ಕೊಂಕಣಿ ಸಾಂಸ್ಕೃತಿಕ ರಾಯಭಾರಿ ಪ್ರಶಸ್ತಿ ಪ್ರದಾನ

 ಘೆಲೇಲೆ ೩೧ ವರ್ಷಾಚಾನ ಮಂಗಳೂರ್‍ಚೆ ಗಣಪತಿ ಹೈಸ್ಕೂಲ್ ವಠಾರ ದಾಕೂನು ಕೊಂಕಣಿ ಭಾಷೆ ತಶ್ಶೀಚಿ ಸಂಸ್ಕೃತಿಚೆ ಸೇವಾ ಕರತಾ ಆಶ್ಶಿಲೆ ‘ಕೊಂಕಣಿ ಸಾಂಸ್ಕೃತಿಕ ಸಂಘ, ಮಂಗಳೂರು ಹಾಜ್ಜೆ ತರಪೇನ ಯಕ್ಷಗಾನ ಕ್ಷೇತ್ರಾಂತು ಬರಪೂರ ಸೇವಾ ಪಾವೈಲೆ ಕೆರ್ವಾಶೆ ಸುರೇಂದ್ರ ಶೆಣೈ, ಹೆಜಮಾಡಿ ಹರಿಯಪ್ಪ ಶೆಣೈ ಆನಿ ಬಿ. ನಾಗೇಶ ಪ್ರಭು ತಾಂಕಾ ಕೊಂಕಣಿ ಸಾಂಸ್ಕೃತಿಕ ರಾಯಭಾರಿ ಪ್ರಶಸ್ತಿ ದೀವ್ನು ಆಲ್ತಾಂತು ಗೌರವ ಕೆಲ್ಲೆ.
    ಲೆಕ್ಕ ಪರಿಶೋಧಕ ಎ. ಲಕ್ಷ್ಮಣ ಕಾಮತ್ ಪ್ರಶಸ್ತಿ ಪಾವಿತ ಕೆಲ್ಲಿಂತಿ. ಹೇ ಪ್ರಶಸ್ತಿ ಬರಶಿ ೨,೫೦೦ ರೂ. ಗೌರವ ಧನ ಪಾವಿತ ಜಾಲ್ಲೆ. ಹೇಂಚಿ ವೇಳ್ಯಾರಿ ಮುಂಬ್ಚೆ  ಸಮಾಜ ಸೇವಕಿ ಸುಧಾ ಪ್ರಭು ತಾಂಕಾ ಕೊಂಕಣೀ ಸಾಂಸ್ಕೃತಿಕ ಕಲಾ ಪೋಷಕಿ ಪ್ರಶಸ್ತಿ ದೀವ್ನು ಮಾನ ದಿಲ್ಲೆ. ಕರ್ಣಾಟಕ ಬ್ಯಾಂಕಾಚೆ ರೇಣುಕಾ ಬಂಗೇರ ತಶ್ಶಿಚಿ ಕುಡಿ ಶಾಂತಾ ಶೆಣೈ ತಾನ್ನಿ ಪ್ರಶಸ್ತಿ ದಿಲ್ಲೆ. ಸಮ್ಮಾನಿತಾಂಗೆಲೆ ತರಪೇನ ಬಿ. ನಾಗೇಶ ಪ್ರಭು ಆನಿ ಸುಧಾ ಪ್ರಭು ಉಲೈಲೀಂತಿ.
ಕರ್ನಾಟಕ ಯಕ್ಷಗಾನ ಬಯಲಾಟ ಅಕಾಡೆಮಿಚೆ ಸಹಯೋಗಾರಿ ಕೊಂಕಣಿ ಸಾಂಸ್ಕೃತಿಕ ಸಂಘಾಚೆ ಸದಸ್ಯಾನಿ ಜ. ೨೦ ದಿವಸು ಮಂಗಳೂರ್‍ಚೆ ಟೌನ್‌ಹಾಲಾಂತು ಖೇಳ್ನು ದಾಖಯ್ಲೆ ದಕ್ಷ ಯಜ್ಞ ಕೊಂಕಣಿ ಯಕ್ಷಗಾನ ಖೇಳಾಚೆ ಪಯ್ಲೆ ಚಲೇಲೆ ಸಭಾ ಕಾರ್ಯಕ್ರಮಾಂತು ಹೇ ಪ್ರಶಸ್ತಿ ಪಾವಿತ ಜಾಲ್ಲೆ. ಇಂಡಿಯನ್ ಓವರ್‌ಸೀಸ್ ಬ್ಯಾಂಕಾಚೆ ರೀಜನಲ್ ಮ್ಯಾನೇಜರ್ ಅನಿಲ ತಾನ್ನಿ ದಿವ್ಲಿ ಪೆಟ್ಟೊನು ಉದ್ಘಾಟನ ಕೆಲ್ಲಿಂತಿ. ಹರಿಕಥಾ ಪ್ರವೀಣೆ ಭಾವನಾ ಭಾಸ್ಕರ ಪ್ರಭು ಮುಖೇಲ ಸೊಯರೆ ಜಾವ್ನು ಆಯ್ಯಿಲೆ. ಕೊಂಕಣಿ ಸಾಂಸ್ಕೃತಿಕ ಸಂಘಚೆ ಅಧ್ಯಕ್ಷ ವೆಂಕಟೇಶ ಬಾಳಿಗಾ  ತಾನ್ನಿ ಯೇವ್ಕಾರ ಕೆಲ್ಲೆ.  ವಿಠೊಬ ಶೆಣೈ, ದೇವದಾಸ ನಾಗರಮಠ ತಶ್ಶಿಚಿ ಎ. ಜೆ. ಕಿಣಿ ಸಮ್ಮಾನಿತಾಂಗೆಲೆ ಒಳಕ ಕೋರ್ನು ದಿಲ್ಲಿಂತಿ. ಖಜಾಂಚಿ ಗೋವಿಂದರಾಯ ಪ್ರಭು, ಮಾಜಿ ಅಧ್ಯಕ್ಷ ಎಂ. ಆರ್. ಕಾಮತ್ ಆನಿ ಸ್ವಾತಿ ಪೈ ಯಕ್ಷಗಾನಾಚೆ ಉಸ್ತುವಾರಿ ಘೆತ್ತಿಲೆ.ಸತೀಶ್ ಶೇಟ್ ತಾನ್ನಿ ಆಬಾರ ಮಾನ್ಲೆ. ಕಾರ್ಯದರ್ಶಿ ರತ್ನಾಕರ ಕುಡ್ವಾನಿ ಕಾರ್ಯಕ್ರಮ ನಿರೂಪಣ ಕೆಲ್ಲಿ.
ಜಿ‌ಎಸ್‌ಬಿ ಸಮಾಜಾಚೆ ಉ.ಕ. ಜಿಲ್ಲಾ ಸಮಾವೇಶ
ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ೧೧ವೆಂ ಜಿಲ್ಲಾ ಸಮಾವೇಶ ಕುಮ್ಟಾಚೆ ಚಿತ್ರಿಗಿ ವಿಷ್ಣುತೀರ್ಥಾಚೆ ಶ್ರೀ ಗೋಪಾಲಕೃಷ್ಣ ವೇದಿಕೆರಿ ಆಲ್ತಾಂತು ಚಲ್ಲೆ. ಹುಬ್ಬಳ್ಳಿಚೆ ಉದ್ಯಮಿ ಆರ್.ಎನ್. ನಾಯಕ ತಾನ್ನಿ ಸಮಾವೇಶ ಉದ್ಘಾಟನ ಕೆಲ್ಲಿಂತಿ. ವಕ್ತಾರ ಜಾವ್ನು ಆಯ್ಯಿಲೆ ಕರ್ನಾಟಕ  ಕೊಂಕಣಿ ಸಾಹಿತ್ಯ ಅಕಾಡಮಿ ಅಧ್ಯಕ್ಷ ಕಾಸರಗೋಡು ಚಿನ್ನಾ ಉಲೋವ್ನು “ಜಿ‌ಎಸ್‌ಬಿ ಸಮಾಜಾ ಲೋಕ  ಸಂಸ್ಕಾರವಂತ ಜಾವ್ನಾಸ್ಸತಿ, ತಸ್ಸಾಲೆ ಸಮಾಜಾಂತು ಆಜಿ ಸಂಸ್ಕಾರ ಊಣೆ ಜಾತ್ತಾ ಆಸ್ಸ. ಯುವಕಾರ ಐಟಿ-ಬಿಟಿ ದಾಕೂನು ಆಕರ್ಷಿತ ಜಾತ್ತಾ ಆಸ್ಸತಿ. ಸಮಾಜ ಆರ್ಥಿಕ ಜಾವ್ನು ತಶ್ಶೀಚಿ ಸಾಹಿತ್ಯಿಕ ಜಾವ್ನು ಸದೃಢ ಜಾವ್ಕಾ ಜಾಲ್ಲಾ. ಸಾಹಿತ್ಯ ರಚನೆಂತು ಸಮಾಜಾಚೆ ವಾಂಟೊ ನಾಶಿ ಜಾಲ್ಲಾ. ಮ್ಹಳ್ಳಿಂತಿ.  ಸುಪ್ರೀಂ ಕೋರ್ಟ್ ನ್ಯಾಯವಾದಿ ಶ್ರೀ ದೇವದತ್ತ ಕಾಮತ್  ಉಲೋವ್ನು “ಸಾರಸ್ವತ ಹೇ ಶಬ್ದ ಮಾಗಶಿ ಅಪಾರ ಜ್ಞಾನ, ಸಂಸ್ಕೃತಿ ಭೋರ್ನು ಆಸ್ಸ. ಉತ್ಕೃಷ್ಟ ಸಂಸ್ಕೃತಿ ಸಂಪ್ರದಾಯ ಆಸ್ಸುಚೆ ಜಿ‌ಎಸ್‌ಬಿ ಸಮಾಜ ಪಾಶ್ಚಿಮಾತ್ಯ ಸಂಸ್ಕೃತಿ ಬಗಲೇನ ಆಕರ್ಷಿತ ಜಾತ್ತಾ ಆಸ್ಸ. ಮ್ಹಣಚೆ ವಿಷಾದ ವ್ಯಕ್ತ ಕೆಲ್ಲಿಂತಿ. ತಿರುಪತಿ ತಿರುಮಲ ಟ್ರಸ್ಟ್ ಧರ್ಮದರ್ಶಿ ಆರ್.ವಿ.  ದೇಶಪಾಂಡೆ ಅಧ್ಯಕ್ಷತೆ ಘೆತ್ತಿಲೆ. ಯುವ ಸೇವಾವಾಹಿನಿ ಜಿಲ್ಲಾಧ್ಯಕ್ಷ ರಾಘವ ಬಾಳೇರಿ, ತಾಲೂಕು  ಯುವ ಸೇವಾವಾಹಿನಿ ಗೌರವಾಧ್ಯಕ್ಷ ಚಂದ್ರಕಾಂತ ಎಂ.  ಶಾನಭಾಗ ಆನಿ ಅಧ್ಯಕ್ಷ ಮಾಧವ ಕೆ. ಶಾನಭಾಗ ಉಪಸ್ಥಿತ ಆಶ್ಶಿಲೆ. ಸಮಾವೇಶ ಸಮಿತಿ  ಜಿಲ್ಲಾಧ್ಯಕ್ಷ ವಸುದೇವ ಪ್ರಭು ತಾನ್ನಿ ಯೇವ್ಕಾರ ಕೋರ್ನು, ಒಳಕ ಕೋರ್ನು ದಿಲ್ಲೆ. ಯುವ ವಾಹಿನಿ ಜಿಲ್ಲಾ ಕಾರ್ಯದರ್ಶಿ ರವಿ ಲಕ್ಷ್ಮಣ ಶಾನಭಾಗ ಪ್ರಾಸ್ತಾವಿಕ ಜಾವ್ನು ಉಲೈಲೆ. ಸಹಕಾರ್ಯದರ್ಶಿ ಲಕ್ಷ್ಮೀನಾರಾಯಣ ಹೆಗಡೆಕರ ವರದಿ ವಾಚನ ಕೆಲ್ಲಿಂತಿ. ಸಮಾವೇಶ ಸಮಿತಿ ಅಧ್ಯಕ್ಷ ರತ್ನಾಕರ ಬಿ. ಕಾಮತ್ ತಾನ್ನಿ ಆಬಾರ ಮಾನಲೆ.

