ಆಮಗೇಲೆ ಘರ್ಕಡೆ ಚಲ್ಲೆ ಶ್ರೀ ಕೃಷ್ಣಾಷ್ಟಮಿ

ಪೆಂಟಾಂತು ತುಳಸಿ ದಳ ಮೇಳ್ನಾ, ಪೂಜಾ ಕೊರಚಾಕ ವೇಳ ಮೇಳ್ನಾ ಮ್ಹೊಣು ವಿಂಗವಿಂಗಡ ನೆವನ ಸಾಂಗೂನು ಆಮ್ಮಿ ಶ್ರೀ ಅಷ್ಟಮಿ ಪೂಜಾ ಕೊರ್ಚೆ ದಾಕೂನು ವಿಮುಖ ಜಾತ್ತಾತಿ. ಬಹುಶಃ ಶ್ರೀ ಕೃಷ್ಣಾಕ ತುಳಸಿ ದಳ ದಾಕೂನು 1108 ಪಂತಾ ಅರ್ಚನ ಕೊರಚೆ ಹೇ ಅಷ್ಟಮಿ ಪೂಜಾ ಕೊರಚೆ ಖರೇಚಿ ಭಾಗ್ಯ ಮ್ಹಣಚೆ ಮೆಗೇಲೆ ನಂಬಿಗಾ. ತೀನ್ಚಾ ನಮೂನ್ಯಾ ಉಂಡೊ, ಪೋವಾ ಪಂಚ್ಕಾದಾಯಿ, ಖೀರಿ, ರಾಂದಯಿ ಇತ್ಯಾದಿ ಕೋರ್ನು ಅಷ್ಟಮಿ ಪೂಜಾ ಕೊರಚೆ ನಿಮಿತ್ತಾನ ಆಮಗೇಲೆ ಆರೋಗ್ಯ ದೈಹಿಕ ಆನಿ ಮಾನಸಿಕ ಜಾವ್ನು ಸುಧಾರ್ತಾ.

ಆಮಗೇಲೆ ಘರ್ಕಡೆ ತುಳಸಿದಳ ಅಪಱಣ ಸಮೇತ  ಕೆಲೇಲೆ ಶ್ರೀ ಕೃಷ್ಣ ಜನ್ಮಾಷ್ಟಮಿಚೆ ಏಕ ದೃಶ್ಯ ಆಮಗೇಲೆ ವಾಚಕಾ ಖಾತ್ತಿರಿ ದಿತ್ತಾ ಆಸ್ಸ.

