ಶ್ರೀ ವಿವೇಕಾನಂದ ಭಟ್ಟಾಂಗೆಲೆ ‘ಭಕ್ತಿಮಾಲಾ
“ಆಪ್ಪಣ ವೈಕುಂಠಾಂತು ನಾ, ಯೋಗಿಲೆ ಹರ್ದೆಂತೂ ನಾ, ಖಂಯಿ ಮೆಗೆಲೆ ಭಕ್ತ ಮೆಗೆಲೆ ಭಜನ ಕರತಾತಿಕಿ, ಥಂಯ ಹಾಂವ ಆಸ್ತಾ. ಮ್ಹೊಣು ಜಗನ್ನಿಯಾಮಕ ಜಾಲೇಲೊ ಪರಮಾತ್ಮು ದೇವರ್ಷಿ ನಾರದಾಕ ಸಾಂಗ್ತ ಖಂಯಿ. ಭಜನ ವ ದೇವಾಲೆ ನಾಮಸ್ಮರಣ ಆಮಗೇಲೆ ಮನಾಕ ಘಡೆ ಭಿತ್ತರಿ ಏಕಾಗ್ರ ಕೋರ್ನು ಸೊಡತಾ. ತಶ್ಶೀಚಿ ತ್ಯಾ ದೇವಾಲೆ ಶರಣು ವಚ್ಚೂಕ ಮದ್ದತ್ ಕರತಾ.
ಆಮಗೇಲೆ ಧ್ಯಾನ ಕಿತ್ಲೆ ಆಸಲೀರಿಚಿ ತ್ಯಾ ದೇವಾಲೆ ಅನುಗ್ರಹ ನಾತಲೀರಿ ಪ್ರಯೋಜನಾಕ ಯಾನಾ. ಸಬಾರ ಲೋಕಾಂಕ ತೋ ಶಂಬರ ಭರಿ ಸರ್ಪಳಿನ ಬಾಂದೂನು ಘಾಲ್ನು ಆಸ್ತಾ.  ಆನಿ ಇತ್ಲೆ ಲೋಕಾಂಕ ಸ್ವರ್ಗಾಚೆ ಬಾಗಿಲ ಉಗಡ್ನು ದವರೂನು ಆಸ್ತಾ. ತ್ಯಾ ಖಾತ್ತಿರಿ ಆಮಗೇಲೆ ಪೂರ್ತಿ ಜವಾಬ್ದಾರಿ ತಾಜ್ಜ ವಯರಿ ಘಾಲ್ನು ತಾಕ್ಕಾ ಪೂರ್ತಿ ಶರಣಾಗತ ಜಾಲ್ಯಾರಿ ನ್ಯಾಯಾಚೆ ವಾಟ್ಟೇರಿ ತೋ ಆಮಕಾ ಚಮ್ಕೂಸೂನು ಘೇವ್ನು ವ್ಹರತಾ. ಆಮ್ಮಿ ಮಾಂಕ್ಡಾ ಪಿಲ್ಲಾ ವರಿ ವಾಂಚೇಕ ಪ್ರಯತ್ನ ಕರನಾಶಿ, ಮಾಜ್ರಾ ಪಿಲ್ಲಾ ವರಿ ವಾಂಚೂಕ ಪ್ರಯತ್ನ ಕೊರಕಾ. ಮಾಂಕ್ಡಾ ಪೀಲ ಆಪಣಾಲೆ ಆವಯಿ ಖಂಯಿ ಘೆಲ್ಯಾರಿಚಿ ತಾಕ್ಕಾ ಪೊಟೋವನು ಘೇವ್ನಾಸ್ತ. ಖಂಯ್ತರಿ ತರಿ ಹಾತು ಚುಕ್ಲ ಮ್ಹಳ್ಯಾರಿ ತೊಗ್ಗು ಪೋಣು ಗಾಯು ಕೋರ್ನು ಘೆತ್ತಾ. ತ್ಯಾಂಚಿ ಮಾಜ್ರಾ ಪೀಲ ಜಾಲ್ಯಾರಿ ಆವಸೂನು ಯವ್ನು ಆಪಣಾಕ ಚಾಬ್ಬುನು ವ್ಹರಚೆ ವರೇಕಾ ಆಶ್ಶಿಲೆ ಕಡೇನ ಆಸ್ತಾ. ಆನಿ ಆಪಣಾಕ ಏಕ್ಕಡೆಚಾನ ಆನ್ನೇಕ ಕಡೆಕ ವ್ಹರಚೆ ಪೂರ್ತಿ ಜವಾಬುದಾರಿ ಆವಸೂಕ ಸೊಡ್ತಾ. ಸ್ವಪ್ರಯತ್ನಾಕ ಆನಿ ದೇವಾಲಾಗ್ಗಿ ಶರಣಾಗತ ಜಾಲೇಲ್ಯಾಕ ಹೇಂಚಿ ಫರಕ. ತಶ್ಶಿ ದೇವಾಕ ಶರಣಾಗತ ಜಾವಚಾಕ ಸುಲಭೋಪಾಯ ಮ್ಹಳಯಾರಿ ದೇವಾಲೆ ಭಜನ ಮ್ಹಣಚೆ.
ಪೂಡೆ ಕಾಲಾಂತು “ಭಜನ ಪ್ರತಿಯೇಕ ಘರಾಂತು ಪ್ರತಿ ದಿವಸು ಸಾಂಜ್ವಾಳ ಸಾಂಗ್ತಾ ಆಶ್ಶಿಲಿ. ಪ್ರತಿಯೆಕ್ಲ್ಯಾಂಕ ಕನಿಷ್ಟ ಪಂಚ್ವೀಸ-ತೀಸ ಭಜನ ಕಂಠಪಾಠ ಜಾವ್ನು ಆಸ್ತಾ ಆಶ್ಶಿಲೆಂ.  ಆನಿ ಆಜಿ ತಸ್ಸಾಲೆ ತರ್ನಾಟೆಂಕ ಆಮ್ಮಿ ಅಸ್ಸಲೆ ಸಂಸ್ಕಾರು ದಿತ್ತಾ ನಾಂತಿ. ಸ್ಕೂಲ್ ಹೋಮ್ ವರ್ಕ್, ನೋಟ್ಸ್ ಬೈಹರ್ಟ್, ಟಿ.ವಿ. ಸೊಳ್ಯಾರಿ ದುಸರ್‍ಯಾಕ ತಾಂಕಾ ವೇಳು ನಾ ಜಾಲ್ಯಾ. ಅಸ್ಸಲೆ ಸಂದರ್ಭಾರಿ ಖಾಲಿ ‘ಭಜನೆ ಮಹತ್ವ ಮಾತ್ರ ಸಾಂಗ್ಲ್ಯಾರಿ ಪುರ್‍ಜಾಯ್ನಾ ಮ್ಹೊಣು ಮಂಗಳೂರ್‍ಚೆ ಶ್ರೀ ಪಿ. ವಿವೇಕಾನಂದ ಭಟ್ ಮಾಮ್ಮಾನಿ “ಭಕ್ತಿಮಾಲಾ ಮ್ಹಣಚೆ ಅಪರೂಪಾಚೆ ಹೇ ಗ್ರಂಥ ಬಾಯರ ಕಾಳ್ಳಾ ಮ್ಹೊಣು ದಿಸ್ತಾ.
ಆಮ್ಮಿ ಪ್ರತಿ ದಿವಸಾಚೆ ಕಾಮ-ಕಾರ್ಯ ಕರತಾನಾ ದೇವಾಲೆ ಸ್ತೋತ್ರ, ಭಜನ ಸಾಂಗುಯೇತ. ಸ್ತೋತ್ರ ತಾಜ್ಜೆ ಅರ್ಥ ಸ್ಮರಣೇನ ಸಾಂಗಲ್ಯಾರಿ ಚಾಂಗ ಖಂಯಿ. ಹೆ ಸ್ತೋತ್ರ ಬರೆಯಿಲೆ ಮಹಾತ್ಮಾನ ಜಾಲೇಲೆ ನಿಮಿತ್ತ ತಾಂತು ಪ್ರಚಂಡ ಶಕ್ತಿ ಆಸತಾ.  ತಸ್ಸಾಲೆ ಸ್ತೋತ್ರ, ಭಜನ ಸಂಗ್ರಹ ಕೋರ್ನು ತಾನ್ನಿ ಹಾಂತು ಪ್ರಕಟ ಕೆಲ್ಲಯಾ.
ಸುಮಾರ ತಿನ್ಸೆ ಪಶಿ ಚ್ಹಡ ವಿಂಗವಿಂಗಡ ದೇವಾಲೆ ಭಜನ, ಸ್ತೋತ್ರ ಹೇ “ಭಕ್ತಮಾಲಾಂತು ಉಪಲಬ್ಧ. ಚಡ್ತ ಭಜನ ಕನ್ನಡ ಭಾಷೆಚೆ, ಕೊಂಕಣಿಂತುಲೆ ಭಜನ ತಾನ್ನಿ ಸಂಗ್ರಹ ಕೆಲ್ಲ್ಯಾ. ಡೆಮ್ಮಿ ೧/೮ ಸೈಜಾಚೆ ೨೨೮ ಪುಟಾಚೆ ಕೃತಿ ಚಾಂಗ ಧಂವೆ ಕಾಗದಾರಿ ಪ್ರಿಂಟ್ ಜಾಲ್ಲಾ. ಖಂಡಿತ ಪ್ರತಿಯೇಕ ಆಸ್ತಿಕ ಮಹಾಶಯಾಲೆ ಘರಾಂತು ಆಸ್ಸುಕಾಚಿ ಜಾಲ್ಲಿಲ ತಸ್ಸಾಲೆ. ತಿತ್ಲೆಚಿ ಮೌಲ್ಯಯುತ ಮ್ಹೊಣು ಸಾಂಗಲ್ಯಾರಿ ಚೂಖ ಜಾಯಸನಾ. ಹಾಡೋವನು ಘೆವಚಾಕ ಆಸಕ್ತಿ ಆಶ್ಶಿಲ್ಯಾನ ಪ್ರಕಾಶಕ: ಶ್ರೀ ವಿವೇಕಾನಂದ ಭಟ್, ನಂ. ೪೦೬, ಪರ್ಲ್ ಅಪಾರ್ಟಮೆಂಟ್, ಪಾಂಡೇಶ್ವರ, ಮಂಗಳೂರು - ೫೭೫೦೦೧. ಪೋನ್ : ೯೭೩೧೪೨ ೬೪೪೫ ಜಾಂವೊ ಶ್ರೀಮತಿ ಸುಮಿತಾ ವಿ. ಭಟ್ ಪೋನ್ ನಂ. ೯೪೮೦೫ ೬೬೦೮೫ ಹಾಂಕಾ ಸಂಪರ್ಕು ಕೊರಯೇತ.

