ಜೀವೋತ್ತಮ ಜೀವನ ಸಾಥಿಚೆ ಅದ್ವಿತೀಯ ಸಾಧನ

ಪ|ಪೂ| ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂ ತಾಕೂನು ಅನುಗ್ರಹಿತ್ “ಜಿ.ಎಸ್.ಬಿ. ವೈವಾಹಿಕ ಸಾಪ್ಟವೇರ್ “ಜೀವೋತ್ತಮ ಜೀವನ ಸಾಥಿ ಮ್ಹಣಚೆ ಸಮಾಜಮುಖಿ ಕಾರ್ಯಕ್ರಮ ದಿ. ೦೭-೧೨-೨೦೧೧ ಕ ಪಯಲೆ ವರ್ಷ ಪೂರ್ತಿ ಕರ್ತಾ ಆಸ್ಸ. ಶ್ರೀ ಗುರು ಮಾರ್ಗದರ್ಶನ ಪ್ರಮಾಣೆ ಯಲ್ಲಾಪುರ ಜಿ.ಎಸ್.ಬಿ. ಸಮಾಜಾಚಾನ ಪ್ರಾಯೋಜಿತ ಜಾಲೇಲೆ ಹೇ ಕಾರ್ಯಕ್ರಮ ದಿ. ೭-೧೨-೨೦೧೦ ದಿವಸು ಶ್ರೀ ಗುಂಡಬಾಳಾಂತು ಉಗ್ತಾವಣ ಜಾವ್ನು ಆಜಿ ಹಿಂದೂಸ್ತಾನಾಚೆ ೨೧ ಕೇಂದ್ರಾಂತು ಕಾರ್ಯನಿರ್ವಹಣ ಕರತಾ ಆಸ್ಸ. ದಿ. ೧-೧೨-೨೦೧೧ ಪರ್ಯಂತ ೨೫೦೦ ಪಶಿ ಚ್ಹಡ ವಿವಾಹಾಕಾಂಕ್ಷಿ ವಧು-ವರ ಆಪಣಾಂಗೆಲೆ ನಾಂವ ನೋಂದಣ ಕೆಲ್ಲಾ. ಹಾಂಗಾ ಪರ್ಯಂತ ಹೇ ಸಾಪ್ಟವೇರಾ ಪ್ರಯೋಜನ ಘೇವ್ನು ೨೭೬ ಲಗ್ನ ಯಶಸ್ವಿ ಜಾವ್ನು ಘಡಲೀಂತಿ.
ಮಸ್ತ ಊಣೆ ಕಾಲಾಂತು, ಮಸ್ತ ಕಮ್ಮಿ ಖರ್ಚಾಂತು ಚರ್ಡುಂವಾ ಆವಯ-ಬಾಪಯಿನ ತಾಂಗೆಲೆ ಚರ್ಡುವಾಂಕ ಯೋಗ್ಯ ವ್ಹರೇತು, ವಕ್ಕಲಾಲೆ ಪೂರ್ತಿ ಪತ್ತೊ, ಮೇಳಾಮೇಳಿ ಸಮೇತ, ತಾಂಗೇಲೆ ಅಪೇಕ್ಷೆ ತಕೀತ ವ್ಹರೆತು, ವ್ಹಕಲಾಲೆ ಪೋಟೊ, ಶಿಕ್ಷಣ, ಉದ್ಯೋಗ, ಗೋತ್ರ, ರಾಶಿ, ನಕ್ಷತ್ರ ಇತ್ಯಾದಿ ಮಾಹಿತಿ ಘೇವ್ನು ಆಪಣಾಂಗೆಲೆ ಅಮೂಲ್ಯ ದುಡ್ಡು ಆನಿ ವೇಳು ಉರೋನು ಘೆತ್ಲ್ಯಾ. ಆನಿ ಸುಲಭಾರಿ ಚರ್ಡುವಾಂಲೆ ಲಗ್ನಾ ಕಾರ್ಯ ಚಲವನು ಹೇ ಸಾಪ್ಟವೇರಾಚೆ ಕಾರ್ಯಕ್ಷಮತೆ ಖಾತ್ತಿರಿ ತಾರೀಪು ಕರತಾಸ್ಸತಿ. ಮುಖರಚೆ ದಿವಸಾಂತು ಆಮಗೇಲೆ ಸಮಾಜ ಬಾಂಧವಾನಿ ಚ್ಹಡ ಸಂಖ್ಯಾರಿ ವಾಸ ಆಸ್ಸುಚೆ  ವಿಂಗಡ ಪ್ರಮುಖ ಗಾಂವಾಂತು ವರೇಕಾ “ಜೀವೋತ್ತಮ ಜೀವನ ಸಾಥಿ ಕೇಂದ್ರ ಶುರು ಕೊರಚಾಕ ಕೇಂದ್ರ ಸಮಿತಿಚಾಕ ಠರೆಯಿಲೆ ಆಸ್ಸೂನು ಆಸಕ್ತಿ ಆಶ್ಶಿಲ್ಯಾನ “ಜೀವೋತ್ತಮ ಜೀವನ ಸಾಥಿ ಕೇಂದ್ರ ಸಮಿತೀಕ ಸಂಪರ್ಕ ಕೋರ್ನು ಚಡ್ತೆ ಮಾಹಿತಿ ಘೆವ್ಯೇತ.
“ಜೀವೋತ್ತಮ ಜೀವನ ಸಾಥಿಚೆ ಲಾಗ್ಗಿಚೆ ಕೇಂದ್ರಾಕ ಸಂಪರ್ಕ ಕೊರಚಾಕ ಅಸಾಧ್ಯ ಜಾಲೇಲೆ ಸಮಾಜ ಬಾಂಧವಾನಿ ಹಾಂಗೆಲೆ ವೆಬ್‌ಸೈಟ್  Websiಣe: hಣಣಠಿ:/ತಿತಿತಿ. ರಿeevoಣಣಚಿmmಚಿಣh.ಛಿom  ಹಾಂಗಾ ಮೆಳಚೆ ಅರ್ಜಿ ಫಾರ್ಮ್ ಡೌನ್‌ಲೋಡ್  ಕೋರ್ನು ಘೇವ್ನು, ತ್ಯಾ ಪೂರ್ತಿ ಜಾವ್ನು ಭೋರ್ನು ಚಲ್ಲೊ, ಚೆಲ್ಲಿಯೇಲಿ ಏಕ ಪಾಸ್‌ಪೋರ್ಟ್ ಸೈಜಾಚೆ ಪೋಟೋ ಆನಿ ಜಾತ್ಕಾ ನಕಲಾ ಸಮೇತ  ಡೈರೆಕ್ಟ್ ಜಾವ್ನು ಯಲ್ಲಾಪುರಾಂತು ಆಶ್ಶಿಲೆಂ ಕೇಂದ್ರ ಕಚೇರಿಕ ರವಾನ ಕೆಲ್ಯಾರಿ ಥಂಯಿಚಿ ತಾಂಗೆಲೆ ಮಾಹಿತಿ ನೋಂದ ಕೋರ್ನು ಅಗತ್ಯ ಆಶ್ಶಿಲೆಂ ಮಾಹಿತಿ ತಸ್ಸಾಲೆ ಪಾಲಕಾಂಕ ಇ-ಮೇಲ್ ಮೂಖಾಂತರ ಪೆಟೋನು ದಿತ್ತಾತಿ.
“ಜೀವೋತ್ತಮ ಜೀವನ ಸಾಥಿ ವೈವಾಹಿಕ ಸಾಪ್ಟವೇರಾಚೆ ಖಾತ್ತಿರಿ, ಖಂಚೆ ಸೊಯರಿಕೆ ಖಾತ್ತಿರಿ ಚಡ್ತೆ ಮಾಹಿತಿ ಜಾವ್ಕಾ ಜಾಲೇಲ್ಯಾನ ಹಾಂಗಾ ದೊಗ್ಗು ದಿಲೇಲೆ ತುಮಕಾ ಲಾಗ್ಗಿ ಆಸ್ಸುಚೆ ಏಕ ಕೇಂದ್ರಾಕ ಸಂಪರ್ಕು ಕೊರಯೇತ.
೧. ಅಂಕೋಲಾ - ಪೋನ್ : ೦೮೩೮೮-೨೩೦೩೦೭ ೨. ಬೆಂಗಳೂರು ದ್ವಾರಕಾನಾಥ ಭವನ - ಪೋನ್ : ೯೯೪೫೧೩೦೫೫೮.  ೩. ಬೆಂಗಳೂರು ಯಾತ್ರಿ ನಿವಾಸ - ಪೋನ್ : ೦೮೦-೬೫೩೦೪೮೦೧. ೪. ಬೆಳಗಾಂವ - ಪೋನ್ : ೯೯೪೫೬೬೩೯೮೯. ೫. ಭಟ್ಕಳ- ಪೋನ್ : ೯೯೦೧೬೩೭೩೭೭ ೬. ಧಾರವಾಡ - ಪೋನ್ : ೯೮೮೦೨೪೭೦೭೫. ೭. ಗುಂಡಬಾ - ಪೋನ್ : ೯೦೧೯೬೬೩೦೫೩. ೮. ಹೊನ್ನಾವg -ಪೋನ್ : ೯೪೮೦೦೭೩೯೧೫. ೯. ಹುಬ್ಬಳ್ಳಿ - ಪೋನ್ : ೯೪೮೧೬೮೫೮೧೬. ೧೦. ಕಾರವಾg - ಪೋನ್ : ೯೩೪೧೮೬೩೯೪೩. ೧೧. ಕುಮಟಾ - ಪೋನ್ : ೯೯೮೬೪೧೧೦೧೫. ೧೨. ಕಾರ್ಕ -ಪೋನ್ : ೮೨೫೮೨೩೪೭೨೭. ೧೩. ಮಂಗಳೂg - ಪೋನ್ : ೦೮೨೦೪ ೨೬೯೫೪೮. ೧೪. ಮುಂಬೈ ವಡಾಳ ರಾಮಮಂದಿg - ಪೋನ್ : ೯೬೧೯೯೧೬೮೭೫. ೧೫. ಮುಂಬೈ ಮಂಜುನಾಥ ಭm -ಪೋನ್ : ೯೮೩೩೦೧೭೧೫೮. ೧೬. ಮುಂಡಗೋq - ಪೋನ್ : ೯೪೪೮೭೫೬೧೮೯. ೧೭. ರಾಮನಾಥಿ - ಪೋನ್ : ೦೯೪೨೩೮೩೫೩೪೧. ೧೮. ಶಿರಾಲಿ- ಪೋನ್ : ೯೪೪೮೭೯೭೧೧೦. ೧೯. ಸಿದ್ದಾಪೂರ - ಪೋನ್ : ೯೪೪೮೬೨೯೧೨೬. ೨೦. ಶಿರಸಿ - ಪೋನ್ : ೯೪೪೮೭೫೬೨೭೭. ೨೧. ಯಲ್ಲಾಪುg - ಪೋನ್  : ೯೪೪೮೪೦೪೨೪೭. ೨೧. ಶ್ರೀ ಸದಾನಂದ ವಾಮನ ದೇಸಾಯಿ, ಕಾಳಮ್ಮ ನಗರ, ಯಲ್ಲಾಪುರ, ಉ.ಕ. - ಪೋನ್ : ೯೪೪೮೪೦೪೨೪೭. ೨೨. ಶ್ರೀ ಮಹೇಶ ಸುಂದರ ನಾಯಕ್, ಮಹಿಳಾ ಮಂಡಳದ ಹತ್ತಿರ, ಯಲ್ಲಾಪುರ, ಉ.ಕ. ಪೋನ್ : ೯೪೪೮೦೨೩೫೮೭.
- ಶ್ರೀ ಗಜಾನನ ಬಿ. ಭಟ್, ಯಲ್ಲಾಪುರ  ಸಂಚಾಲಕ: 