ಪ್ರತಿಭಾವಂತು ಶಶಿಧರ ಮಹಾಲೆ

ಉತ್ತರ ಕನ್ನಡ ಜಿಲ್ಲಾ ಪಂಚಾಯತ, ಸಾರ್ವಜನಿಕ ಶಿಕ್ಷಣ ಇಲಾಖೆಚೆ ಉಪನಿರ್ದೇಶಕ(ಆ) ಕಾರ್ಯಾಲಯ, ಉತ್ತರ ಕನ್ನಡ ಶೈಕ್ಷಣಿಕ ಜಿಲ್ಲಾ ಕಾರವಾರ ಹಾನ್ನಿ ಆಯೋಜನ ಕೆಲೇಲೆ ಜಿಲ್ಲಾ ಮಟ್ಟಾಚೆ ಪ್ರತಿಭಾ ಕಾರಂಜಿ ೨೦೧೨-೧೩ ಂತು ಕೊಂಕಣಿ ಕಂಠ ಪಾಠ ಸ್ಪರ್ಧೆಂತು ಶಿರಾಲಿ ಮಾದರಿ ಹಿರಿಯ ಪ್ರಾಥಮಿಕ ಶಾಳೆಚೆ ಶಶಿಧರ ನರಸಿಂಹ ಮಹಾಲೆ ಹಾಕ್ಕಾ ಪಯಲೆ ಸ್ಥಾನ ಮೆಳ್ಳಾ. ಆನಿ ಹೋ ರಾಜ್ಯ ಮಟ್ಟಾಚೆ ಸ್ಪರ್ಧೆಕ ವಿಂಚೂನು ಆಯಲಾ. ಹೋ ಶ್ರೀಮತಿ ಲಕ್ಷ್ಮೀ ಮಹಾಲೆ ಆನಿ ಶ್ರೀ ನರಸಿಂಹ ಮಹಾಲೆ ಹಾಂಗೆಲೊ ಪೂತು. ಹಾಗೇಲೆ ಸಾಧನೆಕ ಶಾಳೆಚೆ ಶಿಕ್ಷಕ ವೃಂದ ಆನಿ ಇತರ ಲೋಕಾನಿ ಅಭಿನಂದನ ಪಾವೈಲಾ. “ಸರಸ್ವತಿ ಪ್ರಭಾ ತರಪೇನ ಹಾಕ್ಕಾ ದೇವು ಬರೆಂ ಕೊರೊಂ ಮ್ಹಣತಾ.

Saraswati Prabha Konkani News-3(Fe-13)

ಶ್ರೀಮತ್ ಅನಂತೇಶ್ವರ ದೇವಳ, ಮಂಜೇಶ್ವರ

ಮಂಜೇಶ್ವರಾಚೆ ಶ್ರೀಮತ್ ಅನಂತೇಶ್ವರ ದೇವಳಾಂತು ವರ್ಷಂಪ್ರತಿ ಮ್ಹಣಕೆ “ಷಷ್ಠಿ ಮಹೋತ್ಸವು  ದಿನಾಂಕ. ೧೩-೧೨-೨೦೧೨ ದಾಕೂನು ೧೯-೧೨-೨೦೧೨ ಪರ್ಯಂತ ಅಪಾರ ಭಕ್ತ ಬಾಂಧವಾಲೆ ಉಪಸ್ಥಿತೀರಿ ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ೧೩/೧೨ಕ ಮಹಾ ಪೂಜಾ, ಸಮಾರಾಧನ, ರಾತ್ತಿಕ ಪಾಲಂಖೀ ಉತ್ಸವು, ವಸಂತ ಪೂಜಾ ಚಲಯಾರಿ, ೧೪/೧೨ಕ ಮೃತ್ತಿಕಾರೋಹಣ, ಧ್ವಜಾರೋಹಣ, ಯಜ್ಞಾರತಿ, ಬಲಿ, ಸಾಂಜ್ವಾಳಾ ಗೊಂಬೆ ಚವರು ಉತ್ಸವು ಚಲ್ಲೆ. ೧೫/೧೨ಕ ಹಗಲೋತ್ಸವು, ಚಂದ್ರಮಂಡಲ, ಸಾನ ತೇರಾ ಉತ್ಸವು ಚಲ್ಲೆ. ೧೬/೧೨ಕ ರುಪ್ಪೆಲಾಲ್ಕಿ ಹಗಲೋತ್ಸವು, ಯಜ್ಞ, ಬಲಿ, ಮಹಾಪೂಜಾ, ಸಮಾರಾಧನ, ಗರುಡ ಮಂಟಪ, ಚಂದ್ರಮಂಡಲ, ಸಾನ ತೇರಾ ಉತ್ಸವು ಚಲ್ಲೆ. ೧೭/೧೨ಕ ಸ್ವರ್ಣಲಾಲ್ಕಿ ಹಗಲೋತ್ಸವು, ಪ್ರಾರ್ಥನ, ಅಭಿಷೇಕ, ತುಲಾಭಾರ, ದೇವಾಲೆ ದರ್ಶನಾಚೆ ಮಾಗಣಿ, ರುಪ್ಪೆ ಲಾಲ್ಕಿಂತು ಮೃಗಬೇಟೆ, ಅಡ್ಡ ಪಾಲಂಖೀ, ಸಾನ ತೇರಾ ಉತ್ಸವು ಇತ್ಯಾದಿ ಚಲ್ಲೆ. ೧೮/೧೨ಕ ಸ್ವರ್ಣ ಲಾಲ್ಕಿಂತು ಬಲಿ ಉತ್ಸವು, ರಥಾರೋಹಣ, ರಾತ್ತಿಕ ರಥಾವರೋಹಣ, ಸಮಾರಾಧನ ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ೧೯/೧೨ಕ ಅವಭೃತ, ರುಕ್ಕಾ ಲಾಲ್ಕಿ, ಸಾನ ತೇರು, ಶೇಷತೀರ್ಥ ನ್ಹಾಣ, ಧ್ವಜ ಅವರೋಹಣ, ಗಡಿ ಪ್ರಸಾದ ವಿತರಣ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಹೇ ಸಂದರ್ಭಾರಿ ಶ್ರೀ ಕಾಶೀ ಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪಟ್ಟಶಿಷ್ಯ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮೆಂ ತಾ. ೧೫-೧೨-೨೦೧೨ ದಾಕೂನು ೨೦-೧೨-೨೦೧೨ ಪರ್ಯಂತ ಮಂಜೇಶ್ವರಾಂತು ಮೊಕ್ಕಾಂ ಆಶ್ಶಿಲೆ.
  ಏಕ ದಿವಸಾಚೆ ಸೇವಾ : ಶ್ರೀ ದೇವಳಾಂತು ಶ್ರೀ ದೇವಾಕ ಪ್ರತಿ ನಿತ್ಯ ಚೊಲಚೆ “ತ್ರಿಕಾಲ ಪೂಜಾ (ಅಮೃತಪಡಿ, ನಂದಾದೀಪ್ತಿ, ಬ್ರಾಹ್ಮಣ ಸಂತರ್ಪಣ, ಅಭಿಷೇಕ ವಗೈರೆ) ಏಕ ದಿವಸಾಚೆ ಪೂರ್ತಿ ಸೇವೆಕ ಠರೆಯಿಲೆ ರೂ. ೫೦೧/-ಕ ಜಾವಚೆ ಮೂಲಧನ ರೂ. ೫೧೦೦/-
ಶ್ರೀ ಅನಂತ ಗೋಶಾಳಾ : ಮಂಜೇಶ್ವರಾಚೆ ಗುಡ್ಡೆಕ್ಕೇರಿಂತು ಶ್ರೀ ಕಲ್ಪವೃಕ್ಷ ಮಹಾಮ್ಮಾಯಾ ದೇವಳಾಚೆ ಆವಾರಾಂತು ಆಸ್ಸುಚೆ ಶ್ರೀ ಅನಂತ ಗೋಶಾಳಾಂತು ಆತ್ತ ೩೨ ಗಾಂಯ್ಯೋ ಆಸ್ಸತಿ. ಹೇ ಗೋಶಾಳಾ ಸಸೂತ್ರಾನ ಚಲೋವ್ನು ಘೇವ್ನು ವ್ಹರಚಾಕ ಸುಮಾರ ೫೦-೦೦ ಲಾಕ್ ರೂಪ್ಪಯಾಚೆ ನಿಧಿ ಪ್ರತ್ಯೇಕ ಠೇವಣಿ ದವರಚೆ ಅವಶ್ಯಕತಾ ಆಸ್ಸುನು, ಭಜಕ ಬಾಂಧವಾನಿ ಹೇ ಮಹತ್ಕಾರ್ಯಾಕ ದೇಣಿಗಾ ದೀವ್ನು ಶ್ರೀ ಹರಿ ಗುರು ಕೃಪೇಕ ಪಾತ್ರ ಜಾವ್ಯೇತ. ಗೋದಾನ ಸೇವಾ - ರೂ. ೫,೦೦೦/-, ಗಾಂಯ್ಚೆ ಏಕ ವರ್ಷಾಚೆ ಗೋಸೇವಾ - ರೂ. ೩,೦೦೦/, ಗೋಗ್ರಾಸ ಸೇವಾ - ರೂ. ೫೧/-/ ಹೇ ಖಾತ್ತಿರಿ ಖಂಚೇ ಚಡ್ತೆ ಮಾಹಿತೀಕ ಶ್ರೀಮತ್ ಅನಂತೇಶ್ವರ ದೇವಳಾಕ ಭೆಟ್ಟುವೇತ. ಪೋನ್ : ೦೪೯೯೮-೨೭೨೨೨೧, ೨೭೪೪೭೭, ೨೭೪೫೬೩.

