ಪ್ರತಿಭಾ ಕಾರಂಜಿಂತುಲೆ ಸಾನ ಪ್ರತಿಭೆ ‘ಅನಂತ ಪಂಡಿತಭಟ್ಕಳ ತಾ||ಚೆ ಕೋಣಾರ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಳೆಂತು ಚೌತವೆಂ (ಚಾರಿ) ಕ್ಲಾಸಾಂತು ಶಿಕ್ತಾ ಆಶ್ಶಿಲೊ ವಿದ್ಯಾರ್ಥಿ ಕು| ಅನಂತ ಪ್ರದೀಪ ಪಂಡಿv ಹಾಣೆ ಅವುಂದು ಚಲೇಲೆ ತಾಲೂಕಾ ಮಟ್ಟಾಚೆ ‘ಪ್ರತಿಭಾ ಕಾರಂಜಿಂತು ದಾಕಲೇಲೆ(ಕಿರಿಯರ) ವಿಭಾಗಾಂತು ‘ಚಿತ್ರಕಲಾ ಆನಿ ‘ಕೊಂಕಣಿ ಕಂಠಪಾಠ ಹೇ ದೊನ್ನೀ ಸ್ವರ್ಧೆಂತು ಭಟ್ಕಳ ತಾಲೂಕಾಂತು ಪಯಲೆ ಸ್ಥಾನಾಂತು ಜಿಕ್ಕೂನು ಜಿಲ್ಲಾ ಮಟ್ಟಾಚೆ ಸ್ಪರ್ಧೆಕ ವಿಂಚೂನು ಆಯಲಾ. ಆನಿ ದಿ. ೨೩-೧೨-೨೦೧೧ ದಿವಸು ಭಟ್ಕಳಾಂತು ಚಲೇಲೆ ಉತ್ತರ ಕನ್ನಡ ಜಿಲ್ಲಾ ಮಟ್ಟಾಚೆ ಪ್ರತಿಭಾ ಕಾರಂಜಿ ಸ್ಪರ್ಧೆಂತ ‘ಚಿತ್ರಕಲಾ ಆನಿ ‘ಕೊಂಕಣಿ ಕಂಠಪಾಠ ದೊನ್ನೀ ವಿಭಾಗಾಂತು ಹಾಣೆ ತೃತೀಯ ಸ್ಥಾನ ಜಿಕ್ಕೂನು ಘೇವ್ನು ಏಕ ಚಾಂಗ ಪೈಪೋಟಿ ದಿಲ್ಲಾ ಮ್ಹಣಚಾಕ ಸಂತೋಷ ಜಾತ್ತಾ.
ಹಾಗೇಲೆ ಹೇ ಸಾಧನೇಕ ಹಾಕ್ಕಾ ಫುಡೆ ತಾಕೂನು ಚಾಂಗ ಪ್ರೋತ್ಸಾಹ ದಿತ್ತಾ ಆಯ್ಯಿಲೆ ಹಾಗೇಲೆ ಶಾಳೇಚೆ ಶಿಕ್ಷಕ ವೃಂದಾಕ, ಚಿತ್ರಕಲೆಂತು ಟ್ರೈನಿಂಗ್ ದಿತ್ತಾ ಆಯ್ಯಿಲೆ ಝೇಂಕಾರ ಕಲಾಸಂಘ ಭಟ್ಕಳ ಹಾಂತುಲೆ ಖ್ಯಾತ ಚಿತ್ರ ಕಲಾವಿದ ಶ್ರೀ ಸಂಜಯ ಗುಡಿಕಾರ ಹಾಂಕಾ ಆನಿ ಸರಸ್ವತಿ ಪ್ರಭಾ ಕೊಂಕಣಿ ಮ್ಹಹಿನ್ಯಾಳ್ಯಾನ ಪ್ರಕಾಶಿತ “ಕೊಂಕಣಿ ಜಾನಪದ ಹೆಂ ಪುಸ್ತಕಾಚೆ ಖ್ಯಾತ ಕೊಂಕಣಿ ಲೇಖಕಿ ಶ್ರೀಮತಿ ಜಯಶ್ರೀ ನಾರಾಯಣ ನಾಯಕ್ ಎಕ್ಕಂಬಿ ಹಾಂಕ ಸರ್ವಾಂಕ ವಿದ್ಯಾರ್ಥಿ ಅನಂತ ಪಂಡಿತ ಆನಿ ತಾಗೇಲಿಂ ಆವಯಿ-ಬಾಪಯಿ ಅನಂತ ಧನ್ಯವಾದ ಅರ್ಪಣ ಕೆಲ್ಲಿಂತಿ. ಮುಖಾರಚೆ ದಿವಸಾಂತು ಹಾಜಪಶಿ ವ್ಹಡ ನಮೂನ್ಯಾರಿ ಹೇ ಕ್ಷೇತ್ರಾಂತು ಚಾಂಗ ಸಾಧನ ಕೋರ್ನು ಹಾಕ್ಕಾ ಬರೆಂ ನಾಂವ ಮೆಳೋ ಮ್ಹೊಣು ಆವಯಿ ಶ್ರೀಮತಿ ಮೀನಾಕ್ಷಿ ಪಂಡಿತ, ಬಾಪಯಿ ಶ್ರೀ ಪ್ರದೀಪ ಕುಮಾರ ಪಂಡಿತ ಆನಿ ಬಾಂವು ಗಿರೀಶ ಪ್ರ. ಪಂಡಿತ ಹಾನ್ನಿ ಸರ್ವಾನಿ ತಾಕ್ಕಾ ಹೇ ಸಂದರ್ಭಾರಿ ಶುಭ ಆಟಯ್ಲಾ.
