ಗುರುವಾರ, ಜೂನ್ 27, 2013

ಖಂಚೆ ಕಾಯ್ಲೆ ಖಂಚೆ ಘರಾ ವಾಕ್ಕದ?
ಮುಡಿಮ  : ಮುಡಿಮ ಜಾಲೇಲೆ ಜಾಗೊ ಚಾಂಗ ಉದ್ಕಾನ ಧೂವ್ನು ಘೇವ್ಕಾ. ಬೇವಾ ಪಾನ್ನಾ ಬರಶಿ ಹಳ್ದಿ ಪಿಟ್ಟಿ ಸೇರ್‍ಸುನು, ಲ್ಹಾನ ಕೋರ್ನು ವಾಟ್ಟೂನು ಘೆಯ್ಯಾತಿ. ತಶ್ಶಿ ವಾಟ್ಟೂನು ಘೆತ್ತಿಲೆ ಪೇಸ್ಟ ರಾತ್ತಿಕ ನಿದ್ದೆಚೆ ಪಯ್ಲೆ ಮುಡಿಮ ಆಶ್ಶಿಲೆ ಜಾಗೆಂತು ಲಾವ್ನು ಘೇವ್ನು, ಹೆರ್‍ದೀಸು ಚಾಂಗ ಸಾಬೂನಾನಿ, ಹೂನ ಉದ್ಕಾನಿ ಧೂವ್ನು ಘೇವ್ನು ಸೊಡಾ. ಆನಿ ಸುಕ್ಕಿಲೆ ಚ್ಹೊಕ ಟವೆಲ್ ಘೇವ್ನು ತೊಂಡ ಪುಸ್ಸುನು ಘೇವ್ಕಾ. ಮುಡಿಮ ಮಸ್ತ ಆಶ್ಶಿಲ್ಯಾನ ತೆಲ್ಕಟ್, ಆನಿ ಗೊಡಶೆ ಚ್ಹಡ ಖಾವಚಾಕ ನಜ್ಜ. ಜವಣಾಂತು ಬರಪೂರ ಪಾಚ್ವೆ ಬಾಜಿ ಪಾಲ್ಲೊ, ತರಕಾರಿ ಆನಿ ಪಿಕ್ಕಿಲೆ ಫಳ ಖಾವ್ಯೇತ.
ಕರಟ : ಸಾನ್ಸಾನ ಕರಟ, ಬೊಕ್ಕೇಕ ಲವಂಗ ಉದ್ಕಾಂತು ವಾಟ್ಟುನು ಪೇಸ್ಟ ಕೋರ್ನು ಲಾಯ್ತಾ ಆಯಲೇರಿ ಗೂಣ ಜಾತ್ತಾ.  ಬೇವಾ ಪಾನ್ನ ಉದ್ಕಾಂತು ಕತಕತೋವ್ನು ತ್ಯಾ ನಾವ್ಚೆ ಉದ್ಕಾ ಬರಶಿ ಮೆಳೋವ್ನು ನಾವ್ಚೆ ದಾಕೂನು ಸಾನ್ಸಾನ ಕರಟ, ಬೊಕ್ಕೊ ಉಟ್ಟೆನಾ.
ಬ್ರಾಂಕ್ಯೆಟಿಸ್ ಆನಿ ಬ್ರಾಂಕೈಲ್ ಆಸ್ತಮ :  ಹೂನ ದುದ್ದಾಕ ಏಕ ಚಮಚೊ ಚಾಂಗ ಶುದ್ಧ ಹಳ್ದಿ ಪಿಟ್ಟೊ ಘಾಲ್ನು, ದಿವ್ಸಾಕ ದೋನ್ಪಂತಾ ಪಿವ್ಕಾ.
ಶೈತ್ಯ : ಶೈತ್ಯಾನಿ ನಾಂಕ ಬಾಂದೂನು ಆಸಲೇರಿ ಧಗಧಗ್ಚೆ ಇಂಗಾಳೆ ವಯ್ರಿ ಹಳ್ದಿ ಪಿಟ್ಟಿ ಉದ್ರುಸೂನು ನಾಂಕಾನಿ ವಾಸು ಘೇವ್ಕಾ.
ಮಲಬದ್ಧತೆ : ಉತ್ಕಡೆ ಸಮ ಜಾವ್ನು ಜಾಯ್ನಾ ಜಾಲ್ಯಾರಿ ಪ್ರತಿ ದಿವಸು ಬರಪೂರ ಉದ್ದಾಕ ಪೀವ್ಕಾ. ಫ್ರೆಶ್ ತರಕಾರಿ, ಫಳ, ನಾರ ಆಸ್ಸುಚೆ ಆಹಾರ ಘೇವ್ಕಾ. ನಿದ್ದೆಚೆ ಪಯ್ಲೆ ದೋನ ಜಾಂವೊ ಚಾರ ಚಮಚೊ ಗುಲ್ಕಂದ ಖಾವ್ನು, ವ್ಹಡ ಲೋಟೆಂತು ಹೂನ ದೂದ ಪೀವ್ಕಾ.
ಕಾಂಕಿ : ತುಳಸಿ ಪಾನ್ನ ಚಾಂಗ ಕೋರ್ನು ಚಾಂಗ ಉದ್ಕಾಂತು ಧೂವ್ನು ಘೇವ್ನು, ತ್ಯಾ ಪಾನ್ನಾಚೆ ರೋಸು ಕಾಣು ಘೇವ್ಕಾ., ತಾಕ್ಕಾ ಏಕ್ದೋನಿ ಚಮಚೊ ಮ್ಹೋವಾ ತ್ಹೂಪ ಸೇರ್‍ಸುನು, ಸಕ್ಕಾಣಿ ಪೂಡೆ, ಧೋಂಪಾರಾ ಆನಿ ರಾತ್ತಿಕ ಅಶ್ಶಿ ಪಾಂಚ ದಿವಸು ಕಾಳ ಘೆತಲೇರಿ ಕಾಂಕಿ ಗೂಣ ಜಾತ್ತಾ.
ಶರೀರಾಂತು ಶಕ್ತಿ ಬರಚಾಕ : ಪಿಕ್ಕಿಲೆ ರಸಬಾಳೇ, ಪಚ್ಚಬಾಳೇ ಜಾಂವೊ ಯಾಲಕ್ಕಿ ಬಾಳೇ ಖೇಳೆ ಜವಣ ಜಾಲ್ಲ ಮಾಗಿರಿ ಪ್ರತಿ ದಿವಸು ಚೂಕನಾಶಿ ೪೦ ದಿವಸು ಘೆತ್ತಿಲೆ ಜಾಲ್ಯಾರಿ ಶರೀರಾಂತು ಚಾಂಗ ಶಕ್ತಿ ಬರತಾ.
ತೊಂಡಾ ವಾಸು ವಚ್ಚಾಕ : ಪ್ರತಿದಿವಸು ಜವಣ ಜಾಲ್ಲ ಮಾಗಿರಿ ಏಕ್ಕೇಕ ಲವಂಗ ಘಾಲ್ನು ಜಗಡಿತಾ ಆಸಲೇರಿ ತೊಂಡಾ ವಾಸು ಊಣೆ ಜಾತ್ತಾ. ಮೀಟ ಆನಿ ಲವಂಗ ದೊನ್ನೀ ಮೇಳೋವ್ನು ಚಪ್ಪರ್‍ಸಿತಾ ಆಸಲೇರಿ ಸುಸ್ತ ಊಣೆ ಜಾವ್ಚೆ ಬರಶಿ ತೊಂಡಾ ವಾಸೂಯಿ ಗೂಣ ಜಾತ್ತಾ.
ಸಂಧಾ ಧೂಕಿ : ಸಂಧಾ ದೂಖಿ ನಿವಾರಣೆಕ ಕೊಬ್ರೆಲ್ (ನಾರ್‍ಲಾ) ತೆಲ್ಲಾಂತು ಇಂಗಾ ಪಿಟ್ಟಿ ಕಾಲ್ಲೊನು ದೂಕಿ ಆಶ್ಶಿಲೆ ಜಾಗೆಂತು ಗಸ್ಟೂಚೆ ದಾಕೂನು ಸಂಧಾ ದೂಕಿ ಗೂಣ ಜಾತ್ತಾ.                             ಕೃಪೆ : ಕಣಜ

ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಕುಮಟಾಂತು ಗೌರವ ಪ್ರಶಸ್ತಿ ಪಾವಿತ 

“ಕೊಂಕಣಿ ಮ್ಹಳ್ಳ ಸತಾ ತಾನ್ನಿ ಆಮ್ಚಗೆಲೇಚಿ ಮ್ಹಣ್ಚೆ ಭಾವನಾ ಎತ್ತಾ. ಕೊಂಕಣಿ ಭಾಷೆಕ ಸರ್ಕಾರಾನ ಅಧಿಕೃತ ಮಾನ್ಯತಾ ದಿಲ್ಲ್ಯಾ. ಕೊಂಕಣಿ ಅಕಾಡೆಮಿ ಕೊಂಕಣಿ ಭಾಷಿಕಾ ಖಾತ್ತಿರಿ ವಾವ್ರೋ ಕರ್ತಾ ಆಸ್ಸುಚೆ ಶ್ಲಾಘನೀಯ. ಅಲ್ಪಸಂಖ್ಯಾತ ಖಾತ್ತಿರಿ ಸರ್ಕಾರಚಾನ ಮೆಳ್ಚೆ ಸರ್ವ ಸೌಲಭ್ಯ ಕೊಂಕಣಿಗಾಂಕ ದಿವೈಚಾಕ ಪ್ರಯತ್ನ ಕರ್ತಾ ಮ್ಹೊಣು ಶಾಸಕಿ ಶಾರದಾ ಶೆಟ್ಟಿ ತಾನ್ನಿ ಸಾಂಗಲೆ. ತಾನ್ನಿ ತಾ. ೨೫-೦೫-೨೦೧೩ ದಿವಸು ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನ ಕುಮಟಾಂತು ಚಲೇಲೆ ಗೌರವ ಪ್ರಶಸ್ತಿ-ಪುಸ್ತಕ ಬಹುಮಾನ ಪಾವಿತ ಸಮಾರಂಭ ದೀವಲಿಂ ಪೆಟ್ಟೊನು ಉದ್ಘಾಟನ ಕೋರ್ನು ಉಲೈತಾಶ್ಶಿಲೆ. ಘೆಲೇಲೆ ಸಾಲಾಂಚೆ ಗೌರವ ಪ್ರಶಸ್ತಿ ಮಂಗಳೂರ್‍ಚೆ ಪೌಲ್ ಮೊರಾಸ್, ಹೊನ್ನಾವರ್‍ಚೆ ಕೃಷ್ಣ ಭವಾನಿ ಶಂಕರ ಭಟ್(ಕೃಷ್ಣಶರ್ಮಾ) ಆನಿ ಕುಂದಾಪುರ ಆರ್‍ಗೋಡಾಚೆ ಗೋವಿಂದರಾಯ ಶೆಣೈ ತಾಂಕಾ ಹೇ ಸಂದರ್ಭಾರಿ ಪಾವಿತ ಜಾಲ್ಲೆ. ಪುಸ್ತಕ ಬಹುಮಾನ ಮಂಗಳೂರ್‍ಚೆ ಫಾ| ಡಾ| ಪಿಯುಸ್ ಪಡೆಲಿಸ್ ಪಿಂಟೋ, ಮಂಗಳೂರ್‍ಚೆ ಕಿನ್ನಿಕಂಬಳಾಚೆ ತಾರಾ ಲವಿನಾ ಫರ್ನಾಂಡಿಸ್ ಆನಿ ಮುಂಬೈ ನಿವಾಸಿ ಅರುಣಾರಾವ್ ತಾಂಕಾ ದಿಲ್ಲೆ. ಯುವ ಪುರಸ್ಕಾರ ಮಂಗಳೂರ್‍ಚೆ ಅಂಕುಶ್. ಎನ್. ನಾಯಕ, ಮಂಗಳೂರ್‍ಚೆ ವಿಯಾನಿ ಆಂಟೋನಿಯೊ ಡಿಕುನ್ಹಾ, ಮಂಗಳೂರ್‍ಚೆ ರಾಮಕೃಷ್ಣ ನಾಯಕ.ವಿ., ಆನಿ ಅಂಕೋಲಾಚೆ ಅಂಧಯುವಕ ನಾರಾಯಣ ಭಗವಾನ್ ರಾಯ್ಕರ್ ತಾಂಕಾ ಪ್ರಧಾನ ಕೆಲ್ಲೆ. ಪ್ರಾಸ್ತಾವಿಕ ಜಾವ್ನು ಅಕಾಡೆಮಿ ಅಧ್ಯಕ್ಷ ಕಾಸರಕೋಡು ಚಿನ್ನಾ ತಾನ್ನಿ ಉಲೈಲೆ. ಸಾಧಕಾಂಗೆಲೆ ಪರಿಚಯ ಪುಸ್ತಕ ಪ್ರಾನ್ಸಿಸ್ ಫರ್ನಾಂಡಿಸ್ ತಾನ್ನಿ ಉಗ್ತಾವಣ ಕೆಲ್ಲೆ. ಗೌರವ ಸೊಯರೆ ಜಾವ್ನು ವಿನೋದ ಪ್ರಭು, ಪ್ರಾನ್ಸಿಸ್ ಫರ್ನಾಂಡಿಸ್, ವೀರಾನ್ ಸಾಹೇಬ್, ರೋಹಿದಾಸ ನಾಯಕ ಆನಿ ಅಕಾಡೆಮಿ ರಿಜಿಸ್ಟ್ರಾರ್ ಡಾ|| ದೇವಿದಾಸ ಪೈ ತಾನ್ನಿ ಉಪಸ್ಥಿತ ವ್ಹರಲೀಲೆ. ಅಕಾಡೆಮಿ ಸದಸ್ಯ ಓಂಗಣೇಶ ತಾನ್ನಿ ಕಾರ್ಯಕ್ರಮಾಚೆ ನಿರೂಪಣ ಕೆಲ್ಲಿ. ಸದಸ್ಯ ಜಾಲಿಲೆ ಸುಭಾಷ ಕಾಮತ, ರಾಜಾರಾಮ ನಾಯಕ, ಮಂಜುನಾಥ ಸಿದ್ಧಿ, ಮಹದೇವ ರೆಡ್ಡಿ ಕುಟ್ಟಿಕಾರ್, ಯಂ ಅಶೋಕ ಶೇಟ್, ಟಿ.ಎ.ಪಿ.ಶೆಣೈ, ಬಿ. ಎಸ್. ಕಾಮತ, ಮಹೇಶ ನಾಯಕ, ಚಂದ್ರಕಾಂತ ಕಾಮತ ಹಾನ್ನಿ ಅಗತ್ಯ ಸಹಕಾರು ದಿಲ್ಲೆ. ಸದಸ್ಯ ಚಿದಾನಂದ ಭಂಡಾರಿನ ಆಬಾರ ಮಾನಲೆ. ಮಾಗಿರಿ ವಿಜೇತಾ ಭಂಡಾರಿ ಸಾಂಗಾತಿನ, ವೆಂಚರ್ಸ್ ಕುಮಟಾ, ಸೀಮಾ ಸಾಂಗಾತಿನ, ಮೈಕಲ್ ರೊಡ್ರಿಗ್ಸ್ ಸಾಂಗಾತಿನ ಕೊಂಕಣಿ ನೃತ್ಯ, ಮೊಹಮದ್ ಅಲಿ ಉಪರಕರ ಸಾಂಗಾತಿನ ಧಪ್ ನೃತ್ಯ, ಕಾರ್ಕಳದ ಪಲ್ಲವಿ ಪಂಗ್ಡಾ ದಾಕೂನು “ಅಮ್ಮಿಸೊಣಾಂತಿ ಮ್ಹಣ್ಚೆ ಕೊಂಕಣಿ ನಾಟಕ ಪ್ರದರ್ಶಿತ ಜಾಲ್ಲೆ.

