Konkani News -4

ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಳ, ಉಪ್ಪುಂದ

ಕುಂದಾಪುರ ತಾ|| ಉಪ್ಪುಂದಾಚೆ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಳಾಚೆ ಪುನರ್ ಪ್ರತಿಷ್ಠಾ ಕಾರ್ಯಕ್ರಮ ದಿನಾಂಕ ೧೮-೦೨-೨೦೧೩ ದಾಕೂನು ೨೦-೨-೨೦೧೩ ಪರಿಯಂತ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ಆಶೀರ್ವಾದ ಆನಿ ಮಾರ್ಗದರ್ಶನ ಪ್ರಮಾಣ ಚಲೀಲೆ ಆಸ್ಸುನು, ತತ್ಸಂಬಂಧ ಶ್ರೀ ದೇವತಾ ಪ್ರಾರ್ಥನಾ, ರಾಕ್ಷೆಘ್ನ ಹವನ, ಬಲಿ ಪ್ರಧಾನ, ಗುರು-ಗಣಪತಿ ಪೂಜನ, ಕೌತುಕ ಬಂಧನ, ಅಂಕುರಾ ರೋಪಣ, ವಾಸ್ತು, ನವಗ್ರಹ, ವಿಷ್ಣು ಕಲಶ ಸ್ಥಾಪನ, ಸರ್ವತೋಭದ್ರ ಕಲಶ ಸ್ಥಾಪನ, ಕುಂಡ ಸಂಸ್ಕಾರ, ನವಗ್ರಹ ಯಾಗ, ವಿಷ್ಣು ಯಾಗ, ರಕ್ಷಾತ್ರಯ ಹವನ, ಪ್ರಾಯಶ್ಚಿತ ಹವನ, ಬಲಿ, ಶಾಂತಿಪಾಠ, ಶ್ರೀ ದೇವಾಕ ಪಂಚಾಮೃತಾಭಿಷೇಕ, ಶತಕಲಶಾಭಿಷೇಕ, ಗಂಗಾಭಿಷೇಕ, ತತ್ತ್ವ ಹೋಮು, ಪ್ರತಿಷ್ಟಾಂಗ ಹೋಮು, ವೇದವಾದ್ಯ ಪುರಸ್ಸರ ಶ್ರೀ ದೇವಳಾಕ ಶ್ರೀ ದೇವಾಲೆ ಆಗಮನ, ದ್ವಾರ, ಲಕ್ಷ್ಮೀ ಪೂಜನ, ಗೋದಾನ, ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಾಲೆ ಪುನರ್ ಪ್ರತಿಷ್ಟಾ, ಅಷ್ಟಮಂಗಲ ನಿರೀಕ್ಷಣ, ಮಹಾ ಪ್ರಾರ್ಥನ, ಹೋಮು, ಅವಭೃತ, ಶ್ರೀ ದೇವಾಕ ಮಹಾ ಮಂಗಳಾರತಿ, ಗೋಪೂಜಾ, ಸುವಾಸಿನಿ ಪೂಜಾ, ದಂಪತಿ ಪೂಜಾ, ಮಹಾ ಸಮಾರಾಧನ, ಆಹ್ವಾನಿತ ವೈದಿಕಾಂಕ ಕಲಶದಾನ, ಸಂಭಾವನ, ಮಂತ್ರಾಕ್ಷಣ, ಆಶೀರ್ವಾದ ಗ್ರಹಣ, ದೇಣಿಗಾ ದಿಲೀಲ್ಯಾಂಕ ಪ್ರಸಾದ ವಿತರಣ, ಶ್ರೀ ದೇವಾಲೆ ಪಾಲಂಖೀ ಉತ್ಸವು ಚಲ್ಲೆ.

ಶ್ರೀ ವೀರವಿಠ್ಠಲ ಮಠ, ಕೋಡ್ಕಣಿ

ಕುಮಟಾ ತಾ||ಚೆ ಕೋಡ್ಕಣಿ ಶ್ರೀ ವೀರ ವಿಠ್ಠಲ ಮಠ  ಹಾಂಗಾ ಶ್ರೀ ದೇವಾಲೆ ಸಂಚೆಂ ವರ್ಧಂತಿ ಉತ್ಸವು ತಾ. ೭-೫-೨೦೧೩ ದಿವಸು ಸಕ್ಕಾಣಿ ಶತ ಕುಂಭಾಭಿಷೇಕು, ಪವಮಾನಾಭಿಷೇಕು, ಧೋಂಪಾರಾ ಮಹಾಪೂಜಾ, ಮಹಾ ಮಂಗಳಾರತಿ, ಅನ್ನ ಸಂತರ್ಪಣ, ಸಾಂಜ್ವಾಳಾ ಭಜನ ಆನಿ ರಾತ್ತೀಕ ಪಾಲಂಖೀ ಉತ್ಸವು, ಪಾನಕ ಪೂಜಾ ಆನಿ ಪ್ರಸಾದ ವಿತರಣ ಸಮೇತ ಚಲ್ಲೆ.

ಶ್ರೀ ದುರ್ಗಾ ಪರಮೇಶ್ವರಿ ದೇವಳ, ಕೊಕ್ಕರ್ಣೆ

ಕೊಕ್ಕರ್ಣೆ ಶ್ರೀ ದುರ್ಗಾ ಪರಮೇಶ್ವರಿ ಅಮ್ಮಾಲೆ ಸನ್ನಿಧಿಂತು ವರ್ಷಂಪ್ರತಿ ಚೋಲ್ನು ಆಯ್ಯಿಲ ವರಿ ಭಜನಾ ಏಕಾಹ ತಾ. ೨೫-೦೪-೨೦೧೩ ದಾಕೂನು ೫-೫-೨೦೧೩ ಪರ್ಯಂತ ಚಲ್ಲೆ. ಹೇ ವೇಳ್ಯಾರಿ ಪ್ರತಿ ರಾತ್ರಿ ನಗರ ಭಜನ ಆನಿ ಪೂಜಾ, ದೀಪ ಸ್ಥಾಪನ, ಶ್ರೀ ಉಮಾನಾಥ ಪಡಿಯಾರ ಘರಾಣಿ ದಾಕೂನು ರಂಗಪೂಜಾ ಆನಿ ಸಂತರ್ಪಣ, ಆಮಂತ್ರಿತ ಭಜನಾ ಪಾಳಿ ಆನಿ ಸ್ಥಳೀಕಾ ದಾಕೂನು ಭಜನಾ ಕಾರ್ಯಕ್ರಮು, ಓಕುಳಿ, ಸಂತರ್ಪಣ, ಕರ್ಪೂರಾರತಿ, ಕುಂಕುಮಾರ್ಚನ, ಪ್ರಹರ ಪೂಜಾ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲ್ಲೆ.

ಶ್ರೀ ವೆಂಕಟ್ರಮಣ ದೇವಳ, ಪಾಣೆಮಂಗಳೂರು

ಪಾಣೆಮಂಗಳೂರಾಚೆ ಶ್ರೀ ವೀರವಿಠ್ಠಲ ವೆಂಕಟರಮಣ ಸ್ವಾಮಿ ದೇವಾಲೆ ಪುನರ್ ಪ್ರತಿಷ್ಠೆಚೆ ೩೬ಚೆಂ ವರ್ಧಂತ್ಯುತ್ಸವು ತಾ. ೧೭-೦೫-೨೦೧೩ ದಿವಸು ಆಚರಣ ಕೊರಚೆ ಆಸ್ಸ ಮ್ಹೊಣು ಕೋಳ್ನು ಆಯಲಾ. ತ್ಯಾ ದಿವಸು ಸಕ್ಕಾಣಿಪೂಡೆ ಶ್ರೀ ದೇವತಾ ಪ್ರಾರ್ಥನಾ, ಪಂಚಾಮೃತಾಭಿಷೇಕ, ಶತಕಲಶಾಭಿಷೇಕ, ಪುಳುಕಾಭಿಷೇಕ, ಕನಕಾಭಿಷೇಕ, ಗಂಗಾಜಲಾಭಿಷೇಕ, ಮಂಗಳಾರತಿ, ಕಾಣಿಕೆ, ಪ್ರಸಾದ, ಮಹಾ ಸಂತರ್ಪಣ, ಧೋಂಪಾರ ಮಾಗಿರಿ ರುಪ್ಪೆ ಲಾಲ್ಕಿ ಉತ್ಸವು, ಪ್ರಸಾದೋತ್ಸವು, ವಸಂತ ಪೂಜೆ ಬರೋಬರಿ ಚಲಚೆ ಆಸ್ಸುನು ಭಕ್ತ ಬಾಂಧವಾನಿ ಚಡ್ತೆ ಸಂಖ್ಯಾರಿ ಹಾಂತು ಪೂರಾ ವಾಂಟೊ ಘೇವ್ನು ದೇವಾಲೆ ಕೃಪೇಕ ಪಾತ್ರ ಜಾವ್ಕಾ ಮ್ಹೊಣು ವಿನಂತಿ ಆಸ್ಸ.

ಹೊಸಪೇಟೆ ನಗರ ಸಭೆಕ ಶ್ರೀ ಚಂದ್ರಕಾಂತ ಕಾಮತ್

ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ, ಯುವ ಉದ್ಯಮಿ ಶ್ರೀ ಚಂದ್ರಕಾಂತ ಕಾಮತ್ ಹಾನ್ನಿ ಹೊಸಪೇಟೆ ನಗರಸಭೆಚೆ ೨೮ಚೆ ವಾರ್ಡಾ ದಾಕೂನು ಆಲ್ತಾಂತು ಚಲೇಲೆ ನಗರ ಸಭಾ ಚುನಾವಣೆಂತು ಪ್ರಚಂಡ ಬಹುಮತಾನಿ ವಿಂಚೂನು ಆಯ್ಲಿಂತಿ. ಹಾನ್ನಿ ಬಿ.ಜೆ.ಪಿ. ಪಕ್ಷ ತರಪೇನ ಇಲೇಕ್ಷನ್ನಾಕ ರಾಬ್ಬಿಲೆ. ಹೊಸಪೇಟೆಂತು ಬಿ.ಜೆ.ಪಿ ಪಕ್ಷಾಚೆ ೨ ಸ್ಥಾನ ಮಾತ್ರ ವಿಂಚೂನು ಆಯ್ಯಿಲೆ ಆಸ್ಸುನು ತಾಂತು ಹಾನ್ನಿ ಏಕಳೆ. ಹಾನ್ನಿ ಬಿ.ಜೆ.ಪಿ. ತಾಲೂಕ ಸಮಿತಿಚೆ ಪ್ರಧಾನ ಕಾರ್ಯದರ್ಶಿ, ಕೊಂಕಣಿ ಅಕಾಡೆಮಿಚೆ ಸದಸ್ಯ ಆನಿ ಹೊಸಪೇಟೆ ನಗರಾಭಿವೃದ್ಧಿ ಪ್ರಾಧಿಕಾರಾಚೆ ಸದಸ್ಯ ಜಾವ್ನಾಸ್ಸತಿ. ಮೂಲತಃ ಅವಿಭಾಜಿತ ದಕ್ಷಿಣ ಕನ್ನಡ ಜಿಲ್ಲ್ಯಾಚೆ ಜಾವ್ನಾಶ್ಶಿಲೆ ಹಾನ್ನಿ ಹೊಸಪೇಟೆಂತು ಶ್ರೀ ದುರ್ಗಾ ರೋಡ್  ಲೈನ್ಸ್ ಮ್ಹಣಚೆ ಸಂಸ್ಥೊ ಚಲೈತಾ ಆಸ್ಸತಿ. ಆವಯಿ ಭಾಷೆ ಕೊಂಕಣಿ ವಯರಿ ಹಾಂಕಾ ವಿಶೇಷ ಅಭಿಮಾನ ಆಸ್ಸ. ಮುಖಾವೈಲೆ ದಿವಸಾಂತು ರಾಜಕೀಯ ರಂಗಾಂತೂ ಹಾಂಕಾ ಉಜ್ವಲ ಭವಿಷ್ಯ ಆಸ್ಸ ತಶ್ಶಿ ಜಾಂವೊ ಮ್ಹೊಣು “ಸರಸ್ವತಿ ಪ್ರಭಾ ಆಪಣಾಲೆ ವಾಚಕ ತರಪೇನ ಶ್ರೀ ಚಂದ್ರಕಾಂತ ಕಾಮತ್ತಾಂಕ ಶುಭ ಹಾರೈಕೆ ಕರ್ತಾ.

