ಶ್ರೀಮತಿ ವಿಮಲಾ ವಿ. ಪೈ.  ವಿಶ್ವ ಕೊಂಕಣಿ  ಪುರಸ್ಕಾರ

ಶ್ರೀಮತಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಪುಸ್ತಕ ಪುರಸ್ಕಾರ -೨೦೧೩ ಮುಂಬಯಿಚೆ ಖ್ಯಾತ ಲೇಖಕಿ, ಶ್ರೀಮತಿ ಶೀಲಾ ಕೊಳಂಬಕರ ಬರಯಲಲೆ ಶೀಲಾ ಲೇಖ ಪ್ರಬಂಧ ಪುಸ್ತಕ ವಿಂಚುನ ಆಯ್ಲಾ. ಆನಿ ಶ್ರೀಮತಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಅತ್ಯುತ್ತಮ ಕವಿತಾ ಪುರಸ್ಕಾರ -೨೦೧೩ ಕ ಗೋವಾಚೆ ಖ್ಯಾತ ಲೇಖಕ ಶ್ರೀ ಮಾಧವ ಬೊರಕರರವರ ಸಿಂಫನಿ ಕವಿತಾ ಸಂಗ್ರಹ ಪುಸ್ತಕ ವಿಂಚುನ ಆಯ್ಲಾ. ಹ್ಯಾ  ಪ್ರಶಸ್ತಿ ರೂ. ೧.೦೦ ಲಾಖಾಚೆ ಬಹುಮಾನ  ಆನಿ ಮಾನ ಪತ್ರ ಜಾವನ ಆಸಾ.  ಆನಿ ಗೋವಾ ವಿಮುಕ್ತಿ ಹೋರಾಟಗಾರ, ಕೊಂಕಣಿ ಭಾಷಾ ಚಳವಳಿಚಿ ಮುಖೇಲ, ಕೊಂಕಣಿ ಕವಿ, ಸಾಹಿತ್ಯಕಾರ, ವಾಗ್ಮಿ ಗೋವಾಚೆ ಶ್ರೀ ನಾಗೇಶ ಕರ್ಮಲಿ ಹಾಂಕಾ ವಿಶ್ವ ಕೊಂಕಣಿ ಜೀವನ ಸಾಧನ ಪ್ರಶಸ್ತಿಕ ವಿಂಚಿಲಾ.
೧-೨-೨೦೧೪ ತಾರ್ಕೆರ ಮಂಗಳೂರಾಂತ ಪ್ರಶಸ್ತಿ ಪ್ರದಾನ ಸಮಾರಂಭ ಚಲ್ಲೆ. ಖ್ಯಾತ ಕನ್ನಡ ಸಾಹಿತಿ ಆನಿ ಕನ್ನಡ ಸಾಹಿತ್ಯ ಪರಿಷತ್ತಚೆ ೮೦ ವೆ ಅಧಿವೇಶನಾಚೆ ಅಧ್ಯಕ್ಷ ಶ್ರೀ ನಾ. ಡಿಸೋಜಾ  ತಾನ್ನಿ ಪ್ರಶಸ್ತಿ ಪ್ರದಾನ ಕೆಲ್ಲಿ.  ಪ್ರಶಸ್ತಿಚೆ ದಾತೃ ಶ್ರೀ ಟಿ.ವಿ.ಮೋಹನದಾಸ ಪೈ ಸಮಾರಂಭಾಂತ ಹಾಜರ ಆಶ್ಶಿಲೆ.

