‘ಸ್ಕೀಜೋಫ್ರೀನಿಯಾ

‘ಸ್ಕೀಜೋಫ್ರೀನಿಯಾ ಮ್ಹಳ್ಳೆರಿ ಫೂಟ್ಟಿಲೆ ಮನ. ಗ್ಲಾಸ ಫೂಟಿಲೆ ವಾರಿಚಿ, ತಾಂತು ಅನೇಕ ಪ್ರತಿಬಿಂಬ ದಿಸ್ತಾಚಿ. ಮನ ಛಿದ್ರ ಜಾತ್ತಾ, ಮನಾಚೆ ಕ್ರಿಯೆಕ ಏಕ್ಕಾಕ ಏಕ ಸಂಬಂಧ ಉರ್ನಾ. ಹೇ ಪೂರಾ ಸ್ಟಡಿ ಕೋರ್ನು ಹೇ ರೋಗಾಕ “ಸ್ಕಿಜೋಫ್ರಿನಿಯಾ ಮ್ಹೊಣು ಯೂಗೆನ್ ಬ್ಯಾಯ್ಲರೆ(೧೯೧೧) ನ ನಾಂವ ದವರ್‍ಲೆ. ಸ್ಕಿಜೋಫ್ರೀನಿಯಾ ಜಾಂವೊ ಇಚ್ಚಿತ್ತ ವಿಕಲತಾ ತೀವ್ರ ಜಾವ್ನು ಹಾತು ಮೀರೂನು ಘೆಲೇಲ ತೆದ್ದನಾ ಹೋ ಮಾನಸಿಕ ಕಾಯ್ಲೊ ಮ್ಹಣೊವ್ನು ಘೆತ್ತಾ. ಹೊ ರೋಗು ಆಯ್ಯಿಲ ತೆದ್ನಾ ಮನಾಚೆ ತೀನ ಉನ್ನತ ಕ್ರಿಯಾ ಜಾಲ್ಲ ತಸ್ಸಾಲೆ ಆಲೋಚನಾ, ಭಾವನಾ ಆನಿ ನಿರ್ಧಾರು ಘೆವ್ಚೆ ಶಕ್ತಿ ಅಸಮರ್ಪಕ ಜಾತ್ತಾ. ಆನಿ ಇಂದ್ರಯಾಚಾನ ಜಾವ್ಚೆ ಸಂವೇದನಾ ಆಡತೀಡ್ ಜಾತ್ತಾ. ಹೇ ಕ್ರಿಯಾ ಮಧ್ಯೆ ಉರಕಾ ಆಶ್ಶಿಲೆ ಹೊಂದಾಣಿಕಾ ನಾ ಜಾತ್ತಾ. ಚಾಲ-ಚಮ್ಕಣಿ, ಉತ್ರಾಂತು ಫರಕ ದಿಸಚಾಕ ಲಾಗ್ತಾ. ಅಸಂಬದ್ದತಾ ಜಾಂವೊ ತದ್ವಿರುದ್ಧ  ಆಲೋಚನೇನ, ಭಾವನೇನ ಮನುಷ್ಯು ಗೊಂದಳಾಂತು ಪಡತಾ. ತೊಂ ಏಕದಂ ನಿಷ್ಕ್ರೀಯ ಜಾವಚಾಕ ಪುರೊ, ನಾಂವೆ ಪಿಸ್ಸೊಸೊ ವರ್ತನ ದಾಕೈಚಾಕ ಪುರೊ.
ಉದಾಹರಣೆಕ ‘ಆಲೋಚನಾ ಘೆತಲ್ಯಾರಿ ಆರೋಗ್ಯವಂತ ಮನುಷ್ಯು ತಾಗೆಲೆ ವಿಚಾರಶಕ್ತಿಚೆ ಚೌಕಟ್ಟಾಂತು ಖಂಚೇ ವಿಷಯಾ ಬದ್ದಲ್ ಅರ್ಥಪೂರ್ಣ ಜಾವ್ನು, ತರ್ಕಬದ್ಧ ಜಾವ್ನು, ನಿಶ್ಚಿತ ಗುರಿ ದವರೂನು ಘೇವ್ನು ಆಲೋಚನಾ ಕರತಾ. ಆನಿ ಆಯ್ಯಿಲೆ ಸಮಸ್ಯಾ ಪರಿಹಾರ ಕೋರ್ನು ಘೆತ್ತಾ. ಜಾಲ್ಯಾರಿ ‘ಸ್ಕೀಜೋಫ್ರಿನಿಯಾ ಕಾಯ್ಲೊ ಆಶ್ಶಿಲ್ಯಾಕ ಹೇ ಸಾಧ್ಯನಾ. ತಾಗೇಲೆ ಆಲೋಚನಾ ಸರಣಿ ತುಕ್ಡಿ-ತುಕ್ಡಿ ಜಾವಚಾಕ ಪುರೊ. ಏಕ ವಿಷಯ ಘೇವ್ನು ಉಲ್ಲೋವಚಾಕ ಲಾಗ್ಗಿಲೊ, ಆನಿ ಖಂಚಕಿ  ವಿಷಯಾ ವಯ್ರಿ ಉಲ್ಲೋಚಾಕ ಲಾಗತಲೊ. ತಶ್ಶಿ ಜಾವ್ನು ಆಯ್ಕತಲ್ಯಾಂಕ ಅರ್ಥು ಜಾಯನಾಶಿ ಅಸಂಬದ್ಧಶಿ ದಿಸಚೆ ಫಾವ ಆಸ್ತಾ. ಕಡಕಡೇರಿ ತೊಂ ಏಕ ವಾಕ್ಯಭೀ ಸಮ ಉಲ್ಲೆಯನಾ.
ದುಸ್ರೆಚೆ ‘ಭಾವನೆ ಬದ್ದಲ ಸಾಂಕಾ ಮ್ಹಳ್ಳೆರಿ ಆರೋಗ್ಯವಂತ ಮನುಷ್ಯು ಸುಖ-ದುಃಖ, ಸಂತೋಷ, ಪ್ರೀತಿ, ಪ್ರೇಮು, ದ್ವೇಶು, ಮರ್ಯಾದ, ವೆಂಗ್ಯ, ಸಹನಾ, ತಾಳ್ಮೆ ಇತ್ಯಾದಿ ಭಾವನಾ ಮನುಷ್ಯಾಕ ಸಹಜ ಜಾವ್ನು ಉರತಾತಿ. ಸನ್ನಿವೇಶಾಕ ತಕ್ಕ ಕಿತ್ಲೆ ಜಾವ್ಕಾಕಿ, ತಿತ್ಲೆ ಭಾವನಾ ತೋ ವ್ಯಕ್ತ ಕರತಾ. ಉದಾರಣೆಕ ಏಕ ರೂಪಯ ಪೋರ ಘೆಲೇಲ್ಯಾಕ ತಾಣೆ ದಾಕೈಚೆ ಬೇಜಾರಾಕ ಆನಿ ಶಂಬರಿ ರೂಪಯ ಪೋರ ಘೆಲೇಲ ತೆದ್ನಾ ದಾಖೈಚೆ ಬೇಜಾರಾಕ ಫರಕ ಆಸ್ತಾ. ತ್ಯಾಂಚಿ ‘ಸ್ಕೀಜೋಫ್ರಿನಿಯಾ ರೋಗಿ ಖಂಚೇ ಭಾವನಾ ದಾಖೈನಾಶಿ ಗಪ್ ಉರತಾ. ತಾಕ್ಕಾ ಸುಖ-ದುಃಖ ಇತ್ಯಾದಿ ಖಂಚೇ ಫಿಲಿಂಗ್ ಉರ್ನಾ. ತೊಂ ಸಂತೋಷ ಜಾಲೀಲೆ ವೇಳ್ಯಾರಿ ದುಃಖ ವ್ಯಕ್ತ ಕೊರಚಾಕ ಪುರೊ, ಆನಿ ದುಃಖ ಜಾಲೀಲೆ ವೇಳ್ಯಾರಿ ಸಂತೋಷ ವ್ಯಕ್ತ ಕೊರಚಾಕ ಪುರೊ. ನಾ ರಾಗ ದಾಖೈಚಾಕ ಪುರೊ. ತಾಗೇಲೆ ಭಾವನೆ ವಯ್ರಿ ತಾಕ್ಕಾ ನಿಯಂತ್ರಣ ಉರ್ನಾ.
ಆನಿ ‘ನಿರ್ಧಾರ ಬದಲ ಸಾಂಕಾ ಮ್ಹಳಯಾರಿ ಸಮಸ್ಯಾ ಆಯ್ಯಿಲ ತೆದ್ದನಾ ನಿರೋಗಿ ಅನೇಕ ನಮೂನೇರಿ ಆಲೋಚನ ಕೋರ್ನು ಯೋಗ್ಯ ತೀರ್ಮಾನ ಘೇವ್ನು ಸಮಸ್ಯಾ ಪರಿಹಾರ ಕೋರ್ನು ಘೆತ್ತಾ. ಆಮಗೇಲೆ ಯೋಗ್ಯತೆ ತಕ್ಕ ಕಾಮ ವಿಂಚೂನು ದೋನ ದೋನ ಪಟಿ ಆಲೋಚನ ಕೋರ್ನು ಚಾಂಗ ತೀರ್ಮಾನ ಕೋರ್ನು, ಕಾಮ ಕರತಾ. ‘ಸ್ಕೀಜೋಫ್ರಿನಿಯಾರೋಗಿಕ ಹೇ ಸಾಮರ್ಥ್ಯ ಉರನಾ. ಕಡಕಡೇರಿ ಸಹಜ ಆಶ್ಶಿಲೆ ಕಾಮ ಕರಚಾಕ ವರಿ ತೀರ್ಮಾನ ಘೆವಚಾಕ ಜಾಯನಾಶಿ ಶಕ್ತಿಹೀನ ಜಾತ್ತಾ. ತಾಗೇಲೆ ಆಂಗಾಕ ಉಜ್ಜೊ ಲಾಗ್ಲೆತರಿ ವಾಡವೂನು ಘೆವಚಾಕ ಜಾಯನಾಶಿಲೆ ಪರಿಸ್ಥಿತಿಕ ತೊ ಪಾವತಾ. ಸಂವೇದನಾ ಬದ್ದಲ್ ಸಾಂಕಾ ಮ್ಹಳಯಾರಿ ಆಮ್ಗೆಲೆ ಪಂಚೇಂದ್ರಿಯಾನ ಆಮ್ಮಿ ರೂಚಿ,ವಾಸು, ಗುಣ  ಅರ್ಥು ಕೋರ್ನು ಘೆವಚಾಕ ಶಕ್ತಾತಿ, ತ್ಯಾಂಚಿ ‘ಸ್ಕೀಜೋಫ್ರಿನಿಯಾ ರೋಗು ಆಶ್ಶಿಲೆ ಹಾಂತು ಅಯಶಸ್ವಿ ಜಾತ್ತಾತಿ. ಗೊಡಶೆ ಖಾವ್ನು ಕೋಡು ಮ್ಹಣಚಾಕ ಪುರೊ, ದೋರಿ ಪಳೋವ್ನು ದಿವೋಡು ಮ್ಹಣಚಾಕ ಪುರೊ. ಚಿತ್ತಭ್ರಮೆನ ತೊಂ ತ್ರಾಸ ಭೊಗ್ತಾ. ಹೇ ವಿಚಿತ್ರ ಭ್ರಮೆನ ಕೋಣೆ ಕಸಲೆ ಉಲ್ಲಯಲ್ಯಾರಿಚಿ ತೊ ಆಪಣಾ ಬದ್ದಲ ಮ್ಹಣತಾತಿ ಮ್ಹೊಣು ಲೆಕ್ತಾಲೊ. ಆನಿ ದುಸ್ತ್ಯಾಂಕ ಹಿಂಸಾ ಕೊರಚಾಕ ಸೈತ ಮುಖಾರ್‍ತಾ. ‘ಸ್ಕೀಜೋಫ್ರಿನಿಯಾ ರೋಗಿಲೆ ಆಚಾರ-ವಿಚಾರು ಫರಕ ಜಾವ್ನು, ಆಹಾರ ಘೆವ್ಚೆ, ನೀದ ಕಾಡ್ಚೆ ಜಾಸ್ತಿ ಕಮ್ಮಿ ಜಾವ್ನು ತೊ ಬಾಗತಲೊ. ಮಸ್ತ ಸಂಗಟ ಪಾವ್ನು ನಿರ್ಜೀವ ಜಾತ್ತಾ ವೊಚ್ಚುನು, ಮರಣಾಕ ಸೈತ ಪಾವತಾಲೊ.
ಹೇ ರೋಗಾಕ ಕಾರಣ ರೋಗ ಲಕ್ಷಣಾನ ಗುರ್‍ತ ಕೊರ್‍ಕಾ  ವಿನಃ ರಕ್ತ, ಮಲ, ಮೂತ್ರ, ಮಸ್ತಿಷ್ಕಾ ಕ್ಷಕಿರಣಾನ ಖಂಚೇ ನಮೂನ್ಯಾನ ರೋಗ ನಿರ್ಣಯ ಕೊರಚಾಕ ಜಾಯ್ನಾ. ರೋಗು ಕಶ್ಶಿ ಎತ್ತಾ? ರೋಗ ಲಕ್ಷಣ ಕಶ್ಶಿ ಉತ್ಪನ್ನ ಜಾತ್ತಾ ಮ್ಹಳ್ಳಿಲೆಂ ಆಜಿಥಾಂಯಿ ಶೋಧ ಜಾಲೇಲೆ ನಾ.
ವಂಶ ಪಾರಂಪರ್‍ಯ ಜಾವ್ನು ಎವ್ಚೆ ದೌರ್ಬಲ್ಯಾನಿ ಹೇ ರೋಗು ಯವಚಾಕ ಪ್ರಚೋಧನ ಕರ್ತಾ ಮ್ಹಣತಾತಿ. ನಾ ಚರ್ಡುವಾಂಕ ವಾಡ್ಡೇತಾನಾ ಮನ ಆಸ್ತವ್ಯಸ್ತ ಜಾವ್ನು ‘ಸ್ಕೀಜೋಫ್ರಿನಿಯಾ ಎತ್ತಾ ಮ್ಹಣತಾತಿ. ಗುಣವಾಹಿನಿ ಜಾಲ್ಲ ತಸ್ಸಾಲೆ ಜೀನ್ ಜಾಂವೊ ಕಿಣ್ವ ಖಂಚಕಿ ಕಾರಣಾನ ಬದಲ ಜಾತ್ತಾ. ತಾಜ್ಜ ಕಾರಣಾನ ಮಸ್ತಿಷ್ಕಾಚೆ ಕೆಲವ ಬಗಲೇನ ರಾಸಾಯನಿಕ ಕ್ರಿಯಾ ಚ್ಹಡ-ಊಣೆ ಜಾತ್ತಾ. ತೇಂಚಿ ಕಾರಣ ಮುಖ್ಯ ಮ್ಹಣಚಾಕ ಮಸ್ತ ಆಧಾರ ಮೆಳೀಲೆ ಆಸ್ಸ. ತ್ಯಾ ಕಾರಣಾನ ಹೇ ಏಕ ಮಸ್ತಿಷ್ಕಾ ಕಾಯ್ಲೊ, ಶಿವಾಯ ಖಂಡಿತ  ಮೂಢನಂಬಿಗಾ ಅನಾವಶ್ಯ.
ರೋಗಾಕ ನಿಕ್ಕಿ ಕಾರಣ ಗೊತ್ನಾ ಜಾಲ್ಯಾರಿಚಿ ಚಿಕಿತ್ಸಾ ಸುಲಭ. ಆಸ್ಪತ್ರೆಂತು ದಾಖಲ ಜಾವ್ಕಾ ಮ್ಹೊಣು ನಾ. ರೋಗನಿರೋಧಕ ಮ್ಹಣಂ ದಿಲ್ಲೆಲಿ ಇಂಜೇಕ್ಷನ್, ಗುಳಿಯೋ ಘರಾಂತೂ ಘೆವ್ಯೇತ. ಅತೀ ಗಂಭೀರ ಜಾಲೇಲ ತೆದ್ನಾ ಶಾಕ್ ಟ್ರೇಟ್‌ಮೆಂಟ್ ಅವಶ್ಯ ಪೊಡಚಾಕ ಪುರೊ. ರೋಗಿಕ ಕುಟುಂಬಾಚಾನ ಪ್ರೀತಿ-ವಿಶ್ವಾಸು ದಾಖೈಚೆ ಅತೀಮುಖ್ಯ. ಆನಿ ತಾಕ್ಕಾ ಖಾಲಿ ಬಸ್ಕರೈಸಿನಾಶಿ ತಾಜ್ಜ ದಾಕೂನು ಸಾನ ಸಾನ ಕಾಮ ಕರೈಸಿತಾ ಉರಕಾ. ಮನೋವೈದ್ಯಾಲೆ ಮಾರ್ಗದರ್ಶನಾರಿ ಹೇ ಕೋರ್ನು ಆಮ್ಮಿ ಕಾಯ್ಲೊ ಆಯ್ಯಿಲೆ ಮನುಷ್ಯಾಕ ಹುಷಾರ ಕೊರಯೇತ. - ಅನಿಲ ಪೈ ಶಿರಸಿ.

ದೈವಜ್ಞ ಬ್ರಾಹ್ಮಣ ಶಿಷ್ಯವೃಂದ(ರಿ) ಶಿರಸಿ

ಸೋದೆ ಶ್ರೀ ವಾದಿರಾಜ ಮಠಾಚೆ ದೈವಜ್ಞ ಬ್ರಾಹ್ಮಣ ಶಿಷ್ಯವೃಂದ(ರಿ) ಶಿರಸಿ ಹಾಂಗೆಲೆ ತರಪೇನ ಸೋದೆ ಶ್ರೀ ವಾದಿರಾಜ ಮಠಾಚೆ ಸಂಪರ್ಕ ಕೊರಚೆ ಕಮಟಗಿರಿ ಮ್ಹಣಚೆ ಜಾಗೆಂತು ಅಂದಾಜ ರೂ. ಚಾಳೀಸ ಲಾಕ (೪೦,೦೦,೦೦೦/-) ಖರ್ಚುನು  ಪ್ರವೇಶ ಮಹಾದ್ವಾರಾಚೆ ಗೋಪುರ ನಿರ್ಮಾಣ ಕೊರಚಾರ ಠರಯಿಲಾ. ಆನಿ ಹ್ಯಾ ಖಾತ್ತಿರಿ ಶ್ರೀ ಶ್ರೀ ೧೦೦೮ ಶ್ರೀ ವಿಶ್ವೋತ್ತಮ ತೀರ್ಥಾಂಗೆಲೆ ಶಿಷ್ಯ ಜಾಲೇಲೆ ಶ್ರೀ ಶ್ರೀ ೧೦೦೮ ಶ್ರೀ ವಿಶ್ವವಲ್ಲಭ ತೀರ್ಥ ಸ್ವಾಮ್ಯಾಂಗೆಲೆ ಪೂರ್ಣಾನುಮತಿ ಘೆತ್ತಿಲೆ ಆಸ್ಸ. ಮಹಾದ್ವಾರಾಂತು “ಸೋದೆ ಶ್ರೀ ವಾದಿರಾಜ ಮಠದ ದೈವಜ್ಞ ಬ್ರಾಹ್ಮಣ ಶಿಷ್ಯವೃಂದದವರಿಂದ ಅರ್ಪಿತ ಮ್ಹೊಣು ದೈವಜ್ಞ ಬ್ರಾಹ್ಮಣ ಸಮಾಜಾಚೆ ನಾಂವ ಘಾಲ್ನು ಸೋದೆ ವಾದಿರಾಜ ಮಠಾಕ ಸಮರ್ಪಣ ಕೊರಚೆ ವಿಚಾರು ಆಸ್ಸ. ತತ್ಸಂಬಂಧ ಕಲಾತ್ಮಕ ಜಾವ್ನು ನಿರ್ಮಾಣ ಜಾತ್ತಾ ಆಸ್ಸುಚೆ ಹೇ ಮಹಾದ್ವಾರಾಚೆ ಯೋಜನೆಕ ಸಮಸ್ತ ದೈವಜ್ಞ ಬ್ರಾಹ್ಮಣ ಸಮಾಜಾಚಾನ ತನು-ಮನ-ಧನಾಚೆ ಸಹಕಾರ ದೀವ್ನು ಶ್ರೀ ಹಯಗ್ರೀವ ದೇವಾಲೆ, ಶ್ರೀ ಗುರು ವಾದಿರಾಜಾಲೆ ಆನಿ ಶ್ರೀ ಭೂತರಾಜಾಲೆ ಕೃಪೇಕ ಪಾತ್ರ ಜಾವ್ಕಾ ಮ್ಹೊಣು ಸೋದೆ ಶ್ರೀ ವಾದಿರಾಜಮಠಾಚೆ ದೈವಜ್ಞ ಬ್ರಾಹ್ಮಣ ಶಿಷ್ಯ ವೃಂದ(ರಿ) ಶಿರಸಿ ಹಾನ್ನಿ ವಿನಂತಿ ಕೆಲ್ಲಯಾ. ಹೇ ವಿಷಯಾ ಖಾತ್ತಿರಿ ಖಂಚೇಯಿ ಚಡ್ತೆ ಮಾಹಿತಿ ಜಾವ್ಕಾ ಜಾಲೇಲ್ಯಾನ ಗೌರವಾಧ್ಯಕ್ಷ ಶ್ರೀ ಎಲ್.ಜಿ.ರಾಯಕರ್(ಪೋನ್ : ೦೮೩೮೪ -೨೨೬೩೯೧, ೨೨೬೯೯೧೦, ಅಧ್ಯಕ್ಷ ಶ್ರೀ ಮನೋಹರ ನರಸಿಂಹ ದೈವಜ್ಞ (ಪೋನ್ : ೯೪೮೧೪೬೧೩೯೯), ಕಾರ್ಯದರ್ಶಿ ಶ್ರೀ ಮಂಜುನಾಥ ಎನ್. ರಾಯ್ಕರ ನಗರೆ (ಪೋನ್ : ೯೮೪೫೫೮೭೦೧೫) ಜಾಂವೊ ಕೋಶಾಧಿಕಾರಿ ಶ್ರೀ ದತ್ತಾತ್ರೇಯ ಹರಿಹರ ಸಾನು(ಪೋನ್ ೦೮೩೮೪-೨೩೫೩೧೭) ಹಾಂಕ ಕೋಣಾಕ ತರಿ ಸಂಪರ್ಕು ಕೊರಯೇತ. 

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಧಾರವಾಡ

ಧಾರವಾಡಾಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ೭೩ ವರ್ಷಾಚೆ ಸರ್ವಸದಸ್ಯಾಂಗೆಲೆ ಮಹಾಸಭಾ ತಾ. ೨೫-೮-೨೦೧೩ ದಿವಸು ಸಮಾಜ ಮಂದಿರ ‘ಸರಸ್ವತಿ ನಿಕೇತನಾಂತು ಚಲ್ಲೆ. ಹೇ ಸಂದರ್ಭಾರಿ ಘೆಲೀಲ ವರ್ಷ ಚಲೇಲೆ ಸರ್ವಸದಸ್ಯಾಂಗೆಲೆ ಮಹಾಸಭಾಚೆ ಠರಾವ ವಾಜ್ಜುನು, ದೃಢೀಕರಣ ಕೆಲ್ಲೆ. ೨೦೧೨-೧೩ ಸಾಲಾಚೆ ಆಡಳಿತ ಸಮಿತಿಚೆ ವರದಿ ಮಂಡನ ಕೋರ್ನು ಅನುಮೋದನ ಕೆಲ್ಲಿ. ೨೦೧೩-೧೪ ಸಾಲಾಚೆ ಅಂದಾಜು ಬಜೆಟಾಕ ಒಪ್ಪಿಗಾ ಘೆತ್ಲಿ, ಮುಖಾವೈಲೆ ಸಾಲಾ ಖಾತ್ತಿರಿ ಅಧ್ಯಕ್ಷ, ದೊಗ್ಗ ಲೋಕ ಉಪಾಧ್ಯಕ್ಷ, ಏಕಳೆ ಗೌರವ ಕಾರ್ಯದರ್ಶಿ, ಏಕಳೆ ಜೊತೆ ಕಾರ್ಯದರ್ಶಿ, ಏಕಳೆ ಖಜಾಂಚಿ ಆನಿ ದಾ ಲೋಕ ಸದಸ್ಯಾಂಕ ವಿಂಚೂನು ಕಾಡಲೆ. ಜವಣಾ ಬರಶಿ ಮಹಾಸಭಾ ಮುಕ್ತಾಯ ಜಾಲ್ಲಿ.

ಶ್ರೀ ಮಹಾಗಣಪತಿ ಮಹಾಮಾಯಾ ದೇವಳ, ಶಿರಾಲಿ

ಶಿರಾಲಿಚೆ ಪ್ರಸಿದ್ಧ ಶ್ರೀ ಮಹಾಗಣಪತಿ ಮಹಾಮಾಯಾ ದೇವಳಾಂತು ಶ್ರೀ ಗಣೇಶ ಚೌತಿಚೆ ಶುಭ ಸಂದರ್ಭಾರಿ ಶ್ರೀ ದೇವಾಲೆ ಭಜಕಾಲೊ ಸಕಲ ಶ್ರೇಯೋಭಿವೃದ್ಧಿ ಖಾತ್ತಿರಿ ಶ್ರೀ ಮಹಾಗಣಪತಿಲೆ ಸನ್ನಿಧಿರಿ ಅಷ್ಟೋತ್ತರ (೧೦೮) ಗಣೋಮಾ ಸೇವಾ, ಗಣಪತ್ಯಥರ್ವ ಶೀರ್ಷ ಅಭಿಷೇಕ, ಅಪೂಪ ನೈವೇದ್ಯ, ರುದ್ರಾಭಿಷೇಕ, ಕುಂಕುಮಾರ್ಚನ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಹೇ ನ್ಹಂಹಿತಾ ಶಿರಾಲಿ ಶ್ರೀ ಮಹಾಗಣಪತಿ ಮಹಾಮಾಯಿ ದೇವಳಾಂತು ದಿನಾಂಕ ೧-೭-೧೩ಕ ವರ್ಧಂತಿ ದಿವಸು ಶತಕಲಶಾಭಿಷೇಕ, ಧೋಂಪಾರಾ ಸಮಾರಾಧನ, ೧೧-೮-೧೩ಕ ಶ್ರೀ ಗಣಪತಿ ದೇವಾಲೆ ಪವಿತ್ರಾರೋಹಣ ಸಮಾರಾಧನ, ೧೪-೮-೧೩ಕ ಶ್ರೀ ಮಹಾಮಾಯಾ ದೇವಾಲೆ ಪವಿತ್ರಾರೋಹಣ ಸಮಾರಾಧನ, ೧೬-೮-೨೦೧೩ಕ ಶ್ರೀ ವರಮಹಾಲಕ್ಷ್ಮೀ ವೃತ ಆನಿ ಧೋಂಪಾರಾ ಸಮಾರಾಧನ, ೨೦-೮-೨೦೧೩ಕ ಋಗುಪಾಕರ್ಮ, ೮-೯-೨೦೧೩ ತಂಯಿ ಇತ್ಯಾದಿ ಕಾರ್ಯಕ್ರಮ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ಮುಖಾರಿ ೧೮-೯-೧೩ಕ ಶ್ರೀ ಅನಂತ ನೋಪಿ ಪ್ರಯುಕ್ತ ಧೋಂಪಾರಾ ಸಮಾರಾಧನ, ೫-೧೦-೨೦೧೩ಕ ನವ ರಾತ್ರ್ಯಾರಂಭ, ೧೦-೧೦-೨೦೧೩ಕ ಶ್ರೀ ಶಾರದಾ ಪ್ರತಿಷ್ಠೆ, ೧೨-೧೦-೨೦೧೩ಕ ಚಂಡಿಕಾ ಹವನ, ಧೋಂಪಾರಾ ಸಮಾರಾಧನ, ೧೪-೧೧-೨೦೧೩ಕ ಉತ್ಥಾನ ದ್ವಾದಶಿ, ತುಳಸಿ ಪೂಜಾ ಇತ್ಯಾದಿ ಕಾರ್ಯಕ್ರಮ ಚೊಲಚೆ ಆಸ್ಸ ಮ್ಹೊಣು ಕೋಳ್ನು ಆಯಲಾ.

ಶ್ರೀ ವೆಂಕಟ್ರಮಣ ದೇವಳ, ಬೆಂಗಳೂರ

ಬೆಂಗಳೂರ್‍ಚೆ ಅನಂತ ನಗರಾಂತು ಆಸ್ಸುಚೆ ಶ್ರೀ ವೆಂಕಟರಮಣ ದೇವಳಾಂತು ೧೦ಚೆ ವರ್ಷಾಚೆ ಶ್ರೀ ಅನಂತನೋಪಿ ತಾ. ೧೮-೯-೨೦೧೩ ದಿವಸು ಪ್ರಾರ್ಥನ, ಜಲಪೂಜಾ, ಕಲಶ ಸ್ಥಾಪನ, ಶ್ರೀ ಅನಂತವೃತ ಕಥಾ ಪಠಣ, ಮಹಾ ಪೂಜಾ, ಮಹಾ ಮಂಗಳಾರತಿ, ಮಹಾಸಂತರ್ಪಣ, ಅಲಂಕಾರ ಸೇವಾ, ಭಜನ ಆನಿ ಪ್ರಸಾದ ವಿತರಣೆ ಬರಶಿ ಚೊಲ್ಚೆ ಆಸ್ಸ. ತಶ್ಶಿಚಿ ೮ ವರ್ಷಾಚೆ ನವರಾತ್ರಿ ಉತ್ಸವು ತಾ. ೫-೧೦-೨೦೧೩ ದಾಕೂನು ೧೪-೧೦- ೨೦೧೩ ಪರ್ಯಂತ ವಿಶೇಷ ಅಭಿಷೇಕ, ಸಪ್ತಶತಿ ಪಾರಾಯಣ, ಕುಮಕುಮಾರ್ಚನ, ನವರಾತ್ರಿ ವಿಶೇಷ ಸೇವಾ ಇತ್ಯಾದಿ ಕಾರ್ಯಕ್ರಮ ಬರಶಿ ಚೊಲಚೆ ಆಸ್ಸ ಮ್ಹೊಣು ಕೋಳ್ನು ಆಯಲಾ. ಹೇ ಸಂದಭಾರಿ ಸೇವಾ ಕೊರಚಾಕ ಇಚ್ಛಾ ಆಶ್ಶಿಲ್ಯಾ ಭಕ್ತ-ಬಾಂಧವಾನಿ ಚಡ್ತೆ ಮಾಹಿತಿ ಖಾತ್ತಿರಿ ದೇವಳಾಚೆ ಪೋನ್ ನಂ. ೦೮೦-೨೭೮೪೮೧೬೧ ಜಾಂವೊ ಮೊಬೈಲ್ ನಂ. ೯೪೮೦೬ ೯೬೮೮೨ ಹಾಂಗಾಕ ಸಂಪರ್ಕು ಕೊರಯೇತ.