ಶುಭ ವಿವಾಹ

ಚಿ||ಸೌ|| ವೀಣಾ(ಶ್ರೀಮತಿ ವಸಂತಿ ಆನಿ ಶ್ರೀ ಯಶವಂತ ಗೋವಿಂದ ಪ್ರಭು, ಹುಡಗೋಡ ಹಾಂಗೆಲಿ ಧೂವ) ಆನಿ ಚಿ|| ಆನಂz(ಶ್ರೀಮತಿ ಮಂಗಲ ಆನಿ ಶ್ರೀ ಮಾಧವ ಟಿ. ಕಾಮತ್, ಕುಮಟಾ ಹಾಂಗೆಲೊ ಪೂತು) ಹಾಂಗೆಲೆ ಲಗ್ನ ತಾ. ೨೮-೦೨-೨೦೧೩ ದಿವಸು ಶ್ರೀ ಮುಖ್ಯಪ್ರಾಣ ಲಕ್ಷ್ಮೀ - ವೆಂಕಟರಮಣ ದೇವಳಾಚೆ ಸಭಾಗ್ರಹ, ಗುಂಡಬಾಳ ಹಾಂಗಾ ವಿಜೃಂಭಣೇರಿ ಚಲ್ಲೆ.
ಚಿ|| ಪ್ರಮೋz(ಶ್ರೀಮತಿ ಪದ್ಮಾವತಿ ಆನಿ ಶ್ರೀ ವೆಂಕಟೇಶ ನಾರಾಯಣ ಭಟ್, ಜಲವಳ್ಳಿ ಹಾಂಗೆಲೊ ಪೂತು) ಆನಿ ಚಿ|| ಸೌ|| ಶೋಭಾ (ಶ್ರೀಮತಿ ವಿಜಯಾ ಆನಿ ಶ್ರೀ  ನರಸಿಂಹ ರಾಮ ಜೋಷಿ, ನಂದನಗದ್ದಾ, ಕಾರವಾರ ಹಾಂಗೆಲಿ ಧೂವ) ಹಾಂಗೆಲೆ ಲಗ್ನ ದಿನಾಂಕ. ೧೫-೦೫-೨೦೧೩ ದಿವಸು ಯಲ್ಲಾಪೂರ್‍ಚೆ ಶ್ರೀ ಲಕ್ಷ್ಮೀನಾರಾಯಣ ವೆಂಕಟರಮಣ ಮಠಾಂತು ವಿಜೃಂಭಣೇರಿ ಚಲ್ಲೆ.
ದೊನ್ನೀ ವ್ಹರೆತು -ವ್ಹಕಲಾಂತು ದೇವು ಬರೆಂ ಕೊರೊ

Konkani News-3(5/13)

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಧಾರವಾಡ

ವರ್ಷಂಪ್ರತಿ ಮ್ಹಣಕೆ ಧಾರವಾಡ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ ತರಪೇನ ಸಮಾಜ ಮಂದಿರ ‘ಸರಸ್ವತಿ ನಿಕೇತನಾಂತು ಸಂವ್ಸಾರ್‌ಪಾಡ್ವೆ ವೇಳ್ಯಾರಿ ದಿನಾಂಕ. ೧೧-೦೪-೨೦೧೩ ದಿವಸು ಪಂಚಾಂಗ ಪೂಜಾ, ಪಂಚಾಂಗ ಶ್ರವಣ ಆನಿ ಪ್ರಸಾದ ವಿತರಣ ಚಲ್ಯಾರಿ, ಶ್ರೀ ರಾಮನವಮಿ ಪ್ರಯುಕ್ತ ತಾ. ೧೯-೦೪-೨೦೧೩ ದಿವಸು ಶ್ರೀ ದೇವತಾ ಪ್ರಾರ್ಥನಾ ಶ್ರೀ ಗಣಪತಿ ಪೂಜಾ, ಶ್ರೀ ಗುರು ಪೂಜಾ, ‘ಶ್ರೀ ರಾಮ ಜಯ ರಾಮ ಜಯ ಜಯ ರಾಮ ತ್ರಯೋದಶಾಕ್ಷರಿ ಜಪ ಹವನ, ನೈವೇದ್ಯ, ಮಂಗಳಾರತಿ ಶ್ರೀ ರಾಮಚಂದ್ರಾಲೆ ಪಾಣ್ಣೆ ಸೇವಾ, ಬ್ರಾಹ್ಮಣ ಪೂಜಾ, ಸುವಾಸಿನಿ ಪೂಜಾ, ಬೃಂದಾವನ ಪೂಜಾ, ಗೋ ಪೂಜಾ, ಮ್ಹಾಲ್ಗಡ್ಯಾಂಕ ಸನ್ಮಾನು, ಸಮಾರಾಧನ ಇತ್ಯಾದಿ ಕಾರ್ಯಕ್ರಮ ಚಲೀಲೆ ಖಬ್ಬರ ಮೆಳ್ಳಾ.

ಪೇಟೆ ಶ್ರೀ ವೆಂಕಟ್ರಮಣ ದೇವಳ, ಕುಂದಾಪುರ

ಕುಂದಾಪುರ್‍ಚೆ ಪೇಟೆ ಶ್ರೀ ವೆಂಕಟರಮಣ ದೇವಳಾಂತು ವರ್ಷಂಪ್ರತಿ ಚೋಲ್ನು ಆಯ್ಯಿಲೆ ಶ್ರೀ ಬ್ರಹ್ಮ ರಥೋತ್ಸವು ತಾ. ೨೦-೦೪-೨೦೧೩ ದಿವಸು ಪಂಚಾಮೃತ ಅಭಿಷೇಕ, ಕನಕಾಭಿಷೇಕ, ಯಜ್ಞ ತುಲಾಭಾರ, ಮಹಾ ಪ್ರಾರ್ಥನ, ಮಹಾಪೂಜಾ, ಮಹಾ ಬಲಿಪ್ರಧಾನ, ಬ್ರಹ್ಮ ರಥಾರೋಹಣ, ಮಹಾಸಮಾರಾಧನ, ವಸಂತ ಪೂಜಾ ಇತ್ಯಾದಿ ಕಾರ್ಯಕ್ರಮ ಸಮೇತ ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳಾ. ತತ್ಸಂಬಂಧ ತಾ. ೧೬-೦೪-೨೦೧೩ ದಾಕೂನು ೨೧-೦೪-೨೦೧೩ ಪರ್ಯಂತ ಶ್ರೀ ದೇವತಾ ಪ್ರಾರ್ಥನಾ, ಜಲಹರಣ, ಮೃತ್ತಿಕಾಹರಣ, ಅಂಕುರಾರೋಹಣ, ಧ್ವಜಾರೋಹಣ, ಗರುಡವಾಹನ ಬಂಡಿ ಉತ್ಸವು, ಹಗಲೋತ್ಸವು, ಹನುಮಂತವಾಹನ  ಚಂದ್ರಮಂಡಲ ಉತ್ಸವು, ಪುಷ್ಪರಥೋತ್ಸವು, ಅಂಕುರ ಪ್ರಸಾದ ಚೂಣೋತ್ಸವು, ತೀರ್ಥನ್ಹಾಣ, ಧ್ವಜಾವರೋಹಣ, ಮೃಗಬೇಟೆ ಉತ್ಸವು, ಕವಾಟ ಬಂಧನ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಸಂಪನ್ನ ಜಾಲೀಲೆ ಖಬ್ಬರ ಮೆಳ್ಳಾ. ಹಾಜ್ಜೆ ಬರಶಿ ವಿಶೇಷ ಸಾಂಸ್ಕೃತಿ ಕಾರ್ಯಕ್ರಮ ಜಾವ್ನು ತಾ. ೧೭-೪-೨೦೧೩ಕ ಶ್ರೀ ಲಕ್ಷ್ಮೀ ವೆಂಕಟೇಶ ಕೊಂಕಣಿ ನಾಟಕ ಸಭಾ ಕುಂದಾಪುರ ಹಾಂಗೆಲ ದಾಕೂನು ನವೀನ ಹಾಸ್ಯಮಯ ಕೊಂಕಣಿ ನಾಟಕ, ತಾ. ೧೮-೦೪-೨೦೧೩ಕ ಶ್ರೀ ಗೋಪಾಲಕೃಷ್ಣ ಯುವ ಸೇವಾ ಸಮಿತಿ ಯಕ್ಷಗಾನ ಕಲಾತಂಡ, ಉಪ್ಪಿನಕುದ್ರು ಹಾಂಗೆಲ ದಾಕೂನು ಶ್ರೀ ಮಹಿಷಾಸುರ ಮರ್ಧಿನಿ  ಮ್ಹಣಚೆ ಯಕ್ಷಗಾನ ಬಯಲಾಟ, ತಾ. ೧೯೦೪-೨೦೧೩ಕ ರಾಷ್ಟ್ರಪ್ರಶಸ್ತಿ ವಿಜೇತ ಉಪ್ಪಿನಕುದ್ರು ದಿ|| ಕೊಗ್ಗ ದೇವಣ್ಣ ಕಾಮತ್ ಹಾಂಗೆಲೆ ಪೂತು ಭಾಸ್ಕರ ಕಾಮತ್ ಪಂಗ್ಡಾ ದಾಕೂನು ಯಕ್ಷಗಾನ ಬೊಂಬೆ ಖೇಳು ಚಲ್ಲೆ.

ಶ್ರೀ ಮಹಾಲಸಾ ನಾರಾಯಣೀ ದೇವಳ, ಕುಮಟಾ

ಕುಮ್ಟಾಚೆ ಶ್ರೀ ಮಹಾಲಸಾ ನಾರಾಯಣೀ ದೇವಿಲೆ ಪ್ರತಿಷ್ಠಾ ವರ್ಧಂತಿ ಉತ್ಸವು ತಾ. ೧೫-೦೪-೨೦೧೩ ದಿವಸು ದೇವತಾ ಪ್ರಾರ್ಥನ, ನವಗ್ರಹ ವಾಸ್ತು ಹವನ, ವಸಂತ ಪೂಜಾ, ನವಚಂಡಿ ಹವನ, ದರ್ಶನ ದ್ವಾರಾ ಭಜಕ ಕುಳಾವಿ ಲೋಕಾಲೆ ವಿಚಾರಣ, ಮಹಾ ಅನ್ನ ಸಂತರ್ಪಣ, ಇತ್ಯಾದಿ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳಾ.

ಶ್ರೀ ವಿಠ್ಠಲ ದೇವಳ, ತಲ್ಲೂರು

ಕುಂದಾಪುರ ತಾ|| ತಲ್ಲೂರ್‍ಚೆ ಶ್ರೀ ವಿಠ್ಠಲ ದೇವಳಾಂತು ತಾ. ೨೪-೦೨-೨೦೧೩ ದಿವಸು ಶ್ರೀ ದೇವಾಕ ನವೀನ ಪಾಲಂಖೀ ಸಮರ್ಪಣ ಕಾರ್ಯಕ್ರಮ ದಾ ಸಮಸ್ತಾಲೆ ಉಪಸ್ಥಿತೀರಿ ವಿಜೃಂಭಣೇರಿ ಚಲ್ಲೆ. ತತ್ಸಂಬಂಧ ಧಾ ಸಮಸ್ತಾಲೆ ಪ್ರಾರ್ಥನಾ, ಧಾರ್ಮಿಕ ಕಾರ್ಯಕ್ರಮ, ಸಂತರ್ಪಣ ಆನಿ ರಾತ್ತಿಕ ಪೇಂಟಾ ಉತ್ಸವು ಚಲ್ಲೆ.
ಶ್ರೀ ಗಣಪತಿ ನಾರಾಯಣ ದೇವಳ, ಕಾಸರಗೋಡ
ಹೊನ್ನಾವರ ತಾ||ಚೆ ಕಾಸರಕೋಡ ಶ್ರೀ ಗಣಪತಿ ನಾರಾಯಣ ದೇವಾಲೆ ಮಹಾ ರಥೋತ್ಸವು ತಾ. ೧೧-೦೪-೨೦೧೩ ದಾಕೂನು ೧೮-೦೪-೨೦೧೩ ಪರ್ಯಂತ ಮಹಾ ಪ್ರಾರ್ಥನ, ಕೌತುಕ ಬಂಧನ, ಮೃತ್ತಿಕಾರೋಹಣ, ಮಂಟಪ ಪ್ರತಿಷ್ಠಾ, ಹಗಲೋತ್ಸವು, ಹನುಮಂತೋತ್ಸವು, ಗಣೋಮು,  ತಾ. ೧೨-೪-೨೦೧೩ ದಿವಸು ಕವಳೇ ಮಠಾಧೀಶ  ಪ|ಪೂ| ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ ಆಗಮನ, ದೇವತಾ ಬೇಟಿ, ಪುಲ್ಲಾ ತೇರು, ದೇವಾಲೆ ರಥಾರೋಹಣ, ಮಹಾ ರಥೋತ್ಸವು, ಮಹಾ ಸಂತರ್ಪಣ, ರಾತ್ತಿಕ ತಮಾಶಾ ವಾಕ್ಕದ ಲಾಶ್ಶೆ, ಮೃಗಬೇಟೆ ಉತ್ಸವು, ಅವಭೃತ ನ್ಹಾಣ, ಕೌಲ ಪ್ರಸಾದ, ಅಂಕುರ ಪ್ರಸಾದ ವಿತರಣ, ಪ|ಪೂ| ಸ್ವಾಮ್ಯಾಂಗೆಲೆ ಅಮೃತ ಹಾತ್ತಾ ದಾಕೂನು ದೇವಾಕ ಕುಂಭಾಭಿಷೇಕ, ಫಲಪಂಚಾಮೃತ, ಗುರುವರ್ಯ ದಾಕೂನು ಆಶೀರ್ವಚನ, ಶ್ರೀ ಸತ್ಯನಾರಾಯಣ ಪೂಜಾ ಇತ್ಯಾದಿ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳಾ.

