ಧರ್ಮ ಆನಿ ವಾಟ-೨
“ಆಮಕಾ ಧರ್ಮ ಪಾಲನ ಕೊರಚೆ ಕರ್‍ಕರ ಕಿತಯಾಕ? ಆಮ್ಮಿ ಕೋಣಾಂಕ ಉಪದ್ರವ ದೀನಾಶಿ ವಾಂಚಲ್ಯಾರಿ ಪುರ್‍ಜಾಯ್ನಾವೇ? ಮ್ಹೊಣು ಕೆಲವ ಲೋಕ ಪ್ರಶ್ನೆ ಘಾಲತಾತಿ. ತಸ್ಸಲ್ಯಾ ಖಾತ್ತಿರಿ ಶ್ರೀ ಕೃಷ್ಣ ಪರಮಾತ್ಮು ಗೀತಾಂತು ಅಶ್ಶಿ ಸಾಂಗ್ತಾ. “ಶಾಸ್ತ್ರಾಚೆ ಕಟ್ಟಳೊ ಮಿಕ್ಕುನು ಆಮಗೇಲೆ ಮನ ಆಯ್ಯಿಲ ವರಿ ಚಮ್ಕಿತಾಲೊ ಸಿದ್ಧಿ ಪಾವ್ನಾ. ತಾಕ್ಕಾ ಸೂಖ ನಾ, ಚಾಂಗ ಗತಿ ಪುಸ್ಸೂನು ಮೇಳ್ನಾ.
ವ್ಹಯಿ, ಶಾಸ್ತ್ರಾಂತು ಸಾಂಗಿಲೇ ನಿಯಮು ಸೋಡ್ನು ಆಮಗೇಲೆ ತಿತ್ಲೆಕ ಆಮಕಾ ಪ್ರಾಮಾಣಿಕ ಜಾವ್ನು ವಾಂಚೇಕ ಸಾಧ್ಯ ನಾ. ಕಿತಯಾಕ ಮ್ಹಳಯಾರಿ ಆಮಕಾ ಖಂಚೆ ಸಮ ಆನಿ ಖಂಚೆ ಸಮ ನ್ಹಂಹಿ ಮ್ಹಣಚೆ ಸ್ಪಷ್ಟ ಪರಿಜ್ಞಾನ ಆಸ್ಸನಾ. ಆಮಗೇಲೆ ಮನಾಕ ಪಸಂದ ಆಶ್ಶಿಲೆಂ ಸಮ ಮ್ಹೊಣು ಆಮ್ಮಿ ಸಮಜೂನು ಘೆತ್ತಾತಿ. ಉ.ದಾ. ಆಮಕಾ ರಸ್ತೇರಿ ಏಕ ಕೋಣಾಲ್ಕಿ ಪಾಕೀಟ್(ಪರ್ಸ್) ಮೆಳತಾ ಮ್ಹೊಣು ಸಮಜೂನು ಘೆವ್ಯಾ. ತಾಂತು ತಾಂಗೇಲೆ ನಾಂವ, ಪತ್ತೊ ಪೂರಾ ಆಸ್ತಾ. ಜಾಲ್ಯಾರಿಚಿ ಆಮಗೇಲೆ ಮನ ಸಾಂಗ್ತಾ “ತುಕ್ಕಾ ಮೆಳ್ಳಿಲೆ ನ್ಹಂಹಿವೇ? ತೂಂ ಖಾಂಯಿ ತಾಂಗೇಲೆ ತಾಕೂನು ಉಪ್ಪೂನು ಹಾಣಿಮೂ? ಪರತ ಕಿತಯಾಕ ದಿವ್ಕಾ? ಮ್ಹಣತಾ. ಆಮ್ಮಿ ತ್ಯಾಂಚಿ ಸಮ ಮ್ಹೊಣು ತೀರ್ಮಾನಾಕ ಯತ್ತಾತಿ. ಕಿತಯಾಕ ಮ್ಹಳಯಾರಿ ತಾಜ್ಜೇನ ಆಮಕಾ ಮುನಾಪೊ ಆಸ್ಸಮೂ! ತ್ಯಾಂಚಿ ಆಮಗೇಲೆ ದುಡ್ಡಾಶ್ಶಿಲೆಂ ಏಕ ಪರ್ಸ್ ಖಂಯ್ಕಿ ಪೋಣು ಘೆಲ್ಲೆ ಮ್ಹಳೇಲ ತೆದ್ದನಾ ಆಮ್ಮಿ ತಶ್ಶೀ ಲೆಕ್ತಾವೇ? ನಾ ಪಳೇಯಾ ಪ್ರಾಮಾಣಿಕ ಪಣ ನಾತ್ತಿಲೆ ಲೋಕ. ತಾಂತು ಮೆಗೇಲೆ ನಾಂವ, ಪತ್ತೊ, ಪೋನ್ ನಂಬರ್ ಪೂರಾಯಿ ಆಸ್ಸ, ಜಾಲ್ಯಾರೀ ಹಾಣು ದೀನಿ, ಮ್ಹಳ್ಯಾರಿ ಕಿತ್ಲೆ ವಾಯ್ಟ ಲೋಕ ಪಳೇಯಾ. ಮ್ಹೊಣು ಲೆಕತಾತಿ. ಆಮಕಾ ಖಂಚೆ ಜ್ಞಾನ ದಿತ್ತಕಿ ತ್ಯಾಂಚಿ ಶಾಸ್ತ್ರ. ತ್ಯಾ ಖಾತ್ತಿರಿ ಆಮಕಾ ಶಾಸ್ತ್ರಾಚೆ ನಿಯಮು ಸೋಡ್ನು ಪ್ರಾಮಾಣಿಕ ಜಾವ್ನು ವಾಂಚೇಕ ಸಾಧ್ಯ ನಾ. ನ್ಹಂಹಿಸಿ ಆಮಗೇಲೆ ಜೀವಮಾನ ಮಸ್ತ ಸಾನ. ತಾಂತು ಅರ್ಧ ನಿದ್ದೆಂತೂ ವತ್ತಾ. ತ್ಯಾ ನಿಮಿತ್ತ ಹರ್‍ಯೇಕ ಸಮ, ಚೂಖಿ ಮ್ಹಣಚೆ ಅನುಭವ ಪ್ರಾಪ್ತ ಕೋರ್ನು ಘೆವಚಾಕ ಆಮಚಾನ ಸಾಧ್ಯ ನಾ. ಸಗಳೆ ಬ್ರಹ್ಮಾಂಡ ಕಿತ್ಲ ಅಗಾಧ ಮ್ಹೊಣು ಸೊಚ್ಚಾಕ ಆಮಗೇಲೆ ವಿಜ್ಞಾನಿ ತಾಕೂನೂ ಆನ್ನಿಕೆ ಜಾಯ್ನಿ. ತಸ್ಸಾಲೆ ಅನುಭವ ಖಾತ್ತಿರಿ ಶಾಸ್ತ್ರ ಜಾವ್ಕಾಚಿ ಪಡ್ತಾ. ತ್ಯಾ ಖಾತ್ತಿರಿ ದೇವು; ತಾಣೆ ಜಗಾಕ ದಿಲೇಲೆ ವೇದಾದಿ ಶಾಸ್ತ್ರ, ತ್ಯಾ ಶಾಸ್ತ್ರ ಅರ್ಥು ಕೋರ್ನು ಆಮಕಾ ಕೊಳಚೆ ವರಿ ಸಾಂಗಿಲೆ ಋಷಿ, ಮುನಿ, ಸಾಧು-ಸಂತ. ಹಾನ್ನಿ ಸಾಂಗಿಲೆ ಸತ್ಯ ಕೋಳ್ನು ಘೆವ್ಕಾ. ಹ್ಯಾಂಚಿ ಧರ್ಮ. ನ್ಹಂಯಂತು ಹೊಳ್ಚೆ ಪೂರಾ ಉದ್ದಾಕ ಪರಿಶುದ್ಧ ಮ್ಹಣಚಾಕ ಜಾಯನಾ. ಖಂಚಕಿ ಫ್ಯಾಕ್ಟರೀ ತ್ಯಾಜ್ಯ, ಘರಾಂತು ವಾಪೋರ್ನು ಸೊಳ್ಳೆಲೆ ವಾಯ್ಟ ಉದ್ದಾಕ, ರಾನ್ನಾಂತು ಜೋರ್ನು ಪಳ್ಳಿಲೆ ಪಾನ್ನ, ಹೇ ಪೂರಾ ಲೋಕಾಂಕ ಗೊತ್ತಾಶ್ಶಿಲೇಚಿ. ತಶ್ಶಿಚಿ ಧರ್ಮ, ವಾಟ ದೊನ್ನೀ ವಯರಿ ಕೋಯ್ರು, ಕೂಸ್ಸಡ ಪಡ್ತಾ ಆಸ್ತಾ. ಧರ್ಮ ವಯರಿ ಅಂಧಶೃದ್ಧಾ, ಮೂಢನಂಬಿಕಾ ಪ್ರತಿಷ್ಠಾ ಮ್ಹಣಚೆ ಕೂಸ್ಸಡ ಜಮೀಲೆ ತೆದ್ದನಾ ವಾಟ್ಟೇರಿ ಪಳ್ಳಿಲೆ ಕಾಂಟೊ, ಕೋಯ್ರು, ಪಾತ್ತೋರು ಕಾಡ್ನು ಚ್ಹೊಕ ಕೆಲೇಲೆ ವರಿ ಕರತಾ ಆಸ್ಸುಕಾ. ತ್ಯಾ ಶುದ್ಧ ಕೋರ್ನು ಆಮ್ಮಿ ಧರ್ಮನಿರತ ಜಾವ್ನು ಆಸಲೇರಿ ಮಾತ್ರ ಆಮ್ಕಾ ಮೊಕ್ಷಾಚೆ ಲಾಗ್ಗಿ ವಚ್ಚೂಚಾಕ ಜಾತ್ತಾ.