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಧಾರವಾಡ

೨೦೧೩-೧೪ ಸಾಲಾಚೆ ನವೀನ ಆಡಳಿತ ಮಂಡಳಿ ಅಶ್ಶಿ ಆಸ್ಸ.  ಶ್ರೀ ಗಂಗಾಧರ ನಾಯಕ್(ಅಧ್ಯಕ್ಷ), ಶ್ರೀ ಸುರೇಂದ್ರ ವಿ.ಕಾಮತ್, ಡಾ| ಶ್ರೀಕಾಂತ ಪೈ(ಉಪಾಧ್ಯಕ್ಷ), ಶ್ರೀ ರಾಮಚಂದ್ರ ಎನ್. ಶಾನಭಾಗ(ಗೌರವ ಕಾರ್ಯದರ್ಶಿ), ಶ್ರೀ ದಿನಕರ ಶೆಣೈ(ಸಹಕಾರ್ಯದರ್ಶಿ), ಶ್ರೀ ಗಣಪತಿ ಜಿ.ಶಾನಭಾಗ (ಖಜಾಂಚಿ) ಸರ್ವಶ್ರೀ ವಾಸುದೇವ ಕಾಮತ್, ಆರ್.ಜಿ.ಪೈ, ವಸಂತ ಎಲ್ ಕೈಸೆರೆ, ವಿನಯ ಜೋಶಿ, ಶ್ರೀಧರ ಕಾಮತ, ರಾಧಾಕೃಷ್ಣ ಶಾನಭಾಗ, ವೆಂಕಟೇಶ ಪ್ರಭು, ಉಮೇಶ ಕಾಮತ್, ವಸಂತ ಕಾಮತ, ಗಿರೀಶ ಶಾನಭಾಗ, ಶ್ರೀಮತಿ ಕಲ್ಪನಾ ನಾಯಕ(ಸರ್ವ ಸದಸ್ಯ).

Konkani News

ಶ್ರೀ ಕಾಶೀಮಠ ವೆಂಕಟ್ರಮಣ ದೇವಳ, ಹುಬ್ಬಳ್ಳಿ

ಹುಬ್ಬಳ್ಳಿಚೆ ಶಕ್ತಿನಗರಾ ಲಾಗ್ಗಿ ಆಸ್ಸುಚೆ ಶ್ರೀ ಕಾಶೀಮಠ ವೆಂಕಟರಮಣ ದೇವಳಾಂತು ಪ್ರತಿ ವರ್ಷ ಶ್ರಾವಣ ಮ್ಹಹಿನ್ಯಾಂತು ಚೊಲಚೆ ಶ್ರೀ ಸತ್ಯನಾರಾಯಣ ಪೂಜಾ, ಆನಿ ಸಂತರ್ಪಣ  ತಾ. ೧೫-೮-೨೦೧೩ ದಿವಸು ಅಪಾರ ಸಮಾಜ ಬಾಂಧವಾಲೆ ಉಪಸ್ಥತೀರಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ಹೇಂಚಿ ದಿವಸು ಧೋಂಪಾರ ಮಹಾ ಮೂಡಗಣಪತಿ ಸೇವಾ ಆನಿ ರಾತ್ತಿಕ ರಂಗಪೂಜಾ ಸೇವಾ ಶ್ರೀ ರಘುವೀರ ಕಾಮತ್  ಹಾಂಗೆಲೆ ಸೇವಾ ಜಾವ್ನು ಚಲ್ಲೆ. ಗಾಂವ್ಚೆ, ಪರಗಾಂವ್ಚೆ ಅಪಾರ ಸಮಾಜ ಬಾಂಧವ ಹೇ ಸಂದರ್ಭಾರಿ ಉಪಸ್ಥಿತ ಆಶ್ಶಿಲೆ.

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಹುಬ್ಬಳ್ಳಿ

ಪ್ರತಿ ವರ್ಷ ಶ್ರಾವಣ ಮ್ಹಹಿನ್ಯಾಂತು ಹುಬ್ಬಳ್ಳಿ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ ತರಪೇನ ಚೊಲಚೆ ಶ್ರೀ ಸತ್ಯನಾರಾಯಣ ಪೂಜಾ ತಾ. ೧೮-೮-೧೩ ದಿವಸು ಸಮಾಜ ಮಂದಿರ ಸರಸ್ವತಿ ಸದನಾಂತು ಚಲೇಲೆ ಖಬ್ಬರ ಮೆಳ್ಳಾ. ಅವುಂದು ಶ್ರೀ ಕವಳೇ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ ಚಾತುರ್ಮಾಸು ಹುಬ್ಬಳ್ಳಿ ಜಿ.ಎಸ್.ಬಿ. ಸಮಾಜಾ ತರಪೇನ ಘಡೋವ್ನು ಹಾಡಿಲೆ ಆಸ್ಸುನು ತಾಂಗೆಲೆ ದಿವ್ಯ ಉಪಸ್ಥಿತೀರಿ ಹೇ ಕಾರ್ಯಕ್ರಮ ಶೃದ್ಧಾ ಭಕ್ತೀರಿ ಚಲ್ಲೆ. ಅಪಾರ ಸಮಾಜ ಬಾಂಧವ ಸೈತ ಹೇ ಸಂದರ್ಭಾರಿ ಉಪಸ್ಥಿತ ಜಾಲ್ಲೆ.

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಧಾರವಾಡ

ಧಾರವಾಡಾಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಂತು ಶ್ರಾವಣ ಮ್ಹಹಿನ್ಯಾಂತು ಪ್ರತಿ ವರ್ಷ ಮ್ಹಣಕೆ ತಾ. ೧೫-೮-೨೦೧೩ ದಿವಸು ಸಕ್ಕಾಣಿ ಧ್ವಜಾರೋಹಣ, ಗೊಡಶೆ ವಿತರಣೆ ಬರಶಿ ಸ್ವಾತಂತ್ರ್ಯ ದಿನಾಚರಣ ಆಚರಣ ಕೆಲ್ಲಿ. ಮಾಗಿರಿ ಧೋಂಪಾರಾ ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ ಪ್ರಯುಕ್ತ ಧಾ ಸಮಸ್ತಾಲೆ ಪ್ರಾರ್ಥನಾ, ೧೦೮ ಕಲಶ ಪೂಜಾ ಕಲಶ ಸ್ಥಾಪನಾ, ನೈವೇದ್ಯ, ಮಂಗಳಾರತಿ, ಪ್ರಸಾದ ವಿತರಣ ಆನಿ ಸಮಾರಾಧನ ಚಲ್ಲೆ. ತಾ. ೧೬-೮-೨೦೧೩ಕ ಸಾಂಜ್ವಳಾ ಸುವಾಸಿನಿ ಬಾಯ್ಲಮನ್ಶೆಲೆ ಸಮಾಗಮಾರಿ  ಶ್ರೀ ವರಮಹಾಲಕ್ಷ್ಮೀ ವೃತ ವಿಜೃಂಭಣೇರಿ ಆಯೋಜನ ಕೆಲ್ಲಿಲೆ. ತಾ. ೨೦-೮-೨೦೧೩ಕ ಶ್ರಾವಣಿ ಋಗುಪಾಕರ್ಮ ಪ್ರಯುಕ್ತ ಋಗುಪಾಕರ್ಮ ಹೋಮು, ಯಜ್ಞೋಪವೀತ ಧಾರಣ, ದಾನ ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ಆನಿ ತಾ. ೨೮-೮-೨೦೧೩ಕ ಶ್ರೀ ಕೃಷ್ಣ ಜನ್ಮಾಷ್ಟಮಿ ಪ್ರಯುಕ್ತ ತುಳಸಿದಳ ಅರ್ಪಣ, ಶ್ರೀ ವಿಷ್ಣು ಸಹಸ್ರನಾಮ ಪಠಣ, ನಾರ್‍ಲಕೇಳಿ, ನೈವೇದ್ಯ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.

ಶ್ರೀ ವೆಂಕಟರಮಣ ದೇವಳ, ಕಳಸ

ಚಿಕ್ಕಮಗಳೂರು ಜಿಲ್ಲೆಚೆ ಕಳಸ ಶ್ರೀ ವೆಂಕಟರಮಣ ದೇವಳಾಂತು ಪ್ರತಿ ವರ್ಷಾ ಮ್ಹಣಕೆ ಶ್ರೀ ಗಣೇಶ ಮಹೋತ್ಸವು ತಾ. ೯-೯-೨೦೧೩ ದಾಕೂನು ೧೧-೯-೨೦೧೩ ಪರ್ಯಂತ ಶ್ರೀ ಗಣೇಶ ಮೂರ್ತಿ ಪ್ರತಿಷ್ಠೆ, ಮಹಾಪೂಜಾ, ಭಜನ, ಗಣೋಮು, ಮೂಡುಗಣಪತಿ ಸೇವಾ, ಸಂತರ್ಪಣ, ಸಮಾಜ ಬಾಂಧವ ಖಾತ್ತಿರಿ ವಿಂಗವಿಂಗಡ ಸೇವಾ, ವಿದ್ಯಾರ್ಥಿ ಪುರಸ್ಕಾರ ಆನಿ ಬಹುಮಾನ ವಿತರಣ, ಜಿ.ಎಸ್.ಬಿ. ಮಹಿಳಾ ಮಂಡಳಿ ತರಪೇನ ಭಜನ, ರಂಗಪೂಜಾ, ಶ್ರೀ ಸತ್ಯಗಣಪತಿ ವೃತ ಸೇವಾ, ವಿಸರ್ಜನಾ ಪೂಜಾ, ಶೋಭಾಯಾತ್ರೆ ಶ್ರೀ ವೆಂಕಟರಮಣ ದೇವ್ಳಾ ದಾಕೂನು ಬಾಯ್ರಿಸೋರ್ನು, ಸಂಪಿಗೆಕಟ್ಟೆ ಪರ್ಯಂತ ವಚ್ಚುನು ಉಪರಾಂತ ರುದ್ರಪಾದಾಂತು ಜಲಸ್ಥಂಭನ ಇತ್ಯಾದಿ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ.

ಗೌಡ ಸಾರಸ್ವತ ಸಮಾಜ, ಬೆಂಗಳೂರು

ಬೆಂಗಳೂರ್‍ಚೆ ಬಸವನಗುಡಿಂತು ಆಸ್ಸುಚೆ ಗೌಡ ಸಾರಸ್ವತ ಸಮಾಜಾಚೆ ತರಪೇನ ಚೊಲಚೆ ಶ್ರೀ ಗಣೇಶೋತ್ಸವ -೨೦೧೩ ತಾ. ೯-೯-೨೦೧೩ ದಾಕೂನು ೧೩-೯-೨೦೧೩ ಪರ್ಯಂತ  ವಿಜೃಂಭಣೇರಿ ಚಲ್ಲೆ. ತತ್ಸಂಬಂಧ ಪ್ರಾತಃಕಾಲ ಪೂಜಾ, ಗಣಹೋಮ, ಮಧ್ಯಾಹ್ನ ಪೂಜಾ, ಮಹಾ ಸಂತರ್ಪಣ, ಸಾಂಸ್ಕೃತಿಕ ಕಾರ್ಯಾವಳಿ, ರಾತ್ರಿಪೂಜಾ, ಫಳಾರ, ಗೌಡ ಸಾರಸ್ವತ ಸಮಾಜಾಚೆ ಶ್ರೀ ವೆಂಕಟೇಶ ಭಜನಾ ಮಂಡಳಿಚಾನ ಭಜನ, ಕು|| ಕಿರಣ ಕಾಮತ್ ದಾಕೂನು ಭರತನಾಟ್ಯ, ವೇ|ಮೂ| ಶ್ರೀ ಬಿ. ಮುಕುಂದ ಭಟ್ ಆನಿ ಸಾಂಗಾತಿ ದಾಕೂನು ಅಷ್ಟಾವಧಾನ ಸೇವಾ, ಶ್ರೀ ರಮಣೇಶ್ವರ ಪ್ರಭು, ಎನ್. ಕಾಸರಗೋಡ ಹಾಂಗೆಲ ದಾಕೂನು ಭಕ್ತಿ ಸಂಗೀತ ಚಲ್ಲೆ. ಕಡೇರಚೆ ದಿವಸು ತ್ರಿಕಾಲ ಪೂಜೆ ಬರಶಿ ಫಲಾವಳಿ ಏಲಂ, ವಿಸರ್ಜನ ಪೂಜಾ, ಶ್ರೀ  ಬಿ. ಮುಕುಂದ ಭಟ್ ದಾಕೂನು ಆಶೀರ್ವಚನ, ಮಾಗಿರಿ ಶೋಭಾಯಾತ್ರಾಂತು ವಚ್ಚುನು ಶ್ರೀ ಗಣೇಶ ಮೂರ್ತಿಚೆ ಜಲಸ್ಥಂಭನ ಕಾರ್ಯಕ್ರಮ ಚಲ್ಲೆ. ಬೆಂಗಳೂರ್‍ಚೆ ಹೇ ಗೌಡ ಸಾರಸ್ವತ ಸಮಾಜ ಸಮಾಜ ಬಾಂಧವಾಲೆ ಸರ್ವತೋಮುಖ ಉದರ್ಗತಿ ಖಾತ್ತಿರಿ “ಚರ್ಡುಂವಾಲೆ ಶಿಕ್ಷಣಾಕ ಮದ್ದತ್ ದಿವ್ಚ ತಸ್ಸಾಲೆ ‘ವಿದ್ಯಾನಿಧಿ, ಸಮಾಜ ಬಾಂಧವಾನ ಆರೋಗ್ಯ ರಾಕೂನು ಘೆವ್ಚ ಖಾತ್ತಿರಿ “ಆರೋಗ್ಯ ನಿಧಿ, ವೈವಾಹಿಕ ಸಹಾಯ, ಭಾಷಣ, ಪ್ರವಚನ, ಚರ್ಚಾ ಇತ್ಯಾದಿ ಮನೋಭಿವೃದ್ಧಿಕ ಸಂಬಂಧ ಪಾವ್ವಿಲೆ ಮಾದರಿದಾಯಕ ಕಾರ್ಯಕ್ರಮ ಆಯೋಜನ ಕರತಾ ಆಸ್ಸ ಮ್ಹೊಣು ಹೇ ವೇಳ್ಯಾರಿ ಉಡಗೋಸು ಕೋರ್ನು ಘೆವ್ಯೇತ.
ದ್ವಾರಕಾನಾಥ ಭವನ ಸಮಿತಿ, ಬೆಂಗಳೂರು
ಬೆಂಗಳೂರ್‍ಚೆ ಬಸವನಗುಡಿಂತು ಆಸ್ಸುಚೆ ದ್ವಾರಕಾನಾಥ ಭವನ ಕಮಿಟಿ ತರಪೇನ ಶ್ರೀ ಅನಂತ ನೋಪಿ ತಾ. ೧೮-೯-೨೦೧೩ ದಿವಸು ಚೊಲ್ಚೆ ಆಸ್ಸ ಮ್ಹೊಣು ಕೋಳ್ನು ಆಯಲಾ. ಹೇ ಸಂದರ್ಭಾರಿ ಕಲಶ ಪ್ರತಿಷ್ಠಾಪನ, ಶ್ರೀ ವೆಂಕಟೇಶ ಭಜನಾ ಮಂಡಳಿ ತರಪೇನ ಭಜನ, ಮಧ್ಯಾಹ್ನ ಆನಿ ರಾತ್ರಿ ಪೂಜಾ, ಮಹಾಸಂತರ್ಪಣ, ಪ್ರವಚನ, ಪ್ರಸಾದ ವಿತರಣ ಇತ್ಯಾದಿ ಕಾರ್ಯಕ್ರಮ ಚೊಲ್ಚೆ ಆಸ್ಸ ಮ್ಹೊಣು ಕೋಳ್ನು ಆಯಲಾ.

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಧಾರವಾಡ

ಧಾರ್‍ವಾಡಾಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ತರಪೇನ “ಶ್ರೀ ಗಜಾನೋತ್ಸವು -೨೦೧೩ ಸಮಾಜ ಮಂದಿರ ಸರಸ್ವತಿ ನಿಕೇತನಾಂತು ತಾ. ೯-೯-೨೦೧೩ ದಾಕೂನು ೧೩-೯-೨೦೧೩ ಪರ್ಯಂತ ವಿಜೃಂಭಣೇರಿ ಚಲ್ಲೆ. ಹೇ ಸಂದರ್ಭಾರಿ ಶ್ರೀ ಗಣೇಶ ಪ್ರತಿಷ್ಠಾಪನ, ಪೂಜಾ, ಶ್ರೀ ಗಣಪತಿ ಅಥರ್ವಶೀರ್ಷ ಪಾರಾಯಣ ಸೂಕ್ತಾಭಿಷೇಕ, ಗಣೋಮು, ಅಷ್ಟೋತ್ತರ ಮೋದಕ ಹವನ, ಪೂರ್ಣಾಹುತಿ, ಸಮಾರಾಧನ, ಭಜನ, ಭಕ್ತಿಗೀತಾ, ರಂಗಪೂಜಾ, ಶ್ರೀ ದೇವಾಕ ಘಾಲೇಲೆ ಫಲ, ಪುಷ್ಪ ಲಿಲಾವ, ಶ್ರೀ ಗಜಾನನ ವಿಸರ್ಜನ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲ್ಲೆ.

ಮೈಸೂರಾಂತು ಜಿ.ಎಸ್.ಬಿ. ಸ್ವರಸಂಗಮು

ಮೈಸೂರು ಜಿ.ಎಸ್.ಬಿ.   ಸೇವಾದಳ ತರಪೇನ ಆಲ್ತಾಂತು ಮೈಸೂರು ಕಲಾಮಂದಿರಾಂತು ಜಿ.ಎಸ್.ಬಿ. ಸ್ವರಸಂಗಮ್ ಮ್ಹಣಚೆ ವಿಶೇಷ ಕಾರ್ಯಕ್ರಮ ಆಯೋಜನ ಕೆಲೀಲೆ. ಹೇ ಸಂದರ್ಭಾರಿ ೧೭ ಲೋಕ ಗಾಯಕಾನಿ ೩೦ ಪಶಿ ಚ್ಹಡ ಪದ ಗಾಯನು(ಸಾಂಗೂನು) ಸತತ ೩ ಗಂಟ ವೇಳು ಜಮಿಲೆ ಲೋಕಾಂಕ ಮಸ್ತ ಸಂತೋಷ ದಿಲ್ಲೆ.  ಹೇ ಕಾರ್ಯಕ್ರಮಾಕ ೧೨೦೦ ಪಶಿ ಚ್ಹಡ ಮೈಸೂರಾಚೆ ಸಂಗೀತ ಪ್ರಿಯ ಲೋಕ ಜಿಮಿಲೆ.
‘ಸಂಗೀತ ಆಯಕೂಚೆ ದಾಕೂನು ಮನ ಹಗೂರ ಜಾತ್ತಾ. ಮಾನಸಿಕ ಒತ್ತಡಯಿ ಊಣೆ ಜಾವ್ನು, ಏಕಾಗ್ರತಾ ವಾಡ್ತಾ ಆನಿ ಪ್ರತಿಯೇಕ ಕಾರ್ಯ ಕೊರಚಾಕ ಉಮೇದ ಎತ್ತಾ ನೈಶಿ ಹೇ ಪ್ರತಿಭಾವಂತ ಕಲಾವಿದಾಂಕ ಪ್ರೋತ್ಸಾಹ ದಿವಚೆ ಬರಶಿ ಆಯ್ಕುಚೆ ಲೋಕಾಂಕಯಿ ಸಂತೋಷ ದಿವ್ಚೆ ಕಾಮ ಮ್ಹೊಣು ವಿಕ್ರಮ್ ಆಸ್ಪತ್ರೆಚೆ ಹಾರ್ಟ್ ಸ್ಪೇಶಲಿಸ್ಟ್ ಡಾ|| ಉಪೇಂದ್ರ ಶೆಣೈ ತಾನ್ನಿ ಸಾಂಗಲೆ. ಸಮಾರಂಭಾಂತು ಮೈಸೂರು ಮಿತ್ರ ಪ್ರಧಾನ ಸಂಪಾದಕ ಜಾಲೇಲೆ ಕೆ.ಬಿ.ಗಣಪತಿ, ಕನ್ನಡ ಸಂಸ್ಕೃತಿ ಇಲಾಖೆಚೊ  ಸಹಾಯಕ ನಿರ್ದೇಶಕ ಅಣ್ಣೇಗೌಡ, ಕಾರ್ಯಕ್ರಮಾಚೆ ಸಲಹಗಾರ ಜಾಲೇಲೆ ಡಾ|| ಉಮೇಶ ಕಾಮತ್, ಮಹೇಶ್ ಕಾಮತ್,ಎ. ರಾಂಪ್ರಸಾದ ಕಾಮತ್ ಉಪಸ್ಥಿತ ಆಶ್ಶಿಲೆ. ಸಗಳೆ ಸ್ವರ ಸಂಗಮ  ಕಾರ್ಯಕ್ರಮ ನಿರೂಪಣಾ ಸುರೇಶ್ ನಾಯಕ್ ಆನಿ ಮಮತಾ ಕಿಣಿ ತಾನ್ನಿ ಕೆಲ್ಲೆ. ಕಡೇರಿ ರೂಪ ಪ್ರಕಾಶ್ ಪ್ರಭು ತಾನ್ನಿ ಆಬಾರ ಮಾನಲೆ.
ಮೈಸೂರಾಂತು ಪರಿಸರ ದಿನಾಚರಣ
ಜಾಗತಿಕ ಪರಿಸರಾ ದಿವಸು ಮೈಸೂರು ಜಿ.ಎಸ್.ಬಿ. ಸೇವಾದಳ ತರಪೇನ ಸಮಾಜಾಚೆ ಗಣ್ಯಾನಿ ಆನಿ ಸಮಾಜ ಬಾಂಧವಾನಿ ಜಾಡ  ವ್ಹೋವ್ನು ಪರಿಸರ ದಿನಾಚರಣ ಆಚರಣ ಕೆಲ್ಲಿಂತಿ.
ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಹುಬ್ಬಳ್ಳಿ
ಹುಬ್ಬಳ್ಳಿ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ ವತೀನ ಪ್ರತಿ ವರ್ಷ ಮ್ಹಣಕೆ ಶ್ರೀ ಗಣೇಶೋತ್ಸವು ತಾ. ೯-೯-೨೦೧೩ ದಾಕೂನು ೧೩-೯-೨೦೧೩ ಪರ್ಯಂತ ಅಪಾರ ಸಮಾಜ ಬಾಂಧವಾಲೊ ಉಪಸ್ಥಿತೀರಿ ವಿಜೃಂಭಣೇರಿ ಚಲ್ಲೆ. ಅವುಂದು ಶ್ರೀ ಕವಳೇ ಮಠಾಧೀಶ ಶ್ರೀಮತ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ ಚಾತುರ್ಮಾಸ್ಯ ನಿಮಿತ್ತ ಶ್ರೀ ಮಠಾಚೆ ತರಪೇನ ಪ್ರತ್ಯೇಕ ಜಾವ್ನು ಗಣೇಶ ಮೂರ್ತಿ ಪ್ರತಿಷ್ಠಾಪನ ಜಾಲ್ಲಯಾ.    ಹೇ ಸಂದರ್ಭಾರಿ ಶ್ರೀ ಗಣೇಶ ಮೂರ್ತಿ ಪ್ರತಿಷ್ಠಾಪನ, ಗಣೋಮು, ಮಹಾ ಅನ್ನಸಂತರ್ಪಣ, ಸಾಂಸ್ಕೃತಿಕ ಕಾರ್ಯಾವಳಿ,  ರಂಗಪೂಜಾ, ಲಿಲಾವ, ಪಾನಕ ಪ್ರಸಾದ, ಬಹುಮಾನ ವಿತರಣ, ಗಣೇಶ ಮೂರ್ತಿ ವಿಸರ್ಜನ ಇತ್ಯಾದಿ ಕಾರ್ಯಕ್ರಮ ಚಲ್ಲೆ.

“ಹಿತೈಷಿ ದಾಕೂನು ಮುದ್ದುಕೃಷ್ಣ-ಮುದ್ದುರಾಧೆ ಸ್ಪರ್ಧೆ

ಕಾರ್ಕಳಾಚೆ “ಹಿತೈಷಿ ತರಪೇನ ವರ್ಷಾಂಪ್ರತಿ ಕೃಷ್ಣಾಷ್ಟಮಿ ಪ್ರಯುಕ್ತ ಆಯೋಜನ ಕೋರ್ನು ಯವಚೆ ‘ಮುದ್ದು ಕೃಷ್ಣ -ಮುದ್ದು ರಾಧೆ ಸ್ಪರ್ಧಾ ತಾ. ೨೪-೮-೧೩ ದಿವಸು ಕಾರ್ಕಳಾಚೆ ಅಂಡಾರು ವಿಠಲ ರುಕ್ಮಿಣಿ ಕಿಣಿ ಪ್ರತಿಷ್ಠಾನಾಚೆ ಸಹಭಾಗಿತ್ವಾರಿ ಶ್ರೀ ಶ್ರೀನಿವಾಸ ಕಲಾಮಂದಿರಾಂತು ಚಲ್ಲೆ.  ಶ್ರೀ ವೆಂಕಟರಮಣ ದೇವಳಾಚೆ ಮೊಕ್ತೇಸರ ಶ್ರೀ ಮೋಹನದಾಸ ಶೆಣೈ ತಾನ್ನಿ ದೀವೊ ಜಳೋವ್ನು ಕಾರ್ಯಕ್ರಮಾಚೆ ಉದ್ಘಾಟನ ಕೆಲ್ಲೆ. ಹಿತೈಷಿ ಸಂಸ್ಥೆ ಅಧ್ಯಕ್ಷ ಶ್ರೀ ಗಣಪತಿ ಕಾಮತ್ ತಾನ್ನಿ ಸರ್ವಾಂಕ ಯೇವ್ಕಾರ ದಿಲ್ಲೆ.  ಹೇ ಸ್ಪರ್ಧಾ ಕಾರ್ಯಕ್ರಮಾಂತು ಒಟ್ಟು ೪೧ ಲೋಕ ಚರ್ಡುಂವಾನಿ ವಾಂಟೊ ಘೆತ್ತಿಲೆ. ಫಲಿತಾಂಶ ಅಶ್ಶಿ ಆಸ್ಸ.
ಮುದ್ದುಕೃಷ್ಣ ವಿಭಾಗ : (೩ ದಾಕೂನು ೬ ವರ್ಷ) : ಮನೋಜ್ ಕಾಮತ್(ಪ್ರಥಮ), ಪ್ರಣಮ್ಯ ಕಾಮತ್(ದ್ವಿತೀಯ),  (೭ ದಾಕೂನು ೧೧ ವರ್ಷ) : ವೃದ್ಧಿ ಕಿಣಿ(ಪ್ರಥಮ), ಅಂಜನಾ ಶೆಣೈ(ದ್ವಿತೀಯ)
ಮುದ್ದುರಾಧೆ ವಿಭಾಗ (೩ ದಾಕೂನು ೬ ವರ್ಷ) : ಪ್ರಾರ್ಥನಾ ಪ್ರಭು(ಪ್ರಥಮ), ಶಾರ್ವರೀ ಶ್ಯಾನುಭಾಗ (ದ್ವಿತೀಯ). (೭ ದಾಕೂನು ೧೧ ವರ್ಷ) :  ವಂದನಾ ಪ್ರಭು(ಪ್ರಥಮ), ನಿರ್ಮಿತಿ ಕಿಣಿ (ದ್ವಿತೀಯ)
ಹೇ ಸ್ಪರ್ಧೆಂತು ವಾಂಟೊ ಘೆತ್ತಿಲೆ ಸರ್ವ ಚರ್ಡುವಾಂಕ ಪ್ರೋತ್ಸಾಹಕ ಬಹುಮಾನ ಆನಿ ಗೊಡಶೆ ದೀವ್ನು ಉಮೇದಿ ದಿಲ್ಲಿ. ಜಡ್ಜ ಜಾವ್ನು ಶ್ರೀಮತಿ ಪೂರ್ಣಿಮಾ ಶೆಣೈ, ಶ್ರೀಮತಿ ಭಾವನಾ ಶೆಣೈ, ಶ್ರೀ ಸುಮಂತ್ ಭಟ್, ಆನಿ ಶ್ರೀಮತಿ ಸುವರ್ಣ ನಾಯಕ್ ಹಾನ್ನಿ ಆಯ್ಯಿಲೆ.  ಶ್ರೀ ಮೋಹನದಾಸ ಶೆಣೈಮಾಮ್ಮಾನಿ ಬಹುಮಾನ ವಾಂಟಿಲೆ. ಶ್ರೀ ನಾರಾಯಣ ಶೆಣೈನಿಂ ಕಾರ್ಯಕ್ರಮಾಚೆ ನಿರ್ವಹಣ ಕೆಲ್ಲಿ.

ಶಿರ್ಶಿಂತು ಕೊಂಕಣಿ ಮಾನ್ಯತಾ ದಿವಸ ಆಚರಣ

ಶಿರ್ಶಿಂತು ಚಲೀಲೆ “ಕೊಂಕಣಿ ಮಾನ್ಯತಾ ದಿವಸ ಕಾರ್ಯಕ್ರಮಾಚೆ ಉದ್ಘಾಟನ ಕೊಂಕಣಿ ಕಲಾವಿದ ಅಂತೋನ ನೊರೊನ್ಹಾ  ತಾನ್ನಿ ಉದ್ಘಾಟನ ಕೆಲ್ಲೆ. “ಕೊಂಕಣಿ ಭಾಷೆಚೆ  ಅಭಿವದ್ಧಿ ಖಾತ್ತಿರಿ ಕೊಂಕಣೀ ಭಾಷಿಕಾನಿ ಸರ್ವಾನಿ ಮೇಳ್ನು ಪ್ರಯತ್ನ ಕೋರ್‍ಕಾ ಮ್ಹೊಣು ಹೇ ವೇಳ್ಯಾರಿ ತಾನ್ನಿ ಆಪೋವ್ಣಿ ದಿಲ್ಲಿ. ಎಂಎಂಕಲಾ ಆನಿ ವಿಜ್ಞಾನ ಮಹಾವಿದ್ಯಾಲಯಾಚೆ ಹಿಂದಿ ಉಪನ್ಯಾಸಕಿ ಸುಜಾತಾ ತಾನ್ನಿ ಉಲೋವ್ನು “ಕೊಂಕಣಿ ಭಾಷೆಕ ಕೇಂದ್ರ ಸರಕಾರಾನಿ ೨೦-೦೮-೧೯೯೨ಕ ಸಂವಿಧಾನಾಚೆ ೮ಚೆ ಪರಿಚ್ಛೇದಾಂತು ಮೆಳೋವ್ನು ತಾಕ್ಕಾ ರಾಷ್ಟ್ರಾಚೆ ಅಧಿಕೃತ ಭಾಸ ಮ್ಹೊಣು ಮಾನ್ಯತ ದಿವ್ಚಾ ವೊಚ್ಚುನು  ಕೊಂಕಣಿ ಭಾಷಿಕಾಂಕ ಸಬಾರ ಸೌಲಭ್ಯ ಮೆಳ್ತಾ. ಕೊಂಕಣಿ ಉಲೈತಲ್ಯಾನಿ ತ್ಯಾ ಪೂರಾ ಮುನಾಪೋ ಘೆವ್ಕಾ. ಮ್ಹಳ್ಳಿಂತಿ.  ಪ್ರಾಸ್ತಾವಿಕ ಜಾವ್ನು ಉಲೋವ್ನು ಜಿಲ್ಲಾ ಕೊಂಕಣಿ ಪರಿಷತ್ ಉಪಾಧ್ಯಕ್ಷ ಕೂಡ್ಲ ಆನಂದು ಶಾನಭಾಗ, “ಮುಖಾವೈಲೆ ವರ್ಷ ಪರಿಷತ್ ರಜತಮಹೋತ್ಸವ ಆಚರಣ ಕರತಾ ಮ್ಹಳ್ಳಿಂತಿ. ಶಿರಸಿ ಅರ್ಬನ್ ಬ್ಯಾಂಕಾಚೆ ನಿವತ್ತ ಜನರಲ್ ಮೆನೇಜರ ಎಂ.ಎಸ್.ಪ್ರಭು ತಾನ್ನಿ ಅಧ್ಯಕ್ಷತ ಪಣ ಘೆತ್ತಿಲೆ.
ಪರಿಷತ್ತಾಚೆ ಕಾರ್ಯದರ್ಶಿ ರಾಮಚಂದ್ರ ಜಿ.ನಾಯಕಾನಿ ಯೇವ್ಕಾರ ಕೆಲ್ಲಿ.ಮಾಗಿರಿ  ಪ್ರೌಢಶಾಲಾ ಚರ್ಡುಂವಾ ಖಾತ್ತಿರಿ ಕೊಂಕಣಿ ಲೇಖನ .ಕೊಂಕಣಿ ಭಾಷಣ ತಶ್ಶೀಚಿ ಕೊಂಕಣಿ ಗೀತಗಾಯನ ಸ್ಪರ್ಧೆ ಚಲೋವ್ನು  ವಿಜೇತ ಜಾಲೇಲ್ಯಾಂಕ ಬಹುಮಾನ ವಿತರಣ ಚಲ್ಲೆ. ಜಗದೀಶ ಎನ್., ಗೀತಾ ಉದಯ ನಿಲೇಕಣಿ, ಶೈಲಾ ಮಂಗಳೂರ ಆನಿ ಸೂರಜರಾಣಿ ಪ್ರಭು ನಿರ್ಣಾಯಕ ಜಾವ್ನಾಶ್ಶಿಲೆ. ನಿರ್ವಹಣ ವಾಸುದೇವ ಶಾನಭಾಗ ತಾನ್ನಿ ಕೆಲ್ಲೆ. ವಾಲ್ಟರ ಡಿಕೋಸ್ಟಾ ತಾನ್ನಿ ಆಬಾರ ಮಾನಲೆ.

