ಮುದುರೈ ಜಿ.ಎಸ್.ಬಿ. ಸಮಾಜ ಟ್ರಸ್ಟ(ರಿ) ವಿನಂತಿ

ಮದುರೈ ಹೇ ಚೆನ್ನೈ ನಂತವೈಲೆ ತಮಿಳುನಾಡಾಚೆ ದೊನ್ನಿಚೆ ಬೃಹತ್ ಪೇಂಟ ಜಾವ್ನಾಸ್ಸ. ಕೈಮಗ್ಗಾ ಕಾಪಡಾಕ  ಹೇ ಗಾಂವ ಪ್ರಸಿದ್ಧ ಜಾವ್ಚೆ ಬರಶಿ ಪ್ರಖ್ಯಾತ ಮೀನಾಕ್ಷಿ ದೇವಳ ಹಾಂಗಾಸ್ಸ. ಹಾಂಗ್ಚಾನ ರಾಮೇಶ್ವರಂ, ಪಾಲನಿ ಇತ್ಯಾದಿ ವಿಂಗವಿಂಗಡ ಗಾಂವಾಕ ಸುಲಭಾನಿ ವಚ್ಚುನು ಪಾವ್ಯೇತ. ಅಸ್ಸಲೆ ಪ್ರಸಿದ್ಧ ಕ್ಷೇತ್ರಾಂತು ಮಸ್ತ ವರ್ಷಾ ದಾಕೂನು ಪನ್ನಾಸ ಪಶಿ ಚ್ಹಡ ಗೌಡ ಸಾರಸ್ವತ ಬ್ರಾಹ್ಮಣ ಘರಾಣಿ ವಾಸ ಕೋರ್ನು ಘೇವ್ನು ಎತ್ತಾ ಆಸ್ಸತಿ. ಜಾಲ್ಯಾರಿ ವಿಂಗಡ ಜಿ.ಎಸ್.ಬಿ. ಸಮಾಜ ಬಾಂಧವಾಲೆ ಆನಿ ಕೊಂಕಣಿ ಭಾಷೆಚೆ ಸತತ ಸಂಪರ್ಕ ತಾಂಕಾ ನಾಶ್ಶಿಲೆ ನಿಮಿತ್ತ ಥಂಯಿ ಜಿ.ಎಸ್.ಬಿ. ಸಮಾಜ ಸಂಘಟನ ಜಾಯ್ನಿ ಆಶ್ಶಿಲೆ. ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಮಾರ್ಗದರ್ಶನ ಆನಿ ಆಶೀರ್ವಾದ ಘೇವ್ನು ತಾ. ೧೪-೦೧-೨೦೦೬ಕ ಮುದುರೈಂತು ಜಿ.ಎಸ್.ಬಿ. ಸಮಾಜ ಟ್ರಸ್ಟ್ ಸ್ಥಾಪನ ಜಾಲ್ಲೆ. ತಾಜ್ಜ ಉಪರಾಂತ ಥಂಯಿ ನಿಯಮಿತ ಜಾವ್ನು ಶ್ರೀ ಸತ್ಯನಾರಾಯಣ ಪೂಜಾ, ಶ್ರೀ ಕೃಷ್ಣ ಜನ್ಮಾಷ್ಟಮಿ, ಶ್ರೀ ಗಣೇಶ ಚೌತಿ ಇತ್ಯಾದಿ ಉತ್ಸವ ವ ಧಾರ್ಮಿಕ ಕಾರ್ಯಕ್ರಮ ಆಯೋಜನ ಕೋರ್ನು ಘೇವ್ನು ಎತ್ತಾ ಆಸ್ಸತಿ.
ಪ||ಪೂ|| ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಶುಭಾಶೀರ್ವಾದ ಘೇವ್ನು  ಮುದುರೈಂತು ಏಕ ಜಿ.ಎಸ್.ಬಿ. ಸಮಾಜ ಮಂದಿರ ಬಾಂದ್ಕಾ ಮ್ಹೊಣು ಠರೋವ್ನು ಮುದುರೈ ಪೇಂಟಾ ದಾಕೂನು ಸುಮಾರ ೨೫ ಕಿ.ಮೀ. ದೂರಾಚೆ ಚಾರಿ ನ್ಯಾಶನಲ್ ಹೈವೇ ಕೂಡೂಚೆ ಜಾಗೇರಿ ೧೩.೫ ಗುಂಠಾ ಜಾಗೋ ಖರೀದಿ ಕೆಲ್ಲ್ಯಾ. ಹೇ ಪ್ರದೇಶಾಂತು ಟೆಕ್ಸ್‌ಟೈಲ್ ಪಾರ್ಕ ಆನಿ ಎಮ್.ಬಿ.ಎ. ಕಾಲೇಜ ಸೈತ ಆಸ್ಸುನು ಮಸ್ತ ಜಿ.ಎಸ್.ಬಿ. ಸಮಾಜ ಬಾಂಧವ ಹೇ ಪ್ರದೇಶಾಂತೂ ವಾಸ ಕೋರ್ನು ಘೇವ್ನು ಆಸ್ಸತಿ. ಮುದುರೈ ಸಮಾಜಾಚೆ ಹೇ ಜಾಗೆಂತು ದೋನ ಅಂತಸ್ತಾಚೆ ಇಮಾರತ್ತ ಬಾಂಚೆ ಉದ್ದೇಶ ಆಸ್ಸುನು ತಾಂತು ಪ|ಪೂ| ಸ್ವಾಮೀಜಿಲೆಂ ಪೂಜಾ ಕೂಡ, ಶಯನ ಗೃಹ, ಭಜನಾ ಹಾಲ್, ದೋನ ಕೂಡ, ಆಫೀಸ್, ರಾಂದಪಾ ಕೂಡ, ಲಾಕರ್ ಕೂಡ, ಇತ್ಯಾದಿ ಒಟ್ಟು ೪೨೦೦ ಸ್ಕ್ವೇರ್ ಫೂಟಾಚೆ ಇಮಾರತ್ತ ಬಾಂಚೆ ಉದ್ದೇಶ ದವರೂನು ಘೇವ್ನು ಥಂಚೆ ಸಮಾಜ ಬಾಂಧವ ಕಾರ್ಯಪ್ರವೃತ್ತ ಜಾಲ್ಲಿಂತಿ.
ಹಾಂಗಾ ಬಾಂಚೆಕ ಠರೆಯಿಲೆ ಹೇ ಸುಂದರ ವಾಸ್ತುಕ ಸುಮಾರ ಏಕ ಕೋಟಿ ರೂಪಯಿ ಲಾಗ್ಚೆ ಅಂದಾಜ ಆಸ್ಸುನು ದಾರಾಳ ಮನಾಚೆ ಸಮಾಜ ಬಾಂಧವಾನಿ ಹೇ ಕಾರ್ಯಾಕ ಯಥಾನುಶಕ್ತಿ ದುಡ್ವಾ ಮದ್ದತ್ ಕೋರ್ನು ಹೇ ಕಾರ್ಯ ಯಶಸ್ವಿ ಕೋರ್‍ಕಾ ಮ್ಹೊಣು ಮುದುರೈಚೆ ಜಿ.ಎಸ್.ಬಿ. ಸಮಾಜ ಟ್ರಸ್ಟಾಚೆ ಅಧ್ಯಕ್ಷ ಡಾ|| ಜೋಡುಮಠ ವಸಂತ ಭಟ್ ತಾನ್ನಿ ವಿನಂತಿ ಕೆಲ್ಲ್ಯಾ. ದುಡ್ಡು ಪಟೈಚಾಕ ಇಚ್ಛಾ ಆಶ್ಶಿಲ್ಯಾನಿ  ಮದುರೈ ಜಿ.ಎಸ್.ಬಿ. ಸಮಾಜ ಟ್ರಸ್ಟ್(ರಿ) ಹೇ ನಾಂವಾಂತು ಕೆನರಾ ಬ್ಯಾಂಕಾಂತು (IಈSಅ ಅoಜe : ಅ‌ಓಖ೦೦೦೧೦೧೦) ಎಸ್.ಬಿ. ಖಾತಾ ನಂಬರ್ ೧೦೧೦೧೦೧೦೬೮೨೧೬ ಹಾಂಗಾಕ ದುಡ್ಡು ದಾಡ್ನು ದಿವ್ಯೇತ. ಹೇ ಖಾತ್ತಿರಿ ಖಂಚೇಯಿ ಚಡ್ತೆ ಮಾಹಿತಿ ಜಾವ್ಕಾ ಜಾಲೇಲ್ಯಾನ ಆಫೀಸಾಚೆ ಪೋನ್ ನಂ. ೦೪೫೨-೨೩೮೪೮೯೪ ಹಾಂಗಾಕ ಸಂಪರ್ಕು ಕೊರಯೇತ. ನಾಂವೆ ಸಮಾಜಾಚೆ ಅಧ್ಯಕ್ಷ ಡಾ|| ಜೆ. ವಸಂತ ಭಟ್ ((: ೦೯೮೪೩೧೧೪೪೩೩), ಉಪಾಧ್ಯಕ್ಷ ಕೆ. ಭಾಸ್ಕರ ನಾಯಕ್ (( : ೦೭೨೦೦೦೩೨೦೯೦), ಕಾರ್ಯದರ್ಶಿ ಕೆ.ಪಿ. ಪ್ರಭು (( : ೦೯೮೪೨೧ ೨೬೪೧೫) ಜೊತೆ ಕಾರ್ಯದರ್ಶಿ ಎ.ಬಿ.ಕಾಮತ್ (( : ೦೯೭೮೮೮೬೭೯೭೪), ಖಜಾಂಚಿ : ಪಿ.ವಿ. ಕಾಮತ್ (( : ೦೯೩೬೨೮೮೧೫೫೯) ನಾಂವೆ ಸಲಹಗಾರ ಜಾಲೇಲೆ ಮಂಗಲ್ಪಾಡಿ ನಾಮದೇವ ಶೆಣೈ, ಮಂಗಳೂರು( ( : ೯೮೮೦೬೨೨೮೫೮) ಹಾಂಕ ಕೋಣಾಕ ತರಿ ಸಂಪರ್ಕ ಕೊರಯೇತ. ಕಮಿಟಿಂತು ಆನ್ನೇಕ್ಳೆ ಸಲಹಗಾರ ಜಾವ್ನು ಜೆ.ಆರ್. ಮಲ್ಯ, ಸದಸ್ಯ ಜಾವ್ನು ಆರ್. ಯು.ರಾವ್, ಎ.ವಿ.ಕಾಮತ್, ಎ.ಪಿ.ನಾಯಕ್ ಆಸ್ಸತಿ. ಹೇ ಬಾಂದಕಾಮ ಯೋಜನೆಕ ರೂ. ೫೦,೦೦೦/- ಪಶಿ ಚ್ಹಡ ದೇಣಿಗಾ ದಿಲೀಲ್ಯಾಲೆ ನಾಂವ ಮಂದಿರಾಂತು ಘಾಲತಾತಿ. ಆನಿ ಪ್ರತಿ ಸ್ಕೇರ್‌ಪೂಟಾಕ ರೂ. ೧೭೦೧/- ಬಾಂದಕಾಮಾಕ ಲಾಗತಲೆ ಮ್ಹಣಚೆ ಅಂದಾಜ ಆಸ್ಸುನು ತಶ್ಶಿಚಿ ದಾನಿ ಲೋಕಾ ಸಹಾಯು ದಿವಚಾಕ ಅವಕಾಶ ಆಸ್ಸ. ಸಮಾಜಾಚೆ ಪತ್ತೊ : ಒಚಿಜuಡಿಚಿi ಉ.S.ಃ. Sಚಿmಚಿರಿ ಖಿಡಿusಣ, ೫/೪೮೩-ಃ, ಖಿhiಥಿಚಿgi ಖeಟಿgಚಿsಚಿmಥಿ Sಣಡಿeeಣ, ಂಟಿgeಟ ಓಚಿgಚಿಡಿ, ಂಣhiಞuಟಚಿm, ಒಚಿಜuಡಿಚಿi - ೬೨೫೦೦೭