ವಾಟ್ಟೇರಿ ವತ್ತನಾ ವ್ಹಡ ವಾರೆಂ ಯವಚಾಕ ಪುರೊ, ತೆದ್ದನಾ ರಸ್ತೆ ಬಗಲೇನ ಆಶ್ಶಿಲೆ ರೂಖು ಪೊಡಚಾಕ ಪುರೊ, ಪಾತ್ತೊರು ರಸ್ತೇರಿ ಯವ್ನು ಪೊಡಚಾಕ ಪುರೊ. ತಶ್ಶಿಚಿ ಆನ್ನೇಕ ಧರ್ಮ ಸಂಸ್ಕೃತಿಚೆ ಪ್ರಭಾವು ಆಮಚೇರಿ ಜಾಲೇಲೆ ತೆದ್ದನಾ ಆಮಕಾ ಆಮಗೇಲೆ ಧರ್ಮ ವಯಚೆ ಶೃದ್ಧಾ ಊಣೆ ಜಾವಚಾಕ ಪುರೊ. (ಆಜಿ ಜನವರಿ ೧ಕ ನವವರ್ಷಾಚರಣ, ಬರ್ತ್‌ಡೇ, ಮ್ಯಾರೇಜ್ ಆನಿವರ್ಸರಿ ಆಚರಣ ಇತ್ಯಾದಿ ವಿಂಗಡ ಧರ್ಮ ಪ್ರಭಾವು ಆಮಗೇಲೆ ಧರ್ಮ ವಾಟ್ಟೆ ವಯರಿ ಯವ್ನು ಪಳ್ಳಿಲ್ಯಾ ಪಾತ್ತರ, ರೂಖು ಮ್ಹೊಣು ಸಾಂಗುಯೇತ) ತೆದ್ದನಾ ಕಶ್ಶಿ ಆಮ್ಮಿ ಪಳ್ಳಿಲೆ ರೂಖ, ಪಾತ್ತರ ಕಾಡ್ನು ಮುಖಾರ ವತ್ತಾತಿ ಕಿ ತಶ್ಶಿಚಿ ಅಸ್ಸಲೆ ಭಾವನಾ, ಪ್ರತಿಷ್ಠಾ ದೂರ ದವರೂನು ಉದರ್ಗತಿ ವಾಟ್ಟೇರಿ ಚಮಕೂಕಾ ಜಾತ್ತಾ.
ಏಕ ರೂಕ್ಕಾಕ ಹಜಾರ ಭರಿ ಗೆಲ್ಲ ಆಶ್ಶಿಲ ವರಿ ಧರ್ಮಾಂತು ಅಪಾರ ಪಂಗಡ, ಜಾತಿ ಆಸ್ತಾ. ತಾಂಗ ತಾಂಗೇಲೆ ಪರಿಸರ, ಪರಿಸ್ಥಿತಿ, ಆನಿ ತಾಜ್ಜೆ ಪ್ರಭಾವಾನ ತ್ಯಾ ಪಂಗಡಾಂತು ಏಕ್ಕೇಕ ಆಚರಣ, ಸಂಸ್ಕೃತಿ ರೂಪಿತ ಜಾವ್ನು ಆಸ್ತಾ. ತ್ಯಾ ಖಂಚೇಯಿ ಧರ್ಮಾಚೆ ಮೂಳಾಂತು ನಾಶ್ಶಿಲೆಂ ಮ್ಹಣಚೆ ಆಮಗೇಲೆ ನಜರಾಂತು ಆಸಲೇರಿ ಧರ್ಮ ನಿಂಧನಾ ಕೊರಚೆ ಉಸಾಬರಿಕ ಆಮ್ಮಿ ವಚ್ಚನಾತಿ.