ಅಕಾಡೆಮಿ ತರಪೇನ ಕೊಂಕಣಿ ಪುಸ್ತಕ ಸಿ.ಡಿ. ಖರೀದಿ

ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಕೊಂಕಣಿ ಬರೋಪಿಂಕ, ಲೇಖಕಾಂಕ ಆನಿ ಸಂಗೀತಗಾರಾಂಕ, ಸಿ.ಡಿ. ಕರ್ತಲ್ಯಾಂಕ ಪ್ರೋತ್ಸಾಹ ದಿವ್ಚೆ ಉದ್ದೇಶಾನ ಆನಿ ಕೊಂಕಣಿ ಸಾಹಿತ್ಯಾಭಿವೃದ್ಧಿ ಖಾತ್ತಿರಿ ಪುಸ್ತಕ ಆನಿ ಸಿ.ಡಿ. ಸಗಟು ಖರೀದಿ ಕೊರ್‍ಚೆ ಯೋಜನಾ ಘಾಲ್ನು ಘೆತಲ್ಯಾ. ರೂ. ೨,೦೦೦/- ಮೊತ್ತಾಚೆ ಕೊಂಕಣಿ ಪುಸ್ತಕ ಆನಿ ಸಿ.ಡಿ. ಖರೀದಿ ಕರತಾತಿ. ತಾ. ೧-೧-೨೦೧೩ ದಾಕೂನು ೩೧-೧೨-೨೦೧೩ ಭಿತ್ತರಿ ಪ್ರಕಟ ಜಾಲೇಲೆ ಪುಸ್ತಕ ಮಾತ್ರ ಸಗಟು ಖರೀದಿಕ ಪರಿಗಣನ ಕರತಾತಿ. ಪುಸ್ತಕ ಆನಿ ಸಿ.ಡಿ.ಚೆ ವಿಕ್ರಿ ಮ್ಹೊಲ್ಲಾಂತು ೨೦% ರಿಬೇಟ್ ದೀವ್ನು ೨,೦೦೦/- ರೂಪ್ಪಯಾಕ ಬಿಲ್ ತಯಾರ ಕೋರ್ನು ತಿತ್ಲೇಕ ಸಮ್ಮ ಜಾವ್ಚೆ ಪುಸ್ತಕ ಜಾಂವೊ ಸಿ.ಡಿ. ಅಕಾಡೆಮಿಕ ದಿವ್ಕಾ. ಪುಸ್ತಕ ಜಾಂವೊ ಸಿ.ಡಿ. ವಯ್ರಿ ತ್ಯಾ ಪ್ರಕಟ ಜಾಲೇಲೆ ವರ್ಷ(೨೦೧೩) ನಮೂದ ಜಾವ್ನು ಆಸ್ಸುಕಾ. ಪುಸ್ತಕ ಜಾಂವೊ ಸಿ.ಡಿ. ಪೆಟೈಕಾ ಜಾಲೇಲೆ ಪತ್ತೊ ರಿಜಿಸ್ಟ್ರಾರ್, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಮಹಾನಗರ ಪಾಲಿಕಾ ಕಟ್ಟಡ, ಲಾಲ್ ಭಾಗ್, ಮಂಗಳೂರು - ೫೭೫೦೦೩. ಚಡ್ತೆ ಖಂಚೇ ಮಾಹಿತಿ ಜಾವ್ಕಾ ಜಾಲೇಲ್ಯಾನಿ ಅಕಾಡೆಮಿ ಪೋನ್ (ನಂ. ೦೮೨೪ - ೨೪೫೩೧೬೭) ಹಾಂಗಾಕ ಸಂಪರ್ಕ ಕೊರಯೇತ ಮ್ಹೊಣು ಅಕಾಡೆಮಿ ರಿಜಿಸ್ಟ್ರಾರ ಶ್ರೀ ಬಿ. ದೇವದಾಸ ಪೈ ತಾನ್ನಿ ಕಳೈಲಾ.

ಶ್ರೀ ಮೋಹನದಾಸ ಭಟ್ ದಂಪತೀಂಕ ಸನ್ಮಾನು

ಕೋಟೇಶ್ವರಾಚೆ ಮ್ಹಾಲ್ಗಡೆ ಛಾಯಗ್ರಾಹಕ, ಶಿಕ್ಷಕ ಶ್ರೀ ಮೋಹನದಾಸ ಭಟ್ ಆನಿ ಶ್ರೀಮತಿ ನಿರ್ಮಲಾ  ಭಟ್ ದಂಪತೀಂಕ ಆಲ್ತಾಂತು ಕುಂದಾಪುರಾಂತು ಚಲೇಲೆ ಸೌತ್ ಕೆನರಾ  ಪೋಟೋಗ್ರಾಫರ್ ಅಸೋಸಿಯೇಶನ್ನ ಕುಂದಾಪುರ ವಲಯಾಚೆ ೧೯ಚೆ ವಾರ್ಷಿಕ ಮಹಾ ಸಭಾಂತು ಆತ್ಮೀಯ ಜಾವ್ನು ಸನ್ಮಾನು ಕೆಲ್ಲೊ. ಉದ್ಘಾಟಕ ಜಾವ್ನು ಕುಂದಾಪುರ ಪೋಲೀಸ್ ವೃತ್ತ ನಿರೀಕ್ಷಕ ಮಂಜುನಾಥ ಕುವರಿ ಹಾನ್ನಿ ಆಯ್ಯಿಲೆ. ಸಭಾಚೆ ಅಧ್ಯಕ್ಷತಾ ಕುಂದಾಪುರ ವಲಯ ಅಧ್ಯಕ್ಷ ಹರೀಶ್ ಕುಂದಾಪುರ ತಾನ್ನಿ ಘೆತ್ತಿಲೆ. ತಾಲೂಕು ಕಾರ್ಯನಿರತ ಪತ್ರಕರ್ತ ಸಂಘಾಚೆ ಅಧ್ಯಕ್ಷ ಶಶಿಧರ್ ಹೆಮ್ಮಾಡಿ ತಾನ್ನಿ ಪ್ರದರ್ಶನ ಮಳಿಗೆಚೆ ಉದ್ಘಾಟನ ಕೆಲ್ಲಿ.ಮಾತೃ ಸಂಸ್ಥೆ ಅಧ್ಯಕ್ಷ ವಾಸುದೇವರಾವ್ ಸಮೇತ ನವೀನ್ ರೈ ಪುತ್ತೂರು, ಮಧು, ಗಣೇಶ ಬೆನಕ, ರಾಬರ್ಟ್ ಡಿಸೋಜಾ, ರಾಜೀವ್ ನಾಯ್ಕ,ಪ್ರಮೋದ್ ಆಚಾರ್ಯಾ, ರಾಜಾ ಮಠದ ಬೆಟ್ಟು ಹೇ ಸಂದಭಾರಿ ಉಪಸ್ಥಿತ ಉರಲೀಲೆ.  ಅಶೋಕ ಕುಮಾರ ಶೆಟ್ಟಿನ ಪ್ರಾಸ್ತಾವಿಕ ಜಾವ್ನು ಉಲೈಲೆ. ಸುರೇಶ್ ಪೂಜಾರಿನ ಕಾರ್ಯಕ್ರಮಾಚೆ ನಿರೂಪಣ ಕೆಲ್ಲಿ ಪ್ರಮೋದ ಆಚಾರ್ಯಾನಿ ವರದಿ ಸಾದರ ಕೆಲ್ಲೆ ಆನಿ ನಾಗರಾಜ ರಾಯಪ್ಪನಮಠ ತಾನ್ನಿ ಆಬಾರ ಮಾನಲೆ. ಹೇ ವೇಳ್ಯಾರಿ ಗೌರವಾದರಾಕ ಪಾತ್ರ ಜಾಲೇಲೆ ಶ್ರೀ ಮೋಹನದಾಸ ಭಟ್ ಹಾಂಕಾ ಸರಸ್ವತಿ ಪ್ರಭಾ ತರಪೇನ ಅಭಿನಂದನ ಪಾವೈತಾ ಆಸ್ಸ.

J.V.Pai, Bangalore

ಕೆಂಪೇಗೌಡ ಪ್ರಶಸ್ತಿ ಪುರಸ್ಕೃತ ಶ್ರೀ ಜಗನ್ನಾಥ ವಿ.ಪೈ, ಬೆಂಗಳೂರು

ಬೆಂಗಳೂರ್‍ಚೆ ಪೈ ಗ್ರೂಪ್ಸ್ ಆಫ್ ಹೋಟೇಲ್ಸ್ ಹಾಜ್ಜೆ ಮ್ಯಾನೆಜಿಂಗ್ ಡೈರೆಕ್ಟರ್ ಶ್ರೀ ಜಗನ್ನಾಥ್ ವಿ.ಪೈ ಹಾನ್ನಿ ಬೆಂಗಳೂರು ಮಹಾ ನಗರ ಪಾಲಿಕೆಚೇನ( ಬಿ.ಬಿ.ಎಮ್.ಪಿ.) ದಿವಚೆ ೨೦೧೩ ಸಾಲಾಚೆ ಪ್ರತಿಷ್ಠಿತ ಕೆಂಪೇಗೌಡ ಪ್ರಶಸ್ತಿನ ಪುರಸ್ಕೃತ ಜಾಲೇಲೆ ಸಮಗ್ರ ಜಿ.ಎಸ್.ಬಿ. ಬಾಂಧವಾಂಕ ಅಭಿಮಾನಾಚೆ ವಿಷಯು. ತಾ. ೨೯-೦೬-೨೦೧೩ ದಿವಸು ಬೆಂಗಳೂರ್‍ಚೆ ಬಿಬಿ‌ಎಂಪಿ ಪ್ರಧಾನ ಕಛೇರಿಂತು ಡಾ|| ರಾಜಕುಮಾರ ಗಾಜಿನಮನೆ ಆವಾರಾಂತು ಕರ್ನಾಟಕ ರಾಜ್ಯಾಚೆ ಮುಖ್ಯಮಂತ್ರಿ ಶ್ರೀ ಸಿದ್ದರಾಮಯ್ಯ ತಾಂಗೆಲೆ ಉಪಸ್ಥಿತೀರಿ ಹ್ಯಾ ಪ್ರಶಸ್ತಿ ಪ್ರಧಾನ ಜಾಲ್ಲೆ.
ಶ್ರೀ ಜಗನ್ನಾಥ ವಿ.ಪೈ ಮಾಮು ವ್ಹಡ ಪ್ರಮಾಣಾರಿ ಸಮಾಜ ಸೇವಾ ಕರತಾ ಆಸ್ಸತಿ. ಹಾನ್ನಿ ಸಬಾರ ಗರೀಬ ಲೋಕಾಂಕ ನೌಕರಿ ದೀವ್ನು, ಯೋಗ್ಯ ಪಗಾರು, ಸರ್ವ ಸೌಲಭ್ಯ ದೀವ್ನು ಆದರ್ಶನೀಯ ಹೋಟೇಲ್ ಉದ್ಯಮಿ ಮ್ಹಣೋವ್ನು ಘೆತಲ್ಯಾ. ಆನಿ ಸಬಾರ ಸಂಘ-ಸಂಸ್ಥೆಂತು ಸಕ್ರಿಯ ಜಾವ್ನು ವಾಂಟೊ ಘೇವ್ನು ಆಪಣಾಂಗೆಲೆ     ತನು-ಮನ-ಧನಾಚೆ ಸೇವಾ ಪಾವೈತಾ ಆಸ್ಸತಿ.  ಹಾಂಗೆಲೆ ಪೈ ಗ್ರೂಪ್ಸ್ ಹೋಟೇಲ್ ಬೆಂಗಳೂರ, ತಿರುಪತಿ, ಮೈಸೂರಾಂತು ಜನಪ್ರಿಯ ಜಾವ್ನು ಆತ್ತ ಉತ್ತರ ಕರ್ನಾಟಕಾಚೆ ವಾಣಿಜ್ಯ ರಾಜಧಾನಿ ಮ್ಹಣೋವ್ನು ಘೆವ್ಚೆ ಹುಬ್ಬಳ್ಳಿಕ ಸೈತ ಪಾದಾರ್ಪಣ ಕರತಾ ಆಸ್ಸ. ಹುಬ್ಬಳ್ಳಿ-ಧಾರವಾಡ ಹೈವೇ ವಯರಿ ಉಣಕಲ್ ಥಂಳೆ ಲಾಗ್ಗಿಚೆ ಶ್ರೀನಗರ ಕ್ರಾಸಾಂತು ಹಾಂಗೆಲೆ ಗ್ರೂಪಾಚೆ “ದಿ ಪ್ರೆಸಿಡೆಂಟ್ ಹೋಟೇಲ್ ಸದ್ಯಾಂತು ಆರಂಭ ಜಾವ್ಚೆ ಆಸ್ಸುನು ಹಾಂತು ೭೦ ರೂಮ್ಸ್ ಆನಿ ಸೂಟ್ಸ್, ಉಪಹಾರ ಗೃಹ, ಬೋರ್ಡ ರೂಮ್, ಬ್ಲ್ಯಾಂಕೇಟ್ ಹಾಲ್, ಕಾನ್ಪರೆನ್ಸ್ ಹಾಲ್ ಇತ್ಯಾದಿ ಸುವಿಧ  ಉಪಲಬ್ಧ ಜಾತ್ತಾ. ಹ್ಯಾ ಪೂರಾ ಸಾಕಾರ ಜಾವ್ಚೆ ಖಾತ್ತಿರಿ ಶ್ರೀ ಜಗನ್ನಾಥ ವಿ.ಪೈ ಆನಿ ತಾಂಗೆಲೆ ಟೀಮ್ ತಯಾರ ಜಾವ್ನು ಆಸ್ಸತಿ. ಮೆ|| ಪೈ ಗ್ರೂಪಾಂಚೇಲೆ ಸೇವಾ ಬೆಗ್ಗಿ ಹುಬ್ಬಳ್ಳಿ -ಧಾರವಾಡ ಲೋಕಾಂಕ ಮೆಳೊ ಮ್ಹೊಣು ಸರಸ್ವತಿ ಪ್ರಭಾ ಆಶಯ ಕರ್ತಾ.
ಶ್ರೀ ಜಗನ್ನಾಥ ವಿ. ಪೈ ಮಾಮ್ಮಾಕ ತಾಂಗೇಲೆ ಸೇವಾ ಆನಿ ದಾನ ಗುಣ ಖಾತ್ತರಿ ವಿಂಗಡ ಸಬಾರ ಕಡೇನ ಹಾರ್ದಿಕ ಸತ್ಕಾರ ಚಲ್ಲೆಲೆ ಆಸ್ಸ. ಘೆಲೇಲೆ ವರ್ಷ ಮಂಡ್ಯ ಜಿಲ್ಲಾ ಹೋಟೇಲು ಮಾಲಕರ ಸಂಘಾಚಾನ ಹಾಂಕಾ “ಆತಿಥ್ಯ ರತ್ನ ಮ್ಹಣಚೆ ಪ್ರಶಸ್ತಿ ದೀವ್ನು  ಸನ್ಮಾನ ಕೆಲ್ಲ್ಯಾ. ತಶ್ಶಿಚಿ ವಿಂಗ ವಿಂಗಡ ಹೋಟೇಲು ಮಾಲಕಾಲೆ ಸಂಘಾಚಾನ, ಜಿ.ಎಸ್.ಬಿ. ಸಮಾಜಾಚಾನ, ದುಸ್ರೆ ಸಂಘ ಸಂಸ್ಥ್ಯಾಚಾನ ಸೈತ ಹಾಂಕಾ ಆಪೋವ್ನು ಸನ್ಮಾನ ಕೆಲ್ಲ್ಯಾ. ಮುಖಾರಚೆ ದಿವಸಾಂತು ಶ್ರೀ ಜಗನ್ನಾಥ ವಿ. ಪೈ ಮಾಮ್ಮಾ ನಿಮಿತ್ತ ಸಮಾಜಾಕ, ಹೊಟೇಲು ಉದ್ಯಮಾಕ ಆನ್ನಿಕೆ ಚ್ಹಡ ಚ್ಹಡ ಸೇವಾ ಪಾವೋ, ಹಾಂಕಾ ಪದ್ಮ ಭೂಷಣ ತಸ್ಸಾಲೆ ರಾಷ್ಟ್ರೀಯ ಪ್ರಶಸ್ತಿ ಮೆಳೊ ಮ್ಹೊಣು ಸರಸ್ವತಿ ಪ್ರಭಾ ಆಶಯ ಕರ್ತಾ.

Saraswati Prabha

ತೀರ್ಥಹಳ್ಳಿಚೆ ಸೌಹಾರ್ದ ಸಹಕಾರಿ ಚೆ ಸರ್ವ ಸದಸ್ಯಾಂಗೆಲೆ ಸಭಾ

ತೀರ್ಥಹಳ್ಳಿಚೆ ‘ಸರಸ್ವತಿ ಸೌಹಾರ್ದ ಸಹಕಾರಿಚೆ ಚೌತೆ ವರ್ಷಾಚೆ ಸರ್ವ ಸದಸ್ಯಾಂಗೆಲೆ ಸಭಾ ತಾ. ೨೧-೦೯-೨೦೧೩ ದಿವಸು ಶನ್ವಾರು ತೀರ್ಥಹಳ್ಳಿ ರಥಬೀದಿಚೆ ಶ್ರೀ ರಾಮಮಂದಿರಾಂತು ಚೊಲಚೆ ಆಸ್ಸ ಮ್ಹಣಚೆ ಖಬ್ಬರ ಮೆಳ್ಳಾ. ೨೦೧೦ ಇಸ್ವೆಂತು ಸುರುವಾತ ಜಾಲೇಲೆ ಹೇ ಸಹಕಾರಿ ಬ್ಯಾಂಕಿಂಗ್ ವ್ಯವಹಾರ ಚಲೈತಾ ಆಸ್ಸುನು ನಿರಂತರ ಜಾವ್ನು ಮುನಾಪೇಂತು ಆಸ್ಸ. ಸುರವೇಚೆ ತೀನಿ ವರ್ಷಾಂತು ಸುಮಾರ ಸ(೬) ಕೋಟಿ ರೂಪಾಯಾ ಪಶಿ ಚ್ಹಡ ರೀಣ ದಿಲೇಲೆ ಆಸ್ಸುನು, ರೂ. ಚಾರ ಕೋಟಿ ಪಶಿ ಚ್ಹಡ ಠೇವಣಿ ಸಂಗ್ರಹ ಕೆಲ್ಲಯಾ. ಆಪಣಾನ ಕೆಲೀಲೆ ವ್ಯವಹಾರಾನಿ ರೂ. ೭೦ ಲಾಕಾ ಪಶಿ ಚ್ಹಡ ವಾಡ್ಡಿಚೆ ಆದಾಯ ಕೋರ್ನು ಘೆತ್ತಿಲೆ  ಸರಸ್ವತಿ ಸಹಕಾರಿ ಸಂಸ್ಥೆನ ರೂ. ೩೭ ಕೋಟಿ ಪಶಿ ಚ್ಹಡ ವ್ಯವಹಾರ ಚಲೋವ್ನು ಪ್ರಗತಿಪಥಾಂತು ಚಲ್ತಾ ಆಸ್ಸ. ಸರಸ್ವತಿ ಸಹಕಾರಿಚೆ ಚೌತೆಚೆ ಸರ್ವಸದಸ್ಯಾಲೆ ಸಭಾ ಹೇಂಚಿ ೨೧-೯-೧೩ಕ ಚಲ್ಚೆ ಸಂದರ್ಭಾರಿ ಸರ್ವ ಸದಸ್ಯಾನಿ ಉಪಸ್ಥಿತ ಉರ್ನು ತಾಂಗೇಲೆ ಬಹುಮೂಲ್ಯ ಸಲಹ-ಸೂಚನಾ ದಿವ್ಕಾ ಮ್ಹೊಣು ಆಡಳಿತ ಮಂಡಳಿ ತರಪೇನ ಸಹಕಾರಿಚೆ ವ್ಯವಸ್ಥಾಪಕ ನಿರ್ದೇಶಕ ಶ್ರೀ ಬಿ.ಎಸ್. ಅಚ್ಯುತ್ ನಾಯಕ್ ತಾನ್ನಿ ಕಳೈಲಾ.

ಶಿವಮೊಗ್ಗ ಗೌಡ ಸಾರಸ್ವತ ಸಮಾಜ (ರಿ)

ಶಿವಮೊಗ್ಗ ಗೌಡ ಸಾರಸ್ವತ ಸಮಾಜಾಚೆ ಆಡಳಿತ ಮಂಡಳಿಕ ೨೦೧೩-೨೦೧೬ ಸಾಲಾಚೆ ಸದಸ್ಯ ಜಾವ್ನು ವಿಂಚುನು ಆಯ್ಯಿಲೆ ಮಹನೀಯ ಅಶ್ಶಿ ಆಸ್ಸಂತಿ. ಶ್ರೀ ದೇವದಾಸ ಎನ್. ನಾಯಕ್ (ಆಧ್ಯಕ್ಷ), ಶ್ರೀ ಎಸ್. ನರಸಿಂಹ ಮೂರ್ತಿ ಭಟ್ (ಉಪಾಧ್ಯಕ್ಷ), ಶ್ರೀ ಶ್ರೀನಾಥ ಪ್ರಭು (ಕಾರ್ಯದರ್ಶಿ), ಶ್ರೀ ಬಿ. ಅಮೃತ ಬಾಳಿಗಾ (ಸಹ ಕಾರ್ಯದರ್ಶಿ), ಶ್ರೀ ಪಿ.ಎಸ್. ನಾರಾಯಣ ರಾವ್ (ಖಜಾಂಚಿ), ಶ್ರೀ ಎಸ್. ಜನಾರ್ಧನ ಪ್ರಭು, ಶ್ರೀ ನಾಗೇಂದ್ರ ಭಟ್, ಶ್ರೀ ಕೆ. ಹೃಷಿಕೇಶ ಪೈ, ಶ್ರೀ ಜಿ. ಪ್ರಭಾಕರ ಕಾಮತ್, ಶ್ರೀ ಕೆ. ರಮಾನಂದ ನಾಯಕ್, ಶ್ರೀ ಎನ್. ಮನೋಹರ ಕಾಮತ ಆನಿ ಶ್ರೀಮತಿ ರೀತಾ ಪ್ರಭು (ಸರ್ವ ಸದಸ್ಯ)

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ತೀರ್ಥಹಳ್ಳಿ

ತೀರ್ಥಹಳ್ಳಿಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ(ರಿ) ಹಾಂಗೆಲೆ ತರಪೇನ ಶ್ರೀ ರಾಘವೇಂದ್ರ ಸ್ವಾಮ್ಯಾಂಗೆಲೆ ಆರಾಧನಾ ತಾ. ೨೨-೮-೨೦೧೩ ದಿವಸು ತೀರ್ಥಹಳ್ಳಿಚೆ ಶ್ರೀ ಕೋದಂಡರಾಮ ದೇವ್ಳಾಂತು ವಿಂಗವಿಂಗಡ ಧಾರ್ಮಿಕ ಪೂಜಾ, ಆರಾಧನ, ಅನ್ನ ಸಂತರ್ಪಣ ಇತ್ಯಾದಿ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳಾ.

ಶ್ರೀ ವರಮಹಾಲಕ್ಷ್ಮೀ ವೃತ

ತೀರ್ಥಹಳ್ಳಿಚೆ ಜಿ.ಎಸ್.ಬಿ. ಸಮಾಜ ಮಹಿಳಾ ವಿಭಾಗ ತರಪೇನ ಶ್ರೀ ತಿರುಮಲ ವೆಂಕಟರಮಣ ಸ್ವಾಮಿ ದೇವಳಾಂತು ತಾ. ೧೬-೮-೨೦೧೩ ದಿವಸು ಚೂಡಿ ಪೂಜಾ ಕಾರ್ಯಕ್ರಮ ಆಯೋಜನ ಕೆಲೇಲೆ. ಉಪರಾಂತ ಶ್ರೀ ರಾಮಮಂದಿರಾಂತು “ಶ್ರೀ ವರಮಹಾಲಕ್ಷ್ಮೀ ಪೂಜಾ ಯಥೋಚಿತ ಧಾರ್ಮಿಕ ಕಾರ್ಯಕ್ರಮ ದ್ವಾರ ವಿಜೃಂಭಣೇರಿ ಸಂಪನ್ನ ಜಾಲೇಲೆ ಮಾಹಿತಿ ಮೆಳ್ಯಾ. ಹೇ ವೇಳ್ಯಾರಿ ಸುವಾಸಿನಿ ಬಾಯ್ಲ ಮನ್ಶೆ ವ್ಹಡ ಅಂಕಡ್ಯಾರಿ ಜಮೂನು ದೇವಾಲೆ ಕೃಪೇಕ ಪಾತ್ರ ಜಾಲ್ಲಿಂತಿ.

ಕೋಣಂದೂರು ಶ್ರೀ ರತ್ನಾಕರ ಪ್ರಭುಂಕ ಸನ್ಮಾನು

ಕೋಣಂದೂರಾಚೆ ಶ್ರೀ ಎಚ್.ಆರ್. ರತ್ನಾಕರ ಪ್ರಭು ಹಾಂಕಾ ಆಲ್ತಾಂತು ಸವಿತಾ ಸಮಾಜ, ಕೋಣಂದೂರ ತರಪೇನ ಹೃದಯಸ್ಪರ್ಶಿ ಸನ್ಮಾನು ಚಲ್ಲೊ. ನ್ಹಂಹಿತಾ ಕೋಣಂದೂರಾಚೆ ಸ್ಪಂದನ ಸದುದ್ದೇಶ ಸಂಘಟನೆಚೆ ಸದಸ್ಯಾನಿ ೬೭ಚೆ ಸ್ವಾತಂತ್ರ್ಯೋತ್ಸವ ಸಂದರ್ಭಾರಿ ಹಾಂಗೆಲೆ ಸಮಾಜ ಸೇವಾ ಆನಿ ದಾನ ಗುಣ ಖಾತ್ತಿರಿ ಆತ್ಮೀಯ ಜಾವ್ನು ಸನ್ಮಾನು ಕೆಲ್ಲೊ. ಹೇ ವೇಳ್ಯಾರಿ ಕೆ.ಎಂ. ಸುಂದರೇಶ್, ಕೆ.ಎಸ್.ಮಂಜುನಾಥ, ಬೋಟಿ ರಾಜು, ಕೆ.ಸಿ.ರಾಜೇಶ್, ಕೆ.ಎಲ್.ಶಿವರಾಜ ಇತರ ಗಣ್ಯ ಉಪಸ್ಥಿತ ಆಶ್ಶಿ. ಶ್ರೀ ರತ್ನಾಕರ ಪ್ರಭುಂಕ ಅಭಿನಂದನ.

Konkani News

ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ

ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ವಿಜಯನಾಮ ಸಂವತ್ಸರಾಚೆ ಚಾತುರ್ಮಾಸು ಗೋಂಯ್ಚೆ ಮಡಗಾಂವಾಚೆ ಮಠಾಗ್ರಾಮ ಮಠ ಸಂಕುಲ, ಜೀವೋತ್ತಮ ನಗರ, ಗೊಗ್ಲಾ ಹಾಂಗಾ ತಾ. ೨೭-೭-೨೦೧೩ ದಿವಸು ವಿಜೃಂಭಣೇರಿ ಸುರುವಾತ ಜಾವ್ನು, ಸಂಭ್ರಮೋತ್ಸವಾರಿ ಚಲ್ತಾ ಆಸ್ಸ. ಮೃತ್ತಿಕಾ ಪೂಜನೆ ಬರಶಿ ಆರಂಭ ಜಾಲೇಲೆ ಚಾತುರ್ಮಾಸ್ಯ ಸಂದರ್ಭಾರಿ ಪ್ರತಿದಿವಸು ವಿಂಗವಿಂಗಡ ಧಾರ್ಮಿಕ ತಥಾ ಸಾಂಸ್ಕೃತಿಕ ಕಾರ್ಯಾವಳಿ ಘಡ್ತಾ ಆಸ್ಸ. ತಾಂತು ಪ್ರಮುಖ ಮ್ಹಳಯಾರಿ ೧೧-೮-೧೩ಕ ಚಲೇಲೆ ಶ್ರೀ ನಾಗಪಂಚಮಿ, ೧೯-೮-೧೩ಕ ಚಲೇಲೆ ಅಭಿನಂದನಾ ಸಮಾರಂಭ, ೨೦-೮-೧೩ಕ ಚಲೇಲೆ ಶ್ರಾವಣಿ, ೨೮-೮-೧೩ಕ ಚಲೇಲೆ ಶ್ರೀ ಕೃಷ್ಣ ಜನ್ಮಾಷ್ಟಮಿ ೯-೯-೧೩ಕ ಚಲೇಲೆ ಶ್ರೀ ಗಣೇಶೋತ್ಸವು, ತಶ್ಶಿಚಿ ಮುಖಾರಿ ೧೮-೯- ೧೩ಕ ಚೊಲ್ಚೆ ಶ್ರೀ ಅನಂತ ವೃತ, ೧೯-೯-೧೩ಕ ಚೊಲ್ಚೆ ಮೃತ್ತಿಕಾ ವಿಸರ್ಜನೆ, ಸೀಮೋಲ್ಲಂಘನ. ತಾಜ್ಜ ಬರಶಿ ಪ|ಪೂ| ಸ್ವಾಮ್ಯಾಂಗೆಲೆ ಅವುಂದೂಚೆ ಚಾತುರ್ಮಾಸು ಸಮಾಪ್ತ ಜಾತ್ತಾ. ಹೇ ಪೂರಾ ಧಾರ್ಮಿಕ ಆನಿ ಸಾಂಸ್ಕೃತಿಕ ಕಾರ್ಯಾವಳಿಂತು  ಗೋಂಯ, ಕರ್ನಾಟಕ, ಮಹಾರಾಷ್ಟ್ರ ಸಮೇತ ದೇಶಾದ್ಯಂತಾಚೆ ಶ್ರೀ ಮಠಾಚೆ ಅಪಾರ ಭಕ್ತ, ಗಣ್ಯ ಸಮಾಜ ಬಾಂಧವ ಉಪಸ್ಥಿತ ಆಸ್ಸುನು ಶ್ರೀ ಗುರುಕೃಪೇಕ ಪಾತ್ರ ಜಾಲ್ಲಿಂತಿ.  ಶ್ರೀ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ಮಡಗಾಂವ ಚಾತುರ್ಮಾಸಾಚೆ ಚ್ಹಡ ಮಾಹಿತಿ ಖಾತ್ತಿರಿ ಪೋನ್ ೦೮೩೨-೬೪೮೩೬೨೫ ಹಾಂಗಾಕ ಸಂಪರ್ಕು ಕೊರಯೇತ. ಜಾಂವೊ ಚಾತುರ್ಮಾಸ ಸಮಿತಿ ಅಧ್ಯಕ್ಷ ಶ್ರೀ ದಾಮೋದರ ಎನ್. ನಾಯ್ಕ(ಪೋನ್ ೦೮೩೨-೨೭೪೦೨೫೩), ಕಾರ್ಯದರ್ಶಿ ಶ್ರೀ ಅನಿಲ ವಿ.ಪೈ (ಪೋನ್ ೦೯೪೨೨೦೫೮೬೨೧),  ಶ್ರೀ ವಿನಯ ಎ. ನಾಯ್ಕ(೦೯೮೯೯೦೦೧೧೯೨೭) ಜಾಂವೊ ಖಜಾಂಚಿ ಶ್ರೀ ಸಂಜಯ ಎ. ಪೋಯ್ (ಪೋನ್ ೦೯೮೨೨೧೨೩೧೮೪) ಹಾಂಕಾಯಿ ಸಂಪರ್ಕ ಕೋರ್ನು ಮಾಹಿತಿ ಘೆವ್ಯೇತ.

ಶ್ರೀ ಕವಳೇ ಮಠಾಧೀಶ ಶ್ರೀಮದ್ ಶಿವಾನಂದ ಸ್ವಾಮೆಂ

ಹುಬ್ಬಳ್ಳಿ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾ ತರಪೇನ ಸಮಾಜ ಮಂದಿರ ಸರಸ್ವತಿ ಸದನಾಂತು ಚಲ್ತಾ ಆಯ್ಯಿಲೆ ಶ್ರೀ ಕವಳೇ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ ಚಾತುರ್ಮಾಸ್ಯ ವೇಳ್ಯಾರಿ ಧಾರ್ಮಿಕ ತಥಾ ಸಾಂಸ್ಕೃತಿಕ ಕಾರ್ಯಾವಳಿ ಘಡತಾ ಆಸ್ಸ. ಪ್ರತಿ ಶನ್ವಾರು ಆನಿ ಆಯ್ತವಾರು ಸಾಂಜ್ವಳಾ ಹಾಂಗಾ ವಿಶೇಷ ಸಾಂಸ್ಕೃತಿಕ ಕಾರ್ಯಕ್ರಮ ಚೇಲ್ನು ಜಮ್ಮಿಲೆ ಸಮಾಜ ಬಾಂಧವಾಂಲೆ ಮನಾಕ ರಸದೌತಣ ಮೆಳ್ತಾ ಆಸ್ಸ.  ತತ್ಸಂಬಂಧ ದೀಪ್ತಿ ಜೋಷಿಲೆ ಭರತನಾಟ್ಯ, ಶ್ರೀನಿವಾಸ ಜೋಷಿಲೆ ಸಿತಾರ ಆನಿ ತಬಲಾ ಜುಗಲಬಂಧಿ, ಸಂಜಯ ಶಾನುಭಾಗಾಲೆ ಗಂಗಾವತರಣ, ಗಣೇಶ ಸ್ತುತಿ, ಕಲ್ಕತ್ತಾಚೊ ಕಲಾವಿದಾಂಗೆಲೆ ಶಬ್ಧವೇದಿ ಪ್ರಯೋಗ, ಯಕ್ಷಗಾನ, ನಾಟ್ಕುಳಿ, ಭಜನ ಇತ್ಯಾದಿ ಸಾಂಸ್ಕೃತಿಕ ಕಾರ್ಯಾವಳಿ ಚಲೇಲೆ ಖಬ್ಬರ ಮೆಳ್ಳಾ.

ಶ್ರೀ ದೈವಜ್ಞ ಬ್ರಾಹ್ಮಣ ಮಠ

ಕರ್ಕಿಚೆ ದೈವಜ್ಞ ಬ್ರಾಹ್ಮಣ ಮಠಾಧೀಶ ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತೀ ಸ್ವಾಮ್ಯಾಂಗೆಲೆ ೨೮ಚೆ ಚಾತುರ್ಮಾಸು ಹರಿದ್ವಾರಾಂತು ವಿಜೃಂಭಣೇರಿ ಸಂಪನ್ನ ಜಾತ್ತಾ ಆಸ್ಸ. ಹರಿದ್ವಾರಾಂತು ಗಂಗಾ ಪೂಜನ ಕೋರ್ನು ದೈವಜ್ಞ ಬ್ರಾಹ್ಮಣಾಲೆ ಸುಖ-ಶಾಂತಿ -ಸಮೃದ್ಧಿ ಖಾತ್ತಿರಿ ಮಾಗಣಿ ಕೋರ್ನು ಪೂಜಾ ಆನಿ ಪ್ರಾರ್ಥನ ಕೋರ್ನು ಸ್ವಾಮೆ ಚಾತುರ್ಮಾಸ್ಯಾಚೆ ಸಂಕಲ್ಪ ಕೆಲ್ಲಿಂತಿ. ಮಠಾಚೆ ಟ್ರಸ್ಟಿ ಆರ್.ಎಸ್.ರಾಯ್ಕರ್ ತಾನ್ನಿ ಸುರವೇಕ ಯೇವ್ಕಾರ ಕೆಲ್ಲಿ. ಕರ್ನಾಟಕಾಚೆ ವಿಂಗವಿಂಗಡ ಬಗಲೇಚಾನ ಆಯ್ಯಿಲೆ ದೈವಜ್ಞ ಸಮಾಜ ಬಾಂಧವ ವೃತದೀಕ್ಷಾ ಕಾರ್ಯಕ್ರಮಾಂತು ವಾಂಟೊ ಘೇವ್ನು ತಾಂಗೆಲೆ ಪೂರ್ಣ ಸಹಕಾರಾಚೆ ಭರ್‍ವಸ ದಿಲ್ಲಿಂತಿ. ಹರಿದ್ವಾರ ಚಾತುರ್ಮಾಸ್ಯ ಖಾತ್ತಿರಿ ಸಂಪರ್ಕ ಕೊರಚಾಕ ಇಚ್ಛಾ ಆಶ್ಶಿಲ್ಯಾನಿ ಪೋನ್ ನಂ. ೦೭೮೩೦೧೯೨೧೩೩ ಹಾಂಗಾಕ ಸಂಪರ್ಕು ಕೊರಯೇತ.

ಶ್ರೀ ವೆಂಕಟರಮಣ ದೇವಳ, ಮೂಡಬಿದರೆ

ಹಾಂಗಾ ತಾ. ೨೦-೯-೨೦೧೩ಕ ಮಾಳು ಸುರುವಾತ ಜಾತ್ತಾ. ೯-೧೦ಕ ಸಾಂಜ್ವಳ ಧಾ ಸಮಸ್ತ ದಾಕೂನು ಸಾಮೂಹಿಕ ದುರ್ಗಾ ನಮಸ್ಕಾರ, ೧೦-೧೦-೧೩ಕ ಶ್ರೀ ಶಾರದಾ ಮಹೋತ್ಸವಾಚೆ ಶ್ರೀ ಶಾರದಾ ದೇವಿಲೆ ಪ್ರತಿಷ್ಠಾ, ೧೧-೧೦-೧೩ಕ ಸಾಮೂಹಿಕ ಕುಂಕುಮಾರ್ಚನ, ಚಂಡಿಕಾ ಹವನ, ಮಹಾಪೂಜಾ, ಅನ್ನ ಸಂತರ್ಪಣ, ೧೪-೧೦-೧೨ಕ ವಿದ್ಯಾದಶಮಿ ನಗರ ಭಜನ ಆರಂಭ, ೧-೧೧-೨೦೧೩ಕ ಸಾಂಜ್ವಳಾ ಜಲಪೂಜಾ, ಹೆರ್‍ದೀಸು ಸಕ್ಕಾಣಿಪೂಡೆ ೫.೦೬ಕ ತೈಲಾಭ್ಯಂಗ, ೪-೧೧-೧೩ಕ ಗೋ ಪೂಜಾ, ಬಲೀಂದ್ರ ಪೂಜಾ, ಇತ್ಯಾದಿ ಕಾರ್ಯಕ್ರಮ ಚೊಲಚೆ ಆಸ್ಸ.

ಶ್ರೀ ವೆಂಕಟರಮಣ ದೇವಳ, ಕಾರ್ಕಳ

ಕಾರ್ಕಳಾಚೆ ಶ್ರೀ ವೆಂಕಟರಮಣ ದೇವಳಾಂತು ೧೮-೯-೧೩ಕ ಅನಂತ ನೋಪಿ ಪ್ರಯುಕ್ತ ರಾಮಸಮುದ್ರಾ ಲಾಗ್ಗಿ ಪಾಲಂಖೀ ಉತ್ಸವು ಆನಿ ದೇವಳಾಂತು ಧಾರ್ಮಿಕ ಕಾರ್ಯಕ್ರಮ ಚೊಲಚೆ ಆಸ್ಸ. ೫-೧೦-೨೦೧೩ಕ ನವರಾತ್ರ್ಯಾರಂಭ. ಪದ್ಮಾವತಿ ದೇವಳಾ ದಾಕೂನು ಕದರ ಹಾಡ್ಚೆ, ೧೦-೧೦-೧೩ಕ ಶ್ರೀ ಶಾರದಾ ಪೂಜಾರಂಭ, ೧೩-೧೦-೧೩ಕ ಮಹಾನವಮಿ ಚಕ್ರೋತ್ಸವು, ೧೪-೧೦-೧೩ಕ ವಿಜಯ ದಶಮಿ, ಪಶ್ಚಿಮ ಜಾಗರ ಪೂಜಾರಂಭ, ರಾತ್ತಿಕ ಹರಿನಾರಾಯಣಾರಂಭ, ೧-೧-೧೩ಕ ಸಾಂಜ್ವಳ ಜಲಪೂಜಾ, ಹೆರ್‍ದೀಸು ೫.೦೬ಕ ತೈಲಾಭ್ಯಂಗ, ೨-೧೧-೧೩ಕ ನರಕ ಚತುರ್ದಶಿ, ೩-೧೧-೧೩ಕ ಧನಲಕ್ಷ್ಮೀ ಪೂಜಾ ೪-೧೧-೧೩ಕ ಗೋಪೂಜಾ, ಬಲೀಂದ್ರ ಪೂಜಾ, ಧಾನ್ಯಲಕ್ಷ್ಮೀ ಪೂಜಾ, ೧೨-೧೧-೧೩ಕ ಶತಕಲಶಾಭಿಷೇಕ, ಸಮಾರಾಧನ ಚೊಲ್ಚೆ ಆಸ್ಸ.

ಕಾರ್‍ವಾರಾಂತು ‘ಯಕ್ಷಗಾನ ಬೈಠಕ್

ತಾ. ೨೪-೮-೧೩ಕ ಕಾರವಾರ ಮಲ್ಲಾಪುರ ಮಿರ್ಜೆ ಶ್ರೀ ಮಹಾಗಣಪತಿ ದೇವಳಾಂತು ಸಂಕಷ್ಟಿ ದಿವಸು ಶ್ರೀ ಚೌಡೇಶ್ವರಿ ಹವ್ಯಾಸಿ ಯಕ್ಷಗಾನ ಬಳಗ ಹಾನ್ನಿ ಸಾದರ ಕೆಲೇಲೆ ಪೌರಾಣಿಕ ಪ್ರಸಂಗ ಭಾಣಾ ಬಾಂಧಾರ ಪ್ರೇಕ್ಷಕಾಲೆ ಹರ್ದೆಂತು ರಾಬಲೆ. ಭಾಗವತ ಆಶ್ಶಿಲೆ ಅಚವೆ ರವೀಂದ್ರ ಭಟ್, ನರಸಿಂಹ ಹೆಗಡೆ ಮುರೂರ ಹಾನ್ನಿ ಮೃದಂಗ ಸಾಥ ದಿಲ್ಲಿ. ನಾಗೇಶ ಅಣ್ವೇಕರ  ಹಾನ್ನಿ ಕಾರ್ಯಕ್ರಮ ಸಂಘಟನ ಕೋರ್ನು ಸೂತ್ರ ಸಂಚಾಲನ, ನಿರೂಪಣ ಕೋರ್ನು ಯಶಸ್ವಿ ಜಾಲ್ಲೆ.  ಪಾತ್ರಧಾರಿ  ವೆಂಕಟೇಶ ಭಟ್(ರಾಯಾ ಪಾತ್ರ), ರಘುನಾಥ ನಾಯಕ(ಮಾರುತಿ), ಆರ್.ಎನ್.ನಾಯಕ್, ಎಮ್.ಎಮ್.ಹೆಗಡೆ(ಅರ್ಜುನ), ಸೂರ್ಯ ಭಟ್(ವೃದ್ಧ ಬ್ರಾಹ್ಮಣ)ಮ ಮಾಗಿರಿ ಕೊಂಕಣಿಂತು ನಾಗೇಶ ಅಣ್ವೇಕರಾನಿ ರಾಮಾಯಣ ಮಹಾಕಾವ್ಯಾಚೆ ಯಜ್ಞರಕ್ಷಣೆ ಖಂಡಕಾವ್ಯ ವಾಚನ, ವ್ಯಾಖ್ಯಾನ ನ್ಹಂವೆ ಪ್ರಯೋಗ ಪ್ರಸ್ತುತ ಕೋರ್ನು ಅಭಿನಂದನಾರ್ಹ ಜಾಲ್ಲಿಂತಿ. ಕೊಂಕಣಿ ಸಾಹಿತ್ಯಾಂತ ಆಪ್ಲೇ ಚಾಂಗ ಪ್ರಯೋಗ ಶೋಧ ಜಾಲ್ಲೆ ಮ್ಹೊಣು ಪ್ರೇಕ್ಷಕಾಲೆ ಅಭಿಮತ ವ್ಯಕ್ತ ಜಾಲ್ಲೆ. ಸಗಟ ಕಲಾಕಾರಾಂಕ ಕಮೀಟಿ ತರಪೇನ ಶಾಲ ಪಾಂಗೂರ್ನು ಸತ್ಕಾರ ಕೋರ್ನು ಗೌರವ ಕೆಲ್ಲೊ.

koNkani News

ಬೆಂಗ್ಳೂರಾಂತು ಶ್ರೀ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಚಾತುರ್ಮಾಸು 

ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ೭೦ಚೆಂ ಚಾತುರ್ಮಾಸು ಕೊಂಚಾಡಿ ಶ್ರೀ ಮಹಾಲಸಾ ನಾರಾಯಣಿ ದೇವಳಾಂತು ವಿಜೃಂಭಣೇರಿ ಘಡ್ತಾ ಆಸಲೇರಿ ತಾಂಗೆಲೆ ಪಟ್ಟಶಿಷ್ಯ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಚಾತುರ್ಮಾಸು ಬೆಂಗಳೂರ್‍ಚೆ ಮಲ್ಲೇಶ್ವರಂಚೆ ೧೯ಚೆ ಕ್ರಾಸಾಂತು ಆಸ್ಸುಚೆ ಶ್ರೀ ಕಾಶೀಮಠಾಂತು ಚಲ್ತಾ ಆಸ್ಸ. ದಿನಾಂಕ ೧೮-೭-೧೩ಕ ಪ|ಪೂ| ಸ್ವಾಮ್ಯಾಂಲೆ ಪುರಪ್ರವೇಶ ಜಾಲ್ಲೆ, ೨೦-೭-೧೩ಕ ಪಂಡಿತ ನರಸಿಂಹ ಆಚಾರ್ಯ ದಾಕೂನು ಪವಮಾನ ಹೋಮು, ಚಕ್ರಾಬ್ಜಮಂಡಲ ಪೂಜಾ ಘಡ್ಲೆ. ೨೩-೭ಕ ಪ|ಪೂ| ಶ್ರೀಮತ್ ಸುಕೃತೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯತಿಥಿ ಆರಾಧನೆ ಪ್ರಯುಕ್ತ ಶ್ರೀ ವ್ಯಾಸ-ರಘುಪತಿ-ನರಸಿಂಹ ದೇವಾಕ ಲಘುವಿಷ್ಣು ಅಭಿಷೇಕ, ಪಂಚದಿನ ಸಾನ್ನಿದ್ಯಾಧಿ ಹವನ ಚಲ್ಲೆ. ೨೭-೦೭ಕ ಚಾತುರ್ಮಾಸ್ಯ ವೃತ ಸ್ವೀಕಾರ ಪ್ರಯುಕ್ತ ಸಾನ್ನಿದ್ಯಾಧಿ ಹವನ, ಲಘುವಿಷ್ಣು, ಶತಕಲಶ ಅಭಿಷೇಕ, ಮೃತ್ತಿಕಾ ಪೂಜನ, ಮುದ್ರಾಧಾರಣ, ಸಾಂಜ್ವಾಳಾ ದೀಪೋತ್ಸವು ಆನಿ ಆಶೀರ್ವಚನ ಚಲ್ಲೆ.
೨೮-೭-೧೩ ದಾಕೂನು ೪-೮-೧೩ ಪರ್ಯಂತ ಮ್ಹಹಿನ್ಯಾಚೆ ಶ್ರೀ ಸತ್ಯನಾರಾಯಣ ಪೂಜನ ತಶ್ಶಿಚಿ ವೇ|ಮೂ| ಮಂಜುನಾಥ ಭಟ್ ಆನಿ ವೇ|ಮೂ| ಸುಧಾಕರ ಭಟ್ ದಾಕೂನು ಋಕ್‌ಸಂಹಿತಾ ಯಾಗ ಸುರುವಾತ ಜಾಲ್ಲೆ. ಆನಿ ಕಡೇರ್‍ಚೆ ದಿವಸು ಶ್ರೀ ಪುತ್ತೂರು ನರಸಿಂಹ ನಾಯಕ್ ಹಾನ್ನಿ ಸಂಘಟನ ಕೆಲೇಲೆ ಅಖಿಲ ಭಾರತ ಭಜನಾ ಸಮ್ಮೇಳನ ಚಲ್ಲೆ. ೧೧-೮ಕ ನಾಗರ ಪಂಚಮಿ ದಿವಸು ಭಜನಾ ಸಪ್ತಾರಂಭ, ದೀಪ ಪ್ರತಿಷ್ಠೆ ಬರಸಿ ೧೮-೮ ಪರ್ಯಂತ ಅಖಂಡ ಭಜನ ಚಲ್ಲೆ. ೧೯-೮-೧೩ ದಾಕೂನು ೨೫-೮-೧೩ ಪರ್ಯಂತ ಸಕ್ಕಾಣಿ ವೇ|ಮೂ| ವಾಸುದೇವ ಭಟ್ ದಾಕೂನು ಶ್ರೀ ವಿಷ್ಣು ಪುರಾಣ ಪಾರಾಯಣ ಚಲಯಾರಿ, ಸಾಂಜ್ವಳಾ ವಿದ್ವಾನ್ ಧನಂಜಯಾಚಾರ್ಯ ದಾಕೂನು ಶ್ರೀ ವಿಷ್ಣು ಪುರಾಣಾಚೆ ವ್ಯಾಖ್ಯಾನ ಚಲ್ಲೆ.
ತಾ. ೧೪-೮-೧೩ಕ ಪ|ಪೂ| ಶ್ರೀಮತ್ ಸುಕೃತೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಆಶ್ರಮ ಸ್ವೀಕಾರಾಚೆ ೧೦೧ ವರ್ಷಾಚರಣ. ತತ್ಸಂಬಂಧ ವೇ|ಮೂ| ಯೋಗೀಶ ಭಟ್ ಆನಿ ವಿಂಗಡ ವೈದಿಕಾ ದಾಕೂನು ಶ್ರೀ ಮಹಾವಿಷ್ಣು ಹವನ, ೨೫-೮ಕ ಮ್ಹಹಿನ್ಯಾಚೆ ಶ್ರೀ ಸತ್ಯನಾರಾಯಣ ಪೂಜಾ, ೨೮-೮ಕ ಶ್ರೀ ಕೃಷ್ಣಜನ್ಮಾಷ್ಟಮಿ ಪ್ರಯುಕ್ತ ರಾತ್ತಿಕ ಶ್ರೀ ಪಾರ್ಥಸಾರಥಿ ದೇವಾಲೆ ಮುಖಾರಿ ಶ್ರೀ ವಿಷ್ಣು ಸಹಸ್ರನಾಮ ಪುರಸ್ಸರ ತುಳಸೀದಳ ಸಮರ್ಪಣ ಆನಿ ಅರ್ಘ್ಯಪ್ರಧಾನ, ೩೧-೮ಕ ವೇ|ಮೂ| ಪದ್ಮನಾಭ ಭಟ್ ಆನಿ ಇತರ ವೈದಿಕಾ ದಾಕೂನು ಶ್ರೀ ನರಸಿಂಹ ಹವನ, ೧-೯-೧೩ ದಾಕೂನು ೭-೯-೧೩ ಪರ್ಯಂತ ಸಕ್ಕಾಣಿ ವೇ|ಮೂ| ಕಲ್ಯಾಣಪುರ ಸುಧೀರ ಭಟ್ ದಾಕೂನು ಶ್ರೀ ಶ್ರೀನಿವಾಸ ಮಹಾತ್ಮೆ ಪಾರಾಯಣ ಆನಿ ಸಾಂಜ್ವಳ ವಿದ್ವಾನ್ ಡಾ|| ಮಾಳಗೀ ರಾಮಾಚಾರ್ ದಾಕೂನು ತಾಜ್ಜೆ ವ್ಯಾಖ್ಯಾನ, ೭-೯-೧೩ಕ ಕಲ್ಯಾಣಪುರ ರಾಮಚಂದ್ರ ಭಟ್ ಆನಿ ವಿಂಗಡೆ ವೈದಿಕಾ ದಾಕೂನು ಮೂಲಮಂತ್ರಹವನ ಚಲ್ಲೆ.
ತಾ. ೯-೯-೧೩ಕ ಶ್ರೀ ಗಣೇಶ ಚೌತಿ ಪ್ರಯುಕ್ತ ಶ್ರೀ ಮಠಾಂತು ಆನಿ ಶಾಖಾ ಮಠಾಂತು ಪ್ರತ್ಯೇಕ ಶ್ರೀ ಗಣೇಶ ಮೂರ್ತಿ ಪ್ರತಿಷ್ಠಾ, ೧೦೮ ನಾರೀಕೇಳ ಗಣಯಾಗ, ಪಾಂಚ ದಿವಸು ಶ್ರೀ ಗಣೇಶೋತ್ಸವ. ೧೦-೯-೧೩ ದಾಕೂನು ೧೬-೯-೧೩ ಪರ್ಯಂತ ವೇ|ಮೂ| ಹರಿ ಶ್ರೀನಿವಾಸ ಭಟ್ ದಾಕೂನು ಶ್ರೀ ಮದ್ಭಾಗವತ ಪಾರಾಯಣ, ಸಾಂಜ್ವಳಾ ವಿದ್ವಾನ್ ಮಧುಸೂದನಾಚಾರ್ಯ ದಾಕೂನು ತಾಜ್ಜ ವ್ಯಾಖ್ಯಾನ, ೧೩-೯-೧೩ಕ ಶ್ರೀ ಮಠಾಚೆ ಆನಿ ಶಾಖಾ ಮಠಾಚೆ ದೊನ್ನೀ ಶ್ರೀ ಗಣೇಶ ಮೂರ್ತಿ ವಿಸರ್ಜನ ಚಲ್ಲೆ.
ಮುಖಾರಿ ದಿನಾಂಕ. ೧೫-೯-೧೩ಕ ಭಾಗವತ ಸಪ್ತಾಚೆ ಮಂಗಲ ಆನಿ ವೇ|ಮೂ| ತ್ರಿವಿಕ್ರಮ ಭಟ್ ದಾಕೂನು ದಶಮಸ್ಕಂದ ಹವನ, ೧೮-೯-೧೩ಕ ಶ್ರೀ ಅನಂತನೋಪಿ ವೃತಾಚರಣ, ೧೯-೯-೧೩ಕ ಮೃತ್ತಿಕಾ ವಿಸರ್ಜನ ಆನಿ ಸೀಮೋಲ್ಲಂಘನ, ೨೧-೯-೧೩ ದಾಕೂನು ೨-೧೦-೧೩ ಪರ್ಯಂತ ವೇ|ಮೂ| ಸರ್ವೋತ್ತಮ ಜೀಯಿಸ ದಾಕೂನು ಶ್ರೀ ಪದ್ಮಪುರಾಣ ಪಾರಾಯಣ, ಸಾಂಜಳಾ ವಿದ್ವಾನ್ ಡಾ|| ಆನಂದ ತೀರ್ಥ ಎಂ.ಆರ್. ದಾಕೂನು ತಾಜ್ಜ ವ್ಯಾಖ್ಯಾನ, ತಾ. ೨-೧೦-೧೩ಕ ವೇ|ಮೂ| ಗೋವರ್ಧನ ಭಟ್ ದಾಕೂನು ರಾಮತಾರಕ ಮಂತ್ರ ಹವನ, ೫-೧೦-೧೩ ದಾಕೂನು ನವರಾತ್ರಿ ಪ್ರಯುಕ್ತ ಶ್ರೀ ವಿಶೇಷ ವಾಹನ ಪೂಜಾ, ತನ್ನಿಮಿತ್ತ ಪಾಣ್ಣೆ ಸೇವಾ, ಅಶ್ವವಾಹನ, ಐರಾವತ ವಾಹನ, ಶೇಷವಾಹನ, ರುಪ್ಪೆಚೆ ಗರುಡ ವಾಹನ, ಲಲಿತ ಪಂಚಮಿ, ಶಾಖಾಮಠಾಂತು ಸಾಮೂಹಿಕ ಕುಂಕಮಾರ್ಚನ, ಹಂಸವಾಹನ, ಶಾಖಾ ಮಠಾಂತು ಶ್ರೀ ಶಾರದಾ ಪ್ರತಿಷ್ಠೆ, ಶ್ರೀ ಶಾರದೋತ್ಸವು, ಹನುಮಂತ ವಾಹನ, ರಥವಾಹನ, ಸಾಮೂಹಿಕ ದುರ್ಗಾ ನಮಸ್ಕಾರ, ಸ್ವರ್ಣ ಗರುಡ ವಾಹನ, ಚಂಡಿಕಾ ಹವನ, ಸೂರ್ಯವಾಹನ ಇತ್ಯಾದಿ ಧಾರ್ಮಿಕ ಕಾರ್ಯವಳಿ ಚಲ್ತಾ.
ಆನಿ ತಾ. ೧೮-೧೦-೧೩ ದಾಕೂನು ೨೬-೧೦-೧೩ ಪರ್ಯಂತ ಶ್ರೀ ರಾಮಾಯಣ ನವಾಹ ಆನಿ ವ್ಯಾಖ್ಯಾನ, ಸುಂದರಕಾಂಡ ಹವನ, ದೀಪಾವಳಿ ಪ್ರಯುಕ್ತ ೨-೧೧ಕ ಶ್ರೀ ದೇವಾಕ ತೈಲಾಭ್ಯಂಜನ, ಗೋಪೂಜಾ, ೧೩-೧೧ಕ ಕಾರ್ತೀಕ ಏಕಾದಶಿ ದಿವಸು ದೀಪ ಪ್ರತಿಷ್ಠೆ, ಅಖಂಡ ಭಜನ ಆರಂಭ, ಹೆರ್‍ದೀಸು ತುಳಸೀ ಪೂಜನ, ಏಕಾಹ ಭಜನ ಮಂಗಲ ಇತ್ಯಾದಿ ಕಾರ್ಯಕ್ರಮ ಚೊಲ್ಚೆ ಆಸ್ಸ ಮ್ಹೋಣು ಖಬ್ಬರ ಮೆಳ್ಳಾ. ಭಜಕ ಭಕ್ತಾನಿ ಹಾಂತು ವಾಂಟೊ ಘೇವ್ನು ಪುನೀತ ಜಾವ್ಯೇತ.

ಸರಸ್ವತಿ ಪ್ರಭಾಚೆ ೨೫ ವರ್ಷಾಚೆ ೪ ಸಂಚಿಕಾ 

(೧೫ ಸಪ್ಟಂಬರ್ ೨೦೧೩)ಚೆ ವಿಶೇಷ

* ಸ್ಮರಣ ಶಕ್ತಿ ಚ್ಹಡ ಕೋರ್ನು ಘೆವಚಾಕ ಉಪಾಯು (ಲೇಖನ)
* ಶ್ರೀ ಕೆ. ಜನಾರ್ಧನ ಭಟ್ ಮೈಸೂರು ಹಾನ್ನಿ ಬರೆಯಿಲೆ “ಉಪನಿಷದ್ ಕಾಣಿ ೧೦
* ಮೈನ್ಯಾ ಕಾಣಿಂತು “ಗವರ್ನಮೆಂಟ್ ನೌಕ್ರಿ
* ಆಮ್ಮಿ ಪೂರಾ ಖಂಚೆ ಖಾತ್ತಿರಿ ವಾವ್ರೊ, ಕಟಪಿಟಿ ಕರತಾತಿ? ಸಂತೋಷ, ಸಮಾಧಾನ, ಆನಂದಾ ಖಾತ್ತಿರಿ. ತ್ಯಾ ಸೊಚ್ಚೆ ಖಾತ್ತಿರಿ ಕೀರ್ತಿ, ಪ್ರತಿಷ್ಠೆ, ಸಂಪತ್ತ, ಬಾಯ್ಲ, ಚರ್ಡುಂವಾ ಮಾಕಸಿ ಧಾಂವತಾತಿ. ಜಾಲ್ಯಾರಿ ದೇವಾನಿ ತ್ಯಾ ಆನಂದಾಚೆ ಕೊಪ್ಪರಿಗಾ ಆಮಗೇಲೆ ಭಿತ್ತರಿ ನಿಪ್ಪೂನು ದವರಲಾ. ಮ್ಹೊಣು ಕಳೈಚೆ ವಿಶೇಷ ಲೇಖ “ಆನಂದೂಚಿ ಜೀವನ
* ಶ್ರೀಮತಿ ವನಿತಾ ಪ್ರಭು ಹಾನ್ನಿ ಬರೆಯಿಲೆ “ವರದಕ್ಷಿಣ ಜಾವ್ಕಾವೇ ನಾಟ್ಕುಳಿಚೆ ಅಂತಿಮ ಭಾಗ.
* ಶ್ರೀ ಅನಿಲ ಪೈ ಶಿರಸಿ ಹಾನ್ನಿ ಬರೆಯಿಲೆ “ಸ್ಟಿಜೊಫ್ರೀನಿಯಾ ಆರೋಗ್ಯ ಲೇಖನ.
*  ಸ್ವಾಮಿ ವಿವೇಕಾನಂದಾಲೆ ಜೀವನ ಘಟನಾಚೆ ಆನ್ನೇಕ ಭಾಗ
*  ಆದ್ಗತೀಕ ಏಕ ಕಾಣಿಂತು ‘ಆವ್ಸು ಪಶಿ ವ್ಹಡ ದೇವು ನಾ
*  ಹವ್ಯಕ ರಾಂದ್ಪಾಂತು ಅಮೃತ ಫಲ ಆನಿ ನೇಂದ್ರ ಕೇಳೆಚೆ ಚೋಲಿತಾಳು
“ಪ್ರಾಪ್ತಿ ಧಾರವಾಹಿ, ಖಂಚೆ ಕಾಯ್ಲೆಕ ಖಂಚೆ ಘರಾ ವಾಕ್ಕದ? ಬೆಂಗ್ಳೂರಾಂತು ಶ್ರೀ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಚಾತುರ್ಮಾಸು,  ಮೈಸೂರಾಂತು ಜಿ.ಎಸ್.ಬಿ. ಸ್ವರ ಸಂಗಮು, ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೆಂ, ಶ್ರೀಮದ್ ವಿದ್ಯಾಧಿರಾಜ ತೀರ್ಥ ವಡೇರ ಸ್ವಾಮೆ, ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೆ(ಕವಳೆ ಮಠ) ಆನಿ ಶ್ರೀ ಶ್ರೀ ಸಚ್ಚಿದಾನಂದಜ್ಞಾನೇಶ್ವರ ಭಾರತಿ ಸ್ವಾಮ್ಯಾಂಗೆಲೆ ಚಾತುರ್ಮಾಸಾಚೆ ಖಬ್ಬರ.
ಆನಿ ಕರ್ನಾಟಕಾಚೆ ಸಮಗ್ರ ಜಿ.ಎಸ್.ಬಿ. ದೈವಜ್ಞ ಸಮಾಜಾಚೆ ಬರಪೂರ ಖಬ್ಬರ ಹೇ ಏಕ್ಕಾ ಸಂಚಿಕೆಂತು.

