ಕೊಂಕಣಿ ಪ್ರಭಾ ಸರಸ್ವತಿ ಪ್ರಭಾ ಬ್ಲಾಗ್ ವಾಚಕ ಬಾಂಧವ ಕಡೇನ ಏಕ ಮಾಗಣಿ

ಘೆಲೇಲೆ ಸಬಾರ ದಿವಸಾ ಥಾಕೂನು ತುಮ್ಮಿ ಹೇ ಬ್ಲಾಗ್ ವಾಚತಾ ಆಯಲಿಂತಿ. 1989 ಜೂನ್ ಮೈನ್ಯಾಚಾನ ನಿಯಮಿತ ಜಾವ್ನು ಹುಬ್ಬಳ್ಳಿ ಸಾನ ಪ್ರಕಟ ಜಾತ್ತಾ ಆಶ್ಶಿಲೆ ``ಸರಸ್ವತಿ ಪ್ರಭಾ'' ಕೊಂಕಣಿ ಮಾಸಿಕಾಂತು ಪ್ರಕಟ ಜಾವ್ಚೆ ಕೊಂಕಣಿ ಖಬ್ಬರ ಾಮ್ಮಿ ಹೇ ಬ್ಲಾಗಾಂತು ಪ್ರಕಟ ಕರ್ತಾ ಆಶ್ಶಿಲೆ. ಸರಸ್ವತಿ ಪ್ರಭಾ ಮೇ 2014ಕ ಾಪಣಾಲೆ 25 ವರ್ಷಾಚೆ ಪ್ರಕಟಣಾ ಪೂರ್ತಿ ಕರ್ತಾ. ಘೆಲೇಲೆ 25 ವರ್ಷಾಂತು ಆಮ್ಮಿ ಕೊಂಕಣಿ ಖಾತ್ತಿರಿ 250 ಪಶಿ ಚ್ಹಡ ಲ್ಹಾನ ಕಾಣಿ, 500 ಪಶಿ ಚ್ಹಡ ಲೇಖನ, 50 ಪಶೀ ಚ್ಹಡ ಚೆರ್ಡುಂವಾ ಕಾಣ್ಯೋ, 10 ಪಶಿ ಚ್ಹಡ ಧಾರವಾಹಿ ಕಾದಂಬರಿ, ಹಾಸಯ, ಆರೋಗ್ಯ, ವ್ಯಕ್ತಿ ಪರಿಚಯ, ಪ್ರವಾಸ ಕಥನ, ಕಾವ್ಯ ಇತ್ಯಾದಿ ಬಹುಮೂಲ್ಯ ಕೊಂಕಣಿ ಸಾಹಿತ್ಯ ಪ್ರಕಟ ಕೆಲ್ಲಯಾ. ಆನಿ ಆಜಿ ಪಾಸೂನು 9000 ಪಶಿ ಚ್ಹಡ ಕೊಂಕಣಿ ಪುಟ ಪ್ರಕಟ ಕೆಲ್ಲಯಾ. ಪತ್ರಿಕೇಕ 20 ವರ್ಷ ಭರಲೀಲೆ ಉಡಗಾಸಾಕ 1600 ಪುಟಾ ಪಶಿ ಚ್ಹಡ ಕೊಂಕಣಿ ಸಾಹಿತ್ಯ ಪುಸ್ತಕ ರೂಪಾನಿ ಛಾಪೂನು ಕೊಂಕಣಿ ಸಾಹಿತ್ಯಾಕ ಸೇವಾ ಪಾವಯಲಾ. 1994 ದಾಕೂನು ಘೆಲೀಲೆ 20 ವರ್ಷ ಪ್ರತಿಭಾವಂತ ಕೊಂಕಣಿ ಚೆರ್ಡುಂವಾಂಕ ಶೈಕ್ಷಣಿಕ ಮದ್ದತ್ ದಿತ್ತಾ ಆಯಲಾ. ಆನಿ ತ್ಯಾ ಖಾತ್ತಿರಿ ಸರಸ್ವತಿ ಪ್ರಭಾ ಸ್ಕಾಲರ್ ಶಿಪ್ ನಿಧಿ ಸ್ಥಾಪನ ಕೆಲ್ಲಯಾ. 

ಸರಸ್ವತಿ ಪ್ರಭಾಚೆ ಹೇ ಪೂರಾ ಸಾಧನ ತುಮ್ಕಾ ಕಶ್ಶಿ ದಿಸ್ತಾ? ಹೇ ಖಾತ್ತಿರಿ ತುಮಗೇಲೆ ಅಭಿಪ್ರಾಯು ಕಸ್ಸಲೆ? ಹಾಂತು ಹಾತು ಮೆಳೋವಚಾಕ(ಪ್ರೋತ್ಸಾಹ ದಿವಚಾಕ) ತುಮ್ಕಾ ಇಷ್ಟಆಸ್ಸವೇ? ತಶ್ಶಿ ಜಾಲ್ಯಾರಿ ತುಮಗೇಲೆ ಅಭಿಪ್ರಾಯ ಏಕ ಪೋಟೊ ಸಮೇತ ಆಮಗೇಲೆ ಇ-ಮೇಲಾಕ ದಾಡ್ನು ದಿಯ್ಯಾತಿ. ಆಮಗೇಲೆ ಇ-ಮೇಲ್ ಪತ್ತೊ saraswatiprabha@rediffmail.com ತುಮಗೇಲೆ ಅಭಿಪ್ರಾಯ ಪೋಟೊ ಸಮೇತ ಸರಸ್ವತಿ ಪ್ರಭಾಚೆ ಮೇ 2014 ಅಂಕಾಂತು ಪ್ರಕಟ ಕರತಾತಿ. ಚಡ್ತೆ ಖಂಚೇ ಮಾಹಿತಿ, ವಿವರ ಜಾವ್ಕಾ ಜಾಲ್ಯಾರಿ ವೈಚೆ ಇ-ಮೇಲಾಕ ಸಂಪಕುಱ ಕರಾ. 

ತುಮ್ಕಾ ದೇವು ಬರೆಂ ಕೊರೊ

ತುಮಗೇಲೊ ವಿಶ್ವಾಸಿ

ಆರ್ಗೋಡು ಸುರೇಶ ಶೆಣೈ

ಶ್ರೀ ಚಂದ್ರಕಾಂತ ಕಾಮತ್ ಬಿ.ಜೆ.ಪಿ ಯುವಮೋರ್ಚ ಜಿಲ್ಲಾಧ್ಯಕ್ಷ

‘ಸರಸ್ವತಿ ಪ್ರಭಾ ಕೊಂಕಣಿ ಪತ್ರಾಚೆ ಪ್ರೋತ್ಸಾಹಕ ಹೊಸಪೇಟೆಚೆ ಉದ್ಯಮಿ ಶ್ರೀ ಚಂದ್ರಕಾಂತ ಕಾಮತ್ ಹಾಂಕಾ ಬಳ್ಳಾರಿ ಬಿ.ಜೆ.ಪಿ.ಯುವಮೋರ್ಚಾಚೆ ಜಾಲ್ಲಾಧ್ಯಕ್ಷ ಜಾವ್ನು ನೆಮಣೂಕಿ ಕೆಲ್ಲಾ. ತಾನ್ನಿ ಹೊಸಪೇಟೆ ನಗರಾಭಿವೃದ್ಧಿ ಮಂಡಳಿಂತು ಸದಸ್ಯ ಜಾವ್ನು ಸೇವಾ ಪಾವಯ್ತಾ ಆಸ್ಸತಿ. ಹಾಜ್ಜ ಪಯ್ಲೆ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಸದಸ್ಯ ಜಾವ್ನು, ಶಿಕ್ಷಣ ಸಮಿತಿಚೆ ಅಧ್ಯಕ್ಷ ಜಾವ್ನೂ ತಾನ್ನಿ ಬಹುಮೂಲ್ಯ ಸೇವಾ ಪಾವಯ್ಲ್ಯಾ. ನ್ಹಯಿಶಿ ಹೊಸಪೇಟೆ ನಗರ ಸಭಾಚೆ ಸಾಂದೆ(ಕಾರ್ಪೂರೇಟರ್) ಜಾವ್ನೂ ಸೇವಾ ಪಾವಯ್ತಾ ಆಸ್ಸತಿ. ಟಿ.ವಿ. ಧಾರವಾಹಿಂತು ಪಾರ್ಟ್ ಕೋರ್ನು ಸೈ ಮ್ಹಣೋವ್ನು ಘೆತ್ಲ್ಯಾ. ಮುಖಾವೈಲೆ ದಿವಸಾಂತು ಹಾಂಗೆಲ ದಾಕೂನು ಹೇ ರಾಜ್ಯಾಕ ಆನಿ ಕೊಂಕಣಿ ಭಾಷೆಕ ಆನ್ನಿಕೆ ಚ್ಹಡ ಸೇವಾ ಪಾವೊಂ ಮ್ಹೋಣು ಹಾರೈಕೆ ಕರ್ತಾ, ಆಮ್ಗೆಲೆ ಸರ್ವಾಲೆ ವಾಚಕಾ ತರಪೇನ ಹಾಂಕಾ ಅಭಿನಂದನ ಪಾವೈತಾ ದೇವು ಬರೆಂ ಕೊರೊ ಮ್ಹಣ್ತಾ.

ಯುವ ಸೇವಾವಾಹಿನಿ, ಹಳದೀಪುರ

ಜಿ.ಎಸ್.ಬಿ. ಸಮಾಜಾಚೆ ಶ್ರೀ ಗೋಪಿನಾಥ ಯುವ ಸೇವಾವಾಹಿನಿ ತರಪೇನ ಹಳದೀಪುರಾಚೆ ಶ್ರೀ ಗೋಪಿನಾಥ ಸಭಾಗೃಹಾಂತು ವಾರ್ಷಿಕ ಸಹಮಿಲನ ತಾ. ೧೦-೨-೨೦೧೪ ದಿವಸು ವಿಜೃಂಭಣೇರಿ ಚಲ್ಲೆ. ಹೇ ಸಮಾರಂಭಾಕ ಸೊಯರೊ ಜಾವ್ನು ಹಳಿಯಾಳಾಚೆ ಜೆ.ಡಿ.ಎಸ್. ಕಾರ್ಯದರ್ಶಿ ಶ್ರೀ ಸುನಿಲ ವಿ. ಹೆಗಡೆ ಹಾನ್ನಿ ಆಯ್ಯಿಲೆ. ಶ್ರೀ ವೆಂಕಟರಾಯ ತಿಮ್ಮಪ್ಪ ಶಾನಭಾಗ ಹಳದೀಪುರ ಹಾಂಕಾ ಹೇಂಚಿ ಸಂದಭಾರಿ ಸನ್ಮಾನ ಚಲ್ಲೊ. ತತ್ಸಂಬಂಧ ಜಾವ್ನು ಜ್ಯೋತಿಪ್ರಜ್ವಲನ, ಸಂಗೀತ ಕಾರ್ಯಕ್ರಮ, ಸಭಾಕಾರ್ಯಕ್ರಮ, ಛದ್ಮವೇಷ ಸ್ಫರ್ಧಾ ಆನಿ ಮನೋರಂಜನ ಮಾಗಿರಿ ಜವಣ ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ಸಮಾಜ ಬಾಂಧವ ವ್ಹಡ ಸಂಖ್ಯಾರಿ ಹೇ ಸಂದರ್ಭಾರಿ ಉಪಸ್ಥಿತ ವ್ಹರಲೀಲೆ.

