Saraswati Prabha 6/14-3 Konkani News

ಜುಲೈ ಮೈನ್ಯಾಚೆ ಡೈರಿ
ಶ್ರೀ ಮಹಾವಿಷ್ಣು, ಶ್ರೀ ವೆಂಕಟರಮಣ ಆನಿ ಶ್ರೀ ಹನುಮಂತ ದೇವಳ, ಶಿರಸಿ : ಜು .೨೯ - ಸಾಮೂಹಿಕ ಕುಂಕುಮಾರ್ಚನ. ಶ್ರೀ ವೆಂಕಟರಮಣ ಮಂದಿರಾಂತು ಜಿ.ಎಸ್.ಬಿ. ಮಹಿಳಾ ಮಂಡಳಿ ತರಪೇನ ಸಾಂಜೆ ೬-೩೦ ಗಂಟ್ಯಾಕ ಕುಂಕುಮಾರ್ಚನ, ದಿವೆಂ ಹುಜ್ವಾಡಾಂತು ಫುಲ್ಲಾಪೂಜಾ. ಜು. ೭ - ಶ್ರೀ ವೆಂಕಟ ರಮಣ ದೇವಳಾಂತು ದಶಮಿ ಪಾಲಂಖಿ ಉತ್ಸವು. ಫುನ್ವೆಕ - ಹನುಮಂತ ದೇವಳಾಂತು ಸಾಂಜ್ವಾಳಾ ಸಾಮೂಹಿಕ ಸತ್ಯನಾರಾಯಣ ಪೂಜನ. ಅಮಾಸೆಕ - ಹನುಮಂತ ದೇವಳಾಂತು ಸಾಂಜ್ವಾಳಾ ಸಾಮೂಹಿಕ ಶನಿ ಕಥಾ, ಸಂಕಷ್ಠಿಕ-  ಶ್ರೀ ವೆಂಕಟರಮಣ ದೇವಳಾಂತು ಶ್ರೀ ಸತ್ಯ ಗಣಪತಿ ಕಥಾ.
ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳ, ಸಿದ್ಧಾಪೂg : ಜು.೭ - ಶ್ರೀ ದೇವಾಲೆ ಸಂಪ್ರೋಕ್ಷಣ, ಚಾತುರ್ಮಾಸು ಸುರುವಾತ. ಸಾಂಜ್ವಾಳಾ ೭-೩೦ ಗಂಟ್ಯಾ ದಾಕೂನು ಭಜನ .ಜು-೧೫ - ಅಂಗಾರಕಿ ಸಂಕಷ್ಠಿ ವೃತ, ಗಣೋಮು. ಮಾಹಿತಿಕ : ೦೮೩೮೯ - ೨೩೨೨೯೭.
ಶ್ರೀ ಲಕ್ಷ್ಮೀವೆಂಕಟರಮಣ ದೇವಳ, ಸಾಗg : ಜು. ೫ - ಸಂಪ್ರೋಕ್ಷಣೆ, ಶ್ರೀ ದೇವಾಲೆ ಚಾತುರ್ಮಾಸ ವೃತಾರಂಭ, ಜು. ೮ - ಏಕಾದಶಿ ವೃತ, ಅಖಂಡ ಭಜನ. ಜು. ೧೩ - ಶ್ರೀಮದ್ ಶ್ರೀ ಸುಕೃತೀಂದ್ರ ಸ್ವಾಮ್ಯಾಂಗೆಲೆ ಪುಣ್ಯತಿಥಿ, ಸಂತರ್ಪಣ. ಜು. ೧೫ - ಅಂಗಾರಕಿ ಸಂಕಷ್ಠಿ ವೃತ, ಗಣೋಮು. ಮಾಹಿತಿಕ : ೦೮೧೮೩ - ೨೨೬೮೭೭
ಶ್ರೀ ಲಕ್ಷ್ಮೀವೆಂಕಟರಮಣ ದೇವಳ, ಪಡುಬಿದ್ರಿ : ಜು. ೮ ಚಾತುರ್ಮಾಸ್ಯ ದಶಮಿ. ಸಕ್ಕಾಣಿ ೯-೦೦ ಗಂಟ್ಯಾಕ ದೇವತಾ ಪ್ರಾರ್ಥನ, ಪಂಚಾಮೃತಾಭಿಷೇಕ, ಸಮಾರಾಧನ. ಮಾಹಿತಿಕ : ೦೮೨೦ - ೨೦೦೪೨೪೧.
ಶ್ರೀ ವರದರಾಯ ವೆಂಕಟರಮಣ ದೇವಳ, ಗುರುಪುರ : ಜು. ೮ - ಶ್ರೀ ದೇವಾಲೆ ಚಾತುರ್ಮಾಸ್ಯ ವೃತಾನುಷ್ಠಾನ, ಜು. ೧೩ - ಶ್ರೀ ಸುಕೃತೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯತಿಥಿ. ಜು. ೨೭ - ಶ್ರಾವಣ ಮಾಸಾರಂಭ.
ಕೋಟ ಶ್ರೀ ಕಾಶಿಮಠ, ಕೋಟ : ಜು.೧೩ - ಶ್ರೀ ಸುಕೃತೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ೬೩ಚೆ ಪುಣ್ಯ ತಿಥಿ. ಸಕ್ಕಾಣಿ ದೇವಾಕ ವಿಶೇಷ ಅಭಿಷೇಕ, ಮಹಾಪೂಜಾ, ಗುರು ಪಾದುಕಾಪೂಜಾ, ಮಹಾ ಸಮಾರಾಧನ, ರಾತ್ತಿಕ ಭಜನ, ಗುರು ಗುಣಗಾನ, ವಸಂತ ಪೂಜನ. ಜು. ೧೪ - ಕೋಟ ಶ್ರೀ ಕಾಶೀಮಠಾಂತು ಸಂಪ್ರೋಕ್ಷಣ, ದ್ವಾದಶ ಕಲಶಾಭಿಷೇಕ, ಸಾನ್ನಿಧ್ಯ ಹವನ, ಮಹಾ ಪೂಜನ. ಜು. ೧೬ - ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಶ್ರೀಮತ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಚಾತುರ್ಮಾಸು ನವದೆಹಲಿ ಸಾರಸ್ವತ ಭವನ ಆನಿ ತಾಂಗೆಲ ಶಿಷ್ಯ ಶ್ರೀಮತ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಚಾತುರ್ಮಾಸು ವಾಲ್ಕೇಶ್ವರ, ಮುಂಬಯಿ ಹಾಂಗಾ ಆರಂಭ.
ಶ್ರೀ ಲಕ್ಷ್ಮೀನಾರಾಯಣ, ರಾಮನಾಥ, ಶ್ರೀ ಶಾಂತೇರಿ ಕಾಮಾಕ್ಷಿ, ಬೇತಾಳ ದೇವಸ್ಥಾನ, ಭಟ್ಕಳ : ಜು. ೨ - ಶ್ರೀ ದೇವಾಲೆ ಸನ್ನಿಧಿಂತು ಪಾಣ್ಣೆ ಸೇವಾ, ಜು. ೧೨ - ಫುನ್ವೆಚೆ ಪಾಲಂಖೀ ಉತ್ಸವು. ಜು. ೨೬ - ಅಮಾಸೆಚೆ ಪಾಲಂಖೀ ಉತ್ಸವು. ಮಾಹಿತಿಕ : ೯೯೦೧೬೩೭೩೭೭
ಕೊಂಕಣಿ ಮಠ ಶ್ರೀ ವೆಂಕಟರಮಣ ದೇವಳ, ಕಾಪು : ಜು. ೭ - ಸಕ್ಕಾಣಿ ಪಂಚಾಮೃತಾಭಿಷೇಕ, ದ್ವಾದಶ ಕಲಶ, ಧೋಂಪಾರಾ ಮಹಾ ಸಮಾರಾಧನ, ಶ್ರೀ ದೇವಾಲೆ ಚಾತುರ್ಮಾಸ್ಯ ಆರಂಭ. ಜು. ೯ -ಆಷಾಢ ಏಕಾದಶಿ. ಜು. ೧೩ - ಶ್ರೀಮದ್ ಸುಕೃತೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯ ತಿಥಿ, ಧೋಂಪಾರಾ ಸಮಾರಾಧನ, ರಾತ್ತಿಕ ಫುಲ್ಲಾ ಪೂಜಾ. ಜು. ೨೨ - ಏಕಾದಶಿ ಭಜನ. ಜು. ೨೯ - ಶ್ರೀ ಹಳೇ ಮಾರಿಯಮ್ಮ ದೇವಳಾಂತು ಕಾಲಾವಧಿ ಆಟಿ ಮಾರಿಪೂಜನ.
ಶ್ರೀ ರಾಮಂದಿರ ಕೆಸರಗದ್ದೆ : ಜು. ೨ - ಸಕ್ಕಾಣಿ ೮-೩೦ಕ ನಾಗಕಟ್ಟೆಂತು ಪಂಚಾಮೃತಾಭಿಷೇಕ. ಜು. ೧೫ - ಸಂಕಷ್ಠಿ, ಸಕ್ಕಾಣಿ ೧೦- ೦೦ ಗಂಟ್ಯಾಕ ಗಣೋಮು.
ಶ್ರೀಮತ್ ಅನಂತೇಶ್ವರ ದೇವಳ, ಮಂಜೇಶ್ವg : ಜು. ೯ - ಆಷಾಢ ಏಕಾದಶಿ, ಜು. ೧೨ - ಶತಕಲಶ. ಮಾಹಿತಿಕ : ೦೪೯೯೮ - ೨೭೨೨೨೧, ೨೭೪೪೭೭.
ಶ್ರೀ ವೆಂಕಟರಮಣ ದೇವಳ, ಬೆಂಗಳೂರು : ಜು.೫ - ಶ್ರೀ ಚಪ್ಪರ ವಿನಾಯಕ ದೇವಾಲೆ ೧೪ ವರ್ಷಾಚೆ ಪ್ರತಿಷ್ಠಾಪನಾ ವರ್ಧಂತ್ಯುತ್ಸವು. ಸಕ್ಕಾಣಿ ಅಭಿಷೇಕು, ಪ್ರಾರ್ಥನ, ೧೦೮ ನಾರ್‍ಲಾಚೆ ಗಣೋಮು, ಮಹಾ ಪೂಜಾ, ಮಹಾ ಸಂತರ್ಪಣ, ಭಜನ, ರಾತ್ತಿಕ ವಿಶೇಷ ಪೂಜಾ. ಜು. ೭ - ಚಾತುರ್ಮಾಸ್ಯ ಸುರುವಾತ, ಸಾನಿಧ್ಯ ಹವನ, ಬ್ರಾಹ್ಮಣ ಸಂತರ್ಪಣ.
ಶ್ರೀ ಲಕ್ಷ್ಮೀವೆಂಕಟೇಶ ದೇವಳ, ಉಡುಪಿ : ಜು.೭ - ಶ್ರೀ ದೇವಾಲೆ ಚಾತುರ್ಮಾಸು ಆರಂಭ. ಸಂಪ್ರೋಕ್ಷಣ, ಪಂಚಾಮೃತಾಭಿಷೇಕ, ಶತಕಲಶಾಭಿಷೇಕ. ಜು. ೧೩ - ಶ್ರೀಮದ್ ಸುಕೃತೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯತಿಥಿ ಆರಾಧನ, ರಾತ್ತಿಕ ಪಾಲಂಖೀ ಉತ್ಸವು.

Saraswati Prabha 7/14-2 Konkani News

ಕೊಂಕಣಿ ಅಕಾಡೆಮಿಂತು ಪುಸ್ತಕಾಂ ಲೊಕಾರ್ಪಣ

ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿನ ತಾ. ೦೬.೦೫.೨೦೧೪ಕ ಅಕಾಡೆಮಿಚೆ ಸಭಾಂಗಣಾಂತು ದೋನ ಪುಸ್ತಕಾಂ ಲೊಕಾರ್ಪಣ ಕೆಲ್ಲಿಂ. ಕೊಚ್ಚಿ ಅನಂತ ಭಟ್ ಹಾಂಚೊ ಕವಿತಾಪುಂಜೊ ಫ್ಹೂಲ್ ಆನಿ ಕಾಂಟೊ ಮ್ಹಾಡೊ ಕೊಂಕ್ಣಿ ಸಾಹಿತಿ ಮಾ.ಬಾ. ಮಾರ್ಕ್ ವಾಲ್ಡರ್ ಹಾಣಿಂ ಲೊಕಾರ್ಪಣ ಕೆಲ್ಲೊ. “ ಸಾಹಿತ್ಯ ಅಭಿವೃದ್ದಿ ಜಾಲ್ಯಾರಿ ಭಾಸ ವಾಡತಾ. ಕೊಂಕಣಿ ಭಾಸ ಆನಿ ಸಾಹಿತ್ಯ ಉದರ್ಗತಿ ಖಾತ್ತಿರಿ ಕೊಂಕಣಿ ಸಾಹಿತ್ಯ ಅಕಾಡೆಮಿ ಮಸ್ತ ವಾವ್ರೊ ಕರೀತ ಆಸ್ಸ. ಹೇ ಆನ್ನಿಕೆ ಪಸರೊ. ಮ್ಹೊಣು ತಾನ್ನಿ ಉಲೈಲೆ. ವಿತೊರಿ ಕಾರ್ಕಳ್ ಹಾಣಿಂ ಪುಸ್ತಕಾಚಿ ವೊಳಕ್ ಕೋರ್ನು ದಿಲ್ಲಿ.
ಡಾ. ಅರವಿಂದ ಶ್ಯಾನಭಾಗ್ ಹಾಣೆಂ ಭಾಷಾಂತರ ಕೆಲೇಲ್ಲಿ ಕವಿರತ್ನ ಕಾಳಿದಾಸ ಹಾಂಚಿ ಕೃತಿ ಮೇಘದೂತ ದಕ್ಷಿಣ ಕನ್ನಡ ಜಿಲ್ಲಾ ಪತ್ರಕರ್ತರ ಸಂಘಾಚೊ ಅಧ್ಯಕ್ಷ್ಷ ಶ್ರೀ ಪಿ.ಬಿ.ಹರೀಶ್ ರೈ ಹಾಣಿಂ ಲೊಕಾರ್ಪಣ್ ಕೆಲ್ಲೊ. ಸುರ್ವೆಕ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ ಅಧ್ಯಕ್ಷ ಶ್ರೀ ರೊಯ್ ಕ್ಯಾಸ್ತೆಲಿನೊ ಹಾನ್ನಿ ಯೆವ್ಕಾರ್ ಕೆಲ್ಲೊ. ವೆದಿಕೇರಿ ಅಕಾಡೆಮಿ ರಿಜಿಸ್ಟ್ರಾರ್ ಡಾ.ಬಿ. ದೇವದಾಸ್ ಪೈ ಹಾಜರ ಆಶ್ಶಿಲ್ಲೆ. ಅಕಾಡೆಮಿಚೊ ಸಾಂದೊ ಡಾ. ಚೇತನ ಕುಮಾರ್ ನಾಯಕ ಹಾಣಿಂ ಕಾರ್ಯೆಂ ಚಲಯ್ಲೆ ಆನಿ ಶ್ರೀಮತಿ ಮಮತಾ ಕಾಮತ್ ಹೀಣೆ ಆಬಾರ ಮಾನಲೆ.
ಎಸ್‌ಎಸ್‌ಎಲ್‌ಸಿಂತು ಕೊಂಕಣಿಕ ೧೦೦% ಫಲಿತಾಂಶ
ಹೇ ೨೦೧೩-೧೩ ಪಂತಾಚೆ ಧಾಂಚೆ ಕ್ಲಾಸಾಚೆ ಪಬ್ಲಿಕ್ ಪರೀಕ್ಷೆಂತು ತೃತೀಯ ಭಾಸ ಜಾವ್ನು ಕೊಂಕಣಿಂತು ಬರೆಯಿಲೆ ಸರ್ವ ವಿದ್ಯಾರ್ಥಿ ಉತ್ತೀರ್ಣ ಜಾವ್ನು ಸತತ ತೀಸ್ರೆ ವರ್ಷ ವರೇಕ ಕೊಂಕಣಕ ೧೦೦% ಫಲಿತಾಂಶ ಮೆಳ್ಚ ತಶ್ಶಿ ಕೆಲ್ಲಿಂತಿ. ದಕ್ಷಿಣ ಕನ್ನಡ ಆನಿ ಉಡುಪಿ ಜಿಲ್ಲ್ಯಾಚೆ ೮ ಹೈಸ್ಕೂಲಾಚೆ ೬೨ ವಿದ್ಯಾರ್ಥಿ ಅವುಂದು ಪರೀಕ್ಷೆಕ ಬೈಸೂನು ಸರ್ವ ಉತ್ತೀರ್ಣ ಜಾಲ್ಲಿಂತಿ.

ವಿಶ್ವ ಕೊಂಕಣಿ ಕೇಂದ್ರ, ಮಂಗಳೂರು

“ಕೊಂಕಣಿ ಭಾಷೆಚೆ ಅಭಿವೃದ್ಧಿ ಆನಿ ಪ್ರಸಾರಾಕ ವಿಶ್ವ ಕೊಂಕಣಿ ಕೇಂದ್ರ  ಆನಿ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಸಂಶೋಧನ ಆನಿ ಭಾಷಾಂತರ ಕಾರ್‍ಯಾಂತ ಮುಖಾರ ಯೆವನ ಜನ ಮೊಗಾಳ ಜಾಲಯಾ. ನಿರಂತರ ಜಾವನ ಕೊಂಕಣಿ ಶಿಕಚೆ ವಿದ್ಯಾರ್ಥ್ಯಾಂಕ ಸಾಹಿತ್ಯ  ಆನಿ ಸಂಶೋಧನೆಂತ  ಮುಖಾರ ಯೆವಚೆ ತಶಿ ಕರಚೆ ವಿಶ್ವ ಕೊಂಕಣಿ ಕೇಂದ್ರಾಚೆ ಕಾರ್ಯೆಂ ಅಶಿಂ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಅಧ್ಯಕ್ಷ ಶ್ರೀ ರೊಯ್ ಕ್ಯಾಸ್ಟಲಿನೊ ಹಾನ್ನಿ ಶ್ಲಾಘನ ಕೆಲ್ಲೆಂ. ತಾನ್ನಿ ಶಕ್ತಿನಗರಾಚೆ ವಿಶ್ವ ಕೊಂಕಣಿ ಕೇಂದ್ರಾಂತ ಪ್ರಾರಂಭ ಜಾಲ್ಲೆಲೆ ಕೊಂಕಣಿ ಭಾಸ ಆನಿ ಅನುವಾದ ಕಾರ್‍ಯಗಾರ  ೮-೦೫-೨೦೧೪ಕ ಉಗ್ತಾವಣ ಕೋರ್ನು ಉಲೈತಾಶ್ಶಿಲೆ. ಕಾರ್‍ಯಾಗಾರಾಚೆ ಸಂಚಾಲಕಿ ಗೋವಾ ವಿಶ್ವ ವಿದ್ಯಾನಿಲಯಾಚೆ ಆಂಗ್ಲ ಭಾಷಾ ಉಪನ್ಯಾಸಕಿ ಡಾ. ಕಿರಣ ಬುಡಕುಳೆ ಉಲೊವನ “ಗೋಂಯ್ಚೆ ವಿದ್ಯಾರ್ಥಿಂಕ  ಕರ್ನಾಟಕಾಚೆ ಕೊಂಕಣಿ ಭಾಷೆಚೆ ಪರಿಚಯ ದಿವಚೆ ಖಾತಿರ  ಏಕ ಹಪ್ತೊ ಅನುವಾದ ಆನಿ ಲಿಪ್ಯಂತರ ತರಬೇತಿ ವಿಶ್ವ ಕೊಂಕಣಿ ಕೇಂದ್ರಾಂತ ಆಯೋಜನ ಕೆಲ್ಲಾಂ ಮ್ಹೊಣು ಕಾರ್‍ಯಕ್ರಮಾಚೆ ಉದ್ದೇಶ ಸಭಿಕಾಂಕ ಕಳಯಿಲೆ.
ವಿಶ್ವ ಕೊಂಕಣಿ ಸರದಾರ, ಅಧ್ಯಕ್ಷ ಶ್ರ್ತೀ ಬಸ್ತಿ ವಾಮನ ಶೆಣೈ ಹಾನ್ನಿ ಕೊಂಕಣಿ ವಿಂಗಡ ಭಾಷೆಚೆ ಜನಾಂಕಯ ಪಾವೊಚಾಕ ಆನಿ ವಿಂಗಡ ಭಾಷೆಚೆ ಸಾಹಿತ್ಯ ಕೊಂಕಣಿಕ ಹಾಡಚೆ ಆಕಾಂಕ್ಷೆ ದವರನ ಗೋಂಯ್ಚೆ ವಿದ್ಯಾರ್ಥಿಂಕ ಅನುವಾದ ಅಭ್ಯಾಸಾಕ  ಏಕ ಹಪ್ತ್ಯಾಚೊ ತರಬೇತಿ ಶಿಬಿರ ಆಯೋಜನ ಕೆಲ್ಲಾಂ ಮ್ಹೊಣು ಸಾಂಗಲೆ. ವೇದಿಕೆರಿ ಭಾಷಾತಜ್ಞ  ಡಾ. ರಮೇಶ ಡೋಂಗಡೆ, ಅಕಾಡೆಮಿಚೆ ರಿಜಿಸ್ಟ್ರಾರ್ ಡಾ. ಪಿ. ದೇವದಾಸ ಪೈ ಉಪಸ್ಥಿತ ಆಶಿಲಿಂಚಿ. ವಿಶ್ವ ಕೊಂಕಣಿ ಕೇಂದ್ರಾಚೆ ಸಹಾಯಕ ನಿರ್ದೇಶಕ ಶ್ರೀ ಗುರುದತ್ ಬಂಟ್ವಾಳಕಾರನ ಕಾರ್ಯಕ್ರಮ ನಿರ್ವಹಣ ಕೆಲ್ಲೆಂ. ಸಮಾರಂಭಾಂತ ಲೇಖಕಿ ಗೀತಾ ಸಿ. ಕಿಣಿ, ಶಾಳೆಂತ ಕೊಂಕಣಿ ಶಿಕ್ಷಣ ಪ್ರಚಾರ ಸಂಚಾಲಕ  ಡಾ. ಕೆ. ಮೋಹನ ಪೈ, ಕೊಂಕಣಿ ಪ್ರಚಾರ ಸಂಚಲನ ಶ್ರೀ ವಿಕ್ಟರ ಮಥಾಯಸ್, ಕೊಂಕಣಿ ಅಕಾಡೆಮಿ ಸದಸ್ಯ ಡಾ. ಅರವಿಂದ ಶ್ಯಾನಭಾಗ, ಬ್ಯಾಂಕಿಂಗ್ ತಜ್ಞ ಮಾನೆಸ್ತ ಅಲೆನ್ ಪಿರೆರಾ ಹಾಜರ ಆಶಿಲಿಂಚಿ. ಗೋವಾ ವಿಶ್ವ ವಿದ್ಯಾನಿಲಯಾಚೆ  ೩೦ ಶಿಬಿರಾರ್ಥಿ ಕಾರ್‍ಯಾಗಾರಾಂತ ಭಾಗಿ ಆಶಿಲಿಂಚಿ. ಕೊಂಕಣಿ ಅಕಾಡೆಮಿ ಸದಸ್ಯೆ ಡಾ. ವಾರಿಜಾ ನೀರೇಬೈಲ್ ಹಾನ್ನಿ ಧನ್ಯವಾದ ಸಮರ್ಪಣ ಕೆಲ್ಲೆಂ.

ಗೌಡ ಸಾರಸ್ವತ ಸಮಾಜ ದಾವಣಗೆರೆ

ದಾವಣಗೆರೆಚೆ ಗೌಡ ಸಾರಸ್ವತ ಸಮಾಜ ಮಂದಿರ ಶ್ರೀ ಸುಕೃತೀಂದ್ರ ಕಲಾಮಂದಿರಾಕ ಕಾಶಿಮಠಾಚೆ ಶ್ರೀ ವರದೇಂದ್ರ  ತೀರ್ಥ ಮಹಾಸ್ವಾಮ್ಯಾಂಗೆಲೆ ಪುಣ್ಯತಿಥಿ ಶತಮಾನೋತ್ಸವ ರಥಯಾತ್ರೆ  ತಾ. ೨೮-೪-೧೪ಕ ಆಯ್ಯಿಲೆ. ಹೇ ಸಂದರ್ಭಾರಿ ದಾವಣಗೆರೆ ಸಮಾಜಾ ತರಪೇನ ‘ಗುರುವಂದನ ಸಮಾರಂಭ ಆಯೋಜನ ಕೆಲೇಲೆ. ಸಮಾರಂಭಾಕ ಮುಖೇಲ ಸೊಯರೆ ಜಾವ್ನು ಶಿವಮೊಗ್ಗಾಚೆ ಖ್ಯಾತ ಸಂಸ್ಕೃತ ವಿದ್ವಾಂಸ ವೇದಬ್ರಹ್ಮ ನಾರಾಯಣ ಭಟ್ ತಾನ್ನಿ ಆಯ್ಯಿಲೆ.  ತಾನ್ನಿ ಉಲೋವ್ನು “ಮನುಷ್ಯಾಲೆ ಜೀವನ ಸಾರ್ಥಕ ಜಾವಚಾಕ ಆನಿ ಮೋಕ್ಷಾಕ ದೇವು, ಧರ್ಮು ಆನಿ ಗುರು ಮಾರ್ಗದರ್ಶನ ಮುಖ್ಯ ಜಾವ್ನು ಜಾವ್ಕಾ ಪಡ್ತಾ. ಮ್ಹಳ್ಳೆ. ಸಮಾಜಾಚೆ ಸುವಾಸಿನಿ ಬಾಯ್ಲಮನ್ಶೆನ ಪುಷ್ಪವೃಷ್ಠಿ ಕೋರ್ನು, ಪೂರ್ಣಕುಂಭ ಸ್ವಾಗತ ಬರಶಿ ಹೇ ರಥಯಾತ್ರೆಕ ಸ್ವಾಗತ ಕೆಲ್ಲಿ. ವೇದಿಕೆರಿ ಬೆಂಗಳೂರ್‍ಚೆ ಸರ್ವಶ್ರೀ ವೇದವ್ಯಾಸ ಪ್ರಭು, ನರಸಿಂಹ ನಾಯಕ್, ನರಸಿಂಹ ಶರ್ಮ, ಗೌತಮ್ ಪೈ, ಸತ್ಯನಾರಾಯಣ ನಾಯಕ್, ಹುಬ್ಳಿಚೆ ಶ್ರೀ ಬಿ.ಸುದರ್ಶನ ಬಾಳಿಗಾ, ಶ್ರೀ ರಾಘವೇಂದ್ರ ಪೈ, ದಾವಣಗೆರೆ ಮಹಿಳಾ ವಿಭಾಗಾಚೆ ಅಧ್ಯಕ್ಷೆ ಸುಶೀಲಾ ಉಮೇಶ ಕಾಮತ್ ಆದಿ ಗಣ್ಯ ಉಪಸ್ಥಿತ ವ್ಹರಲೀಲೆ. ಸಮಾರಂಭಾಚೆ ಅಧ್ಯಕ್ಷತಾ ದಾವಣಗೆರೆ ಗೌಡ ಸಾರಸ್ವತ ಸಮಾಜಾಚೆ ಅಧ್ಯಕ್ಷ ಶ್ರೀ ಸಿ.ಪಿ.ಕಾಮತ್ ತಾನ್ನಿ ಘೆತ್ತಿಲೆ. ಸುರವೇಕ ಪ್ರಾರ್ಥನಾ ಪುಷ್ಪಾ ಜ್ಞಾನದೇವ ಶೆಣೈ, ಶೀಲಾ ರವಿಚಂದ್ರ ನಾಯಕ್ ಹಾನ್ನಿ ಕೆಲ್ಲಿ. ರೇಖಾ ಪ್ರಭು ತಾನ್ನಿ ಯೇವ್ಕಾರ ಕೆಲ್ಲಿ. ಕಾರ್ಯದರ್ಶಿ ಸಾಲಿಗ್ರಾಮ ಗಣೇಶ ಶೆಣೈ ತಾನ್ನಿ ಸಮಾರಂಭಾಚೆ ನಿರೂಪಣ ಕೆಲ್ಲಿ. ಉಪಾಧ್ಯಕ್ಷ ಎ.ಜೆ. ರಘುಪತಿ ಕಿಣಿ ತಾನ್ನಿ ಆಬಾರ ಮಾನ್ಲೆ. ತತ್ಸಂಬಂಧ ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜಾ ಆಯೋಜನ ಕೆಲೇಲೆ. ಹಾಂಗ್ಚಾನ ರಥಯಾತ್ರಾ ಹುಬ್ಳಿಕ ಘೆಲ್ಲಿ.
ಚಿತ್ರ-ವರದಿ : ಸಾಲಿಗ್ರಾಮ ಸಂದೀಪ ಶೆಣೈ,

ಶ್ರೀ ಲಕ್ಷ್ಮೀ ದೇವಳ, ಬೆರೋಳ್ಳಿ

ಹೊನ್ನಾವರ ತಾ|| ಬೇರೋಳ್ಳಿ ಜಿ.ಎಸ್.ಬಿ. ಸಮಾಜಾಚೆ ಶ್ರೀ ಲಕ್ಷ್ಮೀವೆಂಕಟೇಶ ದೇವಳಾಂತು ಶಿಖರ ಕಲಶ ಪ್ರತಿಷ್ಠಾಪನಾ ಮಹೋತ್ಸವು ತಾ. ೧೯-೫-೧೪ ದಿವಸು ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ಸಂಪನ್ನ ಜಾಲ್ಲೆ. ತತ್ಸಂಬಂಧ ತಾ. ೧೮-೫-೧೪ ದಾಕೂನು ೧೯-೫-೧೪ ಪರ್ಯಂತ ದೇವತಾ ಪ್ರಾರ್ಥನಾ, ರಾಕ್ಷೆಘ್ನ ಶಾಂತಿ, ವಸಂತ ಪೂಜನಾ, ನವಗ್ರಹ-ವಾಸ್ತು ಶಾಂತಿ, ಶಿಖರ ಕಲಶ ಸಪ್ತಾಧಿವಾಸ, ಆಧಿವಾಸ, ಮಂಗಳೂರ್‍ಚಾನ ಶುಭಾಗಮನ ಕೆಲೇಲೆ ಪ|ಪೂ| ಸ್ವಾಮ್ಯಾಂಕ ಪೂರ್ಣಕುಂಭ ಸ್ವಾಗತ, ಶ್ರೀ ಗುರುಪಾದ ಪೂಜನ ಇತ್ಯಾದಿ ಕಾರ್ಯಕ್ರಮ ಚಲ್ಯಾರಿ. ಶಿಖರ ಕಲಶ ಪ್ರತಿಷ್ಠಾಪನಾ ದಿವಸು ಸುಪ್ರಭಾತ ಪಠಣ, ನೂತನ ಶಿಖರ ಕಲಶಾಕ ಪಂಚವಿಂಶತಿ ಕಲಶಾಭಿಷೇಕ, ಸಾನ್ನಿಧ್ಯ ಹವನ, ಮಿಥುನ ಲಗ್ನಾಂತು ಪ|ಪೂ| ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ಶಿಖರ ಕಲಶ ಪ್ರತಿಷ್ಠಾಪನ, ಗುರು ಭಿಕ್ಷಾ, ಪ|ಪೂ| ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಸಾನ್ನಿಧ್ಯಾರಿ ಸಭಾ ಕಾರ್ಯಕ್ರಮ ಚಲ್ಲೆ. ಹೇ ಕಾರ್ಯಕ್ರಮಾಚೆ ಮುಖೇಲ ಸೊಯರೆ ಜಾವ್ನು ಉನ್ನತ ಶಿಕ್ಷಣ ಆನಿ ಉತ್ತರ ಕನ್ನಡ ಜಿಲ್ಲ್ಯಾಚೆ ಉಸ್ತುವಾರಿ ಸಚಿವ ಶ್ರೀ ಆರ್.ವಿ. ದೇಶಪಾಂಡೆ ಆಯ್ಯಿಲೆ. ಸಮಾರಂಭ ಉಪರಾಂತ ಪ|ಪೂ| ಸ್ವಾಮ್ಯಾಂಕ ತಾಂಗೆಲೆ ಮುಖಾವೈಲೆ ಮುಕ್ಕಾಮಾಕ ಸರ್ವಾನಿ ಮೇಳ್ನು ಶುಭ ವಿದಾಯ ಕೆಲ್ಲೆ.

ಶ್ರೀ ಪಟ್ಟಾಭಿರಾಮಚಂದ್ರ ದೇವಳ, ಬಾರ್ಕೂರು

ಬಾರ್ಕೂರಾಚೆ ಪಟ್ಟಾಭಿ ರಾಮಚಂದ್ರ ದೇವಳಾಚೆ ೫೨ಚೆ ಪ್ರತಿಷ್ಠಾ ವರ್ಧಂತ್ಯುತ್ಸವ ಪ್ರಯುಕ್ತ ತಾ. ೧೬-೫-೧೪ ಕ ಸಾಂಜ್ವಾಳಾ  ದೇವತಾ ಪ್ರಾರ್ಥನ, ಭಜನ, ರಾತ್ರಿ ಪೂಜಾ, ಫುಲ್ಲಾ ಪೂಜಾ, ಮಂಗಳಾರ್ತಿ ಚಲ್ಯಾರಿ, ತಾ. ೧೭-೫-೧೪ ದಿವಸು ಪಂಚಾಮೃತಾಭಿಷೇಕ, ಶತಕಲಶಾಭಿಷೇಕ, ಗಂಗಾಜಲಾಭಿಷೇಕ, ಮಹಾಮಂಗಳಾರ್ತಿ, ಮಹಾ ಪೂಜಾ, ಸಂತರ್ಪಣ, ಭಜನ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚೇಲ್ನು ಹೇ ಉತ್ಸವು ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ.

ಶ್ರೀ ಲಕ್ಷ್ಮೀವೆಂಕಟರಮಣ ದೇವಳ, ತೀರ್ಥಹಳ್ಳಿ

ಶ್ರೀ ಕಾಶೀಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ಪ್ರತಿಷ್ಠಾಪಿತ ಜಾಲೇಲೆ ತೀರ್ಥಹಳ್ಳಿಚೆ ತಿರುಮಲ ಶ್ರೀ ಲಕ್ಷ್ಮೀವೆಂಕಟರಮಣ ದೇವಳಾಚೆ ಪಂಚಮ ಪ್ರತಿಷ್ಠಾ ವರ್ಧಂತಿ ತಾ. ೧-೬-೨೦೧೪ ಆನಿ ೨-೬-೨೦೧೪ ದಿವಸು ಚಲ್ಲೆ. ಹೇ ಸಂದರ್ಭಾರಿ ನೂತನ ಶಿಖರ ಕಲಶ ಪ್ರತಿಷ್ಠಾ, ಪರಿವಾರ ದೇವು ಜಾಲೇಲೆ ಮಹಾಲಕ್ಷ್ಮೀ, ಮುಖ್ಯಪ್ರಾಣ, ಗರುಡ, ಮಹಾ ಗಣಪತಿ ತಶ್ಶೀಚಿ ನಾಗದೇವಾಲೆ ಪ್ರತಿಷ್ಠಾಯಿ ಚಲ್ಲೆ. ತತ್ಸಂಬಂಧ ತಾ. ೧-೬ಕ ದಾ ಸಮಸ್ತಾಲೆ ಪ್ರಾರ್ಥನಾ, ೫ ನಾರ್‍ಲಚೆ ಆದ್ಯ ಗಣಯಾಗ, ತೀರ್ಥಹಳ್ಳಿಚೆ ಕು.ಶಾಂತೇರಿ ಎನ್. ಕಾಮತ್ ಆನಿ ಪಂಗ್ಡಾಚಾಲೆ ಭಜನಾ ಸಂಧ್ಯಾ, ರಾಕ್ಷೆಘ್ನ ಹವನ, ನವಗ್ರಹ ವಾಸ್ತು ಪೂಜನ, ಹವನ, ವಾಸ್ತು ಬಲಿ, ಆಧಿವಾಸ, ನೇತ್ರೋನ್ಮಿಲನ, ಪ್ರಾಣಪ್ರತಿಷ್ಠೆ, ಶಯ್ಯಾಧಿವಾಸ, ಇತ್ಯಾದಿ ಧಾರ್ಮಿಕ ವಿಧಿ ಚಲ್ಲೆ. ತಾ. ೨-೬ಕ ಕವಾಟ ಉದ್ಘಾಟನ, ಮಹಾಪ್ರಾರ್ಥನ, ಪಂಚಾಮೃತಾಭಿಷೇಕ, ಶತಕಲಶಾಭಿಷೇಕ, ಬ್ರಹ್ಮಕಲಶಾಭಿಷೇಕ, ಗಂಗಾಭಿಷೇಕ, ಪರಿವಾರ ದೇವಾಂಕ ಶ್ರೀ ದೇವಾಲೆ ತೀರ್ಥಾಭಿಷೇಕ, ನೂತನ ಕಲಶ ಆನಿ ಪರಿವಾರ ದೇವಾಲೆ ಪ್ರತಿಷ್ಠಾ, ಶ್ರೀ ವೆಂಕಟರಮಣ ದೇವಾಕ ಪ್ರತಿಷ್ಠಾಂಗ ಪ್ರಸನ್ನ ಪೂಜನ, ಸಾನಿಧ್ಯ ಹವನ, ಪ್ರಾಯಶ್ಚಿತ ವಿಷ್ಣು ಗಾಯತ್ರಿ ಹವನ, ಆಶ್ಲೇಷಾ ಬಲಿ, ಸಪರಿವಾರ ಶ್ರೀ ವೆಂಕಟರಮಣ ದೇವಾಕ ಮಹಾ ಪೂಜನ, ದಂಪತಿ ಪೂಜನ, ಅಷ್ಟ ವಟು ಆರಾಧನ, ಬ್ರಾಹ್ಮಣ ಪೂಜನ, ಆಶೀರ್ವಚನ, ಭೂರಿ ಸಮಾರಾಧನ ಚಲ್ಲೆ. ಹೇ ವೇಳ್ಯಾರಿ ಚಲೇಲೆ ಮಂಗಳ ಸಭಾಂತು ಶ್ರೀ ದೇವಳಾ ತರಪೇನ ದಿವ್ಚೆ  ಪ್ರತಿಷ್ಠಿತ ಶ್ರೀ ವೆಂಕಟರಮಣ ಸೇವಾ ಪ್ರಶಸ್ತಿ ದುಬಾಯ ಹಾಂಗಾ ಉದ್ಯಮಿ ಜಾವ್ನು ಆಸ್ಸುಚೆ ಮುನಿಯಾಲಾಚೆ ಶ್ರೀ ಅಂಡಾರು ರಾಮದಾಸ ಕಿಣಿ (೨೦೧೪ ಸಾಲಾಚೆ), ಸಾಗರಾಚೆ ದಾನಿ ಶ್ರೀಮತಿ ವಂಡ್ಸೆ ಶಕುಂತಲಾ ಶೆಣೈ (೨೦೧೩ ಸಾಲಾಚೆ)ಹಾಂಕಾ ದೀವ್ನು ಸನ್ಮಾನ ಕೆಲ್ಲೆ. ತಾಜ್ಜ ಉಪರಾಂತ ಪ್ರಾಕಾರೋತ್ಸವು, ಅಷ್ಟಾವಧಾನ ಸೇವಾ, ವಸಂತ ಪೂಜನ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲ್ಲೆ.

ಶ್ರೀ ವೆಂಕಟರಮಣ ದೇವಳ, ಶಿರಸಿ

ಶಿರ್ಶಿಚೆ ಶ್ರೀ ವೆಂಕಟರಮಣ ದೇವಳಾಂತು ಭಕ್ತಾಧಿ ಲೋಕಾಲೆ ಇಷ್ಟಾರ್ಥ ಪೂರ್ತಿ ಜಾವ್ಚ ಖಾತ್ತಿರಿ ಶ್ರೀ ದೇವಾಕ “ಸರ್ವಾಭರಣ ಪೂಜಾ ಸೇವಾಚೆ ವ್ಯವಸ್ಥಾ ಕೆಲೀಲೆ ಆಸ್ಸುನು  ಹ್ಯಾ ಖಾತ್ತಿರಿ ಸೇವಾ ಶುಲ್ಕ : ರೂ. ೧೫೦೫/- ದವರ್‍ಲ್ಯಾ. ಇತ್ಲೆ ದಿಲ್ಲ್ಯಾರಿ ವರ್ಷಾಂತು ತುಮ್ಕಾ ಜಾವ್ಕಾ ಜಾಲೇಲೆ ಏಕ್ದೀಸು  ಹೇ ಸೇವಾ ಚಲೋವ್ನು ಪ್ರಸಾದ ಪೆಟೋವ್ನು ದಿತ್ತಾತಿ. ಮಾಹಿತಿಕ ೯೫೯೧೫೯೬೫೭೫(ಮೆನೇಜರ) ಹಾಂಗಾಕ ಸಂಪರ್ಕು ಕರಾ.

Saraswati Prabha 6/14-1 Konkani News

ಶಿರ್ಶಿಂತು ಡಾ. ವಿ.ಎಸ್.ಸೋಂದೆಂಕ ಸತ್ಕಾರು.