  ಕೊಂಕಣಿ ಸಾಹಿತ್ಯ ಅಕಾಡೆಮಿ ತರ್ಪೇನ ಕೊಂಕಣಿ ನಾಟಕೋತ್ಸವ

ಕೊಂಕಣಿ ಸಾಹಿತ್ಯ ಅಕಾಡೆಮಿ, ಉಡುಪಿ ಶ್ರೀ ಲಕ್ಷ್ಮೀವೆಂಕಟೇಶ ದೇವಸ್ಥಾನ ಆನಿ ಗೌಡ ಸಾರಸ್ವತ ಬ್ರಾಹ್ಮಣ ಯುವಕ ಮಂಡಳಿಚೆ ಸಹ ಯೋಗಾಂತು ಉಡ್ಪಿ ಶ್ರೀ ದೇವಳಾಚೆ  ವಠಾರಾಂತು ಆಯೋಜನ ಕೆಲೇಲೆ ದೋನ ದಿವಸಾಚೆ ಕೊಂಕಣಿ ನಾಟಕೋತ್ಸವ ಆನಿ ಕೊಂಕಣಿ ರಂಗಮಂಥನ ಕಾರ್ಯಕ್ರಮ ತಾ. ೨೮-೦೪-೨೦೧೨ ದೀಸು  ಶಾಸಕ ಕೆ.ರಘುಪತಿ ಭಟ್ ತಾನ್ನಿ ಉದ್ಘಾಟನ ಕೆಲ್ಲಿ. ಅಕಾಡೆಮಿಚೆ ಸದಸ್ಯಾಂಗೆಲೆ ನೇಮಣೂಕಿ ಖಾತ್ತಿರಿ ಸರಕಾರ ಬರ್ಶಿ ವಿಚಾರ ವಿಮರ್ಶೆ ಕರ್ತ ಮ್ಹೊಣು ರಘುಪತಿ ಭಟ್ ತಾನ್ನಿ ಅಪ್ಣಾಂಗೆಲೆ ಭಾಷಣಾಂತು ಆಶ್ವಾಸನ ದಿಲ್ಲಿ. ಸಾಹಿತ್ಯ ವಾಡಚಾಕ ತ್ಯಾ ತ್ಯಾ ಭಾಷೆಂತು ಸಿನೇಮ, ನಾಟಕ ಚ್ಹಡ ಚ್ಹಡ ಯವ್ಕಾ ಮ್ಹೊಣು ತಾನ್ನಿ ಅಭಿಪ್ರಾಯ ಪಾವ್ಲಿಂತಿ. ಅಧ್ಯಕ್ಷತಾ ಘೆತ್ತಿಲೆ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಕಾಸರಗೋಡು ಚಿನ್ನಾ ತಾನ್ನಿ ಸುರವೇಕ ಸರ್ವಾಂಕ ಯೇವ್ಕಾರ ಕೆಲ್ಲಿಂತಿ. ಪುರಸಭೆಚೊ ಮಾಜಿ ಅಧ್ಯಕ್ಷ ಎಂ.ಸೋಮಶೇಖರ ಭಟ್, ಮಣಿಪಾಲ ಅಕಾಡೆಮಿ ಆಡಳಿತಾಧಿಕಾರಿ ಡಾ| ಎಚ್.ಶಾಂತಾರಾಮ್ , ನಗರಸಭಾ ಸದಸ್ಯ ಶ್ಯಾಮಪ್ರಸಾದ ಕುಡ್ವ, ದೇವಳಾಚೆ ಆಡಳಿತ ಮೊಕ್ತೇಸರ ಪಿ.ವಿ.ಶೆಣೈ, ಕಲ್ಯಾಣಪುರ ಮಿಲಾಗ್ರಿಸ್ ಕಾಲೇಜಾಚೆ ಪ್ರಾಧ್ಯಾಪಕ ಡಾ| ಜೆರಾಲ್ಡ್ ಪಿಂಟೋ ತಾನ್ನಿ ದೇವು ಬರೆಂ ಕೊರೊ ಮ್ಹಳ್ಳಿಂತಿ. ಸಾಣೂರು ಮೋಹನದಾಸ ಜಿ. ಪ್ರಭು ಆನಿ ಚೇರ್ಕಾಡಿಚೆ ಗೀತಾ ಸಾಮಂತ್ ತಾಂಕಾ ಹೇಂಚಿ ವೇದಿಕೇರಿ ಹಾರ್ದಿಕ ಜಾವ್ನು  ಸಮ್ಮಾನ ಕೆಲ್ಲೆ. ಅಕಾಡೆಮಿ ರಿಜಿಸ್ಟ್ರಾರ್ ಡಾ| ಬಿ.ದೇವದಾಸ ಪೈನಿ ಆಬಾರ ಮಾನಲೆ. ಶ್ರೀ ರಾಘವೇಂದ್ರ ಕಿಣಿನ ಕಾರ್ಯಕ್ರಮ ನಿರ್ವಹಣ ಕೆಲ್ಲೆ.
ಎ.೨೯ ಸಕ್ಕಾಣಿ  ಕೊಂಕಣಿ ರಂಗಮಂಥನ್ ಚಲ್ಲೆ. ರಂಗಮಂಥನ್ ಕಾರ್ಯಕ್ರಮ ಉದ್ಘಾಟನ ಕಲಾವಿದ ಉಪ್ಪುಂದಾಚೆ ಓಂ ಗಣೇಶ್ ತಾನ್ನಿ ಕೆಲ್ಲಿ. ಉಡುಪಿ ಎಪಿ‌ಎಂಸಿ ಅಧ್ಯಕ್ಷ ಕುಯಿಲಾಡಿ ಸುರೇಶ ನಾಯಕ್ ಶುಭಾಶಂಸನ ಕೆಲ್ಲಿಂತಿ. ಮಂಗಳೂರು ವಿ.ವಿ. ಕಾಲೇಜಾಚೆ ಪ್ರಾಧ್ಯಾಪಕ ಡಾ|ಜಯವಂತ ನಾಯಕ್, ಕವಯತ್ರಿ ಕಟಪಾಡಿಚೆ ಕ್ಯಾಥರಿನ್ ರಾಡ್ರಿಗಸ್ ವಿಷಯ ಮಂಡನ ಕೆಲ್ಲಿಂತಿ. ರಂಗಕರ್ಮಿ ಜಾಲೇಲೆ ರಾಮದಾಸ ನಾಯಕ್, ಗೋಕುಲದಾಸ ಕಾಮತ್, ಪೂರ್ಣಿಮಾ ಸುರೇಶ, ಅಲ್ಪೊನ್ಸ್ ಡಿ’ಕೋಸ್ತ, ಶೈಲಾ ಫೆರ್ನಾಂಡಿಸ್, ರಮೇಶ ಕಾಮತ್, ನಾಗೇಶ ಕಾಮತ್ ಕಟಪಾಡಿ, ಲೂವಿಸ್ ಡಿ’ಅಲ್ಮೇಡ, ಶ್ವೇತಾ ಸುಧಾ, ಸುಭಾಷ ಕಾಮತ್, ವಿದ್ಯಾಶ್ಯಾಮ ಸುಂದರ್, ಕುಂದಾಪುರಾಚೆ ಗಣೇಶ ಶೆಣೈ, ಸಂಧ್ಯಾ ದಿನೇಶ ನಾಯಕ್, ಶಶಿಭೂಷಣ ಕಿಣಿ, ರಾಘವೇಂದ್ರ ಕಿಣಿ, ವೆಂಕಟೇಶ ಕಾಮತ್, ರಾಜಗೋಪಾಲ ಶೇಟ್ ಹಾಂತು ವಾಂಟೊ ಘೇತಲೀಂತಿ. .
ಸಾಂಜ್ವಾಳಾ ಚಲೇಲೆ ಸಮಾರೋಪ ಸಮಾರಂಭಾಚೆ ಅಧ್ಯಕ್ಷತೆ ಘೆತ್ತಿಲೆ ಅಕಾಡೆಮಿ ಅಧ್ಯಕ್ಷ ಕಾಸರಗೋಡು ಚಿನ್ನಾ ತಾನ್ನಿ ಸರ್ವಾಂಕ ಯೇವ್ಕಾರ ಕೆಲ್ಲೆ. ಪೌರಾಯುಕ್ತ ಗೋಕುಲದಾಸ ನಾಯಕ್, ಉದ್ಯಮಿ ಪಾಂಗಾಳ ರಬೀಂದ್ರ ನಾಯಕ್, ಕಲಾವಿದ ಟಿ.ರಂಗ ಪೈ, ಅಕಾಡೆಮಿ ಮಾಜಿ ಸದಸ್ಯ ಹರೀಶ ಶೆಣೈ ಹಾನ್ನಿ ದೇವು ಬರೆಂ ಕೊರೊ ಮ್ಹಳ್ಳಿಂತಿ. ರಾಜಗೋಪಾಲ ಶೇಟ್, ವಾಲ್ಟರ್ ಮೊಂತೆರೊ ತಾಂಕಾ ಸನ್ಮಾನ ಕೆಲ್ಲೆ. ಅಕಾಡೆಮಿ ರಿಜಿಸ್ಟ್ರಾರ್ ಡಾ|ಬಿ.ದೇವದಾಸ ಪೈನ  ಕಾರ್ಯಕ್ರಮ ನಿರ್ವಹಣ ಕೆಲ್ಲೆ. ಒಟ್ಟಾರೆ ಹೇ ಸಮಗ್ರ ಕಾರ್ಯಕ್ರಮ ಕೊಂಕಣಿ ನಾಟಕಾಚೆ ಬಾಯರ-ಭಿತ್ತರಿ, ತ್ರಾಸು-ಹಾಸು ತಾಜ್ಜ ಕಲ್ಪನ ಪ್ರೇಕ್ಷಕಾಕ ಯವಚಾಕ ಥೊಡೆ ಮಟ್ಟಾಕ ಯಶಸ್ವಿ ಜಾಲ್ಯಾ ಮ್ಹೊಣು ಸಾಂಗುಯೇತ ತ್ಯಾ ಖಾತ್ತಿರಿ ಸಾಹಿತ್ಯ ಅಕಾಡೆಮಿಕ ಅಭಿನಂದನ ಪಾವೋಕಾ.

ಶ್ರೀ ಲಕ್ಷ್ಮೀನಾರಾಯಣ ಕಾಮಾಕ್ಷಿ ದೇವಳ, ಹುಬ್ಬಳ್ಳಿ
ಹುಬ್ಬಳ್ಳಿಚೆ ದೇಶಪಾಂಡೆ ನಗರಾಂತು ಆಸ್ಸುಚೆ ಶ್ರೀ ಲಕ್ಷ್ಮೀನಾರಾಯಣ ಕಾಮಾಕ್ಷಿ ದೇವಳಾಂತು “ಶತಚಂಡಿ ಮಹಾಯಾಗಾ ತಾ. ೪-೦೫-೨೦೧೨ ದಿವಸು ವಿಜೃಂಭಣೇರಿ ಚಲ್ಲೆ. ತತ್ಸಂಬಂಧ ತಾ. ೩೦-೦೪-೨೦೧೨ ತಾಕೂನು ೪-೦೫-೨೦೧೨ ಪರ್ಯಂತ ದೇವತಾ ಪ್ರಾರ್ಥನಾ, ಮೃತ್ತಿಕಾ ಪೂಜಾ, ಕಲಶ ಪ್ರತಿಷ್ಠಾಪನ, ಅಗ್ನಿ ಪ್ರತಿಷ್ಠಾಪನ, ಸಹಸ್ರ ಮೋದಕ ಹವನ, ಮಹಾ ಪೂಜಾ, ಮಹಾ ಮಂಗಳಾರತಿ, ಶಾಂತಿ ಪಾಠ, ಅಷ್ಟಾವಧಾನ ಸೇವಾ, ರಾತ್ರಿ ಪೂಜಾ, ಆಹ್ವಾನಿತ ದೇವತಾ ಪೂಜಾ, ಮಹಾಸುದರ್ಶನ ಹವನ, ನವಗ್ರಹ ಆನಿ ದೇವತಾ ವಾಸ್ತು ಹವನ, ಮಹಾ ಪೂಜಾ, ದುರ್ಗಾ ನಮಸ್ಕಾರ, ಶ್ರೀ ಸೂಕ್ತ ಮಹಾಭಿಷೇಕ, ಶತಚಂಡಿ ದೇವಿ ಮಹಾಮ್ಮಾಯಿ ಪ್ರಾರ್ಥನಾ, ಮನ್ಯಾಸೂಕ್ತ ಹವನ, ಅಭಿಷೇಕ, ಶತಚಂಡಿ ಹವನ, ಲಕ್ಷ ಬತ್ತಿ ಮಹಾ ಮಂಗಳಾರತಿ, ನರಸಿಂಹ ಜಯಂತಿ ವರ್ಧಂತಿ ದಿವಸ, ನರಸಿಂಹ ಮಹಾ ಹವನ, ಶತಚಂಡಿ ಮಹಾ ಹವನ, ಕುಮಾರಿಕಾ ಪೂಜಾ, ಮಹಾಪೂರ್ಣಾಹುತಿ, ಮಹಾ ಅನ್ನಸಂತರ್ಪಣ, ರುಪ್ಪೇ ಪಾಲಂಖೀಂತು ದೇವಿಲೆ “ನಗರೋತ್ಸವು, ಬ್ರಾಹ್ಮಣ ಆಶೀರ್ವಾದ, ಪ್ರಸಾದ ವಿತರಣ ಇತ್ಯಾದಿ ಕಾರ್ಯಕ್ರಮ ಬರ್ಶಿ ಚಲೇಲೆ ಖಬ್ಬರ ಮೆಳ್ಳಾ,
ಶ್ರೀ ಲಕ್ಷ್ಮೀವೆಂಕಟೇಶ ದೇವಳ, ಹೊನ್ನಾವರ
 ಶ್ರೀ ಲಕ್ಷ್ಮೀವೆಂಕಟೇಶ ದೇವಳ, ಹೊನ್ನಾವರ ಹಾಂಚೆ ಬ್ರಹ್ಮರಥೋತ್ಸವು ತಾ.  ೩೧-೦೩-೨೦೧೨ ದಿವಸು ವಿಜೃಂಭಣೇರಿ ಚಲ್ಲೆ. ತತ್ಸಂಬಂಧ ತಾ. ೨೮-೦೩-೨೦೧೨ ತಾಕೂನು ೧-೦೪-೨೦೧೨ ಪರ್ಯಂತ ದೇವತಾ ಪ್ರಾರ್ಥನ, ರುಪ್ಪೆ ಪಾಲ್ಕಿಂತು  ಶ್ರೀ ದೇವಾಲೆ ಹಗಲೋತ್ಸವು, ರಾತ್ತಿಕ ರುಪ್ಪೆ ಗರುಡೋತ್ಸವು, ವಸಂತೋತ್ಸವು, ಏಕಾಂತ ಸೇವಾ, ಶ್ರೀನಿವಾಸ ಕಲ್ಯಾಣೋತ್ಸವು, ರಾತ್ತಿಕ ರುಪ್ಪೆ ಶೇಷೋತ್ಸವು, ಪುಲ್ಲಾ ರಥೋತ್ಸವು, ಮಧ್ಯರಾತ್ತಿಕ ಮಹಾದಂಡ ಬಲಿ ಪ್ರಧಾನ, ಶ್ರೀ ರಾಮ ಜನ್ಮೋತ್ಸವು, ಮಹಾಬಲಿ ಪ್ರಧಾನ ಮಹಾರಥ ಪೂಜಾ, ರಥಬಲಿ, ಮಹಾರಥಾರೋಹಣ, ರಥಸ್ಥ ದೇವತಾ ಪೂಜನ, ರಥೋತ್ಸವ ಮಾಗಿರಿ ಮಹಾ‌ಅನ್ನಸಂತರ್ಪಣ, ರಥಕಾಣಿಕೆ, ಮೃಗಬೇಟೆ, ಕೃಷ್ಣ-ಸತ್ಯಭಾಮಾ ಸಂವಾದ, ಓಕುಳಿ, ನೌಕಾ ವಿಹಾರೋತ್ಸವ, ಮಹಾ ಮಂಗಳಾರತಿ, ಆಶೀರ್ವಾದ ಗ್ರಹಣ, ಅಂಕುರ ಪ್ರಸಾದ ವಿತರಣ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಸಮೇತ ಅಪಾರ ಸಮಾಜ ಬಾಂಧವಾಲೆ ಉಪಸ್ಥಿತೀರಿ ಸಂಪನ್ನ ಜಾಲ್ಲೆ.
ಶ್ರೀ ಲಕ್ಷ್ಮೀವೆಂಕಟರಮಣ ದೇವಳ, ದಾಂಡೇಲಿ
ದಾಂಡೇಲಿಚೆ ಶ್ರೀ ಮುಖ್ಯಪ್ರಾಣಾಂತರ್ಗತ ಶ್ರೀ ಲಕ್ಷ್ಮೀವೆಂಕಟರಮಣ ದೇವಾಲೆ ೨೦ಚೆಂ ಪ್ರತಿಷ್ಠಾ ವರ್ಧಂತಿ ಉತ್ಸವು ತಾ. ೧೪-೦೩-೨೦೧೨ ಆನಿ ೧೫-೦೩-೨೦೧೨ ದಿವಸು ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತೀರಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ಲಘುವಿಷ್ಣು ಪಾರಾಯಣ, ದೇವತಾ ಕಾರ್ಯ, ಪ|ಪೂ| ಸ್ವಾಮ್ಯಾಂಗೆಲೆ ಆಗಮನ, ತಾಂಕಾ ಪೂರ್ಣಕುಂಭ ಸ್ವಾಗತ, ಪಾದ್ಯಪೂಜಾ, ಪ|ಪೂ|ಸ್ವಾಮ್ಯಾಂಗೆಲೆ ತಾಕೂನು ಆಶೀರ್ವಚನ, ಶ್ರೀ ದೇವತಾ ಪ್ರಾರ್ಥನ, ಗಣಪತಿ ಪೂಜನ, ಶತಕಲಶಾಭಿಷೇಕ, ಮಹಾ ನೈವೇಧ್ಯ, ವೈದಿಕಾ ತಾಕೂನು ಆಶೀರ್ವಚನ, ಮಹಾ ಅನ್ನಸಂತರ್ಪಣ, ಪ|ಪೂ| ಸ್ವಾಮ್ಯಾಂಕ ಸಾರ್ವಜನಿಕ ಪಾದಪೂಜಾ, ಫಲಮಂತ್ರಾಕ್ಷತೆ ಆನಿ ಆಶೀರ್ವಚನ, ಪ|ಪೂ|ಸ್ವಾಮ್ಯಾಂಕ ಶುಭ ವಿದಾಯ, ಭಜನ, ಪಾಲಂಖೀ ಉತ್ಸವು ಭಿಕ್ಷಾ ಸೇವಾ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.
ಶ್ರೀ ದುರ್ಗಾಪರಮೇಶ್ವರಿ ದೇವಳ, ಕೊಕ್ಕರ್ಣೆ
ಕೊಕ್ಕರ್ಣೆ ಶ್ರೀ ದುರ್ಗಾ ಪರಮೇಶ್ವರಿ ಅಮ್ಮಾಲೆ ಸನ್ನಧೀಂತು “ಭಜನಾ ಏಕಾಹ ತಾ. ೬-೦೪-೨೦೧೨ಕ ಸೂರ ಜಾವ್ನು ೧೮-೦೪-೨೦೧೨ ಪರ್ಯಂತ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ನಗರ ಭಜನ ಆನಿ ಪೂಜಾ, ದೀಪ ಸ್ಥಾಪನ, ಶ್ರೀ ಉಮಾನಾಥ ಪಡಿಯಾರ ಘರಚಾಲೆ ರಂಗಪೂಜಾ, ತಶ್ಶಿಚಿ ವಿಂಗ ವಿಂಗಡ ಘರಾಣಿ ದಾಕೂನು ವಿಶೇಷ ಪೂಜಾ, ಆಮಂತ್ರಿತ ಭಜನಾ ಪಾಳಿ ಆನಿ ಸ್ಥಳಾಚೆ ಲೋಕಾ ದಾಕೂನು “ಭಜನಾ ಕಾರ್ಯಕ್ರಮ, ಓಕುಳಿ, ಸಂತರ್ಪಣ, ಕರ್ಪೂರಾರತಿ, ಕುಂಕುಮಾರ್ಚನ, ಪ್ರಹರ ಪೂಜಾ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.
ದೈವಜ್ಞ ಬ್ರಾಹಣ ಮಠ, ಶ್ರೀ ಕ್ಷೇತ್ರ ಮಂಕಿ
ಮಂಕಿ ಶ್ರೀ ದೈವಜ್ಞ ಬ್ರಾಹಣ ಮಠಾಚೆ ಶ್ರೀ ಜ್ಞಾನೇಶ್ವರೀ ದೇವಿಲೆ ಪ್ರತಿಷ್ಠಾ ವರ್ಧಂತಿ ಉತ್ಸವು ಆನಿ ರುಪ್ಪೆ ಮಹಾ ರಥೋತ್ಸವು ತಾ. ೨೪-೩-೨೦೧೨ ದಾಕೂನು ೨೯-೩-೨೦೧೨ ಪರ್ಯಂತ ಪ.ಪೂ. ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತೀ ಮಹಾ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತಿ ಆನಿ ಮಾರ್ಗದರ್ಶನಾರಿ ವಿಜೃಂಭಣೇರಿ ಚಲೇಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ಹೋಮು, ಹವನ, ಶ್ರೀ ಜ್ಞಾನೇಶ್ವರಿ ದೇವಿಲೊ ಪುಷ್ಪರಥೋತ್ಸವು, ಶ್ರೀ ಗಜಾನನ ವಿಠ್ಠಲ ಭಜನಾ ಮಂಡಳಿ ಆವರ್ಸಾ ಹಾಂಗೆಲ ತಾಕೂನು ಭಜನ, ರಜತ ರಥಾರೋಹಣ, ರಥ ಕಾಣಿಕಾ, ಮಹಾ ಪೂಜಾ, ರಾಜಬೀದಿಂತು ಮಹಾರಥೋತ್ಸವು, ಮೃಗಬೇಟೆ, ಓಕುಳಿ, ಅವಭೃತ, ಪ|ಪೂ| ಸ್ವಾಮ್ಯಾಂಗೆಲೆ ತುರೀಯಾಶ್ರಮಾ ಸ್ವೀಕಾರಾಚೆ ವಾರ್ಷಿಕೋತ್ಸವು, ಪ|ಪೂ| ಸ್ವಾಮ್ಯಾಂಗೆಲೆ ದಾಕೂನು ಆಶೀರ್ವಚನ, ಮಹಾ ಪೂಜಾ, ಮಹಾ ಪ್ರಸಾದ ವಿತರಣ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.
ಶ್ರೀ ಜ್ಞಾನೇಶ್ವ ರೀ ವಿದ್ಯಾಲಯ ಕರ್ಕಿ
ಕರ್ಕಿಚೆ ಜ್ಞಾನೇಶ್ವರೀ ಪೀಠ, ದೈವಜ್ಞ ಬ್ರಾಹ್ಮಣ ಮಠಾ ತರಪೇನ “ಶ್ರೀ ಜ್ಞಾನೇಶ್ವರ ಎಜ್ಯುಕೇಶನ್ ಟ್ರಸ್ಟ್ ನಾಂವಾರಿ ಜ್ಞಾನೇಶ್ವರೀ ಕಿರಿಯ ಪ್ರಾಥಮಿಕ ಶಾಳೆಂತು ಅವುಂದು ಎಲ್.ಕೆ.ಜಿ, ಯು.ಕೆ.ಜಿ., ೧ ಆನಿ ೨ ಕ್ಲಾಸ್ ಪರಿಯಂತ ಕನ್ನಡ ಆನಿ ಇಂಗ್ಲೀಷ್ ಮಾಧ್ಯಮಾಂತು   ಉಚಿತ ಶಿಕ್ಷಣ, ಯುನಿಫಾರ್ಮ ಆನಿ ಧೋಂಪಾರಾ ಜವಣ ದಿವಚಾಕ ಲಾಗ್ಲಿಂತಿ. ಆನಿ ೫ ಕೂಡ ಬಾಂಚಾಕ ಠರೆಯಿಲೆ ಆಸ್ಸೂನು ಶಿಕ್ಷಣಾಭಿಮಾನಿ, ದಾನಿ ಲೋಕಾನಿ ಶಾಳೆಚೆ ಅಭಿವೃದ್ದಿಂತು ಹಾತು ಮೆಳಯ್ಕಾ, ಯೋಜಿತ ಕಟ್ಟಡಾಕ ಆರ್ಥಿಕ ಸಹಾಯು, ಪೀಠೋಪಕರಣ, ಪಾಠೋಪಕರಣ, ಯುನಿಫಾರ್ಮ್ ದೀವ್ನು ಶ್ರೀ ಜ್ಞಾನೇಶ್ವರಿ ಆನಿ ಪ|ಪೂ| ಸ್ವಾಮ್ಯಾಂಗೆಲೆ ಆಶೀರ್ವಾದಾಕ ಪಾತ್ರ ಜಾವ್ಕಾ ಮ್ಹೊಣು ವಿನಂತಿ ಆಸ್ಸ.

