ಗಂಗೊಳ್ಳಿಚೆ ನಿನಾದ ಸಂಸ್ಥೆಚೆ ೭ಚೆ ವಾರ್ಷಿಕೋತ್ಸವು
“ಕೊಂಕಣಿಗ ಆಪಣಾಂಗೆಲೆ ಭಾಷೆ, ಸಂಸ್ಕೃತಿಚೆ ರಾಕ್ವಣ ಆನಿ ಅಭಿವೃದ್ಧಿ ಖಾತ್ತಿರಿ ಸರ್ಕಾರಾಚಾನ ಖಂಚೇಯಿ ಮದ್ದತ್, ಸಹಕಾರು ಮಾಗ್ಗಿಲೆ ಲೋಕ ನ್ಹಂಹಿ. ತಶ್ಶಿ ಜಾವ್ನು ಸರ್ಕಾರಾ ತಾಕೂನು ಮೆಳಚೆ ಸೌಲಭ್ಯ ಖಾತ್ತಿರಿ  ಮಾಹಿತಿ ಘೇವ್ನು ಕಾರ್ಯಕ್ರಮ ಘಾಲ್ನು ಘೆವ್ಕಾ.  ತಾಕ್ಕಾ ಜಾಯ ಜಾಲೇಲೆ ಮದ್ದತ್, ಸಹಕಾರ ಆಕಾಡೆಮಿ ತಾಕೂನು ದಿತ್ತಾತಿ. ಕೊಂಕಣಿ ಭಾಸ, ಸಂಸ್ಕೃತಿ  ಉದರ್ಗತಿ ಖಾತ್ತಿರಿ ಘಾಲ್ನು ಘೆವಚೆ ಪ್ರತಿಯೇಕ ಕಾರ್ಯಕ್ರಮಾಂಕ ಆಕಾಡೆಮಿ ತರಪೇನ ಸಹಕಾರ ದಿತ್ತಾತಿ. ಅಶ್ಶಿ ಮ್ಹೊಣು ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಕಾಸರಗೋಡ ಚಿನ್ನಾ ತಾನ್ನಿ ಸಾಂಗ್ಲಿಂತಿ. ತಾನ್ನಿ ಗಂಗೊಳ್ಳಿಚೆ ಮಲ್ಯರಮಠ ಶ್ರೀ ವೆಂಕಟರಮಣ ದೇವಳಾಚೆ ಶ್ರೀ ದ್ವಾರಕಾನಾಥ ತೀರ್ಥ ಕಲ್ಯಾಣ ಮಂಟಪಾಂತು ತಾ. ೨೦-೦೫-೨೦೧೨ ದಿವಸು ಸಂಪನ್ನ ಜಾಲೇಲೆ ಗಂಗೊಳ್ಳಿಚೆ ನಿನಾದ ಸಂಸ್ಥೆಚೆ ೭ಚೆ ವಾರ್ಷಿಕೋತ್ಸವ ಸಮಾರಂಭಾಂತು ಮುಖೇಲ ಸೊಯರೆ ಜಾವ್ನು ಯೇವ್ನು ಉಲೈತಾಶ್ಶಿಲೆ.  “ಆಮಗೇಲೆ ಸಮಾಜಾಂತು ಚರ್ಡುವಾಂಕ ತರ್ನಟೆ ತಾಕೂನು ಸಂಸ್ಕಾರ ದೀನಾಶಿ ಆಸ್ಸುಚೆ ತಾಕೂನು ತಾಂಕಾ ಜನ್ಮ ದಿಲೇಲೆ ಆವಯ-ಬಾಪಯಿ ವೃದ್ಧಾಶ್ರಮಾಕ ಸೇರ್‍ವಚೆ ವಾಯ್ಟ ಪರಿಸ್ಥಿತಿ ನಿರ್ಮಾಣ ಜಾಲ್ಯಾ. ಸಂಸ್ಕೃತಿ ಆನಿ ಸಂಸ್ಕಾರ ನಾಶ ಜಾಲ್ಲ್ಯಾ. ಘರ ಚಲೋವನು ವ್ಹರಚಾಂತು ಬಾಯ್ಲಮನ್ಶೆನ ಮುಖೇಲ ಪಾತ್ರ ಘೆವ್ಕಾ, ಚರ್ಡುವಾಂಕ ಶಿಕ್ವಣ, ಸಂಸ್ಕಾರ ದಿವಚೆ ವ್ಹಡ ಜವಾಬ್ದಾರಿ ತಾಂಗೇಲೆ ವಯರಿ ಆಸ್ಸ. ಚರ್ಡುವಾಂಕ ಆವಯ ಭಾಸ ಕೊಂಕಣಿ ಶಿಕಚಾಕ ಉಮೇದ ದಿವಕಾ. ಆಪ್ಪಣಾನ ನಿರ್ದೇಶನ ಕೆಲೇಲೆ ಉಜ್ವಾಡು ಸಿನೇಮಾಚೆ ಹರ್‍ಯೇಕ ದೃಶ್ಯಾಂತು ಏಕ್ಕೇಕ ಸಂದೇಶ ದಿಲ್ಲ್ಯಾ ಮ್ಹಳ್ಳಿಂತಿ.  ಮಲ್ಯರಮಠ ಶ್ರೀ ವೆಂಕಟರಮಣ ದೇವಳಾಚೆ  ಆಡಳಿತ ಮೊಕ್ತೇಸರ ಬೈಲೂರು ಮಂಜುನಾಥ ಶೆಣೈ ತಾನ್ನಿ ಸಮಾರಂಭಾಚೆ ಅಧ್ಯಕ್ಷತೆ ಘೆತ್ತಿಲೆ. ಸಿದ್ಧಾಪುರ್‍ಚೆ ಉದ್ಯಮಿ ಡಿ.ಗೋಪಿನಾಥ ಕಾಮತ್ ತಾನ್ನಿ ದೇವು ಬರೆ ಕೊರೊಂ ಮ್ಹಳ್ಳಿಂತಿ.  ಮಂಗಳೂರು ವಿಶ್ವವಿದ್ಯಾನಿಲಯಾಚೆ ರ್‍ಯಾಂಕ್ ವಿಜೇತೆ ಅಂಕಿತಾ ನಾಯಕ್ ತಾಂಕಾ ಹೇಂಚಿ ವೇಳ್ಯಾರಿ ಹಾರ್ದಿಕ ಜಾವ್ನು ಸನ್ಮಾನ ಕೆಲ್ಲೆ.  ಸಂಸ್ಥೆಚೆ ಅಧ್ಯಕ್ಷ ಎಂ.ಮುಕುಂದ ಪೈ ತಾನ್ನಿ ಸುರವೇಕ ಸರ್ವಾಂಕ ಸ್ವಾಗತ ಕೆಲ್ಯಾರಿ, ಕಾರ್ಯದರ್ಶಿ ಎನ್.ಗಜಾನನ ನಾಯಕ್ ತಾನ್ನಿ ವರದಿ ವಾಚನ ಕೆಲ್ಲಿಂತಿ. ಜಿ.