ಬ್ರಹ್ಮೋಪದೇಶ

ಚಿ|| ಪ್ರಜ್ವಲ್(ಸುದರ್ಶನ) (ಶ್ರೀಮತಿ ಮಾಲತಿ ಆನಿ ಶ್ರೀ ಮಾರುತಿ ಗೋವಿಂದ ಪ್ರಭು ಗುಂಡ ಬಾಳ ಹಾಂಗೆಲೊ ಪೂತು) ಹಾಕ್ಕಾ ದಿ. ೧-೦೪-೨೦೧೨ ದಿವಸು ಹೊನ್ನಾ ವರ ತಾ||ಚೆ ಗುಂಡಬಾಳ ಗಾಂವ್ಚೆ ಶ್ರೀ ಮುಖ್ಯಪ್ರಾಣ ಲಕ್ಷ್ಮೀವೆಂಕಟೇಶ ದೇವಳಾಚೆ ಸಭಾ ಗ್ರಹಾಂತು ಬ್ರಹ್ಮೋಪದೇಶ ದೀಕ್ಷೆ ದಿಲೇಲೆ ಖಬ್ಬರ ಮೆಳ್ಳಾ.
ಮುಂಜಿ ವ್ಹರೇತಾಕ ಆಮ್ಗೆಲೆ ಶುಭಾಶಯು

ವಿಶ್ವ ಕೊಂಕಣಿ ಕೇಂದ್ರ ಮಂಗಳೂರು

ಮಂಗ್ಳೂರ ವಿಶ್ವ ಕೊಂಕಣಿ ಕೇಂದ್ರ ಮಾತೃ ಸಂಸ್ಥೆ ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಠಾನಾಚೆ ವೆಗವೆಗಳೆ ಅಭಿವೃದ್ಧಿ ಯೋಜನೆಕ ಅದ್ಲೆ ವರ್ಷಾಚೆ ಬಜೆಟಾಂತ ಘೋಷಣ್ ಜಾಲೆಲ್ಯಾ ರೂ. ೫.೦೦ ಕೋಟಿಂತ ಕರ್ನಾಟಕ ರಾಜ್ಯ ಸರಕಾರಾನ ಆತಾಂ ೧.೫೦ ಕೋಟಿ ಅನುದಾನ ಪಾವಿತ ಕೆಲಾಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಮಾನೆಸ್ತ  ಬಸ್ತಿ ವಾಮನ ಶೆಣೈ, ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿಚೆ ಕಾರ್‍ಯದರ್ಶಿ ಮಾನೆಸ್ತ ಪ್ರದೀಪ್ ಜಿ.ಪೈ, ಮಾನೆಸ್ತ ಜಿ. ಆನಂದರಾಯ ಶೆಣೈ, ಆನಿ ಶಾಸಕ ಜೆ..ಕೃಷ್ಣ ಪಾಲೇಮಾರ್ ಹಾನ್ನಿ ಸಾಂಗಾತಾಕ ಮೇಳನು ಮುಖ್ಯಮಂತ್ರಿ ಶ್ರೀ ಡಿ.ವಿ.ಸದಾನಂದ ಗೌಡ ಹಾಂಕಾ ಬೆಂಗ್ಳೂರಾಂತ ಭೇಟಿ ದಾವನ ಅನುದಾನ ಪಾವಯಲ್ಯಾಕ ಸರ್ಕಾರಾಕ ಆನಿ ಸಹಕಾರ ದಿಲೆಲ್ಯಾ ಸಕಡ ಜನ ಪ್ರತಿನಿಧಿಂಕ ಶುಭ ಭೆಟಯಲೆಂ.
ಮಾನೆಸ್ತ ಬಸ್ತಿ ವಾಮನ ಶೆಣೈ ಹಾನ್ನಿ ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಠಾನಾಕ ರೂ. ೫.೦೦ ಕೋಟಿ ಅನುದಾನ ದಿವಚಾಕ ಠರಯಲೆಂ ಅದಲೆ(ಪೂರ್ವ) ಮುಖೆಲ ಮಂತ್ರಿ ಮಾನೆಸ್ತ ಬಿ. ಎಸ್. ಯಡಿಯೂರಪ್ಪ ಹಾಂಕಾಯ ಧನ್ಯವಾದ ವ್ಯಕ್ತ ಕೆಲಾಂ. ತಶೀಂಚಿ ಸರಕಾರಾ ಥಾವ್ನ ಹೆಂ ಅನುದಾನ ಫಾವಿತ ಜಾವಚೆ ತಶಿ ಶ್ರಮ ಘೆತ್ತಿಲೆ ಪ್ರತಿಷ್ಠಾನಾಚೆ ಗೌರವಾಧ್ಯಕ್ಷ ಆನಿ ಮ್ಹಾಲ್ಗಡೆ ಧುರೀಣ ಮಾನೆಸ್ತ ಆರ್. ವಿ. ದೇಶಪಾಂಡೆ, ಕರ್ನಾಟಕ ವಿಧಾನ ಸಭಾಚೆ ಮಾನ್ಯ ಉಪ ಸಭಾಧ್ಯಕ್ಷ ಮಾನೆಸ್ತ ಎನ್. ಯೋಗೀಶ ಭಟ್, ಪ್ರತಿಷ್ಠಾನಾಚೆ  ಅಧ್ಯಕ್ಷ ಡಾ. ಪಿ. ದಯಾನಂದ ಪೈ, ಪ್ರತಿಷ್ಠಾನಾಚೆ ಟ್ರಸ್ಟಿ ಮಾನೆಸ್ತ ಟಿ.ವಿ.ಮೋಹನದಾಸ ಪೈ ಆನಿ ಮಾನೆಸ್ತ ರಾಮದಾಸ ಕಾಮತ್ ಯು ಆನಿ ಮಾನೆಸ್ತ ಅಣ್ಣಪ್ಪ ಕಾಮತ್ ಹಾಂಕಾಯ ಧನ್ಯವಾದ ವ್ಯಕ್ತ ಕೆಲಾಂ.
ಹ್ಯಾ ಅನುದಾನ ಘೆವನ ದಿವಚಾಕ ಸಹಕಾರ ದಿಲ್ಲೆಲ್ಯಾ ಮಂಗಳೂರು ಕ್ಷೇತ್ರಾಚೆ ಲೋಕ ಸಭಾ ಸದಸ್ಯ ಮಾನೆಸ್ತ ನಳಿನ ಕುಮಾರ ಕಟೀಲ, ಮಾನ್ಯ ಶಾಸಕ ಶ್ರೀ ಕೃಷ್ಣ ಜೆ. ಪಾಲೇಮಾರ, ಮಾನೆಸ್ತ ರಘುಪತಿ ಭಟ್, ಮಾನೆಸ್ತ ರಾಮನಾಥ ರೈ,  ಮಾನೆಸ್ತ ಯು.ಟಿ. ಖಾದರ್ ಹಾಂಕಾಯ ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನಾಚೆ ಅಧ್ಯಕ್ಷ ಮಾನೆಸ್ತ ಬಸ್ತಿ ವಾಮನ ಶೆಣೈ ಹಾನ್ನಿ ಧನ್ಯವಾದ ಅರ್ಪಣ ಕೆಲಾಂ.

Manipal News (saraswati Prabha)

ಡಾ|| ಟಿ.ಎಂ.ಎ. ಪೈ ಪ್ರತಿಷ್ಠಾನ ಮಣಿಪಾಲ

ಮಣಿಪಾಲ್ಚೆ ಡಾ.ಟಿ.ಎಂಎ.ಪೈ ಪೌಂಡೇಶನ್ ತರಪೇನ ಕೊಂಕಣಿ ಸಮಾಜಾಚೆ ವಿಶಿಷ್ಠ ಸಾಧಕಾಂಕ  ಪುರಸ್ಕಾರ ಆನಿ ಚಾಂಗ ಕೊಂಕಣಿ ಪುಸ್ತಕ ಪ್ರಶಸ್ತಿ ಪಾವಿತ ಸಮಾರಂಭ ದಿ. ೩೧-೦೩-೨೦೧೨ಕ ಮಣಿಪಾಲ ವ್ಯಾಲ್ಯೂ ಹೊಟೇಲ್ ಸಭಾಂಗಣಾಂತು ಚಲ್ಲೆ.  ಮ್ಹಾಲಗಡೆ ರಾಜಕಾರಣಿ ಆನಿ ಮಾಜಿ ಮಂತ್ರಿ ಶ್ರೀ ಆರ್.ವಿ.ದೇಶಪಾಂಡೆ ತಾಂಕಾ  ಪೌಂಡೇಶನ್ ಅಧ್ಯಕ್ಷ ಟಿ.ಮೋಹನದಾಸ ಪೈ, ವಿಧಾನ ಪರಿಷತ್ತಾಚೆ ಉಪಸಭಾಪತಿ ಶ್ರೀ ಯೋಗೀಶ್ ಭಟ್ ತಾಂಕಾ ಡಾ.ರಾಮದಾಸ ಎಂ.ಪೈ ಆನಿ ಏಕನಾಥ್ ಕೆ.ಠಾಕೂರ್ ತಾಂಕಾ ಡಾ.ಎಂ.ವಿ. ಕಾಮತ್ ತಾನ್ನಿ ಪ್ರಶಸ್ತಿ ಪ್ರದಾನ ಕೆಲ್ಲಿ. ಕೊಚ್ಚಿಚೆ ಬರೋಪಿ ಶರತ್‌ಚಂದ್ರ ಶೆಣೈ ತಾಂಗೇಲೆ  ’ಆತ್ಮಾಯಣ್’ ಕೃತಿಕ ಟಿ. ಮೋಹನದಾಸ ಪೈ ತಾನ್ನಿ ಡಾ| ಟಿ.ಎಂ.ಎ. ಪೈ ಶ್ರೇಷ್ಠ ಕೊಂಕಣಿ ಪುಸ್ತಕ ಪ್ರಶಸ್ತಿ ಪಾವಿತ ಕೆಲ್ಲೆ. ಶ್ರೀ ಆರ್.ವಿ. ದೇಶಪಾಂಡೆ, ವಿಧಾನ ಪರಿಷತ್ ಉಪಸಭಾಪತಿ ಯೋಗೀಶ್ ಭಟ್,ಏಕನಾಥ ಠಾಕೂರ್ ಆನಿ ಶರಚ್ಚಂದ್ರ ಶೆಣೈ ತಾನ್ನಿ ಸನ್ಮಾನಾಕ ಸಂದರ್ಭೋಚಿತ ಜಾವ್ನು ಉಲೈಲೀಂತಿ. ಮೋಹನದಾಸ್ ಪೈ, ಡಾ.ಎಚ್.ಶಾಂತಾರಾಮ  ಉಪಸ್ಥಿತ ಆಶ್ಶಿಲೆಂ.
ಡಾ| ಟಿ‌ಎಂಎ ಪೈ ಪಾಲಿಟೆಕ್ನಿಕ್‌ಚೆ ಶೈಕ್ಷಣಿಕ ಸಮನ್ವಯಕಾರ ಲೆ|ಕ| ವಿಕ್ಟರ್ ಎಫ್ ಡಿ’ಸೋಜಾ, ಪ್ರಾಂಶು ಪಾಲ ಟಿ. ರಂಗ ಪೈ, ಮೆಲಕಾ ಮಣಿಪಾಲ ವೈದ್ಯಕೀಯ ಕಾಲೇಜಾಚೆ ಡೀನ್ ಡಾ| ಉಲ್ಲಾಸ ಕಾಮತ್, ಶಾರದಾ ರೆಸಿಡೆನ್ಶಿಯಲ್ ಸ್ಕೂಲ್ ಹಾಜ್ಜೆ ಪ್ರಾಂಶುಪಾಲ ವಿದ್ಯಾವಂತ ಆಚಾರ್ಯ ಪ್ರಶಸ್ತಿ ಪುರಸ್ಕೃತಾಲೆ ಒಳಕ ಕೋರ್ನು ದಿಲ್ಲಿಂತಿ. ಡಾ| ಎಂ.ವಿ. ಕಾಮತ್ ತಾನ್ನಿ  ಅಭಿನಂದನಾ ಭಾಷಣ ಕೆಲ್ಲಿಂತಿ.  ಟಿ. ಮೋಹನದಾಸ ಪೈನ ಸ್ವಾಗತ ಕೆಲಯಾರಿ, ಡಾ| ಎಚ್. ಶಾಂತಾರಾಮ್ ತಾನ್ನಿ ಕಾರ್ಯಕ್ರಮ ನಿರ್ವಹಣ ಕೋರ್ನು ಆಬಾರ ಮಾನ್ಲೆ.

