ಶ್ರೀ ಲಕ್ಷ್ಮೀನಾರಾಯಣ, ರಾಮನಾಥ, ಶಾಂತೇರಿ, ಕಾಮಾಕ್ಷಿ, ಬೇತಾಳ ದೇವಳ, ಭಟ್ಕಳ

ಭಟ್ಕಳಾಚೆ ನೆಹರೂ ರಸ್ತ್ಯಾರಿ ಆಸ್ಸುಚೆ ಶ್ರೀ ಲಕ್ಷ್ಮೀನಾರಾಯಣ, ರಾಮನಾಥ, ಶಾಂತೇರಿ, ಕಾಮಾಕ್ಷಿ, ಬೇತಾಳ ದೇವಳಾಚೆ ಆಡಳಿತ ಸಮಿತಿಚಾನ ಶ್ರೀ ದೇವಳಚೆ ಕುಳಾವಿ ಭಕ್ತ ಬಾಂದವಾ ಖಾತ್ತಿರಿ ಏಕ ಶೋಭಾಯಮಾನ ಜಾಲೀಲೆ ‘ಅತಿಥಿ ಗೃಹ ಬಾಂದಚಾಕ ದೃಢ ಸಂಕಲ್ಪ ಕೆಲೀಲೆ ಆಸ್ಸುನು, ಹೇ ಅತಿಥಿ ಗೃಹ ದೇವಳಾಚೆ ಲಾಗ್ಗಿ ಬಾಂಚೆ ಉದ್ದೇಶ ದವರೂನು ಘೆತಲ್ಯಾ. ಹೇ ಅತಿಥಿ ಗೃಹಾಂತು ೧೪(ಚೌದಾ) ಸುಸಜ್ಜಿತ ವಾಸ್ತವ್ಯ ಕೊರ್‍ಚೆ ಕೂಡ, ಪಾರ್ಕಿಂಗ್ ಜಾಗೋ, ಕ್ಯಾಂಟೀನ್, ಸುಸಜ್ಜಿತ ಪಾಕಶಾಳಾ ಇತ್ಯಾದಿ ಸೌಲಭ್ಯ ಉಪಲಬ್ಧ ಕೊರಚಾಕ ಆಡಳಿತ ಸಮಿತಿಚಾನ ಠರಯಲಾ.
ಬಾಂದಕಾಮಾಚೆ ಮ್ಹೊಲ ಆಕಾಶಾಕ ಚೇಣಾಶ್ಶಿಲೆ ಆಯಚೆ ದಿನಮಾನಾಂತು ಹೇ ಯೋಜನೇಕ ಸುಮಾರ ೬೦ ಲಾಕ್ ರೂಪಯಿ ಲಾಗಚಾಕ ಪುರೊ ಮ್ಹೋಣು ಅಂದಾಜ ಕೆಲೀಲೆ ಆಸ್ಸುನು ಶ್ರೀ ಶಾಂತೇರಿ ಕಾಮಾಕ್ಷಿ ದೇವಳಾಚೆ ಹೇ ಉತ್ಕಷ್ಟ ಕಾರ್ಯಾಕ ಕುಳಾವಿ ಭಕ್ತ ಆನಿ ಸಮಾಜ ಬಾಂಧವಾನಿ ದಾರಾಳ ಮನಾನಿ ಸಹಕಾರ ದಿವಕಾ ಮ್ಹೊಣು ದೇವಳಾಚೆ ಆಡಳಿತ ಸಮಿತಿಚಾನ ಸರ್ವ ಭಕ್ತವೃಂದಾಂತು ಅಪೇಕ್ಷಾ ದವರಲಾ. ಖಂಚೇಯಿ ಕುಳಾವಿ ಭಜಕಾನಿ ೨.೫೦ ಲಾಕ್ ರೂಪಯಿ ದೀವ್ನು ಅತಿಥಿ ಕೂಡಾಕ ತಾಂಗೆಲೆ ಮ್ಹಾಲ್ಗಡ್ಯಾಲೆ ಸ್ಮರಣಾರ್ಥ ನಾಂವ ದವರೂನು ಘೆವ್ಯೇತ. ಹೇ ಖಾಲಿ ೧೪ ಕೂಡಾಚೆ ‘ಅತಿಥಿ ಗೃಹ ಜಾವ್ನಾಶ್ಶಿಲೆ ನಿಮಿತ್ತ ಖಾಲಿ ೧೪ ಲೋಕಾಂಕ ಮಾತ್ರ ಅವಕಾಶ ಆಸ್ಸುನು ಪಯಲೆ ಆಯ್ಯಿಲ್ಯಾಂಕ ಪಯಲೆ ಅವಕಾಶ ಮೆಳ್ತಾ. ತ್ಯಾ ನ್ಹಂಹಿಸಿ ಪ್ರತಿ ಸ್ಕ್ವೇರಫೂಟಾಕ ೧,೦೦೦/- ರೂಪಯಾ ಮ್ಹಣಚೆ ೬,೦೦೦(ಸ ಹಜಾರ) ಸ್ಕ್ವೇರಫೂಟ  ನಿರ್ಮಾಣಾಕ ಸಹಕಾರ ದಿವಚಾಕ ವಿಂಗಡ ಲೋಕಾಂಕ ಅವಕಾಶ ಆಸ್ಸ. ಶ್ರೀ ದೇವಳಾಚೆ ಸಮಸ್ತ ಕುಳಾವಿ ಭಜಕಾನಿ ಆಡಳಿತ ಸಮಿತಿಚಾನ ಘಾಲ್ನು ಘೆತ್ತಿಲೆ ಹೇ ಮಹಾ ಯೋಜನಾ ಯಶಸ್ವಿ ಜಾವಚಾಕ ದಾರಾಳ ಮನಾನಿ ದೇಣಿಗಾ ದೀವ್ನು ಕುಲದೇವಾಲೆ ಕೃಪೇಕ ಪಾತ್ರ ಜಾವಕಾ ಮ್ಹೊಣು ಮಾಗಣಿ ಆಸ್ಸ. ಹೇ ಖಾತ್ತಿರಿ ಖಂಚೇ ಚಡ್ತೆ ಮಾಹಿತಿ ಜಾವ್ಕಾ ಜಾಲೇಲ್ಯಾನ ಪೋನ್ ನಂ. ೦೮೩೮೫ ೨೨೨೬೭೭, ಮೊಬೈಲ್ : ೯೯೦೧೬೩೭೩೭೭ ಹಾಂಗಾಕ ಸಂಪರ್ಕು ಕೊರಯೇತ. ಬ್ಯಾಂಕ್ ಮೂಖಾಂತರ ದೇಣಿಗಾ ಪೆಟೋವ್ನು ದಿವಚೆ ಕುಳಾವಿ ಭಕ್ತ ಖಾತ್ತಿರಿ ಭಟ್ಕಳಾಚೆ ಕಾರ್ಪೋರೇಶನ್ ಬ್ಯಾಂಕಾಂತು ಎಸ್.ಬಿ. ಆಕೌಂಟ್ (ನಂ. ೦೧೪೬೦೦೧೦೧೦೧೮೩೩೭) ಕಾಡಿಲೆ ಆಸ್ಸುನು ಕುಳಾವಿ ಭಜಕಾನಿ ಹಾಂಗಾಕಂಯಿ ದುಡ್ಡು ಪೆಟೋವ್ನು ದಿವ್ಯೇತ.