saraswati Prabha Konkani News -2(Fe-13)

ಶ್ರೀ ಆರ್ಯಾದುರ್ಗಾ ದೇವಿ ಸಂಸ್ಥಾನ, ಅಂಕೋಲ
ಅಂಕೋಲೆಚೆ ಶ್ರೀ ಆರ್ಯಾದುರ್ಗಾ ದೇವಿ ಸಂಸ್ಥಾನಾಂತು ೨೦೧೩ಚೆ ಮಾಘ ಶುದ್ಧ ನವಮಿ ಉತ್ಸವು  ದಿನಾಂಕ. ೧೭-೦೨-೨೦೧೩ ದಾಕೂನು ೨೪ -೨-೨೦೧೩ ಪರ್ಯಂತ ಮಹಾ ಸಂಕಲ್ಪ, ಗಣಪತಿ ಪೂಜನ, ಪ್ರಾರ್ಥನಾ, ಕೌತುಕಾ ಪೂಜಾ, ಬಂಧನ, ವರ್ಣನ, ಗಣಹವನ, ಲಕ್ಷಕುಂಕುಮಾರ್ಚನ, ನವಚಂಡಿ ಹವನ, ಬಲಿಪ್ರಧಾನ, ಬ್ರಾಹ್ಮಣ ಆಶೀರ್ವಚನ, ರಥೋತ್ಸವು, ಕ್ಷೇತ್ರ ಬಲಿ, ಮಹಾದ್ವಾರ ಕಾಡಚೆ, ಕಾಪ್ಪಡ, ಚೋಳೆ ಪೀಸಾಚೆ ಲಿಲಾವ  ಆನಿ ಕೌಲ ಪ್ರಸಾದ(ಗಣಕಾಯಿ) ವಿತರಣ ಇತ್ಯಾದಿ ಕಾರ್ಯಕ್ರಮ ಬರೋಬರಿ ಚೊಲಚೆ ಆಸ್ಸ ಮ್ಹಣಚೆ ಖಬ್ಬರ ಮೆಳ್ಳಾ. ಲಕ್ಷ ಕುಂಕುಮಾರ್ಚನ ಸೇವೆಂತು ವಾಂಟೊ ಘೆವಚೆ ಭಕ್ತಾಧಿನ ಪಯಲೇಚಿ ರೂ. ೧೦೫/- ದೀವ್ನು ತಾಂಗೆಲೆ ನಾಂವ, ನಕ್ಷತ್ರ ಬರಶಿ ನೋಂದ ಕೊರಕಾ. ದೇವಳಾಚೆ ಖಾತ್ತಿರಿ ಖಂಚೇ ಚಡ್ತೆ ಮಾಹಿತಿ ಜಾವ್ಕಾ ಜಾಲೇಲ್ಯಾನ ಮ್ಯಾನೇಜರ್, ಶ್ರೀ ಆರ್ಯಾದುರ್ಗಾ ದೇವಿ ಸಂಸ್ಥಾನ, ಅಂಕೋಲಾ - ೫೮೧೩೧೪. ಪೋನ್ ನಂ. ೦೮೩೮೮- ೨೩೦೪೧೨, ೨೩೩೧೬೯ ಹಾಂಗಾಕ ಸಂಪರ್ಕ ಕೊರಯೇತ. ತಾ. ೯-೦೩-೨೦೧೩ ದಿವಸು ‘ಕಲಶ ಪ್ರತಿಷ್ಠಾಪನಾ ದಿವಸ  ಜಾವ್ನಾಸ್ಸ. ಹೇ ಪೂರಾ ದೇವ ಕಾರ್ಯಾಕ ಕುಳಾವಿ ವಾ ಭಕ್ತ ಬಾಂಧವಾನಿ ಚಡ್ತೆ ಸಂಖ್ಯಾರಿ ವಾಂಟೊಘೇವ್ನು, ಹರಿ-ಗುರು ಕೃಪೇಕ ಪಾತ್ರ ಜಾವ್ಕಾ ಮ್ಹೊಣು ವಿನಂತಿ ಆಸ್ಸ.
ಶ್ರೀ ಲಕ್ಷ್ಮೀವೆಂಕಟರಮಣ ದೇವಳ, ತೀರ್ಥಹಳ್ಳಿ
ಮೂಲತಃ ಬಂಟ್ವಾಳಾಚಿ ಜಾವ್ನಾಶ್ಶಿಲೆ ಶ್ರೀಮತಿ ಭಾವನಾ ಭಾಸ್ಕರ ಪ್ರಭು ಹಾನ್ನಿ ಕರ್ನಾಟಕ ತಿತ್ಲೆ ನ್ಹಂಹಿಸಿ ಕೇರಳ, ಗೋಂಯ, ಮಹಾರಾಷ್ಟ್ರ, ಡೆಲ್ಲಿಂತು ಸೈತ ಪ್ರವಚನ ಮಾಲಿಕಾ ಚಲೋವ್ನು ದೀವ್ನು  “ಶ್ರೀ ಮದ್ಭಾಗವತ ಪ್ರವಚನ ಸಮರ್ಥ ಆನಿ “ಗೀತಾ ಪ್ರವಚನ ವಿಶಾರದ ಮ್ಹಣಚೆ ಗೌರವಾಕ ಪಾತ್ರ ಜಾಲ್ಲಿಂತಿ. ಹಾನ್ನಿ ಕನ್ನಡ, ಹಿಂದಿ, ಮರಾಠಿ ಆನಿ ಕೊಂಕಣಿ ಭಾಷೆಂತು ಪ್ರವಚನ, ಸತ್ಸಂಗ ಚಲೋವ್ನು ದೀವ್ನು ಪ್ರಖ್ಯಾತ ಜಾಲ್ಲಿಂತಿ ತೀರ್ಥಹಳ್ಳಿ ಜಿ.ಎಸ್.ಬಿ. ಸಮಜಾಚೆ ತಿರುಮಲ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಳಾಂತು  ಶ್ರೀಮತಿ ಭಾವನಾ ಭಾಸ್ಕರ ಪ್ರಭು ಹಾನ್ನಿ ಚಲೋವ್ನು ದಿಲೇಲೆ “ಭಗವದ್ಗೀತಾ ಪ್ರವಚನ ದಿನಾಂಕ. ೨೫-೦೧-೨೦೧೩ ದಾಕೂನು ೩-೦೨-೨೦೧೩ ಪರ್ಯಂತ ಪ್ರತಿ ದಿವಸು ಸಾಂಜ್ವಾಳ ೫ ದಾಕೂನು ೭-೩೦ ಪರ್ಯಂತ ಚಲ್ಲೆ. ಗಾಂವ್ಚೆ ಮಸ್ತ ಸಮಾಜ ಬಾಂಧವ ಹೇ ಸಂದರ್ಭಾರಿ ಉಪಸ್ಥಿತ ಆಶ್ಶಿಲೆ.
ಭಜನಾ ತರಬೇತಿ : ತೀರ್ಥಹಳ್ಳಿಚೆ ರಥಬೀದಿಂತು ಆಸ್ಸುಚೆ ತಿರುಮಲ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಳಾಂತು ಭಜನಾ ತರಬೇತಿ ಶಿಬಿರ ತಾ. ೧೮-೦೧-೨೦೧೩ ದಾಕೂನು ೨೪-೦೧-೨೦೧೩ ಪರ್ಯಂತ ಚಲೇಲೆ ಖಬ್ಬರ ಮೆಳ್ಳಾ. ಪ್ರತಿ ದಿವಸು ಸಕ್ಕಾಣಿ ೧೦-೩೦ ದಾಕೂನು ೧೨-೩೦ ಪರ್ಯಂತ ಆನಿ ಸಾಂಜ್ವಾಳಾ ೩-೦೦ ದಾಕೂನು ೫-೩೦ ಪರ್ಯಂತ ಉಚಿತ ಭಜನಾ ಶಿಬಿರ ಚಲ್ಲೆ. ಹಾಜ್ಜೆ ಮುನಾಪೋ ಗಾಂವ್ಚೆ ಮಸ್ತ ಲೋಕಾನಿ ಘೆತ್ಲ್ಯೆ.
ಶ್ರೀ ಮಹಾಲಸಾ ನಾರಾಯಣೀ ದೇವಳ, ಬಸ್ರೂರು
ಕುಂದಾಪುರ ತಾ||ಚೆ ಬಸ್ರೂರಾಂತು ಆಸ್ಸುಚೆ ಶ್ರೀ ಮಹಾಲಸಾ ನಾರಾಯಣೀ ದೇವಳಾಂತು ಚತುರ್ಥ ವರ್ಷಾಚೆ ಬ್ರಹ್ಮ ರಥೋತ್ಸವು ದಿನಾಂಕ ೧೩-೦೨-೨೦೧೩ ದಾಕೂನು ೧೬-೦೨-೨೦೧೩ ಪರ್ಯಂತ ವಿಜೃಂಭಣೇರಿ ಸಂಪನ್ನ ಜಾಲ್ಲೆ. ತತ್ಸಂಬಂಧ ಮೂರ್ತಾ ಬಲಿ ಉತ್ಸವು, ಮಹಾ ಪ್ರಾರ್ಥನಾ, ಮೃತ್ತಿಕಾಹರಣ, ಅಂಕುರಾರೋಪಣ, ಧ್ವಜಾರೋಹಣ, ಯಜ್ಞ, ಬಲಿ ಪ್ರಧಾನ, ಮಹಾ ಪೂಜಾ, ಮಹಾ ಸಮಾರಾಧನ, ರುಪ್ಪೆ ಪಾಲಂಖೀ ಉತ್ಸವು, ವಸಂತ ಪೂಜಾ, ೧೫-೦೬-೨೦೧೩ ದಿವಸು ಬ್ರಹ್ಮ ರಥೋತ್ಸವು, ಶ್ರೀ ದೇವಿಕ ಪಂಚಾಮೃತಾಭಿಷೇಕ, ಕನಕಾಭಿಷೇಕ, ತುಲಾಭಾರ ಸೇವಾ, ರಥಾರೋಹಣ, ಶ್ರೀ ದೇವಿಕ ನಾರ್‍ಲು-ಕೇಳಿ, ರಥಕಾಣಿಕಾ ಸಮರ್ಪಣ, ರಾತ್ತಿಕ ರಥೋತ್ಸವು, ತಮಾಶಾ ವಾಕ್ದ ಲಾಶ್ಶೆ, ಅವಭೃತೋತ್ಸವು, ಚೂರ್ಣೋತ್ಸವು, ತೀರ್ಥನ್ಹಾಣ, ಅಂಕುರ ಪ್ರಸಾದ, ಧ್ವಜಾವರೋಹಣ, ಶ್ರೀ ದೇವಾಲೆ ಫಲಾವಳಿ ಏಲಂ, ಮೃಗಬೇಟೆ, ಕವಾಟ ಬಂಧನ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ವಿಶೇಷ ಕಾರ್ಯಕ್ರಮ ಜಾವ್ನು ಶ್ರೀಮತಿ ಪಾಂಗಾಳ ಆಶಾ ನಾಯಕ, ಮಣಿಪಾಲ ಹಾಂಗೆಲೆ ದಾಕೂನು ಹಿಂದೂಸ್ತಾನಿ ಭಕ್ತಿ ಸಂಗೀತ ಕಾರ್ಯಕ್ರಮಾಯಿ ಚಲ್ಲೆ.
ಬಸ್ರೂರು ಶ್ರೀ ಮಹಾಲಸ ನಾರಾಯಣೀ ದೇವಳಾಂತು ಹರ ಆಯ್ತವಾರು ತುಲಾಭಾರ ಸೇವಾ ಕೊರ್‍ಯೇತ. ಚಡ್ತ ಮಾಹಿತಿಕ ದೇವಳಾಚೆ ಆಫೀಸಾಂತು ವಿಚಾರ್‍ಯೇತ. ಸುಸಜ್ಜಿತ “ಶ್ರೀ ಮಹಾಲಸಾ ಸಭಾಭವನ ಲಗ್ನ, ಮೂಂಜಿ, ಲಗ್ನಾ ನಿಚ್ಚಯು, ಷಷ್ಠಾಬ್ಧ, ಸತ್ಯನಾರಾಯಣ ಇತ್ಯಾದಿ ಶುಭ ಕಾರ್ಯಾಕ ಉಪಲಬ್ಧ ಆಸ್ಸ. ಪ್ರತಿ ಮ್ಹಹಿನೋ ಪಯಲೆ ಆಯ್ತವಾರು ಸಾಂಜ್ವಾಳಾ ೬-೦೦ ಗಂಟ್ಯಾಕ ಪಾಲ್ಕಿ ಸೇವಾ ಆಸ್ತಾ. ರೂ. ೧೧,೦೦೦/- ಪಶಿ ಚ್ಹಡ ದೇಣಿಗಾ “ಶ್ರೀ ನಾರಾಯಣೀ ಅತಿಥಿ ಗ್ರಹಾಕ ದಿಲೇಲ್ಯಾಲೆ ನಾಂವ ಅಮೃತ ಫಲಕಾಂತು ಘಾಲತಾತಿ. ದೇವಳಾಚೆ ಖಂಚೇ ವಿಷಯಾ ಖಾತ್ತಿರಿ ಚಡ್ತೆ ಮಾಹಿತಿ ಜಾವ್ಕಾ ಜಾಲೇಲ್ಯಾನ ಪೋನ್ ನಂ. ೦೮೨೫೪-೨೩೭೭೦೦ ಹಾಂಗಾಕ ಸಂಪರ್ಕು ಕೊರಯೇತ.

Saraswati Prabha Konkani News-1(Fe-13)