Konkani-GSB News 4/12-4

ಚಪ್ಪರ ಶ್ರೀ ಆಂಜನೇಯ ಸ್ವಾಮಿ ದೇವಸ್ಥಾನ, ಶೃಂಗೇರಿ
ಶ್ರೀ ರಾಮಕೃಷ್ಣ ಶಾಸ್ತಿ ಸಂತ ಸೇವಾಗ್ರಾಮ ಹಾಂಗೆಲೆ ತರಪೇನ ಹರ ಮೈನೊ ಸಂಕ್ರಾಂತಿ ದಿವಸು ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜಾ, ಸತ್ಸಂಗ, ಭಜನ, ಪಂಡಿತ ತಾಕೂನು ಪ್ರವಚನ, ಸಂಗೀತ ಆದಿ ಕಾರ್ಯಕ್ರಮ, ಪುರಂದರ ದಾಸ, ಸದ್ಗುರು ತ್ಯಾಗರಾಜ, ಕನಕದಾಸ ಜಯಂತಿ, ಸಾಧು-ಸಂತಾಲೆ ಪುಣ್ಯ ಸ್ಮರಣೆಚೆ ಉತ್ಸವು ವಿಜೃಂಣೇನ ಪ್ರತಿ ವರ್ಷ ಘಡೋವನು ಘೇವ್ನು ಯತ್ತಾ ಆಸ್ಸತಿ.  ಮುಖಾರಿ ದಿವಸಾಂತು ಚೊಲ್ಚೆ ಹೇ ಸರ್ವ ಕಾರ್ಯಕ್ರಮಾಂತು ಭಕ್ತಾಧಿ ಲೋಕಾನಿ ವಾಂಟೊ ಘೇವ್ನು ದೇವಾಲೆ ಕೃಪೇಕ ಪಾತ್ರ ಜಾವ್ಕಾ ಮ್ಹೊಣು ದೇವಳಾಚೆ ಅರ್ಚಕ ಶ್ರೀ ಯಶವಂತದಾಸ ಭm ತಾನ್ನಿ ಮಾಗಣಿ ಕೆಲ್ಯಾ.
ಶ್ರೀ ರಾಮನಾಥ ಶಾಂತೇರಿ ಕಾಮಾಕ್ಷಿ ದೇವಳ, ಭಟ್ಕ
ಶ್ರೀ ಲಕ್ಷ್ಮೀನಾರಾಯಣ ರಾಮನಾಥ ಶಾಂತೇರಿ ಕಾಮಾಕ್ಷಿ ಬೇತಾಳ ದೇವಳ ಭಟ್ಕಳ ಹಾಂಗಾ ೨೩-೦೩-೨೦೧೨ ಸಂವ್ಸಾರಪಾಡ್ವೆ ದಿವಸು ಪಾಲಂಖೀ ಉತ್ಸವು, ಪೇಂಟಾ ಭಜನ ಮಂಗಲ ಆದಿ ಕಾರ್ಯಕ್ರಮ ಚಲ್ಲೆ. ದಿ. ೧೩-೦೫-೨೦೧೨ ದಿವಸು ೯ಚೆ ಪುನರ್ ಪ್ರತಿಷ್ಠೆ ವರ್ಧಂತಿ ಉತ್ಸವು ಚೊಲಚೆ ಆಸ್ಸ ಮ್ಹೊಣು ಕೋಳ್ನು ಆಯಲಾ.
ಕೊಂಕಣಿ ಯಕ್ಞಗಾನ ಪ್ರಸಂಗ ಹಸ್ತಪ್ರತಿ ಲೋಕಾರ್ಪಣ
ಶ್ರೀ ನಾಗೇಶ ಅಣ್ವೇಕರಾ ಕನ್ನಡ, ಕೊಂಕಣಿ ಸಾಹಿತ್ಯಾಂತು ಕ್ರೀಯಾಶೀಲ ನಾಂವ. ಸಂಘಟನ, ವಿನೂತನ ಪರಿಚಯ ಕೋರ್ನು ಸಕ್ರೀಯ ಆಸಕ್ತಿ ದವರೂನು ಪ್ರತಿಭಾ ಸಂಪನ್ನ ನಾಗೇಶ ಅಣ್ವೇಕರ ಗ್ರಾಂಥಿಕ ರಚನೆ ನಿಮಿತ್ತ ನಾಂವ್ಹ ಘೆತ್ಲಿಂಚಿ. ಸಂವ್ಸಾರ್‌ಪಾಡ್ವೆ ಪರ್ಬೆಚೆ ಪುಣ್ಯ ಗಡಿರಿ ತಾನ್ನಿ ರಚಯಿಲೆ ಕೊಂಕಣಿ ಲಘು ಯಕ್ಷಗಾನ ಪ್ರಸಂಗ ಹಸ್ತಪ್ರತಿ ಪಠ ಉಜವಾಡ್ಲೆ. ಶ್ರೀ ಚೌಡೇಶ್ವರಿ ಹವ್ಯಾಸಿ ಯಕ್ಷಗಾನ ಮಂಡಳಿ ಅಧ್ಯಕ್ಷ ಯಕ್ಷಗಾನ ಯೋಗಿ ಶ್ರೀ ಆರ್.ಎನ್.ನಾಯ್ಕ ಕುಂದಾಪುರ ಹಾನ್ನಿ ಸಂತೋಷ ವ್ಯಕ್ತ ಕೋರ್ನು ಯಕ್ಷಗಾನ ಹೇ ಕಲಾ ಜಾತ್ಯಾತೀತ, ಭಾಷಾತೀತ, ಸೀಮಾತೀತ ಜಾವ್ನು ಪಸರ್ಲಾ. ಅಣ್ವೇಕರ ತಾನ್ನಿ ಕೊಂಕಣೀಂತು ಅಸ್ಸಲೆ ಪ್ರಯತ್ನ ಕರತಾ ಆಸ್ಸುಚೆ ಅತೀ ಗರ್ವಾಚೆ ವಿಷಯು ಮ್ಹೊಣು ಸಾಂಗ್ಲೆ ಬಾಣಾ ಬಾಂದಾರ, ಗಧಾಯುದ್ಧ, ವೀರ ವೃಷಸೇನ, ವಾಲಿ ಮೋಕ್ಷ, ದ್ರುಪದಾಲೆ ಗರ್ವಭಂಗ, ಮಧ್ಯವರ್ಜನ, ಧ್ರುವಚರಿತ್ರಾ ಅಶೀ ೧೦ ಕೃತಿ ಪದ ಸಂಗ್ರಹಾಚೆ ಹಸ್ತಪ್ರತಿ ಆಸ್ಸತಿ. ವೇದಿಕೇರಿ ಎಮ್.ಎಮ್. ಹೆಗಡೆ, ಗುರುನಾಥ ಶೇಟ್, ಶ್ರೀಪಾದ ಗಾಂವ್ಕಾರ್, ಎಲ್.ಎಮ್. ಹೆಗಡೆ ಆಶೀಲೇಂಚಿ. ಮಾಗಿರಿ “ಯುಗಾದಿ ಕವಿಗೋಷ್ಠಿ ಘಡೋನು ಹಾಡಿಲೆ. ಹಾಂತು ನಾಗೇಶ ಅಣ್ವೇಕರ, ಪ್ರಕಾಶ ನಾಯ್ಕ, ದೀಪಕ ಶೆಣೈ, ಕೃಷ್ಣಾನಂದ ಬಾಂದೇಕರ,  ಫಾಲ್ಗುಣ ಗೌಡ ಆದಿ ಕವಿಮಿತ್ರ ವಾಂಟೊ ಘೇವ್ನು ಕನ್ನಡ ಆನಿ ಕೊಂಕಣಿ ಕವಿತಾ ಪ್ರಸ್ತುತ ಕೆಲ್ಲಿಂತಿ. ಅಣ್ವೇಕರ ಮಾಮ್ಮಾನಿ ಸಗಳ್ಯಾಂಕ ಆಬಾರ ಮಾನಲೆಂ. ವರದಿ : ಗುರುನಾಥ ಭಟ್, ಕಾರವಾರ. .
ಬ್ರಹ್ಮೋಪದೇಶ

ನಾಡ ಗುಡ್ಡೆ ಅಂಗಡಿ ಶ್ರೀಮತಿ ಜಯಲಕ್ಷ್ಮೀ ಆನಿ ಶ್ರೀ ರಾಮದಾಸ ಪೈ ಹಾಂಗೆಲೊ ನಾತ್ತು ಚಿ|| ಪವನ (ಶ್ರೀಮತಿ ಪೂಜಾ ಆನಿ ಶ್ರೀ ಪ್ರಕಾಶ ಪೈ ಗುಡ್ಡೆ‌ಅಂಗಡಿ,-ನಾಡಾ ಹಾಂಗೇಲೊ ಪೂತು) ಹಾಕ್ಕಾ ದಿ.೧೨-೦೨-೨೦೧೨ ದಿವಸು ನಾಡ ಗುಡ್ಡೆ‌ಅಂಗಡಿ ಶ್ರೀ ರಾಮ ಕೃಪಾ ಸಮುದಾಯ ಭವನಾಂತು ಬ್ರಹ್ಮೋಪದೇಶ ದೀಕ್ಷಾ ದಿಲೇಲೆ ಖಬ್ಬರ ಮೆಳ್ಳಾ

.
ಶ್ರೀಮತಿ ಶಾರದಾ ಮಾಧವ ಭಟ್ ಉಪ್ಪುಂದ ಹಾಂಗೇಲೆ ನಾತ್ತು ಚಿ|| ವಿಘ್ನೇಶ(ಶ್ರೀಮತಿ ಜ್ಯೋತಿ ಆನಿ ಶ್ರೀ ಯು. ಸುರೇಶ ಮಾಧವ ಭಟ್, ಅಂಬಾಗಿಲು-ಉಪ್ಪುಂದ ಹಾಂಗೆಲೊ ಪೂತು) ಹಾಕ್ಕಾ ತಾ. ೨೪-೦೨-೨೦೧೨ ದಿವಸು ಜೆ.ಎನ್.ಆರ್. ಕಲಾಮಂದಿರ, ಯಡ್ತರೆ, ಬೈಂದೂರು ಹಾಂಗಾ ಬ್ರಹ್ಮಪದೇಶ ದೀಕ್ಷಾ ದಿಲೇಲೆ ಖಬ್ಬರ ಮೆಳ್ಳಾ.
 ವಿಜೃಂಭಣೇಚೆ ಹೇ “ಉಪನಯನ ಸಮಾರಂಭಾಕ ತಾಂಗೆಲೆ ಬಂಧು-ಮಿತ್ರ ಅಪಾರ ಸಂಖ್ಯಾರಿ ಯವ್ನು ಮೂಂಜಿ ವ್ಹರೇತಾಕ ಶುಭಾಶೀರ್ವಾದು ದಿಲ್ಲಿಂತಿ. “ಸರಸ್ವತಿ ಪ್ರಭಾ ತರಪೇನ ದೊನ್ನೀ ಮೂಂಜಿ ವ್ಹರೆತಾಂಕ ದೇವು ಬರೆಂ ಕೊರೊ ಮ್ಹಣತಾ.
ವೈವಾಹಿಕ ಮಾಹಿತಿ
ಚಾಲಯೇಲೆ ನಾಂವ : ಶಾಂತಾರಾಮ ಕಾಮತ್, ಜನನ ದಿನಾಂಕ : ೧೩-೦೫-೧೯೭೪, ನಕ್ಷತ್ರ : ಶ್ರವಣ, ರಾಶಿ : ಮಕರ, ಕುಲದೇವು : ನವದುರ್ಗೆ ಸಂಸ್ಥಾನ ಮಡಕೈ, ಗೋಂಯ. ವಿದ್ಯಾರ್ಹತಾ : ಪಿ.ಯು.ಸಿ., ಉದ್ಯೋಗು : ಪಿಗ್ಮಿ ಕಲೇಕ್ಷನ್, ಎಲ್.ಐ.ಸಿ. ಪ್ರತಿನಿಧಿ(೨೦೧೦-೧೧ ಸಾಲಾಂತು ಕರೋಡಪತಿ ವ್ಯವಹಾರ ಕೋರ್ನು ವಿಕ್ರಮ ಕೆಲ್ಯಾ). ಸ್ವಂತ ಘg ಆಸ್ಸ, ಬಾಪಯಿ : ಎಮ್.ಎನ್.ವಿ. ಕಾಮತ್, ನಿವೃತ್ತ ಬ್ಯಾಂಕ ಉದ್ಯೋಗಿ. ಸಂಪರ್ಕ ವಿಳಾಸ : ಎಮ್.ಎನ್.ವಿ. ಕಾಮತ್, ೧೧/೫೯೮, ಪ್ರಭುದೇವ ನಿವಾಸ, ಕೊಂಬೆಟ್ಟು, ಪುತ್ತೂರು - ೫೭೪೨೦೧. ಪೋನ್ : ೦೮೨೫೧-೨೩೨೩೧೩, ಮೊ : ೯೪೮೦೨೭೯೨೪೭.
ಚಾಲಯೇಲೆ ನಾಂವ ವಿಕ್ರಮ ಪ್ರಭು, ಜನ್ಮ ದಿನಾಂಕ : ೨೭-೦೬-೧೯೮೩, ನಕ್ಷತ್ರ : ಉತ್ತರಾಷಾಢ, ರಾಶಿ: ಮಕರ, ಗೋತ್ರ : ಕಾಶ್ಯಪ, ಕುಲದೇವು : ಶ್ರೀ ದೇವಕೀಕೃಷ್ಣ ರವಳನಾಥ,  ಲಾಂಬಾಯಿ : ೬ ಫೀಟ್,  ಚಲಯೇಲೆ ವಿದ್ಯಾರ್ಹತಾ : ಮಣಿಪಾಲಾಚೆ ಎಮ್.ಐ.ಟಿ.ಂತು ಎಮ್.ಸಿ.ಎ.(ಮಾಸ್ಟರ್ ಆಫ್ ಕಂಪ್ಯೂಟರ್ ಅಪ್ಲೀಕೇಶನ್). ಉದ್ಯೋಗು : ಕರಾವಳಿ ಕಾಲೇಜ್ ಆಫ್ ಕಂಪ್ಯೂಟರ್ ಸೈನ್ಸ, ಮಣಿಪಾಲಾಂತು ಉಪನ್ಯಾಸಕ(ಲೆಚ್ಚರರ್),  ಮಣಿಪಾಲಾಂತು ರಾಬಚಾಕ ಸ್ವಂತ ಫ್ಲ್ಯಾಟ್ ಆಸ್ಸ. ಅಪೇಕ್ಷಾ : ಚೆಲ್ಲಿ ಚಂದಿ ಆಸ್ಸುನು, ಕನಿಷ್ಟ ಸ್ನಾತಕೋತ್ತರ ಪದವೀಧರೆ ಜಾವ್ನಾಸ್ಕ. ಭಟ್ಪಣ ಘರಾಣೆಚಾಂಕ ಪ್ರಾಶಸ್ತ್ಯ. ಬಾಪಯಿ : ಟಿ.ಎಸ್. ದೇವದಾಸ  ಪ್ರಭು ನಿವೃತ್ತ ಬ್ಯಾಂಕ್ ಉದ್ಯೋಗಿ. ಸಂಪರ್ಕ ವಿಳಾಸ : ಟಿ.ಎಸ್. ದೇವದಾಸ ಪ್ರಭು, ಶ್ರೀ ಕೃಷ್ಣಾ ಫ್ಯಾನ್ಸಿ ಸ್ಟೋರ್‍ಸ್, ಚಿಕ್ಕಪೇಟೆ, ನಗರ - ೫೭೭೪೨೫, ಹೊಸನಗರ ತಾ||. ಪೋನ್ : ೦೮೧೮೫-೨೪೩೫೦೧.

ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳ, ಬಾರ್ಕೂರು

ಬಾರ್ಕೂರು ಶ್ರೀ ಪಟ್ಟಾಭಿ ರಾಮಚಂದ್ರ ದೇವಾಲೆಂ ಪ್ರತಿಷ್ಠಾ ಸುವರ್ಣ ಮಹೋತ್ಸವಾಚೆ ಗೋಡ ಉಡ್ಗಾಸಾ ಖಾತ್ತಿರಿ ನವೀಕೃತ ದೇವಳ ತಶ್ಶೀಚಿ ಶ್ರೀ ಹರಿಗುರು ಸಭಾಂಗಣಾಚೆ ಉದ್ಘಾಟನಾ ತಾ. ೨೮-೦೩-೨೦೧೨ ದಿವಸು ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪಟ್ಟಶಿಷ್ಯ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ವಿಜೃಂಣೇರಿ ಸಂಪನ್ನ ಜಾಲ್ಲೆ. ತತ್ಸಂಬಂಧ ೨೭-೦೩-೨೦೧೨ ತಾಕೂನು ೨-೦೪-೨೦೧೨ ಪರ್ಯಂತ ದೇವತಾ ಪ್ರಾರ್ಥನ, ಆದ್ಯ ಗಣಯಾಗ, ಶೆಹನಾಯಿ ವಾದನ, ರಾಕ್ಷೆಘ್ನ ಹೋಮು, ಬಲಿ ಪ್ರಧಾನ, ವಾಸ್ತು ಕಲಶಾಧಿವಾಸ ಪೂಜನ, ವಾಸ್ತು ಹವನ, ಕೊಂಚಾಡಿ ಮೊಕ್ಕಾಂ ತಾಕೂನು ಆಯ್ಯಿಲೆ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಕ ಪೂರ್ಣಕುಂಭ ಸ್ವಾಗತ. ಪ|ಪೂ| ಸ್ವಾಮ್ಯಾಲೆಂ ಆಶೀರ್ವಚನ, ಪ|ಪೂ| ಸ್ವಾಮ್ಯಾಂಕ ಶುಭ ವಿದಾಯ, ಶಂಕರ ಶ್ಯಾನುಭೋಗ ತಾನ್ನಿ ಪ್ರಸ್ತುತ ಕೆಲೇಲೆ ಭಕ್ತಿ ಸಂಗೀತ,  ಪವಮಾನ ಹವನ, ಶ್ರೀ ರಾಧಾಕೃಷ್ಣ ನೃತ್ಯ ನಿಕೇತನ ಉಡುಪಿ ಹಾಂಗೇಲೆ ತಾಕೂನು “ರಾಮಾಯಣ ದರ್ಶನ ನೃತ್ಯ ರೂಪಕ, ಶತ ಕಲಶಾಭಿಷೇಕ, ಸಾನಿಧ್ಯ ಹವನ, ಮಾ. ಶ್ರೀಶ ಭಟ್ ತಾಕೂನು ಭಕ್ತಿಗಾನ ಸುಧೆ, ರಕ್ಷಾತ್ರಯ ಹವನ, ಕಾರ್ಕಳ ಮಹಾಲಕ್ಷ್ಮೀಶೆಣೈ ತಾಕೂನು ಭಜನ್ ಸಂಧ್ಯಾ, ಶ್ರೀ ಪಟ್ಟಾಭಿ ರಾಮಚಂದ್ರ ದೇವಾಕ ವಿಶೇಷ ಪೂಜಾ, ಶ್ರೀ ನಾಗೇಶ ಶೇಟ್ ತಂಡಾ ತಾಕೂನು ಭಕ್ತಿಸಂಗೀತ, ಲಾಲಂಖೀ ಉತ್ಸವು, ವಸಂತ ಪೂಜಾ, ಅಷ್ಟಾವಧಾನ, ಶ್ರೀ ಸತ್ಯನಾರಾಯಣ ವೃತ, ಸಭಾ ಕಾರ್ಯಕ್ರಮ, ಶ್ರೀ ಪುತ್ತೂರು ಪಾಂಡುರಂಗ ನಾಯಕ್ ಆನಿ ಕುಮಾರಿ ರಾಧಿಕಾ ಪಾಂಡುರಂಗ ನಾಯಕ್ ಪಂಗ್ಡಾ ತಾಕೂನು “ಭಜನ್‌ಗಂಗಾ, ರಂಗಪೂಜಾ ಇತ್ಯಾದಿ ಧಾರ್ಮಿಕ ತಥಾ ಸಾಂಸ್ಕೃತಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.
ಪ್ರತಿಷ್ಠಾ ವರ್ಧಂತಿ ಸುವರ್ಣ ಮಹೋತ್ಸವು.
ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳ, ಬಾರ್ಕೂರು ದೇವಾಲೆ ಪ್ರತಿಷ್ಠಾ ವರ್ಧಂತಿ ಸುವರ್ಣ ಮಹೋತ್ಸವು ಕಾರ್ಯಕ್ರಮ ತಾ. ೧-೦೫-೨೦೧೨ ತಾಕೂನು ೯-೦೫-೨೦೧೨ ಪರ್ಯಂತ ಪ|ಪೂ| ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಲಿ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತೀರಿ ಘಡಚೆ ಆಸ್ಸ. ಪ್ರತಿಷ್ಠಾ ವರ್ಧಂತಿ ದಿವಸು ತಾ. ೮-೦೫-೨೦೧೨.

ಶ್ರೀ ವೆಂಕಟರಮಣ ದೇವಳ, ಬೆಂಗಳೂರು

ಬೆಂಗಳೂರ್‍ಚೆ ಶ್ರೀ ಅನಂತ ನಗರಾಂತು ಆಸ್ಸುಚೆ  ಜಿ.ಎಸ್.ಬಿ. ವೆಲ್‌ಫೇರ್ ಅಸೋಶಿಯೇಶನ್ ಹಾಂಗೆಲೆ  ಶ್ರೀ ವೆಂಕಟರಮಣ ದೇವಳಾಂತು ೪ವರ್ಷಾಚೆ ಶ್ರೀ ರಾಮನವಮಿ ತಾ. ೩೧-೦೩-೨೦೧೨ ದಿವಸು  ಪ್ರಾರ್ಥನಾ, ಶ್ರೀ ರಾಮರಕ್ಷಾ ಹವನ, ಪಾಲಂಖೀ ಉತ್ಸವು, ಅಷ್ಟಾವಧಾನ,  ಉದಯಾ ಸ್ತಮಾನ ಸೇವಾ, ಮಹಾಮಂಗಳಾರ್ತಿ, ಸಾಂಜ್ವಾಳಾ ವಿಶೇಷ ಉತ್ಸವ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಬರೋಬರಿ ಸಂಪನ್ನ ಜಾಲೇಲೆ ಖಬ್ಬರ ಮೆಳ್ಳಾ.
ಶ್ರೀ ದೇವಳಾಂತು ೯ಚೆ ವರ್ಷಾಚೆ ಶ್ರೀ ಹನುಮ ಜಯಂತಿ ಪ್ರಯುಕ್ತ ದಿ. ೬-೦೪-೨೦೧೨ ದಿವಸು ಪ್ರಾರ್ಥನ, ಪವಮಾನ ಅಭಿಷೇಕ, ವಿಶೇಷ ಅಲಂಕಾರ ಸೇವಾ, ಮಂಗಳಾರ್ತಿ, ಪ್ರಸಾದ ವಿತರಣ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ತಶ್ಶೀಚಿ ಮುಖಾರ ದಿ. ೪-೦೫-೨೦೧೨ಕ ಶ್ರೀ ವೆಂಕಟರಮಣ ದೇವಾಲೆ ಆನಿ ಪರಿವಾರ ದೇವಾಲೆ ೯ ವರ್ಷಾಚೆ ಪ್ರತಿಷ್ಠಾಪನ ವರ್ಧಂತ್ಯುತ್ಸವು ಪ್ರಾರ್ಥನ, ಶತಕಲಶ ಅರ್ಚನ, ಸಂಪಾತ ಹವನ, ಲಘು ವಿಷ್ಣು ಹವನ, ಅಭಿಷೇಕ, ಸಾನಿಧ್ಯ ಹವನ, ಅಲಂಕಾರ, ಮಹಾ ಪೂಜಾ, ಮಹಾ ಮಂಗಳಾರ್ತಿ, ಮಹಾ ಸಂತರ್ಪಣ, ಮಾಳಿಗೆ ಉತ್ಸವು, ಪಾಲಂಖೀ ಉತ್ಸವು, ಅಷ್ಟಾವಧಾನ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಬರ್ಶಿ ದೀಶ ಭರಿ ಘಡಚೆ ಆಸ್ಸ ಮ್ಹೊಣು ಕೋಳ್ನು ಆಯಲಾ. ಬೆಂಗಳೂರ್‍ಚೆ ಭಕ್ತ ಬಾಂದವಾನ ಹಾಂತು ತನು-ಮನ-ಧನ ಸಮೇತ ವಾಂಟೊ ಘೇವ್ನು ಶ್ರೀ ಹರಿ ಕೃಪೇಕ ಪಾತ್ರ ಜಾವ್ಯೇತ. ಖಂಚೇ ಮಾಹಿತೀಕ : ೦೮೦-೨೭೮೪೮೧೬೧ ಹಾಂಗಾಕ ಸಂಪರ್ಕ ಕೊರಯೇತ.