ಬುಧವಾರ, ಜೂನ್ 26, 2013

ಶ್ರೀ ವೆಂಕಟರಮಣ ದೇವಳ, ಶಿರಸಿ

ಶಿರ್ಶಿ ಶ್ರೀ ವೆಂಕಟರಮಣ ದೇವಳಾಚೆ ನೂತನ ಮಂದಿರಾಚೆ ಉದ್ಘಾಟನ ತಶ್ಶೀಚಿ ಸಪರಿವಾರ ಶ್ರೀ ವೆಂಕಟರಮಣ ದೇವಾಲೆ ಪ್ರತಿಷ್ಠಾಪನ, ಶಿಖರ ಕಲಶ ಪ್ರತಿಷ್ಠೆ ಪ|ಪೂ| ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ತಾ. ೧೨-೦೫-೨೦೧೩ ದಿವಸು ಚಲ್ಲೆ. ಹೇ ಮಹೋತ್ಸವ ಪ್ರಯುಕ್ತ ತಾ. ೯-೦೫-೨೦೧೩ ದಾಕೂನು ೧೫-೦೫-೨೦೧೩ ಪರ್ಯಂತ ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮೆಂ ಶ್ರೀ ದೇವಳಾಂತು ಮೊಕ್ಕಾಂ ಆಶ್ಶಿಲೆ. ಹೇ ಸಂದರ್ಭಾರಿ ಪ|ಪೂ| ಸ್ವಾಮ್ಯಾಂಕ ಪೂರ್ಣಕುಂಭ ಸ್ವಾಗತ, ಪಾದ್ಯ ಪೂಜಾ, ರಾಕ್ಷೆಘ್ನ  ಹವನ, ಶ್ರೀ ದೇವತಾ ಪ್ರಾರ್ಥನ, ನವಗ್ರಹ ವಾಸ್ತು ಹವನ, ಶಾಂತಿ ಪಾಠ, ಅನ್ನ ಸಂತರ್ಪಣ, ಶ್ರೀ ವೆಂಕಟ್ರಮಣ ಮೂರ್ತಿ ಶಿಖರ ಕಲಶ ಸಪ್ತಾಧಿವಾಸ, ಆಧಿವಾಸಾಂಗ ಹವನ, ವಿದ್ಯಾಧಿರಾಜ ಕಲಾಕ್ಷೇತ್ರಾಂತು ಸಭಾ ಕಾರ್ಯಕ್ರಮ, ಶಿಖರ ಕಲಶ ಪ್ರತಿಷ್ಠೆ, ಶತಕಲಶಾಭಿಷೇಕ, ಶ್ರೀ ವೆಂಕಟೇಶ ಮೂಲ ಮಂತ್ರಹವನ, ಮಹಾ ಪೂರ್ಣಾಹುತಿ, ಶ್ರೀ ದೇವಾಕ ಪಯಲೆ ದರ್ಶನ-ಕಣಜ ಹುಂಡಿಂತು ಪಟ್ಟಕಾಣಿಕಾ ಸಮರ್ಪಣ, ಗುರು ಕಾಣಿಕಾ ಅರ್ಪಣ, ಶ್ರೀ ದೇವಾಲೆ ಪಾಲಂಖೀ ಉತ್ಸವು, ಸಹಸ್ರ ಕಲಶಾರ್ಚನ, ಸಹಸ ಕುಂಭಾಭಿಷೇಕ, ಶ್ರೀ ಸತ್ಯ ನಾರಾಯಣ ವೃತ ಪೂಜಾರಂಭ, ತಾ. ೧೫-೦೫-೨೦೧೩ಕ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ವಟುಂಗೆಲೆ ಸಾಮೂಹಿಕ ಉಪನಯನ ಕಾರ್ಯಕ್ರಮು, ದಾ ಸಮಸ್ತ ದಾಕೂನು ಪ|ಪೂ| ಸ್ವಾಮ್ಯಾಂಗೆಲೆ ಪಾದ್ಯಪೂಜಾ, ಪ್ರತಿ ದಿವಸು ಮನರಂಜನ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.
ತಾ. ೧೫-೦೫-೨೦೧೩ ದಿವಸು ಸಾಂಜ್ವಾಳಾ ನವೀನ ದೇವಳಾಚೆ ಮಾಕ್ಷಿ ಬಗಲೇಚೆ ವಿಶಾಲ ಮೈದಾನಾಂತು ಶ್ರೀವಾರಿ ಫೌಂಡೇಶನ್, ಬೆಂಗಳೂರು ಹಾಂಗೆಲ ದಾಕೂನು ಶ್ರೀ ಶ್ರೀನಿವಾಸ ಕಲ್ಯಾಣೋತ್ಸವು ವಿಜೃಂಭಣೇರಿ ಚಲ್ಲೆ. ತಾ. ೧೨-೦೫-೨೦೧೩ ದಿವಸು ಉದ್ಘಾಟನಾ ಸಭಾ ಕಾರ್ಯಕ್ರಮ ಪ|ಪೂ| ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತೀರಿ ಶ್ರೀ ವಿದ್ಯಾಧಿರಾಜ ಕಲಾಕ್ಷೇತ್ರಾಂತು ಸಾಂಜ್ವಾಳಾ ಚಲ್ಲೆ. ಹೇ ಸಮಾರಂಭಾಕ ವಿಶೇಷ ಆಹ್ವಾನಿತ ಜಾವ್ನು ಬೆಂಗಳೂರ್‍ಚೆ ಉದ್ಯಮಿ ಡಾ|| ಪಿ. ದಯಾನಂದ  ಪೈ, ಕರ್ನಾಟಕಾಚೆ ಮಾಜಿ ಮುಖ್ಯಮಂತ್ರಿ ಶ್ರೀ ಬಿ.ಎಸ್. ಯಡಿಯೂರಪ್ಪ, ಮಾಜಿ ಸಚಿವ ಶ್ರೀ ವಿಶ್ವೇಶ್ವರ ಹೆಗಡೆ ಕಾಗೇರಿ, ಸಚಿವ ಶ್ರೀ ಆರ್.ವಿ.ದೇಶಪಾಂಡೆ, ಶ್ರೀ ಪರ್ತಗಾಳಿ ಮಠಾಚೆ ಸೆಂಟ್ರಲ್ ಕಮಿಟಿ ಅಧ್ಯಕ್ಷ ಶ್ರೀ ಶ್ರೀನಿವಾಸ ದೆಂಪೊ, ಶ್ರೀ ಆರ್. ಆರ್. ಕಾಮತ್, ಹುಬ್ಬಳ್ಳಿ ಆನಿ ಜೀಣೋದ್ಧಾರ ಸಮಿತಿ ಅಧ್ಯಕ್ಷ ಡಾ|| ವಿ.ಎಸ್. ಸೋಂದೆ, ಶ್ರೀ ವೆಂಕಟರಮಣ ದೇವಳಾಚೆ ಮೊಕ್ತೇಸರ ಶ್ರೀ ವಿಷ್ಣುದಾಸ ಕಾಸರಗೋಡ, ಪ್ರತಿಷ್ಠಾಪನಾ ಸಮಿತಿ ಅಧ್ಯಕ್ಷ ಶ್ರೀ ಮೋಹನ ಎಸ್. ಪ್ರಭು, ಆನಿ ಕಟ್ಟಡ ಸಮಿತಿ ಅಧ್ಯಕ್ಷ ಶ್ರೀ ಮೋಹನ ಜೆ. ನಾಯಕ್ ಆನಿ ಗಾಂವ್ಚೆ, ಪರಗಾಂವ್ಚೆ ಅಪಾರ ಗಣ್ಯ, ಸಮಾಜ ಬಾಂಧವ  ಉಪಸ್ಥಿತ ಆಶ್ಶಿಲೆ.

ಬ್ರಹ್ಮೋಪದೇಶಂ





ಶ್ರೀಮತಿ ಗೀತಾ ಆನಿ ಶ್ರೀ ಪಿ.ರಾಮಚಂದ್ರ ಶೆಣೈ ಹುಬ್ಬಳ್ಳಿ ಹಾಂಗೆಲೆ ನಾತ್ರ ಚಿ|| ಪ್ರಸನ್ನ (ಶ್ರೀಮತಿ ಸವಿತಾ ಆನಿ ಶ್ರೀ ಪ್ರಸಾದ ಆರ್. ಶೆಣೈ ಹಾಂಗೆಲೊ ಪೂತು) ತಶ್ಶೀಚಿ ಚಿ|| ಪ್ರತೀಕ (ಶ್ರೀಮತಿ ನಮೃತಾ ಆನಿ ಶ್ರೀ ಪ್ರಮೋದ ಆರ್. ಶೆಣೈ ಹಾಂಗೆಲೆ ಪೂತು) ಹೇ ದೊಗ್ಗ ವಟುಂಕ ಬ್ರಹ್ಮೋಪದೇಶ ತಾ. ೦೨-೦೬-೨೦೧೩ ದಿವಸು ಹುಬ್ಬಳ್ಳಿಚೆ ಶ್ರೀ ವೆಂಕಟರಮಣ ದೇವಳಾಚೆ ಶ್ರೀ ಕಾಶೀಮಠ ವೆಂಕಟರಮಣ ಸಭಾಗೃಹಾಂತು  ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳಾ. 

ದಿ|| ರುಕ್ಮಾಬಾಯಿ ಆನಿ ದಿ|| ರಾಮಚಂದ್ರ ಪ್ರಭು ಹಾಂಗೆಲೊ ನಾತ್ತು ಚಿ|| ಕಾರ್ತಿಕ (ಶ್ರೀಮತಿ ವಿದ್ಯಾ ಆನಿ ಶ್ರೀ ಟಿ. ಸದಾನಂದ ಪ್ರಭು, ಬೆಂಗಳೂರು ಹಾಂಗೆಲೊ ಪೂತು) ಹಾಕ್ಕಾ ತಾ. ೦೨-೦೬-೨೦೧೩ ದಿವಸು ತೀರ್ಥಹಳ್ಳಿಚೆ ಶ್ರೀ ರಾಮಂದಿರಾಂತು ಬ್ರಹ್ಮೋಪದೇಶ ದಿಲೇಲೆ ಖಬ್ಬರ ಮೆಳ್ಳಾ. ಸರ್ವ ಮೂಂಜಿ ವ್ಹರೆತಾಂಕ ದೇವು ಬರೆಂ ಕೊರೊಂ.
ದೈವಜ್ಞ ಬ್ರಾಹ್ಮಣ ಮಠ ಕರ್ಕಿ
ಕರ್ಕಿ ದೈವಜ್ಞ ಬ್ರಾಹ್ಮಣ ಮಠಾಚೆ ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತೀ ಸ್ವಾಮ್ಯಾಂಗೆಲೆ ಪಟ್ಟಾಭಿಷೇಕಾಚೆ ವಾರ್ಷಿಕೋತ್ಸವು ತಾ. ೩೧-೦೫-೨೦೧೩ ದಿವಸು ಅಪಾರ ಭಕ್ತ ಬಾಂದವಾಲೆ ಉಪಸ್ಥಿತೀರಿ ವಿಜೃಂಭಣೇರಿ ಚಲ್ಲೆ. ತತ್ಸಂಬಂಧ ಪ|ಪೂ| ಸ್ವಾಮ್ಯಾಂಲೆ ಪಾದ್ಯ ಪೂಜಾ, ಭಕ್ತಾಧಿ ದಾಕೂನು ಗೌರವ ಸಮರ್ಪಣ, ಪ|ಪೂ| ಸ್ವಾಮ್ಯಾಂಕ ಕಿರೀಟೋತ್ಸವು ಆನಿ ರಾಜೋಪಚಾರ ಪೂಜಾ, ಪ|ಪೂ| ಸ್ವಾಮ್ಯಾ ದಾಕೂನು ಅನುಗ್ರಹ ಆಶೀರ್ವಚನ, ಶ್ರೀ ಜ್ಞಾನೇಶ್ವರಿ ದೇವಿಕ ಮಹಾ ಮಂಗಳಾರತಿ, ತೀರ್ಥ ಪ್ರಸಾದ ಆನಿ ಮಹಾ ಪ್ರಸಾದ ವಿತರಣ ಚಲ್ಲೆ.
ಸಂಧ್ಯಾವಂದನ, ದೇವಪೂಜಾ ಸಪ್ತ
ಅವುಂದು ಮೂಂಜಿ ಜಾಲೇಲೆ ದೈವಜ್ಞ ಬ್ರಾಹ್ಮಣ ಸಮಾಜಾಚೆ ವಟುಂಕ ಏಕ ಸಪ್ತಾಹಾಚೆ ಋಗ್ವೇದಿ ಸಂಧ್ಯಾವಂದನ ಆನಿ ದೇವಪೂಜಾ ತರಬೇತಿ ಶಿಬಿರ ಮೇ ೨೫ ದಾಕೂನು ೩೦ ಪರ್ಯಂತ ಕರ್ಕಿ ಮಠಾಂತು ಏರ್ಪಾಟ ಜಾಲೀಲೆ. ಹೇ ಶಿಬಿರಾಂತು ಯೋಗ, ಪ್ರಾಣಾಯಾಮ ಮಾಹಿತಿ ಮಠಾಚೆ ಪಂಡಿತಾನ ಚರ್ಡುವಾಂಕ ದಿಲ್ಲೆ.
ಶ್ರೀ ರಕ್ತೇಶ್ವರಿ ದೇವಳ, ಸಾಗರ
ಸಾಗರಾಚೆ ಶಿವಪ್ಪ ನಾಯಕ ನಗರಾಂತು ಆಸ್ಸುಚೆ ಶ್ರೀ ರಕ್ತೇಶ್ವರಿ ದೇವಿಲೆ ಪ್ರತಿಷ್ಠಾಪನೆಚೆ ೪ಚೆಂ ವರ್ಧಂತಿ ಮಹೋತ್ಸವ ತಾ. ೧೩-೦೫-೨೦೧೩ ದಿವಸು ದೈವಜ್ಞ ಬ್ರಾಹ್ಮಣ ಮಠಾಧೀಶ್ವರ ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತೀ ಮಹಾ ಸ್ವಾಮ್ಯಾಂಗೆಲೆ ದಿವ್ಯ ಸಾನ್ನಿಧ್ಯಾರಿ ವಿಜೃಂಭಣೇರಿ ಸಂಪನ್ನ ಜಾಲ್ಲೆ. ಹೇ ಸಂದರ್ಭಾರಿ ವರ್ಧಂತಿ ಹೋಮಾಚೆ ಪೂರ್ಣಾಹುತಿ, ಪ|ಪೂ| ಸ್ವಾಮ್ಯಾಂಗೆಲೆ ಪಾದುಕಾ ಪೂಜಾ ಆನಿ ಆಶೀರ್ವಚನ, ಶ್ರೀ ದೇವಿಲೆ ಮಹಾ ಪೂಜಾ, ತೀರ್ಥ ಪ್ರಸಾದ ವಿನಿಯೋಗ, ಅನ್ನ ಸಂತರ್ಪಣ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.