ತಿರುಪತಿ ಶ್ರೀ ಕಾಶೀಮಠ ಕಟ್ಟಡ ಸಮಿತಿ

ಪರಶುರಾಮಾ ದಾಕೂನು ಕುಲದೇವಾಕ ಅನುಗ್ರಹೀತ ಜಾಲೇಲೆ ಆಮಗೇಲೆ ಪೂರ್ವಿಕ ಶ್ರೀ ರಾಮಚಂದ್ರ-ವೇದವ್ಯಾಸ-ನರಸಿಂಹ ದೇವಾಲೆ ಪೂಜನ ಕೊರಚೆ ಗುರು ಪರಂಪರೆಚೆ ಮಾರ್ಗದರ್ಶನಾರಿ ಹರಿಸಾಕ್ಷಾತ್ಕಾರಾಕ ಗುರು ಕೃಪಾಶೀರ್ವಾದಾಕ ಪಾತ್ರ ಜಾವಚಾಕ ಕುಲಗುರು, ಕುಲದೇವು ಆನಿ ಇಷ್ಟದೇವಾಲೆ ಆರಾಧನ ಕರತಾ ಅಭಿವೃದ್ಧಿ ಪಾವ್ತಾ ಆಯ್ಯಿಲೆ ಸರ್ವಾಂಕ ಗೊತ್ತಾಶ್ಶಿಲೆ ವಿಷಯು.
ಆಜಿಕ ೬೫ ವರ್ಷಾ ಪಶಿ ಮಾಕ್ಷಿ ದಾಕೂನು ಶ್ರೀ ವ್ಯಾಸ ರಘುಪತಿ ದೇವಾಲೆ ವಯ್ರಿ ಅವಿರತ ಶ್ರದ್ಧಾ-ಭಕ್ತಿಚೆ ತಪೋನಿಷ್ಟ ಪೂಜಾ, ಪುನಸ್ಕಾರಾನಿ ದೇವಾಕ ಸಂಪ್ರೀತಿ ಕೋರ್ನು ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಉದರ್ಗತಿಕ ಕಾರಣೀಭೂತ ಜಾಲೇಲೆ ಪ|ಪೂ| ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾನಿಂ ಬದರಿಚಾನ ದಕ್ಷಿಣಾಚೆ ರಾಮೇಶ್ವರ ಪರ್ಯಂತ ಪಸರೂನು ಆಸ್ಸುಚೆ ಸರ್ವ ಮಠ-ಮಂದಿರಾಂಚೆ ಜೀರ್ಣೋದ್ಧಾರ ತೆತ್ತೆವಳಿ ಕರ್ತಾ, ದೇಶಭ$ರಿ ಘೂವ್ನು ನವೀನ ಮಂದಿರ ಪ್ರತಿಷ್ಠೆ ಕರ್ತಾ, ಅನುಯಾಯಿಂಕ ಏಕ ಸೂತ್ರಾಂತು ಪೊಣಸೂವ್ನು ಯತ್ತಾ ಆಸ್ಸುಚೆ ಮಹಾ ತಪಸ್ವಿ ದಾಕೂನು ಮಾತ್ರ ಸಾಧ್ಯ ಜಾಲೇಲೆ ತಸ್ಸಾಲೆ ಸಾಧನ ಮ್ಹಳಯಾರಿ ಚೂಕಿ ಜಾಯಸನಾ.
ಶ್ರೀಮದ್ ಸ್ವಾಮ್ಯಾನಿಂ ಕೇರಳಾಚೆ ಅಂಬಲಮೇಡುಂತು ನಿರ್ಮಾಣ ಕೆಲೇಲೆ ಕುಲದೇವತಾ ಮಂದಿರ ಸಮುಚ್ಛಯ, ಹರಿದ್ವಾರ ಕ್ಷೇತ್ರಾಂತು ವೇದವ್ಯಾಸ ದೇವಾಕ ನಿರ್ಮಾಣ ಕೆಲೇಲೆ ಭವ್ಯ ಮಂದಿರ, ದೇವಭೂಂಯಿ ಬದರಿಂತು ನಿರ್ಮಾಣ ಕೆಲೇಲೆ ಮಠ ಸಮುಚ್ಛಯ, ಶ್ರೀ ಕ್ಷೇತ್ರ ಕಾಲ್ಪಿಂತು ನಿರ್ಮಾಣ ಕೆಲೀಲೆ ಭವ್ಯ ಮಂದಿರ ಹಾಜ್ಜ ಕಲ್ಪನ ಆನಿ ನಿರ್ಮಾಣ ತಪಸ್ವಿ, ಸಂತ ಲೋಕಾ ದಾಕೂನು ಮಾತ್ರ ಸಾಧ್ಯ ಜಾವ್ಚ ತಸ್ಸಾಲೆ.
ಭೂ ವೈಕುಂಠ ಮ್ಹಣೋವ್ನು ಘೆವ್ಚೆ ತಿರುಪತಿ ಶ್ರೀನಿವಾಸ, ಪದ್ಮಾವತೀನ ಆಸ್ಸುಚೆ ಪವಿತ್ರ ಕ್ಷೇತ್ರ. ಆಮಗೇಲೆ ಸಮಾಜಾಚೆ ಇಷ್ಟದೇವು ಶ್ರೀ ಲಕ್ಷ್ಮೀವೆಂಕಟರಮಣು ಹೋಂಚಿ. ಅಸ್ಸಲೆ ಪವಿತ್ರ ಸುಕ್ಷೇತ್ರಾಂತು ಶ್ರೀ ಕಾಶೀ ಮಠಾಚೆ ಶ್ರೀ ಗೋಪಾಲಕೃಷ್ಣ ಮಂದಿರ ಸಮೇತ ಸ್ವಾಮ್ಯಾಂಗೆಲೆ ವಾಸ್ತವ್ಯಾಕ ಸರ್ವ ಅನ್ಕೂಲ ಆಸ್ಸುಚೆ, ಸುಸಜ್ಜಿತ ೨೪ ಕೂಡ ಆಸ್ಸುಚೆ ಏಕ ಶಾಖಾಮಠ ನಿರ್ಮಾಣ ಕೊರಚೆ ವ್ಹಡ ಕಾಮ ಮಸ್ತ ಜೋರಾನ ಚಲ್ತಾ ಆಸ್ಸ. ಹಾಂತು ಸಮಾಜ ಬಾಂಧವಾನ ಪೂರ್ಣ ಜಾವ್ನು ವಾಂಟೊ ಘೇವ್ನು ಶ್ರೀ ಹರಿ -ಗುರು ಕೃಪೇಕ ಪಾತ್ರ ಜಾವ್ಯೇತ.  ಹೇ ಮಹಾ ಯೋಜನೆಕ ಆಪಣಾಂಗೆಲೆ ಆವಯಿ ಶ್ರೀಮತಿ ಲಕ್ಷ್ಮೀದೇವಿ ಆನಿ ಶ್ರೀ ನರಸಿಂಹ ಪೈ ಹಾಂಗೆಲೆ ಸ್ಮರಣಾರ್ಥ ಬೆಂಗಳೂರ್‍ಚೆ ಡಾ|| ದಯಾನಂದ ಪೈ ಆನಿ ಶ್ರೀ ಸತೀಶ ಪೈ ಬಾಂವಾನಿ ಜಾಗೇಚೆ ಮೌಲ್ಯ ರೂ. ೬೫,೦೦,೦೦೦/- ದಿಲ್ಲ್ಯಾ. ಮೈಸೂರಾಚೆ ಶ್ರೀ ಜಗನ್ನಾಥ ಶೆಣೈ ಮಾಮ್ಮಾನಿ ರೂ. ೧೦,೦೦,೦೦೦/-, ಶ್ರೀ ಸುಧೀಂದ್ರ ಮೆಡಿಕಲ್ ಮಿಷನ್ ಆನಿ ಡಾ|| ಪಡಿಯಾರ ಹೋಮಿಯೋ ಕಾಲೇಜ್ ಹಾಂಗೆಲೆ ಸಮೇತ ಮಸ್ತ ಲೋಕ ಹೇ ವ್ಹಡ ಯೋಜನೇಕ ದೇಣಿಗಾ ದಿವಚಾಕ ಮುಖಾರ ಆಯ್ಲಿಂತಿ. ಹೇ ಯೋಜನೇಕ ಸ್ಕ್ವೇರ್ ಫೂಟ್ ಲೆಕ್ಕಾರಿ ದೇಣಿಗಾ ದಿವಚಾಕ ಅವಕಾಶ ಆಸ್ಸುನು ಆಸಕ್ತಾನಿ ಶಿಷ್ಯವೃಂದಾಚಾನ ಚಡ್ತೆ ಮಾಹಿತಿ  ಖಾತ್ತಿರಿ ಖಿhe Seಛಿಡಿeಣಚಿಡಿಥಿ, ಖಿiಡಿuಠಿಚಿಣi Shಡಿi ಏಚಿshi ಒಚಿಣh ಅoಟಿsಣಡಿuಛಿಣioಟಿ ಅommiಣಣee, ಓo. ೧೪, Sಡಿi ಏಚಿshi ಒಚಿಣh ಖoಚಿಜ, ಒಚಿಟಟeshತಿಚಿಡಿಚಿm, ಃಚಿಟಿgಚಿಟoಡಿe - ೫೬೦೦೫೫ ಹಾಂಕಾ ಸಂಪರ್ಕು ಕೊರಯೇತ.   ಸಮಿತಿ ಪದಾಧಿಕಾರಿ : ಡಾ|| ಪಿ.ದಯಾನಂದ ಪೈ, ಬೆಂಗಳೂರು (ಅಧ್ಯಕ್ಷ), ಶ್ರೀ ಜಗನ್ನಾಥ ಶೆಣೈ, ಮೈಸೂರು ಆನಿ ಶ್ರೀ ಗುರುಪುರ ಗಣಪತಿ ಪ್ರಭು, ಬೊಂಬೈ(ಉಪಾಧ್ಯಕ್ಷ), ಶ್ರೀ ನಾರಾಯಣ ಶೆಣೈ, ಬೆಂಗಳೂರು(ಕಾರ್ಯದರ್ಶಿ), ಶ್ರೀ ನರೇಂದ್ರ ನಾಯಕ್, ಬೆಂಗಳೂರು (ಖಜಾಂಚಿ), ಶ್ರೀ ಎಚ್. ರೋಹಿದಾಸ ಶೆಣೈ(ಜೊತೆ ಕಾರ್ಯದರ್ಶಿ), ಸರ್ವಶ್ರೀ ಯು.ಎನ್.ಬಾಳಿಗ, ಮೋಹನದಾಸ ಮಲ್ಯ, ಎಸ್. ಪ್ರೇಮಾನಂದ ಪ್ರಭು, ಜಿ. ವಿಶ್ವನಾಥ ಕಾಮತ್, ಎನ್.ಬಾಬು ರಾವ್, ಆನಿ ಬೋಳ ಪ್ರಭಾಕರ ಕಾಮತ್, ಕಾರ್ಕಳ (ಸರ್ವ ಸದಸ್ಯ).