ಶ್ರೀ ರಾಯೇಶ್ವರ ಕಾವೂರು ದೇವಳ, ಕುಮಟಾ

ಶ್ರೀ ರಾಯೇಶ್ವರ ಕಾವೂರ ಕಾಲಬೈರವ ದೇವಳ, ಕುಮಟಾ ಹಾಂಗಾ ವಾರ್ಷಿಕ ಪ್ರತಿಷ್ಠಾ ವರ್ಧಂತಿ ಉತ್ಸವು ತಾ. ೧೬-೦೩-೨೦೧೩ ದಾಕೂನು ೧೯-೩-೨೦೧೩ ಪರಿಯಂತ ಶ್ರೀ ದೇವತಾ ಪ್ರಾರ್ಥನಾ, ಮಹಾರುದ್ರಪಾರಾಯಣ, ಶ್ರೀ ಮಠಾಚೆ ಶ್ರೀ ವೆಂಕಟರಮಣ ದೇವು ಆನಿ ಶ್ರೀ ಮುಖ್ಯಪ್ರಾಣ ದೇವಾಕ ಶ್ರೀ ಸಂಸ್ಥಾನಾಕ ಆಪೋವನು ಹಾಡಚೆ, ಅಷ್ಟಾವಧಾನ ಸೇವಾ, ಶ್ರೀ ದೇವಾಲೆ ಪ್ರಾಕಾರೋತ್ಸವು, ರಾಕ್ಷೆಘ್ನ ಶಾಂತಿ ಹೋಮು, ನವಗ್ರಹ ವಾಸ್ತು ಹವನ, ಲಘುವಿಷ್ಣು ಹವನ, ಅಂಶತಃ ಮಹಾರುದ್ರಹವನ, ಭಜನ, ಶ್ರೀ ಕಾಮಾಕ್ಷಿ ದೇವಿಲೆ ಪ್ರಾಕಾರೋತ್ಸವು, ಸುದರ್ಶನ ಆನಿ ನರಸಿಂಹ ಹವನ ಅಂಶತಃ, ಶ್ರೀ ರಾಯೇಶ್ವರ ದೇವಾಲೆ ಪ್ರಾಕಾರೋತ್ಸವು, ಶ್ರೀ ರಾಯೇಶ್ವರ ಆನಿ ಕಾಳಭೈರವ ದೇವಾಲೆ ಶಿಖರ ಕಲಶ ಪ್ರತಿಷ್ಠಾಪನ, ನವಚಂಡಿ ಹವನ, ಕುಮಾರಿಕಾ ಪೂಜನ, ಮಹಾ ಸಂತರ್ಪಣ, ವೈದಿಕ ದಾಕೂನು ಆಶೀರ್ವಚನ, ಶ್ರೀ ರಾಯೇಶ್ವರ ಶ್ರೀ ಕಾಮಾಕ್ಷಿ ದೇವಾಲೆ ನಗರೋತ್ಸವು, ದರ್ಶನದ್ವಾರಾ ಗಣಾಂಕ ತೀರ್ಥ ಪ್ರಸಾದ ಆನಿ ಭಕ್ತಾಧಿಂಕ ಕೌಲ ಪ್ರಸಾದ ವಿತರಣ ಚಲ್ಲೆ.
ವಿನಂತಿ : ಶ್ರೀ ರಾಯೇಶ್ವರ ಕಾಲಭೈರವ ದೇವಾಲೆ ಶಿಖರಾಚೆ ನಳೆಂ ಮಾಡ ಜೀರ್ಣ ಜಾಲೀಲೆ ಕಾರಣ ತಾಜ್ಜ ನವೀಕರಣ ಕೋರ್ನು ತಾಮ್ರಪಟ ಅಚ್ಛಾದನ ಆನಿ ಸ್ವರ್ಣ ಲೇಪನ ಕಲಶ ಪ್ರತಿಷ್ಠಾಪನ ಕೊರಚಾಕ ಠರಯಿಲೆ ಆಸ್ಸುನು, ಹಾಕ್ಕಾ ರೂ. ಸಾತ ಲಾಕ್ ರೂಪಯ ಲಾಗಚಾಕ ಪುರೊ ಮ್ಹೊಣು ಅಂದಾಜು ಕೆಲ್ಲಾ. ಕುಳಾವಿ ಭಜಕ ಲೋಕಾನಿ ಹೇ ಕಾರ್ಯಾಕ ತನು-ಮನ-ಧನಾಚೆ ಸಹಕಾರ ದಿವಕಾ ಮ್ಹಣಚೆ ವಿನಂತಿ ಆಸ್ಸ. ಚಡ್ತೆ ಮಾಹಿತಿಕ ಪೋನ್ ನಂ. ೦೮೩೮೬ - ೨೨೨೮೪೩ ಹಾಂಗಾಕ ಸಂಪರ್ಕು ಕೊರಯೇತ.

Konkani News-2 (5/13)

ಹುಬ್ಳಿಂತು “ಸಾಮಂತ್ ಡೆಂಟಲ್ ಕ್ಲಿನಿಕ್

ಹುಬ್ಬಳ್ಳಿಚೆ ಶ್ರೀ ಸಿ.ಎಮ್. ಸಾಮಂತ್ ಪ್ರಭು ಹಾಂಗೆಲೊ ಪೂತು ಡಾ|| ಅಜಿತ್ ಸಾಮಂತ್ ಹಾನ್ನಿ ಹುಬ್ಬಳ್ಳಿ ಹೊಸೂರಾಚೆ “ರಾಮ್‌ಸನ್ ಕಾಂಪ್ಲೆಕ್ಸಾಂತು ಆರಂಭ ಕೆಲೀಲೆ “ಸಾಮಂತ್ ಡೆಂಟಲ್ ಕ್ಲಿನಿಕ್ ಹಾಜ್ಜೆ ಉದ್ಘಾಟನ ತಾ. ೧೧-೦೪-೨೦೧೩ ಚೆ  ಸಂವ್ಸಾರಪಾಡ್ವೆ ದಿವಸು ಚಲ್ಲೆ. ಡಾ|| ಅಜಿತ ಸಾಮಂತ್ ಹಾನ್ನಿ Dental Surgeon Implantologist ವಿಶೇಷಜ್ಞ ಆಸ್ಸತಿ.    ಹಾನ್ನಿ “ದಂತ ಆರೋಗ್ಯ ಖಾತ್ತಿರಿ ಮಸ್ತ ಪರಿಣಿತ ಜಾವ್ನು ಆಸ್ಸತಿ. ಹಾಂಗೆಲೆ ಡೆಂಟಲ್ ಕ್ಲಿನಿಕ್ಕಾಂತು * Root Canal Treatment(Single Sitting). * Implants. * Cosmetic Treatments. * Removable Dentures. * Crowns & Bridges. * Orthodontic Treatments. * Gum Surgeries. * Extracions. * Wisdom Tooth Extractions. * Fluoride Treatments. * Teeth Whitening. * Teeth Jewels  ಇತ್ಯಾದಿ ದಾಂತ ರಾಕ್ಕುನು ಘೆವಚಾಕ ಜಾವ್ಕಾ ಜಾಲೀಲೆ ಸರ್ವ ಆಧುನಿಕ ಚಿಕಿತ್ಸಾ ಉಪಲಬ್ಧ ಆಸ್ಸುನು. ಸರ್ವ ಲೋಕಾನಿ ಹಾಜ್ಜೆ ಮುನಾಪೋ ಘೆವ್ಯೇತ ಜಾಲ್ಲಯಾ. ಚಡ್ತೆ ಖಂಚೇ ಮಾಹಿತಿಕ ಡಾ|| ಅಜಿತ ಸಿ. ಸಾಮಂತ್, ಸಾಮಂತ ಡೆಂಟಲ್ ಕ್ಲಿನಿಕ್, ೩ನೇ ಮಹಡಿ, ರಾಮಸನ್ ಕಾಂಪ್ಲೆಕ್ಸ್, ಕೆ.ಎಸ್.ಆರ್.ಟಿ.ಸಿ. ಡಿಪೋ ಎದುರು, ಹುಬ್ಬಳ್ಳಿ -೨೧. ಪೋನ್ : ೯೦೩೫೨ ೦೬೬೦೨ ಹಾಂಗಾಕ ಸಂಪರ್ಕು ಕೊರಯೇತ.

ಕಾಪುಂತು ಚತುಃಪವಿತ್ರ ನಾಗಮಂಡಲ

ಕಾಪು ನಾಯಕ್ ಕುಟುಂಬಸ್ಥಾನಿ ಆರಾಧನ ಕೋರ್ನು ಘೇವ್ನು ಆಯ್ಯಿಲೆ ಶ್ರೀ ಮೂಲ ನಾಗಬನಾಂತು ವೇ|ಮೂ|ಶ್ರೀ ಕೆ. ಕಮಲಾಕ್ಷ ಭಟ್ ಆನಿ ಗುಂಡಿಬೈಲು ನಾಗಪಾತ್ರಿ ಶ್ರೀ ಕೆ. ವಾಸುದೇವ ಪೈ ಹಾಂಗೇಲೆ ನೇತೃತಾರಿ ಶ್ರೀ ವೈದ್ಯನಾಥೇಶ್ವರ  ಡಮರು ಮೇಳ ಮುದ್ದೂರು, ಶ್ರೀ ಕೃಷ್ಣಪ್ರಸಾದ್ ವೈದ್ಯೆ ತಶ್ಶೀಚಿ ನಾಗಕನ್ನಿಕೆ ಜಾವ್ನು ಶ್ರೀ ಬಾಲಕೃಷ್ಣ ವೈದ್ಯ, ಶ್ರೀ ನಟರಾಜ್ ವೈದ್ಯ ಆನಿ ಸಾಂಗಾತಿ ದಾಕೂನು ಚತುಃಪವಿತ್ರ ನಾಗಮಂಡೋಲೋತ್ಸವು ತಾ. ೧೮-೦೪-೨೦೧೩ ದಿವಸು ಆದ್ಯಗಣಯಾಗ, ಆಶ್ಲೇಷಾ ಬಲಿ, ಪಂಚಾಮೃತಾ, ಬ್ರಹ್ಮಕಲಶಾಭಿಷೇಕ, ಪ್ರಸನ್ನ ಪೂಜಾ, ನಾಗಸಂದರ್ಶನ, ಪಲ್ಲಪೂಜಾ, ವಟು, ಬ್ರಾಹ್ಮಣ ಸುವಾಸಿನಿ ದಂಪತಿ ಪೂಜಾ, ಕನ್ನಿಕಾ ಪೂಜಾ, ಮಹಾ ಅನ್ನಸಂತರ್ಪಣ, ಭಜನಾ ಕಾರ್ಯಕ್ರಮ, ಸಾಂಜ್ವಾಳಾ ಡಾ|| ವಿದ್ಯಾಭೂಷಣ, ಬೆಂಗಳೂರು ದಾಕೂನು ಭಕ್ತಿಗಾಯನ, ಉಪರಾಂತ ದೀಪಾರಾಧನ, ಹಾಲಿಟ್ಟು ಸೇವಾ, ರಾತ್ತಿಕ ೯-೦೦ ಗಂಟ್ಯಾ ದಾಕೂನು “ಚತುಃಪವಿತ್ರ ನಾಗಮಂಡಲ ಸೇವಾ, ಪ್ರಸಾದ ವಿತರಣ ಚಲ್ಲೆ. ತತ್ಸಂಬಂಧ ತಾ. ೧೪-೪- ೨೦೧೩ ದಾಕೂನು ೧೯-೦೪-೨೦೧೩ ಪರ್ಯಂತ ನಾಗದೇವಾಕ ಪಂಚಾಮೃತಾಭಿಷೇಕ, ಕಾಪು ವೆಂಕಟಮಣ ದೇವಾಕ ಫುಲ್ಲಾ ಪೂಜಾ, ಶ್ರೀ ನಾಗದೇವಾಕ ೫೧ ಪವಮಾನ ಕಲಶಾಭಿಷೇಕ, ನವಕ ಕಲಶಾಭಿಷೇಕ, ಸಾನ್ನಿಧ್ಯ ಹವನ, ವಾಸ್ತು, ಸುದರ್ಶನ, ನವಗ್ರಹಯುಕ್ತ ಮಹಾ ಮೃತ್ಯುಂಜಯ ಹೋಮು, ದಿಕ್ಪಾಲ ಬಲಿ, ರಾಧಾಕೃಷ್ಣ ನೃತ್ಯ ನಿಕೇತನ(ರಿ) ಉಡುಪಿಚೆ ಕಲಾವಿದ ದಾಕೂನು ಭರತನಾಟ್ಯ  ಕೂಚುಪುಡಿ ನೃತ್ಯ ವೈವಿಧ್ಯ, ಕಲಶಾಭಿಷೇಕ, ಪ್ರಸನ್ನ ಪೂಜಾ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.