ರಾಷ್ಟ್ರಪ್ರೇಮಿ ಸುಭಾಸಚಂದ್ರ ಬೋಸ

  ಸುಭಾಸಚಂದ್ರ ಬೋಸ ಅಸ್ಸಾ ನಾ ಹೋ ವಿಷಯು ಆಮ್ಮಿಘೆವ್ಕಾ ಜಾಲ್ಯಾರಿ ಡಾ. ಕೆ.ಎಸ್. ನಾರಾಯಣಾಚಾರ್ಯಾಲೆ “ಸುಭಾಸ ಕಣ್ಮರೆ ಮ್ಹಳೆಲೆ ಪುಸ್ತಕ ವಾಜಕಾ. ೧೯೪೫ ಅಗಸ್ಟ ೨೩ಕ ಬೋಸು ವಿಮಾನ ಅವಘಡಾಂತು ಮೆಲ್ಲಿಂಚಿ ಮ್ಹಣ್ಚೆ ಖಬ್ಬರ ರೇಡಿಯೋ ಟೀಕಿಯೋಂತು ಪ್ರಸಾರ ಜಾಲ್ಲಿ. ತ್ಯಾ ಪ್ರಮಾಣೆ ತೆ ದಿವಸು ‘ಸೈಗಾನಿಚಾನ ಭಾಯರಿ ಸರಿಲೇ ಬಾಂಬರ್ ವಿಮಾನ ಆತ್ತ ಚೈನಾಕ ಮೇಳಾವಟ್ ಜಾಲ್ಲಾ. ತೆನ್ನಾ ರಷ್ಯಾ ವಶಾಂತು ಆಶ್ಶಿಲೆ “ಮಂಚೂರಿಯಾ ಪ್ರಾಂತಾಚೆ ದಿರೇನ್ ಮ್ಹಳ್ಳೆಲೆ ಕಡೆನ ಎವ್ನು ಪಾವಲೆ. (ಪುಟ ೧೦). ವಿಮಾನಾಚಾನ ದೇವ್ನು ಕೇಳೆಂ ಖಾವ್ನು ಚಾ ಪೀವ್ನು ತಾಜ್ಜ ನಂತರ ೩ ತಾಸಾ ಪ್ರವಾಸ ಕೋರ್ನು ರಷ್ಯಾ ಗಡಿಕ ಪಾವ್ನು, ತಾಜ್ಜ ನಂತರ ತ್ಯಾ ವಿಮಾನ ಪರತ ಟೋಕಿಯೋಕ ಪರತ ಪಾವ್ಲೆ ಮ್ಹಣು(ಪುಟ ೨೦) ಬರಯಿಲೆ ಆಸ್ಸಾ. ನೇತಾಜಿ ಮ್ಹಣು ಸಿದ್ಧ ಜಾಲ್ಲಿಲೆ ಹೆಡ್‌ಲೈನಾಂತು ಆಸ್ಸ. “ಬಾಬ್ ತುಮಕಾ ಲೋಕು ನೇತಾಜಿ ಮ್ಹಣುಂ ಲೆಕ್ತಾಚಿ, ತುಮ್ಗೆಲ ರೀತಿ-ರಿವಾಜು, ಚಹರೊ ಹುಬೆಹುಬ ನೇತಾಜಿ ಸುಭಾಸಚಂದ್ರ ಬೋಸಾವಾರಿ ಆಸ್ಸಾ. ತುಮ್ಮಿ ಇತಯಾಕ ಲೋಕಾ ಎದ್ರಾಕ ಏವಿನಯಿಂ? ಹೇ ಪ್ರಶ್ನೆಕ ದಾಡಿ ಸೋಡಿಲೆ ಬಾಬಾನ ದಿಲ್ಲಿಲೆಂ ಜವಾಬ “ಹಾಂವು ಕೋಣ ಮ್ಹಳ್ಳಿಲಿ ಚಿಂತಾ, ಖರೆ ಸ್ವರೂಪಾಚೆ ಪ್ರಶ್ನೆ ಸೋಣು ಸೊಡಾ. ತೆಂ ಆತ್ತ ಮುಖ್ಯ ನ್ಹಯಿಚಿ ನ್ಹಯ, ಭಾರತಾಚಿ ಆಡಳಿತ, ಭಾರತಾ ಲೋಕಾ ತಶಿ ಉರಕಾ. ಬ್ರಿಟಿಷ್ ಲೋಕಾನಿ ಆಮ್ಕಾ ಸ್ವಾತಂತ್ರ್ಯ ದಿವ್ಕಾ. ಆತ್ತ ಹಾಂವು ಆಧ್ಯಾತ್ಮ ಸಾಧನೆಂತು ಪಳ್ಳಾ. ತಶ್ಶಿ ಜಾವ್ನು ತಾಂಗೆಲೆ ಗುರ‍್ತು ಮೆಳ್ನಾಶ್ಶಿಲೊ. ತೇ ಏಕ ಸಾಧು ರೂಪಾನ ಆಶ್ಶಿಲೆ. ತಾಜ್ಜ ಖಾತ್ತಿರಿ ತಾನ್ನಿ ರಾಮಭಜನಾಂತು ಅಗ್ರಹ ಘೆತ್ತಿಲೆ. ೧೯೪೫ಂತು ಸುಭಾಸಚಂದ್ರ ರಷಿಯಾಂತು ಬಂಧಿ ಜಾವ್ನು ಆಶ್ಶಿಲೊ. ೧೯೫೩ಂತು ಚೀನಾ ಗಡಿಚಾನ ಭಾರತಾಕ ಯವ್ನು ‘ಬಂದ್ರಿ ಮ್ಹಳ್ಳೆಲ ಕಡೇನ ೯ ವರ್ಷ, ಲಕ್ನೊಂತು ೨ ವರ್ಷ, ನೈವಿಷಾರಣ್ಯಾಂತು ೬ ವರ್ಷ ಉರ‍್ನು, ನೇತಾಜಿ ಅಯೋಧ್ಯಾ ಲಾಗ್ಗಿ ಆಯ್ಯಿಲೊ ೧೯೭೪ಂತು(ಪು. ೨೮,೨೯).
ಪಂಡಿತ ನೆಹರೂನ ಮೆಲ್ಲಿಲ ತೆದ್ದನಾ ತೀನ ವಾಹನಾಂತು ನೇತಾಜಿ ಆನಿ ತಾಂಗೆಲೆ ಸಂಗಾತಿ ತೀನ್ಮೂರ್ತಿ ಭವನಾಕ ಭೇಟಿ ದೀವ್ನು ಪುಷ್ಪಹಾರ ಘಾಲ್ನು ‘ಧೈರ್ಯ ಮ್ಹಳ್ಳಿಲೇಕ ಆನೇಕ ನಾಂವ ಚೀ ಪಂಡಿತ ನೆಹರೂ! ಮ್ಹೊಣು ಬರೊನು ಹಸ್ತಾಕ್ಷರ ಕೋರ್ನು ಲಾಲ ಬಹಾದ್ದೂರ ಶಾಸ್ತಿ ಬರಶಿ ತಾಗೆಲೆ ವೆನಾಲಾಗ್ಗಿ ಮ್ಹಳ್ಳೆಲ ದೆಕ್ಕೂನು ಸುಭಾಸಚಂದ್ರ ಬೋಸು ಆಯಿಲೊ ಮ್ಹಣು ರುಜುವಾತ ಜಾಲ್ಲೆ.(ಪು.೩೬,೩೭) ಜಾಲ್ಯಾರಿ ಖರೆ ಕಸ್ಸಲೆಂ ಮ್ಹೊಣು ಆಮ್ಕಾ ಆನ್ನಿಕ ಗೌಪ್ಯ! “ಸುಭಾಸ ಕಣ್ಮರೆ ಕೃತಿಂತು “೧೯೭೪ಂತು ಅಯೋಧ್ಯಾಕ ಆಯಿಲ ಸುಭಾಸು ಸರಯು ನಯ್ಚೆ ಎಳೇರಿ ಪ್ರಾಣತ್ಯಾಗು ಕೆಲ್ಲೊ. ಮ್ಹಣು ಉಲ್ಲೇಖ ಆಸ್ಸ. ಹೆಂ ಪೂರಾ ವಾಜ್ಜಿಲ್ಯಾರಿ ಬೋಸು ವಿಮಾನ ಅವಘಡಾಂತು ಮೆಲ್ಲಿಲನಾ ಮ್ಹಣಚೆ ಸ್ಪಷ್ಟ ಜಾತ್ತಾ. ‘ಖಿಡಿuಣh is ಖಿಡಿuಣh eveಟಿ iಜಿ ಟಿo oಟಿe beಟieve iಣ, ಂಟiಛಿ is ಚಿ ಟieeveಟಿ iಜಿ eveಡಿಥಿoಟಿe beಟieve iಣಹೇ ಸುಭಾಸ ಚಂದ್ರಾಲೆ ವೇದವಾಕ್ಯ.
ಬೋಸಾಂಗೆಲೆ ಅನುಯಾಯಿ ಕೆ.ಎನ್.ರಾವ್
೧೯೮೯ಂತು ಆಮ್ಮಿ ಕೊಂಕಣಿ ಪರಿಷದ್ ಸ್ಥಾಪನ ಕರಚೆ ಖಾತೆರಿ ಬಸ್‌ಸ್ಟ್ಯಾಂಡಾರಿ ಆಸ್ಸಿಲೆ ಲೈಬ್ರರಿ ಮಾಳೆರಿ ಮೀಟಿಂಗ್ ಜತಾ ಮ್ಹಣುಂ ಪೇಪರಾಂತು ದಿಲ್ಲೆಂ. “ಕೊಂಕಣಿ ಲೇಖಕಾನಿ ಖಂಯಿ ಆಸಲೇರಿಚಿ ಯವ್ನು ಮೆಳ್ಕಾ. ಮ್ಹೊಣು ತಾಂತು ವಿನಂತಿ ಕೆಲ್ಲಿ. ಮಿಟಿಂಗಾಕ ಕುಮಟಾ, ಸಿದ್ದಾಪೂರ, ಅಂಕೋಲಾ, ಕಾರವಾರ, ಹೊನ್ನಾವರ ಕಡೇಚಾನ ಬರಪೂರ ಲೋಕು ಎವ್ನು ಜಮಲೆ. ತಾಂತು ದೋನಿ ಲೋಕು ಹೊಡ್ಡ ದಾಡಿ ಸೊಡಿಲೆ ಸಾಧುಸೆ ಆಶ್ಶಿಲೆ. ಆಮ್ಕಾ ಕಾಂಯಿ ತಾಂಗೆಲೆ ಗುರ‍್ತು ನಾಶ್ಶಿಲೆ. ಕಡೇರಿ ವಿಚಾರ ಕರನಾ ಫುಡೆನ ಕಳ್ಳೆಂ ಏಕ್ಲೊ ಪೈ ಸುಪ್ರಿಯಾ ಫಾದರ ದಾಂಡೇಲಿ, ಆನೇಕ್ಲೊ ಕೆ.ಎನ್.ರಾವ ದಾಂಡೇಲಿ. ದೋಗ ಲೋಕು ವ್ಹಡ ಲೋಕ. ತಾಂತು ಕೆ.ಎನ್.ರಾವಾಕ ಹಾಂವೆ ವಿಚಾರ‍್ಲೆ‘ತುಮಿ ಸುಭಾಸಚಂದ್ರ ಬೋಸಾಲೆ ಬಹುರೂಪ ನ್ಹಯವೇ? ಮ್ಹೊಣು. ತಾಕ್ಕಾ ಹಾಸ್ತಾಚಿ ‘ವ್ಹಯಿ.. ಮ್ಹಳ್ಳೆ. ಆನಿ ತಾಂಗೆಲೆ ಬಗಲಾ ಘಾಲ್ನು ಘೆತ್ತಿಲೆ ಚಿಲ್ಲಾಂತು ಆಶ್ಶಿಲೆ ಏಕ ಪುಸ್ತಕ ಕಾಣು ಮಾಕ್ಕಾ ದಿಲ್ಲೆಂ. ತೆಂ ಆಸ್ಸಾ ‘ಮಲೆನಾಡು ತೆಂ ವಾಜನಾ ಫುಡೆ ಮಾಕ್ಕಾ ದಿಸ್ಲೆ ‘ತೆ ಭೀ ಸುಭಾಸಚಂದ್ರ ಬೋಸಚಿ ಮ್ಹಣು. ಅಜಮಾಸ ೮೫ ವರ್ಷಾ ಪ್ರಾಯೆಚೆ ಕೆ.ಎನ್.ರಾವ್ ಮಸ್ತ ಉಮೇದಾಚೆ ಮನುಷ್ಯು. ಪಳೇಯತಲೆಂಕ ಸಂಚಾರಿಕೀ, ತಪಸ್ವಿಕೀ, ನಾ ಸುಭಾಸಚಂದ್ರ ಬೋಸಾಲೆ ಪ್ರತಿರೂಪಕೀ, ತಸ್ಸಲೆ ತಾಂಗೆಲೆ ರೂಪ. ವ್ಯಕ್ತಿತ್ವ. ಮಹಾನ್ ಸ್ವಾತಂತ್ರ್ಯ ಹೋರಾಟಗಾರ, ತಾನ್ನಿ ಮಹಾತ್ಮಗಾಂಧಿಲೆ ಕೃಪಾಶೀರ್ವಾದು ಘೆತ್ತಿಲೆ. ದಿ. ಸುಭಾಸಚಂದ್ರ ಬೋಸ, ವಲ್ಲಭಾಯಿ ಪಟೇಲ, ಲಾಲ ಬಹಾದ್ದೂರ ಶಾಸ್ತ್ರಿ ಇತ್ಯಾದಿ ಅನೇಕ ನಾಯಂಕಾಗೆಲೆ ನಿಕಟವರ್ತಿ ಜಾಲ್ಲಿಲೆಂ.
ಸ್ವಾತಂತ್ರ್ಯ ಸಂಗ್ರಾಮಾಂತು ಮಸ್ತ ಪಟಿ ಜೈಲಾಂತು ವಚ್ಚೂನು ಆಯ್ಯಿಲೆ. ಸುಭಾಸಚಂದ್ರ ಬೋಸಾಲೆ ಉದ್ದೇಶು ಪೂರ್ತಿ ಕೊರ‍್ಚೆ ಖಾತೇರಿ ‘ಫಾರ್ವಡ ಬ್ಲಾಕ ಮ್ಹಳ್ಳಿಲಿ ಪಕ್ಷ ಬಾಂದೂನು ಬೋಸಾನಿ ಇಚ್ಛಾ ಕೆಲ್ಲಿಲಿ ಮ್ಹಳ್ಳೆರಿ ‘ಆಧುನಿಕ ಸಮಾಜ ಬಾಂಚೆ, ಪ್ರತಿ ಏಕ ಲೋಕಾಂಕ ಸಮಾನ ಹಕ್ಕು, ಸಾಮಾಜಿಕ ನ್ಯಾಯು ದಿವೈಚೆ.  ತಾಜ್ಜ ಖಾತೆರಿ ತಾಂಕಾ “ಫಾಸಿಸ್ಟ್ ಮ್ಹಳ್ಳಿಲೊ ಕಾಳೊ ದಾಗ ಲಾಗ್ಲೊ. ಕೆ.ಎನ್.ರಾವ ದಾಂಡೇಲಿ ಸುಭಾಸಚಂದ್ರ ಬೋಸಾಲೆ ಇಂಡಿಯನ್ ನ್ಯಾಶನಲ್ ಆರ್ಮಿಂತು ಕ್ಯಾಪ್ಟನ್ ಜಾವ್ನು ಸೇವಾ ಕೆಲ್ಲಿಲೆ ಆಸ್ಸಾ. ನೇತಾಜಿ ಬರ್ಶಿ ಬ್ರಹ್ಮದೇಶ, ಮಲೇಶಿಯಾ, ಸಿಂಗಾಪೂರ, ನೇಪಾಲ, ಟಿಬೇಟ, ಸಿಲೋನ, ಆಸ್ಟ್ರೇಲಿಯಾ, ಜಪಾನ, ಈಜಿಪ್ಟ್ ಇತ್ಯಾದಿ ಮಸ್ತ ಕಡೇನ ಘೂವ್ನು ಆಯ್ಯಿಲೆ. ತಾಜ್ಜೇನ ತಾಂಕಾ ೧೪ ಭಾಷಾ ಜ್ಞಾನ ಆಶ್ಶಿಲೆಂ. ಕೊಂಕಣಿ ಪರಿಷತ್ತಾಂತು ತಸ್ಸಾಲೆ ವ್ಹಡ ಮನುಷ್ಯಾ ಒಟ್ಟು ಕೊಂಕಣಿ ಸೋವಿನಿಯರಾಂತು (ಪಾರಿಜಾತ) ಕಾಮ ಕೊರಚೆ ಅವಕಾಶು ಮೆಳ್ಳಿಲೊ ಮೆಗೆಲೆ ಭಾಗ್ಯ.
- ಅನಿಲ ಪೈ, ಶಿರಸಿ

ಶ್ರೀ ಸರ್ವೇಶ್ವರ ಆತ್ಮಾನಂದ ಸದ್ಗುರು ಸಮರ್ಥ ಸನ್ನಿಧಿ, ಮಂಕಿಪುರ

ಶ್ರೀ ಕ್ಷೇತ್ರ ಮಂಕಿಪುರ ಶ್ರೀ ಸರ್ವೇಶ್ವರ ಆತ್ಮಾನಂದ ಸದ್ಗುರು ಸನ್ನಿಧಿಂತು ಓಂ ಶ್ರೀ ಪಂಚಾಮಹಾಶಕ್ತಿ ಸರ್ವೇಶ್ವರಿ ಜಗನ್ಮಾತೆಲೆ ೫೨ ಚೆ ರುಪ್ಪೆಚೆ ಮಹಾ ರಥೋತ್ಸವು ತಾ. ೧೨-೨-೨೦೧೪ ದಿವಸು ಚಲ್ಲೆ. ತತ್ಸಂಬಂಧ ತಾ. ೬-೨-೧೪ ದಾಕೂನು ೧೩-೨-೨೦೧೪ ಪರ್ಯಂತ ಮಹಾ ಸಂಕಲ್ಪ, ಶ್ರೀ ಗುರು ಗಣಪತಿ ಪೂಜನ, ಗಣಹವನ, ಧ್ವಜಾರೋಹಣ, ಅಷ್ಟಾವಧಾನ, ಧಾರ್ಮಿಕ ಉಪನ್ಯಾಸ, ನವಗ್ರಹಶಾಂತಿ, ಬಲಿ, ದುರ್ಗಾದೀಪ ನಮಸ್ಕಾರ ಪೂಜನ, ಸರ್ವತೋಭದ್ರ ಕಲಶ ಸ್ಥಾಪನ, ವಾಸ್ತುಶಾಂತಿ, ರುದ್ರಾಭಿಷೇಕ, ರುದ್ರಹವನ, ಅನ್ನ ಸಂತರ್ಪಣ, ಪಾಲಂಖೀ ಉತ್ಸವು, ಸೂಕ್ತ ಪಾರಾಯಣ, ಪವಮಾನ ಹೋಮು, ಶ್ರೀ ಸತ್ಯಗಣಪತಿ, ಶ್ರೀ ಸತ್ಯನಾರಾಯಣ ವೃತ, ನವಚಂಡಿ ಹವನ, ಪುಷ್ಪರಥೋತ್ಸವು, ಚೂರ್ಣ ಹೋಮು, ಅವಭೃತ, ರಥಾರೋಹಣ, ಶ್ರೀ ಲಕ್ಷ್ಮೀನಾರಾಯಣ ದಿವ್ಯಾಲಂಕಾರ ಪೂಜನ, ರಥೋತ್ಸವು, ಮೃಗಬೇಟೆ, ಗಂಗಾಪೂಜನ, ಕುಂಭಾಭಿಷೇಕ, ಓಕಳಿ, ಗುರು ಭಿಕ್ಷಾ, ಮಧುಕರಿ, ರಾಜೋಪಚಾರ ಪೂಜನ, ಕಥಾ ಪ್ರವಚನ, ಸದ್ಗುರುಂಗೆಲೆ ಪಾದುಕಾ ಪೂಜನ, ೧೧೦೮ ಕಲಶ ಶ್ರೀ ಸತ್ಯನಾರಾಯಣ ಪೂಜನ, ೧ ಲಾಕ ಕುಂಕುಮಾರ್ಚನ, ಅನ್ನ ಸಂತರ್ಪಣ ಇತ್ಯಾದಿ ಧಾರ್ಮಿಕ ಆನಿ ವಿಂಗವಿಂಗಡ ಸಾಂಸ್ಕೃತಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ತಾ. ೧೫-೨-೨೦೧೪ ದಾಕೂನು ಭಕ್ತ ಸಿಂಹಾಸನ ಪೂಜನ ಸುರುವಾತ ಜಾಲ್ಲೆ.

