ಶ್ರೀ ಲಕ್ಷ್ಮೀನರಸಿಂಹ ಭಜನಾ ಮಂದಿರ, ನಿಡ್ಡೋಡಿ
ಗೌಡ ಸಾರಸ್ವತ ಸಮಾಜ ಗೋಂಯಾಂತು ಚಾಂಗ ಸ್ಥಿತಿಂತು ಆಶ್ಶಿಲ ತೆದ್ದನಾ, ಪೋರ್ಚುಗೀಸ ಲೋಕಾಲೆ ಬಲತ್ಕಾರ, ದೌರ್ಜನ್ಯಾನ ಬೇಜಾರ್‍ನು ಸ್ವಧರ್ಮಾಚರಣೆ ಮುಖಾರಿ ವ್ಹರಲೀಲೆ ಸರ್ವ ಗೌಣ ಮ್ಹೊಣು ಸಮಜೂನು ಆಪಣಾಂಗೆಲೆ ಸ್ಥಿರ, ಚರಾಸ್ತಿ ಪೂರಾ ತ್ಯಾಗ ಕೋರ್ನು, ಆಪಣಾನ ನಂಬ್ಗಿಲೆ ಕುಲದೇವಾಕ, ಆವಯಿ ಭಾಷೆಕ ಘೇವ್ನು ಕರಾವಳಿ ಕರ್ನಾಟಕಾಂತು ಯವ್ನು ರಾಬ್ಲಿಂತಿ. ತಾಂತುಲೆ ಏಕ ತಂಡ ಕಲ್ಲಮುಂಡ್ಕೂರು ಗಾಂವಾಕ ಯವ್ನು ರಾಬ್ಬುನು ೧೮ ಪೀಳಿಗಾ ಸರಲಿಂತಿ. ತಾಂಗೆಲೆ ನಿತ್ಯಾಹ್ನಿಕ ಬರಶಿ ಕೃಷಿ, ವಾಣಿಜ್ಯ ಕೋರ್ನು, ರಾತ್ತಿಕ ದೇವಾ ಮುಖಾರಿ ದೀವಲಿ ಲಾವ್ನು ಘೇವ್ನು ಭಜನ ಕೊರ್‍ಚೆ, ಚಾರ ಲೋಕಾನಿ ಮೆಳ್ಳಿಲ ಕಡೇನ ಕಾರ್ತಿಕ ಮ್ಹಹಿನ್ಯಾಂತು ಭಜನಾ ಮಂಗಲೋತ್ಸವು ಕೋರ್ನು, ಸೊಯರೆ, ಬಂಧು-ಮಿತ್ರ ಬರಶಿ ಮೇಳ್ನು ಸಂಭ್ರಮ ಪಾವ್ಚೆ ಕರ್ತಾ ಆಯ್ಲಿಂತಿ. ಹಾಕ್ಕಾತ್ತ ೨ ಶತಾಬ್ಧಿಚೆ ಇತಿಹಾಸ ಆಸ್ಸ.