ಶ್ರೀ ಕೃಷ್ಣಾನ ಅರ್ಜುನಾಕ ಸಾಂಗ್ಲೆ “ತುಗೇಲೆ ಧರ್ಮ ತುಕ್ಕಾ ಶ್ರೇಷ್ಠ, ಜೀವಮಾನ ಪೂರ್ತಿ ತಾಜ್ಜ ಪಾಲನ ಕರಿ, ತಾಂತೂ ತುಗೇಲೆ ಅಭಿವೃದ್ಧಿ, ಬರೇಪಣ ಆಸ್ಸ, ತ್ಯಾ ಸೋಡ್ನು ತೂಂವೆ ದುಸ್ರೆ ಧರ್ಮಾಕ ಘೆಲಯಾರಿ ಅಭಿವೃದ್ಧಿ ಜಾಯ್ನಾ. ಮ್ಹೊಣು. ಶ್ರೀ ಕೃಷ್ಣ ಪರಮಾತ್ಮಾನ ಸಾಂಗಿಲೆ ಹೇ ಉತ್ರಂತು ಖಂಚೇಯಿ ಚೂಖಿ ನಾ. ಏಕ ಮನುಷ್ಯಾಲೆ ಜೀವನ ಕಾಲ ಸಾಠ ತಾಕೂನು ಶಂಬರ ವರ್ಷಾ ಬಿತ್ತವೈಲೆ ಏಕ ಸಾನ ಕಾಲ. ಇತ್ಲೆ ಕಾಲಾ ಭಿತ್ತರಿ ಆಮ್ಮಿ ಶಿಕಚೆ ಆಮಗೇಲೆ ಆನಮ್ಮಾಕ, ಮಾಲ್ಗಡ್ಯಾಂಕ ಪೊಳೋವನು. ಆಮ್ಮಿ ಸಾನ್ಪಣಾಂತು ಶಿಕ್ಕಿಲೆ ಆಮಗೇಲೆ ಮನಾ ವಯರಿ ಭದ್ರ ಜಾವ್ನು ದಾಖಲ ಜಾವ್ನು ಆಸ್ತಾ. ಮಧ್ಯೆ ಆಮ್ಮಿ ಆನ್ನೇಕ ಧರ್ಮಾಚೆ ಆಚರಣ ಸುರುವಾತ ಕೆಲ್ಲಿಂತಿ ಮ್ಹೊಣು ಸಮಜಿಯಾ, ಜಾಲ್ಯಾರಿ ಭದ್ರಜಾವ್ನು ಛಾಪೂನು ಆಶ್ಶಿಲೆ ಮಾಕಶಿ ಸಂಸ್ಕಾರ ಆನಿ ಹಾಕ್ಕಾ ಮನಾ ಭಿತ್ತರಿ ಘರ್ಷಣ ಜಾವ್ನು ಆಮಕಾ ಖಂಚೆ ವಯರಿ ಪೂರ್ತಿ ವಿಶ್ವಾಸು ಆಸ್ಸ ಜಾಯ್ನಾ. ನ್ಹಂಹಿಸಿ ಆಮ್ಮಿ ಏಕ ಪ್ರಯಾಣ ಸುರುವಾತ ಕೋರ್ನು ವಾಟ್ಟೇರಿ ಮಾರ್ಗ ಬಗಲ ಕೆಲ್ಯಾರಿ ಪರತ ಸುರವೇ ತಾಕೂನು ಚಮಕೂಕಾ ಜಾತ್ತಾ, ಮ್ಹಳ್ಯಾರಿ ಇತ್ಲೆ ಕಾಳ ಕೆಲೇಲೆ ಪ್ರಯತ್ನ ಪೂರಾ ವ್ಯರ್ಥ ಜಾಲೇಲ ವರಿ ಜಾತ್ತಾ. ಸಾಠ, ಸತ್ತರ ವರ್ಷ ಚಮ್ಕಿಲಿ ತಿತ್ಲೆ ದೂರ ತುಮಕಾ ವೀಸ, ಪಂಚ್ವೀಸ ವರ್ಷಾಂತು ಚಮಕೂಚಾಕ ಜಾಯನಾ ನ್ಹಂಹಿವೇ?