Saraswati Prabha (GSB-Konkani News)-2

ಗೌಡ ಸಾರಸ್ವತ ಸೇವಕ ಸಮಾಜ ಬೆಂಗಳೂರು
ಬೆಂಗಳೂರ್‍ಚೆ “ಗೌಡ ಸಾರಸ್ವತ ಸೇವಕ ಸಮಾಜಹಾಜ್ಜೆ ವಾರ್ಷಿಕ ದಿವಸ ಆಚರಣ ತಾ. ೧೮-೦೨-೨೦೧೨ ಆನಿ ೧೯-೦೨-೨೦೧೨ ಅಶ್ಶಿ ದೋನ ದಿವಸು ಗಣ್ಯಾಂಕ ಸನ್ಮಾನ, ಸಮಾಜ ಬಾಂಧವಾಂಕ ವಿಂಗ ವಿಂಗಡ ಖೇಳು, ನಾಚ, ಮನರಂಜನ ಕಾರ್ಯಕ್ರಮ ಸಮೇತ ಚಲೇಲೆ ಖಬ್ಬರ ಮೆಳ್ಳಾ.
ಸಮಾಜಾಚೆ “ವಾರ್ಷಿಕ ದಿವಸಾಚೆ ವಾಂಟೊ ಜಾವ್ನು ಚಲೇಲೆ ಸಮಾರಂಭಾಕ ವಿಂಗವಿಂಗಡ ಕ್ಷೇತ್ರಾಂತು ಗಣನೀಯ ಸೇವಾ ಪಾವಯಿಲೆ ಸಮಾಜ ಬಾಂಧವಾಂಕ ಸೊಯರೆ ಜಾವ್ನು ಆಪ್ಪೋನು ಗೌರವ ಕೆಲ್ಲೆ. ಸಮಾರಂಭಾಕ ಕರ್ನಾಟಕ ಕೊಂಕಣಿ ಅಕಾಡೆಮಿಚೆ ಅಧ್ಯಕ್ಷ  ಶ್ರೀ ಕಾಸರಗೋಡ ಚಿನ್ನಾ, ಖ್ಯಾತ ಹರಿದಾಸ ಶ್ರೀ ಭದ್ರಗಿರಿ ಅಚ್ಚುತದಾಸಜಿ, ಶ್ರೀಮತಿ ಸಂಧ್ಯಾ ಎಸ್.ಪೈ, ಶ್ರೀ ಗಿರಿಧರ ಶೆಣೈ ಸೊಯರೆ ಜಾವ್ನು ಆಯ್ಯಿಲೆ. ತಾಂಕಾ ಸ್ಮರಣಿಕ ದೀವ್ನು, ಶಾಲ ಪಾಂಗೂರ್ನು, ಫುಲ್ಲಾಗುಚ್ಛಾ ದೀವ್ನು ಸೇವಕ ಸಮಾಜಾ ತರಪೇನ ಹಾರ್ದಿಕ ಜಾವ್ನು ಸನ್ಮಾನ ಕೆಲ್ಲೆ. ಸೊಯರೆ ಸಂದರ್ಭೋಚಿತ ಜಾವ್ನು ಉಲೈಲಿಂತಿ ಆನಿ  ತಾನ್ನಿ ವಿಂಗ ವಿಂಗ ಖೇಳು, ಕಲೆಂತು ಜಿಕ್ಕಿಲ್ಯಾ ಸಾಧನಾಶೀಲಾಂಕ ಬಹುಮಾನ ಪಾವಿತ ಕೆಲ್ಲೆ. ಸಮಾರಂಭಾಚೆ ಅಧ್ಯಕ್ಷತಾ ಮಹಾದಾನಿ ಆನಿ ಪ್ರಖ್ಯಾತ ಉದ್ಯಮಿ ಡಾ|| ಪಿ. ದಯಾನಂದ ಪೈ ತಾನ್ನಿ ಘೇವ್ನು ಸಮಾಜಾಚೆ ಕಾರ್ಯಚಟುವಟಿಕೆ ಖಾತ್ತಿರಿ ಪ್ರಶಂಸನಾರ್ಯ ಜಾವ್ನು ಉಲೋವನು ಆಡಳಿತ ಸಮಿತೀಕ ಅಭಿನಂದನ ಪಾವೈಲೆ.
ಗೌಡ ಸಾರಸ್ವತ ಸೇವಕ ಸಮಾಜಾಚೆ ಅಧ್ಯಕ್ಷ ಶ್ರೀ ವಿ.ಎಮ್. ಪೈ ಹಾನ್ನಿ ಪ್ರಾಸ್ತಾವಿಕ ಜಾವ್ನು ಉಲ್ಲೋವನು ಸಮಾಜಾಚೆ ಆನಿ ಜಿ.ಎಸ್.ಎಸ್.ಎಸ್. ಚಾರೀಟೇಬಲ್ ಫೌಂಡೇಶನ್ನಾಚೆ ಕಾರ್ಯ ಚಟುವಟುಕೆ ಖಾತ್ತಿರಿ ಸವಿಸ್ತಾರ ಜಾವ್ನು ಜಮಿಲೆ ಸಮಾಜ ಬಾಂಧವಾಂಕ ಕಳೈಲೆ. ವಿಶೇಷ ಜಾವ್ನು ಸಮಾಜಾಚೆ ಸರ್ವ ಕಾರ್ಯಚಟುವಟುಕೇಕ ಸಬಾರ ವರ್ಷಾಚಾನ ಸೇವಾ ಹಸ್ತ ದಿತ್ತಾ ಆಯ್ಯಿಲೆ ಶ್ರೀ ಕೆ. ವಿಠ್ಠಲ ಕಾಮತ್ ಆನಿ ಶ್ರೀ ಶರಶ್ಚಂದ್ರ ಬಾಳಿಗಾ ಹಾನ್ನಿ ಪಾಟ್ಬಲಾಕ ರಾಬ್ಬಲೀಂತಿ ಮ್ಹಳ್ಳಿಂತಿ. ಕಡೇರಿ ಶ್ರೀ ಸುಧಾಕರ ಪೈ ತಾನ್ನಿ ಆಭಾರ ಮಾನಲೆ. ಹೇ ದೋನ ದಿವಸಾಚೆ ಸರ್ವ ಕಾರ್ಯಕ್ರಮಾಂತು  ವಾಂಟೊ ಘೆತ್ತಿಲೆ ಸರ್ವ ಲೋಕಾನಿ ತಾರೀಪು ಕೊರಚೆ ವರಿ ಯಶಸ್ವಿ ಜಾವಚಾಕ ಸಮಾಜಾಚೆ ಸೆಕ್ರೆಟರಿ ಶ್ರೀ ಪಿ. ರೋಹಿದಾಸ ನಾಯಕ್, ಆನಿ ಆಡಳಿತ ಸಮಿತಿ, ಸರ್ವ ಸದಸ್ಯ ಸಕ್ರೀಯ ಯೋಗದಾನ ದೀವ್ನು ಅಭಿನಂದನಾರ್ಹ ಜಾಲ್ಲಿಂತಿ.

ಶ್ರೀ ಎಂ. ರಮೇಶಕೃಷ್ಣ ಶೇಟಾಂಕ ರಾಜೀವಗಾಂದಿ ಎಕ್ಸಲೆನ್ಸ ಪ್ರಶಸ್ತಿ

ತಾ. ೨೭.೦೩-೨೦೧೨ ದಿವಸು ನವಡೆಲ್ಲಿಚೆ ಇಂಡಿಯಾ ಇಂಟರ್ ನ್ಯಾಶನಲ್ ಫ್ರೆಂಡ್‌ಶಿಫ್ ಸೊಸೈಟಿ(ರಿ) ತರಪೇನ ಚಲೇಲೆ ಸಮಾರಂಭಾಂತು ಮಂಗಳೂರ್‍ಚೆ ಸ್ವಣೋದ್ಯಮಿ ಶ್ರೀ ಧನಲಕ್ಷ್ಮೀ ಜ್ಯುವೇಲ್ಲರ್‍ಸ ಹಾಜ್ಜೆ ಮಾಲಕು ಶ್ರೀ ಎಂ. ರಮೇಶಕೃಷ್ಣ ಶೇಟ್ ಹಾಂಕಾ ಉದ್ಯಮ ತಶ್ಶಿಚಿ ಸಮಾಜ ಸೇವೆಂತು ಹಾಂಗೆಲೆ ಯೋಗದಾನ ಪರಿಗಣನ ಕೋರ್ನು “ರಾಜೀವಗಾಂದಿ ಎಕ್ಸಲೆನ್ಸ್ ರಾಪ್ಟ್ರೀಯ ಪ್ರಶಸ್ತಿ ತಮಿಳುನಾಡಾಚೆ ರಾಜ್ಯಪಾಲ ಶ್ರೀ ಭೀಷ್ಮನಾರಾಯಣ ಸಿಂಗ್ ಆನಿ ಚುನಾವಣಾಧಿಕಾರಿ ಶ್ರೀ ಜಿ.ವಿ. ಕೃಷ್ಣಮೂರ್ತಿ ಹಾನ್ನಿ ಪಾವಿತ ಕೋರ್ನು ಅಭಿನಂದನ ಕೆಲ್ಲೆ.

ಶ್ರೀ ಕೆ.ಆರ್. ಕಾಮತ್ತಾಂಕ ಟಿ.ಎ.ಪೈ ಶ್ರೇಷ್ಠ ಬ್ಯಾಂಕರ್ ಪ್ರಶಸ್ತಿ ಪಾವಿತ

ದಿಲ್ಲಿಂತು ಚಲೇಲೆ ೨೯ಚೆ ರಾಷ್ಟ್ರೀಯ ಕನ್ನಡ ಸಮ್ಮೇಳನಾಂತು ಪಂಜಾಬ್-   
ನ್ಯಾಶನಲ್ ಬ್ಯಾಂಕಾಚೆ ಅಧ್ಯಕ್ಷ ತಶ್ಶಿಚಿ ವ್ಯವಸ್ಥಾಪಕ ನಿರ್ದೇಶಕ ಶ್ರೀ ಕೆ.ಆರ್. ಕಾಮತ್ ತಾಂಕಾ ಕರ್ನಾಟಕ ರಾಜ್ಯ ಮಹಿಳಾ ವಿ.ವಿ.ಚೆ ಮಾಜಿ ಕುಲಪತಿ ಡಾ. ಗೀತಾ ಬಾಲಿ ತಾನ್ನಿ ಟಿ.ಎ.ಪೈ ಸ್ಮಾರಕ ಶ್ರೇಷ್ಠ ಬ್ಯಾಂಕರ್ ಪ್ರಶಸ್ತಿ ಪಾವಿತ ಕೋರ್ನು, ಶಾಲು ಪಾಂಗೂರ್ನು ಸನ್ಮಾನ ಕೆಲ್ಲಿ. ಶ್ರೀ ಕೆ.ಆರ್.ಕಾಮತ್ ಮಾಮ್ಮಾಕ ಸರಸ್ವತಿ ಪ್ರಭಾ ತರಪೇನ ಅಭಿನಂದನ. 