೧೯೫೯ ಇಸ್ವೆಂತು ಭಜನಾ ಮಂಗಲೋತ್ಸವ ವೇಳ್ಯಾರಿ ದೇವರಾಯ ಕಾಮತ್ತಾಂಗೆಲೆ ಅಧ್ಯಕ್ಷತೇರಿ, ವಾಮನ ಎನ್. ಪ್ರಭು ಕಾರ್ಯದರ್ಶಿ ಜಾವ್ನು, ವಾಸುದೇವ ಕುಡ್ವ ಜೊತೆ ಕಾರ್ಯದರ್ಶಿ, ದಾಮೋದರ ಎನ್. ಭಟ್ ಖಜಾಂಚಿ ಜಾವ್ನು ಮೂಲ್ಕಿ ಭಾಸ್ಕರ ಎಸ್. ಭಟ್ ಮಾಮ್ಮಾಲೆ ಪೌರೋಹಿತ್ಯಾಂತು ಹಾಂಗೇಕ ಮಂದಿರ ನಿರ್ಮಾಣ ಕೋರ್‍ಕಾ ಮ್ಹೊಣು ಸಂಕಲ್ಪ ಕೆಲ್ಲಿ. ಶ್ರೀ ಕಾಶೀಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ರಾಯಸ ಘೇವ್ನು ವಾಮನ ದೇವಪ್ಪ ಕಾಮತ್ತಾನಿ ದಾನ ಜಾವ್ನು ದಿಲೀಲೆ ಜಾಗೆಂತು ಭವ್ಯ ಮಂದಿರ ನಿರ್ಮಾಣ ಜಾಲ್ಲೆ. ತಿನ್ನೀ ಮಠಾಚೆ ಸ್ವಾಮ್ಯಾ ದಾಕೂನು ಪ್ರತಿಷ್ಠಾಪನಾಂಯಿ ಜಾಲ್ಲೆ. ತೆದ್ದೋಳಥಾಂಯಿ ಶ್ರೀ ಪಾಂಡುರಂಗ ವಿಠಲ ಭಜನಾ ಮಂಡಳ ಮ್ಹೊಣು ಆಶ್ಶಿಲೆ ಶ್ರೀ ಲಕ್ಷ್ಮೀನರಸಿಂಹ ಭಜನಾ ಮಂಡಳಿ ಮ್ಹೊಣು ಪರತ ನಾಮಕರಣ ಕೆಲ್ಲೆ. ಥಂಯಚಾನ ಪ||ಪೂ|| ಸ್ವಾಮ್ಯಾಂಗೆಲೆ ಆದೇಶಾ ಪ್ರಮಾಣೆ ಪ್ರತಿ ಶನ್ವಾರು ಚುಕನಾಶಿ ದಾ ಲೋಕ ಮೇಳ್ನು ಭಜನ ಮ್ಹಣ್ತಾ ಆಯ್ಲಿಂತಿ. ಕಾರ್ತಿಕ ಬಹುಳ ಪಾಡ್ಯ ದಿವಸು ಪ್ರತಿಷ್ಠಾ ವರ್ಧಂತಿ, ಸತ್ಯನಾರಾಯಣ ಪೂಜಾ, ಸಂತರ್ಪಣ, ರಾತ್ತಿಕ ನಗರ ಭಜನಾ ಬಾಯ್ರಸೋರ್ನು ೧೨ಚೆ ದಿವಸಾಕ ಧೋಂಪಾರಾ ಸಮಾರಾಧನ ಕೊರಚೆ ಸುರುವಾತ ಕೆಲ್ಲೆ. ನೃಸಿಂಹ ಜಯಂತಿ ಯವ್ಚೆ ವೈಶಾಖ ಶುಕ್ಲ ‘೧೪ ಕ ಸೂರ್ಯ ಬುಡ್ಡಿಲ ದಾಕೂನು ಪರತ ತಾಣೆ ಉದ್ದೇಚ ಪರ್ಯಂತ ಅಹೋರಾತ್ರಿ ಭಜನ ಕರತಾತಿ. ಸುತ್ತಾಫುನ್ನವ, ಶ್ರೀ ಕೃಷ್ಣ ಜನ್ಮಾಷ್ಟಮಿ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಆಚರಣ ಕರತಾತಿ. ನವರಾತ್ರಿಂತು ಮಹಿಳಾ ಮಂಡಳಿ ತರಪೇನ ೯ ದಿವಸು ದುರ್ಗಾ ಪೂಜಾ ಶೃದ್ಧಾಭಕ್ತಿನ ಮಸ್ತ ವಿಜೃಂಭಣೇರಿ ಆಚರಣ ಕರತಾತಿ. ಮೂಂಜಿ, ವ್ಹರಡೀಕ ಇತ್ಯಾದಿ ಧಾರ್ಮಿಕ ಕಾರ್ಯ ಘಡೋವಚಾಕ ಮಂದಿರಾಂತು ಅವಕಾಶ ದಿತ್ತಾತಿ. ವಿಶೇಷ ವೇಳ್ಯಾರಿ ಕೀರ್ತನ, ಯಕ್ಷಗಾನ, ಸಂಗೀತ ಕಾರ್ಯಕ್ರಮ, ಪುರಾಣ ಪ್ರವಚನ ಘಡೋನು ಘೆತಾ ಆಯ್ಲಿಂತಿ.