   ಶಿರಸಿಚೆ ಡಾ.ವಿ.ಎಸ್.ಸೋಂz ಹಾಂಕಾ ತಾನ್ನಿ ಶಿಕ್ಷಣ, ಬ್ಯಾಂಕಿಂಗ ಆನಿ ಸಮಾಜಸೇವಾ ಕ್ಷೇತ್ರಾಂತು ಕೆಲ್ಲಿಲ್ಯಾ ವಿಶೇಷ ಸಾಧನೇಕ ಮಾನ ದೀವ್ನು ಧಾರವಾಡಾಚೆ ಕರ್ನಾಟಕ ವಿಶ್ವವಿದ್ಯಾಲಯಾಚೆ ವತೀನ ಗೌರವ ಡಾಕ್ಟರೇಟ ಪ್ರದಾನ ಕೆಲ್ಲಿಲ್ಯಾ ಖುಷೀನ ಶಿರಸಿಚೆ ಗೌಡಸಾರಸ್ವತ  ಸಮಾಜಾ ವತೀನ ಮೇ ೨ ತಾರಿಖೇ ದಿವಸ ಶಿರಸಿಂತು ಜಾಲ್ಲಿಲ್ಯಾ ಶ್ರೀ ವೆಂಕಟರಮಣ ದೇವಸ್ಥಾನಾಚೆ ವರ್ಧಂತಿ ಉತ್ಸವಾಂತು ತಾಂಕಾ ಆತ್ಮೀಯ ಸನ್ಮಾನು ಕೆಲ್ಲೊ. ಶ್ರೀ ವಿದ್ಯಾಧಿರಾಜ ಕಲಾಕ್ಷೇತ್ರಾಂತು ಆಯೋಜನ ಕೆಲ್ಲಿಲ್ಯಾ ವರ್ಣರಂಜಿತ ಸಮಾರಂಭಾಂತು ಸಾನ್ನಿಧ್ಯ ದಿಲ್ಲಿಲ್ಯಾ ಶ್ರೀ ಗೋಕರ್ಣ ಪರ್ತಗಾಳೀ ಜಿವೋತ್ತಮ ಮಠಾಧೀಶ ಶ್ರಿಮದ್ ವಿದ್ಯಾಧಿರಾಜತೀರ್ಥ ಸ್ವಾಮೀ ಮಹಾರಾಜಾಂಲೆ ಹಾತ್ತಾನ ತಾಂಕಾ ಶಾಲು ಪಾಂಗೂರ್ನು ಫಲಪುಷ್ಪ ಆನಿ ಮಂತ್ರಾಕ್ಷತ ದೀವ್ನೂ ಆಶೀರ್ವಾದು ಕೆಲ್ಲೊ. ಸನ್ಮಾನಿತ ಡಾ.ಸೋಂದೆ ಹಾನ್ನಿ ಆಜಿ ಮೆಗೆಲ್ಯಾ ಜೀವನಾಂತು ಏಕು ಅವಿಸ್ಮರಣೀಯ ದಿವಸು. ಹಾಂವೆ ಘೆಲ್ಲಿಲ್ಯಾ ೫೦ ವರ್ಷ ಕೆಲ್ಲಿಲ್ಯಾ ಸಮಾಜಸೇವೇಕ ಕರ್ನಾಟಕ ವಿಶ್ವವಿದ್ಯಾಲಯಾನ ಮೆಗೆಲಿ ಸೇವಾ ಮಾನೂನು ದಿಲ್ಲಿಲ್ಲಿ ಹೀ ಡಾಕ್ಟರೇಟ ಪ್ರಶಸ್ತಿ ಮಾಕ್ಕಾ ಖುಷೀ ದಿಲ್ಯಾ. ತಾಜ್ಜಾಪೇಕ್ಷಾಂ ಆಜಿ ಶ್ರೀ ಸ್ವಾಮಿ ಮಹಾರಾಜಾಲೆ ದಿವ್ಯ ಹಸ್ತಾನ ದಿಲ್ಲಿಲ್ಲೊ ಹೋ ಆಶೀವಾದ ಪೂರ್ವಕ ಸನ್ಮಾನು ಮಾಕ್ಕಾ ಆನೀಕೆ ಜಾಸ್ತಿ ಖುಷೀಚೊ ಅಶ್ಶಿಂ ತಾನ್ನಿ ಸಾಂಗ್ಲೆಂ. ಹ್ಯಾ ಸಮಾರಂಭಾಂತು ದೇವಳಾಚೆ ಮೊಕ್ತೇಸರ ಶ್ರೀ ವಿಷ್ಣುದಾಸ ಕಾಸರಕೋಡ, ಕಾರ್ಯದರ್ಶಿ ಶ್ರೀ ಎಮ್.ಎಸ್.ಪ್ರಭು , ಸೇವಾ ಸಮಿತಿ ಸದಸ್ಯ ಶ್ರೀ ಪಾಂಡುರಂಗ ಪೈ, ಶ್ರೀ ಗೋಪಾಲಕ್ರಿಷ್ಣ ದೇವಳಾಚೆ ಮೊಕ್ತೇಸರ ಶ್ರೀ ಪ್ರಕಾಶ ಕಾಮತ, ಶ್ರಿ ವಾಸುದೇವ ಶಾನಭಾಗ ಉಪಸ್ಥಿತ ಆಶ್ಶಿಲ್ಲೆ.
          ವರದಿ- ವಾಸುದೇವ ಶಾನಭಾಗ ಶಿರಸಿ.

 ಬೆಂಗ್ಳೂರಾಂತು ಮೊಬೈಲ್ ಕೊಂಕಣಿ ಬಜಾರ್ ಉದ್ಘಾಟನ

“ಆಜಿ ಸಾಹಿತ್ಯಾಲಾಗಿಂ ಲೋಕು ಯೇನಾಂತಿ. ತ್ಯಾ ಖಾತ್ತಿರಿ ಲೊಕಾಲಾಗ್ಗಿ ಸಾಹಿತ್ಯ ವ್ಹರಚಿ ವಿಶಿಷ್ಠ ಯೆವ್ಜಣ ಕೊಂಕಣಿ ಅಕಾಡೆಮಿನ ಘೆತ್ತಿಲೆ ಸ್ತುತ್ಯ ಆಸ್ಸ. ಹ್ಯಾ ಯೆವ್ಜಣೆಚೊ ರೂವಾರಿ ಶ್ರೀ ರೊಯ್ ಕ್ಯಾಸ್ತೆಲಿನೊ ಆನಿ ತಾಂಗೆಲ್ಯಾ ಪಂಗ್ಡಾಕ ಹಾಂವ ಅಭಿನಂದನ ಪಾವಯ್ತಾ. ಹಿ ಯೆವ್ಜಣ ಸಫಲ ಜಾವ್ನು ವಿಂಗಡ ಅಕಾಡೆಮಿಕಂಯ್ ಹೇ ಏಕ ಪ್ರೇರಣ ಜಾಂವೊ ಅಶ್ಶಿ ಮ್ಹೊಣು ತಾ. ೨೪-೫-೨೦೧೪ಕ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಮಹತ್ವಾಕಾಂಕ್ಷಿ ಪ್ರಯತ್ನ “ಮೊಬೈಲ್ ಕೊಂಕಣಿ ಬಜಾರ್ ಉಗ್ತಾವಣ ಕೋರ್ನು ಕನ್ನಡ ಆನಿ ಸಂಸ್ಕೃತಿ ಇಲಾಖ್ಯಾಚಿ ಮಂತ್ರಿ ಶ್ರೀಮತಿ ಉಮಾಶ್ರೀನ ಮ್ಹಳ್ಳೆ. ಕಾರ್ಯಕ್ರಮಾಚೊ ಮುಖೆಲ ಸೊಯರೆಂ ಸೆಂಚುರಿ ಬಿಲ್ಡರ್ಸ್ ಹಾಜ್ಜೆ ಮ್ಹಾಲಕ ಆನಿ ಉದಾರ ದಾನಿ ಡಾ|| ದಯಾನಂದ ಪೈ ಹಾಣೆಂ “ಅಕಾಡೆಮಿಚಿಂ ಅಸ್ಸಲಿಂ ಯೆವ್ಜಣ ಕೊಂಕ್ಣಿಕ ವ್ಹಡ್ಪಣ ದಿತ್ತಾಂತಿ. ಹ್ಯಾ ಯೋಜನೆಚೆ ಪ್ರಯೋಜನ ಶೆಹರಾಂತು ಮಾತ್ರ ನ್ಹಂಯಿ, ಖೇಡೆಂತ್ಯಾ(ಹಳ್ಳ್ಯಾಂತ್ಲ್ಯಾ) ಲೋಕಾಂಖಂಯಿ ವಚ್ಚುನು ಪಾವೊಂ ಮ್ಹೊಣು ಸಾಂಗ್ಲಿಂತಿ. ಕನ್ನಡ ಆನಿ ಸಂಸ್ಕೃತಿ ಇಲಾಖ್ಯಾಚೆ ಪ್ರಧಾನ ಕಾರ್ಯದರ್ಶಿ ಶ್ರೀಮತಿ ಶಾಲಿನಿ ರಜನೀಶ್, ನಿರ್ದೇಶಕ ಶ್ರೀ ಕೆ. ಎ. ದಯಾನಂದ, ಅಕಾಡೆಮಿ ಅಧ್ಯಕ್ಷ ಶ್ರೀ ರೊಯ್ ಕ್ಯಾಸ್ತೆಲಿನೊ, ರಿಜಿಸ್ಟ್ರಾರ್ ಡಾ|| ದೇವದಾಸ ಪೈ, ಬ್ಯಾರಿ ಅಕಾಡೆಮಿ ಅಧ್ಯಕ್ಷ ಶ್ರೀ ಬಿ ಎ ಹನೀಫ್, ತುಳು ಅಕಾಡೆಮಿ ಅಧ್ಯಕ್ಷ ಶ್ರೀಮತಿ ಜಾನಕಿ ಬ್ರಹ್ಮಾವರ ತಶಿಂಚಿ ಅಕಾಡೆಮಿಂಚೆ  ಸರ್ವ ಸಾಂದೆ, ಎಫ್ ಕೆಸಿ‌ಎಚಿ ಅಧ್ಯಕ್ಷ ಶ್ರೀಮತಿ ಐಡಾ ಡಿಕುನ್ಹಾ ಇತರ ಲೋಕ ಆಯ್ಯಿಲೆ. ಸಂಚಾಲಕ ಲೊರೆನ್ಸ್ ಡಿಸೊಜಾನ ಕಾರ್ಯಕ್ರಮ ಚಲೋವ್ನು ವ್ಹಲ್ಲೆ.
ಮೊಬೈಲ್ ಕೊಂಕಣಿ ಬಜಾರ: ಕೊಂಕ್ಣಿ ಸಾಹಿತ್ಯ ಆನಿ ಸಂಗೀತ ಕೊಂಕಣಿ ಕೋಲಾ ಪರ್ಯಂತ ಪಾವಯ್ಚೆ ಏಕ ವಿಶಿಷ್ಠ ಪ್ರಯೋಗಚಿ ‘ಮೊಬೈಲ್ ಕೊಂಕಣಿ ಬಜಾರ. ಕೊಂಕ್ಣೆಂತು ಪ್ರಕಟ ಜಾವ್ನು ಮಸ್ತ ನವೀನ ಪುಸ್ತಕಾಂ ಆನಿ ಸಿಡಿ ಯೆತ್ತಾತಿ. ಜಾಲ್ಯಾರಿ ಬರೆಂ ಮಾರ್ಕೆಟ ವ್ಯೆವಸ್ತಾ ನಾತ್ತಿಲ್ಲ್ಯಾನ ಲೊಕಾ ಪರಿಯಂತ ವಚ್ಚುನು ಪಾವ್ನಾ. ತ್ಯಾ ಕಾರಣಾನ ಏಕ ಸುಸಜ್ಜಿತ ವಾಹನಾರಿ, ಡ್ರೈವರ್ ಆನಿ ಏಕಳೊ ಸಾಂಗಾತಿ ಊರ್ನು ಅಕಾಡೆಮಿ ಪ್ರಕಟಣಾ, ಅಕಾಡೆಮಿನ ಘೆತ್ತಿಲೆ ಸರ್ವ ಪುಸ್ತಕಾಂ ಆನಿ ಸಿಡಿ ಕೊಂಕ್ಣಿ ಲೋಕು ಆಶ್ಶಿಲೆ ಕಡೇನ ವ್ಹೋರ್ನು, ಕೊಂಕಣಿ ಕಾರ್ಯಕ್ರಮಾ ವೇಳ್ಯಾರಿ ವ್ಹೋರ್ನು ವಿಕ್ರಯಿ   ಕೊರ್‍ಚಿ ವ್ಯೆವಸ್ಥಾ ‘ಮೊಬೈಲ್ ಕೊಂಕ್ಣಿ ಬಜಾರ್ ಕೊಂಕಣಿಂತು ಪ್ರಕಟ ಜಾವ್ಚಿ ನಂವ್ಹಿ ನಂವ್ಹಿ ಸಾಹಿತ್ಯ, ಜ್ಞಾನ, ವಿಜ್ಞಾನ, ಬಾಲಸಾಹಿತ್ಯ ಇತ್ಯಾದಿಕ ಸಂಬಂಧ ಪಾವ್ವಿಲೆ ಕೃತ್ಯೋ ಆನಿ ಸಂಗೀತ ಸಿ.ಡಿ. ಹಾಂತು ವಾಚಕಾಂಕ ತಾಂಗೆಲೆ ಅಡಚ ಮೆಳ್ಚೆ ತಶ್ಶಿ ಜಾತ್ತಾ. ಖಂಚೇಯಿ ಏಕ ಭಾಸ ವಾಂಚಕಾ ಜಾಲ್ಯಾರಿ ತಾಂತು ಸಾಹಿತ್ಯ ಸೃಷ್ಠಿ ಚ್ಹಡ ಜಾವ್ಕಾ. ಸಾಹಿತ್ಯ ಸೃಷ್ಠಿ ಚ್ಹಡ ಚ್ಹಡ ಜಾವ್ಕಾ ಜಾಲ್ಯಾರಿ ಲೋಕಾನಿ ದುಡ್ಡು ದೀವ್ನು ಘೇವ್ನು ಸಾಹಿತ್ಯ ಪುಸ್ತಕ ವಾಚ್ಚುಚೆ ಹವ್ಯಾಸು ಚ್ಹಡ ಜಾವ್ಕಾ.  ತ್ಯಾ ಕಾರಣಾನ ತುಮ್ಗೆಲೆ ಗಾಂವ್ಚೆ ತೇರು ಇತ್ಯಾದಿ ಖಂಚೇ ವಿಶೇಷ ಸಂದಭಾರಿ ಹೇ ವ್ಯಾನ್ ತುಮಗೇಲೆ ಗಾಂವಾಕ ಆಯಲ್ಯಾರಿ ತಾಂತು ತುಮ್ಕಾ ಆವಡ್ಚೆ ಪುಸ್ತಕ ಘೇವ್ನು ಹೇ ಚಳ್ವಳೀಕ ಯಶ ಮೆಳ್ಚವರಿ ಕರಾ.

Saraswati Prabha's 25 th Books

ಸರಸ್ವತಿ ಪ್ರಭಾ ಪ್ರಕಾಶನಾಚೆ ೨೫ ಕೊಂಕಣಿ ಕೃತಿ ಲೋಕಾರ್ಪಣ

ಹುಬ್ಬಳ್ಳಿಂತು ಘೆಲೇ ೨೬ ವರ್ಷ ದಾಕೂನು ಅಲ್ಪಸಂಖ್ಯಾತ ಕೊಂಕಣಿ ಭಾಷಾಭಿವೃದ್ಧಿ ಖಾತ್ತಿರಿ ವಾವ್ರೋ ಕರೀತ ಆಸ್ಸುಚೆ “ಸರಸ್ವತಿ ಪ್ರಭಾ ಪ್ರಕಾಶನ’’ ಆರ್‍ಗೋಡು ಸುರೇಶ ಶೆಣೈ ಹಾನ್ನಿ ಕೊಂಕಣಿಂತು ರಚಯಿಲೆ  “ಸ್ವಾಮಿ ವಿವೇಕಾನಂದ ಜೀವನ ಘಟನಾ’’ ಮ್ಹಣ್ಚೆ ಕೃತಿ ಪ್ರಕಟ ಕೆಲ್ಲಾ. ಹೇ ‘ಸರಸ್ವತಿ ಪ್ರಭಾ ಪ್ರಕಾಶನ ತರಪೇನ ಪ್ರಕಟಿ ಜಾಲೇಲೆ  ಕನ್ನಡ ಲಿಪಿಚೆ ೨೫ಚೆ ಕೊಂಕಣಿ ಕೃತಿ ಜಾಲ್ಲಾ.  ತಾ. ೨೨-೬-೨೦೧೪ ದಿವಸು ಧಾರವಾಡಾಚೆ ವಿದ್ಯಾವರ್ಧಕ ಸಂಘಾಚೆ ಸಭಾಗೃಹಾಂತು ಚಲೀಲೆ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ೨೦೧೩ಚೆ ಸಾಲಾಚೆ ವಾರ್ಷಿಕ ಪ್ರಶಸ್ತಿ ಪ್ರಧಾನ ಸಮಾರಂಭಾಂತು ಕರ್ನಾಟಕ ರಾಜ್ಯ ಕನ್ನಡ ಹಾಗೂ ಸಂಸ್ಕೃತಿ ಸಚಿವೆ ಶ್ರೀಮತಿ ಉಮಾಶ್ರೀ ಆನಿ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ  ಶ್ರೀ ರಾಯ್ ಕ್ಯಾಸ್ತಲಿನೋ ಹಾನ್ನಿ ಹೇ ಕೃತಿಚೆ ಲೋಕಾರ್ಪಣ ಕೆಲ್ಲಿ. ಹೇ ವೇಳ್ಯಾರಿ  ಕೊಂಕಣಿ ಸಾಹಿತ್ಯ ಅಕಾಡೆಮಿ ರಜಿಸ್ಟ್ರಾರ್ ಡಾ|| ದೇವದಾಸ ಪೈ, ಸಿಸ್ಟರ್, ಕೃತಿ ರಚನಾಕರ್ತ ಆರ್‍ಗೋಡು ಸುರೇಶ ಶೆಣೈ, ಡಾ|| ಚೇತನ ಕುಮಾರ ನಾಯಕ್, ಶ್ರೀ ಗಜಾನನ ಮಹಾಲೆ, ಶ್ರೀ ಸಂತೋಷ ಮಹಾಲೆ, ಶ್ರೀ ಅರವಿಂದ ಶ್ಯಾನುಭಾಗ,  ಸಮೇತ ಇತರ ಸಬಾರ ಗಣ್ಯ ಉಪಸ್ಥಿತ ವ್ಹರಲೀಲೆ. ಹೇ ಪರ್ಯಂತ  ಸರಸ್ವತಿ ಪ್ರಭಾ ಪ್ರಕಾಶನ ತರಪೇನ ಕನ್ನಡ ಲಿಪಿಂತು ಪ್ರಕಟಿ ಕೆಲೇಲೆ  ಕೊಂಕಣಿ ಕೃತಿ ರಾಜ್ಯಾದ್ಯಂತಾಚೆ ೧೫ ಪಶಿ ಚ್ಹಡ  ಕೊಂಕಣಿ ಕವಿ, ಸಾಹಿತಿ ಲೋಕಾನಿ ಬರೆಯಿಲೆ ಆಸ್ಸುನು, ಹಾಂತು ಲ್ಹಾನ ಕಾಣ್ಯೋ, ಕಾದಂಬರಿ, ಕವನ ಸಂಕಲನ, ಹಾಸ್ಯ ಸಂಕಲನ, ಬಾಲ ಸಾಹಿತ್ಯ, ಆರೋಗ್ಯ, ಪ್ರವಾಸ ಕಥನ, ಕೊಂಕಣಿ ಜಾನಪದ, ಆಧ್ಯಾತ್ಮ, ಆಯುರ್ವೇದ, ನಾಟಕ, ಡೌಸಿಂಗ್, ಉದ್ದಾಕ ಇತ್ಯಾದಿ ವಿಷಯಾಕ ಸಂಬಂ ಧ ಪಾವ್ವಿಲೆ  ಕೃತಿ  ಪ್ರಕಟಿ ಕೆಲ್ಲಾ.  ಕೊಂಕಣಿ ಬಾಂಧವಾನಿ  ಹೇ ಪೂರಾ ಕೊಂಕಣಿ ಕೃತಿ ಖರೀದಿ ಕೋರ್ನು ಪ್ರೋತ್ಸಾಹ ದಿವ್ಕಾ ಮ್ಹೊಣು ಪ್ರಕಾಶಕಾಲೆ ತರಪೇನ ವಿನಂತಿ ಆಸ್ಸ. ಮಾಹಿತಿಕ : saraswatiprabha@rediffmail.com

ಹುಬ್ಳಿ ಹೊಟೇಲಾಂತು “ಪ್ರೆಸಿಡೆಂಟ್  ದಿ ಪ್ರೆಸಿಡೆಂಟ್ ಹೋಟೇಲ್

“ರಾನ್ನಾ ಮಧ್ಯೆ ವ್ಯವಸ್ಥಿತ ಜಾವ್ನು ದವರಿಲೆ ಟೇಬಲ್ ಆನಿ ಕುರ್ಚಿಯೋ; ಥಂಯಿ ತುಮ್ಕಾ ಜಾಯಿ ಜಾಲೇಲೆ ಸಸ್ಯಾಹಾರಿ ಖಾಣ-ಜವಣ ಹಾಣು ದಿವಚೆ ಸಪ್ಲೇಯರ್, ಚೆರ್ಡುಂವ ರಡ್ತಾವೇ? ಬೋರ್ ಜಾತ್ತಾ ಮ್ಹೊಣು ಬೇಜಾರ್‍ತಾವೇ? ಚಿಂತಾ ಕೋರ್ನಕ್ಕಾತಿ ಥಂಯಿಚಿ ತಾಂಕಾ ಖೇಳಚಾಕ, ಮಸ್ತಿ ದಾಖಯಚಾಕ ಜಾಯಿ ಜಾಲೇಲೆ ಖೇಳಣಿ ಆಸ್ಸ, ತಾಂತು ತಾನ್ನಿ ಆರಾಮ ಜಾವ್ನು ಖೆಳತಾತಿ. ಚಿಕ್ಕೆ ತುಮ್ಕಾ ಮುಖಾರ್‍ಚೆ ಬಗಲೇಚೆ ಜಾಗೋ ಮೆಳ್ಳೆ ಮ್ಹೊಣು ಜಾಲ್ಯಾರಿ ತೊಗ್ಗು ಲ್ಹಾನ ಲ್ಹಾನ ಖೇಳಣಿ ವರಿ ವಚ್ಚೆ ಯವ್ಚೆ ವಾಹನ, ತಾಜ್ಜ ಮುಖಾರಿ ಪಾಚ್ವೆ ಹಾಂತೂಳ್ನು ನಿದ್ದೆಲೆ ಪಾರ್ಕಾ ಎದ್ರಾಕ ವಿಶಾಲ ಜಲರಾಶಿ...!  ರಾನ್ನಾ ಭಿತ್ತರಿ ಗುಹೆ ಆಸ್ಸುಚೆ ಸಹಜ ನ್ಹಂಹಿವೇ? ಆಮಗೇಲೆ ಪುರಾತನ ಋಷಿ-ಮುನಿ ತಾಜ್ಜ ಭಿತ್ತರಿ ಬೈಸೂನು ಘೋರ ತಪ-ಜಪ ಕೋರ್ನು ಪರಮಾತ್ಮಾಕ ಸಾಕ್ಷಾತ್ಕಾರ ಕೋರ್ನು ಘೆತ್ತಾ ಆಶ್ಶಿಲ ಖಂಯಿ. ಜಾಲ್ಯಾರಿ ತುಮ್ಮಿ ಹೇ ಆಫ್ರಿಕನ್ ಗುಹಾ ಭಿತ್ತರಿ ರಿಗಲೇರಿ, ಥಂಯಿಚಿ ಸುವ್ಯವಸ್ಥಿತ ಜಾವ್ನು ದವರೀಲೆ ಟೇಬಲ್ಲಾ ಮುಖಾರ್‍ಚೆ ಕುರ್ಚೆ ವಯ್ರಿ ಬಸಲ್ಯಾರಿ ಶುಚಿ- ರುಚಿ ಆಶ್ಶಿಲೆ ಖಾಣ, ಜವಣ ಮೆಳ್ತಾ.   
ಹೇ ಖಂಚೇಯಿ ಸಿನೇಮಾ ಸೆಟ್ಟಾಚೆ ವರ್ಣನ ನ್ಹಂಹಿ, ಎಪ್ರಿಲ್ ೨೮ಕ ಹುಬ್ಬಳ್ಳಿಂತು ಉಣಕಲ್ ಥಂಳೆ ಎದ್ರಾಕ “ಪೈ ಗ್ರೂಪ್ಸ್ ತರಪೇನ ಸುರುವಾತ ಜಾಲೇಲೆ “ದಿ ಪ್ರೆಸಿಡೆಂಟ್ ಹೊಟೇಲ್ ಹಾಂತುಲೆ ೪ ಮಾಳಯೇರಿ ಆಸ್ಸುಚೆ ವಿಶಿಷ್ಠ ಹವಾನಿಯಂತ್ರಿತ ರೆಸ್ಟೋರೆಂಟಾಚೆ ವರ್ಣನ ಹಾಂವೆ ಇತ್ಲೆ ವೇಳು ಕೆಲೀಲೆ.
‘ಪೈ ಗ್ರೂಪ್ಸ್   ಹಾಜ್ಜೆ ತರಪೇನ ವಾಣಿಜ್ಯ ನಗರಿ ಹುಬ್ಬಳ್ಳಿ ಲೋಕಾಲೆ ಸೇವೆ ಖಾತ್ತಿರಿ ಸಮರ್ಪಿತ ಜಾಲೇಲೆ “ದಿ ಪ್ರೆಸಿಡೆಂಟ್ ಹೊಟೇಲ್ಲಾಚೆ ಉದ್ಘಾಟನ ತಾ. ೧೨-೪-೨೦೧೪ ದಿವಸು ಆರ್.ಪಿ. ಕಾಮತ್ ಗ್ರೂಪಾಚೆ ಆಡಳಿತ ನಿರ್ದೇಶಕ ಶ್ರೀ ರಾಮಚಂದ್ರ ಆರ್. ಕಾಮತ್ತಾನಿ ಕೆಲ್ಲೆ.  ಹೇ ವೇಳ್ಯಾರಿ “ಪೈ ಗ್ರೂಪ್ ಆಫ್ ಹೊಟೇಲ್ಸ್ ಹಾಜ್ಜೆ ವ್ಯವಸ್ಥಾಪಕ ನಿರ್ದೇಶಕ ಆನಿ ಅಧ್ಯಕ್ಷ ಜಾವ್ನಾಶ್ಶಿಲೆ ಶ್ರೀ ಜಗನ್ನಾಥ ವಿ. ಪೈ, ಶ್ರೀಮತಿ ಶಾಂತಾ ಜಗನ್ನಾಥ ಪೈ, ಶ್ರೀ ಸುಜಯ ಜೆ. ಪೈ ಆನಿ ಶ್ರೀ ಅಜಯ ಜೆ. ಪೈ, ಡೈರೆಕ್ಟರ್  ರಮೇಶ ಪ್ರಭು ಸಮೇತ  ಅಪಾರ ಗಣಮಾನ್ಯ ಲೋಕ ಉಪಸ್ಥಿತ ವ್ಹರಲೀಲೆ.
ಹೇ ಹೊಟೇಲ್ಲಾಂತು ಉದ್ಯಮಿ ಆನಿ ಗ್ರಾಹಕಾಂಕ ಚಾಂಗ ಸೇವಾ ದಿವ್ಚೆ ಖಾತ್ತಿರಿ ಕಂಫರ್ಟ್ಸ್, ಲಕ್ಷುರಿ ಆನಿ ಕ್ಲಬ್ ಸೂಟ್ಸ್ ಮ್ಹಣಚೆ ತೀನಿ ನಮೂನ್ಯಾಚೆ ರೂಮ್ಸ್ ಉಪಲಬ್ಧ ಆಸ್ಸ. ಕೂಡಾಂತು ಜಾಯ ತಿತ್ಲೆ ವಿಶಾಲ ಸ್ಥಳಾವಕಾಶ ಆಸ್ಸ. ಸ್ಯಾಟ್ ಲೈಟ್ ಟಿ.ವಿ., ಕಾಫಿ ಮೇಕರ್‍ಸ್, ಮಿನಿ ಬಾರ್‍ಸ್, ಹೇರ್ ಡ್ರಯರ್‍ಸ್, ಡೈರೆಕ್ಟ್ ಎಸ್.ಟಿ.ಡಿ ಆನಿ ಐ.ಎಸ್.ಡಿ. ಡಯಲಿಂಗ್, ಇಲೆಕ್ಟ್ರಾನಿಕ್ಸ್ ಸೇಫ್ಸ್, ವೈ-ಫೈ ಇಂಟರ್‌ನೆಟ್, ಆಕ್ಸೆಸ್ ಸಮೇತ ವಿವಿಂಗಡ ನವೀನ ಸೌಲಭ್ಯ ಗ್ರಾಹಕಾಂಕ ಉಪಲಬ್ಧ ಆಸ್ಸ. ಕಾನ್ಫರೆನ್ಸ್, ಸಮ್ಮೇಳನ ಆಯೋಜನ ಕೊರ್‍ಚ ಜಾಲ್ಯಾರಿ ವರೇಕ ತಾಕ್ಕ ಜಾಯ ಜಾಲೇಲೆ ‘ಆರಿಯಾನ್ ಆನಿ ‘ಓಪಲ್ ಮ್ಹಣ್ಚೆ ಸಭಾಂಗಣ, ಹಾಲಾಕ ವೈಫೈ ಇಂಟರ್‌ನೆಟ್, ಆಡಿಯೋ - ವಿಜ್ಯುಯಲ್ ಟೆಕ್ನಾಲಜಿ, ಮಾಡರ್ನ್ ತಾಂತ್ರಿಕತಾ  ವಾಪರ್‍ಲ್ಯಾ. ಸಭಾಂಗಣಾಂತು ‘ಯು ಆಕಾರ, ಕ್ಲಾಸ್‌ರೂಮ್ ನಾಂವೆ ಥಿಯೇಟರ್ ನಮೂನ್ಯಾನ ಆಸನ ವ್ಯವಸ್ಥಾ ಕೊರಯೇತ. ‘ಸಮ್ಮಿಲನ ನಾಂವಾಚೆ ಪಾರ್ಟಿ ಹಾಲಾಂತು ವ್ಹರಡೀಕ, ಮೂಂಜಿ, ಆರ್ತಕ್ಷತ ಇತ್ಯಾದಿ ಶುಭ ಸಮಾರಂಭ ವ್ಯವಸ್ಥ ಕೊರಚಾಕ ಸೂಕ್ತ ಜಾವ್ನು ಆಸ್ಸ. ಹಾಂಗಾ ಗ್ರಾಹಕಾಲೆ ರುಚಿ-ಅಭಿರುಚಿಕ ಸಮ ಜಾವ್ನು ರಾಂದಪ ತಯಾರ ಕೋರ್ನು ವಾಡ್ಚೆ ವ್ಯವಸ್ಥಾಯಿ ಆಸ್ಸ.
ಲಿಪ್ಟ್ ಚೋಣು ಚಾರಿ ಮಾಳೇರಿ ಘೆಲಯಾರಿ ಕೃತಕ ರಾನ ಸೃಷ್ಠಿ ಕೋರ್ನು ತಯಾರ ಕೆಲೀಲೆ ‘ಜಂಗಲ್ ವೆಜ್ ರೆಸ್ಟೋರೆಂಟಾಂತು ರಾನ್ನಾ ಮಧ್ಯೆ ಬೈಸೂನು ಜವ್ಚೆ ಅನುಭವು ತುಮ್ಕಾ ಮೆಳ್ತಾ.ಎದ್ರಾಕ ಉಣಕಲ್ ಥಂಳೆಚೆ ವಿಹಂಗಮ ದೃಶ್ಯ ಮನಾಕ ಖಂಡಿತ ಮಸ್ತ ಆನಂದ ದಿತ್ತಾ. ಚೆರ್ಡುಂವ ಅಂತೂ ಖಂಡಿತ ಅಪಾರ ಖುಷಿ ಪಾವತಾತಿ. ತಾಕ್ಕ ಲಾಗ್ಗೂನೂ ಆಸ್ಸ ‘ಗುಫಾ ರೆಸ್ಟೋರೆಂಟ್ ಹಾಂಗಾ ಆಫ್ರಿಕನ್  ರಾನ್ನಾಚೆ ಆದಿವಾಸಿ ಲೋಕಾಲೆ ಪ್ರತಿಕೃತಿ, ಕೃತಕ ಜಲಪಾತ, ಆಫ್ರಿಕಾಚೆ ಹಿನ್ನಲೆ ಸಂಗೀತ ಮಧ್ಯೆ ಜವಣ ಕೊರಚೆ ಖಂಡಿತ ಏಕ ವಿಶೇಷ ಅನುಭವು. ಒಟ್ಟಾರೆ ಪ್ರತಿಯೆಕ್ಲ್ಯಾನ ಕುಟುಂಬ ಸಮೇತ ಭೆಟ್ಟೂಕಾಚಿ ಜಾಲೇಲೆ ಏಕ ಅಪರೂಪಾಚೆ ಹೊಟೇಲ್ ಹುಬ್ಬಳ್ಳಿಚೆ ‘ದಿ ಪ್ರೆಸಿಡೆಂಟ್ ಹೊಟೇಲ್. ಸಸ್ಯಾಹಾರಿ ರಾಂದಪ ತಯಾರ ಕೊರಚಾಕ ಪ್ರತ್ಯೇಕ ರಾಂದ್ಪಾ ಕೂಡ ಆಸ್ಸುಚೆ ಹಾಂಗಾಚೆ ಆನ್ನೇಕ ವಿಶೇಷ. ಯುವಜಣಾ ಖಾತ್ತಿರಿ “ದೇಸಿ ಬೀಟ್ ಪಬ್ ವರೇಕ ಆಸ್ಸ.
ಹೊಟೇಲ್ ಉದ್ಯಮ ಬರಶಿ ತಾಂತು ಘೊಳ್ಚೆ ನೌಕರಾ ಖಾತ್ತಿರಿ ಕಾಳ್ಜಿ ದವರಿಲೆ ‘ಪೈ ಗ್ರೂಪ್ ಆಫ್ ಹೊಟೇಲ್ಲಾಚೆ ಶ್ರೀ ಜಗನ್ನಾಥ ಪೈ ಮಾಮು ಮೂಲತಃ ಕುಂದಾಪುರ ತಾ||ಚೆ ಗಂಗೊಳ್ಳಿಚೆ. ೧೯೭೩ಂತು ಬೆಂಗಳೂರಾಂತು ಪಯ್ಲೆ ಹೊಟೇಲ್ ಸುರುವಾತ ಕೋರ್ನು ಬೆಂಗಳೂರು, ಮೈಸೂರಾಂತು ಸಬಾರ ಹೊಟೇಲ್ ಸುರುವಾತ ಕೋರ್ನು ಯಶಸ್ವಿ ಜಾಲ್ಲಿಂತಿ. ಹುಬ್ಬಳ್ಳಿಚೆ ‘ದಿ ಪ್ರೆಸಿಡೆಂಟ್ ಹೊಟೇಲ್ ಪೈ ಸಮೂಹ ಸಂಸ್ಥೆಚೆ ೧೦ ಚೆ ಹೊಟೇಲ್ ಮ್ಹಣ್ಚೆ ಆನ್ನೇಕ ವಿಶೇಷು. ನೈಶಿ ಸದ್ಯಾಂತು ಆಂಧ್ರ ಪ್ರದೇಶಾಚೆ ತಿರುಪತಿಂತು “ಪೈ ವೈಸರಾಯಿ ಮ್ಹಣ್ಚೆ ಆನ್ನೇಕ ಹೊಟೇಲ್ ಸುರುವಾತ ಜಾವ್ಚೆ ಆಸ್ಸ. ಪೈ ಗ್ರೂಪ್ಸ್ ಆಪ್ ಹೊಟೇಲ್ ವ್ಹಡ ವೃಕ್ಷ ಜಾವ್ನು ವಾಡ್ಡೆಯಿಲೆ ಶ್ರೀ ಜಗನ್ನಾಥ ಪೈ ಮಾಮ್ಮಾಕ ಸಬಾರ ಸಂಘ-ಸಂಸ್ಥೆ ದಾಕೂನು ವರೇಕ ಸತ್ಕಾರು, ಸನ್ಮಾನು ಪಾವಿತ ಜಾಲೇಲೆ ಆಸ್ಸುನು, ಬೆಂಗಳೂರು ಮಹಾನಗರಪಾಲಿಕೆಚೆ ಪ್ರತಿಷ್ಠಿತ ಕೆಂಪೇಗೌಡ ಪ್ರಶಸ್ತಿ ವರೇಕ ಹಾಂಕಾ ಪ್ರಾಪ್ತ ಜಾಲ್ಲಾ. ಹೊಟೇಲ್ ಉದ್ಯಮಾಂತು ಪರಮಾತ್ಮು ಹಾಂಕಾ ಆನ್ನಿಕೆ ಚ್ಹಡ ಯಶ ಪ್ರಾಪ್ತ ಜಾವ್ಚ ವರಿ ಕೊರೊ ಮ್ಹೊಣು ದಯಾಮಯಲಾಗ್ಗಿ ಹಾಂವ ಮಾಗ್ಣಿ ಕರ್ತಾ. -ಆಸು.