ವಾಟ್ಟೇಕ ಅಂತ್ಯ ಮ್ಹೊಣು ನಾ. ಆಮಗೇಲೆ ಘರಾ ಮುಖಾವೈಲ ತಾಕೂನು ಶುರ ಜಾಲೇಲೆ ತ್ಯಾ ಖಂಯ್ಕಯಿ ವಚ್ಚೂನು ಪಾವ್ತಾ ಮ್ಹೊಣು ಕಲ್ಪನ ಪುಸ್ಸೂನು ಕೊರಚಾಕ ಜಾಯನಾ. ತಶ್ಶಿಚಿ ಧರ್ಮ ಮಾರ್ಗಾಕ ಅಂತ್ಯ ಮ್ಹೊಣು ನಾ. ಆಮ್ಮಿ ಏಕ ವಾಟ್ಟೇರಿ ಚಮ್ಕಿಚಾಕ ಲಾಗಲ್ಯಾರಿ ಆನ್ನೇಕ ವಾಟ ವಚ್ಚೂಕ ಬಾಕಿ ಊರ್ನೂ ಆಸ್ತಾ. ಆಮ್ಮಿ ವೀಕ್‌ಎಂಡ್ ಮ್ಹೊಣು ಪ್ರತಿ ಆಠ್ವಡೇಕ ಏಕ್ಕೆಕ ಗಾಂವಾಕ ಜೀವಮಾನ ಪೂರ್ತಿ ಘೆಲಯಾರಿಚಿ ಆನ್ನಿಕೆ ವಚ್ಚೆ ಮಸ್ತ ಗಾಂವ ಊರ್ನೂ ಆಸಚೆ ವರಿ! ಧರ್ಮ ಅಗಾಧ ಜಾವ್ನು ಆಸ್ಸ. ವತ್ತ ವತ್ತ ಆಮಕಾ ತಾಜ್ಜೆ ವ್ಹಡಪಣ ಕಳತಾ ವತ್ತಾ. ಕೋಣ ಧರ್ಮ ರಕ್ಷಣ ಕರತಾತಿಕಿ, ತಾಂಕಾ ಧರ್ಮ ರಕ್ಷಣ ಕರತಾ ಮ್ಹಣಚೆ ಖಾಲಿ ಸೂಕ್ತಿ ಮಾತ್ರ ನ್ಹಂಹಿ. ಮಸ್ತ ಮಹಾತ್ಮಾನಿ ಜೀವನಾಂತು ಹೇ ಉತ್ರಾಚೆ ಸತ್ಯತಾ ಪೊಳೋವನು ಘೆತ್ಲ್ಯಾ. ಕಶ್ಶಿ ಸಕಟಾಂತು ಚಾಂಗ, ವಾಯ್ಟ ಮ್ಹಣಚೆ ಆಸ್ಸಕಿ ತಶ್ಶಿಚಿ ಧರ್ಮಾಂತು ಪುಸ್ಸೂನು ಸದ್ದರ್ಮ, ಅಧರ್ಮ ಮ್ಹೊಣು ಆಸ್ಸ. ಸದ್ಧರ್ಮ ಮ್ಹಳ್ಯಾರಿ ಚಾಂಗ ಧರ್ಮಾಚರಣ ಕೊರಚೆ. ಧರ್ಮಾಚರಣೆ ತಾಕೂನು ಆನ್ನೇಕ್ಲ್ಯಾಕ ತಾಪತ್ರಯ, ಉಪದ್ರವ ಜಾಯನಾಶಿ ಆಸ್ಚೆ ವರಿ ಪೊಳೋವನು ಘೆವ್ಚೆ. ಧರ್ಮಾಚರಣೇನ ಆಪ್ಪಣ ಮಾತ್ರ ನ್ಹಂಹಿ ಸಗಳೆ ಸಮಾಜ ಉದರ್ಗತಿ ಜಾವಚಾಕ ಅನ್ಕೂಲ ಜಾವ್ಚೆ ವರಿ ಪಳೊವನು ಘೆವ್ಚೆ.(ಸದ್ಧರ್ಮ ಖಾತ್ತಿರಿ ಬರಯಚಾಕ ಘೆಲಯಾರಿ ಖಂಡಿತ ತ್ಯಾಂಚಿ ಏಕ ಗ್ರಂಥ ಜಾತ್ತಾ ಮ್ಹಣಚೆ ಭಯ್ಯೇನಿ ಹಾಂಗಾ ಸಂಕ್ಷಿಪ್ತ ಜಾವ್ನು ಸಾಂಗಲಾ) ಆನಿ ಅಧರ್ಮ ಕೊರಚಾಕ ನಜ್ಜ ಆಶ್ಶಿಲೆಂ ಧರ್ಮಾಚರಣೇಚಿ ಅಧರ್ಮ. ಆಪಣಾಲೆ ಉದರ್ಗತಿ ಮಾತ್ರ ಪಳೋವನು ಘೇವ್ನು ಚಮ್ಕುಚೆ ಪುಸ್ಸೂನು ಅಧರ್ಮುಚಿ. ಖಂಚೇ ಮನುಷ್ಯಾನ ಆಪಣಾನ ಕೊರಚೆ ಚಾಂಗ ಕಾರ್ಯ ಆಪಣಾಕ ತೇ ದೇವಾನಿ ದಿಲೇಲೆ ಭಾಗ್ಯ ಮ್ಹೊಣು ಸಮಜೂನು ಘೆವ್ಕಾ. ಬದಲಾಕ ಹಾಂವೆ ಕೆಲ್ಲೆ ಕೆಲ್ಲೆ, ದಿಲ್ಲೆ ದಿಲ್ಲೆ ಮ್ಹಣತಾ ಅಹಂಕಾರ ಪಾವಚೆ, ಪ್ರತಿಷ್ಠೆ ದಾಖಯ್ಚೆ ಪುಸ್ಸೂನು ಅಧರ್ಮುಚಿ.
ಧರ್ಮ, ಅಧರ್ಮಾಚೆ ವಾಖ್ಯಾನ ಕರತಾನಾ ವ್ಹಡ ವ್ಹಡ ಪ್ರಾಜ್ಞ, ಪಂಡಿತ ಪರ್ಯಂತ ಚುಕ್ಕೂನು ಪಡತಾತಿ ಮ್ಹಳ್ಳ ಮಾಗಿರಿ ಮೆಗೇಲ ತಸ್ಸಾಲೆ ಅಜ್ಞಾನಿ ಕಸ್ಸಲ ಮಹಾ? ಜಾಲ್ಯಾರಿಚಿ ಪರಮಾತ್ಮಾನ ದಿಲೇಲೆ ಅಖಂಡ ಪ್ರೇರಣೇನ ಹಾಂವೆ ಖಾಲಿ ಲಿಪಿಕಾರಾ ಮ್ಹಣಕೆ ಹಾಂಗಾ ಬರಯಲಾ. ಹಾಂತುಲೆ ಚಾಂಗ ವಾಯ್ಟ ವಿಶ್ಲೇಷಣ ಕೋರ್ನು ನಿರಂತರ ಜಾವ್ನು ಸಮಾಜಾಂತು ಧರ್ಮ ಜಾಗೃತಿ, ಧರ್ಮ ರಕ್ಷಣ ಆನಿ ಧರ್ಮಾಚರಣ ಚಲ್ತಾ ಉರೋ ಮ್ಹಣಚೆ ಮಾತ್ರ ಮೆಗೇಲೆ ಆಶಯ. ತಾಜ್ಜ ಖಾತ್ತಿರಿ ಆಮ್ಮಿ ದೇವಾ ವಯ್ರಿ ಶೃದ್ಧಾ ದವರೂವ್ಯಾ.
- ಆರಗೋಡು ಸುರೇಶ ಶೆಣೈ
* ಧರ್ಮ ಮತ್ತು ದಾರಿ ವಿಶೇಷ ಲೇಖನದ ೨ನೇ ಭಾಗ, * ಮಕರ ಸಂಕ್ರಾಂತಿ ಲೇಕನದ ೨ನೇ ಭಾಗ, * ಮಹಾಶಿವರಾತ್ರಿ ವಿಶೇಷ ಲೇಖನ, * ಘರಾ ವಕ್ದ, * ವೈವಾಹಿಕ ಮಾಹಿತಿ, * ಗೋ ಟೂ ಯುರೋಪ್ ಪ್ರವಾಸ ಕಥನ, ಪ್ರಾಪ್ತಿ ಧಾರವಾಹಿಯ ೧೫ನೇ ಕಂತು, *ತಿಂಗಳ ಕತೆಯಲ್ಲಿ “ದೇವಾಕ ಆಭಾರಿ. *ಕೊಂಕಣಿ ಸಂಪದ ಕೈಪಿಡಿಯ ಬಗ್ಗೆ ಮಾಹಿತಿ, * ವಿವಿಧ ಅಡುಗೆಗಳ ಮಾಃಇತಿ, ಹಾಗೂ ಗೌಡ ಸಾರಸ್ವತ ಬ್ರಾಹನ, ದೈವಜ್ಞ ಮತ್ತು ಇತರ ಕೊಂಕಣಿ ಸಮಾಜದಲ್ಲಿ, ದೇವಾಲಯಗಳಲ್ಲಿ ಜರುಗಿದ ಸಮಾರಂಭಗಳ ವಿಸ್ತೃತ ಸುದ್ದಿಗಳು.