ಗೌಡಸಾರಸ್ವತ ಬ್ರಾಹ್ಮಣ ಸಮಾಜ ಸ್ವಾಭಿಮಾನ ಜಾಗೃತಿ ಸಮಾವೇಶ

     “ಅಪರಿಮಿತ ಸಂಕಲ್ಪ ಶಕ್ತಿ ಆಶ್ಶಿಲೆಂ ಶಂಬರಿ ಯುವಕಾರ (ಯುವಕ) ಮೆಳ್ಯಾರಿ ಸಗಳೆಂ ಜಗ ಬದಲ್ಚಾಕ ಆಪ್ಪಣ ಶಕ್ತಾ ಮ್ಹೊಣು ಸ್ವಾಮಿ ವಿವೇಕಾನಂದಾನಿ ಸಾಂಗಿಲೆ, ಆಜಿ ಗೌಡಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಸ್ವಾಭಿಮಾನ  ಸಮಾವೇಶಾಂತು ಇತ್ಲೇಕ ಲೋಕ ಜಮಿಲೆ ಪಳಯತಾನಾ ಖಂಡಿತಾಕ ಆಮಗೇಲೆ ಸಮಾಜಾಕ ಚಾಂಗ ಭವಿಷ್ಯ ಆಸ್ಸ ಮ್ಹೊಣು ಧೈರ್ಯಾನ ಸಾಂಗುಯೇತ ಅಶ್ಶಿ ಮ್ಹೊಣು ಬೆಂಗ್ಳೂರಾಚೆ ಸೆಂಚುರಿ ಬಿಲ್ಡಿಂಗ್ಸ್ ಇಂಡಸ್ಟ್ರೀಸ್ ಹಾಜ್ಜೆ ಆಡಳಿತ ನಿರ್ದೇಶಕ ಡಾ|| ಪಿ. ದಯಾನಂದ ಪೈ ತಾನ್ನಿ ಸಾಂಗಲೆ. ತಾನ್ನಿ ಡಿಸೆಂಬರ್ ೧ ತಾರೀಖೆಕ ಕೋಟೇಶ್ವರಾಂತು ಘಡೀಲೆ “ಉಡುಪಿ ಜಿಲ್ಲಾ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ ಸ್ವಾಭಿಮಾನ ಜಾಗೃತಿ ಸಮಾವೇಶ-೨೦೧೨ ಉದ್ಘಾಟನ ಕೋರ್ನು ಉಲೈತಾಶ್ಶಿಲೆಂ. 

ಮುಖಾರ್ನು ಉಲಯಿಲೆ ತಾನ್ನಿ “ಆಮಗೇಲೆ ವ್ಯವಹಾರ ಆಧಾರಿತ ಸಮಾಜ, ಜಾಲ್ಯಾರಿ ಆಜಿ ಉದ್ಯಮಶೀಲತಾ ಆಮಗೇಲೆ ಸಮಾಜಾಚಾನ ದೂರ ಜಾತ್ತಾ ಆಸ್ಸ, ಶಿಕ್ಷಣ, ಸಂಬೋಳು ಘೆವ್ಚೆ ಉದ್ಯೋಗು, ಐಟಿ ಕಾಮ, ವಿದೇಶಾಂತು ನೌಕರಿ ಕೊರಚೆ ಗೀಳಾಕ ಪಡಿಲೆ ಜಿ‌ಎಸ್ಬಿ ಸಮಾಜಾಚೆ ಯುವಕಾರ ಪಾಶ್ಚಾತ್ಯ ಸಂಸ್ಕೃತಿಕ ಪಿಶ್ಶೆ ಪೊಡ್ನು ಆಪ್ಪಣಪಣ ವಿಸರ್ತಾ ಆಸ್ಸತಿ. ಕಸ್ಸಲೆ ತ್ರಾಸು ಆಯಲೇರೀ ಎದ್ರುಸೂವ್ನು ರಬ್ಬರ್ ಚಂಡಾ ವರಿ ಜೋರಾನಿ ನೆಲಾಕ ಬಡೆಯಿಲೆ ತಿತ್ಲೆಚಿ ಜೋರಾನಿ ವಯ್ರಿ ಉಡಚೆ ಗೂಣ ಆಸ್ಸೂಚೆ ಸಾರಸ್ವತ ಸಮಾಜಾಚೆ ಯುವಜನಾಂಗ ಸುಲಭಾಂತು ದುಡ್ಡು ಕಮಯ್ಚೆ   ಅಭಿಲಾಶೇಕ ಪೋಡ್ನು ಅಪ್ಪಣಪಣ ವಿಸರ್ತಾ ಆಸ್ಸುಚೆ ಚಿಂತ ಕೊರಕಾ ಜಾಲೇಲೆ ವಿಷಯು.
ಹೇ ಸಮಾವೇಶಾಕ ಆಯ್ಯಿಲ್ಯಾಂತು ೮೦ ಪರ್ಸೆಂಟ್ ಲೋಕ ಮಾಲ್ಗಡೇ ದಿಸ್ತಾ ಆಸ್ಸತಿ. ಯುವಕಾರ ಖಾಲಿ ೨೦% ಮಾತ್ರ ಆಸ್ಸತಿ. ಜಾಲ್ಯಾರಿಚಿ ಹಾಂಗಾ ಮ್ಹಾಲ್ಗಡೆಂ ಬಾಯ್ಲಮನ್ಶೆ ಆಸ್ಸತಿ ಮ್ಹಣಚೆ ಸಮಾಧಾನಾಚೆ ವಿಷಯು. ತಾನ್ನೀಚಿ ಆಪಣಾಲೆ ಪೀಳಿಕ ಸಮಾ ಜಾಲೇಲೆ ಮಾರ್ಗದರ್ಶನ ಕೊರಚಾಕ ಮುಖಾರ ಸರತಾತಿ ಮ್ಹೊಣು ಆಶಾ ಕರ್ತಾ ಮ್ಹಳೀಲೆ ತಾನ್ನಿ, ಆಜಿ ವ್ಹರಡೀಕ ಏಕ ಸಮಸ್ಯೆ ಜಾಲ್ಲಾ, ತೆದ್ನಾ ಚೆಲಿಯಾಂಕ ಚಾಲ್ಲೊ ಮೇಳ್ನಾ ಆಶ್ಶಿಲೆ, ಆಜಿ ಪರಿಸ್ಥಿತಿ ಉಲ್ಟಾ ಜಾಲ್ಲಾ. ಆನ್ನೇಕಡೆ ಪ್ರಾಯು ಜಾಲೇಲೆ ಆವಯಿ-ಬಾಪಯಿಂಕ ದೂರ ದವರಚೆ ಚಾಂಗ ಉದ್ಯೋಗಾಂತು ಆಸ್ಸೂಚೆ ಯುವಕಾರಾಲೆ ಜೀವನ ಶೈಲಿ ಭಯಿ ಪಾವ್ಚೆ ವರಿ ಕರ್ತಾ, ಹೇ ಸಮಾವೇಶ ಅಸ್ಸಲೆ ಜ್ವಲಂತ ಸಮಸ್ಯೆ ಖಾತ್ತಿರಿ ಠರಾವು ಘೆವ್ಚೆ ಮಾತ್ರ ನ್ಹಂಹಿಸಿ ತಾಕ್ಕಾ ತಾರ್ಕಿಕ ಅಂತ್ಯ ದಾಖಯಚಾಕ ಪ್ರಯತ್ನ ಕೋರ್‍ಕಾ. ತಾಕ್ಕಾ ಜಾಯಿ ಜಾಲೇಲೆ ಸರ್ವ ನಮೂನ್ಯಾ ಮದ್ದತ್ ಆಪ್ಪಣ ದಿತ್ತಾ ಮ್ಹೊಣು ಡಾ|| ಪಿ. ದಯಾನಂದ ಪೈ ಮಾಮ್ಮಾನಿ ಆಶ್ವಾಸನ ದಿಲ್ಲಿ. ಸರ್ವ ಜಿ‌ಎಸ್ಬಿ ದೇವಳ ಒಕ್ಕೂಟಾಚೆ ಅಧ್ಯಕ್ಷ ಶಿ ಕುಂದಾಪುರ ರಾಧಾಕೃಷ್ಣ ಶೆಣೈ ತಾನ್ನಿ ಸಮಾವೇಶಾಚೆ ಅಧ್ಯಕ್ಷತಾ ಘೆತ್ತಿಲೆ.
“ಜಿ‌ಎಸ್ಬಿ ಸಮಾಜ ಬಾಂಧವಾಲೊ ಅಂಕಡೊ(ಸಂಖ್ಯಾ) ಊಣೆ ಆಸಲೇರಿಚಿ ತಾನ್ನಿ ರಾಜ್ಯ, ರಾಷ್ಟ್ರ, ಜಗಾಕ ದಿಲೇಲೆ ದೇಣಿಗಾ ಅಪಾರ ಮ್ಹೊಣು ಸಾಂಗಿಲೆ ಹಳಿಯಾಳ ಶಾಸಕ ಸುನೀಲ ಹೆಗಡೆ ತಾನ್ನಿ ವಿಂಗ ವಿಂಗಡ ಕ್ಷೇತ್ರಾಕ ದೇಣಿಗಾ ದಿಲೇಲೆ ಜಿ‌ಎಸ್ಬಿ ಸಮಾಜಾಚೆ ಗಣ್ಯ ಲೋಕಾಲೆ ಸ್ಮರಣ ಕೆಲ್ಲಿಂತಿ. ‘ಆಜಿ ಚರ್ಡುವಾಂಕ ಜಾವ್ನು ಆಸ್ತಿ ಕೋರ್ನು ದವರಚೆ ಪಶಿ ಚರ್ಡುವಾಂಕ ಸಮಾಜಾಚೆ ಆಸ್ತಿ ಕೋರ್ನು ದವರ್‍ಕಾ ಜಾಲೇಲೆ ಗರಜ ಆಸ್ಸ, ನಾತಲೇರಿ ಮುಖಾರ ಏಕ್ದೀಸು ಚರ್ಡುವಾಂಕ ಕೋರ್ನು ದವರೀಲೆ ಆಸ್ತಿಚಿ ದುಸ್ರ್ಯಾಲೆ ದೋಳ್ಯಾಕ ಕಿಸ್ರು ಜಾವ್ನು ಅಪಾಯು ಯವಚಾಕ ಪುರೊ, ಹ್ಯಾ ಖಾತ್ತಿರಿ ಸ್ವಾಭಿಮಾನ ಜಾಗೃತ ಸಮಾವೇಶಾಂತು ಚರ್ಚಾ ಕೋರ್ನು ಅಗತ್ಯ ಯೋಜನಾ ಘಾಲ್ನು ಘೆವ್ಕಾ, ಮಾತ್ರ ನ್ಹಂಹಿ ತ್ಯಾ ಅನುಷ್ಠಾನ ಕೋರ್‍ಕಾ ಮ್ಹೊಣು ತಾನ್ನಿ ಸಾಂಗ್ಲೆ.
“ಆಪಣಾಕ ಕೊಂಕ್ಣಿಂತು ಉಲ್ಲೋನು ಅಭ್ಯಾಸು ನಾ ಮ್ಹೊಣು ಉಲಯ್ಚೆ ತಿತ್ಲ ವೇಳೂ ಅಚ್ಚ ಕೊಂಕಣಿಂತು ಉಲಯಿಲೆ ಸಮಾವೇಶಾಕ ಮುಖೇಲ ಸೊಯರೆ ಜಾವ್ನು ಆಯ್ಯಿಲೆ ಪ್ರಸಾರ ಭಾರತೀಚೆ ಪೂರ್ವಾಧ್ಯಕ್ಷ ಶ್ರೀ ಎಂ.ವಿ.ಕಾಮತ್ ಹಾನ್ನಿ“ದೊರಕೊ ಮ್ಹಣಚೆ ಶಬ್ಧಾರ್ಥ ಕಳ್ನಾತ್ತಿಲೆಂ ಲೋಕ “ಪಾಕಡಾ ಮ್ಹಣ್ಚೆ ವರಿ ಸಾಂಗತಾತಿ. ತೇ ತಶ್ಶಿ ನ್ಹಂಹಿ ದ್ವಾರಕೆಚಾನ ಆಯ್ಯಿಲೆಂ ಮ್ಹೊಣು  ತಾಜ್ಜೇನ ಕಳ್ತಾ ಮ್ಹೊಣು ತಾಕ್ಕಾಸ್ಸುಚೆ ಮಹತ್ವ ಸಾಂಗಲೀಂತಿ.   ಆನಿ ಆಜಿ ಕೊಂಕಣಿ ವಾತಾವರಣ ನಿಪತಾ ಆಸ್ಸುಚೆ ಖಾತ್ತಿರಿ  ಬೇಜಾರ ವ್ಯಕ್ತ ಕೆಲ್ಲಿಂತಿ.
ಆಜಿ ಘರ್‍ಕಡೆ ಚಡುವಾಂಕ ಮಗ್ಗಿ ಶಿಕೋನು ದಿತ್ತಾಲೆ ನಾಂತಿ, ಪೂಜಾ ಕೊರಚೆ ಸಂಪ್ರದಾಯ ಘೆಲ್ಲಾ, ಚರ್ಡುಂವ ಮಾಲ್ಗಡ್ಯಾಂಕ ಮರ್ಯಾದ ದೀನಾಂತಿ, ಗೌರವಾನಿ ಪೊಳೋವನು ಘೇನಾತಿ, ಚೆಲ್ಲಿಯಾ ಚರ್ಡುಂವ ನೌಕರಿ ಕೋರ್‍ಕಾ ಮ್ಹೊಣು ಸಾಂಗ್ತಾ ಆಸ್ಸತಿ. ಲಿವಿಂಗ್ ಟುಗೆದರ್ ಸಂಸ್ಕೃತಿ ಜೋರಾನಿ ವಾಡ್ತಾ ಆಸ್ಸ. ಹೇ ಪೂರಾ ಜ್ವಲಂತ ಸಮಸ್ಯೆ ಖಾತ್ತಿರಿ ಚಿಕ್ಕೆ ವ್ಹಡ ಮನಾನ ಉಲೋವ್ಕಾ, ವಯೋವೃದ್ಧ ಖಾತ್ತಿರಿ ಏಕ ಸರ್ವೇಕ್ಷಣ ಚಲ್ಲೋನು, ಏಕ ಯೋಜನಾ ಘಾಲ್ನುಘೇವ್ನು ತಾಜ್ಜ ವರಿ ಕಾಮ ಕೋರ್‍ಕಾ ಮ್ಹೊಣೂ ಕಾಮತ್ ಮಾಮ್ಮಾನಿ ಸಾಂಗ್ಲೆ.
‘ಸ್ವಾಭಿಮಾನ ಆಸ್ಸೊ, ತ್ಯಾಂಚಿ ದುರಭಿಮಾನ ಜಾವ್ಚೆ ನಾಕ್ಕಾ, ಜಿ‌ಎಸ್ಬಿ ಸಮಾಜಾಚೆ ಯುವಕಾರಾಂಕ ಸಂಸ್ಕೃತಿ ಖಾತ್ತಿರಿ ಆವಡ ಆಸ್ಸೊ ಮ್ಹೊಣು ಸಾಂಗಿಲೆ ‘ಉಜ್ವಾಡು ಸಿನೇಮಾಚೆ ಡೈರೆಕ್ಟರ್ ಆನಿ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಕಾಸರಗೋಡು ಚಿನ್ನಾ ತಾನ್ನಿ “ಕೊಂಕಣಿಂತು ಸಾಹಿತ್ಯ, ಕವನ ಬರೆಯಲ್ಯಾರಿ ತಾಕ್ಕಾ ಖಂಡಿತ ಪ್ರೋತ್ಸಾಹ ದಿವಚೆ ಭರ್‍ವಸ ದಿಲ್ಲಿಂತಿ. ಸಮಾವೇಶ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಶ್ರೀ ದಕ್ಕೆರ್‌ಬಾಳ್ ಗೋಪಾಕೃಷ್ಣ ಕಾಮತ್, ಪ್ರಧಾನ ಕಾರ್ಯದರ್ಶಿ ಶ್ರೀ ಸತೀಶ್ ಎಂ. ನಾಯಕ್ ಆದಿ ಗಣ್ಯ  ವೇದಿಕೇರಿ ಉಪಸ್ಥಿತ ಆಶ್ಶಿಲೆಂ.
ಸುವಾಸಿನಿ ಬಾಯ್ಲಮನ್ಶೆನ ತುಳ್ಸಿಕ ಉದ್ದಾಕ ಘಾಲ್ನು ಕಾರ್ಯಕ್ರಮಾಚೆ ಉದ್ಘಾಟನೇಕ ಚಾಲನ ದಿಲ್ಲೆ. ಸಮಿತಿ ಗೌರವಾಧ್ಯಕ್ಷ ಶ್ರೀ ಶ್ರೀಧರ ವಿಠಲ್ ಕಾಮತ್ ತಾನ್ನಿ ಆಶಯ ಭಾಷಣ ಕೆಲ್ಲೆ. ಶ್ರೀ ಬಸ್ತಿ ದಾಮೋದರ ಪೈನಿ ಯೇವ್ಕಾರ ಕೆಲ್ಲಿ, ಸಂಚಾಲಕ ಶ್ರೀ ವಿವೇಕಾನಂದ ಶೆಣೈನಿ ಪ್ರಾಸ್ತಾವಿಕ ಜಾವ್ನು ಉಲೈಲಿಂತಿ, ಶ್ರೀ ಸಾಣೂರು ನರಸಿಂಹ ಕಾಮತ್ತಾನಿ ನಿರೂಪಣ ಕೆಲ್ಲಿ,   ವೇದಮೂರ್ತಿ ವೇದವ್ಯಾಸ ಆಚಾರ್ಯಾನಿ ಆಬಾರ ಮಾನ್ಲೆ. ಮಾಗಿರಿ ವಿಂಗ ವಿಂಗಡ ವಿಷಯಾಚೇರಿ ಗೋಷ್ಠಿ , ಸಮಾರೋಪ ಸಮಾರಂಭ ಆನಿ ಶೋಭಾಯಾತ್ರಾ ಚಲ್ಲೆ. (ಸಮಾವೇಶಾಚೆ ಇತರ ಪೋಟೊ, ವಿಸ್ತಾರ ಜಾಲೇಲೆ ವರದಿ ಆಮಗೇಲೆ ಮುಖವೈಲೆ ಸಂಚಿಕೇಂತು ಪಳೇಯಾ)