ಹುಬ್ಳಿಂತು ಶ್ರೀಮದ್ ಭಾಗವತ ಸಪ್ತ

ಹುಭ್ಳಿಚೆ ಜಿ.ಎಸ್.ಬಿ. ಸಮಾಜಾಧ್ಯಕ್ಷ ಆನಿ ಪ್ರಖ್ಯಾತ ಉದ್ಯಮಿ ಶ್ರೀ ಆರ್.ಎನ್.ನಾಯಕ್ ಆನಿ ಶ್ರೀಮತಿ ಶೋಭಾ ನಾಯಕ ಹಾಂಗೆಲೆ ವ್ಹರಡಿಕೆಚೆ ಸ್ವರ್ಣ ಮಹೋತ್ಸವ ಪ್ರಯುಕ್ತ  ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ಆಶೀರ್ವಾದ ಪೂರ್ವಕ ತಾ. ೨೦-೦೪-೨೦೧೩ ದಾಕೂನು ೨೭-೦೪-೧೩ ಪರ್ಯಂತ ಆಯೋಜನ ಕೆಲೇಲೆ ಶ್ರೀಮದ್ ಭಾಗವತ ಸಪ್ತಾಂತು ಅಪಾರ ಸಂಖ್ಯಾರಿ ಸಮಾಜ ಬಾಂಧವಾನಿ ವಾಂಟೊ ಘೇವ್ನು ಶ್ರೀಮದ್ ಭಾಗವತ ಆಯಕೂನು ಪುನೀತ ಜಾಲ್ಲೆ. ಪಯಲೆ ದಿವಸು ಯಶೋಧನ ಲಾನ್ಸಾಚೆ ಮಹಾಧ್ವಾರಾಚಾನ ಶೋಭಾಯಾತ್ರಾ ಶುರುವಾತ ಜಾಲ್ಲೆ. ಉಪರಾಂತ ವೇದಮೂರ್ತಿ ಡಾ|| ಪವನ ಭಟ್, ಹುಬ್ಬಳ್ಳಿ ಹಾನ್ನಿ ಶ್ರೀ ಭಾಗವತ ಪ್ರವಚನ ಆರಂಭ ಕೋರ್ನು ಶ್ರೀ ಪರೀಕ್ಷಿತ ಮಹಾರಾಜಾಲೆ ಕಾಣಿ ದಾಕೂನು ರುಕ್ಮಿಣಿ ಕಲ್ಯಾಣ ಪರ್ಯಂತ ಸಾಂಗೂನು ದಿ. ೨೬-೦೪-೨೦೧೩ ದಿವಸು ಕಥಾ ಮಂಗಲ ಕೆಲ್ಲಿಂತಿ.  ಆನಿ ೨೭-೦೪-೨೦೧೩ ದಿವಸು ಧೋಂಪಾರಾ ಅಷ್ಟೋತ್ತರ ಮಹಾಮಂತ್ರ ಆನಿ ಕೃಷ್ಣ ಷಡಕ್ಷರ ಹವನ ಚಲ್ಲೆ. ಸಮಾಜಾಚೆ ಸಬಾರ ಗಣ್ಯ ಹೇ ವೇಳ್ಯಾರಿ ಉಪಸ್ಥಿತ ಆಶ್ಶಿಲೆ. ಸರ್ವಾನಿ ಶ್ರೀ ನಾಯಕ್ ದಂಪತಿಂಕ ದೇವು ಬರೆಂ ಕೊರೊಂ ಮ್ಹೊಣು ಸಾಂಗಲೆ.

ಶ್ರೀ ದುರ್ಗಾ ಹೊನ್ನಮ್ಮ ದೇವಳ, ಸಿದ್ದಾಪೂರ

ಸಿದ್ದಾಪೂರ್‍ಚೆ ಶ್ರೀ ದುರ್ಗಾ ಹೊನ್ನಮ್ಮ ದೇವಿಲೆ ಮೂಲಸ್ಥಾನಾಂತು ಪ್ರತಿಷ್ಠಾ ವರ್ಧಂತ್ಯುತ್ಸವು ತಾ. ೧೪-೦೪-೨೦೧೩ ಆನಿ ೧೫-೦೪-೨೦೧೩ ದಿವಸು ಪ್ರಾರ್ಥನ, ಕಲಾ ಸಾನಿಧ್ಯ ಹವನ, ಶತಕಲಶಾಭಿಷೇಕ, ಮಂಗಲ ನಿರೀಕ್ಷಣ, ಪಟ್ಟಕಾಣಿಕಾ, ಮಹಾ ಮಂಗಳಾರತಿ, ದರ್ಶನ ಸೇವಾ, ಮಹಾ ಸಂತರ್ಪಣ, ಪೇಂಟಾಚೆ ಪಾಲಂಖೀ ಉತ್ಸವು, ವಸಂತ ಪೂಜಾ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಬರೋಬರಿ ವಿಜೃಂಭಣೇರಿ ಸಂಪನ್ನ ಜಾಲೇಲೆ ಖಬ್ಬರ ಮೆಳ್ಳಾ. ಶ್ರೀ ದೇವಳಾಂತು ಪ್ರತಿ ಮ್ಹಹಿನೋ ಪಯ್ಲೆಚೆ ಭುದ್ವಾರಾ ದರ್ಶನ ಸೇವಾ ಆಸ್ತಾ.

Konkani News-1(5/13)

ಶ್ರೀ ಕೆ. ಜನಾರ್ಧನ ಭಟ್ಮಾಮ್ಮಾಕ ಇಸ್ಕಾನ್ ತರಪೇನ “ಭಕ್ತಿರತ್ನ ಪುರಸ್ಕಾರ

ಬೆಂಗಳೂರ್‍ಚೆ ಬೃಹತ್ ‘ಇಸ್ಕಾನ್ ದೇವಳಾಚೆ ಬಾಂದಾವಳಿಕ ವ್ಹಡ ಪ್ರಮಾಣಾರಿ ದೇಣಿಗಾ ದಿಲೀಲೆ ೨೫ ಲೋಕ ದಾನಿಂಕ ಸನ್ಮಾನ ಕೊರಚೆ “ಭಕ್ತಿರತ್ನ ಮ್ಹಣಚೆ ಏಕ ವಿಶೇಷ ಸಮಾರಂಭು ತಾ. ೧೩-೦೪-೨೦೧೩ ದಿವಸು ಸಾಂಜ್ವಾಳಾ ಬೆಂಗಳೂರ್‍ಚೆ ಇಸ್ಕಾನ್ ದೇವಳಾಚೆ ಆವಾರಾಂತು ವಿಜೃಂಭಣೇರಿ ಚಲ್ಲೆ. ಹಾಂತು ‘ಭಕ್ತಿರತ್ನ ಸನ್ಮಾನಾಕ ಪಾತ್ರ ಜಾಲೀಲ್ಯಾಂತು ಮೈಸೂರಾಚೆ ಖ್ಯಾತ ದಾನಿ, ಸರಸ್ವತಿ ಪ್ರಭಾ ಕೊಂಕಣಿ ಪತ್ರಾಚೆ ವಿಶೇಷ ಪ್ರೋತ್ಸಾಹಕ  ಶ್ರೀ ಕೆ. ಜನಾರ್ಧನ ಭಟ್ ಮಾಮು ಸೈತ ಏಕಳೆ. ಹೇ ಸಮಾರಂಭಾಕ ಮುಖೇಲ ಸೊಯರೆ ಜಾವ್ನು ಖ್ಯಾತ ಚಿತ್ರನಟಿ ಶ್ರೀಮತಿ ಹೇಮಮಾಲಿನಿ ಆಯ್ಯಿಲೆ. ತಾನ್ನಿ ದೇಣಿಗಾ ದಿಲೀಲೆ ಸರ್ವ ಲೋಕಾಂಕ ತಾಂಗೆಲೆ ನಾಂವ ಆಶ್ಶಿಲೆ ಬಾಂಗ್ರಾಚೆ ಪದಕ ಪಾವಿತ ಕೆಲ್ಲಿಂತಿ. ಹೇ ಸಂದರ್ಭಾರಿ ಪಂಜಾಬ್ ಆನಿ ಹರಿಯಾಣಾ ಹೈಕೋರ್ಟಾಚೆ ನಿವೃತ್ತ ನ್ಯಾಯಾಧೀಶ ಶ್ರೀ ರಾಮಾ ಜೋಯಿಸ್, ಗೋಕುಲದಾಸ್ ಎಕ್ಸಪೋಟ್ಸ್  ಹಾಜ್ಜೆ ಚೇಯರ್‌ಮೆನ್ ಶ್ರೀ ಟಿ.ವಿ. ಮೋಹನದಾಸ ಪೈ, ಶ್ರೀ ರಾಜೇಂದ್ರ ಹಿಂಡುಜಾ  ಹಾನ್ನಿ ಸಮೇತ ಉರಲೀಲೆ ೨೪ ಗಣ್ಯಾನಿ ಪಾರಿಶೋಷಕ ಸ್ವೀಕಾರ ಕೆಲ್ಲಿ. ಸಮಾರಂಭಾಂತು ಬೆಂಗಳೂರು ಇಸ್ಕಾನ್ ಸಂಸ್ಥೆಚೆ ಶ್ರೀ ಮಧುಪಂಡಿತ ಶಾಸ್ತ್ರಿ ಹಾನ್ನಿ ಉಪಸ್ಥಿತ ಆಶ್ಶಿಲೆ.
ಶ್ರೀ ಮೋಹನ್‌ದಾಸ ಭಟ್ ಹಾಂಕಾ ಸನ್ಮಾನು
ಉಡುಪಿ ಜಿಲ್ಲಾ ಚಿತ್ರಕಲಾ ಶಿಕ್ಷಕರ ಸಂಘ ಆನಿ ಕರ್ನಾಟಕ ರಾಜ್ಯ ಚಿತ್ರಕಲಾ ಶಿಕ್ಷಕರ ಸಂಘ(ರಿ) ಬೆಂಗಳೂರು ಹಾಂಗೇಲೆ ಸಂಯುಕ್ತ ಆಶ್ರಯಾರಿ೨೦೧೩ಚೆ ಮಾರ್ಚ್ ೧೪ ಆನಿ ೧೫ಕ ಉಡುಪಿ ಅಮ್ಮಣ್ಣಿ ರಾಮಣ್ಣ  ಶೆಟ್ಟಿ ಸ್ಮಾರಕ ಸಭಾ ಭವನಾಂತು ಚಲೀಲೆ ಕರ್ನಾಟಕ ರಾಜ್ಯ ಚಿತ್ರಕಲಾಶಿಕ್ಷಕಾಂಗೆಲೊ ೯ಚೆ “ಶೈಕ್ಷಣಿಕ ಮಹಾ ಸಮ್ಮೇಳನಾಂತು  ಕೋಟೇಶ್ವರ ಜ್ಯೂನಿಯರ್ ಕಾಲೇಜಾಂತು ಚಿತ್ರಕಲಾ ಶಿಕ್ಷಕ ಜಾವ್ನು ನಿವೃತ್ತ ಜಾಲೀಲೆ ಶ್ರೀ ಮೋಹನ್‌ದಾಸ ಭಟ್ ಕೋಟೇಶ್ವರ ಹಾಂಕಾ ಶಾಸಕ ಜಾಲೀಲೆ ಶ್ರೀ ಕ್ಯಾಪ್ಟನ್ ಗಣೇಶ ಕಾರ್ಣಿಕ್ ತಾನ್ನಿ ಶಾಲ ಪಾಂಗೂರ್ನು, ಫುಲ್ಲಾ ಮಾಳೊ ಘಾಲ್ನು, ಯಾದಗಾರ ದೀವ್ನು ಸನ್ಮಾನು ಕೆಲ್ಲೊ. ವೇದಿಕೇರಿ ಶಾಸಕ ಶ್ರೀ ಕೆ. ರಘುಪತಿ ಭಟ್, ಉದ್ಯಮಿ ಪ್ರಮೋದ್ ಮಧ್ವರಾಜ, ಶ್ರೀ ಜನಾರ್ಧನ ಆನಿ ಮಹಾಕಾಳಿ ದೇವಳ ಅಂಬಲಪಾಡಿಚೆ ಧರ್ಮದರ್ಶಿ ಶ್ರೀ ವಿ. ಬಿ. ವಿಜಯಬಲ್ಲಾಳ, ಸಮ್ಮೇಳನಾಚೆ ಅಧ್ಯಕ್ಷ ಜಾಲೀಲೆ ಶ್ರೀ ಕೆ.ಎಲ್.ಭಟ್, ನಗರಸಭಾ ಆಯುಕ್ತ ಜಾಲೀಲೆ ಶ್ರೀ ಗೋಕುಲದಾಸ ನಾಯಕ್, ರಾಜ್ಯ ಚಿತ್ರಕಲಾ ಸಂಘಾಚೆ ಅಧ್ಯಕ್ಷ ಜಾಲೀಲೆ ಶ್ರೀ ಬಿ.ಜಿ. ಅವಟಿ, ಶ್ರೀ ಮಹಾಂತೇಶ ಎಂ. ಕಂಠಿ, ಆನಿ ಉಡುಪಿ ಚಿತ್ರಕಲಾ ಸಂಘಾಚೆ ಅಧ್ಯಕ್ಷ ಜಾಲೀಲೆ ಶ್ರೀ ಶೇಖರ ಪೂಜಾರಿ ಆದಿ ಗಣ್ಯ ಉಪಸ್ಥಿತ ಆಶ್ಶಿಲೆ.