ರೋಹಿದಾಸ್ ನಾಯಕ್ ಸನ್ಮಾನಿತಾಂಗೆಲೆ ಪರಿಚಯ ಕೋರ್ನು ದಿಲ್ಲಿಂತಿ. ಜಿ.ಸುದರ್ಶನ ವಿ.ಆಚಾರ್ಯ ತಾನ್ನಿ ಕಾರ್ಯಕ್ರಮ ನಿರೂಪಣ ಕೋರ್ನು ಆಬಾರ ಮಾನಲೆ. ಸಮಾರಂಭ ಉಪರಾಂತ ಶ್ರೀ ಕಾಸರಗೋಡು ಚಿನ್ನಾ ನಿರ್ದೇಶನಾಚೆ ಕೊಂಕಣಿ ಸಿನೇಮ “ಉಜ್ವಾಡು ಹಾಜ್ಜೆ ಪ್ರದರ್ಶನಾಂಯಿ ಚಲ್ಲೆ. ತ್ಯಾ ದಿವಸು ಸಕ್ಕಾಣಿ ಪೂಡೆ ಮಲ್ಯರಮಠ ಶ್ರೀ ವೆಂಕಟರಮಣ ದೇವಳಾಂತು ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜಾ, ಮಹಾ ಸಮಾರಾಧನ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.
ಭಜನ ಗಂಗಾ ಸಿ.ಡಿ. ಉಗ್ತಾವಣ
ಪಂಚಗಂಗಾವಳಿಂಚೆ ಜಿ.ಎಸ್.ಬಿ. ಸಮಾಜಾಚೆ ರಾಮಪೈ ಮಠ ಶ್ರೀ ವೆಂಕಟರಮಣ ದೇವು, ಗುಜ್ಜಾಡಿ ಶ್ರೀ ಲಕ್ಷ್ಮೀನಾರಾಯಣ ದೇವು, ಪೇಟೆ ಶ್ರೀ ವಿಠ್ಠಲ ರಕುಮಾಯಿ ದೇವು, ಶ್ರೀ ಜಗದಂಬಾ ಗೋಪಾಲಕೃಷ್ಣ ದೇವು ಆನಿ ಮಲ್ಯರಮಠ ಶ್ರೀ ವೆಂಕಟರಮಣ ದೇವು ಅಶ್ಶಿ ಪಾಂಚ ದೇವಳಾಚೆ ಶ್ರೀ ದೇವಾಲೆ ಭಜನೇಚೆ ಸಿ.ಡಿ. “ಭಜನ ಗಂಗಾ ಹಾಜ್ಜೆ ಉಗ್ತಾವಣ ತಾ. ೧೨-೦೫-೨೦೧೨ ದಿವಸು ಮಲ್ಯರಮಠ ಶ್ರೀ ವೆಂಕಟರಮಣ ದೇವಳಾಂತು ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂನಿ ಕೆಲ್ಲಿ. ಸಭಾ ಕಾರ್ಯಕ್ರಮಾಚೆ ಮುಖೇಲ ಸೊಯರೆ ಜಾವ್ನು ಶ್ರೀ ಭದ್ರಗಿರಿ ಅಚ್ಯುತ್‌ದಾಸಜಿ, ಬೆಂಗಳೂರು ಹಾನ್ನಿ ಉಪಸ್ಥಿತ ಆಶ್ಶಿಲೆ. ತಾಜ್ಜ ಉಪರಾಂತ ಸಿ.ಡಿ. ಸಾಹಿತ್ಯ ವಿವರಣ ತಶ್ಶೀಚಿ ಭಜನಾ ಕಾರ್ಯಕ್ರಮ ಶ್ರೀ ಶಂಕರ ಶ್ಯಾನುಭಾಗ ತಾನ್ನಿ ಚಲೋವನು ದಿಲ್ಲೆ. ಗಂಗೊಳ್ಳಿಚೆ ಸಮಾಜ ಬಾಂಧವ ಉಪಸ್ಥಿತ ಆಶ್ಶಿಲೆಂ.
ಶ್ರೀ ಮರ್ತಪ್ಪ ವಿಠ್ಠಲ ಶ್ಯಾನುಭಾಗ ಹಾಂಗೆಲೆ “ಸಹಸ್ರ ಚಂದ್ರದರ್ಶನ ಶಾಂತಿ
ಮೂಲತಃ ಉಪ್ಪುಂದಾಚೆ ಬಿಜೂರಾಚೆ ಶ್ರೀ ಮರ್ತಪ್ಪ ವಿಠ್ಠಲ ಶ್ಯಾನುಭಾಗ ಹಾಂಕಾ (ಅಶೀತಿವರ್ಷ) ೮೧ ವರ್ಷ ಭರಲೇಲೆ ಶುಭ ಸಂದರ್ಭಾರಿ ಹಾಂಗೆಲೆ ಸ ಲೋಕ ಚಲ್ಲ್ಯಾ ಚರ್ಡುಂವಾನಿ ಮೇಳ್ನು ಬಾಪುಸೂಲೆ “ಸಹಸ್ರ ಚಂದ್ರದರ್ಶನ ಶಾಂತಿ ತಾ. ೨೨-೦೫-೨೦೧೨ ಆನಿ ತಾ. ೨೩-೦೫-೨೦೧೨ ದಿವಸು ವಿಜೃಂಭಣೇರಿ ಆಯೋಜನ ಕೆಲೇಲೆ. ಸರ್ವಾ ತಾಕೂನು ಮರ್ತಪ್ಪಮಾಮು ಮ್ಹೊಣು ಆಪೋವನು ಘೆವ್ಚೆ ಹಾನ್ನಿ ಗಂಗೊಳ್ಳಿಚೆ ಬಂದರಾಂತು “ಶ್ರೀ ಕೃಷ್ಣ ಭವನ ಮ್ಹಣಚೆ ಹೊಟೇಲ ಪನ್ನಾಸ ವರ್ಷಾಪಶಿ ಚ್ಹಡ ಕಾಳ ಚಲೋವನು ನಾಂವ ಪಾವ್ವಿಲೆ ತಸ್ಸಾಲೆ. ಹಾಂಗೆಲೆ ಹಾತ್ತಾಚೆ ಖಾಣ ಸರ್ವಾನ ಪಸಂದ ಕೊರಚೆ ತಸ್ಸಾಲೆ. ದೇವು-ಧರ್ಮ ಕಾರ್ಯಾಂತು ಹಾಂಗೆಲೆ ವಿಪುಲ ಯೋಗದಾನ ಆಸ್ಸ. ಹಾಂಕಾ ಸ ಚಾಲ್ಯಾ ಚರ್ಡುಂವ ಆನಿ ಏಕಳಿ ಚೆಲ್ಲಿ ಆಸ್ಸತಿ.
