ಭಜನ ಕುಸುಮಾಂಜಲಿ ಅನಾವರಣದೇವಳಾಚೆ ಆಡಳಿತ ಮೊಕ್ತೇಸರ ಶ್ರೀ ವಿಠಲ ಶೆಣೈನಿ ಪುಸ್ತಕ ಅನಾವರಣ ಕೋರ್ನು, “ಸಾಹಿತ್ಯ ಪ್ರಪಂಚಾಂತು ಭಜನಾ ಸಾಹಿತ್ಯಾಕ ತಾಜ್ಜೇ ಜಾಲೇಲೆ ಸ್ಥಾನ ಆಸ್ಸ. ಸರ್ವ ಭಾಷೆಂತೂ ಭಜನಾ ಸಾಹಿತ್ಯ ಆಸ್ಸೂನು, ಕೊಂಕಣಿಂತೂ ಭಜನಾ ಸಾಹಿತ್ಯ ಆಸ್ಸ. ಜಾಲ್ಯಾರಿ ತೇ ಏಕತ್ರ ಸಂಗ್ರಹ ಜಾಯನಾಶಿ ಥಂಯಿ ಥಂಯಿ ವಾಂಟೂನು ಘೆಲ್ಲೀಲೆ, ತೇ ಪೂರಾ ಒಟ್ಟು ಕೋರ್ನು ಪ್ರಕಟ ಕೆಲೇಲೆ ಶ್ರೀಮತಿ ವಿಜಯ ಆರ್. ಕಾಮತಾಂಗೆಲೆ ಕಾರ್‍ಯ ಶ್ಲಾಘನೀಯ ಮ್ಹಳ್ಳಿಂತಿ. ದೇವಳಾಚೆ ಅರ್ಚಕ ಚೇಂಪಿ ರಾಮಚಂದ್ರ ಭಟ್, “ಭಜನ ಭಕ್ತಿಚೆ ಏಕ ರೂಪ. ಪ್ರೇಮ, ಭಕ್ತಿ, ಶ್ರದ್ಧೆನ ಆರಾಧನ ಕೋರ್ನು ಭಗವಂತಾಕ ಸಾಕ್ಷಾತ್ಕಾರ ಕೊರನು ಘೆವಚಾಕ ಭಜನ ಸುಲಭ ವಾಟ. ಭಗವತ್ ಸಾಕ್ಷಾತ್ಕಾರಾಕ ವ್ಹಡು, ಲ್ಹಾನು ಮ್ಹಣಚೆ ಬೇಧ ನಾ, ಜಾತಿಚೆ ಅಂತರ ನಾ, ಗರೀಬು, ಶ್ರೀಮಂತು ಮ್ಹಣಚೆ ಭಾವ ನಾ. ಕೊಂಕಣಿ ಭಾಷೆಂತು ಪ್ರಕಟ ಜಾಲೇಲೆ ಹೇ ಕೃತಿಕ ಸಮಾಜ ಬಾಂಧವಾನಿ ಶ್ರದ್ಧೆನ ಸದ್ವಿನಿಯೋಗ ಕೋರ್ನು ಘೆವೊಂತಿ ಮ್ಹೊಣು ಹಾರೈಕೆ ಕೆಲ್ಲಿಂತಿ. ವಿಜಯ ಆರ್. ಕಾಮತ್ ತಾನ್ನಿ ಯೇವ್ಕಾರ ಕೋರ್ನು ಇತ್ತುಲೆ ಭಿತ್ತರಿ ಗೋವಾ ಶಾಂತಾದುರ್ಗಾ ಸನ್ನಿಧಿಕ ಕೃತಿ ಅರ್ಪಣ ಕೆಲ್ಯಾ. ಆತ್ತ ಉಡುಪಿ ಶ್ರೀ ಲಕ್ಷ್ಮೀವೆಂಕಟೇಶ ದೇವಾಲೆ ಸನ್ನಿಧೀಂತು ಅನಾವರಣ ಕರ್ತಾ ಆಸ್ಸತಿ. ಆಪಣಾಲೆ ಹೇ ಕಾರ್ಯಾಕ ಶ್ರೀ ಕಾಶಿಮಠಾಧೀಶ ಶ್ರೀಮದ್ ಸುಧೀಂದ್ರತೀರ್ಥ ಸ್ವಾಮ್ಯಾಂಗೆಲೆ ವಿಶೇಷ ಅನುಗ್ರಹ ಕಾರಣ ಮ್ಹಳ್ಳಿಂತಿ. ಕೆ. ರವೀಂದ್ರನಾಥ ಕಾಮತ್ ತಾನ್ನಿ ಆಭಾರ ಮಾನ್ಲೆ.