೨೦೧೩-೧೪ ಸಾಲಾಂತು “ಸರಸ್ವತಿ ಪ್ರಭಾ ತರಪೇನ ದಿವಚೆ ಸ್ಕಾಲರ್‌ಶಿಫ್ ವಿಜೇತ

ದೀಕ್ಷಾ ವೆಂಕಟೇಶ ನಾಯಕ್, ಕಂಬದಕೋಣೆ (೩೩೭೬) (ದಿ|| ಆರ್‍ಗೋಡು ರಾಮಚಂದ್ರ ಶ್ಯಾನುಭಾಗ ಹಾಂಗೆಲೆ ಸ್ಮರಣಾರ್ಥ ದವರೀಲೆ ಸ್ಕಾಲರ್‌ಶಿಫ್ ವಿಜೇತೆ) ಸಂದೇಶ ಸುದರ್ಶನ ಭಟ್, ಉಪ್ಪಿನಪಟ್ಟಣ(ಉ.ಕ)(೫೦೪೫), ಅಪೂರ್ವ ಗಣಪತಿ ಶಾನಭಾಗ, ಹಳದೀಪುರ(೫೦೬೬), ಉಜ್ವಲ್ ಗೋಪಾಲಕೃಷ್ಣ ಭಟ್, ನಾಯ್ಕನಕಟ್ಟೆ, ಕೆರ್ಗಾಲ್. (೩೦೦೮). ಕೀರ್ತಿ ಉಮೇಶ ಪೈ, ಮುದ್ರಾಡಿ (೩೧೯೭), ವೈಷ್ಣವಿ ವಿವೇಕಾನಂದ ನಾಯಕ್, ಮೂಡಬಿದ್ರೆ (೩೨೭೯), ಸೌರಭ ಉದಯ ಕಿಣಿ, ಬಿಜೂರು, ಉಪ್ಪುಂದ(೩೦೧೦), ಗೀತಾಂಜಲಿ ವಿಠೋಬ ಶೆಣೈ, ಮಂಗಳೂರು (೩೫೬೧).(ವೈಚೆ ಲೋಕ ದಿ|| ಲಕ್ಷ್ಮಣ ವೆಂಕಟೇಶ ಶ್ಯಾನಭಾಗ ಹಾಂಗೇಲೆ ಸ್ಮರಣಾರ್ಥ ಬೆಂಗಳೂರಾಚೆ ಶ್ರೀ ವಿ.ಎಲ್. ಶ್ಯಾನಭಾಗ ಆನಿ ಚರ್‍ಡುಂವಾನಿ ದವರೀಲೆ ಸ್ಕಾಲರ್‌ಶಿಫ್ ವಿಜೇತ)
ಸುರಕ್ಷಾ ಸುರೇಶ ನಾಯಕ್, ಹೆಬ್ರಿ (೧೪೨೨-೫ವರ್ಷ) (ಹೀ ದಿ|| ಶೇಷಗಿರಿ ಪಾಂಡುರಂಗ ಕಾಮತ್ ಹಾಂಗೇಲೆ ಸ್ಮರಣಾರ್ಥ “ಸರಸ್ವತಿ ಪ್ರಭಾ ಚಾನ ದವರೀಲೆ ಸ್ಕಾಲರ್‍ಶಿಫ್ ವಿಜೇತೆ), ನಮಿತಾ ಗಣಪತಿ ಪೈ, ಕಾರವಾರ (೧೩೯೭-೫ವರ್ಷ), ಸನ್ನಿಧಿ ಸಂಜಯ ನಾಯಕ್, ಅಮ್ಮಿನಳ್ಳಿ, ಶಿರ್ಶಿ (೫೧೧೭) ಕೇಶವ ಶೈಲಾ ವಿ. ಶ್ಯಾನಭಾಗ, ಕುಮಟಾ (೫೦೦೭) ವಿಘ್ನೇಶ ವಿನಾಯಕ ಪ್ರಭು, ಮೂಡಬಿದ್ರೆ (೩೫೩೨), ಶರತ್ ದೇವದಾಸ ಭಟ್, ಶಿರಸಿ (ಅಜೀವಾ ಚಂದಾ ೨೨೦). ರಾಜೇಶ ಆನಂದ ರಾಯ್ಕರ್, ಕಾರವಾರ(೫೪೯೯), ಅನಂತ ಶ್ರೀನಾಥ ಕುಡ್ವ, ಮಂಗಳೂರು (೩೬೧೮), ಸಮರ್ಥ ಹರಿ ಪಾಲನಕರ, ಬೆಳಗಾಂವಿ(೬೩೦೧)
ಸ್ಕಾಲರ್‌ಶಿಫ್ ವಿಜೇತಾಂಕ ಡಿಸೆಂಬರ್ ಅಖೈರಾ ಬಿತ್ತರ ಎಂ.ಒ.ದ್ವಾರಾ ದುಡ್ಡು ಪೆಟೋನು ದಿವಚೆ ವ್ಯವಸ್ಥಾ ಕರತಾತಿ.  ತ್ಯಾ ಖಾತ್ತಿರಿ ಖಂಚೇಯ ಪತ್ರ ವ್ಯವಹಾರು ನಾಕ್ಕಾ.                  - ಆರ್‍ಗೋಡು ಸುರೇಶ ಶೆಣೈ
“ಸರಸ್ವತಿ ಪ್ರಭಾ ಸ್ಕಾಲರ್‌ಶಿಪ್ ನಿಧಿಕ ರೂ. ೫,೦೦೦/- ಪಶಿ ಚ್ಹಡ ದೇಣಿಗಾ ದಿಲೀಲ್ಯಾಲೆ ಜಾಂವೊ ತಾನ್ನಿ ಇಚ್ಛಾ ಪಾವ್ವಿಲ್ಯಾಲೆ ನಾಂವಾಂತು ಪ್ರತಿ ವರ್ಷ ಏಕಳ್ಯಾಕ ಸ್ಕಾಲರ್‌ಶಿಫ್ ದಿತ್ತಾತಿ. ಆನಿ ತ್ಯಾ ನಾಂವ ತುಮಗೇಲೆ ನಾಂವಾ ಒಟ್ಟು ಸರಸ್ವತಿ ಪ್ರಭಾಂತು ಪ್ರಕಟ ಕರತಾತಿ. ಮಾಹಿತಿಕ ಸಂಪಾದಕ ಪೋನ್ : ೯೨೪೨೫೩೯೭೭೬ ಹಾಂಗಾಕ ಸಂಪರ್ಕು ಕರಾ.

ಬಂಟ್ವಾಳಾಂತು “ನಾಂಕುಟಾಲೆ ಲಗ್ನ ಕೃತಿ ಉಗ್ತಾವಣ

ಬಂಟ್ವಾಳಾಚೆ ಖ್ಯಾತ ನಾಟಕಕಾರ ದಿ|| ಕೆ. ಅನಂತ ಕಾಮತ್(ಅನಂತ ಮಾಸ್ತರ) ಹಾನ್ನಿ ಬರೆಯಿಲೆ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚಾನ ಪ್ರಕಟ ಕೆಲೀಲೆ “ನಾಂಕುಟಾಲೆ ಲಗ್ನ ಆನಿ ಇತರ ನಾಟಕ ಕೃತಿ ಲೋಕಾರ್ಪಣ ಸಮಾರಂಭ ಆಲ್ತಾಂತು ಬಂಟ್ವಾಳಾಂತು ವಟಪುರ ರಂಗಭೂಮಿ ತಾನ್ನಿ ಆಯೋಜನ ಕೆಲೀಲೆ. ಹೇ ವೇಳ್ಯಾರಿ ಉಲೈಲೆ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಮಾಜಿ ಅಧ್ಯಕ್ಷ ಶ್ರೀ ಕಾಸರಗೋಡು ಚಿನ್ನಾ ತಾನ್ನಿ “ಬಂಟ್ವಾಳ ಕೊಂಕಣಿಗಾಲೆ ಸಾಂಸ್ಕೃತಿಕ ರಾಜಧಾನಿ, ಹಾಂಗಾ ಆನ್ನಿಕೆ ಇತ್ಲೆ ಸಾಂಸ್ಕೃತಿಕ ಆನಿ ಸಾಹಿತ್ಯಿಕ ಚಟುವಟಿಕಾ ಚೋಲ್ಕಾ ಮ್ಹಳ್ಳಿಂತಿ. ಸಮಾರಂಭಾಚೆ ಅಧ್ಯಕ್ಷತಾ ಶ್ರೀ ತಿರುಮಲ ವೆಂಕಟರಮಣ ದೇವಳಾಚೆ ಆಡಳಿತ ಮೊಕ್ತೇಸರ ಶ್ರೀ ಎಮ್. ಲಕ್ಷ್ಮಣ ಕಾಮತ್ ತಾನ್ನಿ ಘೆತ್ತಿಲೆ. ಮುಖೇಲ ಸೊಯರೆ ಜಾವ್ನು ಆಯ್ಯಿಲೆ ಸಾಹಿತ್ಯ ಅಕಾಡೆಮಿಚೆ ರಿಜಿಸ್ಟ್ರಾರ್ ಡಾ|| ದೇವದಾಸ ಪೈ ತಾನ್ನಿ ಉಲೋವ್ನು “ಅಕಾಡೆಮಿಂತು ಬರಪೂರ ದುಡ್ವಾ ವ್ಯವಸ್ಥೆ ಆಸ್ಸುನು ಕೊಂಕಣಿಗಾನಿ ಬರೆಯಿಲೆ ಪುಸ್ತಕ ಪೆಟೋವ್ನು ದಿಲಯಾರಿ ಪ್ರಕಟ ಕೊರಚೆ ಭರ್‍ವಸ ದಿಲ್ಲಿ. ಸಭೆಂತು ದಿ| ಅನಂತ ಕಾಮತ್ ಹಾಂಗೆಲೆ ಪೂತ ಜಾಲೇಲೆ ಶ್ರೀ ಕೆ. ನರಸಿಂಹ ಕಾಮತ್ ಆನಿ ಶ್ರೀ ಕೆ. ಜಗದೀಶ ಕಾಮತ್ ಉಪಸ್ಥಿತ ಉರಲೀಲೆ. ಶ್ರೀ ಪಿ. ನಾರಾಯಣ ಕಾಮತ್ ತಾನ್ನಿ ಪ್ರಸ್ತಾವನ ಕೆಲಯಾರಿ, ಕೃತಿ ಸಂಪಾದಕ ಶ್ರೀ  ಮಧುಕರ ಮಲ್ಯ ತಾನ್ನಿ ಕೃತಿ ಖಾತ್ತಿರಿ ಉಲೈಲೆ. ವಟಪುರ ರಂಗಭೂಂಯ್ಚೆ ಶ್ರೀ ಆನಂದ ಭಟ್ಟ ತಾನ್ನಿ ಯೇವ್ಕಾರ ಕೆಲ್ಲಿ, ಶ್ರೀ ಪ್ರವೀಣ ನಾಯಕ ತಾನ್ನಿ ಕಾರ್ಯಕ್ರಮಾಚೆ ನಿರೂಪಣ ಕೆಲ್ಲಿ. ಶ್ರೀ ವಿನಾಯಕ ಪೈ ತಾನ್ನಿ ಆಬಾರ ಮಾನಲೆ. ದಿ|| ಅನಂತ ಕಾಮತ್ ಹಾನ್ನಿ ಬರೆಯಿಲೆ ನಾಟಕಾಂಚೆ ರಂಗಗೀತಾ ಕಾರ್ಯಕ್ರಮ ಶ್ರೀ ಪಿ. ವಸಂತ ಪ್ರಭು, ಶ್ರೀ ಬಿ. ಜಗದೀಶ ಪೈ ಆನಿ ಶ್ರೀ ಪ್ರವೀಣ ನಾಯಕ್  ಹಾಂಗೆಲೆ ನೇತೃತ್ವಾರಿ ಚಲ್ಲೆ.