ಜಾನಪದ ವಿಶ್ವವಿದ್ಯಾಲಯ ತರಪೇನ  ಅಂಕೋಲಾ ಎನ್.ಬಿ.ಕಾಮತ್ತಾಂಕ ಸನ್ಮಾನು

ಆಲ್ತಾಂತು ಬೆಂಗಳೂರ್‍ಚೆ ಜಾನಪದ ವಿಶ್ವವಿದ್ಯಾಲಯ ಆನಿ ಹೊನ್ನಾವರ್‍ಚೆ “ದೀಪಾರಾಧನೆ ತರಪೇನ ಅಂಕೋಲಾ ದ್ವಿಭಾಷಾ ಸಾಹಿತಿ ಎನ್.ಬಿ. ಕಾಮತ್ ಹಾಂಕಾ ಶಿಕ್ಷಣ ಆನಿ ಸಾಹಿತ್ಯ ಕ್ಷೇತ್ರಾಂತು ತಾನ್ನಿ ಕೆಲೆಲ್ಯಾ ಸಾಧನಾ ಖಾತ್ತಿರ ಜಾನಪದ ವಿಶ್ವವಿದ್ಯಾಲಯಾಚೆ ಕುಲಪತಿ ಡಾ|| ಅಂಬಳಿಕೆ ಹಿರಿಯಣ್ಣ, ಬೆಂಗಳೂರ್‍ಚೆ ಮಾನವ ಹಕ್ಕು ಆಯೋಗಾಚೆ ಅಧ್ಯಕ್ಷ ನ್ಯಾಯಮೂರ್ತಿ ಎಸ್.ಆರ್.ನಾಯಕ್, ಆನಿ ಕರಾವಳಿ ಮುಂಜಾವು ದೈನಿಕ ಪತ್ರಿಕೇಚೆ ಸಂಪಾದಕ ಗಂಗಾಧರ ಹೀರೇಗುತ್ತಿ ಹಾನ್ನಿ ಸಂಭ್ರಮಾರಿ ಗೌರವಪೂರ್ವಕ ಸನ್ಮಾನು ಕೆಲ್ಲೊ. ಹೊ ಸನ್ಮಾನ ಸಮಾರಂಭ ಅಂಕೋಲಾ “ಸತ್ಯಾಗ್ರಹ ಸ್ಮಾರಕ ಭವನಾಂತು ಚಲ್ಲೊ. ಹ್ಯಾಚಿ ಸಂದರ್ಭಾರಿ ವಿಂಗವಿಂಗಡ ಕ್ಷೇತ್ರಾಂತು ಬರಪೂರ ಸೇವಾ, ಸಾಧನ ಕೆಲೆಲ್ಯಾಂಕ ಭೀ ಸನ್ಮಾನು ಜಾಲ್ಲೊ ಮ್ಹಳ್ಳೆಲೆ ಖಬ್ಬರ ಮೆಳ್ಳಾ.

Saraswati Prabha News -3

ಜಿ.ಎಸ್.ಬಿ. ಕಣ್ಣನ್ ಶ್ರೀ ರಾಮದಾಸ ಶ್ಯಾನಭಾಗ

ಪ್ರಥಮ ಜಾವ್ನು ಸರ್ವ ಶುಭಕಾರ್‍ಯ ಕರ್‍ತನಾ ವಿಘ್ನೇಶ್ವರಾಕ ಪೂಜಾ ಕರತಾತಿ. ಹೇ ಜಗತ್ತಾಚೆ ನಿಯಮು. ಆಜಿ ಹಾಂವೆ ಸಾಂಗ್ಚೆಕ ಉಟೈಲೇಲಿ ಕಸ್ಸಲೆ ಮ್ಹಳ್ಯಾರಿ ಆಮಗೇಲೆ ಹುಬ್ಬಳ್ಳಿ ಜಿ.ಎಸ್.ಬಿ. ಸಮಾಜಾಂತು ಸಮಾಜ ಡೇ ಇತ್ಯಾದಿ ಸಭಾ ಫಂಕ್ಷನ್ನಾಂತು ಆಮ್ಮಿ ಪಯಲೆ ಆಯಕೂಚೆ ಶ್ರೀ ರಾಮದಾಸಾಲಿ ಚಾರಿ ಉತ್ರ. ಉಲೈತಾನಾ ತೋ ಕಸ್ಸಲೆ ಮೋಡಿ ಕರ್‍ತಾ ಮ್ಹಳ್ಯಾರಿ ಸಭೆಂತುಲೆ ಲೋಕು ಖಾಂಯಿ ಅವಾಜು, ಗೌಜ, ಗದ್ದಲ ಕರ್ನಾಶಿ, ಸಭಾ ಕಾರ್ಯಕ್ರಮ ಪಳೈತಾ ಉರ್‍ಕಾ ತಶ್ಶಿ ಆಪಣಾಲೆ ಉತ್ರಾನ ಆಮಕಾ ಬಾಂದೂನು ಘಾಲ್ತಾ. ಉಲೈಚೆ ಹರ್‍ಯೇಕ ಶಬ್ದು ಪುಸ್ಸೂನು ಲೋಕ ಚಂದ ಕೋರ್ನು ಆಯ್ಕತಾತಿ. ರಾಮದಾಸಾಲೆ ನಿರೂಪಣಾ ಉತ್ರಾನಿ ಸರ್ವಾಂಕ ಹಾಸು ಯತ್ತಾ. ಕೋಣಾಂಕ ಬೇಜಾರು ಜಾಯ್ನಾ. ತೆಂ ಭೀ ಏಕ ಕಲಾ ಮ್ಹಣ್ಯೇತ. ಗಾಂವಾರಿ ವಿಂಗವಿಂಗಡ ವೇದಿಕೆ ಚೋಡ್ನು ಮಸ್ತ ಲೋಕ ವ್ಹಡ್ಡ ವ್ಹಡ್ಡ ಭಾಷಣ ಕರತಾತಿ. ತಾಂತು ಕೆಲವ ಲೋಕಾಲೆ ತಾಳೊ ಆಯ್ಕುಚೆ ಭಿತ್ತರಿ ನೀದ ಯತ್ತಾ. ಉತ್ರಾಕ ತಾಳ-ಮೇಳ ಉರ್ನಾ. ಆಯ್ಕುಚೆ ಲೋಕಾಂಕ  ತ್ಯಾ ಏಕ್ನಮೂನೆ ಶಿಕ್ಷೆಶಿ ದಿಸ್ಸೂನು ಮನಾಕ ಕಷ್ಟ ಜಾತ್ತಾ. ತಾನ್ನಿ ಕೆದ್ನಾ ತೋ ತೊಂಡ ಬಂದ್ ಕರ್ತಾ ಮ್ಹೊಣು ಯವಜಿತಾ ಆಸ್ಸತಾತಿ. ಜಾಲ್ಯಾರಿ ಆಮಗೇಲೆ ರಾಮದಾಸು ಸಮಾಜಾಕ ದೇವಾನ ದಿಲೇಲೆ ಪ್ರಸಾದು. ತಾಗೇಲೆ ಸ್ಪಷ್ಟ ಭಾಷಾ, ನಿರರ್ಗಳ ಉತ್ರ, ಹಾಸ್ಮುಖಿ ತೋಂಡ, ಜೋಕ್ಸ ಆಯ್ಕತಾನಾ ‘ಹೀರೇಮಗಳೂರ ಕಣ್ಣನ್ ಆನಿ ಹೇ ರಾಮದಾಸಾಕ ಖಾಂಯಿ ಫರಕ ನಾ ಮ್ಹಣ್ಯೇತ. ಸಮಾಜಾಂತು ತಾಣೆ ಸರ್‍ವಾಲಾಗ್ಗಿ ಹಾಸ್ತಾ ಉಲ್ಲೋವಚೆ ಪಳೋವನು ಆಮ್ಕಾ ಖುಷಿ ಜಾಲ್ಲಿ. ತಾಕ್ಕಾ ಪೊರು ವರ್ಷ ‘ಸಮಾಜ ಡೇ ದಿವಸು ಸನ್ಮಾನ ಭೀ ಕೆಲ್ಲೆಲೆ ಭಾರಿ ಸಂತೋಷ ಜಾಲ್ಲೊ. “ದುಸ್ರ್ಯಾಂಕ ಬೇಜಾರು ಜಾವ್ಚೆ ಉತ್ರ ಆನಿ ರೂಚಿ ನಾಶ್ಶಿಲೆ ರಾಂದಪ ದೊನ್ನೀ ವ್ಯರ್ಥ ಮ್ಹಣತಾತಿ. ಚಂದ ಉಲ್ಲೋವಚಾಕ ಆಮಗೇಲೆ ರಾಮದಾಸ ಶ್ಯಾನಭಾಗ ಮ್ಹೊಣ್ಯೇತ. ಜಾಲ್ಯಾರಿ ಹೋ ಶ್ಯಾನಭಾಗ ಜೀವಾ(ದೇಹಾ)ನ ಮಾತ್ರ ಸಾನು. ರಾಮದಾಸಾಕ ದೇವು ಬರೆಂ ಕೊರೊ.

- ಶ್ರೀಮತಿ ಕಲಾವತಿ ಬಿ. ಕಾಮತ್, ಹುಬ್ಬಳ್ಳಿ,
ಪೋನ್ : ೯೮೮೦೮೦೩೮೨೮

ಹಾಂಗ್ಯೊ ಐಸ್‌ಕ್ರೀಮ್ ೨ಚೆಂ ಘಟಕ ಲೋಕಾರ್ಪಣೆ

ಉತ್ತರಕನ್ನಡಾಚೆ ಯಲ್ಲಾಪುರ ತಾ|| ಕಿರವತ್ತಿ ಲಾಗ್ಗಿ ಸಾತ ಕೋಟಿ ರೂ. ಖರ್ಚೂನು ನಂವೆಂ ಜಾವ್ನು ಸ್ಥಾಪಿತ ಹಾಂಗ್ಯೋ ಐಸ್‌ಕ್ರೀಮ್‌ಚೆ ದೊನ್ನಿ ಘಟಕ ಆಲ್ತಾಂತು ಲೋಕಾರ್ಪಿತ ಜಾಲ್ಲೆ. ಗೋವಾ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮತ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ಸ್ವಾಮೆ ಹೇ ಘಟಕಾಚೆ ಉದ್ಘಾಟನ ಕೋರ್ನು ಮಾಗಿರಿ ಆಪಣಾಂಗೆಲೆ  ಆಶೀರ್ವಚನಾಂತು “ಸ್ವಸಾಮರ್ಥ್ಯ ತಶ್ಶೀಚಿ ಪರಿಶ್ರಮಾಚೆ  ಸಾಧನೇಕ ಪರಮಾತ್ಮಾಲೆ ಅನುಗ್ರಹ ಪ್ರಾಪ್ತಿ ಜಾತ್ತಾ ಮ್ಹಣಚಾಕ  ಭಟ್ಕಳಾಚೆ ಪೈ ಭಾಂವ ಸಾಕ್ಷಿ. ತಾಂಕಾ ದೇವು ಬರೆಂ ಕೊರೊ. ಭಟ್ಕಳಾಚಾನ ದೆಡ್ಶೆ ಕಿ.ಮೀ. ಪಶಿ ಚ್ಹಡ ದೂರಾಂತು ಆಸ್ಸುಚೆ   ಕಿರವತ್ತಿಂತು ಗಾಯಿ-ಗೊರವಾಂಕ ಪೊಶ್ಶಿತಲ್ಯಾಂಕ ಉತ್ತೇಜನ ದಿವಚೆ ಉದ್ದೇಶಾನ ಶ್ರೀಕೃಷ್ಣಾ ಡೈರಿ ಸ್ಥಾಪನೆ ಕೆಲ್ಲೆ ತಾನ್ನಿ. ಚಾರ ರಾಜ್ಯಾಂತು ವೈವಾಟು ಚಲೈತಾ ಲೋಕಾಂಕ ಅಪರಿಮಿತ ಸೇವಾ ಪಾವಯ್ತಾ ಆಸ್ಸತಿ. ಮಸ್ತ ಲೋಕಾಲೆ ಜೀವನಾಕ ಆಧಾರ ಜಾವ್ಚೆ ವರಿ ಹೇ ಉದ್ಯಮಾಂತು ದೆಂವಿಲೆ ತಾಂಗೆಲೆ ವೈಚಾರಿಕ ದೃಷ್ಟಿ ಸರ್ವಾಂಕ ಆದರ್ಶ ಮ್ಹಳ್ಳಿಂತಿ.
ಮುಖೇಲ ಸೊಯರೆ ಜಾವ್ನು ಆಯ್ಯಿಲೆ ಮಂತ್ರಿ ವಿಶ್ವೇಶ್ವರ ಹೆಗಡೆ ಕಾಗೇರಿ ತಾನ್ನಿ ಉಲೋವನು “ಖಾಲಿ ಸಾತ ಮ್ಹಹಿನ್ಯಾಂತು ಇತ್ಲೆ ಬೃಹತ್ ಕೈಗಾರಿಕೆ ಸಾಕಾರ ಕೆಲೇಲೆ  ಪೈ ಭಾಂವಾಲೆ ದೇಣಿಗಾ ತಾರೀಪ ಕೊರಚೆ ತಸ್ಸಲೆ. ಹಾಂಗೆಲೆ ಕಂಪನಿ ಕರ್ನಾಟಕ, ಕೇರಳ, ಗೋವಾ ತಶ್ಶೀಚಿ ಮಹಾರಾಷ್ಟ್ರಂತು ವೈವಾಟು ಚಲೈತಾ ಆಸ್ಸ. ಮ್ಹೊಣು ಶ್ಲಾಘನ ಕೆಲ್ಲಿಂತಿ.  ಮಾಜಿ ಮಂತ್ರಿ ಆರ್.ವಿ. ದೇಶಪಾಂಡೆ ತಾನ್ನಿ ಉಲೋವನು “ಖಂಚೆ ಪ್ರದೇಶಾಂತು ಕೈಗಾರಿಕಾ ವಾಡ್ಡೂನು, ತಾಜ್ಜೇನ ಲೋಕಾಂಕ ಕಾಮಗಾರ ಮೆಳಯಾರಿ ರಾಷ್ಟ್ರಾಚೆ ಅಭಿವೃದ್ದಿ ತಾಜ್ಜಿತ್ಲೇಕ ಘಡ್ತಾ. ಪೈ ಬಂಧುಂಗೆಲೆ ಪ್ರಯತ್ನ ಅಭಿನಂದನಾರ್ಹ ಮ್ಹಳ್ಳಿಂತಿ.
“ಗೋಢಮೂತ ಆಶ್ಶಿಲ್ಯಾಂಕ  ಐಸ್‌ಕ್ರೀಮ್ ಖಾವ್ಚೆ ಅವಕಾಶ ಹಾಂಗ್ಯೊನಿ ಕೋರ್ನು ದಿಲ್ಯಾ. ಹೇ ವೈವಾಟು ದೇಶಾದ್ಯಂತ ಪಸರೊ ಮ್ಹೊಣು ಹ್ಯಾಂಗ್ಯೊ ಮ್ಯಾಂದೋ ಕುಲ್ಪಿ ಮಾರ್ಕೇಟಾಕ ರಿಲೀಸ್ ಕೋರ್ನು ವಿಧಾನ ಸಭೆಚೆ ಡೆಪ್ಯೂಟಿ ಸ್ಪೀಕರ್ ಎನ್. ಯೋಗೀಶ ಭಟ್ ತಾನ್ನಿ ಆಶಾ ಕೆಲ್ಲೆ. ಮಂಗಳೂರು ಎಂ.ಪಿ. ನಳಿನ್ ಕುಮಾರ್ ಕಟೀಲು ತಾನ್ನಿ ಉಲೋವನು, “ಪೈ ಭಾಂವಾನಿ ಉತ್ತರ ಕನ್ನಡ ಜಿಲ್ಲೆಚೆ  ಗ್ರಾಮೀಣ ಲೋಕಾಂಕ ದುಡ್ವಾ ದೃಢತಾ ಕೋರ್ನು ದಿಲ್ಯಾ. ಅಶ್ಶೀಚಿ ತಾನ್ನಿ ದಕ್ಷಿಣ ಕನ್ನಡಾಚೆ ಖೇಡೆ ಗಾಂವಾಂತೂ ಅಸ್ಸಲೇ ಕೈಗಾರಿಕ ಸುರುವಾತ ಕೊರಚಾಕ ಮುಖಾರ ಯವ್ಕಾ, ರಾಜ್ಯ ಸರಕಾರಾಚಾನ ದುದ್ದಾ ಪ್ರೋತ್ಸಾಹಧನ ಪ್ರೈವೇಟ್ ಕ್ಷೇತ್ರಾಕ ದಿವಕಾ  ಮ್ಹೊಣು ಮಾಗಣಿ ಕೆಲ್ಲಿಂತಿ
  ’ತರಂಗ’ ಹಪ್ತಾಳೆಚೆ ಕಾರ್ಯನಿರ್ವಾಹಕ ಸಂಪಾದಕಿ ಸಂಧ್ಯಾ ಪೈ ತಾನ್ನಿ ಉಲೋವನು “ಸಪನ ಪಳೈಚೆ ಗುಣಚಿ ಯಶ. ಸಾಧನ ಕೊರಚೆ ಸಪನ ಪಳೈತಾಲೊ ತ್ಯಾ ಪೂರ್ತಿ ಕೋರ್ನು ಘೆವಚಾಕ ಶ್ರಮ ಪಾವ್ತಾ. ತಸ್ಸಲ್ಯಾಂಕ ಜೀಕ ಆಪ್ಣೀತ್ಲ್ಯಾಕ ಸೊದ್ದೂನು ಯತ್ತಾ. ಹಾಕ್ಕಾ ಪೈ ಕುಟುಂಬಾಚಿ ಸಾಕ್ಷಿ. ಕೊಂಕಣಿಂತು ಹಾಂಗ್ಯೊ ಮ್ಹಳ್ಯಾರಿ “ಹಾಂಗಾಕ ಯೋಮ್ಹೊಣು ಅರ್ಥ. ಆಜಿ ಹಾಂಗ್ಯೊ ಐಸ್‌ಕ್ರೀಮ್ ಜನಮಾನಸಾಂತು ಮೇಳ್ನು ಘೆಲ್ಲಾ. ೨೨ ವರ್ಷಾಚೆ ಸುದೀರ್ಘ ಪರಿಶ್ರಮಾನ ಪೈ ಬಂಧೂನ ಯಶಸ್ಸು ಜೊಳ್ಳಾ. ಹಾಂಗೇಲೆ ಮಾರ್ಗದರ್ಶನ ತರ್ನಾಟೆ ಉದ್ಯಮಿಂಕ ಮೆಳ್ಕಾ ಮ್ಹೊಣು ಸಾಂಗಲೀಂತಿ.
ಮಣಿಪಾಲ್ ಮೀಡಿಯಾ ನೆಟ್‌ವರ್ಕ್ ಲಿಮಿಟೆಡ್‌ಚೆ ಆಡಳಿತ ನಿರ್ದೇಶಕ ಟಿ. ಸತೀಶ್ ಪೈ, ಬೆಂಗಳೂರಾಚೆ ಏಕ್ಸಿಸ್ ಬ್ಯಾಂಕ್‌ಚೆ ಮ್ಹಾಲಗಡೆ ಉಪಾಧ್ಯಕ್ಷ ಬಿ. ಸದಾಶಿವ ಮಲ್ಯ, ಶಾಸಕ ಜಾಲೇಲೆ ವಿ.ಎಸ್.ಪಾಟೀಲ, ಭಟ್ಕಳ ಶಾಸಕ ಜೆ.ಡಿ. ನಾಯ್ಕ, ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಬಸ್ತಿ ವಾಮನ ಶೆಣೈ, ಚಂದ್ರಮೋಹನ, ಆರ್.ಆರ್. ಕಾಮತ, ಜಿ.ಎಸ್. ಕಾಮತ, ದಿನೇಶ ಪೈ, ಸಯ್ಯದ ಖಲೀಲ್ ಭಟ್ಕಳ ಆದಿ ಲೋಕ ವೇದಿಕೇರಿ ಉಪಸ್ಥಿತ ಆಶ್ಶಿಲೆಂ. ಹಾಂಗ್ಯೊ ಐಸ್‌ಕ್ರೀಮ್ ಪ್ರೈ.ಲಿ.ಚೆ ವ್ಯವಸ್ಥಾಪಕ ನಿರ್ದೇಶಕ ಪ್ರದೀಪ ಜಿ. ಪೈನ ಸರ್ವಾಂಕ ಯೇವ್ಕಾರ ಕೆಲ್ಲಿ. ವೆಂಕಟೇಶ ಬಾಳಿಗಾನಿ ಕಾರ್ಯಕ್ರಮಾಚೆ ನಿರೂಪಣ ಕೆಲ್ಲಿ. ಪುತ್ತು ಪೈ ತಾನ್ನಿ ಆಭಾರ ಮಾನ್ಲೆ.

