ವಿಂಗ ವಿಂಗಡ ಖಬ್ಬರ 15-09-2011
ಶ್ರೀ ಮಹಾಗಣಪತಿ ಮಹಾಮಾಯಾ ದೇವಳ, ಶಿರಾಲಿ. ಶ್ರೀ ಪೇಟೆ ವಿನಾಯಕ ಶಾಂತಾದುರ್ಗಾ ಯಾನೆ ಶಿರಾಲಿ ಶ್ರೀ ಮಹಾಗಣಪತಿ ಮಹಾಮಾಯಾ ದೇವಳಾಂತು ಭಜಕ ಲೋಕಾಲೆ ಶ್ರೇಯೋಭಿವೃದ್ಧಿ ಖಾತ್ತಿರಿ ಭಾದ್ರಪದ ಶುದ್ಧ ಚೌತಿಚೆ ದಿವಸು ಪ್ರತಿ ವರ್ಷ ಮ್ಹಣಕೆ ಅಷ್ಟೋತ್ತರ (೧೦೮) ಗಣಹೋಮ ಸೇವಾ ಕುಳಾವಿ, ಭಜಕ ಬಾಂಧವಾಲೆ ದಿವ್ಯ ಉಪಸ್ಥಿತೀರಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ಶ್ರೀ ದೇವಾಲೆಂ ಅವುಂದೂಚೆ ರಥೋತ್ಸವು(ತೇರು) ತಾ. ೩-೧೨-೨೦೧೧ ದಿವಸು ಚೊಲಚೆ ಆಸ್ಸೂನು ಹಾಕ್ಕಾಯಿ ಕುಳಾವಿ ಆನಿ ಭಜಕ ಲೋಕಾನಿ ಚಡ್ತೆ ಸಂಖ್ಯಾರಿ ತನು, ಮನ, ಧನಾನಿ ವಾಂಟೊ ಘೇವ್ನು ಶ್ರೀ ದೇವಾಲೆ ಕೃಪೇಕ ಪಾತ್ರ ಜಾವ್ನು ಪುನೀತ ಜಾವ್ಯೇತ.
ಗೌಡ ಸಾರಸ್ವತ ಸಮಾಜ, ಬೆಂಗಳೂರು ಬೆಂಗಳೂರು ಬಸವನ ಗುಡಿಚೆ ಗೌಡ ಸಾರಸ್ವತ ಸಮಾಜಾಚೆ ತರಪೇನ ಸಮಾಜ ಮಂದಿರ ದ್ವಾರಕಾನಾಥ ಭವನಾಂತು ಅವುಂದು ೪೬ ವರ್ಷಾಚೆ ಶ್ರೀ ಗಣೇಶೋತ್ಸವು ದಿನಾಂಕ. ೧-೦೯-೨೦೧೧ ತಾಕೂನು ೫-೯-೨೦೧೧ ಪರ್ಯಂತ ಶ್ರೀ ಗಣೇಶ ಮೂರ್ತಿ ಪ್ರತಿಷ್ಠಾ, ತ್ರಿಕಾಲ ಪೂಜಾ, ಗಣಹೋಮ, ಮಹಾ ಸಂತರ್ಪಣ, ವಿಂಗ ವಿಂಗಡ ಭಜನಾ ಪಾಳಿ ತಾಕೂನು ಭಜನ, ಫಲಾವಳಿ, ವಿಸರ್ಜನ ಪೂಜಾ, ಶ್ರೀ ಬಿ. ಮುಕುಂದ ಭಟ್ ತಾಂಗೆಲೆ ತಾಕೂನು ಆಶೀರ್ವಚನ, ಮೆರವಣಿಗೇರಿ ಶ್ರೀ ಗಣೇಶ ವಿಸರ್ಜನಾ ಇತ್ಯಾದಿ ಕಾರ್ಯಕ್ರಮು ಚಲೇಲೆ ಖಬ್ಬರ ಮೆಳ್ಳಾ. ಹೇ ಸಂದರ್ಭಾರಿ ಚಲೇಲೆ ಸಾಂಸ್ಕೃತಿಕ ಕಾರ್ಯಾವಳಿಂತು ತಾ. ೨-೯-೨೦೧೧ ತಾಕೂನು ೪-೯-೨೦೧೧ ಪರ್ಯಂತ ಪ್ರತಿ ದಿವಸು ಶ್ರೀ ಎಮ್. ನರಸಿಂಹ ಪ್ರಭು ತಾನ್ನಿ “ಗಣಪತಿ ರಹಸ್ಯಾ ವಿಷಯಾಂತು ಪ್ರವಚನ ಕೆಲ್ಲೆ. ನ್ಹಂಹಿತಾ ಶ್ರೀ ವೆಂಕಟೇಶ ಭಜನಾ ಮಂಡಳಿ, ಗೌಡ ಸಾರಸ್ವತ ಸಮಾಜ, ಬಸವನಗುಡಿ ಬೆಂಗಳೂರು ೧-೯-೨೦೧೧ಕ ಭಜನ ಚಲ್ಯಾರಿ, ೨-೯-೨೦೧೧ಕ ಶ್ರೀಮತಿ ಮಹಾಲಕ್ಷ್ಮೀ ಶೆಣೈ, ಕಾರ್ಕಳ ಹಿಗೇಲೆ ತಾಕೂನು ಭಜನಾ ಚಲ್ಲೆ. ೩-೯-೨೦೧೧ಕ ಶ್ರೀ ರಘುನಂದನ ಭಟ್ ತಾನ್ನಿ ಭಜನಾ ಕಾರ್ಯಕ್ರಮ ಚಲೋನು ದಿಲ್ಯಾರಿ, ೪-೯-೨೦೧೧ ದಿವಸು ಶ್ರೀ ಬಾಲಚಂದ್ರ ಪ್ರಭು ತಾನ್ನಿ ಭಜನಾ ಕಾಯಾಕ್ರಮ ದಿಲ್ಲೆ.
ಶ್ರೀ ಅನಂತ ವೃತ : ದ್ವಾರಕಾನಾಥ ಭವನ ಕಮಿಟಿ ತರಪೇನ ಶ್ರೀ ಅನಂತ ವೃತ ೧೧-೦೯-೨೦೧೧ದಿವಸು ಚಲ್ಲೆ. ಹೇ ಸಂದರ್ಭಾರಿ ಕಲಶ ಪ್ರತಿಷ್ಠಾ, ಶ್ರೀ ವೆಂಕಟೇಶ ಭಜನಾ ಮಂಡಳಿ ತರಪೇನ ಭಜನ, ಧೋಂಪಾರಾ ಆನಿ ರಾತ್ರಿ ಪೂಜಾ, ಹರಿಖಂಡಿಗೆ ಪ್ರಭಾಕರ ನಾಯಕ್ ಆನಿ ಸಂಗಾತಿ ತಾಕೂನು ಭಜನ, ಪ್ರಸಾದ ವಿತರಣ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.
ಶ್ರೀ ಆರ್.ಎಮ್. ಶೇಟಾಂಕ ಸನ್ಮಾನು ಉತ್ತರ ಕನ್ನಡ ಜಿಲ್ಲಾ ಮಟ್ಟಾಚೆ ಕೊಂಕಣಿ ಕನ್ನಡ ಭಾವೈಕ್ಯ ಸಂಗಮ ಆಲ್ತಾಂತು ಯಲ್ಲಾಪುರಾಂತು ಸಕ್ಕಾಣಿ ೧೦-೦೦ ತೆ ರಾತ್ರಿ ೧೦-೩೦ ಪರ್ಯಂತ ದಿವಸ ಭ$ರಿ ಚಲ್ಲೆ. ಹೇ ಸಂದರ್ಭಾರಿ ವಿಚಾರ ಗೋಷ್ಠಿ, ಸನ್ಮಾನ ಕಾರ್ಯಕ್ರಮ, ಬಹುಭಾಷಾ ಕವಿಗೋಷ್ಠಿ ವಗೈರೆ ಕಾರ್ಯಕ್ರಮ ಹಾಂಗಾಚೆ ವೇದವ್ಯಾಸ ಸಭಾಭವನಾಂತು ಸಾಂಗ ಜಾವ್ನು ಸಂಪನ್ನ ಜಾಲ್ಲೆ. ಮ್ಹಾಲ್ಗಡೆ ಸಾಹಿತಿ “ಕರ್ನಾಟಕಶ್ರೀ ನಾ.ಸು. ಭರತನ ಹಳ್ಳಿ ಹಾಂಕಾ ೭೫ ವರ್ಷ ಭರಿಲೆ ಉಡಗಾಸಾಕ ಸನ್ಮಾನ ಆನಿ ಕೊಂಕಣಿ ಕವಿ, ಸುಪ್ರಸಿದ್ದ ಸಾಹಿತಿ ಶ್ರೀ ಆರ್.