ಸಹಸ್ರ ಚಂದ್ರ ದರ್ಶನ ಶಾಂತಿ ಪ್ರಯುಕ್ತ ಉಪ್ಪುಂದಾಚೆ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಳಾಂತು ತಾ. ೨೨-೦೫-೨೦೧೨ಕ ದೇವತಾ ಪ್ರಾರ್ಥನಾ, ಗುರು ಗಣಪತಿ ಪೂಜನಾ, ಪುಣ್ಯಾಹ ವಾಚನ, ಮಾತೃಕಾ ಪೂಜನಾ, ನಾಂದಿ, ಶ್ರಾದ್ಧ, ಆಚಾರ್ಯದ್ರಿವಣ, ಸಹಸ್ರ ಚಂದ್ರದರ್ಶನ ಶಾಂತಿ, ಕಲಶಾಧಿವಾಸ ಪೂಜಾ, ನೈವೇದ್ಯ, ಮಂಗಳಾರತಿ, ಪ್ರಸಾದ ವಿತರಣ ಇತ್ಯಾದಿ ಕಾರ್ಯಕ್ರಮ ಚಲ್ಲೆ.
ವಿಶೇಷ ಕಾರ್ಯಕ್ರಮು ತಾ. ೨೩-೦೫-೨೦೧೨ ದಿವಸು ಚಲ್ಲೆ. ತೇ ದಿವಸು ಆವಾಹಿತಾ ದೇವತಾ ಪೂಜನಾ, ಅಗ್ನಿ ಪ್ರತಿಷ್ಠೆ, ಆವಾಹಿತಾ ದೇವತಾ ಹವನ, ಪೂರ್ಣಾಹುತಿ, ಶ್ರೇಯೋಗ್ರಹಣ, ಕಲಶಾಭಿದಾನ, ಕಲಶಾಭಿಷೇಕ, ಮಂಗಳದ್ರವ್ಯ ನಿರೀಕ್ಷಣ, ಮಾಲಾಧಾರಣ, ದಂಪತಿ ಪೂಜಾ, ಮಹಾ ಸಮಾರಾಧನ, ವೈದಿಕ ಸಂಭಾವನ, ಆನಿ ಆಶೀರ್ವಾದ ಗ್ರಹಣ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಹೇ ಸಮಾರಂಭಾಕ ರಾಜ್ಯಾಚೆ ಮೂಲ್ಲಮೂಲ್ಲೆಚಾನ ತಾಂಗೆಲೆ ಬಂಧು-ಮಿತ್ರ ವ್ಹಡ ಸಂಖ್ಯಾರಿ ಯೇವ್ನು ಮ್ಹಾಲ್ಗಡಿ ಜಾಲೇಲೆ ಶ್ರೀ ಮರ್ತಪ್ಪ ಶ್ಯಾನುಭಾಗ ಆನಿ ತಾಂಗೆಲೆ ಬಾಯಲ ಶ್ರೀಮತಿ ಸೀತಾಬಾಯ್ ಹಾಂಗೇಲೆ ಶುಭಾಶೀರ್ವಾದು ಘೇವ್ನು ಪುನೀತ ಜಾಲ್ಲೆ. ಹಾಂಕಾ ಆನ್ನಿಕೆ ಮಸ್ತ ಕಾಳ ದೇವು ಚಾಂಗ ಆರೋಗ್ಯ ದೀವೋ ಮ್ಹಣಚೆ ಮೆಗೇಲೆ ಪ್ರಾರ್ಥನಾ.

ಸೋಮವಾರ, ಜೂನ್ 18, 2012

ಶ್ರೀ ಹೆಚ್. ಆರ್. ಪ್ರಭಾಕರ ಪ್ರಭುಂಗೆಲೆ ಪೊರನೆಂ ವಸ್ತು ಸಂಗ್ರಹ ಆನಿ ಪ್ರದರ್ಶನ
ಮಾಗಶಿ ಕಾಲಾಂತು ಹಿಂದೂಸ್ತಾನ ಖೇಡೆ ಗಾಂವ್ಚಾನ ಭೋರ್ನು ಘೆಲ್ಲಿಲೆ. ಚಡ್ತ ಲೋಕ ಕೃಷಿಕ ಜಾವ್ನಾಶ್ಶಿಲೆ. ಮಾಗಶಿ ಕಾಲಾಂತು ಸರ್ವ ನಿತ್ಯ ವಾಪರಚೆ ಜೀವನಾವಶ್ಯಕ ವಸ್ತು ಸ್ವತಃ ನಾಂವೆ ಸಾಂಪ್ರದಾಯಿಕ ನಮೂನ್ಯಾನ ತಯಾರ ಕೋರ್ನು ಘೆತ್ತಾ ಆಶ್ಶಿಲೆ. ಜಾಲ್ಯಾರಿ ಆಯಚೆ ವರ್ತಮಾನ ಕಾಲಾಂತು ಆಮ್ಮಿ ಪಾಶ್ಚಾತ್ಯ ಸಂಸ್ಕೃತಿಚೆ ಅಂದಾನುಕರಣ ಕರ್ತಾ ಆಮಗೇಲೆ ಪೊರನೆ ಕಾಲಾಚೆ ವಸ್ತು-ವಿಶೇಷ ತರ್ನಾಟೆಂಕ ಸಮ ಜಾಯ್ನಾ ಮ್ಹಣಚೆ ಕಾರಣ ಸಾಂಗೂನು ಏಕ್ಕೇಕಾ ಮುಲ್ಲೆಂತು ಘಾಲ್ತಾ ಆಯಲೀಂತಿ. ಆನಿ ತಸ್ಸಾಲೆ ವಸ್ತು ಪೂರಾ ಹಳೂ ಹಳೂ ಕಾಲಗರ್ಭಾಂತು ನಾಮಾವಶೇಷ ಜಾತ್ತಾ ಆಸ್ಸ.