ಸಾಲಿಗ್ರಾಮ ಗಣೇಶ ಶೆಣೈಂಕ ಸನ್ಮಾನು

ಕಲಾಕುಂಚ ಸಾಂಸ್ಕೃತಿಕ ಸಂಘಟನ ಆನಿ ಯಕ್ಷರಂಗಾಚೆ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ ಶೆಣೈಂಕ ಆಲ್ತಾಂತು ದಾವಣಗೆರೆ ಸ್ನೇಹ ಬಳಗಾಚೆ ತರಪೇನ ಹಾರ್ದಿಕ ಸನ್ಮಾನು
ಚಲ್ಲೊ.
ಸ್ನೇಹಬಳಗಾಚೆ
ಆಶ್ರಯಾರಿ
ಚಲೇಲೆ “ಶ್ರಾವಣ ಸಂಗೀತ ಸಂಭ್ರಮ ಗೀತ ಗಾಯನ ತರಬೇತಿ ಶಿಬಿರಾಚೆ ಸಮಾರೋಪ ಸಮಾರಂಭಾಂತು ತಾಂಕಾ ಹೇ ಗೌರವಾರ್ಪಣ ಕೆಲ್ಲೆ. ಹೇ ಸಂದರ್ಭಾರಿ ಬೆಂಗಳೂರು ದೂರದರ್ಶನಾಚೆ ಡಾ|| ಮಹೇಶ್ ಜೋಶಿ, ಮ್ಹಾಲ್ಗಡಿ ಗಾಯಕಿ ಡಾ|| ಬಿ.ಕೆ. ಸುಮಿತ್ರ, ಸ್ನೇಹ ಬಳಗಾಚೆ ಪದಾಧಿಕಾರಿ ಲೋಕ, ಗಾಂವ್ಚೆ ಗಣ್ಯ ಲೋಕ ಉಪಸ್ಥಿತ ಆಶ್ಶಿಲೆ.
ಚಿತ್ರ, ವರದಿ : ಶ್ರೀಮತಿ ಜ್ಯೋತಿ ಗಣೇಶ ಶೆಣೈ

ಶ್ರೀ ಗೋಕರ್ಣ ಪರ್ತಗಾಳಿ ಮಠ, ಮಂಗಳೂರು

ಮಂಗಳೂರ್‍ಚೆ ರಥಬೀದಿಂತು ಆಸ್ಸುಚೆ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಂತು ಅನಂತ ನೋಂಪಿ ತಾ. ೧೮-೯-೨೦೧೩ ದಿವಸು ಯಥೋಚಿತ ಧಾರ್ಮಿಕ ವಿಧಿ-ವಿಧಾನ, ಮಂಗಳಾರತಿ, ಸಮಾರಾಧನೆ ಬರಶಿ ಅಪಾರ ಸಮಾಜ ಬಾಂಧವಾಲೆ ಉಪಸ್ಥಿತೀರಿ ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳಾ.
ಶ್ರೀ ಲಕ್ಷ್ಮೀವೆಂಕಟೇಶ ಭಜನಾ ಮಂದಿರ, ಸಚ್ಚೇರಿಪೇಟೆ
ಸಚ್ಚೇರಿಪೇಟೆಚೆ ಶ್ರೀ ಲಕ್ಷ್ಮೀವೆಂಕಟೇಶ ಭಜನಾ ಮಂದಿರಾ ತರಪೇನ ತಾ. ೧೦-೧೨-೨೦೧೩ಕ ಸುರುವಾತ ಜಾಲೀಲೆ ನಗರ ಸಂಕೀರ್ತನಾ ಭಜನಾ ಸಮಾರಂಭಾಚೆ ೨೪ ವರ್ಷಾಚೆ ಭಜನಾ ಮಂಗಲೋತ್ಸವು ತಾ. ೧೩-೧೨-೨೦೧೩ ದಿವಸು ಶ್ರೀ ಲಕ್ಷ್ಮೀ ವೆಂಕಟೇಶ ಭಜನಾ ಮಂದಿರಾಂತು ಚೊಲಚೆ ಆಸ್ಸ ಮ್ಹಣಚೆ ಖಬ್ಬರ ಮೆಳ್ಳಾ. ಹೇ ಸಂದಭಾರಿ ಭಜನಾ ಸೇವಾ, ಫುಲ್ಲಾ ಪೂಜೆ ಸೇವಾ ಆನಿ ಶಾಶ್ವತ ಭಜನಾ ಪೂಜಾ ಕೊರಚಾಕ ಅವಕಾಶ ಆಸ್ಸುನು ಚಡ್ತೆ ಮಾಹಿತಿ ಖಾತ್ತಿರಿ ಮೊಬೈಲ್ ನಂ. ೯೯೪೫೯೨೫೧೫೦ ಹಾಂಕಾ ಸಂಪರ್ಕ ಕೊರಯೇತ. ಆನಿ ಚ್ಹಡ ಸಂಖ್ಯಾರಿ ಸಮಾಜ ಬಾಂಧವಾನಿ ಹೇ ಭಜನಾ ಕಾರ್ಯಕ್ರಮಾಂತು ವಾಂಟೊ ಘೇವ್ನು ಹರಿ ಕೃಪೇಕ ಪಾತ್ರ ಜಾವ್ಯೇತ.

ಶ್ರೀ ವೆಂಕಟರಮಣ ದೇವಳ, ಬಂಟ್ವಾಳ

ಶ್ರೀ ತಿರುಮಲ ವೆಂಕಟರಮಣ ಸ್ವಾಮಿ ದೇವಳ, ಬಂಟ್ವಾಳ ಹಾಂಗಾಚೆ ಭಜನಾಪ್ರಿಯ ಶ್ರೀ ವಟಪುರೇಶಾಲೆ ಸನ್ನಿಧಿಂತು ಶ್ರೀ ಷಡಕ್ಷರೀ ಗವಾಯಿಲೆಂ ಶಿಷ್ಯ ಡಾ|| ಸಂಪದಾ ಭಟ್ ಮಾರಹಳ್ಳಿ ಹಾಂಗೆಲ ದಾಕೂನು ಭಕ್ತಿಗೀತಾ ಕಾರ್ಯಕ್ರಮ ‘ಭಜನಾ ಸಂಧ್ಯಾ ತಾ. ೧೨-೯-೨೧೩ ದಿವಸು ಚಲ್ಲೆ. 

ಶ್ರೀ ಲಕ್ಷ್ಮೀವೆಂಕಟರಮಣ ದೇವಳ, ಉಪ್ಪಿನಂಗಡಿ

ಉಪ್ಪಿನಂಗಡಿ ಶ್ರೀ ಲಕ್ಷ್ಮಿವೆಂಕಟರಮಣ ದೇವಳಾಂತು ಶ್ರಾವಣ ಮ್ಹಹಿನ್ಯಾಂತು ೧೯-೮-೧೩ಕ ದ್ವಾದಶೀ ಪವಿತ್ರಾರೋಪಣ, ೨೦-೮-೧೩ಕ ಋಗುಪಾಕರ್ಮ, ನವೀನ ಯಜ್ಞೋಪವೀತ ಧಾರಣ, ೨೮-೦೮-೧೩ಕ ಶ್ರೀ ಕೃಷ್ಣ ಜನ್ಮಾಷ್ಟಮಿ ಚಲ್ಲೆ. ಭಾದ್ರಪದ ಮ್ಹಹಿನ್ಯಾಂತು  ೮-೯-೧೩ಕ ತಂಯಿ, ೯-೯-೧೩ಕ ಶ್ರೀ ಗಣಪತಿ ಚೌತಿ, ೧೮-೯-೧೩ಕ ನೋಂಪಿ, ೪-೧೦-೧೩ಕ ಮಾಳಾ ಅಮಾಸೆ ಪ್ರಯುಕ್ತ ಸರ್ವ ಪಿತೃ ಶ್ರಾದ್ಧ ಚಲ್ಲೆ. ಆಶ್ವೀಜ ಮ್ಹಹಿನ್ಯಾಂತು ೫-೧೦-೧೩ಕ ನವರಾತ್ರ್ಯಾರಂಭ ದೇವಳಾಂತು ನವಾನ್ನ ಸಂಗ್ರಹ, ಧೋಂಪಾರಾ ಲಕ್ಷ್ಮೀ ದೇವಿಕ ಕುಂಕುಮಾರ್ಚನ, ರಾತ್ತಿಕ ಮಕರಾದೇವಿ ಪೂಜಾರಂಭ, ೯-೧೦-೧೩ಕ ಲಲಿತಾ ಪಂಚಮಿ, ೧೧-೧೦-೧೩ಕ ಮೂಲ ನಕ್ಷತ್ರ ಶ್ರೀ ವೆಂಕಟರಮಣ ದೇವಾಕ ಮಹಾ ಪಂಚಾಮೃತಾಭಿಷೇಕ, ೧೪-೧೦-೧೩ಕ ವಿಜಯ ದಶಮಿ ದಿವಸು ಪಶ್ಚಿಮ ಜಾಗರ ಪೂಜಾರಂಭ, ಶ್ರೀ ಲಕ್ಷ್ಮೀ ನಾರಾಯಣ ಹೃದಯ ಮಂತ್ರಹವನ, ಶಮೀಪೂಜಾ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.  ಮುಖಾರಿ ೧-೧೧-೧೩ಕ ಸಾಂಜ್ವಾಳಾ ಜಲಪೂರಣಂ, ಹೆರ್ದೀಸು ಸಕ್ಕಾಣಿ ಪೂಡೆ ೫-೧೫ಕ ಪಶ್ಚಿಮ ಜಾಗರ ಪೂಜಾ, ಶ್ರೀ ದೇವಾಕ ತೈಲಾಭ್ಯಂಗ, ಅಭಿಷೇಕ, ಮಂಗಳಾರತಿ, ೩-೧೧-೧೩ಕ ದೀಪಾವಳಿ ಅಮಾಸ, ಆಕಾಶ ದೀಪ, ಧನಲಕ್ಷ್ಮೀ ಪೂಜಾ ಚೊಲಚೆ ಆಸ್ಸ ಮ್ಹಣಚೆ ಖಬ್ಬರ ಮೆಳ್ಳಾ.

ಶ್ರೀ ವೆಂಕಟರಮಣ ದೇವಳ, ಬಂಟ್ವಾಳ

ಬಂಟ್ವಾಳಾಚೆ ಶ್ರೀ ತಿರುಮಲ ವೆಂಕಟರಮಣ ಸ್ವಾಮಿ ದೇವಳಾಂತು ಶ್ರೀ ಕಾಶಿಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಆಜ್ಞಾನುಸಾರ ೧೫-೮-೧೩ಕ ಶ್ರೀ ದೇವಳಾಂತು ಚಲೇಲೆ ‘ತಾಂಬೂಲ ಪ್ರಶ್ನೆಂತು ಸಾಂಗಿಲ್ವರಿ ತಾ. ೩-೯-೧೩ಕ ಶ್ರೀ ದೇವಾಕ ಕಾಣಿಕಾ, ಶ್ರೀ ಗುರುವರ್ಯಾಂಕ ಕಾಣಿಕಾ, ಪ್ರಾರ್ಥನಾ, ೫ ನಾರಲಾಚೆ ಗಣೋಮು ಚಲ್ಲೆ. ತಾ. ೬-೯-೧೩ಕ ಬಾಯ್ಲಮನ್ಶೆ ದಾಕೂನು ಶ್ರೀ ಲಕ್ಷ್ಮೀ ಶೋಭಾನೆ, ೧೦-೯-೧೩ ಕ ‘ಸಮುದ್ರ ಮಂಥನ - ಲಕ್ಷ್ಮೀ ಸ್ವಯಂವರ ತಾಳ್ಮದ್ಲೆ, ೧೨-೯-೧೩ಕ ಮಹಾ ಸುದರ್ಶನ ಹವನ ಆನಿ ೧೫-೯-೧೩ಕ ಗೀತ ನೃತ್ಯ ಏಕಾಹ ಭಜನ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.

