ಜಿ.ಎಸ್.ಬಿ. ಮಹಿಳಾ ಮಂಡಳ, ಸಾಗರ ಹಾಜ್ಜೆ ವಾರ್ಷಿಕೋತ್ಸವು

ಸಾಗರಾಚೆ ಜಿ.ಎಸ್.ಬಿ. ಮಹಿಳಾ ಮಂಡಳಿ ಆಶ್ರಯಾಂತು ವಾರ್ಷಿಕೋತ್ಸವು ಆಲ್ತಾಂತು ಚಲೀಲೆ ಸಂದಭಾರಿ ೮೫ ವರ್ಷ ಭರಲೀಲೆ ಮ್ಹಾಲ್ಗಡೆ ದಂಪತೀಂಕ ಹೃದಯಸ್ಪರ್ಶಿ ಸನ್ಮಾನು ಆನಿ ಚೇತನ ಕೆ. ಗಾಯತೊಂಡೆ ಹಾನ್ನಿ ಮೈಕ್ರೋ ಓವನ್ನಾಂತು  ರಾಂದಪ ಕೊರಚೆ ರಾಷ್ಟ್ರಮಟ್ಟಾಚೆ ಸ್ಪರ್ಧೆಂತು ಬಹುಮಾನ ಜಿಕ್ಕಿಲೆ ಖಾತ್ತಿರಿ ತಿಕ್ಕಾಯಿ ಅಭಿನಂದನಾಪೂರ್ವಕ ಸನ್ಮಾನ ಕೆಲ್ಲೊ. ಹೇ ಸಂದರ್ಭಾರಿ ಶ್ರೀ ಗಣೇಶ ಶೆಣೈ ದಂಪತಿ, ನಾಗೇಶ ಕಾಮತ್ ದಂಪತಿ ಆನಿ ಚೇತನ ಗಾಯ್ತೊಂಡೆ ಸಮೇತ ಜಿ.ಎಸ್.ಬಿ. ಮಹಿಳಾ ಮಂಡಳಿಚೆ ಕಾರ್ಯಕಾರಿ ಸಮಿತಿ ಸದಸ್ಯ ವೇದಿಕೇರಿ ಉಪಸ್ಥಿತ ಆಶ್ಶಿಲೆಂ. ತ್ಯಾಂಚಿ ದಿವಸು ವಿವಿಧ ಆಟೋಟ ಸ್ಪರ್ಧಾ ಆನಿ ಛದ್ಮವೇಷ ಸ್ಪರ್ಧಾ, ರಂಗೋಲಿ ಸ್ಪರ್ಧಾ ಆಯೋಜನ ಕೆಲೀಲೆ. ಹಾಂತು ಸರ್ವಾಂತು ಬಹುಮಾನ ಜಿಕ್ಕುನು ಘೆತ್ತಿಲ್ಯಾಂಕ ಬಹುಮಾನ ವಿತರಣ ಚಲ್ಲಿ. ಎಸ್.ಎಸ್.ಎಲ್.ಸಿ., ಪಿ.ಯು.ಸಿ,(ಸೈನ್ಸ್ & ಕಾಮರ್ಸ್), ಡಿಗ್ರಿ (ಬಿ.ಎ., ಬಿ.ಕಾಂ, ಬಿ.ಎಸ್.ಸಿ. ಬಿ.ಬಿ.ಎಮ್) ಕ್ಲಾಸಾಂತು ಚಡ್ತೆ ಅಂಕ ಘೇವ್ನು ಉತ್ತೀರ್ಣ ಜಾಲೀಲೆ ಸಮಾಜಾಚೆ ಪ್ರತಿಭಾವಂತ ವಿದ್ಯಾರ್ಥ್ಯಾಂಕ ಸನ್ಮಾನ ಕಾರ್ಯಕ್ರಮು ಚಲ್ಲೊ. ಮಾಗಿರಿ ಚರ್ಡುಂವಾಲೆ ಆನಿ ಬಾಯ್ಲಮನ್ಶೆಲೆ ತಾಕೂನು  ಮನರಂಜನಾ ಕಾರ್ಯಕ್ರಮ ಆಶ್ಶಿಲೊ. ಬಾಯ್ಲಮನ್ಶೆ ತಾಕೂನು ಪ್ರದರ್ಶಿತ ಜಾಲೀಲೆ ಶಿವತಾಂಡವ ಗೀತ ರೂಪಕ ಹೋ ಕಾರ್ಯಕ್ರಮು ಜಮಿಲೆ ಸರ್ವಾಂಕ ಮಸ್ತ ಖುಷಿ ದಿಲ್ಲೆ. ಗಾಂವ್ಚೆ, ಪರ್‍ಗಂವ್ಚೆ ಅಪಾರ ಸಮಾಜ ಬಾಂಧವ ಹೇ ವೇಳ್ಯಾರಿ ಉಪಸ್ಥಿತ ಆಶ್ಶಿಲೆಂ.             *