ಏಕ ಕಾಲಾಂತು ಲೋಕಾನ ತಾಂಗ ತಾಂಗೆಲೆ ಜೀವನಾಂತು ವಾಪರ್‍ತಾ ಆಯ್ಯಿಲೆ ಕಿತ್ಲಕಿ ಸಾಮಾನು ಆಜಿ ಆಧುನಿಕತೆಚೆ ಅತಿ ಮೋಹಾನ ಮಾಯಕ ಜಾತ್ತಾ ಆಸ್ಸತಿ. ತಾಂತುಲೆ ಮಾತ್ಯಾ ಆಯದನ ಬಾಯರ ಉಡ್ಡಯತಾ ಆಸಲೇರಿ, ತಾಂಬೆ, ಪಿತ್ಲಿ, ಲೊಕ್ಕಂಡಾ ಆಯದನ ಗುಜರಿಕ ಘಾಲ್ತಾ ಆಸ್ಸತಿ. ಹಾಜ್ಜೇನ ಪರಂಪರಾಗತ ಜಾವ್ನು ಏಕ ಜನಾಂಗಾ ಥಾಕೂನು ಆನ್ನೇಕ ಜನಾಂಗಾಕ ಕೊಂಡಿ ಮ್ಹೊಣೊನು ಘೆವಚೆ ಹೇ ಮಾಕ್ಸಿಚಾಲೆ ಸಾಮಾನ, ಆಯದನ ನಾಶಿ ತ್ಯಾ ಕೊಂಡಿ ಚುಕ್ಕುನು ವತ್ತಾ ಆಸ್ಸುಚೆ ದುರದೃಷ್ಟಾ ವಿಷಯು ಮ್ಹೊಣಕಾ. ಅಸ್ಸಲೆ ನಿರಾಶಾದಾಯಕ ಸಂದಭಾರಿ ಆಮಗೇಲೆ ಏಕಳೆ ಅಸ್ಸಲೆ ಪುರಾತನ ವಸ್ತು ಸಂಗ್ರಹ ಕೋರ್ನು ಜನಾಂಗಾಕ ಮಹದುಪಕಾರ ಕರತಾ ಆಸ್ಸತಿ. ತಾನ್ನೀಚಿ ಶಿವಮೊಗ್ಗ ಜಿಲ್ಲೆ ತೀರ್ಥಹಳ್ಳಿ ತಾ|| ಕೋಣಂದೂರಾಚೆ ಶ್ರೀ ಹೆಚ್.ಆರ್. ಪ್ರಭಾಕರ ಪ್ರಭು.
ಘೆಲೇಲೆ ತೀಸ ವರ್ಷಾ ತಾಕೂನು ತಾನ್ನಿ ಹೇ ಕಾರ್ಯ ಕರತಾ ಆಸ್ಸತಿ. ಹಾಂಗೆಲೆ ಸಂಗ್ರಹಾಂತು ಕರ್ನಾಟಕಾಂತು ರಾಜ್ಯಭಾರ ಕೆಲೀಲೆ ಗಂಗ, ಕದಂಬ, ರಾಷ್ಟ್ರಕೂಟ, ವಿಜಯನಗರಾಚೆ ರಾಯಾಲೆ, ಮೈಸೂರು ರಾಯಾಲೆ ಕಾಲಾಚೆ ಮಾತ್ರ ನ್ಹಂಹಿಸಿ ವಿದೇಶಾ ದಾಕೂನು ಹಾಂಗಾಕ ಯವ್ನು ರಾಜ್ಯಭಾರ ಕೆಲೇಲೆ ಫ್ರೆಂಚ್, ಡೆಚ್ಛ ಕಾಲಾಚೆ ಪಾವಲಿ, ಬರಹ ಪಳಯಚಾಕ ಮೆಳತಾ. ತಾಜ್ಜ ಬರ್ಶಿ ಮಲೇಷ್ಯಾ, ಝಾಂಬಿಯಾ, ಅರ್ಜಂಟೈನಾ, ಇಟಲಿ ಆದಿ ೨೦ ಪಶಿ ಚ್ಹಡ ರಾಷ್ಟ್ರಾಚೆ ನೊಟ್ಟ ಆನಿ ಪಾವಲಿ ಹಾಂಗೇಲೆ ಸಂಗ್ರಹಾಂತು ಆಸ್ಸ.  ತಶ್ಶೀಚಿ ಮೈಸೂರು ಮಹಾರಾಜಾಲೆ ಫ್ರೇಮ್ ಘಾಲೇಲೆ ಲಗ್ನ ಪತ್ರಿಕಾ, ಬಾಯ್ಲ ಮನ್ಶೆಲೆ ಕೂರ್‍ಟಾ ಪಟ್ಟೊ, ರುಕ್ಕಾಚೆ ವಾಟ್ಟೊಳಿ, ರಂಗೋಲಿ ವಾಟ್ಟೋಳಿ, ಮಾಕಶಿ ಕಾಲಾಂತು ವಾಪುರ್ತಾ ಆಶ್ಶಿಲೆ ಪಾವ, ಚಟಾಕ, ಸಿದ್ದೆ, ಸೇರು, ಮೆಜ್ಜೂಚೆ ತೂಕಾ ಫಾತ್ತೊರು, ಸಾನ ಜಾಲೇಲೆ ಲೋಹಾಚೆ ಕ್ಯಾಲೆಂಡರ್, ತಾಂಬೆಚೆ ಶಾಸನ, ದೋನ ರೂಪಯಾಚೆ ಸ್ಟಾಂಪ್ ಪೇಪರ್, ಬ್ರಿಟಿಷ್ ಕಾಲಾಚೆ ಪತ್ರ, ಕನ್ನಡ ಭಾಷೆಂತುಲೆ ಕುರಾನ್ ಪ್ರತಿ, ಉರ್ದು ಭಾಷೆಂತು ಆಸ್ಸುಚೆ ರಾಮಾಯಣ ಆನಿ ಮಹಾಭಾರತ ಪ್ರತಿ, ಮಸ್ತ ಇತ್ಲೆ ದೇಶಾಚೆ ಸ್ಟಾಂಪ್, ಪೋಸ್ಟ ಕವರ್‍ಸ್, ಅಶ್ಶೀಂಚಿ ಸಾಂಗ್ರಾ ಘೆಲಯಾರಿ ತಾಕ್ಕಾ ಅಂತ್ಯ ಮ್ಹೊಣು ನಾ.