ದೈವಜ್ಞ ಯುವಕ ಮಂಡಳಿ(ರಿ) ಶಿರಸಿ

ಶಿರ್ಶಿಚೆ ಅಗಸೇಬಾಗ್ಲಾಂತು ಆಸ್ಸುಚೆ ದೈವಜ್ಞ ಯುವಕ ಮಂಡಳಿ(ರಿ) ತರಪೇನ ಗಣರಾಜ್ಯೋತ್ಸವ ತಾ. ೨೬-೧-೨೦೧೪ ದಿವಸು ದೈವಜ್ಞ ಕಲ್ಯಾಣ ಮಂದಿರಾಚೆ ಆವಾರಾಂತು ವಿಜೃಂಭಣೇರಿ ಚಲ್ಲೆ. ಪಿ.ಡಬ್ಲ್ಯೂ. ಡಿ.ಚೆ ಸಹಾಯಕ ಇಂಜಿನೀಯರ್ ಶ್ರೀ ಶಿವಪ್ರಕಾಶ ಎಸ್. ತಾನ್ನಿ ಧ್ವಜಾರೋಹಣ ಕೆಲ್ಲೆ. ಅಧ್ಯಕ್ಷತಾ ಸುವರ್ಣ ಕಲಾಕಾರರ ಸಂಘ ಶಿರಸಿ ತಾಜ್ಜ ಅಧ್ಯಕ್ಷ ಶ್ರೀ ಗೋಪಾಲಕೃಷ್ಣ ಆರ್. ವೆರ್ಣೇಕರ ತಾನ್ನಿ ಘೆತ್ತಿಲೆ. ಹೇ ಸಂದರ್ಭಾರಿ ಧ್ವಜಾರೋಹಣ, ಸಭಾ ಕಾರ್ಯಕ್ರಮ, ಪ್ರಾರ್ಥನ, ಸ್ವಾಗತ ಭಾಷಣ, ಭಾಷಣ, ಅಲ್ಪೋಪಹಾರ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.
ದೈವಜ್ಞ ಯುವಕ ಮಂಡಳಿ(ರಿ) ತರಪೇನ ಕ್ರೀಡಾ ಕೂಟ ಆನಿ ಸಾಂಸ್ಕೃತಿಕ ಕಾರ್ಯಕ್ರಮ ೨೦೧೪ಚೆ ಜನವರಿ ೧೨, ೧೮, ೨೫,  ಆನಿ ೨೬ಕ ಚಲ್ಲೆ.  ಹೇ ಸಂದರ್ಭಾರಿ ರಾಮಾಯಣ ಮಹಾಭಾರತ ಆಧಾರಿತ ಲಿಖಿತ ಪರೀಕ್ಷಾ ಸ್ಪರ್ಧಾ, ಮೆಹಂದಿ ಘಾಲ್ಚೆ ಸ್ಫರ್ಧಾ, ಕ್ರಿಕೇಟ್ ಟೂರ್ನಾಮೆಂಟ್, ಚಿತ್ರಕಲಾ ಸ್ಫರ್ಧಾ, ರಂಗೋಲಿ ಸ್ಪರ್ಧಾ, ಮ್ಯೂಜಿಕಲ್ ಛೇರ್, ಲಿಂಬು ಚಮಚಾ ಸ್ಫರ್ಧಾ, ಹಗೂರ ಜಾವ್ನು ಸೈಕಲ್ ದಾಂವ್ಡೇಚೆ, ಸಾನ ಚರ್ಡುಂವಾಲೆ ಪ್ಯಾನ್ಸಿ ಡ್ರೆಸ್ ಸ್ಫರ್ಧಾ, ಏಕ್ ಮಿನಿಟ್ ಶೋ ಇತ್ಯಾದಿ ಚೋಲ್ನು ೨೬-೧-೧೪ ದಿವಸು ಸಾಂಜ್ವಾಳಾ ಬಹುಮಾನ ವಿತರಣಾ ಸಮಾರಂಭ ಚಲ್ಲೆ. ಹೇ ಸಭಾಕ ಮುಖೇಲ ಸೊಯರೆ ಜಾವ್ನು ಶಿರ್ಶಿ ಡಿ.ವೈ.ಎಸ್.ಪಿ. ಶ್ರೀ ಸದಾನಂದ ಎಮ್. ವೆರ್ಣೇಕರ್ ಆನಿ ಮುಂಬೈಚೆ ಉದ್ಯಮಿ ಶ್ರೀ ಪರಮೇಶ್ವರ ಬಿ. ಅಣ್ವೇಕರ್ ಹಾನ್ನಿ ಆಯ್ಯಿಲೆ. ಅಧ್ಯಕ್ಷತಾ ಶ್ರೀ ಗೋಪಾಲಕೃಷ್ಣ ಆರ್. ವೆರ್ಣೇಕರ್ ತಾನ್ನಿ ಘೆತ್ತಿಲೆ.

ಶ್ರೀ ಲಕ್ಷ್ಮೀವೆಂಕಟೇಶ ದೇವಳ, ಗುಂಡಬಾಳಾ

ಗುಂಡಬಾಳ ಶ್ರೀ ಲಕ್ಷ್ಮೀವೆಂಕಟೇಶ ದೇವಳಾಂತು ವರ್ಷಾವಧಿ ಚೊಲ್ಚೆ ಕಾರ್ಯಕ್ರಮ ವಿವರ ಅಶ್ಶಿ ಆಸ್ಸ. ವನಭೋಜನ = ಮಾರ್ಗಶಿರ ಶುಕ್ಲ ಚತುರ್ದಶಿ. ಯಕ್ಷಗಾನ ಆರಂಭ ಜಾವ್ಚೆ ದಿವಸು = ಮಾರ್ಗಶಿರ ಕೃಷ್ಣ ದಶಮಿ. ಭಜನಾ ಸಪ್ತ = ಪುಷ್ಯ ಶುಕ್ಲ ಏಕಾದಶಿ. ಲಘುವಿಷ್ಣು ಹವನ = ಪುಷ್ಯ ಅಮಾಸ. ರಥ ಸಪ್ತಮಿ = ಮಾಘ ಶುಕ್ಲ ಸಪ್ತಮಿ. ರಾಮನವಮಿ = ಚೈತ್ರ ಶುಕ್ಲ ನವಮಿ. ಹನುಮ ಜಯಂತಿ = ಚೈತ್ರ ಫುನ್ನವ. ಪುನಃ ಪ್ರತಿಷ್ಠಾ ವರ್ಧಂತಿ = ವೈಶಾಕ ಫುನ್ನವ. ಶಿಖರ ಕಲಶ ಪ್ರತಿಷ್ಠಾ ವರ್ಧಂತಿ =  ವೈಶಾಖ ಕೃಷ್ಣ ತದಿಗೆ. ಯಕ್ಷಗಾನ ಕಡೆರಚೆ ಖೇಳು  = ವೈಶಾಖ ಕೃಷ್ಣ ಅಷ್ಟಮಿ. ಯಕ್ಷಗಾನ ಮಂಗಲೋತ್ಸವು = ವೈಶಾಖ ಕೃಷ್ಣ ನವಮಿ. ಅವಭೃತ = ವೈಶಾಖ ಕೃಷ್ಣ ದಶಮಿ. ಸುದರ್ಶನ ಹವನ = ಜೇಷ್ಠ ಶುಕ್ಲ ಪಂಚಮಿ. ಅನಂತ ವೃತ = ಭಾದ್ರಪದ ಶುಕ್ಲ ಚತುರ್ದಶಿ. ದೀವೆಂ = ಕಾರ್ತಿಕ ಅಮಾಸ. ವಿ.ಸೂ. ಶ್ರಾವಣ ಮ್ಹಹಿನ್ಯಾಂತು ಪ್ರತಿ ದಿವಸು ಶ್ರೀ ದೇವಾಕ ಫುಲ್ಲಾ ಪೂಜಾ ಆಸ್ತಾ. ಆಶ್ವಿಜ ಮ್ಹಹಿನ್ಯಾಂತು ಪ್ರತಿ ನಿತ್ಯ ರಂಗ ಪೂಜಾ ಆಸ್ತಾ. ಕಾರ್ತಿಕ ಮ್ಹಹಿನ್ಯಾಂತು ಪ್ರತಿ ನಿತ್ಯ ದೀವೆಂ ಆಸ್ತಾ. ಆನಿ ಚೈತ್ರ ವೈಶಾಕ ಮ್ಹಹಿನ್ಯಾಚೆ ಪ್ರತಿ ಶನ್ವಾರು ಪಾನಕ ಪೂಜಾ ಉರ‍್ತಾ. ಭಕ್ತ ಬಾಂಧವಾನಿ ಹೇ ಪೂರಾ ಧಾರ್ಮಿಕ ಕಾರ್ಯಕ್ರಮಾಂತು ತನು-ಮನ-ಧನಾನಿ ವಾಂಟೊ ಘೇವ್ನು ಶ್ರೀ ಹರಿ ಕೃಪೇಕ ಪಾತ್ರ ಜಾವ್ಯೇತ. ಚಡ್ತ ಮಾಹಿತಿ ಖಾತ್ತಿರಿ ಶ್ರೀ ಮುಖ್ಯಪ್ರಾಣ ಲಕ್ಷ್ಮೀವೆಂಕಟೇಶ ದೇವಳ, ಗುಂಡಬಾಳ, ತಾ|| ಹೊನ್ನಾವರ, ಉತ್ತರ ಕನ್ನಡ. ಪೋನ್ ನಂ. ೭೫೦೪೧(೦೮೩೮೭) ಹಾಂಗಾಕ ಸಂಪರ್ಕ ಕೊರಯೇತ.

ದೈವಜ್ಞ ಬ್ರಾಹ್ಮಣ ಸಮಾಜ ಸಂಘ, ಅಂಕೋಲೆ

ಅಂಕೋಲೆ ದೈವಜ್ಞ ಕಲ್ಯಾಣ ಮಂದಿರಾಂತು ದೈವಜ್ಞ ಬ್ರಾಹ್ಮಣ ಸಂಘ ತರಪೇನ ದೈವಜ್ಞ ಬ್ರಾಹ್ಮಣ ಮಠಾಧೀಶ ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತಿ ಸ್ವಾಮ್ಯಾಂಗೆಲೆ ಆಶೀರ್ವಚನ ಆನಿ ಸನ್ಮಾನ ಕಾರ್ಯಕ್ರಮ ತಾ. ೨೨-೨-೨೦೧೪ ದಿವಸು ಆಯೋಜನ ಕೆಲೀಲೆ. ಸಕ್ಕಾಣಿ ೧೦ ಗಂಟ್ಯಾಕ ಶುಭಾಗಮನ ಜಾಲೇಲೆ ಪ|ಪೂ| ಸ್ವಾಮ್ಯಾಂಕ ಶ್ರೀ ಮಹಾಗಣಪತಿ ದೇವಳಾ ದಾಕೂನು ಪೂರ್ಣಕುಂಭ ಸ್ವಾಗತ ಬರೋಬರಿ ಆಪೋವ್ನು ಹಾಡಲೆ. ಮಾಗಿರಿ ಸ್ವಾಮ್ಯಾಂಗೆಲೆ ದಿವ್ಯ ಸಾನಿಧ್ಯಾರಿ ಶ್ರೀ ದುರ್ಗಾ ನಮಸ್ಕಾರ, ಮಹಿಳಾ ಮಂಡಳಾಚೆ ಬಾಯ್ಲಮನ್ಶೆ ದಾಕೂನು ಶ್ರೀ ಲಲಿತಾ ಸಹಸ್ರನಾಮ ಪಠಣ, ಸ್ವಾಮ್ಯಾಂಗೆಲೆ ಪಾದುಕಾ ಪೂಜನ, ಸಭಾ ಕಾರ್ಯಕ್ರಮ ಚಲ್ಲೆ. ಸಭಾ ಕಾರ್ಯಕ್ರಮಾಚೆ ಅಧ್ಯಕ್ಷತಾ ಶ್ರೀಪಾದ ಗೋವಿಂದ ರಾಯ್ಕರ ಹಾನ್ನಿ ಘೆತ್ತಿಲೆ. ಮುಖೇಲ ಸೊಯರೆ ಜಾವ್ನು ಕಾರ‍್ವಾರಾಚೆ ರಿತೇಶ ಆರ್. ಅಣ್ವೇಕರ, ಆವರ್ಸಾಚೆ ಶ್ರೀ ದಯಾನಂದ ಪಿ. ಪಾಲನಕರ ಉಪಸ್ಥಿತ ವ್ಹರಲೀಲೆ. ಹೇ ವೇಳ್ಯಾರಿ ಪಣಜಿಚೆ ವ್ಹಡ ಉದ್ಯಮಿ ಶ್ರೀ ಸಾಯಿಪ್ರಕಾಶ ಅನಂತ ರಾಯ್ಕರ ಆನಿ ಕೊಂಕಣಿ, ಕನ್ನಡ ಬರೋಪಿ ಶಿರ್ಶಿಚೆ ಆರ್.ಎಮ್. ಶೇಟ್ ತಾಂಕಾ ಸನ್ಮಾನು ಚಲ್ಲೆ. ಪ|ಪೂ| ಸ್ವಾಮ್ಯಾಂಗೆಲೆ ಆಶೀರ್ವಚನ ಬರಶಿ ಕಾರ್ಯಕ್ರಮ ಸಂಪ್ಲೆ. ಮಾಗಿರಿ ಅನ್ನಸಂತರ್ಪಣ, ಶಾಸ್ತ್ರೀಯ ನೃತ್ಯ ಸಂಗೀತ ಕಾರ್ಯಕ್ರಮ ಚಲ್ಲೆ.

ಶ್ರೀ ವೆಂಕಟರಮಣ ದೇವಳ, ಶಿರ್ಶಿ

ಶಿರ್ಶಿಚೆ ಶ್ರೀ ವೆಂಕಟರಮಣ ದೇವಳಾಚೆ ‘ರಥೋತ್ಸವು ‘ರಥಸಪ್ತಮಿ ದಿವಸು ದಿ. ೬-೨-೧೪ ದಿವಸು ವಿಜೃಂಭಣೇರಿ ಚಲ್ಲೆ. ತತ್ಸಂಬಂಧ ತ್ಯಾ ದಿವಸು ದೇವತಾ ಪ್ರಾರ್ಥನ, ಸ್ಥಳಶುದ್ಧಿ, ರಥಶುದ್ಧಿ, ಶ್ರೀ ದೇವಾಕ ೧೦೮ ಕಲಶಾ ದಾಕೂನು ಕ್ಷೀರಾಭಿಷೇಕ, ಮಹಾಮಂಗಳಾರ್ತಿ, ಶ್ರೀ ದೇವಾಕ ಪಾಲ್ಕಿರಿ ತೇರಾ ಪರ್ಯಂತ ಮೆರವಣಿಗೇರಿ ವ್ಹರಚೆ, ರಥಾರೋಹಣ, ರಥಾಂತು ಶ್ರೀ ದೇವಾಲೆ ಪೂಜನ, ರಥೋತ್ಸವು, ರಥಕಾಣಿಕಾ, ನಾರ‍್ಲು-ಕೇಳೆ, ಆರ್ತಿ ಸೇವಾ, ರಾತ್ತಿಕ ರಥಾವರೋಹಣ, ಶ್ರೀ ದೇವಾಕ ಪರತ ದೇವಳಾಕ ಹಾಡ್ನು, ದೇವತಾ ಪ್ರದಕ್ಷಣ, ಮಂಗಳಾಷ್ಟಕ, ಅಷ್ಟಾವಧಾನ, ಮಹಾಮಂಗಳಾರ್ತಿ, ಪ್ರಸಾದ ವಿತರಣ ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ಹೇ ಸಂದರ್ಭಾರಿ ಗಾಂವ್ಚೆ ಆನಿ ಪರ ಗಾಂವ್ಚೆ ಸಮಾಜ ಬಾಂಧವ ವ್ಹಡ ಸಂಖ್ಯಾರಿ ಉಪಸ್ಥಿತಿ ಉರ್ನು ಶ್ರೀ ಹರಿಕೃಪೆಕ ಪಾತ್ರ ಜಾಲಲ್ಲಿಂತಿ.

ಶ್ರೀ ಲಕ್ಷ್ಮೀವೆಂಕಟರಮಣ ದೇವಳ, ಹಳದೀಪುರ

ಕುಮಟಾ ತಾ||ಚೆ ಹಳದೀಪುರ ಶ್ರೀ ಮುಖ್ಯಪ್ರಾಣಾಂತರ್ಗತ ಲಕ್ಷ್ಮೀವೆಂಕಟೇಶ ದೇವಳಾಂತು ಶ್ರೀ ಮಹಾರಥೋತ್ಸವು ದಿ. ೮-೨-೨೦೧೪ ದಿವಸು ರಥವಾಸ್ತು ಹವನ, ಮಹಾಪ್ರಾರ್ಥನಾ, ಮಹಾಬಲಿ, ಬ್ರಹ್ಮ ರಥೋತ್ಸವು, ಮಹಾ ಅನ್ನಸಂತರ್ಪಣ, ರಾತ್ತಿಕ ಮೃಗಬೇಟೆ ಉತ್ಸವು, ಯಕ್ಷಗಾನ ಸೇವಾ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ಫೆಬ್ರವರಿ ೫ ದಾಕೂನು ೯ ತಾರೀಕೆ ಪರ್ಯಂತ ಗರುಡಾರೋಹಣ, ಯಜ್ಞ, ಪಾಲಂಖೀ ಉತ್ಸವು, ನವಗ್ರಹ ಹವನ, ಗರುಡವಾಹನೋತ್ಸವು, ಸಾನ ತೇರು, ವಾಸ್ತು ಹವನ, ಶೇಷವಾಹನೋತ್ಸವು, ಫುಲ್ಲಾ ರಥೋತ್ಸವು, ಅವಭೃತೋತ್ಸವು, ನೌಕಾ ವಿಹಾರೋತ್ಸವು, ಅಂಕುರ ಪ್ರಸಾದ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.