೧೫-೯-೧೩ಕ ಪೋಸ್ಟ ಕೆಲ್ಲಯಾ.

ಮುದ್ದಾಂ ವಾಜ್ಜುನು ಅಭಿಪ್ರಾಯು ಕಳೇಯಾ.

Saraswati Prabha

‘ಸರಸ್ವತಿ ಪ್ರಭಾ ೨೫ ವರ್ಷಾಕ ಯವ್ನು ಪಾವ್ವಿಲೆ ಕಾಣಿ-೩

ಶಿರ್ಶಿಚಾನ ಹುಬ್ಳಿಕ ವಚ್ಚೆ ಪರ್ಯಂತ ಮೆಗೇಲೆ ಮಾತ್ತೆ ಖಾತ್ತಾ ಆಶ್ಶಿಲೆ ವಿಷಯು ಮ್ಹಳಯಾರಿ ತ್ಯಾ ಮಾಂತಾರೆಂ ಮನುಷ್ಯಾನ ಕೆಲೇಲೆ ಶಪಥ. “ತಶ್ಶಿ ಜಾಲಯಾರಿ ತಾನ್ನಿ ಸಾಂಗಿಲ್ವರಿ ಕೊಂಕಣಿ ಪತ್ರಿಕಾ ಚಲೈಚೆ ಮ್ಹಳಯಾರಿ ತಿತ್ತುಲೆ ಕಷ್ಟವೇ? ವ್ಹಯಿ, ತಾಂಗೆಲೆ ಉತ್ತರ ಆಯಕೂನು ಮಾಕ್ಕಾ ಸುಮಾರಶಿ ಜಾಲೇ ಮ್ಹಣ್ಚೆ ಪಶಿ, ಹಾಂವ ಪೂರ್ತಿ ಕಂಗಾಲ ಜಾಲೇಲೊ ಪಟ್ಟಿಕ ನ್ಹಂಹಿ. ಹಾಂವ ಚ್ಹಡ ಲೋಕಾಂಕ ಪರಿಚಿತು ನಾಶ್ಶಿಲೊ ಜಾಲ್ಯಾರಿಚಿ ಮಸ್ತ ಉಮೇದಾನಿ ಮೆಗೇಲೆ ಆವಯಿ ಭಾಷೇಕ ಖಾಂಯ್ತರಿ ಸೇವಾ ಪಾವೈಕಾ ಮ್ಹಣಚೆ ಏಕೈಕ ಉದ್ದೇಶ ದವರೂನು ಹೇ ಪ್ರಯತ್ನ ಸುರುವಾತ ಕೆಲೇಲೊ. ಆತ್ತ ಪಳೇಯಲ್ಯಾರಿ ತಾನ್ನಿ ಮಾಜ್ಜೇನ ಕೊಂಕಣಿ ಪತ್ರಿಕಾ ಚಲೈಚೆ ಅಶಕ್ಯ ಮ್ಹಣತಾತಿ? ಸ ಮೈನೋ ಸುಲಲಿತ ಜಾವ್ನು ಚಲಯಲ್ಯಾರಿ ಏಕ ಬಗಲೇಚೆ ಮೀಸ್ಯೋ ಕಾತ್ತರ್ನು ಘೆತ್ತಾ ಮ್ಹೊಣು ಶಪಥ ಕೆಲ್ಲಯಾ. ತಶ್ಶಿ ಜಾಲಯಾರಿ ಮಾಕ್ಕ ಸ ಮೈನೋ ಪೂಣಿ ‘ಸರಸ್ವತಿ ಪ್ರಭಾ ಪ್ರಕಟ ಕೊರಚಾಕ ಜಾಯಸನಾಂವೇ?  ಹುಬ್ಳಿಕ ವಚ್ಚೆ ಪರ್ಯಂತ ಹೇಂಚಿ ಚಿಂತನ -ಮಂಥನ. ಕಡೇರಿ ಹಾಂವೆ ಪೂರ್ತಿ ಜವಾಬ್ದಾರಿ ದೇವಾ ವಯ್ರಿ ಘಾಲ್ನು, ಮನಾಂತೂ ಏಕ ಠರಾವ ಕೋರ್ನು ಘೆತಲೆ. ಕಸಲೆ ಮ್ಹಳಯಾರಿ ಪ್ರತಿ ಮ್ಹಹಿನೋ ಆಯ್ಯಿಲೆ ದುಡ್ವಾಂತು ಪಯಿಲೆ ಪೇಪರಾಕ ಕಿತ್ಲೆ ಜಾವ್ಕಾಕಿ ತಿತ್ಲೆ ವಿಂಗಡ ಕಾಣು ದವರೂನು ಘೇವ್ನು, ಮಾಗಿರಿ ಉರಲೇರಿ ಮೆಗೇಲೆ ಜವಣ -ಖಾಣಾಕ ವಾಪರಚೆ. ಸಾಧ್ಯ ಜಾಲ್ಯಾರಿ ದೋನಿ ಮೈನ್ಯಾಕ ಲಾಗ್ಚೆ ದುಡ್ಡು ಕಾಣು ದವರಚೆ ಮ್ಹೊಣು. ಠರಾವ ಕೆಲೀಲೆ ತಿತ್ಲೆಚಿ ನ್ಹಂಹಿ ಮಾಕ್ಕಾ ಲಗ್ನ ಜಾವ್ಚೆ ಪರ್ಯಂತ ಮ್ಹಳಯಾರಿ “ಸರಸ್ವತಿ ಪ್ರಭಾಕ ೭ ವರ್ಷ ಭೊರ್‍ಚೆ ಪರ್ಯಂತ ಹಾಂವೆ ಹೇಂಚಿ ರಿವಾಜ ಚೂಕನಾಶಿ ಪಾಲನ ಕೋರ್ನು ಆಯಲೊ. ಸುರವೇಚೆ ದೋನ -ತೀನ ವರ್ಷ ಕಿತ್ಲಕಿ ದಿವಸು ಖಾಲಿ ಚುರ್‍ಮುರೊ, ಪೋವು ಖಾವ್ನು, ಪ್ಯಾಜ ಮಾತ್ರ ಜೇವ್ನು ದಿವಸು ದೂಂಗುಲ್ಯಾರಿಚಿ ಪತ್ರಿಕಾ ಮಾತ್ರ ಏಕ್ಕಾ ಏಕ ಸಂಚಿಕಾ ಸ್ಥಗಿತ ಜಾಯನಾಶಿ ಪ್ರಕಟ ಜಾಲ್ಲೆ. ಆಜಿ ಬೈಸೂನು ಯವ್ಜಿಲ್ಯಾರಿ ಮಾಕ್ಕಾ ದಿಸ್ತಾ “ಮಾಕ್ಕಾ ಅಸ್ಸಲೆ ಸಹಿಷ್ಣುತಾ, ಶಕ್ತಿ, ಮನ ದಿಲೀಲೆ ತ್ಯಾ ಪರಮಾತ್ಮನಂಚಿ ಮ್ಹೊಣು.
ಹಾಂವೆ ಶಿರ್ಶಿಚಾನ ಹುಬ್ಬಳ್ಳಿಕ ವಚ್ಚುನು ಆಠ್ವಾಡೆ ಭಿತ್ತರಿಚಿ ಖಂಚಕಿ ಕಾರಣಾನ ಗಾಂವಾಕ ವಚ್ಚೆ ಅಗತ್ಯ ಪಳ್ಳೆ. ತೆದ್ದನಾ ಹಾಂವ ಥೊಡೆ ಪ್ರಿಂಟ್ ಜಾಲೇಲೆ ಪ್ರತ್ಯೋ ಆನಿ ಬಿಲ್ ಬುಕ್ ಘೇವ್ನು ಘೆಲ್ಲೊ. ಪಯ್ಲೆ ಹಾಂವೆ ಸದಸ್ಯ ಕೆಲೀಲೆ ಮೆಗೇಲೆ ಸಂಬಂಧಿಕಾಂಕ. ಉಪ್ಪುಂದ, ಕುಂದಾಪುರ, ಗಂಗೊಳ್ಳಿ, ಹಾಜ್ಜ ಬರಶಿ ಮೆಗೇಲೊ ಬಾಪ್ಪಾಲೊ ಪೂತು ಶ್ರೀ ದೇವದಾಸ ಶೆಣೈ  ಮ್ಹೊಣು, ತೊಂ ಮೇಳಾಂತು ಮದ್ಲೆಗಾರ ಜಾವ್ನಾಶ್ಶಿಲೊ. ತಾಣೆ ಮಾಕ್ಕಾ ಅಂಪಾರ, ನೇರಳಕಟ್ಟೆ, ಹೆಬ್ರಿ, ಸಿದ್ದಾಪೂರ ಇತ್ಯಾದಿ ಗಾಂವಾಕ ಆಪ್ಪೋನು ವ್ಹೋರ್ನು “ಸರಸ್ವತಿ ಪ್ರಭಾ ಪತ್ರಿಕೇಕ ಸುಮಾರ ಇತ್ಲೆ ಸದಸ್ಯ ಕೋರ್ನು ದಿಲ್ಲೆ. ಒಟ್ಟಾರೆ ಗಾಂವ್ಚಾನ ಪರತೂನು ಹಾಂವೆ ಹುಬ್ಬಳ್ಳಿಕ ಯತ್ತನಾ ಪತ್ರಿಕೆಚೆ ಒಟ್ಟು ಸದಸ್ಯಾ ಅಂಕಡೊ ೧೫೦ ಪಶಿ ಚ್ಹಡ ಜಾಲೀಲೆ. ಖಾಲಿ ಪ್ರಯೋಗ ಸಂಚಿಕೇಕ ಮಾಕ್ಕಾ ಇತ್ಲೆ ಪ್ರತಿಕ್ರಿಯಾ ಮೆಳ್ಳೆ. ಸುರವೇ ದಿವಸಾಂತು ಪತ್ರಿಕೇಕ  ಸದಸ್ಯ ಕೋರ್ನು ದಿವಚಾಂತು ವಿಶೇಷ ಮದ್ದತ್ ಕೆಲೀಲೆ ಆನ್ನೇಕಳೆಂ ಮ್ಹಳಯಾರಿ ಉಪ್ಪುಂದಾಚೆ ಪಿಗ್ನಿ ಏಜೆಂಟ್ ಶ್ರೀ ವಿಶ್ವನಾಥ ನಾಯಕ್. ತಾನ್ನಿ ಏಕಳೀಚಿ ಸ್ವತಃ ಘೂವ್ನು ಉಪ್ಪುಂದ, ನಾಯ್ಕನಕಟ್ಟೆ, ಕಂಬದಕೋಣ, ಬೈಂದೂರು, ಶಿರೂರು, ಭಟ್ಕಳ ಗಾಂವಾಂತು ಪತ್ರಿಕೇಕ ಮಸ್ತ ಇತ್ಲೆ ಸದಸ್ಯ ಕೋರ್ನು ದಿಲೀಲೆ ಹಾಂವ ಕೃತಜ್ಞತೇನ ಉಡಗೋಸು ಕೋರ್ನು ಘೆವ್ಕಾಚೀಚಿ.
ಗಾಂವ್ಚಾನ ಪರತ ಹಾಂವೆ ಹುಬ್ಳಿಕ ಜೂನ್ ಪಯ್ಲೆ ಹಪ್ತೆಂತು ಆಯಲೊ. ತೆದ್ದನಾ ಮಾಕ್ಕಾ ಏಕ ವಿಶೇಷ ಖಬ್ಬರ ಕಳ್ಳಕಿ, ಹುಬ್ಬಳ್ಳಿ ಜಿ.ಎಸ್.ಬಿ. ಸಮಾಜಾಚೆ ಸಮಾಜ ಡೇ ಜೂನ್ ೨೪ಕ ಆಸ್ಸ ಆನಿ ತ್ಯಾ ವರ್ಷ ಸಮಾಜ ಡೇ ಸಮಾರಂಭಾಕ  ನಾಮಾಂಕಿತ ಪತ್ರಕರ್ತ, ಅಖಿಲ ಭಾರತ ಕೊಂಕಣಿ ಸಾಹಿತ್ಯ ಪರಿಷತ್ತಾಚೆ ಅಧ್ಯಕ್ಷ ಶ್ರೀ ಎಮ್.ವಿ. ಕಾಮತ್  ಮಾಮು ಸೊಯರೆ ಜಾವ್ನು ಎತ್ತಾತಿ ಮ್ಹಣಚೆ!  “ರೊಟ್ಟಿ ನಿಸೋರ್ನು ತುಪ್ಪಾಕ ಪಳ್ಳೆ ಮ್ಹಳೇಲ ವರಿ ಆಮಗೇಲೆ ಪತ್ರಿಕೇಚೆ ಪಯ್ಲೆ ಸಂಚಿಕಾ ತಾಂಗೆಲೆ ಹಾತ್ತಾನ ಉಗ್ತಾವಣ  ಕೆಲ್ಯಾರಿ ಕಶ್ಶಿ? ಕಶ್ಶಿಚಿ ತಾನ್ನಿ ಪತ್ರಿಕಾ ರಂಗಾಚೆ ಭೀಷ್ಮ ನ್ಹಂಹಿವೇ? ಮನಾಂತು ದೇವಾನ ಅಶ್ಶಿ ಪ್ರೇರಣ ದಿಲ್ಲ ಸತಾ ಹಾಂವೆ ವಿಳಂಬ ಕರ್ನಿ. ಶ್ರೀ ಶೇಷಗಿರಿ ಕಾಮತ್ ಮಾಮ್ಮಾಕ ಮೇಳ್ನು ಮೆಗೇಲೆ ಅಭಿಲಾಶಾ ತಾಂಗೇಲೆ ಮುಖಾರಿ ದವರ್‍ಲೆ. ಕಶ್ಶಿಚಿ ತಾನ್ನಿ ಪತ್ರಿಕೇಚೆ ಗೌರವ ಪೋಷಕಮೂ! ತಾನ್ನಿ ಜಾಯ್ತ, ಹಾಂವ ಸೆಕ್ರೆಟರಿಕ ಸಾಂಗ್ತಾ ಮ್ಹಳ್ಳೆ.
ಹಾಂವ ಪ್ರಥಮ ಸಂಚಿಕಾ ತಯಾರ ಕೊರಚೆ, ಛಾಪಸೂಚೆ ಕಾರ್ಯ ಹಾತ್ತಾಕ ಘೆತ್ಲೆ. ಖಂಚೇಯಿ ತಾಪತ್ರಯ ನಾಶಿ ಆಮಗೇಲೆ ಪ್ರಥಮ ಸಂಚಿಕಾ ಜೂನ್ ೨೪ -೧೯೮೯ ದಿವಸು ಶ್ರೀ ಎಮ್.ವಿ. ಕಾಮತ್ ಮಾಮ್ಮಾಲೆ ಹಾತ್ತಾಂತು ಉಗ್ತಾವಣ ಜಾಲ್ಲೆ. ಸಭಾಂತು ತಾನ್ನಿ ಮೆಗೇಲೆ ಹೇ ಸಾಹಸಾ ಖಾತ್ತಿರಿ ದೋನ ಚಾಂಗ ಉತ್ತರ ಉಲೈಲಿಂತಿ, ತಾಂಗೆಲೆ ಚಾಂಗ ಉತ್ರಚಿ ಮಾಕ್ಕಾ ಕಿತ್ಲಕಿ ಉಮೇದ ದಿಲ್ಲೆ ಮ್ಹಳಯಾರಿ ಚೂಕಿ ಜಾಯಸನಾ. ಆನಿ ತ್ಯಾ ಸಮಾಜ ಡೇ ದಿವಸೂ ಪತ್ರಿಕೇಕ ತೀಸಾ ಪಶಿ ಚ್ಹಡ ಲೋಕ ಸದಸ್ಯ ಜಾವ್ನು ಸದಸ್ಯತ್ವ ೨೦೦ ಗಡಿ ದಾಂಟಿಲೆ. ಇತ್ಲೆ ಭಿತ್ತರಿ ಹಾಂವೆ ಶಿಕ್ಕಿಲೆ ಏಕ ಸತ್ಯ ಮ್ಹಳಯಾರಿ ಹಾಂವೆ ಹುಬ್ಬಳ್ಳಿಂತು ಬೈಸೂನು ಖಾಲಿ ಪೇಪರ್ ಕರ್ತಾ ಬೈಸೂನು, ಲೋಕ ಪ್ರೋತ್ಸಾಹ ದೀನಾಂತಿ ಮ್ಹೋಣು ನಿರಾಶಾ ಪಾವ್ಚೆಂತು ಅರ್ಥು ನಾ. ಹಾಂವ ಕೊಂಕಣಿಗಾಲಾಗ್ಗಿ ವಚ್ಚುಕಾ, ತಾಂಕಾ ಮೇಳ್ಕಾ ಆನಿ ಥಂತೂಲೆ ಭಾತ್ಮಿ, ವಿಶೇಷ ಆಸಲೇರಿ ವಿಷಯು ಘೇವ್ಕಾ ತ್ಯಾ ಸಂಬಂಧಾನಿ ಸದಸ್ಯ ಅಂಕಡೊ ಚ್ಹಡ ಕೊರಚಾಕ ಪ್ರಯತ್ನ ಕೊರಕಾ. ಅಸ್ಸಲೆ ವಿಚಾರ ಆಯ್ಲ ಕೂಡ್ಲೆ ಹಾಂವೆ ಮೈನ್ಯಾಕ ಏಕ ಆಠ್ವಡೊ ಮಾತ್ರ ಹುಬ್ಬಳ್ಳಿಂತು ಪತ್ರಿಕಾ ತಯಾರ ಕೊರಚಾಕ ರಾಬ್ಬೂನು, ಉರಲೀಲ ದಿವಸು ವಿಂಗ ವಿಂಗಡ ಗಾಂವಾಕ ವಚ್ಚೆಕ ಲಾಗಲೊ. ಮುಂಡಗೋಡ, ಯಲ್ಲಾಪೂರ, ಶಿರ್ಶಿ, ಕುಮಟಾ, ಹೊನ್ನಾವರ, ಭಟ್ಕಳ, ಮಳಗಿ, ಬಿಳಗಿ, ವಂದಾನೆ, ಅಂಕೋಲಾ, ಕುಂದಾಪುರ, ಉಡುಪಿ ಸಾಗರ, ನಗರ, ಹೊಸನಗರ, ತೀರ್ಥಹಳ್ಳಿ, ಗದಗ ಮ್ಹೊಣು ಘೂವ್ನು ಪತ್ರಿಕೇಕ ಪ್ರಥಮ ವರ್ಷ ಭೊರ್‍ಚೆ ಭಿತ್ತರಿ ೭೦೦ ಪಶಿ ಚ್ಹಡ ಸದಸ್ಯ ಕೋರ್ನು ಘೆವಚಾಕ ಶಕ್ತ ಜಾಲ್ಲೊ.
ಪೋಷಕ ಜಾಲೇಲೆ ಶ್ರೀ ಶೇಷಗಿರಿ ಮಾಮ್ಮಾನ ಕಾಮತ್ ಹೋಟೇಲ್ಲಾಚೆ ಜಾಹೀರಾತು ಪತ್ರಿಕೇಕ ದಿಲೀಲೆ. ಕಾಮತ್ ಟೀ ಡಿಪೋಚೆ ಜಾಹೀರಾತಂತು ಸರಸ್ವತಿ ಪ್ರಭಾ ಸುರುವಾತ ಜಾವ್ನು ಏಕ್ದೋನಿ ಮ್ಹಹಿನ್ಯಾಂತು ಘಾಲಚಾಕ ಸೂರ ಕೆಲೀಲೆ. ಆಜಿ ಸೈತ ಘಾಲ್ತಾ ಆಸ್ಸ. ಥಂಯ್ಚಾನ ಶ್ರೀ ಸದಾನಂದ ಭಟ್ ಮಾಮು ನಿರಂತರ ಜಾವ್ನು ಆಮ್ಕಾ ಪ್ರೋತ್ಸಾಹ ದಿತ್ತಾ ಆಯಲಿಂತಿ. ತಾಜ್ಜ ಬಾಯ್ರಿ ಆಮಗೇಲೆ ಪತ್ರಿಕೇಕ ಪ್ರಪ್ರಥಮ ಜಾಹೀರಾತು ದೀವ್ನು ಪ್ರೋತ್ಸಾಹ ದಿಲೀಲೆ     ಶಿರ್ಶಿ ಅರ್ಬನ್ ಬ್ಯಾಂಕಾಚೆ ಜನರಲ್ ಮೆನೇಜರ್ ಜಾವ್ನು ಆಶ್ಶಿಲೆ ಶ್ರೀ ಎಂ.ಎಸ್.ಪ್ರಭು ಆನಿ ಅಧ್ಯಕ್ಷ ಶ್ರೀ ವ್ಹಿ.ಎಸ್.ಸೋಂದೆ ಮಾಮ್ಮಾನ. ೧೯೮೯ ಇಸ್ವೆಚೆ ಅಗಸ್ಟಾಂತು ತಾನ್ನಿ ಸರಸ್ವತಿ ಪ್ರಭಾಕ ಜಾಹೀರಾತು ದಿವಚಾಕ ಸುರುವಾತ ಕೆಲೀಲೆ ಮುಖಾರಿ ವರ್ಷಾಕ ತೀನಿ-ಚಾರ ಪಂತಾ ದಿವಚಾಕ ಲಾಗಲೆ. ಶ್ರೀ ಎಮ್.ಎಸ್.ಪೈ ಮಾಮು ಜನರಲ್ ಮ್ಯಾನೇಜರ್ ಆಶ್ಶಿಲೆ ದಿವ್ಸಾ ಪರ್ಯಂತ (ಬ್ಯಾಂಕಾಚೆ ಅಧ್ಯಕ್ಷ ವಿಂಗಡ ಲೋಕ ಆಸಲೇರಿ ಸೈತ) ಆಮಕಾ ನಿರಂತರ ಜಾವ್ನು ಬ್ಯಾಂಕಾಚೆ ಜಾಹೀರಾತು ಮೆಳ್ಳಾ. ಹೇ ಖಾತ್ತಿರಿ ಹಾಂವ ಶ್ರೀ ಎಮ್.ಎಸ್.ಪ್ರಭು ಆನಿ ಶ್ರೀ ವಿ.ಎಸ್. ಸೋಂದೆ ಮಾಮ್ಮಾಕ ಆಬಾರಿ ಆಸ್ಸ.
ತಾಜ್ಜ ಮಧ್ಯೆ ಆನ್ನೇಕ ಘಟನಾ ಚಲ್ಲೆ. ಹಾಂವ ಕೊಂಕಣಿ ಮಾತೃಭಾಷೆಚೆ ಏಕ ಮನುಷ್ಯಾ ಘರ್‍ಕಡೆ ಚಂದಾ ನಿಮ್ಗೂಚಾಕ ಘೆಲ್ಲೊ. ತಾನ್ನಿ ಏಕ ಡಿಸಿಸಿ ಬ್ಯಾಂಕಾಚೆ  ಅಧ್ಯಕ್ಷ ಜಾವ್ನಾಶ್ಶಿಲೆ, ತುಕ್ಕಾ ಜಾಹೀರಾತು ಖಾಂಯ್ತರಿ ಮೆಳ್ತಲೆ ವಸ ಮ್ಹೊಣು ಮಾಕ್ಕಾ ವಳ್ಕಿಲೀಲೆ ಏಕಳ್ಯಾನ ಸಾಂಗಿಲೆ , ತಾಂಗೆಲಾಗ್ಗಿ ವಚ್ಚುನು ಏಕ ಸದಸ್ಯ ಜಾಂಯಾ ಮ್ಹಳಯಾರಿ ತಾನ್ನಿ “ಅಯ್ಯೋ.. ಹೇ ಕೊಂಕಣಿ ಪೇಪರ್ ಪೂರಾ ಕೋಣ ವಾಜ್ಜಿತಾತಿ. ಆಮ್ಗೆಲ ಥಂಯಿ ಅಂತೂ ಇಂಗ್ಲೀಷ್ ಪೇಪರ್ ಸೋಣು ಕನ್ನಡ ಪೇಪರ್ ಸೈತ ವಾಜ್ಜಿನಾಂತಿ. ತೂಂ ಹೇ ಪೇಪರ್ -ಗೀಪರ್ ಕೊರ್‍ಚೆ ಪೂರಾ ಸೋಣು ಖಂಯಿಪೂಣಿ ಏಕ ಪ್ರಿಂಟಿಂಗ್ ಪ್ರೆಸ್‌ಕಿ, ಅಂಗಡಿ ಘಾಲ್ನು ಬೈಸ್. ರೀಣ ಜಾವ್ಕಾ ಜಾಲ್ಯಾರಿ ಯೋ ಹಾಂವ ಮೆಗೇಲೆ ಬ್ಯಾಂಕಾಚಾನ ದಿವೈತಾ. ಹೇ ಭಾಷಾ ಸೇವಾ ಕೊರಚೆ ಪೂರಾ ಪೋಟ ಭರಲ್ಯಾನ ಮ್ಹಳ್ಳಿಂತಿ.  ಬಹುಶಃ ಮೆಗೇಲೆ ಇಸ್ತ್ರಿ ನಾತ್ತಿಲೆ ಆಂವ್ಗಲೆ, ಕೊರಚೆ ಕಷ್ಟ ಪಳೋವ್ನು ಕನಿಕರಾನಿ ತಾನ್ನಿ ಅಶ್ಶಿ ಸಾಂಗೂನು ಆಸ್ಸುಕ ಪುರೊಂತಿ. ಜಾಲ್ಯಾರಿ ತಾಂಚೇನ ಖಂಚೇಯಿ ಮದ್ದತ್ ಮೇಳ್ನಾಶಿ ಹಾಂವೆ ಖಾಲಿ ಹಾತ್ತಾಂತು ಪರತ ಆಯ್ಯಿಲೆ ಮಾತ್ರ ಪಟ್ಟಿಕ ನ್ಹಂಹಿ.
ಹೇ ಮಧ್ಯೆ ಮಾಕ್ಕಾ ಆನ್ನೇಕ ಅಣುಭವು ಜಾಲ್ಲೆ. ಹಾಂವ ಸದಸ್ಯತ್ವ ಕೊರಚಾಕ ಅಂಕೋಲೆಂತು ಏಕ ಘರ್‍ಕಡೆ ಘೆಲ್ಲಿಲೊ. ಘರಾ ಯಜಮಾನು ತಾನ್ನಿಕ ಪಿತ್ತಾ ಆಶ್ಶಿಲೆಂ.  ತಾಗೆಂಲೆ ಬಾಯ್ಲ ಯವ್ನು “ಕಸ್ಸಲೆ ಜಾವ್ಕಾ ಆಶ್ಶಿಲೆ? ಮ್ಹಳ್ಳಿಂತಿ. ತೆದ್ನಾ ಹಾಂವ ಮ್ಹಳ್ಳೆ “ಆಮ್ಮಿ ಹುಬ್ಳಿಚಾನ ಸರಸ್ವತಿ ಪ್ರಭಾ ಮ್ಹಳೇಲೆ ಪತ್ರಿಕಾ ಕೊಂಕಣಿಂತು ಪ್ರಕಟ ಕರ್ತಾ ಆಸ್ಸತಿ, ತುಮ್ಕಾ ತಾಕ್ಕೇಕ ಸದಸ್ಯ ಕೊರ್‍ಕಾ ಮ್ಹೊಣು ಆಯ್ಯಿಲೊ. ಮ್ಹಣತಾ. ತೀ ಮಾಯಿ “ಬೈಸ ಹಾಂಕಾ ಪೆಟೈತಾ ಮ್ಹೊಣು ಭಿತ್ತೆರಿ ಘೆಲ್ಲಿಂತಿ. ಆನಿ ಬಾಮ್ಣಾಲಾಗ್ಗಿ ವಚ್ಚುನು ಸಾಂಗತಾತಿ “ಕೋಣ್ಕಿ ಹುಬ್ಳಿಚೊ ಖಂಯಿ, ಕೊಂಕ್ಣಿಂತು ತ್ಯಾ ಖಂಚಕಿ ಪೇಪರ್ ಕಾಳ್ಳಾ ಖಂಯಿ.. ಸದಸ್ಯ ಕೊರಚಾಕ ಆಯ್ಲಾ ಖಂಯಿ.. ನ್ಹಂಹಿ ಆನಿ ತುಮ್ಮಿ ವಚ್ಚುನು ಸದಸ್ಯ ಜಾವ್ನು ಸೋಣಕ್ಕಾತಿ. ತಾಜ್ಜೇನ ಆಮ್ಕಾ ಕಸ್ಸಲೆ ಮುನಾಪೋ? ಮ್ಹಣತಾ. ತೊಂ ಮಾಮು ಬಾಯ್ರಿ ಯವ್ನು ತಶ್ಶೀಚಿ ಮ್ಹಣತಾತಿ. ಮಾಕ್ಕಾ ಕೊಂಕಣಿ ಪೇಪರ್ ವಾಚ್ಚ್ಚೂಕ ಪುರುಸೊತ್ತು ನಾ, ಚರ್ಡುಂವ ದೊಗ್ಗಚಿ ಇಂಗ್ಲೀಷ್ ಮೀಡಿಯಮ್ಮಾಕ ವತ್ತಾ ಆಸ್ಸತಿ. ಘರಾಂತು ಆಮ್ಮಿ ಕೊಂಕಣಿಂತು ಉಲೈನಾಂತಿ. ಇಂಗ್ಲೀಷಾಂತು ಉಲೈಚೆ. ಸ್ಕೂಲಾ ವಚ್ಚೆ ಚರ್ಡುವಾಂಕ ಸುಲಭ ಜಾಂವೊ ಮ್ಹೊಣು. ನೈಶಿ ಕೊಂಕ್ಣಿ ಪೇಪರ್ ಘೆತಲ್ಯಾರಿ ಆಮ್ಕಾ ಕಸ್ಸಲೆ ಮುನಾಪೋ ಆಸ್ಸ..? ಮ್ಹಳೇಲ ತೆದ್ದನಾ ತಾಂಗೆಲ ಮುಖಾರಿ ಭಾಷಾಭಿಮಾನ, ಮಾತೃ ಭಾಷೆ ಖಾತ್ತಿರಿ ಉಲೈಚೆ ವ್ಯರ್ಥ ಮ್ಹೊಣು ಸಮಜೂನು ಖಾಂಯಿ ಉಲೈನಾಶಿ ಪರತ ಆಯಲೊ. ಜಾಲ್ಯಾರಿ ತಾನ್ನಿ ಮ್ಹಳ್ಳಮೂ “ಹೇ ಕೊಂಕ್ಣಿ ಪೇಪರ ಘೆತಲೀರಿ ಆಮ್ಕಾ ಕಸ್ಸಲೆ ಮುನಾಪೊ? ಮ್ಹೊಣು.  “ವ್ಹಹಿ, ಮುನಾಪೋ ಜಾವ್ಚ ತಸ್ಸಾಲೆ ಖಾಂಯ್ತರಿ ಕೋರ್‍ಕಾ ಮ್ಹೊಣು ಹಟ ಆಯಲೆ.   ತ್ಯಾ ಹಠಾಚಾನ ರೂಪ ಘೆತ್ತಿಲೆ ಯೋಜನಾ “ಸರಸ್ವತಿ ಪ್ರಭಾ ಸ್ಕಾಲರ್‍ಶಿಪ್ ಫಂಡ್. ಬಹುಶಃ ಪರಮಾತ್ಮಾನಿ ಹೇ ನಮೂನ್ಯಾನ ತಸ್ಸಾಲೆ ಏಕ ಭೀ ಮೆಗೇಲೆ ಮನಾಕ ಘಾಲ್ಲೆ ಕಿತ್ಕಿ! (ಸಶೇಷ)

ಸರ್ವಾಂಕ ಚೌತಿ ಪರಭೇಚೆ ಶುಭಾಶಯು

ಸಂಪಾದಕ ಆನಿ ಸರ್ವ ಸರಸ್ವತಿ ಪ್ರಭಾ ಕೊಂಕಣಿ ಮಾಸಿಕಾಚೆ ಬಳಗ

ಶ್ರೀ ವೆಂಕಟ್ರಮಣ ದೇವಳ, ಕುಂದಾಪುರ

ಕುಂದಾಪುರ ಪೇಟೆ ಶ್ರೀ ವೆಂಕಟರಮಣ ದೇವುಳಾಂತು ತಾ. ೧೯-೭-೨೦೧೩ ಅಷಾಢ ಶುದ್ಧ ಏಕಾದಶಿ ದಿವಸು ಶ್ರೀ ವೆಂಕಟರಮಣ ದೇವಾಂಕ ಪಂಚಾಮೃತಾಭಿಷೇಕು ಶೃದ್ಧಾ-ಭಕ್ತೀರಿ ವಿಜೃಂಭಣೇರಿ ಚಲ್ಲೆ. ತಾಜ್ಜ ನಂತರ ಏಕಾದಶಿ ದಿವಸು ವರ್ಷಂಪ್ರತಿ ಚೋಲ್ನು ಆಯ್ಯಿಲೆ ಪ್ರಕಾರ ‘ಯಕ್ಷಗಾನ ತಾಳಮದ್ದಲ ಕಾರ್ಯಕ್ರಮ ರಾತ್ರಿ ೧೦ ಘಂಟ್ಯಾ ದಾಕೂನು ಹೆರ್‍ದೀಸು ಸಕ್ಕಾಣಿ ೬ ಗಂಟ್ಯಾ ಪರ್ಯಂತ ಚಲ್ಲೆ. ಯಕ್ಷಗಾನ ತಾಳ್ಮದ್ಲೆಕ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲ್ಯಾಚೆ ಸುಪ್ರಸಿದ್ಧ ಯಕ್ಷಗಾನ ಅರ್ಥಧಾರಿ, ಭಾಗವತ, ಹಿಮ್ಮೇಳಚೆ ಕಲಾವಿದ ಸಮೇತ ಅಪಾರ ಸಂಖ್ಯಾರಿ ಪ್ರೇಕ್ಷಕ ವರ್ಗ, ಗಾಂವ್ಚೆ, ಪರಗಾಂವ್ಚೆ ಆಸಕ್ತ ಸಮಾಜ ಬಾಂಧವ ಉಪಸ್ಥಿತ ಆಶ್ಶಿಲೆ. ಹೆರ್‍ದೀಸು ತಾ. ೨೦-೭-೧೩ ದ್ವಾದಶಿ ದಿವಸು ಪೂಜಾ, ಸಮಾರಾಧನ ಚಲ್ಲೆ. ತಶ್ಶೀಚಿ ತಾ. ೨-೮-೧೩ ಆಷಾಢ ಬಹಳ ಏಕಾದಶಿ ದಿವಸ ಅಹೋರಾತ್ರಿ ಭಜನ ಕಾರ್ಯಕ್ರಮ ಆನಿ ಹೆರ್‍ದೀಸು ೩-೮-೧೩ ದ್ವಾದಶಿ ದಿವಸು ಸಮಾರಾಧನ ಚಲ್ಲೆ.
- ವರದಿ : ಸುಧೀಂದ್ರ ವಿ. ನಾಯಕ್, ಕುಂದಾಪುರ.