 ಗೌಡ ಸಾರಸ್ವತ ಸಮಾಜ(ರಿ) ದಾವಣಗೆರೆ

ದಾವಣಗೆರೆ ಗೌಡ ಸಾರಸ್ವತ ಸಮಾಜ ತರಪೇನ ಚಲೇಲೆ ಶ್ರೀ ಗಣೇಶ ಉತ್ಸವು
೯-೯-೧೩ ದಾಕೂನು ೧೩-೯-೧೩ ಪರ್ಯಂತ ಚಲೇಲೆ ಸಂದರ್ಭಾರಿ ಗಣೋಮು, ರಂಗಪೂಜಾ, ಫುಲ್ಲಾ ಪೂಜಾ, ಮೂಡಗಣಪತಿ, ಭಜನ, ವಸಂತೋತ್ಸವ, ಅನ್ನ ಸಂತರ್ಪಣ ಇತ್ಯಾದಿ ಧಾರ್ಮಿಕ ಕಾರ್ಯಾವಳಿ ಚಲ್ಲೆ.  ಶ್ರೀ ಗಣೇಶೋತ್ಸವಾಚೆ ಅಂಗ ಜಾವ್ನು ಆಯೋಜನ ಕೆಲೇಲೆ ಆಟೋಟ ಸ್ಪರ್ಧಾ, ಕ್ರಿಕೆಟ್, ಅಂತ್ಯಾಕ್ಷರಿ, ಛದ್ಮವೇಷ ಸ್ಪರ್ಧಾ, ಚರ್ಡುಂವಾ ದಾಕೂನು ನಾಟ್ಕುಳಿ, ಪ್ರಹಸನ ಇತ್ಯಾದಿ ಕಾರ್ಯಕ್ರಮ ಚಲ್ಲೆ. ಸಮಾರೋಪ ಸಮಾರಂಭಾಂತು ಸಮಾಜಾಚೆ ಅಧ್ಯಕ್ಷ ಸಿ.ಪಿ. ಕಾಮತ್ ತಾನ್ನಿ ಅಧ್ಯಕ್ಷಪಣ ಘೆತ್ತಿಲೆ. ೨೦೧೨-೧೩ ಸಾಲಾಂತು ಶಿಕ್ವಣೆಂತು ಚಾಂಗ ಸಾಧನ ಕೆಲೇಲೆ ಪ್ರತಿಭಾವಂತ ಚರ್ಡುವಾಂಕ ನಗ್ದಿ ಪುರಸ್ಕಾರ, ಶಾಲ, ಮಾಳ, ಫಲಪುಷ್ಪ ಆನಿ ಮಾತ್ತೇರಿ ಕಿರೀಟ ದವೋರ್ನು ಸನ್ಮಾನ ಕೆಲ್ಲೆ. ಆನಿ ಸ್ಪರ್ಧಾ ವಿಜೇತಾಂಕ ಬಹುಮಾನ ವಾಂಟಿಲೆ. ವೈ. ಸತೀಶ ಶೆಣೈ ತಾನ್ನಿ ಸುರವೇಕ ಯೇವ್ಕಾರ ಕೆಲ್ಲೆ. ದೇವದಾಸ ಪ್ರಭು ತಾನ್ನಿ ಸೊಯ್ರೆ ಜಾವ್ನು ಆಯ್ಯಿಲೆ. ಹೇ ಸಂದರ್ಭಾರಿ ಖಜಾಂಚಿ ಆರ್.ವಿ.ಶೆಣೈ, ಕೆ. ವೆಂಕಟರಮಣ ಭಟ್, ಕಿರಣ್‌ಕುಮಾರ ಶೆಣೈ, ಸುಜಯಾ ರವೀಂದ್ರ ನಾಯಕ್, ರೇಖಾ ಪ್ರಭು, ನಂದಾ ಕಾಮತ್, ಎ.ಜೆ. ರಘುಪತಿ ಕಿಣಿ, ಮಹಿಳಾ ವಿಭಾಗಾಚೆ ಅಧ್ಯಕ್ಷಿಣಿ ಸಾವಿತ್ರಿ ಮಲ್ಯ ಆದಿ ಲೋಕ ಉಪಸ್ಥಿತ ವ್ಹರಲೀಲೆ. ಕಾರ್ಯದರ್ಶಿ ಸಾಲಿಗ್ರಾಮ ಗಣೇಶ ಶೆಣೈ ತಾನ್ನಿ ಕಾರ್ಯಕ್ರಮ ನಿರೂಪಣ ಕೆಲ್ಲಿ. ಅಖೈರಿಕ ರಾಘವೇಂದ್ರ ಕಾಮತ್ ಆನ್ನಿ ಆಬಾರ ಮಾನಲೆ. ತಾಜ್ಜ ಪಯಲೆ ಶ್ರೀ ದುರ್ಗಾ ನಮಸ್ಕಾರ (೧೩-೮-೧೩), ಸುತ್ತಾಪುನ್ನವ (೨೦-೮-೧೩), ಲಲಿತ ಸಹಸ್ರ ನಾಮ, ಸಾಮೂಹಿಕ ಚೂಡಿ ವಿತರಣ(೩೦-೮-೧೩), ಕ್ರಿಕೆಟ್ ಪಂದ್ಯಾವಳಿ (೭-೯-೧೩) ಇತ್ಯಾದಿ ಕಾರ್ಯಕ್ರಮ ಆಯೋಜನ ಕೆಲೀಲೆ.
-ಚಿತ್ರ, ವರದಿ : ಸಾಲಿಗ್ರಾಮ ಸಂದೀಪ್ ಶೆಣೈ

Saraswati Prabha

ಗೌಡ ಸಾರಸ್ವತ ಬ್ರಾಹ್ಮಣ ಸಭಾ(ರಿ) ಮೈಸೂರು

ಮೈಸೂರು ಸಮಾಜಾಚೆ ಎಸ್.ಎಸ್.ಎಲ್.ಸಿ. , ಪಿ.ಯು.ಸಿ. ಆನಿ ಡಿಗ್ರಿ ಪರೀಕ್ಷೆಂತು ಅತ್ಯಧಿಕ ಮಾರ್ಕ್ಸ್ ಘೆತ್ತಿಲೆ ೨೭ ವಿದ್ಯಾರ್ಥ್ಯಾಂಕ ತಾ. ೨೫-೮-೨೦೧೩ ದಿವಸು ಮೈಸೂರಾಂತು ಜಿ.ಎಸ್.ಬಿ. ಛಾರಿಟೇಬಲ್ ಟ್ರಸ್ಟಾಚೆ ತರಪೇನ ಸನ್ಮಾನ ಚಲ್ಲೆ. ಸಮಾರಂಭಾಚೆ ಅಧ್ಯಕ್ಷತಾ ಶ್ರೀ ಎಂ. ಜಗನ್ನಾಥ ಶೆಣೈ ತಾನ್ನಿ ಘೆತ್ತಿಲೆ. ವೇದಿಕೇರಿ ಟ್ರಸ್ಟಿ ಜಾಲೀಲೆ ಡಾ|| ಕೆ.ಆರ್. ಕಾಮತ್, ಡಾ|| ಉಮೇಶ್ ಕಾಮತ್ ತಶ್ಶಿಚಿ ಸಮಾಜಾಚೆ ಕಾರ್ಯದರ್ಶಿ ಮಹೇಶ್ ಕಾಮತ್ ಉಪಸ್ಥಿತ ಉರಲೀಲೆ. ಅಧ್ಯಕ್ಷ ಶ್ರೀ ಎಂ. ಜಗನ್ನಾಥ ಶೆಣೈ ತಾನ್ನಿ ಉಲೋವ್ನು‘ಚ್ಹಡ ಅಂಕಡೆ ಘೇವ್ನು ಚ್ಹಡ ಚ್ಹಡ ವಿದ್ಯಾರ್ಥಿ ಲೋಕಾನಿ ಸನ್ಮಾನಿತ ಜಾವ್ಕಾ, ತಶ್ಶೀಚಿ ತಾನ್ನಿ ಶಿಕ್ಕಿಲೆ ವಿದ್ಯಾ ದುಸರ್‍ಯಾಂಕ ದಾನ ಕೊರಕಾ, ದುಸರ್‍ಯಾನ ಸೈತ ಮುಖಾರಿ ಯವ್ಚ ತಶ್ಶಿ ಕೊರಕಾ ಆನಿ ಕೆದನಾಂಯಿ ಸಮಾಜಾಕ ವಿಸರಚಾಕ ನಜ್ಜ ಮ್ಹಣಚೆ ಆಪೋವ್ಣಿ ದಿಲ್ಲಿಂತಿ. ಕಾರ್ಯಕ್ರಮ ಶ್ರೀಮತಿ ರಕ್ಷಾ ಪ್ರಭುಲೆ ಪ್ರಾರ್ಥನೆ ಬರಶಿ ಸುರುವಾತ ಜಾಲ್ಲೆ. ಮಮತಾ ಕಿಣಿ ತಾನ್ನಿ ಸರ್ವಾಂಕ ಯೇವ್ಕಾರ ಕೆಲ್ಲಿ.
ಮೈಸೂರು ಜಿ.ಎಸ್.ಬಿ. ಸಮಾಜಾಚೆ ಅಗಸ್ಟ ಮಹಿನ್ಯಾಚೆ  ಶ್ರೀ ಸತ್ಯನಾರಾಯಣ ಪೂಜಾ ತಾ. ೨೫-೮-೨೦೧೩ ದಿವಸು ಚಲ್ಲೆ. ಹೇ ಪಂತಾ ಮೈಸೂರಾಚೆ ಖ್ಯಾತ ಯೂರೋಲಜಿಸ್ಟ ಡಾ|| ಪ್ರಕಾಶ ಪ್ರಭು ಆನಿ ಖ್ಯಾತ ಗೈನೋಕಲಿಜಿಸ್ಟ್  ರೂಪಾ ಪ್ರಕಾಶ ಪ್ರಭು ಕುಟುಂಬಾ ತರಪೇನ ಹೇ ಸೇವಾ ರೂಪಾನಿ ಚಲ್ಲೆ.