ಮಹಾರಾಷ್ಟ್ರಾಚೆ ನಳಕೋಪರಾಂತು ‘ಭಜನೆ ಮಾಮ ಮ್ಹೊಣು ಪ್ರಖ್ಯಾತ ಜಾಲೀಲೆ ಶ್ರೀ ಜಗನ್ನಾಥ ಶೆಣೈ ಹಾನ್ನಿ ಸೊಯರ್‍ಯಾಲೆ ಘರ್‍ಕಡೆ ಆಯ್ಯಿಲ ತೆದ್ದನಾ ಕಲ್ಲಮಂಡ್ಕೂರಾಚೆ ಹೇ ಮಂದಿರಾಕ ಭೆಟ್ಟೂನು ೨ ಮ್ಹಹಿನೋ ಹಾಂಗಾಚೆ ಬಾಂಧವಾ ಒಟ್ಟು ದೂದ-ಸಾಕ್ರೆ ವರಿ ಮೇಳ್ನು ಮರಾಠಿ ಅಭಂಗ ಮ್ಹಣಚೆ ನಮೂನೊ, ರಾಗ, ಲಯ, ಅರ್ಥು ಇತ್ಯಾದಿ ಪೂರ್ತಿ ಶಿಕೋನು ಜಿಲ್ಲ್ಯಾಚೆ ಪ್ರಮುಖ ಭಜನಾ ಮಂದಿರಾಚೆ ಸಾಲಾಂತು ನಿಡ್ಡೋಡಿಚೆ ಹೇ ಮಂದಿರ ಮೆಳ್ಚ ತಶ್ಶಿ ಕೋರ್ನು ಕೃತಕೃತ್ಯ ಜಾಲ್ಲಿಂತಿ. ತಾನ್ನಿ ಶಿವಲೀಲಾಮೃತ ಆನಿ ಶ್ರೀನಿವಾಸ ಕಲ್ಯಾಣ ಸಪ್ತ ರೂಪಾರಿ ಚಲೋವ್ನು ದೀವ್ನು ಮಂದಿರಾಕ ದೈವೀ ಕಳಾ ಯವ್ಚೆವರಿ ಕೆಲ್ಲಿ.
ಶ್ರೀ ಲಕ್ಷ್ಮೀ ನರಸಿಂಹ ಭಜನಾ ಮಂದಿರಾಚೆ ರಜತ ಮಹೋತ್ಸವು ತಾ. ೬-೧೧-೧೯೮೭ ದಾಕೂನು ೧೮-೧೧-೧೯೮೭ ಪರ್ಯಂತ ಶ್ರೀ ಕಾಶೀ ಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥತೀರಿ ಸಂಪನ್ನ ಜಾಲೀಲೆ ಆಸ್ಸ. ಪ್ರತಿ ವರ್ಷ ೩೨ ಭಜನಾ ಮಂಡಳಿ ಹಾಂಗಾಚೆ ಭಜನಾ ಸಪ್ತಾಂತು ವಾಂಟೊ ಘೆತ್ತಾ ಆಶ್ಶಿಲ ವರಿ ಹಾನ್ನಿಯಿ ತಿತ್ಲೆ ಕಡೇನ ವಚ್ಚುನು ವಾಂಟೋ ದೀವ್ನು ಎತ್ತಾತಿ.
ಶ್ರೀ ಲಕ್ಷ್ಮೀನರಸಿಂಹ ಭಜನಾ ಮಂದಿರಾಚೆ ‘ಸುವರ್ಣ ಮಹೋತ್ಸವು ೨೯-೧೧-೧೨ ದಾಕೂನು ೧೧-೧೨-೧೨ ಪರ್ಯಂತ ವಿಜೃಂಭಣೇರಿ ಚಲ್ಲೆ. ಹೇ ಭಜನಾ ಮಂಡಳಿ ಸದಸ್ಯ ಮೂಲ್ಕಿ, ಮೂಡುಬಿದರೆ, ಉಪ್ಪಿನಂಗಡಿ, ಗುರುವಾಯನಕೆರೆ, ಬೆಂಗಳೂರು, ವಸಾಯ ಇತ್ಯಾದಿ ಕಡೇನ ಆಸ್ಸುಚೆ ಭಜನಾ ಮಂಡಳಿಂತು ಸಕ್ರೀಯ ಜಾವ್ನು ವಾಂಟೊ ಘೆತ್ತಾ ಆಸ್ಸುಚೆ ಅಭಿಮಾನಾಚೆ ವಿಷಯು. ಇಂಡೋನೇಷಿಯಾ, ಆಸ್ಟ್ರೇಲಿಯಾ, ಅಮೇರಿಕಾಂತು ಸೈತ ಹಾಂಗಾಚೆ ಭಜನಾ ಮಂಡಳಿ ಸದಸ್ಯ ವಚ್ಚುನು ಭಜನಾ ಕಾರ್ಯಕ್ರಮ ಚಲೋನು ದಿತ್ತಾ ಆಸ್ಸತಿ. ಮುಖಾವೈಲೆ ದಿವಸಾಂತು ನಿಡ್ಡೋಡಿಚೆ ಶ್ರೀ ಲಕ್ಷ್ಮೀ ನರಸಿಂಹ ಭಜನಾ ಮಂಡಳಿ ಆನ್ನಿಕೆ ಅಭಿವೃದ್ಧಿ, ನಾಂವ ಪಾವ್ನು ಸಮಾಜ ಬಾಂಧವಾಂಕ ಆಧ್ಯಾತ್ಮಿಕ ಗೋಡಿ ವಾಂಟೂವೊ ಮ್ಹೊಣು ಆಶಯ ಕರ್ತಾ, ತಾಂಕಾ ದೇವು ಬರೆಂ ಕೊರೊ ಮ್ಹಣ್ತಾ. ***
೧೯೫೯ ಇಸ್ವೆಂತು ಭಜನಾ ಮಂಗಲೋತ್ಸವ ವೇಳ್ಯಾರಿ ದೇವರಾಯ ಕಾಮತ್ತಾಂಗೆಲೆ ಅಧ್ಯಕ್ಷತೇರಿ, ವಾಮನ ಎನ್. ಪ್ರಭು ಕಾರ್ಯದರ್ಶಿ ಜಾವ್ನು, ವಾಸುದೇವ ಕುಡ್ವ ಜೊತೆ ಕಾರ್ಯದರ್ಶಿ, ದಾಮೋದರ ಎನ್. ಭಟ್ ಖಜಾಂಚಿ ಜಾವ್ನು ಮೂಲ್ಕಿ ಭಾಸ್ಕರ ಎಸ್. ಭಟ್ ಮಾಮ್ಮಾಲೆ ಪೌರೋಹಿತ್ಯಾಂತು ಹಾಂಗೇಕ ಮಂದಿರ ನಿರ್ಮಾಣ ಕೋರ್‍ಕಾ ಮ್ಹೊಣು ಸಂಕಲ್ಪ ಕೆಲ್ಲಿ. ಶ್ರೀ ಕಾಶೀಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ರಾಯಸ ಘೇವ್ನು ವಾಮನ ದೇವಪ್ಪ ಕಾಮತ್ತಾನಿ ದಾನ ಜಾವ್ನು ದಿಲೀಲೆ ಜಾಗೆಂತು ಭವ್ಯ ಮಂದಿರ ನಿರ್ಮಾಣ ಜಾಲ್ಲೆ. ತಿನ್ನೀ ಮಠಾಚೆ ಸ್ವಾಮ್ಯಾ ದಾಕೂನು ಪ್ರತಿಷ್ಠಾಪನಾಂಯಿ ಜಾಲ್ಲೆ. ತೆದ್ದೋಳಥಾಂಯಿ ಶ್ರೀ ಪಾಂಡುರಂಗ ವಿಠಲ ಭಜನಾ ಮಂಡಳ ಮ್ಹೊಣು ಆಶ್ಶಿಲೆ ಶ್ರೀ ಲಕ್ಷ್ಮೀನರಸಿಂಹ ಭಜನಾ ಮಂಡಳಿ ಮ್ಹೊಣು ಪರತ ನಾಮಕರಣ ಕೆಲ್ಲೆ. ಥಂಯಚಾನ ಪ||ಪೂ|| ಸ್ವಾಮ್ಯಾಂಗೆಲೆ ಆದೇಶಾ ಪ್ರಮಾಣೆ ಪ್ರತಿ ಶನ್ವಾರು ಚುಕನಾಶಿ ದಾ ಲೋಕ ಮೇಳ್ನು ಭಜನ ಮ್ಹಣ್ತಾ ಆಯ್ಲಿಂತಿ. ಕಾರ್ತಿಕ ಬಹುಳ ಪಾಡ್ಯ ದಿವಸು ಪ್ರತಿಷ್ಠಾ ವರ್ಧಂತಿ, ಸತ್ಯನಾರಾಯಣ ಪೂಜಾ, ಸಂತರ್ಪಣ, ರಾತ್ತಿಕ ನಗರ ಭಜನಾ ಬಾಯ್ರಸೋರ್ನು ೧೨ಚೆ ದಿವಸಾಕ ಧೋಂಪಾರಾ ಸಮಾರಾಧನ ಕೊರಚೆ ಸುರುವಾತ ಕೆಲ್ಲೆ. ನೃಸಿಂಹ ಜಯಂತಿ ಯವ್ಚೆ ವೈಶಾಖ ಶುಕ್ಲ ‘೧೪ ಕ ಸೂರ್ಯ ಬುಡ್ಡಿಲ ದಾಕೂನು ಪರತ ತಾಣೆ ಉದ್ದೇಚ ಪರ್ಯಂತ ಅಹೋರಾತ್ರಿ ಭಜನ ಕರತಾತಿ. ಸುತ್ತಾಫುನ್ನವ, ಶ್ರೀ ಕೃಷ್ಣ ಜನ್ಮಾಷ್ಟಮಿ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಆಚರಣ ಕರತಾತಿ. ನವರಾತ್ರಿಂತು ಮಹಿಳಾ ಮಂಡಳಿ ತರಪೇನ ೯ ದಿವಸು ದುರ್ಗಾ ಪೂಜಾ ಶೃದ್ಧಾಭಕ್ತಿನ ಮಸ್ತ ವಿಜೃಂಭಣೇರಿ ಆಚರಣ ಕರತಾತಿ. ಮೂಂಜಿ, ವ್ಹರಡೀಕ ಇತ್ಯಾದಿ ಧಾರ್ಮಿಕ ಕಾರ್ಯ ಘಡೋವಚಾಕ ಮಂದಿರಾಂತು ಅವಕಾಶ ದಿತ್ತಾತಿ. ವಿಶೇಷ ವೇಳ್ಯಾರಿ ಕೀರ್ತನ, ಯಕ್ಷಗಾನ, ಸಂಗೀತ ಕಾರ್ಯಕ್ರಮ, ಪುರಾಣ ಪ್ರವಚನ ಘಡೋನು ಘೆತಾ ಆಯ್ಲಿಂತಿ.
ಮಹಾರಾಷ್ಟ್ರಾಚೆ ನಳಕೋಪರಾಂತು ‘ಭಜನೆ ಮಾಮ ಮ್ಹೊಣು ಪ್ರಖ್ಯಾತ ಜಾಲೀಲೆ ಶ್ರೀ ಜಗನ್ನಾಥ ಶೆಣೈ ಹಾನ್ನಿ ಸೊಯರ್‍ಯಾಲೆ ಘರ್‍ಕಡೆ ಆಯ್ಯಿಲ ತೆದ್ದನಾ ಕಲ್ಲಮಂಡ್ಕೂರಾಚೆ ಹೇ ಮಂದಿರಾಕ ಭೆಟ್ಟೂನು ೨ ಮ್ಹಹಿನೋ ಹಾಂಗಾಚೆ ಬಾಂಧವಾ ಒಟ್ಟು ದೂದ-ಸಾಕ್ರೆ ವರಿ ಮೇಳ್ನು ಮರಾಠಿ ಅಭಂಗ ಮ್ಹಣಚೆ ನಮೂನೊ, ರಾಗ, ಲಯ, ಅರ್ಥು ಇತ್ಯಾದಿ ಪೂರ್ತಿ ಶಿಕೋನು ಜಿಲ್ಲ್ಯಾಚೆ ಪ್ರಮುಖ ಭಜನಾ ಮಂದಿರಾಚೆ ಸಾಲಾಂತು ನಿಡ್ಡೋಡಿಚೆ ಹೇ ಮಂದಿರ ಮೆಳ್ಚ ತಶ್ಶಿ ಕೋರ್ನು ಕೃತಕೃತ್ಯ ಜಾಲ್ಲಿಂತಿ. ತಾನ್ನಿ ಶಿವಲೀಲಾಮೃತ ಆನಿ ಶ್ರೀನಿವಾಸ ಕಲ್ಯಾಣ ಸಪ್ತ ರೂಪಾರಿ ಚಲೋವ್ನು ದೀವ್ನು ಮಂದಿರಾಕ ದೈವೀ ಕಳಾ ಯವ್ಚೆವರಿ ಕೆಲ್ಲಿ.
