Saraswati Prabha Konkani News 7/12

ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ, ಧಾರವಾಡ
ಧಾರವಾಡ ಗೌಡಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಸಮಾಜ ಮಂದಿರ “ಸರಸ್ವತಿ ನಿಕೇತನಾಕ ತಾ. ೦೧-೦೭-೨೦೧೨ ದೀಸು ಶ್ರೀ ಸಂಸ್ಥಾನ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ಶುಭಾಗಮ ಜಾಲ್ಲೆ. ಹುಬ್ಬಳ್ಳಿ ಸರಸ್ವತಿ ಸದನಾ ದಾಕೂನು ಪ|ಪೂ| ಸ್ವಾಮೆಂ ತೆಂ ದೀಸು ಸಾಂಜ್ವಳಾ ಧಾರವಾಡಾಕ ಆಯ್ಯಿಲೆ ತೆದ್ದನಾ, ತಾಂಕಾ ಎಲ್.ಇ.ಎ. ಕ್ಯಾಂಟೀನ ಲಾಗ್ಗಿ ಸಮಾಜ ಬಾಂಧವಾನಿ ಸ್ವಾಗತ ಕೋರ್ನು ಸಮಾಜ ಮಂದಿರಾಕ ಆಪೋವನು ವ್ಹರಲೆ. ಮಾಗಿರಿ ಸ್ವಾಮ್ಯಾಂಗೆಲೆ ಪಾದ್ಯಪೂಜಾ, ಸ್ವಾಗತ ಭಾಷಣ, ಕಾರ್ಯಕ್ರಮ ವಿವರಣ, ಪ|ಪೂ| ಸ್ವಾಮ್ಯಾ ದಾಕೂನು ಆಶೀರ್ವಚನ ಆನಿ ಪ್ರಸಾದ ವಿತರಣ ಚಲ್ಲೆ. ಹೆರ್‍ದೀಸಾಚಾನ ನೈರ್ಮಲ್ಯ ಪೂಜಾ, ಮಹಾ ಪೂಜಾ, ಮಂಗಳಾರ್ತಿ, ಪ|ಪೂ| ಸ್ವಾಮ್ಯಾಂಗೆಲೆ ಭಿಕ್ಷಾಸೇವಾ, ಪಾದ್ಯಪೂಜಾ, ಮಹಾ ಸಂತರ್ಪಣ, ಶ್ರೀ ಹರಿ ಆಚಾರ್ಯ, ಹುಬ್ಬಳ್ಳಿ ಹಾಂಗೆಲೆ ತಾಕೂನು ಪ್ರವಚನ, ಸಮಾಜಾ ತರಪೇನ ಪೂಜ್ಯ ಸ್ವಾಮ್ಯಾಂಕ ಪಾದ್ಯಪೂಜಾ, ಸ್ವಾಮ್ಯಾಂಗೆಲೆ ತಾಕೂನು ಆಶೀರ್ವಚನ, ಸಮಾಜ ಬಾಂಧವಾಂಕ ಸ್ವಾಮ್ಯಾ ತಾಕೂನು ಫಲಮಂತ್ರಾಕ್ಷತ ವಿತರಣ, ಆನಿ ತಾ. ೫-೦೭-೨೦೧೨ ದಿವಸು ಪೂಜ್ಯ ಸ್ವಾಮ್ಯಾಂಕ ಬೆಳಗಾವಿ ಮುಕ್ಕಾಮಾಕ ಶುಭ ವಿದಾಯ ಆದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಹೇ ವೇಳ್ಯಾರಿ ಧಾರವಾಡ ಗಾಂವ್ಚೆ ಸಮಾಜ ಬಾಂಧವ ಅಪಾರ ಸಂಖ್ಯಾರಿ ಉಪಸ್ಥಿತ ಉರ್ನು ಗುರುಕೃಪೇಕ ಪಾತ್ರ ಜಾಲ್ಲಿಂತಿ.
ಶ್ರೀ ಗೋಪಾಲಕೃಷ್ಣ ದೇವಳ, ಕಾಸರಕೋಡ
ಕಾಸರಕೋಡ ಶ್ರೀ ಗೋಪಾಲಕೃಷ್ಣ ದೇವಳಾಚೆ ಭಜನಾ ಸಪ್ತಾಹ ಮಂಡಳಿ ತರಪೇನ “ಭಜನಾ ಸಪ್ತ ತಾ. ೦೩-೦೮-೨೦೧೨ ತಾಕೂನು ೧೦-೦೮-೨೦೧೨ ಪರ್ಯಂತ ವಿಜಂಭಣೇರಿ ಚೊಲಚೆ ಆಸ್ಸ. ಆನಿ ತಾ. ೧೧-೦೮-೨೦೧೨ ಕ ಮಂಗಲ ಚಲತಾ. ತತ್ಸಂಬಂಧ ಭಕ್ತಾಧಿ ಲೋಕಾನಿ ತನು-ಮನ-ಧನ ಸಮೇತ ವಾಂಟೊ ಘೇವ್ನು ಶ್ರೀ ಹರಿ ಕೃಪೇಕ ಪಾತ್ರ ಜಾವ್ಕಾ ಮ್ಹೊಣು ದೇವಳಾಚೆ ಆಡಳಿತ ಸಮಿತಿ ತರಪೇನ ಮಾಗಣಿ ಆಸ್ಸ.
ಶ್ರೀ ಮಹಾವಿಷ್ಣು ದೇವಳ, ಶಿರಸಿ
ಶಿರ್ಶಿಚೆ ಶ್ರೀ ಮಹಾ ವಿಷ್ಣು ದೇವಳಾಂತು ವಟಸಾವಿತ್ರಿ ವೃತ ತಾ. ೪-೦೬-೨೦೧೨ ದಿವಸು ವಿಜಂಭಣೇರಿ ಚಲ್ಲೆ. ಮುಕಾರಿ ೨೩-೦೭-೨೦೧೨ ದಿವಸು ನಾಗರ ಪಂಚಮಿ, ೨೭-೦೭-೨೦೧೨ ದಿವಸು ವರಮಹಾಲಕ್ಷ್ಮೀ, ೨-೦೮-೨೦೧೨ಕ ಜಾನ್ನುವೆ ಪರಭ, ೨-೦೮-೨೦೧೨ ದಿವಸು ಶ್ರೀ ಹಯಗ್ರೀವ ಜಯಂತಿ, ೯-೦೮-೨೦೧೨ಕ ಶ್ರೀ ಕೃಷ್ಣ ಜಯಂತಿ ಚೊಲಚೆ ಆಸ್ಸ ಮ್ಹೊಣು ಖಬ್ಬರ ಮೆಳ್ಳಾ. ಹೇ ಪೂರಾ ಕಾರ್ಯಕ್ರಮಾಂತು ಸಮಾಜ ಬಾಂದವಾನಿ ಚಡ್ತ ಸಂಖ್ಯಾಂತು ವಾಂಟೊ ಘೇವ್ನು ಹರಿ-ಗುರು ಕೃಪೇಕ ಪಾತ್ರ ಜಾವ್ಯೇತ ಜಾಲ್ಲಾ.
ಶ್ರೀ ದುರ್ಗಾ ಹೊನ್ನಮ್ಮ ದೇವಳ, ಸಿದ್ದಾಪೂರ
ಸಿದ್ದಾಪೂರ್‍ಚೆ ಶ್ರೀ ದುರ್ಗಾಹೊನ್ನಮ್ಮ ದೇವಿಲೆ ಮೂಲಸ್ಥಾನಾಂತು ವರ್ಷಂಪ್ರತಿ ಚೊಲಚೆ ವರಮಹಾಲಕ್ಷ್ಮೀ ವೃತ   ತಾ. ೨೭-೦೭-೨೦೧೨ ದಿವಸು, ನವರಾತ್ರಿ ಉತ್ಸವು ೧೬-೧೦-೨೦೧೨ ದಾಕೂನು ೨೩-೧೦-೨೦೧೨ ಪರ್ಯಂತ ಚೊಲಚೆ ಆಸ್ಸ ಮ್ಹಣಚೆ ಖಬ್ಬರ ಮೆಳ್ಳಾ.
ಪೇಂಟಾಚೆ ಶ್ರೀ ದುರ್ಗಾ ಹೊನ್ನಮ್ಮ ದೇವಿ
ಸಿದ್ದಾಪೂರ್‍ಚೆ “ಪೇಟೆ ಶ್ರೀ ದುರ್ಗಾ ಹೊನ್ನಮ್ಮ ದೇವಳಾಂತು ಚಂಡಿಕಾ ಹವನ ತಾ. ೨೯-೦೫-೨೦೧೨ ದಿವಸು ವಿಜೃಂಭಣೇರಿ ಧಾರ್ಮಿಕ ವಿಧಿ-ವಿಧಾನ ಪ್ರಮಾಣೆ ಚಲೇಲೆ ಖಬ್ಬರ ಮೆಳ್ಳಾ. ಗಾಂವ್ಚೆ, ಪರಗಾಂವ್ಚೆ ಅಪಾರ ಸಮಾಜ ಬಾಂಧವ ಹೇ ಸಂದಭಾರಿ ಉಪಸ್ಥಿತ ಆಸ್ಸುನು ಶ್ರೀ ದೇವಿಲೆ ಕೃಪಾಕಟಾಕ್ಷಾಕ ಪಾತ್ರ ಜಾಲ್ಲಿಂತಿ.
ಶ್ರೀ ಮಹಾಲಸಾ ನಾರಾಯಣಿ ದೇವಳ, ಶಿರ್ವಾ
ಹಾಂಗಾ ಆಷಾಢ ಮಾಸಾಂತು ೩-೦೭-೨೦೧೨ಕ ಗುರುಪೂರ್ಣಿಮಾ ಉತ್ಸವು, ಶ್ರಾವಣ ಮಾಸಾಂತು ೨೩-೦೭-೧೨ಕ ನಾಗರ ಪಂಚಮಿ, ೨-೦೮-೨೦೧೨ಕ ಶ್ರಾವಣಿ ಯಜ್ಞೋಪವೀತ ಧಾರಣ, ೫-೦೮-೧೨ಕ ಸಾಮೂಹಿಕ ಚೂಡಿ ಪೂಜನ, ೧೦-೦೮-೨೦೧೨ಕ ಶ್ರೀ ಕೃಷ್ಣ ಜನ್ಮಾಷ್ಟಮಿ, ಅಧಿಕ ಭಾದ್ರಪದ ಮಾಸ ಪ್ರಯುಕ್ತ ೩೦-೦೮-೧೨ ದಾಕೂನು ೨-೦೯-೨೦೧೨ ಪರ್ಯಂತ ಶತಚಂಡಿಯಾಗ, ದ್ವಾದಶಾಕ್ಷರ ಜಪ ಹೋಮು, ಸಾಮೂಹಿಕ ಅಭಿಷೇಕ ಸೇವಾ ಇತ್ಯಾದಿ ಕಾರ್ಯಕ್ರಮ ಚೊಲಚೆ ಆಸ್ಸ ಮ್ಹಣಚೆ ಖಬ್ಬರ ಮೆಳ್ಳಾ. ಭಕ್ತಾಧೀನ ಚಡ್ತೆ ಸಂಖ್ಯಾರಿ ವಾಂಟೊ ಘೇವ್ನು ದೇವಾಲೆ ಕೃಪೇಕ ಪಾತ್ರ ಜಾವ್ಯೇತ.
ಶ್ರೀ ವೆಂಕಟರಮಣ ದೇವಳ, ಬೆಂಗಳೂರು
ಬೆಂಗಳೂರ್‍ಚೆ ಶ್ರೀ ಅನಂತ ನಗರಾಂತು ಆಸ್ಸುಚೆ ಶ್ರೀ ವೆಂಕಟರಮಣ ದೇವಳಾಂತು ಶ್ರೀ ಚಪ್ಪರ ವಿನಾಯಕ ದೇವಾಲೆ ೧೨ ವಷಾಚೆ ಪ್ರತಿಷ್ಠಾಪನಾ ಮಹೋತ್ಸವು ತಾ. ೨೭-೦೬-೨೦೧೨ ದಿವಸು ಅಭಿಷೇಕ, ಪ್ರಾರ್ಥನಾ, ೧೦೮ ನಾರಲಾಚೆ ಗಣೋಮು, ಮಹಾಪೂಜಾ, ಮಹಾಮಂಗಳಾರತಿ, ಮಹಾ ಸಂತರ್ಪಣ, ಭಜನ, ರಾತ್ತಿಚೆ ವಿಶೇಷ ಪೂಜಾ ಬರಶಿ ಸಂಪನ್ನ ಜಾಲೇಲೆ ಮಾಹಿತಿ ಮೆಳ್ಳಾ. ಶ್ರೀ ದೇವಳಾಂತು ೭ ವರ್ಷಾಚೆ ಸಾಮೂಹಿಕ ಕುಂಕುಮಾರ್ಚನ ತಾ. ೨೦-೦೭-೨೦೧೨ ದಿವಸು , ೯ ವರ್ಷಾಚೆ ಶ್ರೀ ನಾಗರ ಪಂಚಮಿ ಅಭಿಷೇಕ, ಅಷ್ಟೋತ್ತರ, ಮಂಗಳಾರತಿ ಬರೋಬರಿ ತಾ. ೨೪-೦೭-೨೦೧೨ ದಿವಸು, ೯ ವರ್ಷಾಚೆ ಶ್ರೀ ವರಮಹಾಲಕ್ಷ್ಮೀ ವೃತ ತಾ. ೨೭-೦೭-೨೦೧೨ ದಿವಸು, ೧೨ ವರ್ಷಾಚೆ ಶ್ರೀ ಕೃಷ್ಣ ಜನ್ಮಾಷ್ಟಮಿ ಸಹಸ್ರ ತುಳಸಿ ಅರ್ಚನ, ಅರ್ಘ್ಯ ಪ್ರಧಾನ, ಪ್ರಸಾದ ವಿತರಣ ಬರಶಿ ತಾ. ೯-೦೮-೨೦೧೨ ದಿವಸು ಚೊಲಚೆ ಆಸ್ಸುನು ಬೆಂಗಳೂರ್‍ಚೆ ಭಕ್ತ ಬಾಂದವಾನ ಹಾಂತು ತನು-ಮನ-ಧನ ಸಮೇತ ವಾಂಟೊ ಘೇವ್ನು ಶ್ರೀ ಹರಿ ಕೃಪೇಕ ಪಾತ್ರ ಜಾವ್ಯೇತ. ಖಂಚೇ ಮಾಹಿತೀಕ : ೦೮೦-೨೭೮೪೮೧೬೧ ಹಾಂಗಾಕ ಸಂಪರ್ಕ ಕೊರಯೇತ.