Saraswati Prabha News-2

ಪ್ರವಾಸೋದ್ಯಮ ಸಚಿವ ಶ್ರೀ ಆರ್ ವಿ ದೇಶಪಾಂಡೆ ಮಾಮ್ಮಾಂಕ ಶುಭಾಶಯ

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಶ್ರೀ ರಘುನಾಥ ವಿ. ದೇಶಪಾಂಡೆ ಹಾನ್ನಿ ಶ್ರೀ ಸಿದ್ದರಾಮಯ್ಯ ಮಂತ್ರಿಮಂಡಲಾಂತು ಪ್ರವಾಸೋದ್ಯಮ ಸಚಿವ ಜಾವ್ನು ನಿಯುಕ್ತಿ ಜಾಲೇಲೆ ಸರ್ವ ಜಿ.ಎಸ್.ಬಿ. ಬಾಂದವಾಂಕ ಅಭಿಮಾನಾಚೆ ವಿಷಯು. ೬೬ ವರ್ಷ ವಯಾಚೆ ಹಾನ್ನಿ ಕಾನೂನು ಪದವೀಧರ. ಹಳಿಯಾಳಾಂತು ವಕೀಲ ವೃತ್ತಿ ಸುರುವಾತ ಕೆಲೇಲೆ ಹಾನ್ನಿ ಪುರಸಭಾ ಚುನಾವಣೆಂತು ಸ್ಪರ್ಧಾ ಕೋರ್ನು ರಾಜಕೀಯಾಕ ರಿಗ್ಲೆ. ಹಳಿಯಾಳ ಕ್ಷೇತ್ರಾ ದಾಕೂನು ಸಾತ ಪಂತಾ ಜಿಕ್ಕೂನು ಹಾನ್ನಿ ಏಕ ರೆಕಾರ್ಡ ಕೆಲ್ಲ್ಯಾ. ೧೯೮೩ ದಾಕೂನು ೨೦೦೪ ಪರ್ಯಂತ ಸತತ ಜಾವ್ನು ಸ ಪಂತಾ ಜಿಕ್ಕಿಲೆ ನ್ಹಂಹಿಸಿ ದೋನ ಪಂತಾ ಹ್ಯಾಟ್ರಿಕ್ ಸಾಧನಾಂಯಿ ಕೆಲ್ಲಯಾ. ೧೯೮೯ ಇಲೇಕ್ಷನ್ನಾಂತು ಜಿಕ್ಕೂನು ‘ನಗರಾಭಿವೃದ್ಧಿ ಸಚಿವ ಜಾಲ್ಲೆ. ೧೯೯೪, ೯೮ ಆನಿ ೨೦೦೪ ಇಸ್ವೆಂತು ಸತತ ಜಿಕ್ಕೂನು ತಿನ್ನೀ ಪಂತಾ ಬೃಹತ್ ಕೈಗಾರಿಕಾ ಸಚಿವ ಜಾಲ್ಲಿಂತಿ. ೨೦೦೮ ಇಸ್ವೆಂತು ಮಾತ್ರ ಹಾಂಕಾ ಹಾರ್ ಜಾಲೇಲೆ. ಹೇ ಪಂತಾ ಹಾನ್ನಿ ಪ್ರವಾಸೋದ್ಯಮ ಆನಿ ಉನ್ನತ ಶಿಕ್ಷಣ ಸಚಿವ ಜಾವ್ನು ಸೇವಾ ಪಾವೈತಾ ಆಸ್ಸತಿ. ಬಾಯ್ಲ ಶ್ರೀಮತಿ ರಾಧಾ, ಹೇ ದಂಪತಿಕ ಪ್ರಸಾದ ಆನಿ ಪ್ರಶಾಂತ್ ಮ್ಹಣಚೆ ದೊಗ್ಗ ಲೋಕ ಚಾಲ್ಲ್ಯಾ ಚರ್ಡುಂವ ಆಸ್ಸತಿ. ಹಾನ್ನಿ ಕೇಂದ್ರ ಸಚಿವ ಪ್ರಫುಲ್ ಪಟೇಲ್ ಹಾಂಗೆಲೆ ಸೊಯರೆ.
ಹಾಂಗೆಲೆ ನಿಮಿತ್ತ್ಯಾನ ಮಸ್ತ ಸೇವಾ ರಾಜ್ಯ ಆನಿ ರಾಷ್ಟ್ರಾಕ ಪಾವಿತ ಜಾಂವೊ, ಹಾನ್ನಿ ರಾಷ್ಟ್ರ
ಮಟ್ಟಾಂತು ನಾಂವ ಘೆವ್ಚೆ ನಾಯಕ ಜಾವೊಂತಿ ಮ್ಹೊಣು ಸರಸ್ವತಿ ಪ್ರಭಾ ಹಾರೈಕೆ ಕರ್ತಾ

Konkani Scholarship

Vishwa Konkani Student
Scholarship Fund set up by
World Konkani Centre,
Mangalore, invites
applications for merit-cum-
means Scholarships-2013
from Konkani speaking
students belonging to any
caste and religion, seeking
professional education in
the stream of engineering
and MBBS.
Eligibility criteria is as
follows:

1. Only candidates with
Konkani as mother tongue
can apply for this
scholarship regardless of
caste and religion. Mother
tongue certificate should be
provided while applying.
2. Only candidates who are
seeking admission to the
first year of the
engineering or MBBS
course in 2013 can apply.
3. Only candidates who
scored above 70% in SSLC
and in the core subjects in
PUC and also secured a
ranking of 20,000 and
below in the entrance
examination (CET) can
apply.
4. Only candidates whose
total annual income of the
family is less than Rs 3 lac
per annum can apply. The
references from family
doctor and a chartered
accountant should be
provided in this regard
while applying. The income
limit is relaxed to Rs 4.5
lac per annum in special
circumstances such as
disabled person at home/
senior citizen at home/
families having more than
one child to educate etc.
5. Student should be willing
to sponsor two students
after completion of studies
and after securing
employment and should
contribute 20 days in the
year 2013-14 to the
community service.
Most deserving candidates
will be selected on the
basis of verifications by
independent panelists and
each of the selected
candidates will be awarded
scholarships amounting Rs
30,000 and Rs 40,000 for
the Engineering and MBBS
aspirants respectively.
Candidates fulfilling above
criteria can apply online for
the Scholarships 2013
through an online
application module set up
by world Konkani Centre on
website: www.vishwakonka
ni.org

ಗುರುವಾರ, ಜೂನ್ 20, 2013

saraswati Prabha Konkani News -1


ವೀರವಿಟ್ಠಲ ಮಠ ಕೋಡಕಣಿ

ವಿಜಯ ನಾಮ ಸಂವತ್ಸರಾಚೆ ಚೈತ್ರ ವದ್ಯ ತ್ರಯೋದಶಿ ಮಂಗಳವಾರ ದಿವಸು  ಕೋಡಕಣಿಚೆ ಶ್ರೀ ವೀರವಿಟ್ಠಲ ಮಠಾಂತು ವಿಟ್ಠಲ ರುಕುಮಾಯಿ ದೇವಾಲೆ ಪಾಂಚವೆ ವರ್ಷಾಚೆ ಪ್ರತಿಷ್ಠಾ ವರ್ಧಂತಿ ಯಶಸ್ವಿ ಜಾವ್ನು ಸೊಂಪ್ಲೆ. ಮಠಾಂತು  ವೇ.ಮೂ. ರಾಧಾಕೃಷ್ಣ ಭಟ್ ಆನಿ ವೇ.ಮೂ. ದಾಮೋದರ ಭಟ್ ಹಾಂಗೆಲೆ ಪೌರೋಹಿತ್ವಾಂತು ಶತಕಲಶಾರ್ಚನ, ಪವಮಾನ ಅಭಿಷೇಕ ಚಲ್ಲೆ. ವಿಟ್ಠಲ ರುಕುಮಾಯಿ ಪೂಜಾ, ಮಹಾಮಂಗಳಾರತಿ ಚಲ್ಲೆ. ತಶ್ಯಿ ಪ್ರಸಾದ ವಿತರಣಾ ಆನ್ನ ಸಂತರ್ಪಣೆ ಜಾಲ್ಲೆ.
    ರಾತ್ರಿ ಜಾಲ್ಲಿಲೆ ಕಾರ್ಯಕ್ರಮಾಂತು ಸಮಾಜ ಬಾಂಧವಾನಿ ಭಜನಾ ಕಾರ್ಯಕ್ರಮ ಚಲೋನು ದಿಲ್ಲೆ. ತಾಜ್ಜೆ ಉಪರಾಂತ ಮಠಾಚೆ ಪ್ರಾಂಗಣಾಂತು ಪಾಲ್ಕಿ ಉತ್ಸವ ಘಡ್ಲೆ. ರಾತ್ರಿ ಮಹಾಪೂಜೆಚೆ ನಂತರ ಪಾನಕ ಆನಿ ಪ್ರಸಾದ ವಿತರಣ ಕೆಲ್ಲೆ. ಹ್ಯಾಂ ಒಟ್ಟೂ ಕಾರ್ಯಕ್ರಮಾಂತು ಗಾಂವ್ಚೆ, ಪರಗಾಂವ್ಚೆ ಜಿ‌ಎಸ್‌ಬಿ ಸಮಾಜಬಾಂಧವ ಏಕತ್ರ ಮೇಳ್ನು ಚಂದ ರೀತಿರಿ ಚಲೋನು ದಿಲ್ಲಾಲೆ.
ಚಿತ್ರವರದಿ : ಅರವಿಂದ ಶ್ಯಾನಭಾಗ, ಬಾಳೇರಿ