ಕೊಂಕಣಿ ಭಾಷಾಭಿವೃದ್ಧಿಕ ಖರೇಚಿ ಅಭಿಮಾನ ಜಾವ್ಕಾ
ಕೊಂಕಣಿ ಭಾಸ ಮಸ್ತ ಪುರಾತನ ಮ್ಹಣ್ಚೆ ಸರ್ವಾಂಕ ಗೊತ್ತಾಶ್ಶಿಲೆ ವಿಷಯೂಚಿ. ಪೋರ್ಚುಗೀಸಾಲೆ ಆನಿ ಇತರಾಲೆ ಬಲತ್ಕಾರಾಚೆ ಮತಾಂತರ, ದೌರ್ಜನ್ಯ ಕಾರಣಾನಿ ಕೊಂಕಣಿ ಲೋಕಾನಿ ಆಮ್ಗೆಲೆ ಭಾಸ, ಸಂಸ್ಕೃತಿ, ದೇವಾಕ ರಕ್ಷಣ ಕೋರ್ನು ಘೆವ್ಚೆ ಖಾತ್ತಿರಿ ಕಾಳ್ಳೆಲೆ ವಾವ್ರೊ ಇತಿಹಾಸಾಂತು ದಾಖಲ ಜಾಲ್ಲಾ. ಆಜಿ ಕೊಂಕಣಿ ಗೋಂಯ ರಾಜ್ಯಾಚೆ ರಾಜ್ಯ ಭಾಸ, ತಾಕ್ಕಾ ಸಂವಿಧಾನಾಚೆ ಆಠ್ಠಾ ವೆಳೆರೆಂತು ಮಾನ್ಯತಾಯಿ ಮೆಳ್ಳಾ. ಗೋಂಯ, ಕರ್ನಾಟಕ, ಕೇರಳಾಂತು ಕೊಂಕಣಿ ಅಭಿವೃದ್ಧಿ ಖಾತ್ತಿರಿ ಸರಕಾರಾ ಪೋಷಿತ ಕೊಂಕಣಿ ಅಕಾಡೆಮಿ ವರೇಕ ಅಸ್ತಿತ್ವಾಂತು ಆಸ್ಸ. ಜಾಲ್ಯಾರಿಚಿ ಕೊಂಕಣಿ ಭಾಸ ಯವಜಿಲಿ ತಿತ್ಲೆ ಜೋರಾನ ಅಭಿವೃದ್ಧಿ ಜಾತ್ತಾ ಆಸ್ವೆ? ನಾ. ಕಿತಯಾಕ ಮ್ಹಳಯಾರಿ ಆಮ್ಮಿ ಭಾಷಾಭಿವೃದ್ಧಿ ಜಾವಚಾಕ ಕಸ್ಸಲೆ ಕೋರ್‍ಕಾಕಿ ತ್ಯಾ ಕರ್ತಾ ನಾಂತಿ. ಪಯ್ಲೆಚೆ ಜಾವ್ನು ಆಮ್ಮಿ ಆಮಗೇಲೆ ಆವಯ ಭಾಷೆ ವಯ್ರಿ ದವರೂನು ಘೆತ್ತಿಲೆ ಅಭಿಮಾನು ಮಸ್ತ ಕಮ್ಮಿ. ತಾಜ್ಜ ಉದರ್ಗತಿಕ ಕರ್ತಾ ಆಸ್ಸುಚೆ ಪ್ರಯತ್ನ ಪುರ್‍ಜಾಯ್ನಾ.
ಹೇ ಸಂದರ್ಭಾರಿ ಆಮ್ಮಿ ಇತರ ಭಾಷೆ ಕಶ್ಶಿ ಉದರ್ಗತಿ ಪಾವ್ಲಿಂತಿ ಮ್ಹೊಣು ಚಿಕ್ಕೆ ನಜರ ಘಾಲ್ಕಾ. ಉದಾಹರಣೆಕ ಇಂಗ್ಲೀಷ್ ಘೆಯ್ಯಾ. ಆಜಿ ಇಂಗ್ಲೀಷ್ ವಿಶ್ವಮಾನ್ಯ ಭಾಸ ಜಾಲ್ಲಯಾ. ಜಾಲ್ಯಾರಿಚಿ ಪೂರಾ ಬಗಲೇನ ಏಕ್ಕಾ ನಮೂನ್ಯಾ ಇಂಗ್ಲೀಷ್ ನಾ. ನೈಶಿ ಇಂಗ್ಲೀಷ್ ಲೋಕ ತಾಂಗೆಲೆ ಭಾಷೆ ವಿಷಯಾಂತು ಮಸ್ತ ಅಭಿಮಾನ ಪಾವ್ಚೆ ಲೋಕ. ಇಂಗ್ಲೀಷ್ ಮಾತೃ ಭಾಷೆಚೆ ಲೋಕ ಹೇ ಭಾಷೆಚೆ ಪ್ರಭಾವ ಮಸ್ತ ಊಣೆ ಆಶ್ಶಿಲ ತೆದ್ನಾ ವರೇಕ ಕಿತ್ಲೆಚಿ ಉನ್ನತ ಸ್ಥಾನಾಕ ಘೆಲಯಾರಿಚಿ  ಇಂಗ್ಲೀಷಾಂತು ವ್ಯವಹಾರ ಕರ್ತಾ ಆಶ್ಶಿಲಿ ಖಂಯಿ. ತಾಜ್ಜ ಉಪರಾಂತ ವಿಜ್ಞಾನಿ, ರಾಜಕಾರಣಿ ಲೋಕಾನಿ ಸೈತ ಇಂಗ್ಲೀಷಾಕ ಫ್ರೆಜರ್ ದಿಲ್ಲಿ. ಇಂಗ್ಲೀಷ್ ವಾಡಚಾಕ ಆನ್ನೇಕ ಕಾರಣ ಮ್ಹಳಯಾರಿ ಇಂಗ್ಲೀಷ್ ಭಾಷೆಂತು ಅನ್ಯ ಭಾಷೆ ಶಬ್ಧ ಸೊಚ್ಚಾಕ ಘೆಲಯಾರಿ ಬಹುಶಃ ತ್ಯಾ ಅರ್ಧಂಶ ಪಶಿ ಚ್ಹಡ ಆಸ್ಸ. ಮ್ಹಳಯಾರಿ ತಾನ್ನಿ ಅನ್ಯ ಭಾಷೆ ಶಬ್ದಾಂಕ ದಾರಾಳ ಜಾವ್ನು ಸ್ವಾಗತ ಕೋರ್ನು ವಾಪರಚಾಕ ಲಾಗ್ಲೆ. ಹೇ ಪೂರಾ ಕಾರಣಾನ ಆಜಿ ಇಂಗ್ಲೀಷ್ ಭಾಸ ವಿಶ್ವ ಭಾಸ ಜಾಲ್ಲಯಾ.
ಕೆಲವ ವರ್ಷಾ ಮಾಕಶಿ ಕನ್ನಡಾಂತು ಇಂಗ್ಲೀಷ್ ಭಾಷೆ ಶಬ್ದು ನಾಕ್ಕಾ ಮ್ಹಣ್ಚೆ ಕಾರಣಾನ ಇಂಜಿನಿಯರಾಕ ಅಭಿಯಂತರರು, ಪೋಲೀಸಂಚಾಕ ಆರಕ್ಷಕರು ಇತ್ಯಾದಿ ನಾಂವಾನಿ ಆಪೈಚಾಕ ಲಾಗ್ಲೆ. ಜಾಲ್ಯಾರಿ ಲೋಕಾಂಕ ತ್ಯಾ ಅಪರಿಚಿತ ಜಾಲ್ಲೆ. ತಶ್ಶಿಚಿ ಕೊಂಕಣಿ ಲೋಕಾನಿ ವರೇಕ ಹೇ ವಿಷಯಾಂತು ಚಿಕ್ಕೆ ವಿಶಾಲ ಭಾವನಾ ವಾಡ್ಡೋವನು ಘೆವ್ಕಾ.  ಪಯ್ಲೆ ಆಮ್ಗೆಲೆ ವ್ಯವಹಾರಾಂತು ಕೊಂಕಣಿ ಚ್ಹಡ ಚ್ಹಡ ವಾಪರಕಾ. ಪತ್ರ ವ್ಯವಹಾರ, ಇಂಟರ್‌ನೆಟ್ಟಾಂತು, ಫೇಸ್‌ಬುಕ್ಕಾಂತು ಕೊಂಕಣಿಂತು ಬರಯಚಾಕ (ಲಿಪಿ ಖಂಚೇ ಆಸ್ಸೊ) ಪ್ರಯತ್ನ ಕೋರ್‍ಕಾ. ಆಮ್ಮಿ ಘರಾಂತು ಕೊಂಕಣಿ ಉಲೈತಾತಿ. ಖಂಚೇ ಕಾರಣಾಂತು ಹಾಕ್ಕಾ ಚ್ಯುತಿ ಯವಚಾಕ ನಜ್ಜ. ಕೆಲವ ಲೋಕ ಘರಾಂತು ಇಂಗ್ಲೀಷಾಂತು ಉಲೈಲ್ಯಾರಿ ಚೆರ್ಡುವಾಲೆ ಶಿಕ್ಪಣಾಕ ಮದ್ದತ್ ಜಾತ್ತಾ ಮ್ಹೊಣು ಇಂಗ್ಲೀಷ್ ಉಲೈತಾತಿ. ಹಾಜ್ಜೆನ ಇಂಗ್ಲೀಷ್ ಉದ್ದಾರ ಜಾವಚಾಕ ಪುರೊ, ಜಾಲ್ಯಾರಿ ಕೊಂಕಣಿ ನಾಶ ಜಾವಚಾಕ ಲಾಗ್ತಾ. ಕೊಂಕಣಿಗಾಂಕ ಆಮ್ಗೆಲೆ ಭಾಸ ವಿಶಾಲ ಪ್ರಪ್ರಂಚಾಂತು ಆಮ್ಗೆಲೆ ಸಂಸ್ಕೃತಿ, ಸಂಸ್ಕಾರಾಚೆ ಪ್ರತ್ಯೇಕತಾ ಉರೋನು ಘೆವಚಾಕ ಮದ್ದತ ಕರ್ತಾ. ದೊಗ್ಗ ಲೋಕ ಕೊಂಕಣಿ ಲೋಕ ಅಪರಿಚಿತ ಜಾಲ್ಯಾರಿಚಿ ತಾನ್ನಿ ತ್ಯಾ ಭಾಸ ಉಲೈತಾತಿ ಮ್ಹಳ್ಳ ಸತಾ ‘ಆಮ್ಚಗೇಲಿ ಮ್ಹಣ್ಚೆ ಭಾವನೇನ ಪರಿಚಿತ ಜಾತ್ತಾತಿ. ನಾ, ಪೂರಾ ಲೋಕ ಇಂಗ್ಲೀಷ್ ಉಲೈತಾ ಘೆಲಯಾರಿ ಮುಖಾರ ಏಕ್ದೀಸು ಆಮ್ಮಿ “ಗುಂಪಿನಲ್ಲಿ ಗೋವಿಂದ ಜಾವ್ನು ಆಮ್ಗೆಲೆ ಪ್ರತ್ಯೇಕತಾ ಲುಕ್ಸಾನ ಕೋರ್ನು ಘೆತ್ತಾತಿ.
ಆಮ್ಕಾ ಸರಕಾರಾ ದಾಕೂನು ಖಂಚೇ ಸೌಲಭ್ಯ ಮೆಳ್ನಾ. ಹೇ ವಿಷಯು ಸರ್ವ ಜಾಣೂನು ಆಸ್ಸತಿ. ತ್ಯಾ ಕಾರಣಾನ ಆಮ್ಮಿ ಪರಸ್ಪರ ಉದರ್ಗತಿ ಪಾವ್ಕಾ ಜಾಲ್ಯಾರಿ ಅಮ್ಚಗೆಲೇನ ಪರಸ್ಪರ ಸಹಾಯು, ಸಹಕಾರು ಘೇವ್ಕಾ-ದಿವ್ಕಾ. ತಾಕ್ಕಾ ಏಕ ಪ್ರತ್ಯೇಕತಾ; ಭಾಸ ಆಮ್ಕಾ ದಿತ್ತಾ. ತ್ಯಾ ಕಾರಣಾನ ಕೊಂಕಣಿ ಭಾಷೆ ವಯ್ರಿ ಸಾನ್ಪಣಾ ದಾಕೂನು ಚೆರ್ಡುವಾಂಕ ಅಭಿಮಾನ ಯವ್ಚವರಿ ಕೋರ್‍ಕಾ. ಒಟ್ಟಾರೆ ೪೨ ಪಂಗ್ಡಾಚಿ ಕೊಂಕಣಿ ಉಲೈತಾತಿ ಮ್ಹೊಣು ಕೊಂಕಣಿ ಅಕಾಡೆಮಿನ ಸೊದ್ಲಾ. ತ್ಯಾ ಕಾರಣಾನ ಕೊಂಕಣಿ ವಾಚನಾಭಿವೃದ್ಧಿ, ಸಾಹಿತ್ಯ ಕೃಷಿ ಚ್ಹಡ ಕೊರಚೆ ಜವಾಬ್ದಾರಿ ಅಕಾಡೆಮಿ ವಯ್ರಿ ಆಸ್ಸ. ಕೊಂಕಣಿಚೆ ವಿಂಗವಿಂಗಡ ಸಂಘ-ಸಂಸ್ಥೆ ವಯ್ರಿ ಆಸ್ಸ. ಕರ್ನಾಟಕಾಂತು ಸರ್ಕಾರಾನ ಕೊಂಕಣಿ ಸಾಹಿತ್ಯ ಅಕಾಡೆಮಿ ಸ್ಥಾಪನ ಕೆಲಯಾರಿಚಿ, ತಾಕ್ಕೇಕ ಅಧ್ಯಕ್ಷ, ದಾ ಸದಸ್ಯ, ರಿಜಿಸ್ಟ್ರಾರ ಇತರ ನೌಕರ ವರ್ಗ ದಿಲಯಾರಿಚಿ ತಾಜ್ಜ ನಿಮಿತ್ತ ಕೊಂಕಣಿ ಸಾಹಿತ್ಯಾ ಮೆಳ್ತಾ ಆಸ್ಸುಚೆ ಪ್ರೋತ್ಸಾಹ ಮಸ್ತ ಊಣೆ ಮ್ಹೊಣು ಖಂಚೇ ಅನುಮಾನ ನಾಶಿ ಸಾಂಗೇತ. ಅಕಾಡೆಮಿ ಸ್ಥಾಪನ ಜಾವ್ನು ೧೫-೧೬ ವರ್ಷ ಜಾಲ್ಯಾರಿಚಿ ಕರ್ನಾಟಕ ಭಿತ್ತರಿ ಆಸ್ಸುಚೆ ಕೊಂಕಣಿ ಕವಿ, ಸಾಹಿತಿ, ಬರೋಪಿಂಕ ವಿಶ್ವಾಸಾಕ ಘೆವ್ಚೆ ಕಾಮ ಆನ್ನಿಕೆ ಅಕಾಡೆಮಿನ ಕರ್ನಿ. ವರ್ಷಾಕ ದಾ-ಬಾರಾ ಕೊಂಕಣಿ ಕಾರ್ಯಕ್ರಮ ಘಡೋವ್ನು, ತಾಂತು ನಾಚೂನು, ಗಾನ ಗಾಯ್ಲ ಕೂಡ್ಲೆ ಕೊಂಕಣಿ ಉದ್ದಾರ ಜಾವ್ನು ಘೆಲ್ಲೆ ಮ್ಹೊಣು ಸಮಜೂನು ಘೆತ್ತಿಲ ವರಿ ದಿಸ್ತಾ. ಹಾಜ್ಜೇನ ಸರ್ಕಾರಾನ ದಿಲೇಲೆ ಅನುದಾನ ಖರ್ಚು ಜಾವಚಾಕ ಪುರೊ. ಜಾಲ್ಯಾರಿ ಮುನಾಪೊ ಕಸ್ಸಲೆ ಮೆಳ್ಳೆ? ಹೇ ಮನಾಕ ವ್ಹರಕಾ. ಮುಖಾವೈಲೆ ದಿವಸಾಂತು ಪೂಣಿ ಹೇ ದಿಕ್ಕಾನ ಕೊಂಕಣಿ ಅಕಾಡೆಮಿ ಭಾಷಾಬಿವೃದ್ದಿ, ಕೊಂಕಣಿ ಸಾಹಿತ್ಯಾಭಿವೃದ್ಧಿ, ಭಾಷಾಭಿಮಾನ ಚ್ಹಡ ಜಾವ್ಚ ತಸ್ಸಾಲೆ ಕಾರ್ಯಕ್ರಮ ಘಾಲ್ನು ಘೆವೋಂತಿ ಮ್ಹೊಣು ಅಪೇಕ್ಷ ಕರ್ತಾ.                       -ಆಸು

ತೋನ್ಸೆ ಪೈ ಕುಟುಂಬ, ತೆಂಕನಿಡಿಯೂರು
ತೆಂಕನಿಡಿಯೂರು ತೋನ್ಸೆ ಪೈ ಕುಟುಂಬಸ್ಥಾಲೆ ಮೂಲನಾಗದೇವಾಲೆ ೧೮ಚೆ ವರ್ಧಂತಿ, ಆಶ್ಲೇಷಾ ಬಲಿ ಸೇವಾ ಆನಿ ದೈವಾಚೆ ಭೋಗ ತಾ. ೨೦-೪-೨೦೧೪ ದಿವಸು ದೇವತಾ ಪ್ರಾರ್ಥನಾ, ನವಕ ಪ್ರಧಾನ ಹೋಮು, ಪಂಚಾಮೃತಾಭಿಷೇಕು, ೧೦೮ ಕಲಶಾಭಿಷೇಕು, ಆಶ್ಲೇಷಾ ಬಲಿ ಸೇವಾ, ಮಹಾ ಪೂಜನ, ಮಂಗಳಾರ್ತಿ, ವಟು ಆರಾಧನ, ದರ್ಶನ ಸೇವಾ, ಅನ್ನ ಸಂತರ್ಪಣ, ರಾತ್ತಿಕ ಶ್ರೀ ಬೈಕಾಡ್ತಿ- ಪಂಜುರ್ಲಿ ಭೋಗ ಇತ್ಯಾದಿ ಕಾರ್ಯಕ್ರಮ ಬರಶಿ ಚಲ್ಲೆ. ವಿವಿಂಗಡ ಗಾಂವಾಂತು ಆಶ್ಶಿಲೆ ಕುಟುಂಬಾಚೆ ಸರ್ವ ಸದಸ್ಯ ಹೇ ಸಂದರ್ಭಾರಿ ಉಪಸ್ಥಿತ ವ್ಹರಲೀಲೆ.
ಶ್ರೀ ಲಕ್ಷ್ಮೀನರಸಿಂಹ ಭಜನಾ ಮಂಡಳಿ, ನಿಡ್ಡೋಡಿ
ಶ್ರೀ ಲಕ್ಷ್ಮೀನರಸಿಂಹ ಭಜನಾ ಮಂಡಳಿ, ನಿಡ್ಡೋಡಿ, ಕಲ್ಲುಮುಂಡ್ಕೂರು ಹಾಂಗಾ ತಾ. ೧೩-೫-೧೪ಕ ಸಾಂಜ್ವಾಳಾ ಸೂರ್ಯಾಸ್ತ ದಾಕೂನು ಸುರುವಾತ ಜಾಲೇಲೆ ಅಖಂಡ ಭಜನ ಹೆರ್‍ದೀಸು ಸೂರ್ಯಾನಿ ಉದ್ದೇಚೆ ಪರ್ಯಂತ ಚಲ್ಲೆ. ಹೇ ಸಂದರ್ಭಾರಿ ಗಾಂವ್ಚೆ ಆನಿ ಪರಗಾಂವ್ಚೆ ಭಜನಾ ಪಾಳಿಚಾನ ಯವ್ನು ಭಜನಾ ಕಾರ್ಯಕ್ರಮ ಚಲೋವ್ನು ದಿಲ್ಲೆ. ತ್ಯಾ ದಿವಸು ರಾತ್ತಿಕ ಅನ್ನ ಸಂತರ್ಪಣ ಆಶ್ಶಿಲೆ. ಹೇ ಕಾರ್ಯಕ್ರಮ ವಿಜೃಂಭಣೇನ ಚಲಯಚಾಕ ಕಾರಣ ಜಾಲೇಲೆ ಸರ್ವಾಂಕ ಮಂಡಳಿಚೆ ಅಧ್ಯಕ್ಷ ಶ್ರೀ ಕೆ. ರವೀಂದ್ರ ವೆಂಕಟೇಶ ಪ್ರಭು ಆನಿ ಕಾರ್ಯದರ್ಶಿ ಶ್ರೀ ಗಣಪತಿ ನಾರಾಯಣ ಪ್ರಭು ಹಾನ್ನಿ ಆಬಾರ ವ್ಯಕ್ತ ಕೆಲ್ಲಾ.
ಶ್ರೀಮದ್ ವರದೇಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯತಿಥಿ ಶತಮನೋತ್ಸವಾಚೆ ರಥಯಾತ್ರಾ ತಾ. ೮-೪-೧೪ಕ ನಿಡ್ಡೊಡಿಚೆ ಶ್ರೀ ಲಕ್ಷ್ಮೀ ನರಸಿಂಹ ಭಜನಾ ಮಂಡಳಿಕ, ಕಿನ್ನಿಗೋಳಿಚಾನ ಸಾಂಜ್ವಾಳಾ ೬ ಗಂಟ್ಯಾಕ ಯವ್ನು ಪಾವ್ಲೆ. ರಥಯಾತ್ರೆಕ ಸ್ವಾಗತ ಕೆಲೇಲೆ ಉಪರಾಂತ ಮಂಡಳಿಚೆ ಅಧ್ಯಕ್ಷ ಶ್ರೀ ಕೆ. ರವೀಂದ್ರ ವೆಂಕಟೇಶ ಪ್ರಭು ಹಾನ್ನಿ ಸ್ವಾಮ್ಯಾಂಗೆಲೆ ಗುಣಗಾನ ಕೆಲ್ಲಿ. ಯೇವ್ಕಾರ ಶ್ರೀ ವಿವೇಕ ಮಾಧವರಾಯ ಪ್ರಭು ತಾನ್ನಿ ಕೆಲ್ಲಿ. ಉಪರಾಂತ ರಥಯಾತ್ರಾ ನಿಡ್ಡೋಡಿಚಾನ ಮೂಡಬಿದ್ರೆಕ ಘೆಲ್ಲಿ.
ವರದಿ : ಕೆ. ರವೀಂದ್ರ ವಿ. ಪ್ರಭು, ನಿಡ್ಡೋಡಿ.
ಕೊಂಕಣಿ ಮಠ ಶ್ರೀ ವೆಂಕಟರಮಣ ದೇವಳ, ಕಾಪು
ಶ್ರೀಮದ್ ವರದೇಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯತಿಥಿಚೆ ಶತಮಾನೋತ್ಸವ ಪ್ರಯುಕ್ತ ರಥಯಾತ್ರಾ ಮಹೋತ್ಸವ ಆನಿ ಪ|ಪೂ| ಸ್ವಾಮ್ಯಾಂಗೆಲೆ ಗುಣಗಾನ ಕಾರ್ಯಕ್ರಮ ತಾ. ೧೩-೪-೧೪ ದಿವಸು ಹಾಂಗಾ ಚಲ್ಲೆ. ಹೇ ಸಂದರ್ಭಾರಿ ಶ್ರೀ ಹಳೇಮಾರಿಯಮ್ಮ ಸ್ವಾಗತ ಗೋಪುರ ಮುಖಾರಿ ಪೂಜ್ಯ ಸ್ವಾಮ್ಯಾಂಗೆಲೆ ರಥಾಕ ಸ್ವಾಗತ ಕೋರ್ನು, ಮೆರವಣಿಗೇರಿ ಶ್ರೀ ದೇವಳಾಕ ಹಾಡ್ಲೆ. ದೇವಳಾಂತು ದೇವಾಲೆ ಪೂಜಾ, ಪ|ಪೂ| ಸ್ವಾಮ್ಯಾಂಗೆಲೆ ಪೋಟೊ ಪೂಜಾ, ಗುರುವರ್ಯಾಂಗೆಲೆ ಗುಣಗಾನ, ಆನಿ ಸ್ವಾಮ್ಯಾಂಕ ಕಾಣಿಕಾ ಅರ್ಪಣ ಇತ್ಯಾದಿ ಕಾರ್ಯಕ್ರಮ ಚಲ್ಲೆ.
ಶ್ರೀ ಲಕ್ಷ್ಮೀವೆಂಕಟರಮಣ ದೇವಳ, ಪಡುಬಿದ್ರೆ
ಶ್ರೀಮದ್ ವರದೇಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯ ತಿಥಿ ಶತಮಾನೋತ್ಸವ ಪ್ರಯುಕ್ತ ರಥಯಾತ್ರೆ ತಾ. ೧೩-೪-೧೪ ದಿವಸು ಪಡುಬಿದ್ರೆಕ ಆಯ್ಯಿಲ ತೆದ್ದನಾ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಳಾಚೆ ಸ್ವಾಗತ ಗೋಪುರಾ ಲಾಗ್ಗಿ ರಥಯಾತ್ರೆಕ ಸ್ವಾಗತ ಕೋರ್ನು ಶ್ರೀ ಲಕ್ಷ್ಮೀವೆಂಕಟರಮಣ ದೇವಳಾಕ ಹಾಡ್ಲೆ. ಧೋಂಫಾರಾ  ದೇವಾಲೆ ಪೂಜಾ ಜಾಲ್ಲ ಉಪರಾಂತ ಶ್ರೀಮದ್ ವರದೇಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪೋಟೋಕ ವಿಶೇಷ ಪೂಜಾ, ಪ|ಪೂ| ಸ್ವಾಮ್ಯಾಂಗೆಲೆ ಗುಣಗಾನ ಆನಿ ಸಮಾರಾಧನ ಚಲ್ಲೆ. ಉಪರಾಂತ ರಥಯಾತ್ರೆಕ ಕಾಪು ಶ್ರೀ ವೆಂಕಟರಮಣ ದೇವಳಾಕ ಪೆಟೋನು ದಿಲ್ಲೆ.
ಶ್ರೀ ಮಹಾಲಕ್ಷ್ಮೀ ರವಳನಾಥ ದೇವಳ, ಹಿರೇಗುತ್ತಿ
ಹಿರೇಗುತ್ತಿಚೆ ಶ್ರೀ ಮಹಾಲಕ್ಷ್ಮೀ ರವಳನಾಥ ದೇವಳಾಚೆ ತೃಯೋದಶಿ ವರ್ಷಾಚೆ ಬ್ರಹ್ಮರಥೋತ್ಸವು ತಾ. ೨೨-೪-೧೪ ದಾಕೂನು ೨೪-೪-೧೪ ಪರ್ಯಂತ ಅಗ್ರೋದಕ ಹರಣ, ದೇವತಾ ಪ್ರಾರ್ಥನ, ಮಣಿಕ, ಕೌತುಕ ಬಂಧನ, ಧ್ವಜಾರೋಹಣ, ಅಂಕುರಾರೋಹಣ, ಭೇರಿತಾಡನ, ಪಾಲಂಖೀ ಉತ್ಸವು, ನವಗ್ರಹ ವಾಸ್ತು ಹವನ, ಮಹಾಬಲಿ, ರಥಶುದ್ಧಿ, ರಥಾರೋಹಣ, ಶ್ರೀ ಬ್ರಹ್ಮರಥೋತ್ಸವ, ರಥ ಕಾಣಿಕಾ, ಅವಭೃತ ಉತ್ಸವು, ಸಂತರ್ಪಣ, ದರ್ಶನ ಮುಖಾಂತರ ಅಂಕುರ ಪ್ರಸಾದ ವಿತರಣ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ.

ಕೋಡಕಣಿಂತು ಯುಗಾದಿ, ರಾಮನವಮಿ ಉತ್ಸವಾಚರಣ
ಜಯ ನಾಮ ಸಂವತ್ಸರಾಚೆ ಸಂವತ್ಸರ ಪಾಡ್ವೆ ಉತ್ಸವು ಕೋಡಕಣಿಚೆ ವಿಠೋಬ ಕೂಡಿ ಆನಿ ಶ್ರೀ ವೀರವಿಟ್ಠಲ ಮಠಾಂತು ಸಂಭ್ರಮಾಚರಣೆನ ಚಲ್ಲೆ. ಸಕ್ಕಾಳಿ ವಿಠೋಬ ಕೂಡಿಂತು ವಾಸುದೇವ ಶಾನಭಾಗ ಹಾಂಗೆಲೆ ನೇತೃತ್ವಾಂತು ದೇವಪೂಜಾ, ಪಾನಕ ಪೂಜಾ ಘಡೈಲೆ. ಬಾಳೇರಿ ಕುಟುಂಬಾಚೆ ಬಾಂಧವ ದೇವತಾಕಾರ್ಯ ಆನಿ ಪೂಜಾ ಚಾಂಗ ಕೋರ್‍ನು ಚಲೈಲಾಲೆ. ಧೋಂಪಾರಾ  ಶ್ರೀ ವೀರವಿಟ್ಠಲ ಮಠಾಂತು ವೇ.ಮೂ. ರಾಧಾಕೃಷ್ಣ ಭಟ್ ಆನಿ ವೇ.ಮೂ. ದಾಮೋದರ ಭಟ್ ಹಾಂಗೆಲೆ ಪೌರೋಹಿತ್ವಾಂತು ವಿಟ್ಠಲ ರುಕುಮಾಯಿ ಪೂಜಾ ಚಲ್ಲೆ. ಭಟ್ಮಾಮಾನ ಜಯ ನಾಮ ಸಂವತ್ಸರಾಚೆ ಪಂಚಾಂಗ ಶ್ರವಣ ಕರೈಲೆ. ಆನಿ ಸಂಕ್ರಾಂತಿ ಫಲ, ರಾಶಿ ಫಲ ಸಾಂಗ್ಲೆ. ತಶ್ಯಿ ಕೋಡು ಆನಿ ಪಾನಕ, ಪ್ರಸಾದ ವಿತರಣಾ ಜಾಲ್ಲೆ. ರಾತ್ರಿ ಜಾಲ್ಲಿಲೆ ಕಾರ್ಯಕ್ರಮಾಂತು ಪಲ್ಲಕ್ಕಿ ಉತ್ಸವ ಚಲ್ಲೆ. ಶ್ರೀ ವೀರವಿಟ್ಠಲ ಮಠಾಂತ್ಲ್ಯಾನ ಬಾಳೇರಿಕೇರಿ, ದಸರೆಕಟ್ಟೊ, ಹೆಗಡೆಕೇರಿ ಪರ್ಯಂತ ವಚೂನು ಭಜಕ ಜನಾಲೆ ಪೂಜಾ ಆನಿ ಸೇವಾ ಘಡೋನು ದಿಲ್ಲೆ. ರಾತ್ರಿ ಮಹಾಮಂಗಲಾರತಿಚೆ ನಂತರ ಪಾನಕ ಆನಿ ಪ್ರಸಾದ ವಿತರಣ ಕೆಲ್ಲೆ. ಹ್ಯಾಂ ಒಟ್ಟೂ ಕಾರ್ಯಕ್ರಮಾಂತು ಗಾಂವಾಚೆ ಜಿ‌ಎಸ್‌ಬಿ ಸಮಾಜಬಾಂಧವ ಏಕತ್ರ ಮೇಳ್ನು ಚಂದ ರೀತಿರಿ ಚಲೋನು ದಿಲ್ಲಾಲೆ. ಹ್ಯಾಚಿ ನಮೂನೇರಿ ಅವುಂದೂಚೆ  ರಾಮನವಮಿ ಉತ್ಸವ ಭಿ ಶ್ರೀ ವೀರವಿಟ್ಠಲ ಮಠಾಂತು ಯಶಸ್ವಿ ಜಾವ್ನು ಚಲ್ಲೆ. ಚಿತ್ರವರದಿ : ಡಾ. ಅರವಿಂದ ಶ್ಯಾನಭಾಗ, ಬಾಳೇರಿ
ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳ, ಬಾರ್ಕೂರು
ಬಾರ್ಕೂರು ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳಾಂತು ತಾ. ೮-೪-೧೪ಕ ಶ್ರೀ ರಾಮನವಮಿ ಉತ್ಸವು ದೇವತಾ ಪ್ರಾರ್ಥನಾ, ಪವಮಾನ ಕಲಶ, ಮಹಾ ಪೂಜಾ, ಸಂತರ್ಪಣ, ಲಾಲಕಿ ಉತ್ಸವು, ರಾತ್ರಿ ಪೂಜಾ, ಅಷ್ಟಾವಧಾನ ಸೇವಾ, ಪ್ರಸಾದ ವಿತರಣ, ಭೋಜನ ಇತ್ಯಾದಿ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ.
ಶ್ರೀ ರಾಮಮಂದಿರ ಕಿನ್ನಿಗೋಳಿ
ಕಿನ್ನಿಗೋಳಿಚೆ ಶ್ರೀ ರಾಮಮಂದಿರಾಂತು ಪ|ಪೂ| ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತೀರಿ ತಾ. ೯-೫-೧೪ ದಿವಸು ಶ್ರೀ ರಾಮ ಜನ್ಮೋತ್ಸವು, ಶ್ರೀ ಸೀತಾ ಸ್ವಯಂವರು ಆನಿ ಶ್ರೀ ರಾಮಚಂದ್ರ ಪಟ್ಟಾಭಿಷೇಕ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮು ಭಕ್ತಿಶೃದ್ಧೇರಿ ಘಡಿಲೆ ಮಾಹಿತಿ ಮೆಳ್ಳಾ. ತತ್ಸಂಬಂಧ ಪ|ಪೂ| ಸ್ವಾಮೆ ತಾ. ೮-೫-೧೪ ಥಾಕೂನು ೧೧-೫-೧೪ ಪರ್ಯಂತ ಹಾಂಗಾ ಮೊಕ್ಕಾಂ ವ್ಹರಲೀಲೆ. ಹೇ ವೇಳ್ಯಾರಿ ಸ್ವಾಮ್ಯಾಂಕ ಪೂರ್ಣಕುಂಭ ಸ್ವಾಗತ, ಗುರು ಭಿಕ್ಷಾ, ಪಾದ್ಯಪೂಜನ, ಏಕಾದಶಿ ದಿವಸು ಮುದ್ರಾಧಾರಣ, ತ್ರಿಕಾಲ ಪೂಜನ, ಭಕ್ತಿಸಂಗೀತ, ರಕ್ಷಾತ್ರಯ ಹವನ, ಪ|ಪೂ| ಸ್ವಾಮ್ಯಾಂಗೆಲೆ ದಾಕೂನು ಆಶೀರ್ವಚನ, ಆನಿ ತಾಂಕಾ ತಾಂಗೆಲೆ ಮುಖಾವೈಲೆ ಮೊಕ್ಕಾಂ ಖಾತ್ತಿರಿ ಶುಭ ವಿದಾಯ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಗಾಂವ್ಚೆ ಗೌಡಸಾರಸ್ವತ ಸಮಾಜ ಬಾಂಧವ ಹೇ ವೇಳ್ಯಾರಿ ವ್ಹಡ ಅಂಕಡ್ಯಾರಿ ಉಪಸ್ಥಿತ ವ್ಹರಲೀಲೆ.
ಶ್ರೀ ರಾಮನಾಥ ಶಾಂತೇರಿ ಕಾಮಾಕ್ಷಿ ದೇವಳ, ಭಟ್ಕಳ
ಶ್ರೀ ಲಕ್ಷ್ಮೀನಾರಾಯಣ ರಾಮನಾಥ ಶಾಂತೇರಿ ಕಾಮಾಕ್ಷಿ ಬೇತಾಳ ದೇವಳ, ಭಟ್ಕಳ ಹಾಂಗಾ ಶ್ರೀ ದೇವಾಲೆ ಪುನರ್ ಪ್ರತಿಷ್ಠೆಚೆ ಇಕ್ರಾಚೆ ವರ್ಧಂತಿ ಉತ್ಸವು ತಾ. ೨೨-೫-೧೪ ದಿವಸು  ಚೊಲ್ಚೆ ಆಸ್ಸುನು ತತ್ಸಂಬಂಧ ತಾ. ೨೦-೫-೧೪ ತಾಕೂನು ೨೩-೫-೨೦೧೪ ಪರ್ಯಂತ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮೆಂ ಹಾಂಗಾ ಮೂಕ್ಕಾಂ ವ್ಹರತಾತಿ. ಹೇ ಸಂದಭಾರಿ ೨೦-೫ಕ ರಾತ್ತಿಕ ಪ|ಪೂ| ಸ್ವಾಮ್ಯಾಂಕ ಸ್ವಾಗತ. ಗುರು ಪಾದ್ಯ ಪೂಜನ, ಆಶೀರ್ವಚನ, ವಸಂತ ಪೂಜಾ ಚಲ್ತಾ. ೨೧-೫ಕ ಶ್ರೀ ಗುರು ಭಿಕ್ಷಾ ಸೇವಾ, ಶ್ರೀ ಹನುಮಂತ (ಪುತ್ತು) ಪೈ ಹಾಂಗೆಲೆ ಷಷ್ಠ್ಯಬ್ಧಿ ಪ್ರಯುಕ್ತ ಮಹಾ ಸಂತರ್ಪಣ ಚಲ್ತಾ. ೨೨-೫ಕ ಪ|ಪೂ| ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತೀರಿ ದೇವತಾ ಪ್ರಾರ್ಥನಾ, ಶತಲಕಶಾರ್ಚನ, ಶತಕುಂಭಾಭಿಷೇಕ, ಸಾನ್ನಿಧ್ಯ ಹವನ, ಶ್ರೀ ಲಕ್ಷ್ಮೀನಾರಾಯಣ ಹೃದಯ ಜಪ ಹವನ, ದರ್ಶನ ಸೇವಾ, ಮಹಾ ಸಂತರ್ಪಣ, ಸಾಂಜ್ವಾಳಾ ಪಾಲಂಖೀ ಉತ್ಸವು, ಅಷ್ಟಾವಧಾನ ಸೇವಾ, ವಸಂತ ಪೂಜನ ಚಲ್ತಾ. ೨೩-೫ಕ ಶ್ರೀ ಗುರು ಭಿಕ್ಷಾ ಸೇವಾ, ಮಹಾ ಸಂತರ್ಪಣ, ಶ್ರೀ ಗುರುಪಾದ್ಯ ಪೂಜನ, ಆಶೀರ್ವಚನ ಇತ್ಯಾದಿ ಕಾರ್ಯಕ್ರಮ ಚೊಲ್ಚೆ ಆಸ್ಸ ಮ್ಹಣ್ಚೆ ಮಾಹಿತಿ ಮೆಳ್ಳಾ. ಹೇ ಪೂರಾ ಸಮಾರಂಭಾಕ ಸಮಾಜ ಬಾಂಧವಾನಿ ತನು-ಮನ-ಧನಾನಿ ವಾಂಟೊ ಘೇವ್ನು ಶ್ರೀ ಹರಿ-ಗುರು ಕೃಪೇಕ ಪಾತ್ರ ಜಾವ್ಕಾ ಮ್ಹೊಣು ದೇವ್ಳಾಚೆ ಆಡಳಿತ ಮಂಡಳಿ ತರಪೇನ ವಿನಂತಿ ಆಸ್ಸ.
ಶಿರ್ಶಿಂತು ರಂಗ ತರ್ಬೆತಿ ಶಿಬಿರ್
ಕರ್ನಾಟಕ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿನ್, ಜಿ‌ಎಸ್‌ಬಿ ಸೇವಾ ವಾಹಿನಿ ಶಿರಸಿ ಆನಿ ಕೊಂಕಣಿ ಕಲಾಮಂಡಳ ಶಿರಸಿ ಹಾಂಚ್ಯಾ ಸಹಕಾರಾನ್ ಮಾಂಡುನ್ ಹಾಡಿಲ್ಲೆಂ ಚೆರ್ಡುಂವಾಲಿ ರಂಗ್‌ಮಾಂಚಿ ತರ್ಬೆತಿ ಶಿಬಿರಾಚಿ ಉಗ್ತಾವ್ಣಿ ೧೨-೦೪-೧೪ ಕ ಶಿರ್ಸಿಚ್ಯಾ ದ್ವಾರಕನಾಥ ಸಭಾಸಾಲಾಂತ್ ಚಲ್ಲಿ. ದಿವೊ ಪೆಟವ್ನ್ ಕಾರ್ಯಾಚಿ ಉಗ್ತಾವ್ಣಿ  ಅಕಾಡೆಮಿ ಅಧ್ಯಕ್ಷ್ ಶ್ರೀ ರೊಯ್ ಕ್ಯಾಸ್ತೆಲಿನೊನ್ ಕೆಲ್ಲಿ. ಕಾರ್ಯಾಚೆಂ ಅಧ್ಯಕ್ಷ್‌ಪಣ್ ಉತ್ತರ್ ಕನ್ನಡ ಜಿಲ್ಲಾ ಕೊಂಕಣಿ ಪರಿಷದೆಚೊ ಅಧ್ಯಕ್ಷ್ ಶ್ರೀ ವಿ. ಎಸ್. ಸೋಂದೆ ಮಾಮ್ಮಾನ ಘೆತ್ತಿಲ್ಲೆ.
ವೇದಿಕೇರಿ ಶ್ರೀ ಪಾಂಡುರಂಗ ಪೈ, ಅಕಾಡೆಮಿ ರಿಜಿಸ್ಟ್ರಾರ್ ಡಾ. ದೇವದಾಸ ಪೈ, ಡಾ. ಅರವಿಂದ ಶಾನುಭಾಗ್ ಹಾಜರ್ ಆಶ್ಶಿಲೆ. ಶ್ರೀ ವಾಸುದೇವ ಶಾನಭಾಗಾನಿ ಯೆವ್ಕಾರ್ ಕೋರ್ನು, ಕಾರ್ಯಕ್ರಮ ಚಲೈಲೆ. ಹಪ್ತಭರಿ ಚೆಲೇಲೆ ತರಬೇತಿ ಶಿಬಿರಾಂತು ಕೊಂಕಣಿಚೆ ೩೦ ಲೋಕ ಚೆರ್ಡುವಾಂಕ ರಂಗ ತರಬೇತಿ ದಿಲ್ಲೆ.

ಶ್ರೀ ವೆಂಕಟರಮಣ ದೇವಳ, ಮೂಡಬಿದರೆ
ಮೂಡಬಿದರೆ ಶ್ರೀ ವೆಂಕಟರಮಣ ಆನಿ ಶ್ರೀ ಹನುಮಂತ ದೇವಳಾಂತು ಪೂರ್ತಿ ಶಿಲಾಮಯ ಜಾವ್ನು ನವೀಕರಣ ಜಾಲೇಲೆ ಗರ್ಭಗೃಹಾಂತು ಅಷ್ಟಬಂಧ ಸಹಿತ ಶ್ರೀ ಹನುಮಂತ ದೇವಾಲೆ ಶಿಲಾಬಿಂಬಾಚೆ ಪುನಃ ಪ್ರತಿಷ್ಠಾ ಮಹೋತ್ಸವು ಶ್ರೀ ಕಾಶೀಮಠಾಚೆ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ತಾ. ೨೩-೪-೧೪ ದಿವಸು ವಿಜೃಂಭಣೇರಿ ಚಲ್ಲೆ. ತತ್ಸಂಬಂಧ ತಾ. ೨೦-೪-೧೪ ದಾಕೂನು ೨೪-೪-೧೪ ಪರ್ಯಂತ ಪ್ರಾರ್ಥನಾ, ಗಣೋಮು, ಪವಮಾನ ಸೂಕ್ತ ಪಾರಾಯಣ, ಭಜನ, ಅಂಕುರಾರೋಪಣ, ರಾಕ್ಷೆಘ್ನ ಹವನ, ದಿಕ್ಪಾಲ ಬಲಿ, ಧ್ವಜಾರೋಹಣ, ವಾಸ್ತು, ನವಗ್ರಹ ಹವನ, ಪ್ರಾಯಶ್ಚತ್ತ ಹೋಮು, ‘ಹೊರೆ ಕಾಣಿಕೆ ಮೆರವಣಿಗೆ, ಪ್ರಾಸಾದ ಶುದ್ಧಿ, ಶಿಖರ ಕಲಶಾಧಿವಾಸ, ಬಿಂಬ ಶುದ್ಧಿ, ಬಿಂಬ ಆಧಿವಾಸ ಪೂಜನ, ವಿಶೇಷ ವಾಯುಸ್ತುತಿ ಹವನ, ಶ್ರೀ ಹನುಮಂತ ದೇವಾಕ ರಾತ್ತಿಕ ಶಯ್ಯಾಧಿವಾಸ ಪೂಜನ, ೨೩-೪ಕ ಪ|ಪೂ| ಸ್ವಾಮ್ಯಾಂಗೆಲೆ ಶುಭಾಗಮನ ಜಾಲ್ಲ ಉಪರಾಂತ ಪ್ರತಿಷ್ಠಾ ಮೂರ್ತಾ ಪೂರ್ವಾಂಗ ದ್ವಾರಪೂಜನ, ಪ|ಪೂ| ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ಶ್ರೀ ಹನುಮಂತ ದೇವಾಲೆ ಬಿಂಬಾಚೆ ಅಷ್ಟಬಂಧ ಪುನಃ ಪ್ರತಿಷ್ಠೆ, ಪ್ರತಿಷ್ಠಾ ಕಲಶಾಭಿಷೇಕ, ಶಿಖರ ಕಲಶ ಪ್ರತಿಷ್ಠಾ, ಪ್ರತಿಷ್ಠೋತ್ತರ ಪ್ರಸನ್ನ ಪೂಜನ, ಪಟ್ಟ ಕಾಣಿಕಾ, ಗುರು ಕಾಣಿಕಾ, ಧಾ ಸಮಸ್ತಾಂಕ ಪ್ರಸಾದ ವಿತರಣ, ಪ|ಪೂ| ಸ್ವಾಮ್ಯಾಂಗೆಲೆ ಪಾದ್ಯಪೂಜನ, ಗುರುವರ್ಯಾ ಥಾಕೂನು ಆಶೀರ್ವಚನ, ದಂಪತಿ ಪೂಜನ, ಬ್ರಾಹ್ಮಣ ಪೂಜನ, ಸುವಾಸಿನಿ ಪೂಜನ, ಆಶೀರ್ವಾದ, ಶ್ರೀ ರಾಮಸಂಕೀರ್ತನ, ವಿಶೇಷ ರಂಗಪೂಜನ, ಸಪರಿವಾರ ಶ್ರೀ ರಾಮಚಂದ್ರ ದೇವಾಲೆ ಆರಾಧನ, ಶ್ರೀ ರಾಮಮಂತ್ರ ಹವನ, ಹನುಮಂತ ಮಂತ್ರ ಹವನ, ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಸಾಂಸ್ಕೃತಿಕ ಕಾರ್ಯಾವಳಿ ಜಾವ್ನು ಹರಿಗುರು ಸಂಕೀರ್ತನಾ ಮಣಿಪಾಲ ಥಾಕೂನು ಭಜನ, ಕು. ಶಾಂಭವಿ ಆನಿ ಕು. ವೈಭವಿ ಹಾಂಗೆ ಥಾಕೂನು ‘ಪರಮ ಪಾವನ ಶ್ರೀರಾಮ ಹರಿಕಥಾ ಕಾಲಕ್ಷೇಪ, ರಂಜಿತ ನಾಯಕ್ ಉಡುಪಿ ಥಾಕೂನು ಬಾನ್ಸುರಿ ವಾದನ, ಕಿರಣ್ ಕಾಮತ್, ಮುಂಬೈ ಥಾಕೂನು ಭಜನ್ ಸಂಧ್ಯಾ, ಯಕ್ಷ ಸಾರಸ್ವತ (ರಿ) ಮೂಡುಬಿದರೆ ದಾಕೂನು ಶ್ರೀ ಕೃಷ್ಣ ಲೀಲಾಮೃತ ಕೊಂಕಣಿ ಯಕ್ಷಗಾನ ಸಂಭಾಷಣ, ಸಮಾರೋಪ ಸಮಾರಂಭ ಆನಿ ಬಾಲಚಂದ್ರನ್ ಆನಿ ಪಂಗ್ಡಾ ತರಪೇನ ‘ಭಕ್ತಿ ಭಾವಗೀತಾ. ಇತ್ಯಾದಿ ಕಾರ್ಯಕ್ರಮ ಚಲ್ಲೆ,. ಗಾಂವ್ಚೆ, ಪರಗಾಂವ್ಚೆ ಅಪಾರ ಲೋಕ ಹೇ ವೇಳ್ಯಾರಿ ಉಪಸ್ಥಿತ ಆಸ್ಸೂನು ಹರಿ-ಗುರು ಕೃಪೇಕ ಪಾತ್ರ ಜಾಲ್ಲೆಂ.