ಶ್ರೀ ರಾಮಮಂದಿರ ನಾಡ

ನಾಡಾ ಗುಡ್ಡೆ ಅಂಗಡಿ ಶ್ರೀ ರಾಮಂದಿರಾಚೆ ಪುನಃ ಪ್ರತಿಷ್ಠೆಚೆ ವರ್ಧಂತಿ ಉತ್ಸವು ಜೂನ್ ೧೭ ಆನಿ ೧೮ ತಾರೀಕೇಕ ವಿಜೃಂಭಣೇರಿ ಸಂಪನ್ನ ಜಾಲ್ಲೆ. ಜೂನ್ ೧೭ಕ ಸಾಂಜ್ವಾಳಾ ‘ದೀಪಸ್ಥಾಪನ ಆನಿ ‘ಅಹೋರಾತ್ರಿ ಭಜನಾ ಕಾರ್ಯಕ್ರಮ ಶೃದ್ಧಾ-ಭಕ್ತೀರಿ ಚಲ್ಲೆ. ಜೂನ್ ೧೮ಕ ಸಕ್ಕಾಣಿ ಸಾನಿಧ್ಯ ಹವನ, ಶ್ರೀ ರಾಮನಾಮ ಸಂಕೀರ್ತನ, ಪಂಚಾಮೃತಾಭಿಷೇಕ ಆನಿ ಮಹಾಸಂತರ್ಪಣ ಚೆಲ್ಲೆ. ಹೆಂ ಶುಭ ಸಂದರ್ಭಾರಿ ಜಿ.ಎಸ್.ಬಿ. ಚರ್ಡುಂವಾ ಖಾತ್ತಿರಿ “ಪ್ರಾರ್ಥನಾ ಮ್ಹಣ್ಚೆ ಆಧ್ಯಾತ್ಮಿಕ ಆನಿ ಸಾಂಸ್ಕೃತಿಕ ಸಂಸ್ಥೆಚೆ ಉದ್ಘಾಟನ ಚಲ್ಲೆ. ವೇ|ಮೂ| ವೇದವ್ಯಾಸ ಆಚಾರ್ಯ ಗಂಗೊಳ್ಳಿ ಹಾನ್ನಿ ಹೆಂ ಸಂಸ್ಥ ಉದ್ಘಾಟನ ಕೋರ್ನು ದೇವು ಬರೆಂ ಕೊರೊ ಮ್ಹಳ್ಳಿಂತಿ.

ಗೌಡ ಸಾರಸ್ವತ ಸಮಾಜ, ದಾವಣಗೆರೆ

ದಾವಣಗೆರೆಚೆ ಗೌಡ ಸಾರಸ್ವತ ಸಮಾಜಾಚೆ ಆಶ್ರಯಾರಿ ಆಲ್ತಾಂತು ‘ಮಣಿಪಾಲ ಆರೋಗ್ಯ ಕಾರ್ಡ್ ನೋಂದಣಿ ಅಭಿಯಾನ ಸಮಾರಂಭ ಮಣಿಪಾಲ ವಿ.ವಿ.ಚೆ ಮೋಹನಶೆಟ್ಟಿನ ಉದ್ಘಾಟನ ಕೆಲ್ಲಿ. ದಾವಣಗೆರೆಚೆ ಸುಕೃತೀಂದ್ರ ಕಲಾಮಂದಿರಾಂತು ಚಲೇಲೆ ಹೇ ಸಮಾರಂಭಾಚೆ ವೇದಿಕೇರಿ ಗೌಡ ಸಾರಸ್ವತ ಸಮಾಜಾಚೆ ಅಧ್ಯಕ್ಷ ಕೆ.ಎನ್. ದೇವದಾಸ ಪೈ, ಪ್ರಧಾನ ಕಾರ್ಯದರ್ಶಿ ಸಾಲಿಗ್ರಾಮ ಗಣೇಶ ಶೆಣೈ, ಸಮೇತ ವಿಂಗವಿಂಗಡ ಸಂಘಟನೇಚೆ ಪದಾಧಿಕಾರಿ ಲೋಕ ಉಪಸ್ಥಿತ ಆಶ್ಶಿಲೆ. ಸಮಾರಂಭಾಚೆ ದಿವ್ಯ ಸಾನಿಧ್ಯ ದಾವಣಗೆರೆ ವಿರಕ್ತಮಠಾಚೆ ಶ್ರೀ ಬಸವಪ್ರಭು ಸ್ವಾಮೀಜಿನ ಘೆತ್ತಿಲೆ.

ದಾವಣಗೆರೆಂತು ‘ಮೃತ್ಯುಮಾಂಗಲ್ಯ

ದಾವಣಗೆರೆಚೆ ಯಕ್ಷರಂಗ ಯಕ್ಷಗಾನ ಸಂಸ್ಥೊ, ಗೌಡ ಸಾರಸ್ವತ ಸಮಾಜ, ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆಚೆ ಸಂಯುಕ್ತ ಆಶ್ರಯಾರಿ ಆಲ್ತಾಂತು ಕುಂದಾಪುರ್‍ಚೆ ಶ್ರೀ ಮಹಾಗಣಪತಿ ಪಂಜುರ್ಲಿ ಕೃಪಾ ಪ್ರವಾಸಿ ಯಕ್ಷಗಾನ ಮೇಳಾಚೆ ಕಲಾವಿದಾನಿ“ಮೃತ್ಯುಮಾಂಗಲ್ಯ ಮ್ಹಣಚೆ ಯಕ್ಷಗಾನ ಪ್ರಸಂಗ ಯಶಸ್ವಿ ಜಾವ್ನು ಖೆಳ್ಳೆ. ದಾವಣಗೆರೆಚೆ ಶ್ರೀ ಸುಕೃತೀಂದ್ರ ಕಲಾಮಂದಿರಾಂತು ಚಲೇಲೆ ಹೇ ‘ಯಕ್ಷಗಾನ ಪ್ರದರ್ಶನಾಚೆ ಉದ್ಘಾಟನ ಹರಿಹರಾಚೆ ಡಾ|| ಬಿ.ಟಿ.ಅಚ್ಯುತ್ ತಾನ್ನಿ ಕೆಲ್ಲೆ. ವೇದಿಕೆರಿ ಗೌಡ ಸಾರಸ್ವತ ಸಮಾಜಾಚೆ ಅಧ್ಯಕ್ಷ ಜಾಲೇಲೆ ಕೆ.ಎನ್. ದೇವದಾಸ ಪೈ, ಪ್ರಧಾನ ಕಾರ್ಯದರ್ಶಿ ಸಾಲಿಗ್ರಾಮ ಗಣೇಶ ಶೆಣೈ, ಮಲ್ಯಾಡಿ ಪ್ರಭಾಕರ ಶಟ್ಟಿ, ಬೇಳೂರು ಸಂತೋಷ ಕುಮಾರ ಶೆಟ್ಟಿ ಆದಿ ಲೋಕ ಉಪಸ್ಥಿತ ವ್ಹರಲೀಲೆ.
ವರದಿ : ಶ್ರೀಮತಿ ಜ್ಯೋತಿ ಗಣೇಶ ಶೆಣೈ, ದಾವಣಗೆರೆ.

ಜಿ.ಎಸ್.ಬಿ.ಪರಿವಾರ, ಉತ್ತರಹಳ್ಳಿ, ಬೆಂಗಳೂರು

೨೦೧೧ ಇಸ್ವೆಂತು ಸುರುವಾತ ಜಾಲೇಲೆ “ಜಿ‌ಎಸ್‌ಬಿ ಪರಿವಾರ-ಉತ್ತರಹಳ್ಳಿ ಚಿಕ್ಕಲಸಂದ್ರ, ಪದ್ಮನಾಭ ನಗರ, ರಾಜರಾಜೇಶ್ವರಿ ನಗರ, ಕುಮಾರಸ್ವಾಮಿ ಲೇ‌ಔಟ್, ಐ‌ಎಸ್‌ಆರ್‌ಓ ಲೇ‌ಔಟ್ ಆನಿ ತಾಜ್ಜ ಸುತ್ತು ಆಸ್ಸುಚೆ ಬಡಾವಣೆಚೆ ಜಿ‌ಎಸ್‌ಬಿ ಸಮಾಜ ಬಾಂದವಾಲೆ  ಸಂಘಟನ, ಸಾಂಸ್ಕೃತಿಕ ಉನ್ನತಿ ಖಾತ್ತಿರಿ ವಾವ್ರೋ ಕರತಾ ಆಸ್ಸ.  ಹೇ ಪರಿವಾರ ತರಪೇನ ಪ್ರತಿ ಮ್ಹಹಿನೋ ಶ್ರೀ ಸತ್ಯನಾರಾಯಣ ವೃತ ಆನಿ ಪ್ರತಿ ಭಜನಾ ಕಾರ್ಯಕ್ರಮ ಆಯೋಜನ ಕೋರ್ನು ಘೇವ್ನು ಆಯಲಾ. ತಶ್ಶಿಚಿ ಮುಖಾವೈಲೆ ದಿವಸಾಂತು ಆನ್ನಿಕೆ ಚ್ಹಡ ಧಾರ್ಮಿಕ ಕಾರ್ಯಕ್ರಮ ಆಯೋಜನ ಕೊರಚೆ ಉದ್ದೇಶ ಆಸ್ಸುನು, ತಾಜ್ಜ ಬರಶಿ ಸಾಂಸ್ಕೃತಿಕ ಕಾರ್ಯಾವಳಿ, ವಿಚಾರಗೋಷ್ಠಿ, ಚರ್ಚಾ, ಆವಯಿ ಭಾಸ ಕೊಂಕಣಿಚೆ ಅಭಿವೃದ್ಧಿಕ ಮದ್ದತ್ ಜಾವ್ಚೆ ತಸ್ಸಾಲೆ ಕಾರ್ಯಕ್ರಮ ಘಾಲ್ನು ಘೆವ್ಚೆ ವಿಚಾರ ಆಸ್ಸ.
ಬೆಂಗಳೂರು ಉತ್ತರಹಳ್ಳಿ ಜಿ.ಎಸ್.ಬಿ. ಪರಿವಾರ ತರಪೇನ “ಶ್ರೀ ಗಣೇಶೋತ್ಸವು -೨೦೧೩ ಶ್ರೀ ಅಯ್ಯಪ್ಪಾ ಸ್ವಾಮಿ ಸಮಿತಿ ಹಾಲ್, ೧೮ಚೆ ಮೈನ್ ರೋಡ್, ಚಿಕ್ಕಲಸಂದ್ರ-ಪದ್ಮನಾಭ ನಗರ ರಸ್ತೆ, ಪದ್ಮನಾಭ ನಗರ, ಹಾಂಗಾ ತಾ. ೯-೯-೨೦೧೩ ದಾಕೂನು ೧೧-೯-೨೦೧೩ ಪರ್ಯಂತ ಆಯೋಜನ ಕೆಲೇಲೆ ಆಸ್ಸ ಮ್ಹೋಣು ಕೋಳ್ನು ಆಯಲಾ. ತತ್ಸಂಬಂಧ ಸಪ್ಟಂಬರ್ ೯ಕ ಗಣೇಶ ಪ್ರತಿಷ್ಠಾ, ಪಂಚಗವ್ಯ ಹೋಮು, ತ್ರಿಕಾಲ ಪೂಜಾ, ಮಹಾಸಂತರ್ಪಣ, ಜಿ.ಎಸ್.ಬಿ. ಪರಿವಾರಾಚೆ ವನಿತಾ ವೃಂದ ದಾಕೂನು ಭಜನ,  ರಾತ್ತಿಕ ಫಲಾರ ಇತ್ಯಾದಿ ಕಾರ್ಯಕ್ರಮ, ಸಪ್ಟಂಬರ್ ೧೦ಕ ಪ್ರಾತಃಕಾಲ ಪೂಜಾ, ಗಣಹೋಮು, ಭಜನ, ಮಧ್ಯಾಹ್ನ ಪೂಜಾ, ಮಹಾ ಸಂತರ್ಪಣ, ರಂಗಪೂಜಾ, ರಾತ್ರಿಪೂಜಾ ಇತ್ಯಾದಿ ಕಾರ್ಯಕ್ರಮು ಚಲ್ತಾ. ಆನಿ ಕಡೇರಚೆ ದಿವಸು ಮೂಡುಗಣಪತಿ ಸೇವಾ, ಭಜನ, ಮಧ್ಯಾಹ್ನ ಪೂಜಾ, ಮಹಾಸಂತರ್ಪಣ, ವಿಸರ್ಜನ ಪೂಜಾ ಇತ್ಯಾದಿ ಕಾರ್ಯಕ್ರಮ ಚೊಲ್ಚೆ ಆಸ್ಸುನು ಹೇ ಸಂದರ್ಭಾರಿ ಮಹಾಸಂತರ್ಪಣೆಕ ರೂ. ೫೦೦೦/-, ಸಂತರ್ಪಣೆಕ ರೂ. ೨೫೦೦/-, ಮೂಡುಗಣಪತಿ ಸೇವೆಕ ರೂ. ೧,೦೦೦/-, ಗಣಹೋಮಾಕ ರೂ. ೫೦೦/-, ರಂಗಪೂಜಾಕ ರೂ. ೫೦೦/- ಆನಿ ಮಧ್ಯಾಹ್ನ ಪೂಜಾ, ರಾತ್ರಿ ಪೂಜಾ, ಫುಲ್ಲಾ ಪೂಜೆಕ ರೂ. ೨೫೦/- ದೀವ್ನು ಶ್ರೀ ವಿಘ್ನ ವಿನಾಯಕಾಕ ಸೇವಾ ಪಾವೈಚಾಕ ಅವಕಾಶ ಆಸ್ಸುನು ಚಡ್ತ ಮಾಹಿತಿಕ ಪೋನ್ ನಂ. ೯೦೩೫೮೯೯೨೯೫/೯೪೪೯೮೧೧೨೮೫ ಹಾಂಕಾ ಸಂಪರ್ಕು ಕೊರಯೇತ.

ಗೌಡ ಸಾರಸ್ವತ ಸಮಾಜ, ಬೆಂಗಳೂರು

ಬೆಂಗಳೂರು ಬಸವನಗುಡಿಂತು ಆಸ್ಸುಚೆ ಗೌಡ ಸಾರಸ್ವತ ಸಮಾಜಾಚೆ ಶ್ರೀ ವೆಂಕಟೇಶ ಭಜನಾ ಮಂಡಳಿ ತರಪೇನ ಚಾರಿ ವರ್ಷಾಚೆ ಆಷಾಢ ಏಕಾದಶಿ -ಏಕಾಹ ಭಜನ ತಾ. ೧೯-೦೭-೨೦೧೩ದಿವಸು ಪ್ರಾತಃಕಾಲ ೬-೦೦ ಘಂಟ್ಯಾಕ ಸುರುವಾತ ಜಾವ್ನು ೨೦-೭-೨೦೧೩ ದ್ವಾದಶಿ ದಿವಸು ಪ್ರಾತಃಕಾಲ ೬-೦೦ ಘಂಟ್ಯಾ ಪರ್ಯಂತ ಚಲ್ಲೆ. ಏಕಾಹ ಭಜನಾಚೆ ಉದ್ಘಾಟನ ವೇ|ಮೂ| ಕೋಟೇಶ್ವರ ಶ್ರೀ ಮಂಜುನಾಥ ಭಟ್ ಯಾನೆ ಶ್ರೀ ಅಪ್ಪಾಭಟ್, ಬೆಂಗಳೂರು ತಾನ್ನಿ ಕೆಲ್ಲೆ. ಹೇ ಸಂದರ್ಭಾರಿ ಬೆಂಗಳೂರ್‍ಚೆ ಶ್ರೀ ವೆಂಕಟೇಶ ಭಜನಾ ಮಂಡಳಿ, ಶ್ರೀ ಕೆ. ಲಕ್ಷ್ಮೀಕಾಂತ ಭಟ್ ಆನಿ ಸಾಂಗಾತಿ, ಶ್ರೀ ಅನಂತರಾಯ ಎಸ್.ಕಾಮತ್, ಶ್ರೀ ಗುಜ್ಜಾಡಿ ರಘುವೀರ ನಾಯಕ್ ಆನಿ ಸಾಂಗಾತಿ, ಶ್ರೀ ಮಟ್ಟಾರ್ ಸುರೇಶ ಕಿಣಿ ಆನಿ ಭಾಂವ, ಶ್ರೀ ಕಾಪು ಪಾಂಡುರಂಗ ಶೆಣೈ ಆನಿ ಸಾಂಗಾತಿ, ವನಿತಾ ವಿಭಾಗ, ಗೌಡಸಾರಸ್ವತ ಸಮಾಜ, ದ್ವಾರಕಾನಾಥ ಭವನ, ಶ್ರೀ ಪಿ. ವೆಂಕಟೇಶ ನಾಯಕ್ ಆನಿ ಸಾಂಗಾತಿ, ಶ್ರೀ ಪಿ. ಮಧುಕರ ಪೈ ಆನಿ ಸಾಂಗಾತಿ, ಶ್ರೀ ಕೆ. ಮನೋಹರ ಪೈ ಆನಿ ಶ್ರೀ ಎಚ್. ಕಮಲಾಕ್ಷ ಕಿಣಿ ಆನಿ ಸಾಂಗಾತಿ, ಶ್ರೀ ಎಂ. ಮನೋಹರ ಮಲ್ಯ ಆನಿ ಸಾಂಗಾತಿ, ಶ್ರೀ ಕೃಷ್ಣಾನಂದ ವಿ. ಪ್ರಭು ಆನಿ ಸಾಂಗಾತಿ ಇತ್ಯಾದಿ ಭಜನಾ ಪಾಳಿಚಾನ ಯವ್ನು ಹಾಂತು ವಾಂಟೊ ಘೆತ್ಲೊ. ಹೇ ಸಂದಭಾರಿ ಸರ್ವಶ್ರೀ ಪುತ್ತೂರು ನರಸಿಂಹ ನಾಯಕ್, ಶಂಕರ ಶ್ಯಾನುಭೋಗ, ಶ್ರೀ ಕೃಷ್ಣಪ್ರಿಯ ಭಜನಾ ಮಂಡಳಿ, ಕಾಶೀಮಠ, ಬೆಂಗಳೂರು, ಶ್ರೀ ರಾಮಭಜನಾ ಮಂಡಳಿ, ಅನಂತನಗರ, ಶ್ರೀ ವೆಂಕಟರಮಣ ಭಜನಾ ಮಂಡಳಿ, ಹರಿಖಂಡಿಗೆ ಆನಿ ಜಿ.ಎಸ್.ಬಿ. ಮಹಿಳಾ ವೃಂದ, ಮಲ್ಲೇಶ್ವರಂ ಹಾನ್ನಿ ಪೂರಾ ಆಹ್ವಾನಿತ ಜಾವ್ನು ಯವ್ನು ಹೇ ಏಕಾಹ ಭಜನೆಂತು ವಾಂಟೊ ಘೇವ್ನು ಹರಿ ಕೃಪೇಕ ಪಾತ್ರ ಜಾಲ್ಲೆ.

ಗೌಡ ಸಾರಸ್ವತ ಸೇವಕ ಸಮಾಜ, ಬೆಂಗಳೂರು

ಬೆಂಗಳೂರ್‍ಚೆ ಮಲ್ಲೇಶ್ವರಾಂತು ಆಸ್ಸುಚೆ ಗೌಡ ಸಾರಸ್ವತ ಸೇವಕ ಸಮಾಜ ಚಾರಿಟೇಬಲ್ ಫೌಂಡೇಶನ್ ತರಪೇನ ವಿದ್ಯಾರ್ಥ್ಯಾಂಗೆಲೆ ಸ್ಕಾಲರ್‌ಶಿಫ್ ಫಂಡ್ ಖಾತ್ತಿರಿ ದೋನಿ ಪ್ರಸಿದ್ಧ ನಾಟಕ ಪ್ರದರ್ಶನ ತಾ. ೪-೮-೨೦೧೩ ದಿವಸು ಆಯ್ತವಾರು ಬಸವನಗುಡಿಚೆ ಪೈ ವಿಸ್ತಾ ಕನ್ವೇಷನ್ ಹಾಲಾಂತು ಚಲೇಲೆ ಖಬ್ಬರ ಮೆಳ್ಳಾ. ಶ್ರೀಮತಿ ಗೀತಾ ಆರ್. ನಾಯಕ್ ಹಾನ್ನಿ ಬರೋವ್ನು, ನಿರ್ದೇಶನ ಕೆಲೇಲೆ, ಗೌಡ ಸಾರಸ್ವತ ಮಹಿಳಾ ವೃಂದ(ರಿ) ಮಲ್ಲೇಶ್ವರಂ ಹಾನ್ನಿ ಪ್ರಸ್ತುತ ಕೆಲೇಲೆ ‘ರೂಬಿ ಆಯ್ಲಿಗೋ ರೂಬಿ ಆನಿ ಶ್ರೀಮತಿ ಗೀತಾ ಆರ್. ನಾಯಕ್ ಹಾನ್ನಿ ಬರೋವ್ನು ಶ್ರೀ ಪಿ.ಆರ್.ನಾಯಕ್ ಹಾನ್ನಿ ನಿರ್ದೇಶನ ಕೆಲೇಲೆ “ಕೈಳ್ಯಾಪೀಲ ಕೈಳೇಕ ಚಂದ (ಪ್ರಸ್ತುತ ಕೆಲೇಲೆ ರಸಿಕಾ ಆರ್ಟ್ಸ್, ಸಹಕಾರ ನಗರ) ಮ್ಹಣಚೆ ದೋನಿ ಕೊಂಕಣಿ ನಾಟಕ ಪ್ರದರ್ಶಿತ ಜಾಲ್ಲೆ. ಅಪಾರ ಕೊಂಕಣಿ ಪ್ರೇಮಿ ಲೋಕ ಹೇ ಸಂದರ್ಭಾರಿ ಉಪಸ್ಥಿತ ಆಶ್ಶಿಲೆ. ಗೌಡ ಸಾರಸ್ವತ ಸೇವಕ ಸಮಾಜಾಚೆ ಖಾತ್ತಿರಿ ಖಂಚೇ ಚ್ಹಡ ಮಾಹಿತಿ ಜಾವ್ಕಾ ಜಾಲೇಲ್ಯಾನ ತಾಂಗೆಲೆ ವೆಬ್‌ಸೈಟ್ ತಿತಿತಿ.gsssಚಿmಚಿರಿ.oಡಿg  ಹಾಂಗಾಕ ಭೆಟ್ಟುವೇತ.

ಶ್ರೀ ವೆಂಕಟರಮಣ ದೇವಳ, ಬೆಂಗಳೂರು

ಬೆಂಗಳೂರ್‍ಚೆ ಶ್ರೀ ಅನಂತನಗರಾಂತು ಆಸ್ಸುಚೆ ಶ್ರೀ ವೆಂಕಟರಮಣ ದೇವಳಾಂತು ಶ್ರೀ ಚಪ್ಪರ ವಿನಾಯಕ ದೇವಾಲೆ ೧೩ ವರ್ಷಾಚೆ ಪ್ರತಿಷ್ಠಾಪನಾ ವರ್ಧಂತ್ಯುತ್ಸವ ತಾ. ೧೬-೦೭-೨೦೧೩ ದಿವಸು ಅಭಿಷೇಕ, ಪ್ರಾರ್ಥನ, ೧೦೮ ನಾರ್‍ಲಾಚೆ ಗಣೋಮು, ಮಹಾಸಂತರ್ಪಣ, ಭಜನ, ರಾತ್ತಿಕ ವಿಶೇಷ ಪೂಜಾ ಇತ್ಯಾದಿ ಕಾರ್ಯಾವಳಿ ಬರಶಿ ಸಂಪನ್ನ ಜಾಲ್ಲೆ. ತಾ. ೯-೦೮-೨೦೧೩ಕ ೮ ವರ್ಷಾಚೆ ಸಾಮೂಹಿಕ ಕುಂಕುಮಾರ್ಚನ ಅಪಾರ ಸಮಾಜ ಬಾಂದವಾಲೆ ಉಪಸ್ಥಿತೀರಿ ಸಂಪನ್ನ ಜಾಲ್ಲೆ.  ೧೦ ವರ್ಷಾಚೆ  ಶ್ರೀ ವರಮಹಾಲಕ್ಷ್ಮೀ ವೃತ ತಾ. ೧೬-೦೮-೧೩ಕ ಪ್ರಾರ್ಥನ,  ವೃತಾಚರಣ, ವಿಶೇಷ ಅಲಂಕಾರ,  ಮಂಗಳಾರತಿ, ಪ್ರಸಾದ ವಿತರಣ. ಇತ್ಯಾದಿ ಕಾರ್ಯಕ್ರಮ ಬರಶಿ ಚಲ್ಲೆ. ಮುಖಾರಿ ೧೩ ವರ್ಷಾಚೆ ಶ್ರೀ ಕೃಷ್ಣ ಜನ್ಮಾಷ್ಟಮಿ ತಾ. ೨೮-೮-೧೩ಕ ಸಹಸ್ರ ತುಳಸಿ ಅರ್ಚನ, ಮಂಗಳಾರತಿ, ಅರ್ಘ್ಯ ಪ್ರಧಾನ ಆನಿ ಪ್ರಸಾದ ವಿತರಣೆ ಬರಶಿ ಚೊಲಚೆ ಆಸ್ಸ. ತಶ್ಶಿಚಿ  ೮ ವರ್ಷಾಚೆ ಶ್ರೀ ಗಣೇಶ ಚತುರ್ಥಿ ತಾ. ೯-೯-೧೩ ದಿವಸು ಪ್ರಾರ್ಥನ, ಸಾಮೂಹಿಕ ಗಣೋಮು, ಮಹಾ ಮಂಗಳಾರತಿ, ಮೂಡಗಣಪತಿ ಪೂಜನ, ರಂಗಪೂಜನ ಆನಿ ಪ್ರಸಾದ ವಿತರಣೆ ಬರಶಿ ಚೊಲಚೆ ಆಸ್ಸ ಮ್ಹಣಚೆ ಖಬ್ಬರ ಮೆಳ್ಳಾ.