Konkani Math,s

ಚಾತುರ್ನಾಸ್ಯ ವೇಳ್ಯಾರಿ ಸ್ವಾಮ್ಯಾಂಕ ಭೆಟ್ಟೂನು ಪುನೀತ ಜಾಯ್ಯಾತಿ

ಶ್ರೀ ಕಾಶೀಮಠ, ವಾರಣಾಸಿ
ಶ್ರೀ ಕಾಶೀ ಮಠಾಧೀಶ ಶ್ರೀಮತ್ ಸುಧೀಂದ್ರ ತೀರ್ಥ ಸ್ವಾಮೀಜಿ ತಾಂಗೆಲೆ ನಂದನ ನಾಮ ಸಂವತ್ಸರಾಚೆ ಚಾತುರ್ಮಾಸ ವ್ರತಾಚರಣ ಮಂಗಳೂರು ರಥಬೀದಿಚೆ ಶ್ರೀ ವೆಂಕಟರಮಣ ದೇವಳಾಂತು ತಶ್ಶೀಚಿ ತಾಂಗೇಲೆ ಪಟ್ಟಶಿಷ್ಯ ಶ್ರೀಮತ್ ಸಂಯಮೀಂದ್ರ ತೀರ್ಥ ಸ್ವಾಮೀಜಿ ತಾಂಗೇಲೆ ಚಾತುರ್ಮಾಸ ವ್ರತಾಚರಣೆ ಹರಿದ್ವಾರಾಚೆ ಶ್ರೀ ವ್ಯಾಸಾಶ್ರಮಾಂತು ಚಲತಾ ಮ್ಹಣಚೆ ಖಬ್ಬರ ಮೆಳ್ಳಾ.
ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠ
ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ನಂದನ ನಾಮ ಸಂವರ್‍ಸರಾಚೆ ಚಾತುರ್ಮಾಸ್ಯ ವೃತ ತಾ. ೦೯-೦೭-೨೦೧೨ ದಿವಸು ಬೆಳಗಾಂವಿಚೆ ಶ್ರೀ ವಿದ್ಯಾಧಿರಾಜ ಸಭಾಗ್ರಹಾಂತು ಆರಂಬ ಜಾಲ್ಲಯಾ. ತೇ ದಿವಸು ಪ್ರಾರ್ಥನಾ, ಶ್ರೀ ಮೃತ್ತಿಕಾ ಪೂಜನಾ, ಶ್ರೀ ಗಣೇಶ ಪೂಜನ, ಪುಣ್ಯಾಹವಾಚನ ದ್ವಾದಶ ಕಲಶಾರ್ಚನ, ಮಹಾಪೂಜಾ, ಮಹಾ ಸಂತರ್ಪಣ, ಶ್ರೀ ವ್ಯಾಸ ಪೂಜಾ, ಚಾತುರ್ಮಾಸ ವೃತ ಸ್ವೀಕಾರ, ಮಹಾ ಸಭಾ, ಸ್ವಾಮ್ಯಾ ತಾಕೂನು ಆಶೀರ್ವಚನ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ. ಪ|ಪೂ| ಸ್ವಾಮ್ಯಾಂಗೆಲೆ ಚಾತುರ್ಮಾಸ್ಯ ವೇಳ್ಯಾರಿ ನಾಗಪಂಚಮಿ(೨೩-೦೭-೨೦೧೨), ಅಭಿನಂದನಾ ಸಮಾರಂಭ (೦೧-೦೮-೨೦೧೨), ಋಗುಪಾಕರ್ಮ(ಶ್ರಾವಣಿ) (೨-೦೮-೨೦೧೨), ಶ್ರೀ ಕೃಷ್ಣ ಜನ್ಮಾಷ್ಟಮಿ(೯-೮-೨೦೧೨), ಶ್ರೀ ಮಹಾವಿಷ್ಣು ಯಾಗ(ಸೆಪೆಂಬರ್ ೧೩ ದಾಕೂನು ೧೫ ಪರ್ಯಂತ ತೀನ ದಿವಸು), ಶ್ರೀ ಗಣೇಶ ಚತುರ್ಥಿ(೧೯-೦೯-೨೦೧೨), ಅನಂತ ಚತುರ್ಥಿ ವೃತ(೨೯-೦೯-೨೦೧೨), ಮೃತ್ತಿಕಾ ವಿಸರ್ಜನ, ಚಾತುರ್ಮಾಸ ವೃತ ಸಮಾಪ್ತಿ(೩೦-೦೯-೨೦೧೨). ಸ್ವಾಮ್ಯಾಂಗೆಲೆ ಚಾತುರ್ಮಾಸ ವೇಳ್ಯಾರಿ ಗುರು ಭಿಕ್ಷಾ ಆನಿ ಗುರು ಸೇವೆಕ ಅವಕಾಶ ಆಸ್ಸುನು ಚಾತುರ್ಮಾಸ ಪೂರ್ಣಾವಧಿ ನಿತ್ಯ ಭಿಕ್ಷಾ ಸೇವಾ ರೂ: ೨೫,೦೦೫-೦೦, ಮಹಾಸಂತರ್ಪಣ ಭಿಕ್ಷಾಸೇವಾ : ರೂ. ೧೦,೦೦೫-೦೦, ಸರ್ವಸೇವಾ ಆನಿ ಭಿಕ್ಷಾ ಸೇವಾ : ರೂ. ೫೦೦೫-೦೦, ಆನಿ ಭಿಕ್ಷಾಸೇವಾ : ರೂ. ೧೦೦೫-೦೦ ಹೇ ಸೇವಾ ಕೊರಚೆ ಇಚ್ಛಾ ಆಶ್ಶಿಲ್ಯಾನಿ ಚಡ್ತ ಮಾಹಿತಿ ಖಾತ್ತಿರಿ. ಬೆಳಗಾಮ್ ಚಾತುಮಾಸ ಸಮಿತಿ, ಶ್ರೀ ವಿದ್ಯಾಧಿರಾಜ ಸಭಾಗ್ರಹ, ರಾಮನಗರ, ಬೆಳಗಾಮ್-೫೯೦೦೧೦, ಪೋನ್ : ೦೮೩೧-೨೪೭೦೮೦೮/ ೨೪೭೦೮೦೭ ಹಾಂಗಾಕ ಸಂಪರ್ಕ ಕೊರಯೇತ.
ಶ್ರೀ ಗೌಡ ಪಾದಾಚಾರ್ಯ ಮಠ ಸಂಸ್ಥಾನ ಕವ
ಸುಮಾರ ೧೬೦೦ ವರ್ಷಾಚೆ ಸುದೀರ್ಘ ಇತಿಹಾಸ ಆಸ್ಸುಚೆ ಶ್ರೀ ಸಂಸ್ಥಾನ ಗೌಡ ಪಾದಾಚಾರ್ಯ ಕವಳೇ ಮಠ ಗುರುಪರಂಪರೆಚೆ ೭೭ ಮಠಾಧೀಶ ಜಾಲೇಲೆ  ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ ನಂದನ ನಾಮ ಸಂವತ್ಸರಾಚೆ ಚಾತುರ್ಮಾಸು ದಕ್ಷಿಣ ಮುಂಬೈಚೆ ವಾಲ್ಕೇಶ್ವರ ಶ್ರೀ ಕವಳೇ ಮಠಾಂತು ಗುರು ಪೂರ್ಣಿಮಾ ತಾ. ೩-೭-೨೦೧೨ ದಿವಸು ಆರಂಭ ಜಾಲ್ಲ್ಯಾ.  ಅವುಂದು ಭಾದ್ರಪದ ಅಧಿಕ ಮಾಸ ಆಶ್ಶಿಲೆ ನಿಮಿತ್ತ ಪ|ಪೂ| ಸ್ವಾಮ್ಯಾಂಗೆಲೆ ಚಾತುರ್ಮಾಸ ಪಾಂಚ ಮೈನೋ ಕಾಳ ಮ್ಹಳಯಾರಿ ತಾ. ೨೫-೧೧-೨೦೧೨ ಪರ್ಯಂತ ಚಲ್ತಾ. ಸ್ವಾಮ್ಯಾಂಗೆಲೆ ಚಾತುರ್ಮಾಸ ಸಂದರ್ಭಾರಿ ಶ್ರೀ ಗಣೇಶೋತ್ಸವು, ನವರಾತ್ರಿ ಮಹೋತ್ಸವು, ಪಂಚಮಿ, ಶ್ರಾವಣಿ ಸೋಮಾರ್ ಇತ್ಯಾದಿ ಕಾರ್ಯಕ್ರಮ ವಿಜೃಂಭಣೇರಿ ಘಡಚೆ ಆಸ್ಸ. ಅಧಿಕ ಮಾಸಾಂತು ವಿಷ್ಣು ಸಹಸ್ರ ನಾಮ ಪಠಣ ಚಲ್ತಾ. ಮಠಾಚೆ ಶಿಷ್ಯ ಭಕ್ತ ಬಾಂಧವಾನಿ ಹಾಂತುಪೂರಾ ಅಧಿಕ ಸಂಖ್ಯಾರಿ ವಾಂಟೊ ಘೇವ್ನು ಹರಿ-ಗುರು ಕೃಪೇಕ ಪಾತ್ರ ಜಾವ್ಯೇತ ಜಾಲ್ಲ್ಯಾ. ಹೇ ವೇಳ್ಯಾರಿ ಗುರು ಭಿಕ್ಷಾ ಆನಿ ಗುರು ಸೇವೆಕ ಅವಕಾಶ ಆಸ್ಸುನು ಚಾತುರ್ಮಾಸ ಪೂಣಾವಧಿ ನಿತ್ಯ ಭಿಕ್ಷಾ ಸೇವೆಕ ರೂ. ೩೦,೦೦೦/-, ಉದಯಾಸ್ತಮಾನ ಸೇವೆಕ. ರೂ. ೨೧,೦೦೦/-, ಅನ್ನ  ಸಂತರ್ಪಣ ಸೇವೆಕ ರೂ. ೭,೦೦೦/-, ಸಂತಪಣ ಸೇವೆಕ ರೂ. ೫,೦೦೦/- ಆನಿ ಭಿಕ್ಷಾಸೇವಾ,  ಫಲಹಾರ ಸೇವಾ, ಪಾದ್ಯಪೂಜಾ ಸೇವಾ ಇತ್ಯಾದಿ ಕೊರಚಾಕ ವರೇಕ ಅವಕಾಶ ಆಸ್ಸ. ಆಸಕ್ತ  ಶಿಷ್ಯ ಯಾ ಭಕ್ತ ಬಾಂದವಾನಿ ಚಡ್ತೆ ಮಾಹಿತಿ ಖಾತ್ತಿರ ಏಚಿmಚಿಟಚಿಞshಚಿ Sಚಿಡಿಚಿಜಿ, Pಖ‌ಔ, ಏಚಿvಚಿಟe ಒಚಿಣh, Wಚಿಟಞeshತಿಚಿಡಿ oಡಿ Shಡಿee ಏಚಿvಚಿಟe ಒಚಿಣh, ೯೧, ಃಚಿಟಿgಚಿಟಿgಚಿ,Wಚಿಟಞeshತಿಚಿಡಿ , ಒumbಚಿi - ೪೦೦೦೦೬. Ph: ೨೩೬೨೫೫೬೬ ಹಾಂಗಾಕ ಸಂಪರ್ಕು ಕೊರಯೇತ.
ಶ್ರೀ ಚಿತ್ರಾಪುರ ಮಠ ಸಂಸ್ಥಾನ, ಶಿರಾಲಿ
ಶ್ರೀ ಸಂಸ್ಥಾನ ಚಿತ್ರಾಪುರ ಮಠಾಧಿಪತಿ ಶ್ರೀಮತ್ ಸದ್ಯೋಜಾತ ಶಂಕರಾಶ್ರಮ ಸ್ವಾಮ್ಯಾಂಗೆಲೆ ನಂದನ ನಾಮ ಸಂವತ್ಸರಾಚೆ ಚಾತುರ್ಮಾಸು ತಾ. ೦೩-೦೭-೨೦೧೨ ದಿವಸು ಶಿರಾಲೀಂತು ಆರಂಭ ಜಾಲ್ಲ್ಯಾ ಆನಿ ೩೦-೦೯-೨೦೧೨ಕ ಮುಕ್ತಾಯ ಜಾತ್ತಾ ಮ್ಹಣಚೆ ಮಾಹಿತಿ ಮೆಳ್ಳಾ.
ದೈವಜ್ಞ ಬ್ರಾಹ್ಮಣ ಮಠ  
ದೈವಜ್ಞ ಬ್ರಾಹ್ಮಣ ಮಠಾಧೀಶ ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತೀ ಸ್ವಾಮ್ಯಾಂಗೆಲೆ ೨೭ ವರ್ಷಾಚೆ ಚಾತುರ್ಮಾಸ್ಯ ವೃತಾಚರಣ ಧಾರ್‍ವಾಡಾಚೆ ದೈವಜ್ಞ ಭವನಾಂತು ಸೂರು ಜಾಲ್ಲ್ಯಾ.  ನಂದನ ಸಂವತ್ಸರಾಚೆ ಆಷಾಢ ಗುರುಪೂರ್ಣಿಮಾ ದಿ. ೩-೦೭-೨೦೧೨ ದಿವಸು ಪ|ಪೂ| ಸ್ವಾಮೆಂ ವ್ಯಾಸ ಪೂಜಾ ಬರೋಬರಿ ಚಾತುರ್ಮಾಸ್ಯ ವೃತ ಸುರುವಾತ ಕೆಲ್ಲಿಂತಿ. ಅಧಿಕ ಮ್ಹಹಿನ್ಯಾಚೆ ನಂತರ ನಿಜ ಭಾದ್ರಪದ ಮ್ಹಹಿನ್ಯಾಚೆ ಫುನ್ವೆ ದಿವಸು ಮ್ಹಳಯಾರಿ ೩೦-೯-೨೦೧೨ ದಿವಸು ಚಾತುರ್ಮಾಸ ಮುಕ್ತಾಯ ಜಾತ್ತಾ.  ಚಡ್ತ ಮಾಹಿತಿ ಖಾತ್ತಿರಿ ಅಧ್ಯಕ್ಷ ರವಿ ಗಾಂವಕರ (ಪೋನ್ ನಂ. ೯೩೪೩೫೨೬೬೩೪) ತಾಂಕಾ ಸಂಪರ್ಕು ಕೊರಯೇತ.