ಉಡ್ಪಾಂತು ಶ್ರೀ ಮೋಹನ್‌ದಾಸ ಭಟ್ಟಾಂಕ ಸನ್ಮಾನು

ಅಲೆವೂರು ಉಪಾಧ್ಯಾಯ ಮೂಡುಬೆಳ್ಳೆ ಕಲಾ ಪ್ರತಿಷ್ಠಾನಚೆ ತರಪೇನ ಉಡ್ಪಿಚೆ ರಾಘವೇಂದ್ರಮಠಾಚೆ ಸಭಾಭವನಾಂತು ೧೭-೦೪-೨೦೧೩ಕ  ಚಲೇಲೆ ಉಪಾಧ್ಯಾಯ್ ಸಮ್ಮಾನ್ ರಾಜ್ಯ ಮಟ್ಟಾಚೆ ೫ಚೆಂ ಪ್ರಶಸ್ತಿ ಪ್ರಧಾನ ಸಮಾರಂಭಾಂತು ಕೋಟೆಶ್ವರಾಚೆ  ನಿವೃತ್ತ ಶಿಕ್ಷಕ ಆನಿ ಪ್ರಖ್ಯಾತ  ಛಾಯಾಚಿತ್ರ ಕಲಾವಿದ ಶ್ರೀ ಕೆ. ಮೋಹನದಾಸ ಭಟ್, ತಾಂಕಾ ಉಡುಪಿ ಶಿರೂರು ಮಠಾಚೆ ಶ್ರೀ ಲಕ್ಷ್ಮೀವರತೀರ್ಥ ಸ್ವಾಮ್ಯಂನಿ ‘ಕಲಾನಿಧಿ ಮ್ಹಣಚೆ ಬಿರುದಾವಳಿ ಸಮೇತ ಸನ್ಮಾನ ಕೋರ್ನು ಗೌರವ ಕೆಲ್ಲಿಂತಿ
ಹೇ ಸಂದರ್ಭಾರಿ ಶ್ರೀ ಹರಿಕೃಷ್ಣ ಪುನರೂರು, ಲಲಿತಕಲಾ ಅಕಾಡೆಮಿ ಅಧ್ಯಕ್ಷ ಚಿ.ಸು. ಕೃಷ್ಣ ಸೆಟ್ಟಿ ಸಮೇತ ಸಬಾರ ಗಣ್ಯ ಲೋಕ ವೇದಿಕೇರಿ ಉಪಸ್ಥಿತ ಆಶ್ಶಿಲೆ.
“ವರ್ಣ ನೈಸ್ ಪ್ರಿಂಟ್ ತರಪೇನ ಸನ್ಮಾನು
ಉಡ್ಪಿ ಕಿದಿ ಯೂರು ಹೋಟೆಲ್ ಇಮಾ ರತ್ತಾಂತು ನವೀಕೃತ “ವರ್ಣ ನೈಸ್ ಪ್ರಿಂಟ್ ಹಾಜ್ಜೆ ಉದ್ಘಾಟನಾ ಸಮಾರಂಭಾಂತು ೨೬ ವರ್ಷಾ ಮಾಕಸೀಚೆ ಪಯಲೆ  ಗ್ರಾಹಕ ಜಾಲೀಲೆ ಕೋಟೇಶ್ವರ ಶಾಂತಾರಾಮ ಸ್ಟುಡಿಯೋಚೆ ಶ್ರೀ ಕೆ. ಮೋಹನದಾಸ ಭಟ್ ತಾಂಕಾ ಅಭಿನಂದನ ಪೂರ್ವಕ ಸ್ಮರಣಿಕ ದೀವ್ನು ಸನ್ಮಾನ ಕೆಲೇಲೆ ಖಬ್ಬರ ಮೆಳ್ಳಾ. ಹೇ ವೇಳ್ಯಾರಿ ಭುವನೇಂದ್ರ  ಕಿದಿಯೂರು, ಕಿತೇಶ ಕಿದಿಯೂರು, ಸುಂದರ ಪೂಜಾರಿ, ಕೃಷ್ಣಾನಂದ ಪೈ, ದಾಮೋದರ ಹೆಗಡೆ ಆದಿ ಗಣ್ಯ ಲೋಕ ಉಪಸ್ಥಿತ ಆಶ್ಶಿ.  

ಶೀ ಚಿತ್ರಾಪುರ ಮಠ ಸಂಸ್ಥಾನ ಶಿರಾಲಿ

ಶ್ರೀ ಚಿತ್ರಾಪುರ ಮಠ ಸಂಸ್ಥಾನಾಚೆ ೧೫೨ ವಷಾಚೆ ಶ್ರೀ ಚಿತ್ರಾಪುರ ತೇರು ದಿನಾಂಕ. ೨೦-೪-೨೦೧೩ ದಾಕೂನು ೨೭-೪-೨೦೧೩ ಪರ್ಯಂತ ಸಾಮೂಹಿಕ ಪ್ರಾರ್ಥನಾ, ಧ್ವಜಾರೋಹಣ, ಪಾಲಂಖೀ ಉತ್ಸವು, ರಥಾರೂಹಣ, ರಥೋತ್ಸವು, ಗ್ರಹಣ ಕಾಲ ಪೂಜಾ, ಧರ್ಮ ಸಭಾ, ಅನ್ನ ಸಂತರ್ಪಣ, ಪಂಚವಟಿಂತು ಮೃಗಬೇಟೆ ಉತ್ಸವು, ಅವಭೃತ ನ್ಹಾಣ(ಓಕ್ಳಿ), ಸಪ್ರಭಾತಂ, ಪಂಚಾಂಗ ವಾಚನ, ಮಹಾಪೂಜಾ, ಬಲಿ, ಶ್ರೀ ಪಾದಪೂಜಾ, ತೀರ್ಥ ವಿತರಣ, ಶ್ರೀ ಬೀಕ್ಷಾ, ದೀಪನಮಸ್ಕಾರ, ಆಶೀರ್ವಚನ ಸೇವಾ ಇತ್ಯಾದಿ ಕಾರ್ಯಕ್ರಮ ಬರಶಿ ವಿಜೃಂಭಣೇರಿ ಚಲೀಲೆ ಖಬ್ಬರ ಮೆಳ್ಳಾ.

ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳ, ಉಡುಪಿ

ಉಡ್ಪಿಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತುವಿಜಯ ಸಂವತ್ಸರಾಚೆ ಯುಗಾದಿ ತಾ. ೧೧-೦೪-೨೦೧೩ ದಿವಸು ಪೂಜಾ ಪರ್ಯಾಯ ಹಸ್ತಾಂತರ, ವಾರ್ಷಿಕ ಮಹಾ ಸಭಾ, ಪಂಚಾಂಗ ಶ್ರವಣ, ಆನಿ ವಸಂತೋತ್ಸವ ಆರಂಭ ಸಮೇತ ಸಂಪನ್ನ ಜಾಲ್ಲೆ. ತಾ. ೧೯-೦೪-೧೩ ಕ ಶ್ರೀ ರಾಮನವಮಿ ಶ್ರೀ ರಾಮದೇವಾಕ ಪಾಣ್ಣೆಕ ಘಾಲ್ಚೆ, ವಸಂತ ಪೂಜಾ, ಮಹಾ ಪೂಜಾ, ಮಹಾ ಸಮಾರಾಧನ, ರಾತ್ರಿ ಪೇಟೆ ಉತ್ಸವ ಸಮೇತ ಸಂಪನ್ನ ಜಾಲ್ಲೆ.

ಸರಸ್ವತಿ ಪ್ರಭಾ ಕೊಂಕಣಿ ಮಾಸಿಕಾಚೆ 24 ವರ್ಷಾಚೆ ಪ್ರಕಟಣಾ       ಪೂರ್ತಿ ಜಾಲ್ಲೆ.

15 ಮೇ 2013 ಸಂಚಿಕೆಂತು ಪ್ರಕಟಿತ ವಿಶೇಷ

* ಸ್ವಾಮಿ ವಿವೇಕಾನಂದಾಲೆ ಜೀವನ ಘಟನಾ -1.

* ``ಸಾಲಿಗ್ರಾಮ ಮಹತ್ವ'' ವಿಶೇಷ ಲೇಖನ.

* ಶ್ರೀ ವಿಷ್ಣು ಕಾಮತ್, ಕಟಪಾಡಿ ಹಾನ್ನಿ ಬರೆಯಿಲೆ ``ಭಾರೀ ಮೊಲ್ಲಾಚೆ ಮಾಣಿಕ್ಯ ``ವೇಳು''

* ಶ್ರೀ ಕೆ. ಜನಾರ್ಧನ ಭಟ್, ಮೈಸೂರು ಹಾನ್ನಿ ಬರೆಯಿಲೆ ``ಉಪನಿಷದ್ ಕಾಣಿ-6''

* ಪ್ರಾಪ್ತಿ ಧಾರವಾಹಿಚೆ 29ಚೆ ಅಂಕ

*ಶ್ರೀ ಆರ್.ಎಮ್.ಶೇಟ್(ಆರ್ಯಂ) ಶಿರಸಿ ಹಾಂಗೆಲೆ ``ಸಂಸಾರ ಸೂತ್ರ ಸಮಜಿಯಾ''

* ಮೈನ್ಯಾ ಕಾಣಿಂತು ಆರ್ಗೋಡು ಸುರೇಶ ಶೆಣೈಲೆ ``ಶಿಕೈತ್ ತಾಂಕಾ''

* ಶ್ರೀಮತಿ ವಿಜಯಾ ಆರ್ ಕಾಮತ್ ಹಾಂಗೆಲೆ ``ಶ್ರೀ ಕೃಷ್ಣ ಬಾಲ ಲೀಲಾ ವಿನೋದು'' ಪುಸ್ತಕ ಪರಿಚಯು

* ಶ್ರೀಮತಿ ಜಯಶ್ರೀ ನಾಯಕ್ ಎಕ್ಕಂಬಿ ಹಾನ್ನಿ ಬರೆಯಿಲೆ ಶ್ರೀ ಪದ್ಮಾವತಿ ಶ್ರೀನಿವಾಸ ಕಲ್ಯಾಣ

* ನಾಗೇಶ ಅಣ್ವೇಕರಾಂಗೆಲೆ ದಶಾವತಾರಾಂತು ``ಶ್ರೀ ಕೃಷ್ಣಾವತಾರ''

ಹಾಜ್ಜ ಬರಶಿ ಕರ್ನಾಟಕ ಕಾಜ್ಯಾದ್ಯಾಂತಾಚೆ ವಿಂಗವಿಂಗಡ ಗಾಂವ್ಚೆ ಜಿ.ಎಸ್.ಬಿ. ದೈವಜ್ಞ, ಸಾರಸ್ವತ ಸಮಾಜ, ದೇವಳ, ಮಠಾಚೆ ಬರಪೂರ ಖಬ್ಬರ ನೈಶಿ ಇತರ ಕೊಂಕಣಿ ಖಬ್ಬರ ಸಹಿತ

ಆಯ್ಲ ಕೂಡ್ಲೆ ಪಯ್ಲೆ ವಾಜ್ಜಿಯಾ.