saraswati Prabha Hubli Artical

ಏಕಾಂಬಿಕೇಶ್ವರಾಲಿ ಮಹಿಮಾ

    ಎಕ್ಕಂಬಿಚೊ ಮಹಾದೇವು ಏಕಾಂಬಿಕೇಶ್ವರು.  ಹಾಗೆಲೆ ನಿಮಿತ್ತ ಹ್ಯಾ ಗಾಂವಾಕ ಏಕ್ಕಂಬಿ ಮ್ಹೊಣು ನಾವ ಪ್ರಚಲಿತ ಜಾಲ್ಲೆ. ಗಾಂವಾಂತು ಪ್ರವೇಶ ಕೊರಕಾ ಜಾಲ್ಯಾರಿ ಗಾಂವ್ಚೆ ಜೀವನದಿ ತಳೆ ಯೇವ್ಕಾರ ಕರ್ತಾ. ತಳೇಚೆ ಉಪರಾಯಿಚೆರಿ ಮಂದಿರ ಆಸಾ. ಪರಿಸರ ಸುಂದರ ಪ್ರಕೃತಿ ಮಾತಾ ಹಾಂಗಾ ಆನಂದಾನ ನಾಂತಾ ಆಸ್ಸ ಮ್ಹೊಣು ದಿಸ್ತಾ. ವೃಕ್ಷ ವನರಾಜಿ ಭರ್‍ಲ್ಯಾ ಔಷಧೀಯ ವನಸಂಪತಿ ಪೂಜನೀಯ ವೃಕ್ಷ ಸುತ್ತೂ ಆಸ್ಸಾ. ಮಂದಿರಾ ಸಕ್ಕಲ ಏಕ ನಂದಿರೂಖು ಆನಿ ಏಕ ನಾಗಚಾಂಪೆ ರೂಖು ಆಸ್ಸಾತಿ. ಹೆ ವೃಕ್ಷ ಪಳೋವಚಾಕ ಕ್ವಚಿತ್ ಮಳ್ತಾ, ಫೂಲ್ ಭೀ ಪರ್‍ಮೋಳು ಬೊರ್ನು ಸುಂದರ ದಿಸ್ತಾ. ತಶಿ ಜಾವ್ನು ಪರಿಸರ ಭೀ ಸುಗಂಧಯುಕ್ತ. ಸೂರ್‍ಯಾಸ್ತ ಆನಿ ಸೂರ್‍ಯೋದಯ ಪಳೋವನು ಮನ ಭರ್‍ತಾ. ಪಳೈತಾ ಘೆಲ್ಯಾರಿ ಆನಂದ ವಾಡ್ತಾ. ತಶಿ ಮುಖಾರ ಘೆಲಯಾರಿ ಆನೇಕ ಶಿವಮಂದಿರ ಆಸ್ಸಾ. ತಾಂತು ಏಕ ಗಣಪತಿ ಮೂರ್ತಿ ಆಸಾ. ತಾಕಾ ಶ್ರದ್ಧಾಳು ಜನ ಪೂಜಾ ಕರತಾತಿ. ತೇಂಚಿ ದೇವಳಾ ಸುತ್ಲೂ ನಾಗಾ ಫಾತ್ತೊರು, ಅಷ್ಟ ಭುಜಾಂಕಿತೆ ದೇವಿ ಮೂರ್ತಿ ಸ್ತಂಭ, ಕಮಾನ ಒಟ್ಟೂ ಭಗ್ನ ಜಾಲಿಲೆ ದಿಸೂನು ಯೆತ್ತಾಚಿ. ಹೇ ಚಿತ್ರಣ ಪಳೇಯಲ್ಯಾರಿ ದುಃಖಭೀ ಜಾತ್ತಾ. ಪಯ್ಲೆ ರಾಯಾ ಕಾಲಾಂತು ದುಷ್ಟ ಜನಾಲೆ ಹಾತ್ತಾಂತು ಮೇಳ್ನು ಹೀ ದುರವಸ್ಥಾ ಜಾಲ್ಲಾಂ. ತೆ ಕಾಲಾಂತು ವೈಭವಾರಿ ಪೂಜಾ ಉತ್ಸವು ಜಾವ್ಚಿ ಐತಿಹಾಸಿಕ ಜಾಗೊ ಉರಚಾ ಫೂರೋ ಮ್ಹೊಣು ದಿಸ್ಸೂನು ಯೆತ್ತಾ. ಆಮ್ಗೆಲೆ ಪೂರ್ವಜ ಗುಡೆ ಅಂಗಡಿಚಾನ ವಲಸೆ ಆಯಿಲ್ಲೇಚಿ! ಆಜಿಕ ಅಜಮಾಸ ೧೦೦ ವರ್ಷ ಜಾಲ್ಲೆ. ತೆನ್ನಾ ತಾಂಗೆಲೆ ಕಾಲಾಂತು ಹೆ ಸ್ಥಾನ ಹಿಂಸಾ ಪಶುನ ಭರಿಲೆ ಮ್ಹೊಣು ಜನ ತೆಕ್ಕಡೆ ವಚ್ನಾಶ್ಶಿಲೆಂ. ಜಾಲ್ಯಾರಿ ಕ್ರಮೇಣ ರಾನ ಪಾತ್ತಳ ಜಾತ್ತ ಆಶ್ಶಿಲ ತಶ್ಶಿ ಕೂಲಿಕಾರ್ ಜನಾಲಿ ಏಕೇಕ ಬಿಡಾರ ಮ್ಹೊಣು ೧೦೦ ಘರಾಚೆ ಏಕ ಕೇರಿ ಜಾಲ್ಲೆ. ಆನಿ ತಾಕ್ಕಾ ಶಾಂತಿ ನಗರ ಮ್ಹೊಣು ನಾಂವ ದವರ್‍ಲೆ. ಆನಿ ಹೆ ಪರಿಸರಾಂತು ಸಮ ಆಶ್ಶಿಲೆಂ ಶಿವಲಿಂಗಾಕ ತಾನ್ನಿ ಪೂಜಾ ಕೊರಚಾಕ ಚಾಲು ಕೆಲ್ಲೆ. ತಾಂಕಾ ಬರೆಂ ಜಾತ್ತಾಗೆಲೆ. ಹೇ ಲಿಂಗಾಕ ಪೂಜನಾಶಿ ಪಾಯಶೆಂ ವರ್ಷಾಕೆ ಜಾಸ್ತ ಜಾಲೆ ಮ್ಹೊಣು ಮೆಗೆಲೆ ಅಭಿಪ್ರಾಯ. ದುಷ್ಟಾನಿ ಗಾಂವ ಪಾಡ ಘಾಲ್ನಾ ಪುಡೆನ ಲೋಕ ದುಸ್ರೆ ಕಡೇನ ವಲಸೆ ಘೆಲ್ಲೆ. ಆನಿ ಹೇ ದೇವಳ ಕಾಳ್ಕಾಂತು ಉರ್‍ಲೆ. ಆತ್ತ ಏಕ ಧಾ ವರ್ಷ ಜಾಲ್ಲಿ. ಭಕ್ತ ಜನಾನಿ ತೇ ಲಿಂಗಾಕ ದೇವತ್ವ ದೀವ್ನು ಪೂಜಾ ಕೊರಚಾಕ ಶೂರ ಕೆಲ್ಲಿ. ಆನಿ ತೆ ಲಿಂಗಾಕ ಏಕಾಂಬಿಕೇಶ್ವರ ಮ್ಹೊಣು ಆಪೋವಚಾಕ ಲಾಗ್ಲೆ. ಮಸ್ತ ಪುರಾತನ ಲಿಂಗ್ ಆನಿ ಲಿಂಗಾಚೆ ಊಂಚಾಯ ಭೀ ಬರೆಂ ಆಸ್ಸಾ.
ಗಾಂವಾಂಚೆ ಥೊಡೆ ಮಾಲ್ಗಡ್ಯಾನಿ ಹಾಂತು ಆದೇಶ ಜಾಲ್ಲೊ, ತಾಂಗೆಲೆ ಏಕ ಬಂಧುಜನಾಂಕ ಮಿತ್ರಾಂಕ ಏಕ್ಕಂಬಿಚೆ ಮಾಹಿತಿ ಆಶ್ಶಿಲಿ. ಈಶ್ವರ ದೇವಳಾ ಬದಲ ಗೊತ್ತಾಶಿಲೆ ತಾಣೆ ಯೇವ್ನು ಥಂಯಿ ಪಳೆನಾ ಪುಡೆನ ಮಸ್ತ ನಾಗ ಭಗ್ನಾವಶೇಷ ಜಾವ್ನು ಆಶ್ಶಿಲೆಂ ನದ್ರಾಂತು ಆಯ್ಲೆ. ತಾಂತುಲೊ ಖಂಚೊ ಮ್ಹೊಣು ಆನಿ ಪ್ರಶ್ನೊ ಉದ್ಭವ ಜಾಲ್ಲೊ. ಆನಿ ಪರತ ಮಹಾಲಸಾ ದೇವಿಲೆ ಶರಣ ಘೆಲೆ. ತೆನ್ನಾ ತೇ ಪಾತ್ರಿನ ಸ್ಥಾನಾಕ ಯೇವ್ನು ದಾಖೋವನು ದಿತ್ತಾ ಮ್ಹೊಣು ಆಶ್ವಾಸನ ದಿಲ್ಲಿ. ತೇ ಪ್ರಕಾರ ತೀನ ವರ್ಷಾ ಪಯಲೆ  ವೈಶಾಖ ಶುದ್ಧ ಪಂಚಮಿಕ ಯೇವ್ನು ಭಾರಾ ಪಾತ್ರಿನ ನಂದಿ ರೂಖಾ ಮುಖಾಂತು ನಾಗಸ್ಥಾನ ದಾಖೋವನು ದಿಲ್ಲೆ. ಶಂಬರ ಜನ ಮೆಳ್ಳಿಲೆ ಸರ್ವಾಂಕ ಆಶ್ಚರ್ಯ ಜಾಲ್ಲೆ. ಕಿತಯಾಕ ಮ್ಹಳ್ಯಾರಿ ಏಕ ವರ್ಷಾ ಮಾಗಶಿ ಜೆ.ಸಿ.ಬಿ. ಹಾಡ್ನು ಆಂಗಣ ಕೊರಚೆ ಸರ್ವ ಚ್ಹೊಕ ಕೆಲ್ಲೆ. ಜಾಲ್ಯಾರಿ ಹೊ ನಂದಿ ರೂಖು ಕಾಡಚಾಕ ಜಾಯನಾಶಿ ತಾನ್ನಿ ಪ್ರಯತ್ನ ಸೋಣು ದಿಲ್ಲೆ. ದೈವ ಮಹಿಮಾ ಪಳಯಾ. ತೆ ನಂದಿರೂಖಾಕ ನಾಗಾನ ಸೋಣು ದಿಲಿಲ್ನಾ ಬರೇ ಜಾಲೆ ನಾ ಜಾಲ್ಯಾರಿ ತೋ ಜಾಗೊ ಸಮತಟ್ಟ ಜಾವ್ನು ವತ್ತಶಿಲೆ. ಶೆಣೈಮಾಮಾಲೆ ಪ್ರಶ್ನೆಕ ಜವಾಬ ಮೇಳ್ನಾಶಿ ವತ್ತಶ್ಶಿಲೆಂ. ತೇಂಚಿ ಮೂಲನಾಗಸ್ಥಾನಾರಿ ದುಸ್ರೊ ನಾಗು ಹಾಣು ಪ್ರತಿಷ್ಠ ಕೆಲೊ. ತಾನ್ನಿ ಕುಂದಾಪುರಾಂತು ನಾಗ ಪ್ರತಿಷ್ಠಾ ಕಾರ್‍ಯ ಕೆಲೀಲೆ ಆಸಲೇರಿಚಿ ಸಮಾಧಾನ ಮೇಳಿಲ್ನಾ ಆಶ್ಶಿಲೆಂ. ತೆಂ ಖತೀರಿ ದೇವಾಕ ಶರಣು ವಚನಾ ಪುಡೇನ ಮೂಲಸ್ಥಾನಾರಿ ಪ್ರತಿಷ್ಠ ಇಚ್ಛಾ ಕರ್‍ತಾ ಮ್ಹೊಣು ಕಳ್ಳೆ. ಆನಿ ವರ್ಷಾಕ ದೋನ ಪಂತಾ ಯೇವ್ನು ಪೂಜ ದಿಯ್ಯಾತಿ ಹಾಂವ ತೃಪ್ತ ಜಾತ್ತಾ. ಆನಿ ತುಮ್ಕಾ ಬರೆಂ ಕೋರ್ನು ದಿತ್ತಾ ಮ್ಹೊಣು ಅಭಯ ದಿಲ್ಲೊ. ಮುಖಾರ ತಾಂಗೆಲೆ ಸರ್ವ ಸಮಸ್ಯಾ ಪರಿಹಾರ ಜಾವ್ನು ಆತ್ತ ಹರವರ್ಷ ತಾಂಗೆಲೆ ಸರ್ವ ಕುಟುಂಬ ಯೇವ್ನು ವರ್ಧಂತಿ ಉತ್ಸವ ವೈಭವಾರಿ ಕರ್‍ತ$ ಆಸ್ಸತಿ. ಹಾಕ್ಕಾ ತಾಂಗೆಲೆ ಶೃದ್ಧಾ ಆನಿ ವಿಶ್ವಾಸು ಕಾರಣ. ಹೆಂ ಆಧುನಿಕ ಕಂಪ್ಯೂಟರ್ ಯುಗಾಂತು ಹೇ ಏಕ ದೈವೀ ಚಮತ್ಕಾರ ಮ್ಹಣಚಾಕ ಆಡ್ಡಿನಾ. ಶೆಣೈ ಮಾಮ್ಮಾಲೆ ಹೊ ವೈಯಕ್ತಿಕ ವಿಷಯು ವಾಚಕಾಂಕ ಕಿತಯಾಕ ವಿಧಿತ ಕರತ ಆಸ್ಕಿ ಮ್ಹಳ್ಯಾರಿ ಜಗಾಂತು ದೈವಶಕ್ತಿ ಜಾಗೃತ ಆಸ್ಸ, ಜಾಲ್ಯಾರಿ ವೇಳು ಯೇವ್ಕಾ ಮ್ಹಳೇಲೆ ಖರೆಂ. ಆನಿ ಕೋಣಾಲೆ ನಿಮಿತ್ತ ಕಾಮ ಜಾವ್ಚೆ ಆಸ್ಕಿ ತಾಣೆ ಯೋವರಿ ರಾಕ್ಕಾ. ಶೆಣೈ ಮಾಮಾಲೆ ಕುಟುಂಬಾಚಾಂಕ ೩೦೦ ವರ್ಷ ರಾಕಚೆ ಪಳ್ಳೆ. ತಶ್ಶಿ ದೈವೇಚ್ಛಾ ಮುಖಾರಿ ಕಸ್ಸಲೆ ನಾ..
ಆಮ್ಗೆಲೆ ಮಹಾದೇವು ಏಕಾಂಬಕೇಶ್ವರು ಸಾಮಾನ್ಯ ನ್ಹಂಹಿ. ಶ್ರೀ ಜಗದ್ಗುರು ಶಂಕರಾಚಾರ್‍ಯಾಂನಿ  ಕೊಲ್ಲೂರು ವಚ್ಕಾ ಜಾಲ್ಯಾರಿ ಹೆಂ ದೇವಳಾಂತು ಪೂಜ ಕೋರ್ನು ಫಳಹಾರ ಘೇವ್ನು  ಘೆಲೀಲೆ ಮ್ಹೊಣು ಪ್ರಶ್ನ ಮಾರ್ಗಾರಿ ಆಮ್ಕಾ ಕಳ್ಳೆ ಆನಿ ತೆ ಊರ್ಚಾಕಭೀ ಫೂರೊ. ತಸ್ಸಲೆ ಪುಣ್ಯ ಪುರುಷಾನ ಪೈಜ ಕೆಲೀಲೆ ಲಿಂಗ ಪವಿತ್ರ, ಭೋವಿಲ ಜಾಗೊ ಪುಣ್ಯಕ್ಷೇತ್ರ