ಪೋಟೊಕೃಪೆ :
ಶಾಂತಾರಾಮ ಪೋಟೊ ಸ್ಟುಡಿಯೋ, ಕೋಟೇಶ್ವರ.  

Ph : 08254-261383, 9341490050

ಚತುಃಪವಿತ್ರ ನಾಗಮಂಡಲೋತ್ಸವ

     ಕಕ್ಕಾಚೆ ಮೂಲ ನಾಗಬ್ರಹ್ಮ ಸನ್ನಿಧಿಂತು ನಾಗದರ್ಶನ ಆನಿ ಮೂಲ್ಕಿ ಶ್ರೀ ವೆಂಕಟ್ರಮಣ ದೇವಳಾಚೆ ದೇವ ದರ್ಶನಾಂತು ಜಾಲೇಲೆ ಆದೇಶಾ ಪ್ರಮಾಣೆ ಶ್ರೀ ಕಾಶೀಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯ ಆಶೀರ್ವಾದ ಬರೋಬರಿ ಕಾಶ್ಯಪ ಗೋತ್ರಾಚೆ ನಾವೇಲಿಕರ್ ಕಾಮತ್ ಕುಟುಂಬಸ್ಥಾಲೆ ಕಕ್ಕಚೆ ಮೂಲ ನಾಗಬ್ರಹ್ಮ ಸನ್ನಿಧಿರಿ ತಾ. ೩೧-೧೨-೨೦೧೧ ದಿವಸು ವೆ||ಮೂ| ಶ್ರಿ ಅನಿಲ ಭಟ್, ಮೂಲ್ಕಿ ಹಾಂಗೇಲೆ ಮೂಖಾಲ್ಪಣಾರಿ ಚತುಃ ಪವಿತ್ರ ನಾಗಬ್ರಹ್ಮ ಮಂಡಲೋತ್ಸವ ವಿಜಂಭಣೇರಿ ಘಡಲೆ. ನಾಗಪಾತ್ರಿ ಶ್ರೀ ಕೆ. ವಾಸುದೇವ ಪೈ, ಗುಂಡಿಬೈಲು, ಉಡುಪಿ ಆನಿ ಮುದ್ದೂರು ಶ್ರೀ ಕೃಷ್ಣಪ್ರಸಾದ ವೈದ್ಯ ಪಂಗ್ಡಾಚಾನ ಹೇ ಸೇವಾ ಚಲೋನು ದಿಲ್ಲೆ. ತತ್ಸಂಬಂಧ ಸಕ್ಕಾಣಿಪೂಡೆ ಆಶ್ಲೇಷ ಬಲಿ, ಧೋಂಪಾರ ಪಲ್ಲಪೂಜಾ ಆನಿ ಮಹಾ ಅನ್ನಸಂತರ್ಪಣ, ರಾತ್ತಿಕ ‘ಹಾಲಿಟ್ಟು ಸೇವಾ ಆನಿ ನಾಗಬ್ರಹ್ಮ ಮಂಡಲೋತ್ಸವು ಅಪಾರ ಜನಸ್ತೋಮಾಚೆ ಉಪಸ್ಥಿತೀರಿ ಘಡಲೆ.