ಲೆಬನಾನ್ ಉತ್ಸವಾಂತು ಜಾದೂಗಾರ ಓಂಗಣೇಶ್
ಲೆಬನಾನ್ ರಾಷ್ಟ್ರಾಚೆ ಸ್ಟಾರ್ ನ್ಯಾಷನಲ್ ಸಂಸ್ಥೆಚಾನ ಏರ್ಪಟ ಕೆಲೇಲೆ ಅಂತರಾಷ್ಟ್ರೀಯ ಕಲಾ ತಶ್ಶಿಚೀ ವಾಣಿಜ್ಯ ಉತ್ಸವಾಂತು ವಾಂಟೊ ಘೆವಚಾಕ ಉಪ್ಪುಂದಾಚೆ ಜಾದೂಗಾರ ಓಂಗಣೇಶ್ ಆಹ್ವಾನ ಘೆತಲೀಂತಿ. ಲೆಬನಾನಾಚೆ ರಾಜದಾನಿ ಬೆರೂತ್ ನಗರಾಚೆ ಎಕ್ಸ್‌ಪೊ ಸೆಂಟರಾಂತು ಜನವರಿ ೧೫ ತಾಕೂನು ೨೫ ದಿವಸ ಕಾಳ ಚೊಲಚೆ ಹೇ ಮೇಳಾಂತು ವಿಶ್ವಾಚೆ ೨೦ಪಶಿ ಚ್ಹಡ್ಚ ರಾಷ್ಟ್ರಾಚೆ ಪ್ರಸಿದ್ಧ ಕಲಾವಿದ ವಾಂಟೊ ಘೆತ್ತಿಲೆ ಆಸ್ಸೂನು, ಭಾರತಾಚೆ ಪಂಗ್ಡಾ ಬರಶಿ ಆಮಗೇಲಿಂ ಓಂಗಣೇಶ್ ಚಮ್ಕಲಿಂತಿ.ಘೆಲೇಲೆ ೨೦ ವರ್ಷಾಚಾನ ನಿರಂತರ ಜಾವ್ನು ಆಪಣಾಂಗೆಲೆ ಜಾದೂ ತಶ್ಶಿಚಿ ಜಾದೂ ಖೇಳಣಿ ಪ್ರದರ್ಶನ ಮುಖೇನ ಜಗಾಚೆ ಸರ್ವ ಬಗಲೇನ ಪ್ರಸಿದ್ಧ ಜಾಲೇಲೆ ಓಂಗಣೇಶ್ ತಾಂಕಾ ಹೇ ೩೦ ನೇ ರಾಷ್ಟ್ರ ಜಾವ್ನಾಸ್ಸ. ಥಂಚೆ ಸಾನ್ಸಾನ ಚರ್ಡುವಾಂಕ ಜಾವ್ನು ವಿಶೇಷ ಖೇಳಣಿ ಘೇವ್ನು ಹಾನ್ನಿ ಹೇ ಉತ್ಸವಾಂತು ವಾಂಟೊ ಘೆತಲಿಂತಿ. ಹಾಂಕಾ ಸರಸ್ವತಿ ಪ್ರಭಾ ತರಪೇನ ದೇವು ಬರೆಂ ಕೊರೊ ಮ್ಹಣತಾ.