ಎಂ. ರಮೇಶಕೃಷ್ಣ ಶೇಟಾಂಕ ಅಬುದಾಬಿಂತು ಪ್ರಶಸ್ತಿ

ತಾ. ೧೪-೧೨-೨೦೧೨ ದಿವಸು ಅಬುದಾಬಿಂತು ಶೇಖ್ ಜಾಯ್ನೆದ್ ಅಡಿಟೋರಿಯಂತು ಚಲೇಲೆ ೯ಚೆಂ ವಿಶ್ವ ಕನ್ನಡ ಸಂಸ್ಕೃತಿ ಸಮ್ಮೇಳನಾಂತು ಮಂಗಳೂರಾಚೆ ಖ್ಯಾತ ಸ್ವರ್ಣೋದ್ಯಮಿ ತಶ್ಶೀಚಿ ಸಮಾಜ ಸೇವಕ ಜಾಲೇಲೆ ಶ್ರೀ ಧನಲಕ್ಷ್ಮೀ ಜ್ಯುವೇಲ್ಲರ್‍ಸಾಚೆ ಶ್ರೀ ಎಂ. ರಮೇಶಕೃಷ್ಣ ಶೇಟಾಂಕ ಅಧ್ಯಕ್ಷ ಜಾಲೇಲೆ ಡಾ|| ಬಿ.ಆರ್.ಶೆಟ್ಟಿ ತಾನ್ನಿ “ಅಂತ್ರರಾಷ್ಟ್ರೀಯ ಪ್ರಶಸ್ತಿ ಪಾವಿತ ಕೋರ್ನು ಗೌರವ ಕೆಲ್ಲೆ. ಮುಖಪುಟಾಂತು ಪ್ರಕಟಿತ ಹಾಕ್ಕಾ ಸಂಬಂಧ ಪಾವ್ವಿಲೆ ಪೋಟೋಂತು ಸಮ್ಮೇಳನಾಚೆ ಅಧ್ಯಕ್ಷ ಜಾಲೀಲೆ ಪ್ರೋ. ಮಲ್ಲೇಪುರಂ ಜಿ. ವೆಂಕಟೇಶ, ಭಾರತಾಚೆ ರಾಯಭಾರಿ ಶ್ರೀ ಎಮ. ಕೆ. ಲೋಕೇಶ, ಅರಬ್ ರೆಸ್ಟೋರೆಂಟಾಚೆ ಎಸ್.ಬಿ.ಶೆಟ್ಟಿ ಆನಿ ಇತರ ಗಣ್ಯ ಆಸ್ಸತಿ.

``ಸರಸ್ವತಿ ಪ್ರಭಾ'' ಕೊಂಕಣಿ ಮಾಸಿಕ ಪತ್ರಾಚೆ 15-02-2013 ಸಂಚಿಕೆಚೆ ವಿಶೇಷ

* ಶ್ರೀ ಕೆ. ಜನಾರ್ಧನ ಭಟ್, ಮೈಸೂರು ಹಾನ್ನಿ ಬರೆಯಿಲೆ ವಿಶೇಷ ಲೇಖು ``ಉಪನಿಷತ್ ಒಳಕ''

* ಮೈನ್ಯಾ ಕಾಣಿಂತು ``ಮೆಲ್ಲಿಲೆ ಮ್ಹಶೀಕ..'' ಏಕಳೋ ಮಾತೃ ಭಾಷಾಭಿಮಾನಿ ಬರೋಪಿಲೆ ಕಷ್ಟ-ಕಾರ್ಪಣ್ಯ. ಭಾಷಾಭಿವೃದ್ಧಿ ಕರತಾ ಮ್ಹೊಣು ಪ್ರಚಾರ ಘೆವಚೆ ಲೋಕಾಲೆ ಪ್ರತಿಕ್ರಿಯಾ...!

* ಹಟ್ಟಂಗಡಿ ವಿಶ್ವನಾಥ ಕಾಮತ್ ಹಾನ್ನಿ ಸಂಗ್ರಹ ಕೋರ್ನು ಪೆಟೆಯಿಲೆ ಲೇಖು ``ಸ್ವಾಮಿ ವಿವೇಕಾನಂದ''

* ಮಸ್ತ ಲೋಕಾಂಗೆಲೆ ಆಸಕ್ತಿಚೆ ``ಪ್ರಾಪ್ತಿ'' ಧಾರವಾಹಿಚೆ 26 ಅಂಕ

* ಶ್ರೀ ಗಣೇಶ ಕಾಮತ್, ತೊಟ್ಟಂ ಹಾನ್ನಿ ಸಂಗ್ರಹ ಕೋನುಱ ಪೆಟೋವ್ನು ದಿಲೇಲೆ ``ಅಸ್ಸಲೆ ಆಂವ್ಗಲೆ ಕೆದ್ನಾಯಿ ಘಾಲ್ನು ಘೆವುನಾಕ್ಕಾತಿ.''

* ಶ್ರೀಮತಿ ಜಯಶ್ರೀ ನಾಯಕ್ ಯಕ್ಕಂಬಿ ಹಾನ್ನಿ ಬರೆಯಿಲೆ ಲೇಖು ``ಮುಂಬ್ರು''

* ತಿರುಪತಿ ಶ್ರೀ ಕಾಶೀಮಠ ಕಟ್ಟಡ ಸಮಿತಿ, ಕೊಪ್ಪ ಗೌಡ ಸಾರಸ್ವತ ಭವನ, ಭಾಗಮಂಡಲ ಶ್ರೀ ಕಾಶೀಮಠ ಹಾಜ್ಜೆ ಖಾತ್ತಿರಿ ಮಾಹಿತಿ . 

* ಶ್ರೀ ನಾಗೇಶ ಅಣ್ವೇಕರ ಹಾನ್ನಿ ಬರೆಯಿಲೆ ದಶಾವತಾರಾಂತು 5 ಅವತಾರು ``ವಾಮನಾವತಾರಾ'' ಮಾಹಿತಿ.

ನ್ಹಂಹಿಸಿ ವಿಂಗವಿಂಗಡ ಗಾಂವ್ಚೆ ಬರಪೂರ ಖಬ್ಬರ 

ಸರ್ವ ಹೇ ಅಂಕಾಂತು ತುಮಕಾ ವಾಚ್ಚಾಕ ಮೆಳತಾ.