ಶ್ರೀ ಹೆಚ್. ಆರ್. ಪ್ರಭಾಕರ ಪ್ರಭು ಹಾನ್ನಿ ಇತ್ಲೆ ಭಿತ್ತರಿ ಹಾಜ್ಜ ಪ್ರದರ್ಶನ ಲಾಗ್ಗಿ ಲಾಗ್ಗಿ ಪಂಚ್ವೀಸ ಕಡೇನ ಕೋರ್ನು ಲೋಕಾ ತಾಕೂನು ಶಹಬಾಸ್‌ಗಿರಿ ಘೆತ್ತಿಲ ಆಸ್ಸುನು “ಆಯಚೆ ತರ್ನಾಟೆಂಕ ಆಮಗೇಲೆ ಸಂಸ್ಕೃತಿ, ಇತಿಹಾಸು ಕೊಳಚ ವರಿ ಕೊರಚಾಕ ಆನಿ ತಾಂಕಾ ಜಾಗೋವಚಾಕ ಆಪ್ಪಣ ಕರ್ತಾ ಆಸ್ಸುಚೆ ಏಕ ಪ್ರಯತ್ನ, ಘೆಲೇಲೆ ತೀಸ ವರ್ಷಾ ದಾಕೂನು ನಿರಂತರ ಜಾವ್ನು ಕರ್ತಾ ಆಸ್ಸ. ಮ್ಹಣತಾತಿ.
ಪ್ರದರ್ಶನ ನಾತ್ತಿಲೆ ವೇಳ್ಯಾರಿ ಹೇ ಸರ್ವ ಸಾಮಾನ ಬ್ಯಾಂಕ್ ಲಾಕರಾಂತು ದವರೂನು ತಾಜ್ಜ ರಕ್ಷಣ ಯೋಗ್ಯ ನಮೂನ್ಯಾನ ಶ್ರೀ ಪ್ರಭಾಕರ ಮಾಮು ಕರತಾ ಆಯಲೀಂತಿ.  ಖಂಯಿಂಚಿ ಅಸ್ಸಲೆ ಪ್ರದರ್ಶನಾಕ ಆಪಯಲೇರಿ ಯವ್ಚೆ-ವಚ್ಚೆ ಖರ್ಚು ಸೋಣು ವಿಂಗಡ ಖಂಚೇಯಿ ಖರ್ಚು ಹಾನ್ನಿ ವಿಚಾರ್ನಾತಿ. ಕೋಣೇಯಿ ಪ್ರದರ್ಶನ ದಿವಚಾಕ ಆಪಯಲ್ಯಾರಿ ಹಾಂಗೆಲೆ ಸಾತಾಠ ಲೋಕಾಲೆ ತಂಡ ಕೆದನಾಂಯಿ ತಯಾರ ಜಾವ್ನು ಆಸ್ತಾತಿ. ಇತ್ಲೆ ನ್ಹಂಹಿಸಿ ಕೋಣಾಲಾಗ್ಗಿ ತರಿ ಅಸ್ಸಲೆ ಪುರಾತನ ವಸ್ತು, ವಿಶೇಷ ಆಸಲ್ಯಾರಿ ಹಾನ್ನಿ ದುಡ್ಡು ದೀವ್ನು ಖರೀದಿ ಕೊರಚಾಕ ಸೈತ ತಯಾರ ಆಸ್ಸತಿ.
ಆಮಗೇಲೆ ಸಮಾಜಾಂತು ವರ್ಷಂಪ್ರತಿ ಸಮಾಜ ಡೇ, ಗಣೇಶೋತ್ಸವು, ಶಾರದೋತ್ಸವು, ಪ್ರತಿಷ್ಠಾ ದಿವಸು ಇತ್ಯಾದಿ ಕಾರ್ಯಕ್ರಮು ಚಲ್ತಾ ಉರ್‍ತಾ. ತಸ್ಸಾಲೆ ಸಂದರ್ಭಾರಿ ಶ್ರೀ ಹೆಚ್.ಆರ್. ಪ್ರಭಾಕರ ಮಾಮ್ಮಾಲೆ  ಹೇ ಅಪರೂಪಾಚೆ ಪುರಾತನ ವಸ್ತು, ಸ್ಟಾಂಪ್ ಪ್ರದರ್ಶನ ವ್ಯವಸ್ಥಾ ಕೆಲಯಾರಿ ಸಮಾಜಾಚೆ ತರ್ನಾಟೆಂಕ ಆಮಗೇಲೆ ಪುರಾತನ ಸಂಸ್ಕೃತಿ, ಇತಿಹಾಸಾಚೆ ಚಾಂಗ ಒಳಕ ಜಾವಚಾಂತು ಅನುಮಾನ ನಾ. ಆಜಿ ಮಿಷನರಿ ತಾಕೂನು ತಯಾರ ಕೊರಚೆ ಖಂಚೇಯಿ ವಸ್ತು ಪಶಿ ಚಾಂಗ ವಿನ್ಯಾಸ, ಲಾಯ್ಕ ಗುಣಮಟ್ಟಾಚೆ ಪರಂಪರಾಗತ ಹೇ ಸಾಮಾನ ತಯಾರ ಕೊರಚಾಕ ಹಾತ್ಮುಳಾಂತು ಮೆಳಚೆ ವಸ್ತು ವಾಪರ್‍ಲಿಲೆ ಹಾಜ್ಜೇನ ದೆಕ್ಕುಪಡ್ತಾ. ಆನಿ ತಾಜ್ಜ ವಯ್ರಿ ಸೊಡೈತಾ ಆಶ್ಶಿಲೆ ಚಿತ್ತರ, ತಾಜ್ಜ ಪ್ರಾಚೀನತಾ ಹೇ ಪುರಾ ಪಳೈತನಾ ಖಂಡಿತ ತೆದ್ನಾ ಕಾಳ ಕಿತ್ಲೆ ಪುಷ್ಕಳ ಜಾವ್ನಾಶ್ಶಿಲೆ ಮ್ಹಣಚೆ ಕಲ್ಪನ ಆಮ್ಕಾ ಯತ್ತಾ. ಶ್ರೀ ಹೆಚ್. ಆರ್. ಪ್ರಭಾಕರ ಪ್ರಭು ಹಾಂಗೇಲೆ ಪೋನ್ ನಂ. ೯೪೪೮೯೨೧೯೩೫ ಜಾವ್ನಾಸ್ಸ. ಕೊಂಕಣಿ ಅಕಾಡೆಮಿಚಾನ ಸೈತ ಅಸ್ಸಲೆ ಸಾಧನಾಶೀಲಾಂಕ ಅಗತ್ಯ ಪ್ರೋತ್ಸಾಹ ದಿವಕಾ ಮ್ಹೊಣು ಸರಸ್ವತಿ ಪ್ರಭಾ ಆಗ್ರಹ ಕರ್ತಾ.