ಎಂ. ಶೇಟ್(ಆರ್ಯಂ) ಹಾಂಕಾ ಸನ್ಮಾನ ಹೇಂಚಿ ಸಂದರ್ಭಾರಿ ಚಲ್ಲೆ. ಮಧ್ಯಪಾನ ಸಂಯಮ ಮಂಡಳೀಚೆ ಅಧ್ಯಕ್ಷ ಶ್ರೀ ಸಚ್ಚಿದಾನಂದ ಹೆಗಡೆ ಹಾನ್ನಿ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಜಾಲ್ಲೆಲೆ ಶ್ರೀ ನಾರಾಯಣ ಖಾರ್ವಿ ಕುಂದಾಪುರ ಹಾಂಗೆಲೆ ಅಮೃತ ಹಸ್ತಾನಿ ಸನ್ಮಾನ ಪತ್ರ ದೀವ್ನು, ಫಲ ಪುಷ್ಪ, ಶಾಲ ಪಾಂಗೂರ್ನು ಸನ್ಮಾನ ಕೆಲ್ಲೆ. ಬಹು ಭಾಷಾ ಕವಿಗೋಷ್ಠಿ ಶ್ರೀ ವಾಸುದೇವ ಶಾನಭಾಗ ಹಾಂಗೇಲೆ ಅಧ್ಯಕ್ಷತೇರಿ ಚಲ್ಲೆ. ಹಾಂತು ಕನ್ನಡ, ಕೊಂಕಣಿ, ಸಂಸ್ಕೃತ, ಹಿಂದಿ, ಉರ್ದು ಆನಿ ಮರಾಠಿ ಕವಿ/ಕವಿಯಿತ್ರಿನ ಭಾಗ ಘೇವ್ನು ಆಪಣಾಂಗೆಲೆ ಕಾವ್ಯ ವಾಜ್ಲೆ. ವರದಿ : ಜಿ.ಆರ್. ಶೇಟ್, ಶಿರಸಿ.
ಶ್ರೀ ಶಾಂತಾ ವಿಜಯಾ ಸರ್ವಿಸಸ್ ಆರಂಭ ಶ್ರೀ ಪ್ರಕಾಶ ಪ್ರಭು ನವನಗರ ಹಾನ್ನಿ ಹುಬ್ಬಳ್ಳಿಚೆ ವಿದ್ಯಾನಗರಾಚೆ ಪ್ರಶಾಂತ ಕಾಲನಿಂತು “ಶ್ರೀ ಶಾಂತಾ ವಿಜಯ ಸರ್ವಿಸಸ್ ಅಂಗಡಿ ದಿನಾಂಕ. ೧೮-೦೮-೨೦೧೧ ದಿವಸು ಆರಂಭ ಕೆಲ್ಲೆ. ಹಾಂಗಾ ಎಸ್.ಆರ್.ಎಸ್. ಬಸ್ ಬುಕಿಂಗ್, ಕೋರಿಯರ್ ಪಿಕ್‌ಅಪ್, ಮೊಬೈಲ್ ರಿಚಾರ್ಜ ಆನಿ ಐಸಿ‌ಐಸಿ‌ಐ ಹೋಮ್ ಲೋನ್ಸ್ ಸೇವಾ ಉಪಲಬ್ಧ ಆಸಲೇರಿ, ಆಸ್ಸಾಂ ಟೀ ಮೆಳತಾ. ತಶ್ಶಿಚಿ ಮೂಕಾರಿ ವೆಹಿಕಲ್ ಇನ್ಸೂರೆನ್ಸ್, ಟ್ಯಾಕ್ಸಿ ಬುಕಿಂಗ್ ಇತ್ಯಾದಿ ಓನ್-ಲೈನ್ ಸೇವಾಯಿ ಆರಂಭ ಜಾವಚೆ ಆಸ್ಸ. (ಚಡ್ತೆ ಮಾಹಿತಿ ಖಾತ್ತಿರಿ ಶ್ರೀ ಪ್ರಕಾಶ ಪ್ರಭು ತಾಂಗೆಲೆ ಮೊಬೈಲ್ ನಂ. ೯೪೪೯೪೬೪೨೮೫ ಹಾಂಗಾಕ ಸಂಪರ್ಕು ಕೊರ್‍ಯೇತ.) ಬಂಧು-ಮಿತ್ರ ವ್ಹಡ ಸಂಖ್ಯಾರಿ ಯವ್ನು ಹೇ ಸಂದರ್ಭಾರಿ ತಾಂಕಾ ‘ದೇವು ಬರೆ ಕರೊ ಮ್ಹಳ್ಳಿಂತಿ.