 ಕೊಂಕಣಿ ಸಾಹಿತ್ಯ ರಥಾಕ ಚಾಲನ
“ಕೊಂಕಣಿ ಭಾಷೆ ಖಾತ್ತಿರ ಚರ್ಡುವಾಂಕ ಆನಿ ಯುವಕಾರಾಂಕ ಅಭಿರುಚಿ ಫುಟ್ಚೆ ತಶ್ಶಿ ಕೊರಚೆ ಉದ್ದೇಶಾನ ಕರ್ನಾಟಕ ಕೊಂಕಣಿ ಅಕಾಡೆಮಿ ತರಪೇನ ೨೦೧೨ಂತು ಕೊಂಕಣಿ ವಿದ್ಯಾರ್ಥಿ ಯುವಜನ ಸಮ್ಮೇಳನ ಆಯೋಜನ ಕೊರಚೆ ಉದ್ದೇಶ ಆಸ್ಸ. ಮ್ಹೊಣು ಅಕಾಡೆಮಿ ಅಧ್ಯಕ್ಷ  ಕಾಸರಗೋಡು ಚಿನ್ನಾ ತಾನ್ನಿ ಆಲ್ತಾಂತು ಸಾಂಗ್ಲೆ. ಕೊಂಕಣಿಕ ತೃತೀಯ ಭಾಷೆ ಜಾವ್ನು ಶಿಕಯಚೆ  ೧೨೦ ಇಸ್ಕೂಲಾಚೆ ಗ್ರಂಥಾಲಯಾಂಕ ೧೦ ಲಾಕ್ ರೂಪಯ ಖರ್ಚಾಂತು ೧೮,೦೦೦ ಪಶಿ ಚ್ಹಡ ಕೊಂಕಣಿ ಪುಸ್ತಕ  ವಾಂಟೂಚೆ ಖಾತ್ತಿರ ಆಲ್ತಾಂತು ಮಂಗಳೂರ್‍ಚೆ ಬಿಜೈ ಲೂರ್ಡ್ಸ್ ಸೆಂಟ್ರಲ್ ಸ್ಕೂಲಾಂತು ಆಯೋಜಿತ ಸಮಾರಂಭಾಂತು ಅಧ್ಯಕ್ಷತಾ ಘೇವ್ನು “ಕೊಂಕಣಿ ಸಾಹಿತ್ಯ ರಥಾಕ ಚಾಲನ ದೀವ್ನು ತಾನ್ನಿ ಉಲೈತಾಶ್ಶಿಲೆ. ಮುಖಾವೈಲೆ ದಿವಸಾಂತು ಕೊಂಕಣಿ ರಂಗಭೂಮಿ ಕಲಾವಿದಾಂಗೆಲೆ, ಸಿನೇಮಾ ಆಕ್ಟರಾಂಗೆಲೆ, ಸಂಗೀತ ಕಲಾವಿದಾಂಗೆಲೆ ಸಮಾವೇಶ ಸೈತ ಆಯೋಜನ ಕೊರಚೆ ಉದ್ದೇಶ ಆಸ್ಸ ಮ್ಹೊಣು ತಾನ್ನಿ ಸಾಂಗಲೆ. ಕೊಂಕಣಿ ಅಕಾಡೆಮಿ ಆಫೀಸ “ಕೊಂಕಣಿ ಸಾಂಸ್ಕೃತಿಕ ಕೇಂದ್ರ ಜಾವ್ನು ಕೊರಚೆ ಯೋಜನಾ ಘಾಲ್ನು ಘೆತ್ತಿಲೆ ಆಸ್ಸೂನು ಹಾಕ್ಕ ಜಾವ್ನು ಮುಖಾವೈಲೆ ದಿವಸಾಂತು ಚರ್ಡುಂವಾಲೆ ಆವಯಿ-ಬಾಪ್ಪಾನ ತಾಂಗೆಲೆ ಚರ್ಡುವಾಂಕ ಆಕಾಡೆಮಿಚೆ ಆಫೀಸಾಕ ಪೆಟೋವನು ದಿವಚಾಕ ತಯಾರ ಜಾವ್ಕಾ. ಮ್ಹೊಣು ತಾನ್ನಿ ಆಪೋವ್ಣಿ ದಿಲ್ಲಿ.
ಕೊಂಕಣಿಗಾ ಒಟ್ಟು ಕೊಂಕಣಿಂತು ವ್ಯವಹಾರ ಕರಾ
ಕೊಂಕಣಿ ಭಾಷಿಕಾನ ಆಪ್ಣಾಲೆ ಮಾತೃ ಭಾಷೆ ಖಾತ್ತಿರಿ ಅಭಿಮಾನ ವಾಡ್ಡೋವನು ಘೆವ್ಕಾ. ಕೊಂಕಣಿ ಲೋಕಾ ಬರಶಿ ಕೊಂಕಣಿಂತು ಉಲೋವ್ಚೆ ಮುಖಾಂತರ ತ್ಯಾ ಭಾಷೆಕ ಜೀವಂತ ಜಾವ್ನು ದವರ್‍ಚಾಕ ಪ್ರಯತ್ನ ಕೋರ್‍ಕಾ. ಮ್ಹೊಣು ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷ ಕಾಸರಗೋಡು ಚಿನ್ನಾ ತಾನ್ನಿ ಆಪೋವ್ಣಿ ದಿಲ್ಲಿ.  ತೃತೀಯ ಭಾಸ ಜಾವ್ನು ಕೊಂಕಣಿ ಶಿಕೋವ್ಚೆ ಇಸ್ಕೂಲಾಕ ಕೊಂಕಣಿ ಅಕಾಡೆಮಿಚಾನ ಕೊಂಕಣಿ ಪುಸ್ತಕ ವಾಂಟಪ ಖಾತ್ತಿರಿ  ಡೊಂಗರಕೇರಿಯ ಕೆನರಾ ಹೆಮ್ಮಕ್ಕಳ ಪ್ರೌಢ ಇಸ್ಕೂಲಾಂತು  ಆಯೋಜಿತ ’ಕೊಂಕಣಿ ಸಾಹಿತ್ಯ ರಥ’ಚೆ ಪಯಲೆ ಹಂತಾಚೆ ಕಾರ್ಯಕ್ರಮಾಚೆ ಸಮಾರೋಪಾಚೆ ಅಧ್ಯಕ್ಷತೆ ಘೇವ್ನು  ತಾನ್ನಿ ಉಲೈತಾಶ್ಶಿಲೆ. ಕೆನರಾ ಹೈಸ್ಕೂಲ್ ಮೈನ್‌ಚೆ ಮುಖ್ಯೋಪಾಧ್ಯಾಯ ಉಮೇಶ್ ಮಲ್ಯ ಆನಿ ಕೆನರಾ ಹೆಮ್ಮಕ್ಕಳ ಪ್ರೌಢಶಾಲೆಚೆ ಮುಖ್ಯೋಪಾಧ್ಯಾಯಿನಿ ಕೆ.ಸಿ. ಲೀಲಾವತಿ ತಾಂಕಾ ಕೊಂಕಣಿ ಪುಸ್ತಕಾಂ  ಹಸ್ತಾಂತರ ಕೆಲ್ಲಿ. ಬಿಜೆಪಿ ಮಂಗಳೂರು ನಗರ ದಕ್ಷಿಣ ಮಂಡಲ ಅಧ್ಯಕ್ಷ ಶ್ರೀಕರ ಪ್ರಭು ತಶ್ಶೀಚಿ ಶ್ರೀ ಕೃಷ್ಣಾ ಡೈರಿಚೆ ಆಡಳಿತ ನಿರ್ದೇಶಕ ಪ್ರದೀಪ್ ಜಿ. ಪೈ ತಾನ್ನಿ ಮುಖೇಲ ಸೊಯರೆ ಜಾವ್ನು ಆಯ್ಯಿಲೆ.  “ಇಸ್ಕೂಲಾಕ ವಾಂಟಿಲೆ ಪುಸ್ತಕ ವಿದ್ಯಾರ್ಥಿ ಲೋಕಾನಿ ವಾಜ್ಜೂಕಾ. ಮ್ಹೊಣು ಶ್ರೀಕರ ಪ್ರಭುನಿ ಸಾಂಗ್ಲೆ.
      ಕೆನರಾ ಹೆಮ್ಮಕ್ಕಳ ಪ್ರೌಢ ಶಾಲೆಚೆ ಸಂಚಾಲಕ ವಾಮನ ಕಾಮತ್ ತಾಂಗೆಲೆ ಇಸ್ಕೂಲಾಂತು ಕೊಂಕಣಿ ಶಿಖಯ್ಚಾಕ ಸಹಕಾರ ದಿವಚೆ ಭರ್‍ವಸ ದಿಲ್ಲಿಂ. ಕೊಂಕಣಿ ಸಾಹಿತ್ಯ ರಥಾಚೆ ಸಂಚಾಲಕ ಜಾವ್ನು ರೋಯ್ ಕ್ಯಾಸ್ಟಲಿನೊ ತಾನ್ನಿ ಆಶ್ಶಿಲೆಂ. ಅಕಾಡೆಮಿಯ ರಿಜಿಸ್ಟ್ರಾರ್ ಡಾ| ದೇವದಾಸ್ ಪೈ ತಾನ್ನಿ ಸುರವೇಕ ಯೇವ್ಕಾರ ಕೆಲ್ಲಿ. ಸಹ ಸಂಚಾಲಕ ಮಹೇಶ್ ಆರ್ ನಾಯಕ್ ತಾನ್ನಿ ಆಬಾರ ಮಾನ್ಲೆ. ಅಕಾಡೆಮಿ ಸದಸ್ಯ ಜಾಲೇಲೆ ಅಶೋಕ್ ಶೇಟ್ ಆನಿ ರಾಜಾರಾಮ ನಾಯಕ್ ಉಪಸ್ಥಿತ ಆಶ್ಶಿಲೆ. ರಾಘವೇಂದ್ರ ರಾವ್  ತಾನ್ನಿ ಕಾರ್ಯಕ್ರಮ ನಿರ್ವಹಣ ಕೆಲ್ಲಿ. ಹೇ ಸಂದಭಾರಿ ದೋನಿ ದಿವಸು ಚಲೇಲೆ ಪಯಿಲೆ ಹಂತಾಚೆ ಕಾರ್ಯಕ್ರಮಾಂತು ೨೦ ಇಸ್ಕೂಲಾಕ ಕೊಂಕಣಿ ಪುಸ್ತಕ ವಿತರಣ ಚೆಲ್ಲಿ.
ಮಂಗ್ಳೂರಾಂತು ‘ಕೊಂಕಣಿ ಮಾಂಟೋವ್’ಕ ಚಾಲನ