Konkani-G.S.B. News (saraswati Prabha 15-05-2012)-1

ಡಾ. ರಾಮದಾಸ ಪೈ ತಾಂಕಾ ಸಾರಸ್ವತ ರತ್ನ ಪ್ರಶಸ್ತಿ ಪ್ರದಾನ

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ ರಾಷ್ಟ್ರಾಚೆ  ಅಭಿವೃದ್ದಿಂತು ಪ್ರಮುಖ ಪಾತ್ರ ಘೆತಲ್ಯಾ. ನ್ಹಂಹಿಸಿ ಶಿಕ್ಷಣ, ಆರೋಗ್ಯ, ಬ್ಯಾಂಕಿಂಗ್ ತಶ್ಶಿಚಿ ವಿಂಗಡ ಕ್ಷೇತಾಂತೂ ಅಗಣಿತ ದೇಣಿಗಾ ದಿಲ್ಲ್ಯಾ ಮ್ಹೊಣು ಪದ್ಮಭೂಷಣ ಡಾ. ರಾಮದಾಸ ಪೈನಿ ಕುಮಟಾಂತು ಸಾಂಗ್ಲೆ.
ಹಾಂಗಾಚೆ ಬಾಳಿಗಾ ಕಾಲೇಜಾಂತು ಅಖಿಲ ಭಾರತ ಸಾರಸ್ವತ ಸಂಘಟನೆ ತರಪೇನ ಪಾವಿತ ಕೆಲೇಲೆ “ಸಾರಸ್ವತ ರತ್ನ ಪ್ರಶಸ್ತಿ ಸ್ವೀಕಾರ ಕೋರ್ನು ತಾನ್ನಿ ಉಲೈತಾಶ್ಶಿಲೆಂ.
ಉತ್ತರ ಕನ್ನಡ ಜಿಲ್ಲೆಚೆ ಗೌಡ ಸಾರಸ್ವತ ಸಮಾಜ  ಬಾಂದವಾನಿ ಸುಶಿಕ್ಷಿತ ಜಾವ್ನು ಆಪಣಾಂಗೆಲೆ ತಾಕತ್ತಾನ ಜಿಲ್ಲೆಚೆ ಬಾಯರಿ ಶ್ರೇಷ್ಠ ಸಾಧನೆ ಕೆಲ್ಲ್ಯಾ. ಜಿಲ್ಲೆಚೆ ಭಿತ್ತರಿ ಅಸ್ಸಲೆ ಸಾಧನಾ ಕೋರ್‍ಕಾ ಜಾಲ್ಲ್ಯಾ. ಹಾಂಗಾ ಶಿಕ್ಷಣ, ಆರೋಗ್ಯ ಕ್ಷೇತ್ರಾಂತು ಮಸ್ತ ಇತ್ಲೆ ಅಭಿವೃದ್ಧಿ ಜಾವ್ಕಾ ಜಾಲ್ಯಾ. ತ್ಯಾ ಖಾತ್ತಿರಿ ಸರ್ವ ಸಹಕಾರು ದಿತ್ತಾ ಮ್ಹೊಣು ತಾನ್ನಿ ಆಶ್ವಾಸನ ದಿಲ್ಲಿ.
ಕೆನರಾ ಕಾಲೇಜು ಸೊಸೈಟಿ ಎಸ್.ವಿ.ಪಿಕಳೆ ನೇತೃತ್ವಾಂತು ಶಿಕ್ಷಣಾಚೆ ದುಸ್ರೆ ದುಸ್ರೆ ವಿಭಾಗಾಚೆ ಒಳಕ ಕೋರ್ನು ದಿಲ್ಯಾ. ಮೆಡಿಕಲ್ ತಶ್ಶಿಚಿ ಎಂಜಿನಿಯರಿಂಗ್ ಕಾಲೇಜು ಸ್ಥಾಪನ ಕೊರಕಾ ಮ್ಹಣಚೆ ಪಿಕಳೆ ಮಾಮ್ಮಾಲೆ ಸಪನ ಸಾಕಾರ ಜಾಂವೊ ಮ್ಹೊಣು ಆಡಳಿತ ಕಮಿಟಿಚೆ ಕಾರ್ಯ ವೈಖರಿಕ ತಾರೀಪು ಕೆಲ್ಲಿಂತಿ. ಹೇಂಚಿ ಸಂದರ್ಭಾರಿ ಡಾ.ರಾಮದಾಸ ಪೈ ತಾಂಗೆಲ ಬಾಯ್ಲ ವಾಸಂತಿ ಪೈಂಕ ಹೂಂಟಿ ಭೋರ್ನು ಗೌರವ ದಾಖಯ್ಲೆ.

ಅಂಕುರ್ ಕಲಾ ಉತ್ಸವು   

ಮಂಗಳೂರ್‍ಚೆ ಸ್ವರಶ್ರೀ ಕಲಾವೇದಿಕೆಚಾನ ಎರ್ಪಾಟ ಕೆಲೇಲೆ ಅಂಕುರ್ ಕಲಾ ಉತ್ಸವ ಮ್ಹಣಚೆ ಚರ್ಡುವಾಂಲೆ ವೈಶಾಖಾಚೆ ಶಿಬಿರ ಎಪ್ರಿಲ್. ೧೨ ದಾಕೂನ ೧೮ ಪರ್ಯಂತ ಚಲ್ಲೆ. ಶಿಬಿರಾಂತು ವಿಂಗವಿಂಗಡ ಶಾಳೆಚೆ ಚರ್ಡುವಾನಿ ವಾಂಟೊ ಘೆತ್ತಿಲೆ. ಸಮಾರೋಪ ಸಮಾರಂಭಾಚೆ ಅಧ್ಯಕ್ಷತಾ ಕೆನರಾ ಸ್ಕೂಲ್ ಅಸೋಸಿಯೇಶನ್ ಅಧ್ಯಕ್ಷ ಎಸ್. ಎಸ್. ಕಾಮತ್ ತಾನ್ನಿ ಘೆತ್ತಿಲೆ. ಮುಖೇಲ ಸೊಯರೆ ಜಾವ್ನು ಡಾ| ಪಿ. ರಮೇಶ್ ನಾಯಕ್ ಆನಿ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಅಧ್ಯಕ್ಷ ಶ್ರೀ ಕಾಸರಗೋಡು ಚಿನ್ನಾ ತಾನ್ನಿ ಆಯ್ಯಿಲೆಂ. ಮೆನೇಜಿಂಗ್ ಟ್ರಸ್ಟಿ ವಸಂತಿ ಆರ್. ನಾಯಕ್ ತಾನ್ನಿ ಯೇವ್ಕಾರ ಕೆಲ್ಲೆ. ಸಮ್ಮಾನ ಘೆವಚಾಕ ಆಯ್ಯಿಲೆ ಶ್ರೀ ಎಂ. ರಂಗ ಪೈ ತಶ್ಶೀಚಿ ರಮೇಶ್ ಕೃಷ್ಣ ಶೇಟ್ ತಾಂಕಾಯಿ ಸ್ವಾಗತ ಕೆಲ್ಲೆ.
ಎಸ್. ಎಸ್. ಕಾಮತ್ ತಾನ್ನಿ ಅಂಕುರ್ ಶಬ್ಸಾಚೆ  ಅರ್ಥಸಾಂಗೂನು “ಮೊಳ್ಕೆಚಾನ ವಾಡಚೆ ಚರ್ಡುವಾಂಲೆ   ಮನ ತಿದ್ವತಾ ವಚ್ಚೆ ಪ್ರಯತ್ನ ಹೇ ಶಿಬಿರಾ ಮೂಖಾಂತರ ೧೩ ವರ್ಷಾಚಾನ ಚಲ್ಲೋವನು ಘೇವ್ನು ಆಯಲಾ ಮ್ಹೊಣು ತಾರೀಪು ಕೋರ್ನು ಸಂಘಟಕಾಂಕ ಅಭಿನಂದನ ಪಾವೈಲೀಂತಿ. ಸೊಯರೆ ಸಂದರ್ಭೋಚಿತ ಜಾವ್ನು ಉಲೈಲೀಂತಿ.
ಭಗವದ್ಗೀತೆಚೆ ೧೮ ಅಧ್ಯಾಯ ಕೊಂಕಣಿ ಭಾಷೇಕ ಬಾಷಾಂತರ ಕೋರ್ನು ದ್ವನಿ ಮುದ್ರಿಕೆ ತಯಾರ ಕೆಲೇಲೆ ಶ್ರೀ ಎಂ. ರಂಗಾ ಪೈ ಆನಿ ರಾಜೀವಗಾಂಧಿ ಪ್ರಶಸ್ತಿ ಪುರಸ್ಕೃತ ರಮೇಶಕೃಷ್ಣ ಶೇಟಾಂಕ ಹೇ ಸಂದರ್ಭಾರಿ ಸಮ್ಮಾನ ಕೆಲ್ಲೆ. ಶಿಬಿರಾಚೆ ಚರ್ಡುವಾನಿ ಜಗನ್ ಪವಾರ ತಾನ್ನಿ ನಿರ್ದೇಶನ ಕೆಲೇಲೆ “ಕಪ್ಪೆ ಮದುವೆ ನಾಟಕ ಪ್ರದರ್ಶನ ಕೆಲ್ಲಿಂತಿ. ಮಾಗಿರಿ ನೃತ್ಯ ಕಾರ್ಯಕ್ರಮ ಚಲ್ಲೆ. ಶಿಬಿರಾಚೆ ವಿದ್ಯಾರ್ಥಿನಿ ಅಧಿತಿ ಭಟ್ ತೀಣೆ ಕಾರ್ಯಕ್ರಮ ನಿರ್ವಹಣ ಕೆಲ್ಲೆ. ಟ್ರಸ್ಟಿ ರಾಧಿಕಾ ಕಿಣಿ ತಾನ್ನಿ ಆಬಾರ ಮಾನಲೆ.

ಶ್ರೀ ವೆಂಕಟರಮಣ ದೇವಳ, ಬೆಂಗಳೂರು

ಬೆಂಗಳೂರ್‍ಚೆ ಶ್ರೀ ಅನಂತ ನಗರಾಂತು ಆಸ್ಸುಚೆ ಶ್ರೀ ವೆಂಕಟರಮಣ ದೇವಳಾಂತು ಶ್ರೀ ಚಪ್ಪರ ವಿನಾಯಕ ದೇವಾಲೆ ೧೨ ವರ್ಷಾಚೆ ಪ್ರತಿಷ್ಠಾಪನಾ ವರ್ಧಂತ್ಯುತ್ಸವು ತಾ. ೨೭-೦೬-೨೦೧೨ ಆಷಾಢ ಶುಕ್ಲ ಅಷ್ಟಮಿ ದಿವಸು ಸಕ್ಕಾಣಿಪೂಡೆ ೬-೩೦ಚಾನ ಧೋಂಪಾರಾ ೧-೩೦ ಪರ್ಯಂತ ಅಭಿಷೇಕ, ಪ್ರಾರ್ಥನ, ೧೦೮ ನಾರಲಾ ಗಣೋಮು, ಪೂರ್ಣಾಹುತಿ, ಮಹಾಪೂಜಾ, ಮಹಾ ಮಂಗಳಾರತಿ, ಮಹಾಸಂತರ್ಪಣ ಸಮೇತ ಆನಿ ಸಾಂಜ್ವಾಳಾ ಭಜನ, ರಾತ್ರಿ ವಿಶೇಷ ಪೂಜಾ ಚೊಲಚೆ ಆಸ್ಸುನು ಭಕ್ತ ಬಾಂದವಾನಿ ತನು, ಮನ, ಧನಾನಿ ಭಾಗ ಘೇವ್ನು ಶ್ರೀ ಹರಿಕೃಪೇಕ ಪಾತ್ರ ಜಾವ್ಕಾ ಮ್ಹೊಣು ದೇವಳಾ ತರಪೇನ ವಿನಂತಿ ಆಸ್ಸ.

ಶ್ರೀ ದುರ್ಗಾ ಹೊನ್ನಮ್ಮ ದೇವಳ, ಸಿದ್ದಾಪೂರ

ಕುಂದಾಪುರ ತಾ|| ಸಿದ್ದಾಪೂರ್‍ಚೆ ಶ್ರೀ ದುರ್ಗಾ ಹೊನ್ನಮ್ಮ ದೇವಿಲೆ ಮೂಲಸ್ಥಾನಾಂತು ತಾ. ೧೪-೦೪-೨೦೧೨ ದಿವಸು ಜಟ್ಟಗೇಶ್ವರ ಪ್ರತಿಷ್ಠಾ ವರ್ಧಂತಿ ಯಥೋಚಿತ ಧಾರ್ಮಿಕ ವಿಧಿ-ವಿಧಾನ ಪ್ರಮಾಣೆ ಚಲ್ಲೆ. ಆನಿ ತಾ. ೨೬-೦೫-೨೦೧೨ ಜೇಷ್ಟ ಶುದ್ಧ ಪಂಚಮಿ ದಿವಸು ನಾಗಬ್ರಹ್ಮ ಪ್ರತಿಷ್ಠಾ ವರ್ಧಂತಿ ಆನಿ ೨೯-೦೭-೨೦೧೨ ಶ್ರಾವಣ ಶುದ್ಧ ನವಮಿ ದಿವಸು ವರಮಹಾ ಲಕ್ಷೀ ವೃತ ಚೊಲಚೆ ಆಸ್ಸ ಮ್ಹೊಣು ಕೋಳ್ನು ಆಯಲಾ. ಭಕ್ತ ಬಾಂಧವಾನಿ ತನು, ಮನ, ಧನಾನಿ ಚಡ್ತೆ ಸಂಖ್ಯಾರಿ ವಾಂಟೊ ಘೇವ್ನು ದೇವಾಲೆ ಕೃಪೇಕ ಪಾತ್ರ ಜಾವ್ಚೆ. ತಾ. ೬-೬-೨೦೧೨ಆನಿ ತಾ. ೪-೭-೨೦೧೨ಕ ದೇವಳಾಂತು ದರ್ಶನ ಸೇವಾ ಆಸ್ತಾ.  