ತುಮಗೇಲೆ ಅಭಿಪ್ರಾಯು ಆಮಕಾ ಕಳೇಯಾ.

ಸರಸ್ವತಿ ಪ್ರಭಾಚೆ 24 ವರ್ಷಾಚೆ ಅಖೈರಿಚೆ ಸಂಚಿಕಾ ಆತ್ತ ಪ್ರಕಟ ಜಾಲ್ಲ್ಯಾ. ತುಮ್ಮಿ ವಾಜ್ಜಿಲ್ಯಾವೇ?

ಹೇ ಸಂಚಿಕೆಂತು ವಿಶೇಷ

* ಸ್ವಾಮಿ ವಿವೇಕಾನಂದಾಲೆ ಜೀವನಾ ಘಟನಾ -1 (ವಿಶೇಷ ಪರಿಚಯ ಮಾಲಿಕಾ)

*  ಸಾಲಿಗ್ರಾಮ ಮಹತ್ವ

* ಶ್ರೀ ವಿಷ್ಣು ಕಾಮತ್ ಹಾನ್ನಿ ಬರೆಯಿಲೆಂ ``ಭಾರೀ ಮೊಲ್ಲಾಚೆ ಮಾಣಿಕ್ಯ ``ವೇಳು''

* ಶ್ರೀ ಕೆ. ಜನಾರ್ಧನ ಭಟ್, ಮೈಸೂರು ಹಾನ್ನಿ ಬರೆಯಿಲೆ ``ಉಪನಿಷದ್ ಕಾಣಿ-6''

* ಪ್ರಾಪ್ತಿ ಕಾದಂಬರಿಚೆ 29 ಕಂತು

* ಶ್ರೀ ಆರ್.ಎಮ್.ಶೇಟ್ (ಆರ್ಯಂ0 ಹಾನ್ನಿ ಬರೆಯಿಲೆ ``ಸಂಸಾರ ಸೂತ್ರ ಸಮಜಿಯಾ''

* ಮೈನ್ಯಾ ಕಾಣಿಂತು ``ಶಿಕೈತ್ ತಾಂಕಾ''

* ಶ್ರೀಮತಿ ವಿಜಯಾ ಆರ್. ಕಾಮತ್ ಹಾಂಗೆಲೆ  ಶ್ರೀ ಕೃಷ್ಣ ಬಾಲ ಲೀಲಾ ವಿನೋದು ಕೃತಿ ಪರಿಚಯು

* ಶ್ರೀಮತಿ ಜಯಶ್ರೀ ನಾಯಕ್, ಯಕ್ಕಂಬಿ ಹಾನ್ನಿ ಬರೆಯಿಲೆ ``ಶ್ರೀನಿವಾಸ ಪದ್ಮಾವತಿ ಕಲ್ಯಾಣ''

* ಶ್ರೀ ನಾಗೇಶ ಅಣ್ವೇಕರ ಹಾನ್ನಿ ಬರೆಯಿಲೆ ದಶಾವತಾರಾಂತು ``ಶ್ರೀ  ಕೃಷ್ಣಾವತಾರ''

ಹಾಜ್ಜ ಬರಶಿ ಗೌಡ ಸಾರಸ್ವತ, ದೈವಜ್ಞ ಬ್ರಾಹ್ಮಣ ಸಮಾಜ ತಶ್ಶಿಸಿ ಕೊಂಕಣಿಚೆ ಬರಪೂರ ಖಬ್ಬರ ಸರ್ವ ಹೇ ಎಕ್ಕಾಚಿ ಅಂಕಾಂತು ಚೂಖನಾಶಿ ವಾಜ್ಜಿಯಾ. ಪತ್ರಿಕೆಕ ಸದಸ್ಯ ಜಾವಚಾಕ ಇಚ್ಚಾ ಆಶ್ಶಿಲ್ಯಾನ 

saraswatiprabha@rediffmail.com ಹಾಂಕಾ ಸಂಪರ್ಕು ಕೊರಯೇತ.

ಮುಖಾವಯಲೆ ಸಂಚಿಕಾ ದಾಕೂನು ``ಸರಸ್ವತಿ ಪ್ರಭಾ''ಚೆ ರಜತ ಮಹೋತ್ಸವ ವರ್ಷಾಚೆ ಪ್ರಕಟಣ ಸೂರ ಜಾತ್ತಾ. ತುಮ್ಮಿ ಸರ್ವ ಹೇ ಪತ್ರಿಕಾ ನಿರಂತರ ಜಾವ್ನು ಪ್ರಕಟ ಜಾವ್ಚೆ ಖಾತ್ತಿರಿ ಆರ್ಥಿಕ ಸಹಾಯು ದೀವ್ನು ಉಪ್ಕಾರು ಕೊರಕಾ ಮ್ಹೊಣು ಮಾಗಣಿ ಆಸ್ಸ.

ಕೊಂಕಣಿ ಸಾಹಿತ್ಯ ಅಕಾಡೆಮಿ, ಮಂಗಳೂರು

 ರಾಷ್ಟ್ರಕವಿ ದಿ. ಮಂಜೇಶ್ವರ ಗೋವಿಂದ ಪೈಂಗೆಲೆ ೧೩೦ಚೆ ಜಾಯದಿವಸಾಚೆ ಆಚರಣ ದಿನಾಂಕ ೨೩-೩-೨೦೧೩ಕ  ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ದಪ್ತಾರ ಮಾಂಟೋವಾಂತು ಆಚರಣ ಕೆಲ್ಲೆ. ಆಕಾಡೆಮಿಚೆ ಆಧ್ಯಕ್ಷ  ಶ್ರೀ ಕಾಸರಗೋಡು ಚಿನ್ನಾ ತಾನ್ನಿ   ರಾಷ್ಟ್ರಕವಿ ದಿ. ಮಂಜೇಶ್ವರ ಗೋವಿಂದ ಪೈಂಗೆಲೆ ಪೋಟೊಕ ಮಾಳಾರ್ಪಣ ಕೋರ್ನು ಗೌರವ ಕೆಲ್ಯಾರಿ. ನೃತ್ಯ ವಿದುಷಿ ರಾಜಶ್ರೀ , ಅಕಾಡೆಮಿ ರಿಜಿಸ್ಟ್ರಾರ್ ಡಾ.ಬಿ.ದೇವದಾಸ್ ಪೈ ಆನಿ ಸಿಬ್ಬಂದಿ ವರ್ಗ ಹೇ ಸಂದರ್ಭಾರಿ ಹಾಜರಾಶ್ಶಿಲೆ.

ಕೊಂಕಣಿ ಆಕಾಡೆಮಿ ತರ್ಫೆನ “ಆಹಾರಾರೋಗ್ಯ

ಮಂಗಳೂರು ಕರ್ನಾಟಕ  ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನ “ಕೊಂಕಣಿ ಆಹಾರಾರೋಗ್ಯ ಮ್ಹಣ್ಚೆ ಕಾರ್ಯಕ್ರಮ ತಾ. ೨೦-೩-೨೦೧೩ ದಿವಸು ಮಂಗಳೂರ್‍ಚೆ ಕೊಂಕಣಿ ಮಾಂಟೋವಾಂತು ಚಲ್ಲೆ. ಉದ್ಘಾಟಕ ಜಾವ್ನು ಶ್ರೀಮತಿ ಫಿಲೋಮಿನಾ ಲೋಬೊ ಆಯ್ಯಿಲೆ. ಅಧ್ಯಕ್ಷತ ಅಕಾಡೆಮಿ   ಅಧ್ಯಕ್ಷ ಶ್ರೀ ಕಾಸರಗೋಡು ಚಿನ್ನಾ ತಾನ್ನಿ ಘೆತ್ತಿಲೆ. ಹೇ ವೇಳ್ಯಾರಿ ಡಾ| ರೂಪಾ ಪೈ, ಶ್ರೀಮತಿ ಐರಿನ್ ರೆಬೆಲ್ಲೊ ಆನಿ ಶ್ರೀಮತಿ ಗೀತಾ ಸಿ.ಕಿಣಿ ತಾನ್ನಿ ಕೊಂಕಣಿ ಆಹಾರಾಚೆ ವಿಂಗವಿಂಗಡ ಅಂಶ ವಯರಿ ವಿಚಾರ ಮಂಡನ ಕೆಲ್ಲಿ. ಹೇಂಚಿ ವೇಳ್ಯಾರಿ ಡಾ. ಎಂ.ಡಿ. ಕಾಮತ್, ಮಂಗಳೂರು ಆನಿ ಕು. ರೀನಾ ವೀತಾ ಡಿಸೋಜಾ ಹಾಂಕಾ ಕೊಂಕಣಿ ನಕ್ಷತ್ರ ಮ್ಹೊಣು ಗೌರವಾರ್ಪಣ ಕೆಲ್ಲಿ. ಮಾಗಿರಿ ಕು. ಸುಜೀರ್ ಕೀರ್ತನ ನಾಯಕ್ ದಾಕೂನು ಕೊಂಕಣಿ ಭಾವಗೀತಾ ಕಾರ್ಯಕ್ರಮ ಚಲ್ಲೆ. ಸಮಾರಂಭಾಂತು ಅಕಾಡೆಮಿ ರಿಜಿಸ್ಟ್ರಾರ್ ಡಾ| ಬಿ. ದೇವದಾಸ ಪೈ ಆನಿ ಸದಸ್ಯ, ಇತರ ಗಣ್ಯ ಲೋಕ ಉಪಸ್ಥಿತ ಆಶ್ಶಿಲೆ.

ಶ್ರೀ ಕೃಷ್ಣ ಬಾಲ ಲೀಲಾ ವಿನೋದು ಉಗ್ತಾವಣ

“ಶ್ರೀ ಕೃಷ್ಣ ಬಾಲ ಲೀಲಾ ವಿನೋದು ಕೊಂಕಣಿ ಭಾಷೆ ಪುಸ್ತಕ ಮಂಗಳೂರ್‍ಚೆ ಶ್ರೀ ವೆಂಕಟರಮಣ ದೇವಳಾಂತು ಶ್ರೀ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆ ದಿವ್ಯ ಕರಕಮಲಾನಿ ತಾರೀಕು ೮-೦೩-೨೦೧೩ ಏಕಾದಶಿ ದಿವಸು ಉಕ್ತಾವಣ ಜಾಲ್ಲಿ. ಪುಸ್ತಕ ಖಾತ್ತಿರಿ ಅಪಾರ ತಾರೀಪು ಕೆಲೇಲೆ ಪ|ಪೂ| ಸ್ವಾಮ್ಯಾನಿ ಲೇಖಕಿ ಶ್ರೀಮತಿ ವಿಜಯಾ ಕಾಮತ್ ತಶ್ಶೀಚಿ ಶ್ರೀ ರವೀಂದ್ರ ಕಾಮತ್ ದಂಪತಿಂಕ ಪ್ರಸಾದ ದೀವ್ನು ಆಶೀರ್ವಾದ ಕೆಲ್ಲೆ. ವೇ ಮೂ ಚೆಂಪಿ ರಾಮಚಂದ್ರ ಭಟ್, ಮುದ್ರಕ ಮಟ್ಟಾರ್ ರಮೇಶ್ ಕಿಣಿ, ಅನುಸೂಯ ಕಿಣಿ ಆನಿ ಶಾಂತಲಾ ಕಿಣಿ ಇತ್ಯಾದಿ ಗಣ್ಯ ಲೋಕ ಹೇ ವೇಳ್ಯಾರಿ ಉಪಸ್ಥಿತ ಆಶ್ಶಿಲೆಂ. 