ನವೆಂಬರ್ ಮೈನ್ಯಾ ಡೈರಿ

ಶ್ರೀ ಮಹಾಗಣಪತಿ ದೇವಳ, ಶಿರಾಲಿ : ನ.೧೪- ಉತ್ಥಾನ ದ್ವಾದಶಿ, ತುಳಸಿ ಪೂಜಾ.
ಗೌಡ ಸಾರಸ್ವತ ಸಮಾಜ, ದ್ವಾರಕಾನಾಥ ಭವನ ಬೆಂಗಳೂರು: ನ. ೧೪ - ತುಳಸಿ ಪೂಜಾ, ೧೭  ಸಾಂಜೆ - ಶ್ರೀ ಸತ್ಯನಾರಾಯಣ ಪೂಜಾ ಆನಿ ಸತ್ಸಂಗ.
ಶ್ರೀ ದುರ್ಗಾ ಹೊನ್ನಮ್ಮ ದೇವಳ, ಸಿದ್ದಾಪೂರ : ನ.೧೭ : ದೀಪೋತ್ಸವ.
ಶ್ರೀ ವೆಂಕಟರಮಣ ದೇವಳ, ಬೆಂಗಳೂರು : ನ. ೧೭ : ೮ ವರ್ಷಾಚೆ ಕಾರ್ತಿಕ ಫುನ್ನವ, ಸಾಂಜ್ವಳಾ ಪಾಲಂಖೀ ಉತ್ಸವು, ಸಾಮೂಹಿಕ ಸತ್ಯನಾರಾಯಣ ಪೂಜಾ.
ಶ್ರೀ ವೆಂಕಟರಮಣ ದೇವಳ, ಕಾರ್ಕ : ನ. ೧೩ - ಕಾರ್ತಿಕ ಏಕಾದಶಿ, ಏಕಾಹ ಭಜನ, ೧೫- ಚಕ್ರೋತ್ಸವ, ರುಪ್ಪೆ ಮಂಟಪಾ ಉತ್ಸವು. ೨೦ - ಸ್ವರ್ಣ ಪಾಲಂಖೀ ಉತ್ಸವು, ೨೩ - ಲಕ್ಷ ದೀಪೋತ್ಸವು. ೨೪- ಅವಭೃತ.
ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳ, ಉಡ್ಪಿ : ನ. ೧೦- ಸಕ್ಕಾಣಿ ೫-೦೦ ಗಂಟ್ಯಾಕ ವಿಶ್ವ ರೂಪ ದರ್ಶನ, ೧೩ - ಕಾರ್ತಿಕ ಏಕಾದಶಿ, ಭಜನ, ಜಾಗರಣ. ೧೯ : ಕಾರ್ತಿಕ ದೀಪೋತ್ಸವ, ವನಭೋಜನ, ೨೦ - ಓಕುಳಿ, ಮಹಾ ಸಮಾರಾಧನ.

ಶ್ರೀ ಮಹಾವಿಷ್ಣು ದೇವಳ, ಶಿರಸಿ

ಶಿರ್ಶಿಚೆ ಶ್ರೀ ಮಹಾವಿಷ್ಣು- ಶ್ರೀ ವೆಂಕಟರಮಣ ದೇವಳ ಆನಿ ಶ್ರೀ ಗಣೇಶೋತ್ಸವ ಮಂಡಳಿ ತರಪೇನ ಶ್ರೀ ಗಣೇಶೋತ್ಸವು  ೯-೯-೧೩ ದಾಕೂನು ೧೭-೯-೧೩ ಪರ್ಯಂತ ಶ್ರೀ ಗಣೇಶ ವಿಗ್ರಹ ಆವಾಹನೆ, ಗಣೋಮು, ಅನ್ನ ಸಂತರ್ಪಣ ಇತ್ಯಾದಿ ಕಾರ್ಯಕ್ರಮ ಬರಶಿ ಚಲೇಲೆ ಖಬ್ಬರ ಮೆಳ್ಳಾ. ಶ್ರೀ ಅನಂತ ನೋಂಪಿ ವೃ ತಾ. ೧೮-೯-೧೩ ದಿವಸು ಫಲಾವಳಿ ಲಿಲಾವ, ಮಹಾ ಪೂಜಾ ಆನಿ ಅನ್ನ ಸಂತರ್ಪಣೆ ಬರಶಿ ಚಲ್ಲೆ. ೧೯-೯-೧೩ ಕ ಶ್ರೀ ಗಣೇಶ ವಿಗ್ರಹಾಚೆ ಮೆರವಣಿಗಾ ಆನಿ ವಿಸರ್ಜನ ಚಲ್ಲೆ. ಋಗುಪಾಕರ್ಮ ತಾ. ೨೦-೮-೧೩ ಶ್ರೀ ವೆಂಕಟರಮಣ ದೇವಳಾಂತು ಚಲ್ಲೆ. ಶ್ರೀ ಕೃಷ್ಣಾಷ್ಟಮಿ ೨೮-೮-೧೩ಕ ಸಾಂಜ್ವಾಳಾ ಶ್ರೀ ಮಹಾವಿಷ್ಣು ದೇವಳಾಂತು ಸಾಮೂಹಿಕ ತುಳಸಿ ಅರ್ಚನ, ಅರ್ಘ್ಯ ಇತ್ಯಾದಿ ಕಾರ್ಯಕ್ರಮ ಬರಶಿ ಚಲೇಲೆ ಖಬ್ಬರ ಮೆಳ್ಳಾ.

ಶ್ರಾವಣ ಮ್ಹಹಿನ್ಯಾಚೆ ತಾಳಮದ್ಲೆ

ಶ್ರೀ ತಿರುಮಲ ವೆಂಕಟರಮಣ ಸ್ವಾಮಿ ದೇವಳಾಂತು ಅನಾದಿ ಕಾಲಾ ದಾಕೂನು ಚೋಲ್ನು ಆಯ್ಯಿಲೆ ಶ್ರಾವಣ ಮ್ಹಹಿನ್ಯಾಚೆ ಯಕ್ಷಗಾನ ತಾಳ್ಮದ್ದಲೆ ಸೇವಾ ಅವುಂದು ಸೈತ ಏಕ ಮೈನೋ ಪರ್ಯಂತ ಚಲೇಲೆ ಆಸ್ಸುನು ತಾಜ್ಜ ವಾರ್ಷಿಕೋತ್ಸವಾಚೆ ಅಂಗಜಾವ್ನು ೧-೯-೧೩ಕ ಅಂಗದ ಸಂಧಾನ ಆನಿ ಬಲರಾಮ ತೀರ್ಥ ಯಾತ್ರಾ ಮ್ಹಣಚೆ ಪ್ರಸಂಗಾಚೆ ಯಕ್ಷಗಾನ ತಾಳ್ಮದ್ದಲೆ ಚಲ್ಲೆ. ಆನಿ ಹೇ ಸಂದರ್ಭಾರಿ ಶ್ರೀ ಎನ್. ಕೃಷ್ಣರಾಜ ಶೆಟ್ಟಿ ಆನಿ ಬಿ. ರಾಮಣ್ಣ ಶೆಟ್ಟಿ ಹಾಂಕಾ ಆತ್ಮೀಯ ಜಾವ್ನು ಸನ್ಮಾನ ಕೆಲ್ಲಿ.

ಶ್ರೀ ಲಕ್ಷ್ಮೀವೆಂಕಟೇಶ ದೇವಳ, ಸಿದ್ಧಾಪೂರ

ಸಿದ್ದಾಪೂರ್‍ಚೆ ಶ್ರೀ ಲಕ್ಷ್ಮೀವೆಂಕಟೇಶ ದೇವಳಾಂತು ಶ್ರೀ ವರಮಹಾ ಲಕ್ಷ್ಮೀ ವೃತ ತಾ. ೧೬-೦೮-೧೩ ದಿವಸು ಕುಂಕುಮಾರ್ಚನ, ಪೂಜನ, ಭಜನ, ಶ್ರೀ ರಾಮ ಜಯರಾಮ ವ ರಾಮರಕ್ಷ ಸಾಮೂಹಿಕ ಪಠಣ, ಕಥಾ ನಿರೂಪಣ, ಮಹಾಮಂಗಳಾರತಿ, ವೆಂಕಟೇಶ ಸ್ತ್ರೋತ್ರ, ಲಕ್ಷ್ಮೀ ಸ್ತೋತ್ರ ಪಠಣ, ಪ್ರಸಾದ ವಿತರಣ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಸಂಪನ್ನ ಜಾಲೇಲೆ ಖಬ್ಬರ ಮೆಳ್ಳಾ.