ಲಯನ್ ರಾಮದಾಸ ಎನ್.ಶೇಟ್ ಸತತ ೧೪ ಪಂತಾ ಕೋಟಿವೀರು

ಭಾರತೀಯ ಜೀವವಿಮಾ ನಿಗಮಾಚೆ ಹೊನ್ನಾವರ ಶಾಖೆಚೆ ಜೀವವಿಮಾ ಮುಖ್ಯ ಸಲಹಗಾರ ಜಾಲೇಲೆ ಮುಡೇಶ್ವರಾಚೆ ಲಯನ್ ರಾಮದಾಸ್ ಎನ್. ಶೇm ತಾನ್ನಿ ಘೆಲೀಲೆ ಆರ್ಥಿಕ ವರ್ಷಾಂತು ಏಕ ಕೋಟಿ ಪಶಿ ಚ್ಹಡ ವಿಮಾ ವ್ಯವಹಾರ ಕೋರ್ನು ಸತತ ೧೪ ಪಂತಾ “ಕೋಟಿವೀರ ಮ್ಹಣೋವನು ಘೆತ್ಲ್ಯಾ. ನ್ಹಂಹಿಸಿ ಶಂಬರಿ ಪಶಿ ಚ್ಹಡ ಪಾಲಿಸಿ ಕೋರ್ನು “ಶತಕವೀರ ಮ್ಹಣಚೆ ಅಭಿಮಾನಾಕ ಪಾತ್ರ ಜಾಲ್ಲಿಂತಿ. ಭಾರತೀಯ ಜೀವವಿಮಾ ನಿಗಮಾಚೆ ಚೇರಮನ್ಸ್ ಕ್ಲಬ್ಬಾಚೆ ಸದಸ್ಯ ಜಾಲೇಲೆ ಲಯನ್ ಶೇಟ್ ಮಾಮ್ಮಾಲೆ ಸಾಧನೇಕ ಶಾಖಾ ವ್ಯವಸ್ಥಾಪಕ, ಅಭಿವೃದ್ಧಿ ಅಧಿಕಾರಿ ತಶ್ಶಿಚಿ ಶಾಖಾ ಸಿಬ್ಬಂದಿ ಲೋಕಾನಿ ಅಭಿನಂದನ ಪಾವೈಲಾ. ಹಾಂಕಾ ಸರಸ್ವತಿ ಪ್ರಭಾ ತರಪೇನ ದೇವು ಬರೆಂ ಕೊರೊಂ ಮ್ಹಣತಾ ಆನಿ ಮುಖಾರಚೆ ದಿವಸಾಂತು ಆನ್ನಿಕೆ ಚ್ಹಡ ಸಾಧನಾ ಹಾಂಚ ತಾಕೂನು ಘಡೊ ಮ್ಹೊಣು ಆಶಯ ಕರ್ತಾ. 

ಶೃಂಗೇರಿ ಹೆಬ್ಬಾಗಿಲು ಶ್ರೀ ಲಕ್ಷ್ಮೀವೆಂಕಟರಮಣ ದೇವಾಲೆ ಪುನಃ ಪ್ರತಿಷ್ಠಾ

‘‘ಸುಸಂಸ್ಕೃತ ತಶ್ಶೀಚಿ ಆಚಾರವಂತ ಸಮಾಜ ಜಾವ್ನಾಶ್ಶಿಲೆ ಗೌಡ ಸಾರಸ್ವತ ಬ್ರಾಹ್ಮಣ ಸಮುದಾಯಾಚೆ ಶೃಂಗೇರಿ ಬಾಂಧವಾನಿ ನಿರ್ಮಾಣ ಕೆಲೇಲೆ ಹೇ ದೇವಳಾ ನಿಮಿತ್ತ ಗಾಂವಾಂತು ಸಂಸ್ಕೃತಿ ಆನಿ ಧಾರ್ಮಿಕ ಮನೋ ಭಾವನ ವೃದ್ಧಿ ಜಾತ್ತಾ ಮ್ಹೊಣು ಗೋಕರ್ಣ ಪರ್ತಗಾಳಿ ಮಠಾಧೀಶ ಶ್ರೀ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂನಿ ಸಾಂಗಲೆ. ತಾನ್ನಿ ಶೃಂಗೇರಿಚೆ ಜಿ.ಎಸ್.ಬಿ. ಸಮಾಜಾಚಾನ ನವೀನ ಜಾವ್ನು ನಿರ್ಮಾಣ ಕೆಲೇಲೆ ಹೆಬ್ಟಾಗಿಲು ಶ್ರೀ ಲಕ್ಷ್ಮೀ ವೆಂಕಟರಮಣ ಸ್ವಾಮಿ ದೇವಳಾಚೆ ಪುನಃ ಪ್ರತಿಷ್ಠಾಪನಾ ವಿಧಿ ಚಲೈಲ ಮಾಗಿರಿ ಆಯೋಜಿತ  ಸಭಾ ಕಾರ್ಯಕ್ರಮಾಂತು ಆಶೀರ್ವಚನ ದೀವ್ನು ಉಲೈತಾಶ್ಶಿಲೆಂ.
      “ಆಮ್ಮಿ ಜೊಳ್ಳಿಲೆ ಮುನಾಪೇಚೆ ಏಕ ವಾಂಟೊ ದಾನ-ಧರ್ಮ, ಸಮಾಜ ಸೇವಾ ಆನಿ ದೇವತಾ ಕಾರ್ಯಾಕ ವಾಪುರ್ಕಾ, ಮನುಷ್ಯ ಜಾವ್ನು ಆಮ್ಮಿ ಕೊರಚೆ ಚಾಂಗ ಕಾಮ ಸಗಳೆ ಸಮಾಜಾಕ ಭೂಷಣಪ್ರಾಯ ಜಾತ್ತಾ. ಹೇ ದೇವಳಾಚೆ ಕಾಮ ಚಾಂಗ ಜಾಲ್ಲಾ ಮ್ಹೊಣು ತಾನ್ನಿ ಶ್ಲಾಘನ ಕೆಲ್ಲಿ. ಸೊಯರೆ ಜಾಲೇಲೆ ಶ್ರೀ ಕೆ. ನರಸಿಂಹ ನಾಯಕ್, ಜೀಣೋದ್ದಾರಾಕ ದಾನ ದಿಲೇಲೆ ಉದ್ಯಮಿ ಕೋಟೇಶ್ವರ ಜನಾರ್ಧನ ಭಟ್ ತಾನ್ನಿ ಸಂದರ್ಭೋಚಿತ ಜಾವ್ನು ಉಲೈಲೆ. ದೇವಳಾಚೆ ನಿರ್ಮಾಣಾಂತು ಸಹಕಾರ ದಿಲೇಲೆ ವಿನ್ಯಾಸಕಾರ ಸಿ.ವಿ.ಕಾಮತ್ ಆನಿ ಚರ್ಡುವಾಂಕ, ಕಲ್ಕಟ್ಟೆ ಸೆಲ್ವರಾಜ್, ಎಂ. ಮದನಗೋಪಾಲ, ಗಿರೀಶ್ ಆನಿ ಲಂಬೂರಾಮ ಹಾಂಕಾ ಸ್ವಾಮ್ಯಾನಿ ಸ್ಮರಣಿಕಾ, ಫಲಮಂತ್ರಾಕ್ಷತ ದೀವ್ನು ಆಶೀರ್ವಾದ ಕೆಲ್ಲೆ. ಆಡಳಿತ ಮಂಡಳಿ ಅಧ್ಯಕ್ಷ ಪುರುಷೋತ್ತಮ ಕಾಮತ್, ನರಸಿಂಹ ಪಂಡಿತ್, ಪ್ರಭಾಕರ ನಾಯಕ್ ತಶ್ಶಿಚಿ ಗೋಕುಲದಾಸ ನಾಯಕ್ ವೇದಿಕೆರಿ ಆಶ್ಶಿಲೆಂ. ಪ್ರಕಾಶ್ ಭಟ್ ಪ್ರಾಸ್ತಾವಿಕ ಜಾವ್ನು ಉಲೈಲೀಂತಿ. ವೇಣುಮಾಧವ ನಾಯಕ್ ತಾನ್ನಿ ಕಾರ್ಯಕ್ರಮ ನಿರ್ವಹಣ ಕೆಲ್ಯಾರಿ ಗೋಕುಲದಾಸ್ ತಾನ್ನಿ ಆಬಾರ ಮಾನಲೆ. 
ಪುನಃಪ್ರತಿಷ್ಠಾ ಕಾರ್ಯಕ್ರಮ ತಾ. ೧೩-೦೪-೨೦೧೨ ತಾಕೂನು ೧೬-೪-೨೦೧೨ ಪರ್ಯಂತ ಪ್ರತಿಷ್ಠಾಪನ ಜಾವಚೆ ನವೀನ ಮೂರ್ತಿಚೆ ಭವ್ಯ ಮೆರವಣಿಗಾ, ಪ|ಪೂ| ಸ್ವಾಮ್ಯಾಂಗೆಲೆ ಆಗಮನ, ತಾಂಕಾ ಪೂರ್ಣಕುಂಭ ಬರೋಬರಿ ಸ್ವಾಗತ, ಗುರುಪಾದ್ಯಪೂಜಾ, ಭಜನ, ರಾಕ್ಷೆಘ್ನ ಹೋಮು, ದೇವತಾ ಪ್ರಾರ್ಥನ, ದೇವನಾಂದಿ, ನವಗ್ರಹ ವಾಸ್ತು ಹವನ, ಶ್ರೀ ದೇವಾಲೆ ನವೀನ ಶಿಲಾಮೂರ್ತಿ ಆನಿ ಶಿಖರ ಕಲಶ ಸಪ್ತಾಧಿವಾಸ, ಪ್ರಾಸಾದ ಶುದ್ಧಿ, ಆಧಿವಾಸಾಂಗ ಹವನ, ಶತಕಲಶಾರ್ಚನ, ತಾ. ೧೫-೦೪-೨೦೧೨ ದಿವಸು ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ಅಮೃತ ಹಸ್ತಾನಿ ಶ್ರೀ ಲಕ್ಷ್ಮೀವೆಂಕಟರಮಣ ದೇವಾಲೆ ನವೀನ ಶಿಲಾ ವಿಗ್ರಹ ಪ್ರತಿಷ್ಠಾಪನ, ಶಿಖರ ಕಲಶ ಪ್ರತಿಷ್ಠಾಪನ, ಶತಕುಂಭಾಭಿಷೇಕ, ಪ್ರಸನ್ನಪೂಜಾ, ಪ್ರತಿಷ್ಠಾಂಗ ಹವನ, ಆವಾಹಿತ ದೇವತಾ ಬಲಿ ಪ್ರಧಾನ, ಮಹಾ ಪೂರ್ಣಾಹುತಿ, ಶ್ರೇಯೋ ಗ್ರಹಣ, ಮಹಾ ಪೂಜಾ, ಮಹಾ ಮಂಗಳಾರತಿ, ಮಹಾ ಅನ್ನಸಂತರ್ಪಣ, ಬ್ರಾಹ್ಮಣ ಸಂಭಾವನ, ಆಶೀರ್ವಾದ ಗ್ರಹಣ, ದೇವಾಲೆ ಪಾಲ್ಕಿ ಉತ್ಸವು, ಪ|ಪೂ| ಸ್ವಾಮ್ಯಾಂಕ ತಾಂಗೆಲೆ ಮುಖಾರಚೆ ಮೊಕ್ಕಾಮಾಕ ಶುಭ ವಿದಾಯ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.  ಗಾಂವ್ಚೆ, ವಿಂಗವಿಂಗಡ ಗಾಂವ್ಚೆ ಅಪಾರ ಭಕ್ತವೃಂದ ಆನಿ ಸಮಾಜ ಬಾಂಧವ ಹೇ ಸಂದರ್ಭಾರಿ ಉಪಸ್ಥಿತ ವ್ಹರಲೇಲೆ.

Saraswati Prabha Konkani, GSB News 15-05-2012

ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳ, ಬಾರ್ಕೂರು

 

ನವೀಕೃತ ಬಾರ್ಕೂರಾಚೆ ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳಾಂತು  ಶ್ರೀ ರಾಮತಾರಕ ಮಂತ್ರ ಹವನ, ಶಿಖರ ಕಲಶ ಪ್ರತಿಷ್ಠಾ ತಶ್ಶೀಚಿ ಪ್ರತಿಷ್ಠಾ ವರ್ಧಂತಿ ಮಹೋತ್ಸವು ತಾ. ೧-೦೫-೨೦೧೨ ದಾಕೂನು ೯-೦೫-೨೦೧೨ ಪರ್ಯಂತ ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶಾಂಗೆಲೆ ದಿವ್ಯ ಉಪಸ್ಥಿತಿ ಆನಿ ಮಾರ್ಗದರ್ಶನಾರಿ ವಿಂಗ ವಿಂಗಡ ಧಾರ್ಮಿಕ ತಥಾ ಸಾಂಸ್ಕೃತಿಕ ಕಾರ್ಯಕ್ರಮ ದ್ವಾರ ವಿಜೃಂಭಣೇರಿ ಘಡೀಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ಆದ್ಯ ಗಣಯಾಗ, ಶ್ರೀ ರಾಮ ರಕ್ಷಾ ಸ್ತೋತ್ರ ಪಾರಾಯಣ, ಶ್ರೀ ರಾಮ ತಾರಕ ಜಪ, ಬ್ರಹ್ಮಾವರ ಮೊಕ್ಕಾಂ ದಾಕೂನು ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ಆಗಮನ, ತಾಂಕಾ ಪೂರ್ಣಕುಂಭ ಸ್ವಾಗತ, ಗುರು ಗಣಪತಿ ಪೂಜನ,  ನವಗ್ರಹ ವಾಸ್ತು ಯಜ್ಞ, ದ್ವಿದಿನಾತ್ಮಕ ರಾಮತಾರಕ ಮಂತ್ರ ಹವನ, ೭-೦೫-೨೦೧೨ ದಿವಸು ಶಿಖರ ಕಲಶಾದಿ ಪೂಜನ ತಶ್ಶಿಚಿ ಸಕ್ಕಾಣಿ ಪೂಡೆ ೭-೪೦ಚೆ ವೃಷಭ ಲಗ್ನಾಂತು ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಜಾಲೇಲೆ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ಅಮೃತ ಹಸ್ತಾನಿ ಶಿಖರ ಕಲಶ ಪ್ರತಿಷ್ಠಾ ಸಂಪನ್ನ ಜಾಲ್ಲೆ. ತಾ. ೮-೦೫-೨೦೧೨ ದಿವಸು ಪ್ರತಿಷ್ಠಾ ಸುವರ್ಣ ಮಹೋತ್ಸವಾಚೆ ವರ್ಧಂತಿ ಪ್ರಯುಕ್ತ ಶ್ರೀ ಪಟ್ಟಾಭಿ ರಾಮಚಂದ್ರ ದೇವಾಕ ಶತಕಲಶಾಭಿಷೇಕ, ಸಾನಿಧ್ಯ ಹವನ, ಸಭಾ ಕಾರ್ಯಕ್ರಮ, ಪ|ಪೂ| ಸ್ವಾಮ್ಯಾ ತಾಕೂನು ಆಶೀರ್ವಚನ, sಪ|ಪೂ| ಸ್ವಾಮ್ಯಾಂಕ ಮುಖಾರಚೆ ಮೊಕ್ಕಾಮಾಕ ಶುಭ ವಿದಾಯ, ಕಡೇರ್‍ಚೆ ದಿವಸು ಶ್ರೀ ಸತ್ಯನಾರಾಯಣ ಪೂಜಾ, ಸಂತರ್ಪಣ, ರಂಗ ಪೂಜಾ ಆದಿ ಧಾರ್ಮಿಕ ಕಾರ್ಯಕ್ರಮ ಚಲ್ಲೆ, ತಶ್ಶೀಚಿ ಸಾಂಸ್ಕೃತಿಕ ಕಾರ್ಯಕ್ರಮ ಜಾವ್ನು ಕು. ಶಾಂತೇರಿ ಕಾಮತ್, ತೀರ್ಥಹಳ್ಳಿ ಆನಿ ಶ್ರೀ ಶಂಕರ ಶೆಣೈ ಆನ ತಂಡಾ ತಾಕೂನು ಭಕ್ತಿ ಸಂಗೀತ, ಶ್ರೀ ಪುತ್ತೂರು ನರಸಿಂಹ ನಾಯಕ್ ಆನಿ ತಂಡಾ ತಾಕೂನು ಭಕ್ತಿಗೀತಾ, ಕು. ದಿವ್ಯಾಲಕ್ಷ್ಮೀ ನಾಯಕ್ ಆನಿ ತಂಡಾಚಾಲೆ ಭಕ್ತಿಸಂಗೀತ, ಶ್ರೀಮತಿ ವಿಭಾ ನಾಯಕ್ ಮಂಗಳೂರು ಆನಿ ತಂಡಾಚಾಲೆ ಭಕ್ತಿಗೀತಾ, ಮುಲ್ಕಿ ಶ್ರೀ ರವೀಂದ್ರ ಪ್ರಭು ಆನಿ ತಂಡಾಚಾಲೆ ಭಕ್ತಿಗಾನ ಸುಧಾ, ಪಂಡಿತ ಉಪೇಂದ್ರ ಭಟ್ ಪೂನಾ ಹಾಂಗೆಲೆ ಭಕ್ತಿಸಂಗೀತ, ಶ್ರೀ ಗಣೇಶ ಯಕ್ಷಗಾನ ಬೊಂಬೆಯಾಟ ಮಂಡಳಿ, ಉಪ್ಪಿನಕುದ್ರು ಹಾನ್ನಿ ಪ್ರಸ್ತುತ ಕೆಲೇಲೆ “ಚೂಡಾಮಣಿ ಆನಿ ಲಂಕಾದಹನ ಮ್ಹಣಚೆ ಬೊಂಬೆ ಖೇಳು, ಶೆಹನಾಯಿ ವಾದನ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.