ಮೂಲ್ಕಿ ಶ್ರೀ ವೆಂಕಟರಮಣ ದೇವಳಾಚೆ ಶ್ರೀ ಉಗ್ರ ನರಸಿಂಹ ದೇವಾಲೆ ಮೂರ್ತಿಕ ಆಠ ಹಾತ ಆಸ್ಸೂನು, ಏಕ ಪಾಯ್ಯಾರಿ ರಾಬ್ಬೂನು ಜಾಂಗೇರಿ ಹಿರಣ್ಯಕಶುಪೂಕ ನಾಂಗಟಾನ ಚಿರ್‍ಚೆ ಭಂಗೀರಿ ಆಸ್ಸ. ಹಾಕ್ಕಾ ಸ್ವತಃ ಪ್ರಹ್ಲಾದಾನ ಪೂಜ್ಜಿಲಾ ಮ್ಹಣತಾತಿ. ಹೇ ಮೂರ್ತಿ ಪ್ರತಿಷ್ಠಾಪನ ಸುಮಾರ ಸಾಯಿಶಿ ವರ್ಷಾ (೭ ಶತಮಾನಾ) ಮಾಗಶಿ ಶ್ರೀ ವಿಜಯೇಂದ್ರ ತೀರ್ಥ ಸ್ವಾಮ್ಯಾಂನಿ ಕೆಲ್ಲೆ. ನಾಮಾಂಕಿತ ಶ್ರೀ ವೆಂಕಟರಮಣ ದೇವು ಆಪಣಾಲೆ ಬಾಯ್ಲ ಶ್ರೀ ದೇವಿ, ಆನಿ ಭೂದೇವಿ ಬರ್ಶಿ ಹಾಂಗಾ ರಾಬಲಾ. ಹೋ ಮೂರ್ತಿ ಮೂಲತಃ ಕಾರ್ಕಳಾಚೆ ಖಂಯಿ. ಶ್ರೀ ಬಿಂದುಮಾಧವ ದೇವು ಹಾಂಗಾಚೆ ಉತ್ಸವ ದೇವು, ಹೇ ಮೂರ್ತಿ ಶ್ರೀ ಮಾಧವೇಂದ್ರ ತೀರ್ಥ ಸ್ವಾಮ್ಯಾಂಕ ಪವಿತ್ರ ಗಂಗೆಂತು ಮ್ಹೆಳೇಲ ಖಂಯಿ. ತಾನ್ನಿ ಸುಮಾರ ಆಠ್ರಾ ಶತಮಾನಾಂತು ಪ್ರತಿಷ್ಠೆ ಕೋರ್ನು ಸಬಾರ ಉತ್ಸವ ಸುರುವಾತ ಕೆಲ್ಲಿಂತಿ. ಶ್ರೀ ವಿಠ್ಠಲ ದೇವು ಹಾಂಗಾ ಪ್ರತಿಷ್ಠೆ ಕೆಲೇಲೆ ಪಯಿಲೆ ಮೂರ್ತಿ ಜಾವ್ನಾಸ್ಸ. ಹಾಜ್ಜ ಪ್ರತಿಷ್ಠಾಪನ ೧೩ ಶತಮಾನಾಂತು ಹಾಂಗಚೆ ಮುಖಂಡಾಲೆ ಆಮಂತ್ರಣ ಪ್ರಮಾಣೆ ಯವ್ನು ರಾಬ್ಬಿಲೆ ಜಿ‌ಎಸ್‌ಬಿ ಸಮಾಜಾಚೆ ಕುಟುಂಬಸ್ಥಾನ ಕೆಲೇಲೆ ಖಂಯಿ. ಆಜಿ ರಾಜ್ಯ, ಪರ ರಾಜ್ಯಾಂತು ಪುಸ್ಸೂನು ಹೇ ದೇವಳಾಚೆ ಕೀರ್ತಿ ಪಸರಲಾ. 