ತಶ್ಶೀಚಿ ಕೋಣಾಲಾಗ್ಗಿ ತರಿ ಪೊರನೆ ವಸ್ತು, ವಿಶೇಷತಾ, ಸ್ಟಾಂಪ್ ಆಸಲೇರಿ ತಾನ್ನಿ ತೇ ಶ್ರೀ ಪ್ರಭಾಕರ ಪ್ರಭುಂಕ ದೀವ್ನು ತ್ಯಾ ವಿಶೇಷತಾ ಮುಖಾವೈಲೆ ಜನಾಂಗಾಕ ಉರೋನು ದಿವಕಾ. ಅಸ್ಸಲೆ ಅಪರೂಪಾಚೆ ಕಾಮ ಕರತಾ ಆಸ್ಸುಚೆ ಶ್ರೀ ಪ್ರಭು ಮಾಮು ಖರೇಚಿ ಅಭಿನಂದನಾರ್ಹ. ತಾಂಕಾ ದೇವು ಬರೆಂ ಕೊರೊ.

Saraswati Prabha News 6/12-Kan1

ಮಂಚಿಕೇರಿಂತು ಕೊಂಕಣಿ ಲೋಕವೇದ ಕಲಾಮೇಳ
ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಮಂಗಳೂರು ಹಾನ್ನಿ ಮಾಂಡುನು ಹಾಡಿಲೆ “ಕೊಂಕಣಿ ಲೋಕವೇದ ಕಲಾಮೇಳ ತಾ. ೦೩-೦೬-೨೯೧೨ ದಿವಸು ಯಲ್ಲಾಪುರ ತಾ||ಚೆ ಮಂಚಿಕೇರಿ ಸಮಾಜ ಮಂದಿರಾಂತು ಚೋಲ್ನು ಕೊಂಕಣಿ ಜಾನಪದ ಸಂಪತ್ತಾಚೆ ಒಳಕ ಜಮಿಲೆ ಲೋಕಾಂಕ ಕೋರ್ನು ದಿಲ್ಲೆ.  ಪಯಲೆ ಚಲೇಲೆ ಉದ್ಘಾಟನಾ ಸಮಾರಂಭಾಕ ಉದ್ಧಾಟಕ ಜಾವ್ನು ಮಂಚಿಕೇರಿ ಗ್ರಾಮಪಂಚಾಯತ್ ಅಧ್ಯಕ್ಷ ಶ್ರೀ ಪವನಕುಮಾರ ಬಿ. ಕೇಸರಕರ ಹಾನ್ನಿ ಆಯ್ಯಿಲೆ.  ತಾನ್ನಿ ದೀವಲಿ ಲಾವ್ನು ಸಮಾರಂಭಾಚೆ ಉದ್ಘಾಟನ ಕೆಲ್ಲಿ. ಸಮಾರಂಭಾಚೆ ಅಧ್ಯಕ್ಷತಾ ಘೇವ್ನು ಉಲೆಯಿಲೆ ಆಕಾಡೆಮಿ ಅಧ್ಯಕ್ಷ ಶ್ರೀ ಕಾಸರಗೋಡ ಚಿನ್ನಾ ತಾನ್ನಿ “೪೨ ಜನಾಂಗಾಚಾನ ಆನಿ ತೀನಿ (ಹಿಂದೂ, ಕ್ರೈಸ್ತ ಆನಿ ಮುಸ್ಲಿಮ್) ಧರ್ಮಾಚಾನ ಉಲೈಚೆ ವಿಶ್ವಾಚೆ ಏಕೈಕ ಭಾಸ ಕೊಂಕಣಿ. ಅವುಂದು ಪ್ರಪ್ರಥಮ ಜಾವ್ನು ಎಸ್.ಎಸ್.ಎಲ್.ಸಿಂತು ತಿನ್ನಿ (ಥರ್ಡ್ ಲಾಂಗ್ವೇಜ್) ಭಾಸ ಜಾವ್ನು ಕೊಂಕಣಿ ಭಾಷಾ ಪರೀಕ್ಷಾ ಬರೆಯಿಲೆ ೬೬ ವಿದ್ಯಾರ್ಥಿ ಲೋಕ ಹಾಂತು ಪಸ್ಟ್ ಕ್ಲಾಸಾಂತು ಉತ್ತೀರ್ಣ ಜಾಲ್ಲಿಂತಿ. ಪೂರಾ ಲೋಕಾನಿ ಮೇಳ್ನು ಭಾಷಾ ಅಭಿವೃದ್ಧಿಕ ಪ್ರಯತ್ನ ಕೊರಕಾ ಮ್ಹಳ್ಳಿಂತಿ.  ಹೇಂಚಿ ಸಂದರ್ಭಾರಿ ಮಾಲ್ಗಡೆ ಶಿಕ್ಷಕ ಆನಿ ಕಲಾವಿದ ಶ್ರೀ ಪದ್ಮಾಕರ ಶಂಕರ ಫಾಯದೆ ತಾಂಕಾ ಆಕಾಡೆಮಿ ಅಧ್ಯಕ್ಷ ಶ್ರೀ ಕಾಸರಗೋಡ ಚಿನ್ನಾ ತಾನ್ನಿ ಶಾಲ ಪಾಂಗೂರ್ನು, ಸ್ಮರಣಿಕಾ, ಪೂಲ ದೀವ್ನು ಸನ್ಮಾನ ಕೆಲ್ಲೆ. ತಶ್ಶಿ ಶ್ರೀ ಶಾಂತಾರಾಮ ಸಿದ್ದಿ ಆನಿ ಶ್ರೀ ಪಿಲಿಪ್ಸ್ ತಾಂಕಾ ಆಕಾಡೆಮಿ ರಜಿಸ್ಟ್ರಾರ್ ಡಾ|| ದೇವದಾಸ ಪೈ ತಾನ್ನಿ ಸ್ಮರಣಿಕಾ ದೀವ್ನು, ಶಾಲ ಪಾಂಗೂರ್ನು ಸನ್ಮಾನ ಕೆಲ್ಲೆ. ಮುಖೇಲ ಸೊಯರೆ ಜಾವ್ನು ಮಂಚಿಕೇರಿ ಚರ್ಚಾಚೆ ಧರ್ಮದರ್ಶಿ ಫಾದರೆ ಲಾಝೆಸ್ ಮಿರಾಂಡಾ, ಜಿಲ್ಲಾ ಪಂಚಾಯತ್ ಸದಸ್ಯ ಶ್ರೀ ರಾಘವೇಂದ್ರ ಭಟ್ಟ ಹಾಸಣಗಿ, ರಂಗಕರ್ಮಿ ಶ್ರೀ ರಾಮಕೃಷ್ಣ ಭಟ್, ದುಂಡಿ ಹಾನ್ನಿ ಉಪಸ್ಥಿತ ಉರ್ನು, ಸಂದರ್ಭೋಚಿತ ಜಾವ್ನು ಉಲೈಲೆ. ಶ್ರೀಮತಿ ಶೀಲಾ ನಾಯಕ್ ಹಾಂಗೇಲೆ ಪ್ರಾರ್ಥನೆ ಬರೋಬರಿ ಸೂರು ಜಾಲೇಲೆ ಸಮಾರಂಭಾಂತು ಆಕಾಡೆಮಿ ರಜಿಸ್ಟ್ರಾರ್ ಡಾ|| ದೇವದಾಸ ಪೈ ತಾನ್ನಿ ಸುರವೇಕ ಯೇವ್ಕಾರ ಕೆಲ್ಲೆ. ಸಮಾರಂಭಾಚೆ ಅಂತ್ಯಾರಿ ಶ್ರೀ ನಾಗೇಶ ಅಣ್ವೇಕರ ಹಾನ್ನಿ ಆಬಾರ ಮಾನಲೆ.
ಮಾಗಿರಿ ಚಲೇಲೆ ಕಲಾಮೇಳಾಂತು ಶ್ರೀ ಗಿರೀಶ ಪರಶುರಾಮ ಸಿದ್ದಿ ಆನಿ ಪಂಗಡಾ ದಾಕೂನು ಪುಗಡಿ ನಾಚ, ಶ್ರೀ ನಾಗೇಶ ಅಣ್ವೇಕರ ಆನಿ ಪಂಗ್ಡಾಚಾನ ಪ್ರಸ್ತುತ ಕೆಲೇಲೆ ಏಕವ್ಯಕ್ತಿ ಯಕ್ಷಗಾನ ಪ್ರಸಂಗ “ವಾಲಿಮೋಕ್ಷ, ಗೋರ್ಸಗದ್ದೆ ಶ್ರೀಮತಿ ಸುಶೀಲಾ ಆನಿ ಪಂಗ್ಡಾಚಾಲೆ ಡಮಾಮಿ ನಾಚ, ಉದಗೇರಿ ಶ್ರೀ ಜಾಣು ನವಲು ಪಾಟೀಲ ಆನಿ ಪಂಗ್ಡಾ ತಾಕೂನು ಗೌಳಿ ಸುಗ್ಗಿ ನಾಚ, ಮಾವಿನಕಟ್ಟಾಚೆ ಶ್ರೀಮತಿ ವಸುಧಾ ಶೇಟ ಆನಿ ಪಂಗ್ಡಾ ತಾಕೂನು ಕೊಂಕಣಿ ಭಜನ, ಕೋಟೆಮನೆ ಶ್ರೀಮತಿ ಲಕ್ಷ್ಮೀಸಿದ್ದಿ ಆನಿ ಪಂಗ್ಡಾಚಾಲೆ ಡಮಾಮಿ ನಾಚ, ಶ್ರೀ ಎಂ.ಬಿ.ಶೇಟ್ ಆನಿ ಪಂಗ್ಡಾಚಾಲೆ “ಪುರುಸೊತ್ತು ನಾತಿಲ್ಲೆ ಜೀವನ ರೂಪಕ, ಮುಂಡಗೋಡು ಸಾವೆರ್ ಸಂತಾನ ಸಿದ್ದಿ ಆನಿ ಪಂಗ್ಡಾಚಾಲೆ ಪುಗ್ಡಿ ಆನಿ ಜಾಕೆ ನಾಚ, ಶಿರಸಿ ಶ್ರೀ ಗಿರೀಶ ಶಿರೋಡಕರ ಹಾಂಗೆಲೆ “ಪ್ರಲ್ಲಾದ ಚರಿತೆ ಪೌರಾಣಿಕ ಏಕ ವ್ಯಕ್ತಿ ನಾಟಕ ಆನಿ ಆಕಾಡೆಮಿ ಪ್ರಶಸ್ತಿ ವಿಜೇತ ಹಾರ್ಸಿಕಟ್ಟಾ ಶ್ರೀ ವಿಶ್ವನಾಥ ಶೇಟ ಆನಿ ಪಂಗ್ಡಾ ತಾಕೂನು ಕೊಂಕಣಿ ಗಮಕ ಕಾವ್ಯವಾಚನ ಆನಿ ಪ್ರವಚನ ಚಲ್ಲೆ. ಜಮಿಲೆ ಪ್ರೇಕ್ಷಕ ಹೇ ಸರ್ವ ಕಲೆಚೆ ಪರ್‍ಮೋಳು ಘೇವ್ನು ಸಂತೃಪ್ತ ಜಾಲ್ಲಿಂತಿ. ಆಕಾಡೆಮಿ ಸದಸ್ಯ ಶ್ರೀ ಮಂಜುನಾಥ ರಾಯಸಿದ್ದಿ ಶ್ರೀ ಮಹೇಶ ನಾಯಕ್, ಶ್ರೀ ಓಂಗಣೇಶ, ಶ್ರೀಮತಿ ಆಶಾ ನಾಯಕ, ಶ್ರೀ ಅಶೋಕ ಶೇಟ್, ಶ್ರೀ ಚಿದಾನಂದ ಭಂಡಾರಿ ಆದಿ ಲೋಕ ಹೇ ಸಂದರ್ಭಾರಿ ಉಪಸ್ಥಿತ ಉರಲೀಲೆ.

