ಮಲ್ಲೇಶ್ವರಂಚೆ ಚಿತ್ರಾಪುರ ಭವನಾಂತು ಆಸ್ಸುಚೆ ಬೆಂಗಳೂರ್‍ಚೆ ಗೌಡ ಸಾರಸ್ವತ ಸೇವಕ ಸಮಾಜಾಚಾನ ಪ್ರತಿ ವರ್ಷ ಆಚರಣ ಕೊರಚೆ ‘ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜಾ ಕಾರ್ಯಕ್ರಮ ತಾ. ೩೦-೧೨-೨೦೧೨ ದಿವಸು ಬೆಂಗಳೂರ್‍ಚೆ ಶ್ರೀ ಕಾಶೀಮಠಾಂತು ಅಪಾರ ಸಮಾಜ ಬಾಂಧವಾಲೆ ಉಪಸ್ಥಿತೀರಿ ವಿಜೃಂಭಣೇರಿ ಚಲ್ಲೆ. ತತ್ಸಂಬಂಧ ಪ್ರಾರ್ಥನಾ, ಕಥಾ ಪಠಣ, ಮಹಾ ಮಂಗಳಾರತಿ ಆನಿ ಮಹಾ ಸಂತರ್ಪಣ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.
ಜಿ.ಎಸ್.ಎಸ್.ಎಸ್. ಕ್ರೆಡಿಟ್ ಕೋ-ಆಪ್ ಸೊಸೈಟಿ ಲಿ.
ಡಾ|| ದಯಾನಂದ ಪೈ ಮಾಮು ಅಧ್ಯಕ್ಷ ಜಾವ್ನಾಸ್ಸುಚೆ ಬೆಂಗಳೂರ್‍ಚೆ ಸಮಾಜಾ ಬಾಂಧವಾಲೆ ಜಿ.ಎಸ್.ಎಸ್.ಎಸ್. ಕ್ರೆಡಿಟ್ ಕೋ-ಆಪ್ ಸೊಸೈಟಿ ೧೯೯೮ ಇಸ್ವೆಂತು ಆರಂಭ ಜಾವ್ನು ಸದಸ್ಯಾಂಕ ಅನುಪಮ ಸೇವಾ ಪಾವೈತಾ ಆಸ್ಸ. ಹಾಂಗಾ ಠೇವಣಿ ದವರ್‍ಲ್ಯಾರಿ ಚಾಂಗ ಪ್ರತಿಫಲ ಮೆಳಚೆ ಅವಕಾಶ ಆಸ್ಸುನು ಸಮಾಜ ಬಾಂಧವಾನಿ ಹೇ ಸೊಸೈಟಿಚೆ ಅಭಿವೃದ್ಧಿಕ ಅಗತ್ಯ ಮದ್ದತ್ ದೀವ್ನು ಸೊಸೈಟಿ ಆನ್ನಿಕೆ ವಿಶೇಷ ಜಾವ್ನು ಅಭಿವೃದ್ಧಿ ಪಾವಚಾಕ ಖಾಂದ ದಿವ್ಕಾ. ಚಡ್ತೆ ಮಾಹಿತಿ ಖಾತ್ತಿರಿ ಜಿ.ಎಸ್.ಎಸ್.ಎಸ್. ಕ್ರೆಡಿಟ್ ಕೋ-ಆಪ್ ಸೊಸೈಟಿ ಲಿ. ನಂ. ೨೭/೧, ಶ್ರೀನಿವಾಸ, ೧ ಮಾಳಿ, ೧೭ ಆಡ ರಸ್ತೋ, ೯ & ೧೦ ಚೆಂ ಆಡ ರಸ್ತೆ ಮಧ್ಯೆ, ಮಲ್ಲೇಶ್ವರಂ, ಬೆಂಗಳೂರು - ೫೬೦೦೫೫, ಪೋನ್ ೨೩೪೬೬೦೩೨ ಹಾಂಗಾಕ ಸಂಪರ್ಕು ಕೊರಯೇತ.