“ಕೊಂಕಣಿ ಭಾಷಾ ಇತಿಹಾಸ, ಗತಕಾಲಾಚೆ ಸಾಂಸ್ಕೃತಿಕ ವೈಭವ, ಕೊಂಕಣಿ ಲೋಕಾಲೆ ವಾವ್ರೋ ಉರೋನು, ವಾಡ್ಡೋಚಾಕ  ಚ್ಹಡ ಮುತುವರ್ಜಿ ಘೆವ್ಕಾ ಮ್ಹೊಣು ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಕಾಸರಗೋಡು ಚಿನ್ನಾ ತಾನ್ನಿ ಸಾಂಗಲೆ. ತಾನ್ನಿ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನ ಗೋಯ್ಚೆ ಧವರ್ಲಿ ಶ್ರೀ ಮಾರುತಿ ಮಂದಿರಾಚೆ ವಠಾರಾಂತು ಚಲೇಲೆ ’ಮಧುರ ಕೊಂಕಣಿ’ ಸಾಹಿತ್ಯಿಕ, ಸಾಂಸ್ಕೃತಿಕ ಕಾರ್ಯಕ್ರಮಾಚೆ ಅಧ್ಯಕ್ಷತ ಘೇವ್ನು ಉಲೈತಾಶ್ಶಿಲೆ.         ಗೋಂಯ್ಚೆ ಸಂಗೀತ ವಿದ್ವಾನ್ ರಾಮರಾವ್ ವಾಸುದೇವ ನಾಯಕ್ ತಾಂಕಾ ’ಕೊಂಕಣಿ ನಕ್ಷತ್ರ’ ಸಮ್ಮಾನ ಪಾವಿತ ಕೆಲ್ಲೆ. ಗೋವಾ ಜಿ‌ಎಸ್‌ಬಿ ಸಮಾಜಾಚೆ ಅಧ್ಯಕ್ಷ ಗಿರಿರಾಜ್ ಭಂಡಾರ್‌ಕರ್, ಪಿ.ಜಿ. ಶಿರ್ವೈಕರ್, ಗುರುದತ್ ಕಾಮತ್, ಶೇಷಗಿರಿ ಕಾಮತ್ ಆದಿ ಲೋಕ ಉಪಸ್ಥಿತ ಆಶ್ಶಿಲೆ.ರಿಜಿಸ್ಟ್ರಾರ್ ಡಾ| ಬಿ. ದೇವದಾಸ್ ಪೈ ತಾನ್ನಿ ಪ್ರಾಸ್ತಾವಿಕ ಜಾವ್ನು ಉಲೈಲೆ. ಕೊಂಕಣಿ ನೃತ್ಯರೂಪಕ, ಲೋಕವೇದ ಪದ, ಹಾಸ್ಯ, ಮಿಮಿಕ್ರಿ, ನಾಟ್ಕುಳಿ, ಸಂಗೀತ ಕಾರ್ಯಕ್ರಮ ಆಯೋಜನ ಕೆಲೀಲೆ.
ಪುತ್ತೂರಾಂತು ರಂಗಮಂಥನ
 ಆಲ್ತಾಂತು ಪುತ್ತೂರಾಂತು ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಆನಿ ಸಾಂಸ್ಕೃತಿಕ ಕಲಾ ಕೇಂದ್ರಾಚೆ ಸಹಯೋಗಾನಿ ಕೊಂಕಣಿ ಭಾಷಾ ನಾಟಕೋತ್ಸವ ಆನಿ ರಂಗ ಮಂಥನ ಕಾರ್ಯಕ್ರಮ ರಂಗ ಸಂಭ್ರಮ ಚಲ್ಲೆ. ಅಧ್ಯಕ್ಷತಾ ಅಕಾಡೆಮಿ ಅಧ್ಯಕ್ಷ ಶ್ರೀ ಕಾಸರಗೋಡು ಚಿನ್ನಾ ತಾನ್ನಿ ಘೆತ್ತಿಲೆ.  ತಾನ್ನಿ ಉಲೈತಾ “ಆಕಾಡೆಮಿ ತರಪೇನ ಘರ ಘರಾಂತು ಕೊಂಕಣಿ ಕಾರ್ಯಕ್ರಮ ಕೊಂಕಣಿ ಭಾಷಿಕಾಲೊ ೪೧ ಪಂಗ್ಡಾಚೆ ಘರಾಂತು ಕೊರಚೆ ಮೂಖಾಂತರ ೧೦ ಹಜಾರ ಕೊಂಕಣಿ ಭಾಷಿಕಾಂಕ ಪಾವ್ಚೆ ಪ್ರಯತ್ನ ಕರ್ತಾ ಆಸ್ಸತಿ. ಮ್ಹಳ್ಳಿಂತಿ. ಪುತ್ತೂರು ಶಾಸಕಿ ಶ್ರೀಮತಿ ಮಲ್ಲಿಕಾ ಪ್ರಸಾದ್ ಉದ್ಘಾಟನ ಕೆಲ್ಲಿ. ಮುಖೇಲ ಸೊಯರೆ ಜಾವ್ನು ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ಲೇಖಕ ಕೆ. ಗೋಪಾಲಕೃಷ್ಣ ಪೈ ಆಯ್ಯಿಲೆ. ಎಂ. ಅನಂತ ಶೆಣೈ, ರಾಧಾಕೃಷ್ಣ ಬೋರ್ಕರ್, ಜಾನ್ ಕುಟ್ಡಿನಾ, ಶಿವಾನಂದ ಶೇಟ್ ಆದಿ ಲೋಕ ಸೊಯರೆ ಜಾವ್ನು ಆಯ್ಯಿಲೆ.
ಅಕಾಡೆಮಿ ರಿಜಿಸ್ಟ್ರಾರ್ ಡಾ| ಬಿ. ದೇವದಾಸ್ ಪೈ ತಾನ್ನಿ ಪ್ರಸ್ತಾವಿಕ ಜಾವ್ನು ಉಲೈಲ್ಯಾರಿ ಚಿದಾನಂದ ಕಾಮತ್ ತಾನ್ನಿ ಯೇವ್ಕಾರ ಕೆಲ್ಲಿ. ಅಕಾಡೆಮಿ ಸದಸ್ಯ ಸಂಚಾಲಕ ಮಹೇಶ್ ಆರ್. ನಾಯಕ್ ತಾನ್ನಿ ಆಬಾರ ಮಾನ.
ಕೊಂಕಣಿ ಐಕ್ಯತಾ, ವೆಬ್‌ಸೈಟ್ ಉದ್ಘಾಟನ
ಕೊಂಕಣಿ ಭಾಷೆ ವಾಂಚುನು, ವಾಡಕಾ ಜಾಲ್ಯಾರಿ ಪಾಲಕ, ಪೋಷಕಾನಿ ತಾಂಗೆಲೆ ಚಡುವಾಂಕ  ಕೊಂಕಣಿ ಭಾಷೆ ವಯಚೆ ಗೋಡಿ ವಾಡ್ಡೊಕಾ ಮ್ಹೊಣು ಮ್ಹಾಲ್ಗಡೆ ಪತ್ರಕರ್ತ ಡಾ| ಎಂ.ವಿ. ಕಾಮತ್ ತಾನ್ನಿ ಸಾಂಗಲೆ ತಾನ್ನಿ ಡಿ. ೨೯ ದಿವಸು ಮಣಿಪಾಲಾಚೆ ಆರ್‌ಎಸ್‌ಬಿ ಸಭಾಭವನಾಂತು ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ವತಿನ ಆಯೋಜನ ಕೆಲಿಲೆ ಕೊಂಕಣಿ ಐಕ್ಯತಾ ಆನಿ  ವೆಬ್‌ಸೈಟ್ ಲೋಕಾರ್ಪಣೆ ಕಾರ್ಯಕ್ರಮಾಂತು ಉಲೈತಾಶ್ಶಿಲೆ. 