ತೋನ್ಸೆಂತು ಧಾರ್ಮಿಕ ಚಿಂತನ

vನ್ಸೆ ಪೈ ಕುಟುಂಬಸ್ಥಾಲೆ ಘರ್‍ಕಡೆ ಚಲೋವನು ಹಾಡಚೆ   ಶ್ರೀ ಸತ್ಯನಾರಾಯಣ ವ್ರತಾಚೆ ೧೪೬ಚೆ ಆಚರಣ ತಾ. ೨೧.೦೭.೨೦೧೩ಕ ಶ್ರೀಮತಿ ಮತ್ತು ಶ್ರೀ ಎಂ. ಮೋಹನದಾಸ ಪೈ, ಮಲ್ಪೆ ಹಾನ್ನಿ ಆಪಣಾಲೆ ಮಾತಾ-ಪಿತೃ ಶ್ರೀಮತಿ ಸುಮಿತ್ರ ಆನಿ ಶ್ರೀ ಮಲ್ಪೆ ಸಂಜೀವ ಪೈ ಸ್ಮರಣಾರ್ಥ ಆಪಣಾಲೆ ಸೇವಾ ಜಾವ್ನು ಚಲೋವ್ನು ದಿಲ್ಲಿ.  ಸೇವೆದಾರರ ೧೭೫ ವರ್ಷ ಇತಿಹಾಸ ಆಸ್ಸುಚೆ  ೭ ತಲೆಮಾರಾಚೆ ವಂಶಾಚೆ ವಿವರ ಸಭೆಕ ದಿಲ್ಲಿ. ಸಾಮೂಹಿಕ ಪ್ರ್ರಾರ್ಥನೆ ಬರಶಿ ಸುರುವಾತ ಜಾಲೇಲೆ ಸಭಾಚೆ ಅಧ್ಯಕ್ಷ ಪಣ ಟಿ. ಲಕ್ಷ್ಮೀನಾರಾಯಣ ಪೈ, ಉಡುಪಿ ಹಾನ್ನಿ ಘೆತ್ತಿಲೆ. ಟಿ. ದೇವದಾಸ್ ಪೈ ದಾಕೂನು ಸ್ವಸ್ತಿವಾಚನ, ಟಿ. ಗಣೇಶ್ ಪೈ ದಾಕೂನು ಸ್ವಾಗತ, ಟಿ. ನಾಗೇಶ ಪೈ, ದಾಕೂನು ಆಬಾರ ಕಾರ್ಯಕ್ರಮ ಚಲ್ಲೆ.

ಶ್ರೀ ವೆಂಕಟರಮಣ ದೇವಳ, ಕಾರ್ಕಳ

ಕಾರ್ಕಳ ಶ್ರೀ ವೆಂಕಟರಮಣ ದೇವ್ಳಾಂತು ತಾ. ೨೮-೮-೨೦೧೩ಕ ಶ್ರೀ ಕೃಷ್ಣಾ ಜನ್ಮಾಷ್ಟಮಿ, ೮-೯-೧೩ಕ ತಂಯಿ, ೯-೯-೧೩ಕ ಶ್ರೀ ಗಣೇಶ ಚೌತಿ, ೧೮-೮-೨೦೧೩ಕ ಶ್ರೀ ಅನಂತ ನೋಂಪಿ ಆನಿ ಸಕ್ಕಾಣಿ ೬-೩೦ ಗಂಟ್ಯಾಕ ರಾಮಸಮುದ್ರಾಚೆ ಲಾಗ್ಗಿ ಪಾಲಂಖೀ ಉತ್ಸವು, ೨೦-೯-೧೩ ದಾಕೂನು ಮಾಳ ಆರಂಭ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲ್ತಾ ಮ್ಹಣಚೆ ಖಬ್ಬರ ಮೆಳ್ಳಾ.

ಹುಬ್ಬಳ್ಳಿ ಶ್ರೀ ಕಾಶೀಮಠ ವೆಂಕಟರಮಣ ದೇವಳ

ಹುಬ್ಳಿಚೆ ನೃಪತುಂಗ ಗುಡ್ಡೆಚೆ ಲಾಗ್ಗಿ ಆಸ್ಸುಚೆ ಶ್ರೀ ಕಾಶೀಮಠ ವೆಂಕಟರಮಣ ದೇವಳಾಂತು ವರಮಹಾಲಕ್ಷ್ಮೀ ವೃತ ತಾ. ೧೬-೦೮-೧೩, ಪವಿತ್ರಾರೋಪಣ ೧೮-೮-೧೩ ದಿವಸು, ಋಗುಪಾಕರ್ಮ(ಜಾನ್ನುವೆ ಪರಭ) ತಾ. ೨೦-೮-೧೩ಕ ಆನಿ ಶ್ರೀ ಕೃಷ್ಣ ಜನ್ಮಾಷ್ಟಮಿ ವೃತ ತಾ. ೨೮-೮-೨೦೧೩ ದಿವಸು ಚೊಲ್ಚೆ ಆಸ್ಸ ಮ್ಹಣಚೆ ಮಾಹಿತಿ ಮೆಳ್ಳಾ. ಹುಬ್ಳಿ ಶ್ರೀ ಕಾಶೀಮಠ ವೆಂಕಟರಮಣ ದೇವ್ಳಾಂತು ಕರ್ಪೂರ ಆರ್ತಿ, ಅಷ್ಟೋತ್ತರ ತುಳಸಿ ಅರ್ಚನ, ಕುಂಕುಮಾರ್ಚನ, ಶೀಯಾಳಾ ಅಭಿಷೇಕ, ಫುಲ್ಲಾ ಅಲಂಕಾರ ಪೂಜಾ, ನಂದಾ ದೀಪ, ಪಂಚಾಮೃತ ಅಭಿಷೇಕ, ಪವಮಾನ ಅಭಿಷೇಕ, ಪಂಚಕಜ್ಜಾಯ ಸೇವಾ, ರಂಗ ಪೂಜ, ಪಾಲಂಖೀ ಉತ್ಸವ ಸೇವಾ ಇತ್ಯಾದಿ ಸೇವಾ ದೇವಾಕ ಕೊರಚಾಕ ಅವಕಾಶ ಆಸ್ಸುನು ಚಡ್ತ ಮಾಹಿತಿ ಖಾತ್ತಿರಿ ಹುಬ್ಳಿ ಶ್ರೀ ಕಾಶೀಮಠ, ವೆಂಕಟಗಿರಿ, ನೃಪತುಂಗ ಬೆಟ್ಟದ ಹಿಂದೆ,ಶಕ್ತ್ತಿ ಕಾಲನಿ ರಸ್ತೆ, ಹುಬ್ಬಳ್ಳಿ -೩೨. ಪೋನ್ : ೦೮೩೬ - ೨೪೮೦೪೫೫ ಹಾಂಗಾಕ ಸಂಪರ್ಕು ಕೊರಯೇತ.

ಶ್ರೀ ದುರ್ಗಾ ಹೊನ್ನಮ್ಮ ದೇವಳ, ಸಿದ್ದಾಪೂರ

ಕುಂದಾಪುರ ತಾ||ಚೆ ಸಿದ್ಧಾಪೂರ ಶ್ರೀ ದುರ್ಗಾ ಹೊನ್ನಮ್ಮ ದೇವಿಲೆಂ ಮೂಲಸ್ಥಾನಾಂತು ೧೪-೦೬-೨೦೧೩ ದಿವಸು ನಾಗಬ್ರಹ್ಮ ಪ್ರತಿಷ್ಠಾ ವರ್ಧಂತಿ ಉತ್ಸವು ವಿಜೃಂಭಣೇರಿ ಚಲ್ಲೆ. ಮುಖಾರಿ ೧೬-೦೮-೨೦೧೩ದಿವಸು ಶ್ರೀ ವರಮಹಾಲಕ್ಷ್ಮೀ ವೃತ, ೦೫-೧೦-೨೦೧೩ ದಾಕೂನು ೧೪-೧೦-೨೦೧೩ ಪರ್ಯಂತ ನವರಾತ್ರಿ ಉತ್ಸವು, ೮-೧೦-೨೦೧೩ಕ ಮಹಾಗಣಹೋಮು, ೦೯-೧೦-೨೦೧೩ಕ ಪಂಚದುರ್ಗಾ ದೀಪ ನಮಸ್ಕಾರ ಇತ್ಯಾದಿ ಕಾರ್ಯಕ್ರಮ ಚೊಲ್ಚೆ ಆಸ್ಸುನು ಶ್ರೀ ದೇವಿಲೆ ಭಕ್ತ ಬಾಂದವಾನಿ ಚಡ್ತ ಸಂಖ್ಯಾರಿ ಯವ್ನು ಶ್ರೀ ದೇವಿಕೃಪೆಕ ಪಾತ್ರ ಜಾವ್ಕಾ ಮ್ಹೊಣು ವಿನಂತಿ ಆಸ್ಸ. ಶ್ರೀ ದೇವಳಾಂತು ಪ್ರತಿ ಮ್ಹಹಿನೋ ಪಯ್ಲೆ ಬುಧ್ವಾರ ‘ದರ್ಶನ ಸೇವಾ ಆಸ್ತಾ. ಸಪ್ಟಂಬರ್ ೪ ಕ, ಅಕ್ಟೋಬರ್ ೨ಕ, ನವೆಂಬರ್ ೬ಕ ಆನಿ ಡಿಸೆಂಬರ್ ೪ಕ ಅವುಂದೂ ವರ್ಷ ದರ್ಶನ ಆಸ್ತಾ. ಚಡ್ತೆ ಮಾಹಿತಿ ಖಾತ್ತಿರಿ ಕಾರ್ಯದರ್ಶಿ ಶ್ರೀ ಸಂಪತ್ ಕಾಮತ್ (ಪೋನ್ : ೯೪೪೮೧೫೬೮೨೭) ಜಾಂವೊ ಶ್ರೀ ಎಸ್. ಕೃಷ್ಣಾನಂದ ಕಾಮತ್(ಪೋನ್ : ೯೯೦೨೨೧೧೦೮೭) ಹಾಂಕಾ ಸಂಪರ್ಕ ಕೊರಯೇತ.

ಶ್ರೀ ಮಹಾಲಸಾ ದೇವಿ ಕ್ಷೇತ್ರ, ಹರಿಖಂಡಿಗೆ

ಉಡುಪಿ ತಾ||ಚೆ ಹರಿಖಂಡಿಗೆ ಶ್ರೀ ಮಹಾಲಸಾ ನಾರಾಯಣೀ ದೇವಿ ಕ್ಷೇತ್ರಾಂತು ಜ್ಯೇಷ್ಠ ಮಾಸಾಂತು ತಾ. ೧೩-೬-೧೩ಕ ಶ್ರೀ ಸೂಕ್ತ ಹವನ, ೧೪-೬-೧೩ಕ ಶ್ರೀ ಮಹಾದೇವಾಲೆ ವರ್ಧಂತಿ ಉತ್ಸವು, ೧೫-೬-೧೩ಕ ನಾಗಪ್ರತಿಷ್ಠೆ ವರ್ಧಂತಿ ಉತ್ಸವು, ೧೭-೬-೧೩ಕ ಶ್ರೀ ರಾಮ ಭಕ್ತ ಮಾರುತಿ ವರ್ಧಂತಿ ಉತ್ಸವು, ೨೨-೭-೧೩ಕ ಗುರು ಪೂರ್ಣಿಮಾ ಉತ್ಸವು, ೨೧-೦೭-೧೩ ಆನಿ ೧೧-೮-೧೩ಕ ನವಚಂಡಿ ಹವನ ಆನಿ ಶ್ರೀ ಸತ್ಯನಾರಾಯಣ ಪೂಜಾ, ೧೧-೮-೧೩ಕ ಶ್ರೀ ನಾಗಪಂಚಮಿ ಆನಿ ಸಾಮೂಹಿಕ ಚೂಡಿ ಪೂಜನ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಮುಖಾರಿ ೨೦-೮-೧೩ಕ ಶ್ರಾವಣಿ ಯಜ್ಞೋಪವೀತ ಧಾರಣೆ, ೨೮-೮-೧೩ಕ ಶ್ರೀ ಕೃಷ್ಣಾಷ್ಟಮಿ, ೯-೯-೧೩ಕ ಶ್ರೀ ಗಣೇಶ ಚತುರ್ಥಿ, ೫-೧೦-೧೩ ದಾಕೂನು ೧೪-೧೦-೧೩ ಪರ್ಯಂತ ನವರಾತ್ರಿ ಉತ್ಸವು, ೧೮-೧೦-೧೩ಕ ಖೋಜಾಗಿರಿ ಪೂರ್ಣಿಮಾ, ಲಕ್ಷ್ಮೀ ಪೂಜನ, ೨೨-೯-೧೩ ಆನಿ ೬-೧೦-೧೩ಕ ನವಚಂಡಿ ಹವನ ಆನಿ ಸತ್ಯನಾರಾಯಣ ಪೂಜಾ ಚೊಲಚೆ ಆಸ್ಸುನು ಭಕ್ತ ಬಾಂದವಾನಿ ಹೇ ಪೂರಾ ಧಾರ್ಮಿಕ ಕಾರ್ಯಕ್ರಮಾಂತು ತನು, ಮನ, ಧನಾನಿ ವಾಂಟೊ ಘೇವ್ನು ಶ್ರೀ ದೇವಿಲೆ ಕೃಪೇಕ ಪಾತ್ರ ಜಾವ್ಯೇತ.

ಶ್ರೀ ವೆಂಕಟರಮಣ ದೇವಳ, ಗುರುಪುರ

ಗುರುಪುರ ಪೇಂಟಾಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಮಜಾಚೆ ಶ್ರೀ ವರದರಾಜ ವೆಂಕಟರಮಣ ದೇವಳಾಂತು ೧೧-೬-೨೦೧೩ಕ ಶ್ರೀ ವೀರವೆಂಕಟೇಶ ಪ್ರತಿಷ್ಠಾ ವರ್ಧಂತಿ, ೧೮-೭-೧೩ಕ ಶ್ರೀ ದೇವಾಲೆ ಚಾತುರ್ಮಾಸ್ಯ ವೃತಾನುಷ್ಠಾನ, ೨೩-೭-೧೩ಕ ಶ್ರೀ ಸುಕೃತೀಂದ್ರತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯ ತಿಥಿ ಆಚರಣ, ೧೨-೮-೧೩ಕ ಕಾಶಿಮಠ ಶ್ರೀ ಮಾಧವೇಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯತಿಥಿ ಆಚರಣ ಕೆಲೇಲೆ ಮಾಹಿತಿ ಮೆಳ್ಳ್ಯಾ. ತಶ್ಶಿಚಿ ಮುಖಾರಿ ೧೬-೮-೧೩ಕ ವರಮಹಾಲಕ್ಷ್ಮೀ ವೃತ, ೧೮-೮-೧೩ಕ ಪವಿತ್ರಾರೋಪಣ, ೨೦-೮-೧೩ಕ ಋಗುಪಾಕರ್ಮ, ೨೮-೮-೧೩ಕ ಶ್ರೀ ಕೃಷ್ಣ ಜನ್ಮಾಷ್ಟಮಿ, ೯-೯-೧೩ಕ ಶ್ರೀ ಗಣೇಶ ಚೌತಿ, ೧೮-೯-೧೩ಕ ಶ್ರೀ ಅನಂತ ಚತುರ್ದಶಿ , ೧೭-೧೦-೨೦೧೩ಕ ಶ್ರೀ ಚಂಡಿಕಾ ಹವನ, ೧೨-೧೧-೨೦೧೩ಕ ಕಾರ್ತಿಕ ಮಾಸಾಚೆ ಭಜನಾ ಮಂಗಲ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚೊಲ್ಚೆ ಆಸ್ಸ.

ಶ್ರೀ ವೆಂಕಟರಮಣ ದೇವಳ, ಮೂಡಬಿದರೆ

ಮೂಡಬಿದರೆಚೆ ಶ್ರೀ ವೆಂಕಟರಮಣ ಆನಿ ಶ್ರೀ ಹನುಮಂತ ದೇವಳಾಂತು ತಾ. ೧೮-೭-೧೩ಕ ಸಕ್ಕಾಣಿ ದೇವತಾ ಪ್ರಾರ್ಥನಾ, ಶತಕಲಶಾಭಿಷೇಕ, ಭೂರಿ ಸಮಾರಾಧನ, ರಾತ್ತಿಕ ವಿಶೇಷ ರಂಗಪೂಜಾ ಸಮೇತ ಶ್ರೀ ದೇವಾಲೆ ಚಾತುರ್ಮಾಸು ಸುರುವಾತ ಜಾಲ್ಲೆ. ನಾಗರ ಪಂಚಮಿ ಪ್ರಯುಕ್ತ ತಾ. ೧೨-೮-೧೩ಕ ನಾಗಕಟ್ಟೆಂತು ಅಭಿಷೇಕ ಚಲ್ಲೆ. ಮುಖಾರಿ ಶ್ರೀ ವರಮಹಾಲಕ್ಷ್ಮೀ ವೃತ ೧೬-೮-೧೩ಕ ಆನಿ ಋಗುಪಾಕರ್ಮ ತಾ. ೨೦-೮-೧೩ಕ, ಶ್ರೀ ಕೃಷ್ಣ ಜನ್ಮಾಷ್ಟಮಿ ರಾತ್ರಿ ವಿಶೇಷ ಪೂಜಾ, ಅರ್ಘ್ಯ ಪ್ರಧಾನ ಬರಶಿ ತಾ. ೨೮-೮-೧೩ಕ, ಶ್ರೀ ಗಣೇಶ ಚತುರ್ಥಿ ೯-೯-೧೩ಕ, ಮಧ್ಯಾಹ್ನ ಮಹಾಪೂಜಾ, ಭೂರಿ ಸಮಾರಾಧನೆ ಬರಶಿ ಶ್ರೀ ಅನಂತ ನೋಂಪಿ ತಾ. ೧೮-೯-೧೩ಕ ಚೊಲ್ಚೆ ಆಸ್ಸುನು, ಭಕ್ತ ಬಾಂದವಾನಿ ಹೇ ಸರ್ವ ಕಾರ್ಯಕ್ರಮಾಂತು ಸಕ್ರಿಯ ಜಾವ್ನು ವಾಂಟೊ ಘೆವ್ಕಾ.

ಬೆಂಗಳೂರಾಂತು ಧಾರ್ಮಿಕ ಕಾರ್ಯಕ್ರಮು

ಶ್ರೀ ಕಾಶೀಮಠಾಚೆ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮೆಂ ಚಾತುರ್ಮಾಸಾಕ ಬಶ್ಶಿಲೆ ಬೆಂಗಳೂರು ಶ್ರೀ ಕಾಶೀಮಠಾಂತು ತಾ. ೧೧ ದಾಕೂನು ೧೮ ಅಗಸ್ಟ ೨೦೧೩ ಪರ್ಯಂತ ಭಜನಾ ಸಪ್ತ, ತಾ. ೧೯ ದಾಕೂನು ೨೫ ಅಗಸ್ಟ ೨೦೧೩ ಪರ್ಯಂತ ಶ್ರೀ ವಿಷ್ಣು ಪುರಾಣ ಆನಿ ಮಹಾ ವಿಷ್ಣು ಹವನ, ೩೧-೦೮-೧೩ಕ ಶ್ರೀ ನರಸಿಂಹ ಹವನ, ೧ ದಾಕೂನು ೭ ಸಪ್ಟಂಬರ್ ೨೦೧೩ ಪರ್ಯಂತ ಶ್ರೀ ಶ್ರೀನಿವಾಸ ಮಹಾತ್ಮೆ ಆನಿ ಹವನ, ೯-೯-೧೩ಕ ೧೦೮ ನಾರೀಕೇಳ ಗಣಯಾಗ, ೧೦ ದಾಕೂನು ೧೬ ಸಪ್ಟಂಬರ್ ೨೦೧೩ ಪರ್ಯಂತ ಭಾಗವತ ಸಪ್ತ ಪಾರಾಯಣ‌ಆನಿ ಹವನ  ಇತ್ಯಾದಿ ಕಾರ್ಯಕ್ರಮ ಆಯೋಜನ ಕೆಲೇಲೆ ಆಸ್ಸುನು ಭಕ್ತ ಬಾಂಧವಾನಿ ಹಾಜ್ಜೆ ಮುನಾಪೋ ಘೆವ್ಯೇತ.

ಸರಸ್ವತಿ ಪ್ರಭಾ ರೌಪ್ಯ ಸಂಭ್ರಮು

ರೌಪ್ಯ ವರ್ಷಾ ಚರಣೆ ಬಾಗ್ಲಾ
ರಾಬ್ಲೆ ಕೊಂಕಣಿ ಮಾಸ ಪತ್ರಿಕಾ

ಸುಪ್ರಭಾತ ತಶೀಚಿ ಉಜ್ವಾಡು ಲಗ್ಲ ಸಂಭ್ರಮರಿ|
ದರ್ಪ ದೆಕಿನಶಿ ಅರ್ಥಪೂರ್ಣಶಿ
ತೃಪ್ತಿ ದಿತ್ತೊಚಿ ಮಾತೃ ಭಾಷೆಚೆ
ಸುಪ್ರತಿಷ್ಠ ಪೂರ್ತಿ ಜಾತ್ತಲೆ ಮ್ಹೊಣು ಆಶೈಯತ ||೧||
ಮಾತೃ ಭಾಷೆ ಸೇವೆಯವಸರ
ಶರ್ತು ಬಾಂಧುನು ಹುಬ್ಳಿ ಗಾಂವಕ
ಮೂರ್ತ ರೂಪಶಿ ಶೆಣೈ ಮಾಮ್ಮ ರಾಬ್ಲೊ ಏಕಾಂಗಿ|
ಪತ್ರ ಕೊಂಕಣಿ ಮಾಸ ಸಂಚಯ
ಸೂತ್ರ ವಿಂಚೂನು ಘೆತ್ಲೊ ಕನ್ನಡ (ಸುಲಲಿತ)
ಭರ್ತಿ ಸೇವಾ ಸದ್ವಿಚಾರಸ ಸರಸ್ವತಿ ಪ್ರಭಾ ||೨||
ತತ್ತ್ವನಿಷ್ಠಾ ಸದಾ ರಾಕ್ತೋಚಿ
ಆತ್ಮವಂಚನೆ ಕೆನ್ನ ಲೆಕ್ನಶಿ
ಸತ್ತ್ವಪೂರ್ಣಶಿ ಬರಲೆ ಸೇವಾ ಚಲ್ತ ನಿರಂತರ|
ಪಥ್ಯ ಜಾವ್ಚೆಲೆ ಲಲಿತ ಸಾಹಿತ್ಯ
ನಿತ್ಯ ನೂತನ ಕಲಾ ಸಂಸ್ಕೃತಿ
ಅರ್ಥು ಜಾವ್ವಶಿ ಹೊಂವ್ತ ಪತ್ರಿಕೆ ಧರ ಮಹಿನ್ಯಾಂತ||೩||
ವರ್ಣ ಪೂರಿತ ಚಿತ್ರವಾರ್ತಾ
ಪೂರ್ಣ ಮಾಹಿತಿ ಬರ್‍ತ ಮಾಸಿಕ
ಮಣ್ಣೆ ಚಾಂಗಸ ಸಗ್ಳೆ ತರ್‍ಕೀನ ವಿವಿಧತಾ ಮೇಕತಾ|
ಕಾಣ್ಯೋ, ಕವಿತಾ ಗುಚ್ಛಾ ಸಂಗ್ರಹ
ತಾಣ್ತ ಮಂತಿನಾ ಪತ್ರ ಪಳುಚೆಕ
ವರ್ಣನಾತೀತ ವಿಷಿ ಹೂರಣ ಹೊಂವ್ಕ ಹೋಡ್ವಣನಿ||೪||
ವೀಸು ವರ್ಷಕು ವೀಸ ಪುಸ್ತಕ
ಭಾಸ ಕೊಂಕಣಿ ಮಾಳ ಗುಂತುನ
ದೋಷ ದೆಕ್ನಶಿ ಬಾಂಯ್ರ ಹಾಡ್ಲಾ ಆತ್ಮ ಸಂತೋಷ
ಘೋಷ ವಾಕ್ಯ ನಮ್ರ ಸೇವಾ/ಈಶ ಸೇವಾ ಅಪ್ಲೆ ಭಾಸೆ
ದ್ಯಾಸ ದವರನ ಪುಡೇ ವಾವ್ರುನ ರಾಬ್ಲ ಸುರೇಶಶಿ|
ಜಾತ ಪಾತಶಿ ಖಂಚೇ ರಿಗ್ನಶಿ
ಹೇತು ಬರೆಪಣ ಭಾಸ ಪರಮೊಳು
ಖ್ಯಾತ ಜವ್ವಶಿ ಕಲಾ ಸಂಸ್ಕೃತಿ ಭಾಸ ಕೊಂಕಣಿಚಿ||೪||
ಸೇತು ಬಂಧನ ತಶ್ಶಿ ಸಂಸ್ಕೃತಿ
ಹಾತು ಕೂಡ್ಸುನು ಖಾಂದ ದಿಲ್ಲೆರಿ
ಘಾತ ಜಾಯ್ನರೆ ಆಮ್ಮಿ ಕೊಂಕಣಿ ಭಾಸ ಸಂಸ್ಕೃತಿಕ|
ರಜತ ಸಂಭ್ರಮ ಕೊಂಕ್ಣಿ ಪ್ರಭೆಚಿ
ವಜನ ರಾಕ್ಯಾ ಸಗ್ಳೆ ಬಾಂವ್ಡೆನೊ
ಸುಜನ ಮನ ತುಮಿ ಸದಾ ಶಯನೀ ಪುಡೇ ಸರಕಯಾ
ವಿಜಯ ಕೊಂಕಣಿ ಮಾತೃ ವಾವ್ರಕ
ಮೆಜುನ ಸೇವಾ ದೂರ ಧಾಂವ್ಡೆಯಾ
ಸುಜಯ ದಿಶನಮಿ ನದರ ಘಾಲ್ತಾ ಭಾಸ ವಾಡ್ತಲಶಿ||೫||
ಜೈ ಕೊಂಕಣಿ
- ನಾಗೇಶ ಅಣ್ವೇಕರ, ಕಾರವಾರ

ದಾವಣಗೆರೆ  ಸಮಾಜಾಧ್ಯಕ್ಷ ಜಾವ್ನು ಶ್ರೀ ಸಿ.ಪಿ ಕಾಮತ್

ದಾವಣಗೆರೆ ಗೌಡ ಸಾರಸ್ವತ ಸಮಾಜಾಚೆ ಅಧ್ಯಕ್ಷ ಜಾವ್ನು ಶ್ರೀ ಸಿ.ಪಿ ಕಾಮತ್  ತಾನ್ನಿ ಅವಿರೋಧ ಜಾವ್ನು  ವಿಂಚುನು ಆಯ್ಲಿಂತಿ. ಆಲ್ತಾಂತು ಸಮಾಜ ಮಂದಿರಾಂತು ಚಲೇಲೆ ವಾರ್ಷಿಕ ಮಹಾಸಭಾಂತು ೨೦೧೩-೧೫ ಸಾಲಾಚೆ ದೋನಿ ವರ್ಷಾಕ ನವೀನ ಆಡಳಿತ ಮಂಡಳಿಕ ವೆಂಚಿಲೆ ಉಪಾಧ್ಯಕ್ಷ ಜಾವ್ನು ಎ.ಜೆ.ಆರ್ ಕಿಣಿ ಪ್ರಧಾನ ಕಾರ್ಯದರ್ಶಿ ಜಾವ್ನು ಸಾಲಿಗ್ರಾಮ ಗಣೇಶ್ ಶೆಣೈ, ಖಜಾಂಚಿ ಜಾವ್ನು ಆರ್.ವಿ. ಶೆಣೈ, ಸಹಕಾರ್ಯದರ್ಶಿ ಜಾವ್ನು ಕೆ.ರಾಘವೇಂದ್ರ ಕಾಮತ್, ಸಮಿತಿ ಸದಸ್ಯ ಜಾವ್ನು ವೈ ಸತೀಶ್ ಶೆಣೈ, ಕೆ. ವೆಂಕಟರಮಣ ಭಟ್, ರೇಖಾ ದೇವದಾಸ ಪ್ರಭು, ನಂದಾ ನಿತ್ಯಾನಂದ ಕಾಮತ್, ಸುಜಯ ರವೀಂದ್ರ ನಾಯಕ್ ಕಿರಣ್‌ಕುಮಾರ ಶೆಣೈ ವೆಂಚುನು ಆಯ್ಲಿಂತಿ.
ಕುಮಾರಿ ಸೌಮ್ಯಾ ಶೆಣೈ ಆನಿ ಸಾಂಗಾತಿಲೆ ಪ್ರಾರ್ಥನೆ ಬರಶಿ ಮಹಾಸಭಾ ಸುರುವಾತ ಜಾಲ್ಲೆ. ಸುರುವೆಕ ವೈ ಸತೀಶ್ ಶೆಣೈ ಹಾನ್ನಿ ಸ್ವಾಗತ ಕೆಲ್ಲಿ. ಸಾಲಿಗ್ರಾಮ ಗಣೇಶ್ ಶೆಣೈನಿ ಪ್ರಾಸ್ತಾವಿಕ ಜಾವ್ನು ಉಲೈಲಿಂತಿ. ಖಜಾಂಚಿ ಆರ್.ವಿ ಶೆಣೈ ಹಾನ್ನಿ ಸಭಾಂತು ವರ್ಷಾಚೆ ಲೆಕ್ಕ ಪತ್ರ ಮಂಡನ ಕೋರ್‍ನು ಅನುಮೋದನ ಘೆತ್ಲಿಂತಿ. ಮಹಾಸಭಾ ಅಧ್ಯಕ್ಷಪಣ ನಿಕಟ ಪೂರ್ವ ಅಧ್ಯಕ್ಷ ಶ್ರೀ ದೇವದಾಸ ಪೈ ಹಾನ್ನಿ ಘೆತ್ತಿಲೆ. ಮಹಾಸಭಾಂತು  ಗತವರ್ಷ ಸರಲಿಲೆ ಸಮಾಜ ಬಾಂಧವಾಂಕ ಶ್ರದ್ಧಾಂಜಲಿ ಅರ್ಪಣ ಕೆಲ್ಲಿ.ಮುಖಾರಿ ಸಮಜಾಂತು ಆಯೋಜನ ಕೊರ್‍ಕಾ ಜಾಲೇಲೆ ಕಾರ್ಯಕ್ರಮ ಖಾತ್ತಿರಿ  ವಿಸ್ತಾರ ಜಾವ್ನು ಚರ್ಚ್ಯಾ, ರೂಪರೇಷ ಕೆಲ್ಲೆ. ಮಹಿಳಾ ಮಂಡಳಿಚೆ ಅಧ್ಯಕ್ಷಿಣಿ ಸುಶೀಲಾ ಉಮೇಶ್ ಕಾಮತ್ ಹಾನ್ನಿ ಉಪಸ್ಥಿತ ಜಾವ್ನು ಆಶಿಲಿಂತಿ. ಡಾ|| ಕೋಟಾ ಮೋಹನ ದಾಸ್ ಹೆಗ್ಡೆ ಚುನಾವಣಾಧಿಕಾರಿ ಜಾವ್ನು ಕಾರ್ಯ ನಿರ್ವಹಣೆ ಕೆಲ್ಲಿಂತಿ. ಕೆ. ಯೋಗೀಶ್ ಪೈನಿ ಆಬಾರ ಮಾನಲೆ.