ಅಣ್ವೇಕರಾಂಗೆಲೆ “ಕೊಂಕಣಿ ಕಾವ್ಯ ಮಂಜರಿ ಉಗ್ತಾವಣ
ದೈವಜ್ಞ ಬ್ರಾಹ್ಮಣ ಸಮಾಜಾಚೆ ಪ್ರಥಮ ಮಠ ಸ್ಥಾಪನೆಚೆ ರಜತ ಮಹೋತ್ಸವ ಸಮಾರಂಭ ಹೊನ್ನಾವರಚೆ ಕರ್ಕಿ ಶ್ರೀಮಠಾಂತು ಆಲ್ತಾಂತು ವಿಜೃಂಭಣೇರಿ ಚಲ್ಲೆ. ಸಹಸ್ರಚಂಡಿ ಯಾಗ, ಲಕ್ಷ ದೀಪೋತ್ಸವು, ಧರ್ಮಸಭಾ ಇತ್ಯಾದಿ ಕಾರ್ಯಕ್ರಮ ವಿಧಿವತ್ ಜಾವ್ನು ಚಲ್ಲೆ. ಕರ್ನಾಟಕ, ಗೋವಾ, ಮಹಾರಾಷ್ಟ್ರ, ಕೇರಳ ಇತ್ಯಾದಿ ಬಗಲೇಂತು ರಾಬಿಲೆ ದೈವಜ್ಞ ಸಮುದಾಯಾಚೆ ಲೋಕ ವ್ಹಡ ಪ್ರಮಾಣಾರಿ ಯವ್ನು ಹಾಂತು ವಾಂಟೊ ಘೆತಲಿಂತಿ. ಹೇಂಚಿ ವೇಳ್ಯಾರಿ ಕಾರ್ವಾರಾಚೆ ದ್ವಿಭಾಷಾ ಸಾಹಿತಿ, ಕವಿ ತಶ್ಶಿಚಿ ಕಲಾವಿದ ಶ್ರೀ ನಾಗೇಶ ಅಣ್ವೇಕರ ತಾನ್ನಿ ಬರೆಯಿಲೆ ೬೦ ಕವನಂ, ೮ ಪ್ರಕಾರಾಚೆ ಶಿಶು ಗೀತಾ, ಭಜನ, ಚುಟುಕಾ, ಭಕ್ತಿಗೀತಾ, ಪ್ರೇಮಕಾವ್ಯ, ಲಾವಣಿ, ಗ್ರಾಂಥಿಕ ರಚನೆಚೆ ಅನೇಕ ಷಟ್ಪದಿ ಕಾವ್ಯ ಆಸ್ಸುಚೆ ಕೊಂಕಣಿ ಕಾವ್ಯ ಮಂಜರಿ ಕವನ ಸಂಕಲನ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತಿ ಮಹಾಸ್ವಾಮ್ಯಾನಿ ಉಕ್ತಾವಣ ಕೆಲ್ಲಿ.
ಆರ್.ಎಂ. ಶೇಟಾಂಗೆಲೆ ದೈವಜ್ಞ ಬ್ರಾಹ್ಮಣ ಇತಿಹಾಸ
ಆರ್ಯಂ ಮ್ಹಣಚೆ ಕಾವ್ಯನಾಮಾಂತು ಖ್ಯಾತ ಜಾಲೇಲೆ ಶ್ರೀ ರಾಮಚಂದ್ರ ಎಂ. ಶೇಟ್ ಶಿರಸಿ ಹಾಂಗೇಲೆ ದೈವಜ್ಞ ಬ್ರಾಹ್ಮಣ ಇತಿಹಾಸ ಮ್ಹಣಚೆ ಗ್ರಂಥ ಉಕ್ತಾವಣ ಆಲ್ತಾಂತು ದೈವಜ್ಞ ಮಠ ಸ್ಥಾಪನೇಚೆ ರಜತ ಮಹೋತ್ಸವ ಸಂದರ್ಭಾರಿ ದೈವಜ್ಞ ಪೀಠಾಧಿಪತಿ ಪ|ಪೂ| ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತಿ ಮಹಾಸ್ವಾಮ್ಯಾನಿ ಕೆಲ್ಲೆ. ಹಾಂತು ಶ್ರೀ ಶೇಟ್ ಮಾಮ್ಮಾನಿ ದೈವಜ್ಞ ಸಮಾಜಾಚೆ ಇತಿಹಾಸಾ ವಯರಿ ಹುಜ್ವಾಡು ಘಾಲಚೆ ತಸ್ಸಾಲೆ ಸಬಾರ ಅಪರೂಪಾಚೆ ವಿಷಯ ಸಂಗ್ರಹ ಕೆಲ್ಯಾ. 
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