ಶ್ರೀ ಲಕ್ಷ್ಮೀನಾರಾಯಣ ದೇವಳ, ಕೋಟೆಬೈಲ್

ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ದಿವ್ಯ ಆಶಿರ್ವಾದ ಬರಶಿ ಹೊನ್ನಾವರ  ತಾ||ಚೆ ಕೋಟೆಬೈಲ್ ಶ್ರೀ ಲಕ್ಷ್ಮೀನಾರಾಯಣ ದೇವಳಾಚೆ ಶ್ರೀ ದೇವಾಲೆ ಸನ್ನಿಧಾನಾಂತು ದಿ|| ಮಾಳಪ್ಪಾ ಪುಟ್ಟಯ್ಯ ಭಟ್ಮಾಮ್ಮಾಲೆ ಕುಟುಂಬಸ್ಥಾನಿ ದಿ. ೮-೨-೨೦೧೪ಕ ಚತುದಿನಾತ್ಮಕ ಶ್ರೀ ಮಹಾವಿಷ್ಣು ಮಹಾ ಯಾಗ ಪುರೇತು ವೇ|| ಅನಂತ ಪಿ. ಭಟ್ಟ ಬೇರೊಳ್ಳಿ ಹಾಂಗೆಲೆ ನೇತೃತ್ವಾರಿವಿಜೃಂಭಣೇರಿ ಸಂಪನ್ನ ಜಾಲ್ಲಿ. ಹೇ ವೇಳ್ಯಾರಿ ಕುಟುಂಬಾಚೆ ಪುರೇತ ಜಾಲೇಲೆ ವೇ|| ಅನಂತ ಪುರುಷೋತ್ತಮ ಭಟ್ಟ ಬೆರೊಳ್ಳಿ ಆನಿ ವೇದಶಾಸ್ತ್ರ ಸಂಪನ್ನ, ಜ್ಯೋತಿಷಿ ವೇ|| ಪುರುಷೋತ್ತಮ ರಾಮಕೃಷ್ಣ ಭಟ್ಟ, ಕಾಶೀಕರ, ಹೊಸಾಡ ಹಾನ್ನಿ ಆಮಗೇಲೆ ಸಮಾಜಾಕ ಪಾವಯಿಲೆ ಧಾರ್ಮಿಕ ದೇಣಿಗಾ ಸ್ಮರಣ ಕೋರ್ನು ಕೋಟೆಬೈಲ್ ಮಾಳಪ್ಪಾ ಪುಟ್ಟಯ್ಯ ಭಟ್ಟ ಕುಟುಂಬಾ ತರಪೇನ ಸನ್ಮಾನ ಕೆಲ್ಲೆಲೆ ಖಬ್ಬರ ಮೆಳ್ಳಾ.

ಶ್ರೀ ವೀರವಿಠ್ಠಲ ಮಠ ಅಂಕೋಲಾ

ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ ಶಾಖಾ ಮಠ ಜಾಲೇಲೆ ಶ್ರೀ ವೀರವಿಟ್ಟಲ ಮಠ, ಮಠಾಕೇರಿ ಅಂಕೋಲಾ ಹಾಂಗಾ ಶ್ರೀ ವೀರವಿಟ್ಟಲ ದೇವಾಲೆ ಪುನರ್ ಪ್ರತಿಷ್ಠೆಚೆ ವರ್ಧಂತಿ ಉತ್ಸವು೨೦೧೪ಚೆ  ಮಾರ್ಚ್ ೧೦ ದಾಕೂನು ೧೩ ಪರಿಯಂತ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತಿ ಆನಿ ಮಾರ್ಗದರ್ಶಾನಾರಿ ವಿಜೃಂಭಣೇರಿ ಸಂಪನ್ನ ಜಾಲ್ಲೆ. ತತ್ಸಂಬಂಧ ಪ|ಪೂ| ಸ್ವಾಮ್ಯಾಂಗೆಲೆ ಶುಭಾಗಮನ, ಶ್ರೀ ಸತ್ಯನಾರಾಯಣ ಪೂಜಾ, ಏಕಾದಶಿ ಪ್ರಯುಕ್ತ ತಪ್ತಮುದ್ರಾಧಾರಣ,ಲಘುವಿಷ್ಣು ಹವನ, ಮಹಾಮಂಗಳಾರತಿ, ಅನ್ನಸಂತರ್ಪಣ, ಪ|ಪೂ| ಸ್ವಾಮ್ಯಾಂಕ ತಾಂಗೆಲೆ ಮುಖಾವೈಲೆ ಮುಕ್ಕಾಮಾಮ ಶುಭ ವಿಧಾಯ ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ಗಾಂವ್ಚೆ, ಪರಗಾಂವ್ಚೆ ಸಮಾಜ ಬಾಂಧವ ಹೇ ಸಂಧರ್ಭಾರಿ ವ್ಹಡ ಸಂಖ್ಯಾರಿ ಉಪಸ್ಥಿತ ವ್ಹರಲೇಲೆ.

ಶ್ರೀ ಮಹಾಲಸಾ ದೇವಳ, ಕುಮಟಾ

ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ ಸಂರಕ್ಷಣಾ ವ್ಯಾಪ್ತಿಂತು ಯವ್ಚೆ ಕುಮಟಾ ಶ್ರೀ ಮಹಾಲಸಾ ನಾರಾಯಣೀ ದೇವಳಾಚೆ ಆಡಳಿತ ಮೊಕ್ತೇಸರ ಆನಿ ಅಧ್ಯಕ್ಷ ಜಾವ್ನು ಶ್ರೀ ಮ್ಹಾಳಪ್ಪಾ ಬಾಬಾ ಪೈ ತಾನ್ನಿ ಪ|ಪೂ| ಸ್ವಾಮ್ಯಾಂಗೆಲೆ ಆದೇಶಾ ಪ್ರಮಾಣೆ ತಾ. ೧೭-೦೧-೨೦೧೩ ದಿವಸು ಅಧಿಕಾರ ಸ್ವೀಕಾರ ಕೆಲ್ಲಿ. ಶ್ರೀ ಪಾಂಡುರಂಗ ಶ್ರೀಧರ ಪೈ,ಶ್ರೀ ವಿವೇಕ ಮರ್ತು ಪೈ, ಶ್ರೀ ರಾಮನಾಥ ವಾಮನ ಪೈ, ಆನಿ ಶ್ರೀ ಪುರುಷೋತ್ತಮ ವಿ. ಪೈ ಹಾನ್ನಿ ಆಡಳಿತ ಮಂಡಳಿ ಪದಾಧಿಕಾರಿ ಜಾವ್ನು ನೇಮಣೂಕಿ ಜಾಲ್ಲಿಂತಿ. ಹಾನ್ನಿ ನ್ಹಯಿಸಿ ಆನಿ ೬ ಕುಳಾವಿ ಲೋಕ ಸಮಿತಿ ಸದಸ್ಯ ಜಾವ್ನು ಆಸತಾತಿ.

ಕುಮ್ಟಾ ಶ್ರೀ ಮಹಾಲಸಾ ದೇವಿಲೆ ವರ್ಧಂತಿ

ಕುಮಟಾಚೆ ಶ್ರಿ ಮಹಾಲಸಾ ನಾರಾಯಣೀ ದೇವಿಲೆ ವರ್ಧಂತಿ ಉತ್ಸವು ೨೦೧೪ಚೆ ಎಪ್ರಿಲ್ ೩ &೪ ತಾರಿಖೇಕ ಚೊಲಚೆ ಆಸ್ಸ ಮ್ಹಣಚೆ ಮಾಹಿತಿ ಮೆಳ್ಳಾ. ಹೇ ಶುಭಾವಸರಾರಿ  ನವಚಂಡಿ ಹವನ, ಶ್ರೀ ಸಿಂಹಪುರುಷ ಆನಿ ಶ್ರೀ ಮ್ಹಾಳ ಪುರುಷ ದರ್ಶನ ಸೇವಾ ಆಸ್ಸ. ತಾ. ೩-೪-೧೪ಕ ೬-೦೦ ಗಂಟ್ಯಾಕ ಶ್ರೀ ಸುಧೀಂದ್ರ ಬೇಂಗ್ರೆ ಹಾಂಗೆಲೇ ಭಕ್ತಿ ಸಂಗೀತ, ಅಷ್ಟಾವಧಾನ ಸೇವಾ,ರಾತ್ತೀಕ ಪಾಲಂಖೀ ಉತ್ಸವು, ವಸಂತಪೂಜಾ ಹೆಂ  ಕಾರ್ಯಕ್ರಮ ಆಸ್ಸ. ಧೋಂಪಾರಾ ಸಮಾರಾಧನ ಆಸ್ಸ. ಹೆಂ ಧಾರ್ಮಿಕ ಸಮಾರಂಭಾಕ ಕುಳಾವಿ ಆನಿ ಭಜಕ ಬಾಂಧವಾನಿ ಯವ್ನು ದೇವಾಲೆ ಕೃಪಾ ಆನಿ ಪ್ರಸಾದ ಸ್ವೀಕಾರ ಕೋರ‍್ಕಾ ಮ್ಹೊಣು ದೇವಳಾ ತರಪೇನ ವಿನಂತಿ ಆಸ್ಸ.

ಶ್ರೀ  ರಾಮಸೇವಾ ಸಂಘ, ಕೋಟೇಶ್ವರ

ಶ್ರೀ ರಾಮ ಸೇವಾ ಸಂಘ, ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳ, ಕೋಟೇಶ್ವರ ಹಾಜ್ಜೆ ಸ್ವರ್ಣ ಮಹೋತ್ಸವ ಸೌಧಾಕ ಪರಮ ಪೂಜ್ಯ ಶ್ರೀ ಕಾಶೀಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಗುರುವರ್ಯಾಂಗೆಲೆ ಶುಭಾಶೀರ್ವಾದ ಬರಶಿ ತಾಂಗೆಲೆ ಪಟ್ಟ ಶಿಷ್ಯ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾನಿ ಶಿಲಾನ್ಯಾಸ ಕೋರ್ನು, ಆಶೀರ್ವಾದು ಕೆಲ್ಲೊ. ಮುಖಾರಿ ಹೇ ಇಮಾರತ್ತಾ(ಸೌಧಾ)ಂತು ಶ್ರೀ ಯಾದವೇಂದ್ರ ಆಯುರ್ವೇದ ವೈದ್ಯಶಾಲಾ ತಶ್ಶೀಚಿ ಶ್ರೀ ಭುವನೇಂದ್ರ ಆಯುರ್ವೇದ ಆಸತ್ರೆ  ಸುರುವಾತ ಜಾವ್ಚೆ ಆಸ್ಸ. ಹೇ ಸಂದರ್ಭಾರಿ ವಿವಿಧ ಧಾರ್ಮಿಕ ವಿಧಿ-ವಿಧಾನ ಚಲ್ಲೆ. ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳಾಕ ಸಂಬಂಧ ಪಾವ್ವಿಲೆ ಜಾಗೆಂತು ಹೇ ಸೌಧ ನಿರ್ಮಾಣ ಜಾವ್ಚೆ ಆಸ್ಸುನು, ಹಾಂತು ಪಂಚಕರ್ಮ ಚಿಕಿತ್ಸಾ ಆನಿ ಇತರ ಆಯುರ್ವೇದ ಚಿಕಿತ್ಸಾಯಿ ಚಲ್ತಾ. ವಯ್ಚೆ ಮಾಳಯೇರಿ ಆಸ್ಪತ್ರೆಚೆ ವಿಭಾಗ ಆಸ್ತಾ.
ಹೇ ಯೋಜನೆಚೆ ಪ್ರಥಮ ಹಂತ ಜಾವ್ನು ಶ್ರೀ ಯಾದವೇಂದ್ರ ಆಯುರ್ವೇದ ವೈದ್ಯಶಾಲಾ ಚಿಕಿತ್ಸಾಲಯಾಯಿ ಕೋಟೇಶ್ವರ ಸಂಜೀವಿನಿ ಕಾಂಪ್ಲೆಕ್ಸಾಂತು  ಶ್ರೀ ಗುರುವರ್ಯಾಂಗೆಲೆ ಅಮೃತ ಹಸ್ತಾನಿ ಉದ್ಘಾಟಿತ ಜಾಲ್ಲೆ. ದೊನ್ನೀ ಕಾರ್ಯಕ್ರಮಾಂತು ವಿಂಗವಿಂಗಡ ಗಾಂವ್ಚಾನ ಆಯ್ಯಿಲೆ ಸಮಾಜಾಚೆ ಗಣ್ಯ ಲೋಕ ಉಪಸ್ಥಿತ ವ್ಹರಲೀಲೆ. ಸಭಾ ಕಾರ್ಯಕ್ರಮಾಂತು ಪ|ಪೂ|ಸ್ವಾಮ್ಯಾನಿ ಆಪಣಣಾಲೆ ಆಶೀರ್ವಚನಾಂತು “ಶ್ರೀ ಕಾಶೀಮಠ ಸಂಸ್ಥಾನಾಚೆ ಚ್ಹಡ್ತೆ ಯತಿವರ್ಯ ಆಯುರ್ವೇದಾಂತು  ವಿಶೇಷ ಪರಿಣಿತ ಜಾವ್ನಾಶ್ಶಿಲೆ, ಆನಿ ಆಯುರ್ವೇದ ಚಿಕಿತ್ಸಾ ಪದ್ದತಿಕ ವಿಶೇಷ ಜಾಲೇಲೆ ಪ್ರೋತ್ಸಾಹ ದಿತ್ತಾ ಆಯ್ಲಿಂತಿ. ಪರಮ ಪೂಜ್ಯ ಶ್ರೀಮತ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಸಬಾರ ವರ್ಷಾಚೆ ಇಚ್ಛಾ, ಯೋಜನಾ ಕೋಟೇಶ್ವರಾಂತು ಸಾಕಾರ ಜಾತ್ತಾ ಆಸ್ಸುಚೆ  ಆಪಣಾಕ ಸಂತೋಷ ಜಾಲ್ಲ್ಯಾ. ಹೇಂಚಿ ನಮೂನ್ಯಾನ ವಿಂಗವಿಂಗಡ ಗಾಂವಾಂತೂ  ಆಮ್ಗೆಲೆ ಸಮಾಜಾ ದಾಕೂನು ಚಲ್ಚೆ ವರಿ ಜಾಂವೊ, ಆಯುರ್ವೇದ  ಪದ್ಧತಿ ಅನುಷ್ಠಾನ ಮೂಖಾಂತರ ಆರೋಗ್ಯವಂತ ಸಮಾಜ ನಿರ್ಮಾಣ ಜಾಂವೊ ಮ್ಹೊಣು ಅನುಗ್ರಹ ದಿಲ್ಲ್ಲಿಂತಿ. ಗಾಂವ್ಚೆ ಜಿ‌ಎಸ್‌ಬಿ  ಸಮಾಜಾಚೆ ಗಣ್ಯ ಹೇ ಸಂದಭಾರಿ ಉಪಸ್ಥಿತ ಆಶ್ಶಿಲೆ.

ಶ್ರೀಗಾಯಿತ್ರಿ ಸಿದ್ಧಿವಿನಾಯಕ ದೇವಳ, ಮಂಗಳೂರು

ಮಂಗಳೂರ‍್ಚೆ ಪಂಚಮಹಾಶಕ್ತಿ ಶ್ರೀ ಗಾಯತ್ರೀದೇವಿ ಸಿದ್ದಿವಿನಾಯಕ ದೇವಳಾಕ ಶ್ರೀ ಕ್ಷೇತ್ರ ಧರ್ಮಸ್ಥಳಾಚೆ ಧರ್ಮಾಧಿಕಾರಿ, ಪದ್ಮವಿಭೂಷಣ ಡಾ|| ವಿರೇಂದ್ರ ಹೆಗಡೆ ತಾನ್ನಿ ಶುಭಾಗಮನ ಕೆಲೇಲ ತೆದ್ದನಾ ತಾಂಕಾ ಪೂರ್ಣಕುಂಭ ಸ್ವಾಗತ 
ಬರಶಿ
ಯೇವ್ಕಾರ
ಕೆಲ್ಲಿ. ಶ್ರೀಹೆಗಡೆನ ದೇವಾಲೆ
ದರ್ಶನ 
ಘೇವ್ನು
ದೇವಳಾಚೆ ಕಾರ್ಯಚಟುವಟಿಕೆ ಖಾತ್ತಿರಿ ತಾರೀಪು ಕೆಲ್ಲಿಂತಿ ಉಪರಾಂತ ದೇವಳಾಚೆ  ತರಪೇನ ತಾಂಕಾ ವಿಶೇಷ ಜಾವ್ನು ಗೌರವ ಕೋರ್ನು ಅಭಿನಂದನಾ ಪತ್ರ, ಶಾಲ, ಸ್ಮರಣಿಕ, ಫಲ-ಪುಷ್ಪ, ದೇವಾಲೆ ಪ್ರಸಾದ ದೀವ್ನು ಅಬಿವಂದನ ಕೆಲ್ಲೆ.  ಹೇ ವೇಳ್ಯಾರಿ  ಧರ್ಮದರ್ಶಿ ಹರಿಕೃಷ್ಣ ಪುನರೂರು, ಶ್ರೀ ಕ್ಷೇತ್ರಾಚೆ ಆಡಳಿತ ಆನಿ ಅನುವಂಶಿಕ ಧರ್ಮದರ್ಶಿ ಶ್ರೀ ಎಂ. ರಮೇಶ ಕೃಷ್ಣ ವಿ. ಶೇಟ್, ಶ್ರೀ ಎಂ.ಜೆ.ರಾವ್ ಆನಿ ವಿನಾಯಕ ಶೇಟ್ ಆದಿ ಗಣ್ಯ ಉಪಸ್ಥಿತ ಆಶ್ಶಿಲೆ.