ಗಾಂವಚೆ ಥೊಡೆ ಮಾಲ್ಗಡ್ಯಾನಿ ಹಾಂತು ಅಭಿರುಚಿ ದಾಖೋವನು ದೇವಳ ಜೀರ್ಣೋದ್ಧಾರ ಸಮಿತಿ ಕೋರ್ನು ವರಾಡೊ ಕರ್ಚೆ ಘೆತ್ತೇರಿ ಗಾಂವ್ ವಾಂವ ಭೋವ್ತಾ ಆಸ್ಸಾಚಿ. “ಕಾಲ ಕೂಡಿ ಬರಬೇಕು ಮ್ಹೊಣು ಕನ್ನಡಾಂತು ಏಕ ಆದ್ಗತಿ ಆಸ್ಸಾ. ಆತ್ತ ಬರೋ ವೇಳು ಆಯ್ಲಾ ಕಿತ್ಕಿ ಕಾಮ ಜೋರಾನ ಚಾಲು ಆಸ್ಸಾ. ಹಾಕ್ಕಾ ಕಾರಣ ತೀನ್ ವರ್ಷಾ ಪಯ್ಲೆ ಬಾಜೂನ್ ಪ್ರತಿಷ್ಠೆ ಕೆಲ್ಲೆ, ನಾಗದೇವತಾ ಮೂರ್ತಿ ಹೀ ಕಾಣಿ ಆಯ್ಕುಚಾಕ   ಕುತೂಹಲ ಕಾರಿ ಆಸ್ಸಾ ಆಯ್ಕವಾ. ಕುಂದಾಪುರ ವಿಠ್ಠಲ್ ಶೆಣೈ ಸಿರ್ಸಿಕರ್ ಹಾನ್ನಿ ತೇ ನಾಗದೇವತೇಂಕ ನಂದಿರೂಖಾ ಮೂಳಾಂತು ಪ್ರತಿಷ್ಠೆ ಕೋರ್ನುಸ್ಥಾನ ದಿಲ್ಲೆ. ಯೆದ್ರಾಕ ನಾಗ ಚಾಂಪೆ ರೂಖು ಆಸ್ಸಾ. ಹೆ ನಾಗಾಂಕ ಆವಡಚೆ ಫೂಲ ಮಸ್ತ ಕಾಲಧೋರ್ನು ಹೊ ರೂಕ್ ಭೀ ಥಂಯಿ ಉರ್‍ಚಾ ವಚೂನು ಹೇ ನಾಗಾಂಚೆ ಸ್ಥಾನ ಆಶ್ಶಿಲೆ ಮ್ಹೊಣು ದಾಖೆತಾ.
ಶೆಣೈ ಮಾಮಾನಿ ಕುಂದಾಪುರಾಂತು ವಾಸ್ತವ ಕೋರ್ನು ದೋನ ವರ್ಷಾ ವಯರಿ ಜಾಲ್ಲೆ. ತಾಜ್ಜ ಪೈಲೆ ತಾಂಗೆಲೆ ಪೂರ್ವಜ ಎಕ್ಕಂಬಿಂತು ವಾಸ್ತವ್ಯ ಕರ್ಚಾ ಫುರೊ ಮ್ಹೊಣು, ತೆನ್ನಾ ಮಹಾಮಾರಿ ರೋಗ ಪ್ಲೇಗ ಯೇವ್ನು ಲೋಕ ಗಾಂವ ಸೋಣು ವಲಸೆ ಘೆಲ್ಲೆ. ತೆದ್ನಾ ತಾನ್ನಿ ಶಿರ್ಶಿಂತು ವಾಸ್ತವ್ಯ ಕೆಲ್ಲೆ. ತ್ಯಾ ಖಾತ್ತಿರ ತಾಂಕಾ ಸಿರಸಿಕರ ಮ್ಹಣು ಭೀ ಆಪಯತಾತಿ. ತಾಜ್ಜ ನಂತರ ಚಿತ್ರಗಿಂತು ವಾಸ್ತವ್ಯ ಕೆಲ್ಲೆ. ಥಂಚಾನ ಕುಂದಾಪುರಾ ವಚ್ಚೂನು ವಾಸ್ತವ್ಯ ಕೆಲ್ಲೆ ಆನಿ ಥಂಯಿಚಿ ಉರಚ್ಯಾಕ ಲಾಗ್ಲೆ. ಜಾಲ್ಯಾರಿ ತಾಂಗೆಲೆ ಜೀವನಾಂತು ಆನಿ ಕುಟುಂಭಾಂತು ಸೂಖ, ಸಮೃದ್ಧಿ, ಸಮಾಧಾನ ನಾಶಿ ಚಿಂತಿತ ಜಾವ್ನು ದಿವಸ ಕಾಡ್ನು ಆಶ್ಶಿಲೆ. ‘ವೇಳು ಯವ್ಕಾ ಮ್ಹಳೇಲೆ ಖರೆ ಶೆಣೈ ಮಾಮಾಂಕ ಜ್ಯೋತಿಷ್ಯ ಮಾರ್ಗಾರಿ ಪ್ರಶ್ನೆ ಮಾರ್ಗಾರಿ ಚವಕಶಿ ಕೊರಕಾ ಮ್ಹೊಣು ಪ್ರೇರಣ ಜಾಲ್ಲಿ. ಆನಿ ತಾನ್ನಿ ಪ್ರಶ್ನೆ ಮಾರ್ಗಾರಿ ಚವಕಶಿ ಕರ್‍ನಾ ಫುಡೆನ ಕೋಳ್ನು ಆಯ್ಲಿ ಮ್ಹಳೇರಿ ತಾಂಗೆಲೆ ಮೂಲ ನಾಗು ತೇಚಿ ಸ್ಥಾನಾರಿ ಪ್ರತಿಷ್ಠಾ ಇಚ್ಛಾ ಕರ್ತಾ ಮ್ಹೊಣು ಕೋಳ್ನು ಆಯ್ಲೆ. ಜಾಲ್ಯಾರಿ ತೋ ನಾಗು ಖಂಯಿ ಆಸ್ಸಾ ಮ್ಹೊಣು ಸೊದ್ದುಚೆ ಕಷ್ಟ ಜಾಲ್ಲೆ. ಕಿತ್ಯಾಕ ಮ್ಹಳ್ಯಾರಿ ಕುಟುಂಭಾಚಾನ ದೋನ ಪಂತಾ ವಲಸೆ ವಚ್ಚಾ ವಚುನು ಹಾಂಗಾ ಥಂಯಿ ಖಂಯಿ ಮ್ಹೊಣು ಸೊದ್ದುಚೆ ಅಶ್ಶಿಂ ತೀನ್ ಚಾರ ವರ್ಷಾ ಜಾಲಿ. ಎಕ್ಕಂಬಿ ಬದಲ ತಾಂಕಾ ಮಾಹಿತಿ ಭಿ ನಾಶ್ಶಿಲಿ. ಆನಿ ನಾವ ಭೀ ತಾನ್ನಿ ಆಯ್ಕಲ್ನಾಶ್ಶಿಲಿ ಹೆ ಪ್ರಕರಣ ಜಾಯ್ನಾ ಫುಡೆನ ತಾಂಕಾ ತಾಂಗೆಲೆ ಪೂರ್ವಜಾನಿ ಎಕ್ಕಂಬಿಂತು ವಾಸ್ತವ್ಯ ಕೆಲ್ಯಾ ಮ್ಹೊಣು ಕೋಳ್ನು ಆಯ್ಲೆ. ತಾನ್ನಿ ಮಾದನಗೇರಿ ಮಹಾಲಸಾ ದೇವಳಾಂತು ಪ್ರಶ್ನೆ ಮಾರ್ಗಾರಿ ವಿಚಾರ್‍ನಾ ಫುಡೇನ ಸಿರ್ಸಿಲಾಗ್ಗಿ ಆಸ್ಸಾ ವಚ ಮ್ಹೊಣು ಆದೇಶ ಆಯ್ಲೊ.
 ತಾಂಗೆಲೆ ಏಕ ಬಂಧುಜನಾಂಕ ಮಿತ್ರಾಂಕ ಏಕ್ಕಂಬಿಚೆ ಮಾಹಿತಿ ಆಶ್ಶಿಲಿ. ಈಶ್ವರ ದೇವಳಾ ಬದಲ ಗೊತ್ತಾಶಿಲೆ ತಾಣೆ ಯೇವ್ನು ಥಂಯಿ ಪಳೆನಾ ಪುಡೆನ ಮಸ್ತ ನಾಗ ಭಗ್ನಾವಶೇಷ ಜಾವ್ನು ಆಶ್ಶಿಲೆಂ ನದ್ರಾಂತು ಆಯ್ಲೆ. ತಾಂತುಲೊ ಖಂಚೊ ಮ್ಹೊಣು ಆನಿ ಪ್ರಶ್ನೊ ಉದ್ಭವ ಜಾಲ್ಲೊ. ಆನಿ ಪರತ ಮಹಾಲಸಾ ದೇವಿಲೆ ಶರಣ ಘೆಲೆ. ತೆನ್ನಾ ತೇ ಪಾತ್ರಿನ ಸ್ಥಾನಾಕ ಯೇವ್ನು ದಾಖೋವನು ದಿತ್ತಾ ಮ್ಹೊಣು ಆಶ್ವಾಸನ ದಿಲ್ಲಿ. ತೇ ಪ್ರಕಾರ ತೀನ ವರ್ಷಾ ಪಯಲೆ  ವೈಶಾಖ ಶುದ್ಧ ಪಂಚಮಿಕ ಯೇವ್ನು ಭಾರಾ ಪಾತ್ರಿನ ನಂದಿ ರೂಖಾ ಮುಖಾಂತು ನಾಗಸ್ಥಾನ ದಾಖೋವನು ದಿಲ್ಲೆ. ತೇಂಚಿ ಮೂಲನಾಗಸ್ಥಾನಾರಿ ದುಸ್ರೊ ನಾಗು ಹಾಣು ಪ್ರತಿಷ್ಠ ಕೆಲೊ. ತಾನ್ನಿ ಕುಂದಾಪುರಾಂತು ನಾಗ ಪ್ರತಿಷ್ಠಾ ಕಾರ್‍ಯ ಕೆಲೀಲೆ ಆಸಲೇರಿಚಿ ಸಮಾಧಾನ ಮೇಳಿಲ್ನಾ ಆಶ್ಶಿಲೆಂ. ತೆಂ ಖತೀರಿ ದೇವಾಕ ಶರಣು ವಚನಾ ಪುಡೇನ ಮೂಲಸ್ಥಾನಾರಿ ಪ್ರತಿಷ್ಠ ಇಚ್ಛಾ ಕರ್‍ತಾ ಮ್ಹೊಣು ಕಳ್ಳೆ. ಹಾಜ ವಯಲ್ಯಾನ ಹೇ ಮಾತ್ತಿ ಕಿತ್ಲೆ ಪವಿತ್ರ ಮ್ಹೊಣು ಕಳ್ತಾ. ನಾಗಾನಿ ವರ್ಷಾಕ ದೋನ ಪಂತಾ ಯೇವ್ನು ಪೂಜ ದಿಯ್ಯಾತಿ ಹಾಂವ ತೃಪ್ತ ಜಾತ್ತಾ. ಆನಿ ತುಮ್ಕಾ ಬರೆಂ ಕೋರ್ನು ದಿತ್ತಾ ಮ್ಹೊಣು ಅಭಯ ದಿಲ್ಲೊ. ಮುಖಾರ ತಾಂಗೆಲೆ ಸರ್ವ ಸಮಸ್ಯಾ ಪರಿಹಾರ ಜಾವ್ನು ಆತ್ತ ಹರವರ್ಷ ತಾಂಗೆಲೆ ಸರ್ವ ಕುಟುಂಬ ಯೇವ್ನು ವರ್ಧಂತಿ ಉತ್ಸವ ವೈಭವಾರಿ ಕರ್‍ತ$ ಆಸ್ಸತಿ. ಹಾಕ್ಕಾ ತಾಂಗೆಲೆ ಶೃದ್ಧಾ ಆನಿ ವಿಶ್ವಾಸು ಕಾರಣ. ಶ್ರೀ ವಿಠಲ ಶೆಣೈನ ಪ್ರತಿ ದಿವಸು ನಾಗಪೂಜೆ ಚಲಚೆ ಖಾತ್ತಿರಿ  ವ್ಯವಸ್ಥಾ ಕೆಲ್ಯಾ.
ಈಶ್ವರ ದೇವಳಾಚೆ ಜೀರ್ಣೋದ್ಧಾರಾ ಖಾತ್ತೇರ ಪ್ರಯತ್ನ ಕರತ ಆಸ್ಸಾಚಿ. ಹೆ ದೇವಳಾಚೆ ಅಧ್ಯಕ್ಷ ಜಾವ್ನಾಶ್ಶಿಲೆಂ ಶ್ರೀ ಜಯರಾಮ ನಾಯಕ ಹಾನ್ನಿ ಭೀ ಮಸ್ತ ಪರಿಶ್ರಮಾನಿ ಅಭಿರುಚಿ ದಾಖೋವನು ಸೇವಾ ಪಾವಯ್ತಾ ಆಸ್ಸತಿ. ಗಾಂವ್ಚೆ ವಿಂಗಡ ಲೋಕಾನಿ ಭೀ ತಾಂಗತಾಂಗೆಲೆ ಯಥಾನುಶಕ್ತಿ ಧನಸಹಾಯು ಕೆಲ್ಲಾ. ಆತ್ತ ನಿತ್ಯ ಪೂಜಾ, ವಿನಿಯೋಗು ಅಶ್ಶಿ ಏಕ ವ್ಯವಸ್ಥಾ ಈಶ್ವರ ದೇವಳಾಂತು ಚಲ್ತಾ ಆಸ್ಸ. ನಿಧಿ ದೇವತೆ, ನಾಗದೇವತೆ ಬಗಲೇನ ಆಸತನಾ ಆಮಕಾ ತಿಗೇಲಿ ರಕ್ಷಾ, ತೀ ದೇವತೆ ತಾಗೆಲೆ ಧನಿಯಾ ಖತೇರಿ ಹೆಂ ದೇವಳಾಕ ಊರ್ಜಿತಾವಸ್ಥೆಂತು ಹಾಡತಲೆ ಮ್ಹೊಣು ಆಮಗೇಲೆ ಆಶಯ. ವಾಚಕಾಂಕ ಹೇ ಸ್ಥಾನ ಪಳೋವಕಾ ಮ್ಹೊಣು ಆಸ್ಲ್ಯಾರಿ ಹಾಂವ ಭರಿಲೆ ಮನಾನ ತಾಂಗೆಲೆ ಸ್ವಾಗತ ಕರ್‍ತಾ. ಆನಿ ತಾಂಗೆಲೆ ಇಚ್ಛಾ ಪೂರ್ಣ ಕರ್ತಾ. ಕೋಣಾಕ ತರಿ ಧನ ಸಹಾಯು ದಿವ್ಕಾ ಮ್ಹೊಣು ದಿಸಲ್ಯಾರಿ ದೇವಳಾಚೆ ಅಧ್ಯಕ್ಷಾಂಕ ಸಂಪರ್ಕು ಕೊರಯೇತ.  ತಾಂಗೆಲೆ ಪತ್ತೊ :  ಶ್ರೀ ಜಯರಾಮ ನಾಯಕ, ಮೆ|| ಅನ್ನಪೂರ್ಣ ರೈಸ್ ಮಿಲ್, ಎಕ್ಕಂಬಿ - ೫೮೧೩೫೮, ಶಿರ್ಶಿ ತಾ||. ನಾಂವೆ ಎಕ್ಕಂಬಿ ಸಿಂಡಿಕೇಟ್ ಬ್ಯಾಂಕಾಂತು ಆಶ್ಶಿಲೆ ಖಾತೇಕ ಜಮಾ ಕೊರಯೇತ. ಸಿಂಡಿಕೇಟ್ ಬ್ಯಾಂಕ್ ಆಕೌಂಟ್ ನಂ. ೦೩೪೯೨೨೦೦೦೨೧೮೯೫,  