The Goud Saraswat Brahman Scholarship League News

ಜಿ.ಎಸ್.ಬಿ ಸ್ಕಾಲರ್‌ಶಿಫ್ ಲೀಗ್ ಬೊಂಬಾಯಿ ಹಾಜ್ಜೆ ಶತಮಾನೋತ್ಸವು

ದೇಶಾದ್ಯಂತ ಆಸ್ಸುಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಚರ್ಡುವಾಂಕ ಶಿಕ್ಷಣಾಕ ಮದ್ದತ್ (ದುಡ್ವಾ ಸಹಾಯು) ದಿವಚಾಂತು ರಾಷ್ಟ್ರಮಟ್ಟಾರಿ ನಾಂವ ಪಾವ್ವಿಲೆ ಸಂಸ್ಥೊ “ಜಿ.ಎಸ್.ಬಿ. ಸ್ಕಾಲರ್‌ಶಿಫ್ ಲೀಗ್ ಮುಂಬೈ . ಮುಂಬೈ ಮಹಾ ನಗರಾಚಾನ ಕಾರ್ಯನಿರ್ವಹಣ ಕೊರಚೆ  ಹ್ಯಾ ಸಂಸ್ಥೊ ಶಂಬರ ವರ್ಷಾ ಮಾಗಶಿ ಉತ್ತರ ಕನ್ನಡ ಜಿಲ್ಲ್ಯಾಂತುಲೇನ ಬೊಂಬೈಕ ವಚ್ಚುನು ಥಂಯಿ ಸ್ಥಾಯಿ ಜಾವ್ನು ರಾಬಿಲೆ ಮ್ಹಾಲಗಡೆ ಸಮಾಜ ಬಾಂಧವಾನಿ ಸ್ಥಾಪಿತ ಕೋರ್ನು, ಅಭಿವೃದ್ಧಿ ಕರತಾ ಚಲೋವನು ಘೇವ್ನು ಆಯ್ಲಿಂತಿ. ಶಂಬರ ವರ್ಷಾ ಮಾಕಶಿ ತಾನ್ನಿ ಪುರಲೇಲೆ ಭೀ ಆಜಿ ಮಹಾವೃಕ್ಷ ಜಾವ್ನು ಪ್ರತಿ ವರ್ಷ ಹಜಾರ ಭರಿ ದುರ್ಬಲ ಜಿ.ಎಸ್.ಬಿ. ಚರ್ಡುವಾಂಕ ಶಿಕ್ಷಣಾಕ ಮದ್ದತ್ ದಿತ್ತಾ ಆಸ್ಸ. ಹೇ ಖಾತ್ತಿರಿ ಹರ್‍ಯೇಕ ಜಿ.ಎಸ್.ಬಿ. ಬಾಂಧವಾನಿ ಗರ್ವ ಪಾವ್ಕಾ.
ದುರ್ಬಲ ಜಿ.ಎಸ್.ಬಿ. ಚರ್ಡುವಾಂಲೆ ಶಿಕ್ಪಣಾಕ ಸಹಾಯು ಕೊರಚೆ ಏಕೈಕ ಉದ್ದೇಶಾನ ಸುರುವಾತ ಜಾವ್ನು ಯಶಸ್ವಿ ಜಾವ್ನು ಚೇಲ್ನು ಆಯ್ಯಿಲೆ “ಜಿ.ಎಸ್.ಬಿ. ಸ್ಕಾಲರ್‌ಶಿಫ್ ಲೀಗಾಕ ಪಯ್ರಿ ಮಾರ್ಚ್ ೩೧ಕ ಶಂಬರ ವರ್ಷ ಭರಲೆ. ಹೇವಯಿ ಆಮ್ಮಿ ಪೂರಾ ಅಭಿಮಾನ ಪಾವ್ಚೆ ವಿಷಯು. ತಶ್ಶೀಚಿ ಹಾಜ್ಜ ಖಾತ್ತಿರಿ ವಾವ್ರೊ ಕಾಡಿಲೆ, ಫಂಡ ವಾಡಚಾಕ ದೇಣಿಗಾ ದಿಲೇಲೆ ಹರ್‍ಯೇಕ ಸಮಾಜ ಬಾಂಧವಾಂಕ ಹರ್ದೆ ಭೋರ್ನು ಅಭಿನಂದನಾ ಪಾವೋಕಾ.
ಹೇ ಸಂಸ್ಥೆ ತಾಕೂನು ೨೦೧೦-೧೧ ಸಾಲಾಂತು ೩೭೨೦ ಜನ ಚರ್ಡುಂವ ಒಟ್ಟು ೨೯ ಲಾಕ್ ರೂಪಯ ಶಿಕ್ಪಣಾಕ  ಸಹಾಯಧನ ರೂಪಾಂತು ಘೆತಲೀಂತಿ. ಹಾಂತು ೧೯೪೬ ಲೋಕ ಚೆಲ್ಲಿಯಾ ಚಡುಂವ ಜಾವ್ನಾಶ್ಶಿಲೆಂ ವಿಶೇಷ.
ಹೇ ವರ್ಷಾಚೆ ಸುರವೇಕ ಲೀಗಾಚೆ ಒಟ್ಟು ನಿಧಿ ೩೬೮ ಲಾಕ್ ಆಸ್ಸುನು, ಯವಚೆ ಮಾರ್ಚ್ ೩೧ಕ ತ್ಯಾ ಒಟ್ಟು ನಿಧಿ ೬೦೦ ಲಾಕ್ ರೂಪಯಾಕ ಚ್ಹಡ ಕೊರಕಾ ಮ್ಹೊಣು ಮಹತ್ವಾಕಾಂಕ್ಷೆಚೆ ಗುರಿ ದವರೂನು ಘೆತ್ತಿಲೆ ಆಸ್ಸುನು, ತಶ್ಶಿ ಜಾಲ್ಯಾರಿ ಪ್ರತಿ ವರ್ಷ ಚರ್ಡುವಾಂಕ ಶಿಕ್ಪಣಾಂಕ ಮದ್ದತ್ ಜಾವ್ನು ೫೦ ಲಾಕ್ ರೂಪಯ ವಾಂಟೂಚಾಕ ಜಾತ್ತಾ. ತ್ಯಾ ಖಾತ್ತಿರಿ ಲೀಗಾ ತರಪೇನ ವಿಂಗವಿಂಗಡ ಯೋಜನಾ ಘಾಲ್ನು ಘೆತ್ತಿಲೆ ಆಸ್ಸುನು ತಾಂತು ಏಕ ಮ್ಹಳಯಾರಿ ದೋನ ಹಜಾರ ಸಮಾಜ ಬಾಂಧವಾನಿ ರೂಪಯ ಬಾರ ಹಜಾರಾ (ರೂ. ೧೨,೦೦೦/-) ಮ್ಹಣಕೆ ಶತಮಾನೋತ್ಸವ ನಿಧಿಕ ದೇಣಿಗಾ ದಿಲಯಾರಿ ಹೇ ಗುರಿ ಪಾವಚಾಕ ಜಾತ್ತಾ.
ಕೊಣೇಯಿ ತಾಂಗೆಲೆ ಮಾಲಗಡ್ಯಾಲೆ ನಾಂವಾಂತು ವಿಶೇಷ ನಿಧಿ ದೀವ್ನು ಖಾಯಂ ಜಾವ್ನು ತಾಂಗೆಲೆ ನಾಂವಾಂತು ವಿದ್ಯಾರ್ಥಿ ಜನಾಂಗಾಚೆ ಶಿಕ್ಪಣಾಕ ಸಹಾಯು ದಿವಚೆ ಯೋಜನೆಂತು ವಾಂಟೊ ಘೆವಚಾಕ ಅವಕಾಶ ಆಸ್ಸ.
ಹೇ ಸುಸಂದರ್ಭಾರಿ ಸಾಧ್ಯ ಆಶ್ಶಿಲೆಂ ಪ್ರತಿಯೇಕ ಸಮಾಜ ಬಾಂಧವಾನ ಆಮಗೇಲೆ ಸಮಾಜಾಚೆ ಆರ್ಥಿಕ ಜಾವ್ನು ಮಾಗಶಿ ವ್ಹರಲೇಲೆ ಚರ್ಡುವಾನ ಶಿಕ್ವಣ ಘೆವಚಾಕ ಚಡ್ತೆ ಅವಕಾಶ ಕೋರ್ನು ದಿವಚಾಕ ಹೇ ಶಂಬರ ವರ್ಷ ಭರಲೇಲೆ “ಜಿ.ಎಸ್.ಬಿ. ಸ್ಕಾಲರ್‌ಶಿಫ್ ಲೀಗ್, ಮುಂಬಯಿ ಹೇ ಯಶಸ್ವಿ ಸಂಸ್ಥೆಕ ಆನ್ನಿಕೆ ಗಟ್ಟಿ ಕೊರಚಾಕ ಮುಖಾರ ಯವಕಾ. ರೂ. ಏಕ ಹಜಾರ ದೀವ್ನು ಅಜೀವಾ ಸದಸ್ಯ ಜಾವ್ಯೇತ ತಾಜ್ಜ ಒಟ್ಟು ರೂ. ೧೨,೦೦೦/- ದೇಣಿಗಾ ದೀವ್ನು ಶತಮಾನೋತ್ಸವ ಯೋಜನೇಕ ಸಹಕಾರು ದಿವ್ಕಾ ಮ್ಹೊಣು ಲೀಗಾ ತರಪೇನ ವಿನಂತಿ ಆಸ್ಸ.
ಹ್ಯಾ ಖಾತ್ತಿರಿ ಖಂಚೇಯಿ ಚಡ್ತೆ ಮಾಹಿತಿ ಜಾವ್ಕಾ ಜಾಲ್ಯಾರಿ ನಾಂವೆ ದೇಣಿಗಾ ಪೆಟೋವಚಾಕ ಇಚ್ಚಾ ಆಶ್ಶಿಲ್ಯಾನ Sಡಿi ಖ.ಖ.ಏಚಿmಚಿಣ, ಅhಚಿiಡಿmಚಿಟಿ, ಖಿhe ಉouಜ Sಚಿಡಿಚಿsತಿಚಿಣ ಃಡಿಚಿhmಚಿಟಿ Sಛಿhoಟಚಿಡಿshiಠಿ ಐeಚಿgue, ಆತಿಚಿಡಿಞಚಿಟಿಚಿಣh ಃhಚಿvಚಿಟಿ, ಏಚಿಣಡಿಚಿಞ ಖoಚಿಜ, Wಚಿಜಚಿಟಚಿ, Posಣ ಃox ಓo. ೭೧೧೫, ಒumbಚಿi - ೪೦೦೦೩೧. ಖಿeಟ : ೦೨೨-೨೪೧೪೦೫೫೦  ಹಾಂಗಾಕ ಸಂಪರ್ಕು ಕೊರಯೇತ.
-ಡಾ|| ವಿ.ಎಸ್.ಸೋಂದೆ, ಶಿರಸಿ