ಶ್ರೀ ಮುಖ್ಯಪ್ರಾಣ ಲಕ್ಷ್ಮೀವೆಂಕಟೇಶ ದೇವಳ ಮೊಲ್ಕೋಡು

ಮೊಲ್ಕೋಡಾಚೆ ಶ್ರೀ ಮುಖ್ಯಪ್ರಾಣ ಲಕ್ಷ್ಮಿವೆಂಕಟೇಶ ದೇವಾಲೆ ೨೪ಚೆ ವರ್ಧಂತಿ ಮಹೋತ್ಸವು ತಾ. ೨೦-೨೦೨೦೧೪ ದಿವಸು ಗಣಪತಿ ಪೂಜನ, ಪುಣ್ಯಾಹವಾಚನ, ಶತ ಕಲಶಾಭಿಷೇಕ, ಮಹಾ ಅಭಿಷೇಕ, ಗಣಹವನ ಸನ್ನಿಧಿ ಹವನ, ಶ್ರೀ ಸತ್ಯನಾರಾಯಣ ಕಲಶ ಪೂಜನ, ಅನ್ನ ಸಂತರ್ಪಣ, ಆಶೀರ್ವಾದ ಗ್ರಹಣ, ಅಷ್ಟಾವಧಾನ, ಪಾಲಂಖೀ ಉತ್ಸವು, ಪ್ರಸಾದ ವಿತರಣ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಬರಶಿ ಚಲೇಲೆ ಖಬ್ಬರ ಮೆಳ್ಳಾ.

ಶುಭ ವಿವಾಹ

ಚಿ|| ಸಚಿನ್ (ಶ್ರೀಮತಿ ಗಾಯತ್ರಿ ಆನಿ ಶ್ರೀ ಗಜಾನನ ದಾಮೋದರ ನಾಯಕ್, ಚಂದ್ರಗುತ್ತಿ ಹಾಂಗೆಲೆ ಪೂತು) ಆನಿ ಚಿ||ಸೌ|| ಪೂಜಾ (ಶ್ರೀಮತಿ ಜ್ಯೋತಿ ಆನಿ ಶ್ರೀ ಮಾರುತಿ ಶ್ಯಾನಭಾಗ, ಸಾಗರ ಹಾಂಗೆಲಿ ಧೂವ) ಹಾಂಗೆಲೆ ಲಗ್ನ ಸಾಗರಾಚೆ ಶ್ರೀ ಲಕ್ಷ್ಮೀವೆಂಕಟರಮಣ ದೇವಳಾಚೆ ಶ್ರೀನಿವಾಸ ಸಭಾಗೃಹಾಂತು ತಾ. ೫-೨-೧೪ ದಿವಸು ವಿಜೃಂಭಣೇರಿ ಚಲ್ಲೆ. ಆನಿ ವ್ಹರೆತಾ ಘರಾಂತು ಗರ್ಭರೋಹಣ ಪ್ರಯುಕ್ತ ಶ್ರೀ ಸತ್ಯನಾರಾಯಣ ಪೂಜಾ ದಿ. ೬-೨-೨೦೧೪ ದಿವಸು ಚಲೇಲೆ ಖಬ್ಬರ ಮೆಳ್ಳಾ. ವ್ಹರೆತು-ವ್ಹಕಲಾಂಕ ಸರಸ್ವತಿ ಪ್ರಭಾ ತರಪೇನ ಶುಭಾಶಯು.

ಬ್ರಹ್ಮೋಪದೇಶಂ

ಉಪ್ಪುಂದಾಚೆ ಶ್ರೀಮತಿ ಶಾಂತಾ ಆನಿ ಶ್ರೀ ವಾಮನ ಪ್ರಭು ಹಾಂಗೆಲೊ ನಾತ್ತು ಚಿ|| ನಂದನ (ಶ್ರೀಮತಿ ಸುಮಾ ಆನಿ ಶ್ರೀ ಸುಧಾಕರ ವಿ. ಪ್ರಭು ಹಾಂಗೆಲ ಪೂತು) ಹಾಕ್ಕಾ ತಾ. ೨-೨-೨೦೧೪ ದಿವಸು ಉಪ್ಪುಂದ ಶ್ರೀ ಲಕ್ಷ್ಮೀವೆಂಕಟರಮಣ ದೇವಳಾಚೆ ಶ್ರೀ ರುಕ್ಮಿಣಿ ರಾಮ ಪ್ರಭು ಕಲ್ಯಾಣ ಮಂದಿರಾಂತು ವಿಜೃಂಭಣೇರಿ ಬ್ರಹ್ಮೋಪದೇಶ ದೀಕ್ಷಾ ದಿಲೇಲೆ ಖಬ್ಬರ ಮೆಳ್ಳಾ. ಮೂಂಜಿ ವ್ಹರೆತಾಕ ದೇವು ಬರೆ ಕೊರೊಂ.

ಶ್ರೀ ಎಮ್. ಜಗನ್ನಾಥ ಶೆಣೈ ಮಾಮ್ಮಾಲೆ ಷಷ್ಟ್ಯಬ್ಧಿ

ಮೈಸೂರಾಚೆ ಗೋವಿಂದ ರಾವ್ ಮೆಮೊರಿಯಲ್ ಸಭಾಗೃಹಾಂತು ತಾ. ೭-೨-೨೦೧೪ ದಿವಸು ಅವಳಿ ಬಾಂವ ಜಾಲೇಲೆ ಶ್ರೀ ರಮಾನಾಥ ಶೆಣೈ ಆನಿ ಶ್ರೀ ಎಮ್. ಜಗನ್ನಾಥ ಶೆಣೈ ಹಾಂಗೆಲೆ ೬೦ ಜಾಯಿ ದಿವಸು ಆನಿ ಸನ್ಮಾನ ಸಮಾರಂಭ ಮಸ್ತ ಗಡ್ಜ-ಗೌಜಾಂತು ಚಲ್ಲೆ. ತೇ ದಿವಸು ಸಾಂಜ್ವಾಳಾ ಶೆಣೈ ಬಾಂವ ದಂಪತೀಂಕ ಪೂರ್ಣ ಕುಂಭ ಬರಶಿ ಹೃದಯಸ್ಫರ್ಶಿ ಜಾವ್ನು ಸಭಾಂಗಣಾಕ ಆಪೋವ್ನು ಹಾಳ್ಳೆ. ಸುರವೇಕ ಶ್ರೀ ರಾಜೇಶ ಪಡಿಯಾರ ತಾನ್ನಿ ಸುಮಧುರ ಜಾವ್ನು ಭಾವಗೀತಾ ಮ್ಹಳ್ಳೆ. ಉಪರಾಂತ ಯೇವ್ಕಾರ ಜಾಲ್ಲೆ. ಐಸಿ‌ಐಸಿ‌ಐ ಬ್ಯಾಂಕಾಚೆ ಚೇರ್‌ಮೆನ್ ಶ್ರೀ ಕೆ.ವಿ.ಕಾಮತ್ ತಾನ್ನಿ ಶ್ರೀ ರಮಾನಾಥ ಶೆಣೈ ಆನಿ ಶ್ರೀ ಜಗನ್ನಾಥ ಶೆಣೈ ದಂಪತೀಂಕ ಆತ್ಮೀಯ ಜಾವ್ನು ಸತ್ಕಾರ ಕೆಲ್ಲಿಂ.
ಸನ್ಮಾನ ಸ್ವೀಕಾರು ಕೋರ್ನು ಉಲಯಿಲೆ ಶ್ರೀ ಎಮ್. ಜಗನ್ನಾಥ ಶೆಣೈ ತಾನ್ನಿ “೧೧೯೫ಂತು ೧೧೪ ಕೋಟಿ ರೂಪಯ ಬ್ಯಾಂಕ್ ರೀಣ ಘೆವ್ಕಾ ಜಾಲೇಲೆ ಸಂದಿಗ್ಧ ಆಪಣಾಕ ಆಯ್ಯಿಲ ತೆದ್ದನಾ ಆಪಣಾಕ ಆತ್ಮವಿಶ್ವಾಸ, ಧೈರ್ಯ ಭೋರ್ನು, ಸಲಹ-ಸೂಚನಾ ದಿಲೇಲೆ ತೆದನಾಂಚೆ ಚೇರ್‌ಮೆನ್ ಶ್ರೀ ಕೆ.ವಿ. ಕಾಮತ್ತಾಂಕ ಕೆದನಾಂಯಿ ಹಾಂವೆ ವಿಸರೂಕ ಜಾಯ್ನಾ ಮ್ಹಳ್ಳಿಂತಿ. ಮುಕಾರ‍್ಸೂನು ತಾನ್ನಿ “ಖಂಚೇ ಏಕಳೊ ಮನುಷ್ಯು ಕಿತ್ಲೇ ಊಂಚಾ ಸ್ಥಾನಾಕ ಘೆಲಯಾರಿಚಿ ಆಪಣಾಕ ಮದ್ದತ್ ಕೆಲೇಲೆ ಮನುಷ್ಯಾಕ, ಗುರು ಆನಿ ಮ್ಹಾಲ್ಗಡ್ಯಾಂಕ ವಿಸರೂಕ ನಜ್ಜ. ಆಪಣಾನ ಬ್ಯಾಂಕಾಂತು ರೀಣ ಘೆವಚಾಕ ತಾಂಗೆಲೆ ಅಭಿಪ್ರಾಯು ನಿಮ್ಗಿಲಿ ತೆದ್ದನಾ ತಾನ್ನಿ ಮಾಕ್ಕೇಕ ಉತ್ತರ ಸಾಂಗ್ಲೆ. ತ್ಯಾ ಮ್ಹಳಯಾರಿ ತುಮ್ಮಿ ರೀಣ ನಿಮ್ಗೂನು ಬ್ಯಾಂಕಾ ಲಾಗ್ಗಿ ವಚ್ಚೇಕ ನಜ್ಜ. ಬ್ಯಾಂಕಾಚಾನ ತುಮಗೇಲೆ ಲಾಗ್ಗಿ ಯವ್ಚವರಿ ಕೋರ‍್ಕಾ ಮ್ಹೋಣು; ಹೇ ಉತ್ತರ ಕೆದನಾಂಯಿ ಮಾಕ್ಕಾ ಯಾದ ಎತ್ತಾ ಉರತಾ. ಆಮ್ಗೆಲೆ ಸಂಸ್ಥೆ ದಾಕೂನು ಸುಮಾರ ೭೦,೦೦೦ ಬೀಡಿ ಕಾಮಗಾರ ಪರೋಕ್ಷ ಜಾವ್ನು ಜೀವನ ಚಲೈತಾ ಆಸಲೇರಿ, ಪ್ರತ್ಯಕ್ಷ ಜಾವ್ನು ೧೦೦೦ ಲೋಕ ನೌಕರ ಜೋಡ್ತಾ ಆಸ್ಸತಿ. ಆಮ್ಗೆಲೆ ವಾರ್ಷಿಕ ೫೫೦ ಕೋಟಿ ರೂಪಯ ವಹಿವಾಟು ಚಲ್ತಾ ಆಸ್ಸ. ಮ್ಹೊಣು ತಾಂಗೆಲೆ ಸಫಲತೆಚೆ ಕಾಣಿ ಸಭಾ ಮುಖಾರಿ ಸೊಡೊವನು ದವರ‍್ಲಿಂತಿ.
ತಾಂಗೆಲೆ ಒಳಕ ಸಭಾಕ ಮೈಸೂರು ಸಮಾಜಾಚೆ ಮ್ಹಾಲ್ಗಡೆ ಸದಸ್ಯ ಶ್ರೀ ವಿಜಯನಾಥ ಭಟ್ ತಾನ್ನಿ ಕೋರ್ನು ದಿಲ್ಲಿ. ಮಾಗಿರಿ ಸನ್ಮಾನ ಸ್ವೀಕಾರ ಕೋರ್ನು ಉಲಯಿಲಿ ಶ್ರೀ ಕೆ.ವಿ. ಕಾಮತ್ ತಾನ್ನಿ “ಶೆಣೈ ಬಾಂವಾಲೆ ಜಾಯಿದಿವಸಾಕ ಶುಭ ಹಾರೈಕೆ ಕೋರ್ನು “ಖಂಚೇ ಮನುಷ್ಯು ಜಾಂವೊ ತಾಂಗೆಲೆ ಕಠಿಣ ಪರಿಶ್ರಮಾನಿ ಮಾತ್ರ ಯಶ ಪಾವಚಾಕ ಸಾಧ್ಯ ಆಸ್ಸ.. ತಶ್ಶಿ ಅಪಾರ ಕಷ್ಟ ಕಾಡ್ನು ಶೆಣೈ ಬಾಂವ ಆಜಿ ಯಶಸ್ವಿ ಉದ್ಯಮಿ ಜಾಲ್ಲಿಂತಿ. ಆನ್ನಿಕೆ ಮಸ್ತ ವರ್ಷ ಹಾಂಗೆಲೆ ಸೇವಾ ಸಮಾಜಾಕ ಪ್ರಾಪ್ತ ಜಾಂವೊ. ಮ್ಹೊಣು ತಾನ್ನಿ ಹರ್ಷ ವ್ಯಕ್ತ ಕೆಲ್ಲಿ.
ಹೇ ಸಮಾರಂಭಾಕ ಮೈಸೂರಾಚೆ ಮಾತ್ರ ನ್ಹಯಿ ಬಾಂಯ್ಚೆ ಗಾಂವ್ಚಾನ ವರೇಕ ಸಬಾರ ಗಣ್ಯ ತಶ್ಶಿಚಿ ಅಭಿಮಾನಿ ಲೋಕಾನಿ ಹಜಾರಗಟ್ಲೆ ಅಂಕಡ್ಯಾರಿ ಯವ್ನು “ಶೆಣೈ ಬಾಂವಾಂಕ ದೇವು ಬರೆಂ ಕೊರೊಂ ಮ್ಹಳ್ಳಿಂತಿ.  ಕಾರ್ಯಕ್ರಮ ಚಾಂಗ ಜಾವ್ನು ನಿರ್ವಹಣ ಕೆಲೀಲೆ ಮೈಸೂರಾಚೆ ಪ್ರಖ್ಯಾತ ವೈದ್ಯ ಡಾ|| ಉಮೇಶ ಕಾಮತ್ ತಾಂಗೆಲೆ ಪಂಗಡಾಂತು ಆಸ್ಸುಚೆ ಶ್ರೀ ಅಚ್ಯುತ ರಾಮಪ್ರಸಾದ ಕಾಮತ್, ಶ್ರೀ ಸುರೇಶ ನಾಯಕ, ಶ್ರೀ ಮಹೇಶ ಕಾಮತ್, ಶ್ರೀ ಸತೀಶ ಪ್ರಭು, ಶ್ರೀ ಗೋಕುಲದಾಸ ಭಟ್, ಶ್ರೀಮತಿ ಮಮತಾ ಕಿಣಿ ಹಾಂಗೆಲೆ ಸಹಕಾರಾನಿ ಸರ್ವ ಕಾರ್ಯಕ್ರಮ ಯಶಸ್ವಿ ಜಾಲ್ಲೆ ಮ್ಹೊಣು ಶ್ರೀ ಜಗನ್ನಾಥ ಶೆಣೈ ಮಾಮ್ಮಾನಿ ಸರ್ವಾಂಕ ಅಭಿನಂದನ ಪಾವೈಲೆ.
ಸಮಾರಂಭ ಯಶಸ್ವಿ ಜಾವಚಾಕ ಮೌಲ್ಯಯುತ ಸಹಕಾರ ದಿಲೇಲೆ ಜಿ.ಎಸ್.ಬಿ. ಕಾರ್ಯಕಾರಿಣಿ ಸಮಿತಿ, ಶ್ರೀ ವೆಂಕಟರಾಯ ನಾಯಕ, ಶ್ರೀ ಅನುನಾಯಕ, ಶ್ರೀ ಶ್ರೀನಿವಾಸ ಹೆಗಡೆ, ಶ್ರೀ ಎಮ್. ದಾಮೋದರ ಪೈ, ಶ್ರೀ ರಾಜೇಶ ಪ್ರಭು, ಶ್ರೀ ಪ್ರದೀಪ ರಾವ, ಜಿ.ಎಸ್.ಬಿ. ಸ್ವಯಂ ಸೇವಕ, ಸಭಾಗೃಹಾಚೆ ನೌಕರ ಆನಿ ಪ್ರತ್ಯಕ್ಷ ತಶ್ಶಿಚಿ ಪರೋಕ್ಷ ಜಾವ್ನು ಸಹಕಾರ ದಿಲೇಲೆ ಸರ್ವಾಂಕ ಸ್ವಾಗತ ಸಮಿತಿ ಅಧ್ಯಕ್ಷ ಜಾಲೇಲೆ ಉಮೇಶ ಕಾಮತ್ ತಾನ್ನಿ ಆಬಾರ ಪಾವಿತ ಕೆಲ್ಲಿ.