Kavale matt

ಹುಬ್ಳಿಂತು ಪ|ಪೂ| ಕವಳೇ ಮಠಾಧೀಶಾಂಗೆಲೆ ಚಾತುರ್ಮಾಸು ಆರಂಭ

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಪುರಾತನ ಗುರುಪೀಠಾಂತು ಏಕ ಜಾಲೇಲೆ ಶ್ರೀ ಸಂಸ್ಥಾನ ಗೌಡ ಪಾದಾಚಾರ್‍ಯ ಕವಳೇ ಮಠಾಚೆ ೭೭ಚೆ ಪೀಠಾಧಿಪತಿ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ ವಿಜಯ ನಾಮ ಸಂವತ್ಸರಾಚೆ ಚಾತುಮಾಸು ಹುಬ್ಬಳ್ಳಿಚೆ ಸರಸ್ವತಿ ಸದನಾಂತು ‘ಗುರುಪೌರ್ಣಿಮೆಚೆ ಪುಣ್ಯದಿವಸು ತಾ. ೨೨-೭-೧೩ಕ ಸುರುವಾತ ಜಾಲ್ಲೆ. ಧೋಂಪಾರಾ ಮೃತ್ತಿಕಾ ಪೂಜನ, ವ್ಯಾಸ ಪೂಜನಾ ಬರಶಿ ಪ|ಪೂ|ಸ್ವಾಮೆಂ  ಚಾತುರ್ಮಾಸ ವೃತ ದೀಕ್ಷಾ ಘೆತಲಿಂತಿ. ಹೇ ಸಮಾರಂಭಾಕ ದೇಶಾದ್ಯಂತ ದಾಕೂನು ಆಯ್ಯಿಲೆ ಶ್ರೀ ಮಠಾಚೆ ಅನುಯಾಯಿ ಆನಿ ಹುಬ್ಬಳ್ಳಿ ಧಾರವಾಡಾಚೆ ಅಪಾರ ಭಕ್ತ ಸಾಕ್ಷಿ ಜಾಲ್ಲಿಂತಿ.
ಸಾಂಜ್ವಾಳಾ ಚಾತುರ್ಮಾಸ ವೃತ ಸ್ವೀಕಾರಾಚೆ ಸಭಾ ಕಾರ್ಯಕ್ರಮ ಶ್ರೀ ರಂಗಪ್ಪ ಪಾಂಡುರಂಗ ಕಾಮತ್ ಸಭಾಗೃಹಾಂತು ಪ|ಪೂ| ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತೀರಿ ಚಲ್ಲೆ. ಸಭಾ ಕಾರ್ಯಕ್ರಮಾಕ ಮುಖೇಲ ಸೊಯರೆ ಜಾವ್ನು ಎನ್.ಕೆ.ಜಿ.ಎಸ್.ಬಿ. ಬ್ಯಾಂಕಾಚೆ ಎಂ.ಡಿ. ಶ್ರೀ ಚಿಂತಾಮಣಿ ನಾಡಕರ್ಣಿ ಹಾನ್ನಿ ಆಯ್ಯಿಲೆ. ತಾನ್ನಿ ಹೇ ಸಂದಭಾರಿ ಉಲೋವ್ನು “ಮಠ, ಸ್ವಾಮೆಂ ಆನಿ ದೇವಳಾಕ ನಿರಂತರ ಭೆಟ್ಟೂಚೆ ಅಭ್ಯಾಸು ದವರೂನು ಘೇವ್ಕಾ. ಎನ್.ಕೆ.ಜಿ.ಎಸ್.ಬಿ. ಬ್ಯಾಂಕ್ ಬ್ಯಾಂಕಿಂಗ್ ಕ್ಷೇತ್ರಾಂತು ಏಕ ದೈತ್ಯ ಬ್ಯಾಂಕ ಜಾವಚಾಂತು ಸರ್ವಾನಿ ಸಹಕಾರ ದೀವ್ಕಾ. ಮ್ಹಳ್ಳಿಂತಿ. ಆನ್ನೇಕಳೆ ಸೊಯರೆ ಧಾರ್‍ವಾಡಾಚೆ ಖ್ಯಾತ ಚರ್ಡುಂವಾ ವೈದ್ಯ ಡಾ|| ರಾಜನ್ ದೇಶಪಾಂಡೆ “ಸರ್ವಾಂಕ ಶಾಂತಿ, ಸಂತೋಷ ಮೆಳ್ಕಾ ಜಾಲ್ಯಾರಿ ಗುರು ಕೃಪಾ ಅಗತ್ಯ ಆಸ್ಸ. ಆಮ್ಮಿ ಚರ್ಡುಂವಾಲೆ ಶಿಕ್ಷಣ ಖಾತ್ತಿರಿ ಚ್ಹಡ ಮುತುವರ್ಜಿ ಘೇವ್ಕಾ. ಆಮಗೇಲೆ ಸಮಾಜ ಬಾಂದವ ‘ಸ್ವಾಬಿಮಾನಿ ಲೋಕ, ತ್ಯಾ ಖಾತ್ತಿರಿ ತಾನ್ನಿ ಜಾವ್ನು ಮದ್ದತ್ ನಿಮ್ಗೂಚಾಕ ಯವೋಂತಿ ಮ್ಹೋಣು ರಾಕನಾಶಿ ಗರೀಬ ಚರ್ಡುಂವಾಲೆ ಶಿಕ್ಷಣಾಕ ಸಮಾಜ ಬಾಂದವಾನಿ ದುಡ್ವಾ ಮದ್ದತ್ ದಿವಚಾಕ ಮುಖಾರಿ ಯವ್ಕಾ. ಮ್ಹಣ್ಚೆ ಆಪೋವ್ಣಿ ದಿಲ್ಲಿಂತಿ.
ಪ್ರಕಾಂಡ ವಿದ್ವಾಂಸ ಡಾ|| ಪವನ ಶ್ರೀಪಾದ ಭಟ್ ಹಾನ್ನಿ ಉಲೋವ್ನು “ಸಕ್ಕಟ ಲೋಕ ಸೂಖ ಜಾವ್ಕಾ, ದುಃಖ ಆಮಗೇಲೆ ದಾಕೂನು ದೂರ ವಚ್ಚುಕಾ ಆನಿ  ಜ್ಞಾನ ಜಾವ್ಕಾ ಮ್ಹಣತಾತಿ. ಹೇಂಚಿ ಸರ್ವಾಲೆ ಜೀವನಾಚೆ ಉದ್ದೇಶು ಜಾವ್ನಾಸ್ಸ. ಆಮಗೇಲೆ ಸಾಧನೆ ದಾಕೂನು ಪರಮಾತ್ಮಾಲೆ ಸಾಕಾರ ಕೋರ್ನು ಘೇವ್ಯೇತ. ಮ್ಹಳ್ಳಿಂತಿ. ಬೆಂಗಳೂರ್‍ಚೆ ವೇ|ಮೂ| ಶ್ರೀ ರಾಧಾಕೃಷ್ಣ ಭಟ್ ತಾನ್ನಿ ಉಲೋವ್ನು “ಸಮಾಜ ಬಾಂದವಾನಿ ಆಮಗೇಲೆ ಸನಾತನ ಧರ್ಮ ಆಚಾರ, ವಿಚಾರ ಉಡ್ಗೋಸು ಸೊಡಚೆ ದುರದೃಷ್ಟಕರ, ಶಿಕ್ಷಣ ಬರಶಿ ವೇದಜ್ಞಾನಯಿ, ಸಂಧಿ, ಪೂಜಾ ಕೊರಚೆ ರೀತಿ-ರಿವಾಜ ಆಯಚೆ ಚರ್ಡುಂವಾಂಕ ಶಿಕೋಕಾ. ಮ್ಹಳ್ಳಿಂತಿ.
ಪ|ಪೂ| ಸ್ವಾಮ್ಯಾಂನಿ ಆಪಣಾಲೆ ಆಶೀರ್ವಚನಾಂತು “ಕಿತ್ಲಕಿ ಜನ್ಮಾಚೆ ಪುಣ್ಯ ಫಲಾನಿ ಆಮ್ಮಿ ಮನುಷ್ಯ ಜನ್ಮು ಘೆತಲ್ಯಾರಿಚಿ ಅರಿಷಡ್‌ವಗಾಚೆ ಪ್ರಭಾವಾನಿ ಆನ್ನಿಕೆ ಅಂಧಕಾರಾಂತು ಆಸ್ಸತಿ. ಅಂಧಕಾರಾ ದಾಕೂನು ಬಾಯರಿ ಯವಚಾಕ ಶ್ರೀ ಗುರುಕೃಪಾ ಜಾವಕಾ. ಮನುಷ್ಯ ಜನ್ಮ ಘೇವ್ನು, ಜ್ಞಾನ ಪಾವ್ನಾ ಜಾಲಯಾರಿ ಘೆತ್ತಿಲೆ ಮನುಷ್ಯ ಜೀವನ ವ್ಯರ್ಥ ಜಾತ್ತಾ. ಮನುಷ್ಯ ಮನ ಮ್ಹಣಚೆ ಏಕ ಮಾತ್ತಿಯಾ ಮುದ್ದೊ ಆಶ್ಶಿಲ್ವರಿ, ಮಾತ್ತಿಯಾ ಮುದ್ದೆಕ ಆಮ್ಮಿ ಖಂಚೆ ರೂಪ ದಿತ್ತಾಕಿ, ತ್ಯಾ ತ್ಯಾಂಚಿ ರೂಪ ಪಾವ್ತಾ. ಬುರಕುಳೊ ಕೊರ್‍ಯೇತ, ಮೂರ್ತಿ ಕೊರಯೇತ, ಫುಲ್ಲಾ ಝಾಡ ವವಚೆ ಕುಂಡ ಕೊರಯೇತ. ತಶ್ಶೀಚಿ ಮನಾಕ ಸೈತ ಚಾಂಗ ಸಂಸ್ಕ್ರಾರ ದಿಲಯಾರಿ ಸುದ್ಘುಣವಂತ ಜಾತ್ತಾತಿ. ಕುಸಂಸ್ಕ್ರಾರ ದಿಲಯಾರಿ ದುರ್ಗುಣಿ ಜಾತ್ತಾತಿ. ಮನ ಆಮಗೇಲೆ ಬಂಧನ ಆನಿ ಮುಕ್ತಿಕ ಪ್ರೇರಣ.
“ಸಂಸ್ಕ್ರಾರ, ಸಂಸ್ಕೃತಿ ಆನಿ ಜ್ಞಾನ ದಿವಚೆ ಗುರು ಹರ್‍ಯೇಕ್ಲ್ಯಾಕ ಅತ್ಯವಶ್ಯ ಆಸ್ಸ. ತ್ಯಾಂಚಿ ಧರ್ಮ ಪ್ರಚಾರ. ಜ್ಞಾನ ಪ್ರಸಾರ ಆನಿ ಧರ್ಮ ಪ್ರಚಾರಾಂತು ಹರ್‍ಯೇಕ ಸಮಾಜ ಬಾಂದವಾಲೆ ದೇಣಿಗಾ ಆಸ್ಸುಕಾ. ಮ್ಹೋಣು ಪ|ಪೂ| ಸ್ವಾಮ್ಯಾಂನಿ ಹೇ ಸಂದರ್ಭಾರಿ ಆಪೋವ್ಣಿ ದಿಲ್ಲಿ. ಶ್ರೀ ಮಹೇಶ ಮಾನ್ವೆ ಹಾನ್ನಿ ಆಬಾರ ಮಾನಲೆ. ವೇದಿಕೇರಿ ಎನ್.ಕೆ.ಜಿ.ಎಸ್.ಬಿ. ಬ್ಯಾಂಕಾಚೆ ಶ್ರೀ ಚಿಂತಾಮಣಿ ನಾಡಕರ್ಣಿ, ಪ್ರಮೋದ ಹೆಗೆಡೆ, ಡಾ|| ರಾಜನ್ ದೇಶಪಾಂಡೆ, ಸಮಾಜಾಧ್ಯಕ್ಷ ಶ್ರೀ ಆರ್.ಎನ್. ನಾಯಕ್, ಶ್ರೀ ಪುತ್ತು ಪೈ, ಡಾ|| ಪವನ ಭಟ್, ಶ್ರೀ ಸದಾನಂದ ಕಾಮತ್, ಶ್ರೀ ಮಹೇಶ ಮಾನವೆ ಆದಿ ಲೋಕ ಉಪಸ್ಥಿತ ಆಶ್ಶಿಲೆ.
ಸುರವೇಕ ಚಾತುರ್ಮಾಸ್ಯ ಸಮಿತಿ ಅಧ್ಯಕ್ಷ ಶ್ರೀ ಸದಾನಂದ ಕಾಮತ್ ಹಾನ್ನಿ ಯೇವ್ಕಾರ ಕೆಲ್ಲಿ. ಪ್ರಾರ್ಥನಾ ಕು|| ಮಹಿಮಾ ನಾಯಕ್ ಹೀಣೆ ಕೆಲ್ಲಿ. ಶ್ರೀ ಸದಾನಂದ ಕಾಮತ್ ಆನಿ ಡಾ|| ಜೆ.ಕೆ.ನಾಡಿಗ್ ಹಾನ್ನಿ ಪ|ಪೂ| ಸ್ವಾಮ್ಯಾಂಗೆಲೆ ಪಾದ್ಯಪೂಜಾ ಕೆಲ್ಲಿ. ಸ್ವಾಮ್ಯಾಂನಿ ಗಣ್ಯಾಂಕ ಶಾಲು ಪಾಂಗೂರ್ನು, ಫಲಮಂತ್ರಾಕ್ಷತ ದೀವ್ನು ಸನ್ಮಾನ ಕೆಲ್ಲಿ.
ಕೊಂಕಣಿ ಪುಸ್ತಕ ಪುರಸ್ಕಾರಾಕ ಪುಸ್ತಕ ಆಮಂತ್ರಿತ
ಡಾ. ಟಿ.ಎಂ.ಎ.ಪೈ ಅತ್ಯುತ್ತಮ ಪುಸ್ತಕ ಪುರಸ್ಕಾರ ೨೦೧೨ ಕ ಕೊಂಕಣಿ ಪುಸ್ತಕ ಆಮಂತ್ರಿತ ಕೆಲ್ಲಾ. ಮಾಹಿತಿಕ
www.drtmapaifoundationmanipal.com