ವಿಶ್ವ ಕೊಂಕಣಿ ಕೇಂದ್ರ ಕ್ಷಮತಾ ಕಾರ್ಯಾಗಾರ

ವಿಶ್ವ ಕೊಂಕಣಿ ಕೇಂದ್ರಾಂತ ಮಂಗಳೂರಚೆ ಶ್ರೀ ವೀರ ವೆಂಕಟೇಶ ಚಾರಿಟೇಬಲ್ ಟ್ರಸ್ಟಾಚೆ ತರಪೇನ ವಿದ್ಯಾರ್ಥಿ ವೇತನ ಘೆತ್ತಿಲ್ಯಾ ಕೊಂಕಣಿ ವಿದ್ಯಾರ್ಥಿಂಕ ಕ್ಷಮತಾ ತರಬೇತಿ ಕಾರ್ಯಾಗಾರ ೧೪-೦೫-೨೦೧೩ಕ ಶ್ರೀ ವೀರ ವೆಂಕಟೇಶ ಚಾರಿಟೇಬಲ್ ಟ್ರಸ್ಟಾಚೆ ಅಧ್ಯಕ್ಷ ಶ್ರೀ ಎ. ಕೆ. ಮಂಜುನಾಥ ಶೆಣೈ ಹಾನ್ನಿ ಉದ್ಘಾಟನ ಕೆಲ್ಲೆಂ. ಕೊಂಕಣಿ ಸರದಾರ ಶ್ರೀ ಬಸ್ತಿ ವಾಮನ ಶೆಣೈಲೆ ಅಧ್ಯಕ್ಷತೇರಿ ಕಾರ್ಯಕ್ರಮ ಚಲ್ಲೆಂ. ಸೊಯ್ರೆ ಜಾವ್ನು ಶ್ರೀ ಎಮ್. ನಾಗೇಶ ಪೈ ಆನಿ ಶ್ರೀ ಜಗನ್ನಾಥ್ ಕಾಮತ್, ಟ್ರಸ್ಟಾಚೆ ಕಾರ್ಯದರ್ಶಿ ಶ್ರೀ ಗಣಪತಿ ಪೈ, ಶ್ರೀ ಬಿ. ಆರ್ ಭಟ್, ವಿಶ್ವ ಕೊಂಕಣಿ ಕೇಂದ್ರಾಚೆ ಕಾರ್ಯದರ್ಶಿ ವೆಂಕಟೇಶ ಎನ್. ಬಾಳಿಗಾ, ಶ್ರೀ ಗುರುದತ್ತ ಬಂಟ್ವಾಳಕಾರ, ವಿಶ್ವ ಕೊಂಕಣಿ ವಿದ್ಯಾರ್ಥಿವೇತನ ನಿಧಿಚೆ ಕಾರ್ಯದರ್ಶಿ ಶ್ರೀ ಪ್ರದೀಪ ಜಿ. ಪೈ, ಕ್ಷಮತಾ ಶಿಬಿರಾಚೆ ಸಂಚಾಲಕ ಶ್ರೀ ಗಿರಿಧರ ಕಾಮತ್ ಆನಿ ಸಂಘಟಕ ಶ್ರೀ ಎಮ್. ಎನ್. ಪೈ, ತರಬೇತುದಾರ  ಪ್ರೀತಮ್ ಕಾಮತ್ ಸಮಾರಂಭಾಂತು ಉಪಸ್ಥಿತ ಆಶಿಲಿಂಚಿ.
ಸಮಾರೋಪ : ಕ್ಷಮತಾ ತರಬೇತ ಕಾರ್ಯಾಗಾರಾಚೆ ಸಮಾರೋ ಸಮಾರಂಭ ೧೬-೦೫-೨೦೧೩ಕ ವಿಶ್ವ ಕೊಂಕಣಿ ಕೇಂದ್ರಾಂತು ಚಲ್ಲೆ. ಶ್ರೀ ಬಸ್ತಿ ವಾಮನ ಶೆಣೈಲೆ ಅಧ್ಯಕ್ಷತೆರಿ ಕಾರ್ಯಕ್ರಮ ಚಲ್ಲೆಂ. ಸೊಯ್ರೆ ಜಾವನ ಶ್ರೀ ವೀರ ವೆಂಕಟೇಶ ಚಾರಿಟೇಬಲ್ ಟ್ರಸ್ಟಾಚೆ ಅಧ್ಯಕ್ಷ ಶ್ರೀ ಎ. ಕೆ. ಮಂಜುನಾಥ ಶೆಣೈ, ಸದಸ್ಯ  ಶ್ರೀ ಎಮ್. ನಾಗೇಶ ಪೈ ಶ್ರ್ತೀ ಜಗನ್ನಾಥ್ ಕಾಮತ್ ಆನಿ ಶ್ರೀ ಗಣಪತಿ ಪೈ, ಶ್ರೀ ಮಿಜಾರ ಸದಾನಂದ ಪೈ, ಶ್ರೀ ವೆಂಕಟೇಶ ಎನ್. ಬಾಳಿಗಾ, ವಿಶ್ವ ಕೊಂಕಣಿ ವಿದ್ಯಾರ್ಥಿವೇತನ ನಿಧಿಚೆ ಕಾರ್ಯದರ್ಶಿ ಶ್ರೀ ಪ್ರದೀಪ ಜಿ. ಪೈ, ಶ್ರೀ ಗುರುದತ್ತ ಬಂಟ್ವಾಳಕಾರ, ಪ್ರೀತಮ್ ಕಾಮತ್ ಸಮಾರಂಭಾಂತು ಉಪಸ್ಥಿತ ಆಶಿಲಿಂಚಿ ಕುಮಾರಿ ರಾಧಿಕಾ ಭಟ್ ಪಿ. ಹಾನ್ನಿ ಸ್ವಾಗತ ಕೆಲ್ಲೆಂ. ಕುಮಾರಿ ಅಮೃತಾ ಎಸ್. ಶ್ಯಾನಭಾಗ ಹಾನ್ನಿ ಕಾರ್ಯಕ್ರಮ ನಿರ್ವಹಣ ಕರನ, ಕುಮಾರಿ ಕಾವ್ಯ ಕೆ. ನಾಯಕ್ ಹಾನ್ನಿ ವಂದನಾರ್ಪಣ ಕೆಲ್ಲೆಂ.