ಶ್ರೀ ಮಾರುತಿ ಸೇವಾ ಮಂಡಳ, ಶಿರಾಲಿ

     ಶ್ರೀ ಮಾರುತಿ ಸೇವಾ ಮಂಡಳ, ಶಿರಾಲಿ ಹಾಂಗೆಲೆ ವಾರ್ಷಿಕ ಸ್ನೇಹ ಸಹಮಿಲನ ಕಾರ್ಯಕ್ರಮ ತಾ. ೨೨-೦೧-೨೦೧೨ ದಿವಸು ಆಯ್ತವಾರ ಸಾಂಜ್ವಾಳಾ ೫-೩೦ ತಾಕೂನು ೮-೩೦ ಪರ್ಯಂತ ಶ್ರೀ ಮಾರುತಿ ರೈಸ್ ಆನಿ ಆಯಿಲ್ ಮಿಲ್ಸ್ ಆವರಣ ಶಿರಾಲಿ ಹಾಂಗಾ ಘಡಚೆ ಆಸ್ಸ ಮ್ಹಣಚೆ ಖಬ್ಬರ ಮೆಳ್ಳಾ. ಹೇ ಸಂದರ್ಭಾರಿ ಉಪಹಾರ, ಖೇಳು, ಸಭಾಕಾರ್ಯಕ್ರಮ, ಔತಣಕೂಟ ಆದಿ ಕಾರ್ಯಕ್ರಮ ಚೊಲಚೆ ಆಸ್ಸ. ಸಭಾಕಾರ್ಯಕ್ರಮಾಂತು “ನೋಟಿಸ್ ಬೋರ್ಡ್ ಆನಿ ಸಮಾಜಾಚೆ ಮಾರ್ಗದರ್ಶಿನಿಚೆ ಉದ್ಘಾಟನಾಯಿ ಚೊಲ್ಚೆ ಆಸ್ಸ ಮ್ಹಣಚೆ ಖಬ್ಬರ ಮೆಳ್ಳಾ.

ಶ್ರೀ ನಾಗಯಕ್ಷಿ ಮಹಾಸತಿ ದೇವಳ, ಭಟ್ಕಳ

     ಭಟ್ಕಳಾಚೆ ಶ್ರೀ ನಾಗಯಕ್ಷಿ ಮಹಾಸತಿ ಧರ್ಮದೇವಿ ಸಂಸ್ಥಾನಾಂತು ಯವಚೆ ೧೬-೦೨-೨೦೧೨ಕ ರಾಮದಾಸ ಜಯಂತಿ ಶುಭಾವಸರಾರಿ ಶ್ರೀ ಸಂಸ್ಥಾನ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ಮಾಮ್ಯಾಂಗೆಲೆ ಅಮೃತ ಹಸ್ತಾ ತಾಕೂನು ‘ಶ್ರೀ ನಾಗಯಕ್ಷಿ ಧರ್ಮಾರ್ಥ ಸಭಾಭವನಾಚೆ ನೆಲ್ಕಟ್ಟ ಸಮಾರಂಭ ದವರೂನು ಘೆತಲ್ಯಾ. ಅಂದಾಜ ಅಡ್ಡೇಸ ಕೋಟಿ ರೂಪಯ ಖರ್ಚುನು ಹೇ ಬೃಹತ್ ಸಭಾಭವನ ನಿರ್ಮಾಣ ಕೊರಚೆ ಉದ್ದೇಶ ಆಸ್ಸೂನು ಹೇ ಸಭಾಭವನಾಂತು ಸಾರ್ವಜನಿಕಾಂಕ ಧರ್ಮಾರ್ಥ ಜಾವ್ನು ಲಗ್ನ, ಮೂಂಜಿ ಆದಿ ಶುಭ ಸಮಾರಂಭ ಕೊರಚಾಕ ಅವಕಾಶ ಕೋರ್ನು ದಿವ್ಕಾ ಮ್ಹೊಣು ಶ್ರೀ ದೇವಿನ ಆದೇಶ ದಿಲ್ಲಾ. ಹೇ ವಿಶೇಷ ಕಾರ್ಯಕ್ರಮಾಕ ಆನಿ ಶ್ರೀ ದೇವಿ ಆನಿ ಪರಮಪೂಜ್ಯ ಸ್ವಾಮ್ಯಾಂಗೆಲೆ ಕೃಪಾಶೀರ್ವಾದ ಘೆವಚಾಕ ಭಕ್ತಮಹಾಜನಾನಿ ಹೇ ಸಮಾರಂಭಾಂತು ವಾಂಟೊ ಘೆವಕಾ ಮ್ಹೊಣು ಆಡಳಿತ ಮಂಡಳಿ ತರಪೇನ ಮಾಗಣಿ ಆಸ್ಸ.
ನ್ಹಂಹಿಸಿ ಭಕ್ತ ಮಹಾಜನಾ ಲಾಗ್ಗಿ ಆನ್ನೇಕ ಮಾಗಣಿ ಆಸ್ಸ ಕಸ್ಸಲೆ ಮ್ಹಳ್ಯಾರಿ ಹೇ ಸಭಾಭವನ ಕಾರ್ಯಾಕ ಏಕ ಲಾಕಾ ಪಶಿ ಚ್ಹಡ ದೇಣಿಗಾ ದಿವಚೆ ದಾನಿ ಲೋಕಾಂಗೆಲೆ ಜಾಂವೊ ತಾಂಗೆಲೆ ಮ್ಹಾಲಗಡ್ಯಾಂಗೆಲೆ ಪೋಟೋ ಸಭಾಭವನಾಚೆ ಅನ್ನಪೂರ್ಣ ಹಾಲಾಂತು ಘಾಲತಾತಿ. ತ್ಯಾ ಖಾತ್ತಿರಿ ಸರ್ವ ಭಕ್ತಬಾಂಧವಾನಿ ಸಹಕಾರ ದಿವ್ಕಾ ಮ್ಹೊಣು ಆಡಳಿತ ಮಂಡಳಿಚೆ ಮಾಗಣಿ ಆಸ್ಸ. ನ್ಹಂಹಿತಾ ಹಾಕ್ಕಾ ಲೋಕಾಂಗೆಲೆ ಸಹಕಾರ ಪಳೌನು ಮುಖಾರಚೆ ದಿವಸಾಂತು ‘ಶ್ರೀ ನಾಗಯಕ್ಷೀ ವೃದ್ಧಾಶ್ರಮ ಬಾಂಚೆ ಯೋಜನಾಯಿ ಆಡಳಿತ ಮಂಡಳಿಚಾನ ದವರೂನು ಘೆತ್ಲ್ಯಾ.  ಚಡ್ತೆ ಮಾಹಿತಿ ಖಾತ್ತಿರಿ ೯೩೪೩೪೧೦೭೫೭ ಜಾಂವೊ ೯೨೪೧೪೦೮೯೮೩, ೦೮೩೮೫-೨೨೨೦೯೬ ಹಾಂಕಾ ಸಂಪರ್ಕು ಕರಾ.                  ವರದಿ : ಅಪ್ಪುರಾಯ ಪೈ

ಶ್ರೀ ಜ್ಞಾನೇಶ್ವರೀ ಪೀಠ, ಕರ್ಕಿ ಶ್ರೀ ಮಠ ಸ್ಥಾಪನೇಚೆ ರಜತ ಮಹೋತ್ಸವು

     ದೈವಜ್ಞ ಬ್ರಾಹ್ಮಣ ಸಮಾಜಾಚೆ ಶ್ರೀ ಜ್ಞಾನೇಶ್ವರಿ ಫೀಠ ಮಠ ಸ್ಥಾಪನ ಜಾವ್ನು ೨೫ ವರ್ಷ ಭರಿಲೆ ಸುಸಂದರ್ಭಾರಿ  ತಾಜ್ಜ ರಜತ ಮಹೋತ್ಸವು ತಾ. ೧೭-೧೨-೨೦೧೧ ಆನಿ ೧೮-೧೨-೨೦೧೧ ಅಶ್ಶಿ ದೋನ ದಿವಸು ಪ|ಪೂ| ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತೀ ಮಹಾಸ್ವಾಮ್ಯಾಂಗೆಲೆ ದಿವ್ಯ ಮಾರ್ಗದರ್ಶನಾರಿ ಆನಿ ತಾಂಗೇಲೆ ದಿವ್ಯ ಉಪಸ್ಥಿತೀರಿ ಶ್ರೀ ಮಠಾಚೆ ಆವಾರಾಂತು ಸಹಸ್ರ ಚಂಡಿಕಾ ಮಹಾಯಾಗ, ಲಕ್ಷದೀಪೋತ್ಸವ ತಶ್ಶಿಚಿ ಧರ್ಮಸಭಾ ಆದಿ ಕಾರ್ಯಕ್ರಮ ಬರೋಬರಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ.  ಧರ್ಮಸಭಾಕ ಪ|ಪೂ ಶ್ರೀ ಶ್ರೀ ಕೇಶವಾನಂದ ಭಾರತೀ ಸ್ವಾಮೀಜಿ, ಎಡನೀರು ಮಠ, ಪ|ಪೂ| ಶ್ರೀ ಶ್ರೀ ಗಂಗಾಧರೇಂದ್ರ ಸರಸ್ವತಿ ಸ್ವಾಮೀಜಿ ಸ್ವರ್ಣವಲ್ಲಿ ಮಠ, ಪ|ಪ|. ಶ್ರೀ ಶ್ರೀ ಸದ್ಯೋಜಾತ ಶಂಕರಾಶ್ರಮ ಸ್ವಾಮೀಜಿ, ಚಿತ್ರಾಪುರ ಮಠ, ಪ|ಪೂ| ಶ್ರೀ ಶ್ರೀ ವಿದ್ಯಾರಣ್ಯ ಭಾರತೀ ಸ್ವಾಮೀಜಿ, ಹಂಪಿ ವಿದ್ಯಾರಣ್ಯ ಮಠ, ಪ|ಪೂ| ವಿದ್ಯಾಭಿನವ ಶಂಕರ ಭಾರತೀ ಸ್ವಾಮೀಜಿ, ಕೊಡ್ಲಿ ಬೆಂಗಳೂರು ಮಠ, ಪ|ಪೂ| ಶ್ರೀ ಶ್ರೀ ನೃಸಿಂಹಾಶ್ರಮ ಸ್ವಾಮೀಜಿ, ಬಾಳೇಕುದುರು ಮಠ, ಪ|ಪೂ| ಶ್ರೀ ಶ್ರೀ ವಾಮನಾಶ್ರಮ ಸ್ವಾಮೀಜಿ, ಶ್ರೀ ಕೃಷ್ಣಾಶ್ರಮ ಮಠ, ಹಳದೀಪುರ, ಪ|ಪೂ| ಶ್ರೀ ಶ್ರೀ ಬಾಲಕೃಷ್ಣಾನಂದ ಸರಸ್ವತಿ ಸ್ವಾಮೀಜಿ, ನಂಜನಗೂಡು, ಪ|ಪೂ| ಶ್ರೀ ಶ್ರೀ ರಮಾನಂದ ಅವಧೂತ ದಿವಗಿ, ಪ|ಪೂ| ಶ್ರೀಶ್ರೀ ಪ್ರಜ್ಞಾನಂದ ಸರಸ್ವತಿ ಸ್ವಾಮೀಜಿ, ಹೃಷಿಕೇಶ ಆನಿ ಪ|ಪೂ| ಶ್ರೀಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತೀ ಸ್ವಾಮೀಜಿ, ಕರ್ಕಿ ಹಾನ್ನಿ ಪೂರಾ ಧರ್ಮ ಸಭಾಚೆ ಸಾನಿಧ್ಯ ಘೇವ್ನು ಜಮಿಲೆ ಅಪಾರ ಸಂಖ್ಯಾಚೆ ಭಕ್ತ ಬಾಂಧವಾಂಕ ಆಶೀರ್ವಚನ ದಿಲ್ಲಿಂತಿ.