ಶ್ರೀಮತ್ ಅನಂತೇಶ್ವರ ದೇವಳ, ಮಂಜೇಶ್ವರ ಹಾಂಗಾ ೨೮-೦೯-೨೦೧೧ ತಾಕೂನು ನವರಾತ್ರಿ ಆರಂಭ ಜಾತ್ತಾ ಆನಿ ವಿಂಗವಿಂಗಡ ಧಾರ್ಮಿಕ ಕಾರ್ಯಕ್ರಮ ಚೊಲ್ಚೆ ಆಸ್ಸ. ೨೮-೯-೨೦೧೧ ಥಾಕೂನು ೫-೧೦-೨೦೧೧ ಪರ್ಯಂತ ಪ್ರತಿ ದಿವಸು ಶ್ರೀ ಲಕ್ಷ್ಮೀ ಆಮ್ಮಾಲೆ ದೇವಳಾಂತು ರಾತ್ರಿ ವಿಶೇಷ ಪೂಜಾ, ತೆಂ ಕಾಲಾರಿ ಶ್ರೀ ಮಹಾಮಾಯಿ ಅಮ್ಮಾಲೆ ದೇವಳಾಂತು ಧೋಂಪಾರಾ ಬ್ರಾಹ್ಮಣ ಸಂತರ್ಪಣ, ಕಡೇರಚೆ ದೋನಿ ದಿವಸು ಸಮಾರಾಧನ, ವಿಶೇಷ ಪೂಜಾ ಚಲತಾ. ೨-೧೦-೨೦೧೧ಕ ಶ್ರೀ ಶಾರದಾ ಪ್ರತಿಷ್ಠಾ, ರಾತ್ರಿ ಪೂಜಾ, ೫-೧೦-೨೦೧೧ ಮಹಾ ನವಮಿ ದಿವಸು ಶ್ರೀ ಕಲ್ಪವೃಕ್ಷ ಮಹಾಮ್ಮಾಯಿ ಅಮ್ಮಾಲೆ ದೇವಳಾಂತು ಚಂಡಿಕಾ ಹೋಮ, ಭೂರಿ ಸಮಾರಾಧನ, ಹೆರ್‍ದೀಸು ವಿಜಯ ದಶಮಿ ದಿವಸು ಶ್ರೀ ಶಾರದಾ ವಿಸರ್ಜನ, ಹರಿ ಜಾಗರ ಪೂಜಾ ಆರಂಭ, ಸಕ್ಕಾಣಿ ಪೂಡೆ ನವಾನ್ನಕ್ಕೆ ಬಾಯರಸೊರಚೆ, ಸಾಂಜ್ವಾಳ ಶಮೀ ಪೂಜೇಕ ಬಾಯರಸೊರಚೆ ಇತ್ಯಾದಿ ಕಾರ್ಯಕ್ರಮ ಚೊಲಚೆ ಆಸ್ಸ. ಭಕ್ತ ಬಾಂದವಾನಿ ಚಡ್ತೆ ಸಂಖ್ಯಾರಿ ಹಾಂತು ತನು, ಮನ, ಧನಾನ ವಾಂಟೊ ಘೇವ್ನು ಪುನೀತ ಜಾವ್ಕಾ ಮ್ಹೊಣು ವಿನಂತಿ ಆಸ್ಸ.