ಶ್ರೀ ವೆಂಕಟರಮಣ ದೇವಳ, ಕುಂದಾಪುರ
ಕುಂದಾಪುರ್‍ಚೆ ಪೇಟೆ ಶ್ರೀ ವೆಂಕಟರಮಣ ದೇವಳಾಂತು ಕಾಲಂಪ್ರತಿ ಚೋಲ್ನು ಆಯ್ಯಿಲೆ ದೀವೆಂ(ದೀಪೋತ್ಸವು) ಧಾತ್ರಿಹವನ, ತೆಪ್ಪೋತ್ಸವು, ಕಟ್ಟೆ ಪೂಜಾ, ವನಭೋಜನ, ಮಹಾ ಪೂಜಾದಿ ಸಮಾರಂಭ ಸಮೇತ ತಾ. ೦೪-೧೨-೨೦೧೨ ದಿವಸು ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ಆನಿ ಶ್ರೀ ದೇವಳಾಂತು ೯೧ಚೆ ಶ್ರೀ ರಾಮ ಭಜನಾ ಸಂಕೀರ್ತನಾ ಸಪ್ತ ತಾ. ೧೮-೧೨-೨೦೧೨ ದಾಕೂನು ಸುರುವಾತ ಜಾವ್ನು ೨೫-೧೨-೨೦೧೨ ವರೇಕ ಗಾಂವ್ಚೆ, ಪರಗಾಂವ್ಚೆ ವಿಂಗವಿಂಗಡ ಭಜನಾ ಪಾಳಿಚೆ ಸಹಭಾಗಿತ್ವಾರಿ ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳ.ಶ್ರೀ ನಾಗಯಕ್ಷಿ ಮಹಾಸತಿ ಧರ್ಮ ಸಂಸ್ಥಾನ, ಭಟ್ಕಳ
ಭಟ್ಕಳಾಚೆ ವೀರ ವಿಠಲ ರಸ್ತೆಂತು ಆಸ್ಸುಚೆ ಶ್ರೀ ನಾಗಯಕ್ಷಿ ಮಹಾಸತಿ ಧರ್ಮ ಸಂಸ್ಥಾನ ದೇವಳಾಂತು ೧೪-೦೧-೨೦೧೩ ದಿವಸು ಮಕರ ಸಂಕ್ರಾಂತಿ ದಿವಸು ದೇವಾಕ ವಿಶೇಷ ಅಲಂಕಾರ ಆನಿ ಅಭಿಷೇಕ, ಧೋಂಪಾರಾ ೧ ಗಂಟ್ಯಾಕ ಮಹಾಪೂಜಾ, ರಾತ್ತಿಕ ೯ ಗಂಟ್ಯಾಕ ರಾಹು ಸನ್ನಿಧಿಂತು ಬಲಿ ಕಾರ್ಯಕ್ರಮ ಚಲೇಲೆ ಆಸ್ಸುನು, ಹೊ ಕಾರ್ಯಕ್ರಮಾಂತು ಸಮಾಜ ಬಾಂಧವ ಅಪಾರ ಸಂಖ್ಯಾರಿ ಯವ್ನು ದೇವಾಲೆ ಕೃಪಾಕಟಾಕ್ಷಾಕ ಪಾತ್ರ ಜಾಲ್ಲಿಂತಿ ಆನಿ ಕಾರ್ಯಕ್ರಮು ವಿಜೃಂಭಣೇರಿ ಚಲ್ಲೆ ಮ್ಹಣಚೆ ಖಬ್ಬರ ಮೆಳ್ಳಾ.