“ಕೊಂಕಣಿ ಮಾಂಟೋವ್ ಮೂಖಾಂತರ ಕೊಂಕಣಿ ಸಾಂಸ್ಕೃತಿಕ ಕಾರ್ಯಕ್ರಮ ವ್ಯಾಪಕ ಜಾವ್ನು ಪಸರೊ ಮ್ಹೊಣು   ರಾಜ್ಯ ವಿಧಾನ ಸಭೆಚೆ ಉಪಸ್ಪೀಕರ್ ಎನ್.ಯೋಗೀಶ್ ಭಟ್  ತಾನ್ನಿ ಆಶಯ ವ್ಯಕ್ತ ಕೆಲ್ಲಿ. ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡಮಿಚೆ ಕಚೇರಿ ಆವಾರಾಂತು ೩೦-೦೬-೨೦೧೨ ದಿವಸು  ‘ಕೊಂಕಣಿ ಮಾಂಟೋವ್’ಕ ಚಾಲನ ದೀವ್ನು ತಾನ್ನಿ ಉಲೈತಾಶ್ಶಿಲೆಂ.
“ಕೊಂಕಣಿ ಸಂಸ್ಕೃತಿ ಹೇ ಮಾಂಟ್ವೆ ಮೂಖಾಂತರ  ನಿರಂತರ ಜಾವ್ನು ಚಲೊ, ಅಕಾಡಮಿನ ಘಾಲ್ನು ಘೆತ್ತಿಲೆ ಘರಘರಾಂತು ಕೊಂಕಣಿ ಮ್ಹಣಚೆ ವಿಭಿನ್ನ  ನಮೂನ್ಯಾಚೆ ಕಾರ್ಯಕ್ರಮ ಜಾವ್ನಾಸ್ಸುನು, ತಾಜ್ಜ ಬರಶಿ ಕೊಂಕಣಿ ಸಾಹಿತ್ಯ, ಹಾಸ್ಯ, ಚಿಂತನ ಹರ್‍ಯೇಕ ಘರಾಕ ಪಾವಚೆ ವರಿ ಜಾಂವೊ. ಮ್ಹಳ್ಳಿಂತಿ. ಅಕಾಡಮಿಚೆ ‘ಕೊಂಕಣಿ ಸುಗಂಧ್’ ಮೈನ್ಯಾ ಸಾಂಸ್ಕೃತಿಕ ಕಾರ್ಯಕ್ರಮ ತುಳು ಸಾಹಿತ್ಯ ಅಕಾಡಮಿ ಅಧ್ಯಕ್ಷ ಉಮಾನಾಥ ಕೋಟ್ಯಾನ್ ತಾನ್ನಿ ಉದ್ಘಾಟನ ಕೆಲ್ಲಿ. ಅಕಾಡಮಿ ಅಧ್ಯಕ್ಷ ಕಾಸರಗೋಡು ಚಿನ್ನಾ ತಾನ್ನಿ ಅಧ್ಯಕ್ಷತೆ ಘೆತ್ತಿಲೆ.
ಸದಸ್ಯ ವಿಕ್ಟರ್ ಮಥಾಯಸ್, ಮಹೇಶ್ ಆರ್. ನಾಯಕ್ ಉಪಸ್ಥಿತ ಆಶ್ಶಿಲೆ. ಕರ್ನಾಟಕಾಂತು ಕೊಂಕಣಿ ಶಿಕ್ಷಣಾಚೆ ಸ್ಥಿತಿ-ಗತಿ ಖಾತ್ತಿರಿ ಡಾ.ಮೋಹನ್ ಪೈ ತಶ್ಶೀಚಿ  ಕೊಂಕಣಿ ಕಾವ್ಯ ಪರಂಪರೆ ವಿಷಯಾಂತು ಮೆಲ್ವಿನ್ ರೊಡ್ರಿಗಸ್  ತಾನ್ನಿ ಉಪನ್ಯಾಸ ದಿಲ್ಲೆ. ಹೇ ಸಂದರ್ಭಾರಿ ರಂಗಕರ್ಮಿ ಬೆನೆಡಿಕ್ಟ್ ಮಿರಾಂದ, ನಾಟಕ ರಚನೆಕಾರ ಜಾಲೇಲೆ ಆಶಾ ದಿನೇಶ ನಾಯಕ್ ತಾಂಕಾ ಸನ್ಮಾನ ಕೆಲ್ಲೆ. ಅಕಾಡಮಿ ರಿಜಿಸ್ಟ್ರಾರ್ ಡಾ.ಬಿ.ದೇವದಾಸ್ ಪೈನಿ ಯೇವ್ಕಾರ ಕೆಲ್ಲಿ. ಸದಸ್ಯ ಅಶೋಕ್ ಶೇಟ್ ತಾನ್ನಿ ಆಬಾರ ಮಾನಲಿ. ಸ್ಮಿತಾ ಪ್ರಭುನಿ ಕಾರ್ಯಕ್ರಮ ನಿರೂಪಣ ಕೆಲ್ಲಿ.

Saraswati Prabha Hubli

“ಸರಸ್ವತಿ ಪ್ರಭಾ ತರಪೇನ ಪೊರನೆ ಯಕ್ಷಗಾನ ಪ್ರಸಂಗ ಪುನರ್ ಮುದ್ರಣ ಯೋಜನ ಆರಂಭ

ಕೊಂಕಣಿ ಭಾಷೇಕ ಘೆಲೇಲೆ ೨೪ ವರ್ಷಾಚಾನ ಪತ್ರಿಕಾ, ಪುಸ್ತಕ ಪ್ರಕಟಣ, ವಿದ್ಯಾರ್ಥ್ಯಾಂಕ ವಿದ್ಯಾರ್ಥಿ ವೇತನ, ನೆಟ್ ಬ್ಲಾಗ್ ಮೂಖಾಂತರ ವಿಶ್ವಾದ್ಯಂತಾಚೆ ಕೊಂಕಣಿಗಾಂಕ  ಕನ್ನಡ ಆನಿ ದೇವನಾಗರಿ ಲಿಪಿಂತು ಕೊಂಕಣಿ ಖಬ್ಬರ ಪಾವೈತಾ ಆಶ್ಶಿಲೆ ಹುಬ್ಬಳ್ಳಿ “ಸರಸ್ವತಿ ಪ್ರಭಾ ತರಪೇನ “ಪೊರನೆ ಕನ್ನಡ ಯಕ್ಷಗಾನ ಪ್ರಸಂಗಾಂಚೆ ಪುನರ್ ಮುದ್ರಣಾಚೆ ಆನ್ನೇಕ ಯೋಜನಾ ಆರಂಭ ಜಾಲ್ಲಯಾ.  ಸುಮಾರ ಸಾಠ ವರ್ಷಾ ಪಶಿ ಚ್ಹಡ ಕಾಲ ಯಕ್ಷಗಾನ ಕ್ಷೇತ್ರಾಕ ಅಪರಿಮಿತ ಸೇವಾ ಪಾವೆಯಿಲೆ, ಯಕ್ಷಗಾನ ಭೀಷ್ಮ ದಿ|| ಆರ್‍ಗೋಡು ರಾಮಚಂದ್ರ ಶೆಣೈ ಹಾಂಗೆಲೆ ಸ್ಮರಣೆ ಖಾತ್ತಿರಿ ಹೇ ಯೋಜನ ಹಾತ್ತಾಕ ಘೆತ್ತಿಲೆ ಆಸ್ಸುನು ತಾಜ್ಜೆ ಪ್ರಥಮ ಫೂಲ ಜಾವ್ನು “ಭೀಷ್ಮಾರ್ಜುನರ ಕಾಳಗ ಆನಿ ಲವಕುಶರ ಕಾಳಗ ಮ್ಹಣಚೆ ದೋನಿ ಪ್ರಸಂಗ ಸೇರ್‍ಸುನು ಪ್ರಕಟ ಕೆಲೀಲೆ “ಯಕ್ಷಗಾನ ಪ್ರಸಂಗ ಪುಸ್ತಕ ಆಲ್ತಾಂತು ಉಡ್ಪಿಂತು ಯಕ್ಷಗಾನ ಕಲಾರಂಗ(ರಿ) ಹಾನ್ನಿ ಆಯೋಜಿತ ಏಕ ಸಮಾರಂಭಾಂತು ಪರ್ಯಾಯ ಶ್ರೀ ಸೋದೆ ವಾದಿಮಠಾಧೀಶ ಶ್ರೀ ಶ್ರೀ ವಿಶ್ವವಲ್ಲಭತೀರ್ಥ ಶ್ರೀಪಾದ ಸ್ವಾಮ್ಯಾನಿ ಉಗ್ತಾವಣ ಕೆಲ್ಲಿ. ಹೇ ಸಂದರ್ಭಾರಿ ಸರಸ್ವತಿ ಪ್ರಭಾ ತರಪೇನ ಶ್ರೀ ಅಪ್ಪುರಾಯ ಪೈ ಸಮೇತ ಯಕ್ಷಗಾನ ಕಲಾರಂಗ (ರಿ) ಉಡುಪಿ ಹಾಜ್ಜೆ ಕಾರ್ಯದರ್ಶಿ ಶ್ರೀ ಮುರಲಿ ಕಡೆಕಾರ್, ಯಕ್ಷಗಾನ ಅಕಾಡೆಮಿ ಅಧ್ಯಕ್ಷ ಪ್ರೋ. ಎಮ್.ಎಲ್.ಸಾಮಗ, ಶ್ರೀ ಆರ್‍ಗೋಡು ಮೋಹನದಾಸ ಶೆಣೈ ಆದಿ ಗಣ್ಯ ಉಪಸ್ಥಿತ ಆಶ್ಶಿಲೆ. ವರದಿ : ಅಪ್ಪುರಾಯ ಪೈ.

ಸಾಲಿಗ್ರಾಮ ಗಣೇಶ ಶೆಣೈಂಕ ರಾಜ್ಯ ಪ್ರಶಸ್ತಿ
ದಾವಣಗೆರೆಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆ, ಯಕ್ಷರಂಗ ಯಕ್ಷಗಾನ ಸಂಸ್ಥೆಂಚೆ ಸಂಸ್ಥಾಪಕ ಜಾವ್ನು ಘೆಲೇಲೆ ತೀಸ ವರ್ಷಾಚಾನ ಕಲಾ, ಸಾಹಿತ್ಯ, ಸಂಗೀತ, ಸಂಸ್ಕೃತಿ ತಶ್ಶೀಚಿ ಕನ್ನಡ ಭಾಷೆ, ನೆಲಾ ಖಾತ್ತಿರಿ ವಾವ್ರೊ ಕರ್ತಾ ಆಪಣಾಂಗೆಲೆ ಉದ್ದಿಮೆ ಬರ್ಶಿ ಸಾರ್ವಜನಿಕ, ಸಾಂಸ್ಕೃತಿಕ ಕ್ಷೇತ್ರಾಂತೂ ಸಾಧನ ಕೆಲೇಲೆ ದಾವಣಗೆರೆಚೆ ಸಾಲಿಗ್ರಾಮ ಸಣೇಶ ಶೆಣೈಂಕ “ಸಾಂಸ್ಕೃತಿಕ ಸಾಧಕ ರಾಜ್ಯ ಪ್ರಶಸ್ತಿ ದೀವ್ನು ಆಲ್ತಾಂತು ಸನ್ಮಾನ ಕೆಲ್ಲೆ. ಉಡ್ಪಿಚೆ ಜಿಲ್ಲಾ ವರ್ತಕರ ಸಂಘಚಾನ ಸಂಘಟನ ಕೆಲೇಲೆ ಹೇ ಕಾರ್ಯಕ್ರಮಾಂತು ಹರ್‍ಯೇಕ ಜಿಲ್ಲ್ಯಾಕ ಏಕ್ಕೇಕ್ಳೆ ಮ್ಹಣಕೆ ತೀಸ ಜಿಲ್ಲೆಚೆ ೩೦ ಲೋಕ ಸಾಧಕಾಂಕ ಆಪೋವ್ನು ಸನ್ಮಾನ ಕೆಲೀಲೆ ವೇದಿಕೇರಿ ಪ್ರಖ್ಯಾತ ಉದ್ಯಮಿ ಮಟ್ಟಾರು ರತ್ನಾಕರ ಹೆಗ್ಡೆ, ಉಡುಪಿ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತ ಅಧ್ಯಕ್ಷ ನೀಲಾವರ ಸುಂದರ ಅಡಿಗ, ಅಂಬಲಪಾಡಿ ಶ್ರೀ ದುರ್ಗಾಪರಮೇಶ್ವರಿ ದೇವಳಾಚೆ ಧರ್ಮದರ್ಶಿ ವಿಜಯ ಬಲ್ಲಾಳ, ಕಾಂಗ್ರೆಸ್ ಮುಖಂಡ ಪ್ರಮೋದ ಮಧ್ವರಾಜ, ಬಿಜೆಪಿ ಅಧ್ಯಕ್ಷ ಉದಯಕುಮಾರ ಶೆಟ್ಟಿ, ಡಾ|| ಸಲೇಶ್ ಕಾಮತ್, ಸಾಹಿತಿ ಈಶ್ವರ ಚಿಟ್ಟಾಡಿ, ಪತ್ರಕರ್ತ ಅಬೂಬಕರ್, ಎಂ.ಜೆ.ರಾವ್, ಉಡುಪಿ ಜಿಲ್ಲಾ ವರ್ತಕರ ಸಂಘಾಚೆ ಅಧ್ಯಕ್ಷ ಐರೋಡಿ ಸಹನಶೀಲ ಪೈ ಆದಿ ಗಣಮಾನ್ಯ ಉಪಸ್ಥಿತ ವ್ಹರಲೀಲೆ.
ಆಲ್ತಾಂತು ಉಡ್ಪಿಚೆ ಹೋಟೆಲ್ ಉಡುಪಿ ರೆಸಿಡೆನ್ಸಾಂತು ಚಲೇಲೆ ಹೇ ಅಪರೂಪಾಚೆ ಕಾರ್‍ಯಕ್ರಮಾಂತು ಚರ್ಡುವಾಂಕ ವಿಂಗವಿಂಗಡ ಸ್ವರ್ಧಾ, ವಿದ್ಯಾದಾನ ಯೋಜನೆ ಸಕಲ ೩೦೦ ಚರ್ಡುವಾಂಕ ಪುಸ್ತಕ ವಿತರಣ, ದುರ್ಬಲ ಚಡುವಾಂಕ ವಿದ್ಯಾರ್ಥಿ ವೇತನ ವಾಂಟಪ, ಇತ್ಯಾದಿ  ಕಾರ್‍ಯಕ್ರಮ ಚಲ್ಲೆ. ಸಾಂಸ್ಕೃತಿಕ ಸಾಧಕ ಪ್ರಶಸ್ತಿ ಪುರಸ್ಕೃತ ಶ್ರೀ ಶೆಣೈ ತಾಂಕಾ ಕಲಾಕುಂಚ, ಯಕ್ಷರಂಗ, ಗಾಯತ್ರಿ ಪರಿವಾರ, ಗೌಡ ಸಾರಸ್ವತ ಸಮಾಜ, ದಾವಣಗೆರೆ, ಛಾಯಾಗ್ರಾಹಕ ಸಂಘ ದಾವಣಗೆರೆ, ಕೆನರಾ ಎಜ್ಯುಕೇಷನ್ ಟ್ರಸ್ಟ್ ಆದಿ ಸಂಸ್ಥೆಚೆ ಸದಸ್ಯ, ಪದಾಧಿಕಾರಿನ ಅಭಿನಂದನ ಪಾವೈಲಾ.
ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ ದಾವಣಗೆರೆ.
ದಾವಣಗೆರೆ ಪೇಂಟಾಂತು ಘೆಲೇಲೆ ೩೫ ವರ್ಷಾಚಾನ  ಗೌಡ ಸಾರಸ್ವತ ಸಮಾಜ ಬಾಂಧವಾಲೊ ಸಂಘಟನ, ಶಿಕ್ಷಣ, ಸಂಸ್ಕೃತಿ, ಆಧ್ಯಾತ್ಮಾಚೆ ಬರಶಿ ಧಾರ್ಮಿಕ ಆಚರಣೆ ಒಟ್ಟು ಕ್ರೀಯಾಶಿಲ ಜಾವ್ನಾಸ್ಸುಚೆ ದಾವಣಗೆರೆಚೆ ಗೌಡ ಸಾರಸ್ವತ ಸಮಾಜಾಚೆ ಸರ್ವ ಸದಸ್ಯಾಂಗೆಲೆ ಮಹಾಸಭಾ ತಾ. ೨೨-೦೭-೨೦೧೨ ದಿವಸು ಸಾಂಜ್ವಾಳಾ ೬-೩೦ಕ ಎಂ.ಸಿ.ಸಿ. ‘ಎ ಬ್ಲಾಕಾಂತು ಆಸ್ಸುಚೆ ಶ್ರೀ ಸುಕೃತೀಂದ್ರ ಕಲಾಮಂದಿರಾಂತು ಆಪೈಲಾ ಮ್ಹೊಣು ಸಮಾಜಾಚೆ ಪ್ರಧಾನ ಕಾರ್ಯದರ್ಶಿ ಸಾಲಿಗ್ರಾಮ ಗಣೇಶ ಶೆಣೈನ ಕಳೈಲಾ. ಅಧ್ಯಕ್ಷ ಶ್ರೀ ಕೆ.ಎನ್. ದೇವದಾಸ್ ಪೈ ಹಾಂಗೆಲೆ ಅಧ್ಯಕ್ಷತೇರಿ ಚೊಲಚೆ ಹೇ ಸಭಾಂತು ವಾರ್ಷಿಕ ವರದಿ, ವಾರ್ಷಿಕ ಲೆಕ್ಕಪತ್ರ ಮಂಡನ, ಅನುಮೋದನ ಇತ್ಯಾದಿ ಸಬಾರ ಕಾರ್ಯಕ್ರಮ ಚೊಲಚೆ ಬರಶಿ ಸಾಮೂಹಿಕ ಸತ್ಯನಾರಾಯಣ ಪೂಜಾಯಿ ಆಯೋಜನ ಕೆಲ್ಲಾ. ಹೇ ಮಹಾಸಭಾಕ ಹಾವೇರಿ, ಚಿತ್ರದುರ್ಗ ಆನಿ ದಾವಣಗೆರೆ ಜಿಲ್ಲೆಚೆ ಗೌಡ ಸಾರಸ್ವತ ಸಮಾಜಾಚೆ ಸರ್ವ ಸದಸ್ಯಾನಿ, ಪದಾಧಿಕಾರಿನ ಚಡ್ತೆ ಸಂಖ್ಯಾರಿ ಯೇವ್ನು ವಾಂಟೊ ಘೇವ್ಕಾ ಮ್ಹೊಣು ವಿನಂತಿ ಆಸ್ಸ.