ಇಂಗ್ಲೀಷ್ ಸ್ಟಡಿ ಕ್ಲಬ್ಬಾಚೆ ವಿದ್ಯಾಥೀಂಗೆಲೊ “ಗುರು ವಂದನಾ ಕಾರ್ಯಕ್ರಮ ಅಂಕೋಲೆಚೆ ದ್ವಿಭಾಷಾ ಸಾಹಿತಿ‌ಎನ್.ಬಿ. ಕಾಮತ್ ಹಾಂಗೆಲ್ಯಾ ಘರಾಂತು ತಾನ್ನಿ ಶಿಕೈಲ್ಯಾ “ಇಂಗ್ಲೀಷ್ ಸ್ಟಡಿ ಕ್ಲಬ್ಬಾಚೆ ವಿದ್ಯಾರ್ಥಿನ ಗುರು ಕಾಣಿಕಾ ಜಾವ್ನು ಗಣಪತಿ ವಿಗ್ರಹ ದೀವ್ನು ಆಶೀರ್ವಾದು ಘೆತ್ಲೊ. ಹ್ಯಾ ಸಮಾರಂಭಾಕ ಕಾರ್‍ವಾರಾಚೆ ಸುಪ್ರಸಿದ್ಧ ವಕೀಲ ಶ್ರೀ ನಾಗರಾಜ ನಾಯಕ, ಅಂಕೋಲೆಚಾ ಪಿ.ಎಂ. ಜ್ಯೂನಿಯರ್ ಕಾಲೇಜಾಚೆ ಉಪನ್ಯಾಸಕ ಶ್ರೀ ಉಲ್ಲಾಸ ಹುದ್ದಾರ ಆನಿ ಲೇಖಕ ಪತ್ರಕರ್ತ ಶ್ರೀ ವಿಠ್ಠಲದಾಸ ಕಾಮತ್ ಹಾನ್ನಿ ಮುಖೇಲ ಸೊಯರೆ ಜಾವ್ನು ಆಯ್ಯಿಲೆ. ಸುರವೇರಿ ವಿದ್ಯಾರ್ಥಿನ ಪ್ರಾರ್ಥನಾ ಕೆಲ್ಲಿ. ಉಪರಾಂತ ಶ್ರೀ ಎನ್.ಬಿ. ಕಾಮತ್ ಹಾನ್ನಿ ಸ್ವಾಗತ ಕೆಲ್ಲಿ. ಆಯ್ಯಿಲೆ ಸೊಯರ್‍ಯಾನ ಕಾಮತ್ ಮಾಮ್ಮಾನ ಎದ್ದೋಳ ಪರ್ಯಂತ ೫೮೦ ಪಶೀ ಚ್ಹಡ ವಿದ್ಯಾರ್ಥಿಂಕ ಪುಕ್ಕಟ ಆನಿ ನೀತಿಯುಕ್ತ ಇಂಗ್ಲೀಷ ವ್ಯಾಕರಣ ಶಿಕೈಲ್ಯಾಕ ಬೆಂಗಳೂರಚಾ “ಶಿಕ್ಷಣ ಸೇವಾಟ್ರಸ್ಟಾಚಾನ ಹಾಂಕಾ “ಶಿಕ್ಷಣ ಸೇವಾರತ್ನ ಪ್ರಶಸ್ತಿ ದಿಲೇಲೆ ಬರ್ಶಿ ದುಸರೇ ಅನೇಕ ಸಂಘ-ಸಂಸ್ಥ್ಯಾನಿ ಪ್ರಶಸ್ತಿ-ಪುರಸ್ಕಾರ ದಿಲೇಲೆ ಸ್ಮರಣ ಕೋರ್ನು ಪ್ರಶಂಸಾ ಕೆಲ್ಲಿ. ಇಂಗ್ಲೀಷ್ ಸ್ಟಡಿಚಾ ಸಂಪ್ರದಾಯ ಪ್ರಕಾರ ವಿದ್ಯಾರ್ಥಿನ ದೇವಾ ಎದ್ರಾಕ ಪ್ರತಿಜ್ಞಾ ಸ್ವೀಕಾರ ಕೆಲ್ಲೆ. ತಾಂಗೆಲೆ ಭಾವೀ ಜೀವನ ಫಲಪ್ರದ ಜಾಂವೊ ಮ್ಹೊಣು ಗುರು ಎನ್.ಬಿ. ಕಾಮತಿನ ಪ್ರತಿ ಏಕ ವಿದ್ಯಾಥೀಂಕ ಫಲ ದೀವ್ನು ಆಶೀರ್ವಾದು ಕೆಲ್ಲೊ. ಎನ್.ಬಿ. ಕಾಮತ್ ಹಾಂಗೆಲೊ ಧರ್ಮ ಪತ್ನಿ ಶ್ರೀಮತಿ ಕುಮುದಾ ಬಿ. ಕಾಮತ್ ಹಾನ್ನಿ ಸರ್ವಾಲೊ ಆಭಾರು ಮಾನಲೊ.