saraswati Prabha 15-06-2012

ನಿಯಮಿತ ಪ್ರಕಟಣೆಚೆ ೨೪ ವರ್ಷಾಚೆ ಪ್ರಥಮ ಸಂಚಿಕಾ
ಸರಸ್ವತಿ ಪ್ರಭಾ ೧೫ ಜೂನ್ ೨೦೧೨ಚೆ ವಿಶೇಷ
*ಮಂಗ್ಳೂರಾಂತು ವ್ಯಾಸರಥಯಾತ್ರಾ ಆನಿ ಶ್ರೀ ವ್ಯಾಸರಘುಪತಿ ಪುನರ್ ಪ್ರತಿಷ್ಠಾ. * ಮೆಗೇಲೆ ಉತ್ರಾಂತು ‘ಕರ್ಮಯೋಗ ಆನಿ ಭಕ್ತಿ ಯೋಗಾಚೆ ಖಾತ್ತಿರಿ ಏಕ ನಜರ. * ವಿಶೇಷ ಲೇಖನ ಪಾವ್ಸಾಡಿಂತು ಕಶ್ಶಿ ಆಸ್ಸುಕಾ?. * ಆನ್ನೇಕ ವಿಶೇಷ ಲೇಖನ ಆಷಾಢ ಮ್ಹಹಿನೋ ಆನಿ ಪತಿ ಸಂಜೀವಿನಿ ವೃತ. *ಶ್ರೀ ಮರ್ತಪ್ಪ ಶ್ಯಾನುಭಾಗ ಗಂಗೊಳ್ಳಿ ಹಾಂಗೆಲೆ ಸಹಸ್ರ ಚಂದ್ರ ದರ್ಶನ ಶಾಂತಿ. * ಕೋಪು ನಾಕ್ಕಾ ತಾಜ್ಜ ತಾಪು ಭಾಗ -೨. * ಮೈನ್ಯಾಕಾಣಿ ಋಣಮುಕ್ತ. ಕರ್ನಾಟಕ ಸರ್ಕಾರಾಚಾನ ನಿಯುಕ್ತಿ ಜಾಲೇಲೆ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಆನಿ ಸದಸ್ಯಾಂಗೆಲೆ ಪೋಟೊ ಆನಿ ಮಾಹಿತಿ. * ಹಟ್ಟಂಗಡಿ  ವಿಶ್ವನಾಥ ಕಾಮತ್, ಬಸ್ರೂರು ಹಾನ್ನಿ ಬರೆಯಿಲೆ ನಾಟಕ ಋಣಾನುಬಂಧ. *ಅಪರೂಪಾಚೆ ಸೇವಾ ಪಾವಯ್ತಾ ಆಸ್ಸುಚೆ ಶ್ರೀ ಹೆಚ್. ಆರ್. ಪ್ರಭಾಕರ ಪ್ರಭುಂಗೆಲೆ ಪೊರನೆಂ ವಸ್ತು ಸಂಗ್ರಹ ಆನಿ ಪ್ರದರ್ಶನ * ಹಾಜ್ಜ ಒಟ್ಟೂ ಪ್ರಾಪ್ತಿ ಧಾರವಾಹಿ, ಕರ್ನಾಟಕದಾದ್ಯಂತಾಚೆ ಕೊಂಕಣಿ, ಜಿ‌ಎಸ್‌ಬಿ ಸಮಾಜಾಚೆ ಸಮಗ್ರ ಖಬ್ಬರ. ಹೇ ಪೂರಾ “ಸರಸ್ವತಿ ಪ್ರಭಾಚೆ ಜೂನ್೨೦೧೨ ಸಂಚಿಕೆಂತು
ಆಜೀ$ಚಿ ವಾಜ್ಜೀಯಾ. 
 
നിയമിത പ്രകടണെചെ ൨൪ വര്ഷാചെ പ്രഥമ സംചികാ
സരസ്വതി പ്രഭാ ൧൫ ജൂന് ൨൦൧൨ചെ വിശേഷ
*മംഗ്ളൂരാംതു വ്യാസരഥയാത്രാ ആനി ശ്രീ വ്യാസരഘുപതി പുനര് പ്രതിഷ്ഠാ. * മെഗേലെ ഉത്രാംതു ‘കര്മയോഗ ആനി ഭക്തി യോഗാചെ ഖാത്തിരി ഏക നജര. * വിശേഷ ലേഖന പാവ്സാഡിംതു കശ്ശി ആസ്സുകാ?. * ആന്നേക വിശേഷ ലേഖന ആഷാഢ മ്ഹഹിനോ ആനി പതി സംജീവിനി വൃത. *ശ്രീ മര്തപ്പ ശ്യാനുഭാഗ ഗംഗൊള്ളി ഹാംഗെലെ സഹസ്ര ചംദ്ര ദര്ശന ശാംതി. * കോപു നാക്കാ താജ്ജ താപു ഭാഗ -൨. * മൈന്യാകാണി ഋണമുക്ത. കര്നാടക സര്കാരാചാന നിയുക്തി ജാലേലെ കര്നാടക കൊംകണി സാഹിത്യ അകാഡെമി അധ്യക്ഷ ആനി സദസ്യാംഗെലെ പോടൊ ആനി മാഹിതി. * ഹട്ടംഗഡി  വിശ്വനാഥ കാമത്, ബസ്രൂരു ഹാന്നി ബരെയിലെ നാടക ഋണാനുബംധ. *അപരൂപാചെ സേവാ പാവയ്താ ആസ്സുചെ ശ്രീ ഹെച്. ആര്. പ്രഭാകര പ്രഭുംഗെലെ പൊരനെം വസ്തു സംഗ്രഹ ആനി പ്രദര്ശന * ഹാജ്ജ ഒട്ടൂ പ്രാപ്തി ധാരവാഹി, കര്നാടകദാദ്യംതാചെ കൊംകണി, ജി‌എസ്‌ബി സമാജാചെ സമഗ്ര ഖബ്ബര. ഹേ പൂരാ “സരസ്വതി പ്രഭാചെ ജൂന്൨൦൧൨ സംചികെംതു
ആജീ$ചി വാജ്ജീയാ.