Saraswati Prabha News ``Hubli''

ಹುಬ್ಬಳ್ಳಿ ಶ್ರೀ ಕಾಶೀಮಠ ವೆಂಕಟರಮಣ ಮಂದಿರ
ಹುಬ್ಬಳ್ಳಿ ಶಕ್ತಿಕಾಲೋನಿಂತು ಆಸ್ಸುಚೆ ಶ್ರೀ ಕಾಶೀಮಠ ವೆಂಕಟರಮಣ ಮಂದಿರಾಂತು ಶ್ರೀ ಪಂಚಧಾತು ಗಣಪತಿ ದೇವಾಲೆ ತಶ್ಶೀಚಿ ಪಂಚಧಾತು ನವಗ್ರಹ ದೇವಾಲೆ ಪ್ರತಿಷ್ಠಾಪನಾ ಸಮಾರಂಭ ತಾ. ೨೭-೦೬-೨೦೧೨ ದಿವಸು ವಿಜೃಂಭಣೇರಿ ಚಲ್ಲೆ. ತತ್ಸಂಬಂಧ ತಾ. ೨೬-೦೬-೨೦೧೨ ದಾಕೂನು ೨೯-೦೬-೨೦೧೨ ಪರ್ಯಂತ ದೇವತಾ ಪ್ರಾರ್ಥನಾ, ಪ್ರತಿಷ್ಟಾಂಗ ಸಂಕಲ್ಪ, ಕೌತುಕಸಂಸ್ಕಾರ, ಪ್ರತಿಷ್ಠಾಂಗ ವಾಸ್ತು, ನವಗ್ರಹ ಪ್ರಧಾನ ದೇವತಾ ಅವಾಹನೆ, ಪೂಜನ, ಕುಂಡ ಸಂಸ್ಕಾರ, ಅಗ್ನ್ಯಾನಯನ, ಸನವಗ್ರಹವಾಸ್ತು, ಅಧಿವಾಸ ಮಂತ್ರಹವನ, ಪ್ರಧಾನ ದೇವಾಕ ಪ್ರಸನ್ನ ಪೂಜಾ, ಮದ್ವಗುರು ಪೂಜಾ, ಸಾಂಜ್ವಾಳಾ ರಾಕ್ಷೆಘ್ನ ಹೋಮು, ಕೂಷ್ಮಾಂಡ ಬಲಿ ಪ್ರಧಾನ, ಸಂಪಾತಸಾನಿಧ್ಯ ಹವನ, ಸುಮುಹೂರ್ತ ನಿರೀಕ್ಷಣ, ದ್ವಾರಪೂಜಾ, ೯-೪೨ಚೆ ಸಿಂಹಲಗ್ನ ಸುಮೂರ್ತಾಂತು ಪಂಚಧಾತು ಗಣಪತಿ ವಿಗ್ರಹ ಪ್ರತಿಷ್ಠಾಪನ, ಅಷ್ಟಮಂಗಲ ನಿರೀಕ್ಷಣ, ಪ್ರತಿಷ್ಠಾಂಗ ಹೋಮು, ಉಪರಾಂತ ಪಂಚಧಾತು ನವಗ್ರಹ ವಿಗ್ರಹ ಪ್ರತಿಷ್ಠಾಪನ, ಪ್ರತಿಷ್ಠಾಂಗ ಹೋಮು, ಆನಿ ಪೂಜಾ, ಬಲಿಪ್ರಧಾನ, ಮಹಾಪೂರ್ಣಾಹುತಿ ಅಭಿಷೇಕ, ವಿಭೂತಿ ಗ್ರಹಣ, ಸ್ಥಾನೀಯ ಶ್ರೀ ವೆಂಕಟರಮಣ ದೇವಾಕ ಮಹಾಪೂಜಾ, ಆಶೀರ್ವಾದ ಗ್ರಹಣ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.
ಶ್ರೀ ವೆಂಕಟರಮಣ ದೇವಾಲೆ ಚಾತುರ್ಮಾಸ್ಯ ವೃತ
ಹುಬ್ಬಳ್ಳಿ ಶ್ರೀ ಕಾಶೀಮಠ ವೆಂಕಟರಮಣ ಮಂದಿರಾಂತು ಶ್ರೀ ವೆಂಕಟರಮಣ ದೇವಾಲೆ ಚಾತುರ್ಮಾಸ್ಯ ವೃತ ತಾ. ೨೯-೦೬-೨೦೧೨ ದಿವಸು ಆರಂಭ ಜಾಲ್ಲೆ. ತತ್ಸಂಬಂಧ ದೇವತಾ ಪ್ರಾರ್ಥನಾ, ದೇವಾಕ ಪಂಚಾಮೃತಾಭಿಷೇಕ, ಶೀಯಾಳ ಅಭಿಷೇಕ, ಶತಕಲಶಾಭಿಷೇಕ, ಪವಮಾನ ಅಭಿಷೇಕ, ಸಾನಿಧ್ಯ ಹವನ, ಮಹಾಪೂಜಾ, ಮಂಗಳಾರ್ತಿ, ಅನ್ನ ಸಂತರ್ಪಣ ಇತ್ಯಾದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.

 

ಹುಬ್ಬಳ್ಳಿ ಜಿ.ಎಸ್.ಬಿ ಸಮಾಜಾಚೆ ೬೭ಚೆ “ಸಮಾಜ ಡೇ 

“ವಜ್ರ ಕಾತ್ತರ್ಲಿ ತಶ್ಶಿ ತಾಜ್ಜೆ ಹೊಳಪ ಚಡ್ತೆ ತಶ್ಶಿ, ಸಮಾಜ ಬಾಂಧವಾಂಕ ಪರತ ಪರತ ಸಂಸ್ಕಾರ ಮೆಳ್ತಾ ಆಯ್ಯಿಲ ತಶ್ಶಿ ತಾಂಗೆಲೆ ಸದ್ಘುಣಾಚೆ ಹೊಳಪ ಚ್ಹಡ ಜಾತ್ತಾ ಅಶ್ಶಿ ಮ್ಹೊಣು ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂನಿ ಸಾಂಗ್ಲೆ. ತಾನ್ನಿ ತಾ. ೨೪-೦೬-೨೦೧೨ ದಿವಸು ಹುಬ್ಬಳ್ಳಿ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ೬೭ಚೆ “ಸಮಾಜ ಡೇ ಚೆ ದಿವ್ಯ ಸಾನಿಧ್ಯ ಆನಿ ಅಧ್ಯಕ್ಷತ ಘೇವ್ನು ಉಲೈತಾಶ್ಶಿಲೆಂ. ಮುಖಾರ್‍ಸುನು ಉಲೈಲೆ ತಾನ್ನಿ “ಸಮಾನ ಧರ್ಮ ಆಚರಣ ಕರತಾಲೆ ಮೇಳ್ನು ಸಮಾಜ ಜಾತ್ತಾ. ಜ್ಞಾನ ಆನಿ ತ್ಯಾಗ ಆಶ್ಶಿಲೆ ಸಮಾಜಾಕ ಗ್ಲಾನಿ ನಾ.ಸಮಾಜಾಚೆ ಸರ್ವ ಮ್ಹಾಲ್ಗಡೆ ಸದಸ್ಯಾನ ಸಂಘಟನ ಕೆಲೆಲೆ ನಿಮಿತ್ತ ಸಮಾಜ ಏಕತ್ರ ಜಾಲ್ಲೆ. ಆಮ್ಮಿ ತಾಂಗೇಲೆ ಸ್ಮರಣ ಕೆದನಾಂಯಿ ಕರತಾ ಉರಕಾ. ಮ್ಹೊಣೂಯಿ ತಾನ್ನಿ ಸಾಂಗ್ಲೆ.
