ತೋನ್ಸೆಂತು ಧಾರ್ಮಿಕ್ ಚಿಂತನ್

ತೋನ್ಸೆ ಪೈ ಕುಟುಂಬಸ್ಥಾಲೆ ಮಾಲ್ಗಡ್ಯಾಲೆ ಘರಾಂತು ಪ್ರತೀ ಮೈನೆಂತು ಶ್ರೀ ಸತ್ಯನಾರಾಯಣ ವ್ರತ ಆಚರಣ ಕೊರ್‍ಚೆ ಪ್ರಕಾರ ೧೩೬ಚೆ ವ್ರತು ತಾ. ೩೦.೦೯.೨೦೧೨ ದಿವಸು ಶ್ರೀ ತೋನ್ಸೆ ನಾಗೇಶ್ ರಾಮಕೃಷ್ಣ ಪೈ ಹಾನ್ನಿ ಸೇವಾದಾರ್ ಜಾವ್ನು ಜಾಲ್ಲೆಲೆ ಆಸ್ಸ. ಪ್ರಾರಂಭಾಂತು ಶ್ರೀ ಮಹಾಲಸಾ ಭಜನಾ ಮಂಡಳಿಚೆ ಭಜನಾ ಸೇವೆ ಜಾವ್ನು ಮಂಡಳಿಚೆ ಶ್ರೀಮತಿ ತಾರಾಮತಿ ಅಜಿತ್ ಪೈ ಹಾಂಕಾ ನಂತರ ಭಜನಾ ಸೇವೆ ಕೆಲ್ಲೆಲೆ ಶ್ರೀಮತಿ ವಂದನಾ ದೇವಾನಂದ ಶೆಣೈ ಹಾಂಕಾ ಗೌರವ ಸಮರ್ಪಣ ಕೆಲ್ಲೆ. ತಬ್ಲಾ ವಾದಕು ಜಾವ್ನು ಟಿ. ರಂಗ ಪೈ, ಹಾರ್ಮೋನಿಯಮಾಂತು ಪ್ರಸಾದ್, ಕೊಳಲು ವಾದಕು ಕಿರಣ್ ಮುಕುಂದ್ ಡೊಂಗ್ರೆ, ಮಾಳ ಸಹಕಾರು ದಿಲ್ಲೆಲೆ ಹಾಂಕಾ ಗೌರವ ಸಮರ್ಪಣ ಕೆಲ್ಲೆ. ಹರಿಖಂಡಿಗೆ ಶ್ರೀ ಲಕ್ಷ್ಮೀವೆಂಕಟರಮಣ ದೇವಸ್ಥಾನಾ ದಾಕೂನು ತಿರುಪತಿಕ ಐತಿಹಾಸಿಕ ರಾಮದಂಡು ಪಾದಯಾತ್ರೆ ಕೆಲ್ಲೆಲೆ ಕುಳಾವಿ, ಭಜಕಾಂಕ ಹೆ ಸಂದರ್ಭಾರಿ ವಿಶೇಷ ಪ್ರಸಾದು ದೀವ ಗೌರವ ಸಮರ್ಪಣ ಕೆಲ್ಲೆ. ಧಾರ್ಮಿಕ ಕಾರ್ಯಕ್ರಮು ಭದ್ರಗಿರಿ ಶ್ರೀ ವೀರವಿಠಲ ದೇವಸ್ಥಾನಾಚೆ ಧರ್ಮದರ್ಶಿ ಬಿ. ಪಾಂಡುರಂಗ ಆಚಾರ್ಯ ಹಾಂಗೆಲೆ ಅಧ್ಯಕ್ಷತೆರಿ ಚೋಲ್ನು ಧರ್ಮದರ್ಶಿ ಚಂದ್ರಕಾಂತ ಪ್ರಭು ಆನಿ ಲಕ್ಷ್ಮೀನಾರಾಯಣ ಪೈ ಮುಖ್ಯ ಅತಿಥಿ ಜಾವ್ನು ವಾಂಟೊ ಘೆತ್ತಿಲೆ. ವ್ರತ ಸೇವೆದಾರು ವೇದಿಕೇರಿ ಉಪಸ್ಥಿತ ಜಾವ್ನು ಆಸಿಲೆ. ಕು| ಸಿಂಧೂ ಗಣೇಶ್ ಕಾಮತ್ ಹಾಂಗೆಲೆ ಸುಧೀಂದ್ರವಾಣಿ ಕಾರ್ಯಕ್ರಮ ಜಾಲ್ಲೊ. ಜಡಭರತ ಶರ್ಮಾ, ಕಟಪಾಡಿ, ಆನಿ ರಾಧಾಕೃಷ್ಣ ಪ್ರಭು, ಕಾಪು ಹಾನ್ನಿ ಧಾರ್ಮಿಕ ಕಾರ್ಯಕ್ರಮು ನಿರ್ವಹಣ ಕೆಲ್ಲೆ. ಟಿ. ದೇವದಾಸ ಪೈ ಹಾಂಗೆಲೆ ಸ್ವಸ್ತಿ ವಾಚನ, ಟಿ. ಗಣೇಶ ಪೈ ಹಾನ್ನಿ ಸ್ವಾಗತ, ಆನಿ ಟಿ. ಕೇಶವರಾಯ ಪೈ ಹಾನ್ನಿ ವಂದನಾರ್ಪಣ್ ಕೆಲ್ಲೆ.