ಮುಂಬೈಚೆ ಜಿ.ಎಸ್.ಬಿ. ಸೇವಾ ಮಂಡಲಾಚೆ ಸಾಧನ ರಾಷ್ಟ್ರಾಂತೂ ಶ್ರೀಮಂತ ಗಣೇಶ ಸ್ಥಾಪನ

ಪ್ರಥಮ ವಂದಿಪ, ವಿಘ್ನ ವಿನಾಶಕು ಗಣಪತಿ ಹಿಂದೂಸ್ಥಾನಾಚೆ ಬಾಯ್ರಿ ಸೈತ ಮಸ್ತ ಪ್ರಸಿದ್ಧ ಜಾಲ್ಲಾ. ಆಮಗೇಲೆ ಹಿಂದೂಸ್ಥಾನಾಚೆ ಮಟ್ಟಾಕ ಸಾಂಕಾ ಜಾಲಯಾರಿ ಶ್ರೀ ಗಣೇಶೋತ್ಸವ ಸರ್ವ ಲೋಕ ಶ್ರದ್ಧಾ ಭಕ್ತಿನ ಆಚರಣ ಕರತಾತಿ.  ಘರ ಘರಾಂತು ಮಾತ್ತಿಯಾಚೆ ಗಣೇಶ ಮೂರ್ತಿ ದವರೂನು ಪೂಜ್ಜಿತಾತಿ. ನಾತಲೇರಿ ಕುಟುಂಬಾಂತು ಏಕ ತರಿ ಗಣೇಶ ಮೂರ್ತಿ ಹಾಡ್ನು ಪೂಜ್ಜಿನಾಶಿ ಉರ್ನಾಶಿ. ತಾಜ್ಜ ಬಾಯ್ರಿ ಸಮಾಜ ಮಂದಿರಾಂತು, ಓಣಿ, ಓಣಿಂತು ಗಣೇಶ ಮೂರ್ತಿ ದವರೂನು ತೀನಿ, ಪಾಂಚ, ಸಾತ, ಇಕ್ರಾ ದಿವಸು ದವರೂನು ಧಾರ್ಮಿಕ ಆನಿ ಸಾಂಸ್ಕೃತಿಕ ಕಾರ್ಯಕ್ರಮ ಆಯೋಜನ ಕೋರ್ನು ವೈಭವಾರಿ ಆಚರಣ ಕೊರಚೆ ಸೈತ ಆಸ್ಸ.
ಸಾರ್ವಜನಿಕ ಗಣೇಶೋತ್ಸವಾಚೆ ಇತಿಹಾಸ ತರುಚಾಕ (ಸೊಚ್ಚಾಕ) ಘೆಲಯಾರಿ ೧೯ ಶತಮಾನಾಂತು ಲೋಕಾಂಕ ಸಂಘಟನ ಕೊರಚೆ ಉದ್ದೇಶಾನಿ ಬಾಲಗಂಗಾಧರ ತಿಲಕಾನಿ ಶ್ರೀ ಗಣೇಶೋತ್ಸವಾಕ ಸಾರ್ವಜನಿಕ ಆಚರಣೆಚೆ ಸ್ವರೂಪ ದಿಲ್ಲಿ. ತಿಲಕಾಲಿ ಪ್ರೇರಣೆನ ವಿಜಾಪುರಾಂತು ೧೮೯೫-೯೫ ಸುಮಾರಾಕ ಸಾರ್ವಜನಿಕ ಗಣೇಶೋತ್ಸವ ಆರಂಭ ಜಾಲಯಾರಿ  ೧೯೦೫ ಇಸ್ವೆಂತು ಬಾಲಗಂಗಾಧರ ತಿಲಕಾನಿ ಬೆಳಗಾಂವಿಚೆ ಝೆಂಡಾ ಚೌಕಾಂತು ಸುರುವಾತ ಕೆಲೀಲೆ ಸಾರ್ವಜನಿಕ ಗಣೇಶ ಉತ್ಸವಾಕ ೧೦೯ ವರ್ಷ ಭೋರ್ನು, ಮುಖಾರಿ ವರ್ಷ ೧೧೦ ವರ್ಷಾಚೆ ಸಂಭ್ರಮು. ಹೇ ವೇಳ್ಯಾರಿ ಬೆಳಗಾಂವಿ, ಹುಬ್ಬಳ್ಳಿ ಇತ್ಯಾದಿ ಕಡೇನ ಪ್ರತಿ ವರ್ಷ ೩೦೦, ೪೦೦ ಕಡೇನ ಸಾರ್ವಜನಿಕ ಗಣೇಶ ದವರತಾತಿ.
ಆಮಗೇಲೆ ಗೌಡ ಸಾರಸ್ವತ ಲೋಕ ಖಂಚೆ ಕ್ಷೇತ್ರಾಂತು ಉರೊಂತಿ, ಥಂಯಿ ಥಂಯಿ ತಾಂಗೆಲೆ ಪ್ರತಿಷ್ಠಾ ಉರಚೆ ತಶ್ಶಿ ಕರತಾತಿ. ತಾಕ್ಕಾ ಏಕ ಉದಾಹರಣ ಮುಂಬೈಚೆ ಕಿಂಗ್ಸ್ ಸರ್ಕಲಾಂತು ಮುಂಬೈಚೆ ಗೌಡ ಸಾರಸ್ವತ ಬ್ರಾಹ್ಮಣ ಸೇವಾ ಮಂಡಲಾಚಾನ ಆಚರಣ ಕೊರಚೆ ಗಣೇಶೋತ್ಸವು. ಹೇ ಗಣಪತಿ ಖಾಲಿ ಮುಂಬೈ, ಇಂಡಿಯಾ ತಿತ್ಲೆ ನ್ಹಂಹಿ ಸಗಳೆ ಜಗಾಂತು ಜನಪ್ರಿಯು. ತಾಕ್ಕ ಕಾರಣ ತೋ ಗಣೇಶು ವಿಶ್ವಾಂತು ಶ್ರೀಮಂತು ಜಾವ್ಚೆ ವೊಚ್ಚುನು ತಾಕ್ಕಾ ಇತ್ಲೆ ಪ್ರಸಿದ್ಧಿ!
ಏಕ ಗಣೇಶ ಮೂರ್ತಿ ತಯಾರ ಕೊರಚಾಕ ಕಿತ್ತುಲೆ ದುಡ್ಡು ಲಾಗ್ತಲೆ ಮ್ಹೊಣು ನಿಮ್ಗಿಲ್ಯಾರಿ ವ್ಹಡ ಗಣೇಶ ಮೂರ್ತಿ ಜಾಲಯಾರಿ ಪಂಚ್ವೀಸ್ ಹಜಾರ, ಪನ್ನಾಸ ಹಜಾರ, ನಾಕ್ಕಾ ಏಕ ಲಾಕ್, ಪಾಂಚ ಲಾಕ್ ಮ್ಹೊಣು ಸಾಂಗೇತ ಜಾಯ್ಲಾರಿ ಹೇ ಗಣೇಶಾಕ ತಯಾರ ಕೊರಚಾಕ ಲಾಗ್ಗಿಲೆ ಖರ್ಚು ಬರೋಬ್ಬರಿ ೨೧.೫ ಕೋಟಿ ರೂಪಾಯಿ ಖಂಯಿ. ೭೦ ಕೆ.ಜಿ. ಬಾಂಗಾರ ಆನಿ ೪೭೦ ಕೆ.ಜಿ. ರುಪ್ಪೆ ವಾಪೋರ್ನು ಹೇ ಗಣೇಶ ಮೂರ್ತಿ ನಿರ್ಮಾಣ ಜಾಲ್ಲಯಾ ಖಂಯಿ. ಅವುಂದು ಹಾಂಗಾ ೫೯ ವರ್ಷಾಚೆ ಗಣೇಶೋತ್ಸವು ಆಚರಣ ಕರ್ತಾ ಆಸ್ಸತಿ.
ಸುಮಾರ ೧೪.೫ ಫೂಟ್ ಲಾಂಬಾಸ್ಸುಚೆ ಹೇ ಗಣೇಶ ವಿಗ್ರಹಾಚೆ ಸ್ವರ್ಣ ಕಿರೀಟಾಚೆ ವಜನ ೨೨ ಕೆ.ಜಿ., ಲಾಂಬಾಯಿ ೩೩ ಇಂಚ ಖಂಯಿ.  ಹೇ ಗಣೇಶ ಮೂರ್ತಿ ದೊನ್ನೀ ಹಾತ ದೋನ ಕೆ.ಜಿ. ಬಾಂಗ್ರಾನಿ ನಿರ್ಮಾಣ ಕೆಲ್ಲಾ ಖಂಯಿ. ಹೇ ಹಾತು ಸ್ವರ್ಣೋದ್ಯಮಾಂತು ವಿಶೇಷ ನಾಂವ ಪಾವ್ವಿಲೆ ಉಡ್ಪಾಚೆ “ಸ್ವರ್ಣ ಜುವೆಲರ್ಸ್ ಹಾನ್ನಿ ತಯಾರ ಕೋರ್ನು ದಿಲ್ಲಾ ಮ್ಹಣಚೆ ಆಮ್ಕ ಪೂರಾ ಅಭಿಮಾನಾಚೆ ಖಬ್ಬರ. ಅವುಂದು ಸಪ್ಟಂಬರ್ ೯ ದಾಕೂನು ೧೩ ಪರ್ಯಂತ ಪಾಂಚ ದಿವಸಾಂತು ಹೇ ಗಣೇಶಾನಿ ಪಾಂಚ ಲಾಕಾ ಪಶಿ ಚ್ಹಡ ಲೋಕಾಂಕ ದರ್ಶನ ದಿಲ್ಲಯಾ ಮ್ಹಣಚೆ ಆನ್ನೇಕ ವಿಕ್ರಮು ಆಸ್ಸ. ಹೇ ಗಣೇಶೋತ್ಸವ ಮಂಡಳಿಚಾನ ಕೆಲೀಲೆ ಇನ್ಸೂರ್ ೨೨೩ ಕೋಟಿ ರೂಪಯ ಖಂಯಿ.  ಆಜಿ ಸಾರ್ವಜನಿಕ ಗಣೇಶೋತ್ಸವಾಂತು ವ್ಹಡ ಗಾತ್ರಾಚೆ ಮೂರ್ತಿ ನಿರ್ಮಾಣ ಕೊರಚಾ ವೊಚ್ಚುನು ಮಾತ್ತಿಯಾನ ಮ್ಹಳಯಾರಿ ಪ್ರಕೃತಿ  ಸ್ನೇಹಿ ಗಣೇಶ ಮೂರ್ತಿ ಕೊರಚಾಕ ಜಾಯ್ನಾ. ಗಣಪತಿ ಮೂರ್ತಿಕ ವಾಪರ್‍ಲಿಲೆ ಪಾಸ್ಟರ್ ಆಫ್ ಪ್ಯಾರಿಸ್, ರಾಸಾಯನಿಕ ಬಣ್ಣಾನ ಜಲಚರಾಂಕ ಗಂಡಾಂತರ ಯತ್ತಾ ಮ್ಹಣ್ಚೆ ಬೊಬ್ಬೆ ಮಧ್ಯೆ ಹಾನ್ನಿ ‘ಪರಿಸರ ಸ್ನೇಹಿ ಗಣೇಶ ಮೂರ್ತಿ ಪ್ರತಿಷ್ಠಾಪನ ಕೋರ್ನು ತಾಂತು ವಿಕ್ರಮ ಕೆಲ್ಲಯಾ. ತ್ಯಾ ಪೂರಾ ಸಾಧನೆಕ ಸಗಳೆ ಸಮಾಜ ಬಾಂಧವಾನಿ ಖರೇಚಿ ಅಭಿನಂದನ ಪಾವೈಕಾ.

Saraswati Prabha News

ವಿಶ್ವ ಕೋಂಕಣೀ ಕೇಂದ್ರ, ಮಂಗಳೂರು

ಕೋಂಕಣೀ ಭಾಸ ಆನಿ ಸಂಸ್ಕೃತಿ ಪ್ರತಿ ಷ್ಠಾನ ವಿಶ್ವ ಕೊಂಕಣೀ ಕೇಂದ್ರ ಶಕ್ತಿನಗರ, ಆನಿ ಕೆ.ಎಂ.ಸಿ.
 ಹಾಸ್ಪಿಟಲ
ಅತ್ತಾವರ, ಹಾಂಚ್ಯಾ ಜೋಡ ಆಶ್ರಯಾರಿ ಮುಫತ್ತ (ಧರ್ಮಾರ್ಥ) ವೈದ್ಯಕೀಯ ಶಿಬಿರ ೧೫-೯-೨೦೧೩ ತಾರ್ಕೇರ ಸಕಾಳೀ ಮಂಗ್ಳೂರ ಶಕ್ತಿನಗರಾಚೆ, ಕುವೆಂಪು ಮಾದರಿ ಸರಕಾರಿ ಶಾಳಾಂತು, ಮಂಗ್ಳೂರ ಮಹಾನಗರ ಪಾಲಿಕೇಚೆ ಕಾರ್ಪೂರೇಟರ ಮಾನೆಸ್ತಿಣಿ ಅಖಿಲಾ ಆಳ್ವ ಹಾನ್ನಿ ಉಗ್ತಾವಣ ಕೆಲ್ಲಿಂ.
ಹ್ಯಾ ಸಮಾರಂಭ ವಿಶ್ವ ಕೊಂಕಣೀ ಸರದಾರ, ವಿಶ್ವ ಕೊಂಕಣೀ ಕೇಂದ್ರಾಚೇ ಸ್ಥಾಪನಾಧ್ಯಕ್ಷ ಬಸ್ತಿ ವಾಮನ ಶೆಣೈಲೆ ಅಧ್ಯಕ್ಷತೇರಿ ಚಲ್ಲೆಂ. ಆನೀ ತಾನ್ನಿ ಆಯಿಲೆ ಸರ್ವಾಂಕ ಸ್ವಾಗತ ಕೆಲ್ಲೆಂ. ಮುಖೇಲ ಸೋಯ್ರೇ ಜಾವನು ಹೃದಯರೋಗ ತಜ್ಞ ಡಾ. ನರಸಿಂಹ ಪೈ ಹಾನ್ನಿ ಹಾಜರ ಆಸುನ ಸಭಿಕಾಂಕ ಶಿಬಿರಾಚೆ ಮಹತ್ವ ಕಳೈಲೆ. ವಿಶ್ವ ಕೊಂಕಣೀ ಕೇಂದ್ರಾಚೆ ಕಾರ್ಯದರ್ಶಿ  ವೆಂಕಟೇಶ ಬಾಳಿಗಾ ಉಪಸ್ಥಿತ ಆಶಿಲಿಂಚಿ. ಕೊಂಕಣೀ ಭಾಷಾ ಮಂಡಳಾಚೆ ಕಾರ್ಯದರ್ಶಿ ಎಂ. ಆರ್. ಕಾಮತ ಹಾನ್ನಿ ಕಾರ್ಯಕ್ರಮ ನಿರೂಪಣ ಕೆಲ್ಲೆಂ. ಶಿಬಿರಾಚೆ ಸಂಚಾಲಕ  ಗಿಲ್ಬರ್ಟ ಡಿಸೋಜಾ ಹಾನ್ನಿ ಶಿಬಿರಾ ಬದ್ದಲ ಮಾಹಿತಿ ದೀವ್ನು ಸಕಡಾಂಕಯ ಧನ್ಯವಾದ ಸಮರ್ಪಣ ಕೆಲ್ಲೆಂ. ಶಕ್ತಿನಗರ ಪರಿಸರಾಚೆ ಸುಮಾರ ೨೦೦ ಚಡತೇ ಜನಾನೀ ಹ್ಯಾ ಶಿಬಿರಾಚೆ ಮುನಾಪೋ ಘೆತ್ಲೆ.