Saraswati Prabha Konkani

ಇತಿಹಾಸಾಚೆ ಆಂಗ್ಣಾಂತು... ಸಾರಸ್ವತ

ಹಿಂದೂಸ್ಥಾನಾಚೆ ಪಶ್ಚಿಮ ಕರಾವಳಿಕ ಮ್ಹಳಯಾರಿ ಗುಜರಾತ ದಾಕೂನು ಕನ್ಯಾಕುಮಾರಿ ಪರ್ಯಂತ ಮಾಕಶಿ ‘ಸಪ್ತ ಕೊಂಕಣ ಮ್ಹೊಣು ಆಪೈತಾಶ್ಶಿಲೆ ಮ್ಹಣಚೆ ಕಲ್ಲಣಾಲೆ ‘ರಾಜತರಂಗಿಣಿ (ಕ್ರಿ.ಶ.೧೧೮೪) ಆನಿ ಚಾಲುಕ್ಯಾಲೆ ಸಬಾರ ಶಾಸನಾಂತು ಉಲ್ಲೇಖ ಆಸ್ಸ. ಪರಶುರಾಮಾನಿ ಕ್ಷತ್ರಿಯ ಸಂಹಾರ ಕೋರ್ನು ಜಿಕ್ಕಿಲೆ ಭೂಂಯಿ ಬ್ರಾಹ್ಮಣಾಂಕ ದಾನ ಕೆಲೀಲೆ ವಿಷಯು ಸರ್ವವೇದ್ಯ. ಜಿಕ್ಕಿಲೆ ಪೂರಾ ಭೂಂಯಿ ಆಪಣಾನ ದಾನ ಕೆಲೀಲ ತೆದ್ದನಾ ರಾಬಚಾಕ ಜಾಗೋ ನಾಶಿ ಆಪಣಾಲೆ ತಾಕತ್ತಾನಿ ಸಮುದ್ರಾಕ ಮಾಕ್ಷಿ ಧೂಂಗುಳ್ನು ತ್ಯಾ ಭೂಂಯಿ ಆಪಣಾಕ ದೀವ್ಕಾ ಮ್ಹೊಣು ವರುಣಾಲಾಗ್ಗಿ ಮಾಗಣಿ ಕರ್ತಾ. ತಶ್ಶಿ ಪ್ರಾಪ್ತ ಜಾಲೇಲೆ ಭೂಂಯ್ಕ ‘ಪರಶುರಾಮ ಸೃಷ್ಠಿ ಮ್ಹಣತಾತಿ. ತಾಕ್ಕಾ ಪರಶುರಾಮಾನಿ ಆಪಣಾಲೆ ಆವಯಿಲೆ ಕೂಳಾರ‍್ಚೆ ನಾಂವ ಜಾಲೇಲೆ ಕೊಂಕಣ ಮ್ಹಣಚೆ ಯಾದಾಕ ‘ಕೊಂಕಣ ಮ್ಹೊಣು ಆಪೈಲೆ.
ದೈವಜಾತ ಘಟನಾ ಮ್ಹಣ್ಚವರಿ ದೂರ್ವಾಸ ಮುನಿ ದಾಕೂನು ಶಾಪಗ್ರಸ್ಥೆ ಜಾಲೇಲಿ ಸರಸ್ವತಿ ದೇವಿ ಅತ್ರೇಯ ಮುನಿಲೆ ಘರ‍್ಕಡೆ ಜನ್ಮುನು, ಮುಖಾರಿ ದದೀಚಿ ಮುನಿ ದಾಕೂನು ಘೆತ್ತಿಲೆ ಚರ್ಡು, ವೇದವಿದ್ಯಾ, ಬ್ರಹ್ಮವಿದ್ಯೆಂತು ಪಾರಂಗತ ಜಾಲೇಲೊ ಸಾರಸ್ವತ ಮುನಿ ಜಾವ್ನು ಪ್ರಖ್ಯಾತ ಜಾತ್ತಾ. ಅಸ್ಸಲೆ ಸಾರಸ್ವತ ಮುನಿ ದಾಕೂನು ದೀಕ್ಷಾ ಘೇವ್ನು ಅನುಗ್ರಹೀತ ಜಾಲೇಲೆ ಹಜಾರೋಭರಿ ಬ್ರಾಹ್ಮಣ ಸಮುದಾಯ ಮುಖಾರಿ ‘ಸಾರಸ್ವತ ಬ್ರಾಹ್ಮಣ ಜಾವ್ನು ವಾಂಚತಾತಿ ಮ್ಹೊಣು ಸ್ಕಂದ ಪುರಾಣ, ಮಹಾಭಾರತಾಚೆ ಶಲ್ಯ ಪರ್ವ ತಶ್ಶೀಚಿ ವಿಂಗವಿಂಗಡ ಲೇಖನ, ಸಂಸ್ಕಾರ ರತ್ನಮಾಲಾ, ಸೌಂದರಾನಂದ, ಬುದ್ಧಚರಿತ ಇತ್ಯಾದಿ ಗ್ರಂಥಾಂತು ಮಸ್ತ ಉಲ್ಲೇಖ ಮೆಳ್ತಾ.
ರಾಷ್ಟ್ರಕವಿ ಮಂಜೇಶ್ವರ ಗೋವಿಂದ ಪೈ ಹಾಂಗೆಲೆ ಮಹಾಭಾರತ, ಬೃಹತ್ ಸಂಹಿತೆ -ಪುರಾಣಾಚೆ ಉಲ್ಲೇಖಾ ದಾಕೂನು ಕೋಳ್ನು ಯವ್ಚೆ ಮ್ಹಳಯಾರಿ ಸಾರಸ್ವತ ಲೋಕಾಲೆ ಮ್ಹಾಲಗಡ್ಯಾಲೆ ಗಾಂವ ಆತ್ತಾಚೆ ಡೆಲ್ಲಿಚೆ ಸುಮಾರ ೬೦ ಮೈಲ್ ಉತ್ತರಾಕ ಆಶ್ಶಿಲೆ ‘ಬ್ರಹ್ಮವರ್ತ - ಕುರುಕ್ಷೇತ್ರ ಪ್ರಾಂತ (ಉಲ್ಲೇಖ : ಡಾ||ಜೋತ್ಸ್ನಾ ಕಾಮತ್) ಕಾಲಾಂತರಾಂತು ಹಾಂಗ್ಚಾನ ಸಾರಸ್ವತ ಬ್ರಾಹ್ಮಣ ತ್ರಿಹೂರ್ತಾ(ಆತ್ತಾಚೆ ತಿರಹತಾ)ಕ ಬಾಯ್ರಿಸೋರ್ನು ವತ್ತಾತಿ ಮ್ಹಣ್ಚೆ ಉಲ್ಲೇಖ ವರೇಕ ಸ್ಕಂದ ಪುರಾಣಾಂತು ಮೆಳ್ತಾ. ತಿರಹತ್ ಮ್ಹಣಚೆ ಆತ್ತಾಚೆ ಬಿಹಾರ-ಉತ್ತರ ಪ್ರದೇಶಾಚೆ ಭಾಗ ಮ್ಹೊಣು ಸಾಂಗೇತ.  ಹಿಮಾಲಯಾಂತು ಜನ್ಮೂನು ಪಶ್ಚಿಮವಾಹಿನಿ ಜಾಲೇಲೆ ಬ್ರಹ್ಮಾವರ್ತಾಂತು ಪೋವ್ನು ದ್ವಾರಕೆ ಲಾಗ್ಗಿ ಪ್ರಭಾಸ ಕ್ಷೇತ್ರಾಂತು ಸಾಗರಾಕ ಮೆಳ್ಚೆ ನ್ಹಂಯಿಚಿ  ‘ಸರಸ್ವತಿ ನಂಯಿ ಸರಸ್ವತಿ - ದೃಶದ್ವತಿ ನಂಯ್ಚೆ ಮಧ್ಯೆಚೆ ಬ್ರಹ್ಮವರ್ತ ಮ್ಹಣಚೆ ಪ್ರದೇಶ ಸಾರಸ್ವತ ಸಮಾಜ ಬಾಂಧವಾಲೆ ಮೂಲಸ್ಥಾನ. ದೃಶದ್ವತಿ ನಂಯಿ ವರೇಕ ಸರಸ್ವತಿ ನಂಯ್ಚೆ ಒಟ್ಟೂ ದ್ವಾರಕೆ ಲಾಗ್ಗಿ ಸಮದ್ರಾಕ ವಚ್ಚುನು ಮೆಳ್ತಾ ಮ್ಹಣ್ಚೆ ಉಲ್ಲೇಖನೀಯ.
ಜಾಲ್ಯಾರಿ ಕಾಲಕ್ರಮೇಣ ಹಿಮಾಲಯಾಂತು ಘಡಿಲೆ ಭೂಕಂಪ, ಸರಸ್ವತಿ ನಂಯಿ ಸುಕ್ಕಿಲೆ ಇತ್ಯಾದಿ ಭೌಗೋಲಿಕ ಆನಿ ಹವಾಮಾನ ಚ್ಹಡ ಕಮ್ಮಿ ಜಾಲೇಲೆ ನಿಮಿತ್ತ ಸಾರಸ್ವತ ಲೋಕ ಇಂದ್ರಪ್ರಸ್ಥ, ಮಥುರಾ, ಪ್ರಯಾಗ, ಕಾಶಿ ಬಗಲೇನ, ಗಂಗಾ, ಯಮುನಾ ನಂಯ್ಚೆ ಎಳೇರಿ ಆಸ್ಸುಚೆ  ಗೌಡ ದೇಶ (ಆಯ್ಚೆ ಪಶ್ಚಿಮ ಬಂಗಾಲ) ಬಗಲೇನ, ಆನಿ ಥೊಡೆ ಲೋಕ ಕಾಶ್ಮೀರ ಬಗಲೇನ ಪ್ರಸ್ಥಾನ ಕರತಾತಿ. ಹೇ ಕಾರಣಾನ ಕಲ್ಕತ್ತಾ, ರಾಜಸ್ಥಾನ, ಮಧ್ಯಪ್ರದೇಶ, ಬಿಹಾರಾಂತು ಆಜೀಯಿ ಸಾರಸ್ವತ ಬ್ರಾಹ್ಮಣ ಸ್ಥಾಯಿ ಜಾವ್ನು ಉರಲಿಂತಿ. ಜಾಲ್ಯಾರಿ ವ್ಹಡ ಅಂಕಡ್ಯಾರಿ ಸಾರಸ್ವತ ಲೋಕಾನಿ ಆಯ್ಯಿಲೆ ಗೋಮಾಂತಕ, ಮಹಾರಾಷ್ಟ್ರ, ಗುಜರಾತಾಚೆ ಕೆಲವ ಕಡೇನ, ಕರ್ನಾಟಕ ಆನಿ ಕೇರಳಾಚೆ ಕರಾವಳಿ ಪ್ರದೇಶಾಕ. ಗೌಡ ದೇಶಾ ದಾಕೂನು ಯವ್ನು ಕೊಂಕಣ ಪಟ್ಟಿಂತು ಉರಲಿಲೆ ಖಾತ್ತಿರಿ ಹಾಂಕಾ ಗೌಡ ಸಾರಸ್ವತ, ಕೊಂಕಣಿಗ ಮ್ಹೊಣು ಆಪಯ್ಚಾಕ ಲಾಗ್ಲೆ. ದ್ವಾರಕೆ ದಾಕೂನು ಆಯ್ಯಿಲೆ ಸಾರಸ್ವತಾಂಕ ಮುಖಾರಿ ‘ದೊರ‍್ಕೆ ಮ್ಹಣಚಾಕ ಲಾಗ್ಲೆ. ಒಟ್ಟಾರೆ ಮೂಲ ತ್ರಿಹೋತ್ರ ದಾಕೂನು ಹೇ ಸಾರಸ್ವತ ಲೋಕ ದುಸ್ರ ದುಸ್ರೆ ಕಡೇನ ವಾಂಟೂನು ವಚ್ಚೆ ವರಿ ಜಾಲ್ಲೆ.
ಮೂಲ ತ್ರಿಹೋತ್ರ ಪುರಚಾನ ದಕ್ಷಿಣಾಚೆ ಕೊಂಕಣಾಕ ಯವಚಾಕ  ಕಾರಣ ಜಾಲೇಲೆ ಸ್ಕಂದ ಪುರಾಣಾಚೆ ಕಾಣಿ ಅಶ್ಶಿ ಆಸ್ಸ. ಕ್ಷತ್ರಿಯ ಸಂಹಾರ ಕೆಲ್ಲ ಉಪರಾಂತ ಪರಶುರಾಮ ಸೃಷ್ಠಿ ಮ್ಹಣೋವ್ನು ಘೆತ್ತಿಲೆ; ಕೊಂಕಣ ಪ್ರದೇಶಾಂತು ಯಜ್ಞಯಾಗಾದಿ ಕೊರಚಾಕ ಉತ್ತರ ಹಿಂದೂಸ್ಥಾನಚಾನ ತ್ರಿಹೋತ್ರಪುರ ಮೂಲಾಚೆ ಬ್ರಾಹ್ಮಣ ಸಮುದಾಯಾಚೆ ಅತ್ರಿ, ಕಶ್ಯಪಾದಿ ದಾ ಗೋತ್ರಾಚೆ ಬ್ರಾಹ್ಮಣಾಂಕ ಪರಶುರಾಮು ಗೋಂಯಾಕ ಆಪೊನು ಹಾಡ್ತಾ. ಹೇ ಸಾರಸ್ವತ ಬ್ರಾಹ್ಮಣ ವಿಂಗಡ ಪರಿಸರ, ಜವಾಬ್ದಾರಿ, ವ್ಯಾಪಾರೋದ್ಯಮಾಚೆ ಒತ್ತಡ ಮಧ್ಯೇಯಿ ಆಪಣಾಂಗೆಲೆ ಮೂಲ ಸಂಸ್ಕೃತಿ, ಆಚಾರ, ವಿಚಾರ, ಅನುಷ್ಠಾನಾಂಕ  ಮಾರ ಪಡ್ನಾ ತಶ್ಶಿ ಪಳೋವ್ನು ಘೆತ್ತಾತಿ. ೧೨೦೦ ವರ್ಷ ಪರ್ಯಂತ ಸ್ಥಳೀಕ ಬರಶಿ ಸಾಮರಸ್ಯಾನಿ ಜೀವನ ಚಲೈತಾತಿ.
ಮಾಗಿರಿ ಮೌರ್ಯರಾಯಾಂಗೆಲೆ ಕಾಲಾರಿ ಬೌದ್ಧಮತಾಕ ಮಸ್ತ ಪ್ರಾಮುಖ್ಯ ಮೇಳ್ನು ಸನಾತನ ಧರ್ಮಾಚೆ ಪ್ರಾಧಾನ್ಯತ ಊಣೆ ಜಾಲ್ಲೆ. ತೆದ್ದನಾ ಮಗಧ ಆನಿ ತ್ರಿಹೋತ್ರಚಾನ ಬಾಯ್ರಸರಲೀಲೆ ಸಾರಸ್ವತ ಬ್ರಾಹ್ಮಣಾಲೆ ೯೮ ಕುಟುಂಬ ಶಾಣವೆ(ಶೇಣ್ವೆ) ಮ್ಹಣೋವ್ನು ಘೆತ್ತಾತಿ. ಹಾಂತುಲೆ ೬೬ (ಸಾಸಷ್ಟ) ಕುಟುಂಬ ಮಠಾಗಾಂವ(ಮಡಗಾಂವ), ಕುಶಸ್ಥಲಿ ಇತ್ಯಾದಿ ಇತ್ಯಾದಿ ಕಡೇನ ಅಗ್ರಹಾರ ಕೋರ್ನು ರಾಬತಾತಿ.ಆನಿ ೩೦ ಕುಟುಂಬ ರಾಬ್ಬಿಲೆ ಅಗ್ರಹಾರಾಕ ತೀಸವಾಡಿ ಮ್ಹೊಣು ಜಾಲ್ಲೆ. ಕ್ರಿ.ಶ. ೧೦೯೮ಂತು ಸಿಂಧೂ ದೇಶಾಚೆ ರಾಜಕುಮಾರಾ ದಾಕೂನೂಯಿಕ್ರಿ.ಶ.೧೩೧೦ಂತು ಉತ್ತರ ಹಿಂದೂಸ್ಥಾನಾಚೆ ಸುಲ್ತಾನಾನ ಗೋಂಯ್ಚೆ ವಯ್ರಿ ಆಕ್ರಮಣ ಕೆಲ್ಲೆ. ತಾಜ್ಜೇನ ಲೋಕಾನಿ ಮಸ್ತ ಕಷ್ಟ ಬೊಗ್ಗಕಾ ಜಾಲ್ಲೆ. ಮುಖಾರಿ ೧೪೬೯-೧೫೦೧ ಪರ್ಯಂತ ಬಿಜಾಪುರಾಚೆ ಅಧಿನಾಂತು ಆಶ್ಶಿಲೆ ಗೋಂಯಾಂತು ಗೌಡ ಸಾರಸ್ವತಾಂಗೆಲೆ ಮಸ್ತ ದೇವಳ ಘುಟ್ಟೋನು ಉಡೈತಾತಿ.ತಾಂತುಲೆ ದುಡ್ಡು, ಬಾಂಗಾರ ಇತ್ಯಾದಿ ಸಂಪತ್ತ ಲೂಟ್ತಾತಿ. ಬಲಾತ್ಕಾರಾನಿ ಮತಾಂತರ ಕರತಾತಿ.ಜಾಲ್ಯಾರಿ ಸ್ವಾಭಿಮಾನಿ ಆನಿ ಛಲವಾದಿ ಜಾಲೇಲೆ ಸಾರಸ್ವತ ಬ್ರಾಹ್ಮಣ ಸ್ವಸಮಾಜಾಚೆ, ಸ್ವಧರ್ಮಾಚೆ, ಸಂಸ್ಕೃತಿಚೆ ರಾಕ್ವಣಾ ಖಾತ್ತಿರಿ ವಿಂಗವಿಂಗಡ ಕಡೇನ ವತ್ತಾತಿ.
- ರಮಾಕಾಂತ ನಾಗೇಶ ಶಾನಭಾಗ
- ತ್ರಿವಿಕ್ರಮ ಬಾಬಾ ಪೈ. (ಕುಂಭಾಪುರ ಸಾರಸ್ವತ ಸೌರಭ)

Saraswati prabha

೧೨ ವೆಂ ಯುವವಾಹಿನಿ ಸಮಾವೇಶ ವಿಚಾರಗೋಷ್ಠಿ

ದಿ. ೨೦-೧-೨೦೧೪ ದಿವಸು ಕಾರ‍್ವಾರಾಂತು ಚಲೇಲೆ ಉತ್ತರ ಕನ್ನಡ ಜಿಲ್ಲಾ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ೧೨ ವೆಂ ಯುವವಾಹಿನಿ ಸಮಾವೇಶಾಂತು ಚಲೇಲೆ ವಿಚಾರಗೋಷ್ಠಿಂತು ಸಮಾಜಾಚೆ ವೈವಾಹಿಕ, ಶೈಕ್ಷಣಿಕ ಆನಿ ಸಾಮಾಜಿಕ ಸಮಸ್ಯಾ ವಯ್ರಿ ಹುಜ್ವಾಡು ಘಾಲ್ಚೆ ಪ್ರಯತ್ನ ಚಲ್ಲೆ. ಹೃದಯತಜ್ಞ ಡಾ|| ಹೇಮಂತ ಕಾಮತ್ ತಾನ್ನಿ ಚಿಂತನ ಮಂಥನ ಚಲೋವ್ನು ದಿಲ್ಲೆ. ಧೋಂಪಾರಾ ಚಲೇಲೆ ವಿಚಾರಗೋಷ್ಠಿಂತು ಉಡ್ಪಿಚೆ ಶಿಕ್ಷಣ ತಜ್ಞ ಡಾ. ರವೀಂದ್ರ ಶಾನಭಾಗ ತಾನ್ನಿ ಉಪನ್ಯಾಸ ದಿಲ್ಲೆ. “ಶೈಕ್ಷಣಿಕ ಜಾವ್ನು ಅಭಿವೃದ್ಧಿ ಪಾವ್ವಿಲ ತೆದ್ದನಾ ಆರ್ಥಿಕ ಪರಿಸ್ಥಿತಿ ಸುಧಾರ‍್ತಾ. ತಾಜ್ಜ ಬರಶಿ ಆಮ್ಗೆಲೆ ಸಮಾಜಾಚಾನ ಜೀವನಶೈಲಿಂತು ಸಾಮಾಜಿಕ, ಧಾರ್ಮಿಕ ಆಚರಣೆಂತು ವೈಜ್ಞಾನಿಕ ಮನೋಭಾವ ವಾಡ್ಡೋವನು ಘೆವ್ಕಾ. ತೆದ್ದನಾ ಖರೆ ಜಾಲೇಲೆ ಧಾರ್ಮಿಕ ನಂಬಿಕೇಕ ತಿತ್ತುಲೇಚಿ ನ್ಹಯಿ ಸಮಾಜಾಚೆ ಸುರಕ್ಷತಾ ಆನಿ ವಿಕಾಸಾಕ ನ್ಯಾಯ ಪಾವ್ವಿಲವರಿ ಜಾತ್ತಾ.ಹಾಕ್ಕಾ ವ್ಯತಿರಿಕ್ತ ಜಾವ್ನು ಚಲಯಾರಿ ಸಮಾಜಾಕ ಲಕ್ಸಾನ ಜಾತ್ತಾ. ಮ್ಹಳ್ಳಿಂತಿ. ರವಿ ಲಕ್ಷ್ಮಣ ಶಾನಭಾಗ ತಾನ್ನಿ ಅಧ್ಯಕ್ಷತಾ ಘೆತ್ತಿಲೆ. ಮಾಗಿರಿ ಚಲೇಲೆ ಚಿಂತನ ಕಾರ್ಯಕ್ರಮಾಂತು ಶಿಕ್ಷಕ ಹರಿ  ನಾಗೇಶ ಪೈ ತಾನ್ನಿ ಉಪನ್ಯಾಸ ದಿಲ್ಲೆ.
ಸಾಂಜ್ವಾಳ ಚಲೇಲೆ ಸಮಾರೋಪ ಕಾರ್ಯಕ್ರಮಾಂತು ಕುಮಟಾಚೆ ಉದ್ಯಮಿ ಶ್ರೀ ಮುರಳಿಧರ ಪ್ರಭು ತಾನ್ನಿ ಸಮಾರೋಪ ಭಾಷಣ ಕರ್ತಾ “ಖಾಲಿ ಸಮಾವೇಶ ಕರ್ತಾ ಸಂಘಟನ ಕೊರಚಾಕ  ಜಾಯ್ನಾ. sಸಂಘಟನೆಕ ವಾವ್ರೊ ಕಾಡ್ಕಾ ಪಡ್ತಾ. ಮ್ಹೊಣು ತಾನ್ನಿ ಸಾಂಗ್ಲೆ. ‘ಗೌಡಸಾರಸ್ವತ ಸಮಾಜಾಚಿ ಆಮ್ಮಿ ಮ್ಹಣ್ಚೆ ಅಭಿಮಾನ ಆಮ್ಕಾ ಆಸ್ಸುಚೆ ಸಹಜಚಿ, ತಾಜ್ಜ ಬರಶಿ ಜವಾಬ್ದಾರಿ ತಿತ್ತುಲೆಚಿ ಅನಿವಾರ‍್ಯ ಜಾವ್ನು ಆಸ್ಸ. ಸಾರಸ್ವತ ಮುನಿ ದಾಕೂನು ಉಡ್ಗಿರೆ ಜಾವ್ನು ಮೆಳ್ಳಿಲೆ ವೈಜ್ಞಾನಿಕ ಆಚಾರ-ವಿಚಾರ, ಧರ್ಮಬದ್ಧ ಜಾವ್ನು ಆಚರಣೆಕ ಹಾಡಲ್ಯಾರಿ ಮಾತ್ರ ಆಮ್ಗೆಲೆ “ಸಾರಸ್ವತ ಅಂತಸತ್ವ ಊರ್ಜಿತ ಜಾವ್ನಾಸ್ಸುಕ ಸಾಧ್ಯ ಆಸ್ಸ.   ಆನಿ ಆಮ್ಮಿ ಅಭಿಮಾನ ಪಾವ್ಚೆ ಸಾರ್ಥಕ ಜಾತ್ತಾ, ಅಸ್ಸಲೆ ಅಧಿವೇಶನ ತ್ಯಾ ದಿಶೆಂತು ಕಾರ್ಯಸೂಚಿ ತಯಾರ ಕೋರ್ನು ಪ್ರತಿವರ್ಷ ತ್ಯಾ ಅಭಿವೃದ್ಧಿ ಕರ್ತಾ ಯವ್ಕಾ. ಮ್ಹಣಚೆ ಆಪೋವ್ಣಿ ದಿಲ್ಲಿಂತಿ ತಶ್ಶಿಚಿ ಕುಮ್ಟಾಂತು ೨೦೧೩ಂತು ಚಲೇಲೆ ಜಿಲ್ಲಾ ಸಮಾವೇಶಾಚೆ ಸ್ಮರಣ ಸಂಚಿಕಾ “ಕುಂಭಾಪುರ ಸಾರಸ್ವತ ಸೌರಭಾಂತು ಸರ್ವ ಯುವವಾಹಿನಿಕ ಮಾರ್ಗದರ್ಶಿ ಜಾಲೇಲೆ ಸಮಗ್ರ ಕಾರ್ಯಸೂಚಿ ಆಯ್ಯಿಲೆ ಖಾತ್ತಿರಿ ತಾರೀಪು ಕರ್ತಾ, ಕಾರವಾರ ಯುವವಾಹಿನಿಚೆ ಸಂಘಟನಾ ಚಾತುರ್ಯಾಚೆ ತಾರೀಪು ಕೆಲ್ಲಿಂತಿ. ನ್ಯಾಯವಾದಿ ರಮೇಶ ಪ್ರಭು ತಾನ್ನಿ ಅಧ್ಯಕ್ಷತಾ ಘೆತ್ತಿಲೆ. ಪ್ರದೀಪ ಪೈ, ರಾಘವ ಬಾಳೇರಿ ವೇದಿಕೇರಿ ಉಪಸ್ಥಿ ಆಶ್ಶಿಲೆ.
ಹೇ ವೇಳ್ಯಾರಿ ಸಮಾಜಾಚೆ ಗಣ್ಯ ಅಜಯ ಸಾವಕಾರ, ರಾಜೇಶ ನಾಯಕ, ಬಿ.ಎಸ್.ಪೈ, ಎಸ್.ಜಿ.ಕಾಮತ್, ದತ್ತಾತ್ರೇಯ ಬಾಳೇರಿ, ಗಜಾನನ ಪ್ರಭು, ನಿತಿನ್ ಪಿಕಳೆ, ರಾಜೇಶ ಶೆಣೈ, ಮಾಧವ ಭಟ್ಟ, ಪ್ರಸನ್ನ ಶಾನಭಾಗ, ಗಿರೀಶ ಪ್ರಭು, ಎಚ್.ಕೆ.ನಾಯಕ, ಗಜಾನನ ಪೈ, ನಾಗರಾಜ ಜೋಶಿ, ಅನಂತ ಬಾಳಿಗಿ, ನಿಲೇಶ ಬೋರಕರ, ರಾಜೇಶ ಕಾಮತ, ಎಸ್.ವಿ.ನಾಯಕ, ಕೃಷ್ಣಾನಂದ ನೇರ್ವೆಕರ, ಸತೀಶ ಮಾಂಜ್ರೇಕರ, ಮಾಧವ ಕಾಮತ, ಗೋವಿಂದರಾಯ ಪ್ರಭು, ಸುರೇಶ ಶೆಣೈ, ಭಾರತಿ ಆಚಾರ್ಯ ಇತ್ಯಾದಿ ಲೋಕ ಹಾಜರ ಆಶ್ಶಿಲೆ.

ವಿದ್ಯಾಧಿರಾಜ ಸಭಾಗ್ರಹ, ಭದ್ರಾವತಿ

ಭದ್ರಾವತಿಂತು ಆಸ್ಸುಚೆ ವಿದ್ಯಾಧಿರಾಜ ಸಭಾಗೃಹಾಚೆ ದಶಮಾನೋತ್ಸವ ಸಮಾರಂಭ ತಾ. ೭-೧೨-೨೦೧೩ ದಿವಸು ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತೀರಿ ವಿಜೃಂಭಣೇರಿ ಸಂಪನ್ನ ಜಾಲ್ಲೆ. ತತ್ಸಂಬಂಧ ಜಾವ್ನು ತಾ. ೬-೧೨-೨೦೧೩ ದಾಕೂನು  ೮-೧೨-೨೦೧೪ ಪರಿಯಂತ ಪ|ಪೂ| ಸ್ವಾಮೆ ಹಾಂಗಾ ಉಪಸ್ಥಿತ ವ್ಹರಲೀಲೆ. ಸಬಾಕಾರ್ಯಕ್ರಮಾಂತು ಭದ್ರಾವತಿಚೆ ಮ್ಹಾಲ್ಗಡೆ ಸಮಾಜ ಬಾಂಧವಾಂಕ ಆನಿ ಸಹಕಾರ ದಿಲೇಲ್ಯಾಂಕ ಸತ್ಕಾರು, ಸ್ವಾಗತ, ಸಮಾಜಾಚೆ ಧಾ ಸಮಸ್ತ ದಾಕೂನು ಪ|ಪೂ| ಸ್ವಾಮ್ಯಾಂಗೆಲೆ ಪಾದ್ಯಪೂಜಾ, ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾ ದಾಕೂನು ಜಮಿಲೆ ಸಮಾಜ ಬಾಂಧವಾಂಕ ಆಶೀರ್ವಚನ, ಫಲಮಂತ್ರಾಕ್ಷತ ವಿತರಣ, ಬಿಕ್ಷಾಸೇವಾ, ತಾ. ೮-೧೨-೧೩ಕ ಕಲ್ಯಾಣಪುರಾಕ ವಚ್ಚೆ ಖಾತ್ತಿರಿ ಶುಭನಿರ್ಗಮನ ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ಗಾಂವ್ಚೆ-ಪರಗಾಂವ್ಚೆ ಅಪಾರ ಸಮಾಜ ಬಾಂಧವ ಹೇ ವೇಳ್ಯಾರಿ ಉಪಸ್ಥಿತ ಉರ್ನು ಗುರು ಕೃಪೇಕ ಪಾತ್ರ ಜಾಲ್ಲಿಂತಿ.