ಶಾರದಾ ಪೈ ಕಲ್ಯಾಣ ಮಂಟಪ, ಚಿಕ್ಕಮಗಳೂರು

ಚಿಕ್ಕಮಗಳೂರಾಚೆ ಶಾರದಾ ಪೈ ಕಲ್ಯಾಣ ಮಂಟಪಾಂತು ಆಲ್ತಾಂತು ಚಲೀಲೆ ಏಕ ಹೃದಯಸ್ಪರ್ಶಿ ಸಮಾರಂಭಾಂತು ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ತರಪೇನ ನವೀನ ಜಾವ್ನು ನಗರಸಭಾ ಸದಸ್ಯ ಜಾಲೇಲೆ ರವೀಂದ್ರ ಪ್ರಭು, ಶ್ಯಾಮಲ ಎಂ. ರಾವ್, ರಮೇಶ್ ತಾಂಕಾ ಶಾರದಾ ಪೈ ಕಲ್ಯಾಣ ಮಂಟಪಾಚೆ ಅಧ್ಯಕ್ಷ ಜಯಂತ್ ಪೈನ ಸನ್ಮಾನ ಕೆಲ್ಲೊ. “ಇಲೇಕ್ಷನ್ನಾ ವೇಳ್ಯಾರಿ ಮಾತ್ರ ಪಕ್ಷ, ನಂತರ ಪಕ್ಷ ಬೇಧ ಆನಿ ಜಾತಿ ಬೇಧ ಕರನಾಶಿ ಅಭಿವೃದ್ಧಿಕ ಪಯ್ಲೆ ಆದ್ಯತ ದೀವ್ನು, ಸರ್ವಾಲೆ ವಿಶ್ವಾಸ ಆಸ್ಸ ಕೋರ್ನು ಘೆವ್ಕಾ ಮ್ಹಳ್ಳಿಂತಿ. ಡಾ. ಯಶ್ವಂತ್ ಪ್ರಭು, ಮುರಳೀಧರ್ ಕಿಣಿ, ದಾಮೋದರ್ ಪ್ರಭು, ಕೃಷ ಭಟ್, ಮಹಿಳಾ ಮಂಡಳಿ ಅಧ್ಯಕ್ಷೆ ಅನಿತಾ ನರೇಂದ್ರ ಪೈ, ವ್ಯವಸ್ಥಾಪಕ ಲಕ್ಷ್ಮಣ ಕಾಮತ್ ಹೇ ವೇಳ್ಯಾರಿ ಉಪಸ್ಥಿತ   ಆಶ್ಶಿಲೆ.