ತೋನ್ಸೆಂತು ಧಾರ್ಮಿಕ ಚಿಂತನ

ತೋನ್ಸೆ ಪೈ ಕುಟುಂಬಸ್ಥಾನಿಂ ಪ್ರತೀ ಮ್ಹಹಿನೋ ಚಲ್ಲೋನು ಹಾಡಿಲೆ ಶ್ರೀ ಸತ್ಯನಾರಾಯಣ ವ್ರತಾಚೆ ಅಂಗ ಜಾವ್ನು ತಾ.೧೫.೯.೨೦೧೩ಕ ೧೪೮ಚೆ ವ್ರತ ಶ್ರೀಮತಿ ಶ್ರೀಮತಿ ಪೈ ಆನಿ ಬೈದೇಬೆಟ್ಟು ಶ್ರೀ ಗೋಪಾಲಕೃಷ್ಣ ಪೈ(ಪೈಮಾಮ್ಮಾಕ ೭೫ವರ್ಷ ಭರಲೀಲೆ ಉಡಗಾಸಾಕ) ಹಾನ್ನಿ ಸೇವಾದಾರ ಜಾವ್ನು ಕುಟುಂಬಾಚೆ ಪುರೇತು ಜಾಲೇಲೆ ವೇ. ಕೆ. ಶ್ರೀಕಾಂತ ಅವಧಾನಿಹಾಂಗೆಲೆ ಪುರೇತ ಪಣಾಂತು ಚಲ್ಲೆ. ಭಜನಾ ಸೇವಾ ಬಸ್ರೂರು ಶ್ರೀ ಮಹಾಲಸಾ ನಾರಾಯಣೀ ದೇವಳಾಚೆ ಆಡಳಿತ ಮೊಕ್ತೇಸರ ಡಾ| ಜಿ. ಕಾಶೀನಾಥ್ ಪೈ, ಗಂಗೊಳ್ಳಿ ಹಾಂಗೆಲೆ ನೇತೃತ್ವಾರಿ ಚಲ್ಲೆ. ಸಭೆಚೆ ಅಧ್ಯಕ್ಷಪಣ ಬಿ. ಎಮ್. ಕಾಮತ್ ಉಡುಪಿ ಹಾನ್ನಿ ಘೆತ್ತಿಲೆ, ಸೊಯ್ರೆ ಜಾವ್ನು ಟಿ. ಸದಾನಂದ ಪೈ ಆನಿ ಜಿ. ಕೃಷ್ಣ ನಾಯಕ್ ಮಣಿಪಾಲ, ಮುಕುಂದ ಕಾಮತ್ ನಗರ ಹಾನ್ನಿ ಆಯ್ಯಿಲೆ.
ಟಿ. ಗಣೇಶ್ ಪೈನಿಂ ಯೇವ್ಕಾರ ಕೆಲಯಾರಿ ಟಿ. ದೇವದಾಸ ಪೈನಿಂ ಪ್ರಾಸ್ತಾವಿಕ ಜಾವ್ನು ಉಲೈಲೆ. ಟಿ. ಕೇಶವರಾಯ ಪೈ ಮಣಿಪಾಲ ಹಾನ್ನಿ ಆಬಾರ ಮಾನಲೆ. ಕುಟುಂಬಾಚೆ ಸರ್ವ ಸದಸ್ಯ ಹೇ ವೇಳ್ಯಾರಿ ಜಮೀಲೆ.

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಚಿಕ್ಕಮಗಳೂರು

ಚಿಕ್ಕ ಮಗಳೂರಾಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಶ್ರೀ ಶಾರದಾ ಪೂಜಾ ಮಹೋತ್ಸವ ಸಮಿತಿ ತರಪೇನ ರತ್ನಗಿರಿ ರಸ್ತೇಚೆ ಶ್ರೀ ರಾಮ ದೇವಳಾಂತು ೫೪ ವಷಾಚೆ ಶ್ರೀ ಶಾರದಾ ಪೂಜಾ ಮಹೋತ್ಸವು ಆನಿ ಚಂಡಿಕಾ ಹೋಮು ತಾ. ೯-೧೦-೨೦೧೩ ದಾಕೂನು ೧೫-೧೦-೨೦೧೩ ಪರ್ಯಂತ ವಿಜೃಂಭಣೇರಿ ಸಂಪನ್ನ ಜಾಲೀಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ೯-೧೦-೧೩ಕ ಚಂಡಿಕಾ ಹವನ ಪ್ರಯುಕ್ತ ಧಾ ಸಮಸ್ತಾಲೆ ಪ್ರಾರ್ಥನಾ, ಚಂಡಿಕಾ ಹವನ, ಕುಮಾರಿ ಪೂಜನ, ಸುಹಾಸಿನಿ ಪೂಜನ, ಸಮಾಜಾಚೆ ಸುವಾಸಿನಿ ಬಾಯ್ಲಮನ್ಶೆಂಕ ‘ಹೂಂಟಿ ಭೊರಚೆ ಶ್ರೀ ರಾಮದೇವಾಕ ಮಹಾಮಂಗಳಾರತಿ, ಅನ್ನ ಸಂತರ್ಪಣ ಇತ್ಯಾದಿ ಕಾರ್ಯಕ್ರಮ ಚಲ್ಲೆ.
೧೦-೧೦-೧೩ ದಾಕೂನು ೧೫-೧೦-೧೩ ಪರ್ಯಂತ ಶ್ರೀ ಶಾರದಾ ಮಹೋತ್ಸವ ಪ್ರಯುಕ್ತ ಶ್ರೀ ಶಾರದಾ ಮೂರ್ತಿ ಪ್ರತಿಷ್ಠಾ, ಭಜನ,  ಮಹಾಮಂಗಳಾರತಿ ಚಲ್ಲೆ. ೧೧-೧೦-೧೩ಕ ಸಾಂಸ್ಕೃತಿಕ ಕಾರ್ಯಕ್ರಮ ಪ್ರಯುಕ್ತ ‘ನಾದ ತರಂಗಿಣಿ ಕೊಪ್ಪ ಶ್ರೀನಿಧಿ ಆನಿ ಸಾಂಗಾತಿ ದಾಕೂನು ಭಕ್ತ ಸಂಗೀತ ಕಾರ್ಯಕ್ರಮ ಚಲ್ಲೆ. ೧೨-೧೦-೧೩ಕ ದುರ್ಗಾಷ್ಟಮಿ, ತ್ಯಾ ದಿವಸು ಧೋಂಪಾರಾ ಪೂಜಾ, ಸಾಂಜ್ವಾಳಾ ಶ್ರೀ ದುರ್ಗಾದೀಪ ನಮಸ್ಕಾರ ಸೇವಾ, ಪ್ರಸಾದ ವಿತರಣ ಚಲ್ಲೆ.  ತಾ. ೧೩-೧೦-೧೩ಕ ಮಹಾನವಮಿ, ತ್ಯಾ ದಿವಸು ಧೋಂಪಾರಾ ಪೂಜಾ ಜಾಲ್ಲ ಉಪರಾಂತ, ಶ್ರವಣ ನಕ್ಷತ್ರಾಂತು ಶ್ರೀ ಶಾರದಾ ವಿಸರ್ಜನಾ ಪೂಜಾ ಚಲ್ಲೆ. ಸಾಂಜ್ವಾಳಾ ಶ್ರೀ ಮೂಕಾಂಬಿಕಾ ನೃತ್ಯ ಶಾಳೆಚೆ ಚರ್ಡುಂವಾ ದಾಕೂನು ನಾಟ್ಯ ಕಾರ್ಯಕ್ರಮ, ಶ್ರೀ ರಾಮದೇವಾಕ ಮಹಾಮಂಗಳಾರತಿ ಚಲ್ಲೆ.  ೧೪-೧೦-೧೩ಕ ವಿಜಯದಶಮಿ ದಿವಸು ಸಮಾರೋಪ ಸಮಾರಂಭ ಪ್ರಯುಕ್ತ ಜಿ.ಎಸ್.ಬಿ.ಸಂಘ(ರಿ) ತರಪೇನ ಸಭಾ ಕಾರ್ಯಕ್ರಮ, ಸಮಾಜಾಚೆ ಪ್ರತಿಭಾವಂತ ವಿದ್ಯಾರ್ಥ್ಯಾಂಕ ಪ್ರತಿಭಾ ಪುರಸ್ಕಾರ, ಶಾರದಾ ಬಾ ಪೈ ಪುರಸ್ಕಾರ ವಿತರಣ, ಶ್ರೀ ಬಿ.ಎ. ರಮೇಶ ರಾವ್, ಶಶಿಕಲಾ ರಮೇಶರಾವ್ ಚ್ಯಾರಿಟೆಬಲ್ ಟ್ರಸ್ಟ್ ತರಪೇನ ಸಮಾಜಾಚೆ ಗರೀಬ ವಿದ್ಯಾರ್ಥ್ಯಾಂಕ ವಿದ್ಯಾರ್ಥಿ ವೇತನ ವಾಂಟಪ, ಶ್ರೀ ಕೌಸಲ್ಯಾ ಮಹಿಳಾ ಮಂಡಳಿ ತರಪೇನ ಸಾಂಸ್ಕೃತಿಕ ಕಾರ್ಯಾವಳಿ ಸಂಪನ್ನ ಜಾಲ್ಲಿ. ಕಡೇರಚೆ ದಿವಸು ತಾ. ೧೫-೧೦-೧೩ಕ ಶ್ರೀ ದೇವಿಲೊ ಪುರ ಮೆರವಣಿಗೆ ಪ್ರಯುಕ್ತ ಶ್ರೀ ಶಾರದಾಂಬೆಕ ವಿದ್ಯುತ್ ದೀವ್ಯಾನಿ ಅಲಂಕೃತ ರಥಾರಿ ಗಾಂವಭ$ರಿ ಮೆರವಣಿಗಾ ಕೋರ್ನು ಅಖೈರಿಕ ಶ್ರೀ ರಾಮದೇವಳಾಕ ಯವ್ನು ಶ್ರೀ ದೇವಿಲೆ ಮೃತ್ತಿಕಾ ವಿಗ್ರಹ ಶ್ರೀ ರಾಮತೀರ್ಥಾಂತು ಜಲಸ್ಥಂಬನ ಕೆಲ್ಲೆ. ಉಪರಾಂತ ದೇವಿಲೆ ರೇಷ್ಮೆ ಕಾಪ್ಪಡ ಲಾಟ್ರಿ ಮುಖಾಂತರ ವಿಲೇವಾರಿ, ಭೋಜನ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.

ಶ್ರೀ ಮಹಾಲಸಾ ನಾರಾಯಣೀ ದೇವಳ, ಕುಮಟಾ

ಕುಮ್ಟಾಚೆ ಶ್ರೀ ಮಹಾಲಸಾ ನಾರಾಯಣೀ ಶಾಂತೇರಿ ದೇವಳಾಂತು ವಿಜಯ ನಾಮ ಸಂವತ್ಸರಾಚೆ ಶ್ರೀ ಶಾರದಾ ನವರಾತ್ರೋತ್ಸವು ತಾ. ೫-೧೦-೧೩ ದಾಕೂನು ೧೯-೧೦-೧೩ ಪರ್ಯಂತ ಘಟ ಸ್ಥಾಪನ, ಸಪ್ತಶತಿ ಪಾರಾಯಣ, ಷೃಷ್ಠಿ ಪೂಜಾ, ರಾತ್ತಿಕ ಗಣಾಂಕ ದರ್ಶನ ಮೂಖಾಂತರ ತೀರ್ಥ ಪ್ರಸಾದ ವಿತರಣ, ನಂವ್ಹೆ ಹಾಡಚೆ, ದಸರಾ ಉತ್ಸವು, ಶಮ್ಮೀ ಪೂಜಾ, ದರ್ಶನ ಮೂಖಾಂತರ ಗಣಾಂಕ ಬಲಿ ಪ್ರಧಾನ, ಮಹಾ ಅನ್ನ ಸಂತರ್ಪಣ, ದೇವಳಾಚೆ ಆಯವ್ಯಯ ಪರಿಶೀಲನ, ದೇವಳಾಚೆ ಯೋಜಿತ ಅಭಿವೃದ್ಧಿ ಕಾರ್ಯಾ ಖಾತ್ತಿರಿ ವಿಚಾರ ವಿನಿಮಯ, ದೇವಿಕ ಹರ್‍ಕೆಕ ಆಯ್ಯಿಲೆ ಸಾಮಾನ ಲಿಲಾವ, ಮಹಾಪೂಜಾ ಜಾಲ್ಲ ಉಪರಾಂತ ದರ್ಶನ ಮುಖೇನ ಕೌಲಪ್ರಸಾದ ವಿತರಣ, ರೌಪ್ಯ ಮಂಟಪಾಂತು ಪುಷ್ಪ ರಥಾರೂಢ ಜಾಲೇಲಿ ಶ್ರೀ ದೇವಿಲೆ ನಗರೋತ್ಸವು, ಅಷ್ಟಾವಧಾನ ಇತ್ಯಾದಿ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳಾ.