ಸಮಾರಂಭಾಕ ಮುಖೇಲ ಸೊಯರೆ ಜಾವ್ನು ಭಟ್ಕಳಾಚೆ ಸಮಾಜ ಸೇವಕ ಆನಿ ಶಿಕ್ಷಣ ತಜ್ಞ ಶ್ರೀ ಸುರೇಂದ್ರ ಶಾನಭಾಗ ತಾನ್ನಿ ಆಯ್ಯಿಲೆ. ತಾನ್ನಿ ಉಲೋವ್ನು ಜಿ.ಎಸ್.ಬಿ. ಬಾಂಧವ ಅಪೇಕ್ಷರಹಿತ ಜಾವ್ನು ನಿಃಸ್ವಾರ್ಥಾನಿ ಜನಸೇವಾ ಕರತಾ ಆಸ್ಸತಿ. ಆಮಗೇಲೆ ಸ್ವಾಭಿಮಾನಿ ಸಮಾಜ, ಮಾತೃ‌ಋಣ, ಪಿತೃ‌ಋಣ, ದೇವ‌ಋಣ, ಗುರು‌ಋಣ ಮ್ಹೊಣು ಆಶ್ಶಿಲ್ವರಿ ಸಮಾಜ‌ಋಣ ಮ್ಹೊಣು ಆಸ್ತಾ. ಸಮಾಜಾಚಾನ ಘೆತ್ತಿಲೆ  ಪರತ ಆಮ್ಮಿ ಆಮ್ಮಿ ಸಮಾಜಾಕ ದಿವ್ಕಾ. ಆಜಿ ಹುಬ್ಬಳ್ಳಿ, ಬೆಂಗಳೂರ ತಸ್ಸಾಲೆ ಗಾಂವಾಂತು ಯವ್ನು ಸ್ಥಾಯಿ ಜಾವ್ನು ರಾಬ್ಬಿಲೆ ಪ್ರತಿಷ್ಠಿತ ಸಮಾಜ ಬಾಂಧವಾನಿ ತಾಂಗೆಲೆ ಮೂಳಗಾಂವ್ಚೆ ದುರ್ಬಲ ಸಮಾಜ ಬಾಂಧವಾಂಕ ಮದ್ದತ ಕೊರಚಾಕ ಮುಖಾರ ಯವ್ಕಾ. ಮ್ಹೊಣು ತಾನ್ನಿ ಆಪೋವ್ಣಿ ದಿಲ್ಲಿ.
ವೇದಿಕೆ ವಯರಿ ಪ|ಪೂ| ಸ್ವಾಮ್ಯಾಂಗೆಲೆ ಬರಶಿ ಸರ್ವಶ್ರೀ ಸುರೇಂದ್ರ ಶ್ಯಾನಭಾಗ, ದಿನೇಶ ಪೈ, ವಿ.ಜಿ. ಪ್ರಭು, ರಾಮಚಂದ್ರ ಕಾಮತ್, ಕೃಷ್ಣಕುಮಾರ ಪೈ, ಬೆಳಗಾಂವಿ, ಶ್ರೀಪಾದ ಭಟ್, ಪುತ್ತು ಪೈ, ಸಮಾಜಧ್ಯಕ್ಷ ಆರ್.ಎನ್.ನಾಯಕ್, ಕಾರ್ಯದರ್ಶಿ ವಿ.ಜಿ.ಶಾನಭಾಗ, ಉದಯ ಜಿ. ಶಾನುಭಾಗ ಆದಿ ಲೋಕ ಉಪಸ್ಥಿತ ಆಶ್ಶಿಲೆಂ.  ಸುರವೇಕ ಶ್ರೀ ಸದಾನಂದ ಎಸ್. ಕಾಮತ್ ತಾನ್ನಿ ಸರ್ವಾಂಕ ಸ್ವಾಗತ ಕೆಲ್ಲಿ. ಸಮಾಜಾ ತರಪೇನ ಅಧ್ಯಕ್ಷ ಶ್ರೀ ಆರ್.ಎನ್. ನಾಯಕ್ ತಾನ್ನಿ ಸ್ವಾಮ್ಯಾಂಗೆಲೆ ಪಾದ್ಯಪೂಜಾ ಕೆಲ್ಲಿ. ಗೌ.ಕಾರ್ಯದರ್ಶಿ  ವಿ.ಜಿ.ಶಾನುಭಾಗ ತಾನ್ನಿ ಘೆಲೇಲೆ ವರ್ಷಾಚೆ ಸಮಾಜಾಚೆ ವರದಿ ವಾಚನ ಕೆಲಯಾರಿ, ಮಹಿಳಾ ವಿಭಾಗಾಚೆ ವರದಿ ವಾಚನ ಶ್ರೀಮತಿ ವಂದನಾ ಶಾನಭಾಗ ತಾನ್ನಿ ಕೆಲ್ಲೆ. ಹೇಂಚಿ ಸಂದರ್ಭಾರಿ ಸಮಾಜಾಚೆ ಮ್ಹಾಲ್ಗಡೆ ಸದಸ್ಯಾಂಗೆಲೆ ಸನ್ಮಾನು ಚಲ್ಲೆ. ಅವುಂದು ಶ್ರೀ ಎಮ್.ಎಸ್.ಗಾಯ್ತೊಂಡೆ, ಶ್ರೀ ವಾಸುದೇವ ಗೋವಿಂದ ಪೈ ಆನಿ ಶ್ರೀ ರಮೇಶ ಎಮ್. ಕಾಮತ್ ತಾಂಕಾ ಸಮಾಜಾಧ್ಯಕ್ಷ ಶ್ರೀ ಆರ್.ಎನ್. ನಾಯಕ್ ಮಾಮ್ಮಾನಿ ಶಾಲ ಪಾಂಗೂರ್ನು, ಫುಳ್ಳಾ ಮಾಳ ಘಾಲ್ನು, ಯಾದಗಾರ ದೀವ್ನು ಸನ್ಮಾನ ಕೆಲಯಾರಿ, ಪ|ಪೂ| ಸ್ವಾಮ್ಯಾನಿ ಫಲಮಂತ್ರಾಕ್ಷತ ದೀವ್ನು ಆಶೀರ್ವಾದು ಕೆಲ್ಲಿ. ಸನ್ಮಾನಿತಾಂಗೆಲೆ ಪರಿಚಯ ಶ್ರೀ ಶ್ರೀಕಾಂತ ಮಹಾಲೆ ತಾನ್ನಿ ಕೆಲ್ಲೆ.
ಅವುಂದು ಅತ್ಯುತ್ತಮ ದಾರ್‍ಲೊ ಸ್ವಯಂಸೇವಕ ಮ್ಹೊಣು ಶ್ರೀ ಕೃಷ್ಣಾನಂದ ಆರ್. ಶ್ಯಾನಭಾಗ ಆನಿ ಅತ್ಯುತ್ತಮ ಬಾಯ್ಲ ಸ್ವಯಂಸೇವಕ ಮ್ಹೊಣು ಶ್ರೀಮತಿ ಸುವರ್ಣ ಸತೀಶ ಮಹಾಲೆ ತಾಂಕಾ ವಿಂಚೂನು ಹೇ ಸಂದರ್ಭಾರಿ ಶೀಲ್ಡ್ ದೀವ್ನು ಸನ್ಮಾನ ಕೆಲ್ಲೆ. ಎಸ್.ಎಸ್.ಎಲ್.ಸಿ., ಪಿ.ಯು.ಸಿಂತು ಚಾಂಗ ಮಾರ್ಕ್ಸ ಘೆತ್ತಿಲ್ಯಾಂಕ ಬಹುಮಾನ ಆನಿ ದತ್ತುಸ್ವೀಕಾರ ಯೋಜನೆಚೆ ಫಲಾನುಭವಿಂಕ ಆರ್ಥಿಕ ಸಹಾಯು ಪ|ಪೂ| ಸ್ವಾಮ್ಯಾಂಗೆಲೆ ಹಾತ್ತಾನ ವಿತರಣ ಜಾಲ್ಲೆ. “ರಾಷ್ಟ್ರಗೀತೆ ಭರಶಿ “ಸಮಾಜ ಡೇ ಕಾರ್ಯಕ್ರಮ ಮುಕ್ತಾಯ ಜಾಲ್ಲೆ.
ತತ್ಸಂಬಂಧ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮೆಂ ತಾ. ೨೨-೦೬-೨೦೧೨ ತಾಕೂನು ೦೧-೦೭-೨೦೧೨ ಪರ್ಯಂತ “ಸರಸ್ವತಿ ಸದನಾಂತು ಮೊಕ್ಕಾಂ ಆಶ್ಶಿಲೆಂ. ಹೇ ಸಂದರ್ಭಾರಿ ಪ್ರತಿನಿತ್ಯ ಭಜನ, ಮಹಾಪೂಜಾ, ಪ|ಪೂ| ಸ್ವಾಮ್ಯಾಂಗೆಲೆ ಭೀಕ್ಷಾ, ಪಾದ್ಯಪೂಜಾ, ಸತ್ಯನಾರಾಯಣ ಪೂಜಾ, ಸಾಂಸ್ಕೃತಿಕ ಕಾರ್ಯಕ್ರಮ ಜಾವ್ನು “ಭಕ್ತ ಸುಧನ್ವ ಯಕ್ಷಗಾನ, ಕೊಂಕಣಿ ನಾಟಕ “ಗೊಮ್ಟೆ ಮಾಮ್ಮಾಲೆ ಹಿಮ್ಟಪಣ,  , ಭರತ ನಾಟ್ಯ, ಡಾ|| ಪವನ ಭಟ್ ದಾಕೂನು ಕಥಾ ಕೀರ್ತನಾ, ಮುಂಬೈಚೆ ತ್ರಿವೇಣಿ ನಾಟ್ಯ ಕಲಾ ಸಂಘ ದಾಕೂನು ಋಣಾನುಬಂಧ ಮ್ಹಣಚೆ ಕೊಂಕಣಿ ನಾಟಕ  ಪ್ರದರ್ಶನ ಇತ್ಯಾದಿ  ಕಾರ್ಯಕ್ರಮ ಚಲ್ಲೆ. ಹುಬ್ಬಳ್ಳಿಚೆ ಅಪಾರ ಸಮಾಜ ಬಾಂಧವ ಪೂಜ್ಯ ಸ್ವಾಮ್ಯಾಂಗೆಲೆ ಆಶೀರ್ವಾದ ಘೆತ್ಲೆ.
ಪೋಟೊ : ನಂದನ ಯು. ಶಾನುಭಾಗ