  ವೆಬ್ ಸೈಟ್ ಸಂಪರ್ಕ ಕರಾ.

saraswati Prabha 15-08-2013

ಸರಸ್ವತಿ ಪ್ರಭಾ ಕೊಂಕಣಿ ಮ್ಹಹಿನ್ಯಾಳಾಚೆ 15 ಅಗಸ್ಟ 2013 ಅಂಕಾಚೆ ವಿಶೇಷ

* ಪಂಢರಪುರಾಚೊ ಶ್ರೀ ವಿಠ್ಠಲು- (ವಿಶೇಷ ಲೇಖು)
* ಖಂಚೆ ಕಾಯ್ಲೆಕ ಖಂಚೆ ಘರಾ ವಾಕ್ಕದ?
*ಜಿ.ಎಸ್.ಸಮಾಜಾಚೆ ಪ|ಪೂ| ಸ್ವಾಮ್ಯಾಂಗೆಲೆ ಚಾತುರ್ಮಾಸ್ಯ ಖಬ್ಬರ
* ಉಪನಿಷದ್ ಕಾಣಿ-9 - ಕೆ. ಜನಾರ್ಧನ ಭಟ್, ಮೈಸೂರು
*  ಪ್ರಾಪ್ತಿ ಧಾರವಾಹಿಚೆ 32 ಭಾಗ
* ಮ್ಹಹಿನ್ಯಾ ಕಾಣಿಂತು ಮ್ಹೋಗಾ ಪೂತು,
* ಸರಸ್ವತಿ ಪ್ರಭಾ ರೌಪ್ಯ ಸಂಭ್ರಮು - ನಾಗೇಶ ಅಣ್ವೇಕರ, ಕಾರವಾರ
* ವರದಕ್ಷಿಣ ಜಾವ್ಕಾ ವೇ (ನಾಟಕ) -ಶ್ರೀಮತಿ ವನಿತಾ ಪ್ರಭು, ಕಾರ್ಕಳ
* ನವೀನ ಅಂಕಣ ``ಆದ್ಗತೀಕ ಏಕ ಕಾಣಿ'' ರಟ್ಟೊ ಮೋಡ್ನು ರೊಟ್ಟಿ ಖಾ

* ಶ್ರಾದ್ಧಕರ್ಮ ಆನಿ ಭಾವಾರ್ಥ - ಕೆ. ಜನಾರ್ಧನ ಭಟ್, ಮೈಸೂರು
* ಸರಸ್ವತಿ ಪ್ರಭಾ 25 ವರ್ಷಾಕ ಯವ್ನು ಪಾವ್ವಿಲಿ ಕಾಣಿ-3
* ಸ್ವಾಮಿ ವಿವೇಕಾನಂದಾಲೆ ಜೀವನ ಘಟನಾ

ಹಾಜ್ಜ ಬರಶಿ ಸಮಗ್ರ ಜಿ.ಎಸ್.ಬಿ., ದೈವಜ್ಞ ಸಮಾಜ ಾನಿ ಕೊಂಕಣಿ ಖಬರೋ, ಶ್ರೀ ವಿಠಲಾಲೊ ಆಕರ್ಷಕ ಮುಖಪುಟ.

ಆಜೀಚಿ ವಾಜ್ಜೀಯಾ.