ಹಾಡಾಚೆ ಕಾಂಪಿಟೇಶನ್

ತ್ಯಾ ದಿವಸು ಸ್ಕೂಲಾಚ್ಯಾನ ಆಯಿಲೊ ಆರ್ಣವ ‘ಉದ್ಯಾ ಶಾಳೇತ್ (ಶಾಲಾ) ಹಾಡಾ ಚೆ ಕಾಂಪಿಟೇಶನ್ ಆಹೆ ಏಕ ಹಾಡ ರೆಡಿ ಕರೂನ್ ಯೆ ಮಣೂನ್ ಟೀಚರ್‍ನಿ ಸಾಂಗಿತ್ಲೆ ( ಪಾಲ್ಲೆಕ ಸ್ಕೂಲಾಂತು ಹಾಡಾ ಚೆ ಕಾಂಪಿಟೇಶನ್ ಅಸ್ಸ. ಪ್ರತಿ ಎಕ್ಲೆನ ಏಕೇಕ ಹಾಡಾ ರೆಡಿ ಕೊರ್‍ನು ಎವ್ಕಾ ಮ್ಹೋಣು ಟೀಚರಾನ ಸಾಂಗ್ಲಾ ) ಮ್ಹೋಣು ಸಾಂಗೂನು ಫಾಲ್ಲೆಕ ಏಕ ಹಾಡ ಆಪ್ಣೆಕ ಜಾಯಿ ಮ್ಹೋಣು ಸಾಂಗಿಲೆ ತೆದ್ನಾ ಮಾಕ್ಕಾ ಆನಿ ನವ್ಯಾಕ ಹೇ ಕಸ್ಸಲೆ ಮ್ಹೋಣು ಕಳ್ನಾಸಿ ಘೆಲ್ಲೆ.
ತಾಕ್ಕಾ ಸಮಾಧಾನ ಕೋರ್‍ನು ನವ್ಯಾನ ತಾಗ್ಗೆಲೆ ಕ್ಲಾಸ್ ಟೀಚರಾಕ ಪೊನ್ ಕೆಲ್ಲೆಲೆ ತೆದ್ನಾ ಕಳ್ಳೆಕಿ ಸ್ಕೂಲಾಂತು ಪದಾಚೆ ಕಾಂಪಿಟೇಶನ್ ಆಸ್ಸುನು, ಪ್ರತಿ ಚರ್‍ಡುವಾಂಕ ಏಕ್ಕೇಕ ಪದ (ಹಾಡು) ತಯಾರ್ ಕೋರ್‍ನು ಯೋ ಮ್ಹೋಣು ಸಾಂಗಿಲೆ ಖಂಯಿ ಆಮ್ಮಿ ಘರಾಂತು ಮರಾಠಿ ಉಲ್ಲೊಚೆ ಕಾರಣ ಹಾಡ ಮಳ್ಳೆರಿ ಆಮ್ಮಿ ಃoಟಿe ಮ್ಹೋಣು ಲೆಕ್ಲೆ (ಕೊಂಕಣಿ ಭಾಷೆಂತು ಸುದ್ದಾ ಬೋನ್ ಹಾಕ್ಕಾ ಹಾಡಾ ಚಿ ಮಣ್ತಾಚಿ ನೈವೇ)
ಆರ್ಣವಾಕ ತೆ ವಿಷಯ ಕ್ಲಿಯರ್ ಕೋರ್‍ನು ಸಾಂಗಿಲೆ ತೆದ್ನಾ ತಾಣೆ ಸಾಂಗಿಲೆ ಆಯ್ಕುನು ಆಮ್ಕಾ Shoಛಿಞ ತುಮ್ಕಾ ತಿತ್ಲ್ಲೇ ಕಳ್ನವೆ? ಮಾಕ್ಕಾ ಪೈಲೇ ಗೊತ್ತಾಶ್ಶಿಲೆ ಪದ್ಯಾ ಕಾಂಪಿಟೇಶನ್ ಆಸ್ಸ; ಮಾಕ್ಕಾ ಏಕ ಪದ ಶಿಕಯಾ ಮ್ಹೋಣು ಹಾಂವೆ ಸಾಂಗಿಲೆ ಮ್ಹೋಣು ಯು. ಕೆ. ಜಿ. ವೊಚ್ಚೆ ಆರ್ಣವಾನ ಸಾಂಗಿಲೆ ತೆದ್ನಾ ಪೆಚ್ಚು ಜಾವ್ಚೆ ಸರ್ತಿ ಆಮ್ಮಿ ಮಾಯ್ ಸುನ್ನೆಲಿ ಜಾಲ್ಲಿ !
- ಜಯಲಕ್ಷ್ಮೀ ಜೆ ದೇಶಪಾಂಡೆ. ಹಳಿಯಾಳ

ಚಾಂಗ ಸಾಧನಾ

ಶ್ರೀ ದಾಮೋದರ ಕಾಮತ್ ಆನಿ ಶ್ರೀಮತಿ ಧನ್ಯಾ ಡಿ ಕಾಮತ್ ಜಯನಗರ ಹೊಸನಗರ ತಾ|| ಹಾಂಗೆಲೆ ಧೂವ ಕುಮಾರಿ ದಾರಿಕ ಡಿ. ಕಾಮತ್ ಹಿಣೆ ೨೦೧೩ಚೆ ಎಪ್ರಿಲಾಂತು ಚಲೇಲೆ ಸೆಕೆಂಡ್ ಪಿ.ಯುಂತು ೬೦೦ಂತು ೫೫೪ ಅಂಕ ಘೇವ್ನು ಚಾಂಗ ಸಾಧನ ಕೆಲ್ಲಾ ತಿಕ್ಕಾ Sಣಚಿಣisಣiಛಿs ಂತು ಶಂಬರಿಂತು ಶಂಬರ ಅಂಕ ಮೆಳ್ಳಾ. ಸಿ‌ಇಟಿಂತು ಹಿಕ್ಕಾ ೧೯೬೩ಚೆ ರ್‍ಯಾಂಕ್ ಆಯಿಲಾ ಆರ್ಕಿಟೆಕ್ಟರ್(ನಾಟಾ) ಹಾಂತು ೨೫೬ಚೆ ರ್‍ಯಾಂಕ್ ಮೆಳ್ಳಾ. ಸಾನಪಣಾ ದಾಕುನೂಂಚಿ ಪ್ರತಿಭಾವಂತ ವಿದ್ಯಾರ್ಥಿನಿ ಜಾಲೇಲಿ ದಾರಿಕ ಮೆಟ್ರಿಕ್ ಪರೀಕ್ಷೆಂತು ೬೨೫ಂತು ೫೮೮ ಅಂಕ ಘೆತಲ್ಯಾ. ಹಿಕ್ಕಾ ದೇವು ಬರೆಂ ಕೊರೊ ಮ್ಹೋಣು ಸರಸ್ವತಿ ಪ್ರಭಾಚೆ ಆಶಯ.

ಶ್ರೀ ಮೋಹನದಾಸ ಭಟ್ಮಾಮ್ಮಾಕ ೮೦

ಕೋಟೇಶ್ವರಾಚೆ ನಿವೃತ್ತ ಚಿತ್ರಕಲಾ ಶಿಕ್ಷಕ, ಅಪಾರ ವಿದ್ಯಾರ್ಥಿ, ಆನಿ ಇತರ ಲೋಕಾಂಗೆಲೆ ಅಭಿಮಾನಿ ಶ್ರೀ ಮೋಹನದಾಸ 
ನಾಗಪ್ಪ ಭಟ್ಮಾಮ್ಮಾಕ “ಸಹಸ್ರ ಚಂದ್ರ ದರ್ಶನಾಚೆ ಸಂಭ್ರಮು. ತಾಂಗೆಲೆ ೮೧ಚೆ ಜಾಯಿ ದಿವಸು ಆನಿ ಶ್ರೀಮತಿ ನಿರ್ಮಲಾ ಭಟ್ ಹಾಂಗೆಲೊಟ್ಟು ದಾಂಪತ್ಯ ಜೀವನಾಚೆ ಸುವರ್ಣ ಮಹೋತ್ಸವ ಸಮಾರಂಭ ತಾ. ೧೮-೦೭-೨೦೧೩ ದಿವಸು ಕೋಟೇಶ್ವರಾಚೆ ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳಾಂತು ವಿಜೃಂಭಣೇರಿ ಆಯೋಜನ ಕೆಲೇಲೆ. ತತ್ಸಂಬಂಧ ಶ್ರೀ ಸತ್ಯನಾರಾಯಣ ಪೂಜಾ, ಆನಿ ಔತಣಕೂಟ ಆಯೋಜನ ಕೆಲೀಲೆ. ತಾಂಗೆಲೆ ಚರ್ಡುಂವ, ಸೂನ್ನ, ಜಾಂವಯಿ, ನಾತ್ರ, ಸಂಬಂಧಿಕ ನ್ಹಂಹಿಸಿ ತಾಂಗೆಲೆ ನಿಮಿತ್ತ ಶಿಕ್ಕಿಲೆ ವಿದ್ಯಾರ್ಥಿ ವೃಂದ, ಗಾಂವ್ಚೆ-ಪರಗಾಂವ್ಚೆ ಬಂಧು-ಮಿತ್ರ ಅಪಾರ ಸಂಖ್ಯಾರಿ ಯವ್ನು ಶ್ರೀಮತಿ ನಿರ್ಮಲಾ ಆನಿ ಶ್ರೀ ಮೋಹನದಾಸ ಭಟ್ಮಾಮ್ಮಾಲೆ ಆಶೀರ್ವಾದ ಘೇವ್ನು ಪುನೀತ ಜಾಲ್ಲಿಂತಿ. ಸರಸ್ವತಿ ಪ್ರಭಾ ಶ್ರೀ ಭಟ್ಮಾಮ ದಂಪತೀಕ ದೇವು ಬರೆಂ ಕೊರೊ ಮ್ಹಣತಾ.   ತಾಂಗೆಲೆ ದಾಕೂನು ಆನ್ನಿಕೆ ಮಸ್ತ ಲೋಕಾಂಕ ಪ್ರೇರಣ ಮೆಳೋ ಮ್ಹೊಣು ಅಪೇಕ್ಷ ಕರತಾ.

saraswati Prabha Konkani News

ಶ್ರೀ ಕಾಶೀ ಮಠಾಧೀಶಾಂಗೆಲೆ ಚಾತುರ್ಮಾಸ ಆರಂಭ

ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂನಿ ಪ್ರಥಮ ಚಾತುರ್ಮಾಸ ವೃತ ೧೯೪೪ ಇಸ್ವೆಚೆ ತಾರಣ ಸಂವತ್ಸರಾಂತು ಘೆತ್ತಿಲೆ; ಅವುಂದು  ವಿಜಯನಾಮ ಸಂವತ್ಸರಾಚೆ ಚಾತುರ್ಮಾಸು ತಾಂಗೆಲೆ ಸಪ್ರತಿತಮ(೭೦)ಚೊ ಚಾತುರ್ಮಾಸು. ತ್ಯಾ ತಾನ್ನಿ ಶ್ರೀ ವೆಂಕಟರಮಣ ಆನಿ ಶ್ರೀ ಮಹಾಲಸಾ ನಾರಾಯಣಿ ದೇವಳ, ಕೊಂಚಾಡಿ ಶ್ರೀ ಕಾಶೀಮಠ, ಪದವಿನಂಗಡಿ, ಮಂಗಳೂರು - ೫೭೫೦೦೮ ಹಾಂಗಾ ೨೭-೭-೨೦೧೩ ದಿವಸು ಸುರುವಾತ ಕೆಲ್ಲಯಾ. ತ್ಯಾ ದಿವಸು ಯಥಾವಿಧಿ, ಮುದ್ರಾಧಾರಣ, ಸಭಾ ಕಾರ್ಯಕ್ರಮ ಪಾದ್ಯಪೂಜಾ, ಸಂತರ್ಪಣ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಪ|ಪೂ| ಸ್ವಾಮ್ಯಾಂಗೆಲೆ ಚಾತುರ್ಮಾಸು ತಾ. ೧೯-೯-೧೩ ಪರ್ಯಂತ ಹಾಂಗಾ ಘಡತಾ.

ಶ್ರೀಮದ್ ಸಂಯಮೀಂದ್ರತೀರ್ಥ ಸ್ವಾಮೆ.

ಬೆಂಗಳೂರಾಚೆ ಮಲ್ಲೇಶ್ವರಂ ೧೯ಚೆ ಕ್ರಾಸಾಂತು ಆಸ್ಸುಚೆ ಶ್ರೀ ಕಾಶೀ ಮಠಾಂತು ಸಂಸ್ಥಾನ ಶ್ರೀ ಕಾಶೀಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪಟ್ಟಶಿಷ್ಯ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ವಿಜಯ ನಾಮ ಸಂವತ್ಸರಾಚೆ ಚಾತುರ್ಮಾಸ್ಯ ವೃತ ಸ್ವೀಕಾರ ಸಮಾರಂಭ ತಾ. ೨೭-೭-೨೦೧೩ ದಿವಸು ವಿಜೃಂಭಣೇರಿ ಸುರುವಾತ ಜಾಲ್ಲೆ. ಯಥಾ ಧಾರ್ಮಿಕ ವಿಧಿ ಬರಶಿ ಸಭಾ ಕಾರ್ಯಕ್ರಮ, ಪುತ್ತೂರು ನರಸಿಂಹ ನಾಯಕ್ ದಾಕೂನು ಭಜನ, ಮೃತ್ತಿಕಾ ಪೂಜನ ಪಾದ್ಯಪೂಜಾ, ಸಂತರ್ಪಣ ಇತ್ಯಾದಿ ಕಾರ್ಯಕ್ರಮ ಹೇ ವೇಳ್ಯಾರಿ ಚಲ್ಲೆ. ಹೇ ಸಂದರ್ಭಾರಿ ಡಾ|| ಪಿ. ದಯಾನಂದ ಪೈ, ಶ್ರೀ ಕೆ. ಜನಾರ್ಧನ ಭಟ್, ಮೈಸೂರು, ವೇ|ಮೂ| ಶೃಂಗೇರಿ ಸುಧಾಕರ್ ಭಟ್ ಇತ್ಯಾದಿ ಸಮಾಜಾಚೆ ಗಣ್ಯ ಲೋಕ ಉಪಸ್ಥಿತ ಆಶ್ಶಿಲೆ.

ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ

ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ಅವುಂದೂಚೆ ಚಾತುರ್ಮಾಸು ಗೋಂಯ್ಚೆ ಮಡಗಾಂವಾಚೆ ಗೊಗ್ಲಾ ಶ್ರೀ ವೆಂಕಟರಮಣ ಮಠಾಂತು ತಾ. ೨೭-೭-೨೦೧೩ ದಿವಸು ವಿಜೃಂಭಣೇರಿ ಸುರುವಾತ ಜಾಲ್ಲೆ. ಗೋಂಯ, ಕರ್ನಾಟಕ, ಮಹಾರಾಷ್ಟ್ರ ಸಮೇತ ದೇಶಾದ್ಯಂತಾಚೆ ಶ್ರೀ ಮಠಾಚೆ ಅಪಾರ ಭಕ್ತ, ಗಣ್ಯ ಸಮಾಜ ಬಾಂಧವ ಹೇ ವೇಳ್ಯಾರಿ ಉಪಸ್ಥಿತ ಆಶ್ಶಿಲೆ.

ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳ, ಉಡುಪಿ

ಉಡ್ಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು ೧-೬-೧೩ಕ ಪರಿವಾರ ದೇವು ಶ್ರೀ ಮಹಾಲಕ್ಷ್ಮೀ ದೇವಿಲೆ ಪ್ರತಿಷ್ಠಾ ವರ್ಧಂತಿ ಉತ್ಸವಾ ಪ್ರಯುಕ್ತ ರಾತ್ತಿಕ ಉತ್ಸವು, ೮-೬-೧೩ಕ ವಸಂತೋತ್ಸವು ಸಮಾಪ್ತಿ, ೧೨-೬-೧೩ಕ ಪರಿವಾರ ದೇವು ಶ್ರೀ ಮಹಾಗಣಪತಿ ದೇವಾಲೆ ಪ್ರತಿಷ್ಠಾ ವರ್ಧಂತಿ, ೨೧-೬-೧೩ಕ ಶ್ರೀ ಅನುಗ್ರಹ ಲಕ್ಷ್ಮೀ ವೃತ, ೧೦-೭-೧೩ಕ ಶ್ರೀ ಕಾಶೀಮಠಾಧೀಶ ಶ್ರೀಮದ್ ವರದೇಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯತಿಥಿ ಆಚರಣ, ೧೮-೭-೧೩ಕ ಶ್ರೀ ದೇವಾಲೆ ಚಾತುರ್ಮಾಸ್ಯ ಆರಂಭ ಪ್ರಯುಕ್ತ ಸಂಪ್ರೋಕ್ಷಣ, ಪಂಚಾಮೃತಾಭಿಷೇಕ, ಶತಕಲಶಾಭಿಷೇಕ, ೨೩-೭-೧೩ಕ ಶ್ರೀಮದ್ ಸುಕೃತೀಂದ್ರ ತೀರ್ಥ ಸ್ವಾಮ್ಯಾಂಲೆ ಪುಣ್ಯತಿಥಿ ಆಚರಣ, ೧೧-೮-೧೩ಕ ನಾಗರ ಪಂಚಮಿ ೧೧೩ ಚೆ ಭಜನಾ ಸಪ್ತ ಆರಂಭ,  ೧೨-೮-೧೩ಕ ಶ್ರೀಮದ್ ಮಾಧವೇಂದ್ರ ತೀರ್ಥ ಸ್ವಾಮ್ಯಾಂಲೆ ಪುಣ್ಯತಿಥಿ ಆಚರಣ, ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಮುಖಾರಿ ೧೬-೮-೧೩ಕ ಭಜನಾ ಸಪ್ತಾಚೆ ರಂಗಪೂಜಾ, ಶ್ರೀ ವರಮಹಾಲಕ್ಷ್ಮೀ ವೃತ, ೧೭-೮-೧೩ಕ ಭಜನಾ ಸಪ್ತಾಚೆ ಏಕಾದಶಿ, ನಗರ ಭಜನ, ನಜರ ಕಾಣಿಕ ವಿತರಣ, ೧೮-೮-೧೩ಕ ಭಜನಾ ಸಪ್ತಾಚೆ ಮಂಗಲೋತ್ಸವ, ಮಡಸ್ನಾನ, ಧಂಯೆ ಬುಡ್ಕಳೊ , ಮಹಾ ಸಮಾರಾಧನ, ಮರು ಭಜನ, ೨೦-೮-೧೩ಕ ಸುತ್ತಾಪುನ್ನವ, ೨೫-೮-೧೩ಕ ಸಾಮೂಹಿಕ ಚೂಡಿ ಪೂಜನ, ೨೮-೮-೧೩ಕ ತುಳಸೀ ಅರ್ಚನ, ಅರ್ಘ್ಯ ಸಮರ್ಪಣೆ ಬರಶಿ ಶ್ರೀ ಕೃಷ್ಣಾಷ್ಟಮಿ, ೮-೯-೧೩ಕ ತಂಯಿ, ೯-೯-೧೩ ದಾಕೂನು ೧೩-೯-೧೩ ಪರ್ಯಂತ ಶ್ರೀ ಗಣೇಶ ಚೌತಿ ಆನಿ ೧೮-೯-೧೩ಕ ಕಲಶ ಭರಚೆ, ಕಲಶ ಪ್ರತಿಷ್ಠೆ, ಮಹಾ ಪೂಜನ, ಸಮಾರಾಧನ, ಪುಣ್ಯ ಕಥಾವಾಚನ ಬರಶಿ ಶ್ರೀ ಅನಂತ ನೋಂಪಿ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚೊಲಚೆ ಆಸ್ಸ.

ಶ್ರೀ ಅನಂತೇಶ್ವರ ದೇವಳ, ಮಂಜೇಶ್ವರ

ಮಂಜೇಶ್ವರಾಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಕ ಸಂಬಂಧ ಪಾವ್ವಿಲೆ ಶ್ರೀಮತ್ ಅನಂತೇಶ್ವರ ದೇವಳಾಂತು ಆಷಾಢ ಏಕಾದಶಿ ತಾ. ೧೯-೭-೧೩ಕ, ೨೨-೭-೧೩ಕ ಶತಕಲಶ, ೧೨-೮-೧೩ಕ ನಾಗರ ಪಂಚಮಿ ಪ್ರಯುಕ್ತ ವಾಸುಕೀ ಪೂಜನ, ರಾತ್ತಿಕ ಲಕ್ಷ ಫುಲ್ಲಾ ಪೂಜನ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಮುಖಾರಿ ೧೬-೮-೧೩ಕ ವರಮಹಾಲಕ್ಷ್ಮೀ ವೃತ ಪ್ರಯುಕ್ತ ಶ್ರೀ ಮಹಾಮಾಯಾ ದೇವಳಾಂತು ವಿಶೇಷ ಪೂಜಾ, ೧೯-೮-೧೩ಕ ಸಮಾರಾಧನ, ಲಕ್ಷ ಫುಲ್ಲಾ ಪೂಜಾ, ೨೧-೮-೧೩ಕ ಸುತ್ತಾಫುನ್ವೆ ಪ್ರಯುಕ್ತ ಸಾಂಜ್ವಾಳಾ ಸಮುದ್ರ ಪೂಜಾ, ೨೮-೮-೧೩ಕ ರಾತ್ತಿಕ ಅಷ್ಟೋತ್ತರ ಪೂಜೆ ಸಹಿತ ಶ್ರೀ ಕೃಷ್ಣಾಷ್ಟಮಿ, ೮-೯-೧೩ಕ ತಂಯಿ, ೯-೯-೧೩ ದಾಕೂನು ೧೩-೯-೧೩ ಪರ್ಯಂತ ಶ್ರೀ ಗಣೇಶ ಚೌತಿ ಆಚರಣ , ೧೮-೯-೧೩ಕ ಶ್ರೀ ಆನಂತ ನೋಂಪಿ ಪ್ರಯುಕ್ತ ಮಹಾ ಪೂಜಾ, ಆರ್ತಿ, ಸಮಾರಾಧನ ಆನಿ ಅನಂತ ನೋಹಿ ಉತ್ಸವ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚೊಲ್ಚೆ ಆಸ್ಸ ಮ್ಹಣಚೆ ಖಬ್ಬರ ಮೆಳ್ಳಾ.

ವಿಶ್ವ ಕೊಂಕಣಿ ಕೇಂದ್ರ, ಮಂಗಳೂರು

  ಕರ್ನಾಟಕ ಸರಕಾರಾಚೆ ಮುಖೇಲ ಮಂತ್ರಿ ಆನಿ ವಿತ್ತ ಮಂತ್ರಿ ಶ್ರೀ ಸಿದ್ದರಾಮಯ್ಯನ ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನಾಚೆ ಕೊಂಕಣಿ ಭಾಸ, ಸಾಹಿತ್ಯ, ಸಂಸ್ಕೃತಿ,  ಕಲಾ ಆನಿ ಲೋಕವೇದ ಕಾರ್‍ಯಾವಳೀಚೆ ಅಭಿವೃದ್ಧಿ ವಾವರಾಚೆ ಉದ್ದೇಶಾನ ರೂ. ೩.೫೦ ಕೋಟಿಚೆ ಅನುದಾನ, ೨೦೧೩-೧೪ ವರಸಾಚೆ ಬಡ್ಜೆಟಾಂತ ಪಾಸ ಕೆಲಾಂ. ಹ್ಯಾ ಖಾತಿರ ವಿಶ್ವ ಕೊಂಕಣಿ ಕೇಂದ್ರಾಚೆ  ಚೆಯರ ಮ್ಯಾನ ಆನಿ ಸರಕಾರಾಚೆ ಉಚ್ಛ ಶಿಕ್ಷಣ ಮಂತ್ರಿ ಮಾನ್ಯ  ಆರ್. ವ್ಹಿ ದೇಶಪಾಂಡೆನ ಪ್ರಯತ್ನ ಕೆಲೆಲೆ.  ವಿಶ್ವ ಕೊಂಕಣಿ ಕೇಂದ್ರಾಚೆ ಚೆಯರಮೆನ ಮಾನೆಸ್ತ  ಡಾ. ಪಿ. ದಯಾನಂದ ಪೈ,   ಅಧ್ಯಕ್ಷ ವಿಶ್ವ ಕೊಂಕಣಿ ಸರದಾರ ಮಾನೆಸ್ತ  ಬಸ್ತಿ ವಾಮನ ಶೆಣೈ , ಮಾನೆಸ್ತ  ಟಿ. ವಿ ಮೋಹನದಾಸ ಪೈ, ಮಾನೆಸ್ತ  ರಾಮದಾಸ ಕಾಮತ್ ಯು, ಕೋಶಾಧ್ಯಕ್ಷ ಮಾನೆಸ್ತ  ಕುಡ್ಪಿ ಜಗದೀಶ ಶೆಣೈ, ಮಾನೆಸ್ತ  ಪ್ರದೀಪ ಜಿ. ಪೈ,  ಮಾನೆಸ್ತ  ವೆಂಕಟೇಶ ಬಾಳಿಗಾ (ಕಾರ್‍ಯದರ್ಶಿ) ಆನಿ ಮಾನೆಸ್ತ  ಗುರುದತ್ತ ಬಂಟ್ವಾಳಕಾರ, ಹಾನ್ನಿ ಸರಕಾರಾಚೆ ಅನುದಾನಾ ಖಾತಿರ ಕರ್ನಾಟಕ ಸರಕಾರಾಚಾ ಸನ್ಮಾನ್ಯ ಮುಖ್ಯ ಮಂತ್ರಿ ಮಾನೆಸ್ತ  ಸಿದ್ದರಾಮಯ್ಯ ಆನಿ  ಮಾನೆಸ್ತ  ಆರ್. ವ್ಹಿ ದೇಶಪಾಂಡೆಜಿಕ  ಪರ್ಬಿ ದಿಲಯಾ.
ಸಾತ(೭) ಕ್ಷಮತಾ ಶಿಬಿರ ಆಯೋಜನ
ವಿಶ್ವ ಕೊಂಕಣಿ ಕೇಂದ್ರಾಚೆ ವಿದ್ಯಾರ್ಥಿ ವೇತನ ನಿಧಿಚೆ ವತಿನ ವಿದ್ಯಾರ್ಥಿ ವೇತನ ಘೆತ್ತಿಲ್ಯಾ ಇಂಜಿಯರಿಂಗ್ ಆನಿ ಎಂ.ಬಿ.ಬಿ.ಎಸ್ ಅಧ್ಯಯನ ಕರಚಾ ಒಟ್ಟು ೪೫೫ ಕೊಂಕಣಿ ಮಾತೃಭಾಷಿಕ ವಿದ್ಯಾರ್ಥಿಂಕ ಕ್ಷಮತಾ (ಏoಟಿಞಚಿಟಿi Sಣuಜeಟಿಣs ಊigheಡಿ ಂಛಿhievemeಟಿಣ ಒoಣivಚಿಣioಟಿ ಚಿಟಿಜ ಖಿಡಿಚಿiಟಿiಟಿg ಂಛಿಚಿಜemಥಿ) ನಿರಂತರ ಜಾವನ ಏಕ ಮಹಿನ್ಯೊ ಸಾತ ವಿಂಗಡ ವಿಂಗಡ ತಂಡ ಕೋರ್ನು ಚಲೈಲೆ ಶಿಬಿರಾಚೆ ಶುರುವಾತ ವಿಶ್ವ ಕೊಂಕಣಿ ಕೇಂದ್ರಾಂತ ೦೧-೦೭-೨೦೧೩ ತಾರ್ಕೆರ; ಮುಖೇಲ ಸೊಯ್ರೆ ಜಾವನ ಭಾಗಿ ಆಶಿಲೆ ಉದ್ಯಮಿ ಆನಿ ವಿದೇಶಿ ವ್ಯವಹಾರ ತಜ್ಞ ಮಾನೆಸ್ತ  ವಾಲ್ಟರ ಡಿಸೋಜಾ ಹಾನ್ನಿ ಉದ್ಘಾಟನ ಕೆಲ್ಲೆಂ. ತದ ನಂತರ ನಿರಂತರ ಸಮಾಜಾಚೆ ವಿಂಗ ವಿಂಗಡ ಗಣ್ಯ, ಅನುಭವಿ ಲೋಕಾನಿ ಯವ್ನು ಶಿಬಿರಾರ್ಥಿಂಕ ಆಪ್ಣಾಂಗೆಲೆ ಅನುಭವಾಚೆ ಗೋಡಿ ವಾಂಟಿಲೆ
ಶಿಬಿರಾರ್ಥಿಂನಿ ತಾಂಗೆಲ ಜೀವನಾಂತ ವ್ಯಕ್ತಿ ವಿಕಸನಾಕ ಅನುಕೂಲ ಜಾವಚೆ ಹ್ಯಾ ಶಿಬಿರಾಚೆ ಚಟುವಟಿಕೆಂತ ಭಾಗ್ ಘೆವ್ನು  ಶಿಬಿರಾಂತ ಶಿಕೊವಚೆ ಮಸ್ತ ಇತಲೆ ವಿಷಯಾಚೆ ಪ್ರಯೋಜನ ಘೆವ್ನು ಮುಖಾವಯಲೆ ಜೀವನಾಂತ ಉತ್ತಮ ಕಾರ್ಯ ಸಾಧನ ಕರನ ತಾಂಗೆಲ ಭವಿಷ್ಯ ಉಜ್ವಲ ಜಾವಚಾಕ ಶ್ರಮ ಘೆವ್ಕಾ ಅಶ್ಶಿ ಮ್ಹೊಣು ಶಿಬಿರಾಂತು ವಾಂಟೊ ಘೆತ್ತಿಲೆ ಸರ್ವ ಸೊಯರ್‍ಯಾನಿ ಸಾಂಗ್ಲೆ. ಆನಿ ವಿಶ್ವ ಕೊಂಕಣಿ ಕೇಂದ್ರಾಚೆ ಹೇ ವಾವ್ರೆಚೆ ತಾರೀಪು ಕೆಲ್ಲೆ.
ಸಾತ್ತಾವೇ ತಂಡಾಚೆ ಸಮಾರೋಪ ತಾ. ೨೭-೦೭-೨೦೧೩ ದಿವಸು ಆಯೋಜನ ಜಾಲೇಲೆ. ಹೇ ಸಮಾರೋಪ ಸಮಾರಂಭಾಕ  ಐ ಪೊಯಿಂಟ ಕನ್ಸಲ್ಟಿಂಗ ಪ್ರೈವೆಟ್ ಲಿಮಿಟೆಡಚೆ  ಡೈರೆಕ್ಟರ್ ಮಾನೆಸ್ತ ಪ್ರದೀಪ ಶೆಣೈ  ಮುಖೇಲ ಸೊಯರೆ ಜಾವ್ನು ಆಯ್ಯಿಲೆ.  ಹೇ ಸರ್ವ ಸಮಾರಂಭಾಚೆ ಅಧ್ಯಕ್ಷತಾ ವಿಶ್ವ ಕೊಂಕಣಿ ಕೇಂದ್ರಾಚೆ ಸ್ಥಾಪನಾಧ್ಯಕ್ಷ ಕೊಂಕಣಿ ಸರದಾರ ಬಸ್ತಿ ವಾಮನ ಶೆಣೈ ಹಾನ್ನಿ ಘೆತ್ತಿಲೆ.  ಕ್ಷಮತಾ ಶಿಬಿರಾಚೆ ಸಂಚಾಲಕ, ತರಬೇತುದಾರ ಪ್ರೀತಮ್ ಕಾಮತ್, ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿಚೆ ಕಾರ್ಯದರ್ಶಿ ಮಾನೆಸ್ತ ಪ್ರದೀಪ ಜಿ. ಪೈ, ವಿಶ್ವ ಕೊಂಕಣಿ ಕೇಂದ್ರಾಚೆ ಕಾರ್ಯದರ್ಶಿ ಮಾನೆಸ್ತ ವೆಂಕಟೇಶ ಎನ. ಬಾಳಿಗಾ, ವಿಶ್ವ ಕೊಂಕಣಿ ಕೇಂದ್ರ ಭಾಷಾ ಸಂಸ್ಥಾನಾಚೆ ಸಹಾಯಕ ನಿರ್ದೇಶಕ ಮಾನೆಸ್ತ ಗುರುದತ್ತ ಬಂಟ್ವಾಳಕಾರ ಆದಿ ಲೋಕ ಹೇ ಸರ್ವ ಸಮಾರಂಭಾಂತು ಭಾಗಿ ಆಶ್ಶಿಲೆ. ಅಖೇರಿಕ ಹೇ ಶಿಬಿರಾಂತು ವಾಂಟೊ ಘೆತ್ತಿಲೆ ವಿದ್ಯಾರ್ಥಿ ಲೋಕಾನಿ ತಾಂಗ ತಾಂಗೆಲೆ ಅನುಭವ ಸಾಂಗೂನು, ಹೇ ಶಿಬಿರಾಚಾನ ತಾನ್ನಿ ಘೆತ್ತಿಲೆ ಅನುಭವ ವಾಂಟೂನು ಘೆತ್ಲೆ.