Saraswati Prabha Mangalore News

ಮಂಗ್ಳೂರಾಂತು ಶ್ರೀ ಕಾಶೀಮಠ ಸಂಸ್ಥಾನ ದೇವರ ಪುನರ್‌ಪ್ರತಿಷ್ಠೆ
ವಾರಾಣಸಿ ಶ್ರೀ ಕಾಶೀಮಠ ಸಂಸ್ಥಾನಾಂಚೆ ಆರಾಧ್ಯ ದೇವು ಶ್ರೀ ವ್ಯಾಸ ರಘುಪತಿ ದೇವಾಲೆ ಸಮೇತ ಮೂಲ ವಿಗ್ರಹ ಪುನರ್ ಪ್ರತಿಷ್ಠೆ ಮಂಗಳೂರಾಚೆ ಶ್ರೀ ವೆಂಕಟರಮಣ ದೇವಳಾಂತು ಶ್ರೀ ಕಾಶೀ ಮಠಾಧೀಶ ಶ್ರೀಮತ್ ಸುಧೀಂದ್ರ ತೀರ್ಥ ಸ್ವಾಮೀಜಿ ತಾಂಗೇಲೆ ಹಸ್ತಾನಿ ತಾ. ೧೩-೦೬-೨೦೧೨ ದಿವಸು ಸಕ್ಕಾಣಿ ವಿಜೃಂಭಣೇರಿ ಘಡಲೆ. ಪ|ಪೂ| ಸ್ವಾಮ್ಯಾಂಗೆಲೆ ಪಟ್ಟಶಿಷ್ಯ ಶ್ರೀಮತ್ ಸಂಯಮೀಂದ್ರ ತೀರ್ಥ ಸ್ವಾಮೀಜಿ ತಾನ್ನಿ ಪೂರ್ವಭಾವಿ ಧಾರ್ಮಿಕ ವಿಧಿವಿಧಾನ ಚಲೈಲೀಂತಿ.  ಶ್ರೀ ಕಾಶೀಮಠಾಚೆ ಇತಿಹಾಸಾಂತು ಪಯಲೆ ಪಂತಾ ಘಡಿಲೆ ಹೇ ಪುನರ್‌ಪ್ರತಿಷ್ಠಾ ಮಹೋತ್ಸವಾಕ ದೇಶ-ವಿದೇಶಾಚಾನ ಅಪಾರ ಜಿ.ಎಸ್.ಬಿ. ಬಾಂದವ ಯವ್ನು ಜಮ್ಮಿಲೆ. ತಾಂಗೆಲೆ ಜಯಘೋಷಾ ಮಧ್ಯೆ ಹೇ ವಿಜೃಂಭಣೇಚೆ ಸಮಾರಂಭ ಘಡಲೆ. ತೆಂ ದೀಸು ಸಕ್ಕಾಣಿಪೂಡೆ ೫.೩೦ಗಂಟ್ಯಾ ದಾಕೂನು ಧಾರ್ಮಿಕ ವಿಧಿವಿಧಾನ ಸುರುವಾತ ಜಾಲ್ಲೆ. ಪಂಚಾಮೃತ ಅಭಿಷೇಕ, ೧೦೮ ಆವರ್ತನ, ಪವಮಾನ ಕಲಶಾಭಿಷೇಕ, ಋಕ್‌ಸಂಹಿತಾ ಕಲಶಾಭಿಷೇಕ, ಗಂಗಾದಿ ಸಪ್ತತೀರ್ಥ ಅಭಿಷೇಕ, ಯಜ್ಞಾಚೆ  ಪೂರ್ಣಾಹುತಿ ಆದಿ ಕಾರ್ಯಕ್ರಮ ಚಲ್ಲೆ. ದೇವಾಕ ಅಲಂಕಾರ, ನೈವೇದ್ಯಾಚೆ ಉಪರಾಂತ ಮಹೂರ್ತ ನಿರೀಕ್ಷಣ ಕೆಲೇಲೆ ಶ್ರೀಮತ್ ಸುಧೀಂದ್ರತೀರ್ಥ ಸ್ವಾಮೆಂ ತಾನ್ನಿ ಪ್ರಸನ್ನ ಪೂಜಾ  ಕೆಲ್ಲಿಂತಿ. ಮಾಗಿರಿ ಮಹೋತ್ಸವ ಸಮಿತಿ ಅಧ್ಯಕ್ಷ ತಶ್ಶೀಚಿ ಶ್ರೀ ದೇವಳಾಚೆ ಆಡಳಿತ ಮೊಕ್ತೇಸರ ಶ್ರೀ ಸಿ.ಎಲ್. ಶೆಣೈ ತಾಂಕಾ ಸಮಾಜಾಚೆ ಪ್ರಸಾದ ದೀವ್ನು ಆಶೀರ್ವಾದ ಕೆಲ್ಲಿಂತಿ. ಮಾಗಿರಿ ಜಮಿಲೆ ಭಕ್ತ-ಬಾಂಧವಾನಿ ಸಂಸ್ಥಾನಾಚೆ ಶ್ರೀ ದೇವಾಕ ಪಟ್ಟಕಾಣಿಕಾ ಸಮರ್ಪಣ ಕೋರ್ನು ಪ|ಪೂ| ಸ್ವಾಮ್ಯಾ ತಾಕೂನು ಪ್ರಸಾದ ಸ್ವೀಕಾರ ಕೆಲ್ಲೆ. ಧೋಂಪಾರಾ ಪ|ಪೂ| ಸ್ವಾಮ್ಯಾ ತಾಕೂನು ದೇವಾಕ ಸರ್ವಾಲಂಕಾರ ಪೂಜಾ ಚಲ್ಲೆ.
ಶ್ರೀ ಮಠಾಚೆ ಆನಿ ಧಾರ್ಮಿಕ ಪರಂಪರೆ ಪ್ರಮಾಣ ಚಲೇಲೆ ಹೇ ಅಪೂರ್ವ ಕಾರ್ಯಕ್ರಮಾಂತು ಶ್ರೀ ಕಾಶೀಮಠಾಚೆ ಅಪಾರ ಭಕ್ತ-ಬಾಂದವಾನಿ ವಾಂಟೊ ಘೆತ್ತಿಲೆ. ದೇವಳಾಚೆ ಆವಾರ, ರಾಜಾಂಗಣ, ಹೊರಾಂಗಣ, ರಥಬೀದಿಚೆ ಆವಾರಾಂತು ಪಂಚ್ವೀಸಾ ಪಶಿ ಚ್ಹಡ ಸಿ.ಸಿ. ಟಿ.ವಿ. ದವರ್ಲಿಲೆ. ಶ್ರೀ ಕಾಶೀಮಠಾಚೆ ವೆಬ್‌ಸೈಟ್ ಮೂಖಾಂತರ ನೇರಪ್ರಸಾರ, ಸ್ಥಳೀಯ ಕೇಬಲ್ ಜಾಲಾಂತೂ ಚಲೇಲೆ ನೇರಪ್ರಸಾರಾ ಮೂಖಾಂತರ ಆಸ್ತಿಕ ಭಕ್ತ ಹೇ  ಸಂಭ್ರಮ ವೀಕ್ಷಣ ಕೆಲ್ಲಿಂತಿ. ತ್ಯಾ ದಿವಸು ವೆಬ್‌ಸೈಟಾಂತು ಚಲೇಲೆ ನೇರಪ್ರಸಾರ ಸುಮಾರ ಸಾಡಿ ಸಾತ- ಆಠ ಲಾಕ್ ಲೋಕಾನಿ ವೀಕ್ಷಣ ಕೆಲ್ಯಾ. ದೇವಳಾಂತು ಭಜನಾ ಸಪ್ತಚೆ ಅಂಗಜಾವ್ನು ಅಖಂಡ ಭಜನ,  ಸಾಂಜ್ವಾಳಾ ರಾಜಾಂUಣಾಂತು ದೊನ್ನೀ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತಿರಿ ಸಭಾ  ಕಾರ್ಯಕ್ರಮ ಆನಿ ಆಶೀರ್ವಚನ ಚಲ್ಲೆ.
ಹಾಜ್ಜ ಪಯಲೆ ತಾ. ೨೪-೦೫-೨೦೧೨ ತಾಕೂನು ಹೇ ಸಂಬಂಧ ಧಾರ್ಮಿಕ ಕಾರ್ಯಕ್ರಮ, ವ್ಯಾಸ ರಥಯಾತ್ರಾ ಚಲೇಲೆ. ಭಟ್ಕಳಚಾನ ಸುರುವಾತ ಜಾಲೇಲೆ ಹೇ ರಥಯಾತ್ರಾ ಉಡುಪಿ, ಉಪ್ಪಿನಂಗಡಿ, ಕಾಪು, ಬೆಳ್ತಂಗಡಿ, ಕಾರ್ಕಳ, ಮೂಡಬಿದ್ರೆ, ಕೋಟ, ಮೂಲ್ಕಿ, ಸಾಸ್ತಾನ, ಕುಂದಾಪುರ, ಸಿದ್ದಾಪೂರ, ಕೋಟೇಶ್ವರ, ಕಾಸರಗೋಡ, ಗುರುಪುರ, ಬಂಟ್ವಾಳ, ಪುತ್ತೂರು ಸಮೇತ ತಾಜ್ಜ ಲಾಗ್ಗಿ ಆಸ್ಸುಚೆ ಗಾಂವಾಂತು ಬೊವ್ನು ೧೨-೦೬-೨೦೧೨ಕ ಮಂಗಳೂರಾಕ ಯವ್ನು ಪಾವ್ಲಿ. ಹಾಜ್ಜ ಬರಶಿ ತಾ. ೨೪-೦೫-೨೦೧೨ ತಾಕೂನು ೮-೦೬-೨೦೧೨ ಪರ್ಯಂತ ಚಲೇಲೆ ಪರಿಹಾರ ಧಾರ್ಮಿಕ ಕಾರ್ಯಕ್ರಮಾಂತು ಮಹಾಪ್ರಾರ್ಥನ, ಗಾಯತ್ರಿ ಜಪು ಆನಿ ಹವನ, ಅಷ್ಟೋತ್ತರ ಶತ ನಾರೀಕೇಳ ಗಣಯಾಗ, ನವಚಂಡಿಕಾ ಹವನ, ದುರ್ಗಾನಮಸ್ಕಾರ, ನವಗ್ರಹ ಜಪ ಆನಿ ಹವನ, ಮಹಾಸುದರ್ಶನ ಜಪ ಹವನ, ಧನ್ವಂತರಿ ಜಪಹವನ, ಅಷ್ಟೌಮಹಾಮಂತ್ರ ಜಪಾನುಷ್ಠಾನ, ಮಹಾವಿಷ್ಣು ಯಾಗ, ಋಕ್ಸಂಹಿತಾ ಯಾಗ, ದಂಪತಿ ಪೂಜಾ, ಬ್ರಹ್ಮಗಾಯತ್ರಿ ಜಪ ಹವನ ಇತ್ಯಾದಿ ವಿಧಿವಿಧಾನ ಚಲ್ಲೆ. ಆನಿ ತಾ. ೯-೬-೨೦೧೨ ತಾಕೂನು ೧೩-೦೬-೨೦೧೨ ಪರ್ಯಂತ ಚಲೇಲೆ ಶ್ರೀ ಕಾಶೀಮಠ ಸಂಸ್ಥಾನಾಚೆ ಶ್ರೀ ವಿಗ್ರಹಾಚೆ ಪುನಃಪ್ರತಿಷ್ಠಾ ಕಾರ್ಯಕ್ರಮ ಸಂಬಂಧ ಶ್ರೀ ವ್ಯಾಸರಘುಪತಿ ನರಸಿಂಹಾದಿ ದೇವಾಲೆ ಆಧಿವಾಸ ಪೂಜಾ, ಬಿಂಬಶುದ್ಧಿ ಪುರಃಸ್ಸರ ದ್ವಾದಶ ಕಲಶಾಭೀಷೇಕ, ಸಾನಿಧ್ಯ ಹವನ, ಶ್ರೀ ವ್ಯಾಸರಘುಪತಿ ನರಸಿಂಹ ಹನುಮಂತ ದೇವಾಲೆ ಮೂಲಮಂತ್ರಾದಿ ಜಪಾನುಷ್ಠಾನ, ಭಜನಾ ಸಪ್ತಾರಂಭ, ಪ್ರತಿ ದಿವಸು ತ್ರೈಕಾಲಿಕ ಆರಾಧನ ಸ್ತೋತ್ರಪಾಠ, ಶ್ರೀ ವ್ಯಾಸರಘುಪತಿ ದೇವಾಕ ಪಂಚವಿಂಶತಿ ಕಲಶಾಭಿಷೇಕ, ದೇವಾಕ ವಿಶೇಷ ಪಂಚಾಮೃತಾಭಿಷೇಕ, ಏಕೋತ್ತರ ಶತಕಲಶಾಭಿಷೇಕ, ಲಘುವಿಷ್ಣು ಹವನ, ವಿಶೇಷ ನವಗ್ರಹ ಹವನ, ಪ|ಪೂ| ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ಶ್ರೀ ವ್ಯಾಸರಘುಪತಿ ನರಸಿಂಹ ದೇವಾಲೆ ಪುನಃ ಪ್ರತಿಷ್ಠಾ. ಇತ್ಯಾದಿ ಧಾರ್ಮಿಕ ವಿಧಿ ಚಲ್ಲೆ. ತಾಜ್ಜ ಉಪರಾಂತ ೧೪-೦೬-೧೨ ತಾಕೂನು ೧೬-೦೬-೧೨ ಪರ್ಯಂತ ಶ್ರೀಮದ್ ಭಾಗವತ, ಶ್ರೀಮದ್ ವಾಲ್ಮೀಕೀರಾಮಾಯಣ ಪಾರಾಯಣ, ಸಂಕೀರ್ತನ ಸಪ್ತಾಚೆ ನಗರ ಭಜನಾ ಕಾರ್ಯಕ್ರಮ, ಸಂಕೀರ್ತನ ಸಪ್ತಾಚೆ ಮಂಗಲ ಆದಿ ಕಾರ್ಯಕ್ರಮ ಚಲೇಲೆ ಖಬ್ಬರ ಮೆಳ್ಳಾ.
ಪೋಟೋ : ಮಂಜು ನೀರೇಶ್ವಾಲ್ಯ.
ವರದಿ ಎಂ. ಗಣೇಶ ಕಾಮತ್, ಮೂಡುಬಿದಿರೆ.

Saraswati Prabha 15 -07-2012

ಸರಸ್ವತಿ ಪ್ರಭಾ ೧೫ ಜುಲೈ ೨೦೧೨ ಸಂಚಿಕೆಚೆ ವಿಶೇಷ
ವಿಶೇಷ ಲೇಖನ, * ಹೀಂಗು ಏಕ ಒಳಕ. ಆನಿ * ಗರ್ಭಪಾತ. ಮೈನ್ಯಾ ಕಾಣಿಂತು “ರುಕ್ಕಾ ತುಕ್ಕಾ ಟಕ್ಕಲ ಆಸ್ವೆ?. * ಕೋಪು ನಾಕ್ಕಾ ತಾಜ್ಜ ತಾಪು ತಿನ್ನಿಚೆ ಆನಿ ಅಂತಿಮ ಭಾಗ. * ಹಟ್ಟಂಗಡಿ ವಿಶ್ವನಾಥ ಕಾಮತ್ ಹಾನ್ನಿ ಬರೆಯಿಲೆ ನಾಟಕ “ಋಣಾನುಬಂಧ * ನಾಗೇಶ ಅಣ್ವೇಕರ ಹಾಂಗೆಲೆ “ಕೊಂಕಣಿ ಸ್ವಿಪದ ಸೂಕ್ತಿ * ವಿಷ್ಣು ಕಾಮತ್, ಕಟಪಾಡಿ ಹಾಂಗೆಲೆ  ಅಯ್ಯಾಪಣ ಆನಿ ಕುಂಕ್ಮಾಚೆ ಮಹತ್ವ.. ಆನಿ ಯೆಚ್ಚನ ಮ್ಹಣಚೆ ಲೇಖು. * ಶ್ರೀಮತಿ ಕಲಾವತಿ ಕಾಮತ ಹಾಂಗೆಲೆ ಆಧುನಿಕ ಹೊವ್ಯೊ. * ಮೆಗೇಲೆ ಉತ್ರಾಂತು ದುಡ್ಡು, ಕೀರ್ತಿ ಮ್ಹಣಚೆ ಶ್ರೇಷ್ಠವೇ? ಮ್ಹಣಚ ಖಾತ್ತಿರಿ ಚರ್ಚಾ. * ಪ್ರಾಪ್ತಿ ಧಾರವಾಹಿಚೆ ೧೯ ಭಾಗ. * ಪ|ಪೂ| ಸ್ವಾಮ್ಯಾಂಗೆಲೆ ಚಾತುರ್ಮಾಸ ವೇಳ್ಯಾರಿ ತಾಂಕ ಭೆಟ್ಟೂನು ಪುನೀತ ಜಾಯ್ಯಾತಿ. * ಶ್ರೀ ಶಾಂ.ಮ. ಕೃಷ್ಣರಾಯ ಹಾಂಕಾ 70 ಜಾಯ್ ದಿವಸು. * ಮಂಗಳೂರಾಂತು ಶ್ರೀ ಕಾಶೀಮಠ ದೇವಾಲೆ ಪುನರ್ ಪ್ರತಿಷ್ಠಾ ಸಮೇತ ವಿಂಗ ವಿಂಗಡ ಗಾಂವಾಂತು ಘಡೀಲೆ ಜಿ.ಎಸ್.ಬಿ. ಸಮಾಜ, ದೈವಜ್ಞ ಸಮಾಜ, ತಶ್ಶೀಚಿ ಕೊಂಕಣಿ ಖಬ್ಬರ.
ಸರ್ವ ಏಕ್ಕಾ ಸಂಚಿಕೇಂತು ಚೂಖನಾಶಿ ವಾಚ್ಚಿಯಾ.