ಶ್ರೀ ಪರಶುರಾಮ ದೇವಳ, ಗೋಕರ್ಣ
ಗೋಕರ್ಣಾಚೆ ಶ್ರೀ ಪರಶುರಾಮ ದೇವಳಾಂತು ಶ್ರೀ ಪರಶುರಾಮ ಜಯಂತಿ ನಿಮಿತ್ತ ಅಕ್ಷಯ ತೃತೀಯ; ತಾ. ೨-೫-೨೦೧೪ ದಿವಸು ಪ್ರತಿ ವಾರ್ಷಿಕ ಜಾವ್ನು  ಚೊಲ್ಚೆ ಸಗ್ರಹ ವಾಸ್ತುಮುಖ ಲಘುವಿಷ್ಣು ಹವನ, ಅನ್ನ ಸಂತರ್ಪಣ, ಅಷ್ಟಾವಧಾನ ಸೇವಾ, ದ್ವಾದಶ ಸ್ತೋತ್ರ ಪೂಜಾ, ವಸಂತ ಪೂಜಾ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ರಾತ್ತಿಕ ಚಲೇಲೆ ಸಭಾ ಕಾರ್ಯಕ್ರಮಾಂತು ಗೋಕರ್ಣಾಚೆ ಹಾರ್ಡವೇರ್ ಮರ್ಚಂಟ್ಸ್ ಶ್ರೀ ಮಾಧವ ಅಚ್ಯುತ ಪೈ ಆನಿ ಚುಟುಕು ಸಾಹಿತಿ ಶ್ರೀ ಅನಿಲ ವಸಂತ ಕಾಮತ್ ಹಾಂಕಾ ಸನ್ಮಾನಾಯಿ ಚಲ್ಲೆ. ತಾಜ್ಜ ಉಪರಾಂತ ಶ್ರೀ ಜೀವೋತ್ತಮ ಮಠಾಚೆ ಆವಾರಾಂತು ರೂಪಲಾವಣ್ಯ ನಾಟ್ಯ ಕಲಾ ಸಂಘ ಕುಂದಾಪುರ ಹಾಂಗೆಲ ನಿಮಿತ್ತ ಹಾಸ್ಯಭರಿತ ನಾಟಕ ಪ್ರದರ್ಶಿತ ಜಾಲ್ಲೆ. ಗೌಡ ಸಾರಸ್ವತ ಆನಿ ವೆಗ್ಳೆ ಸಮಾಜಾಚೆ ಅಪಾರ ಬಾಂಧವ ಹೇ ವೇಳ್ಯಾರಿ ಉಪಸ್ಥಿತ ವ್ಹರಲೀಲೆ.
ಶ್ರೀ ರಾಮನವಮಿ ಉತ್ಸವು, ಚಿಕ್ಕಮಗಳೂರು
ಚಿಕ್ಕಮಗಳೂರು ಜಿ.ಎಸ್.ಬಿ. ಸಮಾಜಾಚೆ ಶ್ರೀ ರಾಮ ದೇವ್ಳಾಂತು ಹ್ಹೆ ವರ್ಷ ಶ್ರೀ ರಾಮನವಮಿ ಉತ್ಸವು -೨೦೧೪ ಭಾರಿ ವಿಜೃಂಭಣೇರಿ ಸಂಪನ್ನ ಜಾಲ್ಲೊ. ತಾ. ೮-೪-೧೪ ಕ ಶ್ರೀ ದೇವಳಾಂತು ಸಮಾಜಾಚೆ ದ್ಹಾ ಸಮಸ್ತಾಂಗೆಲೆ ತರ್ಪೇನ ದೇವ ಪ್ರಾರ್ಥನಾ, ಶ್ರೀ ರಾಮ ತಾರಕ ಹವನ ಆರಂಭ, ಶ್ರೀ ರಾಮಲಿಲ್ಲಾ (ಬಾಲರಾಮಾ)ಂಕ ಫುಲ್ಲಾನ ಶ್ರೀಂಗಾರ ಕೆಲ್ಲೆ. ಮಾಗಿರಿ ಸಮಾಜಾಚೆ ಬಾಯ್ಲಮನ್ಶೆನ ಶಾಸ್ತ್ರೋಕ್ತ ಜಾವ್ನು ಫಾಣ್ಣೆಂತು ಘಾಲ್ನು, ನಾಮಕರಣ, ಉಡ್ಗಿರೆ ಸಮರ್ಪಣ, ಇತ್ಯಾದಿ ಕೆಲ್ಲೆ. ತಾರಕ ಹವನಾಚೆ ಪೂರ್ಣಾಹುತಿ, ಯಜ್ಞಾರತಿ, ಶ್ರೀ ದೇವಾಕ ಮಂಗಳಾರತಿ ನಂತರ ಪ್ರಸಾದ ವಿತರಣ, ಭೂರಿ ಸಂತರ್ಪಣ  ಚಲ್ಲೆ. ಸಂತರ್ಪಣೆಚೆ ಖಾಯಂ ಸೇವಾದಾರ ಶ್ರೀ ಬಿ.ಎಸ್. ಮಾಧವರಾವ್ ಕುಟುಂಬಸ್ಥ ಹೇ ಸಂದಭಾರಿ ಉಪಸ್ಥಿತ ವ್ಹರಲೀಲೆ. ಸಾಂಜ್ವಾಳಾ ೫-೩೦ ಗಂಟ್ಯಾಕ ಶ್ರೀ ರಾಮದೇವಾಕ ಪನಿವಾರ ಪಾನಕ ಪೂಜಾ ಚೊಲೋವ್ನು, ಹಜಾರಗಟ್ಲ್ಯಾನ ಭಕ್ತಾಂಕ ಪನಿವಾರ, ಪಾನಕ ವಾಂಟ್ಲೆ. ಮಾಗಿರಿ ಪ್ರಸಿದ್ಧ ಶಾಸ್ತ್ರೀಯ ಸಂಗೀತ ವಿಧೂಷಿ ಸುರಮಣಿ ಕು|| ಮಹಾಲಕ್ಷ್ಮೀ ಶೆಣೈ ಕಾರ್ಕಳ ಹಿಗೇಲೆ ‘ಭಕ್ತಿಗಾನ ಮಾಳಾ ಸಂಗೀತ ಕಾರ್ಯಕ್ರಮ ಭಾರಿ ಆಕರ್ಷಣ ಜಾವ್ನಾಶ್ಶಿಲೆ. ರಾತ್ತಿಕ ೯ ಘಂಟ್ಯಾಕ ಶ್ರೀ ದೇವಾಕ ಮಹಾಮಂಗಳಾರತಿ, ಶ್ರೀ ರಾಮಲಲ್ಲಾಕ ಆರತಿ, ಸೋಬಾನೆ, ಪ್ರಸಾದ ವಿನಿಯೋಗ ಚಲ್ಲೆ. ಅವುಂದು ಶ್ರೀ ರಾಮನವಮಿ ಜಿ.ಎಸ್.ಬಿ. ಸಮೂಹ ಆನಿ ವಿಂಗಡ ಸಮಾಜಾಚೆ ಲೋಕಾಲೆ ಉಪಸ್ಥಿತೀಂತು ಬಹು ವಿಜೃಂಭಣೇರಿ ಘಡ್ಲೆ.     - ವರದಿ : ಎಂ.ಡಿ. ಹೆಗ್ಡೆ, ಚಿಕ್ಕಮಗಳೂರು
ಪೇಟೆ ಶ್ರೀ ವೆಂಕಟರಮಣ ದೇವಳ, ಕುಂದಾಪುರ
ಕುಂದಾಪುರ್‍ಚೆ ಪೇಟೆ ಶ್ರೀ ವೆಂಕಟರಮಣ ದೇವಾಲೆ ಶ್ರೀ ಬ್ರಹ್ಮ ರಥೋತ್ಸವು  ತಾ. ೮-೪-೨೦೧೪ ದಿವಸು ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ತಾ. ೪-೪-೨೦೧೪ ದಾಕೂನು ೯-೪-೨೦೧೪ ಪರ್ಯಂತ ಶ್ರೀ ದೇವಾಲೆ ಪ್ರಾರ್ಥನಾ, ಮೃತ್ತಿಕಾಹರಣ, ಅಂಕುರಾರೋಹಣ, ಧ್ವಜಾರೋಹಣ, ಬಲಿಪ್ರಧಾನ, ಗರುಡ ವಾಹನ ಬಂಡಿ ಉತ್ಸವು, ವಸಂತ ಪೂಜಾ, ಹಗಲೋತ್ಸವು, ಹನುಮಂತವಾಹನ ಬಂಡಿ ಉತ್ಸವು, ಚಂದ್ರಮಂಡಲ ಉತ್ಸವು, ಕಟ್ಟೆ ಪೂಜಾ, ಪುಷ್ಪ ರಥೋತ್ಸವು, ಪಂಚಾಮೃತಾಭಿಷೇಕ, ಕನಕಾಭಿಷೇಕು, ತುಲಾಭಾರ, ಮಹಾಬಲಿದಾನ, ರಥಾರೋಹಣ, ಮಹಾ ಸಮಾರಾಧನ, ಅಂಕುರ ಪ್ರಸಾದ, ಚೂರ್ಣೋತ್ಸವು, ತೀರ್ಥನಾಣ, ಧ್ವಜಾವರೋಹಣ, ಮೃಗಬೇಟೆ, ಕವಾಟ ಬಂಧನ ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ಸಾಂಸ್ಕೃತಿಕ ಕಾರ್ಯಾವಳಿ ಜಾವ್ನು ಶ್ರೀ ಲಕ್ಷ್ಮೀವೆಂಕಟೇಶ ಕೊಂಕಣಿ ನಾಟಕ ಸಭಾ, ಕುಂದಾಪುರ ಹಾನ್ನಿ ಪ್ರಸ್ತುತ ಕೆಲೇಲೆ ನವೀನ ಹಾಸ್ಯಮಯ ಕೊಂಕಣಿ ನಾಟಕ ಆನಿ ಶ್ರೀ ಗೋಪಾಲಕೃಷ್ಣ ಯುವ ಸೇವಾ ಸಮಿತಿ ಯಕ್ಷಗಾನ ಕಲಾತಂಡ, ಉಪ್ಪಿನಕುದ್ರು ಹಾಂಗೆಲೆ ದಾಕೂನು ಮಥುರಾ ಮಹೀಂದ್ರಾ ಯಕ್ಷಗಾನ ಖೇಳು, ಬೊಂಬೆ ಖೇಳು ಚಲ್ಲೆ.
ರುಪ್ಪೆಚೆ ತೇರು ಸಮರ್ಪಣ : ಕುಂದಾಪುರ ಪೇಟೆ ಶ್ರೀ ವೆಂಕಟರಮಣ ದೇವಳಾಚೆ ತರಪೇನ ೧೭೫ ಕೆ.ಜಿ. ರುಪ್ಪೆ ವಾಪರೂನು ನಿರ್ಮಾಣ ಕೆಲೇಲೆ “ರುಪ್ಪೆ ತೇರ ಸಮರ್ಪಣ ತಾ. ೧೪-೫-೨೦೧೪ ದಿವಸು ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ಸಂಪನ್ನ ಜಾಲ್ಲೆ. ಹೇ ವೇಳ್ಯಾರಿ ಗಾಂವ್ಚೆ -ಪರಗಾಂವ್ಚೆ ಅಪಾರ ಸಮಾಜ ಬಾಂಧವ ಉಪಸ್ಥಿತ ಊರ್ನು ಶ್ರೀ ಹರಿ-ಗುರು ಕೃಪೆಕ ಪಾತ್ರ ಜಾಲ್ಲಿಂತಿ.  
ಶ್ರೀ ದುರ್ಗಾಪರಮೇಶ್ವರಿ ದೇವಳ, ಕೊಕ್ಕರ್ಣೆ
ಕೊಕ್ಕರ್ಣೆ ಶ್ರೀ ದುರ್ಗಾ ಪರಮೇಶ್ವರಿ ದೇವಳಾಂತು ಭಜನಾ ಏಕಾಹ ತಾ. ೧೫-೪-೧೪ ದಾಕೂನು ಸುರುವಾತ ಜಾವ್ನು ೨೬-೪-೨೦೧೪ ಪರ್ಯಂತ ಅರ್ಚಕ ಶ್ರೀ ಉಮಾನಾಥ ಪಡಿಯಾರ ಹಾಂಗೆಲೆ ಮುಖಾಲಪಣಾರಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ.  ಆನಿ ರಾತ್ತಿಕ ನಗರ ಭಜನಾ ಆನಿ ಪೂಜಾ ಚಲ್ಲೆ. ತತ್ಸಂಬಂಧ ದೀಪಸ್ಥಾಪನ, ಶ್ರೀ ಉಮಾನಾಥ ಪಡಿಯಾರ ಘರ್‍ಚೆಲ ದಾಕೂನು ರಂಗಪೂಜಾ, ಮಾಗಿರಿ ಗಾಂವ್ಚೆ ವಿಂಗವಿಂಗಡ ಲೋಕಾ ದಾಕೂನು ಪೂಜಾ, ೨೬-೪-೧೪ಕ ಸೂರ್ಯು ಉದ್ದೆಚ ಪರ್ಯಂತ ಆಮಂತ್ರಿತ ಭಜನಾ ಮಂಡಳಿ ಆನಿ ಸ್ಥಳೀಯ ಭಜಕಾ ದಾಕೂನು ಭಜನಾ ಕಾರ್ಯಕ್ರಮ ನಿರಂತರ ಜಾವ್ನು ಚಲ್ಲೆ. ೨೬-೪-೧೪ ಓಕುಳಿ ಆನಿ ಧೋಂಪಾರಾ ಸಾರ್ವಜನಿಕ ಅನ್ನ ಸಂತರ್ಪಣ ಚಲ್ಲೆ.

ಆಮ್ಗೆಲೆ ಕೊಂಕಣಿ ಅಕಾಡೆಮಿ ಸಾಂದೆ
ಡಾ|| ಚೇತನ ಎಸ್. ನಾಯಕ, ಧಾರವಾq
ಮೂಲತಃ ಉತ್ತರ ಕನ್ನಡಾಚೆ ಕಾರವಾರ ಜಿಲ್ಲೆಚೆ ಡಾ|| ಚೇತನ ಕುಮಾರ ನಾಯಕಾಂಗೆಲೆ ಪ್ರಾಥಮಿಕ, ಮಾಧ್ಯಮಿಕ ಆನಿ ಉಚ್ಚಶಿಕ್ವಣ ರಾಜ್ಯಾಚೆ ಸಾಂಸ್ಕೃತಿಕ ಪೇಂಟ ಮ್ಹಣ್ಚೆ ನಾಂವ ಪಾವ್ವಿಲೆ ಧಾರ್‍ವಾಡಾಂತು ಜಾಲ್ಲೆ. ಹಾನ್ನಿ ಕನ್ನಡಾಂತು ಎಂ.ಎ.(ಸ್ನಾತಕ ಪದವಿ), ಹಿಂದೀ ಸಾಹಿತ್ಯಾಂತು ಎಂ.ಎ., ಎಂ.ಫಿಲ್, ಪಿ.ಎಚ್.ಡಿ. ಪದವಿ ನ್ಹಂಹಿಸಿ ಇಂಗ್ಲೀಷ್ ಸಾಹಿತ್ಯಾಂತು ಸ್ನಾತಕೋತ್ತರ ಡಿಪ್ಲೋಮೊ ಪದವೀಧರ. ದೇಶಾಚೆ ತಾಕತ್‌ವಾನ ಮಾಧ್ಯಮ ಮ್ಹಣೋವ್ನು ಘೆತ್ತಿಲೆ ಆಕಾಶವಾಣಿಂತು ೩೬ ವರ್ಷ ಸುದೀರ್ಘ ಸೇವಾ ಪಾವೋವ್ನು ಬೆಂಗಳೂರು ಆಕಾಶವಾಣಿ ದಾಕೂನು ಉಪ ಮಹಾನಿರ್ದೇಶಕ ಹುದ್ದೆರಿ ನಿವೃತ್ತ ಜಾಲ್ಲಿಂತಿ. ಸಂಗೀತ, ಗಾನ, ಸಾಹಿತ್ಯ, ಬರೈಚಾಂತು ಹಾಂಕಾ ವಿಶೇಷ ಆಸಕ್ತಿ ಆಸ್ಸುಚೆ ಹಾನ್ನಿ ಆಕಾಶವಾಣಿ ಖಾತ್ತಿರಿ ಹಜಾರಾ ಪಶಿ ಚ್ಹಡ ನಾಟ್ಕುಳಿ, ರೂಪಕ, ಶಬ್ಧಚಿತ್ರ, ಸಂಗೀತ ರೂಪಕ, ಸಂದರ್ಶನ, ಭಾಷಣ, ಆಮಂತ್ರಿತ ಶೋತೃಂಗೇಲೆ ಕಾರ್ಯಕ್ರಮ ತಯಾರ ಕೋರ್ನು ಪ್ರಸ್ತುತ ಕೆಲ್ಲಿಂತಿ. ಹಾಂಕಾ ಮಸ್ತ ಇತ್ತುಲೆ ರಾಜ್ಯ, ರಾಷ್ಟ್ರಮಟ್ಟಾಚೆ ಪ್ರಶಸ್ತಿ, ಪುರಸ್ಕಾರಾಯಿ ಮೆಳಿಲೆ ಆಸ್ಸ.
ಕನ್ನಡ, ಕೊಂಕಣಿ ಆನಿ ಹಿಂದಿ ಅಶ್ಶಿ ತೀನ ಭಾಷೆಂತು ಬರೈಚೆ ಹಾನ್ನಿ ಏಕಳೆ ಹವ್ಯಾಸಿ ಬರೋಪಿ. ಹಾಂಗೆಲೆ ಸಬಾರ ಲೇಖನ, ಕಾಣ್ಯೋ, ಕಾವ್ಯ ರಾಜ್ಯಾಚೆ ನಾಮಾಂಕಿತ ಪತ್ರಿಕೆಂತು ಪ್ರಕಟ ಜಾಲ್ಲಾ. ಸ್ವತಃ ಏಕಳೆ ಅನುಭವಿ ರಂಗಕಲಾವಿದ, ಜಾನಪದ ಗಾಯಕ ಆನಿ ನಿರ್ದೇಶಕ ಜಾವ್ನಾಸ್ಸುಚೆ ಹಾನ್ನಿ ಆಕಾಶವಾಣಿಕ ಸೇರವಚೆ ಪಶಿ ಫಯಲೆ ಧಾರವಾಡ, ಕಾರವಾರಾಚೆ ಸಬಾರ ಶಿಕ್ಷಣ ಸಂಸ್ಥೆಂತು ಅಧ್ಯಾಪನ ವೃತ್ತಿಂತು ಆಸ್ಸುನು ಸೇವಾ ಪಾವಯ್ಲ್ಯಾ. ಮಾಧ್ಯಮಾಚೆ ಖಾತ್ತಿರಿ ಅಧ್ಯಾಪನ ಕೊರಚಾಕ ರಾಜ್ಯ, ರಾಷ್ಟ್ರ, ವಿದೇಶಾಕಾಯಿ ಹಾನ್ನಿ ಭೇಟಿ ದಿಲ್ಲಯಾ. ಹಾನ್ನಿ ಮಂಗಳೂರು, ಧಾರವಾಡ, ಬೆಂಗಳೂರು ಇತ್ಯಾದಿ ಕರ್ನಾಟಕಾಚೆ ಪ್ರಮುಖ ಆಕಾಶವಾಣಿ ಕೇಂದ್ರಾಂತು ಸೇವಾ ಪಾವೋನು ಕರ್ನಾಟಕದಾದ್ಯಂತಾಚೆ ಲೋಕಾಂಕ ಚಿರಪರಿಚಿತ. ಹಾನ್ನಿ ಪ್ರಸ್ತುತ ಕೆಲೇಲೆ ನಾಟಕ, ರೂಪಕ, ಸಂದರ್ಶನ ಲೋಕ ಆಜಿಕಯಿ ಯಾದ ಕೋರ್ನು ಘೆತ್ತಾತಿ. ಪ್ರಸ್ತುತ ಹಾಂಕಾ ಕನಾಟಕ ಸರಕಾರಾ ದಾಕೂನು ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಕ ನೇಮಣೂಕಿ ಜಾಲೇಲೆ ಆಸ್ಸುನ, ಡಾ|| ನಾಯಕಾನಿ ಕೊಂಕಣಿ ಭಾಸ, ಸಾಹಿತ್ಯ, ಮಾಧ್ಯಮಾ ಖಾತ್ತಿರಿ ವಿಶೇಷ ಕಾರ್ಯಕ್ರಮ ಲೋಕಾಂಕ ಪಾವಯ್ಚೆ ಮಹತ್ತರ ಆಶಾ ದವರೂನು ಘೆತ್ಲ್ಯಾ ಮ್ಹಣ್ಚೆ ಸಂತೋಷಾಚೆ ವಿಷಯು. ಹಾಂಕಾ ಅಭಿನಂದನ ಪಾವೈತಾ.
ಶ್ರೀಮತಿ ಮಮತಾ ಕಾಮತ, ಮೈಸೂರು
ಗಾಯಕಿ, ಕಲಾಕಾರ, ನಾಟಕಕಾರ ಜಾವ್ನಾಶ್ಶಿಲೆ ಶ್ರೀಮತಿ ಮಮತಾ ಕಾಮತ ಮೂಲತಃ ಕುಂದಾಪುರ ತಾ||ಚೆ ಕೋಟೇಶ್ವರಾಚೆ ಶ್ರೀಮತಿ ಶಾಂತಾ ಆನಿ ಶ್ರೀ ಕೃಷ್ಣರಾಯ ಕಾಮತ್ತಾಂಗೆಲಿ ಧೂವ. ಮೈಸೂರಾಚೆ ಶ್ರೀ ಮಂಜುನಾಥ ಕಾಮತ್ತಾಂಗೆಲೆ ಹಾತು ಧೋರ್ನು ಥಂಯಿ ವಾಸ್ತವ್ಯ ಉರತಾತಿ. ಹಾಂಕಾಯಿ ಕರ್ನಾಟಕ ಸರಕಾರಾನಿ “ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಸಾಂದೆ ಮ್ಹೋಣು ನೇಮಣೂಕಿ ಕೆಲ್ಲ್ಯಾ. ಹಾನ್ನಿ ‘ಮಾಯಿ ಆನಿ ಸೂನ ಪುತಾಕ ಮಾತೆ ಹೂನ “ಘರಾ ಕಾಮಾಕ ಚೆಡು ಜಾಯ “ನಾಂಕುಟಿ ಕಲ್ಯಾಣ ಇತ್ಯಾದಿ ನಾಟಕ ಬರೋವ್ನು, ಪ್ರದರ್ಶನ ಕೋರ್ನು ಕೊಂಕಣಿ ಸಾಹಿತ್ಯ ಲೋಕಾಂತು ನಾಂವ ಪಾವ್ಲಿಂತಿ. ಉದ್ಯಮಿ ಸತಾ ಜಾವ್ನಾಸ್ಸುಚೆ ಹಾಂಕಾ ಮಹಿಮಾ ಆನೀ ಮನಿಶಾ ಮ್ಹಳೇಲೆ ದೊಗ್ಗ ಲೋಕ ಚೆಲ್ಲ್ಯಾ ಚರ್ಡುಂವ ಆಸ್ಸಾತಿ. ಕೊಂಕಣಿ ಸಾಹಿತ್ಯ ಸೇವಾ ಕೊರಚಾಕ ಬಾಮ್ಮುಣು ಶ್ರೀ ಮಂಜುನಾಥ ಕಾಮತಾಂಗೆಲೆ ಸಹಕಾರು, ಪ್ರೋತ್ಸಾಹು ವರೇಕ ಹಾಂಕಾ ಆಸ್ಸ. ಕೊಂಕಣಿ ಅಕಾಡೆಮಿಚೆ ಸಾಂದೆ ಜಾವ್ನು ನೇಮಣೂಕಿ ಜಾಲೇಲೆ ಖಾತ್ತಿರಿ ಹಾಂಕಾ ಅಭಿನಂದನ ಪಾವೈತಾ ದೇವು ಬರೆಂ ಕೊರೊಂ ಮ್ಹಣ್ತಾ.
ಕೊಂಕಣಿ ಶಿಕ್ಷಕಾಂಗೆಲೆ ಸಮಾವೇಶ
ಮಾಸ್ತರಾಂಗೆಲೆ ಸಹಕಾರ ಆನಿ ತ್ಯಾಗಾನಿ ಇಸ್ಕೂಲಾಂತು ಕೊಂಕಣಿ ಶಿಕ್ವಣ ಯಶಸ್ವಿ ಜಾಲ್ಲಾ. ಹರ್‍ಯೇಕ ಕೊಂಕಣಿ ಮಾತೃಭಾಷಿಕ ವಿದ್ಯಾರ್ಥಿ ಸ್ಕೂಲಾಂತು ಕೊಂಕಣಿ ಶಿಕಚೆ ಆಮ್ಗೆಲೆ ಸೊಪನ. ಜಾಲ್ಯಾರಿ ಚಮ್ಕಣಿ ಮಸ್ತ ಲಾಂಬ ಆಸ್ಸ. ಸರ್ಕಾರಾ ಥಾಕೂನು ಪಿಯುಸಿ ಆನಿ ಡಿ‌ಎಡ್/ಬಿ‌ಎಡ್ ಶಿಕ್ವಣಾಕ ಆದೇಶ ಘೆವ್ಚೆ ಮುಖಾವೈಲೆ ಕಾಮ. ಹಾಜ್ಜೆನ ಕೊಂಕಣಿ ಶಿಕ್ಷಕಾಂಗೆಲೆ ನೇಮಣೂಕಿ ಜಾವ್ಚೆ ಸುಲಭ ಜಾತ್ತಾ. ಅಕಾಡೆಮಿ ತರಪೇನ ಹೇ ಪೂರಾ ಕಾಮ ಕೊರಚಾಕ ತುಮಗೇಲೆ ಸಹಕಾರ ಜಾವ್ಕಾ. ಅಶ್ಶಿ ಮ್ಹೊಣು ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ರೊಯ್ ಕ್ಯಾಸ್ತೆಲಿನೊ ತಾನ್ನಿ ಸಾಂಗ್ಲೆ. ತಾನ್ನಿ ಕೊಂಕಣಿ ಪ್ರಚಾರ ಸಂಚಾಲನ, ಕೊಂಕಣಿ ಅಕಾಡೆಮಿ ಆನಿ ಮಾಂಡ್ ಸೊಭಾಣ್ ಹಾಂಗೆಲೆ ಸಂಯುಕ್ತ ಆಶ್ರಯಾರಿ  ಆಯೋಜನ ಕೆಲೇಲೆ ಕೊಂಕಣಿ ಶಿಕ್ಷಕಾಂಗೆಲೆ ವಾರ್ಷಿಕ ಸಮಾವೇಶ ಉದ್ಘಾಟನ ಕೋರ್ನು ಉಲೈತಾಶ್ಶಿಲೆ. ಮಂಗಳೂರ್‍ಚೆ ಸಂತ ಎಲೋಶಿಯಸ್ ಕಾಲೇಜಾಂತು ಹೋ ಕಾರ್ಯಕ್ರಮು ಆಯೋಜಿತ ಜಾಲೀಲೆ.  ಕಾರ್ಯಕ್ರಮಾಂತು ಕೊಂಕಣಿ ಶಿಕ್ಷಕಿ ಐರಿನ್ ಎಲ್ ಸಿಕ್ವೇರಾ ಹಾಂಕಾ ದಿ. ಜೆಸ್ಸಿ ಕ್ಯಾಸ್ತೆಲಿನೊ ಸ್ಮಾರಕ ಶ್ರೇಷ್ಟ ಕೊಂಕಣಿ ಶಿಕ್ಷಕ ಪುರಸ್ಕಾರ ದೀವ್ನು ಸನ್ಮಾನ ಕೆಲ್ಲಿ. ವೇದಿಕೆರಿ ಗೌರವ ಸೊಯರೆ ಜಾವ್ನು  ಮಾಂಡ್ ಸೊಭಾಣ್ ಅಧ್ಯಕ್ಷ ಲುವಿಸ್ ಜೆ ಪಿಂಟೊ, ಕೊಂಕಣಿ ಶಿಕ್ಷಣ ಸಂಸ್ಥೆ ಸಂಘಾಚೆ ಅಧ್ಯಕ್ಷ ಡಾ ಮೋಹನ್ ಪೈ, ಅಕಾಡೆಮಿ ರಿಜಿಸ್ಟ್ರಾರ್ ಡಾ ದೇವದಾಸ್ ಪೈ ಉಪಸ್ಥಿತ ವ್ಹರಲೀಲೆ. 
ಕೊಂಕ್ಣಿ ಪ್ರಚಾರ್ ಸಂಚಾಲನಾಚೆ ಅಧ್ಯಕ್ಷ ಸ್ಟ್ಯಾನಿ ಆಲ್ವಾರಿಸ್  ತಾನ್ನಿ ಯೇವ್ಕಾರ ಕೆಲ್ಲಿ , ಕಾರ್ಯದರ್ಶಿ ಅನಿಲ್ ಡಿಕುನ್ಹಾ  ತಾನ್ನಿ ಆಬಾರ ಮಾನಲೆ. ಲುಲ್ಲುಸ್ ಕುಟ್ಹಿನಾನಿ  ಕಾರ್ಯಕ್ರಮ ನಿರ್ವಹಣ ಕೆಲ್ಲಿ. ಸಕ್ಕಾಣಿ ರೊನಿ ಕ್ರಾಸ್ತಾ ತಾನ್ನಿ ಶಿಕ್ಷಕ ಖಾತ್ತಿರಿ ಕೊಂಕಣಿ ಕ್ವಿಜ್ ಚಲೈಲಿಂತಿ. ಕೊಂಕಣಿ ಕವಿ ಆಂಡ್ರ್ಯೂ ಎಲ್ ಡಿಕುನಾ ಉಲೈಲಿಂತಿ. ಮಾಗಿರಿ ಮುಖಾವೈಲೆ ಶೈಕ್ಷಣಿಕ ವರ್ಷಾಚೆ ಪೂರ್ವ ತಯಾರಿ ಡಾ ದೇವದಾಸ್ ಪೈ ಆನಿ ವಿತೊರಿ ಕಾರ್ಕಳ ತಾನ್ನಿ ಚಲೋವ್ನು ದಿಲ್ಲಿ. ಕಲಾಕುಲ್ ತಂಡ ಥಾಕೂನು ಬದ್ಲಾವಣ್ ಕಿರು ನಾಟಕ ಪ್ರದರ್ಶಿತ ಜಾಲ್ಲೆ. ಶಿಕ್ಷಕ ಆನಿ ಇತರ ಕೊಂಕಣಿ   ಲೋಕ ಹೇ ವೇಳ್ಯಾರಿ ವ್ಹಡ ಅಂಕಡ್ಯಾರಿ ಜಮಿಲೆ.

ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಳ, ಉಪ್ಪುಂದ
ಉಪ್ಪುಂದಾಚೆ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವ್ಳಾಂತು ವರ್ಷಂಪ್ರತಿ ಮ್ಹಣಕೆ ಧಾ ಸಮಸ್ತಾ ದಾಕೂನು ಚೊಲಚೆ ಪ್ರತಿಷ್ಠಾ ವರ್ಧಂತಿ ತಾ. ೨೫-೩-೨೦೧೪ ದಿವಸು ಪ್ರಾರ್ಥನಾ, ಅಭಿಷೇಕು, ಸಂತರ್ಪಣೆ, ಉತ್ಸವಾದಿ ಸಮೇತ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ.
ಶ್ರೀ ವೀರವಿಠ್ಠಲ ವೆಂಕಟರಮಣ ದೇವಳ, ಪಾಣೆಮಂಗಳೂರು
ಪಾಣೆ ಮಂಗಳೂರ್‍ಚೆ ಶ್ರೀ ವೀರ ವಿಠ್ಠಲ ವೆಂಕಟರಮಣ ದೇವ್ಳಾಚೆ ೩೭ ವರ್ಷಾಚೆ ಪುನರ್ ಪ್ರತಿಷ್ಠಾ ವರ್ಧಂತ್ಯುತ್ಸವು ತಾ. ೬-೫-೨೦೧೪ ದಿವಸು ಶ್ರೀ ದೇವತಾ ಪ್ರಾರ್ಥನಾ, ಪಂಚಾಮೃತಾಭಿಷೇಕ, ಶತಕಲಶಾಭಿಷೇಕು, ಪುಳುಕಾಭಿಷೇಕು, ಕನಕಾಭಿಷೇಕು, ಗಂಗಾಜಲಾಭಿಷೇಕು, ಮಹಾ ಮಂಗಳಾರ್ತಿ, ಮಹಾ ಸಮಾರಾಧನ, ರುಪ್ಪೆ ಲಾಲ್ಕಿ ಉತ್ಸವು, ಪ್ರಾಸಾದೋತ್ಸವು, ವಸಂತ ಪೂಜಾ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಬರಶಿ ಚಲೇಲೆ ಖಬ್ಬರ ಮೆಳ್ಳಾ. ತಶ್ಶಿಚಿ ಶ್ರೀ ದೇವಳಾಕ ಗಾಂವ್ಚೆ ಮ್ಹಾಲ್ಗಡ್ಯಾನ ರುಪ್ಪೆಚೆ ಲಾಲ್ಕಿ ಸಮರ್ಪಣ ಕೋರ್ನು ೫೦ ವರ್ಷ ಭರಲೀಲೆ ಉಡಗಾಸಾಕ “ರುಪ್ಪೆ ಲಾಲ್ಕಿ ಸಮರ್ಪಣಾ ಸುವರ್ಣ ಮಹೋತ್ಸವು ತಾ. ೨೬-೪-೨೦೧೪ ದಿವಸು ಪ್ರಾರ್ಥನ, ಲಘುವಿಷ್ಣು ಹವನ, ಶತಕಲಶಾಭಿಷೇಕ, ಸಭಾ ಕಾರ್ಯಕ್ರಮ, ಮಹಾ ಸಮಾರಾಧನ, ಸ್ಯಾಕ್ಸೋಪೋನ್ ವಾದನ, ದೀಪ ನಮಸ್ಕಾರು, ರುಪ್ಪೆ ಲಾಲ್ಕಿ ಪೇಟೆ ಉತ್ಸವು, ವಸಂತ ಪೂಜಾ ಇತ್ಯಾದಿ ಕಾರ್ಯಕ್ರಮ ಬರೋಬರಿ ಚೆಲೇಲೆ ಖಬ್ಬರ ಮೆಳ್ಳಾ.
ಬ್ರಹ್ಮೋಪದೇಶ
ಚಿ|| ಜ್ಞಾನೇಂದ್ರ (ಶ್ರೀ ಕೇಶವ ಭಟ್ ಆನಿ ಶ್ರೀಮತಿ ಸಹನಾ ಭಟ್, ಶೃಂಗೇರಿ ಹಾಂಗೆಲ ಪೂತು) ಹಾಕ್ಕಾ ತಾ. ೨೩-೪-೨೦೧೪ ದಿವಸು ಶೃಂಗೇರಿಚೆ ಶ್ರೀ ಚಪ್ಪರದಾಂಜನೇಯ ದೇವಳಾಂತು ಬ್ರಹ್ಮೋಪದೇಶ ಸಂಸ್ಕಾರ ಕೆಲೇಲೆ ಖಬ್ಬರ ಮೆಳ್ಳಾ.
ಚಿ|| ರಾಮಕೃಷ್ಣ ( ಶ್ರೀಮತಿ ರಕ್ಷಾ ಆನಿ ಶ್ರೀ ರಾಜೇಶ ವಿ. ಸಿಂಗನಕುಳಿ, ಹೆಗಡೆ ಹಾಂಗೆಲ ಪೂತು) ಹಾಕ್ಕಾ ತಾ. ೨ -೫-೨೦೧೪ ದಿವಸು ಅಂಕೋಲೆಚೆ ಶ್ರೀ ಆರ್ಯದುರ್ಗಾ ದೇವಳಾಂತು ಬ್ರಹ್ಮೋಪದೇಶ ಧೀಕ್ಷಾ ದಿಲೇಲೆ ಖಬ್ಬರ ಮೆಳ್ಳಾ.
ದೊನ್ನೀ ಮುಂಜಿ ವ್ಹರೆತಾಕ ದೇವು ಬರೆಂ ಕೊರೊಂ ಮ್ಹಣತಾ.
ಶುಭ ವಿವಾಹ
ಚಿ||ಸೌ|| ಶೃತಿ ವಿ. (ಶ್ರೀ ವೈಕುಂಠ ಭಗತ್ ಆನಿ ದಿ|| ವೈಶಾಲಿ, ಕೋಣಾಂದೂರು ಹಾಂಗೆಲಿ ಧೂವ) ಆನಿ ಚಿ|| ನಿತ್ಯಾನಂz (ಶ್ರೀಮತಿ ರಮಾ ಮತ್ತು ಶ್ರೀ ಜಿ. ನಾಗೇಂದ್ರ ಶೆಣೈ, ತೀರ್ಥಹಳ್ಳಿ ಹಾಂಗೆಲ ಪೂತು) ಹಾಂಗೆಲೆ ಲಗ್ನ ತಾ. ೨೧-೪-೨೦೧೪ ದಿವಸು ಶ್ರೀ ವಿನಾಯಕ ಮಾಂಗಲ್ಯ ಮಂದಿರ, ಕೋಣಂದೂರು ಹಾಂಗಾ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ.
ಚಿ||ಸೌ|| ಪೂರ್ಣಿಮಾ (ಶ್ರೀಮತಿ ಮಮತಾ ಆನಿ ಲಕ್ಷ್ಮೀದಾಸ ಎನ್. ಪೈ, ಕಾಸರಕೋಡ ಹಾಂಗೆಲಿ ಧೂವ) ಆನಿ ಚಿ|| ಗೌತಮ (ಶ್ರೀಮತಿ ಸುಚೀತಾ ಆನಿ ಶ್ರೀ ರಾಜೇಂದ್ರ ಪೈ, ಬೆಳಗಾಂವಿ ಹಾಂಗೆಲ ಪೂತು) ಹಾಂಗೆಲೆ ಲಗ್ನ ತಾ. ೫-೫-೨೦೧೪ ದಿವಸು ಶ್ರೀ ಗೋಪಾಲಕೃಷ್ಣ ದೇವಳ, ಕಾಸರಕೋಡ ಹಾಂಗಾ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ.
ನವೀನ ವ್ಹರೆತು, ವ್ಹಕಲಾಂಕ ದೇವು ಬರೆಂ ಕೊರೊಂ.  

SARASWATI PRABHA -300

25 ವರ್ಷಾಚೆ ಅಖೆರಿಚೆ ಅಂಕ ``ಸರಸ್ವತಿ ಪ್ರಭಾ - 300''  ತುಮ್ಮಿ ವಾಜ್ಜಿನಿವೇ?

ಹೇ ಅಂಕಾಂತು ವಿಶೇಷ

* ಕೊಂಕಣಿ ಭಾಷಾಭಿವೃದ್ಧಿಕ ಖರೇಚಿ ಅಭಿಮಾನ ಜಾವ್ಕಾ.

* ಆದ್ಗತೀಕ ಏಕ ಕಾಣ್ಯೆಂತು ``ಆವ್ಸುಕ ಖಾತ್ತಲೀ, ಮಾಂಯ್ಕ ಸೊಡ್ತವೇ?

*  ಶ್ರೀಮತಿ ವಿಜಯಾ ಆರ್. ಕಾಮತ್, ಉ

ಡುಪಿ ಹಾಂಗೆಲೆ ಅಭಿಪ್ರಾಯು``ಸರಸ್ವತಿ ಪ್ರಭಾ''ಂತು ವಿಷಯ ಸಮೃದ್ಧಿ ಆಸ್ಸ.

* ಶ್ರೀ ಕೆ. ಜನಾರ್ಧನ ಭಟ್ ಮೈಸೂರು ಹಾಂಗೆಲೆ ಅಭಿಪ್ರಾಯು ಸರಸ್ವತಿ ಪ್ರಭಾ ಕೊಂಕಣಿಗಾಲೆ ಏಕ ಕೊಂಡಿ

* ಪಂಚ್ಕಾದಾಯಿಚೆ ಶ್ರೀ ಬಿ.ಶಾಂತಾರಾಮ ಬಾಳಿಗಾ ಹಾಂಗೆಲೆ ಆಭಿಪ್ರಾಯು ``ದೇವು ಬರೆಂ ಕೊರೊ''

* ಆಕಾಶವಾನಿಚೆ ನಿವೃತ್ತ ನಿರ್ದೇಶಕ ಡಾ|| ಚೇತನ ಕುಮಾರ ನಾಯ್ಕ ಹಾಂಗೆಲೆ ಆಭಿಪ್ರಾಯು ``ಶಂಬರ ಕಾಳ ವಾಂಚೊ ``ಸರಸ್ವತಿ ಪ್ರಭಾ''

* ಕೊಂಕಣಿ, ಕನ್ನಡ ಕವಿ, ಸಾಹಿತಿ  ಶ್ರೀವಾಸುದೇವ ಶಾನಭಾಗ, ಶಿರಸಿ ಹಾಂಗೆಲೆ ಅಭಿಪ್ರಾಯ ``ಭಾಂಗ್ರಾ ಪರಭ ಆಚರಣ ಕೊರಚೆ ಭಾಗ್ಯ ಮೆಳೊ.''