ಶೃಂಗೇರಿಂತು ಪ್ಲಾಸ್ಟಿಕ್ ವಿರೋಧಿ  ಆಂದೋಲನಾಚೆ 

ಶ್ರೀ ನಾಗೇಶ ಕಾಮತ್

ಆಜಿ ಪ್ಲಾಸ್ಟಿಕ್ ನಾತ್ತಿಲೆ ಜಾಗೋ ನಾ. ಭೂಂಯಿಂತು ಮೆಳಚೆ ಪೆಟ್ರೋಲಿಯಂ ಉತ್ಪನ್ನ ದಾಕೂನು ‘ಪ್ಲಾಸ್ಟಿಕ್ ತಯಾರ ಜಾತ್ತಾ ಜಾಲ್ಯಾರಿ ಹೇ ಮಾತಿಯಾಂತು ಕರಗನಾ. ಹಾಂತಾಸ್ಸುಚೆ ಅಪಾಯಕಾರಿ ರಾಸಾಯನಿಕ ಮ್ಹಳಯಾರಿ ಕಾರ್ಬನ್.  ತಾಜ್ಜ ಬರಶಿ ಭಾರಲೋಹ, ವಿನೈಲ್ ಕ್ಲೋರೈಡ್, ಟೆಟ್ರಾ ಕ್ಲೋರೈಡ್, ಡಯಾಕ್ಸಿನ್, ಪ್ಯೂರಾನ್, ಥ್ಯಾಲೇಟ್ ಅಶ್ಶಿ ಏಕ್ಕಾ ಮಾಕಸಿ ಏಕ ವಿಷ! ಅತಿ ವಿಷ!! ಹಾಂತು ಒಟ್ಟೂ ಅತಿವಿಷಕಾರಿ ರಾಸಾಯನಿಕ ಭೋರ್ನು ಘೆಲ್ಲಾ. ತಶ್ಶಿ ಜಾವ್ನು ಪ್ಲಾಸ್ಟಿಕ್ ತಯಾರ ಜಾಲ್ಲೆ ದಿವ್ಸಾ ದಾಕೂನು ರಾಸಾಯನಿಕ ಬಾಯರ ಪಡಚೆ ಸೂರ ಜಾತ್ತಾ. ಪ್ಲಾಸ್ಟಿಕ್ ತಯಾರಿ ಜಾಲೇಲೆ ೪೦ಚೆ ದಿವಸಾ ದಾಕೂನು ಹೇ ಡಯಾಕ್ಸಿನ್ ಮ್ಹಳಯಾರಿ ಕ್ಲೋರಿನೇಟೆಡ್ ಡೈಬೆಂಜೋ ಡಯಾಕ್ಸಿನ್ ಮ್ಹಣಚೆ ವಿಷ ರಾಸಾಯನಿಕ ಬಾಯರಿ ಪಡಚಾಕ ಲಾಗ್ತಾ. ಆನಿ ಅತಿ ಪ್ಲಾಸ್ಟಿಕ್ ವಾಪರಚೆ ದಾಕೂನು  ಗರ್ಭಸ್ರಾವ, ಅಂಗವೈಕಲ್ಯ, ಲೈಂಗಿಕ ಅಸಾಮರ್ಥ್ಯ, ಹೃದಯ, ಶ್ವಾಸಕೋಶ, ಪಿತ್ತಜನಕಾಂಗ, ಮೂತ್ರಪಿಂಡ ಹಾನಿ, ಕ್ಯಾನ್ಸರ್ ತಶ್ಶಿಚಿ ಚರ್ಮರೋಗ ಯವ್ಚೆ ಫಾವ ಆಸ್ಸ ಮ್ಹೊಣು ವೈಜ್ಞಾನಿಕ ಜಾವ್ನು ಸಿದ್ದ ಜಾಲ್ಲಾ.
ಅಶ್ಶಿ ಆಸತಾನಾ ಪ್ಲಾಸ್ಟಿಕ್ ವಾಪರಚೆ ಕಿತ್ತುಲೆ ಅಪಾಯಕಾರಿ ಮ್ಹೊಣು ತುಮ್ಮಿಚಿ ಸಮಜಿಯಾ. ಅಶ್ಶಿ ಮ್ಹೊಣು ಸರಕಾರಾನ ಏಕದಂ ಪ್ಲಾಸ್ಟಿಕ್ ವಾಪರಚೆ ನಿಷೇದ ಕೊರಚಾಕ ಜಾಯನಾ. ಉದ್ಯಮಾಕ ಮಾರ ಪೊಡಚಾಕ ಪುರೊ, ತಾಜ್ಜೇನ ಲೋಕಾಲೆ ಜೀವನಾಂತು ‘ಹಾಹಾಕಾರ ಪಡ್ತಾ. ತಶ್ಶಿ ಜಾಲ್ಯಾರಿ ಪ್ಲಾಸ್ಟಿಕ್ ಮ್ಹಣಚೆ ಪೆಡಂಭೂತಾಕ ದೂರ ಕೊರಚೆ ಪೂಣಿ ಕಶ್ಶಿ? ತ್ಯಾ ಖಾತ್ತಿರಿ ಆಮ್ಮಿಚಿ ಆಮಗೇಲೆ ಆನಿ ದೇಶಾಚೆ ಬರೇಪಣಾ ಖಾತ್ತಿರಿ ಪ್ಲಾಸ್ಟಿಕ್ ವಾಪರನಾ ಮ್ಹಣಚೆ ಪ್ರತಿಜ್ಞಾ ಘೆವ್ಕಾ. ತಸ್ಸಾಲೆ ಏಕ ಪ್ರತಿಜ್ಞಾ ಘೇವ್ನು, ವ್ಯಾಪಾರು ಜಾಯನಾ ಜಾಲ್ಯಾರಿಚಿ ಅಡ್ಡಿನಾ, ಪ್ಲಾಸ್ಟಿಕ್ ಬ್ಯಾಗಾಂತು ಮಾತ್ರ ಸಾಮಾನು ದೀನಾ ಮ್ಹೊಣು ಸಾಂಗ್ಚೆ ತಿತ್ಲೆ ನ್ಹಂಹಿ ಪ್ಲಾಸ್ಟಿಕ್ ಬದಲಾಕ ಹಜಾರಗಟ್ಲೆ ಬಯೋಡಿಗ್ರೇಡಬಲ್ ಚೀಲ ವಾಂಟಿಲೆ ಏಕಳಿ ಶೃಂಗೇರಿಚೆ ಸಾಮಾಜಿಕ ಕಾರ್ಯಕರ್ತ ಶ್ರೀ ನಾಗೇಶ ಕಾಮತ್ ತಾನ್ನಿ.
ತಾಂಗೆಲೆ ತರಕಾರಿ ದುಕಾನಾಕ ತುಮ್ಮಿ ರಾಂದಯಕಾಯಿ ಹಾಡಚಾಕ ಘೆಲಯಾರಿ "ಪ್ಲಾಸ್ಟಿಕ್ ಬ್ಯಾಗಾಂತು ತರಕಾರಿ ದೀನಾ, ಮಾತಿಯಾಂತು ಕರ್‍ಗೂಚೆ, ಆಮಗೇಲೆ ಆರೋಗ್ಯಾಕ ಲುಕ್ಸಾನ ಕರ್ನಾತ್ತಿಲೆ  ವಿಂಗಡ (ಬಯೋಡಿಗ್ರೇಡಬಲ್) ಬ್ಯಾಗ್ ದಿತ್ತಾ, ತೀನಿ ರೂಪಯಿ ಚಾರ್ಜ್. ಮುಖಾವೈಲೆ ಪಂತಾ ಯತ್ತನಾ ಚೀರಿ ಹಾಳಯಾರಿ ಮಾತ್ರ ಮೆಗೇಲೆ ಆಂಗ್ಡಿಂತು ತರ್ಕಾರಿ ಮೆಳ್ತಾ. ಮ್ಹಣತಾ ಪ್ಲಾಸ್ಟಿಕ್ ದುಷ್ಪರಿಣಾಮಾಚೆ ವಿವರ ಆಸ್ಸುಚೆ ಪಾಂಪ್ಲೆಟ್ ದಿತ್ತಾತಿ.
ನವ್ವ(೯) ವರ್ಷಾ ದಾಕೂನು ಶ್ರೀ ನಾಗೇಶ ಕಾಮತ್ ಮಾಮು ’ಪ್ಲಾಸ್ಟಿಕ್ ಪೆಡಂಭೂತ ಖಾತ್ತಿರಿ ಗಟ್ಟಿ ತಾಳೊ  ಕಾಡ್ತಾ ಆಯಲಿಂತಿ. ತ್ಯಾ ಕಾರಣಾನ ಶೃಂಗೇರಿ ಪೆಂಟಾಚೆ ಅಂಗಡಿಂತು ಪ್ಲಾಸ್ಟಿಕ್ ಕ್ಯಾರಿಬ್ಯಾಗ್ ಪಳೋವಚಾಕ ಮೆಳಚೆ ಅಪರೂಪ. ಲೋಕ ತರಕಾರಿ, ಕಿರಾಣಿ ಸಾಮಾನ ವ್ಹರಚಾಕ ಘರ್‍ಚಾನ ಚೀರಿ ಹಾಡತಾತಿ.  ಬಹುಶಃ ಪ್ರತಿಯೆಕ್ಳ್ಯಾನ ಅಸ್ಸಲೆ ಸಾಮಾಜಿಕ ಕಾಳಜಿ ವ್ಯಕ್ತ ಕೆಲಯಾರಿ ಖಂಚೇ ಸಮಸ್ಯೆ ಪಾಳ ಸಮೇತ ನಿಕ್ಕೊಳ್ನು ಉಡೋವಚಾಕ ಜಾತ್ತಾ ಮ್ಹಣಚಾಕ ಹೇ ಏಕ ಉದಾಹರಣ ಮ್ಹಣ್ಯೇತ.
ಪ್ಲಾಸ್ಟಿಕ್ ಮುಕ್ತ ಗಾಂವ ಜಾವ್ಕಾ ಮ್ಹೊಣು ನಾಗೇಶ ಮಾಮು ವಾಕಿಂಗಾಕ, ಶೃಂಗೇರಿ ಗುಡ್ಡೆರಿ, ನ್ಹಂಯ್ಚೆ ಎಳೇರಿ, ಪಾರ್ಕಾಕ ಘೆಲೇಲೆ ತೆದ್ದನಾ ಸೈತ ಥಂಯಿ ಪಡಿಲೆ ಪ್ಲಾಸ್ಟಿಕ್ ವಿಂಚಿತಾತಿ. ಹಾನ್ನಿ ರೋಟರಿ ಕ್ಲಬ್ಬಾಂತು ಸಕ್ರೀಯ ಸದಸ್ಯ, ಏಕ ಅವಧಿಚೆ ಅಧ್ಯಕ್ಷ ಸೈತ ಜಾಲ್ಲಿಂತಿ. ಸುರವೇಕ ಕ್ಲಬ್ಬಾಚೆ ಸಭಾ-ಸಮಾರಂಭಾಂತು, ಅಂಗ ಸಂಸ್ಥೆಂತು, ಶಾಳಾ-ಕಾಲೇಜಾಂತು ಪ್ಲಾಸ್ಟಿಕ್ ದಾಕೂನು ಉತ್ಪತ್ತಿ ಜಾವಚೆ ಘೋರ ಅನಾಹುತಾಚೆ ಮಾಹಿತಿ ದಿತ್ತಾ ಆಯಲಿಂತಿ. ವರ್ಷಾನ ವರ್ಷ ಅಸ್ಸಲೆ ಕಾಮ ಕರ್ತಾ ಆಯಲೇರಿಚಿ ಪರಿಣಾಮು ಮಾತ್ರ ಖಾಂಯಿ ಜಾಯ್ನಿ.  ತಾಕ್ಕಾ ಕಾರಣಾಂಯಿ ಆಸ್ಸ, ತಾನ್ನಿ ಪ್ಲಾಸ್ಟಿಕ್ ವಾಪರನಾಕ್ಕಾತಿ ಮ್ಹಳ್ಳಿಂತಿ, ಜಾಲ್ಯಾರಿ ತಾಕ್ಕಾ ಪರ್ಯಾಯ ಕಸ್ಸಲೆ ಮ್ಹೊಣು ಸಾಂಗನಿ.
ತ್ಯಾಂಚಿ ವೇಳ್ಯಾರಿ ಮ್ಹಳಯಾರಿ ೨೦೦೯-೧೦ತು ಕಾಮತ ಮಾಮು ಶೃಂಗೇರಿ ಪಟ್ಟಣ ಪಂಚಾಯತಾಚೆ ಅಧ್ಯಕ್ಷ ಜಾಲ್ಲೆ.  ತೆದ್ದನಾ ಪ್ಲಾಸ್ಟಿಕ್ ವಿರೋಧಿ ಆಂದೋಲನಾಕ ನವೀನ ವಾಟ ಉಬರ್ಲಿ. ತಾಲೂಕಾಚೆ ನವ್ವಾ ಪಂಚಾಯತ್ ವ್ಯಾಪ್ತಿಚೆ ಸರ್ವ ಘರಾಂಕ ಬಯೋಡಿಗ್ರೇಡಬಲ್ ಬ್ಯಾಗ ಪುಕ್ಕಟ ಜಾವ್ನು ದಿವ್ಕಾ ಮ್ಹೊಣು ಠರೋವ್ನು, ಕಾರ್ಯರೂಪಾಕ ಸೈತ ಹಾಳ್ಳೆ.  ಪಂಚಾಯತ್ ವ್ಯಾಪ್ತಿಂತು ಆಸ್ಸುಚೆ ಲೋಕಾಂಕ ಪುಕ್ಕಟ ಜಾವ್ನು ಚೀರಿ ವಾಂಟೂಚೆ ಬರಶಿ ‘ಆನಿ ಮುಖಾರಿ ಪ್ಲಾಸ್ಟಿಕ್ ಬ್ಯಾಗ್ ವಾಪರನಾಕ್ಕಾತಿ ಮ್ಹಣಚೆ ಸಂದೇಶ ಸೈತ ಪಾವಯಲೆ. ಮಸ್ತ ಲೋಕಾನಿ ತ್ಯಾ ಅನುಷ್ಠಾನಾಕ ಸೈತ ಹಾಳ್ಳೆ. ಅಂಗಡಿಕ, ಸಂತೆಕ ಎತ್ತಾನಾ ಪೂರಾ ಪಂಚಾಯತ್ ಮೂಖಾಂತರ ದಿಲೇಲೆ ಚೀಲ, ಆಂವ್ಗಲೆ ಚೀಲ ಹಾಡಚಾಕ ಲಾಗಲಿಂತಿ. ಶ್ರೀ ನಾಗೇಶ ಕಾಮತ ಮಾಮ್ಮಾಲೆ ಸಾತಾಠ ವರ್ಷಾಚೆ ಪ್ಲಾಸ್ಟಿಕ್ ವಿರೋಧಿ ಆಂದೋಳನ ಅಶ್ಶಿ ಭಾಗಶಃ ಯಶ ಪಾವಲೆ. ಏಕ ಚೀಲಾಕ ಬಾರ ರೂಪಯಿ ಲಾಗ್ತ ಖಂಯಿ. ಚಿಲ್ಲಾಚೆ ಏಕ ಬಗಲೇನ “ಮನೆಗೊಂದು ಚೀಲ, ಪ್ಲಾಸ್ಟಿಕ್ಕಿನಿಂದ ದೂರ ಮ್ಹಣಚೆ ಘೋಷಣ ಆಸಲೇರಿ, ಆನ್ನೇಕ ಬಗಲೇನ ತ್ಯಾ ತ್ಯಾ ಪಂಚಾಯತಾಚೆ ಪತ್ತೊ.
ಶ್ರೀ ನಾಗೇಶ ಕಾಮತ್ ಮಾಮ್ಮಾಲೆ ಹೋರಾಟಾಕ ಶ್ರೀ ಶ್ರೀ ಶೃಂಗೇರಿ ಜಗದ್ಗುರು ಸ್ವಾಮ್ಯಾನಿ ಸೈತ ಸಾಥ ದಿಲ್ಲೆ. ಶೃಂಗೇರಿ ಶಾರದಾಂಬಿಕೆ ದೇವಾಳಾಂತು ಪ್ಲಾಸ್ಟಿಕ್ಕಾಕ ವಿದಾಯ ಸಾಂಗೂನು ಬಯೋಡಿಗ್ರೇಡಬಲ್ ಚೀಲ ವಾಪರಚಾಕ ಲಾಗಲಿಂತಿ. ಸರ್ಕಾರಿ ಆದೇಶ ಆಸ್ಸುಚೆ ನಿಮಿತ್ತ ಕೆಲವ ಲೋಕ ಭಯಾಂತೂ ಬಯೋಡಿಗ್ರೇಡಬಲ್ ಚೀಲ ವಾಪರತಾತಿ. ಶ್ರೀ ಕಾಮತ ಮಾಮು ವರ್ತಕ ಸಂಘಾಚೆ ಕಾರ್ಯದರ್ಶಿ ಜಾವ್ನಾಶ್ಶಿಲೆ ನಿಮಿತ್ತ ವ್ಯಾಪಾರಸ್ಥ ’ಪ್ಲಾಸ್ಟಿಕ್ ಬಳಕೆಯಿಲ್ಲ’ ಮ್ಹಣ್ಚೆ  ಸ್ಟಿಕ್ಕರ ತಾಂಗತಾಂಗೆಲೆ ಆಂಗ್ಡಿಂತು ಲಾಯ್ಚೆ ಮೂಖಾಂತರ ಕಾಮತ್ ಮಾಮ್ಮಾಲೆ ಅಂದೋಲಾನಾಕ ಸಾಥ ದಿತ್ತಾ ಆಸ್ಸತಿ. “ಶೃಂಗೇರಿ ಪೇಂಟ ಶೇ.೮೦ತಿತ್ಲೆ ಪ್ಲಾಸ್ಟಿಕ್ ಮುಕ್ತ ಜಾಲ್ಯಾ. ಆನಿ ಇತ್ಲೆ ಕಾಮ ಬಾಕಿ ಆಸ್ಸ. ಲೋಕಾನಿ ಸ್ವಯಂಪ್ರೇರಣೆನ ಮುಖಾರ ಆಯಲೇರಿ ಮುಖಾವೈಲೆ ದಿವಸಾಂತು ಶಂಬರಿಕ ಶಂಬರ ಪರ್ಸೆಂಟ್ ಯಶ ಆಸ್ಸ ಕೋರ್ನು ಘೆವ್ಯೇತ. ಸರ್ವಯಿ ಕಾಯ್ದೆ ಮೂಖಾಂತರ ಜಾವ್ಕಾ ಮ್ಹಳಯಾರಿ ಜಾಯ್ನಾ.. ಮ್ಹಣತಾತಿ ಶ್ರೀ ಕಾಮತ್ ಮಾಮು. ಹಾನ್ನಿ ಬಯೋಡಿಗ್ರೇಡಬಲ್ ಚೀಲಾಕ ಚ್ಹಡ ಮಹತ್ವ ದಿವಚಾಕ ಲಾಗ್ಗಿಲ ತೆದ್ದನಾ ತಾಂಗೆಲೆ ವಿರುದ್ಧ ಅಪಪ್ರಚಾರ ಸೈತ ಚಲ್ಲೆ. “ಕಾಮತ್ ಚೀಲಾಚೆ ಫ್ಯಾಕ್ಟರಿ ಕರತಾತಿ. ತಾಜ್ಜ ಖಾತ್ತಿರಿ ಪ್ಲಾಸ್ಟಿಕ್ ವಿರೋಧಿ ಅಂದೋಲನಾಚೆ ನಾಟಕ ಕರತಾತಿ. ಚಿಲ್ಲಾ ಕಂಪ್ನಿ ಒಟ್ಟು   ತಾಂಕಾ ಲಿಂಕ್ ಆಸ್ಸ. ಇತ್ಯಾದಿ ಆರೋಪ ಆಯಲೆ. ಜಾಲ್ಯಾರಿ ಹಳೂ ಹಳೂ ತ್ಯಾ ಪೂರಾ ಆರೋಪ ಪಟ್ಟಿಕ ಮ್ಹಣ್ಚೆ ಲೋಕಾಂಕ ಕಳ್ಳಾ.
ಆಮ್ಮಿ ಪೂರಾ ಹೇ ವಾಯ್ಟ, ತ್ಯಾ ಸಮ್ಮ ನ್ಹಂಹಿ ಮ್ಹೊಣು ಸಾಂಗ್ತಾತಿ, ಜಾಲ್ಯಾರಿ ಶ್ರೀ ನಾಗೇಶ ಕಾಮತ್ ಮಾಮ್ಮಾನ ಸಾಂಗ್ಚೆ ಬರಶಿ ಬದಲಿ ವ್ಯವಸ್ಥಾ ಕಶ್ಶಿ ಕೊರ್ಯೇತ ಮ್ಹೊಣು ದಾಕೋವ್ನು ದಿಲ್ಲಾ. ಆಪಣಾಲೆ ಕೀಸೆಚಾನ ಲಾಕಭರಿ ರೂಪಯ ಖರ್ಚುನು ತಾನ್ನಿ ಕೆಲೇಲೆ ಹೇ ಆಂದೋಲನ ವಿಂಗಡ ಲೋಕಾಂಕ ಪ್ರೇರಣ ಜಾವ್ನು ಗಾಂವ ಗಾಂವಾಂತು ಚೊಲ್ಕಾ ಮ್ಹಣ್ಚೆ ತಾಂಗೆಲೆ ಆಶಯು. ಪ್ಲಾಸ್ಟಿಕ್ ವಿರೋಧಿ ಆಂದೋಲನಾಂತು ಇತ್ಲೆ ಸಕ್ರೀಯ ಜಾವ್ನು ವಾಂಟೊ ಘೇವ್ನು “ಪರಿಸರ ರಾಕವಣಾ ಖಾತ್ತಿರಿ ಇತ್ತುಲೆ ನಿಃಸ್ವಾರ್ಥ ಸೇವಾ, ದುಡ್ಡು ಖರ್ಚಿಲೆ ಶ್ರೀ ನಾಗೇಶ ಕಾಮತ್ ಮಾಮ್ಮಾಕ ರಾಜ್ಯ, ಕೇಂದ್ರ ಸರಕಾರ ದಾಕೂನು “ಪರಿಸರ ಪ್ರಶಸ್ತಿ ಮೆಳ್ಕಾ ಜಾಲೇಲೆ ಅಗತ್ಯ ಆಸ್ಸ. ಮುಖಾವೈಲೆ ದಿವಸಾಂತು ಹಾಂಗೆಲೆ ಹೇ ಆಂದೋಲನಾಚೆ ಪ್ರೇರಣೆನ ದೇಶಾದ್ಯಂತ ಪ್ಲಾಸ್ಟಿಕ್ ವಿರೋಧಿ ಆಂದೋಲನ ಜೋರ ಜಾವ್ನು ದೇಶ ಪ್ಲಾಸ್ಟಿಕ್ ಮುಕ್ತ ಜಾಂವೊ, ಶ್ರೀ ನಾಗೇಶ ಕಾಮತ್ ಮಾಮ್ಮಾಂಕ ರಾಜ್ಯ, ರಾಷ್ಟ್ರ ಮಟ್ಟಾಚೆ ಪುರಸ್ಕಾರ ಮೆಳೊ ಮ್ಹೊಣು “ಸರಸ್ವತಿ ಪ್ರಭಾ ಆಶಯ ಕರ್ತಾ.           

 - ಆರ್ಗೋಡು ಸುರೇಶ ಶೆಣೈ