ಧರ್ಮ ಆನಿ ವಾಟ (ಭಾಗ-1 )

‘ಧರ್ಮ ಖಾಲಿ ಮನುಷ್ಯಾಕ ಮಾತ್ರ ನ್ಹಂಹಿ ಆಸ್ಸೂಚೆ! ಹರಯೇಕ ಪ್ರಾಣಿ, ಹಕ್ಕಿ-ಪಕ್ಷಿ, ರೂಖು-ಜಾಡ, ಸೂರ್ಯ, ಚಂದ್ರ, ಭೂಂಯ್ಕ ಪುಸ್ಸೂನು ತಾಜ್ಜೇ ಜಾಲೇಲೆ ಏಕ್ಕೇಕ ಧರ್ಮ ಮ್ಹೊಣು ಆಸತಾ. ಸೂಣ್ಯಾಲೆ ಧರ್ಮ ಆಪಂಣಾಕ ಕೂಳ (ಶೀತ) ಘಾಲೇಲೆ ಧನೀಲೆ ಘರ ರಾಕಚೆ ಜಾಲ್ಯಾರಿ, ಸೂರ್ಯಾಲೆ ಧರ್ಮ ಜಗಾಕ ಹುಜ್ವಾಡು ದಿವ್ಚೆ, ಜಾಡ ಆನಿ ರುಕ್ಕಾ ಧರ್ಮ ಫೂಲ ಆನಿ ಫಳ ದಿವಚೆ ಜಾಲ್ಯಾರಿ ಭೂಂಯ್ಚೆ ಧರ್ಮ ಸರ್ವ ಸಜೀವಿ, ನಿರ್ಜೀವಿಂಕ ವ್ಹೊವ್ನು ಪೊಸ್ಸೂಚೆ. ಹೇ ಚಕ್ರ ತೇ ಕಿತ್ಲಕಿ ಸಹಸ್ರಮಾನ ತಾಕೂನು ಚೂಕನಾಶಿ ಘೂವ್ತ್ತಾ ಆಸ್ಸ. ಖಂಯ್ತರಿ ಚುಕ್ಲೆ ಮ್ಹೊಣು ಸಮಜೂವ್ಯಾ ಘಡೇ ಭಿತ್ತರ ಮನುಷ್ಯ ಜೀವಿ ನಾಮಾವಶೇಷ ಜಾವ್ನು ವತ್ತಾ. ಜಾಲ್ಯಾರಿ ಮನುಷ್ಯಾನ ಮಾತ್ರ ಆಪಣಾ ಧರ್ಮ ಖಾತ್ತರಿ ಮಸ್ತ ಹಗೂರ ಜಾವ್ನು ಸಮಜೂನು ಘೆತ್ಲ್ಯಾ. ಮ್ಹಾಲಗಡ್ಯಾನ ಉರೋನು, ಚೇಲ್ನು  ಘೇವ್ನು ಆಯ್ಯಿಲೆ ಧರ್ಮಾಕ ಮೂಡ ನಂಬಿಗಾ ಮ್ಹಣತಾ.  ಜಾಲ್ಯಾರಿ ಧರ್ಮಹೀನಾಕ ಪ್ರಗತಿ ನಾ. ಕೆಲವ ಲೋಕ ಅಭಿವೃದ್ದಿ ಮ್ಹಳಯಾರಿ ದುಡ್ಡು, ಸಂಪತ್ತ, ಆಸ್ತಿ ಜೊಡಚೆ ಮ್ಹೊಣು ಸಮಜೂನು ಘೇವ್ನು ಆಸತಾತಿ. ಹೇ ಪೂರಾ ಜೊಡತಾನಾ ಆನ್ನೇಕ್ಲ್ಯಾಕ ಉಪದ್ರವ, ಶೋಷಣ ಕರ್ನಾಶಿ ಜೊಡಕಾ. ತ್ಯಾಂಚಿ ಧರ್ಮ ಮಾರ್ಗ ಮ್ಹಣೋನು ಘೆತ್ತಾ.
ತಶ್ಶಿ ಜಾಲ್ಯಾರಿ ಧರ್ಮ ಮ್ಹಳ್ಯಾರಿ ಕಸ್ಸಲೆ? ಹೇ ಶರೀರಾಕ ಆಮ್ಮಿ ವಾಹನ ಮ್ಹೊಣು ಸಮಜೂನು ಘೆತಲ್ಯಾರಿ, ಭಿತ್ತವೈಲೆ ಚೇತನಾಕ (ತಾಕ್ಕಾ ಆತ್ಮ ಮ್ಹೊಣು ಒಳ್ಕೂಚೆ ಚ್ಹಡ) ವಾಹನ ಚಲಯತಾಲೊ(ಚಾಲಕು) ಮ್ಹಣಯೇತ. ಆನಿ ತ್ಯಾ ವಾಹನ ವಚ್ಚೆ ವಾಟಚಿ ಧರ್ಮ. ಆಮ್ಮಿ ಅಮಗೇಲೆ ಜೀವನ ಯಾತ್ರಾ ಏಕ ಭೊವಂಢಿ ಮ್ಹೊಣು ಸಮಜೂನು ಘೆತಲೇರಿ ಚಮಕೂಚೆ ವಾಟ ಖಂಚೆ? ಖಂಯ್ಕ ವಚ್ಕಾ? ಕಶ್ಶಿ ವಚ್ಕಾ? ಆನಿ ಕಿತಯಾಕ ವಚ್ಕಾ? ಮ್ಹಣಚೆ ಉಪಪ್ರಶ್ನೋ ಆಮಗೇಲೆ ಮುಖಾರ ಯವ್ನು ರಾಬತಾತಿ. ತಾಕ್ಕಾ ಜವಾಬ ಸೊತ್ತಾ ಆಮ್ಮಿ ಹೇ ಜೀವನಯಾತ್ರಾಂತು ಧರ್ಮ ಮಾರ್ಗಾಂತು ಚಮಕೂಕಾ. ಆಮಗೇಲೆ ಸಾಧನಾ, ಅನುಭವಾ ಆಧಾರಾರಿ ಹಾಕ್ಕಾ ಖಾಂಯ ನ್ಹಂಹಿ ಖಾಂಯಿ ಜವಾಬ ಮೇಳ್ನು ಮೆಳ್ತಾ. ಅಶ್ಶಿ ಹಜಾರೋ ವರ್ಷಾಚಾನ ವಿಂಗವಿಂಗಡ ಸಾಧನಾಶೀಲ ಲೋಕಾಂಕ, ಋಷಿ, ಮುನಿಂಕ ಮೆಳ್ಳಿಲೆ ಜವಾಬಾಚೆ ಕ್ರೋಡಿಕೃತ ಸಾರಚಿ ‘ಧರ್ಮ.
ಭಾಂಯಚಾನ ಉದ್ದಾಕ ಕಾಡಚಾಕ ಕೊಳಸೊ ಆನಿ ರಾಜ್ಜೊ ಜಾವ್ಕಾ ಪಡ್ತಾ, ನ್ಹಂಯಿ ದಾಂಟೂಕಾ ಜಾಲ್ಯಾರಿ ದೋಣಿ, ಮಚ್ವೊ ಜಾಂವೊ ಬ್ರಿಜ್ ಜಾಯಿ ಪಡ್ತಾ, ಮಾಳಿ ಚೊಡ್ಕಾ ಜಾಲ್ಯಾರಿ ನಿಸ್ಸಣಿ ಜಾಯಿ ಪಡ್ತಾ, ರುಕ್ಕಾಚಾನ ಆಂಬೊ ಕಾಡ್ಕಾ ಜಾಲ್ಯಾರಿ ಕೊಕ್ಕೆ ಜಾವ್ಕಾ ಪಡ್ತಾ, ಮಾರ್ಕೇಟಾನ ಖಂಚೇ ಸಾಮಾನು, ರಾಂದಯಕಾಯ ಹಾಡ್ಕಾ ಜಾಲ್ಯಾರಿ ಚೀರಿ, ಜಾಂವೊ ಖೋಟ್ಟೊ ವ್ಹರಕಾ ಪಡ್ತಾ. ಚಿಕ್ಕೆ ವಿಚಾರ ಕರಾ ಆಮಗೇಲೆ ಲಾಗ್ಗಿ, ದೋಳ್ಯಾಕ ದೆಕ್ಕೂ ಪೊಡ್ಚೆ ಹೇ ಪೂರಾ ಹಾಡಚಾಕ ಆನ್ನೇಕಾಚೆ ಸಹಾಯು ಜಾವ್ಕಾ ಮ್ಹಣತಾನಾ ಜೀವನ ಯಾತ್ರಾ ಸಸೂತ್ರಾನ ಪೂರ್ತಿ ಕೋರ್ನು ವಚ್ಚೂಕ ಖಾಂಯ್ತರಿ ನಾಕ್ಕವೇ? ತಾಜ್ಜ ಖಾತ್ತಿರಿಚಿ ಆಮಗೇಲೆ ಋಷಿಮುನೀನ ತಪಃಶ್ಚರ್ಯಾನಿ ಸಾಧನೇನ ಸೊದ್ದಿಲೆ ವಾಟಚಿ ‘ಧರ್ಮ. ತಾನ್ನಿ ಹೇ ಸೊದ್ದೂನು ಹ್ತಾಂಚಿ ವಾಟ್ಟೇರಿ ವಚ್ಚಾ, ಹಾಜ್ಜೇನ ಬರೇಪಣ ಆಸ್ಸ ಮ್ಹೊಣು ಕಳೈಲೆ. ಮ್ಹಳ್ಯಾರಿ ‘ಧರ್ಮ ಜೀವನ ಯಾತ್ರೆಚೆ ನಕ್ಷೆ ಆಶ್ಶಿಲ್ವರಿ. ತೇ ನಕ್ಷೆ ಘೇವ್ನು ಆಮ್ಮಿ ತ್ಯಾಂಚಿ ವಾಟ್ಟೇರಿ ಚಮ್ಕಿಲ್ಯಾರಿ ಯಶ ಮೇಳ್ನೂ ಮೆಳ್ತಾ. ವಚ್ಚೊ ಆಮ್ಮಿ ಹೇ ಧರ್ಮಾಚರಣ ಕರ್ನಾತಿ, ಹೇ ಪೂರಾ ಮಾಕ್ಷಿ ಕಾಲಾಚೆ ಅನಾಗರೀಕ ಲೋಕಾನ ಕೆಲೇಲೆ ಮೂಢ ಆಚರಣ ಮ್ಹೊಣು ಸಮಜೂನು ಆಮ್ಮಿ ನಿರಾಕರಣ ಕರತಾತಿ ಮ್ಹಳ್ಯಾರಿ ಆಮ್ಮಿ ಖಂಚೆ ತತ್ತ್ವಾದರ್ಶಾರಿ ವಾಂಚತಾತಿ? ತತ್ತ್ವ ರಹಿತ ಜಾವ್ನು ವಾಂಚೆ ಮ್ಹಳ್ಯಾರಿ ಪಶು ಜಾಂವೊ ರಾಕ್ಷಸೀ ಕೃತ್ಯ ಜಾಯನಾಂವೆ?