* ಅಭಿಮಾನಿ ವಾಚನ ಆನಿ ಹಿತೈಷಿ ಶ್ರೀ ಎನ್ ಪ್ರದೀಪ ಕುಮಾರ ಪಂಡಿತ, ಭಟ್ಕಳ ಹಾಂಗೆಲೆ ಅಭಿಪ್ರಾಯ `ಲೋಕಾನಿ ಉದಾರ ಮನಾಂತು ಪ್ರೋತ್ಸಾಹ ದಿವ್ಕಾ.'

* ಜಾದುಗಾರ ಆನಿ ಸಿನಿ ನಟ ಓಂಗಣೇಶ ಉಪ್ಪುಂದ ಹಾಂಗೆಲ ಅಭಿಪ್ರಾಯ `25 ವರ್ಷ ಪಾರ ಕೆಲೇಲೆ ಸರಸ್ವತಿ ಪ್ರಭಾ''

* ಕವಿ, ಸಾಹಿತಿ ಶ್ರೀ ನಾಗೇಶ ಅಣ್ವೇಕರ ಕಾರವಾರ ಹಾಂಗೆಲೆ ಅಭಿಪ್ರಾಯ ಆಪಣಾಕ ಸಾಹಿತ್ಯ ರಚನೆಕ ಬಳ ದಿಲ್ಲಾ

* ಕೊಂಕಣಿ ಸರದಾರ ಶ್ರೀ  ಬಸ್ತಿ ವಾಮನ ಶೆಣೈ ಮಂಗಳೂರು ಹಾಂಗೆಲೆ ಅಭಿಪ್ರಾಯ `ಕಿತ್ತುಲೆ ಉಡಗಾಸು ಕೆಲಯಾರೀಯಿ ಪಾವನಾ'

* ಎನ್.ಬಿ.ಕಾಮತ್, ಅಂಕೋಲಾ ಹಾಂಗೆಲೆ ಅಭಿಪ್ರಾಯ ` ಸರಸ್ವತಿ ಪ್ರಭಾಚೆ `ಪತ್ರಿಕೇಚಿ ಪ್ರಭಾವಳಿ ಆನೀಕೆ ವಾಡ್ಡೊ...

* ಕನ್ನಡ, ಕೊಂಕಣಿ ಬರೋಪಿ ಶ್ರೀಮತಿ ಜಯಶ್ರೀ ನಾಯಕ್, ಎಕ್ಕಂಬಿ ಹಾಂಗೆಲೆ ಅಭಿಪ್ರಾಯ `ಕರ್ಮಯೋಗಿ ಶೆಣೈ ಸುರೇಶ ಆರ್ಗೋಡು

* ನಾಟಕ ಕಾರ ಆನಿ ಕವಿ ಶ್ರೀ ಅನಿಲ ಪೈ ಶಿರಸಿ ಹಾಂಗೆಲೆ ಅಭಿಪ್ರಾಯ `ಕೊಂಕಣಿ ಅಕಾಡೆಮಿ ವತೀನ ಸಹಾಯ ಮೆಳೋ

* ಮೈನ್ಯಾ ಕಾಣಂತು ಫೂಲ್ಮನ

*ಶ್ರೀಮತಿ ಜಯಲಕ್ಷ್ಮೀ ದೇಶಪಾಂಡೆ ಹಳಿಯಾಳ ಹಾಂಗೆಲೆ ಹಾಸ್ಯ ಅನುಭವ `ಫಜೀತಿ'

* ಹುಬ್ಳಿ ಹೊಟೇಲಾಂತು `ಪ್ರಿಸಿಡೆಂಟ್ ದಿ ಪ್ರೆಸಿಡೆಂಟ್ ಹೋಟೆಲ್

* ಜೂನ್ ಮೈನ್ಯಾಚೆ ಡೈರೆಕ್ಟರಿ

* ಶ್ರೀ ವಿಷ್ಣು ಕಾಮತ್, ಕಟಪಾಡಿ ಹಾಂಗೆಲೆ ಅಭಿಪ್ರಾಯ ಮಾತೃ ಭಾಷಾ ಪತ್ರಿಕಾ ವ್ಹರೇಯಾ

* ರಾತು ಕುಂದಾಪುರ ಹಾನ್ನಿ ಬರೆಯಿಲೆ ಆಮ್ಚಿಗೆಲೆ ಉಲ್ಲೈನಾತ್ತಿಲಿ ಚೆಲ್ಲಿ

* ಮೆಗೇಲೆ  ಉತ್ತರ, ಧಾರವಾಹಿ, ಕರ್ನಾಟಕದಾದ್ಯಂತಾಚೆ ಜಿ.ಎಸ್.ಬಿ., ದೈವಜ್ಞ ಆನಿ ಕೊಂಕಣಿ ಖಬ್ಬರ 

ಸರ್ವಎಕ್ಕಾ ಅಂಕಾಂತು

ಆಜಿಚಿ ವಾಜ್ಜಿಯಾ

 

ಹುಬ್ಳಿ ಶ್ರೀ ಕಾಶೀಮಠ ವೆಂಕಟರಮಣ ಮಂದಿರ

ಹುಬ್ಳಿಚೆ ನೃಪತುಂಗ ಗುಡ್ಡೆ ಮಾಕಶಿ ಬಗಲೇನ ಆಸ್ಸುಚೆ ‘ಹುಬ್ಬಳ್ಳಿ ಶ್ರೀ ಕಾಶಿಮಠ ವೆಂಕಟರಮಣ ಮಂದಿರಾಂತು ಚೌತೆ ವರ್ಷಾಚೆ ಪ್ರತಿಷ್ಠಾ ವರ್ಧಂತಿ ಉತ್ಸವು ತಾ. ೬-೪-೨೦೧೪ ದಿವಸು ನಿರ್ಮಲ ವಿಸರ್ಜನ ಪೂಜಾ, ಶ್ರೀ ದೇವತಾ ಪ್ರಾರ್ಥನ, ಸನ್ನಿಧಿ ಹವನ, ಶತಕಲಶಾಭಿಷೇಕ, ಪಂಚಾಮೃತಾಭಿಷೇಕ, ಪ್ರಸನ್ನ ಪೂಜನ, ಅಷ್ಠಮಂಗಲ ನಿರೀಕ್ಷಣ, ಪಟ್ಟ ಕಾಣಿಕಾ, ಮಹಾಪೂಜಾ, ಮಹಾ ಸಮಾರಾಧನ, ರಂಗ ಪೂಜನ, ವಸಂತ ಪೂಜನ, ಅಷ್ಟಾವಧಾನ ಸೇವಾ, ರಾತ್ರಿ ಪೂಜನ, ಪ್ರಸಾದ ವಿತರಣ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಅಪಾರ ಸಮಾಜಾಚೆ ಆನಿ ವಿಂಗಡ ಸಮಾಜಾಚೆ  ಬಾಂಧವ ಹೇ ಸಂದಭಾರಿ ಉಪಸ್ಥಿತ ಉರ್ನು ಶ್ರೀ ಹರಿಕೃಪೇಕ ಪಾತ್ರ ಜಾಲ್ಲಿಂತಿ. ವಿಂಗಡ ದಿವಸಾಂತು ವರೇಕ ಶ್ರೀ ದೇವಳಾಂತು ವಿಂಗವಿಂಗಡ ಸೇವಾ ಕೊರಚಾಕ ಅವಕಾಶ ಆಸ್ಸುನು ಕರ್ಪೂರ ಆರ್ತಿ, ಅಷ್ಟೋತ್ತರ ತುಳಸಿ ಅರ್ಚನ, ಕುಂಕುಮಾರ್ಚನ, ಶೀಯಾಳ ಅಭಿಷೇಕ, ಮಧ್ಯಾಹ್ನ ಪೂಜಾ, ವಿಷ್ಣು ಸಹಸ್ರನಾಮ, ಪುಷ್ಪಾಲಂಕಾರ ಪೂಜನ, ನಂದಾ ದೀಪ, ರಾತ್ರಿ ಪೂಜನ, ಏಕಾದಶಿ/ಶನಿವಾರ ಭಜನಾ ಸೇವಾ, ಪಂಚಾಮೃತಾಭಿಷೇಕ, ಪಾನಕ ನೈವೇದ್ಯ, ಪಂಚಕಜ್ಜಾಯ ಸೇವಾ, ಫಾಲಂಖೀ ಉತ್ಸವ ಸೇವಾ ಇತ್ಯಾದಿ ಕೊರಚಾಕ ಅವಕಾಶ ಆಸ್ಸ.  ದೇವಳಾಚೆ ಟೈಮಿಂಗ್ ಸಕ್ಕಾಣಿ ೬-೦೦ ಥಾಕೂನು ೧೨-೩೦ ಪರ್ಯಂತ, ಸಾಂಜ್ವಾಳಾ ೫-೩೦ ಥಾಕೂನು ೮-೩೦ ಪರ್ಯಂತ.  ಹೇ ದೇವಳಾಚೆ ಖಾತ್ತಿರಿ ಖಂಚೇಯಿ ಮಾಹಿತಿ, ಸೇವಾ ಪಾವಯ್ಚಾಕ ಇಚ್ಛಾ ಆಸ್ಶಿಲ್ಯಾನಿ ಚಡ್ತೆ ಮಾಹಿತಿ ಖಾತ್ತಿರಿ ಪೋನ್ ನಂ. ೯೯೪೫೩೫೮೧೯೯, ೯೪೪೮೩೭೩೨೯೪ ಜಾಂವೊ ಆಫೀಸ್  ಪೋನ್ ನಂ, ೦೮೩೬-೨೪೮೦೪೫೫ ಹಾಂಗಾಕ ಸಂಪರ್ಕು ಕೊರಯೇತ.

ಶ್ರೀ ಚಿತ್ರಾಪುರ ಮಠ, ಶಿರಾಲಿ

ಭಟ್ಕಳ ತಾ||ಚೆ ಶಿರಾಲಿಂತು ಆಸ್ಸುಚೆ ಶ್ರೀ ಚಿತ್ರಾಪುರ ಮಠ ಸಂಸ್ಥಾನಾಚೆ ೧೫೩ಚೆ “ಶ್ರೀ ಚಿತ್ರಾಪುರ ರಥೋತ್ಸವು ತಾ. ೧೫-೪-೨೦೧೪ ದಿವಸು ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ತಾ. ೧೦-೪-೨೦೧೪ ಥಾಕೂನು ೧೭-೪-೨೦೧೪ ಪರ್ಯಂತ ಸುಪ್ರಭಾತ, ಪಂಚಾಂಗ ವಾಚನ, ಮಹಾ ಪೂಜಾ, ಬಲಿ, ಶ್ರೀ ಪಾದಪೂಜಾ, ಶ್ರೀ ಬಿಕ್ಷಾ ಪ್ರಸಾದ ವಿತರಣ, ಸಾಮೂಹಿಕ ಪ್ರಾರ್ಥನ, ನೂತನ ಲಾಲಂಕೀ ಅರ್ಪಣ, ಧ್ವಜಾರೋಹಣ, ದೇವ್ಳಾ ಥಾಕೂನು ವಿಂಗವಿಂಗಡ ಜಾಗೇಕ ಏಕೇಕ ದಿವಸು ಪಾಲಂಖೀ ಉತ್ಸವು, ರಥ ಕಲಶಾರೋಹಣ, ರಥಾರೋಹಣ, ರಥೋತ್ಸವು, ಧರ್ಮ ಸಭಾ, ಅನ್ನ ಸಂತರ್ಪಣ, ಮೃಗಬೇಟೆ ಉತ್ಸವು, ಪಂಚವಟಿಂತು ಅವಭೃತ ನಾಣ, ಧ್ವಜಾವರೋಹಣ, ಧರ್ಮ ಸೇವಕ ಸಭಾ, ದೀಪ ನಮಸ್ಕಾರ, ಅಷ್ಟಾವಧಾನ ಸೇವಾ, ತೀರ್ಥಪ್ರಸಾದ ವಿತರಣ ಇತ್ಯಾದಿ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಸಂಪನ್ನ ಜಾಲೇಲೆ ಖಬ್ಬರ ಮೆಳ್ಳಾ. ನ್ಹಂಯಿಸಿ ಹೇ ಸಂದರ್ಭಾರಿ ಭಕ್ತಿ ಪ್ರಧಾನ/ ಸಾಂಸ್ಕೃತಿಕ ಕಾರ್ಯಾವಳಿ ವರೇಕ ಚಲ್ಲೆ.

ಶ್ರೀ ಪಟ್ಟಾಭಿರಾಮಚಂದ್ರ ದೇವಳ, ಬಾರ್ಕೂರು

ವರ್ಷಂಪ್ರತಿ ಮ್ಹಣಕೆ ಶ್ರೀ ಪಟ್ಟಾಭಿ ರಾಮಚಂದ್ರ ದೇವುಳ, ಬಾರಕೂರು  ಹಾಂಗಾ ಶ್ರೀ ರಾಮನವಮಿ ಉತ್ಸವು ತಾ. ೮-೪-೨೦೧೪ ದಿವಸು ದೇವತಾ ಪ್ರರ್ಥನ, ಪವಮಾನ ಕಲಶ, ಮಹಾ ಪೂಜಾ ಸಂತರ್ಪಣ, ಲಾಲಕಿ ಉತ್ಸವು, ರಾತ್ರಿ ಪೂಜಾ, ಅಷ್ಟಾವಧಾನ ಸೇವಾ, ಪ್ರಸಾದ ವಿತರಣ, ಜವಣ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಸಂಪನ್ನ ಜಾಲೇಲೆ ಖಬ್ಬರ ಮೆಳ್ಳಾ.

ಎಸ್. ಗಣೇಶ ಶೆಣೈಂಕ “ಕನ್ನಡ ರತ್ನ ಪ್ರಶಸ್ತಿ

ದಾವಣಗೆರೆಂತು ಘೆಲೇಲೆ ೩೦ ವಷಾ ಥಾಕೂನು ಕನ್ನಡ ಭಾಷೆ, ಇತಿಹಾಸ ಬದ್ದಲ್ ವಾವ್ರೋ ಕರ್ತಾ ಆಶ್ಶಿಲೆ  ಸಾಲಿಗ್ರಾಮ ಗಣೇಶ ಶೆಣೈಂಕ ಆಲ್ತಾಂತು ದಾವಣಗೆರೆಚೆ ಪ್ರತಿಷ್ಠಿತ ಬಾಪೂಜಿ ಸಭಾಂಗಣಾಂತು “ಕನ್ನಡ ರತ್ನ ರಾಜ್ಯ ಪ್ರಶಸ್ತಿ ದೀವ್ನು ಸಂಮಾನ ಕೆಲ್ಲೆ. ಘಲೇಲೆ ೨೫ ವರ್ಷಾ ಥಾಕೂನು ಶೈಕ್ಷಣಿಕ ಕ್ಷೇತ್ರಾಂತು ಕನ್ನಡಾಂತು ಚ್ಹಡ ಅಂಕ ಘೆತ್ತಿಲೆ ಚೆರ್ಡುಂವಾಂಕ ಭಾಷಾಭಿಮಾನ ಆಸ್ಸ ಕೊರ್‍ಚೆ ಖಾತ್ತಿರಿ “ಕನ್ನಡಕುವರ-ಕುವರಿ ಜಿಲ್ಲಾ ಪ್ರಶಸ್ತಿ, “ಕನ್ನಡ ಕೌಸ್ತುಭ ರಾಜ್ಯ ಪ್ರಶಸ್ತಿ ಸೂರು ಕೋರ್ನು ಆಜ ಪರ್ಯಂತ ೧೧,೮೬೭ ಚರ್ಡುವಾಂಕ ರಾಜ್ಯ ವ್ಯಾಪ್ತಿಂತು ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆ ಮೂಖಾಂತರ ಸನ್ಮಾನ ಕೋರ್ನು ರೆಕಾರ್ಡ ಕೆಲೇಲೆ ಶ್ರೀ ಶೆಣೈಂಗೆಲೆ ಸಾಧನಾ ತಾರೀಪು ಕೋರ್ನು ಹೇ ಪ್ರಶಸ್ತಿ ಪಾವಿತ ಕೆಲ್ಲಿಂತಿ. ಹೇ ಸಂದರ್ಭಾರಿ ಜಾನಪದ ತಜ್ಞ ಡಾ|| ಎಂ.ಜಿ. ಈಶ್ವರಪ್ಪ, ದಾವಣಗೆರೆ ಜಿಲ್ಲಾಧಿಕಾರಿ ಅಂಜನ್ ಕುಮಾರ್, ಎಸ್.ಬಿ.ಸಿ. ಮಹಾವಿದ್ಯಾಲಯಾಚೆ ಪ್ರಾಚಾರ್ಯ ಜಾಲೇಲೆ ಘಣ್ಮುಕಪ್ಪ, ಕನ್ನಡ ಸಾಹಿತ್ಯ ಪರಿಷತ್ತಾಚೆ ನಿಕಟಪೂರ್ವ ಅಧ್ಯಕ್ಷ ಕೆ.ಎನ್.ಸ್ವಾಮಿ, ಕನಾಟಕ ಹಿತರಕ್ಷಣಾ ದಳಾಚೆ ರಾಜ್ಯಾಧ್ಯಕ್ಷ ಮಧುಕುಮಾರ್ ಆದಿ ಗಣ್ಯ ಲೋಕ ಉಪಸ್ಥಿತ ಆಶ್ಶಿಲೆ. ಕರ್ನಾಟಕ ರಾಜ್ಯ ಹಿತರಕ್ಷಣಾ ದಳಾಚೆ ರಾಜ್ಯ ಸಂಘಟನೆನ ಆಯೋಜನ ಕೆಲೇಲೆ “ಕನಾಟಕ ವೈಭವಾಸಾಂಸ್ಕೃತಿಕ ಸಂಭ್ರಮಾಚೆ ಸಮಾರಂಭಾಂತು ಹೋ ಸನ್ಮಾನು ಚಲ್ಲೊ. ವರದಿ : ಸಾಲಿಗ್ರಾಮಸಂದೀಪ್ ಶೆಣೈ.

ಪ್ರತಿಭಾ ಕಾರಂಜಿ ಕೊಂಕಣಿ ಭಾಷಣಾಚೆ ಫಲಿತಾಂಶ

ಕರ್ನಾಟಕ ಸರ್ಕಾರ, ಜಿಲ್ಲಾ ಪಂಚಾಯತ ಬಿಜಾಪುರ, ಜಿಲ್ಲಾಡಳಿತ ಬಿಜಾಪುರ, ಸಾರ್ವಜನಿಕ ಶಿಕ್ಷಣ ಇಲಾಖೆ ಆನಿಕ ಬಿ.ಎಲ್.ಡಿ.ಇ. ಸಂಸ್ಥೆಚೆ ಸಹಯೋಗಾಂತು ರಾಜ್ಯಸ್ಥರಾಚೆ ೨೦೧೩-೨೦೧೪ ಶೈಕ್ಷಣಿಕ ವರ್ಷಾಚೆ ರಾಜ್ಯಸ್ಥರಾಚೆ ಹೈಸ್ಕೂಲ್ ಬುರ್ಗ್ಯಾಂಲೆ ಪ್ರತಿಭಾ ಕಾರಂಜಿ ಸ್ಪರ್ಧಾ ಫೆಬ್ರವರಿ ೧೨, ೧೩, ಆನಿ ೧೪ ಪರ್ಯಂತ ಬಿಜಾಪುರಾಚೆ ಬಿ.ಎಂ.ಪಾಟೀಲ ಪಬ್ಲಿಕ್ ಶಾಲೆಚೆ ಆವರಣಾಂತು ಚಲ್ಲೆ. ೩೫ ವಿವಿಧ ಸ್ಪರ್ಧೆಂತು ೩೪ ಶೈಕ್ಷಣಿಕ ಜಿಲ್ಲೆಚೆ ೨೧೬೦ ಚರ್ಡುಂವ ಸ್ಪರ್ಧಾರ್ಥಿ ಜಾವ್ನು ಭಾಗ ಘೆತ್ಲೆ. ತಾಂತು ಏಕ ಸ್ಪರ್ಧಾ ಕೊಂಕಣಿ ಭಾಷಣ ಸ್ಪರ್ಧಾ ಆಶ್ಯಿಲೆ. ಪರಿಸರ ಸಂರಕ್ಷಣೆಂತು ಬುರ್ಗೆಂಲೆ ದಾಯಿತ್ವ ಮ್ಹಣಚೆ ವಿಷಯಾಂತು ಪಾಂಚ ನಿಮಿಷ ಪರ್ಯಂತ ಭಾಷಣ ಕರಚಾಕ ಅವಕಾಶ ಆಶ್ಯಿಲೆ. ತಾಂತು ೫ ಚರ್ಡುಂವ ಸ್ಪರ್ಧಿ ಜಾವ್ನು ತಾಂಕಾ ದಿಲ್ಲೆಲೆ ವಿಷಯಾಚೆರಿ ಭಾಷಣ ಕೆಲ್ಲಾಲೆ. ಕೊಂಕಣಿ ಭಾಷಣಾಂತು ಪ್ರಥಮ ಸ್ಥಾನ ಕಲ್ಯಾಣಪುರ ಉಡುಪಿಚೆ ಮೌಂಟ್ ಇಂಗ್ಲೀಷ್ ಮೀಡಿಯಂ ಶಾಲೆಚೆ ರಕ್ಷಾ ಪಡಿಯಾರ, ಕುಮಟಾ ಗಿಬ್ ಆಂಗ್ಲಮಾಧ್ಯಮ ಪ್ರೌಢಶಾಲೆಚೊ ಭರತಕುಮಾರ ಪೈ ದ್ವಿತೀಯ ಸ್ಥಾನ, ವಾಯ್.ಟಿ.ಎಸ್.ಎಸ್. ಯಲ್ಲಾಪುರ ಶಾಲೆಚೆ ಶೀತಲ್ ವೆರ್ಣೇಕರ್ ತೃತೀಯ ಸ್ಥಾನ ಘೆತ್ಲೆ. ಹಾಂಕಾ ಅನುಕ್ರಮ ಜಾವ್ನು ೫೦೦೦, ೪೦೦೦, ೩೦೦೦ ರೂ. ಬಹುಮಾನ ಆನಿಕ ಸ್ಮರಣಿಕಾ, ಪ್ರಶಸ್ತಿ ಪತ್ರ ದೀವ್ನು ಅಭಿನಂದನಾ ಕೆಲ್ಲೆ. ಸ್ಪರ್ಧೆಕ ನಿರ್ಣಾಯಕ ಜಾವ್ನು ಬಿಜಾಪುರ ಸಂತ ಜೋಸೆಫ್ ಆಂಗ್ಲಮಾಧ್ಯಮ ಪ್ರೌಢಶಾಲೆಚೊ ಸಂಸ್ಕೃತ ಅಧ್ಯಾಪಕ ಡಾ. ಅರವಿಂದ ಚಂದ್ರಕಾಂತ ಶ್ಯಾನಭಾಗ, ಕಾರ್ಕಳ ಸೆಂಟ್ ಜೋಸೆಫ್ ಶಾಲಾ ಬೆಳ್ಮಾನ ಹಾಜ್ಜೊ ಶಿಕ್ಷಕ ಪುಂಡಲಿಕ ಮರಾಠೆ ಆನಿ ಕಾರವಾರ ಸೆಕೆಂಡರಿ ಇಂಗ್ಲೀಷ್ ಸ್ಕೂಲಾಚೊ ಮುಖ್ಯಶಿಕ್ಷಕ ಪ್ರದೀಪ ಎಸ್. ರಾಣೆ ಯವ್ನು ತೀರ್ಪು ದಿಲ್ಲಾಲೆ.

ಶ್ರೀ ಲಕ್ಷ್ಮೀದಾಮೋದರ ದೇವುಳ, ಬಸ್ರೂರು

ಬಸ್ರೂರು ಶ್ರೀ ಲಕ್ಷ್ಮೀದಾಮೋದರ ದೇವಳಾಕ ಸುಮಾರ ೫೦೦ ವರ್ಷ ಇತಿಹಾಸ ಆಸ್ಸ. ತಾಜ್ಜ ಪ್ರಕಾರ ಆಮ್ಗೆಲೆ ಮ್ಹಾಲ್ಗಡೆ ಗೋಂಯ್ಚೆ ಥಾಕೂನು ವಲಸೆ ಎತ್ತನಾ “ದೇವಾಲೆ ಬಿಂಬ ಘೇವ್ನು ಆಯ್ಲೆ. ಆನಿ ಬಸ್ರೂರಾಂತು ಪ್ರತಿಷ್ಠಾ ಕೆಲ್ಲಿ ಮ್ಹೊಣು ಕೋಳ್ನು ಯತ್ತಾ. ಹೇ ದೇವಳ ಅವಿಭಾಜ್ಯ ದಕ್ಷಿಣ ಕನ್ನಡ ಜಿಲ್ಲೇಚೆ ಏಕಮಾತ್ರ ದಾಮೋದರ ದೇವುಳ ಜಾವ್ನು ಆಸ್ಸ. ಹೇ ದೇವಳಾಕ ಚಾರಿ ಗೋತ್ರಾಚೆ ಕುಳಾವಿ ಲೋಕ ಆಸ್ಸೂನು, ಕುಂದಾಪುರ, ಉಡುಪಿ, ಕಾರ್ಕಳ, ಮಂಗಳೂರು, ಬಂಟ್ವಾಳ ಅಶ್ಶಿ ಅನೇಕ ಗಾಂವ್ಚೆ ಪರಿಸರಾಚೆ ೧೫೦೦ ಪಶಿ ಚ್ಹಡ ಕುಳಾವಿ ಘರಾಣಿ ಆಸ್ಸತಿ. ಆನಿ ಕಾಲ ಕಾಲಾಕ ದೇವಳಾಕ ಬೆಟ್ಟೂನು ಶ್ರೀ ದಾಮೋದರಾಲೆ ಕೃಪಾ ಘೇವ್ನು ಪುನೀತ ಜಾಲ್ಲಿಂತಿ.
ಹೇಂಚಿ ಮಾರ್ಚ್ ಮೈನ್ಯಾಚೆ ತಿನ್ನಿ ತಾರೀಖೆ ದಿವಸು ವಿಶ್ವಸ್ತ ಮಂಡಳಿನ ಕೆಲೇಲೆ ವಿನಂತಿ ಮಾನ್ಯ ಕೋರ್ನು ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮೆ ದೇವಳಾ ಭೇಟಿಕ ಆಯ್ಯಿಲೆ.  ವಿಶ್ವಸ್ತ ಮಂಡಳಿ ಅಧ್ಯಕ್ಷ ಶ್ರೀ ಎ. ಸರ್ವೋತ್ತಮ ಪೈ ಕುಂದಾಪುರ ಆನಿ ಅಧಿಕ ಸಂಖ್ಯೇಚೆ ಕುಳಾವ್ಯಾನಿ ಗುರುವರ್ಯಾಂಕ ಪೂರ್ಣಕುಂಭ ಸ್ವಾಗತ ಕೆಲ್ಲೆಂ. ವಿಸ್ವಸ್ತ ಮಂಡಳಿ ಕಾರ್ಯದರ್ಶಿ ಶ್ರೀ ಮೆಂತೆ ನರಸಿಂಹ ಪ್ರಭು, ಬಸ್ರೂರು ಹಾನ್ನಿ ಪೂಜ್ಯ ಗುರುವರ್ಯಾಂಕ ಸಮಸ್ತ ಕುಳಾವಿ ತರಪೇನ ಸ್ವಾಗತ ಕೋರ್ನು, ಪ್ರಾಸ್ತಾವಿಕ ಜಾವ್ನು ಉಲೈಲೆ. ಪೂಜ್ಯ ಯತಿವರ್‍ಯಾಂನಿ ತಾಂಗೇಲೆ ಆಶೀರ್ವಚನಾಂತು  ‘ಇತಿಹಾಸ ಪ್ರಸಿದ್ಧ ಬಸ್ರೂರು ಪೇಂಟ, ಶ್ರೀ ಸಂಸ್ಥಾನ ಜಾಂಬಾವಲೀಚೆ ಆರಾಧನಾ ವೈಶಿಷ್ಠ್ಯಾಚೆ ವಿವರಣ ದಿಲ್ಲೆ. ಆನಿ ಸಮಾಜಾಚೆ ಶಿಷ್ಯ ವೃಂದಾನ-ದೇವು-ಧರ್ಮು-ಸಂಪ್ರದಾಯು ಹೇ ಬದ್ದಲ್ ಚಿಂತನ ಕೋರ್‍ಕಾ, ತಶೀಂಚಿ ಚಂದ ಕೋರ್ನು ಆಚರಣ ಕೋರ್‍ಕಾ. ಮ್ಹೋಣು ಸಾಂಗತ ದೇವಳಾಚೆ ಪುರೋಭಿವೃದ್ಧಿ ಜಾವ್ವೊ ಮ್ಹೊಣು ಶುಭಾನುಗ್ರಹ ಕೆಲ್ಲಿಂತಿ. ಉಪರಾಂತ ಪ|ಪೂ| ಸ್ವಾಮೆಂ ಭಜಕಾಂಕ ಆನಿ ಕುಳಾವಿಂಕ ಫಲ ಮಂತ್ರಾಕ್ಷತ ದೀವ್ನು ಮುಖಾವೈಲೆ ಕಾರ್ಯಕ್ರಮಾಕ ಪಾವ್ಲೆ. ಹೇ ಸಮಾರಂಭಾಂತು ವೇ|ಮೂ|ಪಾಂಡುರಂಗ ಆಚಾರ್‍ಯ, ಕರುಣಾಕರ ಪ್ರಭು, ಕೆ.ಆರ್.ನಾಯಕ್, ದಿವಾಕರ ಭಟ್ಟ, ಅರವಿಂದ ಭಟ್, ನರಸಿಂಹ ರಾಜ ಪ್ರಭು ಇತ್ಯಾದಿ ಕುಳಾವಿ ಲೋಕ ಉಪಸ್ಥಿತ ಆಶ್ಶಿಲೆ.
ವರದಿ : ಬಿ.ಎನ್.ಪ್ರಭು, ಬಸರೂರು.

ಸಿದ್ದಾಪೂರಾಂತು ನಾಗದೇವಾಲೆ ಪುನಃಪ್ರತಿಷ್ಠಾ

ಸಿದ್ದಾಪೂರ್‍ಚೆ ಕಾಮತ್, ಆಚಾರ್ಯ ಆನಿ ನಾಯಕ್ ಕುಟುಂಬಸ್ಥಾನಿ ನಂಬ್ಗೂನು ಆಯ್ಯಿಲೆ ತೊಗ್ಗು ಪೆಂಟಾಂತು ಆಸ್ಸುಚೆ ನಾಗಬನಾಂತು ಶ್ರೀ ನಾಗದೇವಾಲೆ ಪುನರಪ್ರತಿಷ್ಠಾ ಮಹೋತ್ಸವು ತಾ. ೧೭-೩-೨೦೧೪ ದಿವಸು  ವಿಂಗವಿಂಗಡ ಧಾರ್ಮಿಕ ಕಾರ್ಯಾವಳಿ, ಅನ್ನ ಸಂತರ್ಪಣೆ  ಬರಶಿ ವಿಜೃಂಭಣೇರಿ ಸಂಪನ್ನ ಜಾಲೇಲೆ ಖಬ್ಬರ ಮೆಳ್ಳಾ.

ಶ್ರೀ ವೀರವಿಟ್ಟಲ ಮಠ ಕೋಡ್ಕಣಿ

ಕುಮಟಾ ತಾ|| ಕೋಡ್ಕಣಿಚೆ ಶ್ರೀ ವಿಟ್ಟಲ-ರುಕ್ಷಿಣಿ ದೇವಾಲೆ ಸಂಚೆ ಪ್ರತಿಷ್ಠಾ ವರ್ಧಂತಿ ಉತ್ಸವು ತಾ. ೨೭-೪-೨೦೧೪ ದಿವಸು ಶತಕಲಶಾರ್ಚನ, ಪವಮಾನಾಭಿಷೇಕ, ಮಹಾ ಪೂಜಾ, ಮಹಾ ಮಂಗಳಾರತಿ, ಸಂತರ್ಪಣ, ಭಜನಾ ಕಾರ್ಯಕ್ರಮ, ಪಾಲಂಖೀ ಉತ್ಸವು, ಪಾನಕ ಪೂಜಾ, ಪ್ರಸಾದ ವಿತರಣೆ  ಇತ್ಯಾದಿ ಕಾರ್ಯಕ್ರಮ ಬರಶಿ ಚೊಲ್ಚೆ ಆಸ್ಸುನು ಸಮಾಜ ಆನಿ ಭಕ್ತ ಬಾಂಧವಾನಿ ಅಧಿಕ ಸಂಖ್ಯಾರಿ ಯವ್ನು ತನು-ಮನ-ಧನಾನಿ ವಾಂಟೊ ಘೇವ್ನು ಶ್ರೀ ಹರಿ ಕೃಪೇಕ ಪಾತ್ರ ಜಾವ್ಕಾ ಮ್ಹೊಣು ದೇವಳಾ ತರಪೇನ ವಿನಂತಿ ಕೆಲ್ಲಾ.

ಶ್ರೀ ಮಹಾಲಸಾ ನಾರಾಯಣೀ ದೇವಳ, ಕುಮಟಾ

ಕುಮಟಾಚೆ ಶ್ರೀ ಮಹಾಲಸಾ ನಾರಾಯಣೀ ಶಾಂತೇರಿ ದೇವಳಾಂತು ವರ್ಷಂಪ್ರತಿ ಮ್ಹಣಕೆ ಶ್ರೀ ದೇವಿಲೆ ಪ್ರತಿಷ್ಠಾ ವರ್ಧಂತಿ ಉತ್ಸವು ತಾ. ೪-೪-೨೦೧೪ ದಿವಸು  ನವಚಂಡಿ ಹವನ ಸಮೇತ ವಿಜೃಂಭಣೇರಿ ಸಂಪನ್ನ ಜಾಲ್ಲೆ. ತತ್ಸಂಬಂಧ ತಾ. ೩-೪-೧೪ಕ ದೇವತಾ ಪ್ರಾರ್ಥನಾ, ಗಣಪತಿ ಪೂಜನಾ, ನವಗ್ರಹ ವಾಸ್ತು ಹವನ, ಭಜನಾ ಸೇವಾ, ಮಹಾ ಮಂಗಳಾರತಿ, ಅನ್ನ ಸಂತರ್ಪಣ, ಶ್ರೀ ಸುಧೀರ ಬೇಂಗ್ರೆ  ಸಿದ್ದಾಪೂರ ಆನಿ ದುಸ್ರೆ ಥಾಕೂನು ‘ಭಕ್ತಿ ಸಂಗೀತ ಸೇವಾ ಅಷ್ಟಾವಧಾನ ಸೇವಾ, ಪಾಲಂಖೀ ಉತ್ಸವು ಚಲ್ಲೆ. ಹೆರ್‍ದೀಸು ತಾ. ೪-೪-೧೪ಕ ದೇವತಾ ಪೂಜನ, ನವಚಂಡಿ ಹವನ ಕುಮಾರಿಕಾ ಪೂಜನ, ಭಜನಾ ಸೇವಾ, ಮಹಾಮಂಗಳಾರ್ತಿ, ಶ್ರೀ ಮ್ಹಾಳಪುರುಷ ದರ್ಶನ ಸೇವಾ, ಅಷ್ಟಾವಧಾನ, ಪಾಲ್ಕೀ‌ಉತ್ಸವು, ವಸಂತಪೂಜಾ ಇತ್ಯಾದಿ ಕಾರ್ಯಕ್ರಮ ಬರಶಿ ಚಲೇಲೆ ಖಬ್ಬರ ಮೆಳ್ಳಾ.
ಕುಮಟಾಚೆ ಶ್ರೀ ಮಹಾಲಸಾ ನಾರಾಯಣೀ-ಶಾಂತೇರಿ ದೇವಳ ಸ್ಥಾಪನ ಜಾವ್ನು ೨೦೧೫ಕ ೪೫೦ ವರ್ಷ ಭರ್‍ತಾ. ತನ್ನಿಮಿತ್ತ ಸನ್ ೨೦೧೫ ಇಸ್ವೆಂತು ಶ್ರೀ ದೇವಳಾಂತು ಸಬಾರ ಧಾರ್ಮಿಕ ಕಾರ್ಯಕ್ರಮ ಘಾಲ್ನು ಘೆವ್ಚೆ ಅಪೇಕ್ಷಾ ದವರೂನು ಘೆತ್ಲ್ಯಾ. ಆನಿ ಹಾಕ್ಕಾ ಸುಮಾರ ೨೫ ಲಾಕ್ ರೂಪಯಿ ಖರ್ಚು ಲಾಗಚಾಕ ಪುರೊ ಮ್ಹೊಣು ಅಂದಾಜು ಕೆಲ್ಲ್ಯಾ.. ಹೇ ವಿಶೇಷ ಧಾರ್ಮಿಕ ಕಾರ್ಯಾಕ ಕುಳಾವಿ, ಸಮಾಜ ಬಾಂಧವಾನಿ ದಾರಾನ ಮನಾನಿ ಸಹಾಯ ಹಸ್ತ ದೀವ್ಕಾ ಮ್ಹೊಣು ದೇವುಳಾ ತರಪೇನ ವಿನಂತಿ ಆಸ್ಸ. ಚಡ್ತೆ ಮಾಹಿತಿಕ ಪೋನ್ ನಂ. ೦೮೩೮೬-೨೨೨೧೧೯ ಹಾಂಗಾಕ ಸಂಪರ್ಕು ಕೊರಯೇತ.

ಗುರುಕುಲ ಉತ್ಸವಾಂತು ಅರವಿಂದಾಕ ಸನ್ಮಾನ

ಆರತಾ ಬಿಜಾಪುರಾಚೆ ಮದಗುಣಕಿಂತು ಚಲ್ಲಿಲೆ ಗುರುಕುಲ ಉತ್ಸವ ೨೦೧೪ ಕಾರ್ಯಕ್ರಮಾಂತು ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ ನೂತನ ಸಾಂದೊ, ಸಂತ ಜೋಸೆಫ್ ಆಂಗ್ಲಮಾಧ್ಯಮ ಪ್ರೌಢಶಾಲೆಚೊ ಅಧ್ಯಾಪಕ ಡಾ. ಅರವಿಂದ ಶ್ಯಾನಭಾಗ ಹಾಕ್ಕಾ ಸನ್ಮಾನ ಜಾಲ್ಲೆ. ಶ್ರೀ ಶಿವಯ್ಯ ಸ್ವಾಮೀಜಿ ಪ್ರಾಥಮಿಕ ಶಾಲಾ ಆನಿ ಎಕ್ಸಲೆಂಟ್ ಕೋಚಿಂಗ್ ಕ್ಲಾಸಿಸ್ ಹಾಜ್ಜೆ ವಾರ್ಷಿಕೋತ್ಸವ ಗುರುಕುಲ ಉತ್ಸವ ಮ್ಹೊಣು ಆಚರಣಾ ಕರತಾತ್. ತ್ಯಾ ಕಾರ್ಯಕ್ರಮಾಂತು ಜಿರ್ಲಿ ಅಸೋಸಿಯೇಟ್ಸ್ ಹಾಜ್ಜೊ ಅಧ್ಯಕ್ಷ ಆರ್.ಎಸ್.ಜಿರ್ಲಿ ಹಾಣೆ ಅರವಿಂದಾಕ ಸನ್ಮಾನ ಕೆಲ್ಲೆ. ವೇದಿಕೆರಿ ಮಮದಾಪುರ ವಿರಕ್ತಮಠಾಚೊ ಸ್ವಾಮೀಜಿ ಶ್ರೀ ಅಭಿನವ ಮುರುಘೇಂದ್ರ, ಎಂ.ಎಸ್.ಬಬಲೇಶ್ವರ ವಿದ್ಯಾವರ್ಧಕ ಸಂಘಾಚೊ ಅಧ್ಯಕ್ಷ ಸಂಗಮೇಶ ಬಬಲೇಶ್ವರ, ಎಕ್ಸಲೆಂಟ್ ಸಮೂಹ ಶಿಕ್ಷಣ ಸಂಸ್ತೆಚೊ ಅಧ್ಯಕ್ಷ ಬಸವರಾಜ ಕೌಲಗಿ ಆಕ ಇತರೆ ಗಣ್ಯ ಆಶ್ಶಿಲೆ.