Saraswati Prabha konkani-1

ಶಿರಸಿಂತು ಜಿ.ಎಸ್.ಬಿ. ಸಹಮಿಲನ ಕಾರ್ಯಕ್ರಮ

ಶಿರಸಿ ಜಿ.ಎಸ್.ಬಿ.ಸಮಾಜಾಚೊ ಸಮಾಜೋತ್ಸವ ವಿದ್ಯಾಧಿರಾಜ ಕಲಾಕ್ಷೇತ್ರಾಂತು ಆಲ್ತಾಂತ ಚಲ್ಲೊ. ಮುಖೇಲ ಸೊಯರೇ ಜಾವ್ನ ಆಯಿಲ್ಲೆ ಕೆ.ಡಿ.ಸಿ.ಸಿ. ಬ್ಯಾಂಕಾಚೆ ಶ್ರೀ ಸತೀಶ ಜಿ. ಮಾವಿನಕುರ್ವೆ ತಾನ್ನಿ“ ಶಿರಸೀಚೆ ಜಿ.ಎಸ್.ಬಿ. ಸಮಾಜಾನ ಸಮಾಜಾಕ ಉಪಯುಕ್ತ ಜಾಲ್ಲಿಂ ಬಾಂದಪ ನಿರ್ಮಾಣ ಕೋರ್ನು ಸಮಾಜಾಕ ಅರ್ಪಣ ಕೆಲ್ಯಾಂತ ಮ್ಹೊಣು ಸಾಂಗ್ಲೆಂ. ಹ್ಯಾ ಸಂದರ್ಭಾಂತು  ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಬಾಂದಕಾಮಾಕ ೨೦೧೩ ಇಸವೀಚೆ ಐ.ಸಿ.ಐ. ಅಲ್ಟ್ರಾಟೆಕ್ ಪ್ರಶಸ್ತಿ ಮೆಳ್ಳಿಲೆ ಖಾತ್ತೇರ ಹ್ಯಾ ಬಾಂದಪಾಚೆ ನೀಲನಕ್ಷೆ ತಯಾರ್ನು, ಉಸ್ತುವಾರಿ ಪಳೈಲೆ ಇಂಜಿನಿಯರದ್ವಯ- ಶ್ರೀ ಅರುಣ ಎಮ್. ನಾಯಕ ಆನಿ ಶ್ರೀ ಪ್ರವೀಣ ಎಮ್. ನಾಯಕ ತಶ್ಸೀಂಚಿ ಕಾಂಟ್ರಾಕ್ಟರ ಶ್ರೀ ಗಿರೀಶ ಎಸ್. ಶಾನಭಾಗ ಬಾಳೇರಿ ಹಾಂಕಾಂ ಸಮಾಜಾಚೆ ಮ್ಹಾಲಗಡೆ ಡಾ.ವಿ.ಎಸ್.ಸೋಂದೆ, ಆನಿ ಮೊಕ್ತೇಸರ ಶ್ರೀ ವಿಷ್ಣುದಾಸ ಕಾಸರಕೋಡ ಹಾನ್ನಿ ಇತರ ಸೊಯರೆ ಜವಳ ಆತ್ಮೀಯ ಜಾವನು ಸತ್ಕಾರ ಕೆಲ್ಲೊ. ರಾಷ್ಟ್ರಪತಿ ಪದಕ ಪುರಸ್ಕೃತ ಶ್ರೀ ಗೋವಿಂದರಾಯ ಶಾನಭಾಗ ಹಾನ್ನಿ, ಶ್ರೀ ಹನುಮಂತ ದೇವಳಾಚೆ ಆವಾರಾಂತು ನಿರ್ಮಾಣ ಕೋರ್ನು ಸಮಾಜಾಕ ಅರ್ಪಣ ಕೆಲ್ಲಿಲ್ಯಾ ನವಗ್ರಹ ಪೀಠ ಬಾಂದೋವ್ಚಾಂತು ಮದ್ದತ ಕೆಲ್ಯಿಲ್ಯಾ ಹ್ಯಾ ತಿಗ್ಗಾಂಕಯೀ ಪ್ರತ್ಯೇಕ ಜಾವ್ನು ಸನ್ಮಾನು ಕೆಲ್ಲೊ. ಸನ್ಮಾನಿತ ಶ್ರೀ ಅರುಣ ನಾಯಕ ಹಾನ್ನಿ ಆಮಕಾಂ ಆಮಗೆಲ್ಯಾ ಸಮಾಜಾ ವತೀನ ಕೆಲ್ಲಿಲೋ ಹೋ ಸನ್ಮಾನು ಅತೀವ ಆನಂದಾಚೊ ಜಾವ್ನ ಆಸ್ಸಾ. ಮ್ಹಳ್ಳಿಂತಿ. ಥಂಯಿಂ ಜಮಿಲ್ಯಾ ಸರ್ವ ಜನಾನಿ ಧೀರ್ಘ ಕರತಾಡನ ಕೋರ್ನು ತಾಂಗೆಲ್ಯಾ ಉತರಾಂಕ ಸಂತೋಷ  ವ್ಯಕ್ತ ಕೆಲ್ಲೊ. ಹ್ಯಾ ಸಂದರ್ಭಾಂತು ಕ್ರೀಡಾ ಕ್ಷೇತ್ರಾಂತು ವಿಶೇಷ ಸಾಧನೆ ಕೆಲ್ಲಿಲ್ಯಾ ಶ್ರೀ ಸುದಾಮ ಪೈ ಹಾಂಕಾಂ ಸಮಾಜಾ ತರ್ಫೇನ ಸತ್ಕಾರ ಕೆಲ್ಲೊ.
ಶಿರಸಿ ಅರ್ಬನ್ ಬ್ಯಾಂಕಾಚೇ ಜನರಲ್ ಮ್ಯಾನೇಜರ ಶ್ರೀ ಪಾಂಡುರಂಗ ಪೈ ಹಾನ್ನಿ ಮುಖೇಲ ಸೊಯರ‍್ಯಾಲೆ  ಆನಿ ಶ್ರೀ ರಾಜೇಶ ಪೈ, ಶ್ರೀ ಆನಂದ ಕಾಮತ ಹಾನ್ನಿ ಸಂಮಾನಿತಾಂಲೋ ಪರಿಚಯ ಕೆಲ್ಲೊ. ಡಾ.ವಿ.ಎಸ್.ಸೋಂದೆ ಸಭೆಚೆ ಅಧ್ಯಕ್ಷ ಜಾವ್ನು ಆಶಿಲ್ಲೆ. ಮೊಕ್ತೇಸರ ಶ್ರೀ  ವಿಷ್ಣುದಾಸ ಕಾಸರಕೋಡ, ಶ್ರೀ ಮೋಹನ ಜನಾರ್ಧನ ನಾಯಕ, ಶ್ರೀ ಎಂ.ಎಸ್.ಪ್ರಭು, ಸಹಮಿಲನ ಕಾರ್ಯಕ್ರಮಾಚೆ ಕಾರ್ಯಾಧ್ಯಕ್ಷ ಶ್ರೀ ದಯಾನಂದ ಚಿತ್ರಿಗಿ ಹಾನ್ನಿ ಸರ್ವ ಉಪಸ್ಥಿತ ಆಶಿಲ್ಲೆ. ಶ್ರೀ ವಾಸುದೇವ ಶಾನಭಾಗ ಹಾನ್ನಿ ಸನ್ಮಾನಿತ ಶ್ರೀ ಗಿರೀಶ ಶಾನಭಾಗ ಹಾಂಗೆಲೋ ಪರಿಚಯ ಕೋರ್ನು ಕಾರ್ಯಕ್ರಮಾಚೀ ನಿರ್ವಹಣ ಕೆಲ್ಲಿ. ಹ್ಯಾ ಕಾರ್ಯಕ್ರಮಾಂತು ಸಮಾಜಾಚೆ ಚೆರ್ಡುವಾಂಕ, ಬಾಯ್ಲಾಂಕ, ಆನಿ ಯುವಕಾಂಕ ಪ್ರತ್ಯೇಕ ಜಾವ್ನು  ಮನರಂಜನಾತ್ಮಕ ವಿವಿಧ ಸ್ಪರ್ಧೆ ಆಯೋಜಿತ ಕೆಲ್ಲಲೆ. ಶ್ರೀ ವಾಸುದೇವ ಶಾನಭಾಗ ಹಾನ್ನಿ ಪ್ರಸ್ತುತ ಕೆಲ್ಲಿಲೆ  ಆಮ್ಮಿ ಜಿ.ಎಸ್.ಬಿ. ಲೋಕ ಮ್ಹಳ್ಳೆ ಜಿ.ಎಸ್.ಬಿ. ಲೊಕಾಲೆಂ ಇತಿಹಾಸಾ ಬದ್ದಲ ಆಶಿಲ್ಲೇಂ ಪೊವರ ಪೊಯಿಂಟ ಪ್ರೆಸೆಂಟೇಶನ್ ಜನಾಂಕ ಖೂಪ ಆವಡ್ಲೆಂ.
ವರದಿ : ವಾಸುದೇವ ಶಾನಭಾಗ, ಶಿರಸಿ.

ಶ್ರೀ ರಾಮಚರಿತ ಪ್ರಕಟಣಾ ನಿರ್ಧಾರ.

ಶ್ರೀ ವಿಶ್ವನಾಥ ಶೇಟ ಹಾರ್ಸಿಕಟ್ಟಾ ಹಾನ್ನಿ ಸತತ ಧಾ ವರ್ಷ ಪರಿಶ್ರಮ ಕೋರ್ನು ಭಾಮಿನಿ ಷಟ್ಪದೀಂತು ವ್ಯಾಕರಣಬದ್ದ ಜಾವ್ನು ರಚನ ಕೆಲ್ಲಿಲೆ ಕೊಂಕಣಿ ಮಹಾಕಾವ್ಯ ಶ್ರೀ ರಾಮಚರಿತ ಹೆಂ ಏಕ ಮಹಾಕಾವ್ಯ ಜಾವ್ನು ಆಸ್ಸೂನು ಸುಮಾರ ೧೪೦೦ ಪುಟ ತಿತ್ತುಲೆ ಬೃಹತ್ ಹೇ ಗ್ರಂಥಾಚೆ ಪ್ರಕಟಣ ಕೊರಚೆ ಕಾರ್ಯ ರಜತ ಮಹೋತ್ಸವಾಚೆ ಹೆಬ್ಬಾಗ್ಲಾಂತು ಆಸ್ಸುಚೆ ಉತ್ತರ ಕನ್ನಡ ಜಿಲ್ಲಾ ಕೊಂಕಣಿ ಪರಿಷತ್ತಾನಿ ಘೆತ್ಲ್ಯಾ. ಹೇ ಸಂಬಂಧಿ ಘಟನ ಕೆಲೇಲೆ ಮಹಾಕಾವ್ಯ ಪ್ರಕಟಣಾ ಸಮಿತಿ ಸಭಾ ಆಲ್ತಾಂತು ಚಲ್ಲೆ. ಹೇ ಸಭಾಕ ಮುಖೇಲ ಸೊಯರೆ ಜಾವ್ನು  ಖ್ಯಾತ ಸಾಹಿತಿ ಶಾ.ಮಂ. ಕೃಷ್ಣರಾಯ  ಆಯ್ಯಿಲೆ.
ಹ್ಯಾ ಮಹಾನ್ ಕಾರ್ಯಾಕ ಸುಮಾರು ಆಠ ಲಾಖ ರೂಪಾಯಿ ಖರ್ಚು ಲಾಗತಲೋ ಅಶ್ಶಿಂ ಅಂದಾಜ ಕೆಲ್ಲಾ. ಹ್ಯಾ ಪುಣ್ಯಾ ಕಾಮಾಕ  ಕೊಂಕಣಿ ಭಾಷಿಕ ಸರ್ವ ಜನಾನಿ ಹಾತ ಮೇಳೋವ್ಕಾ  ಜಾಲ್ಲಾ. ಹ್ಯಾ  ಪ್ರಕಟಣಾ ಕಾರ್ಯಾಕ ಡಾ.ವಿ.ಎಸ್.ಸೋಂದೇ ಹಾಂಗೆಲ್ಯಾ ಅಧ್ಯಕ್ಷತೆಂತು ಏಕ ಪ್ರಕಟಣಾ ಸಮಿತಿ ತಯಾರ ಕೆಲ್ಲಾ. ಶಿರಸಿ ಅರ್ಬನ್ ಬ್ಯಾಂಕಾಚೆ ವಿಶ್ರಾಂತ ಜನರಲ್ ಮ್ಯಾನೇಜರ ಶ್ರೀ ಎಂ.ಎಸ್.ಪ್ರಭು ತಾಕ್ಕಾ ಕಾರ್ಯಾಧ್ಯಕ್ಷ ಜಾವ್ನು, ಶ್ರೀ ಜಿ.ಎಸ್.ಸಾನು ಉಪಾಧ್ಯಕ್ಷ ಜಾವನು ಆಸ್ಸಾತಿ. ಶ್ರೀ ರಾಮಚಂದ್ರ ನಾಯಕ ಬೆಣ್ಣೆ ಹಾನ್ನಿ ಖಜಾಂಚಿ ಜಾವ್ನು ಆಸ್ಸತಿ. ಯವಚಾ ಮೇ ಮ್ಹೈನ್ಯಾಂತು ಆಯೋಜನ ಕೆಲ್ಲಿಲ್ಯಾ ಉತ್ತರ ಕನ್ನಡ ಜಿಲ್ಲಾ ಕೊಂಕಣಿ ಪರಿಷತ್ತಾಚೆ ರಜತ ಮಹೋತ್ಸವಾ ವೇಳಾರಿ ತೇಂ ಉಜವಡಾಕ ಹಾಡಚಿ ಯೋಜನ ಘಾಲ್ನು ಘೆತ್ಲ್ಯಾ. ಹ್ಯಾ ಮಹಾಕಾವ್ಯಾಚೆಂ ಮೋಲ ಆಠಶೇಂ ರುಪಯೇಪೇಕ್ಷಾಂ ಜಾಸ್ತ ಜಾಲ್ಯಾರೀ ಪ್ರಕಟಣಾ ಪೂರ್ವ ತಾಕ್ಕಾ ಸಾತಶೇಂ ರೂಪಾಯಿ ಮ್ಹಣ್ಣು ನಿಕ್ಕಿ ಕೆಲ್ಯಾಂ. ಕೊಂಕಣಿ ಭಾಷಿಕ ಜನಾನಿ ಪ್ರಕಟಣಾ ಪೂರ್ವ ಮೋಲ ದೀವನು ತೇಂ ಪೈಲೇಂ ಖರೀದಿಕೋರ್ನು ಹ್ಯಾ ಕಾರ್ಯಾಕ ಹಾತ ಮೇಳೋವ್ಕಾ ಜಾಲ್ಲಾ. ಚಡ್ತ ಮಾಹಿತಿಕ ಉತ್ತರ ಕನ್ನಡ ಜಿಲ್ಲಾ ಕೊಂಕಣಿ ಪರಿಷತ್ತ(ರಿ) ಶಿರಸಿ - ೫೮೧೪೦೧(ಉ.ಕ.) ಹಾಂಕಾ ಸಂಪರ್ಕು ಕೊರಯೇತ. ಆನಿ ಹೇ ಖಾತ್ತಿರಿ ಶಿರಸಿ ಅರ್ಬನ್ ಬ್ಯಾಂಕಾಚೆ ಪ್ರಧಾನ ಶಾಖೆಂತು ಆಸ್ಸುಚೆ ಎಸ್.ಬಿ. ಖಾತಾ ನಂ ೨೭೦೬೫ ಹಾಕ್ಕಾಯಿ ದುಡ್ಡು ಘಾಲ್ನು ಸಹಕಾರ ದಿವ್ಯೇತ.    
        ವರದಿ : ವಾಸುದೇವ ಶಾನಭಾಗ, ಶಿರಸಿ.

ಶ್ರೀಮದ್ ಸಚ್ಚಿದಾನಂದ ಸರಸ್ವತೀ ಸ್ವಾಮೀಜಿ ಪುಣ್ಯತಿಥಿ

ಶ್ರೀ ಕೈವಲ್ಯಮಠಾಧೀಶ ಶ್ರೀಮದ್ ಸಚ್ಚಿದಾನಂದ ಸರಸ್ವತೀ ಸ್ವಾಮ್ಯಾಂಗೆಲೆ ೧೦ಚೆ ಪುಣ್ಯತಿಥಿ-ಸಂಸ್ಮರಣೆ ಧಾರ್ಮಿಕ ಕಾರ್ಯಕ್ರಮ  ಆಲ್ತಾಂತು ಮುಂಡ್ಕೂರು ಶ್ರೀವಿಠೋಭಾ ದೇವಳಾಂತು ಚಲ್ಲೆ. ಶ್ರೀಕೈವಲ್ಯ ಸಂಸ್ಥಾನಾಚೆ ಶಿಷ್ಯವರ್ಗ ಜಾಲೇಲೆ ಸಾಣೂರ್‌ಕಾರ್ ವೆಂಕಟೇಶ ನರಸಿಂಹ ಭಟ್ ಆನಿ ಕುಟುಂಬಾ ತರಪೇನ ಶ್ರೀಕ್ಷೇತ್ರಾಂತು ಶಾಶ್ವತ ಪೂಜಾ ಆನಿ ಗುರು ಪೂಜನಾ, ಸಮಾರಾಧನ, ಧಾರ್ಮಿಕ ಅನುಷ್ಠಾನ ಚಲ್ಲೆ. ಕ್ಷೇತ್ರ್ರಾಚೆ ಅರ್ಚಕ ವೇದಮೂರ್ತಿ ವಿನಾಯಕ ಭಟ್ ತಾನ್ನಿ ಪೂಜಾವಿಧಿ ಚಲೈಲೆ. ಮ್ಹಾಲ್ಗಡೆ  ವೆಂಕಟೇಶ್ ಭಟ್, ಶ್ರೀದೇವಳಾಚೆ ಆಡಳಿತ ಮಂಡಳಿ ಸದಸ್ಯ, ಶ್ರೀವಿಠೋಭಾ   ಭಜನಾ ಮಂಡಳಿ, ಮಹಿಳಾ ಭಜಕವೃಂದ, ಪ್ರೇರಣಾ ಯುವಜನ ಸಂಸ್ಥೆಚೆ ಸದಸ್ಯ , ಸಚ್ಚೇರಿಪೇಟೆ ಶ್ರೀಲಕ್ಷ್ಮೀವೆಂಕಟೇಶ ಭಜನಾ ಮಂದಿರಾಚೆ ಸದಸ್ಯ, ಗಾಂವ್ಚೆ  ಜಿ‌ಎಸ್‌ಬಿ ಧಾ ಸಮಸ್ಥ ಧಾರ್ಮಿಕ ಕಾರ್ಯಕ್ರಮಾಂತು ವಾಂಟೊ ಘೆತ್ಲಿಂತಿ.         ವರದಿ:- ಬಿ.ಪುಂಡಲೀಕ ಮರಾಠೆ ಶಿರ್ವ