ಧರ್ಮ ಏಕ ವಾಟ ಮ್ಹಣೋನು ಘೆತ್ತಾ ಕಶ್ಶಿ? ತೇ ಆಮಕಾ ಖಂಯ್ಕ ಆಪ್ಪೋನು ವ್ಹರತಾ? ಏಕ ಜಾಗೇಚಾನ ಜಾಂವೊ ಗಾಂವ್ಚಾನ ಆನ್ನೇಕ ಜಾಗೇಕ ಜಾಂವೊ ಗಾಂವಾಕ ಆಮಕಾ ವ್ಹರಚೆ ಸಾಧನ ವಾಟ ಜಾಂವೊ ರಸ್ತೊ. ಆದ್ಗತೀಂತು “ಚಮಕೂನು ಚಮಕೂನು ವಾಟ ಜಾತ್ತಾ ಮ್ಹಣತಾ ಆಶ್ಶಿಲೆಂ. ಹೇ ಅರ್ಥಾರಿ ಘೆಲಯಾರಿ ಜೀವನ ಕಶ್ಶಿ ಚಲೋವಕಾ? ಕಶ್ಶಿ ಚಲೊವಚಾಕ ನಜ್ಜ ಮ್ಹೊಣು ಆಮಾಕಾ ದಾಖೋವನು ದಿವಚೆ ವಾಟಚಿ “ಧರ್ಮ ಹೇ ಏಕಳ್ಯಾನ ಶೋಧನ ಕೆಲೇಲೆ ನ್ಹಂಹಿ, ಹಾಂವೆ ವಯ್ರಿ ಸಾಂಗಲ್ವರಿ ಆಮಗೇಲೆ ಮಾಲಗಡೇ ಅಸಂಖ್ಯಾತ ಲೋಕ ಹಾಂತು ಚಮಕೂನು, ಅನುಭವ ಘೇವ್ನು ಮೂಕಾರಿ ಯವಚೆ ಪೀಳಿಗೇಚೆ ಬರೆಪಣ ಖಾತ್ತಿರಿ ‘ಅಶ್ಶೀ ಚಮಕಿಯಾ ಹಾಜ್ಜೇನ ತುಮಕಾ ಚಾಂಗ ಜಾತ್ತಾ, ಸಮಾಜಾಕ ಬರೆಂ, ಅಶ್ಶಿ ಚಮ್ಕೂನಾಕ್ಕಾತಿ ಹಾಜ್ಜೇನ ತುಮಕಾ ಬರೆಂ ಜಾಲ್ಯಾರೀ ಸಮಾಜಾಕ ಪಾಡ ಜಾತ್ತಾ, ಅಶ್ಶಂತೂ ಚಮಕೂನಾಕ್ಕಾತಿ ಹಾಜ್ಜೇನ ತುಮಕಾ ಆನಿ ಸಮಾಜಾಕ ದೊಗ್ಗಾಂಕ ವಾಯ್ಟ ಜಾತ್ತಾ ಮ್ಹೊಣು ಪೂರಾ ಸಾಂಗಿಲೇಚೆ ಸಂಗ್ರಹಚಿ ‘ಧರ್ಮ ಮ್ಹಳ್ಯಾರಿ ಧರ್ಮ ಮ್ಹಣಚೆ ಅಸಂಖ್ಯಾತ ಲೋಕಪ್ರಿಯ, ನಿಃಸ್ವಾರ್ಥಿ, ಅನುಭವಿ ಲೋಕಾಲೆ ಅನುಭವು. ಕಾಲ ಕಾಲಾಕ ಬದಲ್ತಾ ಘೆಲೇಲೆ ತಶ್ಶಿ ಧರ್ಮಾಚೆ ಅಭಿವೃದ್ಧಿ ಜಾತ್ತಾ ಮ್ಹಣಚೆ ಸತ್ಯ ಜಾಲ್ಯಾರಿಚಿ ತಾಜ್ಜೆ  ಮೂಲ ತತ್ತ್ವ, ಸಿದ್ಧಾಂತ ಬದಲ್ನಾ ಮ್ಹಣಚೆ ಆಮ್ಮಿ ವಿಸರೂಕ ನಜ್ಜ.
ಕಿತ್ಲಕಿ ಪಂತಾ ಆಮಕಾ ಆಮಗೇಲೆ ಧರ್ಮ ಕಷ್ಟದಾಯಕ ಮ್ಹೊಣು ದಿಸಚಾಕ ಪುರೊ, ಆಯಚೆ ಕಾಲಮಾನಾಕ ತ್ಯಾ ಆಚರಣ ಕೊರಚೆ ಕಷ್ಟ ಮ್ಹೊಣೂ ದಿಸಚಾಕ ಪುರೊ, ತಾಂತುಲೆ ನಂಬಿಕೇಕ ಖಂಚೆ ಆಧಾರ ನಾ, ಮೂಢ ನಂಬಿಗಾ ಮ್ಹೊಣೂಯಿ ದಿಸಚಾಕ ಪುರೊ. ತಶ್ಶಿ ಮ್ಹೊಣು ಏಕದಂ ಆಮಗೇಲೆ ಧರ್ಮಾ ತಾಕೂನು ವಿಮುಖ ಜಾವ್ನು ಆನ್ನೇಕ ಧರ್ಮ ಪೊಟೋನು ಘೆವಚೆ ಖಂಡಿತ ಬುದ್ದೊಂತಿಕ ನ್ಹಂಹಿ. ಕಾಲಮಾನ ಏಕ್ಕಾ ನಮೂನೋ ಆಸ್ಸನಾ. ಪೂಡೇ ಏಕ ಕಾಲ ಆಶ್ಶಿಲೆಂ ತೆದನಾ ಏಕ್ಕಡೆಚಾನ ಆನ್ನೇಕ ಕಡೇಕ ವಚ್ಚಾಕ ಆತ್ತಾ ವರಿ ಬಸ್, ಕಾರ ನಾಶ್ಶಿಲೆಂ, ಏಕ್ಕಡೆ ಸುದ್ಧಿ ಆನ್ನೇಕ ಕಡೇಕ ವಚ್ಚೂನು ಪಾವಚಾಕ ಆಠ್ಚಡೆ ನ್ಹಂಹಿ ಮೈನೋಗಟ್ಲೆ ಲಾಗ್ತಾಶ್ಶಿಲೆಂ. ರಾಯಾಲ ದರ್ಭಾರು ಚಲ್ತಾಶ್ಶಿಲೆಂ ಕಾಲಾಂತು ಯುದ್ದ, ಜೀಕ, ಹಾರ ಪೂರಾ ಸಾಮಾನ್ಯ ಆಶ್ಶಿಲೆಂ, ತ್ಯಾ ಪೂರಾ ಕಾರಣಾನ ತ್ಯಾ ತ್ಯಾ ಕಾಳಾಂತು ಸಾಮಾನ್ಯ ಲೋಕಾನಿ ಸಮಾಧಾನಾನಿ ವಾಂಚ್ಕಾ  ಮ್ಹಣಚೆ ಕಾರಣಾನ ಸಬಾರ ಆಚರಣ ಯವ್ನಾಸ್ಸುಕ ಪುರೊ. ತಾಜ್ಜ ವಯರಿ ತ್ಯಾ ತ್ಯಾ ಕಾಲಾಚೆ ರಾಯಾಲೆ ಜಾಂವೊ ಪ್ರಭುತ್ವಾಚೆ ಪ್ರಭಾವು ಪೋಡ್ನು ಆಚರಣ ವಿಕಾರ ಜಾವ್ನಾಸ್ಸುಕ ಪುರೊ. ಹೇ ಸಾಮಾನ್ಯ, ಆಮಗೇಲೆ ಸಂಸ್ಕೃತಿ, ಮೌಲ್ಯ ರಾಕಚಾಕ ತೆದ್ನಾ ತ್ಯಾ ಅತ್ಯಗತ್ಯ ಆಶ್ಶಿಲೆ ಮ್ಹೊಣು ಸಮಜೂಕಾ ಜಾತ್ತಾ. ಉದಾಹರಣೇಕ ಮಾಕ್ಷಿ ಕಾಲಾಂತು ರಾಜ್ಯ ರಾಜ್ಯಾ ಮಧ್ಯೆ ಯುದ್ಧ ಸರ್ವೇ ಸಾಮಾನ್ಯ ಜಾವ್ನು ಆಶ್ಶಿಲೆಂ. ತೆದ್ದನಾ ಯುದ್ದಾಂತು ಆತ್ತಾ ತಶ್ಶಿ ಬಾಂಬ್, ವೆಸಲ್ಸ್, ವಿಮಾನ ಪೂರಾ ವಾಪರ್ನಾ ಆಶ್ಶಿಲೆ. ಸೈನಿಕ, ತಾನ್ನಿಚಿ ಯುವಕಾರ(ಯುವಕ) ಜಾವ್ನಾಸ್ತ ಆಶ್ಶಿಲೆಂ. ಹರ್‍ಯೇಕ ಯುದ್ದಾಂತು ಹಜಾರೋ ಸಂಖ್ಯಾರಿ ಯುವಕ ಸೈನಿಕ ಮರತಾ ಆಶ್ಶಿಲೆಂ. ಮ್ಹಳ್ಯಾರಿ ಧಾರಲ್ಲ್ಯಾಲೆ ಅಂಕಡೊ ಊಣೆ ಆಶ್ಶಿಲೆಂ. ತೆದ್ದನಾ ಬಾಮ್ಮುಣು ಮೆಲ್ಲಿಲ್ಯಾನ ಪರತ ಲಗ್ನ ಜಾಲ್ಯಾರಿ ಉರಲೇಲೆ (ಲಗ್ನ ಜಾಯನಾತ್ತಿಲೆ) ಚೆಲ್ಲಿಯಾಂಕ ಚಲ್ಲೊ ಮೇಳ್ನಾ ಮ್ಹಣಚೆ ಖಾತ್ತಿರಿ ವಿಧವೇಕ ಪುನರ್‌ವಿವಾಹ ನಾ ಮ್ಹಣಚೆ ರಿವಾಜು ಆಯ್ಲಶಿ ದಿಸ್ತಾ. ಬ್ರಾಹ್ಮಣ ಸಾತ್ವಿಕ, ಸಂಪನ್ನ ಲೋಕ, ಜ್ಞಾನ, ಸಾಧನಾ ತಾಂಗೇಲೆ ಆಸ್ತಿ, ಅಲ್ಪ ತೃಪ್ತ, ಸದ್ಗುಣಿ, ಸದಾಚಾರಾಂತು ವಾಂಚತಾತಿ,  ತಾಂಕಾ ವಾಯ್ಟ ಉಲಯಲ್ಯಾರಿ ವಾಂಚ ನಾ, ದೇವಾಕ ಅಪಮಾನು ಕೆಲೇಲ್ವರಿ ಮ್ಹೊಣು ಸರ್ವ ತಾಂಕಾ ಮಾನ ದಿತ್ತಾ ಆಶ್ಶಿಲೆಂ. ಅಸ್ಸಲೆ ಅಸಂಖ್ಯಾತ ದೃಷ್ಟಾಂತ ದಿವ್ಯೇತ.
ಏಕ ರಸ್ತೊ ಮ್ಹಳ ಮಾಗಿರಿ ತಾಕ್ಕಾ ಸಬಾರ ಉಪಮಾರ್ಗ ಯವ್ನು ಮೆಳತಾತಿ. ತ್ಯಾ ಖಾತ್ತಿರಿ ಖಂಚೆ ಏಕ ರಸ್ತೊ ಖಾಲಿ ದೊನ್ನೀ ಗಾಂವಾಕ ಮಾತ್ರ ಸಂಪರ್ಕ ಕರ್ನಾ. ಹಜಾರೋ ಭರಿ ಗಾಂವಾಕ ಸಂಪರ್ಕ ಕೊರಚಾಕ ಶಕ್ತಾ. ತಶ್ಶಿಚಿ ಏಕ ಧರ್ಮಾಂತೂ ವಿಂಗ ವಿಂಗಡ ತತ್ವ್ತಾಚರಣೇಚೆ ಲೋಕ ಮೆಳತಾತಿ. ಆಮ್ಮಿ ಅಮ್ಮುಖೆ ವಾಟ್ಟೇರಿ ಚಮ್ಕಿತಾತಿ ಮ್ಹಳಸತಾ ತಾಜ್ಜೇನ ತ್ಯಾ ಮಾರ್ಗಾಕ ಖಂಚಕಿ ಮುನಾಪೊ ಮೆಳ್ತಾ ಮ್ಹೊಣು ಸಮಜಿತಾಲೊ ಬದ್ದಕ ಮೂಢ. ಆಮಕಾ ತ್ಯಾ ಗಾಂವಾಕ ವಚ್ಚೂನು ಪಾವಚಾಕ ಸುಲಭ ಜಾಲ್ಲೆ, ಮದ್ದತ ಜಾಲ್ಲೆ ಮ್ಹೊಣು ಸಮಜೂಚೆ ಯಥಾರ್ಥ ಜ್ಞಾನ. ರಸ್ತೊ ಮ್ಹಳ್ಳ ಮಾಗಿರಿ ತಾಜ್ಜ ವಯರಿ ಪಾತ್ತೊರು, ಕಾಂಟೊ, ಏರ ಚಡಚೆ, ಇಳಕಲ ದೆವಚೆ ಹೇ ಪೂರಾ ಸಾಮಾನ್ಯ ವಿಷಯು. 
ಹಾಜ್ಜ ವರಿ ಆಮ್ಮಿ ಧರ್ಮಾಚರಣ ಕೊರಚೆ ತಾಕೂನು ಧರ್ಮಾಕ ಖಂಚೇಯಿ ಮುನಾಪೋ ನಾ, ಬದಲಾಕ ತಾಜ್ಜೇನ ಆಮಗೇಲೆ ಅಭಿವೃದ್ಧಿ ಘಡತಾ. ಧರ್ಮಾಂತೂ, ರಸ್ತೇರಿ ಮೆಳಚೆ ಕಾಂಟೊ, ಫಾತ್ರಾ ವರಿ ಸಬಾರ ಕಷ್ಟಾಚೆ ಆಚರಣ, ಖರ್ಚಾಚೆ ಕಾರಣ ಘಡೋನು ಹಾಡಕಾ ಪಡ್ತಲೆ. ತಾಜ್ಜೆ ರೀತಿ-ರಿವಾಜಾನ ಆಮಗೇಲೆ ಪ್ರತಿಷ್ಠೆಕ ಮಾರ ಬಸಚೆ ಫಾವ ಆಸ್ಸ. ಆಯಚೆ ಕಾಲ, ಸಂದರ್ಭಾಕ ಖಂಚೇಯಿ ಸಂಬಂಧು ನಾತ್ತಿಲೆ ಅಸ್ಸಲೆ ರೀತಿ-ರಿವಾಜ ಧರ್ಮ ಮಾರ್ಗಾರಿ ಪಡಿಲೆ ಕಾಂಟೊ, ಫಾತ್ತೊರು. ಜವಾಬ ಮೇಳ್ನಾತ್ತಿಲೆ, ಪ್ರತ್ಯಕ್ಷ ಪ್ರತಿಫಲ ನಾ ಮ್ಹೊಣು ದಿಸಚೆ ಅಸ್ಸಲೆ ಆಚಾರ-ವಿಚಾರ ಕಿತಯಾಕ ಕೊರಕಾ? ಮ್ಹೊಣು ಧರ್ಮಾ ತಾಕೂನು ವಿಮುಖ ಜಾವಚೆ ಶ್ರೇಯಸ್ಕರ ನ್ಹಂಹಿ. ತಶ್ಶಿ ಕೊರಚೆ  ಮ್ಹಳ್ಯಾರಿ ರಸ್ತೆ ವಯರಿ ಕಾಂಟೊ ಆಸ್ಸ ಮ್ಹೊಣು ನಂಯ್ಕ ಉಡ್ಡಿಲ್ವರಿ. ತ್ಯಾ ಆಚಾರ-ವಿಚಾರ ಖಂಚೆ ಸಂದರ್ಭಾರಿ ಆಮಗೇಲೆ ಧರ್ಮಾಂತು ಘೂಸಲೆಂ? ಸಮಾಜಾಂತು ತೆದನಾಚೆ ಪರಿಸ್ಥಿತಿ ಕಶ್ಶಿ ಆಶ್ಶಿಲೆಂ ಹೇ ಪೂರಾ ಸೂಕ್ಷ್ಮ ಜಾವ್ನು ಅವಲೋಕನ ಕರತಾ ವಚ್ಕಾ. ಪರಿಹಾರ ಮೇಳ್ನೂ ಮೆಳ್ತಾ.
ಕೆಲವ ದುಷ್ಟ, ಸಮಾಜದ್ರೋಹಿ, ಭಯೋತ್ಪಾದಕ ಲೋಕ ರಸ್ತೆ ವಯರಿ ವ್ಹಡ ವ್ಹಡ ಪೋಂಡು ಕಾಡ್ನು ದವರಚಾಕ ಪುರೊಂತಿ. ತಾಂಗೆಲೆ ಉದ್ದೇಶ ಜನಜೀವನ ಅಲ್ಲೋಲ ಕಲ್ಲೋಲ ಕೊರಕಾ ಮ್ಹೊಣು, ತಶ್ಶಿಚಿ ಏಕ ಧರ್ಮಾ ವಯರಿ ದ್ವೇಷ, ಜಾಳ ದಾಖಯ್ಚೆ ಲೋಕ ಆನ್ನೇಕ ಧರ್ಮಾಂತು ಆಸಲೇರಿ ತಾನ್ನಿ ಧರ್ಮ ರಸ್ತೆರಿ ಅಸ್ಸಲೆ ಪೊಂಡು ಕಾಂಡೂಚೆ ಲೋಕ ಮ್ಹಣ್ಯೇತ. ತಾನ್ನಿ ಆಮಕಾ ಆಮಗೇಲೆ ಧರ್ಮಾಚಾನ ವಿಮುಖ ಕೊರಚೆ ಖಾತ್ತಿರಿ ಆಮಗೇಲೆ ಧರ್ಮಾಚೆ ವಾಯ್ಟ, ಕುರೂಪ ಉಬ್ಬೋರ್ನು ದಾಖಯತಾತಿ. ಪ್ರತಿಯೇಕ ಧರ್ಮಾಂತು ಚಾಂಗ ತತ್ತ್ವಾದರ್ಶ ಆಶ್ಶಿಲ ವರಿ ಖಾಂಯ ನಾ ಖಾಂಯ ವಾಯ್ಟ ಅಂಶ ಆಸ್ಸೂನು ಆಸ್ತಾ. ಥಂಳೆಚೆ ನಿತ್ತಳ ಉದ್ಕಾ ಮೂಳಾಂತು ಥೊಡೆ ತರಿ ಕೂಸ್ಸಡ ಆಶ್ಶಿಲ್ವರಿ. ಥಾರ್ ರಸ್ತೆ ವಯರಿ ಥೊಡೆ ತರಿ ದೂಳಿ ಆಶ್ಶಿಲ್ವರಿ. ಹೇ ಅರ್ಥುನು ಘೇವ್ನು, ವಾಯ್ಟ-ಚಾಂಗ ಕೋಳ್ನು ಘೆವ್ಚೆ ಸಾಮರ್ಥ್ಯ ಆಮ್ಮಿ ವಾಡ್ಡೋನು ಘೆವಕಾ.
(ಸಶೇಷ)       ಆರಗೋಡು ಸುರೇಶ ಶೆಣೈ