ನಾಟಕ ಮಹೋತ್ಸವು

ಶ್ರೀಮತಿ ಕಮಲಾದೇವಿ ಚಟ್ಟೋಪಾಧ್ಯಾಯ-೧೧೦  ಸಂಭ್ರಮ ಜಾವ್ನು ವಿಶ್ವ ಕೊಂಕಣಿ ನಾಟಕ ಮಹೋತ್ಸವು ೮-೧-೨೦೧೪ ಚಾನ ೧೦-೧-೨೦೧೪ ಪರ್ಯಂತ ೩ ದೀಸು ಮಂಗಳೂರಿನ ಪುರಭವನಾಂತು ಚಲೊನ ಆಯಲೆ  ದಿ. ೮-೦೧-೨೦೧೪ಕ ಮಾಂಡ್ ಸೊಭಾಣ್ ಕಲಾಕುಲ್ ಕೊಂಕಣಿ ನಾಟಕ- ರೆಪರ್ಟರಿ ಸಂಸ್ಥೆಚೆ ಮಾಡ್ತಿರ್ ಭಗತ್ ಸಿಂಗ್ ಪ್ರದರ್ಶಿತ ಜಾಲ್ಲೆ. ೧೦-೦೧-೨೦೧೪ಕ ಆಮ್ಹಿ ರಂಗಕರ್ಮಿ ರಾಮ ಸೇವಕ ಸಂಘ ವಡಾಲಾ ಮುಂಬೈ  ಪ್ರಸ್ತುತ ಕೆಲೆಲೆ ಸತ್ಯಂ ವದ ಧರ್ಮಂ ಚರ ಅತ್ಯುತ್ತಮ ದಾವನ ಪ್ರದರ್ಶನ ಜಾಲ್ಲೆಂ. ವಿಶ್ವ ಕೊಂಕಣಿ ಕೇಂದ್ರಾಚೆ ಸ್ಥಾಪನಾಧ್ಯಕ್ಷ ಕೊಂಕಣಿ ಸರದಾರ ಮಾನೆಸ್ತ ಬಸ್ತಿ ವಾಮನ ಶೆಣೈನ ಅಧ್ಯಕ್ಷತೆ ಘೆವನು ಸಕಡಾಂಕ ಸ್ವಾಗತ ಕೆಲ್ಲೆಂ. ಆನಿ ಶ್ರೀಮತಿ ಕಮಲಾದೇವಿ ಚಟ್ಟೋಪಾಧ್ಯಾಯಲೆ ಜೀವನ ಚರಿತ್ರೆ ಬದ್ದಲ ಕಳೋವನು ತೇ ಧೀರ, ಮಹಾನ್  ಮಹಿಳೆಲೆ ಮಹಾನ ಕಾರ್ಯ ವಿಶಿಂ ಆಯಲೆ ಸಭಿಕಾ ಮುಖಾರ ಸಾಂಗ್ಲೆಂ. ಹಾಂಗ್ಯೊ ಐಸ್ ಕ್ರೀಮ್  ಸಂಸ್ಥೆಚೆ ಮ್ಯಾನೇಜಿಂಗ ಡೈರೆಕ್ಟರ ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿಚೆ ಕಾರ್ಯದರ್ಶಿ ಮಾನೆಸ್ತ ಪ್ರದೀಪ್ ಜಿ. ಪೈನ ಶ್ರೀಮತಿ ಕಮಲಾದೇವಿ ಚಟ್ಟೋಪಾಧ್ಯಾಯಲೆ ಭಾವ ಚಿತ್ರಾಕ ಮಾಲಾರ್ಪಣ ಕರನ ಗೌರವ ದಿಲ್ಲೆಂ. ಮುಖೇಲ ಸೊಯ್ರೆ ಜಾವನು ಕೇಂದ್ರ ಸಾಹಿತ್ಯ ಅಕಾಡೆಮಿ ಪುರಸ್ಕೃತ ದಾಯ್ಜಿ ವಲ್ಡ್ ಸಂಪಾದಕ ಮಾನೆಸ್ತ ಮೆಲ್ವಿನ್ ರೊಡ್ರಿಗಸ್, ಮ್ಯಾಗ್ನಮ್ ಇಂಟರ್ ಗ್ರಾಫಿಕ್ಸ್ ಜಾಹೀರಾತು ಸಂಸ್ಥೆಚೆ ಡೈರೆಕ್ಟರ್ ಶ್ರೀ ಸಂಜಯ ಪ್ರಭು, ಕೊಂಕಣಿ ಭಾಷಾ ಮಂಡಲಾಚೆ ಉಪಾಧ್ಯಕ್ಷೆ ಗೀತಾ ಸಿ. ಕಿಣಿನ  ದಿವೊ ಲಾವನ ಕಾರ್ಯಕ್ರಮಾಚೆ ಉದ್ಘಾಟನ ಕೆಲ್ಲೆಂ. ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ರಿಜಿಸ್ಟ್ರಾರ್ ಡಾ. ಪಿ. ದೇವದಾಸ್ ಪೈ, ಬಂಟ್ವಾಳ ಶ್ರೀ ಕೃಷ್ಣ ಪ್ರಭು, ನಾಟಕಾಚೆ ನಿರ್ದೇಶಕ ಆನಿ ಕ್ಯಾನ್ಸರ್ ರಿಸರ್ಚ್ ವಿeನ ಡಾ. ಸಿ. ಎನ್. ಶೆಣೈ ಮುಂಬಯಿ, ನಾಟಕ ಮಹೋತ್ಸವ ಸಂಚಾಲಕ ನಿರಂಜನ ರಾವ್ ಉಪಸ್ಥಿತ ಆಶಿಲಿಂಚಿ. ವೆಂಕಟೇಶ ಎನ್. ಬಾಳಿಗಾನ ಕಾರ್ಯಕ್ರಮ ನಿರೂಪಣ ಕೆಲ್ಲೆಂ. ರತ್ನಾಕರ ಕುಡ್ವಾನ ವಂದನಾರ್ಪಣ ಕೆಲ್ಲೆಂ.       