ಶ್ರೀ ವೀರವಿಠ್ಠಲ ದೇವಳ, ಪಾಣೆಮಂಗಳೂರು

ಪಾಣೆಮಂಗಳೂರು ಶ್ರೀ ವೀರವಿಠ್ಠಲ ವೆಂಕಟರಮಣ ದೇವಳಾಂತು ೧೧ ವರ್ಷಾಚೆ ಚಂಡಿಕಾ ಹವನ ತಾ. ೧೭-೧೦-೨೦೧೩ ದಿವಸು ಚೊಲಚೆ ಆಸ್ಸ ಮ್ಹೊಣು ಮಾಹಿತಿ ಮೆಳ್ಳಾ. ತ್ಯಾ ದಿವಸು ಸಕ್ಕಾಣಿ ೬ ಗಂಟ್ಯಾಕ ಗಣೋಮು, ೮ ಗಂಟ್ಯಾಕ ಪ್ರಾರ್ಥನಾ, ಹವನಾರಂಭ, ಧೋಂಪಾರಾ ೧ಗಂಟ್ಯಾಕ ಪೂರ್ಣಾಹುತಿ, ಧೋಂಪಾರಾ ೧.೩೦ ಗಂಟ್ಯಾಕ ಮಹಾ ಪೂಜಾ ಆನಿ ಮಂಗಳಾರತಿ, ಉಪರಾಂತ ಮಹಾಸಮಾರಾಧನ ಕಾರ್ಯಕ್ರಮ ಚೊಲ್ಚೆ ಆಸ್ಸುನು ಭಕ್ತ ಬಾಂಧವಾನಿ ಹೇ ಪೂರಾ ಕಾರ್ಯಕ್ರಮಾಂತು ವಾಂಟೊ ಘೇವ್ನು ಶ್ರೀ ದೇವಾಲೆ ಅನುಗ್ರಹಾಕ ಪಾತ್ರ ಜಾವ್ಕಾ ಮ್ಹೊಣು ದೇವಳಾಚೆ ಆಡಳಿತ ಕಮಿಟಿ ದಾಕೂನು ವಿನಂತಿ ಆಸ್ಸ.

ಶ್ರೀ ಶಾರದಾಂಬಾ ಯುವಕ ಮಂಡಲ(ರಿ) ಪುಂಜಾಲಕm

ಪುಂಜಾಲಕಟ್ಟೆಚೆ ಶ್ರೀ ಶಾರದಾಂಬಾ ಯುವಕ ಮಂಡಲ(ರಿ) ಹಾಂಗೆಲೆ ೩೭ ವರ್ಷಾಚೆ ಶ್ರೀ ಶಾರದಾ ಪೂಜೋತ್ಸವು ತಾ. ೧೦-೧೦-೧೩ ದಾಕೂನು ೧೫-೧೦-೨೦೧೩ ಪರ್ಯಂತ ಸಾಮೂಹಿಕ ಪ್ರಾರ್ಥನ, ಗಣಪತಿ ಹೋಮು, ಶ್ರೀ ಸತ್ಯನಾರಾಯಣ ಪೂಜಾ, ಶ್ರೀ ಶಾರದಾ ಪ್ರತಿಷ್ಠೆ, ತುಳು ನಾಟಕ ‘ಮುಂಡಾಸು ಮುಂಡಪ್ಪ, ಚಡುವಾಂಕ ಅಕ್ಷರಾಭ್ಯಾಸ, ಧಾರ್ಮಿಕ ಉಪನ್ಯಾಸ, ಗಾಂವ್ಚೆ ಸುಭಿಕ್ಷೆ ಖಾತ್ತಿರಿ ವಿಶೇ ಫುಲ್ಲಾ ಪೂಜಾ, ಸಾರ್ವಜನಿಕ ಅನ್ನಸಂತರ್ಪಣ, ಶ್ರೀ ಶನೀಶ್ವರ ಮಹಾತ್ಮೆ ಪೌರಾಣಿಕ ಯಕ್ಷಗಾನ ಖೇಳು, ಭಜನ, ಸಾಂಸ್ಕೃತಿಕ ವೈಭವ, ಯಕ್ಷಗಾನ ತಾಳ್ಮದ್ದಲ ವಾಲಿಮೋಕ್ಷ, ಆಯುಧ ಪೂಜಾ, ವಿಸರ್ಜನಾ ಆರ್ತಿ, ಸ್ಕೂಲಾಚೆ ಚರ್ಡುವಾಂಕ ವಿಂಗವಿಂಗಡ ಸ್ಪರ್ಧಾ, ಹಾಸ್ಯಮಯ ತುಳುನಾಟಕ, ವಿಸರ್ಜನಾ ಮೆರವಣಿಗಾ, ಶ್ರೀ ಗೋಪಾಲಕೃಷ್ಣ ದೇವಳಾಚೆ ಥಂಳೆಂತು ಜಲಸ್ಥಂಬನ ಇತ್ಯಾದಿ ಕಾರ್ಯಕ್ರಮ ಬರೋಬರಿ ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳಾ.

ಶ್ರೀ ದುರ್ಗಾ ಹೊನ್ನಮ್ಮ ದೇವಳ, ಸಿದ್ದಾಪೂರ

ಶ್ರೀ ದುರ್ಗಾಹೊನ್ನಮ್ಮ ದೇವಿಲೆ ಮೂಲಸ್ಥಾನಾಂತು ‘ಶರನ್ನವರಾತ್ರಿ ಮಹೋತ್ಸವು ತಾ. ೫-೧೦-೧೩ ದಾಕೂನು ೧೪-೧೦-೧೩ ಪರ್ಯಂತ ಮಹಾಗಣಪತಿ ಹೋಮು, ಶ್ರೀ ದುರ್ಗಾದೀಪ ನಮಸ್ಕಾರ, ಸುವಾಸಿನಿ ಪೂಜಾ, ವಿಜಯದಶಮಿ ಪ್ರಯುಕ್ತ ಪಾಲಂಖೀ ಸೇವಾ, ಭಜನ, ಪ್ರಸಾದ ವಿತರಣ , ಅನ್ನ ಸಂತರ್ಪಣ ಇತ್ಯಾದಿ ಕಾರ್ಯಕ್ರಮ ಬರಶಿ ಶೃದ್ಧಾ-ಭಕ್ತೀರಿ ಚಲೇಲೆ ಖಬ್ಬರ ಮೆಳ್ಳಾ. ನ್ಹಂಹಿಸಿ ತಾ. ೧೮-೧೦-೧೩ ದಿವಸು ನರಸಿಂಹ ಹವನ, ಪುಷ್ಪಾಲಂಕಾರ, ಮಹಾಸಂತರ್ಪಣ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚೊಲಚೆ ಆಸ್ಸ ಮ್ಹೊಣು ಕೋಳ್ನು ಆಯಲಾ.

25 ವರ್ಷಾಂತು ಪ್ರಕಟ ಜಾತ್ತಾ ಆಸ್ಸುಚೆ 

ಸರಸ್ವತಿ ಪ್ರಭಾ ಕೊಂಕಣಿ ಮಾಸಿಕಾಚೆ ಅಕ್ಟೋಬರ 2013 ಮೈನ್ಯಾಚೆ ವಿಶೇಷ

* ಸಮಾಜ ಸೇವೆಂತು ಮುಖಾರಿ ಆಸ್ಸುಚೆ  ``ಗೌಡಸಾರಸ್ವತ ಸೇವಕ ಸಮಾಜ, ಬೆಂಗಳೂರು' ತಾಜ್ಜೆ ಪರಿಚಯ.

* ಶ್ರೀ ಕೆ. ಜನಾರ್ಧನ ಭಟ್, ಮೈಸೂರು ಹಾನ್ನಿ ಬರೆಯಿಲೆ ವಿಶೇಷ ಲೇಖನ ``ಮಾಂಸ ಭಕ್ಷಣ - ಧರ್ಮ ಶಾಸ್ತ್ರಾಚೆ ನಿಷೇಧ''

* ಸ್ವಾಮಿ ವಿವೇಕಾನಂದಾಲೆ ಜೀವನ ಘಟನಾ -7.

* ನವರಾತ್ರಿಂತು ದೇವಿಕ ನವರೂಪಾನಿ ಪೂಜ್ಜುಕಾ ಕಶ್ಶಿ? ಮ್ಹಣ್ಚೆ ಸವಿವರ ಮಾಹಿತಿ

*ಖಂಚೆ ಕಾಯ್ಲೆಕ ಖಂಚೆ ಘರಾ ವಾಕ್ಕದ?

* ನವರಾತ್ರಿ ಸಂದಭಾ್ರಿ ವಿಂಗವಿಂಗಡ ದೇವಳ, ಸಮಾಜ ಮಂದಿರಾಂತು ಚಲೇಲೆ ಉತ್ಸವ, ಕಾರ್ಯಕ್ರಮಾಚೆ ಮಾಹಿತಿ.

* ಉಪನಿಷದಾಚೆ ಕಾಣಿ -11

*ಪ್ರಾಪ್ತಿ ಧಾರವಾಹಿಚೆ 34 ಭಾಗ

* ಆದ್ಗತೀಕ ಏಕ ಕಾಣಿಂತು ``ಗಾಂಯಿ ಕಾಳಿಂ ಜಾಲ್ಯಾರಿ ದೂದ ಕಾಳೆಂವೇ"

*  ಮ್ಹಹಿನ್ಯಾ ಕಾಣಿಂತು `ಏಕ ಸಾಪ್ಟವೇರ್ ಕಾಣಿ'

.* ನವೆಂಬರ್ ಮ್ಹಹಿನ್ಯಾಂತು ವಿಂಗವಿಂಗಡ ದೇವಳ ಆನಿ ಸಮಾಜ ಮಂದಿರಾಂತು ಚೊಲ್ಚೆ ಕಾರ್ಯ ಕಾರ್ಯಮಾಂಚೆ ವಿವರ ``ನವೆಂಬರ್ ಮೈನ್ಯಾ ಡೈರಿ''ಂತು

*ಶ್ರೀ ವಿಷ್ಣು ಕಾಮತ್ ಕಟಪಾಡಿ ಹಾನ್ನಿ ಬರೆಯಿಲೆ ಲೇಖು ``ಅಭಿಲಾಶಾ ಮ್ಹಳೇರಿ ಅನಂತ'

* ಪ.ಪೂ. ಸ್ವಾಮ್ಯಾಂಗೆಲೆ ಚಾತುರ್ಮಾಸು ಸಮಾಪ್ತ

* ಸರಸ್ವತಿ ಪ್ರಭಾ 25 ವರ್ಷಾಕ ಯವ್ನು ಪಾವ್ವಿಲೆ ಕಾಣಿ -5

ಹೇ ಪೂರಾ ಏಕ್ಕಾ ಅಂಕಾಂತು

ವಾಜ್ಜಿಯಾ... ಅಭಿಪ್ರಾಯ ಕಳೇಯಾ..