ಆರ್‍ಗೋಡು, ಬಡಾಬಾಳ ಶೆಣೈ ಕುಟುಂಬಾಚೆ ತರಪೇನ ನಾಗಮಂಡಲೋತ್ಸವ

ಆರ್‍ಗೋಡು, ಕೆಳಾಕೊಡ್ಲು ಆನಿ ಬಡಾಬಾಳ ಶೆಣೈ ಕುಟುಂಬ ಏಕ ಬೃಹತ್ ಕುಟುಂಬ ಜಾವ್ನಾಸ್ಸ.  ಆನಿ ಆಜಿ ಹುಬ್ಬಳ್ಳಿ, ಬೆಂಗಳೂರು, ಗೋಂಯ, ಮಂಗಳೂರ ಇತ್ಯಾದಿ ಕಡೇನ ಪಸರೂನ ಆಸ್ಸ. ಕುಟುಂಬಾಚೆ ಸರ್ವ ಬಾಂದವಾಲೆ ಅಭಿವೃದ್ಧಿ, ದೇವಾಲೆ ಸಾನಿಧ್ಯಾಭಿವೃದ್ಧಿ ಆನಿ ಲೋಕ ಕಲ್ಯಾಣಾರ್ಥ ಶೆಣೈ ಕುಟುಂಭಾಚೆ ಸರ್ವ ಸದಸ್ಯಾನಿ ಮೇಳ್ನು ಏಕ ನಾಗಮಂಡಲೋತ್ಸವ ಘಡೋವಕಾ ಮ್ಹೊಣು ಠರಯಿಲೆ ಪ್ರಮಾಣೆ ತಾ.೧೩-೦೩-೨೦೧೪ ದಿವಸು ಅತಿವಿಜೃಂಭಣೇರಿ ಶೆಣೈ ಕುಟುಂಬಾಚೆ ಮೂಲನಾಗಸ್ಥಾನ ಆಸ್ಸುಚೆ ಸಿದ್ದಾಪೂರ್‍ಚೆ ಲಾಗ್ಗಿಚೆ ಬಡಾಬಾಳಾಂತು “ಏಕ ಪವಿತ್ರ ನಾಗಬ್ರಹ್ಮ ಮಂಡಲೋತ್ಸವ ಸಂಪನ್ನ ಜಾಲ್ಲೆ. ತತ್ಸಂಬಂಧ ತಾ. ೧೨-೩-೧೪ಕ ಸಾಂಜ್ವಾಳಾ ಋತ್ವಿಜಾಂಕ ಸ್ವಾಗತ ಕೋರ್ನು ಜಾಲ್ಲೆ ಉಪರಾಂತ ಕುಟುಂಬಾಚೆ ಸರ್ವ ಸದಸ್ಯಾಂಗೆಲೆ ಉಪಸ್ಥಿತೀರಿ ಮಹಾ ಪ್ರಾರ್ಥನಾ ಚೆಲ್ಲಿ. ತಾ. ೧೩-೩-೧೪ಕ ಪ್ರಾತಃಕಾಲ ೫-೦೦ ಗಂಟ್ಯಾ ದಾಕೂನು ಶ್ರೀ ಗುರು ಗಣೇಶ ಪೂಜನ, ಪುಣ್ಯಾಹ, ಮಾತೃಕಾಪೂಜಾ, ನಾಂದೀ, ಋತ್ವಿಗ್‌ವರಣ, ವೇದ ಪಾರಾಯಣ- ಜಪ, ಕಲಶಾಧಿವಾಸ, ಬ್ರಹ್ಮಕಲಶ ಸ್ಥಾಪನ, ವಾಸ್ತು ಹವನ, ಕಲಾತತ್ವ ಹವನ, ಆಶ್ಲೇಷಾ ಬಲಿ, ಪ್ರಧಾನ-ವಿಹಿತ ಹವನ, ಆಯುತ ಸಂಖ್ಯಾತಿಲ ಹವನ, ಪಂಚವಿಂಶತಿ ಕಲಶಾಭಿಷೇಕ, ಮಹಾಪೂಜನ, ಮಹಾಮಂಗಳಾರತಿ ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ಉಪರಾಂತ ನಾಗಪಾತ್ರಿಂಕ ಸ್ವಾಗತ ಕೋರ್ನು, ನಾಗದರ್ಶನ, ಪಲ್ಲ ಪೂಜಾ, ವಟು-ಬ್ರಾಹ್ಮಣ ಆರಾಧನ, ದಂಪತಿ ಪೂಜನ, ಆಚಾರ್‍ಯ ಪೂಜನ, ಬ್ರಾಹ್ಮಣ-ಸುವಾಸಿನೀ ಪೂಜಾ, ತೀರ್ಥ ಪ್ರಸಾದ ವಿತರಣ, ಬ್ರಹ್ಮಾರ್ಪಣ ಚೋಲ್ನು ೧೦ ಹಜಾರಾ ಪಶಿ ಚಡ ಲೊಕಾಂಕ ಮಹಾ ಅನ್ನ ಸಂತರ್ಪಣ ಸುರುವಾತ ಜಾಲ್ಲೆ. ರಾತ್ತಿಕ ದೀಪಾರಾಧನ, ಕ್ಷೀರಾರ್ಘ್ಯ ಪ್ರಧಾನ ಪುರಸ್ಸರ, ಹಾಲಿಟ್ಟು ಸೇವಾ, ನಾಗಮಂಡಲ ಪೂಜಾ, ಏಕ ಪವಿತ್ರ ನಾಗಮಂಡಲ, ನರ್ತನ ಫುಲ್ಲಾ ಸೇವಾ, ಪ್ರಸಾದ ವಿತರಣ ಇತ್ಯಾದಿ ಧಾರ್ಮಿಕ ಕಾರ್ಯಾವಳಿ ಚಲ್ಲಿ. ಸಾಂಸ್ಕೃತಿಕ ಕಾರ್ಯಕ್ರಮ ಜಾವ್ನು ಶ್ರೀ ಗಣೇಶ ಯಕ್ಷಗಾನ ಗೊಂಬೆಯಾಟ ಉಪ್ಪಿನಕುದ್ರು ದಾಕೂನು ‘ಲಂಕಾದಹನ ಪ್ರಸಂಗಾಚೆ ಬೊಂಬೆ ಖೇಳು ಚಲ್ಲೆ.

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಧಾರವಾಡ

ಧಾರವಾಡ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ ತರಪೇನ ಸಂವ್ಸಾರಪಾಡ್ವೊ ತಾ. ೩೧-೩-೧೪ ದಿವಸು ಸಾಂಜ್ವಾಳಾ ಪಂಚಾಂಗ ಪೂಜನ, ಪಂಚಾಂಗ ಪಠಣ, ಪ್ರಸಾದ ವಿತರಣೆ ಬರಶಿ ಚಲ್ಲಿ. ಆನಿ ಶ್ರೀ ರಾಮನವಮಿ ತಾ. ೮-೪-೧೪ ದಿವಸು “ಶ್ರೀ ರಾಮ ನವಮಿ ದೇವತಾ ಪ್ರಾರ್ಥನಾ, ಶ್ರೀ ಗಣಪತಿ ಪೂಜನ, ಆಹ್ವಾನಿತ ದೇವತಾ ಪೂಜನ, ತ್ರಯೋದಶಾಕ್ಷರಿ ಜಪ ಹವನ, ನೈವೇದ್ಯ, ಮಂಗಳಾರ್ತಿ, ಶ್ರೀ ರಾಮಚಂದ್ರಾಲೆ ಪಾಣ್ಣೆ ಸೇವಾ, ಬ್ರಾಹ್ಮಣ ಪೂಜನ, ಸುವಾಸಿನಿ ಪೂಜನ, ಬೃಂದಾವನ ಪೂಜನ, ಗೋಪೂಜಾ, ಮ್ಹಾಲ್ಗಡ್ಯಾಂಕ ಸನ್ಮಾನ, ಸಮಾರಾಧನ ಇತ್ಯಾದಿ ಕಾರ್ಯಕ್ರಮ ಬರಶಿ ಚಲೇಲೆ ಖಬ್ಬರ ಮೆಳ್ಳಾ.
ಏಕ ಮಾಗಣಿ : ಧಾರವಾಡ ಗೌಡ ಸಾರಸ್ವತ ಸಮಾಜ ೧೯೪೦ ಇಸ್ವೆಂತು ಸುರುವಾತ ಜಾಲೇಲೆ ಆಸ್ಸುನು, ೨೦೧೫ಚೆ ಮಾರ್ಚಾಕ ಹೇ ಸಮಾಜಾಕ ೭೫ ವರ್ಷ ಭರ್ತಾ. ಇತ್ತುಲೆ ವರ್ಷ ಸಬಾರ ನಮೂನ್ಯಾನ ಸಮಾಜಾಕ ಸೇವಾ ಪಾವಯ್ತಾ ಆಯ್ಯಿಲೆ ಹೇ ಸಮಾಜ ಸಮಾಜ ಬಾಂಧವಾಲೆ ಚರ್ಡುಂವಾಂಕ ಶೈಕ್ಷಣಿಕ ಮದ್ದತ ದಿತ್ತಾ ಆಸ್ಸ. ಜಾಲ್ಯಾರಿ ಆಜಿ ಶಿಕ್ಷಣ ಘೆವ್ಚೆ ಮಸ್ತ ಮಾರಗ ಜಾಲ್ಲ್ಯಾ. ಗರೀಬಾ ಚರ್ಡುಂವಾನಿ ಉನ್ನತ ಶಿಕ್ಷಣ ಘೆವ್ಚೆ ಕಷ್ಟ ಸಾಧ್ಯ ಜಾಲ್ಲ್ಯಾ. ಹೇ ಸಮಜೂನು ಧಾರವಾಡ ಗೌಡ ಸಾರಸ್ವತ ಸಮಾಜಾ ತರಪೇನ ಗರೀಬ ಆನಿ ಪ್ರತಿಭಾವಂತ ವಿದ್ಯಾರ್ಥ್ಯಾಂಲೆ ಶಿಕ್ಷಣಾಕ ಅಗತ್ಯ ದುಡ್ವಾ ಮದ್ದತ್ ದಿವ್ಚೆ ಮಹತ್ವಾಕಾಂಕ್ಷೆ ದವರೂನು ಘೆತ್ಲ್ಯಾ. ಹೇ ಪವಿತ್ರ ಕಾರ್ಯಾಕ ದಾರಾಳಮನಾನಿ ಸಮಾಜ ಬಾಂಧವಾನಿ ಪ್ರೋತ್ಸಾಹ ದೀವ್ಕಾ ಮ್ಹೊಣು ಧಾರವಾಡ ಸಮಾಜಾ ವತೀನ ಸರ್ವ ಸಮಾಜ ಬಾಂಧವಲಾಗ್ಗಿ ವಿನಂತಿ ಆಸ್ಸ. ಚ್ಹಡ ಮಾಹಿತಿ ಖಾತ್ತಿರಿ ಪೋನ್ ನಂ. ೦೮೩೬-೨೪೪೦೨೩೦ ಹಾಂಗಾಕ ಸಂಪರ್ಕು ಕೊರಯೇತ.

ಎನ್.ಬಿ. ಕಾಮತ್ ಹಾಂಗೆಲೆ ಪ್ರಶಂಶನೀಯ ವಿದ್ಯಾದಾ

ಅಂಕೋಲೆಚೆ ಪಿ.ಎಮ್.ಹಾಯಸ್ಕೂಲಾಚೆ ನಿವೃತ್ತ ಮುಖ್ಯಾಧ್ಯಾಪಕ ಆನಿ ಕನ್ನಡ-ಕೊಂಕಣಿ ದ್ವಿಭಾಷಾ ಸಾಹಿತಿ ಶ್ರೀ ಎನ್.ಬಿ. ಕಾಮತ ಹಾನ್ನಿ ೧೯೯೦ ಇಸ್ವೆಂತು ನಿವೃತ್ತ ಜಾಲ್ಲೆ ಉಪರಾಂತ ಉಚಿತ ಆನಿ ನೀತಿಯುಕ್ತ “ಇಂಗ್ಲೀಷ ವ್ಯಾಕರಣ ಶಿಕ್ಕೋಚೆ ನಿಜಾವ್ನು ಪ್ರಶಂಸನೀಯ. ತಾನ್ನಿ ೮೦೦ ವಿದ್ಯಾರ್ಥ್ಯಾಂಕ ಶಿಕೈಲೆ. ತೆದ್ನಾ ಬೆಂಗಳೂರ್‍ಚೆ “ಶಿಕ್ಷಣ ಜ್ಞಾನ ಪತ್ರಿಕೆಚೆ ಸಂಪಾದಕ ಶ್ರೀ ಎಸ್.ವಿ. ನಾಗರಾಜ ಹಾನ್ನಿ ಅಂಕೋಲೆಕ ಎವ್ನು ಹಾಂಕಾ “ಶಿಕ್ಷಣ ಸೇವಾ ರತ್ನಮ್ಹೋಣು ಪ್ರಶಸ್ತಿ ದೀವ್ನು ಸಂಮಾನು ಕೆಲ್ಲೆಲೋ ಉಲ್ಲೇಖನೀಯ.
ಆತ್ತ ೮೨ ವಯಾರಿ ಭಿ ಅನಾರೋಗ್ಯ ಸ್ಥಿತಿಂತು ಎಮ್.ಎ., ಎಮ್.ಇಡಿ, ಬಿ.ಎ.ಬಿ‌ಎಡ್ ಪದವೀಧರ ವಿದ್ಯಾರ್ಥ್ಯಾಂಕ ಇಂಗ್ಲೀಷ ಬೋಧನ ಕೊರ್‍ಚೆ ಸರ್ವಾಂಕ ಆದರ್ಶನೀಯ. ಮ್ಹಳ್ಳೆಲೆ ಶ್ರೀ ಕಾಮತಾಂಗೆಲೆ ಜೀವನಾಚೆ ಧ್ಯೇಯ ಮ್ಹೋಣು ಪ್ರತ್ಯೇಕ ಜಾವ್ನು ಸಾಂಕಾ ಮ್ಹೋಣು ನಾ. ದಯಾಮಯ ಜಾಲೇಲೊ ಪರಮಾತ್ಮು ಹಾಂಕಾ ಆಯುರಾರೋಗ್ಯ ದೀವ್ನು ಹಾಂಗೆಲೆ ಶಿಕ್ಷಣ ಸೇವಾ ಅಶೀಂಚಿ ಮುಖಾರ ಚಲೊಂ ಮ್ಹಳೆಲೆ ಸರಸ್ವತಿ ಪ್ರಭಾಚೆ ಮಾಗಣಿ. ತಶ್ಶಿಚಿ ತಾಂಕಾಯಿ ಹೇ ಮೂಖಾಂತರ ಅಭಿನಂದನ ಪಾವಯ್ತಾ ಆಸ್ಸ.

ಕೊಂಕಣಿ ಪದ

ಬಾಳಂತಿಕ ಮ್ಹೊಣು ಕೆಲ್ಲಾ ರಾಂದೊ; ಮ್ಹಾರಗ ಜಾಲ್ಲೊ ಕಾಂದೊ
ಪ್ರೀತಿಕ ಪ್ರಾಯು ದೇಡು; ತಿಗೇಲೆ ಮಾತ್ತೆಕ ಜಾಲ್ಲಾ ಕರವಡು
ಚರ್ಡುಂವಾ ಜಗಡಿ ಜೋರು; ಮಾಕ್ಕಾ ಜಾತ್ತ ಬೋರು
ಗಟ್ಟುಳ ಆಸ್ಸ ಮೈಸೂರ ಪಾಕು; ಕಾತ್ತರೂಕ ಜಾವ್ಕಾ ಚಾಕು
ಚೋರ್ನು ಪಿಲ್ಲಿಲೆ ದೂದ; ಮಾಜ್ರಾಕ ಪಳೈಲ್ಯಾರಿ ತಿಕ್ಕಾ ಕ್ರೋದು
ಅಚಾನಕ್ ಆಯ್ಲೊ ದೇರು; ಜೆವ್ಣಾಕ ವಾಳ್ಳೊ ಸಾರು
ಆಮ್ಮಾನ ಕೆಲ್ಲೆ ಪತ್ರಾಡೆ ಳೋಳೊ; ಲಚಾಂಡಿಕ ವ್ಹಡು ತಾಳೊ
ರೂಚಿ ಆಶ್ಶಿಲೆ ಮಸಿಂಗಾ ದೆಂಟೊ; ಮಾಸಳಿಕ ಆಸ್ಸ ಕಾಂಟೊ
ರಾಮಪ್ಪಾಲೆ ನಾತ್ತು; ಕೆದ್ನಾ ಪಿತ್ತಾ ಶರಬತ್ತ
ಮುಖ್ಯಮಂತ್ರಿಲೆ ಪತ್ತೊ; ಹೇ ಸರ್‍ವಾಂಕ ಗೊತ್ತು
ಹೇಂ ಕೊಂಕಣಿ ಮಹತ್ವ; ವಾಜ್ಜೀಚಾಕ ಕಿತ್ಲೆ ಗಮ್ಮತ್ತ
- ಶ್ರೀಮತಿ ಕಲಾವತಿ ಕಾಮತ ಹುಬ್ಬಳ್ಳಿ.

ಶ್ರೀ ದುರ್ಗಾ ಹೊನ್ನಮ್ಮ ದೇವಳ, ಸಿದ್ದಾಪೂರ

ಸಿದ್ದಾಪೂರ್‍ಚೆ ತೊಗ್ಗೂ ಪೇಂಟಾಚೆ ಶ್ರೀ ದುಗಾ ಹೊನ್ನಮ್ಮ ದೇವಿಲೆ ಮೂಲಸ್ಥಾನಾಂತು ಪ್ರತಿಷ್ಠಾ ವರ್ಧಂತ್ಯುತ್ಸವು ತಾ. ೩-೪-೧೪ ಆನಿ ೪-೪-೨೦೧೪ ದಿವಸು ಪ್ರಾರ್ಥನ, ಕಲಾಸಾನಿಧ್ಯ ಹವನ, ಶತಕಲಶಾಭಿಷೇಕ, ಮಂಗಲನಿರೀಕ್ಷಣ, ಪಟ್ಟಕಾಣಿಕಾ, ಮಹಾಮಂಗಳಾರ್ತಿ, ದರ್ಶನ ಸೇವಾ, ಮಹಾಸಂತರ್ಪಣ, ಪೇಂಟಾಚೆ ಪಾಲಂಖೀ ಉತ್ಸವು, ವಸಂತ ಪೂಜಾ , ಫುಲ್ಲಾ ಪೂಜಾ, ಅನ್ನ ಸಂತರ್ಪಣ, ಉದಯಾಸ್ತಮಾನ ಸೇವಾ, ಕುಂಕುಮಾರ್ಚನ, ಜಟ್ಟಿಗೇಶ್ವರಾಕ ನಾರ್‍ಲು-ಗೋಡ ಅರ್ಪಣ ಇತ್ಯಾದಿ ಧಾರ್ಮಿಕ ಕಾರ್ಯಾವಳಿ ಬರಶಿ ವಿಜೃಂಭಣೇರಿ ಚಲ್ಲೆ. ಹೇ ದೇವಳಾಂತು ಪ್ರತಿ ಮೈನೋ ಪಯ್ಲೆ ಭುಧ್ವಾರ ದರ್ಶನ ಸೇವಾ ಆಸ್ತಾ. ಚಡ್ತೆ ಮಾಹಿತಿ ಖಾತ್ತಿರಿ ದೇವುಳಾಚೆ ಕಮಿಟಿ ಅಧ್ಯಕ್ಷ ಶ್ರೀ ಸುಧೀರ್ ಜೆ. ನಾಯಕ್ (ಪೋನ್ : ೦೯೫೯೪೨೯೧೯೩೯) ಜಾಂವೊ ಕಾರ್ಯದರ್ಶಿ ಶ್ರೀ ಬಾಲರಾಜ ನಾಯಕ್ (ಪೋನ್ : ೦೯೦೨೯೩೪೮೩೨೮) ಹಾಂಕಾ ಸಂಪರ್ಕು ಕೊರಯೇತ.

ಶ್ರೀ ಚೌಡೇಶ್ವರಿ ಮಹಾಲಸಾ ದೇವುಳ, ಕಾರ್ಗಲ್

ಸಾಗರ ತಾ||ಚೆ ಪ್ರಸಿದ್ಧ ಕಾರ್ಗಲ್ ಶ್ರೀ ಚೌಡೇಶ್ವರಿ ಮಹಾಲಸಾ ದೇವುಳಾಚೆ ೧೬ಚೆ ವರ್ಧಂತಿ ಉತ್ಸವು ಆನಿ ರಥೋತ್ಸವು ತಾ. ೧೭-೩-೨೦೧೪ ಥಾಕೂನು ೧೯-೩-೨೦೧೪ ಪರ್ಯಂತ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ಮಾರ್ಚ್ ೧೭ಕ ಶ್ರೀ ದೇವತಾ ಪ್ರಾರ್ಥನಾ, ಸರ್ವಾಲಂಕಾರ ಪೂಜನ, ಮಹಾ ಅನ್ನ ಸಂತರ್ಪಣ, ಪ|ಪೂ|ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಕ ಪೂರ್ಣಕುಂಭ ಸ್ವಾಗತ, ಶ್ರೀ ಮಾರುತಿ ರಂಗಮಂದಿರಾಂತು ಶಾಳಾ ಚೆರ್ಡುವಾಂಕ ಪ್ರತಿಭಾ ಪುರಸ್ಕಾರ, ಶ್ರೀ ಮಾರುತಿ ಪ್ರತಾಪ ಯಕ್ಷಗಾನ ಪ್ರದರ್ಶನ ಚಲ್ಲೆ. ಮಾರ್ಚ್ ೧೮ಕ ಸಾಮೂಹಿಕ ಗಣೋಮು, ಮಹಾ ಅನ್ನ ಸಂತರ್ಪಣ, ರಥೋತ್ಸವು, ಪ|ಪೂ|ಸ್ವಾಮ್ಯಾಂಗೆಲೆ ಪಾದ್ಯ ಪೂಜಾ, ಆನಿ ಸ್ವಾಮ್ಯಾಂಗೆಲೆ ಪಾದ್ಯಪೂಜಾ ಆನಿ ಸ್ವಾಮ್ಯಾ ಥಾಕೂನು ಆಶೀರ್ವಚನ, ರೂಪಕಲಾ ತಂಡ, ಕುಂದಾಪುರ ಹಾಜ್ಜೆ ಸದಸ್ಯ ಥಾಕೂನು ನಾಟಕ ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ಕಡೇರ್‍ಚೆ ದಿವಸು ಮಾರ್ಚ್ ೧೯ಕ ನವಚಂಡಿ ಹವನ, ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜನ, ಸರ್ವಾಲಂಕಾರ ಪೂಜನ, ಮಹಾ ಅನ್ನಸಂತರ್ಪಣ, ಚರ್ಡುಂವಾಲೆ ಕೃಷ್ಣವೇಷ ಪ್ರದರ್ಶನ, ನೃತ್ಯಸಂಜೆ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಹೇ ದೇವ್ಳಾ ಖಾತ್ತಿರಿ ಖಂಚೇ ಮಾಹಿತಿ ಜಾವ್ಕಾ ಜಾಲ್ಯಾರಿ ಪೋನ್ ನಂ. ೯೪೪೮೧೨೪೩೫೭ ಹಾಂಕಾ ಸಂಪರ್ಕು ಕೊರಯೇತ.

ಶ್ರೀ ಶಾಂತಿಕಾ ಪರಮೇಶ್ವರಿ ದೇವಳ, ಕುಮಟಾ

ಕುಮಟಾಚೆ ಶಾಂತಿಕಾ ಪರಮೇಶ್ವರಿ ದೇವಳಾಚೆ ಸಹಸ್ರಚಂಡಿ ಮಹಾಯಾಗಾಚೆ ಸಾಂಗತ್ಯ ಪ್ರತಿಷ್ಠಾವರ್ಧಂತಿ ತಾ. ೪-೩-೧೪ ಥಾಕೂನು ೯-೩-೧೪ ಪರ್ಯಂತ ಎಡನೀರು ಮಠಾಚೆ ಶ್ರೀ ಶ್ರೀ ಕೇಶವಾನಂದ ಭಾರತಿ ಸ್ವಾಮೀಜಿ ಹಾಂಗೆಲೆ ಉಪಸ್ಥಿತಿ ಆನಿ ಮಾರ್ಗದರ್ಶನಾರಿ ವಿಜೃಂಭಣೇರಿ ಚಲ್ಲೆ. ತತ್ಸಂಬಂಧ ವರ್ಧಂತಿ ಉತ್ಸವು, ಸಹಸ್ರಚಂಡಿ ಮಹಾಯಾಗ, ಶ್ರೀ ಸತ್ಯನಾರಾಯಣ ವೃತಾಚರಣ, ರುಪ್ಪೆಚೆ ಫುಲ್ಲಾ ರಥಾಂತು ಶ್ರೀ ದೇವಿಲೆ ನಗರೋತ್ಸವು, ಪುಕ್ಕಟ ಆಯುರ್ವೇದ ಆರೋಗ್ಯ ತಪಾಸಣಾ ಶಿಬಿರ, ವಿವಿಧ ನೃತ್ಯ, ನಾಟಕ, ಗಾನ, ಭಕ್ತಿಸುಧಾ, ಉಪನ್ಯಾಸ, ಯಕ್ಷಗಾನ ಪ್ರದರ್ಶನ  ಇತ್ಯಾದಿ ಸಾಂಸ್ಕೃತಿಕ ಕಾರ್ಯಕ್ರಮು, ಉಪನ್ಯಾಸ ಇತ್ಯಾದಿ ಚಲೇಲೆ ಖಬ್ಬರ ಮೆಳ್ಳಾ.

ಶ್ರೀ ಮಹಾಲಕ್ಮೀ ರವಳನಾಥ ದೇವುಳ, ಹಿರೇಗುತಿ

ಕುಮಟಾ ತಾ|| ಹಿರೇಗುತ್ತಿ ಶ್ರೀ ಮಹಾಲಕ್ಷ್ಮೀ ರವಳನಾಥ ದೇವಾಲೆ ೩೫ಚೆ ಪ್ರತಿಷ್ಠಾ ವರ್ಧಂತಿ ಉತ್ಸವು ತಾ. ೧೮-೩-೨೦೧೪ ದಿವಸು ಪ್ರಾರ್ಥನ, ಲಘುರುದ್ರ ಹವನ, ಶಿಯಾಳ- ಪಂಚಾಮೃತಾಭಿಷೇಕ, ಕುಂಕುಮಾರ್ಚನ, ಮಹಾ ಮಂಗಳಾರ್ತಿ, ಮಹಾ ಸಂತರ್ಪಣ , ಹರಿನಾಮ ಸಂಕೀರ್ತನ, ಪಾಲಂಖೀ ಉತ್ಸವು, ದರ್ಶನ ಮುಖೇನ ಪ್ರಸಾದ ವಿತರಣ, ಮಹಾ ಸಭಾ ಇತ್ಯಾದಿ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಚಲ್ಲೆ.
ಮುಖಾರಿ ತಾ. ೨೨-೪-೧೪ಕ ಶ್ರೀ ಗರುಡ ಆರೋಹಣ, ೨೩-೪-೧೪ಕ ಶ್ರೀ ದೇವಾಲೆ ಬ್ರಹ್ಮರಥೋತ್ಸವು, ೨೪-೪-೧೪ಕ ಅವಭೃತೋತ್ಸವು ಚೊಲ್ಚೆ ಆಸ್ಸುನು ಭಕ್ತ ಬಾಂಧವಾನಿ ಚಡ್ತೆ ಸಂಖ್ಯಾರಿ ತನು-ಮನ-ಧನಾನಿ ವಾಂಟೊ ಘೇವ್ಕಾ ಮ್ಹೊಣು ದೇವುಳ ತರಪೇನ ವಿನಂತಿ ಆಸ್ಸ. ಹೇ ದೇವುಳಾಂತು ಚೊಲ್ಚೆ ಸೇವೆ ಇನ್ನಿತರ ಖಂಚೇ ಮಾಹಿತಿ ಜಾವ್ಕಾ ಜಾಲೇಲ್ಯಾನ ಪೋನ್ ೯೭೪೧೬೪೪೯೩೭ ಹಾಂಗಾಕ ಸಂಪರ್ಕು ಕೊರಯೇತ.

ಶ್ರೀ ಮಹಾಲಸಾ ದೇವುಳ, ಮಾದನಗೇರಿ

ಪ|ಪೂ|ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ದಾಕೂನು ಪುನರ್ ಪ್ರತಿಷ್ಠಾ ಜಾಲೇಲೆ ಮಾದನಗೇರಿಚೆ ಶ್ರೀ ಮಹಾಲಸಾ ಸಿದ್ಧಿವಿನಾಯಕ ದೇವಾಲೆ ವರ್ಧಂತಿ ಉತ್ಸವು ತಾ. ೨೧-೩-೨೦೧೪ ದಿವಸು ಪ್ರಾರ್ಥನ, ಶ್ರೀ ಮಹಾಲಸಾ ದೇವಾಕ ಶತಕಲಶಾಭಿಷೇಕ,ಶ್ರೀ ಸಿದ್ದಿವಿನಾಯಕ ದೇವಾಕ ಅಥರ್ವಶೀರ್ಷ ಅಬಿಷೇಕ, ಮಹಾ ಮಂಗಳಾರ್ತಿ, ಮಹಾ ಅನ್ನಸಂತರ್ಪಣ, ಪ|ಪೂ| ಸ್ವಾಮ್ಯಾಂಗೆಲೆ ಶುಭಾಗಮನ, ದರ್ಶನ ಇತ್ಯಾದಿ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ.

ಶ್ರೀ ಲಕ್ಷ್ಮೀನಾರಾಯಣದೇವಳ, ಹನುಮಟ್ಟಾ

ಅಂಕೋಲೆ ತಾ|| ಹನುಮಟ್ಟಾ ವಂದಿಗೆಚೆ ಶ್ರೀ ಲಕ್ಷ್ಮೀನಾರಾಯಣ ಮಹಾಮಾಯಾ ದೇವಳಾಂತು ಕಲಾಭಿವೃದ್ಧಿ ಮಹೋತ್ಸವ ಸ್ಮರಣಾರ್ಥ ಶತಚಂಡಿ, ಲಘುವಿಷ್ಣು ಹವನ ತಾ. ೧೮-೨-೧೪ ದಾಕೂನು ೨೦-೨-೨೦೧೪ ಪರ್ಯಂತ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ನೈಶಿ ಶ್ರೀ ದೇವಳಾಂತು ಸುಗ್ಗೀ ಉತ್ಸವು ತಾ. ೧೮-೩-೨೦೧೪ ದಿವಸು ಚಲೇಲೆ ಖಬ್ಬರ ಮೆಳ್ಳಾ.
ಶುಭ ವಿವಾಹ
ಚಿ|| ಹರೀಶ ಶೆಣೈ(ಶ್ರೀಮತಿ ಸುಲೋಚನಾ ಶೆಣೈ ಆನಿ ದಿ|| ಪ್ರಕಾಶ ಶೆಣೈ ಹಾಂಗೆಲ ಪೂತು) ಆನಿ ಚಿ||ಸೌ|| ಶಿಲ್ಪಶ್ರೀ (ಶ್ರೀಮತಿ ಸುಧಾ ಕೆ. ಕಾಮತ್ ಆನಿ ಶ್ರೀ ಕೇಶವ ಕಾಮತ್, ಶಿವಮೊಗ್ಗ ಹಾಂಗೆಲೆ ಧೂವ) ಹಾಂಗೆಲೆ ಲಗ್ನ ತಾ. ೨೩-೨-೨೦೧೪ ದಿವಸು ಶಿವಮೊಗ್ಗ ಜಿ.ಎಸ್.ಬಿ. ಕಲ್ಯಾಣ ಮಂದಿರಾಚೆ ಶ್ರೀ ಸುಧೀಂದ್ರ ಸಭಾಗೃಹಾಂತು ವಿಜೃಂಭಣೇರಿ ಚಲ್ಲೆ. ಆನಿ ನವೀನ ವ್ಹರೆತು-ವ್ಹಕಲ್ಯಾಲಿ ಗರ್ಭರೋಹಣ ತಾ. ೨೪-೨-೨೦೧೪ ದಿವಸು ಚಲ್ಲೆ.  ವ್ಹರೇತು, ವ್ಹಕಳ್ಯಾಂಕ ಆಮ್ಗೆಲೆ ಶುಭಾಶಯು.

ಶ್ರೀ ಸುರೇಂದ್ರ ಪಾಲನಕರ ಹಾಂಕಾ “ಕಲಾರತ್ನ ಪ್ರಶಸ್ತಿ

ಹುಬ್ಬಳ್ಳಿಚೆ ಖ್ಯಾತ ಜಾದುಗಾರು ಆನಿ ಶ್ಯಾಡೋಫ್ಲೇ ಕಲಾವಿದ ಶ್ರೀ ಸುರೇಂದ್ರ ಪಾಲನಕg ಹಾಂಕಾ ಆಲ್ತಾಂತು ಧಾರವಾಡಾಂತು ಕನ್ನಡ ಆನಿ ಸಂಸ್ಕೃತಿ ಇಲಾಖೆ ತರಪೇನ ಚಲೇಲೆ ಸಾಂಸ್ಕೃತಿಕ ಕಲಾಮೇಳ ಕಾರ್ಯಕ್ರಮಾಂತು  ಕಲಾರತ್ನ ಪ್ರಶಸ್ತಿ ದೀವ್ನು ಸತ್ಕಾರ ಕೆಲ್ಲೆ. ಹೇ ಸಂದರ್ಭಾರಿ ಮಾಜಿ ಶಾಸಕ ಶ್ರೀ ಚಂದ್ರಕಾಂತ ಬೆಲ್ಲದ, ಶ್ರೀ ಪ್ರಕಾಶ ಮಲ್ಲಿಗವಾಡ, ಶ್ರೀ ಅಶೋಕ ಚಲವಾದಿ, ಶ್ರೀ ಕೆ.ಎಚ್. ಚನ್ನೂರ ಆದಿ ಗಣ್ಯ ಉಪಸ್ಥಿತ ವ್ಹರಲೀಲೆ. ಶ್ರೀ ಪಾಲನಕರ ಹಾನ್ನಿ ಘೆಲೇಲೆ ೨೭ ವರ್ಷಾ ದಾಕೂನು ಜಾದುಗಾರ ಜಾವ್ನು ಕರ್ನಾಟಕ ಸಮೇತ ಮಹಾರಾಷ್ಟ್ರ, ಗೋಂಯ, ಕೇರಳಾಂತು ಸುಮಾರ ಹಜಾರಾ ಪಶಿ ಚ್ಹಡ ಕಾರ್ಯಕ್ರಮ ದೀವ್ನು ನಾಂವ ಪಾವ್ಲಿಂತಿ. ಹಾನ್ನಿ ಮಾತೃಭಾಷಾ ಕೊಂಕಣಿ ಸಮೇತ ಕನ್ನಡ, ಮರಾಠಿ, ಹಿಂದಿ ಭಾಷೆಂತು ಜಾದು ಪ್ರದರ್ಶನ ದಿತ್ತಾತಿ. (ಮಾಹಿತಿಕ : ೯೮೪೪೧೮೪೦೪೪)

ಧಾರವಾಡಾಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷು

‘ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಕ ಏಕ ನವೀನ ದಿಶಾ ದಿವ್ಕಾ ಮ್ಹೊಣು ಆಪಣಾಲೆ ಆಶಯು. ಕೊಂಕಣಿ ಉರ್‍ಕಾ ಜಾಲ್ಯಾರಿ ತ್ಯಾ ವಾಜ್ಜುಚೆ ಆನಿ ವಾಪರ್‍ಚೆ ತಶ್ಶಿ ಭವಿಷ್ಯಾಚೆ ನಾಗರಿಕ ಜಾಲೇಲೆ ಚೆರ್ಡುಂವಾಂಕ ತಯಾರ ಕೋರ್‍ಕಾ. ಹೇ ಖಾತ್ತಿರಿಚಿ ಆಪ್ಪಣ ಆಪಣಾಲೆ ಅಧಿಕಾರಾವಧಿಂತು ಚ್ಹಡ ನಜರ ಘಾಲ್ತಾ. ಅಶ್ಶಿ ಮ್ಹೊಣು ಕನಾಟಕ ಕೊಂಕಣಿ ಅಕಾಡೆಮಿಚೆ ನೂತನ ಅಧ್ಯಕ್ಷ ಶ್ರೀ ರೊನಾಲ್ಡ್(ರೊಯ್) ಕ್ಯಾಸ್ಟಲಿನೊ ತಾನ್ನಿ ಸಾಂಗ್ಲೆ. ತಾನ್ನಿ ಕೊಂಕಣಿ ಅಕಾಡೆಮಿ ಅಧ್ಯಕ್ಷ ಜಾಲ್ಲ ಮಾಗಿರಿ ಪ್ರಪ್ರಥಮ ಜಾವ್ನು ಮಾರ್ಚ ೨೦ಕ ಧಾರವಾಡಾಕ ಆಯ್ಯಿಲ ತೆದ್ನಾ ಚಲೇಲೆ ಕೊಂಕಣಿ ಲೋಕಾಂಗೆಲೆ ಏಕ ಸಭಾಂತು ಉಲೈತಾಶ್ಶಿಲೆ. ಹೇ ಸಂದರ್ಭಾರಿ ಆಪಣಾಲೆ ಅಭಿಪ್ರಾಯು ವಾಂಟೂನು ಘೆತ್ತಿಲೆ ಸರಸ್ವತಿ ಪ್ರಭಾಚೆ ಸಂಪಾದಕ ಆರ್‍ಗೋಡು ಸುರೇಶ ಶೆಣೈನ “ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಮೂಲ ಉದ್ದೇಶ ‘ಕೊಂಕಣಿ ಸಾಹಿತ್ಯಾಕ ಮದ್ದತ್ ದಿವ್ಚೆ. ಜಾಲ್ಯಾರಿ ಹೇ ಖಾತ್ತಿರಿ ಇತ್ತುಲೆ ದಿವಸಾಂತು ಆಕಾಡೆಮಿ ದಾಕೂನು ಚಲೇಲೆ ಸಾಧನ ಮಸ್ತ ಊಣೆ ತ್ಯಾ ಖಾತ್ತಿರಿ ತುಮಗೇಲೆ ಅಧಿಕಾರವಧಿಂತು ಪೂಣಿ ಕೊಂಕಣಿ ಸಾಹಿತ್ಯ, ಪುಸ್ತಕ ಪ್ರಕಟಣ ಆನಿ ಪತ್ರಿಕೋದ್ಯಮಾಕ ಪ್ರೋತ್ಸಾಹ ದೀವ್ಕಾ ಮ್ಹಣ್ಚೆ ಮಾಗಣಿ ದವರ್‍ಲೆ. ಹಾಕ್ಕಾ ಸಕಾರಾತ್ಮಕ ಜಾವ್ನು ಪ್ರತಿಕ್ರಿಯಾ ದಿಲೇಲೆ ಶ್ರೀ ಕ್ಯಾಸ್ಟಲಿನೊ ತಾನ್ನಿ ಕೊಂಕಣಿ ಪುಸ್ತಕ ವಿಕ್ರಯ ಕೊರಚಾಕ ಮೊಬೈಲ್ ವ್ಯಾನಾ ವ್ಯವಸ್ಥಾ ಕೊರಚೆ, ಆನಿ ಕೊಂಕಣಿಂತು ಪ್ರಕಟ ಜಾಲೇಲೆ ಪುಸ್ತಕಾಚೆ ರೂ. ೧೦,೦೦೦/- ಮೌಲ್ಯಾಚೆ ಪ್ರತಿ ಘೆವ್ಚೆ ವ್ಯವಸ್ಥಾ ಕೊರ್‍ಚೆ ಭರ್‍ವಸ ದಿಲ್ಲಿಂತಿ. ಆನಿ ಶಾಳೆಂತು  ಚ್ಹಡ ಚ್ಹಡ ವಿದ್ಯಾರ್ಥಿ ಲೋಕಾನಿ ಕೊಂಕಣಿ ಶಿಕಲ್ಯಾರಿ ಮುಖಾರಿ ಕೊಂಕಣಿ ವಾಚಪಾಲೆ ಅಂಕಡೊ ವೃದ್ಧಿ ಜಾತ್ತಾ ತ್ಯಾ ಖಾತ್ತಿರಿ ಆಪ್ಪಣ ವಾವ್ರೊ ಕರ್ತಾ ಮ್ಹಣ್ಚೆ ಭರ್‍ವಸ ದಿಲ್ಲಿಂತಿ. ಆನಿ ಅವುಂದು ವರ್ಷಾಚೆ ಪ್ರಶಸ್ತಿ ವಿತರಣ ಸಮಾರಂಭ ಧಾರವಾಡಾಂತು ಕೊರಚಾಕ ಠರಯಲಾ ಮ್ಹೊಣೂ ತಾನ್ನಿ ಸಾಂಗ್ಲೆ. ಧಾರವಾಡಾ ದಾಕೂನು ಕರ್ನಾಟಕ ಕೊಂಕಣಿ ಅಕಾಡೆಮಿಕ ನಿಯಕ್ತ ಜಾಲೇಲೆ ಸಾಂದೊ ಆಕಾಶವಾಣಿಚೆ ನಿವೃತ್ತ ನಿರ್ದೇಶಕ ಡಾ|| ಚೇತನ ಕುಮಾರ ನಾಯ್ಕ ತಾನ್ನಿ ಸುರವೇಕ ಸರ್ವಾಂಕ ಯೇವ್ಕಾರ ಕೋರ್ನು ಹೇ ಸಮಾರಂಭ ಯಶಸ್ವಿ ಕೊರಚಾಕ ಸರ್ವಾಲೆ ಸಹಕಾರ ಮಾಗ್ಲಿಂತಿ. ಆನಿ ಸಭೆಕ ಅಧ್ಯಕ್ಷ್ಯಾಂಗೆಲೆ ಒಳಕ ಕೋರ್ನು ದಿಲ್ಲೆ. ಸಭಾಕ ಆಯ್ಯಿಲೆ ಸರ್ವ ಮಹನೀಯಾನಿ ಕೊಂಕಣಿ ಭಾಷಾಭಿವೃದ್ಧಿ ಖಾತ್ತಿರಿ ತಾಂಗ ತಾಂಗೆಲೆ ಅಭಿಪ್ರಾಯು ವ್ಯಕ್ತ ಕೆಲ್ಲಿ. ಜಿ.ಎಸ್.ಬಿ. ಸಮಾಜಾಚೆ ಕಾರ್ಯದರ್ಶಿ ಶ್ರೀ ರಾಮಚಂದ್ರ ಶಾನಭಾಗ ತಾನ್ನಿ ಕಡೇರಿ ಸರ್ವಾಂಕ ಆಭಾರ ಮಾನಲೆ.
ಹೇ ಸಭೆಕ ಧಾರವಾಡ ಜಿ.ಎಸ್.ಬಿ. ಸಮಾಜಾಧ್ಯಕ್ಷ ಶ್ರೀ ಗಂಗಾಧರ ನಾಯಕ್, ಗೌರವ ಕಾರ್ಯದರ್ಶಿ ಶ್ರೀ ರಾಮಚಂದ್ರ ಶಾನಭಾಗ, ಪ್ರಖ್ಯಾತ ವೈದ್ಯ ಡಾ|| ರಾಜನ್ ದೇಶಪಾಂಡೆ, ಖ್ಯಾತ  ಗಾಯಕಿ ಶ್ರೀಮತಿ ಅನುರಾಧಾ ಧಾರೇಶ್ವರ, ಆಕಾಶವಾಣಿಚೆ ನಿವೃತ್ತ ಸುದ್ಧಿವಾಚಕ ಶ್ರೀ ನಾಗೇಶ ಶಾನಭಾಗ, ಆಕಾಶವಾಣಿ ಧಾರವಾಡಾಚೆ ಕೊಂಕಣಿ ವಿಭಾಗಾಚೆ ಶ್ರೀ ಅರುಣ ನಾಯಕ್, ಶ್ರೀಮತಿ ನೀಲಾವರ ಸರಸ್ವತಿ ಪ್ರಭಾಚೆ ಆರ್‍ಗೋಡು ಸುರೇಶ ಶೆಣೈ, ಆದಿ ಮಹನೀಯ ಆಯ್ಯಿಲೆ.