ಕ್ಷಮತಾ ಶಿಬಿರ

 ವಿಶ್ವ ಕೊಂಕಣಿ ವಿದ್ಯಾರ್ಥಿವೇತನ ನಿದಿಚೆ ತರಫೇನ ತಾಂತ್ರಿಕ  ಆನು ವೈದ್ಯಕೀಯ ತಸಲೆ ಉನ್ನತ ಶಿಕ್ಷಣಾಚೆ ಅಪೇಕ್ಷಾ ದಾವನ ಆಸುಚೆ ಕೊಂಕಣಿ ಭಾಷಿಕ ಪ್ರತಿಭಾವಂತ ವಿದ್ಯಾರ್ಥಿಂಕ ವಿದ್ಯಾರ್ಥಿವೇತನ ದಿತ್ತ ಆಸ್ಸತಿ. ಹ್ಯಾ ನಿಮಿತ್ತಾನ ವಿಶ್ವ ಕೊಂಕಣಿ ಕೇಂದ್ರಾಚೆ ವಿದ್ಯಾರ್ಥಿ ವೇತನ ನಿಧಿತಾಕುನ ವರ್ಷಂಪ್ರತಿ ಚಲಚೆ ಸ್ಕಾಲರಶಿಪ್ ಘೆತ್ತಿಲ್ಯಾ ತಾಂತ್ರಿಕ  ಆನಿ ವೈದ್ಯಕೀಯ ಅಧ್ಯಯನ ಕರಚೆ ವಿದ್ಯಾರ್ಥಿಂಕ ಕ್ಷಮತಾ  ೬ ವೆ ಪಂಗಡಾಚೆ ಶಿಬಿರ ೨೦-೧-೨೦೧೪ ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾಂತ ಉದ್ಘಾಟನ ಜಾವನ ೨೨-೧-೨೦೧೪ ತಾರ್ಕೆರ ಶಿಬಿರಾಚೆ ಸಮಾರೋಪ ಸಮಾರಂಭ ಚಲ್ಲೆಂ. ಸಮಾರೋಪ ಸಮಾರಂಭಾಚೆ ಮುಖೇಲ ಸೊಯ್ರೆ ಜಾವನ ಹೆಜಮಾಡಿ ಉಮಾ ಟೈಲ್ ಕಂಪೆನಿಚೆ ಮಾನೆಸ್ತ ಕೆ. ರಾಮಕೃಷ್ಣ ಕಾಮತ ಹಾನ್ನಿ ಶಿಬಿರಾರ್ಥಿಂಕ ದೋನ ಉತ್ರಂ ಸಾಂಗುನು ಹ್ಯಾ ಶಿಬಿರಾಚೆ ಉತ್ತಮ ಪ್ರಯೋಜನ ಘೆವ್ನು ಸಮಸ್ತ ಚೆರ್ಡುಂವಾಲೆ  ಮುಖಾವಯಲೆ ಭವಿಷ್ಯ ಉಜ್ವಲ ಜಾವ್ವೊ ಮ್ಹೊಣು ಶುಭ ಹಾರೈಸಿಲೆಂ. ಸೊಯರೆ ಜಾವನ  ಕೇರಳ ಕೊಂಕಣಿ ಅಕಾಡೆಮಿ ಅಧ್ಯಕ್ಷ ಪಯ್ಯನೂರು ರಮೇಶ ಪೈ ಉಪಸ್ಥಿತ ಆಸ್ಸಿಲೆ. ವಿಶ್ವ ಕೊಂಕಣಿ ಕೇಂದ್ರಾಚೆ ಸ್ಥಾಪನಾಧ್ಯಕ್ಷ ಕೊಂಕಣಿ ಸರದಾರ ಬಸ್ತಿ ವಾಮನ ಶೆಣೈಲೆ ಅಧ್ಯಕ್ಷಪಣಾಂತ ಕಾರ್ಯಕ್ರಮ ಚಲ್ಲೆಂ. ವಿಶ್ವ ಕೊಂಕಣಿ ಭಾಷಾ ಸಂಸ್ಥಾನಾಚೆ ಸಹಾಯಕ ರ್ದೇಶಕ ಮಾನೆಸ್ತ ಗುರುದತ್ತ ಬಂಟ್ವಾಳಕಾರ ಸಮಾರಂಭಾಂತ ಉಪಸ್ಥಿತ ಆಶಿಲೆ. ಶಿಬಿರಾರ್ಥಿ ಸುಹಾಸ ಶೆಣೈನ ಕಾರ್ಯಕ್ರಮ ನಿರೂಪಣ ಕೆಲ್ಲೆಂ, ಕುಮಾರಿ ದೀಕ್ಷಾ ನ ವಂದನಾರ್ಪಣ ಕೆಲ್ಲೆಂ.