ಪ್ರತಿಭಾ ಕಾರಂಜಿಂತುಲೆ ಸಾನ ಪ್ರತಿಭೆ ‘ಅನಂತ ಪಂಡಿತ
ಲೆಬನಾನ್ ರಾಷ್ಟ್ರಾಚೆ ಸ್ಟಾರ್ ನ್ಯಾಷನಲ್ ಸಂಸ್ಥೆಚಾನ ಏರ್ಪಟ ಕೆಲೇಲೆ ಅಂತರಾಷ್ಟ್ರೀಯ ಕಲಾ ತಶ್ಶಿಚೀ ವಾಣಿಜ್ಯ ಉತ್ಸವಾಂತು ವಾಂಟೊ ಘೆವಚಾಕ ಉಪ್ಪುಂದಾಚೆ ಜಾದೂಗಾರ ಓಂಗಣೇಶ್ ಆಹ್ವಾನ ಘೆತಲೀಂತಿ. ಲೆಬನಾನಾಚೆ ರಾಜದಾನಿ ಬೆರೂತ್ ನಗರಾಚೆ ಎಕ್ಸ್‌ಪೊ ಸೆಂಟರಾಂತು ಜನವರಿ ೧೫ ತಾಕೂನು ೨೫ ದಿವಸ ಕಾಳ ಚೊಲಚೆ ಹೇ ಮೇಳಾಂತು ವಿಶ್ವಾಚೆ ೨೦ಪಶಿ ಚ್ಹಡ್ಚ ರಾಷ್ಟ್ರಾಚೆ ಪ್ರಸಿದ್ಧ ಕಲಾವಿದ ವಾಂಟೊ ಘೆತ್ತಿಲೆ ಆಸ್ಸೂನು, ಭಾರತಾಚೆ ಪಂಗ್ಡಾ ಬರಶಿ ಆಮಗೇಲಿಂ ಓಂಗಣೇಶ್ ಚಮ್ಕಲಿಂತಿ.
ದೈವಜ್ಞ ಬ್ರಾಹ್ಮಣ ಸಮಾಜಾಚೆ ಪ್ರಥಮ ಮಠ ಸ್ಥಾಪನೆಚೆ ರಜತ ಮಹೋತ್ಸವ ಸಮಾರಂಭ ಹೊನ್ನಾವರಚೆ ಕರ್ಕಿ ಶ್ರೀಮಠಾಂತು ಆಲ್ತಾಂತು ವಿಜೃಂಭಣೇರಿ ಚಲ್ಲೆ. ಸಹಸ್ರಚಂಡಿ ಯಾಗ, ಲಕ್ಷ ದೀಪೋತ್ಸವು, ಧರ್ಮಸಭಾ ಇತ್ಯಾದಿ ಕಾರ್ಯಕ್ರಮ ವಿಧಿವತ್ ಜಾವ್ನು ಚಲ್ಲೆ. ಕರ್ನಾಟಕ, ಗೋವಾ, ಮಹಾರಾಷ್ಟ್ರ, ಕೇರಳ ಇತ್ಯಾದಿ ಬಗಲೇಂತು ರಾಬಿಲೆ ದೈವಜ್ಞ ಸಮುದಾಯಾಚೆ ಲೋಕ ವ್ಹಡ ಪ್ರಮಾಣಾರಿ ಯವ್ನು ಹಾಂತು ವಾಂಟೊ ಘೆತಲಿಂತಿ. 
ಆರ್ಯಂ ಮ್ಹಣಚೆ ಕಾವ್ಯನಾಮಾಂತು ಖ್ಯಾತ ಜಾಲೇಲೆ ಶ್ರೀ ರಾಮಚಂದ್ರ ಎಂ. ಶೇಟ್ ಶಿರಸಿ ಹಾಂಗೇಲೆ ದೈವಜ್ಞ ಬ್ರಾಹ್ಮಣ ಇತಿಹಾಸ ಮ್ಹಣಚೆ ಗ್ರಂಥ ಉಕ್ತಾವಣ ಆಲ್ತಾಂತು ದೈವಜ್ಞ ಮಠ ಸ್ಥಾಪನೇಚೆ ರಜತ ಮಹೋತ್ಸವ ಸಂದರ್ಭಾರಿ ದೈವಜ್ಞ ಪೀಠಾಧಿಪತಿ ಪ|ಪೂ| ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತಿ ಮಹಾಸ್ವಾಮ್ಯಾನಿ ಕೆಲ್ಲೆ. ಹಾಂತು ಶ್ರೀ ಶೇಟ್ ಮಾಮ್ಮಾನಿ ದೈವಜ್ಞ ಸಮಾಜಾಚೆ ಇತಿಹಾಸಾ ವಯರಿ ಹುಜ್ವಾಡು ಘಾಲಚೆ ತಸ್ಸಾಲೆ ಸಬಾರ ಅಪರೂಪಾಚೆ ವಿಷಯ ಸಂಗ್ರಹ ಕೆಲ್ಯಾ. 
ಭಜನ ಕುಸುಮಾಂಜಲಿ ಅನಾವರಣ