ಶ್ರೀ ಲಕ್ಷ್ಮೀ ನರಸಿಂಹ ಭಜನಾ ಮಂದಿರಾಚೆ ರಜತ ಮಹೋತ್ಸವು ತಾ. ೬-೧೧-೧೯೮೭ ದಾಕೂನು ೧೮-೧೧-೧೯೮೭ ಪರ್ಯಂತ ಶ್ರೀ ಕಾಶೀ ಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥತೀರಿ ಸಂಪನ್ನ ಜಾಲೀಲೆ ಆಸ್ಸ. ಪ್ರತಿ ವರ್ಷ ೩೨ ಭಜನಾ ಮಂಡಳಿ ಹಾಂಗಾಚೆ ಭಜನಾ ಸಪ್ತಾಂತು ವಾಂಟೊ ಘೆತ್ತಾ ಆಶ್ಶಿಲ ವರಿ ಹಾನ್ನಿಯಿ ತಿತ್ಲೆ ಕಡೇನ ವಚ್ಚುನು ವಾಂಟೋ ದೀವ್ನು ಎತ್ತಾತಿ.
ಶ್ರೀ ಲಕ್ಷ್ಮೀನರಸಿಂಹ ಭಜನಾ ಮಂದಿರಾಚೆ ‘ಸುವರ್ಣ ಮಹೋತ್ಸವು ೨೯-೧೧-೧೨ ದಾಕೂನು ೧೧-೧೨-೧೨ ಪರ್ಯಂತ ವಿಜೃಂಭಣೇರಿ ಚಲ್ಲೆ. ಹೇ ಭಜನಾ ಮಂಡಳಿ ಸದಸ್ಯ ಮೂಲ್ಕಿ, ಮೂಡುಬಿದರೆ, ಉಪ್ಪಿನಂಗಡಿ, ಗುರುವಾಯನಕೆರೆ, ಬೆಂಗಳೂರು, ವಸಾಯ ಇತ್ಯಾದಿ ಕಡೇನ ಆಸ್ಸುಚೆ ಭಜನಾ ಮಂಡಳಿಂತು ಸಕ್ರೀಯ ಜಾವ್ನು ವಾಂಟೊ ಘೆತ್ತಾ ಆಸ್ಸುಚೆ ಅಭಿಮಾನಾಚೆ ವಿಷಯು. ಇಂಡೋನೇಷಿಯಾ, ಆಸ್ಟ್ರೇಲಿಯಾ, ಅಮೇರಿಕಾಂತು ಸೈತ ಹಾಂಗಾಚೆ ಭಜನಾ ಮಂಡಳಿ ಸದಸ್ಯ ವಚ್ಚುನು ಭಜನಾ ಕಾರ್ಯಕ್ರಮ ಚಲೋನು ದಿತ್ತಾ ಆಸ್ಸತಿ. ಮುಖಾವೈಲೆ ದಿವಸಾಂತು ನಿಡ್ಡೋಡಿಚೆ ಶ್ರೀ ಲಕ್ಷ್ಮೀ ನರಸಿಂಹ ಭಜನಾ ಮಂಡಳಿ ಆನ್ನಿಕೆ ಅಭಿವೃದ್ಧಿ, ನಾಂವ ಪಾವ್ನು ಸಮಾಜ ಬಾಂಧವಾಂಕ ಆಧ್ಯಾತ್ಮಿಕ ಗೋಡಿ ವಾಂಟೂವೊ ಮ್ಹೊಣು ಆಶಯ ಕರ್ತಾ, ತಾಂಕಾ ದೇವು ಬರೆಂ ಕೊರೊ ಮ್ಹಣ್ತಾ. ***
- ಮಂಜೇಶ್ವರಾಂತು ನಾಗಮಂಡಲೋತ್ಸವ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