ಶನಿವಾರ, ಜೂನ್ 15, 2013

manava badane

ಮನುಷ್ಯ ರೂಪಿ ವಾಯಂಗಣ

ಜನ್ಮಿತಾನಾ ನಾಂಕಾ ಬರಶಿ ಜನ್ಮಿಲೆ ವಾಯಂಗಣಾಕ ಘೇವ್ನು ಶೃಂಗೇರಿಚೆ ತರಕಾರಿ ವ್ಯಾಪಾರಿ ಶ್ರೀ ನಾಗೇಶ್ ಕಾಮತ್ ತಾನ್ನಿ ರಾಂದಯಿ ಕೊರಚಾಕ ಮ್ಹೊಣು ಘರ್‍ಕಡೆ ಘೆಲೀಲ ತೆದ್ದನಾ  ತಾಂಗೆಲಿ ಧೂವ ಜಾಲೀಲಿ ನವ್ಯಶ್ರೀ ಸೂಕ್ಷ್ಮ ಜಾವ್ನು ತಾಕ್ಕಾ
ದೋಳೆ ಆನಿ ತೋಂಡ ಬರೋವ್ನು ಪಳೈಲಿ ತೆದ್ದನಾ ದಿಶ್ಶಿಲೆ “ಮನಿಷ್ಯ ರೂಪಾಚೆ ವಾಯಂಗಣ. ನವ್ಯಶ್ರೀ ಕ ಸರಸ್ವತಿ ಪ್ರಭಾ ತರಪೇನ ಅಭಿನಂದನ.


 ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಕವಳೇ ಮಠ

ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ ವಿಜಯ ಸಂವತ್ಸರಾಚೆ

ಚಾತುರ್ಮಾಸು ಹುಬ್ಬಳ್ಳಿಚೆ ಸರಸ್ವತಿ ಸದನಾಂತು

ಗೊಂಯ್ಚೆ  ಪೊಂಡಾ ಲಾಗ್ಗಿಚೆ ಕವಳೆಂತು ಶಾ. ಶಕೆ ೫ ಶತಮಾನಾಂತು ಸ್ಥಾಪಿತ ಜಾಲೇಲೆ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಪುರಾತನ ಮಠ ಶ್ರೀ ಕವಳೆ ಮಠ. ಹಾಕ್ಕಾ ಶ್ರೀ ಕೈವಲ್ಯಪುರ ಗೌಡಪಾದಾಚಾರ್ಯ ಮಠ ಮ್ಹೊಣು ಆಪೈತಾತಿ. ಹೇ ಮಠಾಚೆ ಸ್ಥಾಪಕ ಜಗದ್ಗುರು ಶ್ರೀ ಗೌಡಪಾದಾಚಾರ್ಯ ಹಾನ್ನಿ. ಹಾನ್ನಿ ವೇದಾಂತ ಆನಿ ಶಾಸ್ತ್ರಾಭ್ಯಾಸ ಸುರುಳಿತ ಆನಿ ಸಮಗ್ರ ಜಾವ್ನು ಕೋರ್ನು ಘೇವ್ನು ವಿಶೇಷ ಜಾವ್ನು “ಅದ್ವೈತ ಮತ ಪ್ರಚಾರ ಕರತಾ ಆಯಲೆ. ಹಾನ್ನಿ ಬರೆಯಿಲೆ ಅದ್ವೈತಾಚೆ ಮೂಲ ಸೂತ್ರಾಂಕ ‘ಗೌಡಪಾದಕಾರಿಕೆ ಮ್ಹೊಣು ಆಪೈತಾತಿ.
ಶ್ರೀ ಗೌಡಪಾದಾಚಾರ್ಯ ಮಠಾಚೆ ದೊನ್ನಿ ಗುರುವರ್ಯ ಶ್ರೀಮತ್ ಗೋವಿಂದ ಭಗವತ್ಪಾದಾಚಾರ್ಯ. ಸಗಳೆ ದೇಶ ಭರಿ ವೈದಿಕ ಧರ್ಮಾಚೆ ಬಾವುಟ ಹಾರ್‍ಸಿಲೆ ಜಗದ್ಗುರು ಶ್ರೀ ಶಂಕರಾಚಾರ್ಯ ಹಾಂಗೆಲೆ ಶಿಷ್ಯ ಖಂಯಿ. ಅಸ್ಸಲೆ ವಿಶೇಷ ಗುರು ಪರಂಪರೆ ಆಸ್ಸುಚೆ ಗೌಡಪಾದಾಚಾರ್ಯ ಮಠಾಚೆ ೭೭ ಚೆ ಪೀಠಾಧಿಪತಿ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೆಂ.  ಮಹಾಮಹಿಮ ಮ್ಹಣೋವ್ನು ಘೆತ್ತಿಲೆ ಶ್ರೀಮದ್ ಸಚ್ಚಿದಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ ಶಿಷ್ಯ ಹಾನ್ನಿ. ಪ|ಪೂ| ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ “ವಿಜಯ ನಾಮ ಸಂವತ್ಸರಾಚೆ ಚಾತುರ್ಮಾಸ ವೃತ ಹುಬ್ಬಳ್ಳಿ ಸರಸ್ವತಿ ಸದನಾಂತು ಚಲ್ತಾ.
೬೭ ವರ್ಷಾ ಮಾಗಸಿ ಸ್ಥಾಪಿತ ಜಾಲೇಲೆ ಹುಬ್ಬಳ್ಳಿ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ. ಡಾ|| ಎಸ್.ಎಮ್.ಕಾಮತ್, ಡಾ|| ಬಿ.ಡಬ್ಯ್ಯು. ನಾಡಕರ್ಣಿ, ಡಾ|| ಎಮ್.ಬಿ.ಕಿಣಿ, ಶ್ರೀ ರಂಜಾಳ ಹರಿ ಶೆಣೈ, ಶ್ರೀ ಜಿ.ವಿ.ನಾಯ್ಕ, ಶ್ರೀ ಎ.ಎನ್. ಕುಡ್ವಾ, ದಿ|| ರಂಗಪ್ಪಾ ಪಾಂಡುರಂಗ ಕಾಮತ್, ದಿ|| ಶೇಷಗಿರಿ ಪಾಂಡುರಂಗ ಕಾಮತ್ ಹಾಂಗೆಲೆ ಸಮರ್ಥ ಮುಖಾರಪಣಾರಿ ಅಭಿವೃದ್ಧಿ ಪಾವ್ತಾ ಆತ್ತ ವ್ಹಡ ಉದ್ಯಮಿ, ಉದಾರ ದಾನಿ ಶ್ರೀ ಆರ್. ಎನ್. ನಾಯಕ್ ಮಾಮ್ಮಾಲೆ ಸಮರ್ಥ ನಾಯಕತ್ವಾರಿ ಸಗಳೆ ದೇಶಾಂತೂ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಏಕ ನಾಂವ ಪಾವ್ವಿಲೆ ಸಂಘಟನ ಜಾವ್ನು ಉಬರ್‍ಲಾ. ಗಾಂವ್ಚೆ ಮಧ್ಯ, ರೇಲ್ವೆ ಸ್ಟೇಷನ್ನಾಚೆ ಲಾಗ್ಗಿ “ಸರಸ್ವತಿ ಸದನ “ಲಕ್ಷ್ಮೀ ಸದನ ಆನಿ “ಶಾಂತೇರಿ ಸಭಾಗ್ರಹ ನಾಂವಾಚೆ ತೀನಿ ಸಭಾಗ್ರಹಾನ ಶೋಭಿತ ಹೇ ಸಮಾಜಾಂತು ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ ಚಾತುರ್ಮಾಸು  ಸ್ವೀಕಾರು ೨೨-೦೭-೨೦೧೩ ಕ ಗುರು ಪೂರ್ಣಿಮೆ ದಿವಸು ಚಲ್ತಾ. ಆನಿ ೨೨-೦೯-೨೦೧೩ ಪರ್ಯಂತ ಪ|ಪೂ| ಸ್ವಾಮ್ಯಾಂಗೆಲೆ ಚಾತುರ್ಮಾಸು ಹಾಂಗಾ ಘಡ್ತಾ.
ಉತ್ತರ ಕರ್ನಾಟಕಾಚೆ ಹರ್ದೆ ಮ್ಹೊಣೋವ್ನು ಘೆವ್ಚೆ ಹುಬ್ಬಳ್ಳಿಕ ಖಾಲಿ ಕರ್ನಾಟಕಾಚೆ ತಿತ್ಲೆ ನ್ಹಂಹಿ ಸಗಳೆ ದೇಶಾಚೆ ಸರ್ವ ಪ್ರಮುಖ ಪೇಂಟಾ ದಾಕೂನು  ರೇಲ್ವೆ ಆನಿ ರಸ್ತೆ ದ್ವಾರ ಚಾಂಗ ಸಂಚಾರ ವ್ಯವಸ್ಥೆ ಆಸ್ಸ. ಹಾಂಗಾ ರಾಬಚಾಕ ಜಾಯಿ ಜಾಲೇಲೆ ಸರ್ವ ನಮೂನ್ಯಾಚೆ ವಸತಿ(ಲಾಡ್ಜ) ವ್ಯವಸ್ಥಾಯಿ ಉಪಲಬ್ಧ ಆಸ್ಸುನು. ಶ್ರೀ ಗೌಡಪಾದಾಚಾರ್ಯ ಮಠಾಚೆ ಸರ್ವ ಅನುಯಾಯಿನ ಆನಿ ಸರ್ವ ಗೌಡ ಸಾರಸ್ವತ ಸಮಾಜ ಬಾಂಧವಾನಿ ಹೇ ಸಂದರ್ಭಾರಿ ಹುಬ್ಬಳ್ಳಿಕ ಎವ್ನು ಪ|ಪೂ| ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಕ ಭೆಟ್ಟೂನು, ತಾಂಗೇಲೆ ಕೃಪೇಕ ಪಾತ್ರ ಜಾವ್ನು  ಪುನೀತ ಜಾವ್ಯೇತ.
ಹೇ ಸಂದರ್ಭಾರಿ ಗುರು ಭಿಕ್ಷಾ ಆನಿ ಗುರು ಸೇವೆಕ ಸೈತ ಅವಕಾಶ ಆಸ್ಸನು ಚಾತುರ್ಮಾಸ ಪೂರ್ಣಾವಧಿ ನಿತ್ಯ ಭಿಕ್ಷಾ ಸೇವೆಕ ರೂ. ೨೫,೦೦೦/-, ಮಹಾ ಸಂತರ್ಪಣಾ ಭಿಕ್ಷಾ ಸೇವೆಕ ರೂ. ೧೦,೦೦೦/-, ಭಿಕ್ಷಾ ಸೇವಾ ಸಮೇತ ಸರ್ವ ಸೇವೆಕ ರೂ. ೫,೦೦೦/- ಆನಿ ಸಂತರ್ಪಣ ಭಿಕ್ಷಾ ಸೇವೆಕ ರೂ. ೨,೫೦೦/- ಮ್ಹೊಣು ದರ ನಿಗ್ದಿ ಕೆಲ್ಲಯಾ.
ಹೇ ಖಾತಿರಿ ಖಂಚೇ ಚಡ್ತೆ ಮಾಹಿತಿ ಜಾವ್ಕಾ ಜಾಲೇಲ್ಯಾನ ೧. ಶ್ರೀ ಸದಾನಂದ ಕಾಮತ್ (ಪೋನ್ ನಂ. ೯೪೪೮೩ ೬೨೮೫೧) ೨. ಶ್ರೀ ಮಹೇಶ ಮಾನಗೆ (ಪೋನ್ : ೯೪೪೮೩ ೨೬೮೭೪), ೩. ಶ್ರೀ ಗುರು ಹುಣ್ಸವಾಡಕರ (ಪೋನ್ ನಂ. ೯೪೪೮೯ ೬೭೧೦೮) ಜಾಂವೊ ಸಮಾಜಾಚೆ ಪೋನ್ ನಂ ೦೮೩೬-೨೨೬೪೪೫೫ ಹಾಂಗಾಕ ಖಂಯ್ತರಿ ಸಂಪರ್ಕು ಕೊರಯೇತ.