ಕೀರ್ತನ ಕೇಸರಿ ಯಶವಂತ ಭಟ್, ಶೃಂಗೇರಿ

ಮೂಲತಃ ಜಿ.ಎಸ್.ಬಿ. ಲೋಕ ವ್ಯಾಪಾರ, ವ್ಯವಹಾರಾಂತು ಪ್ರವೀಣ ಜಾಲ್ಯಾರಿಚಿ ಕಲಾ, ಸಾಹಿತ್ಯ, ಸಂಗೀತ ಕ್ಷೇತ್ರಾಂತು ತಾಂಗೇಲೆ ಯೋಗಧಾನ ಖಾಂಯಿ ಕಮ್ಮಿ ನಾ. ತಾಕ್ಕ ಏಕ ಉದಾಹರಣ ಮ್ಹಳ್ಯಾರಿ ಶೃಂಗೇರಿಚೆ ಕೀರ್ತನ ಕೇಶರಿ ಶ್ರೀ ಯಶವಂತ ಭಟ್ ಮಾಮು. ೧೯೩೭ ಇಸ್ವೆಂತು ಶ್ರೀ ಅನಂತ ಭಟ್ ಆನಿ ಶ್ರೀ ಪದ್ಮಾವತಿ ಹಾಂಗೇಲೆ ಶುಭ ಗರ್ಭಾಂತು ಜನ್ಮಿಲೆ ಶ್ರೀ ಯಶವಂತ ಭಟ್ ಮಾಮ್ಮಾಲೆ ಶಿಕ್ಷಣ ಮ್ಹಳ್ಯಾರಿ ತ್ಯಾ ಕಾಲಾಚೆ ಲೋವರ್ ಸೆಕೆಂಡರಿ, ಸಾತ್ತಾ ಕ್ಲಾಸ್. ೯ ವರ್ಷಾಂತು ಸಂಗೀತಾಭ್ಯಾಸು ಸೂರ ಕೆಲೇಲೆ ತಾನ್ನಿ ಆಪಣಾಲೆ ೧೩ ವಯಾಂತು ಹುಬ್ಬಳ್ಳಿಂತು ಭರತ ನಾಟ್ಯ ಆನಿ ಜಾನಪದ ನೃತ್ಯ ಅಭ್ಯಾಸು ಕೊರಚಾಕ ಲಾಗಲಿಂತಿ. ೧೫ ವರ್ಷಾಂತು ಸೇವಾ ದಳ ಸೇರೂನು ಸೇವಾ ದಿವಚಾಕ ಲಾಗಲಿಂತಿ. ೧೭ ವರ್ಷ ವಯಾಂತು ನಾಟಕ ರಂಗ ಪ್ರವೇಶ. ಅಶ್ಶಿ “ಲ್ಹಾನ ವಯಾಂತು ವಿಶೇಷ ಪ್ರತಿಭಾ ಸಂಪನ್ನ ಜಾವ್ನಾಶ್ಶಿಲೆ ಶ್ರೀ ಯಶವಂತ ಭಟ್ ಮಾಮು ಯಕ್ಷಗಾನಾಂತು ಪಾರ್ಟ್ ಕರತಾ ತೆಂಕು ಆನಿ ಬಡಗು ತಿಟ್ಟು ದೊನ್ನಿಂತು ಸೇವಾ ಪಾವಯ್ಲಾ. ತ್ಯಾ ಸಂದರ್ಭಾರಿ ಪುರುಸೊತ್ತಿ ಕೋರ್ನು ಘೆವ್ನು ರಾಮಾಯಣ, ಮಹಾ ಭಾರತ, ಭಾಗವತ ಇತ್ಯಾದಿ ಗ್ರಂಥಾಚೆ ಸಮಗ್ರ ಅಧ್ಯಯನ ಕೆಲೇಲೆ ಹಾನ್ನಿ ಆಪಣಾಲೆ ೨೩ ವರ್ಷ ವಯಾಂತು “ಹರಿಕಥಾ ರಂಗ ಪ್ರವೇಶ ಕೋರ್ನು ಶೃಂಗೇರಿ ಶ್ರೀಮಠಾಚೆ ಆಸ್ಥಾನ ವಿದ್ವಾಂಸ ಎ. ರಾಮಕೃಷ್ಣ ಶಾಸ್ತಿ ಹಾಂಗೆಲೆ ಶಿಷ್ಯ ಜಾಲ್ಲೆ.  ಆನಿ ೧೯೬೩ ಇಸ್ವೆಂತು ಬೆಂಗಳೂರಾಚೆ ಆಂತಃರ್ರಾಷ್ಟ್ರೀಯ ಕೇಂದ್ರಾಂತು “ಹರಿಕಥಾ ರಂಗಾಚೆ ಸಮಗ್ರ ಅಧ್ಯಯನ ಕೆಲ್ಲಿಂತಿ.
೧೯೭೩ಚಾನ ೧೯೯೩ ಪರ್ಯಂತ ಬೊಂಬಾಯ, ಗೋಂಯ, ಆಂಧ್ರ, ತಮಿಳುನಾಡು, ಕೇರಳ ಆನಿ ಕರ್ನಾಟಕಾಚೆ ಸರ್ವ ಜಿಲ್ಲ್ಯಾಂತು ಹರಿಕಥಾ ಕೀರ್ತನ ಕೋರ್ನು ಲೋಕಾಂಕ ಜ್ಞಾನ ಪಾವಿತ ಕೆಲ್ಲಯಾ. ಏಕ್ಕಾ ವೇದಿಕೆರಿ ಮೈನೋ ಪರ್ಯಂತ ಕಾರ್ಯಕ್ರಮ ದಿಲೇಲೆ ಸಾಧನಾ ಹಾಂಗೇಲೆ. ಕರ್ನಾಟಕಾಚೆ ನಾಮಾಂಕಿತ ಕೀರ್ತನಕಾರ ಜಾಲೇಲೆ ಭದ್ರಗಿರಿ ಅಚ್ಚುತದಾಸ, ಕೋಣನೂರು ಸೀತಾರಾಮ ಶಾಸ್ತಿ, ಮಾಸ್ತಿ ವೆಂಕಟೇಶ ಅಯ್ಯಂಗಾರ ಇತ್ಯಾದಿ ಮಹನೀಯಾನ ಹಾಂಗೆಲೆ ತಾರೀಪು ಕೋರ್ನು ಆಶೀರ್ವಾದು ಕೆಲ್ಲಯಾ. ಶೃಂಗೇರಿ ಜಗದ್ಗುರು ಧೋರ್ನು ಚಡ್ತೆ ಪೂರಾ ಮಠಾಧೀಶಾನಿ ಹಾಂಕಾ ಶಾಲ ಪಾಂಗೂರ್ನು ಸನ್ಮಾನ ಕೆಲ್ಲಯಾ. ೨೦೦೧ಚೆ ಸಾಲಾಂತು ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನ ಪ್ರಶಸ್ತಿ ಪುರಸ್ಕೃತ. ೨೦೦೨ ಇಸ್ವೆಂತು ಜಿಲ್ಲಾ ಕನ್ನಡ ಸಾಹಿತ್ಯ ಸಮ್ಮೇಳನಾಂತು ಸನ್ಮಾನು, ೨೦೦೪ಂತು ಅಖಿಲ ಕರ್ನಾಟಕ ಕೀರ್ತನ ಕಲಾಪರಿಷತ್ತಾ ತರಪೇನ ಬೆಂಗಳೂರಾಂತು ರಾಜ್ಜಮಟ್ಟಾಚೆ ಸಮಾರಂಭಾಂತು ಶಾಲು ಪಾಂಗೂರ್ನು ಸನ್ಮಾನ, ಕನ್ನಡ ಸಾಹಿತ್ಯ ಪರಿಷತ್ತಾಚೆ ಅಜೀವ ಸದಸ್ಯ. ಕೊಂಕಣಿ ಸಮೇತ ಹಾಂಕಾ ೭ ಭಾಸ ಉಲೋವಚಾಕ ಯತ್ತಾ. ಕೊಂಕಣಿ, ಕನ್ನಡ, ಮರಾಠಿ, ಹಿಂದಿ, ತಮಿಳು, ತೆಲುಗು ಭಾಷೆಂತು ಗಾಯತಾತಿ. ಗಿರೀಶ ಕಾರ್ನಾಡಾಲೆ ಸಂಸ್ಕಾರ ಚಿತ್ರಾಂತು ಆಕ್ಟ ಕೆಲ್ಲಾ. ಹಾಂಕಾ ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾನಿ ಆಶೀರ್ವಾದ ಕೋರ್ನು ವ್ಯಾಸರಘುಪತಿ ಅಂಕಿತ ಅನುಗ್ರಹ ಕೆಲ್ಲಯಾ. ಹಾಂಕಾ ತಿಗ್ಗ ಲೋಕ ಚಾಲ್ಲಿಯಾ ಚರ್ಡುಂವ ಆನಿ ಏಕಳಿ ಚೆಲ್ಲಿ. ಹಾನ್ನಿ ಪೂರಾ ಚಾಂಗ ಕಲಾವಿದ, ಕವಿ ತಶ್ಶೀಚಿ ಪದವೀಧರ ಜಾವ್ನಾಸ್ಸತಿ. ಅಖಿಲ ಕರ್ನಾಟಕ ಕೀರ್ತನ ಕಲಾ ಪರಿಷದಾಚೆ ಅಜೀವ ಸದಸ್ಯ ಜಾವ್ನು ಚಿಕ್ಕಮಗಳೂರು ಜಿಲ್ಲಾ ಪ್ರತಿನಿಧಿ ಜಾವ್ನು ೧೦ ವರ್ಷ ಸಾರ್ಥಕ ಸೇವಾ ಪಾವಯ್ಲಾ. ೧೯೮೪ ಇಸ್ವೆಂತು “ಶ್ರೀ ರಾಮಕೃಷ್ಣ ಸಂತಸೇವಾಶ್ರಮ ಮ್ಹಣಚೆ ಸಂಸ್ಥಾ ಸ್ಥಾಪನ ಕೋರ್ನು ಹರ ಶನ್ವಾರು, ಆಯ್ತವಾರಾ ದಿವಸು ಭಗವದ್ಗೀತಾ, ಭಜನ ಆನಿ ಉಪನ್ಯಾಸ ಆದಿ ಧಾರ್ಮಿಕ ಕಾರ್ಯಾವಳಿ ಚಲಯ್ತಾ ಶೃಂಗೇರಿ ಜಗದ್ಗುರುಂಗೆಲೆ ಕೃಪಾಶೀರ್ವಾದಾಕ ಪಾತ್ರ ಜಾಲ್ಲಿಂತಿ. ಹಾಂಕಾ ೨೦೦೫ ಚೆ ಎಪ್ರಿಲ್ ೭ಕ ಶ್ರೀ ಶ್ರೀ ಗಣನಾಥ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತೀರಿ ಶೃಂಗೇರಿ ಜಗದ್ಗುರು ಮಹಾಸಂಸ್ಥಾನಾಚೆ ಆಡಳಿತಾಧಿಕಾರಿನ ಶೃಂಗೇರಿಂತು “ಕೀರ್ತನಶ್ರೀ ಪ್ರಶಸ್ತಿ ದೀವ್ನು ಸನ್ಮಾನ ಕೆಲ್ಲೆ.
ಶೃಂಗೇರಿಚೆ ಶ್ರೀ ಶಾರದಾಂಬೆಲೆ ದಿವ್ಯ ಕೃಪಾಕಟಾಕ್ಷಾಕ ಪಾತ್ರ ಜಾವ್ನು ಘೆಲೇಲೆ ಪನ್ನಾಸ, ಸಾಠ ವರ್ಷಾಚಾನ ಕಥಾಕೀರ್ತನಾ ರಂಗಾಂತು ಅಪರಿಮಿತ ಸಾಧನಾ ಕೆಲೇಲೆ ಶ್ರೀ ಯಶವಂತ ಭಟ್ ತಾನ್ನಿ ಆಜಿ ವಯೋವೃದ್ಧ ಜಾಲ್ಯಾರಿಚಿ ವೇದಿಕಾ ಚೋಣು ಕೀರ್ತನ ದೀವ್ನು ಹರಿ ಸೇವಾ ಕರತಾ ಆಸ್ಸತಿ. ತರ್ನಾಟ್ಯಾಂಕ ಆದರ್ಶ ಜಾವ್ನಾಸ್ಸುಚೆ ಹಾಂಗೆಲೆ ಮಾರ್ಗದರ್ಶನ ಮುಖಾರಚೆ ಪೀಳ್ಗಿಕ ಮೆಳೊ ತಾನ್ನಿಮಿತ್ತ ಏಕ ಚಾಂಗ ಸಂತತಿ ಹುಜ್ಷಾಡಾಕ ಯವೋ ಮ್ಹೊಣು ಸರಸ್ವತಿ ಪ್ರಭಾ ಆಶಾ ಕರತಾ. ಆನಿ ಶ್ರೀ ಯಶವಂತ ಭಟ್ ಮಾಮ್ಮಾಕ “ದೇವು ಬರೆಂ ಕೊರೊಂ ಮ್ಹಣತಾ.

Konkani News

ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಗೆ ಸದಸ್ಯರನ್ನು ನೇಮಕ ಮಾಡಿ ಸರ್ಕಾರ ಆದೇಶ ಹೊರಡಿಸಿದೆ.
 ಉಡುಪಿಯ ಪಿ.ಸುಭಾಷ್ ಕಾಮತ್, ದಕ್ಷಿಣ ಕನ್ನಡ ಜಿಲ್ಲೆಯ ರಾಜಾರಾಂ ನಾಯಕ್, ಮಹೇಶ್ ಆರ್. ನಾಯಕ್, ಹೊಸಪೇಟೆಯ ಚಂದ್ರಕಾಂತ ಕಾಮತ್, ಉತ್ತರ ಕನ್ನಡ ಜಿಲ್ಲೆಯ ಚಿದಾನಂದ ಭಂಡಾರಿ, ಮಂಜುನಾಥ್ ರಾಯಸಿದ್ದಿ, ಮಹದೇವರೆಡ್ಡಿ ಕುಟ್ಟಿಕಾರ್, ಶಿವಮೊಗ್ಗದ ಬಿ.ಎಸ್. ಕಾಮತ್, ಬೆಂಗಳೂರಿನ ಟಿ.ಎ.ಪಿ. ಶೆಣೈ ಮತ್ತು ಮಂಗಳೂರಿನ ರಾಯ್ ಕ್ಯಾಸ್ಟಲಿನೊ ಅವರು ಕೊಂಕಣಿ ಸಾಹಿತ್ಯ ಅಕಾಡೆಮಿ ಸದಸ್ಯರಾಗಿ ನೇಮಕ ಹೊಂದಿದ್ದಾರೆ.
ಮೂರು ವರ್ಷಗಳ ಅವಧಿ ಅಥವಾ ಮುಂದಿನ ಆದೇಶದವರೆಗೆ ಇವರು ಅಕಾಡೆಮಿಗಳ ಸದಸ್ಯರಾಗಿ ಮುಂದುವರಿಯುತ್ತಾರೆ.