ಕೊಂಕಣಿ ಐಕ್ಯತಾ ಉತ್ರ ’ತರಂಗ’ ವ್ಯವಸ್ಥಾಪಕ ಸಂಪಾದಕಿ ಸಂಧ್ಯಾ ಪೈ ತಾನ್ನಿ ಉಲೈಲೆ. ಸಮಾರಂಭಾಚೆ ಅಧ್ಯಕ್ಷತಾ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಕಾಸರಗೋಡು ಚಿನ್ನಾ ತಾನ್ನಿ ಘೆತ್ತಿಲೆ. ಶಾಸಕ ಕೆ. ರಘುಪತಿ ಭಟ್, ಜಿ.ಪಂ. ಸದಸ್ಯ ಉಪೇಂದ್ರ ನಾಯಕ್, ಜಿಲ್ಲಾ ಅಲ್ಪಸಂಖ್ಯಾಕ ವೇದಿಕೆ ಆನಿ ಕೆಥೊಲಿಕ್ ಸಭಾ ಮಂಗಳೂರು ಪ್ರದೇಶಾಚೆ ಮಾಜಿ ಅಧ್ಯಕ್ಷ ವಾಲ್ಟರ್ ಸಿರಿಲ್ ಪಿಂಟೋ ಮುಖೇಲ ಸೊಯರೆ ಜಾವ್ನು ವಾಂಟೊ ಘೆತಲಿಂತಿ. ರಿಜಿಸ್ಟ್ರಾರ್ ಬಿ. ದೇವದಾಸ್ ಪೈ ತಾನ್ನಿ ಪ್ರಾಸ್ತಾವಿಕ ಜಾವ್ನು ಉಲೈಲ್ಯಾರಿ ಓಂ ಗಣೇಶ್ ಕಾರ್ಯಕ್ರಮ ನಿರ್ವಹಣ ಕೆಲ್ಲಿ. ಚಿದಾನಂದ ಭಂಡಾರಿನ ಆಬಾರ ಮಾನಲೆ.ಹ್ಯಾ ಕಾರ್ಯಕ್ರಮಾಂತು ಕೊಂಕಣಿ ಉಲೈಚೆ ೨೪ ಉಪಪಂಗಡಾಚೆ ಲೋಕಾಂಕ “ಕೊಂಕಣಿ ಐಕ್ಯತಾ ರಾಯಭಾರಿ ಮ್ಹೊಣು ಗುರ್‍ತು ಕೋರ್ನು ಆಪೈಲೆ.
ಶ್ರೀ ವೆಂಕಟರಮಣ ದೇವಳ, ಅಂಬೆಟಡ್ಕ
 ಸುಳ್ಯಾಚೆ ಅಂಬೆಟಡ್ಕಾಂತು ನೂತನ ಜಾವ್ನು ಬಾಂದಿಲೆ ಶ್ರೀ ವೆಂಕಟರಮಣ ದೇವ ಮಂದಿರಾಂತು ಶ್ರೀ ವೆಂಕಟರಮಣ ದೇವಾಲೆ ಪುನಃ ಪ್ರತಿಷ್ಠಾ ಮಹೋತ್ಸವ ಆಲ್ತಾಂತು ವಿಜೃಂಭಣೇರಿ ಚಲ್ಲೆ. ಶ್ರೀ ಸುಬ್ರಹ್ಮಣ್ಯ ಮಠಾಚೆ ಶ್ರೀ ವಿದ್ಯಾಪ್ರಸನ್ನತೀರ್ಥ ಸ್ವಾಮೀಜಿ  ತಾಂಗೆಲೆ ದಿವ್ಯ ಸನ್ನಿಧೀರಿ ಸಭಾ ಕಾರ್ಯಕ್ರಮ ಚಲ್ಲೆ. ಹೇ ಸಂದರ್ಭಾರಿ ಡಾ| ಪ್ರಭಾಕರ ಭಟ್ ಡಾ| ಹರಪ್ರಸಾದ್ ತುದಿಯಡ್ಕ, ಮಂಗಳೂರು ಶ್ರೀನಿಧಿ ಅಸೋಸಿಯೇಟ್ಸ್ ಮಾಲಕ ಶ್ರೀಕರ ಭಟ್, ಪುತ್ತೂರು ಲಕ್ಷ್ಮೀವೆಂಕಟರಮಣ ದೇವಳಾಚೆ ಆಡಳಿತ ಮೊಕ್ತೆಸರ ಎಂ. ಅನಂತ ಶೆಣೈ, ಆನುವಂಶಿಕ ಮೊಕ್ತೇಸರ ಬಿ. ಪುಂಡಲೀಕ ಭಟ್, ಧಾರ್ಮಿಕ ಕಾರ್ಯಕ್ರಮಾಚೆ ನೇತೃತ್ವ ಘೆತ್ತಿಲೆ ಪುರೋಹಿತ ಅಣ್ಣಪ್ಪ ಭಟ್ ಉಪಸ್ಥಿತ ಆಶ್ಶಿಲೆ. ಪ್ರತಿಷ್ಠಾ ಮಹೋತ್ಸವ ಸಮಿತಿ ಪ್ರಧಾನ ಕಾರ್ಯದರ್ಶಿ ಜಿ. ಗಣೇಶ ನಾಯಕ್ ತಾನ್ನಿ ಯೇವ್ಕಾರ ಕೆಲ್ಲಿ. ಸಮಿತಿ ಅದ್ಯಕ್ಷ ಕೆ. ಸುಧಾಕರ ಕಾಮತ್ ತಾನ್ನಿ ಆಬಾರ ಮಾನಲೆ.
ಶ್ರೀ ವೆಂಕಟರಮಣ ಮಂದಿರ, ಹುಬ್ಬಳ್ಳಿಹುಬ್ಬಳ್ಳಿ ನೃಪತುಂಗ ಗುಡೆಚೆ ಮಾಕಶಿ ಬಗಲೇನ ಆಸ್ಸುಚೆ  ಶ್ರೀ ಕಾಶೀಮಠ ವೆಂಕಟರಮಣ ಮಂದಿರಾಂತು ಡಿಸೆಂಬರ್ ೨೩, ೨೦೧೨ಸು "ವೈಕುಂಠ ಏಕಾದಶಿ" ವಿಜೃಂಭಣೇರಿ ಆಚರಣ ಕೆಲ್ಲೆ. ತ್ಯಾ ದಿವಸು ಸಕ್ಕಾಣಿ ಪೂಡೆ ೬ ಗಂಟ್ಯಾಚಾನ ರಾತ್ತಿಚೆ ೯ ಗಂಟ್ಯಾ ಪರ್ಯಂತ ಮಸ್ತ ಭಕ್ತ ಶ್ರೀ ದೇವಾಲೆ ದರ್ಶನ ಕೋರ್ನು ಪುನೀತ ಜಾಲ್ಲೆ. ತ್ಯಾ ದಿವಸು ಭಜನ, ಭಕ್ತಿ ಸಂಗೀತ, ಸ್ತೋತ್ರ ಪಠಣ, ಶ್ರೀ ವಿಷ್ಣು ಸಹಸ್ರನಾಮ ಪಠಣ ಇತ್ಯಾದಿ ವಿಶೇಷ ಕಾರ್ಯಕ್ರಮಾಯಿ ಚಲ್ಲೆ. ಅಪಾರ ಪ್ರಮಾಣಾಂತು ಸಮಾಜ ಬಾಂದವ ಹೇ ವೇಳ್ಯಾರಿ ಉಪಸ್ಥಿತ ಆಶ್ಶಿಲೆ. ಭಕ್ತ ಲೋಕಾನಿ ತ್ಯಾ ದಿವಸು ದೇವಾಲೆ ದರ್ಶನ ಕೋರ್ನು ಹರಿ ಕೃಪೇಕ ಪಾತ್ರ ಜಾವ್ಯೇತ.

ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಮಂಗಳೂರು

ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಳ, ಉಪ್ಪುಂದ

ಕುಂದಾಪುರ ತಾ|| ಉಪ್ಪುಂದಾಚೆ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಳಾಚೆ ಗರ್ಭಗುಡಿಚೆ ಗೋಪುರಾಕ ತಗಡಾ ಮಾಡ, ಗರ್ಭಗುಡಿಕ ಅಮೃತಶಿಲಾ ಘಾಲಚೆ ಆನಿ ಇತರ ಕಾಮಗಾರಿ ಕೊರಚೆ ಸುಮಾರ ೧೫ ಲಾಕ್ ರೂಪಯಾಚೆ ಯೋಜನಾ  ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಮಾರ್ಗದರ್ಶನಾರಿ ಕೊರಕಾ ಮ್ಹೊಣು ತಾ. ೩೦-೦೯-೨೦೧೨ ದಿವಸು ಚಲೀಲೆ ಸಭಾಂತು ಠರೈಲೆ. ಆನಿ ೨೮-೧೦-೨೦೧೨ ದಿವಸು ದೇವಳಾಂತು ಚಲೀಲೆ ಧಾ ಸಮಸ್ತಾಲೆ ಮಹಾಸಭಾಂತು ಸೈತ ಶ್ರೀ ದೇವಳಾಚೆ ನವೀಕರಣ ಕಾಮಗಾರಿ ಕೊರಚಾಕ ಕಬೂಲಿ ಘೆತಲೆ. ತ್ಯಾಂಚಿ ದಿವಸು ಪ|ಪೂ|ಗುರುವರ್ಯಾಂಕ ಭೆಟ್ಟೂನು ಶ್ರೀ ಸ್ವಾಮ್ಯಾಂಗೆಲೆ ಅನುಜ್ಞೆ ಪ್ರಕಾರ ಬಾಲಾಲಯಾಕ ಡಿಸೆಂಬರ್ ೧೦ ತಾರಿಖೇಕ ಹಾಡಚೆ ಮೂರ್ತು ಸೈತ ನಿಗ್ದಿ ಕೋರ್ನು, ತ್ಯಾಂಚಿ ನಮೂನ್ಯಾನ ಚಲ್ಲಿಲೆ ಆಸ್ಸ. ಹೇ ಕಾಮಗಾರಿಂತು ಪ್ರದಕ್ಷಿಣಾ ಪ್ರಾಂಗಣಾಕ ಅರ್ಧ ಚಂದ್ರಾಕೃತಿಚೆ ತಗಡಾ ಮಾಂಟೋವು(ರೂ. ೫,೦೦,೦೦೦/-), ಗರ್ಭಗುಡಿ ಆನಿ ತೀರ್ಥ ಮಂಟಪಾಕ ಅಮೃತಶಿಲಾ ಘಾಲಚೆ(೧,೦೦,೦೦೦/-), ಹೆಬ್ಬಾಗ್ಲಾ ದಾಕೂನು ಸುತ್ತು ಪ್ರಾಂಗಣಾಕ ಅಮೃತಶಿಲಾ ಘಾಲಚೆ (ರೂ. ೧,೫೦,೦೦೦/-), ದೇವಳಾಚೆ ಜಗಲೀಕ ಅಮೃತಶಿಲಾ ಘಾಲಚೆ(ರೂ. ೬೦,೦೦೦/- + ರೂ. ೭೦,೦೦೦/-), ಪುನರ್ ಪ್ರತಿಷ್ಠೆ ಆನಿ ವಿಂಗಡ ಧಾರ್ಮಿಕ ಕಾರ್ಯಾಕ (ರೂ. ೧,೦೦,೦೦೦/-), ಶ್ರೀ ದೇವಳಾಕ ಪೈಟಿಂಗ್ ಕೊರಚಾಕ (ರೂ. ೨,೦೦,೦೦೦/-), ವಾಜಪಾ ಮಾಂಟ್ವೆ ನವೀಕರಣ (ರೂ. ೫೦,೦೦೦/-), ವಿದ್ಯುದೀಕರಣ (ರೂ. ೫೦,೦೦೦/-), ವಿಂಗಡ ಖರ್ಚು (ರೂ. ೨,೦೦,೦೦೦/-) ಒಟ್ಟೂ ರೂ. ೧೪,೮೦,೦೦೦/- ಖರ್ಚು ಕೊರಚಾಕ ಠರಯಲಾ.
ವಯಚೆ ಹೇ ಕಾಮಗಾರಿಕ ಲಾಗಚೆ ಖರ್ಚು ಸೇವಾ ರೂಪಾಂತು ದಿವಕಾ ಮ್ಹೊಣು ಭಗವದ್ಭಕ್ತಲಾಗ್ಗಿ ಆಡಳಿತ ಸಮಿತಿಚೆ ಮಾಗಣಿ ಆಸ್ಸ. ಹೇ ಖಾತ್ತಿರಿ ಚಡ್ತೆ ಮಾಹಿತಿ ಖಾತ್ತಿರಿ ದೇವಳಾಚೆ ಪೋನ್ ನಂ. ೦೮೨೫೪ - ೨೫೬೪೦೭ ಹಾಂಗಾಕ ಸಂಪರ್ಕ ಕೊರಯೇತ. ನಾಂವೆ ಅಧ್ಯಕ್ಷ ಶ್ರೀ ವಿಷ್ಣು ಪಡಿಯಾರ(ಪೋನ್ ನಂ. ೯೪೪೮೨೬೨೩೩೭), ಉಪಾಧ್ಯಕ್ಷ ಶ್ರೀ ದಾಮೋದರ ಶೆಣೈ (ಪೋನ್ : ೯೮೮೦೦೯೨೨೬೯), ನಾಂವೆ ಕಾರ್ಯದರ್ಶಿ ಶ್ರೀ ಸತೀಶ್ ಪಡಿಯಾರ (ಪೋನ್ ನಂ. ೯೪೪೮೯೩೩೮೪೩) ಹಾಂಕಾ ಸಂಪರ್ಕು ಕೋರ್ನು ಮಾಹಿತಿ ಘೆವ್ಯೇತ.