 - ಜಯಶ್ರೀ ನಾಯಕ್, ಯಕ್ಕಂಬಿ.  
ಪೋನ್ : ೦೮೩೮೪ -೨೬೮೮೫೦

ಶೃಂಗೇರಿ ಪೇಟೆಯ
ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜದ
ಶ್ರೀ ದೇವಿ, ಭೂ ದೇವಿ ಸಹಿತ ಹೆಬ್ಬಾಗಿಲು
ಶ್ರೀ ಲಕ್ಷ್ಮೀ ವೆಂಕಟರಮಣ ದೇವರ
ಪುನಃ ಪ್ರತಿಷ್ಠಾ ಮಹೋತ್ಸವವು

ದಿನಾಂಕ : ೧೫-೦೪-೨೦೧೨ ರವಿವಾರ ಬೆಳಿಗ್ಗೆ ೯ರ ವೃಷಭ ಲಗ್ನದ ಶುಭ ಮುಹೂರ್ತದಲ್ಲಿ ಸಮಗ್ರವಾಗಿ ಪುನಃ ನಿರ್ಮಾಣಗೊಂಡ ದೇವಾಲಯದಲ್ಲಿ  ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶರಾದ ಶ್ರೀ ಶ್ರೀ ಶ್ರೀ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿಯವರ ದಿವ್ಯ ಕರಕಮಲದಿಂದ ನೆರವೇರಲಿದೆ.
ಸರ್ವರಿಗೂ ಹಾರ್ದಿಕ ಸ್ವಾಗತ

Saraswati Prabha Konkani Mothly 15-04-2012

ಸರಸ್ವತಿ ಪ್ರಭಾ ೧೫ ಎಪ್ರಿಲ್ ೨೦೧೨ಚೆ ವಿಶೇಷ

* ಮೆಗೇಲೆ ಉತ್ರಾಂತು “ಆಮ್ಮಿ ಪೋರ್ ಘಾಲ್ನು ಘೆತ್ತಿಲೆ ಟಿಕೇಟ್?.  * ಶಿವಮೊಗ್ಗ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಾಲೆ ಪ್ರತಿಷ್ಠೆಚೆ ವಿಶೇಷ ಪೋಟೊ. * ಹಿಂದೂಸ್ಥಾನಾಂತು ಆಸ್ಸುಚೆ “ಜ್ಯೋತಿರ್ಲಿಂಗ ಹಾಜ್ಜೆ ದುಸರೆ ಭಾಗ. * ಪ್ರಾಪ್ತಿ ಧಾರವಾಹಿಚೆ ೧೫ ಕಂತು. * ಮೈನ್ಯಾ ಕಾಣಿ “ನಿಡಲಾರಿ ಬರೆಯಿಲೆ ಹಾಜ್ಜೆ ದೊನ್ನಿಚೆ ಆನಿ ಟಂತಿಮ ಭಾಗ. * ಶ್ರೀಮತಿ ಜಯಶ್ರೀ ನಾಯಕ್ ಎಕ್ಕಂಬಿ ಹಾನ್ನಿ ಬರೆಯಿಲೆ “ಏಕಾಂಭೇಶ್ವರಲೆ ಮಹಿಮಾ ಲೇಖನಾಚೆ ಅಂತಿಮ ಭಾಗ. ಖಾಣ-ಜವಣಾಂತು “ವಿಂಗ ವಿಂಗಡ ನಮೂನ್ಯಾ ಭಾತ್. * ಹಾಂಗ್ಯೋ ಐಸ್ ಕ್ರೀಮಾಚೆ  ದೊನ್ನಿ ಘಟಕ ಲೋಕಾರ್ಪಣ ಹಾಜ್ಜೆ ಚಿತ್ರ ವರದಿ. * ದುಸ್ರ ದುಸ್ರೆ ಸಮಾಜ ಬಾಂಧವಾಲೆ ಘರಾಂತು ಘಡಿಲೆ ಶುಭ ವಿವಾಹ ಆನಿ ಮೂಂಜಿ ಖಬ್ಬರ.. * ಶ್ರೀಮತಿ ಜಯಲಕ್ಷ್ಮೀ ದೇಶಪಾಂಡೆ ಹಾನ್ನಿ ಬರೆಯಿಲೆ “ಖಾನದಾನೀ ಪದ ಘರಾ ವಕ್ದಂತು ಶೇಂಗಾ, ಆಂಬೊ, ಮೀಟ, ಮೀರ್‍ಯಾಕಣ, ಸೊನ್ನಾರ್ಲಿಂಗ್,  ಕೊತ್ತಂಬರಿ ಪಾಲ್ಲೊ, ಆನಿ ಉಡಿದು ಹಾಜ್ಜೆ ಮಾಹಿತಿ. * ಹುಬ್ಬಳ್ಳಿಚೆ ಕಣ್ಣನ್ ಶ್ರೀ ರಾಮದಾಸ ಶ್ಯಾನಭಾಗ ಶ್ರೀಮತಿ ಕಲಾವತಿ ಕಾಮತ್ ಹಾನ್ನಿ ಬರೆಯಿಲೆ ವ್ಯಕ್ತಿಚಿತ್ರ.   * ಪಟ್ಟಾಭಿ ರಾಮಚಂದ್ರ ದೇವಳ, ಬಾರ್ಕೂರು, ಶ್ರೀ ವೆಂಕಟರಮಣ ದೇವಳ, ಬೆಂಗಳೂರು, ಅಂಕೋಲೆಚೆ ಶ್ರೀ ಎನ್.ಬಿ.ಕಾಮತ್ತಾಂಕ ಸನ್ಮಾನು, ಚಪ್ಪರ ಶ್ರೀ ಆಂಜನೇಯ ದೇವಳ, ಶೃಂಗೇರಿ, ಶ್ರೀ ನಾಗೇಶ ಅಣ್ವೇಕರಾಂಗೆಲೆ ಕೊಂಕಣಿ ಯಕ್ಷಗಾನ ಪ್ರಸಂಗ ಹಸ್ತಪ್ರತಿ ಲೋಕಾರ್ಪಣ,  ವೈವಾಹಿಕ ಮಾಹಿತಿ, ಡಾ|| ಟಿ.ಎಂ.ಎ.ಪೈ ಪ್ರತಿಷ್ಠಾನ ಮಣಿಪಾಲ, ವಿಶ್ವ ಕೊಂಕಣಿ ಕೇಂದ್ರ ಮಂಗಳೂರು, ಕುಂದಾಪುರಾಂತು “ಕವನಾಮೃತ ಕವಿಗೋಷ್ಠಿ, ಜಿ.ಎಸ್.ಬಿ. ಇನ್ಫೋ ಮೀಡಿಯಾ,  ವಿದ್ಯಾಧಿರಾಜ ಜೀವೋತ್ತಮ ಪ್ರಶಸ್ತಿ,  ದೈವಜ್ಞ ಸ್ವಾಮ್ಯಾಂಗೆಲೆ ಚಾತುರ್ಮಾಸು ಧಾರ್‍ವಾಡಾಂತು, ಲಿಪಿ ವಿವಾದ ಪರಿಹಾರಾಕ ಜಾಗತಿಕ ಸಭಾ, ಶ್ರೀ ಮಹಾವಿಷ್ಣು ದೇವಳ ಶಿರಸಿ, ಶ್ರೀ ಮಾರುತಿ ದೇವಳ, ಮಳಗಿ, ಶ್ರೀ ಮಹಾಲಸಾ ನಾರಾಯಣೀ ದೇವಳ, ಕುಮಟಾ, ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಧಾರವಾಡ, ಶ್ರೀ ದುರ್ಗಾ ಹೊನ್ನಮ್ಮ ದೇವಳ, ಸಿದ್ದಾಪೂರ, ಶ್ರೀ ಚಿತ್ರಾಪುರ ಮಠ ಸಂಸ್ಥಾನ, ಶಿರಾಲಿ, ಶ್ರೀ ಮಹಾಲಸಾ ನಾರಾಯಣೀ ದೇವಿಕ್ಷೇತ್ರ, ಹರಿಖಂಡಿಗೆ, ನಿವೇದಿತಾ ಶಿಶು ಮಂದಿರ, ಗಂಗೊಳ್ಳಿ, ಶ್ರೀ ಕಾಶೀಮಠ ವೆಂಕಟರಮಣ ದೇವಳ, ಹುಬ್ಬಳ್ಳಿ, ಮಾವಿನ ಕುರ್ವೆ ಶ್ರೀ ಗೋಪಾಲಕೃಷ್ಣ ದೇವಳ, ಶ್ರೀ ಮುಖ್ಯಪ್ರಾಣ ಲಕ್ಷ್ಮೀ ವೆಂಕಟರಮಣ ದೇವಳ, ಮೊಲಕೋಡು, ಶ್ರೀ ವೆಂಕಟರಮಣ ದೇವಳ, ಅಂಕೋಲ, ಶ್ರೀ ರಾಮಮಂದಿರ ಹೊನ್ನಾವರ ಹಾಂಗಾ ಚಲೇಲೆ ಕಾರ್ಯಕ್ರಮಾಂಚೆ ಖಬ್ಬರ. * ಶ್ರೀ ವಿಷ್ಣು ಕಾಮತ್ ಕಟಪಾಡಿ ಹಾನ್ನಿ ಬರೆಯಿಲೆ “ತಾನ ಆನಿ ಫ್ಯಾಶನ್ * ದುಃಖಾಶ್ರು,  * ಗೋಂಯ್ಚೆ ಮುಖ್ಯಮಂತ್ರಿ ಶ್ರೀ ಮನೋಹರ ಪರೀಕರ (ಪರಿಚಯ ಲೇಖನ), * ಲ್ಹಾನ ವಯಾಂತು ವ್ಹಡ ಸಾಧನ ಕೆಲೇಲೆ ಕು|| ಸಂಗೀತಾ ಸುರೇಂದ್ರ ಪಾಲನಕರ ಇತ್ಯಾದಿ ಸಬಾರ ಮಾಹಿತಿ ತುಮಗೇಲೆ ಖಾತ್ತಿರಿ.

ಪ್ರಕಟ ಜಾವಚೆ ದಿನಾಂಕ. ೧೫ -೦೪-೨೦೧೨, ಚುಕನಾಶಿ ವಾಜ್ಜಿಯಾ.