ಶ್ರೀ ದುರ್ಗಾ ಹೊನ್ನಮ್ಮ ದೇವಿ ದೇವಳ, ಸಿದ್ದಾಪರ
ಕುಂದಾಪುರ ತಾ||ಚೆ ಸಿದ್ದಾಪುರ ಶ್ರೀ ದುರ್ಗಾ ಹೊನ್ನಮ್ಮ ದೇವಿ ಮೂಲಸ್ಥಾನಾಂತು ದೇವಳಾಚೆ ಆಡಳಿತ ಮಹಾ ಸಭಾ ದಿನಾಂಕ. ೦೮-೧೨-೨೦೧೧ ದಿವಸು ಸಾಂಜ್ವಾಳಾ ಚಲ್ಲೆ. ಹೇ ಸಭಾಂತು ಮುಖಾರಚೆ ಸಾಲಾಚೆ ಪದಾಧಿಕಾರಿ ಜಾವ್ನು ಶ್ರೀ ಎನ್.ಎಸ್.ಕಾಮತ್, ಬೊಂಬೈ(ಗೌರವಾಧ್ಯಕ್ಷ), ಶ್ರೀ ಸುಧೀರ ಜಯವಂತ ನಾಯಕ್, ಗುಜ್ಜಾಡಿ ಬೊಂಬೈ(ಅಧ್ಯಕ್ಷ), ಶ್ರೀ ಸಂಪತ್ ಕಾಮತ್, ಸಿದ್ಧಾಪುರ(ಕಾರ್‍ಯದರ್ಶಿ), ಶ್ರೀ ನಾಗರಾಜ ಕಾಮತ್, ಹೊಸನಗರ(ಖಜಾಂಚಿ) ಹಾನ್ನಿ ಸರ್ವ ವಿಂಚೂನು ಆಯ್ಲಿಂತಿ. ಶ್ರೀ ವೆಂಕಟರಮಣ ದೇವಳ, ಕಟಪಾಡಿ
ಕಟಪಾಡಿಚೆ ಶ್ರೀ ವೆಂಕಟರಮಣ ದೇವಳಾಚೆ ಶ್ರೀ ಬ್ರಹ್ಮರಥೋತ್ಸವು ದಿನಾಂಕ. ೦೧-೦೨-೨೦೧೨ ದಿವಸು ವಿಜೃಂಭಣೇರಿ ಚಲ್ಲೆ. ತತ್ಸಂಬಂಧ ಧಾರ್ಮಿಕ ಕಾರ್ಯಕ್ರಮ ತಾ. ೨೭-೦೧-೨೦೧೨ ತಾಕೂನು ೨-೨-೨೦೧೨ ಪರ್ಯಂತ ಚಲೇಲೆ ಖಬ್ಬರ ಮೆಳ್ಳಾ. ಹೇ ಸಂದರ್ಭಾರಿ ಅಂಕುರಾರ್ಪಣ, ಧ್ವಜಾರೋಹಣ, ಷಷ್ಠಿ ಉತ್ಸವು, ರಥ ಸಪ್ತಮಿ ಉತ್ಸವು, ಮೃಗಬೇಟೆ, ಬ್ರಹ್ಮ ರಥೋತ್ಸವು, ಅವಭೃತೋತ್ಸವು, ಧ್ವಜಾವರೋಹಣ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ನ್ಹಂಹಿಸಿ ತಾ. ೩೧-೦೧-೨೦೧೨ ತಾಕೂನು ೪-೨-೨೦೧೨ ಪರ್ಯಂತ ಶ್ರೀ ಶ್ರೀ ಶ್ರೀ ಕೈವಲ್ಯ ಗೌಡ ಪಾದಾಚಾರ್ಯ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಮಹಾಸ್ವಾಮಿ ಶ್ರೀ ದೇವಳಾಂತು ಮೊಕ್ಕಾಂ ಉರಿಲೆ ಮ್ಹಣಚೆ ಖಬ್ಬರ ಮೆಳ್ಳಾ. ಆರಗೋಡು ಶಾಳೆಚೆ ರುಪ್ಪೆ ಪರಭ