ಕೊಂಕಣಿ ಅಕಾಡೆಮಿಕ ನೇಮಕ

ಕರ್ನಾಟಕ ಕೊಂಕಣಿ ಅಕಾಡೆಮಿಕಚೆ ನೂತನ ಸದಸ್ಯ ಜಾವ್ನು ಉ.ಕ ಕೋಡಕಣಿಚೊ ಡಾ. ಅರವಿಂದ ಚಂದ್ರಕಾಂತ ಶ್ಯಾನಭಾಗ ಹಾಂಕಾ ನೇಮಕ ಕೆಲ್ಯಾ. ಡಾ. ಅರವಿಂದ ಶ್ಯಾನಭಾಗ ಹಾ ಸಂಸ್ಕೃತ ವಿಷಯಾಂತು ಎಂ.ಎ. ಪಿ.ಎಚ್.ಡಿ. ಪದವೀಧರ,  ಹಾನ್ನಿ ಸ್ನಾತಕೋತ್ತರ ಅಧ್ಯಯನಾಂತು ತೀನ ಭಾಂಗ್ರಾ ಪದಕ ಘೆಯ್ಲಾ. ಸಮಾಜಸೇವೆಂತು ಆಸಕ್ತ ಆಶ್ಚೆ ಹಾನ್ನಿ ಸ ಪಂತ ರಕ್ತದಾನ ಕೆಲ್ಯಾ. ರಾಷ್ಟ್ರೀಯ ಯುವ ಯೋಜನೆ, ರಾಷ್ಟ್ರೀಯ ಸೇವಾ ಯೋಜನೆಚೆ ಸ್ವಯಂಸೇವಕ ಜಾವ್ನು ಧಾರವಾಡ ವಿಶ್ವವಿದ್ಯಾಲಯಾಂತ್ಲೆನ ರಾಷ್ಟ್ರಸ್ತರಾಚೆ ನಾಯಕತ್ವ ಶಿಬಿರಾಂತು ಭಾಗ ಘೇವ್ನು, ಚಾಂಗ ಸ್ವಯಂಸೇವಕ ಪ್ರಶಸ್ತಿ ಪಾವೋನು ಘೆತ್ಲಾ. ಕೊಂಕಣಿ ಸಾಹಿತ್ಯಾಕ ಸಂಬಂಧಿತ ಸರಸ್ವತಿ ಪ್ರಭಾ ಆನಿಕ ಕೊಡಿಯಾಲ ಖಬರ ಪತ್ರಿಕೆಂಕ ಖಬರಿ, ಬರೋಪಿ ಜಾವ್ನು ಸೇವೆ ಕೆಲ್ಲಾ. ಕರಾವಳಿ ಮುಂಜಾವು, ಕನ್ನಡ ಜನಾಂತರಂಗ ದಿನಪತ್ರಿಕೆಕ ಉಪ ಸಂಪಾದಕ ಜಾವ್ನು ಸೇವೆ ಕೆಲ್ಲಾ. ಆತ್ತ ದೋನ ವರ್ಷ ಧೋರ್ನು ಬಿಜಾಪುರಾಚೆ ಸಂತ ಜೋಸೇಫ್ ಆಂಗ್ಲಮಾಧ್ಯಮ ಪ್ರೌಢಶಾಲೆಚೊ ಸಂಸ್ಕೃತ ಅಧ್ಯಾಪಕ ಜಾವ್ನು ಅರವಿಂದ ಶ್ಯಾನಭಾಗ ಕಾರ್ಯನಿರ್ವಹಣ ಕರ್ತಾ ಆಸ್ಸಾ. ಕೊಂಕಣಿ ಅಕಾಡೆಮಿಚೆ ಪದವಿಪೂರ್ವ ಶಿಕ್ಷಣ ಸ್ತರಾಚೆ ಪಠ್ಯಪುಸ್ತಕ ನಿರ್ಮಾಣ ಕರ್ಚೆ ಸಮಿತಿಚೊ ಸದಸ್ಯ ಜಾವ್ನು ಹಾನ್ನಿ ಕಾಮ ಕೆಲ್ಯಾ. ಮಂಗಳೂರಾಚೆ ಸಿಂಚನ ಸೇವಾ ಸಂಸ್ಥೆಚೊ ಸದಸ್ಯ ಜಾವನು ಹಾನ್ನಿ ಆಮ್ಚಿಂಗೆಲೆ  ಮ್ಹಣ್ಚೆ ಕೊಂಕಣಿ ಶಬ್ಧಕೋಶ ಡಾ. ದೇವದಾಸ ಪೈ, ಡಾ. ಜಯವಂತ ನಾಯಕ ಹಾಂಗೆಲೆ ಸಾಂಗತ ಮೇಳ್ನು ಕೆಲ್ಯಾ. ರಾಜ್ಯ ಸ್ತರಾಚೆ ಪ್ರತಿಭಾ ಕಾರಂಜಿಂತು ಕೊಂಕಣಿ ವಿಷಯಾಚೆ ಭಾಷಣ ಸ್ಪರ್ಧೆಕ ನಿರ್ಣಾಯಕ ಜಾವ್ನು ಕಾಮ ಕೆಲ್ಲಾ. ಬಿಜಾಪುರ ಆಕಾಶವಾಣಿಂತು ಹಾಂಗೆಲೆ ಚಿಂತನ ಪ್ರಸಾರ ಜಾಲ್ಯಾ. ಹಂಪಿ ವಿಶ್ವವಿದ್ಯಾಲಯಾಚೆ ವಿಜ್ಞಾನ ಸಂಗಾತಿ ಮಾಸಿಕಾಕ ಆತ್ತಾಚೆ ಚಾರ ವಷ ಧೋರ್ನು ಪ್ರಸಾರಾಂಗಾಚೆ ಲೇಖಕ ಜಾವ್ನು ಸೇವೆ ಘಡೈಲಾ. ರಾಜ್ಯಾಚೆ ಪ್ರಮುಖ ಪತ್ರಿಕೆ ಜಾವ್ನಾಶ್ಚೆ ಕರ್ಮವೀರ, ಕಸ್ತೂರಿ, ತರಂಗ, ಸುಧಾಂತು ಹಾಂಗೆಲೆ ಲೇಖನ ಪ್ರಕಟ ಜಾಲ್ಯಾ. ಕಾಳಿದಾಸ ಮಹಾಕವಿಲೆ ಮೇಘದೂತ ಕಾವ್ಯ ಕೊಂಕಣಿ ಹಾಡಿಲೆ ಶ್ರೇಯ ಹಾಂಕಾ ಮೆಳತಾ. ಪ್ರಸ್ತುತ ಹಾಂಕಾ ಉತ್ತರಕನ್ನಡ ಆನಿ ಉತ್ತರಕರ್ನಾಟಕ ಭಾಗಾಂತು ಕೊಂಕಣಿಚೆ ಪ್ರಸಾರ ಅಧಿಕ ಕೊರಚಾಕ ಅವಕಾಶ ದಿಲ್ಯಾ. *

ಇತಿಹಾಸಾಚೆ ಆಂಗ್ಣಾಂತು... ಸಾರಸ್ವತ

ಹಿಂದೂಸ್ಥಾನಾಂತು ಆಶ್ಶಿಲೆ ಜಾತಿ ವೈಷಮ್ಯ ಆನಿ ರಾಜಕೀಯಾಚೆ ಮುನಾಪೋ ಘೇವ್ನು ಪೋರ್ಚುಗೀಸ ವ್ಯಾರು ಕೊರಚೆ ನೆವನಾನ ಭಿತ್ತರಿ ರಿಗ್ಗೂನು, ಗಟ್ಟೂಳ ಜಾತ್ತಾ ವೊಚ್ಚುನು ಕ್ರಿ.ಶ. ೧೫೧೦ ಇಸ್ವೆಂತು ಗೋಂಯ ಜಿಕ್ಕೂನು ಘೆತ್ತಾತಿ. ತೆದ್ದನಾ ಸಾರಸ್ವತ ಲೋಕಾಲೆ ಪರಿಸ್ಥಿತಿ ಕಾಯ್ಲಿ ದಾಕೂನು ರಾನ್ನಿಕ ಪಳ್ಳಿಲ ವರಿ ಜಾತ್ತಾ. ಅಪಾರ ಹಿಂಸಾ, ಅಮಾನವೀಯ ಕ್ರೌರ್ಯ, ಬರ್ಬರ ದೌರ್ಜನ್ಯಾಚೆ ಮತಾಂತರ ಎದ್ರಸೂಚೆ ಕಷ್ಟ ತಾಂಕಾ ಆಯ್ಲೆ. ಸಾಸಷ್ಠಿ ಆನಿ ತೀಸವಾಡಿಂತು ಆಶ್ಶಿಲೆ ದೇವುಳ ಏಕ್ಕೇಕ ಜಾವ್ನು ದ್ವಂಸ ಕೋರ್ನು ಥಂಯಿ ಚರ್ಚ್ ಬಾಂದತಾತಿ. ದೇವುಳಾಂತು ಆಶ್ಶಿಲೆ ಅಮೂಲ್ಯ ರುಪ್ಪೆ, ಬಾಂಗಾರ, ವಜ್ರ, ವೈಡೂರ್‍ಯ ಪೂರಾ ಲೂಟಿ ಕೋರ್ನು ಮಚ್ವೇರಿ ಪೋರ್ಚುಗಲ್ಲಾಕ ದಾಡತಾತಿ.   ಬಾಯ್ಲಮನ್ಶೆಲೆ ಆಂಗಾ ವಯ್ರಿ ಆಸ್ಸುಚೆ ಆಭರಣ, ದಾಗೀನ  ವರೇಕ ಉಪ್ಪೂನು ಘೆತ್ತಾತಿ. ಮತಾಂತರಾಚೆ ಅತಿರೇಕ ಅಂತೂ ಸಾಂಗಚಾಕ  ಜಾಯ್ನಾತ್ತಿಲೆ ತಿತ್ತುಲೆ ಜೋರ ಜಾತ್ತಾ. ವ್ಹರಡೀಕ, ಮೂಂಜಿ ಇತ್ಯಾದಿ ಧಾರ್ಮಿಕ ವಿಧಿ ಕೊರಚಾಕ ನಜ್ಜ ಮ್ಹೊಣು ನಿಷೇಧ ಘಾಲ್ಲೆ. ಪೋರ್ಚುಗೀಸ ರಕ್ತ-ಮಾಂಸಾನಿ ಶೀತ, ಉದ್ದಾಕ ಅಪವಿತ್ರ  ಕರತಾತಿ. ಗರೀಬ, ದುರ್ಬಲ ಲೋಕಾಂತು ಚ್ಹಡ ಲೋಕ ಮತಾಂತರ ಜಾಲ್ಲಿಂತಿ. ಮತಾಂತರ ಜಾವಚಾಕ ನಕಾರ ಕೆಲ್ಲಿಲ್ಯಾ ಲೋಕಾಲೆ ಆಸ್ತಿ-ಪಾಸ್ತಿ ಉಪ್ಪೂನು ಘೇವ್ನು, ಮತಾಂತರಿ ಲೋಕಾಂಕ ವಾಂಟಿಲೆ. ಆನಿ ಸರ್ಕಾರಿ ನೌಕರಿಚಾನ ತಾಂಕಾ ಕಾಡ್ನು ಘಾಲ್ಲೆ. ೧೫೬೦ ಇಸ್ವೆಂತು ಏಕ ಫರ್ಮಾನ ಕಾಡ್ನು ಗೋಯ್ಚೆ ಲೋಕಾನಿ ಏಕ ಮೈನ್ಯಾ ಭಿತ್ತರಿ ಮತಾಂತರ ಪಾವ್ಕಾ, ನಾತಲೇರಿ ಏಕ ಮೈನ್ಯಾ ಭಿತ್ತರಿ ಗೋಂಯ ಸೋಡ್ನು ವಚ್ಚುಕಾ ಮ್ಹಳ್ಳೆ.  ಹಾಜ್ಜೇನ ಕೇಳೋಸಿಂತು ಆಶ್ಶಿಲೆ ಕವಳೆ ಮಠ(ತೆದ್ದನಾ ಸಾರಸ್ವತಾಂಕ ಹೇ ಏಕ್ಕಚಿ ಗುರುಪೀಠ ಆಶ್ಶಿಲೆ)ದುಷ್ಟ ಲೋಕಾಲೆ ಕುಕೃತ್ಯ ದಾಕೂನು ಆಘಾತ ಪಾವ್ಲೆ. ಮುಖಾರಿ ಮಠಗ್ರಾಮಾಂತು(ಮಡಗಾಂವ) ಸ್ಥಾಪನ ಜಾಲೇಲೆ ಮಠ ವರೇಕ ಆಘಾತಾಕ ಶಿರ್‍ಕಲೆ, ಹಾಜ್ಜೇನ ತ್ಯಾ ಮಠ ಗೋಂಯ್ಚಾನ ಬಾಯ್ರಿ ಭಟ್ಕಳಾಂತು ಸ್ಥಾಪನ ಕೆಲ್ಲೆ.
ಅಸ್ಸಲೆ ಸಂಕಷ್ಟಾಚೆ ವೇಳ್ಯಾರಿ ಜಾಲ್ಯಾರಿಚಿ ಸಾರಸ್ವತ ಲೋಕ ಪೋರ್ಚುಗೀಸಾಲೆ ದುರಾಕ್ರಮಾಚೆ ಭಯಿ ಆನಿ ಮತಾಂತರಾಚೆ ಅಮಿಷಾಕ ಬಲಿ ಜಾಯನಾಶಿ, ಚಾಣಾಕ್ಷಪಣಾನ ಕುಟುಂಬ ಸಮೇತ ವಲಸಾ ವಚ್ಚೆ ತೀರ್ಮಾನ ಘೆತ್ತಾತಿ. ತಾಜ್ಜ ಬರಶಿ ತಾಂಗೆಲೆ ಕುಲದೇವು, ಪೂಜಾ ಸಾಮಾನು, ಧಾರ್ಮಿಕ ಸಾಹಿತ್ಯ ಇತ್ಯಾದಿ ಜಾಗೃತೇನ ಘೇವ್ನು ವಚ್ಚೆಕ ವಿಸರ್ನಾತಿ. ಕೆಲವ ಲೋಕ ಸಮುದ್ರ ವಾಟ್ಟೇರಿ ಕರಾವಳಿ ಪ್ರದೇಶ ಜಾಲೇಲೆ ಕಾರವಾರ, ಅಂಕೋಲಾ, ಕುಮಟಾ, ಹೊನ್ನಾವರ, ಭಟ್ಕಳ, ಬಸರೂರು, ಗಂಗೊಳ್ಳಿ, ಮುಲ್ಕಿ, ಮಂಗಳೂರು ಆನಿ ಕೇರಳಾಚೆ ಮಂಜೇಶ್ವರ, ಕೊಚ್ಚಿಕ ಘೆಲ್ಲೆಂ. ಆನಿ ಥೊಡೆ ಲೋಕ ಆಯ್ಯಿಲೆ ದುಃಖ, ದುಮ್ಮಾನ, ಗೀಳ್ನು ಪೋಂಡಾ, ಕಾಣಕೋಣ, ಸೋಂದಾ, ಬೀಳಗಿ ಇತ್ಯಾದಿ ಪ್ರದೇಶಾಕ ವಚ್ಚುನು ರಾಬ್ಲಿಂತಿ. ತೆದ್ದನಾ ಕರಾವಳಿಂತು ರಾಯಭಾರ ಕರ್ತಾ ಆಶ್ಶಿಲೆ ಜೈನ ಮಾಂಡಳೀಕ, ಕೆಳದಿ ನಾಯಕಾನಿ ಹಾಂಕಾ ಆಶ್ರಯ ದಿಲ್ಲೆ. ಪಯ್ಲೆ ತ್ಯಾ ಪ್ರದೇಶಾಂತು ವೈದಿಕ, ಪೌರೋಹಿತ್ಯಾಕ ಚ್ಹಡ ನಜರ ಘಾಲೇಲೆ ಗೌಡ ಸಾರಸ್ವತ ಲೋಕ ಮಾಗಿರಿ ಖೇತಿ, ವ್ಯಾರು, ವೃತ್ತಿ ಕೊರಚಾಕ ಚ್ಹಡ ಮಹತ್ವ ದಿವಚಾಕ ಲಾಗ್ಲೆ. ತಶ್ಶಿ ಜಾಲ್ಯಾರಿ ಸಂಸ್ಕೃತಿಚೆ ಪಾಳ ಜಾಲೇಲೆ ಸಂಧಿ ಕೊರಚೆ, ಸ್ತೋತ್ರಾದಿ ಪಠಣ ವಿಸರ್ನಾಶಿ ಚಲ್ಲೋವನು ಘೇವ್ನು ಆಯ್ಲಿಂತಿ. ಕಷ್ಟ ಕಾಲಾಂತು, ದುಃಸ್ಥಿತಿಂತು ಆಮಗೇಲೆ ಮ್ಹಾಲ್ಗಡ್ಯಾನಿ ದಾಖಯಿಲೆ ಛಲ, ದೂರದರ್ಷಿತ್ವ, ಸ್ವಾಭಿಮಾನ, ಸ್ವಧರ್ಮಾಭಿಮಾನ, ಭಾಷಾಭಿಮಾನ ದಾಕೂನು ಮುಖಾವೈಲೆ ಮ್ಹಳಯಾರಿ ಆಯಚೆ ಪೀಳ್ಗಿಕ ಸಮಾಜಾಚೆ ಅಮೂಲ್ಯ ಸಂಸ್ಕೃತಿ, ಸಂಸ್ಕಾರ ಊರ್ನು ಆಯಲೆ ಮ್ಹಣಯೇತ. ದುರದೃಷ್ಟ ಮ್ಹಳ್ಯಾರಿ ಆಜಿ ಆಮ್ಕಾ ಸರ್ವ ಸುಖ-ಸೌಲಭ್ಯ ಆಸಲೇರಿ ಸೈತ ಮಾತೃ ಭಾಷಾಭಿಮಾನ, ಸ್ವಧರ್ಮಾಭಿಮಾನ ಊಣೆ ಜಾತ್ತಾ ಆಸ್ಸ. ಯುವಕಾರಾಂಕ ಅಂತೂ ಸ್ವಧರ್ಮಾಚರಣೆಂತು  ಖಂಚೇಯಿ ನಂಬಿಗಾ ಜಾಂವೊ ಶೃದ್ಧಾ ನಾಶಿ ಜಾಲ್ಲ್ಯ್ಲಾ.
ಖೇತಿ, ವ್ಯಾಪಾರೋದ್ಯಮಾಂತು ಬುಡ್ಡಿಲೆ ಸಾರಸ್ವತ ಆಪಣಾಂಗೆಲೆ ಕಾರ್ಯತತ್ಪರತೆನ, ವೃತ್ತಿ ಕೌಶಲ್ಯ, ಆನಿ ಚತುರತೆನ ತಾನ್ನಿ ರಾಬ್ಬಿಲೆ ಜಾಗೆಂತು ಮೆಳ್ಚೆ ಮೀರ್‍ಯಾಕಣ ಇತ್ಯಾದಿ ಉತ್ಪನ್ನ, ಕಾಟನ್, ಮಸಾಲೆ ಸಾಮಾನು ಇತ್ಯಾದಿ ಸಮುದ್ರ ವಾಟ್ಟೇರಿ ಪೆಟೈಚೆ ವ್ಯಾರು ಮಸ್ತ ಜೋರದಾರಾನಿ ಚೊಲಚಾಕ ಲಾಗಲೆ. ಮುಂಬೈ, ಮಂಚೆಸ್ಟರ್, ಲಂಡನಾಂತು ಕುಮ್ಟಾ ಸ್ಟ್ರೀಟ್ ಮ್ಹಣ್ಚೆ ಪದ ಚಾಲ್ತಿಂತು ಆಶ್ಶಿಲೆ. ಬೊಂಬೈಚೆ ಬಂದರಾಂತು ಆನ್ನಿಕೆ ಕುಮ್ಟಾ ಸ್ಟ್ರೀಟ್, ಕಾರವಾರ ಸ್ಟ್ರೀಟ್, ಮಂಗಳೂರ ಸ್ಟ್ರೀಟ್ ಮ್ಹಣ್ಚೆ ಫಲಕ ಪಳೇಚಾಕ ಮೆಳ್ತಾ.
ಸಾರಸ್ವತ ಲೋಕ ಗೋಂಯ್ಚಾನ ವಿಂಗವಿಂಗಡ ಬಗಲೇನ ವಲಸೆ ವಚ್ಚುನು, ಥಂಚೆ ಲೋಕಾ ಬರಶಿ ದೂದ-ಸಾಕ್ರೆವರಿ ಮೆಳಾವಟ್ ಜಾತ್ತಾತಿ. ತಾನ್ನಿ ವಾಡ್ಚೆ ಬರಶಿ, ಥಂಚೆ ಸ್ಥಳಿಕ ಲೋಕಾಂಕ ಉದರ್ಗತಿ ಪಾವಚಾಕ ಅವಕಾಶ ಕೋರ್ನು ದಿಲ್ಲಿಂತಿ. ಶ್ರೇಯೋಭಿವೃದ್ಧಿ ಪಾವ್ಕಾ ಜಾಲ್ಯಾರಿ ಬುದ್ಧಿ, ಶಿಕ್ಷಣ, ಚಾಣಾಕ್ಷಪಣ, ಯೋಗ್ಯತಾ, ಕಷ್ಟಸಹಿಷ್ಣು ಗುಣ, ಕಾರ್ಯಕ್ಷಮತಾ, ನಿಷ್ಠಾ ಇತ್ಯಾದಿ ಜಾವ್ಕಾ ಮ್ಹಣ್ಚೆ ಕೋಳ್ನು ತಸ್ಸಲೆ ಗೂಣ ವಾಡ್ಡೋವನು ಘೆತ್ತಿಲೆ ಸಬಾರ ಸಾರಸ್ವತ ಲೋಕ ಸ್ವಾತಂತ್ರ್ಯ ಪಯ್ಲೆ ಆನಿ ನಂತರ ಸಬಾರ ಉನ್ನತ ಹುದ್ದೆ ಘೆತ್ತಿಲೆ ಆಸ್ಸ. ತಾಂತು ಕೆಲವ ಲೋಕಾಲೆ ನಾಂವ ಸಾಂಕಾ ಮ್ಹಳಯಾರಿ ೧೬೫೦ ದಾಕೂನು ೧೭೩೩ ಪರ್ಯಂತ ವಾಂಚಿಲೆ ದಿ ರಾಮ ಕಾಮತ್ ತಾಂಗೆಲೆ ಸ್ಮರಣ ಕೋರ್‍ಕಾಚಿ ಪಡ್ತಾ. ತಾಂಕಾ ಈಸ್ಟ ಇಂಡಿಯಾ ಕಂಪನೀಚೆ ಗುರ್‍ತು ಕೋರ್ನು ಸರಾಪ ಮ್ಹೊಣು ಟಂಕಶಾಳೆಚೆ ಮುಖೇಲ ಜಾವ್ನು, ನ್ಯಾಯಾಂಗ ಸಮಿತಿ ಸದಸ್ಯ ಜಾವ್ನು ನೇಮಣೂಕಿ ಕರತಾತಿ. ತಶ್ಶೀಚಿ ನಾರಾಯಣ ಗಣೇಶ ಚಂದಾವರ್ಕರ ರಾಷ್ಟ್ರೀಯ ಕಾಂಗ್ರೇಸಾಚೆ ಲಾಹೋರ ಅಧಿವೇಶನಾಚೆ ಅಧ್ಯಕ್ಷಪಣ ಘೆತ್ಲೆ. ಬೊಂಬೈ ವಿಶ್ವವಿದ್ಯಾಲಯಾಚೆ ಉಪಕುಲಪತಿ ಜಾವ್ನಾಶ್ಶಿಲೆ ವಿಠ್ಠಲ ಚಂದಾವರ್ಕರ, ಸಂಸದೀಯ ಪಟು ಜಾಲೇಲೆ ಹುಂಡಿ ವಿಷ್ಣು ಕಾಮತ, ನಾಥ ಪೈ, ರಂಗನಾಥ ಶೆಣೈ, ಶ್ರೀನಿವಾಸ ಮಲ್ಯ, ಬಿ.ವೈಕುಂಠ ಬಾಳಿಗಾ, ಟಿ.ಎ.ಪೈ, ದಿನಕರ ದೇಸಾಯಿ ಹಾಂಗೆಲೆ ಪೂರಾ ನಾಂವ ಸ್ವಾತಂತ್ರ್ಯ ನಂತರ ಆನಿ ರಾಜಕೀಯ ಕ್ಷೇತ್ರಾಂತು ಕೆದ್ನಾಯಿ ಹುಜ್ವಾಡ್ತಾ ಆಸ್ತಾ. ಸ್ವಾತಂತ್ರ್ಯ ಹೋರಾಟಾಂತು ಸೈತ ಮಸ್ತ ಸಾರಸ್ವತ ಲೋಕ ವಾಂಟೊ ಘೆತ್ತಾತಿ. 
- ರಮಾಕಾಂತ ನಾಗೇಶ ಶಾನಭಾಗ
- ತ್ರಿವಿಕ್ರಮ ಬಾಬಾ ಪೈ. (ಕುಂಭಾಪುರ ಸಾರಸ್ವತ ಸೌರಭ) ಆರ್ಯಂ ಹಾಂಗೆಲೆ ಅವಘಾತ ಲೋಕಾರ್ಪಣ
ದ್ವಿಭಾಷಾ ಸಾಹಿತಿ ಆರ್ಯಂ ಕಾವ್ಯನಾಮಾಚೆ ಶ್ರೀ ಆರ್.ಎಮ್.ಶೇಟ್(ಆರ್ಯಂ) ಶಿರಸಿ ಹಾಂಗೆಲೆ ೧೪ಚೆ ಸಾಹಿತ್ಯ ಕೃತಿ “ಅವಘಾತ ಹಾಜ್ಜೆ ಉಗ್ತಾವಣ ತಾ. ೧೮-೨-೨೦೧೪ ದಿವಸು ಶ್ರೀ ಕೇಶವೈನ್ ಸ್ಮಾರಕ ಸಭಾಭವನಾಂತು  ಚಲ್ಲೆ. ಕಾರ್ಯಕ್ರಮ ಕನ್ನಡ ಸಾಹಿತ್ಯ ಪರಿಷತ್ತು ಶಿರಸಿ ಆನಿ ಆರ್ಯಪ್ರಕಾಶನ ಶಿರಸಿ ಸಂಯುಕ್ತ ಆಶ್ತಯಾರಿ ಚಲ್ಲೆ. ಉದ್ಘಾಟಕ ಜಾವ್ನು ಇತಿಹಾಸ ಸಂಶೋಧಕ ಡಾ|| ಎ.ಕೆ.ಶಾಸ್ತ್ರಿ ಆಯ್ಯಿಲೆ. ಅಧ್ಯಕ್ಷತಾ ಶ್ರೀ ಮಾರಿಕಾಂಬಾ ದೇವ್ಳಾಚೆ ಶ್ರೀ ವಿ.ಯು.ಪಟಗಾರ ಆಯ್ಯಿಲೆ. ಸೊಯರೆ ಜಾವ್ನು ಪತ್ರಕರ್ತ  ಶ್ರೀ ಆಶೋಕ ಹಾಸ್ಯಗಾರ, ಪ್ರಾಚಾರ್ಯ  ಶ್ರೀ ಕೆ.ಎಸ್.ಹೊಸ್ಮನಿ ಆಯ್ಯಿಲೆ. ಪತ್ರಕರ್ತ ಶ್ರೀ ಕೆ. ಮಹೇಶ ತಾನ್ನಿ ಕೃತಿ ಪರಿಚಯ ಕೋರ್ನು ದಿಲ್ಲೆ. ಸಾಹಿತಿ ಶ್ರೀ ಆರ್.ಎಮ್. ಶೇಟ್ ತಾನ್ನಿ ಹೇ ಸಂದರ್ಭಾರಿ ಉಪಸ್ಥಿತ ವ್ಹರಲೀಲೆ.

ಕೋರ್ಲಕಟ್ಟಾಚೆ ವಿ.ಜಿ. ತೇಲಂಗ ಆನಿ ನಾಂತಿ

ಕೊರ್ಲಕಟ್ಟೆ ಮ್ಹಣ್ಚೆ ಶಿರ್ಶಿಲಾಗ್ಗಿ ಆಸ್ಸುಚೆ ಏಕ ಖೇಡಿ ಗಾಂವ. ತ್ಯಾ ಗಾಂವಾಕ ರಾಜ್ಯಮಟ್ಟಾಂತು ಪ್ರಸಿದ್ಧಿ ಯವ್ಚ ತಶ್ಶಿ ಕೆಲೇಲೆ ಏಕಳಿ ಸೇವಾ ಜೀವಿ ಶ್ರೀ  ವೆಂಕಟರಾಯ ಗಣೇಶರಾಯ ತೇಲಂಗ. ತಾಂಕಾ ಲೋಕ ‘ರಾಯಣ್ಣ ಮ್ಹೊಣೂ ಆಪೈತಾಶ್ಶಿಲೆ. ಶ್ರೀ ವಿ.ಜಿ.ತೇಲಂಗ ತಾನ್ನಿ ಬಿ.ಎಸ್ಸಿ. ಜಾಲ್ಲ ನಂತರ  ಚಾಂಗ ನೌಕರಿ ಮೆಳ್ಚೆಸರ್ವ ಆವಕಾಶ ಆಸ್ಲೇರಿಚಿ ನೌಕ್ರಿ ಮಾಗಶಿ ಪಣಾಶಿ ಬಾಪ್ಸುಲೆ ವರಿ ಆಪಣಾಲೆ ಗಾಂವಾಕ ಯವ್ನು ಗೆದ್ದೆಕ ದೆಂವಲಿಂತಿ. ವಂಶಪಾರಂಪರ್ಯ ಜಾವ್ನು ಆಯ್ಯಿಲೆ ಖೇತಿ ಪದ್ದತಿ ಸಾಕ್ಷಾತ್ಕಾರ ಕೋರ್ನು ಘೇವ್ನು ಕಾಲ ಕಾಲಾಕ ಆಯ್ಯಿಲೆ ವೈಜ್ಞಾನಿಕ ಪದ್ದತಿ ವಾಪೋರ್ನು ಚಾಂಗ ಪ್ರತಿಫಲ ಘೆವ್ಚೆ ಒಟ್ಟೂ ವಿಂಗಡ ಲೋಕಾಂಕ ವರೇಕ ತ್ಯಾ ಶಿಕ್ಕೊನು ದೀವ್ನು ಪ್ರಗತಿಪರ ಕೃಷಿಕ ಮ್ಹೊಣು ನಾಂವ ಘೆತ್ಲಿಂತಿ. ಖೇತಿದಾರಾನಿ ಖೇತಿ ಮಾತ್ರ ಕೆಲಯಾರಿ ಉದರ್ಗತಿ ಪಾವಚಾಕ ಜಾಯ್ನಾ ಮ್ಹೊಣು ‘ಗಾಯ-ಗೊರವಾಂಕ ಪೊಶ್ಶಾಕ(ಹೈನುಗಾರಿಕಾ) ಸುರುವಾತ ಕೆಲ್ಲೆ. ಆನಿ ಸ್ವತಃ ಡೈರಿ ಆರಂಭ ಕೋರ್ನು ಪ್ರಯೋಗಶೀಲ ಜಾವ್ನು ತಾಂತು ಥಾಂಯಿ ಯಶಸ್ವಿ ಜಾಲ್ಲಿಂತಿ. ಆನಿ ತಾಂಗೆಲೆ ಪ್ರಯತ್ನಾನ ‘ಕೊರ್ಲಕಟ್ಟೆ ದೂದ ಶಿರ್ಶಿಚೆ ಆಜು-ಬಾಜುಚೆ ಘರ-ಘರಾಂತು ನಾಂವ ಪಾವ್ಲೆ. ತ್ಯಾ ಕಾಲಾಂತು ದೂದ್ದಾ ಡೈರಿ ಚಲೈಚೆ  ಸುಲಭಾಚೆ ಕಾಮ ಜಾವ್ನು ನಾಶ್ಶಿಲೆ. ಜಾಲ್ಯಾರಿಚಿ ವಿ.ಜಿ. ತೇಲಂಗ ಮಾಮ್ಮಾಲೆ ವೈಜ್ಞಾನಿಕ ಮನೋಭಾವನ, ಇನ್ನೋವೇಟಿವ್ ಸ್ಪಿರಿಟ್ ತಾಂಗೆಲೆ ಯಶಾಕ ಕಾರಣ ಜಾಲ್ಲೆ.
ರಾಯಣ್ಣ ಖಾಲಿ ಕೃಷಿಕ ಮಾತ್ರ ಜಾವ್ನು ನಾಂವ ಪಾವ್ವಿಲೆ ನ್ಹಂಯಿ, ಸಹಕಾರ ಕ್ಷೇತ್ರಾ ಬಿತ್ತರಿ ರಿಗ್ಗೂನು ಥಂಯಿ ವರೇಕ ಯಶ ಪಾವ್ಲಿಂತಿ. ತಾಂಗೆಲೆ ಬಾಪಯಿ ಗಣೇಶರಾಯಾಂಗೆಲೆ ಕಾಲಾಂತು ಸುರುವಾತ ಜಾಲೇಲೆ ಕೊರ್ಲಕಟ್ಟಾ ವ್ಯವಸಾಯ ಸೇವಾ ಸಹಕಾರಿ ಸಂಘ ತಾ. ೧೧-೫-೧೯೫೫ ಕ ರಿಜಿಸ್ಟ್ರಿ ಜಾಲ್ಲೆ. ಥಂಯ್ಚಾನ ೧೯೬೫ ಪರ್ಯಂತ ವಿ.ಜಿ.ತೇಲಂಗ ತಾಜ್ಜೆ ಕಾರ್ಯದರ್ಶಿ ಜಾವ್ನು ಆಶ್ಶಿಲೆ.ಮಾಗಿರಿ ೧೯೬೬ ದಾಕೂನು ೧೯೭೫ ಪರ್ಯಂತ ತಾಜ್ಜ ಅಧ್ಯಕ್ಷ ಜಾವ್ನೂ ತಾನ್ನಿ ತ್ಯಾ ಸಂಘ ಉದರ್ಗತಿ ಪಾವಚಾಕ ಮಸ್ತ ದೇಣಿಗಾ ಪಾವಯ್ಲ್ಯಾ. ತಾನ್ನಿ ಸಹಕಾರಿ ಸಂಘಾಚೆ ಕಾರ್ಯದರ್ಶಿ ಜಾಲೇಲ ತೆದ್ದನಾ ತಾಂಕಾ ಖಾಲಿ ೨೨ ವರ್ಷ ಪ್ರಾಯು ಖಂಯಿ! ಮುಖಾರಿ ೧೯೮೫ ದಾಕೂನು ೧೯೯೦ ಪರ್ಯಂತ ಶಿರಸಿ ಎ.ಪಿ.ಎಮ್.ಸಿ.(ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿ)ಚೆ ಅಧ್ಯಕ್ಷ ಜಾವ್ನೂ ಹಾನ್ನಿ ಪಾವಯಿಲೆ ಬರಪೂರ ಸೇವಾ ಆಜಿಯಿ ಲೋಕ ಯಾದು ಕೋರ್ನು ಘೆತ್ತಾ ಆಸ್ಸತಿ. ಪ್ರಶಸ್ತಿ, ಪುರಸ್ಕಾರ ಮಾಕಶಿ ಹಾನ್ನಿ ಕೆದನಾಂಯಿ ಘೆಲೇಲಿ ನ್ಹಂಯಿ, ಜಾಲ್ಯಾರಿಚಿ ಹಾಂಕಾ ಸೊದ್ದುನು ಸಬಾರ ಪ್ರಶಸ್ತಿ ಆಯ್ಯಿಲೆ ಪಟ್ಟಿಕ ನ್ಹಂಹಿ. ಸಾಮಾಜಿಕ ಕಳಕಳಿ, ಸರಳ ಸಜ್ಜನಿಕೆಚೆ ಕ್ರಿಯಾಶೀಲ ಮನುಷ್ಯು ಶ್ರೀ ವಿ.ಜಿ.ತೇಲಂಗ ತಾನ್ನಿ ಆಪಣಾಂಗೆಲೆ ೮೨ ವರ್ಷ ವಯಾಂತು ತಾ. ೨೨-೧೧-೨೦೧೩ಕ ದೈವಾಧೀನ ಜಾಲ್ಲೆ.ಆನಿ ಏಕ ರೈತ ಬಾಂಧವ, ಸಹಕಾರ ಧುರೀಣ, ಕೃಷಿ ಋಷಿ, ಕರ್ಮಯೋಗಿ ಅಸ್ತಂಗತ ಜಾಲ್ಲೆ. ಮೆಲ್ಲ ಮಾಗಿರಿ ವರೇಕ ಜೀವಂತ ಉರ್‍ಚೆ ಖಾತ್ತಿರಿ ಆಪಣಾಂಗೆಲೆ ದೋಳೆ (ನೇತ್ರ) ದಾನ ಕೆಲ್ಲೆಲೆ ಹಾಂಗೆಲೆ ಉದಾರತೆಕ ಆನ್ನೇಕ ಉದಾಹರಣ ಮ್ಹಣ್ಯೇತ. ಒಟ್ಟಾರೆ ಹಾನ್ನಿ ಇತರಾಂಕ ಆದರ್ಶ ಪ್ರಾಯ ಜಾವ್ನು ಆಶ್ಶಿಲೆ. ಪರಮಾತ್ಮು ಹಾಂಗೆಲೆ ಆತ್ಮಾಕ ಚಿರಶಾಂತಿ ದೀವೊ ಮ್ಹೊಣು ಪ್ರಾರ್ಥನಕೊರ್‍ಯಾ.

ಶ್ರೀ ಮೂಡ್ಲಗಿರಿ ಕೆ. ನಾಯಕ್, ನಾಡಾ

ಕುಂದಾಪುರ ತಾ||ಚೆ ನಾಡಾ ಗುಡ್ಡೆ‌ಅಂಗಡಿಚೆ ಶ್ರೀ ಮೂಡ್ಲಗಿರಿ ಕೆ. ನಾಯಕ್ ಹಾನ್ನಿ ಆಪಣಾಂಗೆಲೆ ೭೬ ವರ್ಷ ವಯಾಂತು ತಾ. ೧೩-೨-೨೦೧೪ ದಿವಸು ದೈವಾಧೀನ ಜಾಲ್ಲಿಂತಿ ಮ್ಹೊಣು ಕಳೋವಚಾಕ ಮಸ್ತ ದುಃಖ ಜಾತ್ತಾ. ನಾಡಗುಡ್ಡೆ ಅಂಗ್ಡಿಂತು ನಾಮಾಂಕಿತ ವ್ಯಾಪಾರಿ, ಉದ್ಯಮಿ ಜಾಲೇಲೆ ತಾನ್ನಿ ಸಮಾಜ ಸೇವಾ, ದೇವಾಲೆ, ಸ್ಮಾಮ್ಯಾಂಗೆಲೆ ಸೇವೆಂತು ಮಸ್ತ ಯೋಗದಾನ ದಿಲ್ಲಯಾ. ಮಾತೃ ಭಾಷೆ ಕೊಂಕಣಿ ವಯ್ರಿ ವಿಶೇಷ ಅಭಿಮಾನ ಆಸ್ಸುಚೆ ತಾನ್ನಿ ಘೆಲೇಲೆ ಸಬಾರ ವರ್ಷಾಚಾನ ‘ಸರಸ್ವತಿ ಪ್ರಭಾಚೆ ಸದಸ್ಯ ಜಾವ್ಚೆ ಬರಸಿ ಪ್ರತಿ ವರ್ಷ ದೀಪಾವಳಿ ಸಂಚಿಕೆಕ ಜಾಹೀರಾತು ದೀವ್ನು ಆಮ್ಕಾ ಪ್ರೋತ್ಸಾಹ ದಿತ್ತಾ ಆಯ್ಲಿಂತಿ. ಹಾಂಗೆಲೆ ಆತ್ಮಾಕ ಚಿರಶಾಂತಿ ಮೆಳ್ಚೆ ಖಾತ್ತಿರಿ ಏಕ ಶೃದ್ಧಾಂಜಲಿ ಕಾರ್ಯಕ್ರಮ ಆನಿ ವೈಕುಂಠ ಸಮಾರಾಧನ ತಾ. ೨೬-೨-೨೦೧೪ ದಿವಸು ನಾಡಗುಡ್ಡೆ ಅಂಗ್ಡಿಚೆ ಶ್ರೀ ರಾಮಕೃಪಾ ಸಮುದಾಯ ಭವನಾಂತು ಚಲ್ಲೆ. ಹೇ ಸಂದರ್ಭಾರಿ ವ್ಹಡ ಅಂಕಡ್ಯಾರಿ ಆಯ್ಯಿಲೆ ಸಮಾಜ ಬಾಂಧವ, ತಾಂಗೆಲೆ ಬಂಧು-ಮಿತ್ರ ದಿ|| ನಾಯಕ್ ಮಾಮ್ಮಾಲೆ ಗುಣಗಾನ ಕೆಲ್ಲಿಂತಿ. ಸರಸ್ವತಿ ಪ್ರಭಾ ಹೇ ಮೂಖಾಂತರ ಹಾಂಕಾ ಶೃದ್ಧಾಂಜಲಿ ಅರ್ಪಣ ಕೋರ್ನು, ದಿ|| ನಾಯಕ್ ಮಾಮ್ಮಾಲೆ ಆತ್ಮಾಕ ಚಿರಶಾಂತಿ ಮೆಳೊ ಮ್ಹೊಣು ದೇವಾಲಾಗ್ಗಿ ಪ್ರಾರ್ಥನ ಕರ್ತಾ.