ಹೇ ಲೇಖು ದೇವನಾಗರಿ ಲಿಪಿಂತು ವಾಚ್ಚೂಚಾಕ ಆಮಗೇಲೆ  http://konkaniprabha.blogspot.com  ಹಾಂಗಾಕ ಭೆಟ್ಟೀಯಾ.

ಮೆಗೇಲೆ ಉತ್ತರ

(ಸರಸ್ವತಿ ಪ್ರಭಾ ೧೫-೦೧-೨೦೧೨)

     ಪಯ್ರಿ ಬಸ್‌ಸ್ಟ್ಯಾಂಡಾಂತು ಏಕಳೋ ವಿಂಗಡ ಗಾಂವ್ಚೊ ಒಳ್ಕಿಚೊ ಮೆಳ್ಳಿಲೊ. ಹಾಂವೆ ನಿಮ್ಗಿಲೆ ‘ಆರೇ ಹಾಂಗ ಕಿತ್ತೆ..? ಮ್ಹೊಣು. ತಾಕ್ಕಾ ತೋ ಮನುಷ್ಯು ಮ್ಹಳಿಲೊ “ಖಾಂಯನಾಗಾ, ಮೆಗೇಲೊ ಬಾಂವು ಏಕಳೊ ಹೇ ಗಾಂವಾಂತೂ ಆಸ್ಸ. ತಾಕ್ಕಾ ಪಳಯಚಾಕ ಆಯ್ಯಿಲೊ. ಮ್ಹೊಣು ಸಾನಸ್ವರಾಂತು ಸಾಂಗಲೊ. ತಾಗೇಲೆ ಉತ್ತರ ಆಯಕಲಿ ತೆದ್ದನಾ ಮಾಕ್ಕಾ ತೋ ಮಸ್ತ ಬೇಜಾರಾಂತು ಆಶ್ಶಿಲ್ವರಿ ದಿಸಲೆ. “ಕಿತಯಾಕ ತೂ ಬೇಜಾರಾಂತು ಆಶ್ಶಿಲ್ವರಿ ಆಸ್ಸಮೂ! ಮ್ಹಳ್ಳೆ.  ತಾಕ್ಕಾ ತೊ ಮ್ಹಳಿಲೊ “ಪಳೆ ಹಾಂವ ಗಾಂವಾಂತು ಏಕ ಘರ ಬಾಂತಾ ಆಸ್ಸ. ಸರ್ಕಾರಿ ನೌಕರೀಂತು ಆಶ್ಶಿಲೊ ಮೆಗೇಲೆ ಬಾಂವಾಲಾಗ್ಗಿ ಖಾಂಯ್ಪೂಣಿ ದುಡ್ವಾ ಸಹಾಯು ನಿಮಗೂವ್ಯಾ ಮ್ಹೊಣು ಆಯಲೊ, ಜಾಲ್ಯಾರಿ ನಿಮ್ಗಿಲ್ಯಾಕ ತಾಣೆ ಖಾಲಿ ಪಂಚ್ವೀಸ ಹಜಾರ ರೂಪ್ಪಯ ಮಾತ್ರ ದಿಲ್ಲಿ. ಮ್ಹಳಾಲೊ. “ತಿತ್ಲ ಪೂಣಿ ದಿಲ್ಲಮೂ ಆನಿ ಕಿತಯಾಕ ಬೇಜಾರ ಕೋರ್ನು ಘೆತ್ಲ್ಯಾ? ಮ್ಹಳೆ ಹಾಂವೆ. ತಾಕ್ಕಾ ತೊ “ಪಳೇಯಾ ತಾಗೇಲಾಗ್ಗಿ ದುಡ್ವಾಕ ಖಾಂಯಿ ಊಣೆ ನಾ. ಮನ ಕೆಲ್ಯಾರಿ ಪಾಂಚ ಲಾಕ್ ರೂಪಯ ದಿವ್ಯೇತ. ಕನಿಷ್ಠ ಏಕ ಲಾಕ್ ರೂಪಯ ಪೂಣಿ ದಿವ್ಯೇತ ಆಶ್ಶಿಲೆಂ ನ್ಹಂಹಿವೇ? ತಿತ್ಲೊ ದೀನಿಮೂ ಮ್ಹೊಣು ಬೇಜಾರು ಮ್ಹಳೇಲ ತೆದ್ದನಾ ಖಂಡಿತ ಹಾಂವ ದಂಗ ಮಾರ್ನು ಘೆಲ್ಲೊ.
ಮಸ್ತ ಲೋಕ ಅಶ್ಶೀ ವಿಚಾರ ಕರತಾತಿ. ತಾಗ್ಗೆಲ್ಯಾಗ್ಗಿ ಜಾಯ ತಿತ್ಲೆ ಆಸ್ಸಮೂ, ಆನಿ ಇತ್ಲೆ ಮಾಕ್ಕಾ ದಿವ್ಯೇತ ಆಶ್ಶಿಲ ಮೂ! ಮ್ಹೊಣು. ಜಾಲ್ಯಾರಿ ಆಮ್ಮಿ ತಾಂಕಾ ಕಿತ್ಲೆ ದಿತ್ತಾತಿ?  ಕಸ್ಸಲೆ ದಿತ್ತಾತಿ, ಕೆದ್ನ ದಿಲ್ಲಾ ಮ್ಹೊಣು ಅಸ್ಸಲೆ ಲೋಕ ಏಕ್ಪಂತ ಪೂಣಿ ವಿಚಾರ ಕರ್ನಾತಿ. ವ್ಹಯಿ ಆನ್ನೇಕ್ಲೆ ದಿತ್ತಾತಿ ಮ್ಹೊಣು ರಾಕತಾ ಆಸ್ಸುಚೆ ತಾಕೂನು, ತಾನ್ನಿ ದೀನಾತ್ಲಿರಿ ಕೊಪ್ಪುಚೆ, ಬೇಜಾರ ಪಾವ್ಚೆ ನಿಮಿತ್ತಾನ ಕೋಣಾಂಕ ಅಭಿವೃದ್ಧಿ ಪಾವಚಾಕ ಜಾಯನಾ. ಆನ್ನೇಕ್ಲಿ ಆಮಕಾ ದಿತ್ತಾತಿ ಮ್ಹಳ್ಯಾರಿ ತ್ಯಾ ತಾಂಗೆಲೆ ಕಷ್ಟಾಚೆ ದುಡ್ಡು, ತಾಂಗೆಲೆ ಪರಿಶ್ರಮಾಕ ಮೆಳ್ಳಿಲೆ ಪ್ರತಿಫಲ. ತಾಂಕ ಮ್ಹೆಳೇಲೆ ಪ್ರತಿಫಲ ಆಮ್ಮಿ ಖಾತ್ತಾತಿ ಮ್ಹಳ್ಯಾರಿ ತಾಕ್ಕ ತಕ್ಕ ಜಾವ್ನು ಆಮಗೇಲೆ ಪುಣ್ಯ ಫಲ ತಾಂಕಾ ದಿವಕಾ ಪಡ್ತಾ. ತ್ಯಾಂಚಿ ಖಾಂಯಿ ಪರಿಶ್ರಮು ಕರ್ನಾಶಿ ಆನ್ನೇಕ್ಲ್ಯಾಲೆ ಕಷ್ಟ ಫಲ ಆಮ್ಮಿ ಖಾತ್ತಾತಿ ಮ್ಹಳೀಲೆ ತೆದ್ದನಾ ಆಮಗೇಲೆ ಪುಣ್ಯಫಲ ತಾಪ್ಪಿಲೆ ಕಾಯ್ಲಿ ವಯ್ರಿ ಪಳ್ಳಿಲೆ ಉದ್ದಾಕ ಕಿತ್ಲೆ ಬೇಗಿ ಆಟ್ಟೂನು ವತ್ತಕಿ ತಶ್ಶಿ ಕರಗೂನು ವತ್ತಾ.  ತ್ಯಾ ಖಾತ್ತಿರಿಚಿ ದಾನಾಕ ಮಸ್ತ ಫಲ ಮ್ಹಣಚೆ.
ಆನ್ನೇಕ್ಲಿ ದಿತ್ತಾತಿ ಮ್ಹೊಣು ಆಮ್ಮಿ ಘೆತ್ತಾ ಘೆಲ್ಯಾರಿ ಆಮಕಾ ಕಷ್ಟ ಕೊರಚೆ, ಪರಿಶ್ರಮು ಕೊರಚೆ ಭಾವನಾ ವಿಸೋರ್ನು ವಚ್ಚೂನು ಕೆದ್ನಾಯಿ ಆಮ್ಮಿ ಆಜಿ ಕೋಣ ದಿತ್ತಾತಿ,  ಕೋಣಾಲಾಗ್ಗಿ ನಿಮ್ಗೂವ್ಯಾ ಮ್ಹೊಣು ಸೊತ್ತಾ ಉರಚೆ ಪಾಳಿ ಯತ್ತಾ. ಮ್ಹಳಯಾರಿ ದಿತ್ತಾಲಿ ಕಿತ್ಲ ಮ್ಹೊಣು ದಿತ್ತಾತಿ? ಹಳೂ ಹಳೂ ತಾನ್ನಿ ಆಮ್ಮಿ ಆಯ್ಲಿ ಮ್ಹಳ್ಯಾರಿ ತೋಂಡ ಚುಕ್ಕೋನು ವಚ್ಚೂಕ ಪ್ರಯತ್ನ ಕರತಾತಿ. ಆಮಗೇಲೆ ಸಂಬಂಧ ತುಂಟೋನು ಘೆವುಕಾ ಮ್ಹೊಣು ಆಸಲೇರಿ ವ್ಹಡ ನ್ಹಂಹಿ. ಆನಿ ಮಾಕ್ಷಿಚಾನ ದುಸ್ರ್ಯಾಲಾಗ್ಗಿ ನ್ಹಂಹಿ ನಾತ್ತಿಲೆ ಶಿಕ್ಕೋನು ದೀವ್ನು ಸಮಾಜಾಂತು ಆಮಗೇಲೆ ವಜನ (ಗೌರವ) ಊಣೆ ಕೊರಚಾಕ ಪುರೊಂತಿ.  ನಾಂವೆ ದೀವ್ನು ತಾಂಗೆಲೆ ದರ್ಪ ದಾಖಯ್ಚಾಕ ಪುರೊಂತಿ. ತ್ಯಾ ಖಾತ್ತಿರಿ ಕೆದನಾಂಯಿ ಆನ್ನೆಕ್ಲ್ಯಾನ ದೀನಿಮೂ ಮ್ಹೊಣು ವಳವಳಚ ಪಶಿ ಆಮ್ಮಿ ಕಷ್ಟ ಕೋರ್ನು ಜೊಳ್ಳಿಲ್ಯಾಕ ವಜನ ಚ್ಹಡ. ಪರಿಶ್ರಮು ಕೊರಚೆ ಅಭ್ಯಾಸು ಜಾಲೇಲ್ಯಾಕ ಅಭಿವೃದ್ಧಿ ಮ್ಹಣಚೆ ಉದ್ದಾಕ ಪಿಲ್ಲೆಲೆ ತಿತ್ಲೆ ಸುಲಭ ಜಾತ್ತಾ. ತೊ ಖಂಚೆಂತೂ ಹಾತು ಘಾಲೊ, ಹಾತು ಘಾಲ್ಚೆ ಭಿತ್ತರಿ ಅರ್ಧ ಯಶ ತಾಕ್ಕಾ ಮೇಳ್ನು ಆಸ್ತಾ. ಕಿತಯಾಕ ಮ್ಹಳ್ಯಾರಿ ಪರಿಶ್ರಮಿಕ ಪ್ರಕೃತಿ ಪುಸ್ಸೂನು ಸಹಾಯು ಕರ್ತಾ ಮ್ಹಣಚೆ ತುಮ್ಮಿ ಆಯ್ಕನಿಮೆಂ?
ಸರ್ವಾಂಕ ದೇವು ಬರೆ ಕೊರೊಂ    - ಆರಗೋಡು ಸುರೇಶ ಶೆಣೈ, ಸಂಪಾದಕು

ಸರಸ್ವತಿ ಪ್ರಭಾದ  15 ಜನವರಿ 2012 ಸಂಚಿಕೆಯ ವಿಶೇಷಗಳು

* ಮೆಗೇಲೆ ಉತ್ತರದಲ್ಲಿ ``ಇನ್ನೊಬ್ಬರು ಕೊಟ್ಟು ನಾವು ಉದ್ದಾರವಾಗಲು ಸಾಧ್ಯವೇ?'' ಅನ್ನುವ ಬಗ್ಗೆ ಚರ್ಚೆ, * ವಿಶೇಷ ಲೇಖನಗಳಾದ ``ಪುಡುಷೋ ವಾವ ಯಜ್ಞ ಮತ್ತು ಧರ್ಮ ಮತ್ತು ದಾರಿ (ಆರ್ಗೋಡು ಸುರೇಶ ಶೆಣೈ), * ಮಕರ ಸಂಕ್ರಾಂತಿಯ ಬಗ್ಗೆ ಪರಿಚಯ ಲೇಖನ, * ತಿಂಗಳ ಕತೆ ``ದಿವೋಡು ದಿವೋಡು'', *ಶ್ರೀಮತಿ ಜಯಶ್ರೀ ನಾಯಕ ಎಕ್ಕಂಬಿ ಅವರ ``ವೃಕ್ಷೋ ರಕ್ಕತಿ ರಕ್ಕಿತ'', * ಥಂಡಿಂತು ಚಾಮ್ಮಾ ರಕ್ಷಣ, * ಉತ್ತರ ಭಾರತೀಯ ಖಾಣ -ಜವಣ, * ಧಾರವಾಹಿ ಪ್ರಾಪ್ತಿ ಯ 14ನೇ ಕಂತು, ಕೋಟೇಶ್ವರದಲ್ಲಿ ಜರುಗಿದ ಜಿ ಎಸ್.ಬಿ. ಸ್ವಾಭಿಮಾನ ಸಮಾವೇಶದ ಚಿತ್ರ ವರದಿ, ಇತರ ವಿಶೇಷ ಲೇಖನಗಳು, ವಿವಿಧ ಊರುಗಳ ಕೊಂಕಣಿ, ಜಿ.ಎಸ್.ಬಿ. ಸುದ್ಧಿ ಸಮಾಚಾರಗಳ ರಸದೌತಣ ಇಂದೇ ಓದಿರಿ.