बसवनगुडि गौड सारस्वत समाज, बॆंगळूरु 

     श्री रामनवमि उत्सवु : बॆंगळूरु बसवनगुडि गौड सारस्वत समाज  तरपेन समाज मंदिर द्वारकानाथ भवनांतु श्री रामनवमि उत्सवु विजृंभणेरि चलेलॆ खब्बर मॆळ्ळा. ते दिवसु सक्काणि ११-०० गंट्याक भजन, मागिरि धोंपारा पूजा, मंगळारति, महा संतर्पण, भजन, रात्रि पूजा, मंगळारति, पानक प्रसाद वितरण इत्यादि कार्यक्रम चल्लॆ.
  सामूहिक उपनयन : वर्षंप्रति म्हणकॆ बॆंगळूरु गौड सारस्वत समाज तरपेन समाजाचॆ अर्ह वटुंक उपनयन संस्कार दिनांक. १०-०६-२०११ दिवसु शुभ मूर्तांतु समाज मंदिर द्वारकानाथ भवनांतु चलेलॆ खब्बर मॆळ्ळा. अखंड बॆंगळूरु गांव्चॆ अपार समाज बांधव हे संदर्भारि उपस्थित आस्सूनु मूंजि व्हरेतांक आशीर्वाद कॆल्लिंति.
  सामूहिक श्री सत्यनारायण वृत : दिनांक. ३१-०७-२०११ दिवसु द्वारकानाथ भवनांतु १०८ कलशाचॆ २१ वर्षाचॆ सामूहिक श्री सत्यनारायण वृत, कलश स्थापन, मध्याह्न पूजा, महा संतर्पण, भजन-संगीत, महा समाराधनॆ इत्यादि कार्यक्रम  समेत विजृंभणेरि संपन्न जाल्लॆ. बॆंगळूराचॆ सर्व बगल्या ताकूनु समाज बांदव यव्नु सत्नार्णा प्रसाद घेव्नु पुनीत जाल्लॆ.