ಶ್ರೀಮತಿ ಪದ್ಮಾಬಾಯಿ ಪೈಕೋಟಿ, ಹುಬ್ಬಳ್ಳಿ

ಹುಬ್ಳಿಚೆ ಪ್ರಸಿದ್ಧ ವಕೀಲ ಆನಿ ತೆರಿಗೆ ಸಲಹಗಾರ ಶ್ರೀ ಕೆ.ಎಮ್.ಪೈಕೋಟಿ ಹಾಂಗೆಲಿ ಆವಯಿ ಶ್ರೀಮತಿ ಪದ್ಮಾಬಾಯಿ ಪೈಕೋಟಿ ಹಾನ್ನಿ ಆಪಣಾಂಗೆಲೆ ೯೭ ವರ್ಷ ವಯಾಂತು ತಾ. ೭-೨-೨೦೧೪ ದಿವಸು ದೈವಾಧೀನ ಜಾಲ್ಲಿಂತಿ ಮ್ಹೊಣು ಕಳೋವಚಾಕ ವಿಷಾಧ ಜಾತ್ತಾ ಆಸ್ಸ. ತಾಂಗೆಲೆ ಆತ್ಮಾಕ ಚಿರಶಾಂತಿ ಮೆಳ್ಚೆ ಖಾತ್ತಿರಿ ‘ವೈಕುಂಠ ಸಮಾರಾಧನಾ ತಾ. ೧೯-೨-೨೦೧೪ ದಿವಸು ಹುಬ್ಬಳ್ಳಿಚೆ

ಸರಸ್ವತಿ ಸದನಾಂತು ಆಯೋಜನ ಕೆಲೇಲೆ. ಶ್ರೀಮತಿ ಪದ್ಮಾ ಪೈಕೋಟಿ ಹಾಂಗೆಲೆ ಆತ್ಮಾಕ ಚಿರಶಾಂತಿ ಮೆಳೊ ಮ್ಹೊಣು ಸರಸ್ವತಿ ಪ್ರಭಾಚೆ ಆಶಯ.

ಬ್ರಹ್ಮೋಪದೇಶ

ಚಿ|| ಆದಿತ್ಯ (ಶ್ರೀಮತಿ ಧನಲಕ್ಷ್ಮೀ ನಾಯಕ ಆನಿ ಶ್ರೀ ವಿನಾಯಕ ನಾಯಕ, ಪುತ್ತೂರು ಹಾಂಗೆಲೊ ಪೂತು) ಹಾಕ್ಕಾ ತಾ. ೯-೨-೧೪ ದಿವಸುಶ್ರೀ ಮಹಾಮಾಯಾ ಸೇವಾ ಸದನ ಪುತ್ತೂರು ಹಾಂಗಾ ವಿಜೃಂಭಣೇರಿ ಮೂಂಜಿ ಚಲ್ಲೆ. ತಾಕ್ಕಾ ದೇವು ಬರೆಂ ಕೊರೊಂ.
ವರದಿ : ವೇಣೂರು ವೆಂಕಟರಮಣ ಕಾಮತ.
ಬೆಳಗಾವಿಂತು ಅ.ಭಾ.ಕೊ.ಪ.ಚೆ ೨೯ ಅಧಿವೇಶನ
 ‘ಐತಿಹಾಸಿಕ ಮಹತ್ವ ಆಸ್ಸುಚೆ ಕೊಂಕಣಿ ಭಾಸ ಏಕ ಜಾತ್ಯಾತೀತ ಭಾಸ ಜಾವ್ನು ಪ್ರಕಟ ಜಾಲ್ಲಯಾ. ಮ್ಹೋಣು ಕರ್ನಾಟಕ ಸರ್ಕಾರಚೆ ಉನ್ನತ ಶಿಕ್ಷಣ ಸಚಿವ ಆರ್.ವಿ.ದೇಶಪಾಂಡೆನಿಂ ಸಾಂಗ್ಲೆ. ತಾನ್ನಿ ಬೆಳಗಾಂವಿಂತು ಫೆಬ್ರವರಿ ೨೮ ತಾಕೂನು ಮಾರ್ಚ್ ೨ ಪರ್ಯಂತ ಚಲೀಲೆ ಅಖಿಲ ಭಾರತೀಯ ಕೊಂಕಣಿ ಪರಿಷತ್ತಾಚೆ ೨೯ನೇ ಅಧಿವೇಶನ ಉದ್ಘಾಟನ ಕೋರ್ನು ಉಲೈತಾಶ್ಶಿಲೆ. ‘ಹಿಂದೂ, ಬ್ರಾಹ್ಮಣ, ಜೈನ, ಮುಸಲ್ಮಾನ, ಕ್ರಿಶ್ಚಿಯನ್ನ ಸಮೇತ ಸರ್ವ ಸ್ಥರಾಚೆ, ಧರ್ಮಾಚೆ ಲೋಕ ಕೊಂಕಣಿ ಭಾಷೆ ಉಲಯತಾತಿ. ತ್ಯಾ ಕಾರಣಾನ ಕೊಂಕಣಿ ಭಾಷೆ ಜಾತ್ಯಾತೀತ ಭಾಷೆ ಜಾವ್ನು ಪ್ರಕಟ ಜಾಲ್ಲಯಾ ಮ್ಹೊಣು ತಾನ್ನಿ ಸಾಂಗ್ಲೆ. ‘ಕರ್ನಾಟಕ, ಮಹಾರಾಷ್ಟ್ರ, ಗೋಂಯ, ಕೇರಳ ರಾಜ್ಯಾಂತು ಮಾತ್ರ ಕೊಂಕಣಿ ಭಾಷಿಕ ನಾಂತಿ.  ಬದಲಾಕ ಸಗಳೇ ಜಗಾಚೆ ಸರ್ವ ಬಗಲೇನ ಕೊಂಕಣಿ ಭಾಷಿಕ ಆಸ್ಸತಿ. ಕೊಂಕಣಿ ಭಾಷೆ ರಾಷ್ಟ್ರಮಟ್ಟಾರಿ ಮಾನ್ಯತಾ ಘೆತ್ಲ್ಯಾ. ಕೊಂಕಣಿ ಸಾಹಿತ್ಯ ತಶ್ಶೀಚಿ ಸಂಸ್ಕೃತಿ ಗಟ್ಟೂಳ ಜಾವಚಾಕ ಸಾಹಿತಿ, ಬರೋಪಿ, ಕವಿ ತಶ್ಶೀಚಿ ಕಲಾವಿದ ಲೋಕಾನಿ ದಿಲೇಲೆ ದೇಣಿಗಾ ಅನನ್ಯ, ಆನಿ ಅವಿಸ್ಮರಣೀಯ’ ಮ್ಹೊಣು ತಾನ್ನಿ ಸಾಂಗಲೆ.
‘ಕೊಂಕಣಿ ಭಾಷೆಚೆ ಅಭಿವೃದ್ಧಿಕ ಕರ್ನಾಟಕ ರಾಜ್ಯ ಸರ್ಕಾರಾನಿ ಸಬಾರ ಕಾಮ ಕೆಲ್ಲ್ಯಾ, ಕೊಂಕಣಿ ಸಾಹಿತ್ಯ ಅಕಾಡೆಮಿ ಸ್ಥಾಪನ ಕೆಲೇಲೆ, ಕರಾವಳಿಂತು ೬ ದಾಕೂನು ೧೦ ಕ್ಲಾಸಾಚೆ ಚೆರ್ಡುವಾಂಕ ಕೊಂಕಣಿ ಭಾಷೆ ತೃತೀಯ ಐಚ್ಚಿಕ ಭಾಸ ಜಾವ್ನು ಘೆವಚಾಕ ಅನ್ಕೂಲ ಕೋರ್ನು ದಿಲ್ಲಯಾ. ಕೊಂಕಣಿ ಸಾಹಿತ್ಯ ಚಟುವಟಿಕಾ ಚಡ ಜಾವ್ಕಾ ಮ್ಹಣ್ಚ ಖಾತ್ತಿರಿ ಅಖಿಲ ಭಾರತೀಯ ಕೊಂಕಣಿ ಪರಿಷತ್ತಾಕ ೫ ಕೋಟಿ ಅನುದಾನ ದಿಲ್ಲಯಾ. ಮ್ಹೊಣು ಸಾಂಗೂನು ಮುಖಾವೈಲೆ ದಿವಸಾಂತು ಭಾಷಾಭಿವೃದ್ಧಿಕ ಚ್ಹಡ ಮದ್ದತ್ ದಿವ್ಚೆ ಭರ್‍ವಸ ತಾನ್ನಿ ದಿಲ್ಲಿ.
ಅಖಿಲ ಭಾರತೀಯ ಕೊಂಕಣಿ ಪರಿಷತ್ ಗೌರವಾಧ್ಯಕ್ಷ ಬಿ.ಎ. ಕುಟಿನೋ ತಾನ್ನಿ ಉಲೋವ್ನು “೧೯೩೯ಂತು  ಕಾರವಾರಾಂತು ಅಖಿಲ ಭಾರತೀಯ ಕೊಂಕಣಿ ಪರಿಷತ್ ಜನ್ಮಿಲೆ, ೭೫ ವರ್ಷ ಪೂರ್ತಿ ಕೋರ್ನು ಅಮೃತ  ಮಹೋತ್ಸವ ಆಚರಣ ಕೋರ್ನು ಘೆತ್ತಾ ಆಸ್ಸ. ಕೊಂಕಣಿ ಭಾಸ, ಸಾಹಿತ್ಯ ತಶ್ಶೀಚಿ ಸಂಸ್ಕೃತಿಚೆ  ಪರ್‍ಮೋಳು ಸರ್ವ ಕಡೇನ ಪಸರೂಚಾಕ ಅವಿರತ ಪ್ರಯತ್ನ ಕರ್ತಾ ಆಸ್ಸ. ಮ್ಹಳ್ಳಿಂತಿ.  ಅಖಿಲ ಭಾರತೀಯ ಕೊಂಕಣಿ ಪರಿಷತ್ ಅಧ್ಯಕ್ಷ ವಿ.ವಿ.ಶೆಣೈ, ಫೆಮೇಂಟೊ ರಿಸೋರ್‍ಸ್ ಗ್ರೂಪ್‌ಚೆ ಅಧ್ಯಕ್ಷ ಅವಧೂತ ಟಿಂಬ್ಲೋ, ಅರವಿಂದ.ಪಿ, ಗೋಕುಲದಾಸ ಪ್ರಭು, ವಿನಾಯಕ ಕಾಮತ್, ಮುಕುಂದ ಕಾಮತ, ಸುನೀತಾ ಕಾಣೇಕರ ಆದಿ ಗಣ್ಯ ಹೇ ಸಂದರ್ಭಾರಿ ಉಪಸ್ಥಿತ ಆಶ್ಶಿಲೆ. ಆನಿ ಹೇಂಚಿ ವೇದಿಕೇರಿ ಕೊಂಕಣಿ ಭಾಸ ಆನಿ ಸಾಹಿತ್ಯಾಕ ಸೇವಾ ಪಾವಯಿಲೆ ಗಣ್ಯಾಂಕ ಸತ್ಕಾರೂಯಿ ಚಲ್ಲೆ. ಮಾಗಿರಿ ಕೊಂಕಣಿಂತು ಸಾಂಸ್ಕೃತಿಕ ಕಾರ್ಯಾವಳಿ ಚಲ್ಲೆ. ಹೆರ್‍ದೀಸು ಸಕ್ಕಾಣಿಕ ಪಯ್ಲೆ ಪರಿಸಂವಾದು ‘ಕೊಂಕಣಿಕ ಮೆಳೀಲ್ಲೆ ಸಂವಿಧಾನಾತ್ಮಕ ಹಕ್ಕ ಆನಿ ತಾಂಚೊ ವಾಪರ ಮ್ಹಣ್ಚೆ ವಿಷಯಾಚೇರಿ ಆಸಲೇರಿ, ಮಾಗಿರಿ ‘ಕೊಂಕಣಿ ಆನಿ ಸಾಮಾಜಿಕ ಮಾಧ್ಯಮ ಮ್ಹಣ್ಚೆ ವಿಷಯಾಚೇರಿ ಭಾಸಾ ಭಾಸ ಚಲ್ಲೆ. ಕನ್ನಡ, ಮರಾಠಿ ಆನಿ ಕೊಂಕಣಿ ತಜ್ಞಾನಿ ‘ಭೋವ ಭಾಷಿಕ ಗೋಷ್ಠಿಂತು ವಾಂಟೊ ಘೆತ್ಲಿಂತಿ. ಜವಣ ಜಾಲ್ಲ ಉಪರಾಂತ ಪಯಲೆ ಕವಿಗೋಷ್ಠಿ ಚಲ್ಲೆ. ಸಾಂಜ್ವಾಳಾಚೆ ಪರಿಸಂವಾದಾಂತು ‘ಕೊಂಕಣಿ ಶಿಕ್ಷಣ ಆನಿ ದಶಾ ಮ್ಹಣ್ಚೆ ವಿಷಯಾಚೇರಿ ಚಲ್ಲೆ. ಶ್ರೀ ಪುಂಡಲೀಕ ನಾಯಕ್ ಹಾಂಗೆಲೆ ಅಧ್ಯಕ್ಷತೇರಿ ‘ಓಪನ್ ಫಾರಮ್ ಚಲ್ನೂ  ಸಾಂಸ್ಕೃತಿಕ ಕಾರ್ಯಾವಳಿ ಬರಶಿ ದುಸ್ರೇ ದಿವಸಾಚೆ ಕಾರ್ಯಕ್ರಮ ಸಂಪ್ಲೆ. ತೀಸ್ರೇ ದಿವಸಾಚೆ ಕಾರ್ಯಕ್ರಮಾಂತು ಪಯ್ಲೇಕ ‘ಕೊಂಕಣಿ ಆನಿ ಲಾಗೀಚ್ಯೋ ಭಾಸೊ - ಸಂಘರ್ಷ ಆನಿ ಸಮನ್ವಯ ಮ್ಹಣ್ಚೆ ವಿಷಯಾಚೇರಿ ಭಾಸಾ ಭಾಸ ಚೆಲ್ಲೆ. ಮಾಗಿರಿ ದುಸ್ರೇ ಕವಿಗೋಷ್ಠಿ ಚಲ್ಲೆ. ಉಪರಾಂತ ಚಲೇಲೆ ಸಮಾರೋಪ ಸಮಾರಂಭಾಂತು ಶ್ರೀ ಪ್ರಭಾಕರ ಕೋರೆ, ಮೀನಾ ಚಂದಾವರ್ಕರ ತಾನ್ನಿ ಉಲೈಲಿಂತಿ. ಅಧ್ಯಕ್ಷತಾ ಶ್ರೀ ಗೋಕುಲದಾಸ ಪ್ರಭು ತಾನ್ನಿ ಘೆತ್ತಿಲೆ. ಶ್ರೀ ಮುಕುಂದ ಕಾಮತ್ ತಾನ್ನಿ ಆಭಾರ ಮಾನಲೆ. * - ಅಪ್ಪುರಾಯ ಪೈ

ಕೊಂಕಣಿ ಪ್ರಭಾ ಸರಸ್ವತಿ ಪ್ರಭಾ ಬ್ಲಾಗ್ ವಾಚಕ ಬಾಂಧವ ಕಡೇನ ಏಕ ಮಾಗಣಿ

ಘೆಲೇಲೆ ಸಬಾರ ದಿವಸಾ ಥಾಕೂನು ತುಮ್ಮಿ ಹೇ ಬ್ಲಾಗ್ ವಾಚತಾ ಆಯಲಿಂತಿ. 1989 ಜೂನ್ ಮೈನ್ಯಾಚಾನ ನಿಯಮಿತ ಜಾವ್ನು ಹುಬ್ಬಳ್ಳಿ ಸಾನ ಪ್ರಕಟ ಜಾತ್ತಾ ಆಶ್ಶಿಲೆ ``ಸರಸ್ವತಿ ಪ್ರಭಾ'' ಕೊಂಕಣಿ ಮಾಸಿಕಾಂತು ಪ್ರಕಟ ಜಾವ್ಚೆ ಕೊಂಕಣಿ ಖಬ್ಬರ ಾಮ್ಮಿ ಹೇ ಬ್ಲಾಗಾಂತು ಪ್ರಕಟ ಕರ್ತಾ ಆಶ್ಶಿಲೆ. ಸರಸ್ವತಿ ಪ್ರಭಾ ಮೇ 2014ಕ ಾಪಣಾಲೆ 25 ವರ್ಷಾಚೆ ಪ್ರಕಟಣಾ ಪೂರ್ತಿ ಕರ್ತಾ. ಘೆಲೇಲೆ 25 ವರ್ಷಾಂತು ಆಮ್ಮಿ ಕೊಂಕಣಿ ಖಾತ್ತಿರಿ 250 ಪಶಿ ಚ್ಹಡ ಲ್ಹಾನ ಕಾಣಿ, 500 ಪಶಿ ಚ್ಹಡ ಲೇಖನ, 50 ಪಶೀ ಚ್ಹಡ ಚೆರ್ಡುಂವಾ ಕಾಣ್ಯೋ, 10 ಪಶಿ ಚ್ಹಡ ಧಾರವಾಹಿ ಕಾದಂಬರಿ, ಹಾಸಯ, ಆರೋಗ್ಯ, ವ್ಯಕ್ತಿ ಪರಿಚಯ, ಪ್ರವಾಸ ಕಥನ, ಕಾವ್ಯ ಇತ್ಯಾದಿ ಬಹುಮೂಲ್ಯ ಕೊಂಕಣಿ ಸಾಹಿತ್ಯ ಪ್ರಕಟ ಕೆಲ್ಲಯಾ. ಆನಿ ಆಜಿ ಪಾಸೂನು 9000 ಪಶಿ ಚ್ಹಡ ಕೊಂಕಣಿ ಪುಟ ಪ್ರಕಟ ಕೆಲ್ಲಯಾ. ಪತ್ರಿಕೇಕ 20 ವರ್ಷ ಭರಲೀಲೆ ಉಡಗಾಸಾಕ 1600 ಪುಟಾ ಪಶಿ ಚ್ಹಡ ಕೊಂಕಣಿ ಸಾಹಿತ್ಯ ಪುಸ್ತಕ ರೂಪಾನಿ ಛಾಪೂನು ಕೊಂಕಣಿ ಸಾಹಿತ್ಯಾಕ ಸೇವಾ ಪಾವಯಲಾ. 1994 ದಾಕೂನು ಘೆಲೀಲೆ 20 ವರ್ಷ ಪ್ರತಿಭಾವಂತ ಕೊಂಕಣಿ ಚೆರ್ಡುಂವಾಂಕ ಶೈಕ್ಷಣಿಕ ಮದ್ದತ್ ದಿತ್ತಾ ಆಯಲಾ. ಆನಿ ತ್ಯಾ ಖಾತ್ತಿರಿ ಸರಸ್ವತಿ ಪ್ರಭಾ ಸ್ಕಾಲರ್ ಶಿಪ್ ನಿಧಿ ಸ್ಥಾಪನ ಕೆಲ್ಲಯಾ. 

ಸರಸ್ವತಿ ಪ್ರಭಾಚೆ ಹೇ ಪೂರಾ ಸಾಧನ ತುಮ್ಕಾ ಕಶ್ಶಿ ದಿಸ್ತಾ? ಹೇ ಖಾತ್ತಿರಿ ತುಮಗೇಲೆ ಅಭಿಪ್ರಾಯು ಕಸ್ಸಲೆ? ಹಾಂತು ಹಾತು ಮೆಳೋವಚಾಕ(ಪ್ರೋತ್ಸಾಹ ದಿವಚಾಕ) ತುಮ್ಕಾ ಇಷ್ಟಆಸ್ಸವೇ? ತಶ್ಶಿ ಜಾಲ್ಯಾರಿ ತುಮಗೇಲೆ ಅಭಿಪ್ರಾಯ ಏಕ ಪೋಟೊ ಸಮೇತ ಆಮಗೇಲೆ ಇ-ಮೇಲಾಕ ದಾಡ್ನು ದಿಯ್ಯಾತಿ. ಆಮಗೇಲೆ ಇ-ಮೇಲ್ ಪತ್ತೊ saraswatiprabha@rediffmail.com ತುಮಗೇಲೆ ಅಭಿಪ್ರಾಯ ಪೋಟೊ ಸಮೇತ ಸರಸ್ವತಿ ಪ್ರಭಾಚೆ ಮೇ 2014 ಅಂಕಾಂತು ಪ್ರಕಟ ಕರತಾತಿ. ಚಡ್ತೆ ಖಂಚೇ ಮಾಹಿತಿ, ವಿವರ ಜಾವ್ಕಾ ಜಾಲ್ಯಾರಿ ವೈಚೆ ಇ-ಮೇಲಾಕ ಸಂಪಕುಱ ಕರಾ. 

ತುಮ್ಕಾ ದೇವು ಬರೆಂ ಕೊರೊ

ತುಮಗೇಲೊ ವಿಶ್ವಾಸಿ

ಆರ್ಗೋಡು ಸುರೇಶ ಶೆಣೈ

ಶ್ರೀ ಚಂದ್ರಕಾಂತ ಕಾಮತ್ ಬಿ.ಜೆ.ಪಿ ಯುವಮೋರ್ಚ ಜಿಲ್ಲಾಧ್ಯಕ್ಷ

‘ಸರಸ್ವತಿ ಪ್ರಭಾ ಕೊಂಕಣಿ ಪತ್ರಾಚೆ ಪ್ರೋತ್ಸಾಹಕ ಹೊಸಪೇಟೆಚೆ ಉದ್ಯಮಿ ಶ್ರೀ ಚಂದ್ರಕಾಂತ ಕಾಮತ್ ಹಾಂಕಾ ಬಳ್ಳಾರಿ ಬಿ.ಜೆ.ಪಿ.ಯುವಮೋರ್ಚಾಚೆ ಜಾಲ್ಲಾಧ್ಯಕ್ಷ ಜಾವ್ನು ನೆಮಣೂಕಿ ಕೆಲ್ಲಾ. ತಾನ್ನಿ ಹೊಸಪೇಟೆ ನಗರಾಭಿವೃದ್ಧಿ ಮಂಡಳಿಂತು ಸದಸ್ಯ ಜಾವ್ನು ಸೇವಾ ಪಾವಯ್ತಾ ಆಸ್ಸತಿ. ಹಾಜ್ಜ ಪಯ್ಲೆ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಸದಸ್ಯ ಜಾವ್ನು, ಶಿಕ್ಷಣ ಸಮಿತಿಚೆ ಅಧ್ಯಕ್ಷ ಜಾವ್ನೂ ತಾನ್ನಿ ಬಹುಮೂಲ್ಯ ಸೇವಾ ಪಾವಯ್ಲ್ಯಾ. ನ್ಹಯಿಶಿ ಹೊಸಪೇಟೆ ನಗರ ಸಭಾಚೆ ಸಾಂದೆ(ಕಾರ್ಪೂರೇಟರ್) ಜಾವ್ನೂ ಸೇವಾ ಪಾವಯ್ತಾ ಆಸ್ಸತಿ. ಟಿ.ವಿ. ಧಾರವಾಹಿಂತು ಪಾರ್ಟ್ ಕೋರ್ನು ಸೈ ಮ್ಹಣೋವ್ನು ಘೆತ್ಲ್ಯಾ. ಮುಖಾವೈಲೆ ದಿವಸಾಂತು ಹಾಂಗೆಲ ದಾಕೂನು ಹೇ ರಾಜ್ಯಾಕ ಆನಿ ಕೊಂಕಣಿ ಭಾಷೆಕ ಆನ್ನಿಕೆ ಚ್ಹಡ ಸೇವಾ ಪಾವೊಂ ಮ್ಹೋಣು ಹಾರೈಕೆ ಕರ್ತಾ, ಆಮ್ಗೆಲೆ ಸರ್ವಾಲೆ ವಾಚಕಾ ತರಪೇನ ಹಾಂಕಾ ಅಭಿನಂದನ ಪಾವೈತಾ ದೇವು ಬರೆಂ ಕೊರೊ ಮ್ಹಣ್ತಾ.

ಯುವ ಸೇವಾವಾಹಿನಿ, ಹಳದೀಪುರ

ಜಿ.ಎಸ್.ಬಿ. ಸಮಾಜಾಚೆ ಶ್ರೀ ಗೋಪಿನಾಥ ಯುವ ಸೇವಾವಾಹಿನಿ ತರಪೇನ ಹಳದೀಪುರಾಚೆ ಶ್ರೀ ಗೋಪಿನಾಥ ಸಭಾಗೃಹಾಂತು ವಾರ್ಷಿಕ ಸಹಮಿಲನ ತಾ. ೧೦-೨-೨೦೧೪ ದಿವಸು ವಿಜೃಂಭಣೇರಿ ಚಲ್ಲೆ. ಹೇ ಸಮಾರಂಭಾಕ ಸೊಯರೊ ಜಾವ್ನು ಹಳಿಯಾಳಾಚೆ ಜೆ.ಡಿ.ಎಸ್. ಕಾರ್ಯದರ್ಶಿ ಶ್ರೀ ಸುನಿಲ ವಿ. ಹೆಗಡೆ ಹಾನ್ನಿ ಆಯ್ಯಿಲೆ. ಶ್ರೀ ವೆಂಕಟರಾಯ ತಿಮ್ಮಪ್ಪ ಶಾನಭಾಗ ಹಳದೀಪುರ ಹಾಂಕಾ ಹೇಂಚಿ ಸಂದಭಾರಿ ಸನ್ಮಾನ ಚಲ್ಲೊ. ತತ್ಸಂಬಂಧ ಜಾವ್ನು ಜ್ಯೋತಿಪ್ರಜ್ವಲನ, ಸಂಗೀತ ಕಾರ್ಯಕ್ರಮ, ಸಭಾಕಾರ್ಯಕ್ರಮ, ಛದ್ಮವೇಷ ಸ್ಫರ್ಧಾ ಆನಿ ಮನೋರಂಜನ ಮಾಗಿರಿ ಜವಣ ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ಸಮಾಜ ಬಾಂಧವ ವ್ಹಡ ಸಂಖ್ಯಾರಿ ಹೇ ಸಂದರ್ಭಾರಿ ಉಪಸ್ಥಿತ ವ್ಹರಲೀಲೆ.

ರಾಷ್ಟ್ರಪ್ರೇಮಿ ಸುಭಾಸಚಂದ್ರ ಬೋಸ

  ಸುಭಾಸಚಂದ್ರ ಬೋಸ ಅಸ್ಸಾ ನಾ ಹೋ ವಿಷಯು ಆಮ್ಮಿಘೆವ್ಕಾ ಜಾಲ್ಯಾರಿ ಡಾ. ಕೆ.ಎಸ್. ನಾರಾಯಣಾಚಾರ್ಯಾಲೆ “ಸುಭಾಸ ಕಣ್ಮರೆ ಮ್ಹಳೆಲೆ ಪುಸ್ತಕ ವಾಜಕಾ. ೧೯೪೫ ಅಗಸ್ಟ ೨೩ಕ ಬೋಸು ವಿಮಾನ ಅವಘಡಾಂತು ಮೆಲ್ಲಿಂಚಿ ಮ್ಹಣ್ಚೆ ಖಬ್ಬರ ರೇಡಿಯೋ ಟೀಕಿಯೋಂತು ಪ್ರಸಾರ ಜಾಲ್ಲಿ. ತ್ಯಾ ಪ್ರಮಾಣೆ ತೆ ದಿವಸು ‘ಸೈಗಾನಿಚಾನ ಭಾಯರಿ ಸರಿಲೇ ಬಾಂಬರ್ ವಿಮಾನ ಆತ್ತ ಚೈನಾಕ ಮೇಳಾವಟ್ ಜಾಲ್ಲಾ. ತೆನ್ನಾ ರಷ್ಯಾ ವಶಾಂತು ಆಶ್ಶಿಲೆ “ಮಂಚೂರಿಯಾ ಪ್ರಾಂತಾಚೆ ದಿರೇನ್ ಮ್ಹಳ್ಳೆಲೆ ಕಡೆನ ಎವ್ನು ಪಾವಲೆ. (ಪುಟ ೧೦). ವಿಮಾನಾಚಾನ ದೇವ್ನು ಕೇಳೆಂ ಖಾವ್ನು ಚಾ ಪೀವ್ನು ತಾಜ್ಜ ನಂತರ ೩ ತಾಸಾ ಪ್ರವಾಸ ಕೋರ್ನು ರಷ್ಯಾ ಗಡಿಕ ಪಾವ್ನು, ತಾಜ್ಜ ನಂತರ ತ್ಯಾ ವಿಮಾನ ಪರತ ಟೋಕಿಯೋಕ ಪರತ ಪಾವ್ಲೆ ಮ್ಹಣು(ಪುಟ ೨೦) ಬರಯಿಲೆ ಆಸ್ಸಾ. ನೇತಾಜಿ ಮ್ಹಣು ಸಿದ್ಧ ಜಾಲ್ಲಿಲೆ ಹೆಡ್‌ಲೈನಾಂತು ಆಸ್ಸ. “ಬಾಬ್ ತುಮಕಾ ಲೋಕು ನೇತಾಜಿ ಮ್ಹಣುಂ ಲೆಕ್ತಾಚಿ, ತುಮ್ಗೆಲ ರೀತಿ-ರಿವಾಜು, ಚಹರೊ ಹುಬೆಹುಬ ನೇತಾಜಿ ಸುಭಾಸಚಂದ್ರ ಬೋಸಾವಾರಿ ಆಸ್ಸಾ. ತುಮ್ಮಿ ಇತಯಾಕ ಲೋಕಾ ಎದ್ರಾಕ ಏವಿನಯಿಂ? ಹೇ ಪ್ರಶ್ನೆಕ ದಾಡಿ ಸೋಡಿಲೆ ಬಾಬಾನ ದಿಲ್ಲಿಲೆಂ ಜವಾಬ “ಹಾಂವು ಕೋಣ ಮ್ಹಳ್ಳಿಲಿ ಚಿಂತಾ, ಖರೆ ಸ್ವರೂಪಾಚೆ ಪ್ರಶ್ನೆ ಸೋಣು ಸೊಡಾ. ತೆಂ ಆತ್ತ ಮುಖ್ಯ ನ್ಹಯಿಚಿ ನ್ಹಯ, ಭಾರತಾಚಿ ಆಡಳಿತ, ಭಾರತಾ ಲೋಕಾ ತಶಿ ಉರಕಾ. ಬ್ರಿಟಿಷ್ ಲೋಕಾನಿ ಆಮ್ಕಾ ಸ್ವಾತಂತ್ರ್ಯ ದಿವ್ಕಾ. ಆತ್ತ ಹಾಂವು ಆಧ್ಯಾತ್ಮ ಸಾಧನೆಂತು ಪಳ್ಳಾ. ತಶ್ಶಿ ಜಾವ್ನು ತಾಂಗೆಲೆ ಗುರ‍್ತು ಮೆಳ್ನಾಶ್ಶಿಲೊ. ತೇ ಏಕ ಸಾಧು ರೂಪಾನ ಆಶ್ಶಿಲೆ. ತಾಜ್ಜ ಖಾತ್ತಿರಿ ತಾನ್ನಿ ರಾಮಭಜನಾಂತು ಅಗ್ರಹ ಘೆತ್ತಿಲೆ. ೧೯೪೫ಂತು ಸುಭಾಸಚಂದ್ರ ರಷಿಯಾಂತು ಬಂಧಿ ಜಾವ್ನು ಆಶ್ಶಿಲೊ. ೧೯೫೩ಂತು ಚೀನಾ ಗಡಿಚಾನ ಭಾರತಾಕ ಯವ್ನು ‘ಬಂದ್ರಿ ಮ್ಹಳ್ಳೆಲ ಕಡೇನ ೯ ವರ್ಷ, ಲಕ್ನೊಂತು ೨ ವರ್ಷ, ನೈವಿಷಾರಣ್ಯಾಂತು ೬ ವರ್ಷ ಉರ‍್ನು, ನೇತಾಜಿ ಅಯೋಧ್ಯಾ ಲಾಗ್ಗಿ ಆಯ್ಯಿಲೊ ೧೯೭೪ಂತು(ಪು. ೨೮,೨೯).
ಪಂಡಿತ ನೆಹರೂನ ಮೆಲ್ಲಿಲ ತೆದ್ದನಾ ತೀನ ವಾಹನಾಂತು ನೇತಾಜಿ ಆನಿ ತಾಂಗೆಲೆ ಸಂಗಾತಿ ತೀನ್ಮೂರ್ತಿ ಭವನಾಕ ಭೇಟಿ ದೀವ್ನು ಪುಷ್ಪಹಾರ ಘಾಲ್ನು ‘ಧೈರ್ಯ ಮ್ಹಳ್ಳಿಲೇಕ ಆನೇಕ ನಾಂವ ಚೀ ಪಂಡಿತ ನೆಹರೂ! ಮ್ಹೊಣು ಬರೊನು ಹಸ್ತಾಕ್ಷರ ಕೋರ್ನು ಲಾಲ ಬಹಾದ್ದೂರ ಶಾಸ್ತಿ ಬರಶಿ ತಾಗೆಲೆ ವೆನಾಲಾಗ್ಗಿ ಮ್ಹಳ್ಳೆಲ ದೆಕ್ಕೂನು ಸುಭಾಸಚಂದ್ರ ಬೋಸು ಆಯಿಲೊ ಮ್ಹಣು ರುಜುವಾತ ಜಾಲ್ಲೆ.(ಪು.೩೬,೩೭) ಜಾಲ್ಯಾರಿ ಖರೆ ಕಸ್ಸಲೆಂ ಮ್ಹೊಣು ಆಮ್ಕಾ ಆನ್ನಿಕ ಗೌಪ್ಯ! “ಸುಭಾಸ ಕಣ್ಮರೆ ಕೃತಿಂತು “೧೯೭೪ಂತು ಅಯೋಧ್ಯಾಕ ಆಯಿಲ ಸುಭಾಸು ಸರಯು ನಯ್ಚೆ ಎಳೇರಿ ಪ್ರಾಣತ್ಯಾಗು ಕೆಲ್ಲೊ. ಮ್ಹಣು ಉಲ್ಲೇಖ ಆಸ್ಸ. ಹೆಂ ಪೂರಾ ವಾಜ್ಜಿಲ್ಯಾರಿ ಬೋಸು ವಿಮಾನ ಅವಘಡಾಂತು ಮೆಲ್ಲಿಲನಾ ಮ್ಹಣಚೆ ಸ್ಪಷ್ಟ ಜಾತ್ತಾ. ‘ಖಿಡಿuಣh is ಖಿಡಿuಣh eveಟಿ iಜಿ ಟಿo oಟಿe beಟieve iಣ, ಂಟiಛಿ is ಚಿ ಟieeveಟಿ iಜಿ eveಡಿಥಿoಟಿe beಟieve iಣಹೇ ಸುಭಾಸ ಚಂದ್ರಾಲೆ ವೇದವಾಕ್ಯ.
ಬೋಸಾಂಗೆಲೆ ಅನುಯಾಯಿ ಕೆ.ಎನ್.ರಾವ್
೧೯೮೯ಂತು ಆಮ್ಮಿ ಕೊಂಕಣಿ ಪರಿಷದ್ ಸ್ಥಾಪನ ಕರಚೆ ಖಾತೆರಿ ಬಸ್‌ಸ್ಟ್ಯಾಂಡಾರಿ ಆಸ್ಸಿಲೆ ಲೈಬ್ರರಿ ಮಾಳೆರಿ ಮೀಟಿಂಗ್ ಜತಾ ಮ್ಹಣುಂ ಪೇಪರಾಂತು ದಿಲ್ಲೆಂ. “ಕೊಂಕಣಿ ಲೇಖಕಾನಿ ಖಂಯಿ ಆಸಲೇರಿಚಿ ಯವ್ನು ಮೆಳ್ಕಾ. ಮ್ಹೊಣು ತಾಂತು ವಿನಂತಿ ಕೆಲ್ಲಿ. ಮಿಟಿಂಗಾಕ ಕುಮಟಾ, ಸಿದ್ದಾಪೂರ, ಅಂಕೋಲಾ, ಕಾರವಾರ, ಹೊನ್ನಾವರ ಕಡೇಚಾನ ಬರಪೂರ ಲೋಕು ಎವ್ನು ಜಮಲೆ. ತಾಂತು ದೋನಿ ಲೋಕು ಹೊಡ್ಡ ದಾಡಿ ಸೊಡಿಲೆ ಸಾಧುಸೆ ಆಶ್ಶಿಲೆ. ಆಮ್ಕಾ ಕಾಂಯಿ ತಾಂಗೆಲೆ ಗುರ‍್ತು ನಾಶ್ಶಿಲೆ. ಕಡೇರಿ ವಿಚಾರ ಕರನಾ ಫುಡೆನ ಕಳ್ಳೆಂ ಏಕ್ಲೊ ಪೈ ಸುಪ್ರಿಯಾ ಫಾದರ ದಾಂಡೇಲಿ, ಆನೇಕ್ಲೊ ಕೆ.ಎನ್.ರಾವ ದಾಂಡೇಲಿ. ದೋಗ ಲೋಕು ವ್ಹಡ ಲೋಕ. ತಾಂತು ಕೆ.ಎನ್.ರಾವಾಕ ಹಾಂವೆ ವಿಚಾರ‍್ಲೆ‘ತುಮಿ ಸುಭಾಸಚಂದ್ರ ಬೋಸಾಲೆ ಬಹುರೂಪ ನ್ಹಯವೇ? ಮ್ಹೊಣು. ತಾಕ್ಕಾ ಹಾಸ್ತಾಚಿ ‘ವ್ಹಯಿ.. ಮ್ಹಳ್ಳೆ. ಆನಿ ತಾಂಗೆಲೆ ಬಗಲಾ ಘಾಲ್ನು ಘೆತ್ತಿಲೆ ಚಿಲ್ಲಾಂತು ಆಶ್ಶಿಲೆ ಏಕ ಪುಸ್ತಕ ಕಾಣು ಮಾಕ್ಕಾ ದಿಲ್ಲೆಂ. ತೆಂ ಆಸ್ಸಾ ‘ಮಲೆನಾಡು ತೆಂ ವಾಜನಾ ಫುಡೆ ಮಾಕ್ಕಾ ದಿಸ್ಲೆ ‘ತೆ ಭೀ ಸುಭಾಸಚಂದ್ರ ಬೋಸಚಿ ಮ್ಹಣು. ಅಜಮಾಸ ೮೫ ವರ್ಷಾ ಪ್ರಾಯೆಚೆ ಕೆ.ಎನ್.ರಾವ್ ಮಸ್ತ ಉಮೇದಾಚೆ ಮನುಷ್ಯು. ಪಳೇಯತಲೆಂಕ ಸಂಚಾರಿಕೀ, ತಪಸ್ವಿಕೀ, ನಾ ಸುಭಾಸಚಂದ್ರ ಬೋಸಾಲೆ ಪ್ರತಿರೂಪಕೀ, ತಸ್ಸಲೆ ತಾಂಗೆಲೆ ರೂಪ. ವ್ಯಕ್ತಿತ್ವ. ಮಹಾನ್ ಸ್ವಾತಂತ್ರ್ಯ ಹೋರಾಟಗಾರ, ತಾನ್ನಿ ಮಹಾತ್ಮಗಾಂಧಿಲೆ ಕೃಪಾಶೀರ್ವಾದು ಘೆತ್ತಿಲೆ. ದಿ. ಸುಭಾಸಚಂದ್ರ ಬೋಸ, ವಲ್ಲಭಾಯಿ ಪಟೇಲ, ಲಾಲ ಬಹಾದ್ದೂರ ಶಾಸ್ತ್ರಿ ಇತ್ಯಾದಿ ಅನೇಕ ನಾಯಂಕಾಗೆಲೆ ನಿಕಟವರ್ತಿ ಜಾಲ್ಲಿಲೆಂ.
ಸ್ವಾತಂತ್ರ್ಯ ಸಂಗ್ರಾಮಾಂತು ಮಸ್ತ ಪಟಿ ಜೈಲಾಂತು ವಚ್ಚೂನು ಆಯ್ಯಿಲೆ. ಸುಭಾಸಚಂದ್ರ ಬೋಸಾಲೆ ಉದ್ದೇಶು ಪೂರ್ತಿ ಕೊರ‍್ಚೆ ಖಾತೇರಿ ‘ಫಾರ್ವಡ ಬ್ಲಾಕ ಮ್ಹಳ್ಳಿಲಿ ಪಕ್ಷ ಬಾಂದೂನು ಬೋಸಾನಿ ಇಚ್ಛಾ ಕೆಲ್ಲಿಲಿ ಮ್ಹಳ್ಳೆರಿ ‘ಆಧುನಿಕ ಸಮಾಜ ಬಾಂಚೆ, ಪ್ರತಿ ಏಕ ಲೋಕಾಂಕ ಸಮಾನ ಹಕ್ಕು, ಸಾಮಾಜಿಕ ನ್ಯಾಯು ದಿವೈಚೆ.  ತಾಜ್ಜ ಖಾತೆರಿ ತಾಂಕಾ “ಫಾಸಿಸ್ಟ್ ಮ್ಹಳ್ಳಿಲೊ ಕಾಳೊ ದಾಗ ಲಾಗ್ಲೊ. ಕೆ.ಎನ್.ರಾವ ದಾಂಡೇಲಿ ಸುಭಾಸಚಂದ್ರ ಬೋಸಾಲೆ ಇಂಡಿಯನ್ ನ್ಯಾಶನಲ್ ಆರ್ಮಿಂತು ಕ್ಯಾಪ್ಟನ್ ಜಾವ್ನು ಸೇವಾ ಕೆಲ್ಲಿಲೆ ಆಸ್ಸಾ. ನೇತಾಜಿ ಬರ್ಶಿ ಬ್ರಹ್ಮದೇಶ, ಮಲೇಶಿಯಾ, ಸಿಂಗಾಪೂರ, ನೇಪಾಲ, ಟಿಬೇಟ, ಸಿಲೋನ, ಆಸ್ಟ್ರೇಲಿಯಾ, ಜಪಾನ, ಈಜಿಪ್ಟ್ ಇತ್ಯಾದಿ ಮಸ್ತ ಕಡೇನ ಘೂವ್ನು ಆಯ್ಯಿಲೆ. ತಾಜ್ಜೇನ ತಾಂಕಾ ೧೪ ಭಾಷಾ ಜ್ಞಾನ ಆಶ್ಶಿಲೆಂ. ಕೊಂಕಣಿ ಪರಿಷತ್ತಾಂತು ತಸ್ಸಾಲೆ ವ್ಹಡ ಮನುಷ್ಯಾ ಒಟ್ಟು ಕೊಂಕಣಿ ಸೋವಿನಿಯರಾಂತು (ಪಾರಿಜಾತ) ಕಾಮ ಕೊರಚೆ ಅವಕಾಶು ಮೆಳ್ಳಿಲೊ ಮೆಗೆಲೆ ಭಾಗ್ಯ.
- ಅನಿಲ ಪೈ, ಶಿರಸಿ