ಭಾನುವಾರ, ಜೂನ್ 9, 2013

``ಸರಸ್ವತಿ ಪ್ರಭಾ''ಚೆ 25 ವರ್ಷಾಚೆ ಪ್ರಥಮ ಸಂಚಿಕಾ ಪ್ರಕಟ ಜಾಲ್ಲಯಾ.

 ಹೇ ಸಂಚಿಕೆಚೆ ವಿಶೇಷ

* ರಂಗೋಲಿ ಮಹತ್ವ
* ಸ್ವಾಮಿ ವೆವೀಕಾನಂದಾಲೆ ಜೀವನ ಘಟನಾ -2/3
* ``ಸರಸ್ವತಿ ಪ್ರಭಾ'' 25 ವರ್ಷಾಕ ಯವ್ನು ಪಾವ್ವಿಲೆ ಕಾಣಿ-1
* ಖಂಚೆ ಕಾಯ್ಲೆಕ ಖಂಚೆ ಘರಾ ವಾಕ್ಕದ?
* ಮೈಸೂರಾಚೆ ಶ್ರೀ ಕೆ. ಜನಾರ್ಧನ ಭಟ್ ಮಾಮ್ಮಾನ ಬರೆಯಿಲೆ ``ಉಪನಿಷದ್ ಕಾಣಿ-7''
* ಪ್ರಾಪ್ತಿ ಧಾರವಾಹಿಚೆ 30ಚೆ ಭಾಗ
* ಶ್ರೀ ವಿಷ್ಣು ಕಾಮತ್, ಕಟಪಾಡಿ ತಾನ್ನಿ ಬರೆಯಿಲೆ ``ತಾಂಬೂಲಂ ಶ್ರೀಕರಂ ಭದ್ರಂ..'' ಲೇಖನ
* ಮೈನ್ಯಾ ಕಾಣ್ಯೇಂತು ``ಪಿವಡೇಲೆಂ ಬಾಯ್ಲ..'' ಲ್ಹಾನ ಕಾಣಿ

* ಶ್ರೀ ಅನಿಲ ಪೈ ಶಿರಸಿ ಹಾನ್ನಿ ಬರೆಯಿಲೆ ``ಸಿಲಿಕಾನ ಸಿಟಿ ಬೆಂಗಳೂರು''
* ಆರೋಗ್ಯ ಪ್ರಭಾಂತು ``ಪಾಟ್ಟಿ ಧೂಕಿ ತಾಕ್ಕ ಪರಿಹಾರು''
* ``ಪಾವ್ಸಾ ಖಾತ್ತಿರಿ ಜಾನಪದ ನಂಬಿಗಾ
* ಚರಡೂವಾ ಖಾತ್ತಿರಿ ``ಬುದ್ಧೊಂತ ಮಾಜ್ಜರ''
* ಕಾರ್ವಾರಾಚೆ ಶ್ರೀ ನಾಗೇಶ ಅಣ್ವೇಕರಾನಿ ಬರೆಯಿಲೆ ``ಆದ್ಗತೀಯೋ ಭಾಸ ಆನಿ ಸಾಹಿತ್ಯಾಚೆ ಕಿರೀಟ''
ಹಾಜ್ಜ ಬರಸಿ ಸಮಗ್ರ ಕೊಂಕಣಿ, ಜಿ.ಎಸ್.ಬಿ. ದೈವಜ್ಞ ಸಮಾಜಾಚೆ ಖಬ್ಬರ ಸರ್ವ ಹೇ ಏಕ್ಕಾ ಸಂಚಿಕೆಂತು 
ಮುದ್ದಾಂ ವಾಜ್ಜಿಯಾ ಆನಿ ತುಮಗೇಲೆ ಸಹಾಯು, ಅಭಿಪ್ರಾಯು ಆಮ್ಕಾ ಕಳೇಯಾ.
e-mail ID : saraswatiprabha@rediffmail.com