ಧಾರ್‍ವಾಡಾಂತು ಎನ್‌ಕೆಜಿ‌ಎಸ್‌ಬಿ ಬ್ಯಾಂಕ್ ಶಾಖಾರಂಭ
ಮಹಾರಾಷ್ಟ್ರಾಚೆ ಮುಂಬೈಂತು ಕೇಂದ್ರ ಕಛೇರಿ ಆಸ್ಸುಚೆ ಎನ್‌ಕೆಜಿ‌ಎಸ್‌ಬಿ ಬ್ಯಾಂಕಾಚೆ ೭೭ ವೆಂ ಶಾಖಾ ಧಾರವಾಡಾಚೆ ಕೋರ್ಟ್ ಸರ್ಕಲ್ಲಾಂತು ಆಸ್ಸುಚೆ ಕಲಾಲ್ ಬಿಲ್ಡಿಂಗಾಂತು ೧೯-೯-೨೦೧೩ ದಿವಸು ಶ್ರೀ ಕವಳೇ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ ಅಮೃತ ಹಸ್ತಾನಿ ಉದ್ಘಾಟಿತ ಜಾಲ್ಲೆ. ಬ್ಯಾಂಕ್ ಶಾಖಾ ಆನಿ ಬ್ಯಾಂಕಾಚೆ ಎಟಿ‌ಎಮ್ ಉದ್ಘಾಟನ ಕೋರ್ನು ಮಾಗಿರಿ ಆಶೀರ್ವಚನ ದಿಲೀಲೆ ಪ|ಪೂ| ಸ್ವಾಮೆಂ “ವಿಶ್ವಾಸ ಆನಿ ನಂಬಿಕೇನ ಬ್ಯಾಂಕಾಂತು ವ್ಯವಹಾರ ಚಲ್ತಾ. ತ್ಯಾಂಚಿ ನಮೂನ್ಯಾನ ಎನ್‌ಕೆಜಿ‌ಎಸ್‌ಬಿ ಬ್ಯಾಂಕಾಚೆ ಆಡಳಿತ ಮಂಡಳಿ ಸದಸ್ಯ ಪೂರಾ ವಿಶ್ವಾಸಾಕ ಅರ್ಹ ಜಾಲ್ಲಿಂತಿ, ತಾಂಗೆಲೆ ಕಾಳ್ಜಿ ಆನಿ ಪ್ರಯತ್ನಾನ ಬ್ಯಾಂಕ್ ಹೇ ಮಟ್ಟಾಕ ಅಭಿವೃದ್ಧಿ ಪಾವಚಾಕ ಕಾರಣ ಜಾಲ್ಲಾ. ಮ್ಹಳ್ಳಿಂತಿ. ಮುಖಾರಿ ಉಲೈತಾ ಕೊರಚೆ ಕಾಮ್ಮಾಂತು ಶ್ರದ್ಧಾ ಆನಿ ನಿರಂತರ ಪರಿಶ್ರಮು ಆಸಲೇರಿ ಆಪ್ಣಿತ್ಲ್ಯಾಕ ಯಶ ಪ್ರಾಪ್ತ ಜಾತ್ತಾ. ತ್ಯಾ ನಮೂನ್ಯಾನ ಬ್ಯಾಂಕ್ ನೌಕರ ವರ್ಗಾಚಾನಿ ಶ್ರದ್ಧಾ ಆನಿ ಪರಶ್ರಮಾನಿ ಕಾಮ ಕರ್ತಾ ಆಸ್ಸುಚೆ ಶ್ಲಾಘನೀಯ, ಮುಖಾವೈಲೆ ದಿವಸಾಂತು, ಆಪಣಾಲೆ ಶತಮಾನೋತ್ಸವಾಕ ಪಯ್ಲೆ ದಾ ಹಜಾರ ಕೋಟಿ ರೂಪಯ ವೈವಾಟು ಚಲ್ಲೋನು, ಶಂಬರಿ ಪಶೀ ಚ್ಹಡ ಶಾಖಾ ಆರಂಭ ಜಾವ್ಚೆ ವರಿ ಜಾಂವೊ. ಮ್ಹೊಣು ಆಶೀರ್ವಾದ ದಿಲ್ಲಿಂತಿ.ಸುರವೇಕ ಪ್ರಾಸ್ತಾವಿಕ ಜಾವ್ನು ಉಲೈಲೆ ಬ್ಯಾಂಕಾಚೆ ಅಧ್ಯಕ್ಷ ಕಿಶೋರ ಕುಲಕರ್ಣಿ ತಾನ್ನಿ “ಮುಂಬೈಂತು ಸುರುವಾತ ಜಾಲೇಲೆ ಎನ್‌ಕೆಜಿ‌ಎಸ್‌ಬಿ ಬ್ಯಾಂಕ್ ಆಜಿ ಚಾರಿ ರಾಜ್ಯಾಂತು ಕಾರ್ಯನಿರ್ವಹಣ ಕರ್ತಾ ಆಸ್ಸ. ಕರ್ನಾಟಕಾಚೆ ಕಾರ್‍ವಾರಾಂತು ಬ್ಯಾಂಕಾಚೆ ಪಯ್ಲೆ ಶಾಖಾ ಆರಂಭ ಜಾಲೀಲೆ ಆಸ್ಸುನು. ಧಾರ್‍ವಾಡಾಂತು ಆರಂಭ ಜಾಲೀಲೆ ರಾಜ್ಯಾಚೆ ೭ ಶಾಖಾ ಆನಿ ಬ್ಯಾಂಕಾಚೆ ೭೭ ಶಾಖಾ. ಮುಖಾವೈಲೆ ದಿವಸಾಂತು ಆನ್ನಿಕೆ ೧೮ ನವೀನ ಶಾಖಾ ಸೂರ ಕೊರಚೆ ಉದ್ದೇಶ ದವರೂನು ಘೆತ್ತಿಲೆ ಆಸ್ಸುನು ಗ್ರಾಹಕ ಬಾಂಧವಾನಿ ಅಗತ್ಯ ಸಹಕಾರ ದಿವ್ಕಾ. ಮ್ಹಳ್ಳಿಂತಿ.
ಹೇ ಸಂದಭಾರಿ ಎನ್‌ಕೆಜಿ‌ಎಸ್‌ಬಿ ಬ್ಯಾಂಕಾಚೆ ಆಡಳಿತ ಮಂಡಳಿಚೆ ಸುನೀಲ ಜಿ, ನಾಗೇಶ ಫಾವ್ಕರ್, ಶ್ರೀಧರ ಕಾಮತ್, ಚಿಂತಾಮಣಿ ನಾಡಕರ್ಣಿ, ನಾಗೇಶ ಪಿ, ಪಿ.ಜಿ. ಕಾಮತ್, ನೀಲೇಶ ಬಾಂದೇಕರ, ರೇಖಾ ಮಲ್ಲಾಪುರ ಆನಿ ಬ್ಯಾಂಕಾಚೆ ಧಾರ್‍ವಾಡ & ಹುಬ್ಬಳ್ಳಿ ಶಾಖೆಚೆ ನೌಕರ ವೃಂದ ಆನಿ ಅಪಾರ ಗ್ರಾಹಕ ಉಪಸ್ಥಿತ ಆಶ್ಶಿಲೆ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