ಶ್ರೀ ರಾಮನಾಥ ಶಾಂತೇರಿ ಕಾಮಾಕ್ಷಿ ದೇವಳ, ಭಟ್ಕಳ
ಭಟ್ಕಳಾಚೆ ನೆಹರೂ ರಸ್ತೇರಿ ಆಸ್ಸುಚೆ ಶ್ರೀ ಲಕ್ಷ್ಮೀನಾರಾಯಣ ರಾಮನಾಥ ಶಾಂತೇರಿ ಕಾಮಾಕ್ಷಿ, ಬೇತಾಳ ದೇವಳಾಂತು ಕಾರ್ತಿಕ ಮೈನ್ಯಾಚೆ ಲಕ್ಷ ದೀಪೋತ್ಸವು ತಾ. ೧೩-೧೨-೨೦೧೨ ದಿವಸು ಹಜಾರೋ ಸಮಾಜ ಬಾಂಧವ ಆನಿ ಕುಳಾವಿ ಭಕ್ತ ಬಾಂದವಾಲೆ ಉಪಸ್ಥಿತೀರಿ ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ಪ್ರಾತಃಕಾಲ ೬ ಗಂಟ್ಯಾಕ ಲಕ್ಷ ದೀಪೋತ್ಸವ, ಶ್ರೀ ದೇವಿಲೆ ದಿವ್ಯ ರೂಪ ದರ್ಶನ, ಮಾಗಿರಿ ದೇವತಾ ಪ್ರಾರ್ಥನೆ ಬರಶಿ ನವಚಂಡಿಕಾ ಹವನ, ಧೋಂಪಾರಾ ಮಹಾ ಪೂಜಾ, ಮಹಾ ಮಂಗಳಾರತಿ ಜಾಲ್ಲ ಉಪರಾಂತ ದರ್ಶನ ಸೇವಾ, ಸುವಾಸಿನಿ, ಬ್ರಾಹ್ಮಣ ಸಂತರ್ಪಣ, ಮಹಾ ಸಂತರ್ಪಣ, ಸಾಜ್ವಾಳಾ ದೀಪೋತ್ಸವು, ಪಾಲಂಖೀ ಉತ್ಸವು, ಪುಷ್ಪಾಲಂಕಾರ ಪೂಜಾ, ಪ್ರಸಾದ ವಿತರಣ ಇತ್ಯಾದಿ ಕಾರ್ಯಕ್ರಮ ಚಲೀಲೆ ಖಬ್ಬರ ಮೆಳ್ಳಾ.ಶ್ರೀ ದೈವಜ್ಞ ಬ್ರಾಹ್ಮಣ ಸಮಾಜ, ಬಣಸಾಲೆ, ಮಂಕಿ
ಹೊನ್ನಾವರ ತಾ||ಚೆ ಮಂಕಿ ಬಣಸಾಲೆ ದೈವಜ್ಞ ಬ್ರಾಹ್ಮಣ ಸಮಾಜಾಚೆ ಶ್ರೀ ಮಹಾಗಣಪತಿ ದೇವಳಾಂತು ೫೯ ವರ್ಷಾಚೆ ಅಖಂಡ ಸಪ್ತ ಪ್ರಹರ ಭಜನ ಆನಿ ವನಭೋಜನ ಪರಮಪೂಜ್ಯ ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತಿ ಮಹಾ ಸ್ವಾಮ್ಯಾಂಗೆಲೆ ದಿವ್ಯ ಸಾನಿಧ್ಯಾರಿ ತಾ. ೧೫-೧೨-೨೦೧೨ ಆನಿ ೧೬-೧೨-೨೦೧೨ ದಿವಸು ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ೧೫-೧೨-೧೨ಕ ಪ್ರಾತಃಕಾಲಾಂತು ದೇವತಾ ಪ್ರಾರ್ಥನೆ ಬರಶಿ ಸಪ್ತಪ್ರಹರ ಭಜನ ಸುರುವಾತ ಜಾಲ್ಲೆ. ರಾತ್ತಿಕ ದೀಪೋತ್ಸವ, ಮಹಾ ಮಂಗಳಾರತಿ, ಪ್ರಸಾದ ವಿತರಣ ಚಲ್ಲೆ. ಹೆರ್‍ದೀಸು ಮ್ಹಳಯಾರಿ ೧೬-೧೨-೧೨ಕ ಪ್ರಾತಃಕಾಲಾರಿ ಭಜನಾ ಮಂಗಲ ಜಾಲ್ಲ ಉಪರಾಂತ ಫಲ ಪಂಚಾಮೃತ ಅಭಿಷೇಕ, ೧೦ ಗಂಟ್ಯಾಕ ಗಣಹೋಮು, ಪ|ಪೂ| ಸ್ವಾಮ್ಯಾಂಗೆಲೆ ಆಗಮನ, ತಾಂಕಾ ಪಂಚವಾದ್ಯ ಬರಶಿ ಪೂರ್ಣಕುಂಭ ಸ್ವಾಗತ, ಮಾಗಿರಿ ಪಾದ್ಯಪೂಜಾ ಚಲ್ಲೆ. ಧೋಂಪಾರಾ ಪ|ಪೂ| ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತಿ ಮಹಾಸ್ವಾಮ್ಯಾಂಗೆಲೆ ದಿವ್ಯ ಸಾನಿಧ್ಯಾರಿ ಚಲೀಲೆ ಸಭಾ ಕಾರ್ಯಕ್ರಮಾಕ ಮುಖೇಲ ಸೊಯರೆ ಜಾವ್ನು ಹಳದಿಪುರಾಚೆ ನಿವೃತ್ತ ಮುಖ್ಯೋಪಾಧ್ಯಾಯ ಶ್ರೀ ಆರ್.ಎಮ್.ಶೇಟ್ ಆನಿ ತರೀಕೆರೆ ಅಸಿಸ್ಟೆಂಟ್ ಕಮಿಷನರ್ ಅನುರಾಧ ಜಿ. ತಾನ್ನಿ ಆಯ್ಯಿಲೆ. ಮಹಾಮಂಗಳಾರತಿ ಜಾಲ್ಲ ಉಪರಾಂತ ಅನ್ನ ಸಂತರ್ಪಣ ಚಲ್ಲೆ. ಸಾಂಜ್ವಾಳಾ ಶ್ರೀ ದೇವಾಲೆ ಪಾಲಂಖೀ ಉತ್ಸವು ಮೆರವಣಿಗೇರಿ ವಚ್ಚುನು ರಾತ್ತಿಕ ದೇವಳಾಕ ಪರತೂನು ಆಯ್ಲ ಮಾಗಿರಿ ಆನಿ ಇತ್ಲೆ ದೇವತಾ ಕಾರ್ಯ ಚಲ್ಲೆ. ಅವುಂದು ವರ್ಷಾಚೆ ಸೇವಾದಾರ ಆಸ್ಸತಿ ಬೆಂಗಳೂರ್‍ಚೆ ಅರುಣೋದಯ ಜ್ಯುವೇಲರಿ ವರ್ಕ್ಸಹಾಜ್ಜೆ ಶ್ರೀ ಎಂ. ಪಾಂಡುರಂಗ ರಾವ್ ಆನಿ ಚರ್ಡುಂವ.ಶುಭ ವಿವಾಹ
ಚಿ||ವಿಶ್ವನಾಥ(ಶ್ರೀಮತಿ ಲಕ್ಷ್ಮೀದೇವಿ ಆನಿ ಶ್ರೀ ನಗರ ದಾಮೋದರ ನಾಯಕ್ ಹಾಂಗೆಲೊ ಪೂತು) ಆನಿ ಚಿ||ಸೌ|| ಜಯಶ್ರೀ (ಶ್ರೀಮತಿ ಲಕ್ಷ್ಮೀ ಆನಿ ಶ್ರೀ ಎಮ್. ಅನಂತ ನಾಯಕ್, ಮಣೂರು ಹಾಂಗೆಲಿ ಧೂವ) ಹಾಂಗೆಲೆ ಲಗ್ನ ತಾ. ೨-೧-೨೦೧೩ ದಿವಸು ಉಡ್ಪಿಚೆ ಶ್ರೀ ಶಾರದಾ ಕಲ್ಯಾಣ ಮಂಟಪಾಂತು ವಿಜೃಂಭಣೇರಿ ಚಲ್ಲೆ. ನೂತನ ವಧು-ವರಾಂಕ “ಸರಸ್ವತಿ ಪ್ರಭಾ ದೇವು ಬರೆಂ ಕೊರೊ ಮ್ಹಣತಾ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