Saraswati Prabha 15-05-2012

ಸರಸ್ವತಿ ಪ್ರಭಾ ೧೫ ಮೇ ೨೦೧೨ಚೆ ವಿಶೇಷ

* ಮೆಗೇಲೆ ಉತ್ರಾಂತು “ಸರಸ್ವತಿ ಪ್ರಭಾ೨೩ ಭರಲೀಲೆ ಖಾತ್ತಿರಿ ವಾಚಕಾಂಕ ಕೃತಜ್ಞತಾ?.  * ಕೊಂಕಣಿ ಸರದಾರ ಶ್ರೀ ಬಸ್ತಿ ವಾಮನ ಶೆಣೈ, ಮಂಗಳೂರು ಆನಿ ಕೀರ್ತನ ಕೇಸರಿ ಶ್ರೀ ಯಶವಂತ ಭಟ್ ಶೃಂಗೇರಿ ಹಾಂಗೆಲೆ ಖಾತ್ತಿರಿ ಪರಿಚಯಾತ್ಮಕ ಲೇಖನ. * ಹಿಂದೂಸ್ಥಾನಾಂತು ಆಸ್ಸುಚೆ “ಜ್ಯೋತಿರ್ಲಿಂಗ ಹಾಜ್ಜೆ ತಿಸರೆ ಆನಿ ಅಂತಿಮ ಭಾಗ. * ಪ್ರಾಪ್ತಿ ಧಾರವಾಹಿಚೆ ೧೬ ಕಂತು. * ಮೈನ್ಯಾ ಕಾಣಿ “ಕಾಶೀ ತೀರ್ಥ. * ಶ್ರೀ  ಪಿ. ಜಯವಂತ ಪೈ, ಕುಂದಾಪುರ ಹಾಂಗೆಲೆ ಚುಟುಕಾ., * ಶ್ರೀ ವಿಷ್ಣು ಕಾಮತ್, ಕಟಪಾಡಿ ಹಾಂಗೇಲೆ  ಲೇಖನ “ಸೂಖ ಸೊದ್ದುನು ವಚ್ಚೆ ಜಾಯ್ನಾ, ಸೂಖ ಆಮ್ಕಾ ಸೊದ್ದೂನು ಯವ್ಕಾ * ಶೃಂಗೇರಿ ಹೆಬ್ಬಾಗಿಲು ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಾಲೆ ಪುನಃ ಪ್ರತಿಷ್ಠಾ ಮಹೋತ್ಸವಾಚೆ ಖಬ್ಬರ, * ಮುರ್ಡೇಶ್ವರಾಚೆ ಲಯನ್ ರಾಮದಾಸ ಎನ್. ಶೇಟ್ ಸತತ ೧೪ ಪಂತಾ ಕೋಟಿವೀರು, * ನಿವೇದಿತಾ ಶಿಶು ಮಂದಿರಾ, ಗಂಗೊಳ್ಳಿಚೆ ಖಬ್ಬರ. * ಶ್ರೀ ಮೋಹನ ಆರ್. ಪ್ರಭು ಆನಿ ಶ್ರೀಮತಿ ಸರಿತಾ ಪ್ರಭು, ಹುಬ್ಬಳ್ಳಿ ಹಾಂಗೆಲೆ ಗೋ ಟು ಯುರೋಪ ಪ್ರವಾಸ ಕಥನಾಚೆ ಅಂತಿಮ  ಭಾಗ, * ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳ, ಬಾರ್ಕೂರು ಹಾಜ್ಜೆ ಶಿಖರ ಕಲಶ ಪ್ರತಿಷ್ಠಾ ತಶ್ಶೀಚಿ ಪ್ರತಿಷ್ಠಾ ವರ್ಧಂತಿ ಮಹೋತ್ಸವಾಚೆ ಖಬ್ಬರ. * ಗೌಡ ಸಾರಸ್ವತ ಸೇವಕ ಸಮಾಜ ಬೆಂಗಳೂರು ಹಾಂಗೆಲೆ ಚಿತ್ರವಾರ್ತಾ. * ಶ್ರೀ ಎಂ. ರಮೇಶಕೃಷ್ಣ ಶೇಟಾಂಕ ರಾಜೀವಗಾಂಧಿ ಎಕ್ಸಲೆನ್ಸ ಪ್ರಶಸ್ತಿ. * ಶ್ರೀ ಕೆ.ಆರ್. ಕಾಮತ್ತಾಂಕ ಟಿ.ಎ.ಪೈ. ಶ್ರೇಷ್ಠ ಬ್ಯಾಂಕರ್ ಪ್ರಶಸ್ತಿ ಪಾವಿತ. * ಡಾ. ರಾಮದಾಸ ಪೈ ತಾಂಕಾ ಸಾರಸ್ವತ ರತ್ನ ಪ್ರಶಸ್ತಿ ಪ್ರಧಾನ. * ಅಂಕುರ್ ಕಲಾ ಉತ್ಸವು. * ಶ್ರೀ ವೆಂಕಟರಮಣ ದೇವಳ, ಬೆಂಗಳೂರು, ಆನಿ ಶ್ರೀ ದುರ್ಗಾ ಹೊನ್ನಮ್ಮ ದೇವಳ, ಸಿದ್ದಾಪೂರ ಹಾಂಚೆ ಖಬ್ಬರ. * ಜಿ.ಎಸ್.ಬಿ. ಸ್ಕಾಲರ್‌ಶಿಫ್ ಲೀಗ್ ಮುಂಬೈ ಹಾಜ್ಜೆ ಶತಮಾನೋತ್ಸವ. * ದುಸ್ರ ದುಸ್ರೆ ಸಮಾಜ ಬಾಂಧವಾಲೆ ಘರಾಂತು ಘಡಿಲೆ ಶುಭ ವಿವಾಹ ಆನಿ ಮೂಂಜಿ ಖಬ್ಬರ.. * ಕೋಪು ನಾಕ್ಕ ತಾಜ್ಜ ತಾಪು ಆರ್‍ಗೋಡು ಸುರೇಶ ಶೆಣೈ ಹಾಂಗೆಲೆ ವಿಶೇಷ ಲೇಖನ. * ಘರಾ ವಕ್ದಂತು ಲಿಂಬಿಯೊ, ಲವಂಗ, ತುಳಸಿ, ಆಂಬೆ ಪಾನ್ನ, ಖರ್ಜೂರ, ಉಡಿದು, ಬಿಲ್ವ, ಖಾವ್ಚ ಪಾನ್ನ, ಹಳದಿ ಆನಿ ಶ್ರೀಗಂಧ ಖಾತ್ತಿರಿ ಮಾಹಿತಿ. * ಶ್ರೀ ಲಕ್ಷ್ಮೀನಾರಾಯಣ ಕಾಮಾಕ್ಷಿ ದೇವಳ, ಹುಬ್ಬಳ್ಳಿ, ಶ್ರೀ ಲಕ್ಷ್ಮೀವೆಂಕಟೇಶ ದೇವಳ, ಹೊನ್ನಾವರ, ಶ್ರೀ ಲಕ್ಷ್ಮೀವೆಂಕಟರಮಣ ದೇವಳ, ದಾಂಡೇಲಿ, ಶ್ರೀ ದುರ್ಗಾ ಪರಮೇಶ್ವರಿ ದೇವಳ, ಕೊಕ್ಕರ್ಣೆ, ದೈವಜ್ಞ ಬ್ರಾಹ್ಮಣ ಮಠ, ಕರ್ಕಿ, ಶ್ರೀ ಜ್ಞಾನೇಶ್ವರೀ ವಿದ್ಯಾಲಯ ಕರ್ಕಿ  ಹಾಂಗಾಚೆ ಖಬ್ಬರ. * ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನ ಕೊಂಕಣಿ ನಾಟಕೋತ್ಸವ ಆನಿ ರಂಗಮಂಥನ್. * ಶ್ರೀ ವಿವೇಕಾನಂದ ಭಟ್ಟಾಂಗೆಲೆ ಭಕ್ತಿಮಾಲಾ. ಆದರ್ಶ ಸ್ತ್ರೀ ರತ್ನ * ಶ್ರೀಮತಿ ಗೌರಿಬಾಯಿ ಪುಂಡಲೀಕ ನಾಯಕ. * ವಿಂಗವಿಂಗಡ ಪಾನಕ, ಇತ್ಯಾದಿ ಲೇಖನ, ಕಾಣಿ, ಧಾರವಾಹಿ, ಚುಟುಕಾ ಪೂರಾ ತುಮಗೇಲೆ ಖಾತ್ತಿರಿ!. ಮುದ್ದಾಂ ವಾಜ್ಜೀಯಾ.

ಗೊಂಯ್ಚೆ ಮುಖ್ಯಮಂತ್ರಿ ಮನೋಹರ ಪರೀಕರ್

ವ್ಹರಡೀಕ ಜಾವ್ನು ಘೆಲ್ಯಾರೀಚಿ ಚೆಲ್ಲಿಯಾ ಚರ್ಡುಂವಾಂಕ ಕೂಳಾರ್‌ಚೆ ವಯ್ರಿ ಖಂಚಕಿ ಏಕ ನಮೂನ್ಯಾ ವ್ಯಾಮೋಹ. ಕೂಳಾರ್‌ಚೆ ಚಾಂಗ, ಖುಶಿ ಪೊಳೋವ್ನು ಹರ್ಷ ಪಾವ್ಚೆ ತಾನ್ನಿ, ಕಷ್ಟ, ನಷ್ಟ ಆಯಿಲ್ತೆನ್ನಾ ದುಃಖ  ಭೊಗತಾತಿ. ಮ್ಹಳ್ಯಾರಿ ಕೂಳಾರಚೆ ಸರ್ವ ಘಟನೆ ವಯ್ರಿ ತಾನ್ನಿ ನಜರ ದವರೂನು ಆಸತಾತಿ ಮ್ಹಣಚೆ ಹಾಜ್ಜೆ ಅರ್ಥು. ತಶ್ಶೀಚಿ ಗೋಂಯ್ ಕೊಂಕಣಿಗಾಲೆ ಕೂಳಾರ ಮ್ಹಣೊಸೂವ್ನು ಘೆವ್ಚೆ ತಾಕೂನು,  ಥಂಯಿ ಆಮಗೇಲೆ ಕುಲದೇವು ಆಸ್ಸ ಮ್ಹೊಣು ವರ್ಷಾಕ ಏಕ್ಪಂತ ಪೂಣಿ ಕೊಂಕಣಿಗ ಪೂರಾ ಥೈಕ ವತ್ತಾತಿ. ಥಂಚೆ ರಾಜಕೀಯ, ಸಾಂಸ್ಕೃತಿಕ ಬದಲಾವಣ, ಅಭಿವೃದ್ಧಿ ಸರ್ವ ಕೊಂಕಣಿಗ ಆಶೇಚೆ ದೋಳ್ಯಾನ ಪಳಯತಾತಿ.
ತಾಜ್ಜ ಖಾತ್ತಿರಿ ಪಯರಿ ಚಲೇಲೆ ವಿಧಾನಸಭಾ ಚುನಾವಣೆಂತು ಜಿಕ್ಕೂನು ಮುಖ್ಯಮಂತ್ರಿ ಜಾಲೇಲೆ ಶ್ರೀ ಮನೋಹರ ಪರೀಕರ ಖಾತ್ತಿರಿ ಸರ್ವಾಂಕ ಏಕ ನಮೂನೆ   ಕುತೂಹಲ ಜಾವಚೆ  ಸಹಜ. ಹ್ಯಾ ಪಯಲೇಚಿ ಮುಖ್ಯಮಂತ್ರಿ ಜಾವ್ನು ಚುನಾವ ಜಾವ್ನು ಚಾಂಗ ಆಡಳಿತ ದಿಲೇಲೆ ಹಾಂಗೇಲೆ ಖಾತ್ತಿರಿ ಸರ್ವ ಕಡೇನ ಚಾಂಗ ಅಭಿಪ್ರಾಯು ಆಸ್ಸ. ಸರಳ, ಸಜ್ಜನ ಮುಖ್ಯಮಂತ್ರಿ ಮ್ಹೊಣು ಲೋಕ, ಮಾಧ್ಯಮಾಚಿ ಸಾಂಗತಾತಿ. ತ್ಯಾ ಖಾತ್ತಿರಿ ತಾಂಗೇಲೆ ಏಕ ಲ್ಹಾನ ಪರಿಚಯು ಆಮಗೇಲೆ ವಾಚಕಾಂಕ ಹಾಂಗಾ ಕೋರ್ನು ದಿಲ್ಯಾ.
೧೩ ಡಿಸೆಂಬರ್ ೧೯೫೫ಕ ಜಲ್ಮಿಲೆ ಶ್ರೀ ಮನೋಹರ ಪರೀಕರ್ ಹಾಂಗೆಲೆ ಪೂರ್ತಿ ನಾಂವ ಶ್ರೀ ಮನೋಹರ ಗೋಪಾಲಕೃಷ್ಣ ಪ್ರಭು ಪರೀಕರ. ಜನ್ಮ ಸ್ಥಳ: ಮಾಪಸಾ, ಗೋಂಯ, ಹಾನ್ನಿ ಪ್ರಾಥಮಿಕ ಶಿಕ್ಷಣ ಮರಾಠಿಂತು ಕೋರ್ನು, ೧೯೭೮ ಇಸ್ವೆಂತು ಮುಂಬೈಚೆ ಐ‌ಐಟಿ ಚಾನ ಪದವಿ ಘೆತ್ಲಿಂತಿ.  ಹಾನ್ನಿ ಸಗಳೆ ಭಾರತಾಂತು ಪ್ರಪ್ರಥಮ ಐ‌ಐಟಿ ಪದವೀಧರ ಮುಖ್ಯಮಂತ್ರಿ ಜಾವ್ನಾಸ್ಸತಿ. ಹಾಂಕಾ ೨೦೦೧ ಇಸ್ವೆಂತು ಬೊಂಬೈಚೆ ಐ‌ಐಟಿನ ಪ್ರತಿಷ್ಠಿತ ಅವಾರ್ಡ ಪ್ರಧಾನ ಕೆಲ್ಯಾ. ಹಾನ್ನಿ ಬಿ.ಜೆ.ಪಿ.ಚೆ ಮೆಂಬರ್ ಆನಿ ಗೋಂಯಾಂತು ಬಿ.ಜೆ.ಪಿ. ಅಧಿಕಾರಾಕ ಆಯ್ಯಿಲೆ ತೆದ್ದನಾ ತಾಜ್ಜ ಪಯಲೆ ಮುಖ್ಯಮಂತ್ರಿ ಜಾವ್ನು ವಿಂಚೂನು ಆಯ್ಲಿಂತಿ. ೧೯೯೪ ತಾಕೂನು ರಾಜ್ಯ ವಿಧಾನಸಭೆಕ ವಿಂಚೂನು ಯತ್ತಾ ಆಸ್ಸುಚೆ ಹಾನ್ನಿ ಪಯಿಲೆ ಪಂತಾ ೨೦೦೦ ಇಸ್ವೆಂತು ಗೋಂಯ್ಚೆ ಮುಖ್ಯಮಂತ್ರಿ ಜಾವ್ನು ವಿಂಚೂನು ಆಯ್ಯಿಲೆ.  ಮಧ್ಯೆ ಮಸ್ತ ರಾಜಕೀಯ ಚಾಲ-ಚಮ್ಕಣಿ ಘಡ್ನು ಗೋಂಯ್ಚೆ  ರಾಜಕಾರಣ ಅಕ್ಷೇಪಾಕ ಪಳ್ಯಾರಿಚಿ ಪರತ ಅವುಂದು ಮಾರ್ಚಾಂತು ಚಲೇಲೆ ವಿಧಾನಸಭಾ ಚುನಾವಣೆಂತು ಬಿಜೆಪಿ ಪರತ ಪೂರ್ತಿ ಬಹುಮತ ಘೇವ್ನು ಅಧಿಕಾರಾಕ ಆಯಲಾ. ಶ್ರೀ ಪರೀಕರ ಪರತ ಗೋಂಯ್ಚೆ ಮುಖ್ಯಮಂತ್ರಿ ಜಾಲ್ಲಿಂತಿ. ಬಹುಮತ ಯವ್ನು ಅಧಿಕಾರ ಸ್ವೀಕಾರ ಕೊರಚೆ ಭಿತ್ತರಿ ಪೆಟ್ರೋಲ್ ಲೀಟರಾಕ ಇಕ್ರ ರೂಪಯ ದೆಂವೋನು ತಾನ್ನಿ ಸಾಮಾನ್ಯ ಲೋಕಾಲೆ ಪೈಕಿ ಮ್ಹೊಣು ದಾಖೋವನು ದಿಲ್ಲಾ. ತಾಂಗೆಲೆ ಅಸ್ಸಲೆ ಹೇ ಸುಧಾರಣ ಮುಖಾರ್‌ಸುವೊ ಆನಿ ಲೋಕಾಂಕ ಶಾಂತಿ, ಸಮಾಧಾನಾಚೆ ಚಾಂಗ ಆಡಳಿತ ಮೆಳೊ, ಕೊಂಕಣಿಗಾಲೆ ಕೂಳಾರ ಜಾಲೇಲೆ ಗೋಂಯ್ಚೆ ಸರಕಾರಾ ತಾಕೂನು ಗೊಂಯ್ಚೆ ಬಾಯರಿ ಆಸ್ಸುಚೆ ಕೊಂಕಣಿಗಾಂಕ, ಸಾಧಕಾಂಕ, ಕೊಂಕಣಿ ಭಾಷೇಕ ಅಗತ್ಯ ಮದತ್, ಪ್ರೋತ್ಸಾಹ ಮೆಳೋ ಮ್ಹೊಣು ಸರಸ್ವತಿ ಪ್ರಭಾ ಕೊಂಕಣಿ ಮಾಸಿಕ ಆಶಯ ಕರ್ತಾ. ಆನಿ ಶ್ರೀ ಪರೀಕರಾಂಕ ದೇವು ಬರೆಂ ಕೊರೊಂ ಮ್ಹಣತಾ.