ಕುಂದಾಪರ ತಾ||ಚೆ ಆರ್‍ಗೋಡು ಸರಕಾರಿ ಕಿರಿಯ ಪ್ರಾಥಮಿಕ ಶಾಳಾ ಸುರುವಾತ ಜಾವ್ನು ಪಂಚ್ವೀಸ ವರ್ಷ ಭರಿಲೆ ಉಡ್ಗಾಸಾಕ ರಜತ ಮಹೋತ್ಸವ ಸಮಾರಂಭ ದಿನಾಂಕ ೨೧-೦೧-೨೦೧೨ ದಿವಸು ಶಾಳಾ ಆವಾರಾಂತು ದಿವಸ ಭರಿ ಚಲ್ಲೆ. ಸಕ್ಕಾಣಿ ತಾಲೂಕ ಪಂಚಾಯತ್ ಸದಸ್ಯೆ ಶ್ರೀಮತಿ ಹೇಮಾವತಿ ಆರ್. ಪೂಜಾರಿ ತಾಕೂನು ಧ್ವಜಾರೋಹಣ ಚಲ್ಲೆ. ಹೇ ಸಂದರ್ಭಾರಿ ಹಳ್ಳಿಹೊಳೆಗ್ರಾಮ ಪಂಚಾಯತ್ ಅಧ್ಯಕ್ಷ ಶ್ರೀ ಕೆ. ರಾಮಾ ನಾಯ್ಕ್, ಶಾಲಾಭಿವೃದ್ಧಿ ಸಮಿತಿ ಅಧ್ಯಕ್ಷ ಶ್ರೀ ಗೋಕುಲದಾಸ ಶೆಣೈ, ಪ್ರಭಾರ ಮುಖ್ಯ ಶಿಕ್ಷಕ ಶ್ರೀ ಕೊರಗಯ್ಯ ಶೆಟ್ಟಿ ವಿಶೇಷ ಅಭ್ಯಾಗತ ಜಾವ್ನು ಆಯ್ಯಿಲೆ. ಮಾಗಿರಿ ಪೊರನೆ ವಿದ್ಯಾರ್ಥ್ಯಾಂಕ ಜಾವ್ನು ಕ್ರೀಡಾ ಸ್ಪರ್ಧಾ ಆಯೋಜನ ಕೆಲೇಲೆ. ಸಾಂಜ್ವಾಳಾ ಚಲೇಲೆ ಸಭಾ ಕಾರ್ಯಕ್ರಮಾಚೆ ಅಧ್ಯಕ್ಷತಾ ಬೈಂದೂರು ವಿಧಾನ ಸಭಾ ಸದಸ್ಯ ಶ್ರೀ ಕೆ. ಲಕ್ಷ್ಮೀನಾರಾಯಣ ಹಾನ್ನಿ ಘೆತ್ತಿಲೆ. ಮುಖೇಲ ಸೊಯರೆ ಜಾವ್ನು ವಿಧಾನ ಪರಿಷತ್ ಸದಸ್ಯ ಶ್ರೀ ಕೋಟ ಶ್ರೀನಿವಾಸ ಪೂಜಾರಿ, ಜಿಲ್ಲಾ ಪಂಚಾಯತ್ ಸದಸ್ಯ ಶ್ರೀ ಬಾಬು ಶೆಟ್ಟಿ, ತಾಲೂಕ ಪಂಚಾಯತ್ ಅಧ್ಯಕ್ಷ ಶ್ರೀ ಶಂಕರ ಶೆಟ್ಟಿ, ಶ್ರೀಮತಿ ಮಮತಾ ಆರ್. ಶೆಟ್ಟಿ, ಶ್ರೀಮತಿ ಹೇಮಾವತಿ ಆರ್. ಪೂಜಾರಿ, ಶ್ರೀ ಕೆ. ರಾಮಾ ನಾಯ್ಕ, ಗಾಂವ್ಚೆ ಗಣ್ಯ ಶ್ರೀ ಗೋವಿಂದರಾಯ ಶೆಣೈ, ಉದ್ಯಮಿ ಜಾಲೇಲೆ ಶ್ರೀ ಡಿ. ಗೋಪಾಲಕೃಷ್ಣ ಕಾಮತ್, ಶ್ರೀ ವಿಠೋಬ ಶೆಣೈ, ಶ್ರೀ ಪ್ರಣಯ್ ಕುಮಾರ್ ಶೆಟ್ಟಿ ಆದಿ ಗಣ್ಯ ಆಯ್ಯಿಲೆ. ಬೈಂದೂರು ಕ್ಷೇತ್ರ ಶಿಕ್ಷಣಾಧಿಕಾರಿ ಶ್ರೀ ಚಂದ್ರಶೇಖರ ಎಚ್. ಹಾನ್ನಿ ಬಹುಮಾನ ವಾಂಟಿಲೆ. ಮಾಗಿರಿ ಶ್ರೀ ಗೋಳಿಗರಡಿ ಮೇಳಾಚಲೆ ತಾಕೂನು ಯಕ್ಷಗಾನ ಖೇಳಾಚೆ ಪ್ರದರ್ಶನ ಆಶ್ಶಿಲೆಂ. ಶ್ರೇಷ್ಠ ಬ್ಯಾಂಕರ್ ಪ್ರಶಸ್ತಿಕ ಕೆ.ಆರ್. ಕಾಮತ್
ಪಂಜಾಬ್ ನ್ಯಾಶನಲ್ ಬ್ಯಾಂಕಾಚೆ ಅಧ್ಯಕ್ಷ ತಶ್ಶೀಚಿ ವ್ಯವಸ್ಥಾಪಕ ನಿರ್ದೇಶಕ ಜಾಲೇಲೆ ಕೆ.ಆರ್. ಕಾಮತ್ ತಾಂಕಾ ‘ದೆಹಲಿ ಕನ್ನಡಿಗ ಪತ್ರಿಕೇನ ಸ್ಥಾಪನ ಕೆಲೇಲೆ ಹೇ ವಷಾಚೆ ಪ್ರತಿಷ್ಠಿತ ಟಿ.ಎ.ಪೈ ಸ್ಮಾರಕ “ಶ್ರೇಷ್ಠ ಬ್ಯಾಂಕರ್ ಪ್ರಶಸ್ತಿಕ ವಿಂಚಿಲಾ. ‘ದೆಹಲಿ ಕನ್ನಡಿಗ ಪತ್ರಾಚೆ ಸಂಪಾದಕ ಬಾ. ಸಾಮಗ ತಾನ್ನಿ ಹೀ ವಿಂಚಣಿ ಪ್ರಕಟ ಕೆಲ್ಲಾ. ಪ್ರಶಸ್ತಿ ಶಾಳ, ಫಲಕ, ಪ್ರಶಸ್ತಿ ಪತ್ರ ಸಮೇತ ಆಸ್ಸೂನು ಡೆಲ್ಲಿಂತು ೨೦೧೨ಚೆ ಎಪ್ರಿಲ್ ೭ ತಾರಿಖೇಕ ಚಲಚೆ ೨೯ಚೆ ರಾಪ್ಟೀಯ ಕನ್ನಡ ಸಮ್ಮೇಳನಾಂತು ಕಾಮತ್ ತಾಂಕಾ ಪ್ರಶಸ್ತಿ ಪಾವಿತ ಕರತಾತಿ ಮ್ಹೊಣು ತಾನ್ನಿ ಸಾಂಗ್ಲೆ. 
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