ದ್ವಾರಕಾನಾಥ ಭವನಾಂತು ಏಕಾಹ ಭಜನ ದ್ವಾರಕಾನಾಥ ಭವನಾಚೆಂ ಶ್ರೀ ವೆಂಕಟೇಶ ಭಜನಾ ಮಂಡಳಿ ತರಪೇನ ಆಷಾಢ ಏಕಾದಶಿ ಸಂದರ್ಭಾರಿ “ಅಖಂಡ ಏಕಾಹ ಭಜನ ದಿನಾಂಕ. ೧೧-೭-೨೦೧೧ ದಿವಸು ಸುರುವಾತ ಜಾವ್ನು ೧೨-೦೭-೨೦೧೧ ಪ್ರಾತಃಕಾಲಾ ಪರ್ಯಂತ ಚಲೇಲೆ ಖಬ್ಬರ ಮೆಳ್ಳಾ. ಸಂತಶ್ರೀ ಭದ್ರಗಿರಿ ಸರ್ವೋತ್ತಮದಾಸಜಿ ಹಾನ್ನಿ ದೀವೊ ಜಳೋನು ಏಕಾಹ ಭಜನಾಕ ಸುರುವಾತ ದಿಲ್ಲಿ. ಹೇ ಸಂದರ್ಭಾರಿ ಶ್ರೀ ವೆಂಕಟೇಶ ಭಜನಾ ಮಂಡಳಿ, ಶ್ರೀ ಕೆ. ಲಕ್ಷ್ಮೀಕಾಂತ ಭಟ್ ಆನಿ ಪಂಗಡ, ಶ್ರೀ ಅನಂತರಾಯ ಎಸ್. ಕಾಮತ್, ಶ್ರೀ ಗುಜ್ಜಾಡಿ ರಘುವೀರ ನಾಯಕ್ ಆನಿ ಪಂಗಡ, ಶ್ರೀ ಪಿ. ವೆಂಕಟೇಶ ನಾಯಕ್ ಆನಿ ಪಂಗಡ, ಶ್ರೀ ಕಾಪು ಪಾಂಡುರಂಗ ಶೆಣೈ ಆನಿ ಪಂಗಡ, ಮಹಿಳಾ ಮಂಡಳಿ, ಗೌಡ ಸಾರಸ್ವತ ಸಮಾಜ, ಶ್ರೀ ಮಟ್ಟಾರ್ ಸುರೇಶ ಕಿಣಿ ಆನಿ ಪಂಗಡ, ಶ್ರೀ ಮಧುಕರ ಪೈ ಆನಿ ಪಂಗಡ, ಶ್ರೀ ನಾರಾವಿ ವೆಂಕಟೇಶ ಹೆಗ್ಡೆ ಆನಿ ಪಂಗಡ, ಶ್ರೀ ಎಚ್. ಕಮಲಾಕ್ಷ ಕಿಣಿ ಆನಿ ಪಂಗಡ, ಶ್ರೀ ಎಂ. ಮನೋಹರ ಮಲ್ಯ ಆನಿ ಪಂಗಡ, ಶ್ರೀ ಕೃಷ್ಣಾನಂದ ವಿ. ಪ್ರಭು ಆನಿ ಪಂಗಡ ಇತ್ಯಾದಿ ಭಜನಾ ಪಾಳಿಚಾನ ಯವ್ನು ಹೇ ಸಂದರ್ಭಾರಿ ಆಪಣಾಂಗೆಲೆ ಭಜನಾ ಸೇವಾ ಪಾವಯಲೆ. ಆಹ್ವಾನಿತ ಭಜನಾ ಸೇವಾದಾರ ಜಾವ್ನು ಶ್ರೀ ಶಂಕರ ಶ್ಯಾನುಭೋಗ್, ಕು. ಮಂಗಳಾರಾವ್, ಶ್ರೀ ಕೃಷ್ಣಪ್ರಿಯ ಭಜನಾ ಮಂಡಳಿ, ಶ್ರೀ ಕಾಶೀಮಠ, ಜಿ.ಎಸ್.ಬಿ. ವೆಲ್‌ಫೇರ್ ಅಸೋಸಿಯೇಷನ್, ಅನಂತನಗರಾಚೆ ಶ್ರೀ ರಾಮ ಭಜನಾ ಮಂಡಳಿ, ಶ್ರೀ ವೆಂಕಟರಮಣ ಭಜನಾ ಮಂಡಳಿ, ಹರಿಖಂಡಿಗೆ ಆನಿ ಜಿ.ಎಸ್.ಬಿ. ಮಹಿಳಾವೃಂದ, ಮಲ್ಲೇಶ್ವರಂ ಬೆಂಗಳೂರು ಹಾನ್ನಿ ಯವ್ನು ಭಜನಾ ಸೇವಾ ಪಾವೋನು ದೇವಾಲೆ ಕೃಪೇಕ ಪಾತ್ರ ಜಾಲ್ಲಿಂತಿ. .
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